HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


COV ZAJ NYEEM NRUAB LIS PIAM XYOO II 2021-2022 - Page 3 Empty

Suav neeg tuaj saib, txij hnub 17/09/2010 los mus.


    COV ZAJ NYEEM NRUAB LIS PIAM XYOO II 2021-2022

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 25th January 2022, 9:58 am

    Tim     26     lub    1     Hlis     2022
     
    Yuav Hwm LN Timothy thiab Titus, ob tug Tswv Qhia
    Lectionary: 520/319

    Zaj Nyeem Ib:   2 TMT 1: 1-8

    1 Kuv, Paj Lug, uas yog Yes Xus Pleev ib tug Hauv Paus Xa Lus vim Tswv Ntuj tau pom zoo li ntawd, kom los pab txoj kev cog lus tias yuav muaj txoj sia nyob hauv Yes Xus Pleev,

    2 kuv sau ntawv rau Tis Mos Tes, kuv tus tub zoo nyiam. Thov kom koj tau txais txiaj ntsim, kev khuv leej, thiab kev thaj yeeb tuaj ntawm Leej Txiv Tswv Ntuj thiab ntawm Yes Xus Pleev peb tus Huab Tais tuaj.
    3 Kuv ua Tswv Ntuj, tus uas kuv muaj ib lub siab dawb paug tsob hwb raws li kuv cov poj yawm ib txwm ua los tsaug, vim kuv nco txog koj tsis tseg thaum kuv teev ntuj, nruab hnub los hmo ntuj.

    4 Kuv nco txog koj tej kua muag poob, kuv lub siab xav pom koj kawg nkaus kom kuv rov zoo siab.
    5 Kuv xav txog txoj kev ntseeg ncaj ncees uas koj tau txais, yog txoj kev ntseeg uas tau xub nyob hauv koj pog Laus Is, thiab nyob hauv koj niam Aws Nis lawm, mas kuv tso siab lug tias nws yeej nyob hauv koj thiab.
    6 Yog vim li ntawd, mas kuv thiaj rov hais rau koj kom koj nco ntsoov ntsaub lub txiaj ntsim uas Tswv Ntuj tso rau hauv koj hnub kuv tau tiag tes rau koj, kom rov cig nplaim loj tuaj .
    7 Vim Tswv Ntuj tsis tau pub ib lub tswv yim ntshai ntshai rau peb, tiam sis ib lub tswv yim muaj peej xwm, muaj kev nyiam, thiab tswj tau yus tus kheej.
    8 Li ntawd mas koj yuav tsis txhob txaj muag ua tim khawv txog peb tus Huab Tais, los txaj muag vim kuv uas yog tus neeg raug luag khi vim nws. Tiam sis koj yuav vam ntsoov txog Tswv Ntuj lub hwj huam los nyiaj kev txom nyem pab lub Moo Zoo,.
     
    Los:     TIS TOS 1: 1-5

    1 Kuv, Paj Lug, yog Tswv Ntuj tus tub qhe thiab Yes Xus Pleev tus Hauv Paus Xa Lus, kom tau txhawb cov neeg Tswv Ntuj xaiv lawv txoj kev ntseeg thiab txhawb txoj kev lees paub qhov tseeb hauv txoj kev hwm Ntuj,

    2 nyob hauv txoj kev tso siab tias yuav tau txoj sia nyob mus li, raws li Tswv Ntuj tus tsis txawj dag tau cog lus puag thaum ntxov ub, ua ntej muaj lub caij nyoog los lawm.
    3 Thaum txog lub caij teem, nws tau qhia nws lo lus tawm, nyob hauv txoj kev tshaj tawm uas nws tau tso rau kuv ua tus lis raws li peb tus cawm seej Tswv Ntuj nws lo lus txib.
    4 Kuv sau ntawv tuaj rau Tis Tos, kuv ib tug tseem tub nyob hauv peb sawv daws txoj kev ntseeg. Thov kom koj tau txais txiaj ntsim thiab kev thaj yeeb tuaj ntawm Leej Txiv Tswv Ntuj, thiab Yes Xus Pleev, tus cawm peb tuaj.
    5 Lub ntsiab ntawm qhov kuv tau tso koj tseg nyob Khes Tas yog li no: vim xav kom koj npaj tej yam tsis tau muaj kom muaj txhij, thiab xav kom koj tsa ib co txwj laus nyob hauv txhua lub nroog, raws li kuv tau hais kom koj ua.

    NPN   96: 1-2a, 2b-3, 7-8a, 10

    Txais: (3) Nej cia li tshaj tswv Ntuj cov hauj lwm loj rau tas txhua haiv neeg paub.

    Nej hu ib zaj nkauj tshiab rau HUAB TAIS,
    tas txhua teb chaws, nej hu nkauj rau HUAB TAIS.
    Nej hu nkauj rau HUAB TAIS, nej cav txog nws lub npe.

    Txais: (3) Nej cia li tshaj tswv Ntuj cov hauj lwm loj rau tas txhua haiv neeg paub.

    Nej tshaj txog nws txoj kev cawm neeg, hnub dhau hnub.
    Nej cav txog nws lub koob meej rau cov haiv neeg paub,
    nej cav txog nws cov hauj lwm loj rau txhua xeem neeg hnov.

    Txais: (3) Nej cia li tshaj tswv Ntuj cov hauj lwm loj rau tas txhua haiv neeg paub.

    Cov haiv neeg uas los sib koom ua ib cuab, nej muab rau HUAB TAIS,
    nej muab lub koob meej thiab lo lus qhuas lus cav rau HUAB TAIS
    nej muab rau HUAB TAIS, lub koob meej uas phim nws lub npe!

    Txais: (3) Nej cia li tshaj tswv Ntuj cov hauj lwm loj rau tas txhua haiv neeg paub.

    Nej hais nyob hauv cov naiv neeg tias: HUAB TAIS yog tus vaj.
    Nws tau tsim lub ntiaj teb kom nyob ruaj, muab tshem tsis tau,
    nws tswj cov haiv neeg raws txoj kev ncaj.

    Txais: (3) Nej cia li tshaj tswv Ntuj cov hauj lwm loj rau tas txhua haiv neeg paub.


    As Les Lus Yas

    Txais: As les lus yas, as les lus yas.

    Lub noob nplej yog Tswv Ntuj lo lus, leej Pleev yog tus tseb cov noob;
    txhua tus uas tuaj cuag nws yuav ciaj nyob mus li.

    Txais: As les lus yas, as les lus yas.

    Ntawv Moo Zoo:   MK 4: 1-20

    1 Muaj ib zaug, Yes Xus rov pib qhuab qhia dua nyob ntawm ntug dej ntuj. Ib pab neeg coob kawg sis sau nyob ze nws, nws thiaj nce mus zaum hauv ib lub nkoj nyob saum nplaim dej ntuj, hos tas ib tsoom neeg nyob saum av, tim ntug nqhuab.


    2 Yes Xus ua paj lug qhia ntau yam rau lawv. Thaum nws qhia lawv, nws hais tias:
    3 "Nej mloog ov! Tus neeg tseb nplej tawm mus tseb nplej.
    4 Thaum nws tseb, muaj ib co noob poob rau ntawm ntug kev, ces noog ya tuaj noj lawm.
    5 Muaj ib co noob poob rau hauv thaj av pob zeb. Nyob ntawd tsis muaj av ntau, ces noob tuaj kaus sai, vim av tsis tob.
    6 Thaum hnub tuaj ziab, cov yub ntsws tas; vim cov yub tsis muaj cag, ces cov yub cia li qhuav.
    7 Tseem muaj ib co noob poob rau hauv cov pos. Pos hlob tuaj laum cov yub, ces cov yub ntawd txhawv tsis taus.
    8 Hos muaj ib co noob poob rau hauv thaj av zoo. Cov yub nplej ntawd hlob thiab huam, txhawv ua hnab. Tej lub noob txi peb caug lub nplej, tej lub txi rau caum lub, tej lub txi ib puas lub."
    9 Ces Yes Xus hais tias: "Leej twg muaj pob ntseg mloog, yuav tsum mloog."
    10 Thaum Yes Xus nyob ntawm ib qho xu kev lawm, cov neeg nrog nws ua ke thiab Pab Kaum Ob nug nws txog cov paj lug ntawd.
    11 Yes Xus teb rau lawv tias: "Ntuj pub cov lus tob qhia txog Tswv Ntuj lub Ceeb Tsheej rau nej paub. Hos cov neeg uas nyob sab nraud, mas ib puas tsav yam yog paj lug rau lawv xwb.
    12 Kom xwv ‘lawv ntsia ntsoov, los lawv tsis pom,
    lawv mloog ntsoov, los lawv tsis to taub li,
    vim ntshai tsam lawv yuav tsum hloov siab, ces Ntuj ho yuav zam rau lawv.’”
    13 Yes Xus hais rau lawv tias: "Nej tsis to taub zaj paj lug no lod? Yog li, nej yuav ua cas to taub tas txhua zaj paj lug?
    14 Tus tseb nplej nws tseb Lo Lus.
    15 Cov noob poob ntawm ntug kev, qhov chaw lawv tseb Lo Lus, yog cov neeg uas tau hnov Lo Lus, tab sis, tam sis ntawd Xas Tas twb tuaj rho Lo Lus uas nyuam qhuav tseb rau hauv lawv tawm mus lawm.
    16 Cov uas poob rau hauv thaj av pob zeb, yog cov neeg uas thaum lawv hnov Lo Lus, lawv zoo siab hlo txais tam sis ntawd.
    17 Tab sis lawv tsis muaj cag ruaj nyob hauv lawv, ces kav tsis ntev: thaum muaj kev txom nyem los kev raug luag hiam vim Lo Lus, mas lawv ntog tam sis ntawd.
    18 Cov uas tseb rau hauv cov pos, yog cov neeg uas tau hnov Lo Lus,
    19 tab sis tej kev txhawj xeeb hauv ntiaj teb no, tej kev haub kev ntxias kom yus nplua nuj, thiab lub siab ntshaw ntau yam, txeem mus laum Lo Lus, ces Lo Lus txi tsis taus txiv.
    20 Hos cov uas tseb rau hauv thaj av zoo yog cov neeg uas hnov Lo Lus, lawv khaws Lo Lus thiab lawv tawg paj txi txiv, lawv txi peb caug lub, los rau caum lub, los ib puas lub."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 26th January 2022, 5:37 am

    Tim    27    lub    1    Hlis    2022

    Hnub Tsib Lis Piam Peb Nruab Xyoo ABC Nruab Lis Piam Xyoo II
    Lectionary: 320

    XHLT:   LN Angela Merici, nkauj tsim txiaj

    Zaj Nyeem Ib:    2 XM 7: 18-19, 24-29

    Tus yaj saub Nas Taas nrog vaj Das Vis tham tas,
    18 ces Das Vis nkag mus hauv tsev, nws mus zaum nyob ntawm HUAB TAIS xub ntiag, nws hais tias: "HUAB TAIS Tswv Ntuj, kuv yog leej twg, thiab kuv tsev neeg yog leej twg, koj thiaj coj kuv los txog nyem no?

    19 Twb npaum li ntawd los koj tseem xav tias tsawg dhau, Huab Tais Tswv Ntuj, koj tseem hais txog koj tus tub txib tsev neeg mus deb lawm yav tom ntej ntxiv thiab. Qhov no koj tau qhia rau tib neeg taug, HUAB TAIS Tswv Ntuj
    24 Koj tau tsa His Xas Lais ua koj haiv neeg, nws yuav yog koj haiv neeg mus li. Hos koj HUAB TAIS, koj yog lawv tus Tswv Ntuj.

    25 Nyem no, HUAB TAIS Tswv Ntuj, thov koj muab koj lo lus saub koj tau hais rau koj tus tub txib thiab rau nws tsev neeg, zwm cia kom nyob mus li ib txhis, thiab thov koj ua raws nraim li koj tau hais.
    26 Koj lub npe yuav nto moo loj mus li, luag yuav hais tias: ‘Tus HUAB TAIS kav tsoom tshiab yog His Xas Lais tus Tswv Ntuj!’ Ces koj tus tub txib Das Vis tsev neeg yuav nyob ruaj nreb nyob ntawm koj xub ntiag.
    27 HUAB TAIS kav tsoom tshiab, His Xas Lais tus Tswv Ntuj, koj yog tus tau qhia rau koj tus tub txib tias: ‘Kuv yuav tsa ib lub tsev rau koj.’ Yog vim li ntawd, koj tus tub txib thiaj muaj cuab kav thov koj li no.
    28 Nyem no, HUAB TAIS Tswv Ntuj, koj yog Tswv Ntuj, koj cov lus yog qhov tseeb. Koj tau cog lo lus zoo ntawd rau koj tus tub txib lawm.
    29 Yog li thov koj tso koj lo lus foom hmoov zoo los rau saum koj tus tub txib tsev neeg, kom nws tsev neeg nyob ntawm koj xub ntiag mus li; vim koj, HUAB TAIS Tswv Ntuj, yog tus tau cog lus lawm; koj lo lus foom koob foom hmoov yuav ua kom koj tus tub txib tsev neeg muaj txoj hmoov zoo mus li ib txhiab ib txhis."

    NPN    132: 1-2, 3-5, 11, 12, 13-14

    Txais: (Lk 1: 32b) Huab Tais Tswv Ntuj yuav muab
                nws txiv Das Vis lub theej kiab rau nws zaum.

    HUAB TAIS, thov koj nco ntsoov Das Vis,
    nco txog nws tej kev txom nyem kev khwv;
    nco txog lo lus nws tau cog rau HUAB TAIS,
    rau Yas Kos tus Huab Tais Muaj Hwj Huam:

    Txais: (Lk 1: 32b) Huab Tais Tswv Ntuj yuav muab
                nws txiv Das Vis lub theej kiab rau nws zaum.

    "Kuv yuav tsis chaws mus hauv kuv lub tsev tsam phooj,
    yuav tsis qhau cev pw saum kuv lub txaj,
    kuv yuav tsis pub kuv ob lub qhov muag qi,
    tsis kheev kuv ob daim tawv muag swb tus dab ntub,
    mus txog thaum kuv nrhiav tau ib qho chaw rau HUAB TAIS so,
    ib lub tsev rau Yas Kos tus Tswv Ntuj Muaj Hwj Huam nyob tso."

    Txais: (Lk 1: 32b) Huab Tais Tswv Ntuj yuav muab
                nws txiv Das Vis lub theej kiab rau nws zaum.

    HUAB TAIS tau cog lus tseeb rau Das Vis lawm,
    yog ib lo lus ruaj, nws yuav tsis thim nws lo lus no :
    " Ib tug tawm hauv koj roj ntsha los
    Yog tus kuv yuav tsa los zaum saum koj lub theej kiab.”

    Txais: (Lk 1: 32b) Huab Tais Tswv Ntuj yuav muab
                nws txiv Das Vis lub theej kiab rau nws zaum.

    “Yog koj cov tub ki khaws cov lus kuv nrog lawv cog,
    thiab ua raws li kuv cov lus kuv qhia kom lawv ua,
    mas lawv phaj tub kuj yuav tau zaum
    saum koj lub theej kiab tas mus li."

    Txais: (Lk 1: 32b) Huab Tais Tswv Ntuj yuav muab
                nws txiv Das Vis lub theej kiab rau nws zaum.

    Vim HUAB TAIS yeej tau xaiv Xis Yoos,
    nws nyiam muab Xis Yoos ua nws qhov chaw nyob:
    "Xis Yoos yog kuv qhov chaw so mus li,
    kuv yuav nyob saum Xis Yoos, vim kuv nyiam nws dua.”

    Txais: (Lk 1: 32b) Huab Tais Tswv Ntuj yuav muab
                nws txiv Das Vis lub theej kiab rau nws zaum.

    As Les Lus Yas:    NPN 119: 105

    Txais: As les lus yas, as les lus yas.

    Koj lo lus yog lub teeb ci rau kuv ko taw,
    yog qhov pom kev kaj kuv txoj hau kev.

    Txais: As les lus yas, as les lus yas.

    Ntawv Moo Zoo:    MK 4: 21-25

    21 Yes Xus hais rau nws cov thwj tim tias: "Thaum yus taws ib lub teeb nqa los, yus puas muab txawb hauv qab pob tawb los hauv qab txag, es tsis muab txawb rau saum tus ncej teeb?
    22 Vim tsis muaj ib yam zais ntshis cia, uas yuav tsis tshwm los rau luag pom, tsis muaj ib yam npog rawv uas yuav tsis tawm los rau luag paub.
    23 Leej twg muaj pob ntseg mloog, yeej meem mloog !"
    24 Yes Xus hais ntxiv rau lawv tias: “Nej yuav ceev faj txog tej yam uas nej hnov!

    Ntuj yuav xuas lub tais uas nej siv los luj rov luj rau nej, thiab Ntuj tseem yuav ntxiv rau nej.
    25 Vim tias tus uas twb muaj lawm, Ntuj yuav pub ntxiv rau nws, hos tus tsis muaj, mas Ntuj tseem yuav rho qhov me me nws muaj mus thiab.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 27th January 2022, 10:46 am

    Tim     28     lub     1     Hlis     2022

    Hnub Rau Lis Piam Peb Caij Nruab Xyoo C Nruab Lis Piam II
    Lectionary: 321

    Yuav Hwm LN Thomas Aqinas, ua Leej Choj thiab Kws cpv Txuj Ntshiab

    Zaj Nyeem Ib:   2 XM 11: 1-4a, 5-10a, 13-17

    1 Thaum pib xyoo tshiab, yog lub caij cov vaj sawv kev mus ntaus rog, Das Vis tso Yos As nrog nws cov thawj tub peeb zeej thiab tsoom His Xas Lais cov tub rog mus. Lawv mus tua yeej cov As Mos Nis thiab mus vij lub tsheej Las Npas. Tiam sis Das Vis tseem nyob ntawm Yes Lus Xas Les.
    2 Muaj ib hnub thaum yuav tsaus ntuj, Das Vis sawv ntawm nws lub txaj los, nws tawm mus ncig saum vaj ntxwv lub qaum ru tsev tiaj tiaj, nws txawm ntsia pom ib tug poj niam tab tom da dej. Tus poj niam ntawd zoo nkauj kawg.
    3 Ces Das Vis tso neeg mus nug saib tus poj niam ntawd yog leej twg. Lawv hais rau nws tias: "Yog Npas Ses Npas, Es Lias tus ntxhais, uas yog Yos As tus tub kwv phom Us Lis uas yog neeg His Tis tus poj niam."
    4 Ces Das Vis tso neeg mus coj Npas Ses Npas tuaj. Npas Ses Npas tuaj, ces Das Vis txawm nrog nws pw… nws mam rov mus tsev lawm.
    5 Thaum tus poj niam cev xeeb tub, nws xa lus tuaj rau Das Vis tias: "Kuv cev xeeb tub lawm."
    6 Ces Das Vis xa xov mus rau Yos As tias: "Koj xa tus neeg His Tis hu ua Us Lis los rau kuv." Yos As xa Us Lis rov los rau Das Vis.
    7 Thaum Us Lis los txog, Das Vis nug tias Yos As nyob li cas thiab tsoom tub rog nyob li cas, thiab kev ntaus rog mus zoo li cas lawm.
    8 Ces Das Vis hais rau Us Lis tias: "Koj mus nram koj tsev mog! Mus ntxuav koj ko taw." Us Lis thiaj tawm hauv tus vaj lub tsev los, muaj neeg nqa tus vaj cov zaub mov ib qho lawv nws qab mus.
    9 Tab sis Us Lis tsis mus nram nws tsev, nws pw ntawm tus vaj lub qhov rooj loog nrog nws tus tswv cov tub zov keeb xwb.
    10 Muaj neeg mus qhia Das Vis tias: "Us Lis tsis tau mus nram nws tsev li."
    13 Hnub tom qab, Das Vis hu nws tuaj ntsib Das Vis, nws nrog Das Vis noj mov haus caws, ces Das Vis muab cawv rau nws haus kom qaug. Hmo ntawd Us Lis rov tawm mus pw nrog nws tus tswv cov tub zov keeb dua xwb, nws tsis nqes mus nram nws tsev li.
    14 Hnub tom qab ntxiv, thaum sawv ntxov, Das Vis sau ib tsab ntawv mus rau Yos As, nws muab rau Us Lis nqa mus.
    15 Nyob hauv tsab ntawv nws hais rau Yos As tias: "Nej muab Us Lis mus tso rau tom hauv ntej tom qhov chaw sib tua kub tshaj tej, ces nej sawv daws thaub rov qab, tseg nws nyob rau lawv tua kom tuag."
    16 Li ntawd, thaum Yos As mus vij lub nroog, nws muab Us Lis mus tso rau ntawm qhov chaw uas nws paub tias muaj cov yeeb ncuab ntaus heev tshaj.
    17 Ces thaum cov yeeb ncuab nyob hauv nroog tawm tuaj ntaus Yos As tog, Das Vis cov neeg muaj ob peb leeg tub rog tuag; Us Lis, tus neeg His Tis, kuj tuag thiab.

