Xa moo txog TP Tswv Yeej

**Mim** 5th April 2011, 7:05 am

Mim: Tswv Cuab Hmong Catholique; Messages : 3601
Date d'inscription : 2009-10-16

Post n°1

Xa moo txog TP Tswv Yeej

Post Mim 5th April 2011, 7:05 am

Nyob zoo sawv daws,

Kuv xa tsab email no rau peb sawv daws tau nyeem. Yog Txawj Huas, tus thawj coj HANCA, sau tuaj.

Lub caij no ntxwj nyoog muaj muaj zog li. Niam Mab Liab tau hais nyob Akita, Japan, xyoo 1973 lub 10 hli 1im 13, rau tus leej phauj Agnes Sasagawa tias:

"...Niaj hnub nej yuav hais txoj Saw Mab Liab. Thaum hais Saw Mab Liab, nej yuav thov ntuj rau Vaj Qhia, cov tswv qhia, thiab cov leej choj... Dab ntxwj nyoog yuav tshoj coob tus leej choj thiab coob tus neeg tab seeb kom lawv tso tes khiav tsis ua Tswv Ntuj txoj dej num ntxiv... Kuv xav txog tias coob leej yuav poob rau kev ploj kev txhaum ces thiaj ua rau kuv tu siab heev."

Kuv xav nqua hu rau nej sawv daws nrog kuv peb thov ntuj pab rau TP Tswv Yeej Vaj thiab os.

**Maiv Tooj** 5th April 2011, 10:15 am

Maiv Tooj

Maiv Tooj: Tswv Cuab Hmong Catholique; Messages : 5519
Date d'inscription : 2009-08-18

Post n°2

Re: Xa moo txog TP Tswv Yeej

Post Maiv Tooj 5th April 2011, 10:15 am

Nyob zoo Mim,

"Tag txhua yam koj tuav nyob ntiaj teb, yuav tuav nyob saum Ntuj; yam uas koj xyeeb nyob ntiaj teb, yuav xyeeb nyob saum Ntuj", Yes Xus hais li nov rau Pob Zeb.

Lub neej ntiaj teb yog ib vuag dhau
Lub neej pem suab yog ib txhis tsis muaj xaus

Lub neej ntiaj teb tssi xav tshwm dag zog
Lub neej pem suab yuav tsis tau vaj tsev zoo nyob

Lub neej ntiaj teb tsis xav kwv Ntoo Cuam
Lub neej pem suab yuav tsis hnov suab luag

Lub neej ntiaj teb tsis xav ua siab tawv
Lub neej pem suab yuav tau txhiab hluav taws

Lub neej ntiaj teb tsis xav nyiaj kev txom nyem
Lub neej pem suab kua muag iab yuav ntws tsis tseg

Mim,

Tswv Ntuj twb muab txoj kev ncaj txoj kev du rau sawv daws taug, cas zoo li neeg pheem nyiam nrhiav txoj kev nkhaus...Kuv tus kheej mas yeej mloog tau tias leej twg tsis muaj txoj kev ntseeg loj mas Dab Phem kuj tsis kov nws, nws tau zoo nyob heev. Yog leej twg rau siab teev Ntuj thiab nco txog Tswv Ntuj tas li mas Tuaj Kub txav ti nws kawg nkaus...Li no yog yus haj yam ntshiab mas tuaj kub haj yam yuav nrhiav kev los rub yus taw...Yuav tau ua siab tawv thiab rau siab teev Ntuj ntxiv txhob yeem swb li...Tuaj kub yeej paub neeg qhov chaw mos, qhov chaw muag luav, nws thiaj tsis ntho ko tw, nws thiaj nthos taub hau kom ko tw txhob ua zog xwb. Yog ntho ko tw ua ntej ces taub hau yuav tig los tom, nws yuav tsis yeej...Tab sis tus loj tshaj tus Tswv tsim tssi yog Dab Phem, nws yog Tswv Ntuj, mas Dab Phem txawm yuav lij lias txhua txoj ke haub ntxias neeg los nws yeej yuav tssi yeej tus Tsim nws ib zaug li...Thov kom txhua yam xwm txheej nov txia ua lub txiaj ntsim tau txhua leej kom tsuas muaj zog tshaj qub ntxiv lawm yav tom ntej.