Kwv huam los yos dab neeg

Nyob zoo peb txhua tug kuv tso ib zaj kwv huam rau peb tau nyeem txawm tsi zoo los txhob xav li cas. .

NYOB Nyob txawm muaj ib tug miv noog ya mus nrhiav noj lawm ntiaj teb.nws txawm pom muaj tej pab tuab neeg tau noj tsau npo noj seem noj so.thiab nws rov pom dua ib txhia mas tshai thiab nqhi kawg li. Vim lawv nyob tsi koom zos,
tug me noog hais rau lawv tias:
vim li cas nej ho tsi mus nyob tom zog?
lawv teb tias:
peb mus tsi tau vim peb yog neeg txom nyem lawv tsi nyiam peb, peb lam nyob dai ntsuav rau luas tej ntug zej ntug zog xwb os. Saib muaj ib muaj ib hnub lawv puag nco txog peb, pub rau peb puag tau noj xwb os. Vim peb tsi muaj kwv tsi muaj tij, tsi muaj nkauj tsi muaj muam yuav cev ib dia rau peb li os, peb thiaj los nyob zoo li no os me noo. Me noog yuas me noog! koj muaj tis eg qab ntuj los koj mus tau hauv ntuj los koj pom. Me noog yuas me noog koj muaj tw los muaj tis eg mus qhov twg tau, eg saib yog koj kam no koj pab mus hais rau peb niam peb txiv nyob rau ntiaj teb tias:

"nej yus tau ib pab nej tsi hlub tsi tshua tsi nco txog li no os nej cia nyob ua ntsoj ua ntsuag tsi muaj neeg hlub neeg tshua no os nawb. Peb nyob tshaib tshaib nqhis nqhis tsi muaj twg cev ib da dej los ib da mov rau peb li, koj pab mus hais rau lawv os nawb."

Ua li os kuv mus kuv mam hais og mog nej ua lub siab ntev ntev os nawb.mam nyob nej os .mus zoo koj nawb .ce me noog ya yuj lias rau nplaj teb nws pom neeg nplaj teb noj tsau haus qaus ua nkauj ua nraug lom lom vab vab, ua tso ua rog nyiav quaj ntsog qeeg. ces nws txawm ya los hais rau lawv tias:

"nej ua niam ua txiv nej yus tau nej ib pab me nyuam nej tsi saib tsi tu tsi hlub txog lawv nyob txom nyem ntsuav lawv tsi muaj noj muaj haus, lawv hais kom kuv los hais rau nej hlub lawv thiab xa zaub xa mov rau lawv tau noj thiab kom saib lawv puag dim ntawm txoj kev tshaib thiab thiab nqhis no."

Lawv hais kom kuv tuaj hais rau nej.Lawv teb tias peb tsi tau yus ib co tub los ib co ntxhais uas nyob qhov twg uas peb tsi tau pub rau lawv noj lawv haus uas yuav tshaib thiab nqhis sawv daws nyob lom zem xauv npo koj tsi pom lov! cov tub txi nej sai muab nws ntes kias peb muab ntxuag cawv kiag xwb.tam ntawd nws cia li ya plaws mus lawm nwg quaj quaj, nws ya plaws mus rau ntawm tso txiv ntoo ib xyoo nws txi kaum ob phaum txiv, nws cia so nyob qhov ntaw lawm. Nyob nyob tom qab no neeg nplaj teb mam nco txog nws cov lug hais rau lawv; thaum lawv paub ces lis lawm vim sij hawm hnub nyoog dhaus lawm. Sawv daws mam quaj thiab tom hnav nkawv nyob sab nrau. Xaus li no...,..

ZAJ No kuv tsi yog hais txog peb neeg nplaj teb yam noj tsa, tsuas yos xav hais txog ntawm peb sab ntsuj plis. vim peb lub cev tau noj tsau npo, peb tsi nco qab teev ntuj ces ib hnub twg peb tsi txais txoj sia nyob mus li. Vim peb tug ntsuj plig nyob qhuav siab qhawv tshaib tshaib nqhis nqhis.

Zoo kawg li os XH Ntxoov Tsab koj zaj kwv huam na.....txhais tau meej meej tias peb nyob ntiaj teb peb tsis pom cov neeg ntsuj plig tshaib thiab nqhis kawg tiam sis hnub peb mam paub ces lig lig lawm tiag. Cia kuv ho piav ib zaj kwv huam nej nyeem thiab nawb.

