HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


NTOO CUAM TXOJ KEV. Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


5 posters

    NTOO CUAM TXOJ KEV.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    NTOO CUAM TXOJ KEV. Empty NTOO CUAM TXOJ KEV.

    Post  Mim 22nd February 2010, 1:00 pm



    Chemin de Croix/ The Way of the Cross/ NTOO CUAM TXOJ KEV.


    NTOO CUAM TXOJ KEV. Jesus_carrying_cross

    Lub Caij 40, yog ib lub caij uas peb nco txog HT Yes Xus txoj kev txom nyem thiab peb xyaum nrog Yes Xus Kwv Ntoo Cuam.  Niaj hnub Rau(Friday) peb muaj teev ntuj taug Ntoo Cuam Txoj Kev. Nej puas muaj taug Ntoo Cuam Txoj Kev nyob hauv nej church thiab? Yog yus mus koom tsis tau los yus taug yus hauv tsev los tau kawg.


    Nws muaj 14 ntu kev (14 Stations) rau peb mus theem nco txog Yes Xus thaum nws kwv Ntoo Cuam taug kev.


    14 ntus kev ntawd muaj li no:


    Ntu 1.  Pis Las Tos txiav txim cia Yes Xus tuag.
    Ntu 2. Yes Xus kwv Ntoo Cuam.
    Ntu 3. Yes xus ntog thawj zaug.
    Ntu 4. Yes Xus ntsib nws Niam.
    Ntu 5. Xis Moos pab Yes Xus kwv Ntoo Cuam.
    Ntu 6. Ves Los Nis Kas (Veronica) so Yes Xus ntsej muag.
    Ntu 7. Yes Xus ntog zaum ob.
    Ntu 8. Yes Xus ntsib cov poj niam ntawm kev.
    Ntu 9. Yes Xus ntog zaum peb.
    Ntu 10. Lawv hle Yes Xus cov ris tsho.
    Ntu 11. Lawv ntsia Yes Xus rau saum Ntoo Cuam.
    Ntu 12. Yes Xus txoj sia tu saum Ntoo Cuam.
    Ntu 13. Lawv txo Yes Xus lub Cev saum Ntoo Cuam los.
    Ntu 14. Lawv muab Yes Xus lub Cev mus zwm ntxa.


                                                                                                                                 

    The First Station
         
    Jesus is Condemned to Die.
         
    The Eighth Station:
         
    Jesus Meets the Women of Jerusalem.
         
    The Second Station:
         
    Jesus Carries His Cross.
         
         The Ninth Station:
         
         Jesus Falls the Third Time.
         
         The Third Station:
         
    Jesus Falls the First Time.
         
    The Tenth Station:
         
    Jesus is Stripped.
         
    The Fourth Station:
         
    Jesus Meets His Mother.
         
    The Eleventh Station:
         
    Jesus is Nailed to the Cross.

         
    The Fifth Station:
         
    Simon Helps Jesus Carry His Cross.
         
    The Twelfth Station:
         
    Jesus Dies on the Cross.
         
    The Sixth Station:
         
    Veronica Wipes Jesus' Face.
         
    The Thirteenth Station:
         
    Jesus is Taken Down from the Cross.
         
    The Seventh Station:

    Jesus Falls the Second Time.
         
    The Fourteenth Station:
         
    Jesus is Laid in the Tomb.
    Les 14 stations

    1. Jésus est condamné à être crucifié
    2. Jésus est chargé de sa croix
    3. Jésus tombe pour la première fois sous le poids de la croix
    4. Jésus rencontre sa mère
    5. Simon de Cyrène aide Jésus à porter sa croix
    6. Sainte Véronique essuie le visage de Jésus
    7. Jésus tombe pour la deuxième fois
    8. Jésus rencontre les femmes de Jérusalem qui pleurent
    9. Jésus tombe pour la troisième fois
    10. Jésus est dépouillé de ses vêtements
    11. Jésus est cloué sur la croix
    12. Jésus meurt sur la croix.
    13. Jésus est détaché de la croix et son corps est remis à sa mère
    14. Le corps de Jésus est mis au tombeau


    Nram no, kuv yuav sau ib zag yooj yooj yim ua piv txwv qhia tias thaum peb teev (los taug) txoj Kev Ntoo Cuam, peb ua li cas. Muaj ntau ntau yam kev piav los yog ntau yam kev hais txog Txoj Kev Ntoo Cuam thiab muaj ntau tus kws, nyias piav nyias, nyias thov nyias raws li nyias lub tswv yim.. Zaj nram no, ib leeg teev xwb los tau, ob peb leeg tuaj taug txoj Kev Ntoo Cuam ua ke los tau. Yog tias muaj ob peb leeg lawm ces kom ib tug ua tus Coj(TC) sawv daws(SD), raws li nram no:


    (Thov txim lau… Kuv hais ib tsam “Ntoo Cuam Txoj Kev,” ib tsam “Txoj Kev Ntoo Cuam” lawm, es kuv txiav siab tsis meej li, nej tuaj nrog kuv txiav saib peb yuav hqaisd lo twg zoo ddua os lawv…)


    Pib:
     Hu txog leej Txiv thiab leej Tub…

    Nyeem Ntawv:  Yes Xus hais tias: “ Neeg Leej Tub yuav tsum raug txom nyem loj. Cov txwj laus, cov  thawj leej choj, thiab cov kws Ntawv Nsthiab yuav muab nws xyeeb pov tseg. Nws yuav  raug luag tua, tab sis hnub peb nws yuav sawv rov los. Leej twg xav los raws kuv, nws  yuav tsis txhob nco txog nws, nws yuav niaj hnub kwv nws tus ntoo cuam thiab lawv kuv qab.  Vim tias tus xav cawm nws txoj sia, mas nws yuav ua nws txoj sia ploj. Hos tus twg ua nws txoj sia ploj vim kuv, mas tus ntawd yuav cawm nws txoj sia.” Lus Kas 9: 22-24

    Zaj qheb:
    HT Yes Xus, kuv(peb) thov koj los nrog kuv(peb) nraim thaum kuv(peb) taug koj txoj kev Ntoo Cuam no.  Koj pab kuv(peb) kom kuv(peb) nrhiav tau ib lub zog nyob hauv koj txoj kev txom nyem thiab kev tuag, los pab kuv(peb) niaj hnub lawv koj qab kwv kuv(peb) tus ntoo cuam hauv kuv(peb) lub neej.

    NTOO CUAM TXOJ KEV. 111

    TC:
    Ntu 1. Pis Las Tos txiav txim cia Yes Xus tuag.


                   HT Yes Xus, peb pe hawm koj, peb cav lus zoo txog koj,

    SD:  Vim koj cawm ntiaj teb neeg nyob saum Ntoo Cuam.

    TC:  Lawv coj Yes Xus los rau Pis Las Tos. Yes Xus los sawv zoo li ib tug neeg phem, nws ib ce ntsoog tas ntshav khub khawv qias neeg ntsuav, saum  nws taub hau muaj ib  lub kauj pos looj rau ua zoo li ib tug vaj cuav.  Pis Las Tos yeej paub tias Yes Xus tsis tau ua txhaum dab tsi, tiam sis nws ntshai tsoom neeg lub suab qw, nws thiaj txiav txim muab Yes Xus dai saum Ntoo Cuam..

    SD:  HT Yes Xus, ntau zaus kuv pom lwm leej lwm tus ua tej yam, kuv tsis xub nrhiav kom paub qhov tseeb tso, kuv cia li txiav txim rau lawv. Thov koj pab kuv kom kuv txawj ua ib tug neeg hlub luag, pom luag raws li yog koj pom lawv, tsis txhob lam taus lam txiav txim rau luag xws li Pis Las Tos, tsis raws txoj kev tseeb thiab kev ncaj ncees.

    (Hais ib zag…)
    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…

    NTOO CUAM TXOJ KEV. 211

    TC:
    Ntu 2. Yes Xus kwv Ntoo Cuam.


                   HT Yes Xus, peb pe hawm koj, peb cav lus zoo txog koj,

    SD:
     Vim koj cawm ntiaj teb neeg nyob saum Ntoo Cuam.

    TC:  Yes Xus twb raug lawv nplawm sab kawg nkaus lawm, lawv tseem muab ib tug ntoo cuam hnyav hnyav rau nws kwv saum xub pwg. Yes Xus tsis xyeej, nws txais nkaus los kwv.
    Tus Ntoo Cuam yog lub cim qhia tias HT Yes Xus ris rawv ntiaj teb neeg tej kev txaug kev txhaum saum nws xub pwg , kom tau pab peb dim.

