HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


COV ZAJ NYEEM NRUAB LIS PIAM XYOO II 2021-2022 - Page 12 Empty

Suav neeg tuaj saib, txij hnub 17/09/2010 los mus.


    COV ZAJ NYEEM NRUAB LIS PIAM XYOO II 2021-2022

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 11th October 2022, 8:51 am

    Tim 11 lub 10 Hli 2022

    Hnub Peb Lis Piam Nees Nkaum Yim Nruab Xyoo ABC Nruab Lis Piam Xyoo II

    Lectionary: 468

    XHLT: LN Zam XXIII, ua Vaj Qhia

    Zaj Nyeem Ib: GAL 5: 1-6


    Cov kwv tij nkauj muad:
    1 Leej Pleev tau cawm peb dim, kom peb tau kev twj lij. Li ntawd, mas nej yuav tsum nyob ruaj nreb tsis txhob rov mus zwm rau kev ua qhev tus quab.
    2 Kuv, Paj Lug, yog tus hais rau nej tias, yog nej cia lawv ua lub cim txiav rau nej, mas Leej Pleev tsis muaj qab hau dab tsi rau nej.
    3 Kuv rov hais dua tias, tus twg cia luag ua lub cim txiav rau nws, mas nws yuav tsum coj Txoj Cai kom txhij txhua.
    4 Nej cov uas nrhiav kev ncaj nyob hauv Txoj Cai, mas nej ncaim ntawm Leej Pleev lawm; ces nej tsis tau lub txiaj ntsim.
    5 Ntawm peb mas, yog nyob hauv Leej Tswv Yim, vim txoj kev ntseeg, peb thiaj tos ntsoov tias yuav tau txais kev ncaj.
    6 Vim nyob hauv Yes Xus Pleev, txawm ua lub cim txiav thiab tsis ua los tsis muaj nqes dab tsi, qhov muaj nqes tsuas yog txoj kev ntseeg uas ua hauj lwm nyob hauv txoj kev nyiam xwb.

    NPN 119: 41, 43, 44, 45, 47, 48

    Txais: (41a) Huab Tais, thov muab koj txoj kev khuv leej rau kuv.

    Huab Tais, thov muab koj txoj kev khuv leej rau kuv,
    yog koj txoj kev cawm raws li koj tau cog lus.

    Txais: (41a) Huab Tais, thov muab koj txoj kev khuv leej rau kuv.

    Koj txhob rho lo lus tseeb ntawm kuv lub ncauj mus,
    vim kuv txoj kev tso siab yog koj cov cai lij choj.

    Txais: (41a) Huab Tais, thov muab koj txoj kev khuv leej rau kuv.

    Kuv yuav khaws koj Txoj Cai mus li
    tsis muaj caij tag tsis muaj caij kawg.

    Txais: (41a) Huab Tais, thov muab koj txoj kev khuv leej rau kuv.

    Kuv yuav taug kev hauv kev twj lij,
    vim kuv nrhiav koj cov kev cai koj tau txiav.

    Txais: (41a) Huab Tais, thov muab koj txoj kev khuv leej rau kuv.

    Kuv zoo siab tas nrho nyob hauv koj cov lus qhia,
    uas kuv nyiam tas siab tas ntsws.

    Txais: (41a) Huab Tais, thov muab koj txoj kev khuv leej rau kuv.

    Kuv tsa tes rau koj cov lus qhia,
    thiab kuv ua tib zoo xav txog koj cov cai uas sau tseg.

    Txais: (41a) Huab Tais, thov muab koj txoj kev khuv leej rau kuv.

    As Les Lus Yas: HES NPLAWS 4: 12

    Txais: As les lus yas, as les lus yas.

    Tswv Ntuj lo lus muaj txoj sia thiab ua tau hauj lwm,
    Nws mem tau neeg lub tswv yim thiab tej zaj xav hauv nruab siab.

    Txais: As les lus yas, as les lus yas.

    Ntawv Moo Zoo: LK 11: 37-41

    37 Thaum Yes Xus hais lus tas lawm, muaj ib tug Fas Lis Xais caw Yes Xus mus noj mov hauv nws tsev. Yes Xus chaws mus hauv tsev, nws mus xyab ntawm rooj mov.
    38 Tus Fas Lis Xas pom, ces nws poob siab rau qhov Yes Xus tsis xub ntxuav tes tso mam noj mov.
    39 Ces Huab Tais hais rau tus Fas Lis Xais ntawd tias: "Nej cov Fas Lis Xais ntawm ko, nej ntxuav khob ntxuav phaj sab nraud kom huv, tab sis muaj kev tub sab thiab kev lim hiam nyob puv nkaus nej sab hauv.
    40 Neeg vwm! Tus tsim sab nraud, nws tsis tau tsim sab hauv thiab lod?
    41 Nej yuav tsum muab yam uas nyob sab hauv pub rau cov txom nyem, ces txhua yam yuav huv tuaj rau nej.”


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 11th October 2022, 8:51 am

    Tim 11 lub 10 Hli 2022

    Hnub Peb Lis Piam Nees Nkaum Yim Nruab Xyoo ABC Nruab Lis Piam Xyoo II

    Lectionary: 468

    XHLT: LN Zam XXIII, ua Vaj Qhia

    Zaj Nyeem Ib: GAL 5: 1-6


    Cov kwv tij nkauj muad:
    1 Leej Pleev tau cawm peb dim, kom peb tau kev twj lij. Li ntawd, mas nej yuav tsum nyob ruaj nreb tsis txhob rov mus zwm rau kev ua qhev tus quab.
    2 Kuv, Paj Lug, yog tus hais rau nej tias, yog nej cia lawv ua lub cim txiav rau nej, mas Leej Pleev tsis muaj qab hau dab tsi rau nej.
    3 Kuv rov hais dua tias, tus twg cia luag ua lub cim txiav rau nws, mas nws yuav tsum coj Txoj Cai kom txhij txhua.
    4 Nej cov uas nrhiav kev ncaj nyob hauv Txoj Cai, mas nej ncaim ntawm Leej Pleev lawm; ces nej tsis tau lub txiaj ntsim.
    5 Ntawm peb mas, yog nyob hauv Leej Tswv Yim, vim txoj kev ntseeg, peb thiaj tos ntsoov tias yuav tau txais kev ncaj.
    6 Vim nyob hauv Yes Xus Pleev, txawm ua lub cim txiav thiab tsis ua los tsis muaj nqes dab tsi, qhov muaj nqes tsuas yog txoj kev ntseeg uas ua hauj lwm nyob hauv txoj kev nyiam xwb.

    NPN 119: 41, 43, 44, 45, 47, 48

    Txais: (41a) Huab Tais, thov muab koj txoj kev khuv leej rau kuv.

    Huab Tais, thov muab koj txoj kev khuv leej rau kuv,
    yog koj txoj kev cawm raws li koj tau cog lus.

    Txais: (41a) Huab Tais, thov muab koj txoj kev khuv leej rau kuv.

    Koj txhob rho lo lus tseeb ntawm kuv lub ncauj mus,
    vim kuv txoj kev tso siab yog koj cov cai lij choj.

    Txais: (41a) Huab Tais, thov muab koj txoj kev khuv leej rau kuv.

    Kuv yuav khaws koj Txoj Cai mus li
    tsis muaj caij tag tsis muaj caij kawg.

    Txais: (41a) Huab Tais, thov muab koj txoj kev khuv leej rau kuv.

    Kuv yuav taug kev hauv kev twj lij,
    vim kuv nrhiav koj cov kev cai koj tau txiav.

    Txais: (41a) Huab Tais, thov muab koj txoj kev khuv leej rau kuv.

    Kuv zoo siab tas nrho nyob hauv koj cov lus qhia,
    uas kuv nyiam tas siab tas ntsws.

    Txais: (41a) Huab Tais, thov muab koj txoj kev khuv leej rau kuv.

    Kuv tsa tes rau koj cov lus qhia,
    thiab kuv ua tib zoo xav txog koj cov cai uas sau tseg.

    Txais: (41a) Huab Tais, thov muab koj txoj kev khuv leej rau kuv.

    As Les Lus Yas: HES NPLAWS 4: 12

    Txais: As les lus yas, as les lus yas.

    Tswv Ntuj lo lus muaj txoj sia thiab ua tau hauj lwm,
    Nws mem tau neeg lub tswv yim thiab tej zaj xav hauv nruab siab.

    Txais: As les lus yas, as les lus yas.

    Ntawv Moo Zoo: LK 11: 37-41

    37 Thaum Yes Xus hais lus tas lawm, muaj ib tug Fas Lis Xais caw Yes Xus mus noj mov hauv nws tsev. Yes Xus chaws mus hauv tsev, nws mus xyab ntawm rooj mov.
    38 Tus Fas Lis Xas pom, ces nws poob siab rau qhov Yes Xus tsis xub ntxuav tes tso mam noj mov.
    39 Ces Huab Tais hais rau tus Fas Lis Xais ntawd tias: "Nej cov Fas Lis Xais ntawm ko, nej ntxuav khob ntxuav phaj sab nraud kom huv, tab sis muaj kev tub sab thiab kev lim hiam nyob puv nkaus nej sab hauv.
    40 Neeg vwm! Tus tsim sab nraud, nws tsis tau tsim sab hauv thiab lod?
    41 Nej yuav tsum muab yam uas nyob sab hauv pub rau cov txom nyem, ces txhua yam yuav huv tuaj rau nej.”


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 11th October 2022, 5:13 pm

    Tim 12 lub 10 Hli 2022

    Hnub plaub Lis Piam Nees Nkaum Yim Nruab Xyoo ABC Nruab Lis Piam Xyoo II

    Lectionary: 469

    Zaj Nyeem Ib: NLT 5: 18-25

    Cov kwj tij nkauj muad:
    18 Yog nej cia Leej Ntuj Plig coj nej, mas nej tsis zwm rau Txoj Cai.
    19 Cov hauj lwm los ntawm lub cev nqaij los mas yeej pom tseeb kawg: yog kev sib daj sib dee lwj liam, kev ua phem ua qias, kev luab sab cheem tsis tsu tus kheej,
    20 kev teev dab teev mlom, kev siv khawv koob, kev sib ntxub, kev sib ciav sib cais, kev sib khib, kev npau lwj npau liam, kev sib cav sib ceg, kev hais tsis sib haum, kev sib cais ua pab ua pawg,
    21 kev khib luag ntshaw luag, kev haus dej haus cawv kom qaug, kev ua luaj thuam luab sab, thiab lwm yam phem zoo li no ntxiv. Kuv thiaj li ceeb toom rau nej, ib yam li kuv twb tau ceeb toom dua los lawm tias, cov neeg uas ua tej yam zoo li ntawd yuav tsis tau txais Tswv Ntuj lub Ceeb Tsheej los ua lawv tug.
    22 Hos cov txiv uas txi ntawm Leej Tswv Yim los mas yog kev nyiam, kev zoo siab, kev thaj yeeb, kev ua siab ntev, kev ua siab zoo, kev ua siab dav, kev ntseeg,
    23 kev ua siab mos siab muag, thiab kev tswj yus tus kheej. Tsis muaj ib txog cai yuav txwv tej yam kev ua zoo no.
    24 Cov uas yog Yes Xus Pleev tug mas lawv tau muab lawv lub cev nqaij nrog lub cev tej kev xav kev ntshaw ntsia rau saum ntoo cuam lawm.
    25 Yog tias peb muaj sia nyob hauv Leej Tswv Yim, mas peb kuj yuav tsum cia Leej Tswv Yim coj peb taug kev ua neej thiab.

    NPN 1: 1-2, 3, 4+6

    Txais: (Zam 8:12) Huab Tais, cov raws koj qab yuav tau txoj kev pom kev uas pub txoj sia.

    Muaj hmoov zoo yog tus uas tsis coj raws tus neeg phem zaj tswv yim,
    los tsis taug cov neeg txhaum txoj kev,
    los zaum nrog cov neeg saib tsis taus luag tej,
    tiam sis nws zoo siab hlo nyob hauv HUAB TAIS txoj cai,
    thiab nws xav ntsoov txog HUAB TAIS txoj cai nruab hnub hmo ntuj.

    Txais: (Zam 8:12) Huab Tais, cov raws koj qab yuav tau txoj kev pom kev uas pub txoj sia.

    Nws zoo li ib tsob ntoo cog nyob ze cov dej ntws,
    nws txi txiv raws caij raws nyoog,
    thiab nws tej nplooj tsis txawj ntsws li.
    Nws ua yam twg tau yam ntawd.

    Txais: (Zam 8:12) Huab Tais, cov raws koj qab yuav tau txoj kev pom kev uas pub txoj sia.

    Cov neeg phem tsis zoo li ntawd,
    lawv zoo li cov npluag nplej uas cua muab tshuab tawm mus.
    Vim HUAB TAIS saib ntsoov tus neeg ncaj txoj kev,
    hos tus neeg phem txoj kev yaj ntshis mus.

    Txais: (Zam 8:12) Huab Tais, cov raws koj qab yuav tau txoj kev pom kev uas pub txoj sia.

    As Les Lus Yas: ZAM 10: 27

    Txais: As les lus yas, as les lus yas.

    Huab Tais hais tias: Kuv cov yaj mloog kuv lub suab;
    kuv paub kuv cov yaj, kuv cov yaj raws nraim kuv qab mus.

    Txais: As les lus yas, as les lus yas.

    Ntawv Moo Zoo: LK 11: 42-46

    Huab Tais hais tias:
    42 “Nej tsoom Fas Lis Xais nej txoj hmoov phem! Vim nej them se ib feem kaum rau cov pum hub, cov zaub txhwb nyug dub, thiab rau txhua yam zaub, tab sis nej hla txoj kev txiav txim ncaj thiab txoj kev nyiam Tswv Ntuj. Nej twb yuav tsum tau ua tej no, thiab tsis txhob tso tej tod pov tseg.
    43 Nej tsoom Fas Lis Xais txoj hmoov phem! Vim nej nyiam zaum thawj lub rooj kim txwv hauv cov tsev txoos, thiab nyiam kom luag hawm nej tom tej tshav puam.
    44 Nej txoj hmoov phem! Vim nej zoo li tej ntxa uas luag tsis paub tias yog ntxa, ces sawv daws mus tsuj saud.
    45 Ces ib tug Kws Lij Choj teb rau Yes Xus tias: "Xib Hwb, koj hais tej ntawd mas kuj tub qaug peb thiab."
    46 Yes Xus thiaj hais tias: "Nej cov Kws Lij Choj, nej txoj hmoov kuj phem thiab! Vim nej nog tej lub nra ceeb laj ris kawg rau zeej tsoom sawv daws, tab sis nej twb tsis tsa nej ib tug nyuag ntiv tes mus chwv tej nra ntawd.“


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 11th October 2022, 11:27 pm

    Tim 13 lub 10 Hli 2022

    Hnub Tsib Lis Piam Nees Nkaum Yim Nruab Xyoo ABC Nruab Lis Piam Xyoo II

    Lectionary: 470

    Zaj Nyeem Ib: ES FES XOS 1: 1-10

    1 Kuv, Paj Lug, tus uas Tswv Ntuj pom zoo tsa ua Yes Xus Pleev ib tug Hauv Paus Xa Lus, sau ntawv tuaj rau cov ntshiab uas nyob Es Fes Xos thiab yog cov ntseeg ruaj nyob hauv Yes Xus Pleev.
    2 Thov kom nej tau txais txiaj ntsim thiab kom peb Txiv Tswv Ntuj, thiab Huab Tais Yes Xus Pleev pub kev thaj yeeb rau nej.
    3 Thov kom Tswv Ntuj peb tus Huab Tais Yes Xus Pleev Leej Txiv tau txais koob meej; nws yog tus tau foom txhua yam txiaj ntsim zoo nyob saum txheej ntuj siab los rau peb sab ntsuj plig nyob hauv Leej Pleev.
    4 Nws yog tus tau xaiv peb nyob hauv Leej Pleev txij puag thaum tseem tsis tau tsim lub ntuj lub teb los lawm, kom peb ua neeg ntshiab huv tsis muaj chaw xyeej nyob ntawm nws xub ntiag, nyob hauv txoj kev nyiam.
    5 Nws yeej ib txwm xub npaj peb los ua nws cov tub ki tshiab nyob hauv Yes Xus Pleev lawm, raws li nws lub siab txoj kev pom zoo ua li ntawd.
    6 Thov kom nws lub txiaj ntsim muaj hwj chim tau koob meej, yog lub txiaj ntsim uas nws pub dawb paug rau peb nyob hauv tus nws nyiam tas nrho.
    7 Hauv Leej Pleev, peb tau txais kev cawm vim nws cov ntshav, thiab peb tau txais kev daws peb cov txhaum raws li nws txoj kev nplua nuj muaj txiaj ntsim ntau,
    8 Tswv Nruj tau pub lub txiaj ntsim ntawd ntws lug los rau peb nyob hauv txoj kev thoob tsib thiab kev txawj to taub.
    9 Nws tau qhib yam tob piav tsis tau ntawm nws lub siab nyiam rau peb paub, raws li lub hom phiaj uas nws yeej xub npaj nyob hauv nws tus kheej lawm;
    10 yog lub hom phiaj nws npaj rau thaum txog lub caij teem, nws yuav coj kom tas txhua tsav yam txhua leej los koom ua ib tug xwb nyob hauv Leej Pleev, txawm yuav yog cov nyob saum ntuj los cov nyob ntiaj teb tas huv tib si.

    NPN 98: 1, 2-3ab, 3cd-4, 5-6

    Txais: (2a) Huab Tais ua kom sawv daws paub txog nws txoj kev cawm.

    Nej hu ib zaj nkauj tshiab rau HUAB TAIS
    vim nws tau ua tej yam txaus qhuas;
    nws txhais tes xis tau ua kom nws yeej,
    nws sab npab ntshiab tau ua.

    Txais: (2a) Huab Tais ua kom sawv daws paub txog nws txoj kev cawm.

    HUAB TAIS ua kom sawv daws paub txog nws txoj kev cawm,
    nws muab nws txoj kev ncaj qhia rau cov haiv neeg pom.
    Nws rov nco txog nws txoj kev ua zoo thiab ua ncaj
    rau tsev neeg His Xas Lais.