    NPN   51: 3-4, 5-6ab, 6bcd-7, 10-11

    Txais: (3a) Thov koj khuv leej peb, Huab Tais,
                vim peb tau ua txhaum lawm.

    Tswv Ntuj, thov koj khuv leej kuv, vim koj lub siab zoo;
    thov koj so kuv qhov txhaum pov tseg,
    vim koj muaj kev hlub loj tas nrho.
    Thov koj ntxuav kuv lub txim pov tseg kom tas
    thiab koj muab kuv qhov txhaum tshem mus
    kom kuv dawb huv tuaj.

    Txais: (3a) Thov koj khuv leej peb, Huab Tais,
                vim peb tau ua txhaum lawm.

    Kuv lees paub kuv qhov txhaum,
    kuv qhov txhaum nyob rawv ntawm kuv xub ntiag.
    “Kuv tau ua txhaum rau koj ib leeg xwb,
    kuv tau ua qhov uas koj saib yog phem.”

    Txais: (3a) Thov koj khuv leej peb, Huab Tais,
                vim peb tau ua txhaum lawm.

    Vim kuv tau ua yam uas koj saib yog qhov phem,
    ces txawm koj txiav txim rau kuv los koj yeej ua qhov ncaj,
    txawm koj rau txim rau kuv los koj yeej ua qhov yog.
    Koj twb paub tias kuv yeej yug los muaj txhaum,
    kuv yog neeg txhaum txij thaum kuv niam xeeb kuv los.

    Txais: (3a) Thov koj khuv leej peb, Huab Tais,
                vim peb tau ua txhaum lawm.

    Thov koj cia kuv hnov cov suab lom zem thiab suab luag,
    ces cov pob txha uas koj tau muab tsoo tawg,
    yuav rov muaj kev zoo siab.
    Thov koj fee ntsej muag mus deb ntawm kuv cov txhaum,
    koj so kuv lub txim pov tseg kom tas huv tib si.

    Txais: (3a) Thov koj khuv leej peb, Huab Tais,
                vim peb tau ua txhaum lawm.

    As Les Lus Yas:   MT 11: 25

    Txais: As les lus yas, as les lus yas.

    Kuv cav txog koj, Leej Txiv, tus Huab Tais kav lub ntuj lub teb,
    koj tau qhia tej yam tob txog lub Ceeb Tsheej rau cov neeg me paub.

    Txais: As les lus yas, as les lus yas.

    Ntawv Moo Zoo:   MK 4: 26-34

    26 Yes Xus hais rau tsoom neeg tias: Tswv Ntuj lub Ceeb Tsheej zoo xws li ib tug neeg pov ib co noob rau nruab a :
    27 Nws txawm pw los nws sawv, hmo ntuj los nruab hnub, lub noob tuaj kaus thiab hlob tuaj, nws tsis paub tias lub noob hlob zoo li cas li.
    28 Av xwb tim txawj xeeb kom muaj tuaj: xub ua yub tas, ua plab nab, ces nplej txhawv puv hnab.
    29 Thaum nplej siav, tus neeg ntawd xuas liag mus hlais tam sis ntawd, vim txog caij sau qoob lawm.
    30 Yes Xus tseem hais tias: "Peb yuav muab Tswv Ntuj lub Ceeb Tsheej los piv rau dab tsi? Los peb yuav hais zaj paj lug twg los qhia txog Tswv Ntuj lub Ceeb Tsheej?
    31 Tswv Ntuj lub Ceeb Tsheej yog zoo li ib lub noob zaub roj, uas thaum luag muab tseb rau hauv av, mas lub noob ntawd me tshaj lwm cov noob nyob ntiaj teb no.
    32 Tab sis thaum tseb tas lawd, lub noob hlob tuaj, nws loj dua lwm cov zaub tas huv si; nws ncau ceg deb, ces tej noog ya saum ntuj tau kev los nkaum hauv nws qhov ntxoov."
    33 Yes Xus siv ntau yam paj lug zoo li no los qhia Lo Lus rau lawv, raws li lawv mloog tau.
    34 Tsis muaj ib yam uas nws tsis ua paj lug hais. Tiam sis nws txhais txhua yam huv tib si rau nws cov thwj tim thaum tshuav lawv nrog nws nyob lawm xwb.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 28th January 2022, 5:58 am

    Tim     29     lub     1     Hlis     2022


    Hnub Xya Lis Piam Peb Nruab Xyoo C Nruab Lis Piam Xyoo II
    Lectionary: 322

    Zaj Nyeem Ib:   2 XM 12: 1-7a, 10-17


    1 HUAB TAIS xa tus yaj saub Nas Taas tuaj cuag Das Vis. Nws mus ntsib Das Vis, nws hais rau Das Vis tias : "Muaj ob tug txiv neej nyob hauv ib lub nroog, ib tug yog neeg nplua nuj, ib tug yog neeg pluag.

    2 Tus nplua nuj muaj qaib muaj yaj coob kawg,
    3 hos tus pluag tsis muaj dab tsi li, nws kawg muaj ib tug me nyuam maum yaj nkaus xwb uas nws muas los. Nws tu tus maum yaj ntawd zoo; tus maum yaj hlob nrog nws thiab nws cov me nyuam, nrog nws noj nws tej zaub mov uas tsis muaj ntau, nrog nws haus ib khob dej, thiab pw hauv nws xub ntiag; nws saib tus maum yaj ntawd zoo li yog nws tus ntxhais.
    4 Muaj ib tug qhua txawm tuaj hauv tus nplua nuj tsev. Tus nplua nuj tsis xav muab nws ib tug tsiaj me los tsiaj loj los tua rau tus qhua noj li, ces nws mus ntes tus pluag tus me nyuam maum yaj los tua txais tus qhua ntawd."
    5 Das Vis npau taws heev rau tus nplua nuj, nws hais rau Nas Taas tias: "Tseeb ib yam li HUAB TAIS muaj txoj sia nyob, tus neeg ua li ntawd mas nws yeej tsim nyog tuag!
    6 Nws yuav tsum them plaub npaug tus yaj ntawd tus nqi, vim nws tau ua qhov phem ntawd, nws tsis hlub neeg li."
    7 Ces Nas Taas hais rau Das Vis tias: "Tus neeg ntawd yog koj ntag! HUAB TAIS , His Xas Lais tus Tswv Ntuj hais li no:
    10 ‘Txij no mus, hniav ntaj yuav tsis zam koj tsev neeg ib zaug ntxiv li lawm, vim koj tau ua phem tsis saib kuv, koj tau coj Us Lis tus neeg His Tis tus poj niam los ua koj poj niam.’

    11 HUAB TAIS hais li no tias: ‘Kuv yuav ua kom muaj xwv txheej phem tawm hauv koj tsev neeg kiag tuaj raug koj. Thaum koj tseem muaj sia nyob, kuv yuav muab koj cov poj niam mus rau ib tug txiv neej nyob ze koj yuav rau koj ntsia; nws yuav tab meeg nrog lawv pw thaum nruab hnub nrig.
    12 Koj mas koj nyiag zais ntshis ua txhaum, tab sis kuv yuav tab meeg ua tej ntawd kom tawm los rau tsoom His Xas Lais pom thaum nruab hnub nrig.’"
    13 Ces Das Vis hais rau Nas Taas tias: "Kuv tau ua txhaum rau HUAB TAIS lawm!" Nas Taas hais rau Das Vis tias: "HUAB TAIS zam koj qhov txhaum rau koj, ces koj yuav tsis tuag.
    14 Tab sis vim koj tau ua qhov ntawd saib tsis taus HUAB TAIS lawm, mas tus me nyuam uas xeeb los rau koj yuav tuag."
    15 Ces Nas Taas rov mus tsev lawm. HUAB TAIS thiaj ua kom tus me nyuam uas Us Lis tus poj niam yug los rau Das Vis muaj mob, ces nws pib mob heev tuaj.

    16 Das Vis thov Ntuj rau tus me nyuam, nws yoo mov, nws mus tsev, hmo ntawd nws pw tiv av ib hmos.
    17 Cov txwj laus nyob hauv nws tsev sawv daws tuaj nyob ncig nws, lawv txhib kom nws sawv hauv av los; tab sis nws tsis kam sawv; nws kuj tsis nrog lawv noj mov li thiab.

    NPN   51: 12-13, 14-15 , 16-17

    Txais: (12a) Tswv Ntuj, thov koj tsim ib lub siab huv lis si rau kuv.

    Tswv Ntuj, thov koj tsim ib lub siab huv si rau kuv ;
    koj cog dua ib lub tswv yim nyob ruaj rau hauv kuv.
    Koj txhob ntiab kuv mus deb ntawm koj lub ntsej muag,
    txhob thau koj Leej Tswv Yim ntshiab ntawm kuv mus.

    Txais: (12a) Tswv Ntuj, thov koj tsim ib lub siab huv lis si rau kuv.

    Koj ua kom kuv rov zoo siab nyob hauv koj txoj kev cawm,
    koj pub ib lub tswv yim xav ua zoo kom nyob ruaj hauv kuv.
    Kuv yuav qhia koj txoj kev rau cov neeg yuam kev,
    cov neeg txhaum thiaj yuav rov los cuag koj.

    Txais: (12a) Tswv Ntuj, thov koj tsim ib lub siab huv lis si rau kuv.

    Thov koj cawm kuv ntawm txoj kev txhaum tua neeg,
    Tswv Ntuj, kuv tus Twv Ntuj tus cawm kuv;
    kuv tus nplaig yuav zoo siab hlo cav txog koj txoj kev ncaj !
    HUAB TAIS, thov koj qhib kuv di ncauj,
    ces kuv lub ncauj yuav tshaj lus zoo cav txog koj.

    Txais: (12a) Tswv Ntuj, thov koj tsim ib lub siab huv lis si rau kuv.

    As Les Lus Yas:   ZAM 3: 16

    Txais: As les lus yas, as les lus yas.

    Tswv Ntuj hlub lub ntiaj teb npaum li no, nws thiaj tso nws tib leeg Tub los,
    kom leej twg ntseeg nws, tus ntawd yuav tau txoj siab nyob mus li.

    Txais: As les lus yas, as les lus yas.

    Ntawv Moo Zoo:   MK 4: 35-41

    35 Hnub ntawd, thaum yav tsaus ntuj, Yes Xus hais rau nws cov thwj tim tias: "Peb hla mus lawm sab ntug dej tid."

    36 Ces lawv tso tsoom sid tseg. Lawv coj Yes Xus mus, nws cia li mus zoo li ntawd rau hauv nkoj. Kuj muaj lwm cov nkoj nrog nws thiab.
    37 Txawm muaj ib nthwv khaub zeeg cua loj kawg sawv tuaj. Dej sawv nphau nphwv los npog nkaus lub nkoj, ces lub nkoj twb pib puv dej lawm.
    38 Yes Xus nyob tom tw nkoj, nws tsaug zog saum ib lub hauv ncoo. Lawv tsa Yes Xus, lawv hais rau nws tias: "Xib Hwb, koj tsis quav ntsej txog tias peb twb yuav tuag los?"
    39 Yes Xus tsim dheev los, nws txwv cua, thiab nws hais rau dej ntuj tias: "Tswm seeb! Koj nyob twj ywm !" Ces cua tu nrho, dej ntuj rov tus yees tuaj.
    40 Yes Xus hais rau lawv tias: "Ua cas nej ntshai ua luaj? Nej tseem tsis tau muaj kev ntseeg lod?"
    41 Lawv ntshai kawg, lawv sib tham hais tias: "Tus ntawd yog leej twg? Ua cas cua thiab dej ntuj los yeej mloog nws lus tib si?"
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 30th January 2022, 12:14 pm

    Tim    31    lub    1    Hlis    2022


    Hnub Ob Lis Piam Plaub Nruab Xyoo C Nruab Lis Piam Xyoo II
    Lectionary: 323

    Yuav Hwm LN John Bosco, ua Leej Choj



    Zaj Nyeem Ib:   2 XM 15: 13-14, 30; 16: 5-13

    15: 13 Muaj ib tug neeg tuaj xa xov rau Das Vis tias: "Cov His Xas Lais hloov siab mus npuab As Xas Los lawm."

    14 Ces Das Vis hais rau nws cov tub txib uas nrog nws nyob Yes Lus Xas Les tias: "Nej sawv, peb cia li khiav! Vim peb yuav tsis dim ntawm As Xas Los tes li. Nej maj nrawm nroos kom peb tau sawv kev, tsam ib sij huam As Xas Los tuaj caum tau peb, ces peb yuav raug xwv txheej loj thiab nws yuav xuas ntaj tua tas lub nroog huv tib si."
    30 Das Vis nce phab toj mus pem lub Roob Txiv Ntoo Roj, nws ke nce ke quaj, nws khwb taub hau thiab mus ko taw liab xwb. Tas cov neeg nrog nws sawv daws txhua leej kuj khwb taub hau huv si, thiab lawv kuj ke quaj ke taug kev nce toj thiab.
    16:  5 Thaum Das Vis tuaj yuav txog lub zos Npas Hus Lis, muaj ib tug txiv neej tawm hauv lub zos tuaj, nws tsev neeg txheeb rau Xas Ws tsev neeg, nws hu ua Xis Mes, yog Nkes Las tub, nws hais ib co lus phem kawg foom Davis thaum nws tawm tuaj.

    6 Nws txawb pob zeb rau Das Vis thiab rau Das Vis cov tub txib huv tib si; tas cov pej xeem thiab cov neeg muaj zog sawv daws nyob ntawm Das Vis sab xis thiab sab laug.
    7 Xis Mes cem Das Vis tias: "Khiav mus! khiav mus, niag tua neeg, niag neeg siab phem!
    8 Twb yog HUAB TAIS pab ua pauj rau Xas Ws tsev neeg cov roj ntsha uas koj tau hliv, koj thiaj txeeb tau nws tus vaj ua lawm. Nyem no HUAB TAIS yuav cia koj tus tub As Xas Los ua vaj. Koj yuav raug kev pua tsuaj lau, vim koj yog tus tua neeg."
    9 As Npis Sais, uas yog Xes Lus Yas tub, hais rau tus vaj tias: "Ua cas thiaj cia niag dev tuag aws no tsawm kuv tus huab tais vaj ntxwv li no? Thov koj cia kuv mus txiav nws taub hau kiag saib!"
    10 Tab sis tus vaj teb tias: "Xes Lus Yas tus tub, tsis yog kuv hauj lwm los koj hauj lwm yuav txwv nws, cia nws cem nws, vim ntshai twb yog HUAB TAIS hais rau nws kom nws tsawm Das Vis xwb. Yog li leej twg thiaj muaj cuab kav hais tau rau nws tias: 'Vim li cas koj ua li ntawd?’"
    11 Ces Das Vis hais rau As Npis Sais thiab tas nws cov tub txib tias: "Nej xav saib yog kuv tus tub kuv yug kiag twb xav muab kuv tua, mas tus Npes Yas Mis ntawd haj yam muaj cai ua li ntawd rau kuv. Nej cia nws tsawm nws, vim ntshai yog HUAB TAIS kom nws tsawm.
    12 Ces nyaj tej zaud HUAB TAIS yuav pom kuv txoj kev txom nyem ces nws yuav muab ib yam zoo rau kuv los pauj cov lus tsawm uas raug kuv hnub no."
    13 Ces Das Vis thiab nws cov neeg taug kev mus ntxiv, hos Xis Mes kuj taug kev ib sab raws roob caum Das Vis, nws ke mus kev ke foom lus phem, ke txawb pob zeb thiab txawb av tuaj rau lawv.

    NPN   3: 2-3, 4-5, 6-7

    Txais: (8a) Huab Tais, thov koj sawv tsees los cawm kuv.

    HUAB TAIS, kuv cov yeeb ncuab coob tas nrho!
    Cov sawv los ntxeev siab rau kuv muaj coob!
    Coob leej hais txog kuv tias:
    “Tsis muaj kev cawm rau nws nyob hauv Tswv Ntuj li.”

    Txais: (8a) Huab Tais, thov koj sawv tsees los cawm kuv.

    Tab sis, HUAB TAIS, koj yog daim leem phiaj thaiv kuv,
    koj yog kuv lub koob meej, yog tus tsa kuv taub hau kom siab.
    Thaum kuv tsa suab nrov hu HUAB TAIS,
    nws nyob saum nws lub roob ntshiab teb tuaj rau kuv.

    Txais: (8a) Huab Tais, thov koj sawv tsees los cawm kuv.

    Thaum kuv mus pw tsaug zog lawm,
    kuv tsim tau rov los vim HUAB TAIS nres kuv.
    Kuv tsis ntshai cov neeg coob coob
    uas sawv vij vog ib ncig kuv xav ntaus kuv.

    Txais: (8a) Huab Tais, thov koj sawv tsees los cawm kuv.

    As Les Lus Yas:   LK 7: 16

    Txais: As les lus yas, as les lus yas.

    Ib tug yaj saub loj sawv los nyob hauv peb,
    Tswv Ntuj tau tuaj xyuas nws haiv neeg lawm.

    Txais: As les lus yas, as les lus yas.

    Ntawv Moo Zoo:   MK 5: 1-20

    1 Yes Xus thiab nws cov thwj tim tuaj txog sab ntug dej ntuj tim ub, yog sab cov neeg Nkes Las Xis lub teb chaws.

    2 Thaum Yes Xus nqes plhuav nkoj los, tam sis ntawd, muaj ib tug neeg raug ib tug dab tsis huv tawm ntawm cov toj ntxas tuaj cuag Yes Xus.
    3 Nws yeej nyob rawv ntawm cov toj ntxas ntawd, tsis muaj leej twg khi tau nws cia li, tab yog xuas saw hlau los yeej khi tsis tau li.
    4 Vim lawv twb tau nquag muab xauv taw thiab saw hlau khi nws tib si los nws yeej ua saw hlau tu tas, ua xauv taw lov tas, tsis muaj leej twg muaj zog txaus tuav tau nws cia li.
    5 Niaj hnub niaj hmo nws nyob ntawm cov toj ntxas thiab nyob pem tej roob, nws qw tas mus li, thiab nws muab pob zeb los hlais nws kom mob.
    6 Thaum nws pom Yes Xus tseem nyob deb, nws khiav tuaj, nws txhos caug ntua pe Yes Xus,
    7 ces nws qw nrov nrov tias: “Koj xav ua dab tsi rau kuv, Yes Xus, Tswv Ntuj tus Nyob Siab Leej Tub? Kuv hu txog Tswv Ntuj thov koj, koj txhob tsim txom kuv.”
    8 Vim Yes Xus tau hais rau nws tias: "Dab tsis huv, koj tawm ntawm tus neeg no mus!"
    9 Yes Xus nug nws tias: "Koj lub npe hu ua li cas ?" Nws teb tias: "Kuv lub npe hu ua Npoj, vim peb coob leej kawg."
    10 Nws thov Yes Xus heev kawg kom txhob ntiab lawv tawm ntawm thaj chaw ntawd mus.
    11 Thaum ntawd, muaj ib pab npua coob coob tab tom noj zaub saum cov roob.