    SD:  HT Yes Xus, koj puag nkaus koj tus Ntoo Cuam los kwv kom tau cawm tau txhiv peb. Thov koj pab kuv kom kuv muaj lub siab ntev kwv kuv tej ntoo cuam me me hauv kuv lub neej uas yog tej kev txom nyem, tej kev nyuaj kev ntxhov, tej kev mob kev nkeeg uas tuaj raug kuv, tiam sis qhov tseem ceeb tshaj yog tej kev txaug kev txhaum uas kuv yuav tsum muab tshem hauv kuv lub neej mus.

    Peb Txiv nyob saum ntuj…Koj nyob kaj lug Mab Liab… Huab Tais leej Txiv, HT leej Tub…

    NTOO CUAM TXOJ KEV. Jesus_falls_first_time

    TC:
    Ntu 3. Yes xus ntog thawj zaug.


                   HT Yes Xus, peb pe hawm koj, peb cav lus zoo txog koj,

    SD:  Vim koj cawm ntiaj teb neeg nyob saum Ntoo Cuam.

    TC:  Vim Yes Xus twb raug lawv tsim txom sab kawg nkaus lawm, nws tseem tau ib lub nra hnyav hnyav kwv thiab, ces nws thiaj qaug. Nws tseem ua tiag rov sawv los kwv ntoo cuam ntxiv mus. Txawm mob nws, sab nws npaum li cas nws tsis tso tseg.

    SD:  HT Yes Xus, kuv xyaum kwv ntoo cuam lawv koj qab hauv kuv lub neej, yog xyaum muab kev txhaum tshem tawm hauv kuv mus. Tiam sis koj
    twb paub lawm hais tias kuv ntog tas mus li, kuv yeej tseem ua txhaum qees. Thov koj pab kuv kom kuv muaj lub siab ntev, txawm kuv ntog pes tsawg zaus,los kom kuv muaj lub siab xav txiav kom tau kev txhaum pov tseg tiag, thiab kom kuv tso siab lug rau koj txoj kev hlub yuav tsis tso kuv pov tseg.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…


    NTOO CUAM TXOJ KEV. 4a10

    TC:
    Ntu 4. Yes Xus ntsib nws Niam.


                   HT Yes Xus, peb pe hawm koj, peb cav lus zoo txog koj,

    SD:  Vim koj cawm ntiaj teb neeg nyob saum Ntoo Cuam.

    TC:  Yes Xus kwv Ntoo Cuam los ntsib nws leej Niam ntawm kev. Mab Liab pom nws tus tub tsis zoo li qub lawm, ntsej muag zij tas. Nws mob siab tu siab kawg nkaus. Yog lub caij nws raug rab ntaj uas thaud Xis Mes Oos tau xub hais tseg tias yuav chob nws lub plawv.  Yes Xus hlub nws niam kawg nkaus, tiam sis nkawd koom ib lub siab, vim nkawd ob leeg yuav tsum tau nyiaj kev txom nyem los cawm ntiaj teb neeg.

    SD:  HT Yes Xus, koj leej Niam Mab Liab txawm mob siab npaum li cas, nws tsuas txhawb koj zog kom koj ua tiav koj txoj hauj lwm cawm ntiaj teb neeg xwb. Thov koj pab kuv kom kuv tsis txhob yog tus  ua kom lwm tus  qaug zog, tiam sis yuav txhawb tau lawv ua siab loj siab tawv ntseeg koj thiab caum koj qab xwb.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…


    NTOO CUAM TXOJ KEV. Jesus-carries-the-cross

    TC:
    Ntu 5. Xis Moos pab Yes Xus kwv Ntoo Cuam.


                   HT Yes Xus, peb pe hawm koj, peb cav lus zoo txog koj,

    SD:
     Vim koj cawm ntiaj teb neeg nyob saum Ntoo Cuam.

    TC:  Yes Xus sab heev zuj zus tuaj, cov neeg phem ntshai tsam nws mus tsis txog chaw, lawv thiaj yuam Xis Moos pab Yes Xus. Yog lawv yuam nws xwb, ces nws thiaj lam
    ua tiag pab Yes Xus ib nyuag ntu kev.

    SD:  Yes Xus, ntau zaus nyob hauv kuv lub neej, kuv tsis nco qab pom tias lwm tus xav tau kev pab, vim kuv tsuas xav txog kuv tus kheej ntau. Thov koj pab kuv kom kuv txawj pom thiab to taub tseeb tias thaum kuv pab luag thiab hlub luag, yog zoo li kuv twb pab koj hlub koj lawm.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…

    NTOO CUAM TXOJ KEV. Www-St-Takla-org___Saint-Veronica-Handkerchief-04

    TC:
    Ntu 6. Ves Los Nis Kas (Veronica) so Yes Xus ntsej muag.