    Txais: (2a) Huab Tais ua kom sawv daws paub txog nws txoj kev cawm.

    Tas cov npoo ntuj npoo ntiaj teb kawg tau pom
    peb tus Tswv Ntuj txoj kev cawm neeg.
    Tas txhua teb chaws, nej zoo siab hu nkauj rau HUAB TAIS,
    nej qw suab hu nkauj, nej cav txog nws.

    Txais: (2a) Huab Tais ua kom sawv daws paub txog nws txoj kev cawm.

    Nej ntaus nkauj nog ncas cav txog Huab Tais,
    nej ntaus nkauj nog ncas nrog tej zaj nkauj zoo mloog.
    Nej tshuab hom ntxuag suab kub nyuj,
    nej hu nkauj zoo siab ntawm peb tus Vaj peb tus HUAB TAIS xub ntiag.

    Txais: (2a) Huab Tais ua kom sawv daws paub txog nws txoj kev cawm.

    As Les Lus Yas: ZAM 14: 16

    Txais: As les lus yas, as les lus yas.

    Huab Tais hais tias: "Kuv yog Txoj Kev, yog Qhov Tseeb, thiab yog Txoj Sia;
    tsis muaj leej twg mus cuag Leej Txiv tau, yog nws tsis hla ntawm kuv mus.

    Txais: As les lus yas, as les lus yas.

    Ntawv Moo Zoo: LK 11: 47-54

    Huab Tais hais tias:
    47 Nej hmoov phem, nej cov uas txhim cov yaj saub uas yog nej phaj txiv tau muab tua, tej ntxa.
    48 Li ntawd, nej ua tim khawv thiab nej pom zoo tias nej phaj txiv ua yog lawm, vim lawv yog cov muab tua, hos nej yog cov txhim ntxa.
    49 Yog vim li ntawd Tswv Ntuj txoj kev Thoob Tsib thiaj hais tias: ‘Kuv yuav xa ib co yaj saub thiab ib co tub tshaj xo mus cuag lawv, lawv yuav muab ib co tua thiab hiam lawv.’
    50 Kom xwv luag yuav nug txog cov yaj saub tej roj ntsha uas tau nchuav txij thaum ntuj tsim teb raug los lawm, ntawm tiam neeg no
    51 txij As Npes cov ntshav los txog Ntxas Kas Lias cov ntshav, tus uas raug tua ntawm lub thaj txi Ntuj thiab lub tuam tsev kis nruab nrab. Kuv hais rau nej tias: tiam neeg no yuav raug them lub txim ntawm cov ntshav ntawd.
    52 Nej tsoom Kws Lij Choj nej txoj hmoov phem! Vim nej tau rho tus yuam sij qhib kev txawj ntse tawm mus lawm; nej tsis kam nkag mus hauv thiab cov xav nkag mus los nej tsis pub lawv mus."
    53 Thaum Yes Xus tawm mus lawm, cov Kws Ntawv Ntshiab thiab cov Fas Lis Xais pib ntxub Yes Xus tas siab nrho, thiab lawv pib nug Yes Xus txog ntau yam,
    54 vim lawv npaj tswv yim tos rawv thaum twg nws hais ib lo lus yuam kev ces lawv thiaj tau kev liam nws.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 13th October 2022, 2:26 am

    Tim    14     lub     10     Hli     2022

    Hnub Rau Lis Piam Nees Nkaum Yim Nruab Xyoo ABC Nruab Lis Piam Xyoo II

    Lectionary: 471

    XHLT:   LN Callistus I, ua Vaj Qhia

    Zaj Nyeem Ib:    ES FES XOS 1: 11-14


    Cov kwv tij nkauj muad,
    11 Nyob hauv Leej Pleev, peb tau raug xaiv, tau ib txwm raug qee raws li lub hom phiaj ntawm tus uas nws ua kom txhua yam ua hauj lwm haum li nws lub siab xav,
    12 kom peb tau tshwm sim los cav txog nws lub hwj chim, vim peb yog cov xub tso siab rau Leej Pleev.
    13 Nyob hauv Leej Pleev, nej kuj tau hnov lo lus qhia qhov tseeb, uas yog lub Moo Zoo pub txoj kev cawm rau nej, ces nej tau ntseeg txog nws, mas nej tau txais lub thwj muaj Leej Tswv Yim Ntshiab raws li tau cog lus lawm.
    14 Leej Tswv Yim Ntshiab yog qhov puav pheej yuam rau peb lub cuab tam tom ntej, tos txog lub caij peb yuav tau txais los ua peb tug kiag, kom Tswv Ntuj lub hwj chim tau txais koob meej.

    NPN    33: 1-2, 4-5, 12-13

    Txais: (12) Haiv neeg uas Huab Tais xaiv ua nws tug lawv txoj hmoov zoo.

    Cov neeg siab ncaj, nej cia li zoo siab nyob hauv HUAB TAIS,
    txoj kev qhuas Huab Tais phim tus neeg siab ncaj.
    Nej ntaus nkauj nog ncas ua HUAB TAIS tsaug,
    nej ntaus thaj cheej kaum txoj hlua cav txog nws.


    Txais: (12) Haiv neeg uas Huab Tais xaiv ua nws tug lawv txoj hmoov zoo.

    HUAB TAIS lo lus yog lus ncaj,
    nws tej num yog num tsim nyog ntseeg.
    Nws nyiam kev ncaj thiab kev haum pheej;
    HUAB TAIS txoj kev ua zoo nyob puv lub ntiaj teb.

    Txais: (12) Haiv neeg uas Huab Tais xaiv ua nws tug lawv txoj hmoov zoo.

    Haiv neeg uas lawv tus Tswv Ntuj yog HUAB TAIS, lawv txoj hmoov zoo!
    Haiv neeg uas Huab Tais xaiv los ua nws lub cuab tam, lawv txoj hmoov zoo!
    HUAB TAIS nyob txheej ntuj saud dauv muag los ntsia,
    nws pom tas nrho ib tsoom neeg.

    Txais: (12) Haiv neeg uas Huab Tais xaiv ua nws tug lawv txoj hmoov zoo.

    As Les Lus Yas:    NPN 33: 22

    Txais: As les lus yas, as les lus yas.

    HUAB TAIS, thov kom koj lub siab zoo roos peb,
    vim koj yog peb qhov chaw tso siab.

    Txais: As les lus yas, as les lus yas.

    Ntawv Moo Zoo:    LK 12: 1-7

    1 Thaum ntawd, neeg coob coob, muaj txog ntau txhiab leej tuaj sib txoos ua tsheej pawg, sawv daws nyob sib tsub sib nias ib leeg tsuj ib leeg taw. Yes Xus pib hais lus, nws xub hais rau nws cov thwj tim tias: "Nej yuav ceev faj txog cov poov xab– uas yog txoj kev lam ua zoo sab nraud – ntawm cov Fas Lis Xais.
    2 Tsis muaj ib yam zais ntshis uas yuav tsis qhib tawm los, tsis muaj ib yam npog cia uas yuav tsis muaj neeg paub.
    3 Yog vim li ntawd, tej yam uas nej hais nyob hauv qhov tsaus ntuj, yuav nrov rau luag hnov thaum pom kev nrig; yam uas nej ntxhi rau luag pob ntseg nyob hauv tej chav kaw nti, yuav muaj tus tuaj saum ru tsev muab tshaj tawm.
    4 Kuv cov phooj ywg, kuv hais rau nej: Nej tsis txhob ntshai cov uas tua tau lub cev, thaum lawv tua tas, lawv ua tsis tau dab tsi ntxiv rau lawm.
    5 Kuv yuav qhia rau nej tias nej yuav tsum ntshai leej twg: nej yuav ntshai tus uas tua nej tas, tseem muaj peev xwm yuav muab nej pov rau hauv dab phem teb thiab. Kuv hais rau nej tias, tus ntawd mas nej yuav tsum ntshai nws tiag tiag.
    6 Tsib tug noog tsig txhuv tsuas muag tau ob lub txiaj toog xwb, puas yog? Tsis kav, tsis muaj ib tug tsig txhuv uas Tswv Ntuj yuav tsis pom txog.
    7 Tab yog nej cov plaub hau los nws yeej suav tas huv si lawm. Nej tsis txhob txhawj mog; nej muaj nqis dua tej pab tsig txhuv coob coob.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 14th October 2022, 8:30 am

    Tim     15     lub     10     Hli     2022

    Hnub Xya Lis Piam Nees Nkaum Yim Nruab Xyoo ABC Nruab Lis Piam Xyoo II

    Lectionary: 472

    Yuav Hwm LN Tes Les Les Xas nyob Avila, Nkauj Tsim Txiaj ua Kws cov Txuj Ntshiab

    Zaj Nyeem Ib:    ES FES XOS 1: 15-23


    Cov kwv tij nkauj muad:
    15 Kuv tau hnov hais txog nej txoj kev ntseeg nyob hauv Huab Tais Yes Xus, thiab txog tias nej muaj lub siab nyiam tas tsoom ntshiab,
    16 mas kuv ua Ntuj tsaug tsis tseg vim nej, thiab kuv nco ntsoov txog nej thaum kuv teev Ntuj.  
    17 Kuv thov peb tus Huab Tais Yes Xus Pleev tus Tswv Ntuj, uas yog Leej Txiv tus muaj koob meej, kom nws pub ib lub tswv yim thoob tsib thiab txawj to taub rau nej, ces nej yuav paub Tswv Ntuj.
    18 Thov kom nej cov qhov muag hauv nruab siab pom kev tuaj, nej thiaj yuav paub tias, txoj kev tso siab uas los ntawm txoj kev Tswv Ntuj hu nej los ntseeg yog dab tsi; nej thiaj yuav paub tias txoj kev nplua nuj muaj hwj chim nyob hauv nws lub cuab tam uas nej yuav nrog tsoom ntshiab txais yog dab tsi;
    19 thiab nej thiaj yuav paub tias lub hwj huam nws siv los pab peb cov uas ntseeg nws loj npaum li cas, yeej loj cuag lub hwj huam loj muaj peev xwm heev uas nws tau siv  
    20 nyob hauv Leej Pleev thaum nws tsa Leej Pleev sawv hauv cov tuag rov los, thiab tsa Leej Pleev zaum ntawm nws sab xis nyob saum cov txheej ntuj saud,
    21 nyob siab tshaj cov Tuam Tshiab, siab tshaj cov Tshiab muaj hwj huam, cov Tshiab muaj zog, cov Tshiab tswj luag, thiab siab tshaj txhua lub npe uas neeg siv, tsis yog nyob hauv lub zim txwv no xwb,  tseem yuav nyob rau tiam tom ntej huv tib si thiab.
    22 Tswv Ntuj tso tas ib puas tsav yam rau hauv Leej Pleev qab xib taws; nws tsa Leej Pleev ua tus Hau saib txhua yam nyob hauv lub Koom Txoos,
    23 uas yog nws lub Cev, yog nws tus kheej tas nrho, tus nyob puv txhua tsav txhua yam thiab puv qhov txhia chaw.

    NPN    8: 2-3ab, 4-5, 6-7

    Txais: (7) Koj tsa koj leej Tub kav txhua yam koj txhais tes tau tsim los.

    HUAB TAIS, peb tus HUAB TAIS, cas koj lub npe
    muaj hwj chim ua luaj, nws ci mus ziab tas ntiaj teb!
    Koj tau tsa koj lub hwj xyeej nyob siab dua cov txheej ntuj saud.
    Koj ua kom cov me nyuam yaus thiab cov me nyuam mos lub ncauj
    Txawj cav lus zoo txog koj vim koj cov yeeb ncuab.

    Txais: (7) Koj tsa koj leej Tub kav txhua yam koj txhais tes tau tsim los.

    Thaum kuv ntsia lub ntuj uas koj ntiv tes tau tsim los,
    lub hli thiab cov hnub qub uas koj muab txawb rau nyias qhov chaw,
    mas tib neeg yog dab tsi, koj thiaj nco txog nws?
    neeg leej tub yog tus tsi, koj thiaj txhawj txog nws?

    Txais: (7) Koj tsa koj leej Tub kav txhua yam koj txhais tes tau tsim los.

    Koj tsim neeg los nyob qis zog me ntsis cov tshiab
    Koj muab koob meej thiab muab meej mom rau neeg.
    Koj tsa neeg kav txhua yam koj txhais tes tau tsim los,
    koj tso tas puas tsav puas yam rau hauv neeg qab xib taws.

    Txais: (7) Koj tsa koj leej Tub kav txhua yam koj txhais tes tau tsim los.

    As Les Lus Yas:    ZAM 15: 26b, 27a

    Txais: As les lus yas, as les lus yas.

    Huab Tais hais tias: “Leej Tswv Yim qhia qhov tseeb
    yuav ua tim khawv txog kuv thiab nej kuj yuav ua tim khawv thiab.”

    Txais: As les lus yas, as les lus yas.

    Ntawv Moo Zoo:    LK 12: 8-12

    Yes Xus hais rau nws cov thwj tim tias:
    8 “Kuv hais rau nej tias, yog leej twg lees paub kuv nyob ntawm tsoom neeg xub ntiag, mas Neeg Leej Tub kuj yuav lees paub nws nyob ntawm Tswv Ntuj tsoom tshiab xub ntiag thiab.
    9 Yog leej twg tsis lees paub kuv nyob ntawm tsoom neeg xub ntiag, mas kuj yuav tsis muaj tus lees paub nws nyob ntawm Tswv Ntuj tsoom Tshiab xub ntiag thiab.
    10 Leej twg hais ib lo lus cem Neeg Leej Tub, mas Ntuj yuav zam rau nws. Tab sis tus twg thuam Leej Ntuj Plig Ntshiab, mas Ntuj yuav tsis zam rau nws li.
    11 Thaum luag coj nej mus sawv hauv cov tsev txoos, ntawm cov thawj tswj, thiab ntawm cov nom tswv xub ntiag, mas nej txhob txhawj tias yuav teb li cas yuav ua li cas los yuav hais dab tsi;
    12 vim lub sij hawm ntawd, Leej Ntuj Plig Ntshiab mam li yuav qhia kom nej hais dab tsi."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 17th October 2022, 2:46 am

    Tim 17 lub 10 Hli 2022

    Hnub Ob Lis Piam Nees Nkaum Cuaj Nruab Xyoo ABC Nruab Lis Piam Xyoo II

    Lectionary: 473

    Yuav Hwm LN Ignatius nyob Antioch, ua Tswv Qhia thiab Tuag ua Tim Khawv

    Zaj Nyeem Ib: ES FES XOS 2: 1-10


    Cov kwv tij nkauj muad,
    1 Thaud, nej yog neeg tuag nyob hauv nej txoj kev ua tsis haum txoj cai thiab kev ua txhaum,
    2 uas nej coj ua nej lub neej raws lub qab ntuj neeg tiam no, raws tus tswj lub hwj huam ntawm tej huab cua; nws yog tus dab uas zaum no ua nws tej hauj lwm nyob hauv cov neeg ntxeev siab.
    3 Yav thaud peb txhua leej txhua tus kuj yog neeg coj ib yam li ntawd thiab: Peb tau ua lub neej mloog lub cev nqaij tej kev xav, ua ywj li lub cev nyiam thiab coj peb ua, thiab ywj peb lub siab xav ua qhov phem, ces peb thiaj yog ib co me nyuam zwm rau hauv txoj kev npau taws xws li sawv daws.
    4 Tab sis, Tswv Ntuj nws nplua nuj txoj kev khuv leej kawg nkaus, vim nws txoj kev hlub peb loj tas nrho;
    5 ces txawm tias peb twb tuag nyob hauv peb txoj kev txhaum lawm los, nws tseem ua kom peb nrog Leej Pleev rov muaj txoj sia tuaj; ces yog nws lub txiaj ntsim cawm nej.
    6 Tswv Ntuj tsa peb nrog Leej Pleev sawv rov los, thiab nws coj peb los nrog nws zaum nyob saum cov txheej ntuj siab nyob hauv Yes Xus Pleev.
    7 Nws ua li ntawd kom tau qhia rau cov tiam tom ntej pom nws lub txiaj ntsim nplua nuj loj tas nrho nyob hauv nws txoj kev ua zoo rau peb nyob hauv Yes Xus Pleev.
    8 Yog Tswv Ntuj lub txiaj ntsim cawm nej nyob hauv txoj kev ntseeg; qhov ntawd tsis yog tuaj ntawm nej tuaj, hos yog ib qho paj tshab tuaj ntawm Tswv Ntuj tuaj;
    9 kuj tsis yog tuaj ntawm yus cov hauj lwm tuaj thiab, kom tsis txhob muaj ib tug twg tau kev khav.
    10 Peb yog yam Tswv Ntuj txhais tes tsim los; nws tsim peb los nyob hauv Yes Xus Pleev, kom peb ua cov hauj lwm zoo uas nws yeej ib txwm xub npaj tseg lawm kom thaum peb los ua neej peb ua cov hauj lwm ntawd.

    NPN 100: 1b-2, 3, 4ab, 4c-5

    Txais: (3) Huab Tais tsim peb los, peb yog nws tug.

    Tas lub teb chaws, nej zoo siab hu nkauj rau HUAB TAIS !
    Nej xyiv fab hlo luag ntxhi tsob hwb HUAB TAIS ;
    nej hu nkauj zoo siab chaws los ntawm nws xub ntiag

    Txais: (3b) Huab Tais tsim peb los, peb yog nws tug.

    Nej cia li lees tias HUAB TAIS yog Tswv Ntuj.
    Nws tsim peb los, peb yog nws tug,
    peb yog nws haiv neeg, yog pab yaj nws saib.

    Txais: (3b) Huab Tais tsim peb los, peb yog nws tug.

    Nej chaws mus hauv nws cov rooj loog, nej ua nws tsaug,
    Nej mus hauv nws cov tshav loog, nej cav txog nws

    Txais: (3b) Huab Tais tsim peb los, peb yog nws tug.

