HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Mus pom saum ntuj thiab dab phem teb los - Page 2 Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


+3
Maiv Paj Lug
Maiv Tooj
Mim
7 posters

    Mus pom saum ntuj thiab dab phem teb los

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Paj Lug 25th March 2011, 9:13 am

    Mim wrote:Thaum tus Dr. poob mus rau hauv lub ncauj qhov ntuj dub nciab, nws tau qw hais tias nws yog neeg ntseeg Kas Tos Liv, nws yog neeg dawb huv, yog leej twg yuam kev muab nws mus tso rau hauv xwb, kom muab nws tshem tawm hauv los. Ces Tswv Ntuj thiaj nug nws tias nws twb yog neeg ntseeg Kas Tos Liv no, ua li Tswv Ntuj 10 los lus qhia hais li cas thiab nws puas tau coj raws li ntawd.

    Ces thaum ntawd nws mam li to taub tias nws tsis paub li, nws tsuas nco tau thaum ub nws niam niaj hnub hais rau nws tias lo lus qhia loj tshaj ces yog lo tias: "Koj yuav nyiam koj tus Tswv Ntuj tshaj tas puas tsav yam, thiab koj yuav nyiam tus nyob ze koj ib yam li koj nyiam koj." Ces nws teb lo lus ntawd. Ces HT Yes Xus thiaj hais tias: "Ua li koj puas tau nyiam Tswv Ntuj tshaj tas puas tsav yam tiag, thiab koj puas tau nyiam tus nyob ze koj?" Nws teb tias: “Kuv tau, kuv tau, kuv tau!” Tiam sis Tswv Ntuj hais tias:

    “Koj tsis tau li. Koj twb tsis tau nyiam koj tus Tswv Ntuj tshaj tas puas tsav yam, thiab koj haj yam tsis tau nyiam tus nyob ze ntawm koj li! Koj txua ib tug Tswv Ntuj uas koj siv raws li koj kev ‘toob kam’ xwb! Koj mus txhos caug pe koj tus Tswv Ntuj thaum koj tseem ua neeg pluag, koj tsev neeg tseem tsis tau muaj koob nto npe dab tsi, thiab koj xav mus kawm ntawv nyob txheej siab xwb! Thaum ntawd mas koj mob siab niaj hnub teev ntuj kawg, koj mus txhos caug ntev loo, tsheej xuab moo, thov koj tus Tswv Ntuj kom nws rub koj tawm hauv txoj kev pluag los thiab cia koj kawm kom tau ib qho degree koj thiaj yuav ua tau ib tug neeg muaj npe nrog luag. Thaum twg koj xav tau nyiaj, mas koj cav hais Saw Mab Liab, thov ntuj tias: ‘Huab Tais e, xa ib qho nyiaj tuaj rau kuv os!’ Koj txoj kev nyiam koj tus Tswv Ntuj ces tsuas zoo li no xwb los sad!...

    Tsis tas li ntawd xwb, koj muab koj tus Tswv Ntuj tso rau qhov qis qis kawg, koj tseem cav qhuas tias koj txoj hmoov zoo twb yog vim cov hnub qub Mercury thiab Venus xwb no na. Koj dig muag, koj mus ntseeg hais tias yog hnub qub(astrology) kav koj lub neej! Koj mus ntseeg txhua yam kev ntseeg cuav lub ntiaj teb qhia. Koj ntseeg tias thaum koj tuag, ces koj tseem yuav rov los thawj thiab ua dua neeg no ne! Koj tsis nco qab txog ntuj lub txiaj ntsim uas koj tau txais lawm, thiab koj tsis nco qab txog tias yog koj tus Huab Tais cov ntshav tau txhiv tau cawm koj li!”


    Ces Tswv Ntuj tseem ua rau tus Dr. pom tias nws txoj kev hlub luag tej zoo li cas xwb: Nws yog ib tug neeg uas nyiam nyiam thuam neeg, tab pom luag phem tas mus li xwb. Nws muaj txoj kev khib khib luag thiab nws tsis xav ris luag txiaj ntsim li. Xws li nws niam nws txiv tau khwv khwv , txhawb txhawb nws thiaj kawm ntawv tiav. Thaum nws kawm tiav lawm, nws twb tsis saib nkawd li. Nws pom nws niam yog ib tug neeg txom nyem thiab neeg ruam tsis muaj txuj, mas nws tseem this nws niam txaj muag thiab. Hais txog ntawm nws lub neej muaj txiv ua ib tug niam tsev, mas nws tab yws taus tas mus li txog nws tus txiv thiab txog nws cov me nyuam. Nws twb tsis hlub lawv tu lawv zoo li. Nws twb tsis muaj ib lub siab yuav hlub txog tej me nyuam uas tsis muaj niam muaj txiv li. Nws kuj tsis hlub txog cov uas muaj mob muaj nkeeg, los cov uas tsis muaj neeg hlub txog li. Tswv Ntuj qhia nws paub tias nws lub siab mas txias thiab txhav npaum pob zeb xwb, tsis muaj txoj kev hlub sov li.