    12 Cov dab tsis huv thov Yes Xus tias: "Thov koj xa peb mus lawm hauv cov npua ntawd, cia peb nkag mus nyob hauv."
    13 Yes Xus tso lus rau lawv, ces cov dab tsis huv tawm mus, lawv nkag mus rau hauv cov npua. Ces tas pab npua khiav ntawm ib plas toj ntxhab ntxhab mus rau hauv dej ntuj, pab npua ntawd kwv yees muaj ob txhiab tus, cia li mus poob deg tuag tas rau hauv dej ntuj.
    14 Cov zov npua tso tes khiav, lawv mus qhia lub moo ntawd rau hauv nroog thiab hauv cov zos. Ces neeg tuaj mus xyuas saib muaj tus xwm zeej dab tsi.
    15 Thaum lawv tuaj txog ze ntawm Yes Xus, lawv pom tus neeg uas raug tus dab npoj zaum ntawd, hnav ris tsho tib si, thiab nws meej pem lawm, ces lawv ntshai.
    16 Cov uas tau pom, lawv piav txog qhov uas tshwm sim rau tus neeg raug dab ntawd, thiab rau pab npua.
    17 Ces lawv pib thov Yes Xus kom nws txav tawm ntawm lawv teb chaws mus.
    18 Thaum Yes Xus nce mus rau hauv nkoj, tus neeg uas tau raug dab thov kom Yes Xus cia nws nrog Yes Xus mus.
    19 Tab sis Yes Xus tsis kheev, nws hais rau tus raug dab tias: "Koj rov mus tsev, rov mus cuag koj cov txheeb ze, koj mus qhia rau lawv txog tas txhua yam uas Huab Tais tau ua rau koj thiab txog tias nws tau khuv leej koj li cas."
    20 Ces tus raug dab rov mus, nws pib tshaj txhua yam uas Yes Xus tau ua rau nws, nyob hauv thaj tsam Des Kas Pos Lis. Cov uas tau hnov, lawv sawv daws qhuas kawg.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 31st January 2022, 2:57 pm

    Tim     1     lub     2     Hlis     2022


    Hnub Peb Lis Piam Plaub Nruab Xyoo C Nruab Lis Piam Xyoo II
    Lectionary: 324
     
    Zaj Nyeem Ib:   2 XM 18: 9-10, 14b, 24-25a, 30–19:3

    9 As Xas Los txawm cia li yuam kev mus ntsib Das Vis ib co tub rog. Nws caij ib tug luj; tus luj cia li chaws mus hauv ib tsob qab ntoo qhib loj loj ntxhov ntxhov, ces nws cov plaub hau mus daig saum cov ceg ntoo. Nws dai viav vias nyob ib nta ntuj, hos tus luj nws caij dhia mus lawm.
    10 Muaj ib tug neeg pom, nws mus hais qhia Yos As tias: "Kuv pom As Xas Los dai viav vias saum ib tsob ntoo qhib."
    14b Ces Yos As nqa peb rab xib xub ntawm tes mus, nws tua loo mus rau As Xas Los hauv siab thaum As Xas Los tseem ciaj dai saum tsob ntoo qhib.
    24 Das Vis zaum nyob ntawm kis nruab nrab ob lub qhov rooj vag. Tus peeb zov yeej nce mus saum ru tsev ncaj ntawm lub rooj vag, hla mus tuaj saum lub ntsa zeb thaiv lub nroog ntsia, nws pom ib tug neeg khiav khiav los ib leeg.
    25 Tus peeb qw hais qhia rau tus vaj, ces tus vaj hais tias: "Yog nws ib leeg xwb mas yog nws coj ib lub moo zoo los xwb."
    30 Tus vaj hais rau As His Mas tias: “Koj txav mus sawv nyob ntawm no.” Ces nws txav mus sawv twj ywm nyob rau ntawd.
    31 Ces tus tub xa xov Kus Sis los txog, nws hais tias: "Kuv tus vaj ntxwv huab tais, koj mloog lub moo zoo no. Hnub no HUAB TAIS ua pauj rau koj lawm, nws tau cawm koj ntawm cov neeg sawv ntxeev siab rau koj lawm."
    32 Tus vaj nug tus Kus Sis tias: "Tus hluas As Xas Los puas nyob zoo?" Tus Kus Sis teb tias: "Xav kom kuv tus huab tais vaj ntxwv cov yeeb ncuab thiab cov neeg xav ntxeev siab ua phem rau koj tau txais xws li tus hluas ntawd!"
    19: 1 Ces vaj Das Vis ib ce tshee tas. Nws nce mus saum kem tsev siab, ncaj saum lub rooj vag, ces nws quaj. Nws quaj hu quaj hu tias: "Kuv me tub As Xas Los! Kuv me tub! Kuv me tub As Xas Los! Kheev lam yog kuv tuag hloov koj mas! As Xas Los! Kuv tus me tub, kuv me tub aw!"
    2 Lawv mus hais qhia rau Yos As tias: "Tus vaj quaj quaj nyiav nyiav txog As Xas Los kawg li."
    3 Ces hnub ntawd lawv yeej, tab sis tas tsoom tub rog sawv daws tu siab, vim lawv hnov tias tus vaj quaj heev txog nws tus tub kawg nkaus.

    NPN   86: 1-2, 3-4, 5-6

    Txais: (1a) Huab Tais, thov koj mloog kuv thiab teb kuv.

    HUAB TAIS, thov koj khoov tig pob ntseg los mloog kuv,
    Thov koj teb kuv, vim kuv txom nyem thiab kuv pluag.
    Thov koj txuag kuv txoj sia, vim kuv mob siab pe hawm koj;
    thov koj cawm koj tus tub txib uas tso siab rau koj,
    Koj yog kuv tus Tswv Ntuj.

    Txais: (1a) Huab Tais, thov koj mloog kuv thiab teb kuv.

    Thov koj khuv leej kuv, Huab Tais, vim kuv hu koj tas hnub.
    Thov koj ua kom koj tus tub txib tus ntsuj plig zoo siab,
    vim kuv tsa kuv tus ntsuj plig
    yuj plaws tuaj rau koj, Huab Tais.

    Txais: (1a) Huab Tais, thov koj mloog kuv thiab teb kuv.

    Huab Tais, koj muaj lub siab zoo thiab txawj zam txhaum,
    koj ua siab zoo tas nrho rau cov uas hu txog koj.
    HUAB TAIS, thov koj mloog kuv zaj thov ntuj
    thiab cuab pob ntseg rau kuv lub suab thov koj.

    Txais: (1a) Huab Tais, thov koj mloog kuv thiab teb kuv.

    As Les Lus yas:   MT 8:17

    Txais: As les lus yas, as les lus yas.

    Leej Pleev tshem peb tej kev tuag tes tuag taw mus tas
    thiab nws cug nrob qaum ris peb tej kev mob kev ntsaj.

    Txais: As les lus yas, as les lus yas.

    Ntawv Moo Zoo:   MK 5: 21-43

    21 Thaum Yes Xus caij nkoj rov los txog sab ntug dej tim no, ib pab neeg coob coob tuaj sib sau ntsauv nws, ces Yes Xus thiaj nyob twj ywm ze ntawm tus ntug dej ntuj.
    22 Muaj ib tug hauv cov tswj tsev txoos hu ua Yais Los tuaj. Thaum nws pom Yes Xus, nws txhos caug ntua ntawm Yes Xus ko taw.
    23 Nws thov Yes Xus tas zog tias: "Kuv tus me ntxhais txoj sia tab tom yuav tu, thov koj mus tsa tes rau saum nws kom nws zoo thiab rov ciaj los."
    24 Yes Xus nrog Yais Los mus. Ib pab neeg coob coob raws Yes Xus mus thiab, lawv sawv daws txiv Yes Xus.
    25 Muaj ib tug poj niam tsob ntshav tau kaum ob xyoos los lawm.
    26 Nws tau raug txom nyem loj vim nws tau siv tas nws lub cuab tam los kho nws ntawm ntau tus kws tshuaj, tiam sis tsis pab nws dab tsi li, nws tseem mob heev zuj zus ntxiv xwb.
    27 Nws hnov luag hais txog Yes Xus, ces nws mus nrog tsoom sid sib txiv tom Yes Xus nraub qaum, thiab mus kov Yes Xus lub tsho.
    28 Vim nws xav hais tias: "Tsuav yog kuv tau kov nws lub tsho xwb, mas kuv yeej yuav zoo hlo."
    29 Ces tam sis ntawd, nws qhov tsob ntshav tu nrho, nws hnov tias nws lub cev zoo hlo tsis muaj mob lawm.
    30 Tam sim ntawd, Yes Xus kuj hnov ib lub zog tawm hauv nws mus; ces Yes Xus tig los nug pab neeg ntawd tias: "Leej twg kov kuv lub tsho?"
    31 Cov thwj tim hais rau nws tias: "Koj ntsia saib, tas tsoom sid txiv koj txhua sab tuaj, koj tseem hais tias: ‘Leej twg kov kuv’ thiab?"
    32 Yes Xus ntsia ib ncig kom pom tus neeg uas tau kov nws.
    33 Ces tus poj niam ntshai, nws ib ce tshee tas, vim nws paub tias muaj dab tsi tshwm sim rau nws lawm. Nws thiaj los txhos caug ntawm Yes Xus ko taw thiab qhia qhov tseeb rau Yes Xus.
    34 Yes Xus hais rau nws tias: “Me ntxhais, koj txoj kev ntseeg cawm koj lawm. Koj rov mus kaj siab lug, thiab kom koj tus mob zoo hlo mus mog."
    35 Thaum Yes Xus tseem tab tom hais lus, ib co neeg tuaj ntawm tus tswj tsev txoos lub tsev tuaj hais tias: “Koj tus ntxhais twb tuag lawm, koj tseem yuav txob Xib Hwb ua dab tsi?”
    36 Tab sis Yes Xus twb hnov lo lus lawv nyuam qhuav hais lawm, nws hais rau tus tswj tsev txoos tias: "Tsis txhob ntshai, tsuav koj ntseeg xwb mog."
    37 Yes Xus tsis kheev leej twg nrog nws mus hauv tsev li, nws tsuas cia Pob Zeb, Yas Kos thiab Yas Kos tus kwv Zam nrog nws mus xwb.
    38 Thaum Yes Xus tuaj txog tus tswj tsev txoos lub tsev, nws pom sawv daws ua nrov ntsuag qees ntxhov hnyo, ib txhia quaj, ib txhia nyiav nrov nrov.
    39 Yes Xus los hauv tsev, nws hais rau lawv tias: "Ua cas nej sawv daws ua ntxhov hnyo thiab quaj cuag li no? Tus me ntxhais tsis tuag, nws tsaug zog xwb."
    40 Ces lawv luag Yes Xus. Yes Xus ntiab sawv daws kom tawm mus nraum zoov kom tas, nws tsuas tseg tus me nyuam niam thiab txiv, thiab cov nrog nws tuaj xwb. Nws chaws mus hauv kem uas tus me nyuam nyob.
    41 Nws tuav nkaus tus me nyuam txhais tes, nws hais rau tus me nyuam tias: "Tas lis tas kus," txhais tias: "Me ntxhais, kuv hais rau koj, koj sawv los!"
    42 Tus me ntxhais sawv tsees tam sis ntawd los, ces nws mus kev, vim nws twb muaj kaum ob xyoos lawm. Tam sim ntawd, sawv daws ceeb ntshai loj kawg nkaus.
    43 Yes Xus txwv lawv heev kawg kom txhob qhia rau leej twg paub. Ces nws kom lawv muab mov rau tus me ntxhais noj.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 1st February 2022, 4:43 am

    Tim     2     lub     2     Hlis     2022
                 
    Hnub Plaub Lis Piam Plaub Nruab Xyoo C Nruab Lis Piam Xyoo II

    Hmoov Nco txog Niam Mab Liab thiab Yos Xes coj Yes Xus mus fij rau Ntuj

    Lectionary: 524

    Zaj Nyeem Ib:    MAS LAS KIS 3: 1-4

                Huab Tais Tswv Ntuj hais tias:
    1 “Ntsia saib, kuv xa kuv tus tub tshaj xo mus npaj kev ua kuv ntej.

                Ces ib sij huam, tus Huab Tais uas nej nrhiav yuav los nyob hauv nws lub tuam tsev, 
    thiab tus tub tshaj xo txog txoj kev cog lus, tus uas nej ntshaw txog,
                nws tab tom tuaj lawm.” Tsoom tshiab tus HUAB TAIS hais li ntawd :
    2 Tiam sis hnub nws tuaj txog, leej twg thiaj yuav tiv taus?

                Leej twg thiaj yuav sawv taus ntseg thaum nws tshwm plaws los?
    Vim nws yuav zoo li cov hluav taws nchuav nyiaj,
                 thiab zoo li cov tshuaj ntxhua khaub ncaws kom dawb.
    3 Nws yuav zaum tsaws ua tus nchuav nyiaj thiab ntxuav nyiaj kom huv;

                  nws yuav ua kom Les Vis cov tub dawb huv tuaj,
    nws yuav nchuav lawv ib yam li nchuav kub thiab nchuav nyiaj,
                  kom lawv thiaj yuav cev tau thaj txi Ntuj zoo rau HUAB TAIS.
    4 Ces HUAB TAIS yuav zoo siab txais Yus Das thiab Yes Lus Xas Les thaj txi Ntuj,

                  ib yam li yav ntuj puag thaum ub, ib yam li lub caij yav dhau los lawm.

    NPN    24: 7, 8, 9, 10

    Txais:   (Cool Leej twg yog tus vaj muaj koob meej? Yog HUAB TAIS!

    Cov rooj vag, nej tsa nej daim txiag puab saum qhov rooj kom siab,
    cov qhov rooj laus, nej tshoom kom siab ntxiv,
    kom tus vaj muaj koob meej tau kev nkag los!

    Txais:   Leej twg yog tus vaj muaj koob meej? Yog HUAB TAIS!

    Leej twg yog tus vaj muaj koob meej?
    Yog tus HUAB TAIS muaj zog thiab muaj peev xwm,
    yog tus HUAB TAIS muaj peev xwm yeej tsam rog.

    Txais:    Leej twg yog tus vaj muaj koob meej? Yog HUAB TAIS!

    Cov rooj vag, nej tsa nej daim txiag puab saum qhov rooj kom siab,
    cov qhov rooj laus, nej tshoom kom siab ntxiv,
    kom tus vaj muaj koob meej tau kev nkag los!

    Txais:    Leej twg yog tus vaj muaj koob meej? Yog HUAB TAIS!

    Leej twg yog tus vaj muaj koob meej?
    Tus HUAB TAIS kav tsoom tshiab,

    nws yog tus vaj muaj koob meej.

    Txais: Leej twg yog tus vaj muaj koob meej? Yog HUAB TAIS!

    Zaj Nyeem Ob:    Hes Nplaws 2: 14-18

    14 Vim ib co me nyuam koom ib co roj ntsha ib ce nqaij xwb, ua li mas Yes Xus kuj nrog lawv koom thiab, kom nyob hauv txoj kev tuag nws rhuav tau tus tuav txoj kev tuag uas yog tus dab phem lub hwj huam,
    15 thiab kom nws muab tau kev twj lij rau cov uas ntshai ntshai kev tuag, ces lawv raug ua qhev tas lawv sim neej.
    16 Nws tsis yog tuaj cawm ib co tshiab, nws yog tuaj cawm Has Nplas Has tsoom xeeb ntxwv.
    17 Vim li no, nws thiaj yuav tsum yug los kom zoo ib yam li nws cov kwv cov nkauj muam, tsis txawv lawv li, kom nws ua tau ib tug Thawj Leej Choj khuv leej neeg thiab npuab Tswv Ntu zoo, nws thiaj theej tau tsoom pej xeem lub txhoj.
    18 Vim nws tus kheej tau raug kev sim siab nyob hauv txoj kev txom nyem, mas nws thiaj muaj peev xwm pab tau cov uas raug kev sim siab.

    As Les Lus Yas:    LK 2: 32

    Txais: As les lus yas, as les lus yas. lleluia, alleluia.

    Yog qhov pom kev tawm tuaj qhia koj rau cov pej kum haiv neeg paub
    thiab yog qhov ua kom koj haiv His Xas Lais tau koob meej.

    Txais: As les lus yas, as les lus yas.

    Ntawv Moo Zoo:    LK 2: 22-40

    22 Thaum lub caij yuav ua cov kab ke ntxuav kom huv rau ob niam tub raws li Mais Xes Txoj Cai los txog lawm, Mab Liab thiab Yos Xes coj Yes Xus mus pem Yes Lus Xas Les, kom tau muab nws fij rau Huab Tais,
    23 raws li muaj sau tseg nyob hauv Huab Tais Txoj Cai tias: "Txhua tus tub xub qhib leej niam plab yug los, yuav tsum muab qee rau Huab Tais,”
    24 thiab kom tau cev ib co txim raws li muaj hais tseg nyob hauv Huab Tais Txoj Cai tias: “Yuav cev ib nkawg nquab lwb rwg, los ob tug nquab mos.”
    25 Thaum ntawd nyob Yes Lus Xas Les, muaj ib tug txiv neej hu ua Xis Mes Oos. Tus txiv neej ntawd yog neeg ncaj thiab nyiam teev ntuj, nws tos ntsoov tus yuav tuaj nplij His Xas Lais; Leej Ntuj Plig Ntshiab nyob saum nws.
    26 Leej Ntuj Plig Ntshiab qhia rau nws paub tias nws yuav tsis xub tuag ua ntej nws tau pom Huab Tais tus Pleev tso.
    27 Leej Ntuj Plig coj nws tuaj nyob hauv lub Tuam Tsev Teev Ntuj; thaum leej niam thiab leej txiv nkawd coj tus me nyuam Yes Xus tuaj ua cov kab ke raws li Txoj Cai,
    28 Xis Mes Oos txais tus me nyuam los rau hauv nws xub ntiag, nws cav lus zoo txog Tswv Ntuj, nws hais tias:
    29 “Tus Tswv aw, nyem no koj tso tau

                koj tus tub txib mus kaj lug raws li koj tau hais lawm,
    30 vim kuv qhov muag twb tau pom

                koj txoj kev cawm neeg lawm,
    31 uas koj tau npaj nyob ntawm 

                tas txhua haiv neeg xub ntiag;
    32 yog qhov pom kev tawm tuaj qhia koj rau cov pej kum neeg paub,

                thiab yog qhov ua kom koj haiv His Xas Lais tau koob meej.”
    33 Tus me nyuam niam thiab txiv qhuas kawg txog cov lus nkawd tau hnov hais txog nws.

    34 Ces Xis Mes Oos foom hmoov zoo rau nkawd, thiab nws hais rau Mab Liab, tus me nyuam leej niam tias: "Koj saib mus, tus me nyuam no yuav ua chaw rau ntau leej nyob His Xas Lais ntog thiab ua rau ntau leej sawv los. Nws yuav yog ib lub cim ua kom neeg muaj lus sib cav txog nws.
    35 Hos ntawm koj, mas ib rab ntaj yuav chob ntsia ntsees koj tus plig, kom xwv tej tswv yim uas coob leej xav tuaj nruab siab tawm los rau neeg paub.”
    36 Tseem muaj ib tug yaj saub poj niam, hu ua As Nas, yog Fas Nus Es tus ntxhais, xeem As Sej. Nws hnub nyoog laus lawm. Tom qab lub caij nws ua nkauj xwb nyob, mas nws mus nrog nws tus txiv nyob tau xya xyoo,
    37 ces nws ua poj ntsuam los laus li no txog thaum nws muaj yim caum plaub xyoos no lawm. Nws tsis nrug ntawm lub Tuam Tsev Teev Ntuj mus li, nws yoo mov thiab hais cov zaj teev Ntuj los teev hawm Tswv Ntuj nruab hnub hmo ntuj tib si.
    38 Tib lub sij hawm ntawd, As Nas kuj tuaj nyob ntawd thiab; nws cav lus zoo txog Tswv Ntuj, thiab nws hais txog tus me nyuam rau txhua leej txhua tus uas tos txog txoj kev yuav txhiv Yes Lus Xas Les.
    39 Thaum lawv ua txhua yam raws li Huab Tais Txoj Cai tiav tas lawm, lawv rov mus Nkas Lis Lais teb, hauv lawv lub zos Nas Xas Les.
    40 Tus me nyuam mas nws hlob tuaj thiab muaj zog zuj zus, kev thoob tsib nyob puv hauv nws, thiab Tswv Ntuj lub txiaj ntsim nyob saum nws.

    Los:     LK 2: 22-32

    22 Thaum lub caij yuav ua cov kab ke ntxuav kom huv rau ob niam tub raws li Mais Xes Txoj Cai los txog lawm, Mab Liab thiab Yos Xes coj Yes Xus mus pem Yes Lus Xas Les, kom tau muab nws fij rau Huab Tais,
    23 raws li muaj sau tseg nyob hauv Huab Tais Txoj Cai tias: "Txhua tus tub xub qhib leej niam plab yug los, yuav tsum muab qee rau Huab Tais,”
    24 thiab kom tau cev ib co txim raws li muaj hais tseg nyob hauv Huab Tais Txoj Cai tias: “Yuav cev ib nkawg nquab lwb rwg, los ob tug nquab mos.”
    25 Thaum ntawd nyob Yes Lus Xas Les, muaj ib tug txiv neej hu ua Xis Mes Oos. Tus txiv neej ntawd yog neeg ncaj thiab nyiam teev ntuj, nws tos ntsoov tus yuav tuaj nplij His Xas Lais; Leej Ntuj Plig Ntshiab nyob saum nws.
    26 Leej Ntuj Plig Ntshiab qhia rau nws paub tias nws yuav tsis xub tuag ua ntej nws tau pom Huab Tais tus Pleev tso.
    27 Leej Ntuj Plig coj nws tuaj nyob hauv lub Tuam Tsev Teev Ntuj; thaum leej niam thiab leej txiv nkawd coj tus me nyuam Yes Xus tuaj ua cov kab ke raws li Txoj Cai,
    28 Xis Mes Oos txais tus me nyuam los rau hauv nws xub ntiag, nws cav lus zoo txog Tswv Ntuj, nws hais tias:
    29 “Tus Tswv aw, nyem no koj tso tau

                koj tus tub txib mus kaj lug raws li koj tau hais lawm,
    30 vim kuv qhov muag twb tau pom

                koj txoj kev cawm neeg lawm,
    31 uas koj tau npaj nyob ntawm 

                tas txhua haiv neeg xub ntiag;
    32 yog qhov pom kev tawm tuaj qhia koj rau cov pej kum neeg paub,

                thiab yog qhov ua kom koj haiv His Xas Lais tau koob meej.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 2nd February 2022, 4:03 am

    Tim    3    lub    2    Hlis    2022


    Hnub Tsib Lis Piam Plaub Nruab Xyoo C Nruab Lis Piam Xyoo II
    Lectionary: 326

    XHLT:   LN Blase, Tswv Qhia tuag ua Tim Khawv; los LN Ansgar, ua Tswv Qhia


    Zaj Nyeem Ib:   1 VAJ 2: 1-4, 10-12

    1 Thaum yuav txog Das Vis lub caij tuag, nws qhuab qhia nws tus tub Xas Los Moos tias:
    2 "Kuv yuav mus taug txoj kev uas tib neeg sawv daws taug; koj yusv tsum ua siab loj loj thiab coj kom phim ib tug txiv neej yawg.
    3 Koj yuav tsum coj raws li HUAB TAIS koj tus Tswv Ntuj xav kom ua, koj yuav taug nws tej kev, mloog nws tej cai lij choj, nws tej lus qhia, tej kev uas nws tau txiav raws li tau sau tseg nyob hauv Mais Xes txoj cai, ces koj thiaj yuav ua dab tsi los tau raws li koj lub siab xav thiab koj yuav mus qhov twg los ntsib kev vam meej,
    4 ces HUAB TAIS thiaj yuav ua raws li lo lus nws tau hais rau kuv tias: ‘Yog koj cov tub ua lawv lub neej coj tus yam ntxwv zoo, muab tas lawv lub siab thiab tus ntsuj plig los taug txoj kev ncaj nyob ntawm kuv xub ntiag, mas koj yuav muaj neeg zaum saum cov His Xas Lais lub theej kiab tas mus li tsis tu ncua."
    10 Ces Das Vis mus nrog nws cov yawg koob pw tsaug zog lawm, lawv muab nws mus los nyob rau hauv Das Vis lub tsheej.
    11 Das Vis tau ua vaj kav His Xas Lais yog plaub caug xyoo: xya xyoo yog nyob Hes Nploos, thiab peb caug peb xyoos nyob Yes Lus Xas Les.
    12 Ces Xas Los Moos nce zaum nws txiv Das Vis lub theej kiab, nws txoj kev ua vaj nyob ruaj nreb.

