Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Hmoob Catholique LYON Fab Kis teb

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 2nd July 2012, 9:31 am

    2

























    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 2nd July 2012, 10:56 am



























    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 4th July 2012, 10:44 am

    NTAWV TSHAJ MOO

    Peb ua phiaj txog:
    -Kev koom tes pab nyiaj tsa lub tsev teev Ntuj
    nyob Hauv Toj, Xeev Sapa, Cob Tsib teb.
    .Tsoom Hmoob ntseeg Fab Kis teb sib sau tau ze 3000 €
    .Tais Tav Lis muab 1020€
    .Tais Liab Tsab thov tsev teev Ntuj Cheeb tsam Alsace tau 4640€
    .Koom Haum Aliance Mariale International thov tau ...?(tsis paub tseeb, zoo li tau tshaj 2000€).
    Lawv tsav tau lub cheeb lawm, tshuav vov thiab sab hauv xwb.

    .Tsev Hmoob ntseeg Cheeb Tsam Lyon sib koom yuav tau ib ce khaub ncaws Complet
    ua nuj sua plig Tsiab Peb Caug rau TP.Cwj Vuam Chiv.

    Tais Tav Lis yog tus mus pom lub tsev teev Ntuj
    Nws yog tus nqa peb sawv daws qhov ntiaj mus rau TP.Pob Zeb.
    Nws los hais ob peb lo lus rau sawv daws paub txog lub tsev Ntuj nyob Hauv Toj.
    Nws zoo siab uas peb tsev Hmoob nsteeg Cheeb Tsam Lyon coob heeb.












    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 5th July 2012, 1:57 am

    YEEB THOOJ









    HAUS YEEB THOOJ






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 9th July 2012, 9:47 am

    KEV LOM ZEM





















    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 9th July 2012, 10:35 am


    TWV YEEJ




























    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 11th July 2012, 8:53 am

    CAWV QAB LOS

    Xyoo no, Ntshiab Leej thiab nws leej nkawm muaj lub siab zoo,
    nkawd ua cov cawv qab los tuaj faib txhua nrho sawv daws haus ua kev lom zem.
    Thov ua nkawd tsaug ntau, thov kom nkawd muab ib nphaug pub peb,
    Tswv Ntuj muab txhiab pua npaug pub rau nkawd.
    Thov kom nkawd noj tsis tag haus tsis qeg.















    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 16th July 2012, 9:12 am

    DO NAB VAM
    COV NIAM TSEV THOOJ SIAB KOOM NTSWS SIB PAB UA IB LEEG IB QHO NAB VAM
    COJ TUAJ DO UA KEV PUB RAU SAWV DAWS NOJ UA KEV LOM ZEM HNUB NO.
    THOV UA TSAUG NTAU RAU TSOOM NIAM TSEV SIAB LOJ.












    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 20th July 2012, 2:11 am

    NCUAV QAB ZIB


    Cov niam tsev nyias ua nyias ib qho ncuav qab zib nqa tuaj,
    Muab los faib rau sawv daws noj ua ke, ua kev lom zem.
    Muaj cov laus coob leej tos ntsoov peb Lub hmoov Noj mov Hav Zoov nov,
    yog vam yuav tuaj noj tej ncuav qab zib yus qub teb qub chaw;
    uas peb tuaj nyob mab teb suav nroog ais peb tsis ua lawm.
    Qhov ntau, peb cov niam tsev puav leej ua cov ncuav yus teb chaws,
    xws li Hmoob li, Nplog li, Suav los Cob Tsib li.
    Cov hluas zog lawv kuj ua ncuab Fab Kis, ncuav Khej Dawb, ncua Mes Kas thiab.

    Tej hnub zoo li no, pom sawv daws zoo siab, lom zem luag ntxhi,
    sib pab sib txhawb zoo nkaus li ib tse neeg xwb.




























    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 20th July 2012, 2:50 am

    NOJ NCUAV QAB ZIB


    IB TUG NIAM TSEV SIAB ZOO TSIS TAU TES
    TSEEM UA TAU COV NCUAV NO RAU TUS TXIV XA TUAJ
    RAU SAWV DAWS NOJ UA NTEJ.
    TUS NEEG SIAB ZOO, TSWV NTUJ TSOM KWM KOJ MOG
    TUS NEEG SIAB DAV, TSWV NTUJ NYOB RAWV NTAWM KOJ IB SAB.




