    Thaum nws tseem muaj nyiaj, mas nws ua txoj nquag nquag muas khoom noj khoom siv pub rau cov txom nyem. Tiam sis nws tsis yog hlub lawv es muas pub rau lawv, hos yog nws ua li ntawd kom tau hnov luag qhuas nws xwb. Thiab nws ua li ntawd kom tau lem cov neeg neeg txom nyem xwb. Xws li nws hais rau lawv tias: Kuv muas cov khoom noj no rau nej lawm, mas yog kuv tsis khoom mus ntsib kuv cov me nyuam tus nai khu no ces nej pab mus ntsib rau kuv ov… Ces nws tsuas yog ua kom nws tau kev txib lawv xwb.

    Ces Tswv Ntuj hais rau tus Dr. tias:
    “Koj muaj ib tug tswv ntuj, koj tus tswv ntuj yog nyiaj txiag! Yog vim nyiaj txiag mas koj thiaj li poob rau hauv dab phem teb! Yog vim nyiaj txiag, koj thiaj nkag tau rau hauv lub qhov ntuj lawm, thiab koj tau ncaim ntawm koj tus Tswv Ntuj lawm.”


    (Mam tuaj piav ntxiv kom tas 10 lo lus qhia)


    wow...niamlaus Mim, koj mas tshaj lij tiag li , txhais tau zoo heev li, koj keej txhais ntawv dhau lawm , kuv thov Huab Tais Ntuj txhawb koj lub siab kom kaj kaj txhob qaug zog, kom koj txhob muaj mob muaj nkeeg es koj thiaj li tau tuaj txhais ntawv ntau ntau yam ua lus Hmoob rau peb nyeem nawb J:

    Xav txog ntawm cov neeg ntseeg, lub npe khav cuam tias paub paub nyeem ntawv thiab paub paub teev ntuj los lub siab twb tsis thim xav thiab twb tsis mus teev ntuj li mas ua li koj hais, yus muab xav rau lub sij hawm yus tseem zoo li mas kuj ua tau rau yus siab tus los thov ntuj ntxiv pab lawv, hos yog muab xav rau cov laus dua peb phaum no lawm, ib txhia twb noj nyiaj laus lawm los tseem coj tus cwj pwm qub, tsis pauv siab tsis pauv ntsws li es yuav tav li twg lawv mam li hloov siab hloov ntsws los ua ntuj tsaug me me thiab los nrhiav Tswv Ntuj nid? muab xav los mas tu tu siab kawg.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Mim 5th April 2011, 6:00 pm

    Maiv Paj Lug,

    Ua tsaug rau nws tej lus zoo os. Kheev kuv lam txawj txhais lus tau zoo npaum koj hais mas kuv twb zoo siab kawg li...

    Maiv Paj, peb Hmoob feem coob yeej tsis tau to taub lub ntsiab tseeb ntawm txoj kev ntseeg ntuj li. Kuv hnov ntau leej tham mas zoo li tsis yog lawv los ntseeg ntuj kom muaj ib hnub lawv tau mus saum ntuj, hos lawv los ntseeg kom lwm hnub muaj ib siab ob qis luag thiaj tuaj pab lawv ua lawv lub ntees xwb. Yog lawv ntseeg li no xwb mas lawv yeej tsis mob siab kub siab li... Ces peb txoj hauj lwm yog yuav pab kom peb Hmoob muaj kev ntseeg zoo tshaj tob tshaj qub raws li peb pab tau.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Mim 5th April 2011, 6:15 pm


    Nram no yog sau ntxiv txog Gloria Polo cov lus piav txog nws mus pom Tswv Ntuj tau qhia rau nws paub txog tias nws tsis tau ua raws Tswv Ntuj kaum lo lus qhia:


    Hais txog Tswv Ntuj lo lus qhia ob: Koj yuav hwm koj tus Tswv Ntuj lub npe, Gloria piav li no: “Thaum lawv hais txog lo lus thib ob rau kuv mas ua rau kuv tu siab kawg nkaus,vim txij thaum kuv me nyuam ntxhais me me los, kuv twb kawm tau hais tias yog kuv dag mas kuv tsis mag kuv niam muab rau txim hnyav hnyav no lawm. Ces kuv cia li pib caum Xas Taas uas yog lub hauv paus kev dag, thiab xyaum ua neeg dag los lawm. Kuv cia li ua txhaum ntau zuj zus thiab xyaum dag loj zus zus tuaj. Thaum ntawd kuv paub hais tias kuv niam hwm hwm Tswv Ntuj lub npe kawg li, yog ib lub npe ntshiab heev rau kuv niam. Ces kuv txawm siv Tswv Ntuj lub npe los cog lus cuav. Tsuav yog kuv ntshai tsam kuv niam rau txim thaum twg mas kuv tab siv lo lus tias: ‘Niad, Kuv cog lus rau Tswv Ntuj tias…’Tsuav kuv hais li ntawd xwb ces kuv yeej tsis tau mag txim li. Ces kuv yeej siv Tswv Ntuj lub npe ntshiab ua kuv tej niag hauj lwm cuav qias neeg tas li, vim kuv lub siab yeej tsuas puv… kev txhaum nkaus xwb.

