Neeg lub neej thiab txoj sia

**Maiv Paj Lug** 22nd October 2010, 10:00 am

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°1

Neeg lub neej thiab txoj sia

Post Maiv Paj Lug 22nd October 2010, 10:00 am

Neeg lub neej thiab txoj sia

Neeg lub neej thiab txoj sia Picasso_lavie1903

ua neeg nyob rau hauv lub ntiaj teb no
leej twg los tsuas xav muaj xwb tsis xav pluag
xav ua neeg nyob yeej tsis xav tuag .
Txhua yam nyob rau hauv lub ntiaj teb no
tsuas yog khoom siv xwb...
tsis yog yus li tiag tiag
siv tag ces tuag mus yeej nqa tsis tau mus...

Txoj kev hlub yuav poj niam yuav txiv los ib yam,
Tus twg los yeej zoo tag nrho
tsis tas yuav yuav tus zoo nkauj zoo nraug
los yog muaj nyiaj muaj txiaj xwb,
yuav yuav tus twg los yeej zoo ib yam
Tsuav sib hlub kom kawg xwb
vim tsis muaj leej twg yuav paub hnub tuag li...
Tsuas npaub hnub no xwb
yeej tsis paub tag kis.
tsuas yog tias yuav tau los lawm
ces yuav tsum sib sib hlub.
sib pab ua lub neej ua lub neej kom ntev
ua ntej thaum yuav sib ncaim xwb
txhua yam nyob hauv lub ntiaj teb no
tsuas yog khoom siv tag nrho xwb..

Ua neeg nyob yus yug los li cas
yeej yuav rov qab li ntawv tiaj tag
yus yug los tsis muaj dab tsi li
yus rov mus los yeej tsis muaj dab tsi nrog yus rov ib yam li ntawv thiab

ua neeg nyob yuav leej twg los..
thaum hluas ces yeej zoo kawg kaus..
tiam sis laus lawm ces yeej zoo ib yam tag nrho
tsuas yog ua ntej yuav sib yuav
thov kom sib hlub tiag xwb ua neeg zoo tiaj yuav tau zoo

**Maiv Tooj** 4th November 2010, 10:24 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°2

Re: Neeg lub neej thiab txoj sia

Post Maiv Tooj 4th November 2010, 10:24 am

Nyob zoo Maiv paj Lug,

Zoo siab hnub no kuv tuaj nyeem koj cov lus thoob tsib nov. Yeej yog li koj hais lawm, thaum yus yug los yus zoo li cas ces yuav rov li ntawd. Lub neej ntiaj teb nim khwv khwv cuag li yuav nqa tau mus saum Ntuj. Tab sis thaum mus ces yuav rov tes du lug.Lub neej ntiaj teb nim khwv ciaj khwv tuag cuag li yuav nqa mus txhua tab sis yuav rov tes qhuav.

Last edited by Maiv Tooj on 7th November 2016, 9:30 am; edited 1 time in total

**Maiv Paj Lug** 5th November 2010, 5:48 am

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°3

Re: Neeg lub neej thiab txoj sia

Post Maiv Paj Lug 5th November 2010, 5:48 am

Maiv Tooj, txoj kev khwv noj khwv haus nyob ntiaj teb, tsuas yog ib txoj kev taug rau peb kom ua neej ntev txhob tuag tshaib tuag nqhis xwb.

Leej twg txawm muaj ib pob nyiaj ntau ntau los yeej muab cia nyob Bank tas tus, peb yeej ev tsis tau nrog peb mus qhov twg kom luag paub tias peb nplua nuj.

Ib tug neeg txawj ntse npaum twg los yeej tsis muaj ib lub cim ntaus ntawm nws hauv npliaj ua ke nraim tias yog neeg ntse.

Peb ua neeg nyob, peb tsuas muaj peb 2 lub qhov muag, 2 lub pob ntseg thiab lub tswv yim thiaj nrog peb . Txhua tus tib neeg yeej muaj tib yam nkaus. Li no peb thiaj hais tias peb txawj sib hlub ces peb yuav pom tau tias tus muaj tsis txawv tus pluag, tus dub tawv tsis txawv tus dawb . Ua neej sib hlub ces yeej muaj nqis tshaj nyiaj thiab kub.

**Maiv Tooj** 5th November 2010, 9:01 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°4

Re: Neeg lub neej thiab txoj sia

Post Maiv Tooj 5th November 2010, 9:01 am

Nyob zoo Maiv Paj Lug,

Yog kawg, nyiaj thiab kub zoo tsis npaum muaj kev sib hlub
Kub thiab nyiaj zoo tsis npaum li kev sib nyiam

Tab sis tuaj kub txawj dag thiaj haub tau coob leej siab fab
Tab sis tuaj kub txawj ntxias thiaj dag tau ntau leej siab piam

Yog peb txawj muab li peb ntshaw txhua leej yuav kaj siab zoo plawv
Yog peb txawj pub li peb nyiam sawv daws yuav kaj plawv mus zoo siab

Ua neeg nyob yuav kaj siab tuag mus yuav pom Tswv Ntuj lub theej kiab
Ua neeg nyob yuav zoo plawv tuag mus yuav tau zaum ntawm Tswv Ntuj lub rooj ntawv.

Yog peb tau mus nyob Ceeb tsheej, txhua yam toob xib ntiaj teb yuav piv tsis tau ib feeb
Yog peb dim mus nrog Tswv Ntuj nyob, txhua yam txhiam xwm ntiaj teb yuav piv tsis tau ib nyuag qhov

Peb yuav tsis khuv xim yam peb tso tseg vim peb tau txais Tswv Ntuj HLUB peb
Peb yuav tsis khuv xim yam peb tso cia vim peb tau txais Tswv Ntuj txoj kev NYIAM

**Tub Ntxaws** 28th May 2012, 4:11 am

Tub Ntxaws

Tub Ntxaws: Messages : 20
Date d'inscription : 2012-02-21
Localisation : Tub Ntxaws

Post n°5

Re: Neeg lub neej thiab txoj sia

Post Tub Ntxaws 28th May 2012, 4:11 am

Nyob zoo ib tsoom phooj ywg yum yug los ua ib zaus neej sau ntiaj teb nov tsuag yog yug los ua qhua xwb muaj ib hnoob txoj sia yuav tu mus nros av xwb. Peb yuav ceev faj npaj txoj kev ntseeg kom zoo zoo muaj ib hnub txoj sia tu los yus tus ntsuj plig tseem tau nros tswv ntuj nyob ib txhiab mus ib txhis tsi muaj caij kawg tshuav ib kev cia siab yog peb tus tswv yes xus nws kov yeej kev tuag nws nce mus pem tswv ntuj lub teb chaws npaj tos muaj ib hnub twg nws yuav rov los tsa tej lub zog ntxa yuav sawv ua npoj mus ua ntxaig hauv tswv ntuj lub loog yus tus ntsuj plig li plhi lis plho dawb mos qas nyoos ya plhawv mus rau ceeb tsheej nroos txawm li cas los yus yug los liab qab cias yus txoj pa tu cias yuav mus liab qab yeej nqa tsi tau ib yam dab tsi los ua yus tus kas li os nawb. Yuav tau cim lis ntsoov tuaj nruab siab nco li nraim tuaj nruab plawv tias yus ua neej ua ib zaus xwb no os tswv ntuj ib leeg thiaj hlub peb txaus. Tswv ntuj ib leeg thiaj hlub peb txhua xwb os lawv nco ntsoov tsam ho plam kev ntseeg nawb mog mam sib ntsib dua.