    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 20th July 2012, 3:00 am


    ROOJ MOV




    KEV NOJ MOV HAV ZOO XYOO 2012 NYOB LYON LOS XAUS LI NO

    XAB NIAJ LWM XYOO MAM ROV SIB NTSIB DUA.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 2nd October 2012, 9:01 am



    Tsev Hmoob ntseeg cheeb tsam Lyon mus nrog tseev teev Ntuj Fab Kis sib fim.


    Xyoo no 2013, nyob rau Pab Kis teb, yog xyoo Diaconia, txhais tias Koom Txoos KEV SIB PAB UA KWV UA TIJ. Li ntawd nyob rau txhua lub tsev teev Ntuj (Paroisse, parish) thiaj li muaj kev sib fim, sib koom siab nrhiav txoj kev sib hlub, sib pab, sib txhawb ntawm ib ncig ntawm yus.

    Thaum tim 30/09/2012 np thaum sawv ntxov, peb mus txog, muaj kev sib fim, haus haus kas fes, haus dej txom ncauj me ntsis tag. Peb mus saib ib zaj video txog kev sib pab, sib txhawb, sib vam. Thaum saib qhov video tag, peb nyias hais raws li tus kheej pom thiab xav txog. Tus hais txog yuav pab cov txom nyem los muaj, tus hais ua tsaug rau cov uas tau pab lawv los muaj. Ua rau sawv daws qhov muag pom kev deb dua ntxiv.

    Txiv Tswv Qhia saib xyuas cov neeg pej kum tau hais rau Txiv Plig Loj hais tias kom lawv saib xyuas peb cov Hmoob, kom lawv muab ib qho chaw hauv lawv (hauv lawv lub siab) rau peb. Hnub peb mus no, Txiv Plig tau hais Tswv Qhia lo lus nov rau peb, kuj yog ib lo lus sov peb Hmoob lub siab heev.

    Dhau ntawd ces peb mus noj mov, cov zaub mov yog ib leeg nqa ib yam mus tso ua ke, muaj cuaj phaj yim ntim, noj tsis tag haus tsis qeg. Noj mov tag ces peb mus rag txuj rau lawv saib. Peb ua peb cov txuj kib txuj hau rau lawv saj tag ces peb mus ua lub Txoos teev Ntuj. Ntau pab coj lub txoos, kuj ua tau zoo kawg nkaus.

    Tom qab lub Txoos teev Ntuj ces peb thiaj nyias rov mus nyias tsev lawm.







    Peb Hmoob tuav lub rooj ua noj.
    Peb qhia peb li txuj ci ua noj rau lawv.
    Peb nthuav peb txuj ci rau lawv.
    Peb kawm lawv txuj ci.










    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 16th October 2012, 9:20 pm


    HMOOV 50 XYOO PUAG NCIG ROOJ NCAUJ LUS VAS TIS KAAS II LYON.

    Hnub tim 14/10/2012, ntau qhov chaw nyob Fab Kis teb ua hmoov nco txog 50 xyoo, Rooj Ncauj Lus Vas Tis Kaas 2, uas tau Qheb txoj hauv kev tshiab rau tsoom ntseeg thoob ntiaj teb, cia nyias siv nyias hom lus, tej kab lis kev cai los teev hawm Tswv Ntuj. Uas tsis yog yuav siv lus Las Tees los nyeem cov zaj, los teev Ntuj thoob ntiaj teb li yav thaum ub.