    Cov kwv tij viv ncaus, tom qab no kuv mam paub hais tias yus tej lus yus hais tsis yog yuav hais tas dawb dawb. Kuv niam cem kuv thaum twg mas kuv tab hais tias: “Niad, yog kuv dag koj mas kom xob tua kuv!” Saib tom qab no los pov, thaum twb tsis nco qab tej lus ntawd lawm, xob cia li tua kuv tiag tiag, muab kuv hlawv kub hnyiab tas ib nrab. Twb yog vim muajTswv Ntuj txoj kev khuv leej, kuv thiaj tseem tau nyob ntawm no…”

    Hais txog lo lus qhia peb: Koj yuav caiv Tswv Ntuj hnub: “… Lub suab hais lus rau kuv tias, kuv niaj hnub siv plaub tsib teev los mus tu kuv lub cev, tiam sis kuv twb siv tsis txog kaum nas this los nyiam Tswv Ntuj ua nws tsaug los yog teev ntuj me me li. Kuv pib hais Saw Mab Liab, tiam sis kuv saib kuv movie, ces thaum txog commercials mam hais tsuag tsuag me ntsis xwb. Hos hnub twg kuv tsis xav mus teev ntuj tom tsev teev ntuj mas kuv hais li no: “Niad, tswv Ntuj twb nyob tas qhov txhia chaw ne, cas tseem pheej yuav mus tod (tsev teev ntuj) thiab maj?”… Lub suab hais rau kuv tias kom kuv nco ntsoov tias Tswv Ntuj saib xyuas kuv 24 teev ib hnub tiam sis kuv twb tsis teev ntuj me me li, hos hnub Chiv mus teev ntuj twb tsis ua Tswv Ntuj tsaug, twb tsis nco nws txiaj ntsim me ntsis li. Nws qhia kuv tias mus teev ntuj Hnub Chiv yog mus nrhiav qhov los yug yus tus ntsuj plig xwb. Tiam sis kuv tsuas yog tu kuv lub cev nkaus xwb. Kuv ua kuv lub cev qhev, tsis nco qhov tseem ceeb lawm tias: Kuv muaj ib tug ntsuj plig tiam sis kuv tsis tu nws kiag li. Kuv tsis tau nyeem Tswv ntuj lo lus los yug kuv tus ntsuj plig ib zaug li, vim kuv hais tias leej twg nyeem Tswv Nuj lo lus mas yog vwm thiaj nyeem.”

    Hais txog lub Cim Daws Txhaum:“… Kuv nquag hais kam tias kuv tsis kam mus daws txhaum ntawm cov niag txiv neej laus uas tseem ua phem tshaj kuv… Qhov ntawd yog dab phem cab kuv tawm hauv txoj kev daws txhaum mus ces thiaj ua rau kuv tus ntsuj plig plam txoj kev dawb huv … lawm. Niaj zaus thaum kuv ua txhaum mas kuv plam ib qho tseem ceeb: vim Xas Taas muab nws txoj kev phem kev tsaus ntuj los hloov kuv tus nsuj plig txoj kev dawb huv zuj zus tas lawm. Tswv Ntuj qhia rau kuv to taub tias hauv kuv lub neej, kuv tsuas tau mus daws txhaum ib zaug xwb thiaj tseem ceeb, yog thaum kuv mus txais Yes Xus lub Cev thawj zaug, dua li ces kuv mus daws txhaum tiag, tiam sis yog mus daws txhaum cuav xwb. Kuv mus txais Yes Xus lub Cev thaum twg ces yeej tsis tsim nyog mus li. Tsis tas li xwb, kuv tseem tau hais lus thuam lub Cim Yug thiab…Kuv txoj kev hwm ntuj mas poob qis tshaj plaws li.

    Hais txog cov leej choj: … Kuv kuj yog ib tug neeg uas nquag nquag thuam cov leej choj kawg li… Qhov ntawd yog kuv kawm ntawm kuv tsev neeg los. Kuv nco thaud kuv txiv yeej pheej thuam cov leej choj, ces peb cia li xyaum ua ib yam li ntawd… Huab Tais (Yes Xus) hais rau kuv tias:‘Koj xav tias koj yog leej twg? Ua cas koj thiaj muab koj ua Tswv Ntuj, koj thiaj muaj cai txiav txim rau kuv cov neeg uas kuv tau xaiv (my anointed)? Lawv yog neeg thiab xwb. Ib tug leej choj yuav ua neeg ntshiab tau yog los ntawm nws pawg ntseeg los, lawv yuav tsum thov ntuj tiag pab nws, lawv yuav tsum hlub nws, thiab txhawb nws. Yog thaum twg ib tug leej choj ua txhum, mas luag yuav nug txog qhov ntawd ntawm nws pawg ntseeg, luag yuav tsis nug nws.’ Thiab Huab Tais ua rau kuv pom tias, niaj zaus thaum kuv hais lus thuam cov leej choj, mas muaj ib co dab phem los lo rau kuv ntag.”

