May Kham Yang phau ntawv tawm tshiab nyob txhua lub nroog thoob Fab Kis Teb.

May Kham muaj 39 xyoos, nws yog ib tug pojniam Hmoob tuaj nyob teb chaws Fab Kis txij nrog nws niam nws txiv thaum nws muaj 8 xyoo uas lub teb lub chaw ua tsov rog, neeg khiav thoj nam los thoob ntuj. May Kham phau ntawv yuav tawm tshiab sai tom ntej no, yog leej twg xav mus yuav nyeem, nws yuav tawm nyob txhua lub Librairie/Bookstore hauv Fab Kis Teb.
May Kham piav thiab nco txog cov neeg seem tuag, thoj nam thiab tsis muaj teb chaws.

Kuv xav tshaj rau luag txog ib tug neeg tsis muaj teb chaws, ib tug pej xeem ntiaj teb, thiab cov Haiv neeg me ntawm liv xwm ntawm neeg siab ntsws.

Leej twg xav yuav nyeem ho pab mus yuav txhawb tus pojniam ntawm no lub peev xwm.

Phau ntawv yuav tawm hnub tim 4 lub 11 hlis ntuj xyoo 2010.

Journal D'une Enfant Survivante
Par May Kham .Ce livre est un hommage aux survivants, aux exilés et aux apatrides.

J'ai voulu relater l'histoire anonyme d'une apatride, d'une citoyenne du monde mais, également de tous ces petits peuples qui font l'histoire de l'humanité.
C'est mon devoir de désobéissance. Mon devoir de survivante.




Diary of a Child Survivor
by May Kham. This book is a tribute to survivors, exiled and stateless persons.

I wanted to tell the story of an anonymous stateless, a citizen of the world but also of all those little people who make the history of mankind.
It is my duty to disobey. My duty as a survivor.



The story told in these pages, with a sensitivity all on edge, is that of a young Hmong in Laos. Since his childhood with a father General ally of the West, until his exile in France, through the terrible camps in the Thai jungle, hospices ouvert.Maykham pit, kid and teen rebel singular, is forced to b ... ATTRE against hunger, death and oblivion, but also the incomprehensible abandonment of a mother, the breakup of a family in an environment retrograde incomprehensible in a society, a new culture of love senseless. Yet the courage Maykham, who manages to make us smile in this storm, precipitate his fate.

For the first time also closely tracked the tragic fate of the Hmong, "native auxiliaries" of Asia, abandoned to their enemies after the wars of decolonization. The hope also many refugees who dream of a France of the reception.

A poignant novel by acclaimed refereed public *

Nyob zoo Maiv paj Lug,

Ua tsaug rau nws tsab xov no.
Yog ib qho zoo uas peb tsoom Hmoob pib taug tau luag cov haiv neeg vam meej tus hneev taw zuj zus lawm.

May Kham wb tau sib nug ua phoojywg zoo heev lawm....Kuv tuaj tso nws me me duab rau hauv no, kuv twb qhia nws tias kuv muab nws tshaj tawm rau hauv no lawm.

Maiv Tooj, yog koj yuav tau Kham Phau ntawv no ces koj muab thaij duab xa mus rau Kham tso rau Kham cov liste de FAN vim journaliste yuav coj nws mus ua xov xwm no tawm no.

BONJOUR

JE VIENS DE TERMINER LE LIVRE DE MAY KHAM JOURNAL D'UNE ENFANT SURVIVANTE

j'aurai une question:

Il me semblerait que dans l'histoire des hmong nous avions qu'un seul GENERAL hmong:

le regretté et unique GENERAL VANG PAO

Dans son livre May Kham parle de son père qui lui est aussi General.

Le père de May Kham était LE GENERAL YANG CHAU.

qui était-il vraiment?

Merci

Nyob zoo Hmongheroes,

Le père de Ma Kham n'était pas Général, il était Capitaine ou à la rigueur Commandant de Police à Ban Son, Na Xou avant 1975.

ok pour la réponse tante.

Mais c'est bizarre que dans le livre l'auteur parle de son père en tant que General et qu'il avait travaillé avec la CIA et les américains à Long Cheng. Pourquoi ne pas juste dire que son père était capitaine ou sous lieutenant etc... plutot que d'écrire GENERAL?

En même temps son père avait était à l'age de 13 ans comme le General VANG Pao dans le Maquis GCMA.

Le "GENERAL YANG CHAU" était-il le sous lieutenant YANG CHAO? est ce la même personne?