                   HT Yes Xus, peb pe hawm koj, peb cav lus zoo txog koj,

    SD:
     Vim koj cawm ntiaj teb neeg nyob saum Ntoo Cuam.

    TC:  Yes Xus ntsej muag tawm hws lug thiab lo ntshav qias neeg ntsuav. Ves Los Nis Kas hlub Yes Xus, nws hle hlo nws txoj phuam kauv taub hau los so Yes Xus ntsej muag. HT Yes Xus pub ib qho paj tshab zoo kawg rau Ves Los Nis Kas, nws ua kom nws ntsej muag yees tawm plaws ua ib daim duab rau saum Ves Los Nis Kas txoj phuam.

    SD:  HT Yes Xus, thov koj pub kuv muaj ib lub siab ntseeg tob thiab ruaj khov kho. Xws li Ves Los Nis Kas, tsis ntshai tsis txaj muag los so koj ntsej muag, thov koj muab lub peev xwm rau kuv, kom  kuv thiaj yuav pab tau luag, hais tau tej lo lus los txhawb luag, thiab tsis ntshai lees tias kuv ntseeg koj.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…

    NTOO CUAM TXOJ KEV. 138879543_4a753c79a2

    TC:
    Ntu 7. Yes Xus ntog zaum ob.


                   HT Yes Xus, peb pe hawm koj, peb cav lus zoo txog koj,

    SD:  Vim koj cawm ntiaj teb neeg nyob saum Ntoo Cuam.

    TC:  Yes Xus rov ntog dua zaum ob, vim tus ntoo cuam lub nra hnyav dhau. Tiam sis cov neeg ntawd yeej tsis muaj ib nploog siab hlub nws li, lawv rub nws, cab nws tes kom sawv, lawv yuam nws kwv Ntoo Cuam mus ntxiv dua.

    SD:  Huab Tais Yes Xus, thov koj pab kuv ua siab loj, yeej txoj kev tas kev cia siab, kev qaug zog,  kev tu siab rau yus tus kheej. Txawm muaj tej yam kuv ua tsis tau xyaum tsis tau los kom kuv ua siab ntev xyaum tas mus li, ib yam li koj yuav tsum tau sawv mus ntxiv txhua txhua zaus koj ntog.

    Peb Txiv nyob saum ntuj… Koj nyob kaj lug Ma#cc0000b Liab… Huab Tais leej Txiv, HT leej Tub…
     
    NTOO CUAM TXOJ KEV. 811

    TC:
    Ntu 8. Yes Xus ntsib cov poj niam ntawm kev.

                   HT Yes Xus, peb pe hawm koj, peb cav lus zoo txog koj,

    SD:  Vim koj cawm ntiaj teb neeg nyob saum Ntoo Cuam.

    TC:  Muaj ib co poj niam pom Yes Xus raug tsim txom hnyav, lawv tu siab thiab hlub nws, lawv quaj rau nws, tiam sis nws hais rau lawv tias, “Nej txhob quaj rau kuv, tiam sis nej yuav quaj rau nej cov me nyuam.”

    SD:  HT Yes Xus, thov koj qhib kuv lub siab kom kuv txawj los kua muag thiab tu siab rau kuv tej kev txaug kev txhaum uas ua rau koj raug txom nyem loj npaum no, thiab kom kuv tso tau kev ua txhaum pov tseg. Thiab kuv thov koj pab kuv tej me tub me nyuam, kuv cov txheeb ze huv tib si, kom sawv daws mob siab ntseeg txog koj thiab coj raws li koj tej lus qhia thiab ua raws li koj siab nyiam.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…

    NTOO CUAM TXOJ KEV. Sc09

    TC:
     Ntu 9. Yes Xus ntog zaum peb.


                  HT Yes Xus, peb pe hawm koj, peb cav lus zoo txog koj,

    SD:  Vim koj cawm ntiaj teb neeg nyob saum Ntoo Cuam.

    TC:  Yes Xus zog tas nrho lawm, nws thiaj rov ntog zaum peb. Txawm li ntawd los cov neeg siab phem yeej tsis cev tes pab, lawv tseem haj yam thawb thiab cem kom nws mus nrawm dua qub xwb.

