Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» SAJ YES XUS KEV TXOM NYEM
by Bao X Mary Yesterday at 10:46 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:16 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 23rd March 2017, 9:26 pm

» XH. Yaj Zoov Ntxheb lub Tsev THOOB TSIB
by Maiv Tooj 23rd March 2017, 9:15 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 23rd March 2017, 9:10 pm

» MOO QAIJ QAUG
by Maiv Tooj 18th March 2017, 12:17 pm

» Thov Leej Ntshiab YOS XES
by Maiv Tooj 9th March 2017, 12:30 am

» Tshuaj NTSUAB
by Lajpovyaj 3rd March 2017, 4:48 am

» Hnub Txais Tshauv thiab Caij 40
by Mim 28th February 2017, 10:38 am

» TP.Txhiaj Foom lub TSEV Ntawv
by Maiv Tooj 21st February 2017, 8:04 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

Suav neeg tuaj saib, txij hnub 17/09/2010 los mus.


    Dab phem lub tswv yim

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5201
    Date d'inscription : 2009-08-18

    Dab phem lub tswv yim

    Post  Maiv Tooj on 10th January 2012, 11:37 am



    DAB PHEM LUB TSWV YIM NTXIAS NEEG.

    Dab phem yog ib tug lij lias nrhiav txoj kev kub ntxhov thiab cov nyom:

    Cais neeg = muab luag faib ==> Tiv thaiv =Lub Cim Yug
    Txawj dag ===> Tiv thaiv = qhov tseeb
    Hiam luag ===> tiv thaiv = Sib Hlub
    Kub ntxhov ===> tiv thaiv = siab dawb paug.

    Thaum muaj tej yam tseev kom tsuag tsuag, ceev ceev, maj ntuj maj teb, txiav txim siab sai sai mas tej zaud dab phem nyob tsis deb ntawd; vim nws tsis muaj caij ntau. Hos Tswv Ntuj mas Tswv Ntuj muaj caij, nws tseev muaj caij, nws tsis maj, tsis txhib, thaum twg los tau. Ib tiam neeg rau Huab Tais Ntuj zoo li ib ntsais muag xwb.



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: Dab phem lub tswv yim

    Post  Maiv Paj Lug on 11th January 2012, 4:49 am




    Dab phem lub tswv yim ua kom yus meem txom lub caij mus ua txoos nyob Tsev Teev Ntuj:

    1/ kom yus sawv lig, tuaj lig txhob ncav lub txoos thaum pib thiaj tsis tau hawm Tswv Ntuj.Kev daws / txhob mloog yus lub siab yuav tsum mloog yus lub cev, sawv kom ntxov.

    2/ kom yus lub siab xav ntxub tus neeg zaum ntawm yus ib sab, pem yus hauv ntej, thiab nram qab yus.Kev daws / Hais nyob zoo rau tus neeg zaum ntawm yus ib sab thiab ib ncig ntawm yus, hais lus luag ntxhi kom dab phem tshoj tsis tau yus lub siab ntxub.

    3/ kom yus tsaug zog.Kev daws / Hu nkauj kom nrov nrov.

    4/ kev nyuaj siab kev xav lwm yam los chaws hauv yus lub tswv yim thaum nyeem cov zaj.Kev daws / Txhob saib cov neeg ib ncig ntawm yus thiab hauv tsev teev ntuj, yuav tsum saib ntsoov tus neeg nyeem cov zaj,thiab saib ntsoov tus Leej Choj thaum nws nyeem Ntawv Ntshiab thiab nthuav Ntawv Ntshiab.

    5/ me nyuam quaj me nyuam dhia heev heev kom sawv daws tsis nco qab Teev Ntuj.Kev daws / Ib tug tawm hauv tsev teev ntuj coj me nyuam mus ncig, tus hauv tsev teev ntuj thov ntuj rau nws tsev neeg. Yus yog cov neeg zaum ze tej niam txiv coj me nyuam, yus txhob ntxub thiab txhob khes thaum lawv cov me nyuam qw qw, li no ntxwj nyoog thiaj tsis muaj phlus tshoj me nyuam lub siab kom quaj qw ua lom vab vab.