Hhahah...!Hmongheroes,

Commandant Yaj Txos tsis yog Général Vaj Pov phaum, nws tsis tau ua hauj lwm rau Fab Kis lub caij Tsos Rog Indochine, nws yog phaum yau puag tom qab no. Thaum kuv nyob Nas Xus, ua ntej kuv yuav mus kawm ntawv Vees Cam thaum Vacances 1973, Yaj Txos yog Capitaine de Police nyob Nas Xus. Kuv paub nws zoo kawg...!

Hmongheroes,

Cia kuv teev cov npe nom Hmoob Nplog teb ua ntej teb chaws Nplog tawg xyoo 1975, koj thiaj li paub meej thiab tssi yuam kev.

Général:

-Tsuas muaj Vaj Pov tib leeg xwb.
Nws yog Général de deuxième classe, Vaj Ntxwv Nplog muab Nws tsa ua Norapamok Phone tho.

Dua li cov Lieutenant-Colonels muaj coob tus, yuav muaj tus puav uas kuv paub tsis txhua, thov zam.

1-Colonel Muas Txawj Pov (General Vaj Pov ib tug yawm txiv)
2-Colonel Muas Xwm (General Vang pao ib tug dab laug)
3-Colonel Muas Nkaub (Idem)
4-Colonel Lis Tub Pos
5-Colonel Lis Ntsuab Vaj
6-Colonel Suav yaj
7-Colonel Tub Looj Yaj
8-Colonel Nyiaj Lwm Vaj
9-Colonel Ntsuab Rwg Vaj
10-Colonel Hang Choj?
11- Colonel Vam Xeeb Vaj
12- Colonel Xaiv Ntaj Xyooj

Cov Hmoob Ntsuab kuv paub tsis zoo...Thov txim vim kuv tsis tau nrog lawv nyob.

-Phas Nyas Tub Npis grade Misnistre, tab sis nws yog Conseiller du Roi (Thi Peuk sa khong Pramaha Kasad)

Cov Ministres muaj Yang Dao nyuam qhuav kawm Fab Kis teb tag los ua tshiab nrog COV SIB KOOM TES


-Pha nyas Tub Ntxawg Lis Foom ua juge
-Lis Teeb Paj Tsab (Ly Tec) ua hauj lwm hauv Ministère de Justice

Cov Phouthènes (Députés):

-Phouthène Tub Liab Lis Foom
-Phouthène Tswb Tsab
-Phouthène Tub Yias Lis

Chao Khouèng (Préfet):

-Chob Khèng Ntsuab Pov Yaj

Cho Mouang (Sous-Préfet):

-Txiaj Xab Muas
-Muas Txiab
-Txhiaj Thoj
-Xov Txiab Thoj
-Neej thoob Lis
-Muas Ntxawg

Dua li cov grade yau tshaj qhov nov ces muaj coob dua ntxiv lawm...Kuv yuav tsis teev npe.

Ib yam li Yaj Txos, nws tssi txog Lieutenant-colonel ces nws lub npe yuav tssi nyob hauv nov.

Yog May Kham tuaj nyeem txog los koj yuav txhob tu siab, vim qhov cuav yuav ua tsis tau tseeb...Yam twg peb ua peb yuav tsum ua rau qhov zoo thiab tseeb xwb...

Nyob zoo Hmongheroes,

Kuv muab koj lub Topic txog May Kham phau ntawv coj los sib txuas ua ke nov lawm.

Bonjour May Kham,

Si ton père n'est pas sur la liste dessus, cela ne veut pas dire qu'il n'existe pas.

Voici la ville Bane Sone Na Sou où ton père (Yang Chao) était Capitaine de Police avant 1975.

Nov yog lub zos Npab Xuab, Nas Xus, uas Tas Luaj Yaj Txos tswj kav thaum Looj Ceeb tawg thawj zaug 1970, Yawg Hlob Vaj Pov rhawv los rau nws cov pej xeem khiav ntawm Looj Ceeb thiab mus nyob provisoire (xuaj khaus) nram Vees cam los nyob. Txij li kev cog lus Tso tsov rog Nplog teb tseg, ob tog kev Tseev Tsim (partie politique) Nplog Koom Tsha (Lao Isala) thiab Nplog Koom Pheej los sib koom kos Mem Tes Tso tsos rog teb,sib koom tswj kav lub teb chaws Nplog thaum lub 3hlis 1973. Ces yeej tsis muaj kev yuav tsa nom, nce xab, nce nyauv li lawm. Li ntawd mas los sim los Yaj Txos nov tsuas nce txog Commandant xwb, nws yeej yuav tsis nce mus txog Colonel ib zaug li. Tsis tag li, May Kham tseem hais tias Yaj Txos nov yog ib tug Général Hmoob, Nais Phoo Hmoob thiab no mas yuav mus tsis tau.