    Hais txog lo lus qhia plaub: Koj yuav hwm koj niam koj txiv. “Huab Tais ua rau kuv pom tej uas kuv tsis ris kuv niam kuv txiv tej txiaj ntsim, tej uas kuv cem kuv yws nkawd , tej uas kuv saib tsis taus kuv niam vim kuv niam ruam… Thiab kuv xav hais tias kuv twb muab nyiaj mus them nkawd tej nqe kho mob tej nqe tshuaj lawm ces yog kuv ua zoo kawg lawm, tiam sis Huab Tais hais tias kuv siv nyiaj pab nkawd tiag, tiam sis yog pab kom kuv tau yuam nkawd siv nkawd raws kuv siab nyiam xwb.

    Hais txog niam thiab txiv ua tus qauv tsis zoo rau tej me nyuam: Kuv tsa muag ntsia pom kuv txiv quaj tu siab kawg pos muag nti (nyob hauv teb chaws hem txim), vim rau qhov tias nws tau qhia kuv kom rau siab khwv, … kom ua neeg ncaj. Tiam sis nws tsis tau qhia ib qho tseem ceeb: Yog qhov tias kuv muaj ib tug ntuj plig. Nws tsis tau ua ib tug pov thawj zoo txog lub Moo Zoo rau kuv li, vim li ntawd kuv lub neej thiaj poob mus rau qhov phem lawm.

    Thaum kuv txiv ua neej yav hluas, kuv txiv yog ib tug neeg tham tham hluas nkauj coob coob. Kuv txiv qhuas tias ua taus li ntawd mas thiaj yog txiv neej yawg. Kuv txiv kuj tseem quav dej quav cawv, quav luam yeeb tib si thiab. Kuv pom kuv niam quaj tu siab kawg, ces kuv cia li pib ntxub pib khib. Txoj kev hkib siab cia li coj kuv mus ua lub neej poob rau kev phem kev txhaum lawm. Kuv pom kuv txiv pheej ua tej yam saib tsis taus kuv niam rau ntawm txhua leej txhua tus xub ntiag, ces kuv cia li npau taws heev heev li. Kuv mus cem kuv niam tias kuv li mas kuv yuav tsis coj li kuv niam. ‘Tos poj niam tsis muaj nqes kiag li los yog vim muaj cov poj niam zoo li koj es tsis tsa yus hwj chim hos pheej cia tej txiv neej tsuj yus nkaus xwb nev!’ Thaum kuv loj zog lawm, kuv mus nrog kuv txiv sib cav: ‘kuv li mas kuv yuav tsis cia ib tug txiv neej tsuj kuv li koj tsuj kuv niam ib zaug li. Yog nws tseem mus tham hluas nkauj thiab mas kuv yeej ua kiag li nws los puj thiab tiag!’ Kuv txiv txawm ntaus kuv thiab cem kuv tias: ‘Koj tsis txhob vam hais tias yuav ua li ntawd!’ …Kuv hais kuv txiv tias: ‘Koj txawm yuav ntaus kuv, koj txawm yuav tua kuv los yog kuv mus yuav txiv ib hnub, es kuv tus txiv tseem tham hluas nkauj thiab mas kuv yeej yuav ua kiag pauj kom txiv neej thiaj paub tias poj niam chim npaum li cas thaum txiv neej muab lawv tsuj ntiag!’

    Vim kuv muaj txoj kev khib siab thiab kev npau taws, mas thaum kuv pib mus ua hauj lwm tau me ntsis nyiaj, ku cia li pib rau tswv yim rau kuv niam kom kuv niam nrauj kuv txiv: ‘Koj tsis tas pheej yuav nyiaj ib tug neeg zoo li ntawd li na! Tsa koj lub hwj chim me ntsis mas, es ua kom nws pom tias koj muaj nqes thiab no maj!’

    Kuv niam tsuas teb kuv tias: ‘Ua tsis tau li ntawd os, me ntxhais. Kuv yeej nyuaj siab kawg tiag, tiam sis kuv zoo siab muab qhov ntawd fij rau ntuj, vim kuv muaj nej xya leej me nyuam diam. Txawm li cas los koj txiv mus mus ib hnub los, koj txiv kuj tseem yog ib leeg zoo txiv rau nej cov me nyuam, es kuv ho yuav ua cas khiav thiab muab nej cais ntawm nej txiv mas? Tsis tas li ntawd xwb, yog kuv khiav mus lawm, leej twg yuav los thov ntuj pab cawm koj txiv no? Tsuas muaj kuv ib leeg xwb thiaj thov ntuj rau nws kom Tswv Ntuj cawm nws. Tej kev nyuaj siab uas nws tsim rau kuv ntawd, kuv muab coj mus koom nrog HT Yes Xus txoj kev txom nyem saum Ntoo Cuam. Niaj hnub kuv hais rau HT Yes Xus tias:'Kuv txoj kev nyuaj siab twb piv tsis tau rau koj tus Ntoo Cuam li, thov koj cawm kuv tus txiv thiab kuv cov me nyuam.’

    Thaum ntawd kuv tsis to taub kuv niam zaj li. Kuv txoj kev npau taws haj yam loj tuaj xwb thiab ua rau kuv pauv kuv leej neej tas. Kuv cia li pib mus tshaj tawm kuv lub tswv yim xav pab cov poj niam. Kuv pib hais lus txhawb txoj kev rho me nyuam, txoj kev pw ua ke tsis tas sib yuav tso, txoj kev sib nrauj, txoj kev uas luag ua phem rau yus yus yuav tsum ua pauj. Kuv tsis tau ntxeev siab rau kuv tus txiv ib zaug li, tiam sis kuv tau coj coob leej ua txhaum vim kuv lo lus.”