    Nej ua nws tsaug, nej cav txog nws lub npe, vim nws siab zoo;
    HUAB TAIS nws txoj kev ua zoo yuav nyob mus li,
    nws ua siab ncaj rau peb txheej dhau txheej.

    Txais: (3b) Huab Tais tsim peb los, peb yog nws tug.

    As Les Lus Yas: MT 5: 3

    Txais: As les lus yas, as les lus yas.

    Cov tau txoj hmoov zoo yog cov pluag hauv nruab siab,
    vim Ntuj lub Ceeb Tsheej yog lawv li.

    Txais: As les lus yas, as les lus yas.

    Ntawv Moo Zoo: LK 12: 13-21

    13 Muaj ib tug neeg hauv tsoom sid hais rau Yes Xus tias: "Xib Hwb, koj hais kom kuv tij laug faib peb lub cuab tam rau kuv thiab."
    14 Yes Xus hais rau nws tias: "Npawg, leej twg tsa kuv ua tus txiav txim los puas tus faib cuab tam rau neb?"
    15 Ces Yes Xus hais rau sawv daws tias: "Nej ceev faj kom nej txhob poob rau hauv txoj kev ntshaw ntau yam, vim tias neeg txawm nplua nuj npaum twg, los nws txoj sia tsis yog tas rau nws lub cuab tam xwb."
    16 Yes Xus hais zaj paj lug no rau lawv: "Muaj ib tug neeg nplua nuj, nws cov teb ntsu qoob loo kawg.
    17 Nws nug nws tus kheej tias: 'Kuv yuav ua li cas ne, vim kuv tsis muaj chaw rau kuv cov qoob lawm?'
    18 Ces nws hais tias: 'Kuv yuav ua li no: kuv yuav rhuav kuv cov txhab, yuav rov ua ib co txhab loj dua, kuv yuav sau kuv cov nplej thiab kuv tej qoob loo huv si los tso rau hauv.
    19 Ces kuv yuav hais rau kuv tus plig tias: Me ntsuj plig, koj muaj qoob loo ntau yam kav koj ntev niaj ntau xyoo lawm, koj so mog, koj noj, koj haus, koj ua si lom zem xauv npo mog.‘
    20 Tab sis Tswv Ntuj hais rau nws tias: 'Neeg vwm! hmo no kiag, luag yuav los tsib kom tau koj txoj sia mus. Tej yam uas koj npaj tau, yuav yog leej twg tug?’
    21 Ua li mas, tus uas khaws ntau ntau yam tseg rau nws tib leeg kheej kuj yuav zoo li ntawd thiab, vim nws tsis nplua nuj nyob hauv yam uas Tswv Ntuj saib muaj nqes."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 17th October 2022, 2:49 am

    Tim 18 lub 10 Hli 2022

    Hnub Ob Lis Piam Nees Nkaum Cuaj Nruab Xyoo C Nruab Lis Piam Xyoo II

    Hmoov Hwm LN Lus Kas, tus sau Ntawv Moo Zoo

    Lectionary: 661

    Zaj Nyeem Ib: 2 TM 4: 10-17b

    Tus hmov tshua,
    10 Des Mas nws nyiam lub ntiaj teb dua ntais, nws tau tso kuv tseg thiab nws sawv kev mus rau Tes Xas Los Nis lawm; Qhes Xees mus rau Nkas Las Tias, hos Tis Tos mus rau Das Mas Tias lawm.
    11 Tshuav Lus Kas tib leeg nrog kuv nyob xwb. Koj mus coj Mas Kos nrog koj tuaj thiab, vim nws yog ib tug pab tau kuv zoo hauv txoj hauj lwm tshaj Ntuj lus.
    12 Kuv tau xa Tis Sis Kos mus nyob Es Fes Xos lawm.
    13 Thaum koj tuaj, thov koj pab nqa kuv lub tsho tshaj sab uas kuv tso nyob Thuas, hauv Kas Pos tsev tuaj, thiab nqa cov ntawv ncaug tuaj, thiab tseem ceeb tshaj koj nqa cov tawv sau ntawv tuaj.
    14 Tus kws nchuav tooj As Les Xas Nraws tau ua phem kawg rau kuv; cia Huab Tais mam li ua pauj rau nws raws li nws tau ua.
    15 Koj tus kheej yuav tau ceev faj zoo txog nws thiab, vim nws yog ib tug tiv peb txoj kev tshaj lub Moo Zoo heev kawg.
    16 Thawj zaug uas kuv mus sawv ntawm cov nom txiav txim xub ntiag, mas tsis muaj leej twg tuaj nres kuv li, sawv daws tso kuv pov tseg tas tib si. Thov kom Ntuj txhob suav txim rau lawv!
    17 Tab sis Huab Tais tau sawv nrog nraim kuv, thiab tau txhawb kuv lub zog, kom kev tshaj lub Moo Zoo tiav log vim kuv, ces tas cov neeg teev pej kum dab thiaj yuav tau hnov txog.

    NPN 145: 10-11, 12-13, 17-18

    Txais: (12) Huab Tais, koj cov phooj ywg tshaj kom neeg paub txog
    koj lub Ceeb Tsheej muaj hwj chim ci ntsa iab.

    HUAB TAIS, cia tas koj cov hauj lwm ua koj tsaug,
    thiab cia cov uas nyiam koj cav txog koj.
    Cia lawv qhuas txog koj lub Ceeb Tsheej muaj hwj chim
    thiab piav txog koj lub hwj huam loj.

    Txais: (12) Huab Tais, koj cov phooj ywg tshaj kom neeg paub txog
    koj lub Ceeb Tsheej muaj hwj chim ci ntsa iab.

    Cia lawv qhia rau neeg paub txog koj lub hwj huam loj
    thiab koj lub Ceeb Tsheej muaj hwj chim ci ntsa iab.
    Koj lub Ceeb Tsheej yog ib lub Ceeb Tsheej rau txhua lub hnub nyoog,
    thiab koj txoj kev tswj kav yuav nyob mus lj dhau txhua tiam.

    Txais: (12) Huab Tais, koj cov phooj ywg tshaj kom neeg paub txog
    koj lub Ceeb Tsheej muaj hwj chim ci ntsa iab.

    Huab Tais ua ncaj nyob hauv tas nws tej kev
    nws ua qhov ntshiab nyob hauv tas nws tej dej num.
    Huab Tais nyob ze tas cov uas hu txog nws,
    tas cov uas muaj lub siab hu txog nwsnyo hauv txoj kev tseeb.

    Txais: (12) Huab Tais, koj cov phooj ywg tshaj kom neeg paub txog
    koj lub Ceeb Tsheej muaj hwj chim ci ntsa iab.

    As Les Lus Yas: ZAM 15: 16

    Txais: As les lus yas, as les lus yas.

    Huab Tais hais tias: Kuv tau xaiv nej hauv lub ntiaj teb los,
    kom nej mus thiab txi ib co txiv uas yuav nyob ruaj.

    Txais: As les lus yas, as les lus yas.

    Ntawv Moo Zoo: LK 10: 1-9

    1 Dhau qhov ntawd lawm, Huab Tais tseem xaiv xya caum ob leeg thwj tim; nws xa lawv mus tej pab ob leeg mus rau hauv txhua lub nroog thiab txhua qhov chaw uas nws npaj yuav mus thiab.
    2 Nws hais rau lawv tias: "Qoob loo zoo sau muaj ntau kawg, tab sis cov tub zog muaj tsawg. Nej thov tus Tswv qoob kom nws xa ib co tub zog tuaj sau nws cov qoob.
    3 Nej kav tsij mus! Kuv xa nej zoo li ib co yaj mus nyob nruab nrab ib cov hma.
    4 Nej tsis txhob nqa nas nyiaj, txhob ris hnab, txhob nqa khau, thiab txhob hu leej twg ntawm kev.
    5 Nej chaws mus hauv lub tsev twg, nej xub hais tias: "Kom lub tsev no txais kev thaj yeeb."
    6 Yog muaj ib tug neeg nyiam kev thaj yeeb nyob ntawd, mas nej txoj kev thaj yeeb yuav mus nyob saum nws. Yog tsis muaj, mas nej txoj kev kaj lug yuav rov los rau nej.
    7 Nej nyob hauv lub tsev ntawd, nej noj nej haus tej yam uas lawv muaj hauv lawv tsev, vim tus tub zog tsim nyog txais ib tug nqi zog. Nej txhob hloov ib lub tsev mus nyob dhau ib lub.
    8 Nej mus hauv lub nroog twg, yog luag txais nej, mas nej noj tej yam uas luag muab rau nej.
    9 Nej kho cov neeg mob hauv lub nroog ntawd kom zoo, thiab nej hais rau lawv tias: "Tswv Ntuj lub Ceeb Tsheej tuaj txog ze nej lawm."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 18th October 2022, 3:44 am

    Tim 19 lub 10 Hli 2022

    Hnub plaub Lis Piam Nees Nkaum Cuaj Nruab Xyoo ABC Nruab Lis Piam Xyoo II

    Lectionary: 475

    Yuav Hwm LN Zam Brébeuf thiab LN Is Xas Has Jogues (John de Brébeuf thiab Isaac Jogues), Leej Choj tuag ua Tim Khawv

    Zaj Nyeem Ib: ES FES XOS 3: 2-12


    Cov kwv tij nkauj muad:
    2 Nej yeej tau hnov lawm tias Tswv Ntuj tau muab txoj hauj lwm saib xyuas txog nws lub txiaj ntsim rau kuv tuav, kom kuv pab tau nej.
    3 Nws tau qhib ib yam neeg tsis to taub txog rau kuv paub nyob hauv txoj kev yees pom, uas kuv tau xub sau ntawv piav me me ua ntej rau nej lawm.
    4 Thaum nej twm kuv cov lus no, nej yuav paub tias kuv kuj to taub txog yam neeg tsis to taub uas hais txog Leej Pleev thiab.
    5 Tswv Ntuj tsis tau muab qhib tawm rau cov tiam neeg txheej thaud paub li, tsuas nyuam qhuav raug Leej Tswv Yim muab qhib tawm rau cov Hauv Paus Xa Lus ntshiab thiab Yaj Saub paub xwb;
    6 yog qhov hais tias cov neeg teev pej kum dab muaj feem nrog peb koom ib lub cuab tam, muaj feem ua cov tes taw hauv ib lub Cev, thiab lawv kuj tau txais raws li cov lus cog nyob hauv Yes Xus Pleev vim lub Moo Zoo.
    7 Kuv tau los ua ib tug tub tsob hwb lub Moo Zoo ntawd vim Tswv Ntuj lub txiaj ntsim uas nws lub hwj huam tau pub dawb rau kuv tau txais.
    8 Kuv yog tus me tshaj cov nyob hauv tas tsoom ntshiab; nws pub lub txiaj ntsim no rau kuv txais, kom kuv tshaj txog Leej Pleev txoj kev nplua nuj uas neeg ntsuas tsis tau, rau cov neeg teev pej kum dab paub,
    9 thiab kom kuv qhia rau sawv daws paub tias lub ntsiab ntawm tej yam neeg tsi to taub yog dab tsi; Tej yam ntawd nyob zais ntshis txij puag txheej thaud los lawm nyob hauv Tswv Ntuj tus tsim tas ib puas tsav yam;
    10 kom nyem no cov tshiab ua vaj txheeb thiab cov tshiab muaj hwj huam nyob saum cov txheej ntuj siab paub txog Tswv Ntuj txoj kev thoob tsib ua ntau yam nyob hauv lub Koom Txoos.
    11 Tej no yeej yog raws nraim li Tswv Ntuj lub hom phiaj ib txwm muaj mus li uas nws tau ua tiav log nyob hauv peb tus Huab Tais Yes Xus Pleev;
    12 nyob hauv nws peb muaj cuab kav hais lus thiab peb muaj kev tso siab lug txav los ze nws vim peb ntseeg txog nws.

    NPN: HX 12: 2-3, 4bcd, 5-6

    Txais: (3) Nej yuav zoo siab luag ntxhi mus ce dej hauv cov dej txhawv kev cawm neeg.

    Tswv Ntuj yog tus cawm kuv tiag.
    Kuv tso siab rau nws, kuv tsis ntshai dab tsi.
    Kuv lub zog thiab kuv lub peev xwm yog HUAB TAIS.
    Nws yog tus tau cawm kuv.
    Nej yuav zoo siab luag ntxhi mus ce dej
    hauv tus dej txhawv kev cawm neeg."

    Txais: (3) Nej yuav zoo siab luag ntxhi mus ce dej hauv cov dej txhawv kev cawm neeg.

    Nej ua HUAB TAIS tsaug, nej cav txog nws lub npe.
    Nej tshaj nws tej hauj lwm loj rau cov haiv neeg paub,
    Nej cav txog tias nws lub npe loj tas nrho.

    Txais: (3) Nej yuav zoo siab luag ntxhi mus ce dej hauv cov dej txhawv kev cawm neeg.

    Nej hu nkauj rau HUAB TAIS cav txog nws cov hauj lwm muaj hwj chim,
    kom tas ntiaj teb paub txog tej hauj lwm ntawd txhua nrho.
    Nroog Xis Yoos, nej kav tsij qw suab zoo siab,
    vim tus loj nyob hauv nej yog His Xas Lais tus Ntshiab!

    Txais: (3) Nej yuav zoo siab luag ntxhi mus ce dej hauv cov dej txhawv kev cawm neeg.

    As Les Lus Yas: MT 24: 42a, 44

    Txais: As les lus yas, as les lus yas.

    Nej tsis txhob tsaug zog!
    Vim nej tsis paub lub caij twg Neeg Leej Tub yuav los.

    Txais: As les lus yas, as les lus yas.

    Ntawv Moo Zoo: LK 12: 39-48

    Yes Xus hais rau nws cov thwj tim tias:
    39 “Nej yuav tsum paub tias, yog tus tswv tsev paub lub sij hawm twg tub sab yuav tuaj, mas nws yuav tsis cia nws lub tsev rau tub sab tho qhov.
    40 Nej kuj yuav tsum npaj ib yam li ntawd thiab, vim yog lub sij hawm uas nej tsis nco faj, mas Neeg Leej Tub thiaj yuav los."
    41 Ces Pob Zeb hais tias: "Huab Tais, koj hais zaj paj lug no, puas yog hais rau peb xwb, los hais rau sawv daws?"
    42 Huab Tais hais tias: "Leej twg yog tus tub txib pheej xeeb thiab xyuam xim, uas tus tswv tsev yuav tsa nws saib tus tswv cov tub txib, kom thaum txog caij, nws faib txhiam laj txhiam xws kom haum rau lawv?
    43 Tus tub txib uas tus tswv rov los txog, nws pom tab tom lis dej num zoo li no, mas nws txoj hmoov zoo.
    44 Kuv hais tseeb rau nej, tus tswv yuav tsa nws saib tus tswv lub cuab tam tas huv si.
    45 Tab sis yog tus tub txib ntawd xav hauv siab tias: 'Kuv tus Tswv yuav los lig,' ces nws pib muab tus tswv tej tub txib ntxhais txib ntaus, nws noj nws haus thiab nws haus kom qaug,
    46 mas tus tub txib no tus tswv yuav los txog ib hnub uas nws tsis nco faj, thiab lub sij hawm uas nws tsis paub; ces tus tswv yuav rau txim hnyav rau tus tub txib ntawd thiab yuav faib nws tug nrog cov neeg tsis hwm Ntuj nyob.
    47 Tus tub txib uas nws yeej paub qhov tus tswv xav kom ua, tab sis nws tsis npaj dab tsi li thiab tsis ua raws li qhov tus tswv xav kom ua, mas tus tub txib ntawd yuav raug nplawm sab kawg nkaus.
    48 Hos tus tub txib uas yeej tsis paub qhov tus tswv xav kom ua li, ces nws kuj tau ua tej yam tsim nyog nplawm kom sab, tiam sis nws yuav raug nplawm sib sib xwb. Txhua tus uas tau txais ntau los, mas nws kuj yuav yuav tsum muab ntau rov qab. Tus uas luag tseem pub ntau tshaj saud rau nws ntxiv, mas luag haj yam yuav tsib ntau tshaj ntawm nws rov qab.”

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 19th October 2022, 2:53 am

    Tim 20 lub 10 Hli 2022

    Hnub Tsib Lis Piam Nees Nkaum Cuaj Nruab Xyoo ABC Nruab Lis Piam Xyoo II

    Lectionary: 476

    XHLT: LN Paj Lug Ntoo Cuam (Paul of the Cross), ua Leej Choj

    Zaj Nyeem Ib: ES FES XOS 3: 14-21


    Cov kwv tij nkauj muad:
    14 Kuv txhos caug nyob ntawm Leej Txiv xub ntiag.
    15 Nws yog tus uas tas txhua yim neeg nyob saum ntuj thiab nyob ntiaj teb no, txais lub npe ntawd ntawm nws los.
    16 Thov kom Leej Txiv pub rau nej raws li nws lub hwj chim txoj kev nplua nuj, kom nej tau txais lub hwj huam nyob hauv nws Leej Tswv Yim los pab txhawb zog rau nej tus kheej sab hauv nruab siab;
    17 thiab thov kom Leej Pleev los nyob txawm hauv nej lub siab vim nej ntseeg; ces nej yuav nrhau cag thiab yuav cog nej lub siab ruaj rau hauv txoj kev nyiam;
    18 nej thiaj yuav muaj lub zog pab kom nej nrog tas tsoom neeg ntshiab to taub tias, qhov dav thiab qhov ntev, qhov siab thiab qhov tob (ntawm kev nyiam) yog li cas,
    19 ces nej thiaj yuav paub Leej Pleev txoj kev hlub uas loj tshaj txoj kev paub txuj, thiab nej thiaj yuav muaj Tswv Ntuj tas nrho los nyob puv hauv nej.
    20 Tus ua hauj lwm nyob hauv peb, nws ua tau ntau npaug tshaj qhov peb thov, thiab qhov peb xav tau hauv peb lub tswv yim raws li lub hwj huam uas ua hauj lwm nyob hauv peb;
    21 Li ntawd, kom lub koob meej nyob hauv lub Koom Txoos, thiab hauv Yes Xus Pleev, yog nws tug mus tas txhua tiam mus li ib txhiab ib txhis! Ua li.