    SD:  HT Yes Xus, koj lub zog tag, koj ntog. Koj qhia rau kuv to taub hais tias, yog kuv vam txog kuv tus kheej ces kuv tsis muaj zog ua tau dab tsi zoo. Thov koj pub lub txiaj ntsim rau kuv kom kuv tau koj lub zog los pab kuv hauv kuv lub neej, kom thaum kuv ntsib kev nyuaj, kuv tsis txhob tso koj tseg, kuv peem tiag kom caum tau koj qab.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…

    NTOO CUAM TXOJ KEV. 1011

    TC:
     Ntu 10. Lawv hle Yes Xus cov ris tsho.


                   HT Yes Xus, peb pe hawm koj, peb cav lus zoo txog koj,

    SD:  Vim koj cawm ntiaj teb neeg nyob saum Ntoo Cuam.

    TC:  Yes Xus ntxeem ntxeem kwv Ntoo cuam tuaj txog chaw lawm. Lawv muab nws cov ris tsho hle tawm. Tej thaj uas ntshav qhuav thiab khub rau nws lub cev lawm, rov ntuag dua, rov mob thiab rov los ntshav dua tshiab khiv.  Yes Xus kuj tau kev txaj muag, vim nws nyob liab qab rau sawv daws ntsia, los nws ua siab ntev nyiaj.

    SD:  HT Yes Xus, nyob hauv kuv lub neej thiab lub siab, muaj ntau yam  ntxhov txiav kuv txoj hau kev, tsis pub kuv ntseeg koj nyiam koj tuag nthi. Thov koj pab kuv hle tej ntawd pov tseg thiab muab koj cov zam dawb huv rau kuv hnav. Thov koj pub kom kuv muaj lub siab tawv qhawv nrhiav koj thiab nyiam koj xwb.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…

    NTOO CUAM TXOJ KEV. Sc11

    TC:
     Ntu 11. Lawv ntsia Yes Xus rau saum Ntoo Cuam


                  HT Yes Xus, peb pe hawm koj, pe#cc0000b cav lus zoo txog koj,

    SD:  Vim koj cawm ntiaj teb neeg nyob saum Ntoo Cuam.

    TC:  Lawv muab Yes Xus xyab rau saum tus ntoo cuam. Lawv nrhab thiab rub nws ob txhais tes ob txhais taw los muab ntsia hlau ntsia rau saud. Thaum ntsia tas lawm, lawv tsa tus ntoo cuam nchav nchav kom sawv, ua rau nws ib ce mob deeg nkaws; lawv cia Yes Xus nyob dai vias nyuaj ua pa.

    SD:  HT Yes Xus, koj cia luag muab koj ntsia dai rau saum ntoo cuam yog vim koj hlub peb kawg nkaus. Thov koj pab kuv kom kuv muaj lub siab ntseeg ruaj nreb txog koj txoj kev hlub. Thov koj muab koj lub txiaj ntsim los pab kuv kom kuv ua tau siab ntev nyiaj kuv tej kev txom nyem, kom tau them kuv cov txim txhaum thiab pab them lwm tus cov txim txhaum

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…

    NTOO CUAM TXOJ KEV. 1210

    TC:
     Ntu 12. Yes Xus txoj sia tu saum Ntoo Cuam.


                   HT Yes Xus, peb pe hawm koj, peb cav lus zoo txog koj,

    SD:  Vim koj cawm ntiaj teb neeg nyob saum Ntoo Cuam.

    TC:  Yes Xus nyiaj kev txom nyem, kev mob, kev ua pa nyuaj tau peb teev, nws zam txhaum rau tus tub sab siab zoo, thiab rau cov neeg tsim txom nws, ces nws qw nrov nrov tso nws txoj sia rau leej Txiv tes, nws qaij hlo taub hau, nws txoj sia tu.

    SD:  HT Yes Xus, koj tuaj yeem tuag saum Ntoo Cuam kom tau cawm peb thiab coj peb mus cuag leej Txiv Tswv Ntuj.  Thov pab kuv kom kuv yeem tuag dua ua txhaum rau koj, kom kuv tseg taus tej kev phem kev qias, kev tsis tseem ceeb hauv ntiaj teb no, tsuas ntshaw nrog koj ciaj nyob mus li saum ntuj xwb.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…

    NTOO CUAM TXOJ KEV. 398px-La_descente_de_croix_Rubens

    TC:
      Ntu 13. Lawv txo Yes Xus lub Cev saum Ntoo Cuam los.


                   HT Yes Xus, peb pe hawm koj, peb cav lus zoo txog koj,

    SD:
      Vim koj cawm ntiaj teb neeg nyob saum Ntoo Cuam.