    NPN:   1 XWM 29: 10, 11ab, 11d-12a, 12bcd

    Txais: (12b) HUAB TAIS, koj yog tus nyob siab dua txhua leej.

    Thov kom koj nto koob meej lug, HUAB TAIS,
    His Xas Lais tus Tswv Ntuj peb leej Txiv,
    Kom koj nto koob meej mus li tsis txawj kawg.

    Txais: (12b) HUAB TAIS, koj yog tus nyob siab dua txhua leej.

    Huab Tais, kev muaj lub npe loj thiab kev muaj hwj huam yog koj li,
    kev muaj hwj chim, kev ci ntsa iab, kev nto koob meej yog koj tug.

    Txais: (12b) HUAB TAIS, koj yog tus nyob siab dua txhua leej.

    HUAB TAIS, koj yog tus nyob siab dua txhua leej,
    txoj kev ua vaj yog koj li, HUAB TAIS;
    txhua tus tsa koj ua hau saib sawv daws;
    kev nplua nuj thiab kev muaj meej mom yog koj pub.

    Txais: (12b) HUAB TAIS, koj yog tus nyob siab dua txhua leej.

    Koj txhais tes tuav lub hwj huam thiab lub peev xwm;
    koj yog tus pub lub meej mom loj thiab lub zog rau txhua leej.

    Txais: (12b) HUAB TAIS, koj yog tus nyob siab dua txhua leej.

    As Les Lus Yas:   MK 1: 15

    Txais: As les lus yas, as les lus yas.

    Tswv Ntuj lub Ceeb Tsheej nyob ze lawm;
    nej cia li los lees txhaum thiab ntseeg txog lub Moo Zoo.

    Txais: As les lus yas, as les lus yas.

    Ntawv Moo Zoo:   MK 6: 7-13

    7 Yes Xus hu Pab Kaum Ob los cuag nws, ces nws xa lawv ua tej pab ob leeg mus. Nws pub lub hwj huam ntiab dab tsis huv rau lawv.
    8 Yes Xus qhia lawv kom txhob nqa dab tsi taug kev li, tsuas nqa tib rab pas nrig xwb; txhob ntim mov, txhob nqa hnab, txhob ntim nyiaj rau hauv duav siv,
    9 tiam si kom rau khau khiab, thiab txhob hnav ob lub tsho.
    10 Yes Xus hais rau lawv tias: "Nej mus txog qhov twg, yog nej chaws mus hauv ib lub tsev, mas nej yuav nyob hauv lub tsev ntawd mus txog hnub nej tawm ntawd mus.
    11 Yog qhov chaw twg tsis txais nej, thiab luag tsis mloog nej, mas nej tso qhov chaw ntawd tseg, nej nchos cov plua av lo nej qab xib taws huv tib si cia, kom tau ua tim khawv txiav txim rau lawv."
    12 Cov thwj tim tawm mus, lawv tshaj kom tsoom sid tig los hloov siab tshiab.
    13 Lawv ntiab ntau tus dab phem tawm, thiab lawv muab roj pleev ntau leej muaj mob, thiab kho lawv zoo hlo.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 3rd February 2022, 7:11 am

    Tim    4    lub    2    Hlis    2022


    Hnub Rau Lis Piam Plaub Nruab Xyoo C Nruab Lis Piam Xyoo II
    Lectionary: 327

    Zaj Nyeem Ib:   NPES XIS LAS 47: 2-11

    2 Yam li cov nqaij rog uas luag muab tshem tshwj xeeb cia rau ib cag tsis xyaw cov txim noj koom siab, Das Vis kuj zoo ib yam li ntawd, nws raug xaiv tawm hauv tsoom tub His Xas Lais los.

    3 Nws nrog cov tsov ua si zoo li yog ib co thav tshis, nws nrog cov dais ua si zoo li yog ib co yaj.
    4 Thaum nws tseem tub hluas, tsis yog nws tua tau tus neeg loj loj lod? Nws daws nws haiv neeg chaw txaj muag. Nws tsa nws txhais tes muab hlua roj hmab txawb pob zeb mus raug tus neeg khav theeb Nkaus Lias ntog.
    5 Das Vis hu txog HUAB TAIS tus Nyob Siab, ces HAB TAIS ua kom nws txhais tes xis muaj zog tua tau ib tug tub rog muaj peev xwm, thiab tsa tau His Xas Lais lub meej mom kom siab.
    6 Vim li ntawd lawv thiaj cav nws lub koob meej tias nws tua yeej ib vam leej, lawv qhuas nws thiab cav txog Huab Tais lub txiaj ntsim, lawv muab ib lub mom teev kub muaj hwj chim rau nws ntoo.
    7 Nws tua cov yeeb ncuab nyob ib ncig kom tu noob, nws ua kom cov yeeb ncuab Fis Lis Tis lub peev xwm thiab lub meej mom ploj ntais mus los txog niaj hnub no.
    8 Das Vis ua yam twg nws ua tus Ntshiab tus Tsawv Ntuj Nyob Siab tsaug thiab hais lus cav txog nws lub koob meej; nws muab tas nws lub siab los nyiam tus tsim nws los thiab los niaj hnub hu nkauj qhuas txog nws.
    9 Nws tsa tej pab tub hu nkauj nyob ze ntawm lub thaj txi Ntuj, kom muaj suab nkauj nrov zoo mloog.
    10 Nws teem kom muaj ntau lub ntees nyob hauv ib lub xyoo, thiab nws npaj kom yog ib co ntees zoo saib; kom muaj neeg cav lus zoo txog Huab Tais lub npe ntshiab, thiab kom lawv cov suab nrov ncha ntws hauv thaj chaw ntshiab txij thaum kaj ntug mus.
    11 Ces Huab Tais zam Das Vis cov txhaum rau nws, nws tsa kom Das Vis lub hwj chim nyob mus li. Huab Tais nrog Das Vis cog lus cia nws ua vaj thiab muab ib lub theej kiab nto koob meej rau Das Vis nyob hauv haiv His Xas Lais.

    NPN   18: 31, 47+50, 51

    Txais: (47b) Thov kom Tswv Ntuj tus Cawm kuv nto koob meej!

    Tswv Ntuj txoj kev zoo tas tsis muaj yuam kev,
    HUAB TAIS lo lus nws cog tsis muaj yam cuav txuam xyaw.
    Nws yog daim leem phiaj thaiv cov tuaj nkaum hauv nws.

    Txais: (47b) Thov kom Tswv Ntuj tus Cawm kuv nto koob meej!

    HUAB TAIS muaj txoj sia! Kom lub tsua cawm kuv nto koob meej lug!
    Tus Tswv Ntuj uas cawm kuv, nws nto koob meej loj.
    Li ntawd, HUAB TAIS, kuv yuav cav txog koj rau tsoom kuj cuab paub.
    Kuv yuav hu nkauj cav lus zoo txog koj lub npe.

    Txais: (47b) Thov kom Tswv Ntuj tus Cawm kuv nto koob meej!

    Koj yog tus muab kev yeej loj kawg nkaus rau koj tus vaj,
    Thiab koj ua siab zoo rau tus koj tau pleev,
    Das Vis thiab nws caj ces mus li ib txhis.

    Txais: (47b) Thov kom Tswv Ntuj tus Cawm kuv nto koob meej!

    As Les Lus Yas:   LK 8: 15

    Txais: As Les Lus Yas, as les lus yas.

    Cov muaj hmoov zoo yog cov uas muaj ib lub siab dav coj raws lo lus
    thiab lawv txi txiv ntau vim lawv mob siab rau coj nraim.

    Txais: As Les Lus Yas, as les lus yas..

    Ntawv Moo Zoo:   MK 6: 14-29

    14 Tus vaj Hes Los hnov hais txog Yes Xus, vim Yes Xus lub npe nto moo loj, ces luag tej hais tias: "Yog Zam Ntxuav Plig sawv hauv cov tuag rov qab los lawm, vim li ntawd, cov hwj huam yees ntxwv thiaj tawm hauv nws tuaj."

    15 Hos ib txhia hais tias: “Nws yog Es Lias.” Lwm cov hais tias: “Yog ib tug yaj saub xws li tej yaj saub.”
    16 Tab sis thaum Hes Los hnov hais txog Yes Xus, nws hais tias: "Yog tus Zam uas kuv tau txiav nws caj dab, nws sawv rov los lawm."
    17 Hes Los yog tus xa neeg mus ntes Zam thiab muab saw hlau khi Zam rau hauv tsev loj faj, vim Hes Los Dias uas yog Hes Los tij laug Fis Lis Pos tus poj niam, tab sis Hes Los yuav los ua nws poj niam.

    18 Zam hais rau Hes Los tias: "Koj tsis muaj cai yuav koj tij laug tus poj niam."
    19 Ces Hes Los Dias ntxub Zam tas siab tas ntsws. Nws xav muab Zam tua, tab sis nws tua tsis tau,
    20 vim Hes Los ntshai Zam, thiab nws paub tias Zam yog ib tug neeg siab ncaj siab ntshiab, ces Hes Los txuag Zam. Thaum Hes Los hnov Zam hais lus, mas ua rau nws ntxhov siab kawg. Hes Los kuj nyiam mloog Zam thiab.
    21 Muaj ib lub zoo sij hawm los txog, yog hnub tsuj xeeb Hes Los hnub yug. Hes Los ua ib roog qav caw cov nom tswv hauv nws lub vaj loog, cov thawj tub rog, thiab cov nom loj hauv xeev Nkas Lis Lais tuaj koom.

    22 Thaum ntawd, Hes Los Dias tus ntxhais chaws los dhia seev cev. Nws dhia tau ntxim Hes Los thiab cov qhua koom rooj qav ntawd siab kawg. Ces tus vaj hais rau tus ntxhais tias: "Koj thov saib koj xav yuav dab tsi, kuv yuav muab rau koj."
    23 Ces tus vaj cog lus rau tus ntxhais tias: "Koj thov yam twg, mas kuv yuav muab rau koj, tab yog ib nrab ntawm lub teb chaws kuv kav!"
    24 Tus ntxhais tawm plaws mus nug nws niam tias: "Kuv yuav thov dab tsi?" Leej niam hais tias: "Zam Ntxuav Plig lub taub hau."
    25 Tam sim ntawd, tus ntxhais rov ntsuj los ntawm tus vaj, nws hais tias: "Kuv xav kom koj muab Zam Ntxuav Plig lub taub hau tso saum ib lub phaj, los cev rau kuv tam sim no."
    26 Tus vaj tu siab kawg nkaus, tab sis vim nws tau cog lus lawm thiab vim muaj cov qhua nrog nws zaum noj mov, nws thiaj tsis xav thim nws lo lus rau tus ntxhais.

    27 Ces tus vaj txib ib tug zov keeb tam sim ntawd, kom mus nqa Zam lub taub hau los. Tus zov keeb thiaj mus txiav Zam caj dab hauv tsev loj faj.
    28 Nws nqa Zam lub taub hau txawb saum ib lub phaj los cev rau tus ntxhais. Tus ntxhais muab rau nws niam.
    29 Thaum Zam cov thwj tim hnov li ntawd, lawv tuaj coj Zam lub cev mus tso rau hauv ib lub ntxa lawm.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 9th February 2022, 5:12 am

    Thov txim ntawm nej sd os. Kuv tau tsis xis neej tau 5-6 hnub no lawm es kuv thiaj li tsis tau tuaj tso cov zaj nyeem lawm nawb. Nej thov ntuj pab rau kuv thiab os. Nej txhob txhawj vim tsis yog tus kab mob covid nawb. Cia saib kuv puas nquag li cas no ces kuv mam rov tuaj tso ntxiv mus os.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 9th February 2022, 2:34 pm

    Tim    5    lub    2    Hlis    2022

    Hnub Xya Lis Piam Plaub Nruab Xyoo C Nruab Lis Piam Xyoo II
    Lectionary: 328

    Yuav Hwm LN Agatha, nkauj tsim txiaj tuag ua Tim Khawv


    Zaj Nyeem Ib:   1 VAJ 3: 4-13

    4 Vaj Xas Los Moos mus rau nram Nkas Npoos, mus txi Ntuj nyob ntawd, vim thaj chaw txi Ntuj loj tshaj yog nyob rau ntawd. Xas Los Moos twb tau hlawv txog txhiab tus tsiaj txi Ntuj nyob saum lub thaj ntawd los lawm.

    5 Thaum nyob Nkas Npoos, hmo ntuj HUAB TAIS tawm tuaj nyob hauv npau suav rau Xas Los Moos pom xyeem. Tswv Ntuj hais tias: "Koj thov saib koj xav tau dab tsi ces kuv yuav muab rau koj."
    6 Xas Los Moos teb tias: "Koj tau hlub koj tus tub txib Das Vis uas yog kuv txiv, vim nws taug kev nyob ntawm koj xub ntiag, nws taug raws txoj kev pheej xeeb, txoj kev ncaj ncees thiab txoj kev ua neeg siab ncaj rau koj. Koj tau ua zoo kawg nkaus rau nws, thiab koj tseem tau cia kom nws ib tug tub zaum nyob saum nws lub theej kiab hnub no thiab.
    7 HUAB TAIS kuv tus Tswv Ntuj, nyem no koj tau tsa kuv, koj tus tub txib, ua vaj hloov kuv txiv Das Vis chaw. Kuv tsuas yog ib tug me nyuam tub hluas xwb, kuv twb tsis paub yuav coj li cas li.
    8 Koj tus tub txib nyob hauv nruab nrab koj haiv neeg uas koj tau xaiv, yog ib haiv neeg loj tas nrho suav tsis txheeb tshuaj tsis txhua li.
    9 Thov koj pub ib lub siab muaj kev to taub zoo rau koj tus tub txib kom kuv thiaj txawj txiav txim rau koj haiv neeg, thiab kom kuv txawj pom tias qhov twg yog qhov zoo, qhov twg yog qhov phem. Vim tias leej twg thiaj yuav txawj tswj koj haiv neeg uas coob tas npaud?"
    10 HUAB TAIS zoo siab hnov tias Xas Los Moos tau thov li ntawd.

    11 Ces Tswv Ntuj hais rau nws tias: "Koj tau thov qhov ntawd, tsis thov kom koj ua neej laus nkoos, tsis thov kom koj nplua nuj, tsis thov kom koj tau txo koj cov yeeb ncuab txoj sia, tiam sis koj thov txoj kev txawj to taub kom mem tau tias qhov twg thiaj yog qhov zoo.
    12 Ua li mas kuv ua raws li koj thov, kuv pub ib lub siab thoob tsib thiab txawj to taub rau koj; yav tas los lawd tsis tau muaj dua leej twg zoo li koj li, thiab yav tom ntej los kuj yuav tsis muaj leej twg zoo li koj ntxiv.
    13 Kuv kuj tseem yuav muab tej yam koj tsis tau thov rau koj huv tib si: xws li kev nplua nuj thiab kev nto koob meej, kom tsis txhob muaj dua lwm tus vaj yuav piv tau rau koj li.”

    NPN   119: 9, 10, 11, 12, 13, 14

    Txais: (12b) Huab Tais, thov koj qhia koj cov cai lij choj rau kuv.

    Yuav ua cas ib tug tub hluas txoj kev coj
    thiaj yuav tsis muaj chaw xyeej?
    Yog yuav tsum ua raws li koj cov lo lus.

    Txais: (12b) Huab Tais, thov koj qhia koj cov cai lij choj rau kuv.

    Kuv nrhiav koj tas siab tas ntsws,
    thov koj txhob cia kuv ncaim mus deb ntawm koj cov lus qhia.

    Txais: (12b) Huab Tais, thov koj qhia koj cov cai lij choj rau kuv.

    Kuv khaws koj lo lus koj tau cog rau kuv nruab siab
    kom kuv tsis txhob ua txhaum rau koj.

    Txais: (12b) Huab Tais, thov koj qhia koj cov cai lij choj rau kuv.

    HUAB TAIS, thov koj ua kom koj nto koob meej !
    Thov koj qhia koj cov cai lij choj rau kuv.

    Txais: (12b) Huab Tais, thov koj qhia koj covj cai lij choj rau kuv.

    Kuv di ncauj tshaj tawm tas nrho cov lus
    cob qhia tawm ntawm koj lub ncauj los.

    Txais: (12b) Huab Tais, thov koj qhia koj cov cai lij choj rau kuv.

    Kuv zoo siab hlo taug txoj kev ua raws li koj lo lus txiav txim,
    Zoo siab npaum li kuv yog neeg nplua nuj muaj txhij txhua.

    Txais: (12b) Huab Tais, thov koj qhia koj cov cai lij choj rau kuv.

    As Les Lus Yas:   ZAM 10: 27

    Txais: As les lus yas, as les lus yas.

    Huab Tais hais tias: Kuv cov yaj mloog kuv lub suab;
    kuv paub kuv cov yaj, kuv cov yaj raws nraim kuv qab mus.

    Txais: As les lus yas, as les lus yas.

    Ntawv Moo Zoo:   MK 6: 30-34

    30 Cov Hauv Paus Xa Lus los sib sau ncig Yes Xus, lawv piav tas puas tsav yam uas lawv tau ua thiab tau qhia.
    31 Ces Yes Xus hais rau lawv tias: "Nej los rau ib qho chaw xu kev tsis muaj neeg, nej so me ntsis." Vim muaj neeg mus mus los los coob kawg, ces cov Hauv Paus Xa Lus tsis xyeej noj mov li.
    32 Lawv thiaj caij nkoj mus rau ib qho chaw xu ke, tsis muaj neeg.
    33 Tsoom sid pom cov Hauv Paus Xa Lus caij nkoj mus, coob leej twb to taub lawm. Ces sawv daws khiav ko taw hauv tas cov nroog tuaj mus rau ntawm qhov chaw. Lawv xub mus txog ntawd.
    34 Thaum Yes Xus nqes nkoj, nws pom ib pab neeg coob coob, nws lub siab hlub lawv, vim lawv zoo li ib co yaj uas tsis muaj tswv saib. Ces Yes Xus pib qhuab qhia lawv txog ntau yam.


    Last edited by Mim on 9th February 2022, 2:48 pm; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 9th February 2022, 2:38 pm

    Tim    7    lub    2    Hlis    2022

    Hnub Ob Lis Piam Tsib Nruab Xyoo C Nruab Lis Piam Xyoo II
    Lectionary: 329

    Zaj Nyeem Ib:   1 VAJ 8: 1-7, 9-13

    1 Ces Xas Los Moos hu cov txwj laus His Xas Lais, cov thawj nres xeem thiab cov tub nom tub tswv hauv haiv neeg His Xas Lais sawv daws tuaj sib sau ua ke. Lawv tuaj koom nrog Xas Los Moos nyob Yes Lus Xas Les, kom tau coj HUAB TAIS lub Xab Cog Lus ntawm Das Vis lub tsheej Xis Yoos los mus.