    NPN 33: 1-2, 4-5, 11-12, 18-19

    Txais: (5b) Huab Tais txoj kev ua zoo nyob puv nkaus lub ntiaj teb.

    Cov neeg siab ncaj, nej cia li hom khaj nyob hauv HUAB TAIS,
    txoj kev qhuas nws phim tus neeg siab ncaj.
    Nej ntaus nkauj nog ncas ua HUAB TAIS tsaug,
    nej ntaus thaj cheej kaum txoj hlua cav txog nws. .

    Txais: (5b) Huab Tais txoj kev ua zoo nyob puv nkaus lub ntiaj teb.

    HUAB TAIS lo lus yog lus ncaj,
    nws tej num yog num tsim nyog tso siab rau.
    Nws nyiam kev ncaj thiab kev haum pheej;
    HUAB TAIS txoj kev ua zoo nyob puv lub ntiaj teb.

    Txais: (5b) Huab Tais txoj kev ua zoo nyob puv nkaus lub ntiaj teb.

    Qhov HUAB TAIS npaj yuav nyob mus li,
    Yam nws lub siab xav ua yuav nyob txheej dhau txheej.
    Tau txoj hmoov zoo yog haiv neeg uas
    lawv tus Tswv Ntuj yog HUAB TAIS, ,
    yog haiv neeg Huab Tais xaiv los ua nws lub cuab tam.

    Txais: (5b) Huab Tais txoj kev ua zoo nyob puv nkaus lub ntiaj teb.

    Nej ntsias, HUAB TAIS lub qhov muag saib ntsoov cov neeg hwm nws,
    ntsia ntsoov cov uas tso siab rau nws txoj kev hlub,
    tias nws yuav npo lawv dim ntawm kev tuag,
    thiab yuav txuag lawv txoj sia thaum muaj kev tshaib plab.

    Txais: (5b) Huab Tais txoj kev ua zoo nyob puv nkaus lub ntiaj teb.

    As Les Lus Yas: FLP 3: 8-9

    Txais: As les lus yas, as les lus yas.

    kuv saib txhua yam tsis muaj nqis dab tsi,
    kom kuv tau Leej Pleev thiab tau nyob hauv nws.

    Txais: As les lus yas, as les lus yas.

    Ntawv Moo Zoo: LK 12: 49-53

    Yes Xus hais rau nws cov thwj tim tias:
    49 "Kuv tuaj yog tuaj zes taws rau lub ntiaj teb, kuv xav kom cov hluav taws ntawd twb cig lam lug lawm.
    50 Muaj ib co kab ke ntxuav uas kuv yuav tsum txais. Kuv ntxhov siab loj kawg mus txog hnub uas tej ntawd tiav tas lawm.
    51 Nej puas xav tias yog kuv coj kev thaj yeeb tuaj rau ntiaj teb no? Kuv hais rau nej tias, kuv tsis yog coj kev thaj yeeb tuaj, kuv coj kev sib ncaim sib tawg tuaj.
    52 Txij no mus, ib tse neeg muaj tsib leeg yuav sib tawg, peb leeg yuav tiv ob leeg, ob leeg yuav tiv peb leeg.
    53 Lawv yuav sib tawg, txiv yuav tiv tub, tub yuav tiv txiv, niam yuav tiv ntxhais, ntxhais yuav tiv niam, poj yuav tiv nyab, nyab yuav tiv poj."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 20th October 2022, 1:31 am

    Tim     21     lub     10     Hli     2022

    Hnub Rau Lis Piam Nees Nkaum Cuaj Nruab Xyoo ABC Nruab Lis Piam Xyoo II

    Lectionary: 477

    Zaj Nyeem Ib:    ES FES XOS 4: 1-6

    Cov kwv tij nkauj muad:
    1 Kuv, tus neeg raug txim vim Huab Tais, kuv thov nej, kom nej coj ib lub neej phim txoj kev uas nej raug hu los taug.
    2 Nej yuav ua neeg tsis muab hlob, ua neeg siab mos siab zoo, ua neeg siab ntev, ib leeg txhawb nqa ib leeg nyob hauv txoj kev nyiam.
    3 Nej yuav siv zog txuag kom tau txoj kev koom ib tug Leej Tswv Yim vim nej nyob muaj kev thaj yeeb ib leeg nrog ib leeg.
    4 Tsuas muaj ib lub Cev thiab ib lub Tswv Yim xwb, ib yam li nej raug hu los taug ib txoj kev tso siab thaum Ntuj hu nej xwb;
    5 tsuas muaj ib tug Huab Tais, ib txoj kev ntseeg, ib lub cim ntxuav,
    6 ib tug Tswv Ntuj uas yog tas sawv daws Txiv xwb, nws nyob siab dua sawv daws, nws hla hauv sawv daws, thiab nws nyob hauv sawv daws.

    NPN    24: 1-2, 3-4ab, 5-6

    Txais: (6) Huab Tais, ntawm no yog haiv neeg uas ntshaw pom koj lub ntsej muag.

    Lub ntiaj teb thiab puas tsav yam nyob hauv yog HUAB TAIS li,
    lub sim ceeb thiab cov nyob hauv yog nws tug.
    Vim nws yog tus tsim lub ntiaj teb txawb rau saum cov hiav txwv
    thiab muab tso rau saum cov dej ntws.

    Txais: (6) Huab Tais, ntawm no yog haiv neeg uas ntshaw pom koj lub ntsej muag.

    Leej twg thiaj yuav nce tau rau saum HUAB TAIS lub roob?
    Los leej twg thiaj yuav mus sawv taus nyob hauv nws thaj chaw ntshiab?
    Yog tus uas txhais tes tsis muaj txhaum, lub siab dawb huv,
    tus uas tsis ntshaw tej yam tsis muaj nqes.

    Txais: (6) Huab Tais, ntawm no yog haiv neeg uas ntshaw pom koj lub ntsej muag.

    Nws yuav txais foom koob hmoov Ntawm HUAB TAIS los,
    yog paj tshab tuaj ntawm Tswv Ntuj tus cawm nws tuaj.
    Tsav neeg uas nrhiav Huab Tais yuav zoo li no,
    yog cov uas nrhiav Yas Kos tus Tswv Ntuj lub ntsej muag.

    Txais: (6) Huab Tais, ntawm no yog haiv neeg uas ntshaw pom koj lub ntsej muag.

    As Les Lus Yas:    MT 11: 25

    Txais: As les lus yas, as les lus yas.

    Txiv, kuv cav lus zoo txog koj, Huab Tais kav lub ntuj lub teb,
    vim koj qhib tej yam zais tob txog lub Ceeb Tsheej rau cov neeg me paub.

    Txais: As les lus yas, as les lus yas.

    Ntawv Moo Zoo:    LK 12: 54-59

    54 Yes Xus hais rau cov pab neeg coob tias: "Thaum nej pom huab sawv nyob sab hnub poob, tam sis ntawd, nej hais tias ntuj yuav los nag, ces kuj los nag tiag.
    55 Thaum nej hnov cua tshuab sab qab teb tuaj, nej hais tias ntuj yuav sov, mas muaj li ntawd tuaj tiag.
    56 Neeg zoo sab nraud, nej twb paub ntsuas lub ntuj thiab lub ntiaj teb tus yam ntxwv, ua cas nej ntsuas tsis tau lub zim txwv no li?
    57 Vim li cas nej tsis txiav txim nej tus kheej tias qhov ncaj yog qhov twg ?
    58 Yog koj nrog tus ntxub koj mus cuag nom, mas thaum koj tseem txog ib tog kev, koj yuav mob siab nrog nws hais kom haum thaum ntawd, tsam nws coj koj mus rau tus nom txiav txim, ces tus nom txiav txim muab koj cob nkaus rau tub ceev xwm, ces tub ceev xwm muab koj pov rau hauv tsev loj faj.
    59 Kuv hais rau koj: Koj yuav tsis tau tawm hauv tsev loj faj los mus txog thaum koj them kom tas txog npib kawg tso.”

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 21st October 2022, 10:51 am

    Tim 22 lub 10 Hli 2022

    Hnub Xya Lis Piam Nees Nkaum Cuaj Nruab Xyoo ABC Nruab Lis Piam Xyoo II

    Lectionary: 478

    XHLT: LN Zam Paj Lug II, ua Vaj Qhia

    Zaj Nyeem Ib: EFX 4: 7-16


    Cov kwv tij nkauj muad:
    7 Peb nyias tau txais txiaj ntsim raws li Leej Pleev luj pub dawb rau nyias.
    8 Li ntawd thiaj muaj lus hais tias: ‘Nws nce mus rau saum qhov siab, nws coj txoj kev raug txim mus kaw, nws pub paj tshab rau leej tib neeg.’
    9 Lo lus hais tias: ‘Nws nce mus’, yog txhais li cas? Tsuas kawg txhais tias nws twb xub tau nqes mus txog hauv qhov chaw tob hauv lub ntiaj teb lawm thiab.
    10 Tus tau nqes mus hauv kuj yog tus tau nce mus saud, mus nyob siab dua cov txheej ntuj saud tib si thiab, kom nws thiaj nyob puv hauv txhua qhov txhia chaw tas nrho.
    11 Thiab nws yog tus tau pub kom ib txhia ua Hauv Paus Xa Lus, ib txhia ua Yaj Saub, ib txhia ua tub tshaj lub Moo Zoo, ib txhia ua tswv zov yaj thiab ua xib hwb;
    12 kom xwv cov ntshiab thiaj pom qab ua lawv txoj hauj lwm, kom lawv tau kev txhim Leej Pleev lub Cev,
    13 mus txog thaum tas nrho peb sawv daws los koom tau ib txoj kev ntseeg thiab ib txoj kev paub Tswv Ntuj Leej Tub xwb; kom peb hlob tiav ib tug neeg laus phim Leej Pleev lub Cev uas hlob tiav log puv ntoob lawm.
    14 Ces peb yuav tsis yog ib co me nyuam yaus ntxiv, peb thiaj yuav tsis raug txhua yam tswv yim hauv tej kev ntseeg, muab peb ntsawj thiab pus rau sab ub sab no; tej tswv yim ntawd txhawv ntawm neeg txoj kev dag ntxias thiab neeg txoj kev siab phem xav ua kom luag yuam kev.
    15 Peb yuav coj raws qhov tseeb, yuav nyob nraim hauv txoj kev nyiam, peb thiaj yuav loj hlob nyob hauv txhua tsav txhua yam kom zoo li tus uas yog lub Taub Hau, uas yog Leej Pleev.
    16 Nws yog tus ua kom lub Cev tas huv si txawj sib dhos sib haum zoo ua ib lub vim muaj ntau txoj leeg tuav, muaj ntau yam nyias muaj nyias txoj hauj lwm ua kom zoo, ces lub cev thiaj hlob tuaj thiab rov txhim kho nws tus kheej nyob hauv txoj kev nyiam.

    NPN 122: 1-2, 3-4ab, 4cd-5

    Txais: (1) Tuaj peb zoo siab hlo mus pem Huab Tais tsev.
    los: As les lus yas.

    Kuv zoo siab vim lawv hais rau kuv tias:.
    "Peb yuav nce mus lawm pem Huab Tais tsev.”
    Nyem no, peb txhais taw tau tsuj hauv
    koj cov rooj loog lawm os Yes Lus Xas Les.

    Txais…

    Yes Lus Xas Les, txhim ua ib lub nroog
    Uas zoo tau xwm yeem.
    Cov xeem neeg nce mus pem nws,
    Yog Huab Tais cov xeem neeg

    Txais…

    Lawv nce mus raws li txoj cai qhia rau His Xas Lais,
    Kom tau cav txog Huab Tais lub Npe.
    Nyob ntawd muaj ib co rooj txiav txim teeb tseg,
    Yog cov rooj cia rau Das Vis tsev neeg.

    Txais…

    As Les Lus Yas: EXK 33: 11

    Txais: As les lus yas, as les lus yas.

    Huab Tais hais tias: “Kuv tsis zoo siab pom tus neeg siab phem tuag,
    Kuv xav pom nws hloov los ua qhov zoo kom nws muaj txoj sia nyob.”

    Txais: As les lus yas, as les lus yas.

    Ntawv Moo Zoo: LK 13: 1-9

    1 Muaj ib co neeg tuaj piav rau Yes Xus txog cov Nkas Lis Lais uas Pis Las Tos tau muab lawv cov ntshav hliv xyaw rau cov ntshav tsiaj uas lawv muab txi Ntuj.
    2 Yes Xus hais rau lawv tias: "Nej puas xav tias cov Nkas Lis Lais ntawd tau ua txhaum loj dua lwm cov neeg Nkas Lis Lais huv si, lawv thiaj raug txom nyem zoo li ntawd?
    3 Lawv tsis tau ua txhaum loj dua li! Tiam sis kuv hais rau nej tias, yog nej tsis tig los hloov dua siab, mas nej yuav tuag ib yam li ntawd thiab.
    4 Los kaum yim leej neeg uas tus pej thuam Xis Los Es vau los tsuam lawv tuag tas, mas nej puas xav tias lawv tau ua txhaum loj dua tas cov neeg nyob Yes Lus Xas Les huv si?
    5 Lawv yeej tsis tau ua txhaum loj dua li! Tab sis kuv hais rau nej tias, yog nej tsis tig los hloov dua siab, mas nej yuav tuag ib yam li ntawd thiab."
    6 Yes Xus tseem hais zaj paj lug no rau lawv tias: "Muaj ib tug neeg cog tau ib tsob txiv ncuav pias rau hauv nws lub vaj txiv ntoo. Nws tuaj de txiv ncuav pias, tab sis tsis pom muaj txiv li.
    7 Ces nws hais rau tus tub txib zov vaj tias: "Koj saib, tau peb xyoos no kuv tuaj de txiv ncuav pias, kuv yeej tsis pom ib lub txiv li. Koj muab tsob ntoo ncuav pias no ntov. Yuav cia nws nyob nkim av ua dab tsi?"
    8 Tus tub txib teb rau nws tias: "Tus Tswv, thov koj cia tsob ntoo nyob xyoo no ntxiv thiab. Kuv yuav khawb av ncig lub hauv paus ntoo thiab npoog chiv rau.
    9 Tej zaum yav tom ntej, tsob ntoo yuav txi txiv; yog tsis txi, koj mam muab ntov."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 23rd October 2022, 8:39 am

    Tim 24 lub 10 Hli 2022

    Hnub Ob Lis Piam Peb Caug Nruab Xyoo ABC Nruab Lis Piam Xyoo II

    Lectionary: 479

    XHLT: LN Anthony Mary Claret, ua Tswv Qhia

    Zaj Nyeem Ib: ES FES XOS 4: 32–5:8


    Cov kwv tij nkauj muad:
    32 Nej sawv daws yuav rov sib ua zoo, sib nyiam sib hlub, nej yuav ib leeg zam rau ib leeg, ib yam li Tswv Ntuj zam rau nej nyob hauv Leej Pleev.
    5: 1 Nej yuav yoog raws li Tswv Ntuj, vim nej yog nws cov me nyuam uas nws hlub.
    2 Nej yuav ua neej nyob hauv txoj kev nyiam, xws li Leej Pleev tau nyiam peb, nws tau muab nws tus kheej rau luag ntes kom tau pab peb, nws muab nws tus kheej fij xws li ib tug tsiaj hlawv txi Ntuj tsw qab ntxiag mus rau Tswv Ntuj.
    3 Hais txog kev tsis tsim txiaj, kev ua phem ua qias txhua yam, los kev qia dub ntshaw ntau yam, mas nej yuav tsis txhob hais ib los txog nyob hauv nej li, thiaj phim ib co neeg ntshiab dawb huv;
    4 tsis muaj hais tej lus dev, tej lus ruam ruam, tej lus plhom moj, los txhua yam tsis zoo mloog ntawd li, tiam sis tsuas muaj tej zaj lus ua Ntuj tsaug xwb.
    5 Nej yuav tsum paub tseeb tias, tus ywj nws lub cev ua dev ua npua, tus ua phem ua qias, tus qia dub ntshaw ntau yam, uas piv tau tias yog nws teev dab teev mlom, mas nws yuav tsis tau txais lub cuab tam nyob hauv Yes Xus Pleev thiab hauv Tswv Ntuj lub Ceeb Tsheej los ua nws tug li.
    6 Nej tsis txhob cia luag tej cov lus dag lus ntxias haub tau nej; yog vim tej ntawd, mas Tswv Ntuj thiaj li npau taws rau cov neeg tsis mloog nws lus.
    7 Nej tsis txhob nrog cov neeg zoo li ntawd sib koom tes.
    8 Vim yav dhau los, nej yog qhov tsaus ntuj, tiam sis zaum no nej yog qhov pom kev nyob hauv Huab Tais lawm, mas nej yuav tsum coj raws li cov me nyuam muaj qhov pom kev.

    NPN 1: 1-2, 3, 4+6

    Txais: (EFX 5:1) Nej yuav yoog raws li Tswv Ntuj,
    vim nej yog nws cov me nyuam uas nws hlub.

    Tus muaj hmoov zoo yog tus uas tsis coj
    raws tus neeg phem zaj tswv yim,
    los taug cov neeg txhaum txoj kev,
    los zaum nrog cov neeg saib tsis taus luag,
    tiam sis nws zoo siab hlo coj HUAB TAIS txoj cai,
    thiab nws xav ntsoov HUAB TAIS txoj cai nruab hnub hmo ntuj.

    Txais: (EFX 5:1) Nej yuav yoog raws li Tswv Ntuj,
    vim nej yog nws cov me nyuam uas nws hlub.

    Nws zoo li ib tsob ntoo cog nyob ze cov dej ntws,
    nws txi txiv raws caij raws nyoog,
    thiab nws tej nplooj tsis txawj qhuav li.
    Nws ua yam twg tau yam ntawd.

    Txais: (EFX 5:1) Nej yuav yoog raws li Tswv Ntuj,
    vim nej yog nws cov me nyuam uas nws hlub.