    TC:  Yes Xus ob tug phooj ywg,Yos Xes nyob As Lis Mas Tias thiab Nis Kos Des Mos, tuaj daws Yes Xus lub cev saum Ntoo Cuam los. Niam Mab Liab txais nws tus Tub lub cev tsis muaj sia los puag ua zaum kawg.

    SD:  HT Yes Xus, thov koj pab kuv kwv ntoo cuam lawv koj qab mus kom txog kuv hnub kawg, thiab thov koj pub ib lub siab dawb siab huv rau kuv niaj hnub tuaj txais koj hauv lub Cim Yug, xws li koj leej Niam txais koj lub cev los puag hauv nws lub xub ntiag tsis lo txhaum.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…

    NTOO CUAM TXOJ KEV. 1410


    TC:
     Ntu 14. Lawv muab Yes Xus lub Cev mus zwm ntxa.


                 HT Yes Xus, peb pe hawm koj, peb cav lus zoo txog koj,

    SD:  Vim koj cawm ntiaj teb neeg nyob saum Ntoo Cuam.

    TC:
     Yos Xes thiab Nis Kos des Mos muab Yes Xus lub cev qhwv ib daim ntaub dawb tshiab tshiab, nkawd coj mus tso rau hauv Yos Xes ib lub ntxa uas nyuam qhuav tho tau tshiab
    tshiab hauv phab tsua. Nkawd muab ib daig txiag zeb los npog lub rooj ntxas rau.

    SD:  HT Yes Xus, vim koj yog tus tswv tsim txoj sia, koj ciaj tau rov los muaj sia nyob. Thov koj pab kuv kom kuv ntseeg thiab tso siab rau koj txoj kev sawv rov los, kom thaum txog hnub kawg, kuv tau nrog koj muaj txoj sia nyob mus li nyob saum ntuj, kuv thiaj yuav tau cav txog koj mus li.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…

    TC: Qhov kawg no peb yuav thov ntuj rau Vaj Qhia thiab lub Koom Txoos:

    HT Leej Txiv siab zoo, peb thov koj hlub thiab tsom kwm saib xyuas peb Txiv Vaj Qhia, uas nws yog tus hloov Pob Zeb chaw nyob ntiaj teb no. Koj tau tsa koj lub Koom Txoos rau saum Pob Zeb. Thov koj pub kom Vaj Qhia yog lub hauv paus thiab yog lub chaw ruaj khov, uas yuav rub kom tas ib tsoom neeg ntseg txog koj los ua ib puab ib pawg, muaj ib txog kev ntseeg, koom ib lub siab ib lub tswv yim nyob hauv koj txoj kev nyiam kev hlub. Peb thov vam txog peb tus HT Yes Xus Pleev, uas nws nrog koj thiab nrog Leej Tswv Yim Ntshiab ua vaj muaj txoj sia thiab koom ua ib tug Tswv Ntuj nyob mus li tas ib txhiab ib txhis. Ua li.

    SD: “Peb Txiv nyob saum ntuj…Koj nyob kaj lug…HT Leej Txiv, HT Leej Tub…”

    Xaus:  “Hu txog Leej Txiv, thiab leej Tub, thiab leej Ntuj Plig…”

    Tas.


    Last edited by Mim on 10th March 2021, 7:55 am; edited 13 times in total
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    NTOO CUAM TXOJ KEV. Empty Ntoo cuam txok kev

    Post  Yaj Suav Nus 22nd February 2010, 4:22 pm

    Nyob zoo os Mim thiab cov phooj ywg txhua tus,
    Lub caij 40
    Kuv nco ntsoov thaum kuv muaj kwv yees li 7 los 8 xyoo, mas txhua txhua hmo kuv cov muam hlob hais tias noj mov tsuag tsuag yuav mus teev ntuj taug ntoo cuam txoj kev. Nyob hauv peb pawg ntseeg mas sawv daws yeej hu ua ntoo cuam txoj kev, kuv tsis paub nyob rau lwm lub zos lawv ho hu li cas. Niaj hnub no nyob hauv zos Cacao hu ua ntoo cuam txoj kev raws li puag thaum ub nyob rau los tsuas teb. Ua li nej ne nej ho hu li cas ?

    Y.Suav Nus
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    NTOO CUAM TXOJ KEV. Empty Re: NTOO CUAM TXOJ KEV.