    6/ kom yus qia dub, yus tso nyiaj tsawg tshaj qhov yus nqa tuaj.Kev daws / koj nqa tsawg yog nyiaj npib ces koj muab kom tag nrho hauv koj qab hnab, yog koj nqa ntau, koj faib qhov ntau rau Tsev Teev Ntuj koj nqa qhov tsawg rov mus tsev.

    7/ kom yus txaj muag tsis xav kem caug thaum ua thaj txi ntuj.Kev daws / Kem caug kiag, koj lub siab rov kaj.

    8/ kom yus xo Yesxus lub cev cuag li zom ncuav hauv yus qhov ncauj.Kev daws / maj mam cia Yesxus lub cev yaj ntawm koj tus nplaig xws li dej ntws hauv koj qhov ncauj.

    9/ kom yus tawm hauv tsev teev ntuj ua ntej tshaj txhua tus.Kev daws / Ua siab ntev nyob kom kawg thiaj tau Leej Choj lo lus foom hmoov zoo rau saum koj kom rov mus tsev Yesxus nrog nej nyob ua nej siab kaj lug .

    10/ kom yus maj maj los noj mov thaum los txog ntua tsev kom txhob nco qab tias yus tseem muaj Yesxus lub cev nyob hauv yus.Kev daws / Tham txog lub txoos rau yus Tsev neeg, tham txog cov nkauj yus tau hu hnub ntawv thiab tham txog cov zaj qhia me tub me nyuam, rau tej phoojywg los sis rau tej laus tias hnub no yus tau hnov yam zoo li no rau li no, ces kev ntshaw noj ploj ntawm yus ua tau siab ntev tos mam noj tom qab tsis maj.




    <3 <3 Pab kuv rov los cuag koj Huab Tais Yesxus <3 <3
    avatar
    Tub Kawm
    Phooj Ywg
    Phooj Ywg

    Messages : 406
    Date d'inscription : 2011-10-13

    Re: Dab phem lub tswv yim

    Post  Tub Kawm on 11th January 2012, 2:09 pm



    Nyob zoo N.HLob thiab M.Paj,

    Yeej yog li neb hais lawm.

    Dab phem mas yeej ua zaj ua tsav ntxiag kom neeg yuam kev, kom txhob tau mloog Ntuj lus.
    Dab phem lub tswv yim mas xav ntxiag kom neeg sib ntxub tsi sib hwm.
    Kom neeg muaj kev xam khib tsi mus pab lwm tus.
    Kom neeg ntshaw kev lom zem kev ua nkauj ua nraug.
    Kom neeg xyaum hais lus cuav lus das.
    Kom neeg xyaum qhuav dej quav cawv tsi mloog poj niam me nyuam lus.
    Kom neeg xyaum hau yeeb hau tshuaj muab lub neej sau kom pluag.
    Kom neeg xav qhov phem xwb. Txhob cia neeg xav txog qhov zoo.

    Dab phem lub tswv yim mag nws muaj ntau ntau yam ntxiag kom peb yuam kev. Yog li peb yuav tsum ceev faj nyob tsam peb raug rau nws txoj kev ntxiag. Lo lus hu dab phem, mas vim tias tsi muaj ib yam yuav phem cuag li dab, thiaj li muab hu ua dab phem. Txhua yam txhua tsav uas neeg sib ntau sib tua hauv ntiaj teb no yog ntxwj nyoog ua tus ntxiag tas nrho. Tiam si tus muaj leej Ntuj Plig nyob hauv lub nws siab mas nws yuav yeej cov kev phem tsi zoo kev haub kev ntxiag yuav tsi tuaj rau nws. TUS NEEG MUAJ LEEJ NTUJ PLIG MAS NWS TSI CIB NYEEJ TSI XAM KHIB TSI MUAB HLOB, TSI HAIS LUS CUAV LUS DAG. TSI NTXIAG NOJ NTXIAG HAUS. TSI NYI HAIS QHOV TSI NCAJ. TSIS NYIAM UA KEV NKAUJ KEV NRAUG. TSI NYIAM HAU DEJ HAU CAWV. TSIS NYIAM HAU YEEB HAUS TSHUAJ. NWS TSI MUAJ KEV NTXUB LUAS LWM TUS. NWS XYIV FAAB LUAS TEJ. NWS ZOO SIB RAU LUAS, NWS TSUAS XYAUM QHOV ZOO XWB. TSI XAV POM LUAS TEJ UA TSIS NCAJ, NWS KAWG XAV UA QHOV ZOO TAS MUS LI XWB. Kwv yog tias peb muaj Leej Tswv Yim Ntshiab nyob rau hauv peb nruab siab lawm mas peb lub siab yuav kaj lug mus li yam kaj siab lug.
    avatar
    Tub ntsuag
    Phooj Ywg
    Phooj Ywg

