HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


COV ZAJ NYEEM NRUAB LIS PIAM XYOO II 2021-2022 - Page 9 Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


    COV ZAJ NYEEM NRUAB LIS PIAM XYOO II 2021-2022

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 15th July 2022, 2:11 am

    Tim     16     lub     7     Hli     2022
     
    Hnub Xya Lis Piam Kaum Tsib Nruab Xyoo ABC Nruab Lis Piam Xyoo II
    Lectionary: 394
     
    XHLT:   Leej Niam saum Roob Kas Mes
     
    Zaj NYeem Ib:   MIS KES 2: 1-5

    1 Hmoov phem yuav poob rau cov neeg nrhiav kev ua phem thiab npaj tswv yim tias yuav ua li cas

    thaum lawv nyob ntawm lawv cov txwm zooj; ntuj nyuam qhuav kaj, lawv twb mus ua
    qhov lawv npaj lawm, thaum lawv muaj lub peev xwm ua tau.
    2 Yog lawv ntshaw luag tej liaj teb mas lawv cia li mus txeeb, yog lawv ntshaw luag tej vaj tse
    mas lawv cia li mus huab yuav; lawv yuam qhi tus tswv tsev yuav nws lub tsev,
    yuam qhi tus neeg yuav nws tej cuab yeej cuab tam.
    3 Vim li ntawd HUAB TAIS thiaj hais li no: "Kuv npaj tso kev phem los raug tsev neeg no,
    yog ib txog kev phem uas nej yuav tsis tau kev thau nej lub caj dab kom dim; thiab nej yuav
    tsis muaj cuab kav taug kev tsa taub hau kom siab, vim yog lub caij phem lawm.
    4 Hnub ntawd, luag yuav hais ib zag paj lug txog nej, yuav hais ib zaj seev tu siab tias: ‘Peb poob tas

    txhua yam mus lawm du lug. Huab Tais muab kuv haiv neeg lub cuab tam hloov, nws muab thau
    ntawm kuv mus lawm; peb tej liaj teb raug muab faib tas rau cov tuaj ntes peb lawm.”
    5 Li ntawd nej yuav tsis muaj  ib tug neeg mus ntsuas ciam dej 
    ciam av rau nej nyob hauv HUAB TAIS lub txoos lawm.

    NPN   10: 1-2, 3-4, 7-8, 14

    Txais: (12b) Huab Tais, thov koj tsis txhob hnov qab cov neeg pluag.

    HUAB TAIS, ua cas koj nyob nrug deb ua luaj?
    Lub caij peb ntsib kev txhawj xeeb, ua cas koj tsiv nraim?
    Tus tsis hwm ntuj lub siab muab hlob tsim tus neeg txom nyem,
    uas mag rooj ntxiab tus siab phem cuab tos.

    Txais: (12b) Huab Tais, thov koj tsis txhob hnov qab cov neeg pluag.

    Tus tsis hwm Ntuj rov qhuas nws txog nws tej kev ntshaw.
    Tus siab hlob thuam thiab tsis saib Huab Tais rau nqes.
    Tus tsis hwm Ntuj khav tias: “Huab Tais yuav tsis ua pauj li.”
    Vim nws xav tias: “Yeej tsis muaj Tswv Ntuj kiag!"

    Txais: (12b) Huab Tais, thov koj tsis txhob hnov qab cov neeg pluag.

    Nws lub ncauj puv tej lus foom phem, lus dag, lus cuav.
    Nws tus nplaig tsuas hais kev lim hiam, kev ua phem.
    Nws nyas nraim nkoos ntawm tej ntug zos;
    nws nyiag ua tub sab muab tus tsis txhaum tua;
    nws qhov muag soj ntshis tus txom nyem.

    Txais: (12b) Huab Tais, thov koj tsis txhob hnov qab cov neeg pluag.

    Huab Tais, koj yeej pom tej kev txom nyem kev tu siab,
    Koj txhais tes tuav tas txhia yam ntawd.
    Tus txom nyem tso siab rau koj,
    Tus ntsuag nos vam koj pab nws.

    Txais: (12b) Huab Tais, thov koj tsis txhob hnov qab cov neeg pluag.

    As Les Lus Yas:   2 KLN 5: 19

    Txais: As les lus yas, as les lus yas.

    Tswv Ntuj ua kom lub ntiaj teb nrog nws rov sib haum xeeb nyob hauv Leej Pleev
    Thiab nws muab txoj kev tshaj lub moo zoo txog txoj kev sib haum xeeb ntawd cob rau peb.

    Txais: As les lus yas, as les lus yas.

    Ntawv Moo Zoo:   MT 12: 14-21

    14 Cov Fas Lis Xais tawm mus sab laj nrhiav saib yuav muab Yes Xus tua zoo li cas.
    15 Yes Xus paub li ntawd, ces nws tawm ntawm qhov chaw ntawd mus.

    Muaj neeg coob raws nws, Yes Xus kho lawv sawv daws zoo tas.
    16 Nws txwv tsis pub lawv qhia nws rau neeg paub,
    17 ces thiaj muaj raws li Yaj Saub His Xais tau hais tseg tias:
    18 “Nej ntsia, kuv tus Tub Txib tus uas kuv xaiv; nws yog tus kuv nyiam, kuv tus plig zoo siab nyob hauv nws;

    kuv yuav tso kuv leej Tswv Yim nyob saum nws, ces nws yuav tshaj 
    Txoj Kev Ncaj rau tsoom teev pej kum dab qhuas.
    19 Nws yuav tsis cav, tsis nthe nrov, tsis muaj leej twg yuav hnov nws lub suab tom tej tshav puam.
    20 Tus tauj qaug, nws yuav tsis muab lov, tus teeb xeeb tseem ncho pa liab pliv,
    nws yuav tsis muab tua, mus txog hnub nws coj Txoj Kev Ncaj mus txais kev yeej lawm.
    21 Ces tsoom neeg teev pej kum dab qhuas yuav tso siab lug rau nws lub npe.”   
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 17th July 2022, 2:05 am

    Tim     18     lub     7     Hli     2022
     
    Hnub Ob Lis Piam Kaum Rau Nruab Xyoo ABC Nruab Lis Piam Xyoo II
    Lectionary: 395
     
    XHLT:   LN Camillus de Lellis
     
    Zaj Nyeem Ib:    MIS KES 6: 1-4, 6-8

    1 Nej mloog saib HUAB TAIS hais dab tsi:
    Nej cia li sawv, nej tuaj hais nej cov lust sis zoo siab rau ntawm cov toj roob siab,

    thiab kom cov toj roob qis hnov nej lub suab.
    2 Cov toj roob, nej mloog HUAB TAIS cov lus tsis zoo siab,
    ntiaj teb cov taw ntsa uas ruaj khov, nej cuab pob ntseg mloog!
    Vim HUAB TAIS muaj lus tsis zoo siab rau nws haiv neeg, nws yuav nrog His Xas Lais sib hais.
    3 “Kuv haiv neeg, kuv tau ua dab tsi tsis zoo rau nej?

    Kuv tau ua dab tsi kom nej ceeb laj? Nej teb kuv mas!
    4 Vim kuv tau coj nej tawm hauv Hais Nkws Tos teb los, kuv tau txhiv nej kom dim ntawm
    lub tsev nej ua qhev los; kuv tau xa Mais Xes, As Loos thiab Mis Lias tuaj pab nej.”
    6 –“Kuv yuav nqa dab tsi nrog kuv mus thaum kuv mus nyob ntawm

    HUAB TAIS xub ntiag, thaum kuv mus pe hawm tus Tswv Ntuj nyob siab?
    Kuv puas yuav coj ib co txim mus hlawv, coj ib co thav nyuj muaj ib xyoos mus?
    7 HUAB TAIS puas yuav zoo siab, txawm tias kuv txi ntau txhiab tus laug yaj,
    hliv roj ntws cuag li kaum txhiab tus dej ntws?
    Kuv puas yuav tsum muab kuv tus tub hlob los them kuv txoj kev ua phem?
    kuv puas yuav tsum muab tus tawm ntawm kuv nqaij los them kuv tus ntsuj plig qhov txhaum?”
    8 Leej tib neeg, Ntuj twb qhia qhov zoo rau koj paub lawm thiab qhia qhov uas HUAB TAIS xav kom

    koj ua rau koj lawm: tsuas yog kom yuav tsum ua raws txoj kev ncaj, thiab yuav nyiam txoj kev
    ua zoo rau luag, thiab muaj lub siab ua neeg me nrog koj tus Tswv Ntuj taug kev xwb.

    NPN   50: 5-6, 8-9, 16bc-17, 21+23

    Txais: (23b) Kuv yuav ua kom tus neeg ncaj paub Tswv Ntuj txoj kev cawm neeg.

    "Nej hu cov ntseeg kuv tuaj sib sau nyob ntawm kuv xub ntiag,
    cov uas tau ua thaj txi ntuj nrog kuv cog lus.”
    Ces lub ntuj tshaj txog Tswv Ntuj txoj kev ncaj,
    vim Tswv Ntuj yog tus txiav txim.

    Txais: (23b) Kuv yuav ua kom tus neeg ncaj paub Tswv Ntuj txoj kev cawm neeg.

    “Kuv tsis yog cem nej vim nej cov thaj txi ntuj,
    nej tej tsiaj hlawv txi ntuj yeej nyob ntawm kuv xub ntiag mus li.
    Kuv tsis tau muab ib tug heev nyuj tawm hauv koj tsev los,
    los ib tug laug tshis tawm hauv koj pab tsiaj los rau kuv.”

    Txais: Kuv yuav ua kom tus neeg ncaj paub Tswv Ntuj txoj kev cawm neeg.

    “Tim li cas nej thiaj qog kuv cov kev cai lij choj,
    thiab nej hais kuv cov lus kuv tau nrog nej cog ntawm di ncauj,
    tiam sis nej ntxub txoj kev coj kom zoo,
    thiab muab kuv tej lus fiav sis rau tom nej nrob qaum xwb?”

    Txais: Kuv yuav ua kom tus neeg ncaj paub Tswv Ntuj txoj kev cawm neeg.

    “Thaum nej ua tej yam zoo li no, kuv puas yuav tsum nyob ntsiag to?
    Nej puas xav tias kuv zoo li nej thiab xwb?
    Kuv yuav qhuab ntuas nej, yuav ua kom nej pom meej txog tej ntawd.
    Leej twg cev ib co lus cav txog kuv ua cov txim cev rau kuv

    mas yog nws ua kom kuv tau hwj chim;
    Tus uas mus taug txoj kev ncaj mas kuv yuav

    muab Tswv Ntuj txoj kev cawm rau nws pom.”

    Txais: Kuv yuav ua kom tus neeg ncaj paub Tswv Ntuj txoj kev cawm neeg.

    As Les Lus Yas:    NPN 95: 8

    Txais: As les lus ays, as les lus yas.

    Yog hnub no koj hnov nws lub suab,
    tsis txhob ua koj lub siab tawv ncauj.

    Txais: As les lus ays, as les lus yas.