    2 Tas tsoom neeg His Xas Lais tuaj sib sau nyob ncig vaj Xas Los Moos thaum nqaum paj nqaum nruas lub hlis Es Thas Nis uas yog lub xya hli.
    3 Thaum tas cov txwj laus His Xas Lais tuaj txhij lawm, cov Leej Choj kwv lub Xab Cog Lus mus.
    4 Lawv kwv lub Xab Cog Lus thiab lub tsev tsam phooj sib ntsib nrog rau cov twj txi ntuj uas nyob hauv lub tsev tsam phooj huv si; cov leej choj thiab cov Les Vis yog cov kwv tej ntawd mus.
    5 Vaj Xas Los Moos thiab tas tsoom His Xas Lais sawv daws tuaj nrog nws sib sau nyob ntawm lub Xab Cog Lus xub ntiag, lawv tua yaj tua nyuj coob coob suav tsis txheeb los txi Ntuj nyob ntawd.
    6 Ces cov Leej Choj mam coj HUAB TAIS lub Xab Cog Lus los txawb rau nws qhov chaw hauv nruab nrog Kem Tsev Ntshiab, uas yog thaj chaw ntshiab tshaj plaws hauv lub tuam tsev teev ntuj, nyob hauv qab cov Tshiab Kes Lus Npis cov qab tis.
    7 Cov Tshiab Kes Lus Npis nthuav lawv ob sab tis nyob saud los vov thaj chaw lub Xab Cog Lus nyob thiab ua ib qhov chaw nkaum rau lub Xab Cog Lus thiab nws cov nqaj kwv.
    9 Tsis muaj dab tsi nyob hauv lub Xab Cog Lus, tsuas muaj ob daim txiag zeb uas Mais Xes muab rau hauv thaum nyob saum roob Hos Les uas HUAB TAIS tau nrog cov tub ki His Xas Lais cog lus thaum lawv tawm ntawm Hais Nkws Tos teb los xwb.

    10 Thaum cov Leej Choj tawm hauv Kem Tsev Ntshiab los, muaj ib twv huab los nyob puv HUAB TAIS lub Tuam Tsev tas tib si.
    11 Cov Leej Choj nyob tsis taus ua cov kab ke txi ntuj ntxiv mus vim twv huab ntawd, vim HUAB TAIS lub hwj chim los nyob puv HUAB TAIS lub Tuam Tsev lawm.
    12 Ces Xas Los Moos hais tias: "HUAB TAIS txaus siab yuav nyob hauv tauv huab dub.
    13 Kuv tau tsa ib lub tsev phim cia vaj ntxwv nyob rau koj lawm, yog lub tsev koj yuav nyob mus li."

    NPN   132: 6-7, 8-10

    Txais: (8a) HUAB TAIS, thov koj nce mus nyob hauv koj lub chaw so.

    Peb tau hnov txog qhov chaw ntawd nyob Es Fas Tas,
    peb nrhiav tau qhov chaw ntawd tom cov nras teb Yas Aj.
    Peb kav tsij mus lawm hauv Huab Tais lub tsev,
    peb mus txhos caug pe ntawm nws lub rooj tiag taw.

    Txais: (8a) HUAB TAIS, thov koj nce mus nyob hauv koj lub chaw so.

    HUAB TAIS, thov koj sawv mus nyob hauv koj lub chaw so,
    koj thiab lub Xab Cog Lus uas muaj koj lub hwj chim mus.
    Kom koj cov leej choj hnav txoj kev ncaj,
    kom koj cov neeg ntshiab qw zoo siab.
    Vim koj tus tub txib Das Vis,
    Thov koj tsis txhob tsis mloog tus koj tau pleev tej lus thov.

    Txais: (8a) HUAB TAIS, thov koj nce mus nyob hauv koj lub chaw so.

    As Les Lus Yas:   MT 4: 23

    Txais: As les lus yas, as les lus yas.

    Yes Xus tshaj lub Moo Zoo txog lub Ceeb Tsheej
    thiab nws kho txhua yam mob nyob hauv cov neeg zoo hlo.

    Txais: As les lus yas, as les lus yas.

    Ntawv Moo Zoo:   MK 6: 53-56

    53 Cov thwj tim hla dhau dej ntuj, lawv tuaj txog lub teb chaws Nkes Nes Xas Les, ces lawv nqes nkoj.
    54 Thaum lawv nqes plhuav nkoj los, muaj neeg cim tau Yes Xus tam sis ntawd.
    55 Cov neeg ntawd khiav thoob ib cheeb tsam ntawd, lawv mus kwv cov neeg muaj txiab nkeeg saum tej lub txaj lev tuaj; lawv hnov luag hais tias Yes Xus nyob qhov twg, mas lawv kwv cov neeg mob tuaj rau qhov ntawd.
    56 Txhua txhia qhov chaw, hauv cov zos, cov nroog, thiab pem yaj sab, uas Yes Xus mus, mas lawv coj cov neeg mob tuaj tso rau ntawm tej tshav puam, lawv thov Yes Xus kom nws cia lawv kov nws, txawm yog kov nws cov tw ntxhoo ntawm nws lub tsho xwb los xij. Ces cov neeg uas tau kov Yes Xus puav leej dim ntawm lawv tus mob huv si.


    Last edited by Mim on 9th February 2022, 2:49 pm; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 9th February 2022, 2:44 pm

    Tim    8    lub    2    Hlis    2022

    Hnub Peb Lis Piam Tsib Nruab Xyoo C Nruab Lis Piam Xyoo II
    Lectionary: 330

    XHLT:  LN Josephine Bakhita; LN Jerome Emiliani


    Zaj Nyeem Ib:   1 VAJ 8: 22-23, 27-30

    22 Xas Los Moos mus sawv nyob ntawm hauv ntej HUAB TAIS lub thaj txi Ntuj, nyob ntawm tas tsoom His Xas Lais xub ntiag, nws tsa tes rau saum Ntuj.

    23 Nws hais tais: "HUAB TAIS, His Xas Lais tus Tswv Ntuj, tsis muaj lwm tus Tswv Ntuj zoo li koj nyob saum ntuj los nyob ntiaj teb no lawm; koj ua raws nraim li koj tau cog lus thiab koj khuv leej koj cov tub txib uas lawv mloog raws li koj nyiam tas lawv siab lawv ntsws.
    27 Tswv Ntuj puas yuav nyob tau hauv ntiaj teb no tiag? Vim tias lub ntuj saud thiab cov txheej ntuj siab saud twb ntim tsis tau koj, mas lub tsev kuv tau tsa no haj yam yuav ntim tsis tau koj li!

    28 Txawm li ntawd los, HUAB TAIS kuv tus Tswv Ntuj, thov koj saib txog koj tus tub txib cov lus thiab zaj thov koj, thiab thov koj mloog koj tus tub txib lub suab quaj hu thiab nws zaj thov uas nws hais nyob ntawm koj xub ntiag hnub no.
    29 Thov kom nruab hnub hmo ntuj koj dauv muag saib ntsoov lub tuam tsev no, yog lub tsev uas koj tau hais txog tias: 'Kuv lub npe yuav nyob ntawd!' Thov koj mloog kuv koj tus tub txib cov lus thov, koj nyob ntawm thaj chaw no.
    30 Thov koj mloog koj tus tub txib thiab mloog koj haiv His Xas Lais cov lus thov koj nyob ntawm thaj chaw no. Thov koj nyob saum koj lub chaw saum ntuj mloog peb thiab zam txhaum rau peb."

    NPN   84: 3, 4, 5+10, 11

    Txais: (2) Tswv Ntuj muaj hwj huam, koj lub chaw nyob zoo xis siab ua luaj li!

    Kuv tus plig ntshaw seev yees yuj plaws
    rau HUAB TAIS cov tshav loog.
    Kuv lub siab lub cev quaj ntshaw
    txog tus Tswv Ntuj muaj txoj sia.

    Txais: (2) Tswv Ntuj muaj hwj huam, koj lub chaw nyob zoo xis siab ua luaj li!

    Tej me noog liaj nrhiav tau chaw nyob,
    tej noog luv nrhiav tau zes puag me nyuam,
    rau saum koj cov thaj txi ntuj nas HUAB TAIS muaj hwj huam,
    kuv tus vaj, kuv tus Tswv Ntuj,

    Txais: (2) Tswv Ntuj muaj hwj huam, koj lub chaw nyob zoo xis siab ua luaj li!

    Cov neeg nyob hauv koj tsev lawv hmoov zoo :
    lawv tau kev cav txog koj tas mus li tsis tseg.
    Tswv Ntuj, thov koj saib daim leem phiaj thaiv peb,
    thov koj ntsia tus koj tau pleev roj rau lub ntsej muag.

    Txais: (2) Tswv Ntuj muaj hwj huam, koj lub chaw nyob zoo xis siab ua luaj li!

    Kuv yeem nyob ib hnub hauv koj cov tshav loog
    zoo dua nyob ib txhiab hnub lwm qhov chaw;
    kuv yeem pw ntawm kuv tus Tswv Ntuj lub taw rooj
    zoo dua nyob hauv cov tsis hwm ntuj tej tsev tsam phooj.

    Txais: (2) Tswv Ntuj muaj hwj huam, koj lub chaw nyob zoo xis siab ua luaj li!

    As Les Lus yas :   NPN 119: 36, 29b

    Txais: As les lus yas, as les lus yas.

    HUAB TAIS, thov ua kom kuv lub siab xib mus rau koj tej cai lij choj,
    thiab pub lub txiaj ntsim rau kuv ua raws koj txoj cai.

    Txais: As les lus yas, as les lus yas.

    Ntawv Moo Zoo:   MK 7: 1-13

    1 Cov Fas Lis Xais thiab tus puav Kws Ntawv Ntshiab tuaj Yes Lus Xas Les tuaj, lawv sib sau ntsauv Yes Xus.

    2 Lawv pom tus puav thwj tim xuas tes tsis huv noj mov, lawv tsis xub ntxuav tes tso,
    3 vim tias cov Fas Lis Xais, thiab tas cov Yus Das huv tib si yeej tsis noj mov yog lawv tsis xub ntxuav tes zoo zoo tso raws li tej laus ib txwm coj los.
    4 Thaum lawv mus kav kiab kav khw rov los, yog lawv tsis tau xub pov dej rau lawv kom lawv huv tso, mas lawv tsis noj mov li. Tseem muaj ntau yam uas cov Yus Das ua raws li tej laus qhia kom ua: xws li ntxuav khob, ntxuav hub, thiab tej tais tooj dub, tej txaj chaw pw kom huv.
    5 Vim li ntawd, cov Fas Lis Xais thiab cov kws Ntawv Ntshiab thiaj nug Yes Xus tias: "Ua cas koj cov thwj tim tsis ua raws li tej laus kev cai ib txwm qhia kom ua, lawv cia li xuas tes tsis huv noj mov?"
    6 Yes Xus teb rau lawv tias: "Neeg zoo sab nraud, His Xais tau hais raug kawg txog nej raws li muaj lus sau tseg li no: ‘Haiv neeg no tsuas hwm kuv ntawm di ncauj xwb, lawv lub siab nyob deb kuv.
    7 Lawv lam teev kuv dag, tej kev cai lawv qhia tsuas yog tib neeg tej kev cai xwb.’
    8 Nej tso Tswv Ntuj lo lus qhia tseg, nej khaws tib neeg tej kev cai xwb."
    9 Thiab Yes Xus tseem hais rau lawv tias: "Nej muaj tswv yim kawg rhuav Tswv Ntuj txoj cai kom nej tau khaws nej txoj cai.
    10 Xws li Mais Xes yeej tau qhia tias: ‘Koj yuav hwm koj niam koj txiv, tus tsawm niam tsawm txiv, yuav tsum tuag!’
    11 Tab sis nej mas nej hais tias: ‘Yog ib tug twg hais rau nws niam los nws txiv tias: cov nyiaj txiag uas kuv yuav cia los pab koj, mas yog kos npas lawm- txhais tias muab qee rau Ntuj lawm,
    12 ces nej tsis hais kom nws ua dab tsi ntxiv rau nws niam nws txiv li.
    13 Nej yeem rhuav Tswv Ntuj lo lus qhia tsis yeem tso nej txoj cai uas yog nej tsim thiab nej coj tiam dhau tiam los mus. Nej tseem ua ntau yam ntxiv zoo li ntawd thiab!"
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 9th February 2022, 2:52 pm

    Tim    9    lub    2    Hlis    2022


    Hnub Plaub Lis Piam Tsib Nruab Xyoo C Nruab Lis Piam Xyoo II
    Lectionary: 331

    Zaj Nyeem Ib:   1 VAJ 10: 1-10

    1 Tus poj vaj nyob Xas Npas hnov txog Xas Los Moos lub koob lu npe nrov, ces nws thiaj tuaj nug tej zaj lus tob tob los sim Xas Los Moos.

    2 Nws tuaj txog Yes Lus Xas Les, nrog ib npoj neeg coob kawg tuaj; muaj ib co ntxhuav thauj tej nras tshuaj tsw qab, tej nras kub ntau heev, thiab tej nras pob zeb pov haum muaj nqes nrog nws tuaj; thaum nws tuaj txog ntawm Xas Los Moos lawm, nws nug Xas Los Moos txog tas puas tsav yam uas nws tau xav nyob hauv nws nruab siab.
    3 Xas Los Moos thiaj piav meej pem txog tas txhia yam nws nug, tsis muaj ib yam uas Xas Los Moos yuav piav tsis tau kom meej li.
    4 Thaum tus poj vaj nyob Xas Npas pom tas nrho Xas Los Moos txoj kev thoob tsib, pom nws lub tsev uas nws tau txhim tsa,

    5 pom nws tej rooj nqaij rooj hno, pom nws cov tub txib zaum muaj kev muaj cai, pom nws cov tub ua dej num tuaj nyob rau ntawd, nrog lawv tej tsoos tsho, pom nws cov tub ce dej ce cawv, thiab pom tus vaj nce mus ua tej thaj txi Ntuj nyob hauv Huab Tais lub tuam tsev, mas tus poj vaj tsis pom qab xav tas nrho.
    6 Nws hais rau tus vaj tias: "Tej yam uas kuv tau hnov hais nyob hauv kuv lub teb chaws txog koj tej hauj lwm thiab txog koj txoj kev thoob tsib, mas muaj tiag tiag!
    7 Thaum kuv qhov muag tsis tau tuaj pom kiag mas kuv tsis ntseeg. Tab sis kuv pom tias luag tsuas hais txog ib nrab xwb, koj tseem thoob tsib thiab nplua nuj tshaj qhov kuv tau hnov lawm.
    8 Koj cov neeg muaj txoj hmoov zoo, thiab koj cov tub txib muaj txoj hmoov zoo vim lawv tau nyob ze koj tas mus li, lawv tau mloog koj cov lus thoob tsib!
    9 Kom HUAB TAIS koj tus Tswv Ntuj nto koob meej! Nws txaus siab tsa koj ua vaj zaum saum tsoom His Xas Lais lub theej kiab; vim HUAB TAIS hlub His Xas Lais mus li, nws thiaj tsa koj ua vaj kom koj txiav txim thiab muab kev ncaj ncees rau lawv."
    10 Ces tus poj vaj muab ib puas nees nkaum nras kub, muab tshuaj tsw qab ntau heev, thiab muab ib co pob zeb pov haum los pub rau tus vaj. Tus poj vaj nyob Xas Npas pub tshuaj tsw qab ntau kawg nkaus rau vaj Xas los Moos, tsis muaj dua ib zaug ntxiv uas luag yuav pub ntau npaum li ntawd lawm.

    NPN   37: 5-6, 30-31, 39-40

    Txais: (30a) Tus neeg ncaj lub ncauj hais cov lus thoob tsib.

    Koj muab koj txoj hauv kev tso rau HUAB TAIS saib,
    koj tso siab rau nws, ces nws yuav pab koj.
    Nws yuav ua kom koj txoj kev ncaj ci li lub hauv ntuj ntsa,
    thiab ua kom koj txoj kev txiav txim ci li lub hnub thaum tav su

    Txais: (30a) Tus neeg ncaj lub ncauj hais cov lus thoob tsib.

    Tus neeg ncaj lub ncauj hais cov lus thoob tsib,
    nws tus nplaig tshaj txoj kev ncaj.
    Nws tus Tswv Ntuj txoj cai nyob rawv hauv nws nruab siab,
    thaum nws mus kev, nws yuav tsis dawm ntog.

    Txais: (30a) Tus neeg ncaj lub ncauj hais cov lus thoob tsib.

    Cov neeg siab ncaj txoj kev cawm tuaj ntawm HUAB TAIS tuaj;
    lub caij muaj kev txhawj xeeb, HUAB TAIS yog lawv lub chaw nkaum.
    HUAB TAIS tuaj pab lawv thiab cawm lawv dim,
    Nws npo lawv dim ntawm cov neeg tsis hwm Ntuj;
    nws cawm lawv vim lawv tuaj nkaum hauv nws.

    Txais: (30a) Tus neeg ncaj lub ncauj hais cov lus thoob tsib.

    As Les Lus Yas:   ZAM 17: 17b, 17a

    Txais: As les lus yas, as les lus yas.

    Huab Tais, koj lo lus yog qhov tseeb;
    thov koj tshwj peb mus nyob rau hauv qhov tseeb.

    Txais: As les lus yas, as les lus yas.

    Ntawv Moo Zoo:   MK 7: 14-23

    14 Yes Xus rov hu tsoom sid los ntawm nws, ces nws hais rau lawv tias: "Tas nej sawv daws, nej mloog kuv hais kom nej to taub.

    15 Tsis muaj dab tsi nyob sab nraum neeg lub cev, uas nkag rau hauv neeg, yuav ua kom neeg tsis huv. Tiam sis yam uas tawm hauv neeg los yog yam ua kom neeg tsis huv.
    16 Yog leej twg muaj pob ntseg mloog, mas nws kav tsij mloog.”
    17 Thaum Yes Xus rov los tsev thiab nyob nrug deb ntawm tsoom sid lawm, nws cov thwj tim nug nws txog zaj paj lug ntawd.

    18 Ces Yes Xus hais rau lawv tias: "Nej kuj yog ib co neeg tsis to taub li thiab lod? Nej tsis to taub tias tas puas tsav yam nyob sab nraud, nkag rau hauv neeg ua tsis tau kom neeg tsis huv no lod?
    19 Vim tias tej yam ntawd tsis nkag mus hauv neeg lub siab, tsuas nkag rau hauv lub plab xwb, thiab tawm mus rau nraum chaw tawm rooj xwb, ces thiaj li ua kom txhua hom txhiam xws noj puav leej yog yam huv.”
    20 Nws hais ntxiv tias: "Yam uas tawm hauv neeg los yog yam ua kom neeg tsis huv.
    21 Vim tias cov tswv yim phem yog txhawv hauv nruab nrog hauv neeg nruab siab los, xws li kev coj tus yam ntxwv tsis zoo, kev ua tub sab, kev tua neeg,
    22 kev deev luag txij luag nkawm, kev cuaj khaum, kev lim hiam, kev dag ntxias luag, kev ua dev ua npua, kev khib, kev xyav luag moo, kev thuam ntuj, kev muab hlob, kev ua neeg vwm.
    23 Txhua yam kev phem no yog tawm sab hauv los, mas thiaj ua kom neeg tsis huv."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 9th February 2022, 2:57 pm

    Tim    10    lub    2    Hlis    2022


    Hnub Tsib Lis Piam Tsib Nruab Xyoo C Nruab Lis Piam Xyoo II
    Lectionary: 332

    Yuav Hwm LN Scholastica, nkauj tsim txiaj



    Zaj Nyeem Ib:    1 VAJ 11: 4-13

    4 Thaum Xas Los Moos laus lawm, nws cov poj niam coj nws ntxeev siab mus teev lwm cov dab, nws lub siab tsis hwm HUAB TAIS nws tus Tswv Ntuj tib leeg xwb xws li nws txiv Das Vis lub siab tau hwm.

    Xas Los Moos mus teev As Tas Tes uas yog cov neeg nyob Xis Doos tus poj dab, thiab teev tus dab Mis Kos uas yog cov neeg As Moos tus dab.
    6 Li ntawd, Xas Los Moos ua tej yam tsis ntxim HUAB TAIS siab, nws tsis ua raws li HUAB TAIS nyiam kom tas nrho xws li nws txiv Das Vis tau ua.
    7 Ces Xas Los Moos mus txhim ib lub tsev teev tus dab Kes Mov uas yog cov neeg Mos As tus dab, nyob saum lub roob uas nyob ntawm Yes Lus Xas Les sab hnub tuaj, thiab txhim ib lub rau tus dab Mis Kos, uas yog cov As Moos tus dab.
    8 Nws ua li ntawd rau tas nrho nws cov poj niam uas nws yuav nyob pej kum teb los huv si, vim lawv hlawv xyab rau thiab nyias ua nyias tej thaj txi ntuj rau nyias cov dab.
    9 Ces HUAB TAIS npau taws rau Xas Los Moos, vim nws lub siab fee das rau HUAB TAIS, His Xas Lais tus Tswv Ntuj uas tau tuaj yees rau Xas Los Moos pom ob zaug lawm.

    10 Thaum ntawd, HUAB TAIS twb tau qhia rau nws kom tsis txhob mus teev pej kum cov dab, tab sis Xas Los Moos tsis mloog Huab Tais lo lus qhia li.
    11 Ces HUAB TAIS hais rau Xas Los Moos tias: "Koj tau ua li ntawd, koj tsis mloog kuv cov lus kuv tau cog, koj tsis mloog kuv tej cai lij choj uas kuv tau qhia rau koj li, kuv yuav thau koj lub teb chaws ntawm koj tes thiab kuv yuav muab rau koj ib tug tub txib kav.
    12 Kuv yuav tsis ua li ntawd thaum koj tseem ua neej nyob, vim kuv saib taus koj txiv Das Vis. Tab sis kuv yuav thau koj lub teb chaws ntawm koj tus tub tes.
    13 Kuv kuj yuav tsis thau tas nrho mus, kuv yuav cia ib lub xeem rau nws kav, vim muaj kuv tus tub txib Das Vis thiab vim muaj Yes Lus Xas Les uas kuv tau xaiv."