    Hais txog lo lus qhia tsib: Koj yuav tsis txhob tua neeg. “Huab Tais tau qhia rau kuv paub txog tias kuv yog ib tug tua neeg loj kawg nkaus, thiab kuv tau ua yam kev tua neeg txhaum loj tshaj raws li nws qhov muag pom: Yog qhov kuv tau rho me nyuam ib zaug. Thiab vim kuv muaj nyiaj txiag, kuv muaj lub peev xwm pab tau coob leej rho me nyuam pov tseg, vim kuv ntseeg hais tias poj niam muaj cai xaiv thaum twg lawv xav yug me nyuam thaum twg lawv tsis kam yug. Kuv tau pom nyob hau phau ntawv txoj sia,,, kuv pom ib tug me ntxhais muaj 14 xyoos mus rho me nyuam vim yog kuv cob qhia nws kom ua li ntawd… Tseem pom muaj peb plaub tug ntxhais, peb tug yog kuv peb tug ntxhais xeeb ntxwv… Lawv niam lawv txiv pub lawv tuaj ntawm kuv tsev, vim kuv muaj nyiaj muaj txiaj, thiab kuv cob kom lawv txawj hnav zoo raws li fashion, txawj ua kom luag ntsia yus nyiam yus, txawj khav yus lub cev rau luag. Kuv tus viv ncaus xa nws cov ntxhais tuaj rau kuv. Kuv cob lawv mus ua txhaum. Kuv cob cov uas tseem tsis tau muaj hnub nyoog txaus kom mus ua txhaum, mus ua kev tsis tsim txiaj. Kuv ua ib qho txhaum loj kawg nkaus li: Kuv tseem cob lawv mus rho me nyuam thiab.

    .... Niaj zaus thaum peb muab ib tug me nyuam rho, mas zoo cuag li yog peb muab tus me nyuam ntawd cov ntshav mus txi rau dab phem Xas Taas, hos peb ua kom mob Tswv Ntuj siab kawg li. Nyob hauv phau ntawv txoj sia, kuv pom tib neeg tus ntsuj plig xeeb tsim los thaum uas tus kab txiv neej los nkag kiag rau lub qe niam. Txawm pom tawm kiag ib qho txim ci zoo nkauj, thiab pom ib txoj sab hnub pom kev ci saum Tswv Ntuj leej Txiv lub hnub tuaj. Txij kiag thaum ib leeg niam suab me nyuam lawm mas tus me nyuam tus ntsuj plig ci ntsa pom kev rau hauv nws lub plab. Thaum muab tus me nyuam rho, mas nws txawj mob, nws quaj qw, nws ntsaj, txawm tias nws tsis tau muaj qhov muag tsis tau muaj nqaij. Thaum neeg muab tus me nyuam tua li ntawd, nws lub suab quaj nrov mus txog saum ntuj , ua rau lub ntuj tshee qeeg tag, thiab kuj hnov ib lub suab nrov qeeg nkaws nyob dab phem teb thiab, tiam sis yog ib lug suab luag zoo siab. Thaum ua li no tas nrho, cov phab ntsa xov ncig dab phem teb txawm tawg tej kab ua kom muaj ib co kas tau kev tawm tuaj nkag mus lo rau ntawm tej tib neeg, ua kom tib neeg qaug mus ua lub cev qhev, thiab ua qhev rau tej yam kev phem uas peb niaj hnub pom thiab tseem yuav muaj tuaj.

    Xyov nws muaj nws pes tsawg leej me nyuam raug tua li no hauv ib hnub? Yog ib txog kev yeej rau dab phem. Niaj zaus ib tug me nyuam tuag li no, mas nws cov ntshav mus daws tau ib tug dab phem tawm los ntxiv rau hauv ntiaj teb… Kuv pom tias kuv tshuav nqe ntau heev li: kuv tau tua me nyuam coob leej los ntawm kuv txoj kev siv cov IUD rau hauv tsev me nyuam. Kuv pom ntau tus me nyuam xeeb tau los, tiam sis lawv lub hnub ci pom kev cia li tawg rhe nrog rau lawv lub suab quaj, vim luag muab lawv chua ntia ntawm leej Txiv Tswv Ntuj txhais tes mus lawm…

    … Kuv kuj tau tua neeg los ntawm txoj kev ntxub thiab, vim neeg tsis yog raug phom thiaj tuag xwb. Thaum yus ntxub lawv, yus ua phem rau lawv, los yog yus khib lawv, mas yus yeej tua tau lawv (tus ntsuj plig) thiab.” (Vim yus qhia kom lawv txawj ntxub txawj ua phem thiab).


    (Mam tuaj tso ntxiv...)