    Ntawv Moo Zoo:    MT 12: 38-42

    38 Muaj ib co kws Ntawv Ntshiab thiab ib co Fas Lis Xais hais rau Yes Xus tias:

    "Xib Hwb, peb xav kom koj ua ib lub cim rau peb pom."
    39 Nws teb rau lawv hais tias: "Tiam neeg phem thiab fav xeeb no taij ib lub cim,
    tab sis yuav tsis muaj ib lub cim rau lawv, tsuas kawg muaj yaj saub Yos Nas lub cim xwb.
    40 Raws li Yos Nas tau nyob peb hnub peb hmos hauv tus vaj ntses lub plab,
    Neeg Leej Tub kuj yuav nyob hauv plawv av peb hnub peb hmos thiab.
    41 Thaum txog hnub Txiav Txim mas cov neeg nyob Nis Nis Vas yuav nrog tiam neeg no sawv rov los,

    lawv yuav muab txim rau tiam neeg no, vim thaum Yos Nas ntuas lawv, lawv hloov siab.
    Hos nyob ntawm no twb muaj ib tug loj dua Yos Nas!
    42 Thaum trxog hnub txiav txim mas tus poj vaj nyob Qab Teb kuj yuav nrog tiam neeg no sawv los,

    thiab nws yuav muab txim rau lawv, vim nws tuaj puag tim npoo ntiaj teb kawg tuaj mloog
    Xas Los Moos cov lus thoob tsib, hos nyob ntawm no, twb muaj ib tug loj dua Xas Los Moos.”  
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 18th July 2022, 3:28 am

    Tim     19     lub     7     Hli     2022
     
    Hnub Peb Lis Piam Kaum Rau Nruab Xyoo ABC Nruab Lis Piam Xyoo II
    Lectionary: 396
     
    Zaj Nyeem Ib:    MIS KES 7: 14-15, 18-20

    14 Thov koj ua tus tswv zov yaj muab koj rab pas los coj koj haiv neeg,

    yog pab yaj uas koj qee los ua koj cuab tam; nws nyob ncaim npoj hauv ib koog zoov,
    nyob hauv ib thaj av zoo ua vaj txiv ntoo. Thov koj cia lawv rov los nog zaub
    nyob Npas Sas thiab nyob Nkas Las As, xws li yav thaum ub!
    15 Xws li lub caij thaum nej tawm Hais Nkws Tos teb los, kuv yuav ua tej yam txaus qhuas rau nej pom.
    18 Tus Tswv Ntuj twg thiaj yuav zoo li koj, thiaj tshem lawv lub txim thiab zam lawv cov txhaum rau pab neeg seem uas yog nws tug? Thiaj yuav tsis npau taws mus li tiam sis nws zoo siab ua lub siab zoo,

    19 thiab nws yuav rov hlub peb dua, yuav muab peb tej kev txhaum tsuj ntiag rau ntawm taw zoo li koj?
    Koj yuav muab tas nrho peb tej kev txhaum pov tseg lawm hauv qab tiv txwv tob.
    20 Koj yuav ua ncaj rau Yas Kos, yuav pub txiaj ntsim rau Has Nplas Has,
    raws li koj twb tau cog lus rau peb cov yawg koob thaum ntxov ub lawm.

    NPN   85: 2-4, 5-6, 7-8

    Txais: (8a) Huab Tais, thov koj khuv leej peb thiab hlub peb mas.

    HUAB TAIS, koj yeej ua zoo rau koj lub teb chaws,
    Koj tau coj Yas Kos cov neeg tawg mus nyob pej kum teb rov los lawm.
    Koj tau zam koj haiv neeg qhov yuam kev rau lawv,
    Koj muab lawv cov txhaum npog tas tib si.
    Koj thim koj txoj kev npau taws, koj tshem koj lub siab ceev tawm.

    Txais: (8a) Huab Tais, thov koj khuv leej peb thiab hlub peb mas.

    Tswv Ntuj, tus cawm peb, thov koj rov tsa kom peb zoo li qub dua,

    Koj tso koj txoj kev chim rau peb pov tseg mas.
    Koj puas yuav npau taws rau peb mus li,
    puas yuav npau rau peb mus tiam dhau tiam?

    Txais: (8a) Huab Tais, thov koj khuv leej peb thiab hlub peb mas.

    Koj yuav tsis ua kom peb rov muaj sia muaj zog li los?
    Kom koj haiv neeg thiaj yuav zoo siab nyob hauv koj.
    HUAB TAIS, thov koj ua kom peb pom koj hlub peb,
    thov koj pub koj txoj kev cawm rau peb.

    Txais: (8a) Huab Tais, thov koj khuv leej peb thiab hlub peb mas.

    As Les Lus Yas:  ZAM 14: 23

    Txais: As les lus yas, as les lus yas.

    Yog leej twg nyiam kuv, nws yuav coj rawv kuv lo lus,
    ces kuv Txiv yuav nyiam nws;
    kuv Txiv wb yuav los nyob hauv nws.

    Txais: As les lus yas, as les lus yas.

    Ntawv Moo Zoo:  MT 12:  46-50

    46 Yes Xus tseem tab tom hais lus rau tej pab neeg coob coob,

    ces nws niam thiab nws cov kwv tij tuaj nyob nraum zoov, lawv xav nrog nws tham.
    47 Muaj ib tug neeg hais rau Yes Xus tias:
    “Koj niam thiab koj cov kwv tij tuaj nyob nraud, lawv xav nrog koj tham.”
    48 Yes Xus teb rau tus neeg qhia nws paub tias:
    "Leej twg yog kuv niam? Thiab leej twg yog kuv cov kwv tij?"
    49 Yes Xus tsa tes mus rau nws cov thwj tim, nws hais tias:
    "Kuv niam thiab kuv kwv tij yog cov ntawd no.
    50 Vim tias tus twg ua raws kuv Txiv nyob saum ntuj lub siab,
    mas tus ntawd yog kuv ib tug kwv tij, ib tug muam, los kuv niam."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 19th July 2022, 1:54 am

    Tim     20     lub     7     Hli     2022
      
    Hnub plaub Lis Piam Kaum Rau Nruab Xyoo ABC Nruab Lis Piam Xyoo II
    Lectionary: 397
     
    XHLT:   LN Apollinaris, Tswv Qhia tuag ua Tim Khawv
     
    Zaj Nyeem Ib:   YES LES MIAS 1: 1, 4-10

    1 Yes Les Mias, uas yog His Kis Yas Hus tub, yog ib tug hauv cov leej choj

    nyob As Nas Thov, hauv Npes Yas Mis teb chaws, nws cov lus.
    4 HUAB TAIS lo lus nrov tuaj rau kuv hais li no:

    5 "Thaum koj tseem tsis tau xeeb los rau hauv plab, kuv twb paub koj lawm; thaum koj tseem
    tsis tau yug los, kuv twb qee koj, kuv twb tsa koj ua Yaj Saub rau cov kuj cuab lawm."
    6 Kuv hais tias: "HUAB TAIS aw, kuv tsis txawj hais lus, kuv hnub nyoog tseem hluas dhau."
    7 Tiam sis HUAB TAIS hais tias: "Koj tsis txhob hais tias: 'Kuv tseem hluas dhau.' Kuv xa koj mus
    cuag leej twg mas koj yuav tsum mus tas tib si, thiab koj yuav hais txhua yam kuv qhia kom koj hais.
    8 Koj tsis txhob ntshai nyob ntawm lawv xub ntiag, vim kuv nrog koj nraim,
    kuv yuav cawm koj dim,” HUAB TAIS hais li ntawd.
    9 Ces HUAB TAIS cev tes tuaj chwv kuv qhov ncauj, nws hais rau kuv tias:
    "Ntsia saib, kuv muab kuv cov lus rau hauv koj qhov ncauj.
    10 Hnub no kuv tsa koj ua tus saib cov kuj cuab thiab cov ceeb tsheej.
    Koj yuav muab rho thiab yuav tsoo kom tawg, koj yuav ua kom puas ntsoog
    thiab yuav muab rhuav, koj yuav txhim tsa thiab yuav cog rau.

    NPN   71: 1-2, 3-4a, 5-6ab, 15+17

    Txais: (15ab) Kuv yuav hu nkauj cav txog koj txoj kev cawm neeg.

    Huab Tais, kuv tuaj nkaum nyob hauv koj,
    thov tsis txhob cia kuv raug kev txaj muag ib zaug li.
    VimNyob hauv koj txoj kev ncaj, thov tuaj pab kuv thiab tso kuv dim;
    thov koj cuab pob ntseg khoov los mloog kuv, thiab cawm kuv.

    Txais: (15ab) Kuv yuav hu nkauj cav txog koj txoj kev cawm neeg.

    Thov koj yog lub tsua rau kuv ua chaw nkaum,
    yog lub yeej thaiv kuv ntawm xwv txheej,
    vim koj yeej yog kuv lub tsua thiab lub yeej ntsa zeb.
    Kuv tus Tswv Ntuj, thov npo kuv ntawm cov neeg phem txhais tes.

    Txais: (15ab) Kuv yuav hu nkauj cav txog koj txoj kev cawm neeg.

    Huab Tais, koj yog kuv txoj kev tso siab;

    koj yog tus kuv ntseeg, Tswv Ntuj, txij thaum hluas los lawm.
    Kuv yeej vam txog koj txij thaum kuv yug los lawm;
    txij thaum kuv nyob hauv kuv niam plab los, koj yeej yog kuv lub zog.

    Txais: (15ab) Kuv yuav hu nkauj cav txog koj txoj kev cawm neeg.

    Kuv lub ncauj yuav tshaj koj txoj kev ncaj,
    thiab koj txoj kev cawm neeg hnub dhau hnub.
    Tswv Ntuj, koj tau qhuab qhia kuv txij thaum yau los lawm;
    los txog hnub no, kuv tshaj koj cov hauj lwm txaus qhuas.

    Txais: (15ab) Kuv yuav hu nkauj cav txog koj txoj kev cawm neeg.

    As Les Lus Yas

    Txais: As les lus yas, as les lus yas.

    Lub noob nplej yog Tswv Ntuj lo lus, Leej Pleev yog tus tseb nplej;
    Txhua leej uas tuaj cuag nws yuav ciaj nyob mus li.

    Txais: As les lus yas, as les lus yas.