    NPN   106: 3-4, 35-36, 37+40

    Txais: (4a) Huab Tais, thov koj nco txog peb vim koj hlub koj haiv neeg.

    Cov neeg tsom txoj kev zoo taug, lawv txoj hmoov zoo,
    Yog cov neeg uas ua raws kev ncaj tas mus li.
    HUAB TAIS, thov koj nco txog peb, vim koj hlub koj haiv neeg.
    Thov koj tuaj xyuas peb tuaj pab cawm peb.

    Txais: (4a) Huab Tais, thov koj nco txog peb vim koj hlub koj haiv neeg.

    Tab sis lawv nrog cov pej kum haiv neeg sib fim,
    ces lawv xyaum luag tej kev teev dab kev pe mlom .
    Lawv mus tsob hwb lwm haiv neeg tej mlom,
    ces cov mlom ntawd thiaj ua rooj ntxiab cuab lawv.

    Txais: (4a) Huab Tais, thov koj nco txog peb vim koj hlub koj haiv neeg.

    Lawv muab lawv cov tub tua txi dab,
    muab lawv cov ntxhais txi rau dab phem.
    HUAB TAIS lub siab thiaj npau taws rau nws haiv neeg,
    nws thiaj ntxub nws lub cuab tam.

    Txais: (4a) Huab Tais, thov koj nco txog peb vim koj hlub koj haiv neeg.

    As Les Lus Yas:    YK 1: 21bc

    Txais: As les lus yas, as les lus yas.

    Nej yuav ua neeg me txais lo lus
    uas twb muab cog rau hauv nej lawm,
    nws yog qhov yuav cawm tau nej tus ntsuj plig.

    Txais: As les lus yas, as les lus yas.

    Ntawv Moo Zoo:    MK 7: 24-30

    24 Yes Xus mus rau lub xeev Tws Los. Nws mus hauv ib lub tsev, nws tsis xav kom muaj neeg paub li, tab sis nws tsiv nraim tsis tau.

    25 Tsis ntev xwb, muaj ib tug poj niam uas nws tus ntxhais raug ib tug dab tsis huv, txawm hnov hais txog Yes Xus. Thaum nws tuaj txog, nws txhos caug ntua ntawm Yes Xus ko taw.
    26 Tus poj niam ntawd yog ib tug neeg Hes Las, yug los nyob Xis Lias Fes Nis Xias xeev ntuj; nws thov kom Yes Xus ntiab tus dab tawm hauv nws tus ntxhais mus.
    27 Yes Xus hais rau nws tias: "Yuav tsum cia cov me nyuam noj kom tsau tso, vim tsis yog kev ncaj ncees kom muab cov me nyuam tej mov los pub rau me nyuam dev noj."
    28 Tab sis tus poj niam teb rau Yes Xus tias: “Huab Tais, txawm li ntawd los cov me nyuam dev nyob hauv qab rooj, twb noj tej tsig mov uas poob ntawm cov me nyuam los thiab.”
    29 Ces Yes Xus hais rau tus poj niam tias: "Vim koj tau hais lo lus no, koj rov mus mog, tus dab phem twb tawm hauv koj tus ntxhais mus lawm."
    30 Thaum tus poj niam rov mus txog tsev, nws pom tus me nyuam pw nyob saum txaj, hos tus dab phem twb tawm mus lawm.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 10th February 2022, 12:01 pm

    Tim    11    lub    2    Hlis    2022

    Hnub Rau Lis Piam Tsib Nruab Xyoo AC Nruab Lis Piam Xyoo II
    Lectionary: 333

    XHLT:  Niam Mab Liab tim Lourdes


    Zaj Nyeem Ib:   1 VAJ 11: 29-32; 12:19

    Yes Los Npuag yog vaj Xas Los Moos ib tug tub txib.
    29 Lub caij ntawd, thaum Yes Los Npuag tawm hauv lub tsheej Yes Lus Xas Les mus, tus yaj saub As His Yas uas nyob Xis Laus txawm tuaj ntsib nws ntawm kev; tus Yaj Saub hnav ib lub tsho tshaj sab tshiab tshiab; tsuas muaj nkawd ob leeg xwb nyob ntawm thaj tsam av ua liaj ua teb ntawd.

    30 As His Yas hle hlo lub tsho tshaj sab tshiab tshiab uas nws hnav thiab muab dua rhe ua kaum ob daig.
    31 Ces nws hais rau Yes Los Npuag tias: "Koj khaws kaum daim rau koj. Vim HUAB TAIS His Xas Lais tus tswv Ntuj hais li no: ‘Kuv yuav thau lub teb chaws ntawm Xas Los Moos tes mus, kuv yuav muab kaum lub xeem His Xas Lais rau koj kav.
    32 Tiam sis kuv yuav tseg ib lub xeem rau nws, vim muaj kuv tus tub txib Das Vis thiab muaj lub tsheej Yes Lus Xas Les uas kuv tau xaiv nyob hauv tas cov xeem His Xas Lais huv tib si.’"
    12: 19 Yog vim li no ces cov His Xas Lais thiaj sawv tiv Das Vis tsev neeg los txog niaj hnub no.

    NPN   81: 10-11ab, 12-13, 14-15

    Txais: (11a+9a) Kuv yog Huab Tais koj tus Tswv Ntuj, koj mloog kuv hais mas.

    Koj yuav tsis txhob muaj lwm tus tswv ntuj nyob hauv koj,
    koj yuav tsis txhob txhos caug pe pej kum neeg ib tug dab qhuas li.
    Kuv, HUAB TAIS yog koj tus Tswv Ntuj,
    tus tau coj koj tawm ntawm Hais Nkws Tos teb los.

    Txais: (11a+9a) Kuv yog Huab Tais koj tus Tswv Ntuj, koj mloog kuv hais mas.

    Kuv haiv neeg tsis hnov kuv lub suab li,
    His Xas Lais tsis xav mloog kuv lus li.
    Kuv thiaj tso lawv ua raws lawv lub siab cam thawj,
    cia lawv mus raws li lawv lub siab ntshaw!

    Txais: (11a+9a) Kuv yog Huab Tais koj tus Tswv Ntuj, koj mloog kuv hais mas.

    Kheev lam kuv haiv neeg mloog kuv hais mas,
    kheev lam His Xas Lais mus raws kuv tej kev mas!
    Tam sis ntawd kuv yuav qhau kom lawv cov yeeb ncuab swb tas,
    kuv yuav tig kuv txhais tes mus ntaus cov neeg ntxub lawv.

    Txais: (11a+9a) Kuv yog Huab Tais koj tus Tswv Ntuj, koj mloog kuv hais mas.

    As Les Lus Yas:   HL 16: 14b

    Txais: As les lus yas, as les lus yas.

    Huab Tais, thov koj qhib peb lub siab
    kom peb mloog koj Leej Tub cov lus.

    Txais: As les lus yas, as les lus yas.

    Ntawv Moo Zoo:   MK 7: 31-37

    31 Yes Xus tso thaj tsam Tws Los tseg, nws taug txoj kev hla Xis Doos mus rau lub hiav txwv Nkas Lis Lais, mus rau hauv thaj tsam Des Kas Pos Lis.

    32 Lawv coj ib tug neeg lag ntseg, hais lus txhav qhi, tuaj rau Yes Xus, lawv thov kom Yes Xus tsa tes rau saum nws.
    33 Yes Xus coj nws tawm ntawm tsoom sid mus rau ib cag kom txhob muaj neeg, Yes Xus muab nws tus ntiv tes ntxig rau tus lag ntseg ob lub qhov ntsej, nws nti aub ncaug los chwv tus neeg ntawd tus nplaig.
    34 Yes Xus tsa muag ntsia saum ntuj, nws nroo ib suab, nws hais rau tus lag ntseg tias: "Es fas tas," txhais tias : "Koj qhib los."
    35 Tam sis ntawd tus lag ntseg ob lub qhov ntsej qhib plho, hos cov hlua khi nws tus nplaig kuj plam plaws, ces nws hais tau lus meej meej.
    36 Yes Xus txwv tsis pub lawv hais qhov ntawd rau leej twg li. Tab sis Yes Xus yim txwv, lawv yim tshaj tawm tas zog.
    37 Qhov ntawd ua rau lawv qhuas kawg nkaus, lawv hais tias: "Nws ua tau ib puas tsav yam zoo kawg: nws ua tau kom cov lag ntseg hnov lus, thiab kom cov nplaig txhav hais tau lus."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 11th February 2022, 8:12 am

    Tim    12    lub    2    Hlis    2022

    Hnub Xya Lis Piam Tsib Nruab Xyoo C Nruab Lis Piam Xyoo II
    Lectionary: 334

    Zaj Nyeem Ib:   1 VAJ 12: 26-32; 13:33-34

    26 Yes Los Npuag xav nyob hauv nruab siab tias: "Ntshai lub teb chaws yuav rov mus zwm rau Das Vis tsev neeg xwb lau.

    27 Yog cia tsoom pej xeem mus txi Ntuj pem HUAB TAIS lub Tuam Tsev Teev Ntuj nyob Yes Lus Xas Les ntxiv, mas lawv lub siab yeej yuav tig rov mus zwm rau lawv tus tswv Les Hos Npuag, uas yog tus vaj Yus Das xwb, ces lawv yuav muab kuv tua."
    28 Tus vaj thiaj mus nrog nws cov tub tuav xam tham tas, nws txawm los muab kub nchuav tau ob tug mlom nyuj, thiab nws hais rau tsoom pej xeem tias: "Nej nce mus pem Yes Lus Xas Les ntev txaus lawm. Tsoom His Xas Lais, nej ntsia ntawm no, yog nej tus Tswv Ntuj uas tau coj nej tawm ntawm Hais Nkws Tos teb los."
    29 Ces nws tsa ib tug mlom nyuj nyob Npes Thes thiab ib tug nyob Daas.
    30 Ces qhov ntawd yog ib qho kev ua txhaum vim tsoom pej xeem mus pe hawm cov mlom nyuj ntawd txog nyob Npes Thes thiab nyob Daas huv tib si.
    31 Yes Los Npuag tseem tsa ib lub tsev teev mlom nyob tej thaj chaw siab, thiab nws muab ib co neeg uas tsis yog cov Les Vis los tsa ua leej choj.
    32 Hnub tim kaum tsib lub yim hli, Yes Los Npuag tsa ib lub hnub nyoog rau hnub ntawd kom lawv nqaum paj nqaum nruas nyob Npes Thes xws li nyob Yus Das teb thiab; nws kuj mus txi ntuj rau saum lub thaj txi ntuj nyob Npes Thes rau cov mlom nyuj nws tau nchuav, thiab nws tso ib co leej choj uas nws tau tsa, nyob rau Npes Thes.
    13: 33 Dhau tej no lawm, Yes Los Npuag kuj tsis tso nws txoj kev phem tseg li. Nws tseem xaiv tej tus neeg pej xeem hauv txheej qis los tsa ua Leej Choj nyob saum cov chaw siab. Tus twg xav ua leej choj nws cia li tsa ua leej choj nyob saum cov chaw siab.

    34 Tej no ua kom Yes Los Npuag tsev neeg poob rau hauv kev txhaum. Vim li ntawd lawv thiaj raug muab txiav tawm, lawv thiaj puas ntsoog ploj mus tas tsis nyob saum ntiaj teb no ntxiv lawm.

    NPN   106: 6-7ab, 19-20, 21-22

    Txais: (4a) Huab Tais, thov koj nco txog peb, vim koj hlub koj haiv neeg.

    Peb tau ua txhaum ib yam li peb cov yawg koob,
    peb tau ncaim ntawm koj txoj kev, peb tau ua qhov phem.
    Nyob Hais Nkws Tos teb, peb phaj yawg
    tsis saib koj cov hwj huam yees ntxwv muaj nqes li.

    Txais: (4a) Huab Tais, thov koj nco txog peb, vim koj hlub koj haiv neeg.

    Lawv tau puab ib tug nyuj nyob ntawm roob Hos Les;
    lawv txhos caug pe tus mlom uas lawv nchuav.
    Lawv muab lawv lub koob meej los
    pauv ib tug duab mlom uas yog ib tug nyuj noj zaub.

    Txais: (4a) Huab Tais, thov koj nco txog peb, vim koj hlub koj haiv neeg.

    Lawv tsis nco qab tus Tswv Ntuj uas tau cawm lawv dim,
    tus tau ua tej yam loj nyob Hais Nkws Tos teb,
    tus tau ua tej yam hwj huam txaus qhuas nyob Haas teb,
    tus tau ua tej yam txaus ntshai nyob ntawm Dej Ntuj Liab

    Txais: (4a) Huab Tais, thov koj nco txog peb, vim koj hlub koj haiv neeg.

    As Les Lus Yas:   MT 4: 4b

    Txais: As les lus yas, as les lus yas.

    Neeg tsis kawg muab mov los yug siav xwb,
    neeg tseem yuav yuav txhua lo lus tawm ntawm
    Tswv Ntuj lub ncauj los yug siav thiab.

    Txais: As les lus yas, as les lus yas.

    Ntawv Moo ZOO:   MK 8: 1-10

    1 Lub sij hawm ntawd, rov qab muaj dua ib pab neeg coob coob, lawv tsis muaj dab tsi noj. Yes Xus hu cov thwj tim los, nws hais rau lawv tias:

    2 "Kuv hlub cov neeg no, vim lawv nrog kuv nyob tau peb hnub lawm, lawv tsis muaj dab tsi noj li.
    3 Yog kuv cia lawv yoo tshaib rov mus tsev, mas lawv yuav tsaus muag tom tog kev, vim lawv ib txhia tuaj deb tuaj."
    4 Cov thwj tim teb rau Yes Xus tias: "Yuav muab mov qhov twg los txaus rau cov neeg ntawd noj kom tsau, vim ntawm no yog ib qho niag chaw twj cuab xwb?”
    5 Ces Yes Xus nug lawv tias: "Nej muaj pes tsawg lub ncuav mov?" Lawv teb tias: "Xya lub."
    6 Yes Xus kom tsoom sid zaum pem teb. Nws tuav xya lub ncuav mov, nws ua Ntuj tsaug, nws muab cov ncuav mov ntais, nws cev rau cov thwj tim kom nqa mus faib rau sawv daws. Ces cov thwj tim muab faib rau pab neeg ntawd noj.
    7 Lawv kuj muaj ob peb tug me nyuam ntses thiab. Yes Xus foom hmoov zoo rau cov ntses tas, nws kom lawv nqa mus faib rau sawv daws noj thiab.
    8 Sawv daws tau noj tsau npo; lawv tseem khaws tej sab mov seem tau xya tawb thiab!
    9 Cov neeg ntawd kwv yees muaj li plaub txhiab leej.
    Yes Xus kom lawv rov mus tsev.
    10 Ces Yes Xus nrog nws cov thwj tim nce nkoj tam sis ntawd, lawv mus rau thaj tsam Das Mas Nus Thas lawm.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 13th February 2022, 9:11 am

    Tim    14    lub    2    Hlis    2022

    Hnub Ob Lis Piam Rau Nruab Xyoo C Nruab Lis Piam Xyoo II
    Lectionary: 335

    Yuav Hwm LN Cyril thiab Methodius, ob tug Tswv Qhia


    Zaj Nyeem Ib:   YK 1: 1-11

    1 Kuv, Yas Kos, uas yog Tswv Ntuj thiab Huab Tais Yes Xus Pleev ib tug tub txib, hais rau kaum ob lub xeem sib ncaim mus nyob qhov txhia chaw tias: Nej nyob kaj lug.
    2 Kuv cov kwv tij, thaum nej raug txom nyem ntau yam, mas nej yuav saib tias txhua yam ntawd yog ib txog kev zoo siab.

    3 Vim nej twb paub tias yog Ntuj sim nej txoj kev ntseeg kom nej ua siab tawv qhawv ntseeg ruaj nreb xwb.
    4 Nej txoj kev ua siab tawv qhawv ntseeg ruaj yuav tsum tawv kom kawg, thiaj yog qhov zoo tshaj plaws, nej thiaj yuav zoo txhij zoo txhua tsis muaj chaw xyeej, tsis tshuav dab tsi uas luag thuam tau.
    5 Yog nej ib tug twg tsis thoob tsib, mas nws yuav thov kev thoob tsib ntawm Tswv Ntuj, uas pub dawb paug rau txhua leej txhua tus tsis cem tsis yws, ces Tswv Ntuj yuav pub rau nws.
    6 Tiam sis nws yuav tsum muab lub siab ntseeg tiag los thov, tsis txhob ua xyem xyav. Vim tus ua xyeem xyav, nws zoo li ib twv dej nphau nyob hauv hiav txwv uas cua muab nplawm thiab muab ntsawj rau ub rau no.
    7 Tus ua xyem xyav, nws txhob xav tias nws yuav tau txais ib yam dab tsi ntawm Huab Tais,
    8 vim nws yog ib tug neeg muaj ob lub siab, nws ua yam twg ua tsis tsheej li.
    9 Tus kwv tij uas yog neeg txheej qis, nws yuav tsum muaj ntsej muag tias Ntuj tsa nws siab.

    10 Hos tus kwv tij nplua nuj yuav muaj ntsej muag nyob hauv nws txoj kev ua neeg me, vim nws yuav txawj dua mus xws li ib lub paj nroj.
    11 Thaum hnub tuaj, cov cua sov tuaj ziab tsob nroj qhuav tas, lub paj zeeg, nws qhov zoo nkauj kuj ploj ntais mus. Ib yam li ntawd tus nplua nuj kuj yuav nrog nws tej hauj lwm ploj mus tas.

    NPN   119: 67, 68, 71, 72, 75, 76

    Txais: (77a) Huab Tais, thov koj ua siab zoo rau kuv ces kus yuav muaj txoj sia.

    Thaum kuv tsis tau raug txom nyem, kuv tau mus yuam kev;
    nyiam no, kuv mloog nraim koj tej lus qhuab lus qhia.

    Txais: Huab Tais, thov koj ua siab zoo rau kuv ces kuv yuav muaj txoj sia.

    Koj yog tus muaj lub siab zoo lub siab dav,
    thov koj qhia koj cov cai lij choj rau kuv taug.

    Txais: Huab Tais, thov koj ua siab zoo rau kuv ces kuv yuav muaj txoj sia.

    Yog ib qho zoo uas kuv tau raug txom nyem,
    vim qhov ntawd kuv thiaj tau kawm koj cov cai lij choj.

    Txais: Huab Tais, thov koj ua siab zoo rau kuv ces kuv yuav muaj txoj sia.

    Txoj cai uas tawm hauv koj lub ncauj los muaj nqe rau kuv
    dua ntau txhiab daim kub thiab ntau txhiab daim nyiaj.

    Txais: Huab Tais, thov koj ua siab zoo rau kuv ces kuv yuav muaj txoj sia.

    HUAB TAIS, kuv paub tias koj txiav cai raws kev haum pheej,
    Thiab koj cia kuv tau raug txom nyem raws kev ncaj ncees.

    Txais: Huab Tais, thov koj ua siab zoo rau kuv ces kuv yuav muaj txoj sia.

    Thov muab koj lub siab zoo los nplij kuv
    raws li koj tau cog lus rau koj cov tub txib lawm.

    Txais: Huab Tais, thov koj ua siab zoo rau kuv ces kuv yuav muaj txoj sia.

    As Les Lus Yas:   ZAM 14: 6

    Txais: As les lus yas, as les lus yas.

    Huab Tais hais tias: Kuv yog Txoj Kev, yog Qhov Tseeb, thiab yog Txoj Sia.
    Tsis muaj leej twg mus cuag Leej Txiv tau, yog nws tsis mus ntawm kuv mus.

    Txais: As les lus yas, as les lus yas.

    Ntawv Moo Zoo:   MK 8: 11-13

    11 Cov Fas Lis Xais tawm los, lawv pib nrog Yes Xus sib cav, lawv xav kom Yes Xus ua ib lub cim tawm saum ntuj tuaj, kom lawv tau kev sim nws.
    12 Yes Xus xyu ib suab nyob puag hauv nws nruab siab, ces nws hais tias: "Vim li cas tiam neeg no thiaj taij ib lub cim? Kuv hais tseeb rau nej, yuav tsis muaj ib lub cim rau tiam neeg no pom."
    13 Ces Yes Xus tso lawv tseg, nws rov nce nkoj thiab mus rau sab ntug dej tim ub lawm.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 14th February 2022, 2:27 pm

    Tim    15    lub    2    Hlis    2022

    Hnub Peb Lis Piam Rau Nruab Xyoo C Nruab Lis Piam Xyoo II
    Lectionary: 336

    Zaj Nyeem Ib:   YK  1: 12-18

    12 Tus twg ua siab tawv qhawv hla dhau txoj kev ntxias, mas nws txoj hmoov zoo, vim tus neeg uas yeej kev ntxias, mas nws yuav txais lub mom teev kub muaj txoj sia uas Huab Tais tau cog lus yuav pub rau cov neeg nyiam nws.
    13 Tus twg raug kev ntxias yuav tsis txhob hais tias: “Yog Tswv Ntuj ntxias kuv.” Vim tias, Tswv Ntuj tsis txawj raug kev ntxias mus ua phem, thiab nws tsis ntxias leej twg.