    Nyob Lyon, Fab Kis teb, peb muaj tshaj 20.000 leej mus sib txoos rau lub tsev koob tsheej Eurexpo.
    Muaj Vaj Qhia ib tug Tiam Lis, ntau txhiab tus Leej Phauj, Leej Choj, Tij nrog rau 500 leej tub hu nkauj (Choristes); ua ke ntawd muaj 4 tug txais lub Cim Tiag tes ua Leej Choj, muaj 3 leeg txais lub Cim Tiag Tes ua Tub Tsob Hwb, muaj Txiv Tswv Qhia Liab Lyon, Mgr.Philippe Barbarin yog tus ua lub Txoos rau thaum yav tav su dua. Thaum sawv ntxov, nkag kiag rau hauv tsev, muaj ntau tus Leej Choj nyob tej kwb kem ua lub Cim Daws txhaum rau sawv daws, ntawm ib sab kiag muaj Hawm lub Cim Yug, muaj kev sib fim, tej pwb pab hu nkauj, muaj qheb ntau qhov chaw nrhiav kawm thiab paub txog kev ntseeg, kev sib pab sib txhawb, muaj ntau leej tuaj ua tim khawv txog kev ntseeg, txog kev pab cov neeg me tshaj cov me, tej tug kuj ua rau sawv daws los kua muag, tej tug kuj ua rau sawv daws zoo siab los luag. Txhua yam yog ua rau Tswv Ntuj TXOJ KEV HLUB los yog TXOJ KEV NYIAM TSWV NTUJ.

    Tswv Qhia Barbarin hais nthuav Ntawv Ntshiab:

    "Ua tsaug uas nej tuaj lub koob tsheej no coob coob"
    "Peb yuav tsum ua Tswv Ntuj ib cov tub txib xyib fab rau lub ntiaj teb no",

    Cib fim cawv xeeb puag ncig 50 xyoo, Rooj Ncauj Lus Vas Tis Kaas II uas nws qheb txog kev tshiab rau lub Koom Txoos thoov ntiaj teb, "Nej yuav xyaum txua xyaum txhim, yuav xyaum ua xyaum qheb yam tshiab", "yuav zoo siab hlo tshaj Leej Pleev lub Moo rau tag nrho peb tej kwv tij neej tsa".

    Nws tseem hais ntxiv thaum xaus lub Txoos:

    Tag nrho nej cov tau txais lub Cim Ntxuav thiab Cim Txhab Zog, nej tau txais cov roj ntshiab koom siab nrog Tus Pleev leej choj. Nrog rau Leej tswv Yim Ntshiab, nej puas kam muab tag nrho nej tej hauj lwm hauv nej lub neej los txi rau Tswv Ntuj?


    Tag nrho nej cov tau txais lub Cim Ntxuav thiab Cim Txhab Zog, nej tau txais cov roj ntshiab koom siab nrog Tus Pleev yaj saub. Nej puas kam txais cov Ntawv Moo Zoo rau nej txoj kev ntseeg los tshaj nej cov lus thiab nej tes hauj lwm?


    Tag nrho nej cov tau txais lub Cim Ntxuav thiab Cim Txhab Zog, nej tau txais cov roj ntshiab koom siab nrog Tus Pleev Vaj Ntxwv. Nej puas kam ua siab dawb paug tiam luag li Yes Xus tus kheej nyob hauv cov neeg me.

    Tswv Ntuj yog Leej Txiv thiab tus Tswv lub Koom Txoos: Nws lub txiaj ntsim niaj hnub txhawb nej kom nej ua tag nej txoj hauj lwm leej choj thiab tub tsob hwb.

    Tus npaj lub koob tsheej nov yog ib tug hluas thaj tsam li 35 xyoos, thaum nws npaj siab tias yuav ua rau ntawm Eurexpo, coob leej hais rau nws tias:"koj vwm xwb, ua cas thiaj yuav mus khais tau lub Eurexpo uas kim heev!" Nws teb lawv tias: "Mas tsis muaj ib lub tsev teev Ntuj twg yuav ntim tau 15.000 leej neeg ne." Nws thiaj xam los, muab tag nrho lub nroog cov nyiaj qab nas los tawm, tsis txaus ces nws xam tias tshuav cov tuaj tseem yuav pab tshav ntuj thiab ces yeej yuav ua tau xwb. Nws npaj tias peb yuav muaj thaj tsam 15.000 leej no tab sis kuj tseem tshaj, peb tseem muaj txog 20.000 leej mus koom thiab. Qhov 20.000 no tsis yog kwv yees, yog muaj lub tshuab suav cov neeg nkag kiag ntag.





    Neeg pib tuaj ntawm tshav tsheb.



    Cov maum tsheb loj tuaj.