    Ntawv Moo Zoo:   MT 13: 1-9

    1 Hnub ntawd, Yes Xus tawm hauv tsev mus zaum ntawm ntug dej ntuj.

    2 Tej pab neeg coob coob tuaj ntsauv nws, ces nws nce mus zaum hauv ib lub nkoj,
    hos tas tsoom neeg sawv nyob ntawm ntug dej.
    3 Yes Xus ua paj lug qhia lawv txog ntau yam; nwss hais li no: "Tus tseb nplej tawm mus tseb nplej.
    4 Thaum nws tseb, muaj ib co noob poob ze ntawm txoj kev, ces noog ya tuaj noj tas huv si lawm.
    5 Ib co noob poob rau hauv cov av pob zeb, nyob ntawd tsis muaj av ntau,
    ces noob tuaj kaus sai, vim av tsis tob.
    6 Thaum hnub tuaj, tshav ziab, cov yub nkig, vim tsis muaj cag ces cov yub qhuav tas.
    7 Tseem muaj ib co noob poob rau hauv cov pos; pos hlob tuaj laum cov yub tas.
    8 Hos muaj ib co noob poob rau hauv thaj av zoo, cov noob ntawd txhawv hnab, tej lub noob txi ib puas lub, tej lub txi rau caum lub, tej lub txi peb caug lub.
    9 Leej twg muaj pob ntseg, yeej meem mloog."  
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 20th July 2022, 1:30 am

    Tim     21     lub     7     Hli     2022
     
    Hnub Tsib Lis Piam Kaum Rau Nruab Xyoo ABC Nruab Lis Piam Xyoo II
    Lectionary: 398
     
    XHLT:   LN Lawrence nyob Brindisi, Leej Choj ua Kws cov Txuj Ntshiab
     
    Zaj Nyeem Ib:   YES LES MIAS 2: 1-3, 7-8, 12-13

    1 HUAB TAIS hais nws lo lus tuaj rau kuv li no:
    2 "Koj mus qw cov lus no kom Yes Lus Xas Les hnov, koj hais tias: ‘Huab Tais hais li no:

    Kuv nco txog koj, thaum koj hluas koj ua zoo rau kuv, koj nyiam kuv li tus nkauj nyab tshiab;
    koj tau raws kuv mus hauv teb chaws suab puam, hauv lub teb chaws tsis cog qoob cog loo.
    3 His Xas Lais yog tus ntshiab rau HUAB TAIS, yog thawj cov txiv thaum HUAB TAIS sau nws cov qoob.

    Leej twg noj cov qoob ntawd mas nws ua txhaum, nws tau raug xwv txheej loj.’” HUAB TAIS hais li ntawd.
    7 “Kuv tau coj nej los nyob hauv ib lub teb chaws zoo qoob loo, kom nej tau noj nws tej txiv

    thiab saj tej yam zoo nyob hauv nws. Nej tau nkag los nyob thiab nej ua kom kuv lub teb chaws
    qias tas phem tas; nej muab kuv lub cuab tam hloov ua ib yam tsiv saib.
    8 Cov Leej Choj tsis hais txog tias HUAB TAIS nyob qhov twg; cov tuav Txoj Cai twb tsis paub kuv li;

    cov tswv zov yaj lawv ntxeev siab rau kuv; cov yaj saub tuav txog Npas Has lub npe ua saub,
    lawv mus caum tej yam tsis muaj nqes dab tsi.
    12 Cov txheej ntuj, nej yuav poob siab nthav rau qhov no, nej yuav ceeb loj,

    thiab nej yuav tu siab kawg nkaus!”  HUAB TAIS hais li ntawd.
    13 “Vim kuv haiv neeg tau ua ob yam phem: Lawv tau tso kuv pov tseg, kuv uas yog lub qhov dej txhawv

    muaj txoj sia, thiab lawv tau mus khawb dua tej lub qhov dej, uas yog qhov to qab ntim tsis tau dej."

    NPN   36: 6-7ab, 8-9, 10-11

    Txais: (10a) Huab Tais, koj yog lub qhov dej txhawv pub txoj sia.

    HUAB TAIS, koj txoj kev khuv leej siab txij lub ntuj,
    koj lub siab pheej xeeb sawv siab txij cov huab.
    Koj txoj kev ncaj siab li Tswv Ntuj cov roob siab,
    koj txoj kev txiav txim tob li qab thu hiav txwv tob

    Txais: (10a) Huab Tais, koj yog lub qhov dej txhawv pub txoj sia.

    Tswv Ntuj, koj txoj kev khuv leej muaj nuj nqis ua luaj !
    Me nyuam tib neeg tuaj nkaum hauv koj qab tis qhov ntxoov.
    Lawv tau noj tej yam zoo tshaj txaus siab npo hauv koj tsev,
    koj ce koj tus dej qab ntshiab si rau lawv haus.

    Txais: (10a) Huab Tais, koj yog lub qhov dej txhawv pub txoj sia.

    Vim koj yog lub qhov dej txhawv pub txoj sia,
    thiab nyob hauv koj qhov pom kev peb pom qhov pom kev.
    Thov koj khuv leej cov uas yog koj phooj ywg tsis tseg,
    thiab txiav txim ncaj tas li rau cov uas muaj lub siab ncaj.

    Txais: (10a) Huab Tais, koj yog lub qhov dej txhawv pub txoj sia.

    As Les Lus Yas:   MT 11: 25

    Txais: As les lus yas, as les lus yas..

    Kuv cav lus zoo txog koj, Leej Txiv, Huab Tais kav lub ntuj lub teb,
    vim koj tau qhia tej yam tob txog lub Ceeb tsheej rau cov neeg me paub.

    Txais: As les lus yas, as les lus yas

    Ntawv Moo Zoo:   MT 13: 10-17

    10 Cov thwj tim txav los ze Yes Xus, lawv hais rau nws tias:

    "Vim li cas koj thiaj ua paj lug hais lus rau tsoom neeg coob?"
    11 Nws teb rau lawv tias: "Vim tias nej tau txais lub txiaj ntsim paub txog tej yam tob
    hauv lub Ceeb Tsheej saum ntuj, tab sis cov ntawd tsis tau txais.
    12 Tus uas twb muaj lawm, mas Ntuj yuav pub ntxiv rau nws kom nws nplua nuj;
    hos tus tsis muaj, mas qhov me me nws muaj tseem yuav raug muab thau tawm mus.
    13 Vim li ntawd, kuv thiaj ua paj lug hais rau lawv, vim tias ‘lawv ntsia los lawv tsis pom,
    lawv hnov los lawv tsis mloog thiab tsis to taub.’
    14 Lawv thiaj ua raws li cov lus uas Yaj Saub His Xais xub hais tseg tias:
    ‘Nej pob ntseg hnov los nej yuav tsis to taub; nej ntsia, los nej yuav tsis pom.
    15 Haiv neeg no lub siab qhwv dhau, lawv pob ntseg tsis hnov lus thiab lawv tau qi qhov muag,

    vim lawv ntshai tsam lawv qhov muag pom, thiab ntshai tsam lawv pob ntseg hnov lus,
    ces lawv lub siab yuav to taub ces lawv yuav tsum hloov siab, thiab kuv yuav kho tau kom lawv zoo.’
    16 Hos nej, mas nej qhov muag tau txoj hmoov zoo, vim nej qhov muag pom kev;

    nej pob ntseg tau txoj hmoov zoo, vim nej pob ntseg hnov lus.
    17 Kuv hais tseeb rau nej, cov yaj saub thiab cov neeg siab ncaj thaud coob leej ntshaw pom yam
    uas nej pom, tab sis lawv tsis tau pom, ntshaw hnov yam uas nej hnov, tab sis lawv tsis tau hnov.”  
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 21st July 2022, 2:08 am

    Tim     22     lub     7     Hli     2022

    Hnub Rau Lis Piam Kaum Rau Nruab Xyoo C Nruab Lis Piam Xyoo II

    Koob Tsheej Hwm LN Mab Liab Mas Ntas Las

    Lectionary: 603

    Zaj Nyeem Ib:    KWV TXHIAJ 3: 1-4b

    Tus nkauj nyab hais tias:

    1 Kuv nyob saum kuv lub lav, ntuj teb tag hmo,
    kuv nrhiav tus uas kuv lub siab nyiam.
    Kuv nrhiav nws, tab sis nrhiav tsis tau.
    2 Kuv yuav sawv mus ncig hauv lub nroog,
    yuav nrhiav ntawm tej kev, ntawm tej tshav puam.
    Kuv nrhiav tus uas kuv lub siab nyiam;
    kuv nrhiav nws, tab sis nrhiav tsis tau.
    3 Cov tub zov keeb uas ncig mus ncig los hauv lub nroog,

    lawv ntsib kuv: "Nej puas pom tus kuv lub siab nyiam?"
    4 Kuv nyuam qhuav mus dhau plaws ntawm lawv,
    ces kuv nrhiav tau tus kuv lub siab nyiam.

    Los:    2 KLN 5: 14-17

    Cov kwv tij nkauj muad:
    14 Leej Pleev txoj kev nyiam yuav txhib peb lub siab, yog peb ntseeg ruaj tias

    ib tug neeg tau tuag pub rau sawv daws, ces sawv daws kuj tau nrog nws tuag thiab.
    15 Leej Pleev yog tus tau tuag pub rau sawv daws, kom cov neeg ciaj nyob txhob ua neej rau lawv tus kheej ntxiv lawm, tiam sis kom lawv ua neej rau tus uas tau tuag pub rau lawv, thiab nws tau sawv rov los lawm.
    16 Li ntawd, txij nyem no mus, peb yuav tsis txhob saib ib tug neeg raws li lub cev sab nqaij tawv lawm;

    txawm peb tau pom Leej Pleev nyob hauv nws lub cev, los nyem no peb tsis pom nws zoo li ntawd lawm.
    17 Li no, yog leej twg nyob hauv Leej Pleev, mas nws yog ib tug uas raug tsim dua tshiab lawm:

    yam qub dua tas, yam tshiab los nyob lawm.

    NPN    63: 2, 3-4, 5-6, 8-9

    Txais: (2b) Kuv tus ntsuj plig nqhis txog koj, Huab Tais, kuv tus Tswv Ntuj.

    Tswv Ntuj, koj yog kuv tus Tswv Ntuj, yog tus kuv nrhiav;
    kuv lub cev seev yees txog koj, kuv tus plig nqhis txog koj,
    zoo puav tam li av qhuav qhawv, nkig nkuav, tsis tau dej.

    Txais: (2b) Kuv tus ntsuj plig nqhis txog koj, Huab Tais, kuv tus Tswv Ntuj.

    Kuv tig mus saib koj nyob hauv lub tuam tsev ntshiab,
    kuv pom koj lub hwj huam thiab koj lub hwj chim.
    Vim koj txoj kev hlub kev ua zoo muaj nqis dua txoj sia,
    kuv di ncauj yuav cav lus zoo txog koj lub hwj chim.

    Txais: (2b) Kuv tus ntsuj plig nqhis txog koj, Huab Tais, kuv tus Tswv Ntuj.

    Kuv yuav cav txog koj tas kuv sim neej,
    kuv yuav tsa tes thov ntuj hu txog koj lub npe.
    Kuv tus ntsuj plig yuav txaus siab hlo li tus tau noj nqaig noj hno,
    kuv di ncauj yuav zoo siab, kuv lub ncauj yuav qhuas txog koj.

    Txais: (2b) Kuv tus ntsuj plig nqhis txog koj, Huab Tais, kuv tus Tswv Ntuj.

    Koj yog tus pab kuv;
    kuv qw zoo siab nyob hauv koj phab tis qhov ntxoov.
    Kuv tus ntsuj plig dai dhuam rau ntawm koj,
    koj txhais tes xis hwj kuv nraim.

    Txais: (2b) Kuv tus ntsuj plig nqhis txog koj, Huab Tais, kuv tus Tswv Ntuj.

    As Les Lus Yas

    Txais: As les lus yas, as les lus yas.