    14 Yog nyias lub siab ntshaw rov rub thiab coj nyias mus raug txoj kev ntxias xwb.
    15 Kev ntshaw ua kom kev txhaum xeeb tuaj thiab yug tawm los. Thaum kev txhaum loj tiav log, mas nws daug tau txoj kev tuag.
    16 Kuv cov kwv tij zoo nyiam, nej tsis txhob mloog luag dag ntxias nej mog:

    17 Tas txhua yam zoo thiab tas tej paj tshab tsis muaj chaw xyeej puav leej yog tuaj saum ntuj tuaj, tuaj saum Leej Txiv uas yog qhov pom kev tuaj; nyob hauv nws, tsis muaj ib yam txawj hloov, los tsis muaj kev tsaus vim qhov txawj hloov.
    18 Leej Txiv tau pom zoo hais lo lus tseeb yug peb tawm los, kom peb yog thawj cov txiv txi hauv txhua yam uas nws tsim los.

    NPN    94: 12-13a, 14-15, 18-19

    Txais: (12a) HUAB TAIS, tus uas koj qhuab qhia nws tau txoj hmoov zoo.

    HUAB TAIS, tus uas koj qhuab qhia nws tau txoj hmoov zoo,
    tus uas koj cob qhia nws taug koj txoj cai nws tau txoj hmoov zoo.
    Nws tau kev dim ntawm cov hnub nyoog phem.

    Txais: (12a) HUAB TAIS, tus uas koj qhuab qhia nws tau txoj hmoov zoo.

    Vim HUAB TAIS tsis nrauj nws haiv neeg,
    nws tsis muab nws lub cuab tam laim pov tseg.
    Txoj kev txiav txim yuav rov txiav raws txoj kev ncaj,
    tas tsoom neeg siab ncaj yuav taug raws txoj kev ncaj.

    Txais: (12a) HUAB TAIS, tus uas koj qhuab qhia nws tau txoj hmoov zoo.

    Thaum kuv hais tias : "Kuv yuav ntog!"
    HUAB TAIS, koj txoj kev khuv leej txheem kuv.
    Thaum kev txhawj xeeb nyob puv tas hauv kuv,
    koj tej lus nplig ua kom kuv tus plig zoo siab.

    Txais: (12a) HUAB TAIS, tus uas koj qhuab qhia nws tau txoj hmoov zoo.

    As Les Lus Yas:    ZAM  14: 23

    Txais: As les lus yas, as les lus yas.

    Huab Tais hais tias:  Yog leej twg nyiam kuv,
    nws yuav coj rawv kuv lo lus, ces kuv Txiv yuav nyiam nws.
    Kuv Txiv wb yuav tuaj nyob hauv nws.

    Txais: As les lus yas, as les lus yas.

    Ntawv Moo Zoo:    MK  8: 14-21

    14 Cov thwj tim tsis nco qab ntim mov, lawv tsuas muaj ib lub mov ci nyob hauv nkoj xwb.

    15 Yes Xus txawm qhia lawv zoo li no: "Nej xyuam xim mog, nej ceev faj txog cov poov xab Fas Lis Xais thiab cov poov xab Hes Los."
    16 Ces cov thwj tim txawm sib tham tias ntshai yog vim lawv tsis ntim mov.
    17 Yes Xus paub qhov lawv xav, ces Yes Xus hais rau lawv tias: "Ua cas nej thiaj xav tias yog vim nej tsis ntim mov? Nej tseem tsis tau to taub thiab nej mem tsis tau li lod? Nej lub siab tawv dhau lawm lod?
    18 Nej puas lam muaj qhov muag xwb, tsis pom kev, lam muaj pob ntseg xwb, tsis hnov lus li? Nej tsis nco qab lawm lod?
    19 Thaum kuv ntais tsib lub ncuav mov rau tsib txhiab leej noj, nej khaws tau pes tsawg tawb mov seem?" Lawv teb tias: "Kaum ob tawb."
    20 Thiab zaum uas kuv ntais xya lub ncuav mov rau plaub txhiab leej noj, nej khaws tau pes tsawg tawb mov seem?" Lawv teb tias: "Xya tawb."
    21 Ces Yes Xus hais rau lawv tias: "Nej tseem tsis tau to taub thiab lod ?"
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 15th February 2022, 4:08 pm

    Tim    16    lub    2    Hlis    2022

    Hnub Plaub Lis Piam Rau Nruab Xyoo C Nruab Lis Piam Xyoo II
    Lectionary: 337

    Zaj Nyeem Ib:   YK 1: 19-27

    19 Kuv cov kwv tij zoo nyiam, nej yuav tsum paub tias: Txhua leej txhua tus yuav xyaum ua neeg mloog lus sai, hais lus tsawg, npau taws qeeb.

    20 Vim tus neeg npau taws ua  tsis tau Tswv Ntuj txoj kev ncaj.
    21 Li ntawd nej yuav tshem txhua yam tsis huv thiab tshem txoj kev siab phem uas muaj ntau nyob hauv nej pov tseg. Nej qhib ib lub siab txo hwj chim los txais Tswv Ntuj Lo Lus uas muab cog rau hauv nej lawm; nws thiaj yuav cawm tau nej tus ntsuj plig.
    22 Nej yuav tsum ua kiag kom raws li Lo Lus, tsis txhob lam xuas pob ntseg mloog dag xwb, nej thiaj tsis rov dag nej.

    23 Tus neeg uas hnov Lo Lus tab sis tsis ua raws, mas nws zoo li ib tug neeg uas rov ntsia nws tus kheej lub ntsej muag hauv daim tsom iav;
    24 nws ntsia ib muag tas, nws cia li mus, ces tam sis ntawd nws twb tsis nco qab tias nws lub ntsej muag zoo li cas lawm.
    25 Tiam sis tus neeg uas muab siab rau nrhiav kom to taub txog txoj cai zoo tshaj plaws uas pub kev twj lij, thiab nws nyob ruaj nreb hauv txoj cai ntawd, mas nws tsis yog ib tug neeg uas mloog tas nrho xwb twb hnov qab lawm, nws yog ib tug neeg uas coj raws nraim li txoj cai, mas nws yuav tau txoj hmoov zoo nyob hauv txhua yam nws ua.
    26 Yog ib tug twg xav tias nws hwm Ntuj, tiam sis nws tsis cheem nws lub ncauj, mas nws rov dag rau nws xwb, nws txoj kev hwm Ntuj tsis muaj qab hau dab tsi li.

    27 Txoj kev hwm Ntuj dawb huv tsis lo ib yam qias nyob ntawm Leej Txiv Tswv Ntuj xub ntiag yog txoj no: yog mus pab cov me nyuam ntsuag thiab cov poj ntsuam uas raug kev txom nyem, thiab yog txuag yus tus kheej kom lub ntiaj teb tej kev qias txhob lo yus.

    NPN   15: 2-3a, 3bc-4ab, 5

    Txais: (1) Huab Tais, leej twg yuav tau nyob saum koj lub roob ntshiab?

    Yog tus uas coj tus yeeb yam tsis muaj chaw xyeej thiab ua ncaj,
    yog tus uas xav qhov tseeb nyob hauv nruab siab,
    thiab nws tsis cia nws tus nplaig hais lus dag txog lwm tus.

    Txais: (1) Huab Tais, leej twg yuav tau nyob saum koj lub roob ntshiab?

    Yog tus tsis ua phem rau luag,
    los tsis nrhiav lus rau tus nyob ze nws.
    Yog tus tsis hwm tus ua kev phem kev txhaum,
    tiam sis nws hwm cov neeg hwm HUAB TAIS.

    Txais: (1) Huab Tais, leej twg yuav tau nyob saum koj lub roob ntshiab?

    Yog tus qiv nyiaj txiag nws tsis tsuam paj.
    yog tus tsis txais luag cov nyiaj xiab
    kom muab txim rau tus tsis txhaum.
    Tus ua li no, mas nws yuav nyob nyab xeeb mus li.

    Txais: (1) Huab Tais, leej twg yuav tau nyob saum koj lub roob ntshiab?

    As Les Lus Yas:   EFX 1: 17-18

    Txais: As les lus yas, as les lus yas.

    Thov kom peb tus Huab Tais Yes Xus Pleev leej Txiv
    qhib peb lub qhov muag hauv peb lub siab kom pom kev,
    kom peb thiaj paub txog tias peb txoj kev tso siab yog dab tsi
    thaum Tswv Ntuj hu peb.

    Txais: As les lus yas, as les lus yas.

    Ntawv Moo Zoo:   MK 8: 22-26

    22 Thaum Yes Xus thiab nws cov thwj tim mus txog Npes Xais Das, luag coj ib tug neeg dig muag tuaj rau Yes Xus, lawv thov kom Yes Xus kov tus dig muag.
    23 Yes Xus tuav tus dig muag tes, thiab coj nws tawm hauv zos mus rau sab nraud.
    Yes Xus muab aub ncaug los pleev tus dig muag ob lub qhov muag, nws tsa tes rau saum tus dig muag,
    ces nws nug tus dig muag tias: "Koj puas pom ib qho dab tsi?"
    24 Tus dig muag rua muag ntsia, nws teb tias: "Kuv pom ib co neeg, zoo li ib co ntoo txawj mus kev."
    25 Yes Xus rov qab tsa tes rau saum tus dig muag ob lub qhov muag dua,
    ces tus dig muag pom kev tseeb tuaj, nws qhov muag zoo lawm, nws pom ib puas tsav yam meej thiab tseeb lawm.
    26 Yes Xus thiaj kom nws rov mus tsev, thiab hais rau nws tias: "Koj tsis txhob nkag mus hauv lub zos no li."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 16th February 2022, 7:29 am

    Tim    17    lub    2    Hlis    2022

    Hnub Tsib Lis Piam Rau Nruab Xyoo C Nruab Lis Piam Xyoo II
    Lectionary: 338

    XHLT:   
    Xya Leej Tub Tsim lub Koom Haum cov Servites los Koom Haum Mab Liab cov Tub Txib

     Nyeem Ib:    YK 2: 1-9

    1 Kuv cov kwv tij nkauj muad, nej yuav tsis txhob saib taus ib co neeg saib tsis taus lwm cov nyob hauv nej txoj kev ntseeg txog peb tus Huab Tais Yes Xus Pleev, tus muaj hwj chim.

    2 Yog thaum nej tuaj sib sau ua ke, muaj ib tug neeg coj nplhaib nyiaj nplhaib kub, hnav tsoos tsho zoo zoo nkag los nrog nej koom, thiab kuj muaj dua lwm tus yog neeg pluag pluag hnav tsoos tsho khaub khaub hlab nkag los,
    3 nej ua zoo tos txais tus hnav tsoos tsho zoo, nej hais rau nws tias: “Koj los zaum ntawm no os!” Hos nej hais rau tus neeg pluag tias: “Koj sawv ntsug ntawd!” los hais tias: “Koj zaum ntawm kuv lub tog tiag taw hauv av no!”
    4 Yog nej ua li ntawd, mas puas yog nej saib tias nej tsis muaj nqis ib yam, thiab nej yog ib co neeg txiav txim muaj lub tswv yim nkhaus los tsis yog?
    5 Kuv cov kwv tij nkauj muam zoo nyiad, nej mloog mog! Tswv Ntuj tsis tau xaiv cov neeg uas lub ntiaj teb saib lawv pluag, kom los ua ib co neeg nplua nuj nyob hauv txoj kev ntseeg, thiab kom los ua cov yuav tau xais lub Ceeb Tsheej ua lawv lub cuab tam, raws li nws tau cog lus rau cov neeg nyiam nws lod?

    6 Tab sis nej tseem ua saib tsis taus tus pluag thiab. Cov neeg nplua nuj tsis yog cov hiam nej, thiab tsis yog cov coj nej mus kom rau hauv lub tsev txiav txim lod?
    7 Lawv tsis yog cov thuam lub npe zoo uas peb tuav txog rau saum nej lod ?
    8 Yog nej ua raws li peb tus Vaj txoj cai uas sau cia rau hauv Ntawv tias: “Koj yuav nyiam tus nyob ze koj ib yam li koj nyiam koj,” mas nej ua zoo lawm.

    9 Tab sis, yog nej hwm cov nplua nuj tsis hwm cov pluag, mas yog nej ua txhaum. Txoj cai txiav txim rau nej tias nej yog neeg hla txoj cai lawm.

    NPN    34: 2-3, 4-5, 6-7

    Txais: (7a) Huab Tais mloog tus pluag lub suab quaj.

    Kuv yuav cav lus zoo txog HUAB TAIS txhua lub sij hawm,
    lo lus cav txog nws yuav nyob rawv hauv kuv lub ncauj.
    kuv tus ntsuj plig yuav muaj koob meej yog nyob hauv HUAB TAIS,
    Ces cov neeg me yuav hnov kuv, lawv yuav zoo siab.

    Txais: (7a) Huab Tais mloog tus pluag lub suab quaj.

    Nej nrog kuv cav txog HUAB TAIS,
    peb sawv daws ua ke qhuas nws lub npe.
    Kuv tau thov HUAB TAIS; nws tau teb kuv,
    Nws cawm kuv dim ntawm tas txhua yam kev ntshai.

    Txais: (7a) Huab Tais mloog tus pluag lub suab quaj.

    Nej ntsia ntsoov HUAB TAIS ces nej ntsej muag yuav zoo siab luag ntxhi,
    Nej lub phlu yuav tsis liab vim kev txaj muag.
    Thaum tus txom nyem quaj qw, HUAB TAIS mloog nws,
    HUAB TAIS cawm nws ntawm tas nws tej kev txhawj xeeb.

    Txais: (7a) Huab Tais mloog tus pluag lub suab quaj.

    As Les Lus Yas:    ZAM 6: 63c, 68c

    Txais: As les lus yas, as les lus yas.

    Huab Tais, koj cov lus yog ntsuj plig thiab yog txoj sia;
    koj muaj cov lus pub txoj sia nyob mus li.

    Txais: As les lus yas, as les lus yas.

    Ntawv Moo Zoo:    MK 8: 27-33

    27 Yes Xus nrog nws cov thwj tim mus rau cov zej zos nyob cheeb tsam ntawm Xes Ntxas Les Fis Lis Pos. Thaum lawv taug kev, Yes Xus nug nws cov thwj tim tias: "Luag tej hais tias kuv yog leej twg?"
    28 Cov thwj tim teb tias: "Ib txhia hais tias koj yog Zam Ntxuav Plig, ib txhia hais tias koj yog Es Lias, hos ib txhia tseem hais tias koj yog ib tug hauv cov yaj saub no."
    29 Yes Xus nug lawv tias "Nej ne, nej hais tias kuv yog leej twg?" Pob Zeb teb rau Yes Xus tias: "Koj yog Leej Pleev."
    30 Ces Yes Xus txwv lawv nruj kom txhob hais txog nws rau leej twg li.
    31 Yes Xus pib qhia cov thwj tim hais tias: "Neeg Leej Tub yuav tsum raug txom nyem loj. Cov txwj laus, cov thawj leej choj thiab cov thoob xwm yuav tsis kam lees nws; lawv yuav muab nws tua. Peb hnub tom qab, nws yuav sawv rov los.

    32 Yes Xus tab meeg qhia tej ntawd tsis zais li. Pob Zeb rub Yes Xus mus rau ib qho, ces Pob Zeb yws yws Yes Xus.
    33 Tab sis Yes Xus tig ntsia nws cov thwj tim, nws cem Pob Zeb hnyav ncawv tias: "Xas Tas, koj khiav mus lawv kuv qab! Vim koj tsis xav li Tswv Ntuj xav, koj xav li tib neeg xav xwb!"
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 17th February 2022, 2:01 pm

    Tim    18    lub    2    Hlis    2022

    Hnub Rau Lis Piam Rau Nruab Xyoo C Nruab Lis Piam Xyoo II
    Lectionary: 339

    Zaj Nyeem Ib:   YK 2: 14-24, 26

    14 Kuv cov kwv tij nkauj muad, yuav muaj qab hauy dab tsis rau ib tug neeg, yog nws hais tias nws ntseeg, tiam sis nws twb tsis ua cov hauj lwm vim kev ntseeg li? Txoj kev ntseeg ntawd puas cawm tau nws?

    15 Thaum ib tug kwv tij los nkauj muam tsis muaj dab tsi hnav, thiab tsis muaj mov txaus noj thawm hnub,
    16 yog nej ib tug twg hais rau lawv tias: “Nej mus kaj siab lug, kom nej tau nyob sov so, kom nej tau noj tsau npo mog,” tab sis nej twb tsis pub dab tsi pab rau lawv lub cev, mas nej lo lus muaj qab hau dab tsi?
    17 Ntawm txoj kev ntseeg los kuj zoo ib yam, yog nej tsis ua cov hauj lwm vim kev ntseeg, ces nej txoj kev ntseeg tsis muaj sia li.
    18 Qee leej yuav hais tias: “Koj muaj kev ntseeg, hos kuv muaj cov hauj lwm vim kev ntseeg.

    Koj muab koj txoj kev ntseeg rau kuv pom tsis tas ua cov hauj lwm li, hos kuv yuav muab kuv txoj kev ntseeg rau koj pom nyob hauv cov hauj lwm kuv ua vim kev ntseeg.”
    19 Yog koj ntseeg tias tsuas muaj ib tug Tswv Ntuj xwb, mas koj yeej ua zoo lawm. Tab sis cov dab phem kuj ntseeg li ntawd thiab, thiab lawv ntshai tshee na xwb.
    20 Tus neeg tsis txawj xav tswv yim aw, koj puas xav paub tseeb tias txoj kev ntseeg uas tsis muaj cov hauj lwm nrog, mas yog ib qho tsis muaj qab hau dab tsi li?
    21 Peb Txiv Has Nplas Has tau txais kev ncaj ncees, tsis yog vim nws cov hauj lwm uas nws ua thaum nws cev nws tus tub Is Xas Has rau saum lub thaj txi Ntuj lod?.

    22 Koj thiaj pom tias, yog txoj kev ntseeg ua kom nws ua tau cov hauj lwm ntawd, ces cov hauj lwm ntawd ua kom nws txoj kev ntseeg loj tiav txhij.
    23 Li ntawd thiaj muaj raws nraim li Ntawv sau hais tias: “Has Nplas Has ntseeg Tswv Ntuj, ces yog qhov ua kom nws yog ib tug neeg ncaj,” luag thiaj hu nws ua Tswv Ntuj tus phooj ywg.
    24 Li ntawd, nej pom tias Ntuj saib ib tug neeg yog neeg ncaj, yog vim nws cov hauj lwm, tsis yog vim txoj kev ntseeg nkaus xwb.
    26 Ib yam nkaus li lub cev tsis muaj sia yog ib lub cev tuag, txoj kev ntseeg tsis muaj cov hauj lwm kuj yog ib txog kev ntseeg tuag thiab.

    NPN   112: 1-2, 3-4, 5-6

    Txais: (1b) Tus nyiam Huab Tais cov lus qhia tas siab nrho, nws txoj hmoov zoo.

    Tus muaj hmoov zoo yog tus hwm HUAB TAIS
    thiab nyiam Huab Tais cov lus qhia tas siab nrho.
    Nws caj ces yuav nto koob meej nyob ntiaj teb;
    tiam neeg siab ncaj yuav tau txoj hmoov zoo.

    Txais: (1b) Tus nyiam Huab Tais cov lus qhia tas siab nrho, nws txoj hmoov zoo.

    Nyob hauv nws vaj tse yuav muaj kev vam meej kev nplua nuj,
    nws txoj kev ua siab dav yuav nyob tas mus li.
    Qhov pom kev ci hauv qhov tsaus ntuj tuaj kaj tus neeg ncaj,
    nws ua siab zoo, nws khuv leej luag, nws ua siab ncaj.

    Txais: (1b) Tus nyiam Huab Tais cov lus qhia tas siab nrho, nws txoj hmoov zoo.

    Tus tau txoj hmoov zoo yog tus txawj hlub luag, thiab qiv rau luag,
    Nws tswj nws tej dej num raws kev ncaj ncees.
    Tus neeg ncaj yuav nyob ruaj nreb tshem tsis tau;
    sawv daws yuav nco ntsoov txog tus neeg ncaj tas mus li.

    Txais: (1b) Tus nyiam Huab Tais cov lus qhia tas siab nrho, nws txoj hmoov zoo.

    As Les Lus Yas:   ZAM 15: 15b

    Txais: As les lus yas, as les lus yas.

    Huab Tais hais tias: “Kuv hu nej ua phooj ywg,
    vim kuv tau qhia rau nej paub tas ib puas tsav yam

    uas Leej Txiv tau hais rau kuv lawm.”

    Txais: As les lus yas, as les lus yas.

