Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    Cawv xeeb rau Txiv Plig Neej Vaj

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 4978
    Date d'inscription : 2009-08-18

    Cawv xeeb rau Txiv Plig Neej Vaj

    Post  Maiv Tooj on 24th March 2010, 10:10 am



    Yuj xeeb qas lias los ua leej niam leej txi ib leej tub cag
    Tsuj xeeb qas lias mus ua Tswv Ntuj me tub txib pab cov neeg hauv sab

    Yuj xeeb qas lias yug los ua neeg txom nyem
    Tsuj xeeb qas lias mus pab cov haiv neeg me

    Yuj xeeb qas lias yug los ua leej niam leej txi me tub nuj txeeg
    Tsuj xeeb qas lias mus ua Tswv ntuj me tub mloog lus pab Hmoob tag nrho nws sim neej








    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1663
    Date d'inscription : 2009-08-17

    Re: Cawv xeeb rau Txiv Plig Neej Vaj

    Post  Maiv Paj Lug on 24th March 2010, 10:24 am

    WOW.......Maiv Tooj! Puas yog lawv ua Txiv Plig Neej Vaj lub Hmoov Cawv Xeeb nyob Paris nab ......Yog tias lawv ua rau thaum ntawv tej zaum kuv mus tau thiab hov.......ehehe! wb puas yuav npaj ib qho Surprise mus rau Txiv Plig neej Vaj lawm thiab ma los? ....Tiam sis kuv tsis paub neeg nyob pev li, yog mus no ntshe tseem yuav tau mus xob Hotel pw thiab xwb laub?

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 4978
    Date d'inscription : 2009-08-18

    Re: Cawv xeeb rau Txiv Plig Neej Vaj

    Post  Maiv Tooj on 24th March 2010, 10:43 am


    Maypajlug,

    Yog Peb Hmoob Catholique txhua tus yuav npaj lub Cawv Xeeb rau TP. Neej Vaj. Muaj sib sau nyiaj me ntsis, yog leej twg pab li cas los tau.

    Kuv xav mus, tab sis kuv tsis paub meej, cia seb puas yog hnub so. Li cas kuv mam hais rau nws paub. Yog kuv mus ces kuv muaj neeg coob nyob ped. May, yog kuv mus ces koj tuaj nrog kuv pw ua ke xwb los tau kawg. Yog kuv tsis mus ces koj mus ntawm Xib Hwb Nyiaj Lwm Vaj mav. Es koj mus qhia nws tuaj nrog peb sib fim hauv nov thiab.




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1663
    Date d'inscription : 2009-08-17

    Re: Cawv xeeb rau Txiv Plig Neej Vaj

    Post  Maiv Paj Lug on 24th March 2010, 10:51 am

    Maiv Tooj wrote:
    Maypajlug,

    Yog Peb Hmoob Catholique txhua tus yuav npaj lub Cawv Xeeb rau TP. Neej Vaj. Muaj sib sau nyiaj me ntsis, yog leej twg pab li cas los tau.

    Kuv xav mus, tab sis kuv tsis paub meej, cia seb puas yog hnub so. Li cas kuv mam hais rau nws paub. Yog kuv mus ces kuv muaj neeg coob nyob ped. May, yog kuv mus ces koj tuaj nrog kuv pw ua ke xwb los tau kawg. Yog kuv tsis mus ces koj mus ntawm Xib Hwb Nyiaj Lwm Vaj mav. Es koj mus qhia nws tuaj nrog peb sib fim hauv nov thiab.

    Ub yog kuv mus mas koj mus thiab hos, yog hnub so mas, yog hnub Fête du Travail....yog koj tsis mus kuv twb tsis paub neeg li ne. Yog mus ces wb 2 leeg mus nrog Maiv Xis tib si ua ke yom?....neb puas kam peb mus koom hu ib zaj nkauj pub Txiv Plig neej Vaj xwb lau? neb sau thiab muab suab kuv mam kom Kévin ntaus suab paj nruas rau peb hu ....kuv nyob ze zog yog koj mus koj hais kuv mam npaj mus, yog koj tsis mus ces ntshe kuv tsis mus thiab vim ib leeg xwb tsis paub nyob thiab zaum nrog leej twg .

    Hais txog sau nyiaj seb yuav pab mus rau tus twg yog tus tuav koj hais kuv mam pab me ntsis mas nawb.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 4978
    Date d'inscription : 2009-08-18

    Re: Cawv xeeb rau Txiv Plig Neej Vaj

    Post  Maiv Tooj on 25th March 2010, 9:56 am


    Maypajlug,

    Zoo kawg yog peb ua tau li koj hais. Tab sis tshuav ib hlis xwb es yuav hu zaj nkauj twg?

    Seb nws sau puas tau ib zaj paj huam?




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1178
    Date d'inscription : 2009-08-16
    Age : 51
    Localisation : Fresno, California, USA.

    Re: Cawv xeeb rau Txiv Plig Neej Vaj

    Post  Npuagtub on 26th March 2010, 1:22 am

    Nyob zoo Mt, Mp, thiab cov phooj ywg,

    Thov txim ib ntus no kuv muaj hauj lwm ntau ces tsis muaj caij tuaj sau tej yam tseem ceeb rau hauv no li. kuv yeej niaj hnub tuaj xyuas nej cov posts txhua qhov tiam sis twb nyeem tsis txhua li thiab. Mt, thiab Mp, kuv twb pom neb qhov post no lawm tiam sis tsis khoom qhib nyeem li. Hnub no kuv mam li tuaj nyeem, kuj zoo siab kawg uas nej sawv daws kuj yuav npaj ib qho kev zoo siab rau TP.Neej Vaj.