    Mab Liab, koj qhia rau peb saib, koj pom dab tsi ntawm kev?
    Kuv pom Leej Pleev sawv rov los lub hwj chim, kuv pom nws lub ntxa qhuav.

    Txais: As les lus yas, as les lus yas.

    Ntawv Moo Zoo:     ZAM 20: 1-2, 11-18

    1 Thawj hnub pib lub lis piam thaum sawv ntxov ntuj tsis tau kaj, Mab Liab Mas Ntas Las mus tom ntxa.

    Nws pom daim txiag zeb tshem ntawm lub ntxa lawm.
    2 Mab Liab khiav mus cuag Xis Moos Pob Zeb thiab lwm tus thwj tim, uas yog tus Yes Xus nyiam.
    Nws hais rau nkawd tias: "Lawv nqa Huab Tais tawm hauv ntxa lawm,
    peb tsis paub xyov lawv coj nws mus tso rau qhov twg lawm."
    11 Mab Liab sawv ze ntawm lub ntxa sab nraud, nws quaj. Thaum nws quaj, nws khoov xauj hauv lub ntxa.

    12 Ces nws pom ob tug tshiab hnav dawb zaum ntawm qhov chaw uas lawv tso Yes Xus lub cev,
    ib tug zaum pem taub hau, ib tug zaum nram ko taw.
    13 Ob tug Tshiab hais rau Mab Liab tias: "Tus poj niam, ua cas koj quaj?" Mab Liab hais rau nkawd tias:
    "Lawv nqa kuv tus Huab Tais lawm, kuv tsis paub lawv muab nws tso rau qhov twg li."
    14 Hais li ntawd tas, Mab Liab tig ntsia tom qab, nws pom Yes Xus sawv ntsug nyob ntawd,
    tab sis nws tsis paub tias yog Yes Xus.
    15 Yes Xus hais rau Mab Liab tias: "Tus poj niam, ua cas koj quaj? Koj nrhiav leej twg?" Mab Liab xav tias
    yog tus tu lub vaj, ces Mab Liab hais rau nws tias: "Txiv hlob, yog koj nqa nws mus lawm no,
    koj qhia kuv saib koj muab nws tso rau qhov twg , kuv yuav mus nqa nws los."
    16 Yes Xus hais rau Mab Liab tias: "Mab Liab!" Mab Liab tig hlo mus,
    nws ua lus Hes Nplaws hais tias: "Las Npus Nis!" Txhais tias: Xib Hwb.
    17 Yes Xus hais rau Mab Liab tias: "Koj txhob tuav kuv, vim kuv tseem tsis tau nce mus cuag Leej Txiv.
    Tiam sis koj mus cuag kuv cov kwv tij, koj hais rau lawv tias: ‘Kuv yuav mus cuag
    kuv Txiv thiab nej Txiv, mus cuag kuv tus Tswv Ntuj thiab nej tus Tswv Ntuj.’"
    18 Mab Liab Mas Ntas Las thiaj los tshaj rau cov thwj tim tias: "Kuv pom Huab Tais lawm,”
    thiab nws hais cov lus Yes Xus tau hais rau nws rau lawv.  
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 22nd July 2022, 1:35 am

    Tim     23     lub     7     Hli     2022
     
    Hnub Xya Lis Piam Kaum Rau Nruab Xyoo ABC Nruab Lis Piam Xyoo II
    Lectionary: 400                            
     
    XHLT:   LN Bridget nyob Sweden
     
    Zaj Nyeem Ib:   YES LES MIAS 7: 1-11

    1 HUAB TAIS hais nws lo lus rau Yes Les Mias li no :

    2 "Koj mus sawv nyob ntawm lub qhov rooj chaws mus hauv HUAB TAIS lub tuam tsev,
    koj tshaj lo lus no nyob ntawd: ‘Cov Yus Das sawv daws uas nej chaws
    cov qhov rooj no mus teev HUAB TAIS, nej mloog HUAB TAIS lo lus no:
    3 Tus HUAB TAIS kav tsoom tshiab, His Xas Lais tus Tswv Ntuj hais li no:
    Nej kho nej tus yeeb yam thiab nej tes hauj lwm kom zoo,
    kuv thiaj yuav nrog nej nyob hauv thaj chaw no.
    4 Nej tsis txhob cia siab rau lo lus dag tias: ‘Lub tsev no yog HUAB TAIS lub tsev,
    yog HUAB TAIS lub tsev! Yog Huab Tais lub tsev!’
    5 Yog nej kho nej tus yeeb yam thiab nej tes hauj lwm kom zoo tiag tiag,
    yog nej txhua tus ua ncaj rau cov neeg nyob ze nej,
    6 yog nej tsis ua phem rau cov pej kum neeg, cov me nyuam ntsuag thiab cov poj ntsuam,
    yog nej tsis ua kom cov neeg tsis muaj txhaum ntshav nrog nyob ntawm thaj chaw no,
    yog nej tsis mus teev lwm cov tswv ntuj kom nej tau hmoov phem,
    7 mas kuv yuav ua kom nej tau nyob hauv thaj chaw no, hauv lub teb chaws
    uas kuv ib txwm tau muab rau nej cov yawg koob nyob mus li puag thaum ub los lawm.
    8 Tab sis nej tso siab rau tej lus dag, tej lus tsis muaj nqes dab tsi rau nej.
    9 Puas tsim nyog nej ua tub sab, nej tua neeg, nej zes luag poj luag sev, nej tsa tes rau ntuj los hais lus dag,
    nej hlawv xyab hlawv ntawv rau Npas Has, nej teev lwm cov tswv ntuj uas nej tsis paub?
    10 Nej ua li ntawd tas, nej tseem tuaj nyob ntawm kuv xub ntiag hauv lub Tuam Tsev no,
    uas yog lub tsev ris kuv lub npe, nej tseem hais tias: ‘Peb tsis ntshai raug kev phem dab tsi,
    peb yeej ua tau tas puas tsav yam phem tsiv saib ntawd huv tib si!’
    11 Puas yog nej saib tias lub Tuam Tsev uas ris kuv lub npe no
    ces tsuas yog tub sab lub chaw nkaum xwb?
    Ntawm kuv los kuv yeej saib ntsoov, kuv pom txhua yam,’” HUAB TAIS hais li ntawd.

    NPN    84: 3, 4, 5-6a+8a, 11

    Txais: (2) Huab Tais, Tswv Ntuj muaj hwj huam, koj lub tuam tsev zoo xis siab ua luaj!

    Kuv tus plig ntshaw seev yees yuj plaws rau HUAB TAIS cov tshav loog.
    Kuv lub siab lub cev quaj qw hu txog tus Tswv Ntuj muaj txoj sia.

    Txais: (2) Huab Tais, Tswv Ntuj muaj hwj huam, koj lub tuam tsev zoo xis siab ua luaj!

    Tab cov me noog ntxias nrhiav tau chaw nyob,
    noog luv nrhiav tau zes puag me nyuam ntawm koj cov thaj txi ntuj,

    HUAB TAIS kav tsoom tshiab, kuv tus vaj, kuv tus Tswv Ntuj!

    Txais: (2) Huab Tais, Tswv Ntuj muaj hwj huam, koj lub tuam tsev zoo xis siab ua luaj!

    Cov neeg nyob hauv koj tsev lawv txoj hmoov zoo;
    lawv tau kev cav txog koj mus li tsis tseg.
    Cov uas saib koj yog lawv lub zog, lawv txoj hmoov zoo;
    lawv yim mus kev lawv lub zog yim loj tuaj.

    Txais: (2) Huab Tais, Tswv Ntuj muaj hwj huam, koj lub tuam tsev zoo xis siab ua luaj!

    Kuv yeem nyob ib hnub hauv koj cov tshav loog
    zoo dua nyob ib txhiab hnub lwm qhov chaw,
    kuv yeem nyob ntawm kuv tus Tswv Ntuj taw rooj
    zoo dua nyob hauv tus neeg phem lub tsev tsam phooj.

    Txais: (2) Huab Tais, Tswv Ntuj muaj hwj huam, koj lub tuam tsev zoo xis siab ua luaj!

    As Les Lus Yas:   YAS KOS 1: 21bc

    Txais: As les lus yas, as les lus yas.

    Nej qhib ib lub siab me txais Lo Lus uas twb muab cog rau hauv nej lawm.
    Lo Lus ntawd yuav cawm tau nej tus plig.

    Txais: As les lus yas, as les lus yas.

    Ntawv Moo Zoo:   MT 13: 24-30

    24 Yes Xus tseem hais dua ib zag paj lug rau tsoom neeg tias: “Lub Ceeb Tsheej saum ntuj

    muab piv tau rau ib tug neeg tseb ib co noob zoo rau hauv nws daim teb.
    25 Thaum sawv daws tsaug zog tas lawm, nws tus yeeb ncuab tuaj tseb
    ib co noob nroj xyaw cov nplej ntawd tas ces nws rov qab mus lawm.
    26 Thaum cov nplej hlob tuaj thiab nplej txhawv, nroj kuj tawm tuaj thiab.
    27 Cov tub txib tuaj hais rau tus tswv qoob tias: "Huab Tais, koj tau tseb
    ib co noob zoo rau hauv koj daim teb los tsis sub? Vim li cas thiaj muaj nroj?"
    28 Tus tswv qoob teb rau lawv tias: "Yog ib tug yeeb ncuab ua qhov ntawd." Cov tub txib hais
    rau tus tswv tias: "Koj puas xav kom peb mus dob cov nroj pov tseg?" Tus tswv teb tias:
    29 "Kuv tsis xav! Tsam thaum nej dob nroj, nej rho tau nplej nrog thiab.
    30 Nej cia nroj thiab nplej hlob ua ke mus txog lub caij sau qoob; thaum txog caij sau qoob,
    kuv mam hais rau cov sau nplej tias: ‘Nej xub sau cov nroj pav ua tej teg cia hlawv,
    hos nej sau cov nplej mus rau hauv kuv lub txhab.’"   
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 24th July 2022, 1:58 am

    Tim     25     lub     7     Hli     2022

    Hnub Ob Lis Piam Kaum Xya Nruab Xyoo C Nruab Lis Piam Xyoo II

    Hmoov Tsuj Xeeb Hwm LN Yas Kos, tus Hauv Paus Xa Lus

    Zaj Nyeem Ib: 2 KLN 4: 7-15

    Cov kwv tij nkauj muad:
    7 Peb khaws yam muaj nqis loj no cia rau hauv tej lub hub av,

    kom lub hwj huam loj ntawd yog tuaj ntawm Tswv Ntuj tuaj, tsis yog tawm ntawm peb los.
    8 Peb raug kev tsim txom nyob hauv txhua yam, tab sis peb tsis raug yuam;
    peb ntsib kev nyuaj siab, tiam sis peb tsis tas kev cia siab.
    9 Peb raug luag hiam, tab sis Ntuj tsis tso peb pov tseg;
    peb raug luag thawb ntiag rau hauv av, tab sis peb tsis raug luag rhuav.
    10 Peb mus txog qhov twg, peb ris rawv Yes Xus txoj kev tuag nyob hauv peb lub cev,
    kom xwv Yes Xus txoj sia tawm tuaj nyob hauv peb lub cev thiab.
    11 Txawm peb muaj txoj sia los peb yeej niaj hnub yuav raug kev tuag vim Yes Xus,
    kom xwv Yes Xus txoj sia tawm tuaj nyob hauv peb lub cev uas txawj tuag.
    12 Li ntawd txoj kev tuag lis rawv nws txoj hauj lwm nyob hauv peb,

    hos txoj sia lis rawv nws txoj hauj lwm nyob hauv nej.
    13 Li ntawd ces peb muaj tib lub tswv yim ntseeg xwb, raws li ntawv sau tseg tias:
    ‘Kuv ntseeg, kuv thiaj tau hais lus.’ Peb kuj ib yam, peb ntseeg, ces peb thiaj hais lus.
    14 Peb paub tseeb tias, tus tau tsa Huab Tais Yes Xus sawv rov los, nws kuj yuav tsa peb
    nrog Yes Xus sawv rov los, thiab yuav coj peb nrog nej mus nyob ze nws.
    15 Tas txhua yam peb ua yog ua los pab nej xwb, kom lub txiaj ntsim nplua mias
    uas Ntuj nchuav los rau saum ib co neeg coob zuj zus yuav ua kom
    txoj kev ua Ntuj tsaug muaj ntau ntws lug ces Tswv Ntuj yuav muaj hwj chim loj.