    Ntawv Moo Zoo:    MK 8: 34–9:1

    34 Yes Xus hu tsoom sid nrog nws cov thwj tim los, nws hais rau lawv tias: "Yog leej twg xav los raws kuv, nws yuav tsum txhob nco txog nws tus kheej, nws yuav kwv nws tus ntoo cuam, thiab yuav lawv kuv qab.

    35 Vim leej twg xav cawm nws txoj sia, mas nws yuav plam nws txoj sia. Hos leej twg plam nws txoj sia vim kuv thiab vim lub Moo Zoo, mas nws yuav cawm nws txoj sia.
    36 Yog ib tug neeg txeeb tau lub qab ntuj no tas huv tib si los ua nws tug, tab sis nws ua nws txoj sia ploj, mas nws tau dab tsi?
    37 Leej tib neeg yuav muab dab tsi los pauv tau nws txoj sia?
    38 Tus txaj muag lees kuv thiab kuv cov lus rau tiam neeg fav xeeb thiab muaj txhaum no, mas Neeg Leej Tub kuj yuav txaj muag lees nws thaum Neeg Leej Tub nrog tsoom Tshiab ntshiab tuaj muaj nws Txiv lub hwj chim thiab.”
    9: 1 Yes Xus kuj tseem hais rau lawv tias: "Kuv hais tseeb rau nej: cov neeg nyob ntawm no, muaj ib txhia yuav tsis xub saj txoj kev tuag mus txog thaum lawv tau pom Tswv Ntuj lub Ceeb Tsheej los txog muaj hwj huam tso.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 18th February 2022, 3:01 pm

    Tim    19    lub    2    Hlis    2022

    Hnub Xya Lis Piam Rau Nruab Xyoo C Nruab Lis Piam Xyoo II 
    Lect 340
     
    Zaj Nyeem Ib:   YK 3: 1-10
     
    1 Kuv cov kwv tij, nej yuav tsis txhob muaj coob leej los ua xib hwb qhuab qhia luag mog; nej yuav tsum to taub tias peb yuav raug kev txiav txim nruj dua lwm cov,
    2 vim muaj ntau yam yuav ua kom peb sawv daws ntog. Yog leej twg tsis hais lus yuam kev ib zaug li, mas nws yog tus neeg zoo tas nrho lawm, ces nws kuj txawj cheem nws lub cev tas huv tib si thiab.
    3 Thaum peb muab nees lub ncauj sam xauv, kom nees mloog peb lus, mas peb tswj tau nees lub cev tas huv si.
    4 Tab yog cov nkoj los kuj ib yam: txawm tej lub nkoj loj loj, muaj cua hlob nplawm npaum twg, los tus ntswj nkoj siv ib rab duav me me, hwj lub nkoj kom mus raws li nws lub siab xav.
    5 Tus nplaig los kuj ib yam, nws yog ib lub twj me me xwb, tab sis nws muaj chaw khav tias nws ua ntau yam loj. Nej yuav piv txog tias, ib qho hluav taws me me txawj kis tau ib lub hav zoov dav dav kom kub hnyiab tas.
    6 Tus nplaig kuj yog ib qho hluav taws thiab. Nws yog ib lub twj muaj kev phem ntau nyob hauv peb lub cev, uas txawj ua kom lub cev tsuas phem tas huv si, thiab nws yog lub cub tawg zes taws rau peb lub neej kom kub hnyiab, vim nws raug dab phem zes taws rau nws thiab.
    7 Neeg txawj pwv tau ntau hom tsiaj qus kom seej; txawm yog noog, nab, los ntses, neeg kuj pwv tau tas huv tib si kom seej.
    8 Tab sis tsis muaj leej twg yuav pwv tau tus nplaig li. Nws ua phem tsis tseg, nws muaj ib co taug lom neeg tuag nyob puv nkaus hauv nws.
    9 Peb siv peb tus nplaig los cav lus zoo txog Huab Tais uas yog Leej Txiv, thiab peb kuj siv peb tus nplaig los tsawm tej tib neeg uas Tswv Ntuj tau tsim los kom zoo li nws tus duab thiab.
    10 Lo lus foom lus zoo, thiab lo lus foom lus phem, puav leej tawm hauv tib lub qhov ncauj los xwb.
    Kuv cov kwv tij nkauj muad, peb yuav xyaum ua kom txhob yog li ntawd mog.
     
    NPN   12: 2-3, 4-5. 7-8
     
    Txais: (8a) Huab Tais, koj yeej yuav txuag peb.
     
    Thov koj pab mas, HUAB TAIS! Tsis tshuav ib tug neeg ntseeg li lawm.
    Leej tib neeg txoj kev ua ncaj ploj ntais mus lawm.
    Txhua leej txhua tus hais lus dag rau tus nyob ze nws,
    lawv di ncauj hais lus ntxias neeg xwb, lawv muaj ob lub siab.
     
    Txais…
     
    Thov kom HUAB TAIS txo cov niag di ncauj ntxias neeg,
    Thiab txhua tus nplaig muab hlob. uas lawv khav tias:
    "Peb tus nplaig txawj ua kom peb nto koob meej;
    peb di ncauj yog peb tug; leej twg yuav ua tau tswv kav peb?"
     
    Txais…
     
    HUAB TAIS lo lus cog yog lus tseeb, zoo li cov nyiaj tsis muaj dab tsi txuam,
    cov tseem nyiaj uas twb muab nchuav xya zaus lawm.  
    HUAB TAIS, koj yeej yuav pov hwm peb
    thiab txuag peb ntawm caj ces neeg tiam no mus li.
     
    Txais…
     
    As Les Lus Yas:   MK 9: 7
     
    Txais: As les lus yas, as les lus yas.
     
    Ces lub ntuj qhib plho, thiab Leej Txiv lub suab nrov nroo ntws tuaj tias:
    "Tus no yog kuv Leej Tub uas kuv nyiam.  Nej mloog nws mog."
     
    Txais: As les lus yas, as les lus yas.
     
    Ntawv Moo Zoo:   MK 9: 2-13
     
    2 Yes Xus hu Pob Zeb, Yas Kos, thiab Zam lawv mus rau ib qho, ces nws coj lawv mus rau saum ib lub roob siab. Nws ib ce hloov ci dawb vog rau ntawm lawv xub ntiag.
    3 Nws cov ris tsho ci dawb paug, tsis muaj tshuaj yuav ua tau kom dawb li ntawd nyob ntiaj teb no li.
    4 Es Lias thiab Mais Xes nkawd tawm los rau lawv pom, nkawd nrog Yes Xus tham.
    5 Ces Pob Zeb hais rau Yes Xus tias: "Xib Hwb, peb nyob ntawm no mas zoo kawg. Cia peb tsa peb lub tsev tsam phooj : ib lub rau koj, ib lub rau Mais Xes, ib lub rau Es Lias."
    6 Pob Zeb tsis paub tias yuav hais dab tsi , vim lawv ntshai kawg.
    7 Ces ib twv huab los ntxoov roos lawv, thiab ib lub suab nrov hauv twv huab tuaj tias: "Tus no yog kuv Leej Tub uas kuv nyiam; nej mloog nws mog."
    8 Ib sij huam, lawv ntsia ib ncig tsis pom leej twg li, tsuas pom Yes Xus tib leeg nrog lawv nyob xwb.
    9 Thaum lawv tab tom nqes pem roob los, Yes Xus txwv lawv kom txhob piav txog qhov lawv pom ntawd rau leej twg li, yuav tsum tos kom Neeg Leej Tub sawv hauv cov tuag rov los tso.
    10 Ces lawv khaws qhov ntawd cia twj ywm hauv nruab siab, tab sis lawv sib nug tias "sawv hauv cov tuag rov los" yog dab tsi.
    11 Ces lawv nug Yes Xus tias: "Vim li cas cov kws Ntawv Ntshiab hais tias Es Lias yuav tsum xub los tso?"
    12 Yes Xus thiaj hais rau lawv tias: "Yog tiag, Es Lias yuav tsum rov los tso, nws yuav rov kho tas puas tsav yam rau kom zoo. Tab sis, vim li cas Ntawv sau txog Neeg Leej Tub tias nws yuav raug txom nyem loj, thiab yuav raug luag thuam?
    13 Kuv hais qhia rau nej tias Es Lias twb los lawm, thiab lawv tau ua rau nws ywj lawv siab, raws nraim li ntawv xub sau txog nws lawm.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 20th February 2022, 11:21 am

    Tim    21    lub    2    Hlis    2022

    Hnub Ob Lis Piam Xya Nruab Xyoo C Nruab Lis Piam Xyoo II
    Lectionary: 341

    Yuav Hwm LN Peter Damian, Tswv Qhia thiab Kws cov Txuj  Ntshiab


    Zaj Nyeem Ib:   YK 3: 13-18

    Cov zoo nyiad:
    13 Nyob hauv nej, puas muaj leej twg thoob tsib thiab txawj to taub? Kom nws yuav tsum cia sawv daws pom nws cov hauj lwm nyob hauv ib lub neej zoo txawj ua neeg me uas txhawv ntawm txoj kev thoob tsib los.

    14 Tab sis yog nej muaj kev khib siab iab qhi, thiab yog nej muaj lub siab xav kom tau raws li nej nyiam nkaus xwb, mas nej tsis txhob khav theeb thiab tsis txhob hais lus dag txog qhov tseeb.
    15 Ib txog kev thoob tsib zoo li ntawd tsis yog nqes saum ntuj los, yog los ntawm ntiaj teb los, los ntawm nqaij tawv, thiab ntawm dab phem los xwb.
    16 Vim tias, qhov twg muaj kev khib siab thiab kev xav kom ua ywj yus siab, mas muaj kev ntxhov, thiab tsuas muaj kev ua phem xwb.
    17 Hos txoj kev thoob tsib nqes saum ntuj los, mas nws dawb huv, nws tseb kev thaj yeeb, kev coj tus, nws nrhiav kev sib haum xeeb, nws muaj kev khuv leej, nws txi ntau yam txiv zoo, nws tsis dag, tsis ua txuj yog neeg zoo sab nraud.
    18 Lub txiv txi ntawm txoj kev ncaj ncees los raug muab tseb nrognyob hauv kev thaj yeeb pub rau cov neeg txhim tsa kev thaj yeeb.

    NPN   19: 8, 9, 10, 15

    Txais: (9a) Huab Tais cov cai lij choj ua kom neeg zoo siab.

    HUAB TAIS txoj cai zoo tas nrho,
    nws ntxiv siav rau tus ntsuj plig;
    HUAB TAIS tus txhooj tsim nyog ntseeg,
    nws ua kom tus neeg ruam thoob tsib tuaj.

    Txais: (9a) Huab Tais cov cai lij choj ua kom neeg zoo siab.

    HUAB TAIS cov lus qhuab qhia yog lus ncaj,
    ua kom neeg zoo siab kaj siab.
    HUAB TAIS lo lus nws tau txiav yog lus meej kawg,
    ua kom neeg qhov muag pom kev.

    Txais: (9a) Huab Tais cov cai lij choj ua kom neeg zoo siab.

    Txoj kev hwm HUAB TAIS yog dawb huv,
    thiab yuav nyob mus li;
    HUAB TAIS cov lus txiav txim yog lus tseeb,
    txhua lo lus yog lus ncaj.

    Txais: (9a) Huab Tais cov cai lij choj ua kom neeg zoo siab.

    Thov kom cov lus ntawm kuv lub ncauj zoo ntxim koj siab
    thiab txoj kev xav hauv kuv nruab siab yog qhov koj nyiam,
    HUAB TAIS, kuv lub tsua thiab kuv tus cawm seej.

    Txais: (9a) Huab Tais cov cai lij choj ua kom neeg zoo siab.

    As Les Lus Yas:   2 TM 1: 10

    Txais: As les lus yas, as les lus yas.

    Peb tus Cawm Seej Yes Xus Pleev twb rhuav txoj kev tuag lawm,
    thiab nws ua kom txoj sia ci tawm tuaj nyob hauv lub Moo Zoo.

    Txais: As les lus yas, as les lus yas.

    Ntawv Moo Zoo:   MK 9: 14-29

    14 Thaum Yes Xus nrog Pob Zeb, Yas Kos thiab Zam lawv rov pem roob los txog ntawm lwm cov thwj tim lawm, lawv pom ib pab neeg coob coob nyob ncig cov thwj tim, thiab ib co kws Ntawv Ntshiab nrog cov thwj tim sib cav.

    15 Tam sim ntawd, tas tsoom sid pom Yes Xus, lawv ceeb tas, lawv khiav tuaj tos Yes Xus, thiab tuaj hu nws.
    16 Ces Yes Xus nug lawv tias: "Nej nrog lawv sib cav txog dab tsi?"
    17 Muaj ib tug hauv pab neeg ntawd hais rau Yes Xus tias: "Xib Hwb, yog kuv coj kuv tus tub tuaj rau koj, nws raug ib tug dab tsis txawj hais lus.
    18 Thaum tus dab nkag rau hauv nws, mas dab muab nws thawb rau pem teb, ces tus tub ua npuas ncauj, nws zom hniav, thiab nws ib ce txhav tas. Kuv thov koj cov thwj tim kom lawv ntiab tus dab ntawd tawm, tab sis lawv tsis muaj peev xwm yuav ntiab tau."
    19 Yes Xus teb rau lawv tias: "Tiam neeg tsis muaj kev ntseeg, kuv yuav nrog nej nyob txog thaum twg? Kuv yuav nyiaj nej txog thaum twg? Nej coj tus tub los rau kuv saib."
    20 Ces lawv coj tus tub los rau Yes Xus. Thaum tus dab pom dheev Yes Xus, dab muab tus tub diaj kom nti ua lwj ua liam, ces tus tub ntog rau hauv pem teb, nws nti dov mus dov los, thiab ua npuas ncauj tawm plaws.
    21 Yes Xus nug leej txiv tias: "Nws raug qhov ntawd tau hov ntev los lawm?" Leej txiv teb tias: "Txij thaum yau los lawm.
    22 Muaj ntau zaus dab muab nws thawb rau hauv hluav taws thiab rau hauv dej kom tuag. Yog koj pab tau li cas los, thov koj pab peb, thov koj khuv leej peb thiab.”
    23 Yes Xus teb tias: "’Yog koj pab tau!’ …Tus neeg ntseeg, mas yeej ua tau txhua yam rau nws."

    24 Tam sis ntawd, tus tub leej txiv hais nrov nrov tias "Kuv ntseeg! Thov koj tuaj kho kuv txoj kev tsis ntseeg!"
    25 Yes Xus pom muaj neeg coob coob tuaj ntsauv, nws cem tus dab tsis huv tias: "Dab nplaig txhav, dab lag ntseg, kuv yuam koj, koj tawm hauv tus me nyuam no mus, txhob rov los nkag hauv nws ib zaug ntxiv lawm."
    26 Tus dab nthe nrov nrov, nws muab tus me nyuam nchos heev heev, ces nws tawm mus. Tus me nyuam zoo li tuag lawm, ua rau coob lleej hais tias: ‘Nws tuag lawm.’
    27 Tab sis Yes Xus tuav nws tes, tsa nws sawv, ces tus me nyuam sawv tsees los sawv ntsug.
    28 Thaum Yes Xus nkag los rau hauv tsev lawm, nws cov thwj tim nug nws twj ywm tias: "Vim li cas peb ntiab tsis tau tus dab ntawd tawm li?"
    29 Yes Xus hais rau lawv tias: "Hom dab ntawd tsuas yog txoj kev teev Ntuj xwb thiaj ntiab tau nws tawm."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 21st February 2022, 12:26 pm

    Tim     22     lub     2     Hlis     2022
     
    Hnub Ob Lis Piam Xya Nruab Xyoo C Nruab Lis Piam Xyoo I & II

    Ua Hmoov Hwm txog Pob Zeb lub Rooj Zaum

    Lectionary: 535
     
    Zaj Nyeem Ib:   1 POB ZEB 5: 1-4

    Cov hmov tshua:
    1 Kuv xav ntuas cov ua txwj lausnyob hauv nej, vim kuv kuj yog ib tug txwj laus thiab kuv yog ib tug ua tim khawv txog Leej Pleev txoj kev txom nyem, thiab kuv kuj yog ib tug yuav nrog sawv daws txais lub hwj chim uas lwm hnub yuav tawm tuaj.

    2 Nej yuav coj Tswv Ntuj pab yaj uas nrog nej nyob. Nej yuav saib xyuas lawv tsis yog vim muaj tus yuam nej, tiam sis yog vim nej yeej zoo siab hlo ua qhov ntawd raws li Tswv Ntuj nyiam, thiab tsis yog vim nej yuav tau ib pob nyiaj noj, tiam sis yog vim nej yeej kub siab lug ua qhov ntawd xwb.
    3 Nej tsis txhob tswj cov neeg uas nej ua tus saib zoo li nej yog ib co huab tais, tiam sis nej yuav ua ib tug qauv zoo rau pab yaj xyaum xwb.
    4 Ces thaum tus tuam thawj Tswv Zov Yaj tawm los, nej yuav tau txais lub kaus mom muaj koob meej tsis txawj qub.

    NPN   23: 1-3a, 4, 5, 6

    Txais: (1) Huab Tais yog tus tswv zov yaj saib kuv; kuv yuav tsis ntshaw dab tsi.

    HUAB TAIS yog tus tswv zov yaj saib kuv, kuv yuav tsis ntshaw dab tsi.
    Nws coj kuv mus so nyob hauv tej tshav zaub mos ntsuab xiab.
    Nws coj kuv mus tso nyob ze tej tus dej tus yees;
    nws ua kom kuv tus ntsuj plig los siav.

    Txais: (1) Huab Tais yog tus tswv zov yaj saib kuv; kuv yuav tsis ntshaw dab tsi.

    Txawm kuv taug kev nyob hauv lub hav tsaus nti,
    los kuv tsis ntshai dab tsi phem, vim koj nyob rawv ntawm kuv ib sab
    nrog koj rab pas nplawm thiab rab pas nrig,
    ua rau kuv muaj siab loj.

    Txais: (1) Huab Tais yog tus tswv zov yaj saib kuv; kuv yuav tsis ntshaw dab tsi.

    Koj rau ib rooj mov rau ntawm kuv xub ntiag
    rau kuv cov yeeb ncuab ntsia ntsoov.
    Koj muab roj pleev kuv taub hau;
    kuv lub khob puv phwj yaws.

    Txais: (1) Huab Tais yog tus tswv zov yaj saib kuv; kuv yuav tsis ntshaw dab tsi.

    Tsuas muaj kev ua siab zoo thiab kev ua siab dawb thiaj
    caum cuag kuv txhua txhia hnub hauv kuv lub neej xwb.
    Kuv yuav tau nyob hauv HUAB TAIS tsev
    ntev niaj ntau xyoo lawm tom ntej.

    Txais: (1) Huab Tais yog tus tswv zov yaj saib kuv; kuv yuav tsis ntshaw dab tsi.

    As Les Lus Yas:   MT 16: 18

    Txais: As les lus yas, as les lus yas.

    Koj yog Pob Zeb, nyob saum lub pob zeb no,
    kuv yuav txhim kuv lub Koom Txoos;
    Dab phem teb cov rooj vag yuav tiv tsis yeej nws li.

    Txais: As les lus yas, as les lus yas.

    Ntawv Moo Zoo:   MT 16: 13-19

    13 Thaum Yes Xus tuaj txog cheeb tsam ntawm Xes Ntxas Les Fis Lis Pos, nws nug cov thwj tim tias : "Luag tej hais tias Neeg Leej Tub yog leej twg?"

    14 Lawv teb tias: “Ib txhia hais tias yog Zam Ntxuav Plig. Ib txhia hais tias yog Es Lias. Tseem muaj lwm cov hais tias yog Yes Les Mias los yog ib tug hauv cov yaj saub.”
    15 Yes Xus hais tias: “Nej ne, nej hais tias kuv yog leej twg?"
    16 Xis Moos Pob Zeb teb tias: "Koj yog Leej Pleev, yog tus Tswv Ntuj muaj txoj sia Leej Tub."
    17 Yes Xus teb rau Pob Zeb tias: "Xis Moos, Yos Nas tub, koj txoj hmoov zoo; vim qhov koj paub no, tsis yog nqaij thiab ntshav qhia rau koj, yog kuv Txiv nyob saum ntuj qhia rau koj.
    18 Ua li mas kuv hais rau koj: Koj yog Pob Zeb, kuv yuav txhim kuv lub Koom Txoos rau saum lub pob zeb no, dab phem teb cov qhov rooj vag yuav tiv tsis yeej nws li.
    19 Kuv yuav muab lub Ceeb Tsheej saum ntuj cov yawm sij rau koj tuav. Koj khi yam twg nyob ntiaj teb no, yam ntawd kuj yuav raug khi nyob saum ntuj. Koj daws yam twg nyob ntiaj teb no, yam ntawd kuj yuav raug muab daws nyob saum ntuj."

    Sponsored content


    COV ZAJ NYEEM NRUAB LIS PIAM XYOO II 2021-2022 - Page 3 Empty Re: COV ZAJ NYEEM NRUAB LIS PIAM XYOO II 2021-2022

    Post  Sponsored content


      Current date/time is 27th January 2023, 5:34 pm