    Mp, thiab Mt, neb hais tias yog ua TP. lub cawv xeeb no, tiam sis kuv saib daim ntawv caw lawv sau zoo li tsis yog ua cawv xeeb, yog ua ib pluas mov kev zoo siab rau TP. tau ua Txiv plig tau 60 xyoo. ua li puas yog ua cawv xeeb nrog thiab?

    Nkawd kuv xav tias yog neb mus koom tau no ces ho thaij duab tuaj tso rau peb cov nyob deb deb no tau pom thiab nawv. Kuv xav tias yog neb yuav npaj ib yam tshwj xeeb mus hais rau TP. pluas mov no kuj yog ib qho zoo heev, tiam sis ntshai tsam neb npaj tsis yeej xwb. Yog sau nkauj mas tseem yuav sau music suab thiab mas yuav nyuaj zog, hos yog neb sau lus paj huam no mas tej zaum yuav yooj yim rau neb dua. Qhov no kuv lam cuam tshuam rau neb xwb, nyob ntawm neb nawv.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 4978
    Date d'inscription : 2009-08-18

    Re: Cawv xeeb rau Txiv Plig Neej Vaj

    Post  Maiv Tooj on 26th March 2010, 5:19 am


    Hahahah...XH.Npuag Tub, peb mas cas yuav khwv ua luaj li tiag lauj! Kuv xav tias kuv thiaj tsis khoom nyeem ntawv xwb no, cas nws los hais ib yam li thiab...Hahhaah...!

    Tiag mas xav ua Cawv Xeeb rau TP. Neej Vaj no tab sis nws tsis kam li ces thiaj tos txog nws 60 xyoo Cim Tiag Tes thiaj ua rau nws.

    Yog, kuv xav tias ti dhau lawm, ntshe yuav hu tsis tau nkauj, tab sis cia Maypajlug wb mam xyuas paj huam thiab ib qho Surprise...




    Maivxis
    Phooj Ywg
    Phooj Ywg

    Messages : 271
    Date d'inscription : 2009-11-05

    Re: Cawv xeeb rau Txiv Plig Neej Vaj

    Post  Maivxis on 30th March 2010, 9:14 pm

    Maypajlug wrote:
    Maiv Tooj wrote:
    Maypajlug,

    Yog Peb Hmoob Catholique txhua tus yuav npaj lub Cawv Xeeb rau TP. Neej Vaj. Muaj sib sau nyiaj me ntsis, yog leej twg pab li cas los tau.

    Kuv xav mus, tab sis kuv tsis paub meej, cia seb puas yog hnub so. Li cas kuv mam hais rau nws paub. Yog kuv mus ces kuv muaj neeg coob nyob ped. May, yog kuv mus ces koj tuaj nrog kuv pw ua ke xwb los tau kawg. Yog kuv tsis mus ces koj mus ntawm Xib Hwb Nyiaj Lwm Vaj mav. Es koj mus qhia nws tuaj nrog peb sib fim hauv nov thiab.

    Ub yog kuv mus mas koj mus thiab hos, yog hnub so mas, yog hnub Fête du Travail....yog koj tsis mus kuv twb tsis paub neeg li ne. Yog mus ces wb 2 leeg mus nrog Maiv Xis tib si ua ke yom?....neb puas kam peb mus koom hu ib zaj nkauj pub Txiv Plig neej Vaj xwb lau? neb sau thiab muab suab kuv mam kom Kévin ntaus suab paj nruas rau peb hu ....kuv nyob ze zog yog koj mus koj hais kuv mam npaj mus, yog koj tsis mus ces ntshe kuv tsis mus thiab vim ib leeg xwb tsis paub nyob thiab zaum nrog leej twg .

    Hais txog sau nyiaj seb yuav pab mus rau tus twg yog tus tuav koj hais kuv mam pab me ntsis mas nawb.

    Nyob zoo os MP ,

    Ua li cas MT neb yuav tham tau zoo siab ua luaj li os , MP aw ! koj mas hais rau kuv twb npau suav toog hais tias twb tau mus nrog neb lawm no na , Ab yuad !! kheev lam txog thaum ntawd peb lam muaj sij hawm sib haum es tau mus ua ke no ntshe yuav zoo siab kawg li os Mp , Vim peb yuav mus ua ib yam ua peb sawv daws ntshaw thiab xav ua ua ke heev li os ,
    MP , Oh koj hnov koj hais li ntawd ces kuv twb nco koj heev li lawm os
    Thov kom peb muaj hmoo os lod , Es peb thiaj li tau sib ntsib nawb mog

    Maivxis .

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1663
    Date d'inscription : 2009-08-17

    Re: Cawv xeeb rau Txiv Plig Neej Vaj

    Post  Maiv Paj Lug on 31st March 2010, 3:51 am

    Maivxis wrote:
    Nyob zoo os MP ,

    Ua li cas MT neb yuav tham tau zoo siab ua luaj li os , MP aw ! koj mas hais rau kuv twb npau suav toog hais tias twb tau mus nrog neb lawm no na , Ab yuad !! kheev lam txog thaum ntawd peb lam muaj sij hawm sib haum es tau mus ua ke no ntshe yuav zoo siab kawg li os Mp , Vim peb yuav mus ua ib yam ua peb sawv daws ntshaw thiab xav ua ua ke heev li os ,
    MP , Oh koj hnov koj hais li ntawd ces kuv twb nco koj heev li lawm os
    Thov kom peb muaj hmoo os lod , Es peb thiaj li tau sib ntsib nawb mog

    Maivxis .

