KOJ LO LUS YOG LUB POV HUM

**Maiv Tooj** 4th December 2012, 9:53 pm

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°1

KOJ LO LUS YOG LUB POV HUM

Post Maiv Tooj 4th December 2012, 9:53 pm

AS LOOS:

Nyob hauv Ntawv Ntshiab, As Loos yog Mais Xes tus tij laug hlob, Mais Xes tso siab rau nws. Nws yog tus coj lus rau sawv daws (KT: 32/21-24), nws yog tus coj kev teev hawm thaum Mais Xes lawv tsiv los rau teb chaws suab puam. Yam li cov Yus Das xaiv As Loos caj ces uas yog Les Vis cov xeeb ntxwv los ua lawv cov Tuam Leej Choj. As Loos tuag ua ntej los txog rau lub teb chaws uas Tswv Ntuj cog lus. Vim lawv los nyob teb chaws suab puam tau 40 xyoo diam.

**Maiv Tooj** 6th December 2012, 9:23 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°2

Re: KOJ LO LUS YOG LUB POV HUM

Post Maiv Tooj 6th December 2012, 9:23 am

AS NPAS

As Npas:
Yog los ntawm lus As Las Mes Ees los txhais tias: "txiv los yog iv".
Yog ib lo lus me nyuam hu nws txiv li muaj kev sib hlub thiab sib tso siab.
HT.Yes Xus kuj siv lo lus no hais thaum nws teev Ntuj,
nws ua li nws yog lub siab me nyuam yaus rau Tswv Ntuj (MK: 14/36).

36 Yes Xus hais tias :
"As Npas, Txiv ! Koj ua tau tas ib puas
tsav yam : thov koj tshem lub ntim no mus
deb kuv. Tab sis, txhob ua raws li kuv
xav, koj ua raws li koj xav !"

**Maiv Tooj** 17th December 2012, 10:06 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°3

Re: KOJ LO LUS YOG LUB POV HUM

Post Maiv Tooj 17th December 2012, 10:06 am

HAS NPLAS HAS.

Has Nplas Has yog haiv neeg His Xas tus yawg koob. Thaum ntej mas yog ib tug hais dhau ib tug xwb, tom qab no thiaj li muab los thom rau hauv phau ntawv Hauv Paus. Has Nplas yog lub npe hluas thaum nws nrog nw stxiv Tes Lav khiav ntawm lub teb chaws Us tim Mes Xaus Pos Tas Mias (yog Irak niaj hnub no) xub los rau Has Laas ( yog teb chaws Turkey niaj hnub no). Nws coj nws poj niam Xas Las thiab nws tus tub kwv Los los mus rau lub teb chaws Kas Nas As. Yog ib cov neeg nyob tshais chaw raws kev nrhiab noj.

(Ntawv Hauv Paus: 12,1-4)

1 HUAB TAIS hais rau Has Nplas tias :
"Tso koj lub teb chaws tseg, tso koj tsev
neeg, koj tej txheeb ze thiab koj txiv lub
vaj tse tseg, koj mus nyob lub teb chaws
uas kuv yuav qhia rau koj.
2 Kuv yuav tsa koj ua ib haiv neeg loj,
kuv yuav foom hmoov zoo rau koj, thiab
kuv yuav ua kom koj lub npe nto moo loj.
Koj yuav nqa txoj hmoov zoo rau txhua
leej txhua tus. 3 Kuv yuav foom hmoov
zoo rau cov neeg uas foom hmoov zoo
rau koj, kuv yuav foom hmoov phem rau
cov uas foom phem rau koj. Tas txhua
haiv neeg nyob ntiaj teb yuav muab koj
lub npe los sib foom hmoov zoo.”
4 Has Nplas sawv kev mus raws li
HUAB TAIS kom nws mus. Los kuj
nrog nws mus thiab. Thaum Has Nplas
tsiv hauv Has Laas teb mus, nws muaj
xya caum tsib xyoos.

Tswv Ntuj xaiv nws los ua tus chiv keeb ntawm NWS Haiv neeg. NWS tau cog lus hais tias nws yuav yog tag nrho txhua haiv neeg tus yawg koob. NWS thiaj li tau tis lub npe tshiab rau nws thiab nws poj niam. Txij no mus nws yuav hu ua Has Nplas Has thiab nws poj niam yog Xas Las.

Ntawv Hauv Paus: 17,5-15.

5 Luag yuav tsis hu koj ua Has
Nplas ntxiv. Koj yuav hu ua Has Nplas
Has, vim kuv muab koj los ua txiv rau
ntau haiv neeg. 6 Kuv yuav ua kom koj
huam vam. Ntau haiv neeg yuav tawm
hauv koj los, thiab ntau tus vaj yuav sawv
hauv koj los. 7 Kuv yuav nrog koj cog
lus thiab nrog haiv neeg uas tawm hauv
koj cog lus; kuv lo lus cog yuav nyob mus
li txheej dhau txheej tiam dhau tiam. Kuv
yuav ua koj tus Tswv Ntuj thiab ua haiv
neeg uas tawm hauv koj los tus Tswv Ntuj.