    Cov caij tsheb kauj vab tuaj.

    Cov caij tsheb khiav hauv nroog tuaj.

    Cov coj me nyuam tuaj.


    Mus txog, lawv faib ib leeg ib lub hnab,
    ntim ib phau ntawv Moo Zoo,
    ib txog phuam kauv caj dab thiab
    cov txheej txheem hnub ntawd.

    Cov chaw Daws Txhaum


    Hawm lub Cim Yug.

    Mloog cov neeg tuaj ua tim khawv.








    Last edited by Maiv Tooj on 17th October 2012, 2:27 am; edited 3 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 16th October 2012, 11:53 pm

    THAJ TXI NTUJ.


    Cov TP.Npaj yuav nquam los mus ua lub Txoos Txi Ntuj.






    Tsis muaj chaw txaus zaum,
    coob leej zaum hauv pem teb.


    Rov mus tsev.

    Thaum peb sawv kev rov los tsev,
    muaj tub ceev xwm caij hélicoptère
    saum ntuj saib xyuas kev ruaj ntseg rau peb.
    Hauv av, muaj tsheb tub ceev xwm tuaj
    tav kev rau peb mus yam muaj lub sam xeeb.

    Thov ua tsaug rau:
    cov Tswj,
    Cov Leej Choj,
    Cov Leej Phauj,
    Cov Leej Tij,
    tsoom neeg siab dawb tuaj txhawb lub koob tsheej,
    Tsoom neeg siab dawb tuaj pab dej num,
    Tsoom neeg ntseeg hauv lub xeev Rhône,

    THOV KOM TSWV NTUJ LUB TXIAJ NTSIM LOS NYOB SAUM TXHUA LEEJ
    NRES SAWV DAWS LUB ZOG LI HNUB NO.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 17th October 2012, 8:02 am



    Thaum cov Leej Choj los mus ua lub Txoos Txi Ntuj.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 26th December 2012, 8:50 pm

    TSIAB PEB CAUG & NOEL tim 22/12/2012 nyob LYON


    Hmoov Tsuj Xeeb Huab Tais Yes Xus Yug los 2012.

    Hawm txog tsoom ntseeg thoob ntiaj teb,

    Hnub zoo hnub huv Yes Xus yug los pab tsoom ntseeg txhua tus
    Hnub dawb hnub kaj Tswv Ntuj leej tub yug los txhawb tsoom neeg siab ncaj

    Tsev hmoob ntseeg cheeb tsam Lyon, Fab Kis teb:

    Xa kev kaj lug rau Hnub Yes Xus Yug
    Xa kev kaj siab rau Xyoo Tshiab

    Tuaj rau nej txhua leej.

    Ruaj nreb nrog Tswv Ntuj Leej Tub Yes Xus.






    AS LES LUS YAS, YES XUS YUG LOS(tshiab)
    Tu sau : YAJ Nyiaj Pheej
    Muab suab : LIS Lwg Nyiaj
    2012



    As les lus yas, As les lus yas.
    As les lus yas, Yes Xus yug los.

    1- Yes Xus yug los, nyob hauv peb lub_ siab.
    2- Yes Xus yug los, tas ntiaj-teb hu nkauj zoo siab.

    As les lus yas, As les lus yas.
    As les lus yas, Yes Xus yug los.

    3- Yes Xus yug los, daws tib neeg kev txhaum.
    4- Yes Xus yug los, qhia txoj-kev mus cuag Tswv Ntuj.

    As les lus yas, As les lus yas.
    As les lus yas, As les lus yas…
    As les lus yas, As les lus yas.
    As les lus yas, Yes Xus yug los.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 27th December 2012, 8:06 pm


    HMONG CATHOLIC TSIAB PEB CAUG 22 12 2012



    Tsev Hmoob ntseeg nyob Cheeb Tsam Lyon lub Tsiab Peb Caug thiab Noël 22/12/2012.
    Zaj nkauj As Les Lus Yas tshiab
    Nyeem Ntawv Moo Zoo
    Nthuav Ntawv Ntshiab
    Foom Hmoov Zoo rau qe




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 27th December 2012, 8:54 pm