    MaivXis, Maiv Tooj wb twb npaj mus lawm laiv, yog txog thaum ntawv koj tsis muaj dab tsi khuam tes khuam taw no ces koj kav tsij npaj nrog Maiv Tooj tuaj lawm pem Paris peb mam mus sib ntsib pev , peb txawm npaj tsis tau dab tsi mus pub rau Txiv Plig Neej Vaj los tsuav peb mus koom kom coob rau Txiv Plig neej Vaj xwb ces yeej zoo kawg li lawm tiag. Tiam sis thaum txog sij hawm yog tias peb ho muaj lwm yam ua peb xyeej mus lawm no los tsis ua li cas, tus twg mus tau mam mus thaij duab pub rau peb saib xwb mas. Koj npaj seb koj mus puas tau thiab nawb, yog Maiv Tooj leej nkawm tsis khoom mus no ces neb tuaj ua ke tib lub luv los yeej tau li mab! thiaj tsis deb deb rau neb yog neb tham pem ua ke tuaj.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 4978
    Date d'inscription : 2009-08-18

    Re: Cawv xeeb rau Txiv Plig Neej Vaj

    Post  Maiv Tooj on 13th April 2010, 5:20 am



    Cawv xeeb TP. Neej Vaj ua Tswv Ntuj Tub Txib tau 60 xyoo rau xyoo 2010.

    Hnub7, tim 29 lub 5 hlis 2010 nov Txiv Plig Neej Vaj yuav rov mus ua ib thaj Mis Xas nyob rau lub tseev teev ntuj nyob zos Falleron xeev (85) uas 60 xyoo nram ntej, thaum Txiv Plig txais lub Cim Tiag tes tag nws ua thawj thaj mis xas. Yog leej twg nyob ze me ntsis thiab xyeej los thov ho mus koom nrog Txiv Plig teev Ntuj. Yog koj ho nyob deb los thov koom nrog lub siab hnub ntawd.









    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1663
    Date d'inscription : 2009-08-17

    Re: Cawv xeeb rau Txiv Plig Neej Vaj

    Post  Maiv Paj Lug on 2nd May 2010, 8:01 am




    CAWV XEEB RAU TXIV PLIG NEEJ VAJ HNUB TIM 01 LUB 5 HLI NTUJ 2010

    Nyob zoo ib tsoom phoojywg, nag hmo peb tau mus koom Txiv Plig Neej Vaj lub Cawv Xeeb 60 xyoo nws nrog Hmoob Nyob los txog niaj hnub nim no, peb Hmoob tuaj coob kawg nkaus yuav luag txhua Fab Kis Teb.

    Kuv lam tso 2 3 daim duab no rau nej saib ua ntej, thaum Maiv Tooj mus txog tsev , Maiv Tooj mam tuaj tso ntxiv. Tseem tshuav cov video ua tsis tau tiav, nej ua siab ntev tos peb mam li tuaj tso tom qab.

    Yog cov phoojywg nyob FabKisTeb leej twg thaij tau duab ntau tshaj nov los thov caw nej tuaj tso pub peb saib thiab, vim 60 Lub Xyoo uas Txiv Plig Neej Vaj tso nws tsev neeg tseg tuaj nrog Hmoob nyob mas yog ib lub txiaj ntsim zoo, tsim nyog yuav ua Txiv Plig Neej Vaj tsaug thiab hlub nws yam li nws hlub peb.

    LYCEE SAINT-CHARLES (ATHIS-MONS)



    1/

    2/


    CHAV TSEV TEEV NTUJ

    3/

    4/

    5/

    6/



    MAYPAJLUG ,PHAUJ DIAV, MAIV TOOJ

    7/

    Sab lauj rau sab xis:
    - May paj lug Vaj,
    -Maiv Vaj,
    - Phauj Xis Canada( Tus tsim lub tsev cov ntxhais nyob Noom Bos, Vees Cam xyoo 1962-75),
    - Phauj Diav Yaj [Ib tug ntawm thawj 3 tug Phauj Hmoob ( Xib Hwb, cog lus ib xyoos kav ib xyoos, tsis yog cog ib zaug kav ib sim) uas TP. Nyiaj Pov xav Roob Nyuj Qus tuaj mus kawm ua Phauj nyob Pak Sane xyoo 1958. Kawm tias ua phauj thawj thawj pab lub 8 hli 1963. Tom qab nws yog TP. Nyiaj Pov tus ntxhais tuav ntawv, nws ntaus tag nrho cov phau ntawv Hmoob uas peb khaws tau tseg niaj hnub no ( siv Tshuab ntaus ntawv, tsis yog hlwb hlaus).
    -Maiv Tooj Lis
    - Maiv Vaj Lis



    8/


    Txiv Plig Cwj Vuam Chiv, Maiv Tooj, Maypajlug, Nkauj mog


    9/

    10/

    Txiv Plig Cev Lus foom Hmoov zoo
    Lauj rau xis:
    TP. Vaj Tswv Yeej USA, Muas Ntsum Laj & leej nkawm, TP. Neej Vaj, TP. Cwj Vuam Chiv, Yaj Im


    11/

    Lauj rau Xis: TP. Tswv Yeej Vaj USA, Mim Lis Ntxhais tuav Ntawv Cheeb Tsam Paris, TP. Cwj Vuam Chiv.