8 Kuv yuav muab lub teb chaws uas koj
nyob no rau koj thiab rau haiv neeg uas
tawm hauv koj los. Kuv yuav muab tas
nrho lub teb chaws Kas Nas Has rau nej
ua nej tug mus li tsis muaj caij kawg,
thiab kuv yuav ua nej tus Tswv Ntuj."
9 Tswv Ntuj hais rau Has Nplas Has
tias : "Ntawm koj mas koj yuav ua raws
li kuv lo lus uas kuv nrog koj cog, koj
thiab haiv neeg uas tawm hauv koj los,
nej yuav ua raws li ntawd mus tiam dhau
tiam. 10 Kuv lo lus uas nrog koj cog,
thiab nrog koj caj ces cog, thiab nej yuav
tsum ua raws nraim, mas muaj li no: Tas
nrho nej cov tub yuav tsum txais lub cim
txiav tawv. 11 Nej yuav txiav nej daim
tawv noov, qhov no yuav ua ib lub cim
qhia tias kuv thiab nej tau cog lus.
12 Thaum nej cov tub yug los tau yim
hnub lawm, mas nej yuav ua lub cim
txiav tawv rau txhua tus, yuav ua li no
mus tiam dhau tiam, rau txhua tus uas yug
hauv nej tsev, rau tus uas nej muab nyiaj
muas ntawm luag los huv tib si. 13 Nej
yuav ua lub cim txiav tawv rau tus uas
yug hauv tsev thiab tus uas nej muab
nyiaj muas los huv si. Nej yuav khaws
kuv lo lus kuv nrog nej cog nyob hauv nej
cev nqaij tas mus ib txhis. 14 Tus uas
tsis tau txais lub cim txiav tawv, tus tub
uas luag tsis tau txiav nws daim tawv
noov, tus ntawd yuav raug tshem tawm
hauv nws tsev neeg mus, vim nws tau hla
lo lus kuv nrog nej cog lawm."
15 Tswv Ntuj hais rau Has Nplas Has tias :
"Koj tus poj niam Xas Lais, koj yuav tsis
hu nws ua Xas Lais ntxiv, koj yuav hu nws ua Xas Las.

Nkaws ob leeg muaj ib tug tub, npe hu ua Is Xas As, yog Tswv Ntuj lub cim cog lus nrog nkawd. Has Nplas Has nyob laus laus mam tuag, lawv muab nws faus nyob Hes Nploos. Has Nplas Has lub npe tau teev 75 zaug hauv Ntawv Moo Zoo(Ntawv Cog Lus Tshiab).

**Maiv Tooj** 9th January 2013, 11:33 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°4

Re: KOJ LO LUS YOG LUB POV HUM

Post Maiv Tooj 9th January 2013, 11:33 pm

CAV TXIAJ NTSIM=Action de Grâce.

Yog hais ua tsaug rau Tswv Ntuj lub txiaj ntsim uas tau muab kev Cog Lus thiab nws txoj Kev Hlub pub dawb rau neeg. Los ntawm lus Hes Las tias eucharistia yog ua txiaj ntsim: Tswv Ntuj Foom Hmoov Zoo txhua yam hauv txoj kev ntseeg Yes Xus Pleev rau leej neeg kom paub tias Tswv Ntuj hlub nws npaum li cas thiab ua NWS tsaug. Tau thaj tsam 20 xyoo los, tsoom ntseeg muab qhov "cav txiaj ntsim" los tso rau sam xeeb hauv lub Txoos, los lus "Lub Chim Yug=Eucharistie", nws txhais tias CAV TXIAJ NTSIM (koob meej, HWAWM thiab ZOO SIAB HOM KHAJ.

**Maiv Tooj** 17th January 2013, 7:01 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°5

Re: KOJ LO LUS YOG LUB POV HUM

Post Maiv Tooj 17th January 2013, 7:01 am

AS DAS.

As das los ntawm lus Hes Nplaws hais tias: "NEEG" As Das los ntawm adamah, yog ib tug as das, "yog tus uas tawm ntawm av los" Yog tib lo lus uas teev txog thawj thawj tug tib neeg.

HP.2/7

7 HUAB TAIS Tswv Ntuj muab ib thooj
av nplaum los puab ua tib neeg. HUAB
TAIS Tswv Ntuj tshuab pa rau hauv tib
neeg qhov ntswg, ces tib neeg ciaj ua ib
tug muaj sia.

Raws li Leej Ntshiab Paj Lug, Yes Xus yog tus Ad Das tshiab, yam li yog tus piv txwv rau neeg. Nws yog tus zoo li tus Tswv Tsim nyiam.

KLX: 1/15

15 Yes Xus yog tus Tswv Ntuj uas qhov
muag pom tsis tau tus duab. Nws yog tus
xub yug ntawm txhua tsav txhua yam uas
Ntuj tsim los.