THOV NTUJ THAUM SAWV NTXOV.

**Npuagtub** 7th September 2009, 1:43 pm

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°1

THOV NTUJ THAUM SAWV NTXOV.

Post Npuagtub 7th September 2009, 1:43 pm

Txhua tag kis thaum sawv ntxov, koj sawv los koj yuav txhos caug ua ib yam li thaum koj yuav mus pw thiab.Koj yuav nco ntsoov thov koj tus Huab Tais ua ntej koj yuav mus ntxuav muag, los mus ua hauj lwm, thiab lwm yam.

1. KOJ TXHOS CAUG UA NTOO CUAM LUB CIM HAIS TIAS:

"Hu txog Leej Txiv, thiab Leej Tub. thiab Leej Ntuj Plig lub npe ua li".

2. UA TSWV NTUJ TSAUG:

"Kuv tus Huab Tais, kuv tus Tswv Ntuj muaj hwj huam, kuv ua koj tsaug uas koj tau tsom kwm thiab pov hwm kuv thiab kuv tsev neeg peb sawv daws tau pw tsaug zaug zoo thiab so los siav ib hmos kaj ntug.Kuv thov ua koj tsaug.

3. THOV KOM HUAB TAIS TSWV NTUJ POV HWM SAWV DAWS:

"Kuv tus Huab Tais Tswv Ntuj, ua li mas lub sij hawm no, kuv yuav sawv mus ua dej ua num. Kuv thov muab kuv lub tsev neeg 120 leej, tus ntsuj plig rov los rau koj ua tus tsom kwm thiab pov hwm ib hnub rov mus txog tsaug ntuj thiab. Thov koj cev koj txhais tes muaj hwj chim los rhuav tshem kuv tej kev phem nyuaj siab ntxhov plawv, kev iab kev khwv, kev plaub kev ntug, kev haub kev ntxias, hmab dawm tes hlua dawm taw, ib puas tsav yam xwm txheej tsis zoo kom txav mus deb ntawm kuv lub neej. Thov koj muab rhuav tshem kom ploj tag mus kom peb ntsej tsis hnov muag tsis pom".

Kuv tus Huab Tais, thov koj txuag peb txhua leej kom peb tsuas ntsib kev noj qab nyob zoo, noj qab pw sov mus thawm hnub, kuv zoo siab ua koj tsaug tsis tag tsis kawg.

4. HU 2 ZAJ NKAUJ:

1. Peb Txiv nyob saum Ntuj.
2. Koj Nyob Zoo Mab Liab.

5. ROV UA NTOO CUAM LUB CIM:

"Hu txog Leej Txiv, thiab Leej Tub, thiab Leej Ntuj Plig lub npe.
Ua li".