    12/


    Cov ntxhais nyob Athis-Mons seev cev pub rau Txiv Plig Neej Vaj



    14/

    15/

    Cov kwv tij neej tsa Hmoob nyob Paris thiab ib ncig ntawm Paris sib koom ua zaub ua mov nqa tuaj

    16/

    17/

    18/

    19/

    20/





    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1178
    Date d'inscription : 2009-08-16
    Age : 51
    Localisation : Fresno, California, USA.

    Re: Cawv xeeb rau Txiv Plig Neej Vaj

    Post  Npuagtub on 2nd May 2010, 8:12 pm

    Sister Mp,

    Wow.......! zoo kawg kiag li nws cov duab TP. Neej yaj lub Cawv xeeb, cas nej yuav coob ua luaj li,
    zaub mov los cas yuaav muaj ntau yam ntxim qab ua luaj ntshai nej noj tsis txhua li.
    Kuv thov qhuas nej cov nyob Fab kis teb txoj kev tuaj sisb koom ua TP. Neej Vaj lub Cawv Xeeb.

    Nej ua tau zoo , vim nej muaj kev sib koom
    nej ua tau zoo tshaj, vim nej muaj lub siab dav
    nej muaj txoj kev sib hlub loj, vim nej muaj zoo thawj coj
    nej muaj txoj kev sib hlub dav, vim nej muaj zoo thawj kav.
    Thov kom nej txoj kev sib nyiam sib hlub, sib haum xeeb,
    sib koom siab koom ntsws tsuas muaj loj hlob ntxiv mus lawm yaav tom ntej
    nyob hauv peb tus Huab Tais Yes Xus Pleev lub npe.




    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 4978
    Date d'inscription : 2009-08-18

    Re: Cawv xeeb rau Txiv Plig Neej Vaj

    Post  Maiv Tooj on 3rd May 2010, 4:41 am







    Nyob zoo Tsoom Phooj ywg hmov tshua,

    Hnub no kuv zoo siab heev tuaj pom Maypaj twb tuaj tso duab thiab tham txog TP. Neej Vaj lub Koob Tsheej 60 xyoo ua Tswv ntuj Tub Txib lawm. Ua nws tsaug mog, yog ib lub txiaj ntsim zoo heev uas Peb Tsoom Hmoob Ntseeg tau npaj rooj mov qhuav los ua Txiv Plig Neej Vaj ib los tsaug rau qhov nws muab tag nrho nws sim neej, nws lub cev ntej ntsug thiab nws niam nws txiv me tub cag tub luj lam tub tuav ncej dab tuaj ua Peb Hmoob niam Peb Hmoob txiv, tuaj txhawb Peb, cob qhia thiab coj Peb Hmoob kom peb qheb qhov muag pom luag pej kum lub neej vam meej. Txiv Plig Neej Vaj hlob tiav kiag, nws hnub nyug 26 xyoo xwb, nws tso nws niam, nws cov kwv thiab nws cov txheeb ze tseg, nws tuaj yeem ua Tswv Ntuj txoj hauj lwm, mus hlub ib haiv neeg txom nyem tsis muaj Tswv, nws tuaj ua neeg tsis muaj kwv muaj tig, tsis muaj txheeb muaj ze, ua neeg txom nyem. Nws muab nws txoj kau zoo los pauv kom Peb Hmoob dim ntawm lub neej txom nyem, kho siab thiab nyiaj mob nyiaj nkeeg.




    TP. Neej Vaj, nws ob tug muam thiab nws niam nws txiv.





    Thaum Txiv Plig tuaj nrog Hmoob nyob, Hmoob txom nyem heev, mus ko taw pliab, twb tsis rau khau khiab.


    Txiv Plig rub Hmoob tes sawv, 60 xyoo tom qab, Hmoob rau khau tawv.




    Kuv koj koj tsaug mog Txiv Plig Neej Vaj.










    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 4978
    Date d'inscription : 2009-08-18

    Re: Cawv xeeb rau Txiv Plig Neej Vaj

    Post  Maiv Tooj on 3rd May 2010, 9:00 am



    Lub Txoos.



    1/

    2/

    3/

    4/

    5/

    6/

    7/

    8/

    9/

    10/

    11/

    12/

    13/

    14/

    15/





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 4978
    Date d'inscription : 2009-08-18

    Re: Cawv xeeb rau Txiv Plig Neej Vaj

    Post  Maiv Tooj on 3rd May 2010, 9:21 am

    1/

    Tus coj lub Txoos: XH. Nyiaj Lwm Vaj

    2/

    3/

    4/

    5/

    6/

    7/

    8/

    9/

    10/

    Tub paj nruag: Nicolas Xyooj



    11/

    12/

    Tuam Tswj Aumonerie Hmoob Catholique Fab Kis teb: Yaj Xaiv Tsom


    13/

    14/

    Lwm zaus mam tso ntxiv




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1178
    Date d'inscription : 2009-08-16
    Age : 51
    Localisation : Fresno, California, USA.

