Xib Hwb Lis Vam Xab 1949-2011

**Maiv Tooj** 17th July 2011, 10:44 am

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°1

Xib Hwb Lis Vam Xab 1949-2011

Post Maiv Tooj 17th July 2011, 10:44 am

Xib Hwb Lis Vam Xab 1949-2011

PEB TXIV LUB NEEJ (Vam Xab Lis)
Nws yug xyoo 1949 nyob rau lub zos Tuam Hem Sab,
toj xeem Nas Mob, Moos xais, Xeev Phongsaly, Nws txiv yog Lis Nkaj Nus,
nws niam yog Maiv (xeem Koo). Nws niam nws txiv yug tau lawv muaj ib
tug ntxais ua yog tus hlob thiab 4 leeg tub.
Tsis muaj txoj hmoo, nws txiv tau tso cov me nyuam ua ntsuag thaum sawv
daws tseem yau yau. Tsis ntev xyoo tom qab ntawd, lawv niam thiaj li
mus ua niam lawm, tseg tas nrho pab me nyuam ntsuag nrog lawm txiv ntxawm,
niam ntxawm nyob.
Xyoo 1960 nyob rau Npam Naj Xees, vim txoj kev txom nyem thiab tsawg kwv
tsawg tij, thiaj li txiav siab lo coj kev ntseeg Kas Tos Liv. Tom qab ntawd,
nws thiaj li raws cov Txiv Plig lawv ua tus coj pab ntseeg tib si los nyob
rau zos Naj Ngos, ze ze Huab Xais.
Xyoo 1965, nws mus kawm ua xib hwb tshaj ntuj lus nyob Luang Phrabang.
Xyoo 1970 nws yuav poj niam. Tom qab 6 xyoo uas nws kawm tiav,
nws thiaj tau tawm mus tshaj ntuj lus mus txog lub caij sawv daws tawg teb
chaws.
Xyoo 1977, nws thiab nws tsev neeg thoj nam tuaj nyob rau Fab Kis teb ntawm
lub nroog Clermont-Ferrand los txog rau niaj hnub no.
Nws lub neej, nws muaj 9 leeg me nyuam, ua yog 4 tug tub, 5 tug ntxhais.
Muaj 4 txwg tub nyab thiab 4 nkawg ntxhais vawv. Nws yog ib leej txiv zoo
rau nws cov me nyuam, nws tsis cem tsis ntaus, nws txawj qhuab qhia cov
me nyuam kom tsim txiaj.
Tsis muaj txoj hmoo, nws thiaj li tso nws cov niam tub tseg rau hnub
tim 14 lub 2 hlis 2011 lawm, ua rau peb cov niam tub nco thiab tshua nws tshaj.

Nyob hauv kuv lub neej, kuv tau los nrog nws nyob, kuv tsis tau khuv
xim txog ib yam dab tsi. Kuv tsuas muaj kev zoo siab tias kuv muaj
txoj hmoo nyob kaj siab lug tau nrog nws ua lub neej. Kuv xav hais
tias saib puas muaj ib hnub twg, wb yuav tau rov los nyob ua ke txiv
lawm ob, tus neeg siab zoo.
Koj tso kuv nyob rog lub kua muag txhua hnub txhua hmo...

Niam Vam Xab Lis

Une pensée

On n’oublie jamais une personne qui nous a aidé dans la vie,
Qui a su nous soulever dans les moments les plus difficiles.
Une personne sur qui on a pu compter,
Quelqu’un qui a été un exemple à suivre dans notre vie.
Un homme qui a toujours été à l’écoute des autres,
Qui nous a expliqué ce qu’était la vie.
Cet homme qui m’est si cher et
Qui m’a fait tant de chagrin lorsqu’il nous a quitté,
C’est mon grand-père.
Un homme formidable qui n’a pas eu le temps
De nous faire partager tout ce qu’il savait.
Malgré une enfance assez triste,
Une vie pas toujours simple,
Il a partagé sa joie et son bonheur avec sa famille.
Il a su nous mener dans le droit chemin.
C’était quelqu’un dont le regard éblouissant, apaisant,
Nous réchauffait le cœur.
C’est pourquoi il occupera toujours une place dans mon cœur
Comme tous ceux qu’il a rejoint.
J’aurais une pensée à jamais pour lui.
Je t’aime fort.
Kuv tus yawg uas kuv hlub thiab kuv tshua.

Emelyne

LUB NEEJ...

Lub neej yog ib txoj moov, txais nws mog.

Lub neej zoo nkauj, ntsia nws mog.

Lub neej yog ib zaj npau suav, ua kom tswm sim mog.

Lub neej yog ib nthwv rog, tawm tsam nws mog.

Lub neej yog ib txoj hauj lwm, ua kom tiav mog.

Lub neej yog ib txoj kev ua si, lom zem nrog mog.

Lub neej yog ib yam muaj nqes, saib xyuas nws mog.

Lub neej yog ib txoj kev nplua nuj, khaws cia mog.

Lub neej yog ib txoj kev hlub, zoo siab mog.

Lub neej yog ib zaj paj lug, txhais nws mog.

Lub neej yog ib los lus tau cog, ua raws li hais mog.

Lub neej yog ib txoj kev tu siab, peem kom dhau mog.

Lub neej yog ib zaj nkauj, hu nws mog.

Lub neej yog ib qhov nrhiav yam tshiab, muaj peev xwm mog.

Lub neej yog ib yam kev sib tw, lav txais nws mog.

Lub neej yog ib txoj kev Zoo Siab, txais kom tsim nyog mog.

LUB NEEJ YOG LUB NEEJ, TIV THAIV NWS MOG

Phauj Tooj