    Messages : 136
    Date d'inscription : 2011-10-06

    Re: Dab phem lub tswv yim

    Post  Tub ntsuag on 11th January 2012, 3:03 pm


    Yeej yog li nej hais dab phem lub tswv yim mas nws ua zaj ua ntxeev ntxias kom neeg yuam kev txhob mloog yam zoo yuav ua kom li nyias ntshaw .dab phem ua tsi tau yam no nws yuav rov tshoj pem yam .yog li peb tug kws ntseeg yuav tsum mob siab kawm ntuj kev cai txhiaj tav zam tau dab phem lub tswv yim nawb mog.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1774
    Date d'inscription : 2009-10-16

    Re: Dab phem lub tswv yim

    Post  Mim on 11th January 2012, 6:12 pm

    Nyob zoo nej sawv daws,

    Tas puas tsav yam uas nej hais mas yeej raug tas nrho li lawm. Tiam sis kuv ho yuav hais ib qho ntxiv, vim dab phem muaj tswv yim thiab ntse tshaj peb txhua tus, muaj qee zaus mas nws muab yam zoo los ntxias peb thiab hos, kom peb cia li tsis paub txiav tias qhov twg yog qhov zoo qhov twg yog qhov phem li. Nej puas tau nyeem zaj nyob hauv Zam 12: 1-8, yog hais txog Mab Liab Mas Ntas Las muab ib hwj tshuaj tsw qab hom kim kim coj los hliv ywg HT Yes Xus ko taw, thiab nws muab nws cov plaub hau los so. Yus das Is Ka Lis Yos pom nws hais li cas? Nws hais tias ua cas yuav nkim ib co tshuaj kim tas npaud pov tseg, tsis cia muab muag kom tau nyiaj coj mus pub cov pluag no laiv.
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: Dab phem lub tswv yim

    Post  Maiv Paj Lug on 12th January 2012, 6:12 am

    Mim wrote:Nyob zoo nej sawv daws,

    Tas puas tsav yam uas nej hais mas yeej raug tas nrho li lawm. Tiam sis kuv ho yuav hais ib qho ntxiv, vim dab phem muaj tswv yim thiab ntse tshaj peb txhua tus, muaj qee zaus mas nws muab yam zoo los ntxias peb thiab hos, kom peb cia li tsis paub txiav tias qhov twg yog qhov zoo qhov twg yog qhov phem li. Nej puas tau nyeem zaj nyob hauv Zam 12: 1-8, yog hais txog Mab Liab Mas Ntas Las muab ib hwj tshuaj tsw qab hom kim kim coj los hliv ywg HT Yes Xus ko taw, thiab nws muab nws cov plaub hau los so. Yus das Is Ka Lis Yos pom nws hais li cas? Nws hais tias ua cas yuav nkim ib co tshuaj kim tas npaud pov tseg, tsis cia muab muag kom tau nyiaj coj mus pub cov pluag no laiv.