    Last edited by Mim on 3rd August 2012, 2:42 pm; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 5th April 2011, 8:00 pm

    Mim wrote:Maiv Paj Lug,

    Ua tsaug rau nws tej lus zoo os. Kheev kuv lam txawj txhais lus tau zoo npaum koj hais mas kuv twb zoo siab kawg li...

    Maiv Paj, peb Hmoob feem coob yeej tsis tau to taub lub ntsiab tseeb ntawm txoj kev ntseeg ntuj li. Kuv hnov ntau leej tham mas zoo li tsis yog lawv los ntseeg ntuj kom muaj ib hnub lawv tau mus saum ntuj, hos lawv los ntseeg kom lwm hnub muaj ib siab ob qis luag thiaj tuaj pab lawv ua lawv lub ntees xwb. Yog lawv ntseeg li no xwb mas lawv yeej tsis mob siab kub siab li... Ces peb txoj hauj lwm yog yuav pab kom peb Hmoob muaj kev ntseeg zoo tshaj tob tshaj qub raws li peb pab tau.

    Nyob zoo Mim,

    Kuv los pom li koj hais nov thiab, kuv pom tias Hmoob tsis muaj kev ntseeg txaus, kev ntseeg tiag tiag, kev ntseeg tob hauv nruab txha tuaj. Lawv txiav dab kom yooj yim rau lawv xwb, vim tawg teb tawg chaw, tsis muaj kwv tij, tsis paub dab qhuas lawm, thiab xav kom thaum lawv muaj mob, muaj hwj huam yees ntxwv rau lawv kom cia li zoo kiag li kev ntseeg ua neeb kho es tus mob cia li zoo kiag yam tsis siv tshuaj kho li. Lawv xav kom muaj hwj huaj kho zoo cuag li khawb koob, kom tau dawb tsis siv dag siv zog, siv caij nyoog los yoog kom maj mam zoo raws li yus lub cev ua hauj lwm.

    Muaj ib zaug peb mus ib lub ntees, tus Coj xa plig, xa plig tas, nws tshaj tawm tias yuav muaj teev Ntuj li cas rau li cas tom qab, nws hais zoo siab hlo tias nws twb xa tus qauv tus ntsuj plig mus pem Ntuj lawm ces tau lawm... <img src=" longdesc="65" /> (txhais tias tsis muaj teev ntuj ntau los tsis ua cas)...Cas pom tej yam zoo li no mas Ntuj lub Ceeb tsheej yuav yooj yim ua luaj rau ib cov neeg, tab sis nyuaj heev tshaj plaws rau ib cov neeg...
    avatar
    Invité
    Guest


    Mus pom saum ntuj thiab dab phem teb los - Page 2 Empty http://peuplehmong.blogspot.com/

    Post  Invité 25th April 2011, 5:28 am

    History of Hmong people
    http://peuplehmong.blogspot.com/
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  NrhiavTswvNtuj 25th April 2011, 7:45 am



    Nyob zoo phooj ywg Lotuscache,

    Zoo siab uas koj tuaj xyuas peb zoo kawg uas koj tseem muaj siab nrhiav tej keeb kwm Hmoob tuaj tso rau peb tau nyeem thiab. Ua tsaug ntau.

    Hauv nov, peb muab cais ua tej kem, kom sau thiab nrhiav yooj yim. Li ntawd ob qho Links (Liens) uas koj tuaj tso nov, nws yuav nkag rau Kem "Keeb Kwm Hmoob" https://hmongcatholique.forumdediscussions.com/f42-keeb-kwm-hmoob. Koj tso rau nov lawm ces cia nws nyob nws, tab sis lwm zaud yog koj muaj txuj yuav tso ntxiv, thov koj pab muab tso rau nws KEM, ua tsaug.
    avatar
    Invité
    Guest


    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Invité 28th April 2011, 4:33 am

    NrhiavTswvNtuj wrote:

    Nyob zoo phooj ywg Lotuscache,

    Zoo siab uas koj tuaj xyuas peb zoo kawg uas koj tseem muaj siab nrhiav tej keeb kwm Hmoob tuaj tso rau peb tau nyeem thiab. Ua tsaug ntau.

    Hauv nov, peb muab cais ua tej kem, kom sau thiab nrhiav yooj yim. Li ntawd ob qho Links (Liens) uas koj tuaj tso nov, nws yuav nkag rau Kem "Keeb Kwm Hmoob" https://hmongcatholique.forumdediscussions.com/f42-keeb-kwm-hmoob. Koj tso rau nov lawm ces cia nws nyob nws, tab sis lwm zaud yog koj muaj txuj yuav tso ntxiv, thov koj pab muab tso rau nws KEM, ua tsaug.

