KAWM KEV CAI THAWJ ZAUG

Kajntug 30th August 2009, 3:12 am

Kajntug: Messages : 21
Date d'inscription : 2009-08-16

Post n°1

KAWM KEV CAI THAWJ ZAUG

Post Kajntug 30th August 2009, 3:12 am

KAWM KEV CAI THAWJ ZAUG

KAWM KEV CAI THAWJ ZAUG Aoa03510

" Kuv cov me nyuam , ua ntej ntau xyoo dhau los nej twb tsis tau muaj los nyob hauv qab ntuj, nej tsis yog dab tsi li. Leej twg yog tus tsim nej los? Nej niam nej txiv puas yog? TSIS YOG, tag txhua leej niam yuav tsum hais tseeb li tus niam zoo MAS XAS NPES tau hais rau nws cov tub : << Kuv tsis paub yog vim li cas nej thiaj xeeb tau nyob hauv kuv lub plab, txis yog kuv muab ntsuj plig rau nej, tiam sis Leej Ntsuj Nplig thiab txoj sia cia li txuas rau nej daim nqaij daim tawv thaum kuv muaj nej nyob hauv plab txuas rau nej los ua ib lub cev. Yog Tswv Ntuj , kuv cov me nyuam, nws yog tus txuas nej txoj sia, thiab thaum kuv hais tias TSWV NTUJ mas nws yog tus muaj hwj huam tas nrho zoo tag nrho. Tswv Ntuj yog Ntuj Plig, yog Ntuj Plig tus Ntse txhaj txhua yam dawb huv, nws txawj xav tag nrho.>>

Txoj kev ntseeg yog dab tsi?

Txoj kev ntseeg yog lub txiaj ntsim Tswv Ntuj pub rau neeg ntiaj teb paub qhov phem qhov zoo thiab muaj kev cia siab tias peb tsis tuag peb yuav tau mus nrog Tswv Ntuj nyob.
"Muaj ntau hom neeg, ntau haiv neeg ,thiab nyias ntseeg raws nyias siab nyiam lawm, tiam sis TSWV NTUJ tsuas muaj ib tug xwb, yog tus tseem thiab tus tsim lub ntuj lub teb."

1_ Leej twg yog tus tsim lub ntuj lub teb?

_Tswv Ntuj yog tus tsim lub ntuj lub teb thiab tag nrho txhua yam qhov muag pom thiab qhov muag tsis pom.

2_ Ua cas ho muaj ib tug Tswv Ntuj xwb?

_vim tsuas muaj ib tug Tswv Ntuj, yuav tsis muaj lwm tus yog tau Tswv Ntuj, vim Tswv Ntuj yog tus muaj hwj huam tag nrho nto moo lug mus ib txhis.

3_ Tswv Ntuj yog dab tsi?

_ Tswv Ntuj yog Leej Ntuj Plig tus dawb huv zoo tag nrho nto moo lug tsis txawj kawg.

4_Tswv Ntuj pus muaj qhov pib ?

_Tswv Ntuj tsis muaj qhov pib , vim nws yeej YOG thiab nws yuav YOG mus ib txhis.

5_Tswv Ntuj nyob qhov twg?

_Tswv Ntuj nyob tag nrho qhov txhia chaw, sab yus pom thiab sab yus tsis pom.

6_Yog Tswv Ntuj nyob qhov txhia chaw, ua cas peb ho tsis pom?

_Peb tsis pom vim Tswv Ntuj yog Ntuj plig Ntshiab, yuav pom tsis tau nrog yus lub qhov muag thiab lub cev ua tseeg yog neeg ntiaj teb.

7_Tswv Ntuj puas pom peb?

_Tswv Ntuj pom peb thiab nws yog tus saib xyuas peb.

8_Tswv Ntuj puas paub txhua yam?

_Tswv Ntuj paub txhua yam: peb ua, peb hais lus, peb xav, thiab peb zais tob.

9_Tswv Ntuj puas ua tau txhua yam?

_Tswv Ntuj ua tau txhua yam vim TSWV NTUJ yog tus muaj hwj huam ntoo moo lug, yuav tsis muaj ib yam dab tsi uas Tswv Ntuj yuav ua tsis tau.

10_Tswv Ntuj puas ncaj ncees, dawb huv thiab txawj zam txhaum?

_Tswv Ntuj ncaj ncees tsis txawj xaus, Tswv Ntuj dawb huv mus ib txhis, thiab Tswv Ntuj yog tus zam txhaum tsis muaj hnub kawg.

" HUAB TAIS LEEJ TXIV LEEJ TUB THIAB LEEJ NTUJ PLIG "

KAWM KEV CAI THAWJ ZAUG Cate0211

MUAJ NTAU TUS YOG TSWV NTUJ LOS?

Muaj Peb tug yog TSWV NTUJ " Leej Txiv Leej Tub thiab Leej Ntuj Plig."

Vim peb hais tias Tsuas muaj ib tug Tswv ntuj xwb, tab sis txoj kev ntseeg coj peb mus deb dua ntawv, nws qhia rau peb hais tias peb yuav tsum ntseeg tias tus 1 yog Leej Txiv, tus 2 yog Leej Tub, tus 3 yog Leej Ntuj Plig. Vim yeej muaj 1 tug Tswv Ntuj tus tseem thiab muaj 3 lub npe sib luag zos ,muaj hwj huam tag nrho thiab zoo dawb huv tshaj plaws.

KAWM KEV CAI THAWJ ZAUG Jesus-10