    Muaj tseeb li koj hais Niamlaus Mim....dab phem tej lub tswv yim siv qhov zoo los ua qhov phem kuj muaj xws li :

    Muaj ib tug pojniam nws tas zaj tas zog yuav nrauj nws tus txiv, nws tuaj hais qhia kuv, kuv nug seb vim li cas nws ho yuav nrauj nws tus txiv, nws hais rau kuv tias, vim nws tau ua siab tsis ncaj rau nws tus txiv ntau zaus,ces nws tsis xav yuav nws tus txiv vim nws tsis huv tsis xav ua txhaum ntxiv rau nws tus txiv xwb es nws thiaj yuav nrauj.

    Kuv hais rau nws tias, yog li ko xwb ces tsis tas nrauj, Tswv Ntuj twb zam txim rau koj ces koj rov zam txim rau koj xwb tau lawm, rov mus tab cuab tab yig txhob ua ntxiv, kuv npaj yuav coj nws mus daws txhaum , tiam sis nws ho hais rau kuv tias " zoo kawg coj kuv mus daws txhaum kom tas, kom kuv dawb huv tuaj, kuv mus nrauj kuv tus txiv thiaj tsim txiaj."

    kuv ho cia li tsis kam coj nws mus daws txhaum lawm, kuv hais rau nws tias "yog thaum twg koj xav mus daws txhaum tiag tiag koj mam mus koj thiaj muaj nqis kuv tsis coj koj mus lawm."




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5201
    Date d'inscription : 2009-08-18

    Re: Dab phem lub tswv yim

    Post  Maiv Tooj on 12th January 2012, 10:29 am

    Txawj Tuam wrote:

    Nyob zoo N.HLob thiab M.Paj,

    Yeej yog li neb hais lawm.

    Dab phem mas yeej ua zaj ua tsav ntxiag kom neeg yuam kev, kom txhob tau mloog Ntuj lus.
    Dab phem lub tswv yim mas xav ntxiag kom neeg sib ntxub tsi sib hwm.
    Kom neeg muaj kev xam khib tsi mus pab lwm tus.
    Kom neeg ntshaw kev lom zem kev ua nkauj ua nraug.
    Kom neeg xyaum hais lus cuav lus das.
    Kom neeg xyaum qhuav dej quav cawv tsi mloog poj niam me nyuam lus.
    Kom neeg xyaum hau yeeb hau tshuaj muab lub neej sau kom pluag.
    Kom neeg xav qhov phem xwb. Txhob cia neeg xav txog qhov zoo.

    Dab phem lub tswv yim mag nws muaj ntau ntau yam ntxiag kom peb yuam kev. Yog li peb yuav tsum ceev faj nyob tsam peb raug rau nws txoj kev ntxiag. Lo lus hu dab phem, mas vim tias tsi muaj ib yam yuav phem cuag li dab, thiaj li muab hu ua dab phem. Txhua yam txhua tsav uas neeg sib ntau sib tua hauv ntiaj teb no yog ntxwj nyoog ua tus ntxiag tas nrho. Tiam si tus muaj leej Ntuj Plig nyob hauv lub nws siab mas nws yuav yeej cov kev phem tsi zoo kev haub kev ntxiag yuav tsi tuaj rau nws. TUS NEEG MUAJ LEEJ NTUJ PLIG MAS NWS TSI CIB NYEEJ TSI XAM KHIB TSI MUAB HLOB, TSI HAIS LUS CUAV LUS DAG. TSI NTXIAG NOJ NTXIAG HAUS. TSI NYI HAIS QHOV TSI NCAJ. TSIS NYIAM UA KEV NKAUJ KEV NRAUG. TSI NYIAM HAU DEJ HAU CAWV. TSIS NYIAM HAU YEEB HAUS TSHUAJ. NWS TSI MUAJ KEV NTXUB LUAS LWM TUS. NWS XYIV FAAB LUAS TEJ. NWS ZOO SIB RAU LUAS, NWS TSUAS XYAUM QHOV ZOO XWB. TSI XAV POM LUAS TEJ UA TSIS NCAJ, NWS KAWG XAV UA QHOV ZOO TAS MUS LI XWB. Kwv yog tias peb muaj Leej Tswv Yim Ntshiab nyob rau hauv peb nruab siab lawm mas peb lub siab yuav kaj lug mus li yam kaj siab lug.