    Nyob zoo Maiv Tooj ua tsaug ntau
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 28th April 2011, 9:39 am



    Nyob zoo lotuscache,

    Tsis ua tsaug dazb tsi os nawb, muaj txuj thiab kev thoob tsib los yog tau txais Txiaj Ntsim tej no ho coj tuaj rau peb nyeem thiab os. Peb tos nrhw nej cov zaj tuaj rau peb nyeem nawb.

    avatar
    Invité
    Guest


    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Invité 2nd May 2011, 4:46 am

    Nyob zoo Maiv Tooj, ua lis os, ua tsaug ntau ntau,kuv zoo siab tuaj saiv nej lub forum, koj nyob fab kis teb los mes kas teb os?
    Maivxis
    Maivxis
    Phooj Ywg
    Phooj Ywg


    Messages : 191
    Date d'inscription : 2009-11-05

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maivxis 2nd May 2011, 5:00 am

    lotuscache wrote:History of Hmong people
    http://peuplehmong.blogspot.com/

    Nyob zoo os " lotuscaché " zoo siab tau paub koj os tus phooj ywg , Oh koj lub websit "History of Hmong people " no zoo kawg os, ua tsaug uas koj ho tuaj qhia kom peb tau mus saib os lod , Ib leeg tuaj qhia ib yam ces zoo li peb sawv daws twb muaj ntau ntau yam lawm os mog

    Maivxis .
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 2nd May 2011, 6:17 am

    lotuscache wrote:Nyob zoo Maiv Tooj, ua lis os, ua tsaug ntau ntau,kuv zoo siab tuaj saiv nej lub forum, koj nyob fab kis teb los mes kas teb os?

    Nyob zoo Lotus Caché,

    Kuv thiab Maiv paj Lug nrog rau Maiv Xis peb nyob Fab Kis teb os.
    Mim, XH.Npuag Tub nyob USA, Yajsuavnus nyob Guyane os. Lub Forum nov yog Fab Kis teb, tab sis peb yog ib haiv Hmoob ces peb sib fim ncig ntuj li peb yog ib tsev neeg xwb. Peb tham ntau yam sib chab sib chaws es koj mam li tuaj tshawb nawb...Tham thiab tham ces ntau ntau lawm.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Mim 11th June 2011, 6:07 am

    Nyob zoo sawv daws,

    Kuv muab Maiv Paj Lug daim video txog Gloria Polo uas lawv txhais ua lus fas kis tuaj tso rau ntawm no ntxiv thiab, vim yog ib zag xwb. Kuv twb mus tsshawb saib puas pom ua lus Fab Kis tiam sis tsis pom muaj. Kuv zoo siab Maiv Paj mus nrhiav tau lawm zoo heev li. Ua tsaug os Maiv PajLug.

    Kuv yeej tseem npaj yuav tuaj muab txhais kom tas ua lus Hmoob, tiam sis pheej tsis muaj sij hawm pes tsawg li xwb.

    Kuv tso ob daim videos uas lawv sau lus Aas Kiv rau thiab, tiam sis cas zoo li tsis muaj txhij, thiab cov lus pov thawj txhais ua lus Aas Kiv zoo li tsis muaj ntau li...




    Nias nov mus siab hauv Website ua lus Fab Kis thiaj li tsis daig PC.

    http://www.gloria.tv/?media=155921





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 11th June 2011, 10:19 am



    Nyob zoo Mim thiab Maiv paj Lug,

    Ua tsaug rau neb muab daim video no tso rau peb saib thiab mloog.
    Ntev tsawv, tab sis nrhiav hauj lwm los ua ntawm ib sab ces mloog xwb...Mloog tas kuj ua rau yus xav ntau yam thiab pom txoj kev ntseeg txawv lawm...Txawv vim muaj ntau yam yus tsis paub, tsis xav txog los yog txhob txwm...Yog yus txia siab tiag tiag, qhov yuav ua tej yam zoo kom ntxim Tswv Ntuj siab twb tssi nyuaj npaum li cas thiab...Tab sis ntau zaud yog yus tssi paub txog tias qhov yus ua, qhov luag yaum kom yus ua ntawd tsis zoo rau Tswv Ntuj...Thov kom Tswv Ntuj xa coob tus neeg los ua tim khawv ntxiv rau neeg ntiaj teb kom dim ib cov Ntsuj plig mus rau saum Tswv ntuj lub teb chaws.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 11th June 2011, 8:22 pm



    Nyob zoo Mim thiab Maiv Paj Lug,

    Yog neb muab tau qhov Link ntawm cov Videos nov no neb muab tso rau saum no, kom leej twg xav mus saib hauv nws lub site los thiaj li saib tau yooj yim. Vim hauv Forum no muaj ntau ntau yam ces saib hauv nov nws daig lub PC heev. Lwm cov videos mas nias ob teg saum daim videos xwb coj yus mus rau hauv nws lub site lawm, tab sis daim video hais lus Fab Kis nov kuv nias tsis tawm li, ces ua rau PC daig tas li xwb...Tab sis kuv kuj rov taws ob peb zaug ces kuj ua tiag saib tag nrho thiab.