    Cov neeg phem tsis zoo li ntawd,
    lawv zoo li cov npluag nplej uas cua muab nplawm tawm mus.
    Vim HUAB TAIS saib ntsoov tus neeg ncaj txoj kev,
    hos tus neeg phem txoj kev yaj ntshis mus.

    Txais: (EFX 5:1) Nej yuav yoog raws li Tswv Ntuj,
    vim nej yog nws cov me nyuam uas nws hlub.

    As Les Lus Yas: ZAM 17: 17b, 17a

    Txais: As les lus yas, as les lus yas.

    Huab Tais, koj lo lus yog qhov tseeb;
    thov koj qee peb mus nyob hauv txoj kev tseeb.

    Txais: As les lus yas, as les lus yas.

    Ntawv Moo Zoo: LK 13: 10-17

    10 Muaj ib zaug, Yes Xus qhia nyob hauv ib lub tsev txoos hnub Xas Npas Tos.
    11 Nyob ntawd muaj ib tug poj niam uas raug ib tug dab tau kaum yim xyoo lawm, tus dab ua kom nws lub cev puas, nws nyob khoov nkoos, yeej sawv tsis tau ntseg li.
    12 Yes Xus pom nws, Yes Xus hu nws, hais rau nws tias: "Tus poj niam, zaum no koj dim ntawm koj txoj kev txom nyem lawm."
    13 Ces Yes Xus tsa nws txhais tes rau saum tus poj niam ntawd. Tam sis ntawd, tus poj niam khoov duav sawv taus ntseg, ces nws cav txog Tswv Ntuj.
    14 Tiam sis tus tswj lub tsev txoos tsis txaus siab rau qhov Yes Xus kho neeg hnub Xas Npas Tos, nws thiaj hais rau tsoom sid tias:"Muaj rau hnub uas sawv daws yuav tsum ua hauj lwm; nej tuaj kom luag kho nej tej hnub ntawd, txhob tuaj hnub Xas Npas Tos!"
    15 Huab Tais teb rau tus tswj lub tsev txoos tias: "Neeg zoo sab nraud! Hnub Xas Npas Tos, nej txhua leej txhua tus twb daws nej tus nyuj los tus luj ntawm lub dab zaub cab mus haus dej los tsis yog?
    16 Has Nplas Has tus ntxhais no, Xas Tas twb muab khi tau kaum yim xyoo lawm, nws haj yam yuav tsum muaj cai txais kev dim ntawm nws txoj kev txom nyem hnub Xas Npas Tos los tsis sub?"
    17 Thaum Yes Xus hais li ntawd, cov neeg ntxub Yes Xus tau txaj muag kawg, hos tas tsoom sid zoo siab rau txhua yam hauj lwm zoo uas Yes Xus tau ua.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 24th October 2022, 2:12 am

    Tim 25 lub 10 Hli 2022

    Hnub Peb Lis Piam Peb Caug Nruab Xyoo ABC Nruab Lis Piam Xyoo II

    Lectionary: 480

    Zaj Nyeem Ib: ES FES XOS 5: 21-33

    Cov kwv tij nkauj muad:
    21 Nej yuav rov sib mloog lus, ib leeg mloog ib leeg, vim nej hwm Leej Pleev.
    22 Cov poj niam yuav mloog lawv tus txiv lus, ib yam li yog mloog Huab Tais lus.
    23 Vim tus txiv yog tus poj niam lub taub hau, ib yam li Leej Pleev yog lub taub hau rau lub Koom Txoos, nws muab nws tus kheej los ua tus cawm lub Cev.
    24 Ib yam li lub Koom Txoos mloog Leej Pleev lus, ua li mas cov poj niam kuj yuav mloog lawv tus txiv lus nyob hauv txhua yam.
    25 Nej cov ua txiv, nej yuav hlub nej cov poj niam xws li Leej Pleev hlub lub Koom Txoos, nws muab nws rau luag ntes vim lub Koom Txoos.
    26 Leej Pleev ua kom lub Koom Txoos dawb huv tuaj nyob hauv txoj kev da dej uas muaj hais lus nrog,
    27 kom nws tau muab lub Koom Txoos ci ntsa iab tsis tsuas ib tee dub, tsis muaj ib kab txoom, los tej yam tsis zoo, rov cev rau nws tus kheej, ces lub Koom Txoos thiaj li yuav ntshiab huv tuaj thiab tsis muaj ib qho xyeej li.
    28 Ua li mas, cov ua txiv yuav hlub lawv cov poj niam, ib yam li yog lawv lub cev kiag; tus uas nyiam nws tus poj niam, yog nws rov nyiam nws tus kheej.
    29 Tsis muaj leej twg yuav ntxub nws lub cev li, txhua leej yug nws lub cev thiab tu kom zoo xwb; Leej Pleev ua zoo ib yam li ntawd rau lub Koom Txoos,
    30 uas yog nws lub cev; peb yog tswv cuab nyob hauv lub Cev ntawd.
    31 ‘Vim li ntawd, ‘Tus txiv neej yuav tso nws niam nws txiv tseg, mus koom nrog nws poj niam; ces nkawd ob leeg yuav ua ib lub cev xwb’.
    32 Lo lus no muaj ib lub ntsiab tob, uas kuv muab los hais piv rau Leej Pleev thiab lub Koom Txoos.
    33 Qhov loj, yog kom nej nyias yuav hlub nyias tus poj niam ib yam li nws hlub nws tus kheej, hos tus poj niam los kuj yuav tsum hwm nws tus txiv thiab.

    NPN 128: 1-2, 3, 4-5

    Txais: (1a) Cov uas hwm Huab Tais tau txoj hmoov zoo.

    Nej cov uas hwm HUAB TAIS nej txoj hmoov zoo,
    vim nej taug raws nws txoj kev!
    Nej yuav tau noj lub txiv ntawm nej tes hauj lwm,
    nej yuav tau hmoov zoo thiab yuav tau txais txiaj ntsim.

    Txais: (1a) Cov uas hwm Huab Tais tau txoj hmoov zoo.

    Nej tus poj niam yuav zoo li ib txoj hmab txiv cawv txi txiv ncw hna
    nyob rau hauv koj tej kaum vaj kaum tsev,
    nej cov me nyuam yuav zoo li ib co txiv ntoo roj
    nyob ncig lees nej lub phaj tsum.

    Txais: (1a) Cov uas hwm Huab Tais tau txoj hmoov zoo.

    Nej saib, tus neeg muaj txoj hmoov zoo yog tus ntshai HUAB TAIS.
    HUAB TAIS nyob saum roob Xis Yoos foom koob hmoov rau nej,
    kom nej tau pom Yes Lus Xas Les vam meej niaj hnub hauv nej lub neej.

    Txais: (1a) Cov uas hwm Huab Tais tau txoj hmoov zoo.

    As Les Lus yas: MT 11: 25

    Txais: As les lus yas, as les lus yas.

    Txiv, kuv cav lus zoo txog koj, Huab Tais kav lub ntuj lub teb,
    vim koj qhib tej yam tob txog lub Ceeb Tsheej rau cov neeg me paub.

    Txais: As les lus yas, as les lus yas.

    Ntawv Moo Zoo: LK 13: 18-21

    18 Yes Xus hais tias: "Tswv Ntuj lub Ceeb Tsheej zoo li cas? Kuv yuav muab piv rau dab tsi?
    19 Tswv Ntuj lub Ceeb Tsheej zoo li ib lub noob zaub roj uas ib tug neeg nqa mus cog rau hauv nws lub vaj. Thaum lub noob hlob tuaj lawm, nws loj tsheej ib tsob me nyuam ntoo, ces cov noog saum ntuj ya los nkaum hauv nws cov ceg."
    20 Yes Xus tseem hais ntxiv tias: "Kuv yuav muab Tswv Ntuj lub Ceeb Tsheej piv rau dab tsi?
    21 Tswv Ntuj lub Ceeb Tsheej yog zoo li ib co poov xab uas ib tug poj niam muab do rau peb phiab hmoov nplej mus txog thaum tas cov hmoov su tuaj huv tib si."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 25th October 2022, 2:32 am

    Tim 26 lub 10 Hli 2022

    Hnub plaub Lis Piam Peb Caug Nruab Xyoo ABC Nruab Lis Piam Xyoo II

    Lectionary: 481

    Zaj Nyeem Ib: ES FES XOS 6: 1-9

    1 Cov me nyuam, nej yuav mloog nej niam nej txiv lus nyob hauv Huab Tais, vim ua li ntawd thiaj yog.
    2 ‘Koj yuav hwm koj niam koj txiv’, yog thawj lo lus qhia uas muaj ib qho kev cog lus nrog tias,
    3 ‘txhua yam thiaj yuav mus zoo rau koj, thiab koj yuav ua neej nyob ntev xyoo nyob hauv ntiaj teb’.
    4 Cov ua txiv, nej txhob ua kom nej cov me nyuam npau taws; thaum nej qhuab qhia lawv nej yuav ua raws li txoj kev cob qhia thiab kev kawm uas tuaj Ntawm Huab Tais tuaj.
    5 Cov tub mab tub qhe, nej yuav mloog nej cov tswv uas yog tib neeg lus, yuav ua lub siab ncaj ncees ntshai tshee na mloog lawv, ib yam li yog nej mloog Leej Pleev,
    6 tsis txhob lam mloog lus thaum luag ntsia ntsoov nej, uas yog lam ua kom neeg zoo siab xwb, tiam sis nej yuav mloog lus ib yam li nej yog Leej Pleev cov qhev, uas muab tas nrho lawv lub siab los ua raws li Tswv Ntuj nyiam.
    7 Nej txoj kev ua zoo rau luag ntawd yog nej ua rau Huab Tais tsis yog ua rau tib neeg.
    8 Nej yeej paub lawm tias Huab Tais yuav them rau nyias raws li nyias txoj kev ua zoo, tsis hais tus qhev los tus neeg twj lij li.
    9 Nej cov ua tswv, nej kuj yuav ua zoo rau nej cov qhev thiab, tsis txhob ua nruj ua tsiv dhau rau lawv. Nej nco ntsoov tias, lawv thiab nej muaj ib tug Tswv nyob saum ntuj, tus Tswv ntawd tsis tsa leej twg cai li.

    NPN 145: 10-11, 12-13ab, 13cd-14

    Txais: (13c) Huab Tais tsis fav xeeb, nws ua raws nws tej lus.

    HUAB TAIS, cia koj cov hauj lwm txhua yam ua koj tsaug,
    thiab cia cov uas nyiam koj cav txog koj.
    Cia lawv qhuas txog koj lub Ceeb Tsheej muaj hwj chim
    thiab piav txog koj lub hwj huam loj.

    Txais: (13c) Huab Tais tsis fav xeeb, nws ua raws nws tej lus.

    Cia lawv qhia rau neeg paub txog koj lub hwj huam loj
    thiab koj lub Ceeb Tsheej muaj hwj chim ci ntsa iab.
    Koj lub Ceeb Tsheej yog ib lub Ceeb Tsheej txais tas cov hlob nrog cov yau,
    thiab koj txoj kev tswj kav yuav nyob mus txheej dhau txheej.

    Txais: (13c) Huab Tais tsis fav xeeb, nws ua raws nws tej lus.

    Huab Tais tsis fav xeeb, nws ua raws nws tej lus,
    nws tej dej num dawb huv tas nrho.
    Huab Tais tsa tas cov ntog kom lawv rov sawv taus,
    nws tsa cov khoov nkoos kom sawv taus ntseg.

    Txais: (13c) Huab Tais tsis fav xeeb, nws ua raws nws tej lus.

    As Les Lus yas: 2 TXLN 2: 14

    Txais: As les lus yas, as les lus yas.

    Tswv Ntuj hu peb los ntseeg lub Moo Zoo,
    kom peb tau txais peb tus Huab Tais Yes Xus Pleev lub hwj chim.

    Txais: As les lus yas, as les lus yas.

    Ntawv Moo Zoo: LK 13: 22-30

    22 Yes Xus ke hla hauv cov nroog thiab cov zos, ke qhia sawv daws, thiab ke taug kev mus rau Yes Lus Xas Les.
    23 Muaj ib tug nug Yes Xus tias: "Huab Tais, cov yuav txais kev cawm puas yog cov tsawg xwb?" Yes Xus teb rau lawv tias:
    24 "Nej ua tiag chaws ntawm lub qhov rooj nqaim mus mog. Kuv hais rau nej tias, coob leej yuav sim chaws mus, tab sis lawv yuav tsis muaj zog mus tau.
    25 Thaum tus tswv tsev sawv mus kaw qhov rooj tas rau lawm, ces nej nyob nraum zoov, nej yuav khob qhov rooj thiab yuav hais tias: 'Huab Tais, koj qhib qhov rooj rau peb mas.' Ces nws yuav teb rau nej tias: 'Kuv tsis paub nej nyob qhov twg tuaj.'
    26 Ces nej yuav hais tias: ‘Peb twb tau noj thiab tau haus nyob ntawm koj xub ntiag, hos koj twb tau qhia sawv daws nyob hauv peb cov tshav puam.’
    27 Ces tus tswv tsev yuav hais rau nej tias: 'Kuv tsis paub nej nyob qhov twg tuaj. Nej txav mus deb kuv, tas nej sawv daws cov ua tsis ncaj huv tib si!’
    28 Nyob ntawd, yuav muaj quaj ncia thiab tom hniav nkawv, ces nej yuav pom Has Nplas Has, His Xas Has, Yas Kos, thiab tas ib tsoom yaj saub nyob hauv Tswv Ntuj lub Ceeb Tsheej, hos nej mas nej yuav raug muab pov rau sab nraud.
    29 Luag yuav tuaj toob tab thiab xib fab tuaj, tuaj pej fab thiab naj fab tuaj, sawv daws yuav tuaj zaum ntawm rooj qav nyob hauv Tswv Ntuj lub Ceeb Tsheej.
    30 Ces muaj ib co neeg lawv luag qab, yuav tau ua ntej, hos ib co ua ntej yuav tau lawv qab."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 26th October 2022, 2:09 am

    Tim 27 lub 10 Hli 2022

    Hnub Tsib Lis Piam Peb Caug Nruab Xyoo ABC Nruab Lis Piam Xyoo II

    Lectionary: 482

    Zaj Nyeem Ib: ES FES XOS 6: 10-20

    Cov kwv tij nkauj muad:
    10 Nej yuav muab nej lub zog ntawm Huab Tais thiab ntawm nws lub hwj huam loj los.
    11 Nej yuav hnav Tswv Ntuj cev ris tsho hlau nej thiaj yuav tiv yeej dab phem tej kev ntse haub ntxias neeg.
    12 Vim tias peb tsis yog tsa rog tawm tsam ib co neeg muaj nqaij muaj ntshav, hos peb tsa rog tawm tsam cov dab ua vaj, cov dab muaj hwj huam, cov dab kav lub sim ceeb uas muaj kev tsaus ntuj nyem no, cov tswv yim phem uas nyob saum cov txheej ntuj saud.
    13 Vim li ntawd, nej yuav tsum hnav Tswv Ntuj cev ris tsho hlau, kom txog hnub phem nej thiaj yuav tiv yeej; thaum nej ua tas txhua yam lawm, nej thiaj tseem nyob ruaj nreb li qub.
    14 Nej yuav sawv ntsug nyob khov kho, nej muab qhov tseeb los ua siv sia ntawm duav, muab txoj kev ncaj ua daim leem phiaj thaiv hauv siab,
    15 thiab muab txoj kev maj nroos mus tshaj lub Moo Zoo txog txoj kev thaj yeeb los ua khau rau Ntawm ko taw.
    16 Nyob hauv txhua sij hawm, nej yuav tuav rawv txoj kev ntseeg ntawm tes xws li ib daig leem phiaj, ces nej yuav tua yeej tus Phem cov xub tswm faj tas tib si.
    17 Nej yuav tsum muab txoj kev cawm los ua kaus mom hlau ntoo thiab tuav rawv Leej Tswv Yim ua rab ntaj, uas yog Tswv Ntuj lo lus.
    18 Txhua zaus thaum nej teev Ntuj thiab thov Ntuj, nej yuav teev ntuj txhua sij hawm nyob hauv Leej Tswv Yim. Xav kom ua tau li ntawd, mas nej yuav ceev faj nraim nyob hauv txoj kev mob siab tsis qaug zog thiab txoj kev thov Ntuj rau tas ib tsoom ntshiab.
    19 Thiab nej yuav thov Ntuj rau kuv thiab, kom thaum kuv qhib ncauj hais lus kuv txawj hais thiab muaj cuab kav tsis ntshai tshaj cov txuj zais tob tob txog lub Moo Zoo,
    20 vim kuv yog tus tiam lis ntawm lub Moo Zoo, tus uas raug cov saw hlau khi rawv, kom kuv ua lub siab loj hais tej lus uas kuv yuav tsum hais.

    NPN 144: 1b, 2, 9-10

    Txais: (1) Thov kom Huab Tais nto koob meej, nws yog kuv lub tsua!

    Thov kom HUAB TAIS nto koob meej, nws yog kuv lub tsua,
    nws qhia kuv ob txhais tes kom txawj ntaus tsam,
    kuv ntiv tes kom txawj ntaus rog.

    Txais: (1) Thov kom Huab Tais nto koob meej, nws yog kuv lub tsua!

    Nws yog kuv qhov chaw nkaum, yog kuv lub yeej ntsa zeb,
    Yog kuv lub loog ruaj nreb, yog tus cawm kuv dim,
    Yog kuv daim leem phiaj, tus kuv tso siab rau;
    nws rub kuv cov neeg kom los zwm rau kuv.

    Txais: (1) Thov kom Huab Tais nto koob meej, nws yog kuv lub tsua!

    Tswv Ntuj, kuv yuav hu ib zag nkauj tshiab rau koj,
    Kuv yuav ntaus lub thaj cheej kaum txoj hlua cav txog koj.
    Koj yog tus pub kev yeej rau cov ua vaj,
    Yog tus cawm Das Vis, koj tus tub txib ntawm rab ntaj phem.

    Txais: (1) Thov kom Huab Tais nto koob meej, nws yog kuv lub tsua!

    As Les Lus Yas: LK 19: 38; 2: 14

    Txais: As les lus yas, as les lus yas.