    Re: Cawv xeeb rau Txiv Plig Neej Vaj

    Post  Npuagtub on 3rd May 2010, 11:46 am

    Mt,

    Ua tsaug rau nws cov duab TP. Neej Vaj lub hmoov cawv xeeb.
    pom nej tuaj sib koom coob heev zoo li no mas kuj nrog nej zoo siab kawg.
    nej kuj yuav ua tau ib tug zoo qauv pub rau txheej hluas nim no tau kawm
    thiab paub txog peb cov Txiv Plig tej txiaj ntsim lawv tau tuaj pab peb haisv neeg Hmoob.
    Peb Hmoob yog ib haiv neeg me, tiam sis peb Hmoob muaj lub siab hlub luag tej.
    Peb Hmoob yog ib haiv neeg tsawg, tiam sis peb Hmoob muaj lub siab nyiam sawv daws.
    Txawm peb Hmoob tsis muaj teb nrog luag nyob muaj chawg nrog luag txoos
    los peb Hmoob yeej muajlub siab loj siab zoo, nrog luag nyob koom zej mus koom nroog.
    Zoo siab peb Hmoob Catholic nyob Fab kis muaj txoj kev sib hlub sib pab, thooj siab koom ntsws,
    sib tuav tes puag xwb pwg ua tau tej yam tshwj xeeb zoo li no rau lwm haiv neeg pom.




    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1500
    Date d'inscription : 2009-10-16

    Re: Cawv xeeb rau Txiv Plig Neej Vaj

    Post  Mim on 3rd May 2010, 5:21 pm

    Maiv Paj Lug thiqb tais Tooj,

    Ua tsaug rau neb cov duab uas neb mus koom TP Neej Vaj lub cawv xeeb os. Zoo kawg nkaus. Kuv tau pom cov txheeb ze thiab ntau leej uas kuv paub. Ua neb tsaug os. Tau ob peb hnub no mas kuv lub computer tsis txais internet zoo ces kuv tuaj xyuas tsis tshua tau sawv daws pes tsawg. Hmo no lig lig kuv mam tuaj tau, tau pom neb cov duab ua rau kuv zoo siab heev li. Thov kom TP Neej Vaj tsuas ntsib kev noj qab nyob zoo nrog peb nyob ntev mus ntxiv xwb. Ua tsaug rau TP Neej Vaj tej txiaj ntsim uas nws tau pab peb Hmoob tas nws lub neej ua txiv plig.

    Maivxis
    Phooj Ywg
    Phooj Ywg

    Messages : 271
    Date d'inscription : 2009-11-05

    Re: Cawv xeeb rau Txiv Plig Neej Vaj

    Post  Maivxis on 4th May 2010, 1:57 am

    Maiv Tooj wrote:


    Lub Txoos.




    13/

    14/

    15/

    Nyob zoo os MT , MP

    Wow !!! neb mus nrog koom TP Neej Vaj lub hmoov no ua tau zoo nkauj kawg li os , zoo li Ua tau lom zem kawg li os , Oh , Kuv kuj khuv xim kawg uas kuv muaj hauj lwm lawm es thiaj tsis tau nrog neb mus , Tab sis tsis ua li cas cia lwm zaus muaj dua 3 mam li mus kom tau ua ke nawbMT thiab MP , Nej ua tau zoo nkauj kawg thiab zaub mov los txim qab kawg li thiab os nkawd aw !!!!!
    Ua li neb noj es !! Neb puas nco qab txog kuv na los MP Thiab MT neb puas nco qab ntim hauv hnab los rau kuv saj thiab os , Hahaaaaaaaaaaaaaaa !!!
    Ua li cas neb yuav caub xub ua luaj li thiab laus , Nthse hmoob tuaj coob kawg li thiab pob lod , Zoo siab hais tias peb hmoob Fab kis kuj sib hlub thiab sib pab kawg li thiab , Puas yog nyias nqa nyias zaub mov mus noj na lod , zoo li muaj ntau yam kawg li thiab os yuad , Thov kom TP Neej vaj tsuas muaj txoj sia ntev ntev nrog peb Hmoob nyob lawm yav tom ntej xwb nawb mog , Thov kom huab tais ntuj muab koob hmoov rau peb cov neeg ntseeg kom muaj kev sib hlub thiab sib pab lawm yav tom ntej xwb , Thov ua huab tais ntuj tsaug .


    Maivxis .

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 4978
    Date d'inscription : 2009-08-18

    Re: Cawv xeeb rau Txiv Plig Neej Vaj

    Post  Maiv Tooj on 4th May 2010, 5:25 am



    Nyob zoo XH. Npuag Tub, Mim thiab Maiv Xis,

    Kuv zoo siab heev uas tau mus koom TP. Neej Vaj lub koob tsheej zaum no yam tsis muaj ib yam dab tsi los pauv tau. Yog vim muaj cov kwv tij Hmoob Paris lub siab loj siab dav, peb thiaj ua tau lub koob tsheej nov tshwm tau. Txhua yam txhua tsav zoo tshaj plaws, kev coj, kev tsav, kwv txais tos, kev koom tes,...thc...!