    ZAJ NKAUJ PEB TXIV NYOB SAUM NTUJ.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 27th December 2012, 8:58 pm


    Hmong Catholic Yaj txi Tswv Ntuj 22 12 2012






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 27th December 2012, 9:23 pm


    HMONG CATHOLIC HAWM HUAB TAIS 22 12 2012





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 14th January 2013, 6:13 am

    HMOOV NEEG THOJ NAM NTIAJ TEB, Lyon Tim 13/01/2013


    Hnub tim 13/01/2013, Tsev Hmoob ntseeg cheeb tsam Lyon tau mus koom Thaj txiv Ntuj nrog Fab Kis ua lub Hmoov neeg Thoj nam ntiaj teb nyob rau lub tsev teev Ntuj Saint Pierre Chanel, lub zos Rieux-la-Pape. Hais tias mus koom nrog lawv no tab sis lawv muab lub sam xeeb rau Hmoob yog cov coj thiab peb muaj hmoo heev uas peb tseem muaj ib tug Txiv Plig Hmoob ua peb niam peb txiv ua peb ntej mus fim luag.

    Peb kev fim nrog Fab Kis zaum no yog ib ruam ntxiv ntawm peb haiv Hmoob uas muaj kev sib fim thiab sib haum xeeb nrog luag pej kum neeg, nrog lub teb chaws yus nyob thiab teg dej num ntawm pawg ntseeg txhua leej.

    Peb muaj Txiv Plig Cwj Vuam Chiv tuaj sawv cev rau peb, muaj plaub me nyuam pab lub Txoos (enfant de Choeur) , thiab muaj ib co hluas hnav tsoos tsho hmoob los ua cov nqa txim thiab sau nyiaj. Thaum cov sau nyiaj sau tag, lawv mus rau nram qhov rooj mam nrog cov me nyuam pab lub Txoos nqa cov txim, ib tug hluas nqa ib taig txhuv, qe thiab xyab nrog rau ib tug hluas nqa ib phaj txiv ntoo, lawv mam li nquam los mus zoo nkauj kawg nkaus.

    Thaum pib lub Txoos, Tuam Tswj Yaj txooj Tub tau los hais ob peb los lus txais thiab ua tsaug rau tsoom ntseeg ntawm lub tsev teev Ntuj Saint Pierre Chanel uas tau muab lub sam xeeb rau peb Hmoob fim lawv zaum no. Tuam tswj hais tag, peb pib hu zaj nkauj Qheb lub Txoos, muaj 4 tug me nyuam pab lub Txoos hnav dawb nqa tswm ciab ua ntej, nrog rau TP.Cwj Vuam Chiv thiab TP.Louis los ua qab pem qhov rooj loj los mus rau nram Thaj txiv Ntuj yam muaj peev feem.

    Yog ib qho zoo heev uas peb muaj ib tug Txiv Plig Hmoob thiab tseem muaj cov tub pab Txoos Hmoob.

    Lub Txoos yog TP.Cwj Vuam Chiv ua tus coj ua lus fab kis, tab sis cov nkauj feem ntau yog nkauj hmoob, nrog rau suab nkauj ntaug ncas (xim xos). Kuj muaj coob leej hnav tsoos tsho Hmoob mus, ua rau sawv daws zoo siab: Cov hnav tsoos tsho los yog ib qho kev kho siab rov nco txog lub neej thaum ub nyob koom zej koom zos, ua zam mus teev Ntuj Hnub Chiv, cov tuaj ntsia los zoo siab uas tau pom tsoos tsho Hmoob zoo li cas, kuj muaj kev sib fim zoo siab hlo ntawm txhua leej.

    Teev Ntuj tag, peb kuj npaj tau ib nyuag qho cawv qab los tos sawv daws ntawm qhov rooj. Muaj ntau tus niam tsev zoo tau sib pab ua cov ntxuag, coob tus txiv tsev zoo sib pab hliv cov cawv thiab dej haus nrog rau faib cov ntxuag rau sawv daws kom tau noj ntxhua nrho. Yog ib lub cib fim zoo rau sawv daws sib fim.