    Kom tus Vaj uas tuaj ntawm Huab Tais lub npe tuaj nto koob meej.
    Nyob saum cov txheej ntuj siab, kom Tswv Ntuj nto meej nto moo,
    nyob ntiaj teb, kom tsoom neeg Tswv Ntuj nyiam nyob thaj yeeb lug.

    Txais: As les lus yas, as les lus yas.

    Ntawv Moo Zoo: LK 13: 31-35

    31 Muaj ib co Fas Lis Xais txav los hais rau Yes Xus tias: "Koj khiav ntawm no mus, vim Hes Los xav muab koj tua."
    32 Yes Xus hais rau lawv tias: "Nej mus hais rau tus hma ntawd tias: ‘Hnub no thiab tag kis, kuv ntiab dab phem thiab kho cov neeg mob, hos hnub peb, kuv yuav ua txoj hauj lwm kuv tuaj ua kom tiav.
    33 Tab sis hnub no, tag kis thiab nag kis, kuv yuav tsum taug kuv txoj kev mus ntxiv, vim tias ib tug yaj saub yuav tuag nyob Yes Lus Xas Les sab nraud tsis tau.
    34 Yes Lus Xas Les, Yes Lus Xas Les, koj yog tus muab cov yaj saub tua, koj xuas pob zeb txawb cov uas raug xa tuaj cuag koj. Muaj pes tsawg zaus kuv xav sau koj cov me nyuam los ua ke xws li ib tug poj qaib sau nws cov me nyuam rau hauv nws ob phab tis, tab sis koj tsis yeem!
    35 Ntsias saib, koj lub tsev yuav nphob xuav cia tsis muaj neeg nyob. Kuv hais rau koj tias, koj yuav tsis pom kuv ntxiv mus txog hnub uas koj hais tias: ‘Kom tus tuaj ntawm Huab Tais lub npe tuaj nto koob meej.’"
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 27th October 2022, 1:12 am

    Tim 28 lub 10 Hli 2022

    Hnub Rau Lis Piam Peb Caug Nruab Xyoo C Nruab Lis Piam Xyoo II

    Hwm LN Xis Moos thiab Yus Das(Jude), ob tug Hauv Paus Xa Lus

    Lectionary: 666

    Zaj Nyeem Ib: EFX 2: 19-22

    Cov kwv tij nkauj muad:
    19 Nej tsis yog ib co pej kum neeg thiab ib co qhua ntxiv, nej nrog cov ntshiab koom ua ib haiv neeg xwb, thiab nej yog Tswv Ntuj tsev neeg lawm,
    20 uas txhim rau saum cov Hauv Paus Xa Lus thiab cov Yaj Saub ua cov taw ntsa, Yes Xus Pleev yog lub pob zeb txheem tas lub tsev.
    21 Nyob hauv Leej Pleev, lub tsev sib tuav ruaj thiab hlob ua ib lub Tuam Tsev teev Ntuj Ntshiab rau Huab Tais.
    22 Nyob hauv Leej Pleev, nej kuj raug muab txhim ua Tswv Ntuj qhov chaw nyob, nyob hauv Leej Ntuj Plig thiab.

    NPN 19: 2-3, 4-5

    Txais: (5) Lawv lo lus xa moo nrov mus thoob ntiaj teb.

    Cov txheej ntuj saud piav txog Tswv Ntuj lub hwj chim,
    lub qab ntuj khwb tshaj cov hauj lwm nws txhais tes tau ua.
    Nruab hnub hais lo lus rau nruab hnub hnov,
    Hmo ntuj qhia rau hmo ntuj paub txog.

    Txais: (5) Lawv lo lus xa moo nrov mus thoob ntiaj teb.

    Tsis muaj ib lo lus los ib zaj lus piav
    Uas leej tib neeg yuav tsis hnov txog.
    Lawv lub suab yeej ncha puv tas ntiaj teb,
    lawv lo lus xa moo yeej nrov txog tim npoo ntiaj teb kawg.

    Txais: (5) Lawv lo lus xa moo nrov mus thoob ntiaj teb.

    As Les Lus Yas: Te Deum

    Txais: As les lus yas, as les lus yas.

    Tswv Ntuj, peb cav txog koj, peb tsa suab qw tias koj yog Huab Tais;
    tsoom Hauv Paus Xa Lus uas muaj koob meej cav txog koj.

    Txais: As les lus yas, as les lus yas.

    Ntawv Moo Zoo: LK 6: 12-16

    12 Yes Xus nce mus pem roob mus teev Ntuj, nws teev Tswv Ntuj ib hmos nkaus.
    13 Thaum kaj ntug, nws hu nws cov thwj tim los ntawm nws, nws xaiv kaum ob leeg nyob hauv lawv, nws hu cov ntawd ua Hauv Paus Xa Lus.
    14 Muaj Xis Moos, uas nws tis npe rau hu ua Pob Zeb, As Nres, Pob Zeb tus kwv, Yas Kos, Zam, Fis Lis Pos, Npas Tos Los Mas Yos,
    15 Mas Tais, Tos Mas, Yas Kos uas yog As Fas Yos tub, Xis Moos Siab Kub,
    16 Yus Das, Yas Kos tub, thiab Yus Das Kas Lis Yaus, uas yog tus ntxeev siab.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 28th October 2022, 2:20 am

    Tim 29 lub 10 Hli 2022

    Hnub Xya Lis Piam Peb Caug Nruab Xyoo ABC Nruab Lis Piam Xyoo II

    Lectionary: 484

    Zaj Nyeem Ib: FIS LIS POS 1: 18b-26

    Cov kwv tij nkauj muad:
    18 Qhov tseem ceeb yog dab tsi? Yog qhov kom muaj kev tshaj txog Leej Pleev xwb, txawm yuav yog lam ua txoj tshaj xwb los puas muaj lub siab ncaj tiag tiag tshaj los xij, ces kuv zoo siab lawm. Kuv tseem yuav zoo siab mus ntxiv,
    19 rau qhov kuv paub tias, qhov ntawd yuav pab cawm kuv, vim nej thov Ntuj pab kuv, thiab Yes Xus Pleev Leej Tswv Yim pab kuv,
    20 Kuv yeej tos ntsoov thiab vam ntsoov tias, yuav tsis muaj dab tsi ua kom kuv tau txaj muag; kuv tsuas muaj kev tso siab lug, txhua lub sij hawm thiab nyem no tias, Leej Pleev yuav nto koob meej nyob hauv kuv lub cev, txawm kuv yuav ciaj txawm kuv yuav tuag los tau.
    21 Vim rau kuv mas txoj sia yog Leej Pleev, hos kev tuag yog ib qho tsam peev rau kuv.
    22 Yog tias kuv ua neej nyob ntxiv, mas kuv tseem yuav tau ua tej yam hauj lwm uas yuav tawg paj txi txiv ntxiv, ces kuv tsis paub txiav txim siab xaiv txoj twg li.
    23 Kuv thiaj ua xyem xyav nyob nruab nrab. Qhov kuv ntshaw yog tso lub neej tseg mus nrog Leej Pleev nyob; qhov ntawd yog qhov kuv nyiam tshaj.
    24 Tiam sis, yog kuv ua neej nyob ntxiv, mas yog qhov zoo dua rau nej.
    25 Li ntawd, kuv tsis ua xyem xyav lawm, kuv paub meej tias kuv yuav tsum ua neej nyob ntxiv, yuav tsob hwb nej sawv daws, pab kom nej hlob nce ib kauj ruam ntxiv thiab muaj kev zoo siab nyob hauv txoj kev ntseeg,
    26 kom thaum kuv rov tuaj txog nej dua, mas nej tau kev khav ntau nyob hauv Yes Xus Pleev vim kuv.

    NPN 42: 2, 3, 5cdef

    Txais: (3) Kuv tus plig nqhis qhuav siab qhawv txog tus Tswv Ntuj muaj txoj sia.

    Xws li tus kauv nqhis cov dej ntws lug,
    kuv tus plig nqhis txog koj, Tswv Ntuj.

    Txais: Kuv tus plig nqhis qhuav siab qhawv txog tus Tswv Ntuj muaj txoj sia.

    Kuv tus plig nqhis txog Tswv Ntuj, tus Tswv Ntuj muaj txoj sia.
    Thaum twg kuv li tau mus pom Tswv Ntuj lub ntsej muag?

    Txais: Kuv tus plig nqhis qhuav siab qhawv txog tus Tswv Ntuj muaj txoj sia.

    kuv mus koom pab neeg coob coob,
    kuv coj lawv taug kev mus pem Tswv Ntuj lub tsev,
    sawv daws qw suab zoo siab thiab cav lus zoo ua nws tsaug,
    yog ib pab neeg suav tsis txheeb mus nqaum paj nqaum nruas

    Txais: Kuv tus plig nqhis qhuav siab qhawv txog tus Tswv Ntuj muaj txoj sia.

    As Les Lus yas: MT 11: 29ab

    Txais: As les lus yas, as les lus yas.

    Nej txais kuv tus quab mus kwv, nej kawm ntawm kuv,
    vim kuv muaj lub siab ua neeg me tsis muab hlob.

    Txais: As les lus yas, as les lus yas.

    Ntawv Moo Zoo: LK 14: 1, 7-11

    1 Muaj ib hnub Xas Npas Tos, Yes Xus mus noj mov nyob hauv ib tug thawj coj Fas Lis Xais tsev. Cov neeg nyob ntawd soj ntshis Yes Xus.
    7 Yes Xus hais ib zag paj lug rau cov neeg tuaj noj mov mloog, vim nws pom lawv xaiv cov rooj tseem ceeb los zaum. Nws hais rau lawv tias:
    8 "Thaum luag caw koj mus noj tshoob, koj tsis txhob mus zaum thawj cov rooj, tsam luag caw ib tug muaj meej mom dua koj tuaj thiab.
    9 Ces tsam tus tswv tsev uas tau caw neb tuaj lam los hais rau koj tias: 'Koj cia qhov chaw kod rau tus no.' Ces koj yuav sawv tus txaj txaj muag mus zaum lub rooj puag nram qab kawg.
    10 Thaum luag caw koj, mas koj yuav mus zaum lub rooj puag nram qab, kom thaum tus caw koj los txog, nws hais rau koj tias: 'Npawg, koj nce los pem qhov chaw zoo dua no.' Ces koj yuav tau ntsej muag nyob ntawm cov neeg tuaj nrog koj koom rooj qav xub ntiag.
    11 Vim tias tus uas nws tsa nws siab, mas nws yuav raug muab txo qis, hos tus uas nws txo nws qis, mas nws yuav raug muab tsa siab.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 30th October 2022, 12:57 pm

    Tim 31 lub 10 Hli 2022

    Hnub Ob Lis Piam Peb Caug Ib Nruab Xyoo ABC Nruab Lis Piam Xyoo II

    Lectionary: 485

    Zaj Nyeem Ib: FIS LIS POS 2: 1-4

    Cov kwv tij nkauj muad,
    1 Yog tias yeej muaj kev txhawb zog nyob hauv Leej Pleev, yeej muaj kev nplij siab nyob hauv txoj kev nyiam, yeej muaj kev sib koom nyob hauv Leej Tswv Yim, yeej muaj kev hlub thiab kev khuv leej tiag,
    2 mas nej kav tsij ua kom kuv txoj kev zoo siab cia li puv npo tuaj, nyob hauv nej txoj kev koom ib lub tswv yim, kev muaj ib txoj kev sib nyiam sib hlub, kev koom ib lub siab, kev xav ib yam nkaus xwb.
    3 Nej ua yam twg tsis txhob ua raws yus lub siab xav kom yeej, los xav kom tau koob meej, tiam sis, nej nyias yuav txo nyias hwj chim, nyias yuav saib luag tej loj dua nyias.
    4 Nej nyias txhob nrhiav yam zoo rau nyias, tiam sis nyias yuav nrhiav yam zoo rau luag.

    NPN 131: 1bcde, 2, 3

    Txais: Nyob hauv koj, Huab Tais, kuv nrhiav tau txoj kev kaj lug.

    HUAB TAIS, kuv lub siab tsis khav theeb,
    kuv tsis tsa hau siab laj muam ntsia luag.
    Kuv tsis nrhiav ua tej yam loj nto koob meej,
    los tej yam tob uas kuv lub tswv yim tsis duav.

    Txais: Nyob hauv koj, Huab Tais, kuv nrhiav tau txoj kev kaj lug.

    Kuv cia kuv tus plig nyob twj ywm ntsiag to
    zoo li tus me nyuam cais mis lawm.
    Tus me nyuam cais mis lawm, nws nyob twj ywm hauv nws niam xub ntiag,
    kuv tus plig kuj zoo li ntawd, nws nyob ntsiag to nyob hauv kuv.

    Txais: Nyob hauv koj, Huab Tais, kuv nrhiav tau txoj kev kaj lug.

    His Xas Lais, koj tso siab rau HUAB TAIS mog,
    txij nyem no mus tas ib txhiab ib txhis.

    Txais: Nyob hauv koj, Huab Tais, kuv nrhiav tau txoj kev kaj lug.

    As Les Lus Yas: ZAM 8: 31b-32

    Txais: As les lus yas, as les lus yas.

    Huab Tais hais tias: “Yog nej nyob nraim hauv kuv lo lus,
    mas nej yog kuv cov thwj tim tiag, thiab nej yuav paub qhov tseeb."

    Txais: As les lus yas, as les lus yas.

    Ntawv Moo Zoo: LK 14: 12-14

    12 Yes Xus hais rau tus Fas Lis Xais uas caw nws tuaj noj mov tias: "Thaum koj npaj ib roog su los ib roog hmo, koj txhob caw koj cov phooj ywg, los koj cov kwv tij, los koj niam koj txiv, los cov neeg nplua nuj uas nyob ze koj, tsam lawv ho caw koj thiab ua pauj rov rau koj.
    13 Thaum koj ua ib roog qav, mas koj caw cov pluag, cov tu tes tu taw, cov ceg tawv, cov dig muag tuaj.
    14 Koj txoj hmoov yuav zoo, vim lawv tsis muaj dab tsi pauj rov rau koj. Luag yuav yuav rov pauj rau koj yog thaum cov neeg siab ncaj sawv rov los."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 31st October 2022, 6:57 am

    Tim 1 lub 11 Hlis 2022

    Hnub Peb Lis Piam Peb Caug Ib Xyoo C Nruab Lis Piam Xyoo II

    Tsuj Xeeb Hwm tas ib tsoom Leej Ntshiab

    Lectionary: 667

    Yog ib hnub uas tsoom ntseeg yuav tsum mus teev ntuj ib yam li Hnub Chiv (Holiday of Obligation/ Fête d’Obligation).

    Zaj Nyeem Ib: QYTN 7: 2-4, 9-14

    2 Kuv, Zam, rov pom dua ib tug Tshiab tawm sab Toob Fab tuaj; nws tuav rawv tus Tswv Ntuj muaj txoj sia lub thwj. Nws hu ib suab nrov nrov rau plaub tug Tshiab uas tau txais txoj hauj lwm tso xwv txheej rau lub ntiaj teb thiab cov hiav txwv tias:
    3 “Nej txhob rawm tso xwv txheej mus rau lub ntiaj teb, los lub hiav txwv, los tej ntoo. Tos peb ntaus cim rau saum peb tus Tswv Ntuj cov tub txib hauv pliaj tso.”
    4 Ces kuv hnov tias cov raug ntaus cim rau npaum no leej: ib puas plaub caug plaub txhiab leej raug ntaus cim rau nyob hauv tas txhua txhua lub xeem His Xas Lais.
    9 Dhau qhov ntawd lawm, kuv pom ib pab neeg coob coob tsis muaj neeg suav txheeb li; muaj tas txhua lub kuj cuab, txhua xeem neeg, txhua haiv neeg, thiab txhua xeem lus tib si nyob hauv. Lawv sawv ntsug ntawm hauv ntej lub theej kiab, thiab ntawm Leej Yaj xub ntiag. Lawv hnav tsho tiab dawb ntev, thiab tuav tej rev nplooj zoo li txoob ntawm tes.
    10 Lawv qw ib lub suab nrov nrov muaj ceem tias: “Kev cawm seej yog peb tus Tswv Ntuj uas zaum saum lub theej kiab tug, thiab yog Leej Yaj tug!”
    11 Ces tas tsoom Tshiab sawv ncig lub theej kiab, cov neeg laus thiab plaub tug tsiaj, thiab lawv txhos caug ntua ntawm hauv ntej lub theej kiab khoov ntsej muag ti av pe hawm Tswv Ntuj,
    12 lawv hais tias: “Ua li. Lo lus qhuas txog thiab lub hwj chim, kev thoob tsib thiab kev nco txiaj ntsim, lub meej mom, lub hwj huam thiab lub zog yog peb tus Tswv Ntuj tug tas mus li ib txhis. Ua li.”
    13 Ib tug neeg laus txawm hais rau kuv tias: “Cov neeg uas hnav tsho tiab dawb ntev ntawd yog leej twg, thiab lawv tuaj qhov twg tuaj?”
    14 Kuv teb nws tias: “Kuv tus Huab Tais, koj yog tus paub.” Nws hais rau kuv tias: “Lawv yog cov uas tau hla dhau txoj kev sim siab loj. Lawv tau ntxhua lawv cov tsho tiab ntev thiab ua kom cov tsho tiab ntawd dawb nyob hauv Leej Yaj cov ntshav.”

    NPN 24: 1bc-2, 3-4ab, 5-6

    Txais: (6) Huab Tais, lawv yog haiv neeg uas ntshaw pom koj lub ntsej muag.

    Lub ntiaj teb thiab puas tsav yam nyob hauv yog HUAB TAIS li,
    lub sim ceeb thiab cov nyob hauv yog nws tug.
    Vim nws yog tus tsim lub ntiaj teb los txawb rau saum cov hiav txwv
    thiab muab tsa rau saum cov dej ntws.

    Txais: (6) Huab Tais, lawv yog haiv neeg uas ntshaw pom koj lub ntsej muag.