    NPN 126: 1bc-2ab, 2cd-3, 4-5, 6

    Txais: (5) Cov neeg tseb nplej ntxuag kua muag yuav sau nplej ntxuag kev zoo siab.

    Thaum HUAB TAIS coj cov neeg Xis Yoos mus nyob txim rov los,
    peb zoo li ib co neeg ua npau suav.
    Peb lub ncauj muaj suab luag nqhua,
    peb tus nplaig qw nkauj zoo siab.

    Txais: (5) Cov neeg tseb nplej ntxuag kua muag yuav sau nplej ntxuag kev zoo siab.

    Tej pej kum cuab hais nroo ntws tias :
    "HUAB TAIS ua tej yam loj tas nrho rau lawv!"
    HUAB TAIS yeej tau ua tej yam loj rau peb tiag,
    peb zoo siab kawg nkaus.

    Txais: (5) Cov neeg tseb nplej ntxuag kua muag yuav sau nplej ntxuag kev zoo siab.

    HUAB TAIS, thov koj rov ua kom peb vam meej,
    xws li dej sab siv huam nyob teb chaws suab puam.
    Cov neeg tseb nplej ntxuag kua muag,
    lawv yuav sau nplej ntxuag kev zoo siab.

    Txais: (5) Cov neeg tseb nplej ntxuag kua muag yuav sau nplej ntxuag kev zoo siab.

    Thaum mus, lawv quaj kua muag poob,
    vim lawv ris cov seev noob,
    thaum rov los, lawv hu nkauj zoo siab,
    vim lawv ris cov res nplej tshiab los.

    Txais: (5) Cov neeg tseb nplej ntxuag kua muag yuav sau nplej ntxuag kev zoo siab.

    As Les Lus Yas: ZAM 15: 16

    Txais: As les lus yas, as les lus yas.

    Huab Tais hais tias: Kuv xaiv nej tawm ntawm ntiaj teb los
    kom nej mus txi ib co txiv uas yuav nyob ruaj.

    Txais: As les lus yas, as les lus yas.

    Ntawv Moo Zoo: MT 20: 20-28

    20 Ntxes Npes Dais ob tug tub leej niam nrog nws ob tug tub txav los ze Yes Xus,

    nws txhos caug ntua thov ib yam ntawm Yes Xus.
    21 Yes Xus hais rau nws tias: “Koj xav tau dab tsi?” Leej niam hais rau Yes Xus tias: “Thov koj cia kuv ob tug
    tub no, ib tug zaum ntawm koj sab xis, ib tug zaum ntawm koj sab laug nyob hauv koj lub Ceeb Tsheej.”
    22 Yes Xus teb tias: “Nej tsis paub qhov nej thov. Neb puas haus taus
    lub ntim uas kuv yuav haus?” Nkawd teb tias: “Wb haus taus.”
    23 Yes Xus hais rau nkawd tias: “Kuv lub ntim, mas neb yuav haus,
    tab sis qhov yuav tau zaum ntawm kuv sab xis thiab sab laug, tsis yog kuv yuav
    muab rau neb; kuv Txiv npaj qhov ntawd rau leej twg, mas yog leej twg tug."
    24 Kaum leej thwj tim hnov cov lus thov ntawd, lawv npau taws rau nkawd ob kwv tij.

    25 Ces Yes Xus hu lawv kom txav los ze nws, nws hais tias: “Nej paub tias cov thawj tswj tsoom kuj cuab
    lawv kav pej xeem nruj, cov loj ua kom tsoom pej xeem pom tias lawv muaj peev xwm tswj neeg tiag.
    26 Tab sis nyob hauv nej, mas yuav tsis txhob muaj li ntawd;
    leej twg xav ua tus loj nyob hauv nej, mas nws yuav ua nej tus tub txib.
    27 Leej twg xav ua tus thawj nyob hauv nej, mas nws yuav ua nej tus tub qhe.
    28 Yog vim li ntawd, Neeg Leej Tub tsis yog tuaj nyob ntiaj teb no kom luag tsob hwb nws,
    nws tuaj kom tau tsob hwb sawv daws, thiab muab nws txoj sia los ua nqi txhiv coob leej.”  
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 25th July 2022, 3:44 am

    Tim     26     lub     7     Hli     2022
     
    Hnub Peb Lis Piam Kaum Xya Nruab Xyoo ABC Nruab Lis Piam Xyoo II
    Lectionary: 402
     
    Yuav Hwm LN Yuas Kis thiab As Nas, Niam Mab Liab niam thiab txiv
     
    Zaj Nyeem Ib:   YES LES MIAS 14: 17-22

    17 Koj yuav hais lo lus no rau lawv: “Kuv kua muag poob nruab hnub hmo ntuj tsis muaj caij tu li,

    vim kuv haiv neeg tus ntxhais nkauj xwb tsim txiaj raug rhuav loj kawg li,
    nws raug ib lub lub mob hnyav kawg nkaus.
    18 Yog kuv tawm mus tom nruab liaj nruab teb, mas pom neeg raug ntaj tua; yog kuv tuaj hauv nroog, mas pom cov mob nkeeg vim tshaib plab. Tab yog tus Yaj Saub los tus Leej Choj, lawv mus nrhiav noj rau hauv lub teb chaws uas lawv tsis paub.”
    19 Puas yog koj muab Yus Das xyeeb hlo pov tseg lawm? Puas yog vim Xis Yoos dhuav kojsiab dhau?

    Ua cas koj thiaj nplawm peb sab npaum li no? Tsis muaj kev yuav rov kho tau peb zoo li;
    peb tos txoj kev thaj yeeb, tab sis tos tsis tau dab tsi; peb tos lub caij peb tus mob yuav zoo,
    tab sis peb tsuas tau kev ntshai tuav plig rawv xwb.
    20 HUAB TAIS, peb lees tias peb lub siab phem, peb lees paub peb cov yawg koob
    tej kev txhaum, peb tau ua txhaum rau koj lawm tiag.
    21 Thov koj txuag koj lub npe, koj tsis txhob ntiab peb; koj tsis txhob cia lub theej kiab muaj koj lub hwj chim poob koob meej; thov koj nco ntsoov lo lus koj tau nrog peb cog, koj tsis txhob muab thim.
    22 Nyob hauv tsoom haiv neeg tej mlom tej dab, puas muaj ib tug pub kom nag los? Los puas yog lub ntuj txawj tso nag los nws tus kheej? HUAB TAIS peb tus Tswv Ntuj, tsis yog koj ua tej ntawd xwb lod?
    Koj yog tus peb tso siab rau vim koj yeej yog tus ua tau tas ib puas tsav yam ntawd."

    NPN   79: 8, 9, 11+13

    Txais: (9) Huab Tais, thov koj cawm peb, kom koj lub npe tau hwj chim.

    Thov koj txhob nco txog peb txheej thaud tej txhaum ntxiv;
    coj koj txoj kev khuv leej tuaj rau peb sai sai,
    vim peb poob rau qhov qis kawg nkaus lawm.

    Txais: (9) Huab Tais, thov koj cawm peb, kom koj lub npe tau hwj chim.

    Thov koj pab peb, Tswv Ntuj peb tus cawm seej,
    vim koj lub npe muaj hwj chim loj;
    Thov cawm peb thiab zam peb cov txhaum rau peb
    vim koj xav txuag koj lub npe.

    Txais: (9) Huab Tais, thov koj cawm peb, kom koj lub npe tau hwj chim.

    Thov koj cia cov neeg nyob txim lub suab nroo tuaj txog koj;
    koj siv koj lub hwj huam loj los cawm cov neeg poob rau kev tuag.
    Ces peb, uas yog koj haiv neeg thiab pab yaj nyob hauv koj lub nras zaub
    peb yuav ua koj tsaug mus li ib txhis;
    tiam dhau tiam peb yuav cav txog koj lub koob meej.

    Txais: (9) Huab Tais, thov koj cawm peb, kom koj lub npe tau hwj chim.

    As Les Lus Yas

    Txais: As les lus yas, as les lus yas.

    Lub noob nplej yog Tswv Ntuj lo lus, Leej Pleev yog tus tseb nplej;
    Txhua leej uas tuaj cuag nws yuav tau txoj sia nyob mus li.

    Txais: As les lus yas, as les lus yas.

    Ntawv Moo Zoo:   MT 13: 36-43

    36 Yes Xus tso tsoom sid tseg, nws rov mus hauv tsev. Ces nws cov thwj tim txav los hais rau nws tias:

    "Koj txhais zaj paj lug hais txog cov nroj tuaj hauv daim teb rau peb saib."
    37 Yes Xus teb rau lawv tias: "Tus tseb cov noob zoo, yog Neeg Leej Tub.
    38 Daim teb, yog lub qab ntuj neeg, cov noob zoo,
     yog cov tub ki hauv lub Ceeb Tsheej; cov nroj, yog tus Phem cov tub.
    39 Tus yeeb ncuab uas tseb cov noob nroj, yog tus Dab Phem.
    Lub caij sau nplej, yog lub zim txwv kawg; cov tub sau nplej, yog cov Tshiab.
    40 Ib yam li cov nroj tsuas kawg yuav raug muab sau los hlawv hauv hluav taws,
    lub zim txwv kawg kuj yuav zoo ib yam li ntawd :
    41 Neeg Leej Tub yuav xa nws cov Tshiab tuaj, lawv yuav sau tas txhua tus uas coj neeg mus
    ua txhaum thiab tas cov neeg ua phem huv tib si tawm hauv nws lub Ceeb Tsheej mus,
    42 thiab yuav muab lawv pov rau hauv lub qhov hluav taws uas kub ntaiv;
    nyob hauv, sawv daws yuav quaj laug laws thiab yuav tom hniav nkawv.
    43 Ces cov neeg siab ncaj yuav ci ntsa iab zoo li lub hnub nyob hauv lawv Txiv lub Ceeb Tsheej.
    Leej twg muaj pob ntseg, yeej meem mloog.”  
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 26th July 2022, 3:00 am

    Tim     27     lub     7     Hli     2022
     
    Hnub plaub Lis Piam Kaum Xya Nruab Xyoo ABC Nruab Lis Piam Xyoo II
    Lectionary: 403
     
    Zaj Nyeem Ib:   YES LES MIAS 15: 10, 16-21

    10 Kuv niad, kuv txoj hmoov phem, vim koj yug kuv los yog ib tug neeg ua kom tas lub teb chaws

    tsis sib haum, sib cav sib ceg. Kuv tsis tau qiv tsis tau txais dab tsi, tsis kav sawv daws foom kuv phem.
    16 Thaum kuv nrhiav tau koj cov lus, kuv muab nqos tas.