    Post  Mim 23rd February 2010, 12:09 pm

    Yaj Suav Nus wrote:Nyob zoo os Mim thiab cov phooj ywg txhua tus,
    Lub caij 40
    Kuv nco ntsoov thaum kuv muaj kwv yees li 7 los 8 xyoo, mas txhua txhua hmo kuv cov muam hlob hais tias noj mov tsuag tsuag yuav mus teev ntuj taug ntoo cuam txoj kev. Nyob hauv peb pawg ntseeg mas sawv daws yeej hu ua ntoo cuam txoj kev, kuv tsis paub nyob rau lwm lub zos lawv ho hu li cas. Niaj hnub no nyob hauv zos Cacao hu ua ntoo cuam txoj kev raws li puag thaum ub nyob rau los tsuas teb. Ua li nej ne nej ho hu li cas ?

    Y.Suav Nus


    Txiv Suav Nus,

    Ua koj tsaug os. Tej zaum yeej li koj hais, kuv thiaj tau xub siv lo lus "Ntoo Cuam Txoj Kev," tiam sis qee tsam zoo li lo lus "Txoj Kev Ntoo Cuam" pheej los rau hauv kuv lub hlwb thiab na... Yog thaum twg kuv ho siv yuam kev los nej to taub tias yog hais tib qho xwb no nawb... Thiab kuv mam li sim siv ib xwb los kom xwm yeem.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    NTOO CUAM TXOJ KEV. Empty Re: NTOO CUAM TXOJ KEV.

    Post  Maiv Paj Lug 27th February 2010, 11:12 am

    Nyob zoo Suav Nus thiab XH Npuagtub, cov duab nov tso rau ntawm no zoo kawg li , rau qhov nws ua rau lub Hmoov 40 ces phim kawg li, cia nws nyob ntawm no peb thiaj tau saib thaum nkag los hauv no mas nawb. Ua neb tsaug ntau, ua tsuag ntau Suav Nus cov duab tuaj tso peb pom Hmoob Guyane kev tso siab rau Tswv Ntuj thiab ua Mesxas zoo kawg li.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    NTOO CUAM TXOJ KEV. Empty Re: NTOO CUAM TXOJ KEV.

    Post  Mim 11th March 2011, 1:49 am

    Nyob zoo sawv daws,

    Hnub no yog thawj Hnub Rau(first Friday) hauv lub Caij 40, thaum peb ua txoos teev ntuj txais Yes Xus lub Cev (vim peb tsis muaj txiv plig khoom tuaj, yog Communion Service)tag, ces peb yuav pib hais zaj "Taug Ntoo Cuam Txoj Kev." Lub Caij 40 no yog ib lub caij uas peb yuav nquag hais zaj ntawd niaj hnub Rau(Friday). (Peb tustxiv plig saib 3lub churches ces nws tsuas khoom tuaj ua thaj txi ntuj hnub Ob(Monday) thiab Hnub Tsib(Thursday)xwb.)

    Nej rov mus saib saum hauv paus saud, tsaib no peb twb piav txog Ntoo Cuam Txoj Kev lawm.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    NTOO CUAM TXOJ KEV. Empty Re: NTOO CUAM TXOJ KEV.

    Post  Maiv Tooj 11th March 2011, 3:07 am



    Ua tsaug os Mim,

    Koj yog tus paub ntau, paub thoob, koj nco ntsoov tuaj qhia kom peb ras xeev nawb mog. Tej yam koj hais nov, peb yeej paub tias muaj teev Ntoo Cuam txoj Kev, tab sis peb tssi paub tias yuav teev lub caij twg, hnub twg thiab yog siv los ua dab tsi. Zoo kawg, nws yuav nco ntsoov tuaj tsa nws cov me nyiam ntseeg kom nco ras nawb mog.

    Ua tsaug rau nws kev lim xeeb.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    NTOO CUAM TXOJ KEV. Empty Re: NTOO CUAM TXOJ KEV.

    Post  Mim 11th March 2011, 6:00 am

    Tais Tooj,

    Kuv xav tias nej yeej muaj ib co paub txog lawm thiab tiam sis kuv tuaj hais kom sawv daws nco txog tias lub caij no yog lub caij uas peb nco txog HT Yes Xus txoj kev raug txom nyem cawm peb txhua tus no xwb os.

    Tus kev cai: peb xav teev Ntoo Cuam Txoj Kev thawm niaj thawm xyoo los yeej tau, nyob ntawm yus nquag xwb. Tiam sis lub caij uas peb yuav tau teev ntau tshaj ces yog lub Caij 40 no.

    Kuv xav hais tias peb yuav teev Ntoo Cuam Txoj Kev tag kis no no, tiam sis peb cov pog laus hais tias lawv tsis khoom no ces peb twb tsis tau teev. Tiam sis txawm peb tsis ua ke teev los yus mam nrhiav yus sij hawm mus teev ib leeg yeej tau kawg.