    Thaum peb txom ncauj tag, ib txhia muaj hauj lwm kuj mus tsev lawm, tshuav peb ib co nyob, TP.Cwj Vuam Chiv kuj tau los qhia txog Lub Koom Txoos Rooj Ncauj Lus Vas Tis Kas II cov txheej txheem rau peb.

    Tom qab ntawd peb mam li noj sus ces twb yog 14h30 lawm. Thaum peb noj sus tag, ib cov mus tsev, peb ib co kuj tseem nyob tham thiab xyaum nkauj ua si txog 17h30 peb mam li nyias mus nyias lawm.





























    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 24th January 2013, 5:00 am



    HMOOV NEEG THOJ NAM TSIV TEB CHAWS nroog Chalon/Saône, Fab Kis teb, tim 13/01/2013

    Xyoo no kuj zoo li ntau xyoo yav dhau los peb cov hmoob Kas Tos Liv nyob lub nroog Chalon Sur Saône xeev 71 (Saône et Loire) tau mus koom nrog tsoom tseeg Kas tos liv fab
    kis thiab cov neeg txawv teb chaws uas laws tseeg txog Huab Tais YES XUS ib yam li peb , thiab tau tsiv los yog thoj nam tuaj nyob ntawm lub xeev 71 no teev tswv ntuj ua ke.
    Ntawm peb cov Hmoob peb kuj xav tias peb poj yawm txwv koob twb tsim tau ib cov tsoos Hmoob uas zoo nkauj tshaj luag lwm haiv neeg tej tsoos , yog li no peb yuav tsum hnav
    peb cov tsoos thiaj tsim nyog peb tej laus thaud tau npaj tseg cia rau peb, tsis tas li ntawd xwb hnub ntawd yog ib hnub tseem ceeb nyob ntawm Huab Tais Tswv Ntuj xub ntiag.Yog
    tias peb muab los xav kom zoo zoo hnub ntawd Huab Tais Ntuj xav pom tas txhua haiv neeg uas tseeg txog nws tuaj nyob ua ke cav txog nws lub siab zoo tniab leej tswv Yes Xus
    yeem tuag kom tau cawm lub ntiaj teb neeg.Hnub ntawd peb kuj tau txais ntawv tias peb pawg tseeg nyob lub nroog Lyon thiab ib cheeb tsam kuj muaj teev ntuj nrog cov pej kum teb thiab lawv xav kom peb mus koom tiam sis peb kuj mus tsis tau raws li peb lub siab xav vim hnub ntawd cov txiv plig uas txiv tswv qhia tso tuaj saib xyuas peb ntawd lawv kuj xav kom peb nrog lawv teev ntuj ua ke thiab , tsis tas li xwb hnub ntawd ntawm peb pawg neeg los kuj tseem muaj qhia kev cai ntuj rau cov los tshiab uas yuav npaj txais lub cim ntxuav uas yog ib tug laus ntawm peb pawg tseeg ua tus qhia ua ke ntawd los kuj tseem muaj txuav plig rau peb ( 3 ) tus me nyuam hmoob me me nyob rau lwm lub tsev teev ntuj thaum 9 teev 30 txog 10 teev 30 . Thaum 11 teev peb mam los sib sau teev ntuj ua ke ntawm lub tsev teev ntuj uas peb mus kawm kev cai ntuj thaum 9 teev txog 10 teev 45.
    Lawv pab no tas nrho muaj xya (7) leej , muaj tsib ( 5 ) leej kawm npaj los txais lub cim ntxuav hos muaj ob ( 2 ) leej npaj los txais Yes Xus lub cev.
    Tom qab ntawd peb hnov tias lub thaj Mis Xas teev Tswv Ntuj tim 13 / 01 / 2013 yog peb hmoob nrog rau txiv plig Cuj Vuam Chiv ua tus coj tas tsoom tseeg uas tuaj teev ntuj rau hnub
    ntawd , peb kuj mob siab kawg uas tsis tau mus koom , vim peb yeej nkag nrog rau cov nyob Lyon tsuas yog peb nyob nrug deb me ntsis lawm thiaj mus koom lawv tsis cuag ncua .
    Thov kom Huab Tais Ntuj nrog sawv daws nyob ua sawv daws siab kaj lug...

    HAWJ TSWJ ZOO.
