    Nyob zoo sawv daws,

    Nej ib tug hais ib yam, hais yam twg los yeej yog tib si. Peb yuav muab lub caij los ntshua dab phem txoj kev ntxias kom sawv daws paub thiab txawj ceev faj. Vim tuaj kub mas lij lias ntxias neeg kom neeg muaj kev chim, txom nyem, ntxhov siab, quaj ntsuag mas nws muaj plhus heev. Li ntawd nws thiaj li muab yam zoo tshaj uas yuav muaj tsis tau los ntxias neeg kom neeg yuam kev thaum lawv tab tom muaj kev nyuaj siab. Tab sis yog thaum neeg mloog nws kiag, txiav txim siab ua kiag lawm mas ho tsis raws li nws tej kev ntxias es yuav muaj qhov zoo tshaj. Kawg yuav poob phem ntxiv mus xwb.

    Txawj Tuam,

    Ua tsaug rau koj cov lus thoob tsib, koj hais ntau yam uas kuv twb xav tsis txog.

    Maiv Paj Lug,

    Tus poj niam koj hais ntawd, yog nws ho zoo siab rov qab mus tuav nws lub neej lawm ces twb yog ib qho yeej lawm. Txawm nws hais lus siab siab Tswv Ntuj los yog tuaj kub muab nws mooj lawm es nws thiaj hais lus dog dig li ntawd. Tsuav nws tsis muab nws lub neej nrhuav ces nws yeej tseem muaj caij yuav rov mus nrhiav txiaj ntsim ntawm Tswv Ntuj. Yog nws mloog dab phem, nws tsis tos lub caij nyoog, nws maj maj muab nws lub neej rhuav ces ntshe nws yuav poob phem lawm xwb. Nrauj nws tus txiv tag, rhuav nws lub neej tag mas nws yuav ceeb laj rov khwv tau ib lub neej li nws lub qub lawm. Li ntawd, txawm nws tau hais lus au rau koj chim siab thiab koj siab tsis khuv los txhob tag kev cia siab.


    Thaum dab phem ntxias neeg mas nws ua kom neeg tsuas xav txog qhov zoo tshaj xwb, txawm tias yuav phem tshaj los lawv tsis nco xav txog li lawm, tsuas xav tias yog ua mas yuav zoo tshaj qub. Thiab tsis muab lub caij rau lawv mam xav mam ua. Vim dab phem tsis muaj caij ces nws thiaj li ua maj maj kom neeg yuav tsum ua sai sai tsam ces tag nws lub caij lawm ces ua tsis tau. Li ntawd yog thaum yus maj maj ua tej yam uas tsis cuav tsis tseeb mas yuav tsum tau thov Ntuj los yog thov cov Leej Ntshiab thiab yus tus Tshiaj Tsom Kwm pab thov Ntuj rau yus.

    Ib yam li thaum muaj kev sib cav sib ceg, muaj ib tug nws tsis xav tom ntej tom qab li, nws tab cem phem phem thiab npau taws heev. Mas nej txhob nrog nws sib ceg, txuas lus ntxiv lawm. Nej txav mus ib qho chaw nraim me ntsis, nej cia li hu txog Huab tais Yes Xus los pab ntiab tus dab phem deb ntawm nej thiab tus neeg npau taws ntawd mas zoo li tus neeg ntawd cia li nthaug kiag, tsis cem muaj ceem lawm. Yog nej tsis teev Ntuj kiag hauv siab, tsis thov Tswv Ntuj pab nej mas tus neeg ntawd haj yam npau taws, ua rau dab phem haj yam muaj zog mas kev sib cav sib ceg tseem yuav loj tshaj ntxiv xwb.





    Sponsored content

    Re: Dab phem lub tswv yim

    Post  Sponsored content


      Current date/time is 29th March 2017, 6:06 am