    Leej twg thiaj yuav nce tau mus saum HUAB TAIS lub roob?
    Leej twg thiaj yuav mus sawv taus nyob hauv nws thaj chaw ntshiab?
    Yog tus uas txhais tes tsis muaj txhaum, thiab lub siab dawb huv,
    tus uas tsis ntshaw tej yam tsis muaj nqes.

    Txais: (6) Huab Tais, lawv yog haiv neeg uas ntshaw pom koj lub ntsej muag.

    Nws yuav txais koob hmoov ntawm HUAB TAIS los. ,
    yog paj tshab tuaj ntawm Tswv Ntuj tus cawm nws tuaj.
    Lawv yuav zoo li ntawd, tsav neeg uas nrhiav Tswv Ntuj,
    cov uas nrhiav Yas Kos tus Tswv Ntuj lub ntsej muag.

    Txais: (6) Huab Tais, lawv yog haiv neeg uas ntshaw pom koj lub ntsej muag.

    Zaj Nyeem Ob: 1 ZAM 3: 1-3

    Cov zoo nyiad,
    1 Nej yuav pom tias, Leej Txiv txoj kev hlub peb loj npaum cas, peb thiaj tau lub npe hu ua Tswv Ntuj cov me nyuam; thiab peb yeej yog nws cov me nyuam tiag. Tos lub ntiaj teb tsis paub peb los vim nws twb tsis paub Tswv Ntuj.
    2 Cov zoo nyiad, zaum no peb yog Tswv Ntuj cov me nyuam lawm. Qhov uas peb yuav zoo li cas, mas tseem tsis tau tawm los rau qhov muag pom. Peb paub tau tias, thaum qhov ntawd tawm los rau qhov muag pom, mas peb yuav zoo li Leej Pleev, vim tias Nws zoo li cas mas peb yuav pom Nws zoo li ntawd.
    3 Txhua tus neeg uas tso siab zoo li no rau Leej Pleev, mas nws yuav ua kom nws dawb huv tuaj zoo li Leej Pleev uas yog tus dawb huv.

    As Les Lus Yas: MT 11: 28

    Txais: As les lus yas, as les lus yas.

    Huab Tais hais tias: “Nej tuaj cuag kuv mas, tas nej sawv daws
    uas nej khwv thiab ris nra hnyav, ces kuv yuav cia nej so los siav.

    Txais: As les lus yas, as les lus yas.

    Ntawv Moo Zoo: MT 5: 1-12a

    1 Yes Xus pom muaj neeg coob coob, ces nws nce mus saum lub roob; nws zaum, ces nws cov thwj tim txav los ze nws.
    2 Yes Xus tsa ncauj pib qhia lawv hais tias :
    3 "Cov tau txoj hmoov zoo, yog cov pluag hauv nruab siab, vim lub Ceeb Tsheej saum ntuj yog lawv li.
    4 Cov tau txoj hmoov zoo, yog cov quaj ntsuag, vim yuav muaj tus nplij lawv.
    5 Cov tau txoj hmoov zoo, yog cov muaj lub siab mos siab muag, vim lawv yuav txais lub ntiaj teb los ua lawv tug.
    6 Cov tau txoj hmoov zoo, yog cov tshaib thiab nqhis txog txoj kev ncaj, vim Ntuj yuav daws lawv qhov nqhis.
    7 Cov tau txoj hmoov zoo, yog cov khuv leej luag, vim Ntuj yuav khuv leej lawv.
    8 Cov tau txoj hmoov zoo, yog cov siab dawb siab huv, vim lawv yuav pom Tswv Ntuj.
    9 Cov tau txoj hmoov zoo, yog cov tsim kev thaj yeeb, vim lawv yuav hu ua Tswv Ntuj cov tub.
    10 Cov tau txoj hmoov zoo, yog cov raug luag hiam vim txoj kev ncaj, lub Ceeb Tsheej saum ntuj yog lawv tug.
    11 Nej tau txoj hmoov zoo thaum luag cem nej, hiam nej, thiab liam ntau yam phem tsis muaj tseeb rau nej vim kuv.
    12a Nej yuav zoo siab thiab hom khaj, vim nej yuav tau txais koob haum loj nyob saum ntuj.”


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 1st November 2022, 10:23 am

    Tim 2 lub 11 Hlis 2022

    Hnub Plaub Lis Piam Peb Caug Ib Nruab Xyoo ABC Nruab Lis Piam Xyoo I & II


    Nco Txog Ib Tsoom Neeg Ntseeg Ncaim Mus Lawm (All Souls/Fête des Morts)
    Lectionary: 668

    Zaj Nyeem Ib: THOOB TSIB 3: 1-9

    1 Cov neeg ncaj tus ntsuj plig nyob hauv Tswv Ntuj txhais tes, tsis muaj kev txom nyem dab tsi yuav raug tau lawv li.
    2 Rau cov neeg tsis txawj xav mas lawv zoo li yog tuag lawm; luag saib lawv txoj kev tuag yog ib qho kev tu siab loj,
    3 thiab saib lawv txoj kev ncaim peb mus yog ib txog kev puas ntsoog loj kawg nkaus. Tab sis lawv twb nyob hauv kev thaj yeeb lawm.
    4 Ntawm neeg qhov muag mas yog lawv tau txais kev raug txim lawm; tab sis ntawm lawv mas lawv tso siab lug rau txoj kev muaj txoj sia nyob mus li.
    5 Lawv raug ib lub txim sib sib xwb, ces lawv yuav txais txiaj ntsim koob hmoov loj, vim Tswv Ntuj tau sim lawv, ces nws pom tias lawv tsim nyog ua nws tug.
    6 Tswv Ntuj tau sim cov neeg siab ncaj zoo li sim kub nyob hauv lub yeej vub, ces nws zoo siab txais lawv zoo li txais ib co txim hlawv txi ntuj.
    7 Thaum txog lub caij Tswv Ntuj tuaj xyuas lawv, mas lawv yuav ci ntsa iab, thiab lawv yuav khiav nrawm cuag li cov txim taws uas ri mus kis tej quav nyab qhuav.
    8 Lawv yuav txiav txim rau cov kuj cuab, thiab lawv yuav tswj cov haiv neeg, hos Huab Tais yuav ua vaj kav lawv mus li ib txhis.
    9 Cov neeg tso siab rau Huab Tais yuav to taub txog txoj kev tseeb, cov neeg npuab Huab Tais yuav nrog nws nyob nraim hauv xoj kev nyiam, vim lub txiaj ntsim thiab txoj kev khuv leej nyob rawv saum nws cov ntshiab, thiab nws txoj kev hlub nyob nrog rawv cov nws xaiv.

    NPN 23: 1-3a, 3b-4, 5, 6

    Txais: (1) Huab Tais yog tus tswv zov yaj saib kuv, kuv yuav tsis tshaib dab tsi li.
    Los: (4) Txawm kuv taug kev hauv ib lub hav tsaus nti,
    los kuv tsis ntshai dab tsi phem, vim koj nrog nraim kuv.

    HUAB TAIS yog tus tswv zov yaj saib kuv, kuv yuav tsis tshaib dab tsi li.
    Nws cia kuv so nyob hauv tej tshav zaub mos ntsuab xiab;
    Nws coj kuv mus nyob ze cov dej tus yees;
    nws ua kom kuv tus ntsuj plig rov muaj zog tuaj.

    Txais…

    Nws coj kuv mus taug tej kev ncaj, vim nws lub npe.
    Txawm kuv taug kev hauv ib lub hav tsaus nti,
    kuv tsis ntshai dab tsi phem, vim koj nyob rawv ntawm kuv ib sab,
    koj rab nplawm thiab rab pas nrig ua kuv luag.

    Txais…

    Koj rau ib rooj qav rau ntawm kuv xub ntiag
    rau kuv cov yeeb ncuab ntsia ntsoov;
    koj muab roj pleev kuv taub hau;
    kuv lub ntim puv phwj yaws.

    Txais…

    Txiaj ntsim thiab kev ua zoo raws kuv nraim
    niaj hnub hauv kuv lub neej;
    Kuv lub chaw nyob yog nyob hauv HUAB TAIS tsev
    mus ntev niaj ntau xyoo lawm yav tom ntej.

    Txais…

    Zaj Nyeem Ob: LOS MAS 6: 3-9

    Cov kwv tij nkauj muad:
    3 Puas yog nej tsis paub txog tias tas peb cov tau txais lub Cim Ntxuav nyob hauv Yes Xus Pleev, mas yog peb sawv daws tau txais lub Cim Ntxuav nyob hauv nws txoj kev tuag thiab?
    4 Li ntawd, nyob hauv lub Cim Ntxuav peb nrog nws zwm ntxa nyob hauv txoj kev tuag, kom ib yam li Leej Pleev tau sawv hauv cov tub tuag rov los vim Leej Txiv lub hwj huam tau tsa nws sawv, peb kuj yuav tau ib lub neej muaj txoj sia tshiab thiab.
    5 Vim tias yog peb nrog Leej Pleev koom ua ib tug nyob hauv txoj kev tuag zoo li nws txoj, mas peb kuj yuav nrog nws koom ua ib tug nyob hauv txoj kev sawv rov los zoo li nws txoj thiab.
    6 Peb yuav tsum to taub tias peb tus qub neeg raug muab ntsia nrog Yes Xus dai saum ntoo cuam lawm, kom peb lub cev uas xib rau kev txhaum tsis txhob ciaj sia ntxiv, ces peb thiaj tsis ua kev txhaum cov qhev ntxiv.
    7 Vim tias tus neeg tuag tau txais kev zam nws cov txhaum tas lawm;
    8 ua li mas yog peb tau nrog Leej Pleev tuag, mas peb ntseeg tias peb kuj yuav tau nrog nws muaj txoj sia nyob thiab.
    9 Peb paub tias Leej Pleev tau sawv hauv cov tuag rov los lawm, nws yuav tsis tuag ib zaug ntxiv; txoj kev tuag tsis muaj hwj huam tswj nws ntxiv lawm.

    As Les Lus Yas: MT 25: 34

    Txais: As les lus yas, as les lus yas.

    Nej los mog, nej cov uas kuv Txiv pub txoj hmoov zoo rau nej,
    los txais lub Ceeb Tsheej uas yeej npaj tseg rau nej
    txij puag thaum pib tsim lub sim ceeb los lawm ua nej tug.

    Txais: As les lus yas, as les lus yas.

    Ntawv Moo Zoo: ZAM 6: 37-40

    Yes Xus hais rau tej pab neeg coob coob tias:
    37 “Txhua yam uas kuv Txiv muab rau kuv yuav los cuag kuv; tus tuaj cuag kuv mas kuv yuav tsis ntiab nws rau nraum zoov.
    38 Vim kuv nqes saum ntuj los, tsis yog los ua ywj kuv siab, yog los ua raws li tus Xa kuv tuaj lub siab xav.
    39 Tus Xa kuv tuaj lub siab xav yog zoo li no: Kom kuv tsis txhob ua ib qho uas nws muab rau kuv ploj li, thiab hnub kawg, kom kuv tsa qhov ntawd sawv rov los.
    40 Qhov uas kuv Txiv lub siab xav yog zoo li no: kom leej twg pom Leej Tub thiab ntseeg txog Leej Tub, mas nws yuav muaj txoj sia nyob mus li, thiab kuv yuav tsa nws sawv rov los thaum txog hnub kawg.”

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 2nd November 2022, 10:39 am

    Tim 3 lub 11 Hlis 2022

    Hnub Tsib Lis Piam Peb Caug Ib Nruab Xyoo ABC Nruab Lis Piam Xyoo II

    Lectionary: 488

    XHLT: LN Martin de Porres, ua Leej Tij

    Zaj Nyeem Ib: FIS LIS POS 3: 3-8a


    Cov kwvv tij nkauj muad:
    3 Peb yog lub cim txiav, vim peb txoj kev teev hawm yog nyob hauv Tswv Ntuj Leej Tswv Yim, peb txoj kev khav yog nyob hauv Yes Xus Pleev, thiab peb txoj kev tso siab tsis yog nyob hauv lub cev nqaij.
    4 Tsis kav kuv tus kheej kiag yeej muaj ntau yam ua kom kuv tso siab rau lub cev nqaij. Yog muaj tej tus xav tias, lawv tso siab tau rau lub cev nqaij, mas kuv haj yam yog tus yuav tso siab tau.
    5 Kuv yug los tau yim tag kis, kuv twb txais lub cim txiav lawm; kuv yug hauv haiv neeg His Xas Lais, hauv lub xeem Npes Yas Mis; kuv yog ib tug neeg Hes Nplaws, yug ntawm niam txiv neeg Hes Nplaws los; hais txog ntawm Txoj Cai, kuv yog ib tug Fas Lis Xais.
    6 kuv tau kub siab heev hiam lub Koom Txoos; hais txog txoj kev ncaj raws li Txoj Cai kom ua, mas kuv yog ib tug coj tau zoo tshaj plaws.
    7 Tiam sis tej paj tshab uas kuv tau txais ntawm tej kuv tau ua ntawd, mas nyem no, vim Leej Pleev, kuv saib yog tej yam ua rau kuv poob peev xwb.
    8 Tseem tshaj ntawd thiab, kuv saib txhua yam tsis muaj nqis dab tsi li, yog muab piv rau yam uas muaj nqe loj tshaj plaws, uas yog txoj kev paub Yes Xus Pleev, kuv tus Huab Tais.

    NPN 105: 2-3, 4-5, 6-7

    Txais: (3b) Cov uas muaj lub siab nrhiav Huab Tais, lawv yuav muaj kev zoo siab.

    Nej hu nkauj rau nws, nej hu nkauj cav txog nws,
    nej tshaj txog tej yam loj nws tau ua.
    Nej txais hwj chim nyob hauv nws lub npe ntshiab,
    nej cia li zoo siab, nej cov uas muaj lub siab nrhiav HUAB TAIS!

    Txais: (3b) Cov uas muaj lub siab nrhiav Huab Tais, lawv yuav muaj kev zoo siab.

    Nej nrhiav Huab Tais nyob hauv nws lub zog,
    nej nrhiav kom tau tsob hwb nws txhua sij hawm.
    Nej nco ntsoov txog cov hauj lwm txaus qhuas nws tau ua,
    nws hwj huam, thiab cov lus txiav txim nws lub ncauj tau hais.

    Txais: (3b) Cov uas muaj lub siab nrhiav Huab Tais, lawv yuav muaj kev zoo siab.

    Nej Has Nplas Has tsoom xeeb ntxwv, yog nws cov tub txib,
    nej Yas Kos cov tub, yog pab neeg nws tau xaiv!
    Huab Tais yog peb tus Tswv Ntuj;
    tas ntiaj teb yuav raws li nws cov cai nws txiav.

    Txais: (3b) Cov uas muaj lub siab nrhiav Huab Tais, lawv yuav muaj kev zoo siab.

    As Les Lus Yas: MT 11: 28

    Txais: As les lus yas, as les lus yas.

    Huab Tais hais tias: “Tas nej sawv daws uas nej khwv
    thiab ris nra hnyav, nej tuaj cuag kuv, mas kuv yuav cia nej so los siav.

    Txais: As les lus yas, as les lus yas.

    Ntawv Moo Zoo: LK 15: 1-10

    1 Cov neeg sau se thiab cov neeg txhaum sawv daws txav los ze kom tau mloog Yes Xus hais lus.
    2 Tiam sis cov Fas Lis Xais thiab cov Kws Ntawv Ntshiab pib yws zom zaws tias: "Tus neeg ntawd txais cov neeg txhaum thiab nws tseem nrog lawv noj mov tib si!"
    3 Yes Xus thiaj hais zaj paj lug no rau lawv tias:
    4 " Nej puas muaj leej twg, yog nws muaj ib puas tus yaj, tab sis ib tug ploj lawm, nws yuav tsis tso cuaj caum cuaj tug tseg rau tom hav suab puam, thiab mus nrhiav kom tau tus uas ploj lawd?
    5 Thaum nws nrhiav tau tus yaj ploj lawm, nws muab kwv hlo saum xwb pwg, nws zoo siab tas nrho.
    6 Nws los txog tsev, nws yuav hu nws cov phooj ywg thiab cov nyob ze nws tuaj, nws hais rau lawv tias : 'Nej nrog kuv zoo siab, vim kuv nrhiav tau kuv tus yaj ploj lawm.'
    7 Ib yam li ntawd, kuv hais rau nej tias, nyob saum ntuj kuj yuav muaj kev zoo siab tshaj rau ib tug neeg txhaum uas hloov siab los ua zoo dua rau cuaj caum cuaj leeg siab ncaj uas tsis tas yuav hloov siab los ua zoo.
    8 Los puas muaj ib tug poj niam twg uas nws muaj kaum lub txiaj nyiag, yog ib lub poob lawm, nws yuav tsis taws teeb cheb tsev, ua tib zoo nrhiav kom tau nws lub txiaj nyiag?
    9 Thaum nws nrhiav tau lawm, nws nqua hu nws cov phooj ywg thiab cov nyob ze nws tuaj, nws hais tias: ‘Nej nrog kuv zoo siab, vim kuv nrhiav tau kuv lub txiaj uas poob lawm!’
    10 Ib yam li ntawd, kuv hais rau nej tias, kuj yuav muaj kev zoo siab nyob hauv Tswv Ntuj tsoom Tshiab, rau ib tug neeg txhaum uas hloov siab tig los ua zoo.”