    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 7th February 2013, 10:01 am


    Tsoom ntseeg Thoj Nam (Pastorale des Migrants) sab laj nyob Lyon 2013.

    Xyoo no, yog ib xyoo zoo rau Tsev Hmoob ntseeg nyob Lyon. Yog los ntawm tej txiaj ntsim uas Tsev Hmoob Ntseeg nyob Cheeb tsam Lyon tau tshwm dag zog los tau yuav luag 30 xyoo los. Tau siv dag siv zog lawm ntau, tau ntsib kav lom zem kaj siab ntau zaus, tau tws kev ntau zaud, tau nce roob thiab nqes hav ntau zaud, tau pom kev tshav ntuj ntau zaus, tau maub kev tsaus ntuj ntau zaus, tau tiv tshav tiv nag ntau zaus, txog hnub no lub dag lub zog uas tau siv los mus kuj rov pauj tau lawm.

    Vim xyoo no lub Koom Haum Tsoom Ntseeg Thoj Nam nyob Lyon lees paub peb pawg Hmoob ntseeg, nws kuj tau qhia peb rau Tswv Qhia Philippe Barbarin lub Diocèse de Lyon. Lub sij hawm uas Koom Haum Tsoom Ntseeg Thoj Nam qhia Peb Hmoob rau Tswv Qhia Lyon, TP.Cwj Vuam Chiv kuj tau mus nrog Tswv Qhia Barbarin ua ib thaj Mis xas ua ke hauv lub Thawj tsev teev Ntuj Primatiale Saint Jean Bâptiste.

    Lub Koom Haum Tsoom Ntseeg thoj nam kuj pab peb thaj tsob txog TP.Cwj Vuam Chiv tej nqe kev mus los uas tuaj xyuas peb thiab pab tej nqe kev rau cov mus qhia Ntuj Kev cai rau cov los ua Ntuj Kev Cai tshiab.
    Yog peb xa ua tej ntawv "Nkauj teev Ntuj" tej los lawv kuj txaus siab yuav pab peb luam. Kuj tseem muaj ib lub Koom Haum tshwj xeeb rau kev pab nyiaj txiag tsis nkag rau kev ntseeg. Ntshe yog peb tsis muaj laj lim tswv yim tsim kho xwb, yog peb tsoom ntseeg Cheeb tsam Lyon muaj laj lim mas lawv muaj peev yuav pab peb ntau yam. Thaum muaj kev pab lawm, ntshe ho yuav khwv heev, ntshe ho yuav tsis pom qab yuav pib yam twg qhov twg tuaj. Vim Peb Hmoob tsis tau muaj dab tsi kiag li, yog ua lawm ces yuav pib txhua yam tag nrho mas kuj nyuaj kawg li.





    Rooj sab laj hnub tim 02/02/2013 nyob Saint Jean, Lyon.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 14th April 2013, 10:18 am

    Hmoov Tswv Ntuj Txoj Kev Khuv Leej ntob Ars, Tim 07-04-2013.


    Txhua lub caij ntuj tshiab, peb tsev Hmoob ntseeg Cheeb tsam Lyon mus teev Ntuj ib qho chaw ntshiab ib hnub, xyoo no peb rov mus Ars li tsaib no, vim lawv xav kom peb cov Hmoob rov mus nrog lawv koom lub Hmoov Tswv Ntuj siab zoo. Mus tej hnub tshwj xeeb li no mas ua rau yus pom ntau pawg ntseeg, ntau lub koom haum kev ntseeg tuaj thiab kuj ua rau yus muaj kev sib fim nrog lawv, ua rau yus paub yam ntxiv.

    Thaum sawv ntxov mus txog, muaj Daws Txhaum, teev txoj sawv Tswv Ntuj txoj kev khuv leej, Tswv Qhia qhia txog Zaj Kuv ntseeg, muab txhais ib los zuj zus rau Tswv Ntuj txoj kev khuv leej neeg, thiaj li muab NWS leej Tub los daws neeg lub txim txhaum. Tswv Qhia piav tag ces yog thaj Mis Xas. Mis xas tag peb mus noj mov, noj sus tag, ib txhia mus sab laj koom haum, ib txhia rov mus teev Ntuj dua. Kev teev Ntuj yog hawm luv Cim Yug uas muaj tus coj, qhia kev ntseeg txog Tswv Ntuj txoj kev khuv leej tag ces peb thiaj li nyias mus nyias tsev.