    Koj cov lus ua rau kuv puv siab, ua rau kuv zoo siab nyob puag hauv nruab plaw,
    vim luag hu kuv raws koj lub npe os, HUAB TAIS tus Tswv Ntuj kav tsoom tshiab aw.
    17 Kuv tsis zaum nrog cov neeg nyiam hais lus thuam neeg los zoo siab nrog lawv;
    koj txhais tes cheem kuv ces kuv zaum kuv ib leeg; koj ua kom kuv lub siab meem txom.
    18 Vim li cas kuv lub mob thiaj tsis muaj caij xaus, kuv lub qhov txhab thiaj kho tsis tau kom zoo,
    thiab tsis kam zoo li? Koj zoo li yog ib tug dej dag neeg, uas cov dej tsis xwm yeem kiag li.
    19 Ces HUAB TAIS teb li no: “Yog koj tig rov los, mas kuv yuav rov tsa koj zoo li qub dua,

    koj yuav los sawv nyob ntawm kuv xub ntiag; yog koj txawj muab tau qhov zoo tawm ntawm qhov phem los, mas koj yuav yog kuv lub qhov ncauj; lawv yuav rov los cuag koj, hos koj yuav tsis txhob mus cuag lawv!
    20 Kuv yuav tsa koj ua ib lub ntsa loog tooj ruaj khov rau haiv neeg ntawd.
    Lawv yuav tsa rog ntaus koj, tab sis lawv yuav tsis yeej koj, vim kuv nrog koj nraim,
    kuv yuav cawm koj thiab npo koj dim,” HUAB TAIS hais li ntawd.
    21 “Kuv yuav npo koj ntawm cov neeg siab phem txhais tes thiab
    kuv yuav txhiv koj tawm ntawm cov neeg siab heev lub xib teg los."

    NPN   59: 2-3, 4, 10-11, 17, 18

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum.

    Kuv tus Tswv Ntuj, thov koj npo kuv dim ntawm kuv cov yeeb ncuab ;
    thov koj txuag kuv ntawm cov neeg tuaj ntaus kuv.
    Thov npo kuv ntawm cov neeg ua phem rau kuv,
    cawm kuv ntawm cov neeg siab nyoos.

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum.

    Ntsia saib, lawv tuaj nyas txov kuv txoj sia;
    cov neeg muaj hwj huam loj tuaj ntaus kuv.
    HUAB TAIS, tsis yog vim kuv tau ua yuam kev, los ua txhaum li.

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum..

    Tswv Ntuj, koj yog kuv lub zog, kuv ntsia ntsoov koj.
    Vim koj Tswv Ntuj, yog kuv lub yeej ntsa zeb.
    Thov kom kuv tusTswv Ntuj txoj kev hlubkhuv leej mus ua kuv ntej,
    kom nws cia kuv pom kuv cov yeeb ncuab swb.

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum.

    Ntawm kuv, kuv yuav hu nkauj cav txog koj lub zog;
    sawv ntxov tsees, kuv zoo siab nyob hauv koj txoj kev khuv leej,
    vim koj yog kuv lub yeej ntsa zeb khov,
    yog kuv qhov chaw nkaum hnub kuv muaj kev txom nyem,.

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum.

    Kuv lub zog! Kuv yuav hu nkauj cav txog koj;
    vim koj Tswv Ntuj, yog kuv lub yeej ntsa zeb khov,
    yog kuv tus Tswv Ntuj muaj kev khuv leej neeg!

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum.

    As Les Lus Yas:   ZAM 15: 15b

    Txais: As les lus yas, as les lus yas.

    Huab Tais hais tias: “Kuv hu nej ua phooj ywg, vim kuv tau qhia rau

    nej paub tas ib puas tsav yam uas Leej Txiv tau hais rau kuv lawm.”

    Txais: As les lus yas, as les lus yas.

    Ntawv Moo Zoo:   MT 13: 44-46

    Yes Xus hais rau nws cov thwj tim tias:
    44 “Lub Ceeb Tsheej saum ntuj zoo li ib hub nyiaj faus rau hauv ib daim teb.

    Muaj ib tug neeg mus nrhiav tau, nws rov muab zais; nws zoo siab ces nws mus
    muag nws lub cuab tam tas huv si, thiab mus muas daim teb ntawd.
    45 Ntuj lub Ceeb Tsheej tseem zoo li ib tug tub luam nrhiav cov hlaws npliag deg zoo nkauj.
    46 Thaum nws nrhiav tau ib lub hlaws nphiag deg muaj nqi loj, nws mus muag

    nws lub cuab tam tas huv si, ces nws mus muas lub hlaws npliag deg ntawd.”   
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 27th July 2022, 1:11 am

    Tim    28     lub     7     Hli     2022
     
    Hnub Tsib Lis Piam Kaum Xya Nruab Xyoo ABC Nruab Lis Piam Xyoo II
    Lectionary: 404
     
    Zaj Nyeem Ib:   YES LES MIAS 18:  1-6

    1 HUAB TAIS lo lus nrov tuaj txog Yes Les Mias li no tias:

    2 "Koj sawv tsees mas! Koj mus nram tus puab lauj kaub av tsev;
    nyob nrad, kuv yuav hais kuv cov lus rau koj.”
    3 Ces kuv mus nram tus puab lauj kaub av tsev,
    nws tab tom ua hauj lwm kiv lub kauj vab puab lauj kaub.
    4 Thaum muaj ib lub lauj kaub av tus puab lauj kaub txhais tes puab tsis tau kom zoo,
    mas nws rov muab cov av ntawd puab dua ua lwm lub xws li nws pom zoo.
    5 Ces HUAB TAIS lo lus nrov tuaj rau kuv li no:
    6 "His Xas Lais tsev neeg, yog kuv xav ua rau nej xws li tus puab lauj kaub ntawd ua tsis tau lod?”
    Huab Tais hais li ntawd. “Xws li cov av nyob hauv tus puab lauj kaub txhais tes,
    nej kuj nyob hauv kuv txhais tes ib yam thiab, His Xas Lais tsev neeg."

    NPN    146:  1b-2, 3-4, 5-6ab

    Txais: (5a) Tus muaj Yas Kos tus Tswv Ntuj pab nws mas nws txoj hmoov zoo.
    los: As les lus yas.

    Kuv tus plig, koj cav lus zoo txog HUAB TAIS mas!
    Kuv yuav cav txog HUAB TAIS tas kuv sim neej,
    kuv yuav hu nkauj cav txog kuv tus Tswv Ntuj
    thaum kuv tseem muaj txoj sia nyob.

    Txais: (5a) Tus muaj Yas Kos tus Tswv Ntuj pab nws mas nws txoj hmoov zoo.
    los: As les lus yas.

    Nej tsis txhob tso siab rau cov ua nom ua tswv,
    rau tib neeg uas tsis muaj hwj huam cawm tau nej;
    Nws txoj pa tu nrho, nws kawg rov mus ua av luaj,
    thaum ntawd, tej yam nws xav ua kuj ploj mus tas.

    Txais: (5a) Tus muaj Yas Kos tus Tswv Ntuj pab nws mas nws txoj hmoov zoo.
    los: As les lus yas.

    Tus muaj Yas Kos tus Tswv Ntuj pab nws mas nws txoj hmoov zoo,
    nws tso siab lug rau HUAB TAIS nws tus Tswv Ntuj,
    uas yog tus tsim lub ntuj tsim lub ntiaj teb,
    tsim dej ntuj thiab tas ib puas tsav yam nyob hauv dej.

    Txais: (5a) Tus muaj Yas Kos tus Tswv Ntuj pab nws mas nws txoj hmoov zoo.
    los: As les lus yas.

    As Les Lus Yas:    HAUJ LWM 16:  14b

    Txais: As les lus yas, as les lus yas.

    Huab Tais, thov koj qhib peb lub siab
    Kom peb mloog koj Leej Tub cov lus.

    Txais: As les lus yas, as les lus yas.

    Ntawv Moo Zoo:    MT 13:  47-53

    Yes Xus hais rau nws cov thwj tim tias:
    47 "Lub Ceeb Tsheej saum ntuj tseem zoo li ib lub vas uas luag

    pov rau hauv dej ntuj; nws puav tau ntau tsav ntau hom ntses.
    48 Thaum lub vas puv lawm, lawv rub lub vas los tim ntug nqhuab,
    ces lawv zaum xaiv cov zoo rau hauv tawb, hos muab cov tsis zoo pov tseg.
    49 Thaum lub zim txwv kawg, kuj yuav zoo ib yam li ntawd thiab;
    cov tshiab yuav tawm tuaj mus, lawv yuav cais cov neeg phem ntawm cov neeg ncaj.
    50 Lawv yuav muab cov neeg phem pov tseg rau hauv lub qhov hluav taws;
    nyob hauv, yuav muaj quaj laug laws thiab tom hniav nkawv.
    51 Nej puas to taub tas ib puas tsav yam ntawd?" Lawv teb tias: "Peb to taub."

