Home
Yog koj tso siab rau Yesxus lub siab ntshiab, nws yuav ua koj siab kaj lug 
 | Thaum Huab tais Yes Xus, Tswv Ntuj Leej Tub los hla lub ntiaj teb, nws tau hais rau ntiaj teb neeg hais tias: Tib neeg ua rau nws xav txog pab yaj uas tsis muaj neeg zov. Thiab nws hais lub ntsiab ncaj qha tias: NWS, yog tus tseem Tswv Zov Yaj uas hlub neeg ntiaj teb txog qhov nws muab tag puas tsav yam los cawm thiab nws yog txoj kev uas yuav taug mus ntawm Leej Txiv. |
"Kuv yog lub qhov rooj : tus twg nkag ntawm kuv mus, nws yuav txais kev cawm, nws yuav nkag tau rau hauv thiab tawm tau los, nws yuav nrhiav tau lub tshav zaub. Tus tub sab tsuas tuaj nyiag, tuaj lwg, thiab tuaj txo txoj sia xwb. Hos kuv, mas kuv tuaj ua kom lawv tau txoj sia, thiab kom lawv tau txoj sia loj zuj zus. Kuv yog tus tswv zov yaj, yog tus zoo tswv. Tus zoo tswv zov yaj siv nws txoj sia los pab nws cov yaj."(Zam 10, 9-11) "Kuv yog Txoj Kev, yog Qhov Tseeb, thiab yog Txoj Sia. Tsis muaj leej twg mus cuag Leej Txiv tau, yog nws tsis los ntawm kuv."(Zam 14, 6) Tab sis ua ntej uas tus zov yaj txoj kev hlub yuav tawg tau paj txiv taus txiv yuav tsum yog cov yaj zoo siab hlo raws nws qab. "Yog nej nyiam kuv, mas nej yuav coj rawv kuv cov lus qhia. Kuv yuav thov Leej Txiv, ces nws yuav xa dua ib leeg Nplij neeg los nrog nej nyob mus li. |  |
 | Tus ntawd yog Leej Ntuj Plig qhia qhov tseeb. Lub qab ntuj neeg txais tsis tau nws, vim qab ntuj neeg tsis pom nws thiab tsis paub nws. Hos nej, mas nej paub nws, vim nws tsa tsev nyob ze nej, thiab nws yuav los nyob hauv nej." (Zam 14, 15-17) Yog tib neeg lub zog xwb, nws yuav lawv Tswv Ntuj qab tsis tau ntev. Yuav tsum yog Huab Tais Tswv Ntuj pab mas thiaj tau: "Tab sis Leej Nplij Neeg, uas yog Leej Ntuj Plig Ntshiab, mas Leej Txiv yuav xa nws tuaj vim kuv lub npe, nws yuav qhia tas ib puas tsav yam rau nej, thiab nws yuav pab nej rov nco txog tas txhua yam uas kuv tau hais rau nej."(Zam 14, 26) Li ntawd, neeg yuav pauj txoj kev sib hlub rau Tswv Ntuj kom tau ua raws li Huab tais Ntuj cov lus qhia, tib neeg thiaj yuav tsum thov tiag tiag mas Tswv Ntuj thiaj hnov yus cov lus: |
| ... "Txawm tias nej yog neeg phem, tsis kav, nej tseem txawj pub tej yam zoo rau nej cov me nyuam. Ua li mas Leej Txiv nyob saum ntuj haj yam txawj pub Leej Ntuj Plig Ntshiab rau cov uas thov nws !"(Lus Kas 11, 13)Leej twg tau txais Leej tswv Yim Ntshiab yog ib qho zoo heev, yog ib lub txiaj ntsim rau yus paub ntau yam, ua neeg thoob tsib, txawj ntuas neeg, muaj zog, tsis ntshai Tswv Ntuj, txawj hlub neeg thiab ntse. Tag nrho cov kev zoo nov yog koom ua tib lub Tswv Yim yog Leej Tswv Yim Ntshiab. Tag nrho cov nov yog lub ntsiab ntawm txhua leej uas muaj lub siab nyiam Tswv Ntuj tiag tiag li mas yuav hloov nws lub neej niaj hnub zuj zus: |  |
 | " Nej tau txais Leej tswv Yim Ntshiab lub zog tuaj rau nej, es nej yuav ua kuv cov tim kawv."(Actes 1, 8 ) "Kuv sawv ntsug ntawm taw rooj, thiab kuv khob. Yog leej twg hnov kuv lub suab thiab qheb qhov rooj, kuv yuav nkag mus hauv nws lub tsev; kuv yuav mus nrog nws noj mov, thiab nws yuav nrog kuv noj kuv pluas mov." (Ap 3, 20) |
Kev teev Ntuj thov Leej Tswv Yim Ntshiab muaj ntau yam tsis sib xws, nyob raws nws lub hwj huam. cov zaj thov Ntuj tsis zoo li ib qho phab ntsa uas yuav tauv dej mus tsis thawm, vim txhua lub hwj huam los sib tshuam thiab sib koom ua ib lub loj xws li ua Leej tswv Yim Ntshiab kom peb cov ntsuj plig ntshiab nto koob meej. |  |
" longdesc="58" /> 
Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.
Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.