    LN Txiv Plig Ars (Jean-Marie Vianey) zaj thov Ntuj.

    Kuv nyiam koj, os kuv tus Huab Tais Tswv Ntuj,
    Thiab qhov kuv ntshaw yog kom tau nyiam koj
    txog thaum kuv txoj pa tu.

    Kuv nyiam koj, os Huab Tais zoo nyiam tag nrho,
    Thiab kuv txaus siab tuag kom tau nyiam koj
    uas yuav nyob ib pliag ntxiv uas tsis tau nyiam koj.

    Kuv nyiam koj, os kuv tus Huab Tais Tswv Ntuj,
    Thiab kuv ntshaw Ntuj Ceeb Tsheej tsuas yog kom muaj txoj hmoov
    tau nyiam koj txaus siab hlo nkaus xwb.

    Kuv nyiam koj, os kuv tus Huab Tais Tswv Ntuj,
    Thiab yog kom kuv mus dab phem teb mas ntshe tsuas yog tsis muaj
    ib qho kev nplij me me uas kom tau nyiam koj.

    Tswv Ntuj e,
    Yog kuv tus nplaig hais tsis tau tas li tias kuv nyiam koj,
    Los kuv xav kom kuv lub siab hais npaum li yuav hais tau yog kuv tseem ua pa.

    Ab! Muab koj lub txiaj ntsim pab kom kuv tau txom nyem los nyiam koj,
    Kom tau nyiam koj nrog txoj kev txom nyem,
    Kom tau txom nyem los nyiam koj,
    Thiab kom ib hnub twg kuv ua pas kom tau nyiam koj
    Thiab kom kuv hnov tias kuv nyiam koj.

    Thiab thaum kuv yuav sau laus,
    Kuv cog lus tias kuv yuav ua kom kuv txoj kev hlub hlob
    Thiab ua kom zoo tshaj ntxiv..














    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 27th April 2013, 8:15 pm



    Txais Cim Ntxuav.


    Hnub tim 30/03/2013, Hmo Hla, Mos Tsab uas yog ib tug niam tsev zoo uas tau npaj siab tau ob xyoo los txais lub Cim Ntxuav. Nws yog ib tug niam tsev muaj peev xwm tu thiab tsom kwm nws 11 tug me nyuam loj hlob tiav neej tag. Hnub no nws txau txiav siab los ua Tswv Ntuj ib leeg me nyuam, Yug los nyob hauv Tswv Ntuj Tsev Neeg. Nws yog phaum loj hlob nyob tim ub, ntuj qub qab, nws tsis tau kawm ntaub ntawv ntau, tab sis nws muaj lub laj lim tswv yim zoo, ua ib tug qauv zoo rau nws tsev neeg, cov me nyuam thiab tsoom ntseeg sawv daws. Thaum txais lub Cim Ntxuav tag, lawv kom nkawd ob tug txais lub Cim Ntxuav hnub no los hais nkawd zaj Thov Ntuj thawj zaug; tus poj niam fab kis hluas, nws yog neeg txawj ntse, nws kuj hais raws nws txoj kev txawj ntse thiab lub neej tau zoo nyob nws lub teb chaws, hais tag kuj tsis muaj neeg npuaj teg rau nws. Tab sis thaum tus neeg me tshaj cov me los hais qhov ruam tshaj tus neeg ruam, hais tau cov lus tuaj ntawm Ntuj tuaj nkag ti nkaus sawv daws lub siab, ua rau tsoom neeg npuaj teg rau nws yam tsis faj txog (Tus txhais kuj txhais tau nws cov lus zoo kawg thiab); thiaj ua rau tus TP.coj nws los qhia rau tsoom neeg tias nws ib leeg tu 11 tug me nyuam loj puv pwg.





    Sponsored content

    Re: Hmoob Catholique LYON Fab Kis teb

    Post  Sponsored content Today at 3:37 am


      Current date/time is 10th December 2016, 3:37 am