Thov txim nawb, peb ua yam dab tsi, peb yuav tsum hais qhov tseeb thiab qhov yog xwb. Yog peb cov khaws keeb kwm nov tsis ua yam tseeb thiab yog ces Liv Xwm Hmoob yuav yuam kev ploj mus tsis tag li tseem yuav ua rau peb tsis muaj caj muaj ces, tu qab tu twv thiab....

Nyob zoo leej muam Maiv Paj.
Maiv Kham Yang txiv Police Lieutenant Colonel Yaj Txos yeej tau nws lub xab nyob rau nplog teb lawm ua ntej lub teb chaws tawg . Tej zaum koj tseem yau tsis tau paub meej xwb. Nws yog tus Thawj coj ntawm cov tas luaj(police) nyob rau Looj Ceeb los yog tag nrho lub Xeev Xeev khuam ua ntej yuav khiav mus nyob rau nasxus vim Looj Ceeb raug tua nyhav heev lub sij hawm ntawm. Lub xab General ntawm mas yog tau thaum lawv ua Kub Xaj es Txiv Nai Phoo Vaj Pov muab rau puag tom qab no xwb . Txawm li cas los xij Colonel Yaj Txos yeej ua tau txiaj ntsim ntau yam rau Peb Haiv Hmoob lawmm . Kuv thov qhuas nws thiab pab nws tsev neeg Xeem Yaj tu siab rau lub sij hawm nws tau tso Peb tseg no. Peb Haiv Hmoob yuav thov qhuas thiab nco txog nws lub npe mus tas ib sim neej rau peb nruab siab.

HmooBVajUSA

Nyob zoo tij laug Hmoob Vaj USA,

Zoo siab tau hnov koj tham txog Lieutenant Colonel Yaj txos. Ua li koj puas kam piav nws tej txiaj ntsim rau peb mloog thiab khaws tseg. Vim peb cov uas thaum i me nyuam yaus ces zaum no twb yog cov laus lawm, yog peb tsis khaws tseg ces lwm hnub twb tsis hais keeb kwm kwv huam, tab lub npe xwb los twb yuav ploj mus tsis muaj neeg nco txog. Li ntawd thov koj tuaj pab piav tej txiaj ntsim uas Huam Nab Tas Luaj Yaj Txos tau ua rau peb Hmoob rau peb khaws tseg nawb mog.

Thov ua tsaug.

Nyob zoo sawv daws,

Kuv lam tuaj cuam tshuam ob peb los, vim kuv hnov tias lawv tab tom ua Colonel Yaj Txos lub ntees rau lub weekend no no es kuv tuaj hais qhia rau sawv daws paub xwb os. Peb muaj ib tug txiv ntxawm Hmoob Yaj nyob hauv no tab tom mus rau Minnesota lawm, vim nws yog Colonel Yaj Txos cov kwv tij txheeb txheeb. Kuv ho tsis paub Colonel Yaj Txos tau tag sim neej thaum twg lawm, tiam sis nws lub ntees yog lub caij tam sis no.

Nyob zoo me leej muam Maiv Tooj ,
Kuv muaj lus zoo siab ntau tau tuaj txog rau koj lub zos no ib zaug ntxiv. Nyob rau ntuj qub qab kuv kuj yog ib tug tub kawm ntawv xwb yuav tsis paub zoo txog Lieutenant Colonel Yaj Txos lub txiaj ntsim zoo baum li Maiv Kham phau ntawv ua nws tau sau txog nws txiv ntawd. Kuv tsis tau pom thiab nyeem nws phau ntawv tab sis kuv yuav piav me me raws li kuv tau pom thiab tau taub txog LT Colonel Yaj Txos txoj hauj lwm thaum kuv tseem kawm ntawv nyob rau txiv Nai Phoo Vaj Pov cov tsev kawm ntawv nyob rau Looj Ceeb ua ntej yuav tuaj mus kawm rau Vees Cas .

Raws li kuv cov tij Laug ua tau kawm ntawv nyob rau tos Xeev hais mas Yaj Txos yeej Pib ua MP officer nyob rau pem xeev ua ntej tawg khiav los mus nyob rau Looj Ceeb . Thaum peb tsev neeg tawg los txog Looj Ceeb 1964 , Yaj Txos yeej yog tus thawj coj saib cov Militaire Police (MP) thiab cov Police nyob rau tag nhro lub xeev xeev khuam tab sis nws nyob Looj Ceeb . Lawv txoj hauj lwm yog saib kev ruaj ntsheg laj mej pej xeem nyob rau txhualub nroog Loj thiab saib kev ruaj ntsheg rau lub tshav dav hlau looj ceeb vim yog ib lub tshav dav hlau muaj dav hlau yav thiab tsaws coob tshaj nyob rau ntiaj nteb no . Tsis tas li ntawm xwb Txiv FGVP tseem kom lawv saib cov neeg raug txim kaw thiab zov cov ncauj kev nkag los rau Looj Ceeb kom tsim muaj neeg phem nkag tau los. Lawv cov hauj lwm no yeej muaj nuj qhes kawg nkaus rau peb sawvdaws

Xyoo tshiab no kuv thov nco txog txhua tus thawj coj thiab cov tub rog tag nrho nyob rau ntuj qub qab lawv tej txiaj tsim ua yuav ua rau peb sawvdaws nco mus ib sim .