    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    NTOO CUAM TXOJ KEV. Empty Re: NTOO CUAM TXOJ KEV.

    Post  NrhiavTswvNtuj 3rd April 2020, 1:34 am



    Nyob zoo tsoom ntseeg txhua leej,

    Lub Caij 40 ( Carême) twb yuav dhau, los txog lub Lis Piam Ntshiab lawm. Peb tsis tau teev Ntoo Cuam Txoj Kev ua ntej los hnub no txog lub Lis Piam Ntshiab lawm, yam tsawj peb yuav tau los teev Ntoo Cuam Txoj Kev rau Hnub Rau Ntshiab (Vendredi Saint, Good Friday) yog hnub vendredi 10/04/2020, peb yuav los teev Ntoo Cuam Txoj Kev thaum 15h (3pm) yog thaum Huab Tais Yes Xus siav tu.

    Vam thiab cia siab tias peb yuav muaj coob leej los teev ua ke. Tshwj xeeb xyoo no lub niaj lub xyoo tsis zoo, ntiaj teb raug xwm txheej loj.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    NTOO CUAM TXOJ KEV. Empty Re: NTOO CUAM TXOJ KEV.

    Post  Mim 5th March 2021, 12:39 pm

    Nyob zoo peb cov ntseeg txhua tus,

    Lub Caij 40 no yog ib lub caij uas peb yuav tau los ntsuam xyuas peb tus kheej saib peb puas yog ib tug neeg ntseeg zoo, peb puas yog ib tug neeg ntshiab dawb huv, vim lub ntsiab hauv txoj keb ntseeg ces yog kom peb xyaum ua tau neeg ntshiab dawb huv, peb thiaj yuav muaj hmoo mus nrog tau Tswv Ntuj nyob xwb.  Yog peb pom tias peb tsis yog ib tug neeg dawb huv mas peb yuav tau los hloov peb lub siab lub tswv yim, thiab xyaum  kom ua tau ib tug neeg dawb huv.

    Thiab peb kuj yuav tau ua raws li txoj cai hauv kev ntseeg, xws li peb yuav caiv nqaij niaj hnub Rau (Friday), tsuas noj nqaij ntses xwb. Peb kuj yuav tau caiv tej yam uas tsis tseem ceeb rau peb lub cev (junk food) los rau peb tus plig (xws li kev ntxub neeg, kev qiua dub, kev xav ua pauj...), tiam sis peb nyiam nyiam noj los nyiam nyiam ua xwb, kom tau ua ib txog kev them peb cov txhaum rau peb.

    Tsis tas li ntawd xwb, niaj hnub rau (Friday) peb yuam tau xyaum teev ntuj taug NToo Cuam txoj Kev (the Way of the Cross/le Chemin de Croix) thiab. Yog leej twg xav niaj hnub teev los haj yam zoo xwb. Yog nej muaj teev tom nej lub tsev teev ntuj, ces nej mus koom tod los tau. Yog nej xav teev nej hauv tsev nrog nej cov me nyuam nej tseev neeg los yeej zoo kawg nkaus, yog nej cov me nyuam tsis koom los nej ua nej tus kheej.

    Thaum peb teev Ntoo Cuam Txoj Kev, mas peb yuav tau txais txiaj ntsim ntawm HT Yes Xus txoj kev txom nyem txoj kev tuag dai nsaum Ntoo Cuam los pab peb.

    Lub Caij 40 twb txog nrab lawm, tshuav peb lis piam ntxiv xwb ces txog lub Lis Piam Ntshiab lawm. Yog li mas peb yuav tau los mob siab teev Tox Kev Ntoo Cuam thiab.

    Nej rov mus saib saum hauv paus saud, muaj ib zaj  yooj yooj yim pab  nej teev Ntoo Cuam Txoj Kev. Yog nej ho xav mus koom nrog As Mes Lis Kas los Fab Kis hauv internet los nej mus  yeej tau tib si. Thaum txog Hnub Rau Ntshiab (Good Friday) mas peb yuav tsum tau mus nrog peb cov ntseeg teev Ntoo Cuam Txoj Kev tom tsev teev ntuj.

    Mus saib hauv vas sab:





    Sponsored content


    NTOO CUAM TXOJ KEV. Empty Re: NTOO CUAM TXOJ KEV.

    Post  Sponsored content


      Current date/time is 28th March 2024, 8:37 am