    Peb Tsoom Hmoob Ntseeg koom siab ua tau ib lub koob tsheej los ua TP. Neej Vaj ib los tsaug uas nws tau muab tag nrho nws sim neej tuaj pab txhawb Peb Hmoob Toj siab lub neej, kuv pom peb txhua tus zoo siab thiab TP. Neej Vaj zoo siab tag nrho...Nws lub qhov muag ci ci, hais tag txhua yam kev zoo siab hauv nws tshwm hauv nws lub zaim muag ntsia peb ua lo lus qhuav ua nws tsaug...Thaum Maypaj wb hais paj huam, muaj tej ntu hais txog nws kev txom nyem, kuj ua rau lub kua muag nyob tsis tswm, thaum hais txog qhov zoo siab, nws xav tias ntshe peb tsis nco lawm, peb kuj tseem nco tau los hais rau nws...Nws zoo siab tag nrho, peb Tsoom Hmoob zoo siab tag nrho thiab...Thaum Maypajlug wb hais paj huam tag, wb cev ob peb los rau s d thiab Txiv Plig. Kuv xaus lus rau TP. Neej Vaj tias:

    Txiv Plig, koj tau xaiv los ua Tswv Ntuj txoj hauj lwm, koj tuaj pab ib haiv neeg me tsis muaj tswv, thaum koj tuaj peb mus ko taw pliab, tsis rau khau khiab. Koj tuaj rub peb tes sawv 60 xyoo tom qab peb rau khau tawv, pw txum zooj zaum rooj tawv...Kuv txaum yim ua koj tsaug.


    Ces Txiv Plig lub qhov muag hais lus rau kuv tias:

    " Kuv zoo siab, vim kuv tau ua Tswv Ntuj txoj hauj lwm tiav lawm".


    Khuv xim heev uas peb txhua tus mus koom tsis tau...




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1663
    Date d'inscription : 2009-08-17

    Re: Cawv xeeb rau Txiv Plig Neej Vaj

    Post  Maiv Paj Lug on 4th May 2010, 9:14 am

    XH Npuagtub, MaivXis , niamlaus Mim , Suav Nus , thiab cov phoojywg txhua tus......Peb mus yeej lom zem xauv npo li mas, vim tias muaj cov neeg tseem ceeb tuaj coob kawg nkaus li, qhov kuv zoo siab tshaj plaws ces yog pom cov Hmoob tseem coj qub kev cai thiab cov Hmoob Protestant tuaj koom tib si, qhov no txhais tau tias peb yeej yog Hmoob tiag tiag, peb tsis muaj cais pab cais pawg thiab peb tsis muaj xaiv tus ntseeg los tsis ntseeg...kuv pom cov kwv tij Hmoob coj qub kev cai tuaj coob kawg nkaus ua rau kuv ua ntuj tsaug twj ywm, tsuas yog tu siab thaum peb mus txais Yesxus lub cev hauv lub txoos lawv tsis tau nrog peb txais xwb.

    Dua li ces lom zem kawg nkaus vim ntsib tej txheeb leej txheeb ze, tsuas tshuav nej cov tuaj tsis tau ua rau Maiv Tooj wb nco nej thiab xav txog nej txhua tus, wb qhia nej sawv daws rau cov neeg wb ntsib, lawv kuj zoo siab heev.






    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1178
    Date d'inscription : 2009-08-16
    Age : 51
    Localisation : Fresno, California, USA.

    Re: Cawv xeeb rau Txiv Plig Neej Vaj

    Post  Npuagtub on 4th May 2010, 12:45 pm

    Sister Mt, thiab Mp,

    Zoo siab kawg thiab thov qhuas peb hmoob Catholic nyob Fab kis teb lub peev xwm ua tej lub hmoov tshwj xeeb loj ua muaj neeg coob tuaj sib koom rau zaum no, kuv kuj zoo siab thiab thov qhuas neb ob tug ua muam, uas neb muaj peev xwm coj tau tej yam txuj tseem ceeb thiab muaj nuj nqis heev mus rau TP.Neej Vaj lub koob Tsheej zaum no thiab. Kuv pom neb cov duab xwb ces twb cuag li kuv tau nrog nej koom ua ke lawm thiab, ua neb tsaug ntau uas neb tseem coj tej yam tseem ceeb tuaj qhiarau peb cov mus koom tsis tau ho paub thiab.

    Mt. thiab Mp. Peb Hmoob yog ib yam neeg mloog lus heev tiam sis peb yog ib yam neeg muaj kev tu siab heev thiab, peb yog ib hom neeg nyiam kom muaj tus zoo thawj coj, thaum muaj tej yam kev sib khom txog mas cov thawj coj yuav ua twb zoo nqua hu sawv daws, tus hlob rau tus yau, tus laus rau tus hluas, poj niam me nyuam txhua leej kom tuaj mus nrog saib nrog xyuas, txawm yog lawv tuaj tsis tau los lawv thiaj tsis tu siab vim peb hmoob tsis nyiam kev cais pab cais pawg, nyias khav tias nyias txawj nyias ntse tej no yog ib yam ib txwm peb yeej tsis nyiam.

    Kuv pom nej ua TP. Neej Vaj lub koob tsheej zaum no tau zoo kawg, tej chaw los kuj zoo loj dav tsim nyog kawg li lawm. Tiam sis kuv rov los saib TP. Nyiaj pov lub Ntees mas txaus tu siab kawg, kuv saib tsawg lwm los ua rau kuv lub siab txhov hnyog, lub kua muag tsis ntws los lub siab yeej quaj twj ywm, lub kua muag tsis si los lub siab yeej quaj dawv dhi, vim xav txog nws tej txiaj ntsim tau muab rau peb Hmoob.
    Yog tsis muaj nws cov txiaj ntsim mas ntshai peb txoj kev sib xav xov xa moo zoo li no mas yuav tsis zoo li no, ib leeg yuav sau lawm ib yam ntawv ces koj yuav tsis paub kuv li kuv los kuj tsis paub koj cov thiab. TP. Nyiaj Pov yog thawj lub teeb tuaj ua kom Hmoob nrog luag lwm haiv neeg pom kev. TP. Nyiaj Pov, TP. Neej Vaj, TP. Tshaj Sawm, thiab lum tus TP. lawv coj lawv lub teeb taws mus rau tej qhov chaw tsaus uas tsis muaj leej twg xav mus. lawv ua raws li Huab Tais Yes Xus cov lus hais tias;
    KOJ YOG COV NTSEV LAS LUB NTIAJ TEB NEEG, KOJ YOG LUB TEEB CI KAJ RAU NEEG NTIAJ TEB.