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 3rd November 2022, 2:17 am

    Tim 4 lub 11 Hlis 2022

    Hnub Rau Lis Piam Peb Caug Ib Nruab Xyoo ABC Nruab Lis Piam Xyoo II

    Lectionary: 489

    Yuav Hwm LN Charles Borromeo, ua Tswv Qhia

    Zaj Nyeem Ib: FIS LIS POS 3: 17—4:1


    17 Cov kwv tij nkauj muad, nej yuav xyaum yoog raws li kuv mog, nej saib ntsoov cov neeg uas coj raws li tus piv txwv nej muaj, uas yog peb.
    18 Vim tias, raws li kuv twb tau hais rau nej ntau zaus los lawm, thiab kuv tseem rov hais dua rau nej nyem no ntxuag lub kua muag tias, muaj coob leej coj xws li lawv yog ib co yeeb ncuab rau Leej Pleev tus ntoo cuam.
    19 Lawv kawg yuav xaus rau kev poob rau qhov phem; lawv tus tswv ntuj yog lawv lub plab; lawv txoj kev nto koob meej yog nyob hauv lawv qhov kev txaj muag; lawv lub tswv yim xav ntsoov txog tej yam nyob ntiaj teb no xwb.
    20 Tiam sis ntawm peb, mas peb tau txais kev ua qaum ntuj neeg lawm, ces peb tos ntsoov tus cawm peb yuav los saum ntuj los, yog Huab Tais Yes Xus Pleev.
    21 Nws yuav muab peb lub cev txom nyem no hloov ua ib lub cev muaj hwj chim zoo xws li nws lub, raws li lub zog muaj hwj huam uas nws siv los muab txhua tsav txhua yam zwm rau nws tus kheej.
    4: 1 Li ntawd, kuv cov kwv tij uas kuv nyiam thiab kuv xav pom, nej yog kuv qhov chaw zoo siab, yog kuv lub meej mom, nej yuav nyob ruaj nreb hauv Huab Tais mog, kuv cov mi kwv tij zoo nyiad.

    NPN 122: 1-2, 3-4ab, 4cd-5

    Txais: (1) Nej tuaj peb zoo siab hlo mus lawm pem Huab Tais tsev.

    Kuv zoo siab vim lawv hais rau kuv tias:.
    "Peb yuav nce mus lawm pem Huab Tais tsev.”
    Nyem no, peb txhais taw tau tsuj
    koj cov rooj loog lawm tiag, Yes Lus Xas Les.

    Txais…

    Yes Lus Xas Les, luag txhim tau zoo li ib lub nroog
    uas zoo tau xwm yeem.
    Cov xeem neeg nce mus rau pem nws,
    Yog Huab Tais cov xeem neeg

    Txais…

    Lawv nce mus raws li txoj cai qhia rau His Xas Lais,
    Kom tau ua tsaug cav txog Huab Tais lub Npe.
    Nyob hauv, muaj ib co rooj txiav txim teeb tau tseg,
    Yog cov rooj cia rau Das Vis tsev neeg.

    Txais…

    As Les Lus Yas: 1 ZAM 2: 5

    Txais: As les lus yas, as les lus yas.

    Yog tus twg coj Leej Pleev cov lus qhia,
    mas txoj kev nyiam Tswv Ntuj loj tiav log nyob hauv nws lawm.

    Txais: As les lus yas, as les lus yas.

    Ntawv Moo Zoo: LK 16: 1-8

    1 Yes Xus hais rau nws cov thwj tim tias: "Muaj ib tug neeg nplua nuj, nws muaj ib tug tim xyoob xam txiaj. Luag qhia rau tus tswv tias tus tim xyoob muab nws lub cuab tam siv lwj siv liam.
    2 Tus tswv hu tus tim xyoob tuaj, nws hais rau tus tim xyoob tias: ‘Kuv hnov hais dab tsi li no txog koj? Koj qhia txog tas puas tsav yam rau kuv saib koj tuav kuv cov nyiaj txiag li cas rau li cas. Txij no mus, koj yuav tsis tau ua kuv tus tim xyoob xam txiaj ntxiv.’
    3 Tus tim xyoob xav zoj rau nruab siab tias: Kuv yuav ua li cas, vim kuv tus tswv yuav tshem txoj hauj lwm xam txiaj ntawm kuv mus? Mus ncaws teb? Kuv tsis muaj zog. Mus thov khawv? Kuv kuj txaj muag...
    4 Kuv paub lawm tias kuv yuav ua dab tsi, kom thaum luag tshem kuv ntawm txoj hauj lwm xam txiaj lawm, thiaj yuav muaj neeg txais kuv mus nyob hauv lawv tsev.
    5 Ces tus tim xyoob hu cov neeg tshuav nqi ntawm tus tswv ib tug zuj zus tuaj. Nws hais rau thawj tug tias: ‘Koj tshuav nuj nqi ntawm kuv tus tswv npaum li cas?’
    6 Tus tshuav nqi teb tias: ‘Ib puas hub roj.’ Tus tim xyoob hais rau nws tias: 'Muab koj daim ntawv tshuav nqi los, koj zaum, koj sau sai sai rau ua tsib caug hub.'
    7 Tus tim xyoob hais rau lwm tus tias: ‘Koj ne, koj tshuav nqi pes tsawg?’ Nws hais tias : ‘Ib puas tawb nplej.’ Tus tim xyoob hais rau nws tias: 'Muab koj daim ntawv tshuav nqi los, koj sau ua yim caum rau.'
    8 Ces tus tswv qhuas txog tus tim xyoob txoj kev ua tsis ncaj tias nws txawj ua neeg xyuam xim. Vim tias ntiaj teb cov tub txawj ua neeg xyuam xim dua kev kaj cov tub, thaum lawv nrog cov neeg nyob hauv lawv tiam neej sib fim.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 4th November 2022, 2:01 am

    Tim 5 lub 11 Hlis 2022

    Hnub Xya Lis Piam Peb Caug Ib Nruab Xyoo ABC Nruab Lis Piam Xyoo II

    Lectionary: 490

    Zaj Nyeem Ib: FLP 4: 10-19

    Cov kwv tij nkauj muad:
    10 Kuv zoo siab kawg nkaus nyob hauv Huab Tais, vim zaum no nej rov kub siab xav pab kuv dua. Nej yeej ib txwm xav pab kuv, tab sis yog nej nrhiav tsis tau ib txog kev pab kuv xwb.
    11 Kuv hais li no, tsis yog vim kuv tsis muaj txaus noj txaus siv; kuv mus txog qhov twg kuv yeej tau xyaum ua neeg siv raws li yus muaj xwb.
    12 Kuv txawj coj raws li lub caij thaum tsis muaj dab tsi siv, kuv kuj txawj coj raws li lub caij thaum muaj ntau ntws lug. Nyob hauv txhua yam thiab txhua lub caij nyoog, kuv tau xyaum yoog raws lub sij hawm, xws li kuv txawj noj kom tsau plab, los puas txawj nyiaj tshaib yoo nqhis, kuv txawj coj tus yam ntxwv phim lub caij nplua nuj los tus yam ntxwv phim lub caij txom nyem.
    13 Kuv ua tau tas puas tsav yam yog nyob hauv Tus uas ua kom kuv muaj zog.
    14 Txawm li cas los yog ib qho nej tau ua zoo kawg thaum nej tau nrog kuv koom siab nyob hauv kuv txoj kev txom nyem.
    15 Nej cov nyob Fis Lis Pos nej yeej paub zoo lawm tias thaum lub hauv paus pib lub Moo Zoo, thaum kuv tau sawv kev ntawm Mas Xes Dos Nias tuaj, mas tsis muaj ib pawg ntseeg twg yuav kam koom tes nrog kuv qhib ib qho kev sib pab kom muaj los siv thiab tau kev khaws cia li, tsuas muaj nej nkaus xwb.
    16 Tab yog thaum kuv tseem nyob Tes Xas Los Nis los nej tau xa tej yam uas kuv yuav tsum muaj tuaj rau kuv, tsis yog ib zaug xwb, nej tau xa ob zaug diam.
    17 Kuv tsis yog nrhiav kom kuv tau txais ntau yam, tiam sis yog kuv xav kom nej tsim tau ib co paj tshab tseg rau nej kom txawj ntau zuj zus tuaj xwb.
    18 Kuv tau txais tas tib si lawm, thiab kuv muaj ntau heev lawm. Kuv muaj txaus noj txaus siv kawg li, vim tej yam kuv tau txais ntawm nej los uas yog nej muab rau Es Pas Fos Dis nqa tuaj rau kuv; nej cov paj tshab yog zoo li ib co pa ncho tsw qab, ib thaj txi Ntuj uas Tswv Ntuj txais, thiab xis nws siab.
    19 Kuv tus Tswv Ntuj yeej yuav pauj txhua yam nej xav tau rau nej, raws li nws txoj kev nplua nuj nto koob meej nyob hauv Yes Xus Pleev.

    NPN 112: 1b-2, 5-6, 8a+9

    Txais: Tus hwm Huab Tais, nws txoj hmoov zoo.
    los: As les lus yas.

    Tus hwm HUAB TAIS, nws txoj hmoov zoo :
    Nws nyiam Huab Tais cov lus qhia tas siab nrho,
    Nws caj ces yuav muaj peev xwm thaum nyob ntiaj teb,
    Tiam neeg siab ncaj yuav tau txoj hmoov zoo.

    Txais: Tus hwm Huab Tais, nws txoj hmoov zoo.
    los: As les lus yas.

    Tus neeg txawj hlub luag thiab qiv rau luag, nws hmoov zoo.
    Nws ua nws tej hauj lwm raws kev ncaj.
    Nws yuav tsis qaug ib zaug, yuav nyob ruaj mus lij;
    sawv daws yuav nco ntsoov tas mus li txog tus neeg ncaj.

    Txais: Tus hwm Huab Tais, nws txoj hmoov zoo.
    los: As les lus yas.

    Nws ua siab tawv qhawv, nws yuav tsis txhawj li.
    Nws ua siab dav fo pub rau cov pluag :
    nws txoj kev ua siab dav yuav nyob mus li,
    nws yuav tau hwj chim, yuav nto koob meej lug,

    Txais: Tus hwm Huab Tais, nws txoj hmoov zoo.
    los: As les lus yas.

    As Les Lus Yas: 2 KLN 8: 9

    Txais: As les lus yas, as les lus yas.

    Yes Xus Pleev yeem ua neeg pluag, txawm tias nws yog tus nplua nuj,
    kom xwv nws txoj kev pluag ua nej nplua nuj tuaj.

    Txais: As les lus yas, as les lus yas.

    Ntawv Moo Zoo: LK 16: 9-15

    Yes Xus hais rau nws cov thwj tim tias:
    9 Kuv hais rau nej tias: Nej kav tsij ua phooj ywg nrog tej nyiaj txiag tsis ncaj ncees, kom thaum tej nyiaj ntawd tsis muaj nqes lawm, luag yuav txais nej mus nyob hauv cov tsev tsam phooj uas nyob mus li.
    10 Leej twg ua ncaj thaum nws saib tej yam me, nws kuj yuav ua ncaj thaum nws saib tej yam loj thiab. Leej twg ua tsis ncaj thaum nws saib tej yam me, nws kuj yuav ua tsis ncaj thaum nws saib tej yam loj thiab.
    11 Yog nej twb ua tsis ncaj thaum nej saib tej nyiaj txiag tsis ncaj ncees, mas leej twg thiaj yuav tso lub tseem cuab tam rau nej saib?
    12 Thaum nej saib yam uas yog luag tug, yog nej ua tsis ncaj, mas leej twg thiaj yuav muab yam uas yog nej tug rau nej tuav?
    13 Tsis muaj ib tug tub txib yuav tsob hwb ob tug tswv tau. Nws yeej yuav tsum ntxub ib tug, nyiam lwm tus, los nws yuav tsum npuab ib tug, thuam lwm tus xwb. Nej yuav ua Tswv Ntuj tub txib thiab ua nyiaj txiag tub txib tsis tau.
    14 Cov Fas Lis Xais uas yog neeg nyiam nyiaj txiag, lawv hnov cov lus ntawd, lawv thuam Yes Xus.
    15 Ces Yes Xus hais rau lawv tias: "Nej rov qhuas nej rau ntawm neeg xub ntiag tias nej ncaj, tab sis Tswv Ntuj paub nej lub siab, vim tias yam uas neeg muab saib hlob, mas yog ib yam phem kawg nyob ntawm Tswv Ntuj qhov muag pom."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3601
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 6th November 2022, 1:35 pm

    Tim 7 lub 11 Hlis 2022

    Hnub Ob Lis Piam Peb Caug Ob Nruab X ABC Nruab Lis Piam Xyoo II

    Lectionary: 491

    Zaj Nyeem Ib: TIS TOS 1: 1-9

    1 Kuv, Paj Lug, yog Tswv Ntuj tus tub khaiv thiab yog Yes Xus Pleev tus Hauv Paus Xa Lus, kom tau pab cov neeg uas Tswv Ntuj xaiv los txais kev ntseeg thiab txais txoj kev zeem tau kev hwm Ntuj qhov tseeb,
    2 kom lawv vam ntsoov yuav tau txoj sia nyob mus li, uas puag thaum tsis tau muaj lub zim txwv, Tswv Ntuj tus tsis dag twb cog lus yuav pub lawm.
    3 Ces thaum txog lub caij teem, Tswv Ntuj, peb tus cawm seej, tau qhia nws lo lus tawm nyob hauv txoj hauj lwm tshaj tawm uas nws tau txib kom kuv ua.
    4 Kuv sau ntawv rau Tis Tos, kuv tus tseem tub nyob hauv peb txoj kev koom ib txog kev ntseeg. Thov kom Leej Txiv Tswv Ntuj, thiab Yes Xus Pleev, uas yog tus cawm peb, pub txiaj ntsim thiab kev thaj yeeb rau koj.
    5 Tos kuv tau tso koj tseg nyob Qhes Tas los yog vim xav kom koj ua kom tiav tej yam tseem tsis tau tiav thiab xav kom koj tsa ib co Txwj Laus nyob hauv txhua lub nroog, raws nraim li kuv tau txib kom koj ua lawm.
    6 Tus koj yuav tsa ua Txwj Laus yuav tsum yog ib tug tsis muaj chaw xyeej, yuav ib tug poj niam xwb, nws cov me nyuam yog neeg ntseeg, uas luag hais tsis tau tias, lawv coj tus yam ntxwv tsis zoo, thiab lawv tsis mloog lus.
    7 Vim tias, ib tug ua tswv qhia uas yog tus tswj Tswv Ntuj cov hauj lwm, mas nws yuav tsum yog ib tug neeg tsis muaj chaw xyeej, tsis muab hlob, tsis yog neeg npau taws sai, tsis quav cawv, tsis nyiam nrog luag sib ntaus, tsis ntshaw noj nyiaj raws tej txoj kev tsis ncaj,
    8 tiam sis nws nyiam tos txais qhua, nws nyiam ua zoo, txawj xav tom ntej tom qab, nws ua ncaj, nws yog neeg ntshiab, nws txawj tswj nws tus kheej,
    9 nws qhia raws lub Moo Zoo qhov tseeb uas tau qhia los lawm, ces nws thiaj yuav muaj peev xwm ntuas sawv daws raws li txoj kev cai tseem ceeb, thiab qhia tau qhov uas cov neeg tiv nws hais tsis yog.

    NPN 24: 1b-2, 3-4ab, 5-6

    Txais: (6) Huab Tais, lawv yog haiv neeg uas ntshaw pom koj lub ntsej muag.

    Lub ntiaj teb thiab puas tsav yam nyob hauv yog HUAB TAIS li,
    lub sim ceeb thiab cov nyob hauv yog nws tug.
    Vim nws yog tus muab lub ntiaj teb tsa rau saum cov hiav txwv
    thiab muab txawb rau saum cov niam dej ntws.

    Txais: (6) Huab Tais, lawv yog haiv neeg uas ntshaw pom koj lub ntsej muag.

    Leej twg thiaj yuav nce tau mus saum HUAB TAIS lub roob?
    Leej twg thiaj yuav mus sawv taus nyob hauv nws thaj chaw ntshiab?
    Yog tus uas txhais tes tsis muaj txhaum, lub siab dawb huv,
    tus uas tsis ntshaw tej yam tsis muaj qab hau.

    Txais: (6) Huab Tais, lawv yog haiv neeg uas ntshaw pom koj lub ntsej muag.

    HUAB TAIS yuav foom koob hmoov rau nws. ,
    yog paj tshab tuaj ntawm Tswv Ntuj tus cawm nws tuaj.
    Tsav neeg uas nrhiav Tswv Ntuj yuav zoo li ntawd,
    yog cov uas nrhiav Yas Kos tus Tswv Ntuj lub ntsej muag.

    Txais: (6) Huab Tais, lawv yog haiv neeg uas ntshaw pom koj lub ntsej muag.

    As Les Lus yas: FIS LIS POS 2: 15d, 16a

    Txais: As les lus yas, as les lus yas.

    Nej yuav ci li tej tes tsau cig pom kev kaj lub ntiaj teb,
    Vim nej tuav rawv Lo Lus pub txoj sia tsis muab tso tseg.

    Txais: As les lus yas, as les lus yas.

    Ntawv Moo Zoo: LK 17: 1-6

    1 Yes Xus hais rau cov thwj tim tias: "Yeej yuav cheem tsis tau kom txhob muaj tej yam coj neeg ua txhaum, tab sis tus uas coj kom luag ua txhaum mas nws txoj hmoov phem.
    2 Txhiaj khoov cia muab ib lub zeb zom dai ntawm nws caj dab thiab muab nws pov rau hauv dej ntuj, yuav zoo dua cia nws coj ib tug neeg me me li no mus ua txhaum.
    3 Nej yuav ceev faj mog! Yog koj tus kwv ua txhaum, koj yuav qhuab ntuas nws. Yog nws thov txhaum, mas koj zam rau nws.
    4 Yog ib hnub nws ua txhaum rau koj xya zaus, nws rov los thov koj xya zaus hais tias 'Kuv thov txhaum,' mas koj yuav tsum zam rau nws."
    5 Cov Hauv Paus Xa Lus hais rau Huab Tais tias: "Koj txhab kom peb txoj kev ntseeg loj tuaj mas!"
    6 Ces Huab Tais hais tias: "Yog nej muaj kev ntseeg luaj li lub noob zaub, mas nej yuav hais tau rau tsob ntoo txiv pos no tias 'Rho koj cov cag, koj tshais mus cog koj rau hauv dej ntuj,' mas tsob ntoo yuav mloog nej lus.”


    Sponsored content


    COV ZAJ NYEEM NRUAB LIS PIAM XYOO II 2021-2022 - Page 12 Empty Re: COV ZAJ NYEEM NRUAB LIS PIAM XYOO II 2021-2022

    Post  Sponsored content


      Current date/time is 27th January 2023, 4:06 pm