    52 Ces Yes Xus hais rau lawv tias: “Li ntawd, thaum ib tug Kws Ntawv Ntshiab los ua
    thwj tim hauv Ntuj lub Ceeb Tsheej, mas nws zoo li ib tug tswv tsev uas
    rho tau tej yam qub thiab tej yam tshiab hauv nws lub cuab tam los.”
    53 Thaum Yes Xus hais cov paj lug no tas, nws tso qhov chaw ntawd tseg.   
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 28th July 2022, 12:28 pm

    Tim     29     lub     7     Hli     2022
     
    Hnub Rau Lis Piam Kaum Xya Nruab Xyoo ABC Nruab Lis Piam Xyoo II
    Lectionary: 405/607
     
    Yuav Hwm LN Mas THas, Mab Liab thiab Las Ntxas Los
     
    Zaj Nyeem Ib:   YLM 26: 1-9

    1 Thaum Yes Hom Yas Kis, uas yog Yos Xias tub, pib ua vaj nyob Yus Das teb,

    HUAB TAIS ceeb toom ib lo lus li no tuaj rau Yes Les Mias :
    2 "HUAB TAIS hais li no: koj mus sawv ntsug ntawm lub tshav puam nyob hauv HUAB TAIS lub tuam tsev,
    koj hais kuv cov lus rau tas tsoom sid uas tuaj ntawm txhua lub tsheej Yus Das tuaj pe hawm HUAB TAIS
    nyob hauv HUAB TAIS lub tsev; koj yuav hais cov lus kuv qhia rau koj tas huv si, txhob nruam ib los li.
    3 Ces nyaj tej zaud lawv yuav mloog thiab tig rov los, nyias yuav tso nyias txoj kev phem pov tseg,
    ces kuv yuav thim tsis xa cov xwv txheej uas kuv npaj xa tuaj rau lawv vim lawv txoj kev ua phem.
    4 Koj yuav hais rau lawv tias: HUAB TAIS hais li no: Yog nej tsis mloog kuv lus,
    tsis coj raws txoj kev cai kuv tau tsa nyob ntawm nej xub ntiag,
    5 yog nej tsis mloog kuv cov tub txib Yaj Saub tej lus,
    uas kuv xa lawv tuaj rau nej tsis tseg, txawm tias nej yeej tsis mloog lawv li,
    6 mas kuv yuav ua rau lub tsev no ib yam li kuv tau ua rau Xis Laus, thiab kuv yuav ua kom
    lub tsheej no yog ib qho chaw uas txhua lub kuj cuab yuav piv zias txog thaum lawv sib foom lus phem."
    7 Cov Leej Choj, cov Yaj Saub thiab tas tsoom sid tau hnov Yes Les Mias

    hais cov lus ceeb toom ntawd nyob hauv HUAB TAIS lub tsev.
    8 Thaum Yes Les Mias hais cov lus uas HUAB TAIS kom nws hais rau tsoom sid tas lawm,
    cov Leej Choj thiab cov Yaj Saub ntes Yes Lis Mias, lawv nthe rau nws tias:
    9 "Koj yuav tsum tuag! Vim li cas koj tuav txog HUAB TAIS lub npe los ceeb toom tias lub tsev no
    yuav zoo li Xis Laus thiab lub tsheej no yuav nyob ntsiag to,  tsis tshuav neeg nyob hauv ntxiv?"
    Ces tas tsoom pej xeem txav los ntsauv vij vog Yes Les Mias nyob hauv HUAB TAIS lub tsev.

    NPN   69: 5, 8-10, 14

    Txais: (14c) Huab tais, thov koj teb kuv vim koj muaj kev hlub loj tas nrho.

    Cov neeg ntxub kuv ntau tshaj kuv cov plaub hau saum taub hau,
    lawv lam ntxub kuv tsis muaj hauv paus hauv ntsis li.
    Lawv coob dhau lawm, kuv yuav tsis muaj zog yeej lawv;
    Kuv cov yeeb ncuab liam tej yam cuav rau kuv.
    Yam kuv tsis tau nyiag, kuv puas yuav tsum xa rov qab?

    Txais: (14c) Huab tais, thov koj teb kuv vim koj muaj kev hlub loj tas nrho.

    Yog vim koj kuv thiaj raug luag tsawm,
    yog vim koj, kuv thiaj tau txaj muag loj
    Kuv cov kwv tij saib kuv yog ib tug qhua,
    kuv niam cov tub saib kuv yog ib tug pej kum neeg.
    Vim kuv lub siab kub lug rau koj lub tsev,
    ces cov neeg thuam koj tej lus thuam poob los rau saum kuv.

    Txais: (14c) Huab tais, thov koj teb kuv vim koj muaj kev hlub loj tas nrho..

    Ntawm kuv, HUAB TAIS, kuv tuaj thov koj,
    thov kom yog koj lub caij xav ua zoo rau peb, Tswv Ntuj.
    Koj muaj txoj kev hlub loj tas nrho, thov koj teb kuv,
    thov koj tuaj pab kuv tsis tu ncua.

    Txais: (14c) Huab tais, thov koj teb kuv vim koj muaj kev hlub loj tas nrho.

    As Les Lus Yas:   1 PZ 1: 25

    Zaj As Les Lus Yas thiab Ntawv Moo Zoo hnub no nyob rau nram qab.

    Txais: As les lus yas, as les lus yas.

    Huab Tais Lo Lus nyob mus li ib txhiab ib txhis,
    Yog lo lus uas twb muab tshaj rau nej paub lawm.

    Txais: As les lus yas, as les lus yas.

    Ntawv Moo Zoo:   MT 13: 54-58

    54 Yes Xus rov los txog nws lub zos nws nyob hlob, nws qhia tsoom sid nyob hauv

    lawv lub tsev txoos. Lawv qhuas kawg, lawv hais tias: "Lub tswv yim thoob tsib,
    thiab cov hwj huam yees ntxwv ntawd, nws tau qhov twg los?
    55 Tus ntawd, tsis yog tus kws ntoo tus tub lod? Nws niam tsis yog tus hu ua Mab Liab no lod?

    Thiab nws cov kwv tij tsis yog Yas Kos, Yos Xes, Xis Moos thiab Yus Das lawv lod?
    56 Hos tas nws cov muam tib si, tsis yog cov nrog peb nyob ua ke ntawm no lod?

    Tas ib puas tsav yam nws ua tau ntawd, los qhov twg los?"
    57 Lawv tsis zoo siab rau nws; nws thiaj hais rau lawv tias:

    "Ib tug yaj saub yeej raug luag hwm nws zoo, tsuas yog nyob hauv nws lub zos nws nyob hlob
    thiab nyob hauv nws tsev neeg xwb, thiaj tsis muaj neeg xav hwm nws."
    58 Ces Yes Xus thiaj tsis ua hwj huam yees ntxwv ntau nyob ntawd, vim lawv tsis ntseeg.    *

     
    Hnub no vim yuav tsum nco txog LN Mas Thas, Mab Liab thiab Las Ntxas Los, mas rau zaj As Les Lus Yas thiab Zaj Ntawv Moo Zoo, mus siv ob zaj nram no los haj yam zoo:
     
    As Les Lus Yas:    Zam 8: 12
     
    Txais: As les lus yas, as les lus yas.

    Huab Tais hais tias: “Kuv yog ntiaj teb neeg qhov pom kev,
    leej twg los raws kuv yuav tau qhov pom kev uas pub txoj sia.”

    Txais: As les lus yas, as les lus yas.

     
    Ntawv Moo Zoo:    Zam 11: 19-27 
     
    19 Muaj coob leej Yus Das tuaj xyuas Mas Tas thiab Mab Liab nkawd,
    lawv tuaj nplij nkawd vim nkawd tus nus Las Ntxas Los tuag lawm.
    20 Thaum Mas Tas hnov tias Yes Xus tuaj, ces Mas Tas mus tos Yes Xus, hos Mab Liab zaum nyob hauv tsev.
    21 Mas Tas hais rau Yes Xus tias: "Huab Tais, yog koj ntxov tuaj txog ntawm no, mas kuv tus nus yuav tsis tuag.
    22 Tsis kav, kuv paub tias nyem no, koj thov yam twg ntawm Tswv Ntuj, mas Tswv Ntuj yuav muab rau koj."
    23 Yes Xus hais rau Mas Tas tias: "Koj tus nus yuav sawv rov los."
    24 Mas Tas hais rau Yes Xus tias: "Kuv paub tias thaum txog Hnub Kawg,
    lub caij leej tib neeg lub cev ciaj rov los, mas nws yuav sawv rov los."
    25 Yes Xus hais rau Mas Tas tias: "Kuv yog Txoj Kev Sawv Rov Los thiab yog Txoj Sia;
    tus ntseeg txog kuv, tab yog nws tuag lawm, nws tseem yuav muaj txoj sia tuaj.
    26 Hos leej twg ua neej nyob nws ntseeg txog kuv, mas nws yuav tsis tuag ib zaug li. Koj puas ntseeg qhov ntawd?"
    27 Mas Tas hais rau Yes Xus tias: "Huab Tais, kuv ntseeg. Kuv yeej ntseeg hais tias koj yog Leej Pleev
    yog Tswv Ntuj Leej Tub, tus yuav tuaj nyob hauv lub qab ntuj no."  
     
    Los:    Lk 10: 38-42
     
    38 Thaum Yes Xus lawv taug kev, lawv mus txog hauv ib lub zos.
    Ib tug poj niam hu ua Mas Tas txais Yes Xus los hauv nws tsev.
    39 Tus poj niam ntawd muaj ib tug niam hluas hu ua Mab Liab.
    Mab Liab zaum ntawm Huab Tais ko taw, nws mloog rawv Huab Tais hais lus.
    40 Hos Mas Tas ntxhov siab txog ntau yam qav num yuav tos txais qhua, ces nws los hais
    rau Yes Xus tias: "Huab Tais, koj tsis quav ntsej tias kuv tus niam hluas cia kuv tib leeg
    lis qav lis num xwb lod? Koj hais kom nws pab kuv thiab mas!"
    41 Tab sis Huab Tais teb rau Mas Tas tias: "Mas Tas yuas Mas Tas, koj txhawj thiab ua siab fab txog ntau yam,
    42 tab sis tsuas muaj ib yam xwb uas yuav tsum ua; Mab Liab xaiv tau qhov zoo tshaj lawm,
    yuav tsis txhob muab tshem ntawm nws mus."


    Last edited by Mim on 29th July 2022, 1:53 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 29th July 2022, 1:43 am

    Tim     30     lub     7     Hli     2022
     
    Hnub Xya Lis Piam Kaum Xya Nruab Xyoo ABC Nruab Lis Piam Xyoo II
    Lectionary: 406
     
    XHLT:   LN Peter Chrysologus, ua Tswv Qhia thiab Kws cov Txuj Ntshiab
     
    Zaj Nyeem Ib:   YLM 26: 11-16, 24

    11 Cov Leej Choj thiab cov Yaj Saub hais rau cov ntaus thawj thiab rau tas tsoom pej xeem tias:

    "Tus neeg ntawd tsim nyog raug lub txim tuag, vim nws ua yaj saub hais tej lo lus phem
    txog lub tsheej no; nej pob ntseg twb tau hnov tas lawm."
    12 Yes Les Mias hais rau rau tas cov ntaus thawj thiab tas tsoom pej xeem tias: "Yog HUAB TAIS xa
    kuv tuaj ceeb toom cov lus txog lub tsev no thiab txog lub nroog no xws li nej tau hnov.
    13 Nyiam no nej yuav tsum kho nej tus yeeb yam thiab nej tej hauj lwm kom zoo tuaj!
    Nej mloog nej tus HUAB TAIS Tswv Ntuj lub suab mog, ces HUAB TAIS yuav tso tseg
    tsis ua yam phem uas nws xav ua rau nej lawm.
    14 Ntawm kuv, mas kuv nyob hauv nej xib tes, nej ua rau kuv raws li nej pom tias
    yog qhov zoo thiab yog qhov ncaj.
    15 Tab sis, kom nej paub meej tias yog nej muab kuv tua mas nej lob ib co ntshav tsis muaj txhaum rau
    saum nej, rau saum lub nroog no thiab rau saum cov pej xeem nyob hauv lub nroog no. Vim tias yeej
    yog HUAB TAIS xa kuv tuaj cuag nej tiag, kom xwv kuv tau hais tej lus ntawd tas huv si rau nej tau hnov."
    16 Ces cov ntaus thawj thiab tas tsoom pej xeem hais rau cov Leej Choj thiab cov Yaj Saub tias:
    "Tus neeg ntawd tsis tsim nyog raug lub txim tuag, vim nws tuav txog HUAB TAIS
    peb tus Tswv Ntuj lub npe los hais lus rau peb."
    24 Ces As His Kas, uas yog Xas Fas tus tub, thiaj pab Yes Les Mias,

    ces lawv tsis muab Yes Les Mias rau hauv cov neeg uas xav muab nws tua txhais tes.