    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 4978
    Date d'inscription : 2009-08-18

    Re: Cawv xeeb rau Txiv Plig Neej Vaj

    Post  Maiv Tooj on 5th May 2010, 10:29 am


    Nyob zoo cov phooj ywg,

    XH. Npuag Tub,

    Kuv los yeej zoo siab tshaj rau lub Koob Tsheej nov thiab. Yeej ua tau txaus siab kawg nkaus.

    Hnub no kuv tsis khoom ces taig kis kuv mam tuaj tso duab ntxiv lauj...! Pw zoo rau tim peb, nyob zoo rau tim nej lauj...!




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1663
    Date d'inscription : 2009-08-17

    Re: Cawv xeeb rau Txiv Plig Neej Vaj

    Post  Maiv Paj Lug on 5th May 2010, 10:34 am




    Paj Huam TP. Neej Vaj

    1___ntawm no wb..........yuav seev paj huam
    2___hais cuam tshuam ....Txiv Plig neej Vaj
    3___Hlub Hmoob tshaj ....hauv nws lub neej
    4___tso nws teej ........nws niam tom qab
    5___hlob pes nrab .......muaj kaum ib xyoos
    6___ncaim lub moos ......tuaj mus kawm txuj
    7___Vim Tswv Ntuj .......tau hu nws ntev
    8___hauv nws tsev .......raug kev txom nyem
    9___txoj kev phem .......yog nws txiv tuag
    10__tseg ua ntsuag ......tsis muaj tus hlub!!!

    11__pab niam tub ........muaj ob tug muam
    12__los mus tshuam ......rau tus kwv ntxawg
    13__nyob sib qawg .......nrog leej niam zoo
    14__tau ntau xyoo .......lawv mus kawm ntawv
    15__lub caij sawv .......lawv ci pob zeb
    16__vim kev deb .........lub caij no no
    17__lawv nqa hlo ........thwv cib taug kev
    18__kom sov ntev ........thiaj li tsis txhav
    19__vim lub lav .........lawv mus kawm ntxuj
    20__nyob nroog nruj .....mas deb kawg nkaus
    21__noj tsis txaus ......yoo tshaib yoo nqhis
    22__ib lub hlis .........noj ob zaug nqaij
    23__yog lub caij ........noj xaus xib xoos
    24__Hauv koos txoos .....nws ob tug muam
    25__kuj rhais ruam ......cev siab ua phauj
    26__kwv ntxawg nkaus ....thiaj yuav poj niam
    27__tseg lawv niam ......xyoo peb caug tsib (35)
    28__Neej Vaj pib ........tuaj mus kawm txuj
    29__Xaiv Tswv Ntuj ......thaum xyoo tsib caug (50)
    30__nws kem caug ........txais ua Leej Choj!!!

    31__Ntuj thiaj coj ......tuaj txog Vees Cam
    32__ncig Xeev Kham ......los rau moos loob
    33__nws ncig thoob ......thiaj nce roob nyuj
    34__kaum hli ntuj .......xyoo tsib caug ob (52)
    35__nrog Hmoob nyob .....tu tsiaj tu txhuv
    36__coj siab puv ........zoo tam leej txiv
    37__txiv plig siv .......cob qhia Ntuj lus
    38__Hmoob txhua tus .....muaj kev tso siab
    39__yoog txuj tshiab ....mloog txiv plig qhia
    40__Hmoob thiaj cia .....txiav dab zuj zus

    41__Mloog Yes xus .......los txog hnub no
    42__kom Hmoob nco........Txiv Plig Neej Vaj
    43__tau muab tshaj.......rau caum lub xyoo
    44__tuaj xa moo..........thiab cawm Hmoob dim
    45__pub txiaj ntsim......ua ntej tsov rog
    46__nyob sab nplog.......xyoo xya caum tsib (75)
    47__teb chaws txhib......Hmoob thiaj tau khiav
    48__los cawm siav........rau teb chaws thaib
    49__Neej Vaj saib........peb Hmoob txom nyeem
    50__Lub neej lem ........nyob tsis muaj av!!!

    51__Txiv plig xav........tsim neej rau Hmoob
    52__mus ncig thoob.......teb chaws Nkws Yas
    53__mus xyuas tas........txiv plig thiaj nrhiav
    54__coj Hmoob khiav......kom luag tso cai
    55__yuav npaj sai........coj Hmoob mus sim
    56__lub hwj chim.........Txiv Plig Neej Vaj
    57__tau mus tshaj........rau neeg pej kum
    58__Vim Yes Xus..........twb nrog nws nyob
    59__muab Hmoob cob.......rau Txiv Plig tes
    60__Ua txiv nres.........ces luag thiaj kheev

    61__Txiv Plig Teev.......ces luag thiaj kam
    62__Hmoob Thoj Nam.......xyoo xya caum xya (77)
    63__lub suab ncha .......tuaj mus nkws yas
    64__tham tsis tas........lus zos Kas Kaus
    65__Hmoob tej laus.......xeem tuaj ntov zoov
    66__luag looj koov.......cov neeg txum cuab
    67__txawm ua nyuab.......los Hmoob siab ntev
    68__muaj txiv tsev.......Txiv Plig Neej Vaj
    69__coj siab ncaj........pab Hmoob tiv thaiv
    70__kom lus xaiv.........Hmoob tsis txhob ntsib!!!