Puag thaum ub, muaj ib tug poj niam, nws ua neej nyob, nws muaj nyiaj muaj txiaj ntau ntau, nws tau noj seem noj so, nyob nyob muaj ib hnub nws cia li mob nthawv nthav tuag lawm, nws tus ntsuj plig mus txog puag saum ntuj, nws nyob rau saum ib tauv huab dawb paug, nws ntsia qhov twg los yog huab , nws ib leeg xwb ces txawm kho kho nws siab, nws seev seev, ua cia muaj ib tug txiv neej txawm tuaj hais rau nws tias: " Koj pom thaj chaw no, koj kho kho siab li, cia kuv coj koj mus xyuas lwm thaj chaw, koj nyiam nyob qhov twg, koj mam li xaiv ."

Tus txiv neej ntawv thiaj coj nws nqis mus hauv ib lub qhov ntuj, mus txog hauv lub qhov ntuj ua ciav pom neeg coob li coob, neeg mas nim nquam paj nquam nruas, noj nqaij txhiab nqiaj ncu ncho pa lam lwb lug dua puag tom tej, suab paj nruag mas nrov nroo ntws ib tog zus, neeg lom zem xauv npo, suab luag hiv hiv ham ham zoo siab tas tus.

Pom li ntawv tag, tus txiv neej ntawv thiaj coj tus pojniam rov qab los rau saum taud huab, thiab nug tus poj niam hais tias: " zaum no koj xaib seb koj yuav nyob qhov twg thiaj tsis kho kho koj siab, kuv yuav cia koj nyob qhov ntawv mus li."

Tus poj niam xav, cas nyob rau saumm tauv huab, nws nyob ib leeg xwb, tshav ntuj nrig huab dawb paug kho nws siab ua luaj, nsthe nyob suav mus ib sim ntshe yuav laj laj nyob, ntshe xum xaiv qhov neeg coob coob, nquam paj nruam nruas , noj seem noj so, suab luag ntxhi qhov txhia chaw ntshe yuav tsis laj nyob mus tag ib sim.

Tus poj niam thiaj hais rau tus txiv neej tias : " Kuv xaiv tau lawm, koj xa kuv mus nyob rau hauv qhov neeg coob coob, vim kuv ib txwm nyob nrog neeg coob coob thiab kuv ib txwm nyiam noj seem noj so li cov neeg hauv, kuv xav ua si lom zem tas mus li xwb, kuv tsis xav nyob rau ntawm no.

Tus txiv neej thiaj coj tus poj niam rov mus hauv lub qhov ntuj raws li nws ntshaw. Ua ciav tus poj niam mus txog hauv, tsis pom neeg li qub , tsuas pom tib co dab phem phem tuaj kub tuaj khaug, sib txeeb hlawv neeg rau ub rau no, tib neeg mas tus qw li cas los muaj tag, tus nsthaj tus nyiav los npau xi cuag kas laim ib tog zuj zus .

Tus pojniam ntshai dhau, tus pojniam qw qw thiab cem cem rau tus txiv neej tias: " Vim li cas koj ho dag kuv, koj ho coj kuv los rau qhov chaw phem tag npaum no, twb tsis yog qhov kuv pom los lawm, nws txawv thiab pom neeg suab nsthaj suab quaj , suab nyiav ."

Tus txiv neej teb rau nws tias: " Kuv tsis tau dag koj, qhov chaw no yeej yog qhov koj pom, qhov koj xaiv ua ntej koj yuav los, kuv coj koj los pom cov neeg no daim nqaij daim ntawv thaum ua neej nyob yaj ceeb,lom zem xauv npo,noj qab pw sov, tau zoo noj tau zoo hnav, qhov tseeb lawv nyob li no hauv lavw lub neej mus li, koj xaiv lawm koj yuav nyob no mus li.

Tus pojniam quaj pos muag nti, tus txiv neej ploj ntais lawm, tus poj niam thiaj raug mus hlawv thiab mus tsim txom zoo li qhov nws ntshaw, lub suab luag thiab qw nyob yaj ceeb, yuav yog lub quaj suab nyiav nyob nruab yeeb.

Txoj keeb kwm no tsuas yog ib txoj keeb kwm dab neeg piv txoj lus hauv ntiaj teb neeg daim nqaij daim tawv thiab sab ntsuj plig zoo txawv li cas xwb.