YES XUS TXWV CUA THIAB DEJ HIAV TXWV

**Npuagtub** 28th August 2009, 3:14 am

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°1

YES XUS TXWV CUA THIAB DEJ HIAV TXWV

Post Npuagtub 28th August 2009, 3:14 am

Mt. 8: 23-26
Yes Xus nqis mus hauv ib lub nkoj,
nws cov thwj tim nrog nws mus thiab.

Ib chim ces cua daj cua dub nplawm ntws ntawm lub hiav txwv tuaj,
dej nphau tej niag twv los nyab lub nkoj.
Tab sis Yes Xus nws tsaug zog twj ywm.

cov thwj tim txav los hais rau Yes Xus tias:
Huab Tais, peb yuav tuag thov koj cawm peb mas..!

Yes Xus hais rau lawv tias:
COV NEEG NTSEEG TSIS TI TXHA,
vim li cas nej ntshai ?

Yes Xus sawv tsees nws txwv cua thiab lub hiav txwv,
ces tam sis ntawd cua cia li tu, dej hiav txwv cia li tus yees lawm.

Zaj lus no muaj ib lub ntsiab zoo rau peb lub neej, peb ua neej nyob hauv ntiaj teb no peb lub neej muaj ntau zaus kuj zoo li lub nkoj ntab saum nlpaim dej hiav txwv. Tsis paub dej yuav ntsawj sab twg tuaj, tsis paub yuav tog hauv qab thu dej hiav txwv thaum twg.

yog li ntawd Yes Xus xav ua lub cim no qhia rau peb paub tias, nws lub hwj huam loj tas nrho, txawm cua thiab hiav txwv los twb mloog nws lus. Vim nws yog Tswv Ntuj leej tub tiag, yog li no peb yuav tau tso siab rau HT. Yes xus. Thaum peb muaj kev txom nyem nyuaj siab puas ntsoog peb yuav thov nws pab peb ib yam li cov thwj tim thov nws cawm lawv ntawm cov cua daj cua dub thiab cov nthwv dej hiav txwv.

**Npuagtub** 16th October 2009, 1:32 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°2

Re: YES XUS TXWV CUA THIAB DEJ HIAV TXWV

Post Npuagtub 16th October 2009, 1:32 pm

YES XUS YOG QHOV POM KEV

Yes xus tab tom mus kev, nws txawm pom ib tug neeg
uas nws yeej ib txwm dig muag hauv nruab thiab los.
Yes xus nto qaub ncaug rau hauv av,
nws muab do ua ib co av nkos,
nws muab los pleev tus dig muag qhov muag.

Yes Xus kom nws mus ntxuav tom lub pas dej Xis Laus Es
lo lus ntawd txhais tias: TUS NTUJ XA TUAJ.
Ces tus dig muag mus ntxuav tas,
nws rov los nws qhov muag pom kev lawm.
Ua tsaug koj ntxoj kev hlub neeg,
HT. Yes Xus.

**Npuagtub** 16th October 2009, 1:42 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°3

Re: YES XUS TXWV CUA THIAB DEJ HIAV TXWV

Post Npuagtub 16th October 2009, 1:42 pm

NYIAS YUAV KWV NYIAS TUS NTOO CUAM

HUAB TAIS YES XUS
UA CAS KUV LUB ZOG QAUG TAS ?
KUV RIS TSIS TAUS KUV LUB NRA
KUV NCE TSIS NTO KUV LUB ROOB
KUV COV HWS TAWM THOOB KUV IB CE
NTXAUM TAS KUV TEJ RIS TSHO
YUAV TXOG THAUM TWG KUV THIAJ TAU SO

UA CAS KUV TSIS TUAG THAUM
KUV NYOB HAUV NRUAB THIAB ?
LOS SIS TUAG THAUM KUV NYUAM QHUAV YUG LOS ?
YOG KUV NTXOV TUAG THAUM NTAWD
CES NIM NO KUV TWB TAU SO
KUV TWB TAU PW TSAUG ZOG
YAM LI TUS ME NYUAM MOS LIAB
PW TSAUG ZOG NTAWM LEEJ NIAM XUB NTIAG

THAUM COV NEEG PHEM PW KO
HAUV LAWV LUB QHOV NTXA
LAWV TSEG TSIS UA PHEM NTXIV LAWM
TEJ NEEG KHWV KHWV UA HAUJ LWM
TWB MUAJ CAIJ SO THAUM KAWG
UA CAS TUS NEEG TXOM NYEM NTSUAV LI KUV
HO CIAJ SIA UA NEEJ NROG LUAG NYOB THIAB ?
UA CAS TUS NEEG LWJ SIAB NTSUAV LI KUV
HO POM DUAB HNUB CI UA TUS DAB TSI ?

KUV MUAB LUB KUA MUAG LOS UA PLUAS MOV
TEJ UAS KUV TXHAWJ NTSHAI TXAWM LOS AIV KUV
KUV TSIS MUAJ HNUB YUAV TAU SO LI
NIAJ HNUB RAUG KEV TXOM NYEM
NYUAJ SIAB TSIS PAUB XAUS
KUV LUB SIAB NTXHOV HNYO
KUV COV POB TXHA NTSOOG LIS NTXAWS
THOV KOJ HAIS IB LO LUS RAU KUV
MAS KUV LUB SIAB YUAV KAJ

KOJ PAUB THAUM KUV NYOB HAUV NRUAB THIAB
KUV LUB SIAB TWB YEEJ DUB
THAUM KUV YUG LOS KUV YEEJ MUAJ TXHAUM
THOV KOJ NTXUAV KUV LUB SIAB KOM DAWB DUA DAUS
KOJ MUAB IB LUB SIAB TAWV LOS COG RAU KUV
THOV KOJ TXHOB NTIAB KUV MUS DEB NTAWM KOJ XUB NTIAG
THOV KOJ TSIM IB LUB SIAB TSHIAB LOS COG RAU KUV
CES KUV YUAV ROV PAUB KOJ LUB SIAB ZOO
KHUV LEEJ NEEG
UA LI.