    71__thiaj mus pib........tsim vaj tsa tsev
    72__tsis tau ntev .......kas kaus ciaj nroog
    73__hmoob xyaum yoog ....hauv luag txoj cai
    74__tsis nco ntshai......thiab rau siab khwv
    75__tes tawm hlwv .......los hmoob tsis quaj
    76__neej hmoob ruaj......qoob loo puv teb
    77__coj muag deb ........nyob txhua lub nroog
    78__nom tswv poog .......qhuas tias hmoob ncaj
    79__muaj Neej Vaj .......mob siab qhia hmoob
    80__nrhiav noob qoob ....los rau hmoob cog

    81__tsim zej zog ........qhia Hmoob ua kev
    82__txhim muaj tsev .....Teev Ntuj huv si
    83__Hmoob txuj ci........vam meej zuj zus
    84__muaj ib ntus ........Txiv Plig Neej Vaj
    85__kuj tau saj .........noob txiv lwm tsib
    46__thaum nws ntsib......tub tsav dav hlau
    87__uas nqa tau..........sab thaib los txog
    88__Hmoob muab cog.......teb chaws Nkws Yas
    89__kuj ciaj tas.........tawg paj txi txiv
    90__Hmoob thiaj siv .....los txog hnub no!!!

    91__kom peb nco..........Txiv Plig Neej Vaj
    92__tus siab ncaj........Tswv Ntuj tso pub
    93__nws los hlub.........cob qhia tsoom Hmoob
    94__xyaum qhov zoo.......txhua yam txhua tsav
    95__kom muaj hnav........li lwm haiv neeg
    96__kom peb ntseeg.......Huab Tais Yesxus
    97__hauv cov lus.........Txiv plig neej vaj
    98__tuaj pub tshaj.......rau caum lub xyoo
    99__thiaj li zoo los xaus li no!!!
    100__thiaj li zoo los xaus li no!!!!







    Lubpajzoo

    Messages : 14
    Date d'inscription : 2009-09-02

    Re: Cawv xeeb rau Txiv Plig Neej Vaj

    Post  Lubpajzoo on 5th May 2010, 11:59 am

    Nyobzoo os, cov phoojywg,

    Kuv tuaj pom nej cov duab no mas cas yuav zoonkauj ua luaj li os. Niamlaus, Maivtooj, kuv tuaj pom nej cov txivplig, lawv cov duab mas zoo li uas thaum ub es peb tuaj nyob rau USA no, peb lub church lawv yog church Catholic os. Vim peb tus paster, nws hnav cev khaubncaws dawb li ntawd, thiab kuv ua tau ib txoj hlua khiab cajdab li cov nej ua ntawd rau nej cov txivplig hnav na.
    Kuv tuaj pom ces ua rau kuv nco tau lawm, lub church tos peb tuaj yog church Catholic lawm os. Vim lawv hnav ibyam ne.

    kuv yuav nrhiav sijhawm tuaj nyeem thiab kawm tej yam zoo zoo nej hais txog kev ntseeg seb ib hnub tom ntej no kuv puas yog nej ib tsevneeg thiab os lawv aw.

    Zoosiab kawg li os.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1500
    Date d'inscription : 2009-10-16

    Re: Cawv xeeb rau Txiv Plig Neej Vaj

    Post  Mim on 5th May 2010, 5:56 pm

    Lubpajzoo wrote:Nyobzoo os, cov phoojywg,

    Kuv tuaj pom nej cov duab no mas cas yuav zoonkauj ua luaj li os. Niamlaus, Maivtooj, kuv tuaj pom nej cov txivplig, lawv cov duab mas zoo li uas thaum ub es peb tuaj nyob rau USA no, peb lub church lawv yog church Catholic os. Vim peb tus paster, nws hnav cev khaubncaws dawb li ntawd, thiab kuv ua tau ib txoj hlua khiab cajdab li cov nej ua ntawd rau nej cov txivplig hnav na.
    Kuv tuaj pom ces ua rau kuv nco tau lawm, lub church tos peb tuaj yog church Catholic lawm os. Vim lawv hnav ibyam ne.

    kuv yuav nrhiav sijhawm tuaj nyeem thiab kawm tej yam zoo zoo nej hais txog kev ntseeg seb ib hnub tom ntej no kuv puas yog nej ib tsevneeg thiab os lawv aw.

    Zoosiab kawg li os.

    Lubpajzoo,

    Zoo siab hais tias koj tseem nco txog church Catholic yog tus tos nej tuaj. Yog ib qho zoo heev uas koj tseem nco lawv txiaj ntsim os. Kav tsij tuaj xyuas peb thiab saib koj puas nyiam los nrog peb ua ib tse neeg. Es nej tuaj nyob USA no nej nyob rau lub state twg na?

    Sponsored content

    Re: Cawv xeeb rau Txiv Plig Neej Vaj

    Post  Sponsored content Today at 9:44 am


      Current date/time is 26th June 2016, 9:44 am