Raws li cov Phooj Ywg nyob Minnesota hais mas Lieutenant Colonel Yaj Txos lub Cawv xeeb ceev lav yuav pib rau Hnub 19-23 January ,2012 nyob rau Legacy Funeral home , Minnesota.

Kuv pom koj cov duab nyob rau Lyon mas kuj ua rau kuv zoo siab kawg thiab vim nco txog lub neeg qub qab thaum nrog Txiv Plig Nyiaj Vaj Nyob Xim Moos . Nws yog tus saib peb cov tub kawm ntawv. Thov hais rau nws hais tias kuv yog ib tug Tub Hmoob Vaj thiab xav ua nws tsaug rau nws txoj kev ua niam ua txiv rau Peb ib zaug .
Merry Christmas and Happy New Year !
HmoobVajUSA

Nyob Zoo me leej Muam Maiv Tooj ,

Ua tsaug rau koj cov duab muab coj los rau kuv saib no. Kuv tsis yog 2 tug Hmoob vaj koj teev npe ntawd thiab tsis muaj kuv li duab nyob rau 2 daig yeev duab no. Daim 74-75 yog cov neeg tshiab xwb , kuv tsis paub leej twg li. Daim 73 muaj 4-5 leej kuv nco tau lawv thiab . Kuv nyob Ximuong yog xyoo 69-70 xwb ces thaum kuv tij laug ua tau tsev nyob vees cas lawm kuv thiaj li tau tawm mus lawm. Cov phooj ywg tub kawm ntawv nyob Ximuong rau xyoo ntawd kuv nco tau li nram qab no : Hawj Vwj Nom Suav , Lauj li Txiab , Lis Koo lis nyiaj Vwm,Lis Fwm Lis Foom Nomkos , Lis Yeeb Lis Foom Nomkos, Lis Yeeb B, Lis Yaib Neejthoob , Lis yig , Lis pov ,Muas Boun Mis , Muas Liag, Muas Npawv , Thoj Xeeb, Vaj Foom , HmoobVajUSA ,Vwj Pov roob kub twm ,Vwj Txais , Yaj Vwj(DYD kwv), Yaj Huas ,Yaj Tooj ,Yaj Ntaj, Yaj Muas.... thiab tseem muaj coob leej kuv tsis nco qab lawm. Yog hais tias txiv plig Neej Vaj muaj duab nyob rau xyoo 69-70 ntawm no mas tej zaum yuav muaj kuv nyob rau hauv thiab .

Kuv pom tus Col Fabkis no txom nws txoj siav vim txoj kev Hlub Hmoob mas kuj ua rau ib qhov chaw tus siab kawg nkaus hais tias pab tsis tau nws li cas li tab sis Peb Haiv Hmoob Yuav thov qhuas nws thiaj nco nws lub txiaj ntsim rau peb nruab siab kom meej meej mus tag ib sim neej.
http://lignesdedefense.blogs.ouest-france.fr/files/jambon.pdf
Merry Christmas and Happy New Year 2012 !
Nyob zoo xyoo tshiab 2011-2012

HmoobVajUSA

Nyob zoo Hmoob Vaj USA,

Oh! Lov! Yog li ces nws tssi yog phaum uas kuv paub lawm. Yog nws qhia npe no nyaj kuv yuav paub nws thiab, vim cov npe uas nws teev, kuv twb paub ib txhia thiab. Tej duab qub ces TP.Neej Vaj yeej nqa tsis tau los li, lawv muab tso tseg tag nrho rau tim ub lawm.

Ua tsaug nws tseem tshaj Col. Yaj Txos lub moo ploj rau peb paub thiab.

Nyob zoo Maiv Tooj ,
Ntawm no yog ib co yees duab khiav hais txog Col Yaj Txos lub cawv xeeb cawv lav thiab nws lub neej . Koj Lam saib seb koj ho tau taub zoo li cas .
https://www.youtube.com/watch?v=CN_1-OI_LGI&feature=player_embedded
Zoo siab tau ntsib koj dua .

HmoobVajUSA