    Ua tsaug.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Mim 14th June 2011, 11:08 am

    Tais Tooj,

    Koj sim nkag mus saib nyob hauv lub site no saib koj puas pom zoo dua os... Thaum kuv taum us txog mas nws siv sij hawm ntev hauj sim mas pib tau, tiam sis thaum pib tau lawm mas zoo li tsis pom daig li as...

    http://www.gloria.tv/?media=155921
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Tub Kawm 29th July 2012, 3:51 pm

    Nyob zoo N hlob, Maiv Paj thiab Mim. Thov ua tsaug rau nej lub sij hawm tuaj txhais zaj lus pov thawj tim khawv no og. Zoo pab kom cov ntseeg rau siab ntseeg Tswv Ntuj kom ruaj khov. Mim thiab M paj, N hlob yog nej khoom no kuv thov nej pab muab zaj no kho kom zoo, thiab thov nej pab txhais cov teb chaws, npe tib neeg ua lus hnoob tib si kom zoo nyeem, yog kuv khoom thaum twg kuv yuav muab nyeem ua suab lus kom tau mloog. Thiab thov nej kho cov lus hauv lub Topic "DAB PHEM TEB MUAJ TSEEB TIAG MUAJ TIM KHAWV MUS POM LOS", tib si kom txhob yuam kev ais peb thiaj yuav to taub. Ua tsaug.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 5th August 2012, 2:50 am



    Tub Kawm,

    Cia kuv mus taug kev los, kuv khoom kuv mam kho kom zoo rau koj tau coj mus ua suab os nawb.

    Lub caij no nyob tim peb yog lub caij so hauj lwm ces muaj muaj qhua li es tsis xyeej kho.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Tub Kawm 5th August 2012, 3:54 am

    Nyob zoo sawv daws. Niam hlob yog tias Mim tsis khoo tuaj kho no ces koj khoom no pab kho rau og. Vim kuv xav tias zaj no yog ib zaj zoo pab txhawb kom cov ntseeg tso siab rau Tswv Ntuj dua, vim sawv daws ntshai tsam sawv daws plam rau hauv dab txhais teg mus nyob txim hauv lub pas hluav tawg og. Yog li nyob rau ntawm peb tsoom ntseeg tsi muaj leej twg txawj saib cab sab ntau ces kuv thiaj xav tias kuv muab nyeem ua suab lus rau sawv daws tau mloog no. Tiam si tshuav ib cov npe teb chaws thiab tib neeg, tsis tau muab txhais ua lus hmoob ces kuv tsi paub meej tias xyov yuav hais li cas thiaj raug lub npe ntawd, kuv thiaj thov kom nej rov kho kom to taub me ntsis tso, mam nyeem ua suab lus no. Thiab tseem tshuav ib zaj zoo li txhais tseem tsi tau tas ua lus hmoob thiab. Yog nej leej twg khoo no pab txhais kom tas kom peb tau nyee og nawb. Sib ntsib dua.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Mim 5th August 2012, 9:01 am

    Tub Kawm thiab tais Tooj,

    Kuv tuaj pom Tub Kawm xav kom rov mus kho cov lus uas sau tau yuam kev no ces kuv twb rov mus saib ib lwm thoob plaws thawj zaj los rau zaj ob tib so lawm. Tej lo lus uas kuv pom yuam kev, kuv kuj muab kho rau lawm. Tej zaum tshuav lo puav uas kuv tsis nco pom los kuj muaj. Tiam sis ntawm cov lus uas kuv muab sau ua lus Aas Kiv mas muaj ntau lo kuv tsis paub hais tias yuav muab txhais ua lus Hmoob li cas kom raug lub ntsiab. Tais Tooj, yog koj kam tuaj xyuas ib lwm saib tshuav qhov twg thiab yog koj kam muab tej lo lus uas kuv muab sau ua lus Aas kiv txhais ua lus Hmoob no ces ua koj tsaug ntau ntau xwb os nawb.

    Thiab tseem tshuav Gloria Polo zaj kuv twb txhais tsis tau tag, tseem tshuav txij lo lus qhia 6 mus txog 10 ntawd. Cia kuv mam mus muab txhais kiag kom tas tso mam coj tuaj tso ntxiv os nawb.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 5th August 2012, 6:09 pm



    Nyob zoo Mim thiab Tub Kawm,

    MIM,

    Yog koj rov txhais cov tshiab tej lo lus Aas Kiv uas koj tsis paub lus Hmoob, koj tso ib qho parenthèse es piav lus Hmoob me ntsis kom lawv to taub lub ntsiab tseem tsawv zoo dua tsis paub kiag. Koj yeej meem txhais ua ntej, cia kuv xyeej me ntsis tso, kuv mam li tuaj nrog koj kho thiab muab tso ua ib pawg kom txhob cov mus cov los thiaj li zoo nyeem.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 21st October 2022, 6:17 am


    MUS POM NRUAB YEEB (1) : Thaum kuv tuag


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 21st October 2022, 6:19 am



    MUS POM NRUAB YEEB (2) :
    Thaum kuv pom teb chaws them txim


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 21st October 2022, 6:19 am



    MUS POM NRUAB YEEB (3) :

    Thaum kuv pom kuv cov txhaum


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 21st October 2022, 6:21 am



    MUS POM NRUAB YEEB (4) :

    Ua cas dab phem thiaj ntxub cov Leej Choj?



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Maiv Tooj 21st October 2022, 6:24 am



    MUS POM NRUAB YEEB (5) :

    CIM COG LUS THIAB ROOJ TSHOOB



    Sponsored content


    Mus pom saum ntuj thiab dab phem teb los - Page 2 Empty Re: Mus pom saum ntuj thiab dab phem teb los

    Post  Sponsored content


      Current date/time is 28th March 2024, 6:03 am