    NPN   69: 15-16, 30-31, 33-34

    Txais: (14c) Huab Tais, koj muaj kev hlub loj kawg nkaus, thov koj teb kuv.

    Thov koj rub kuv tawm ntawm cov av nyam los, kom kuv txhob zom av.
    Thov koj rub kuv kom kuv dim ntawm cov ntxub kuv, thiab dim ntawm cov dej tob;
    Kom cov dej hlob txhob tuaj nyab kuv, kom lub qhov ntuj txhob nqos kuv,
    los txhob qos ncauj kaw nkaus kuv rau hauv.

    Txais: (14c) Huab Tais, koj muaj kev hlub loj kawg nkaus, thov koj teb kuv.

    Kuv poob rau hauv kev txom nyem thiab kev tu siab lawm,
    Tswv Ntuj, thov kom koj txoj kev pab kev cawm txuag kuv cia.
    Kuv yuav hu ib zag nkauj cav txog Tswv Ntuj lub npe,
    kuv yuav ua nws tsaug kom nws muaj hwj chim loj.

    Txais: (14c) Huab Tais, koj muaj kev hlub loj kawg nkaus, thov koj teb kuv.

    Cov neeg me, nej yuav pom, thiab nej yuav zoo siab :
    Nej cov uas nrhiav Tswv Ntuj, thov kom nej lub siab rov tuaj zog.
    Vim HUAB TAIS mloog cov pluag tej lus thov;
    thaum nws cov neeg raug luag khi, nws tsis hnyos lawv.

    Txais: (14c) Huab Tais, koj muaj kev hlub loj kawg nkaus, thov koj teb kuv.

    As Les Lus Yas:   MT 5: 10

    Txais: As les lus yas, as les lus yas.

    Cov tau txoj hmoov zoo yog cov raug luag hiam vim txoj kev ncaj,
    lub Ceeb Tsheej saum ntuj yog lawv tug.

    Txais: As les lus yas, as les lus yas.

    Ntawv Moo Zoo:   MT 14: 1-12

    1 Yes Xus lub moo nrov ncha mus txog vaj txheeb Hes Los pob ntseg,

    2 ces Hes Los hais rau nws cov tub txib tias: "Tus ntawd yog Zam Ntxuav Plig! Nws sawv hauv
    cov tuag rov los lawm; vim li ntawd cov hwj huam loj thiaj ua hauj lwm nyob hauv nws.”
    3 Vim Hes Los tau kom lawv ntes Zam, thiab xuas saw hlau khi Zam mus kaw rau hauv tsev loj faj,

    kom zoo Hes Los Dias uas yog Hes Los tij laug Fis Lis Pos tus poj niam siab.
    4 Vim Zam tau hais rau Hes Los tias: "Koj tsis muaj cai yuav nws."
    5 Hes Los twb xav muab Zam tua, tab sis nws ntshai tsoom pej xeem,
    vim sawv daws saib Zam yog ib tug yaj saub.
    6 Tiam sis thaum txog hnub tsuj xeeb Hes Los hnub yug, Hes Los Dias tus ntxhais
    tuaj dhia seev cev rau cov qhua saib, nws dhia tau ntxim Hes Los siab kawg,
    7 Hes Los thiaj cog lus rau tus ntxhais tias yuav pub yam nws thov rau nws.
    8 Leej niam cob tus ntxhais, ces nws hais tias: "Thov koj muab Zam Ntxuav Plig
    lub taub hau txawb hauv ib lub phaj nqa los rau kuv ntawm no."
    9 Tus vaj nyuaj siab kawg, tab sis vim nws tau cog lus lawm, thiab vim cov qhua
    tuaj koom rooj qav nyob ntawd, ces tus vaj thiaj txib kom lawv mus coj los.
    10 Tus vaj xa neeg mus txiav Zam caj dab hauv tsev loj faj.
    11 Lawv muab Zam lub taub hau txawb hauv ib lub phaj nqa los cev rau tus ntxhais,
    tus ntxhais nqa mus cev rau nws niam.
    12 Zam cov thwj tim tuaj nqa Zam lub cev mus faus, ces lawv mus hais qhia rau Yes Xus paub.  
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 31st July 2022, 4:14 pm

    Tim     1     lub     8     Hli     2022
     
    Hnub Ob Lis Piam Kaum Yim Nruab Xyoo ABC Nruab Lis Piam Xyoo II
    Lectionary: 407
     
    Yuav Hwm LN Alphonsus Liguori, ua Tswv Qhia thiab Kws cov Txuj Ntshiab
     
    Zaj Nyeem Ib:   YES LES MIAS 28: 1-17

    1 Thaum tus vaj Xes Des Kias pib ua vaj kav Yus Das teb tau plaub xyoos, xyoo ntawd thaum lub tsib hlis,

    tus yaj saub As Nas Nias, uas yog As Xws tub, tuaj Nkas Npas Oos tuaj, nws hais rau Yes Les Mias
    nyob hauv HUAB TAIS lub tsev, nyob ntawm cov leej choj thiab tas tsoom pej xeem xub ntiag tias:
    2 "Tus Huab Tais kav tsoom tshiab, His Xas Lais tus Tswv Ntuj hais li no:
    ‘Kuv yuav muab tus vaj nyob Npas Npis Los tus quab dam pov tseg.
    3 Ob xyoos ntxiv ces kuv yuav nqa cov twj taig uas cia siv rau hauv HUAB TAIS
    lub tuam tsev no rov qab los rau ntawm no, yog cov uas Nas Npws Kos Dos Nos Xos,
    tus vaj Npas Npis Los tau lwg nqa mus rau Npas Npis Los lawm.
    4 Kuv kuj yuav coj Yes Kos Nias uas yog Yuas Kis tub thiab yog tus vaj Yus Das, thiab tas cov Yus Das
    mus nyob txim nyob Npas Npis Los lawd, kuv yuav coj lawv rov qab los nyob ntawm no.
    Vim kuv yuav muab tus vaj Npas Npis Los tus quab dam pov tseg,’ HUAB TAIS hais li ntawd.”                           
    5 Ces tus yaj saub Yes Les Mias hais rau tus yaj saub As Nas Nias nyob ntawm cov Leej Choj
    thiab tas tsoom sid xub ntiag nyob hauv HUAB TAIS lub tsev tias:
    6 "Ua li los mas! Thov kom HUAB TAIS ua raws li koj cov lus koj tau ua saub hais, kom tej twj taig nyob hauv HUAB lub tsev thiab kom cov neeg mus nyob txim nyob Npas Npis Los rov qab los nyob rau ntawm no.
    7 Tab sis koj mloog zoo zoo cov lus kuv yuav hais rau koj pob ntseg, thiab rau tas tsoom sid pob tseg hnov.
    8 Cov yaj saub txheej thaud, cov ua koj thiab kuv wb ntej, mas sawv daws tsuas ua yaj saub hais
    txog kev ua tsov ua rog, kev txom nyem thiab kev yuav muaj tej yam mob loj los raug ntau thaj av,
    thiab ntau lub teb chaws loj uas muaj vaj kav xwb.
    9 Tus yaj saub twg ua saub tshaj tias yuav muaj kev thaj yeeb, mas yog thaum twg tshwm sim raws li
    nws cov lus lawm mas thiaj paub tseeb tias nws yog ib tug tseem yaj saub uas HUAB TAIS xa tuaj tiag."
    10 Ces yaj saub As Nas Nias chua ntia tus quab ntawm yaj saub Yes Les Mias
    caj dab los dam kiag pov tseg thiab nws hais rau tsoom sid hnov tias:
    11 "HUAB TAIS hais li no: ‘Ob xyoos ntxiv mas kuv yuav dam Nas Npws Kos Dos Nos Xos tus vaj Npas Npis Los nws tus quab uas nyob ntawm cov kuj cuab lub caj dab ib yam li no.’" Ces Yes Les Mias sawv tsees mus lawm.
    12 Tom qab yaj saub As Nas Nias dam tus quab ntawm yaj saub Yes Les Mias caj dab tas

    tau tsis ntev, HUAB TAIS hais rau Yes Les Mias tias:
    13 "Koj mus hais rau As Nas Nias tias: ‘HUAB TAIS hais li no:
    Koj dam tus quab ntoo pov tseg, tiam sis koj ntaus tus quab  hlau los hloov!
    14 Tus HUAB TAIS kav tsoom tshiab, His Xas Lais tus Tswv Ntuj hais li no: Kuv yuav muab ib tug quab hlau rau tas cov haiv neeg uas zwm rau Nas Npws Kos Dos Nos Xos tus vaj Npas Npis Los coj, lawv yuav tsob hwb nws; tab yog cov tsiaj nyob nruab liaj nruab teb los kuv kuj yuav muab rau nws huv tib si."
    15 Yaj saub Yes Les Mias mus hais rau yaj saub As Nas Nias tias: "As Nas Nias, koj mloog zoo zoo.

    HUAB TAIS tsis tau xa koj tuaj, koj tuaj hais kom tsoom pej xeem muaj kev tso siab rau tej yam cuav.
    16 Vim li ntawd HUAB TAIS hais li no: Kuv yuav ntiab koj kom txhob nyob hauv lub ntiaj teb no ntxiv.
    Xyoo no kiag koj yuav tuag, vim koj qhia kom sawv daws ntxeev siab rau HUAB TAIS."
    17 Ces xyoo ntawd kiag, thaum lub xya hli, tus yaj saub As Nas Nias cia li tag sim neej lawm.

    NPN   119: 29, 43, 79, 80, 95, 102

    Txais: (68b) Huab Tais, thov koj qhia koj cov kev cai lij choj rau kuv.

    Thov koj tshem txoj kev cuav mus deb ntawm kuv,
    koj muab koj Txoj Cai ua txiaj ntsim pub pub rau kuv.

    Txais: (68b) Huab Tais, thov koj qhia koj cov kev cai lij choj rau kuv.

    Koj txhob rho koj lo lus tseeb ntawm kuv lub ncauj mus,
    vim kuv tso siab lug rau koj cov cai koj tau txiav.

    Txais: (68b) Huab Tais, thov koj qhia koj cov kev cai lij choj rau kuv.

    Thov kom cov neeg hwm koj tig los cuag kuv,
    thiab los lees paub koj cov cai koj tau txiav.

    Txais: (68b) Huab Tais, thov koj qhia koj cov kev cai lij choj rau kuv.

    Thov kom kuv lub siab coj raws nraim koj cov cai lij choj,
    Ces kuv thiaj yuav tsis poob ntsej muag.

    Txais: (68b) Huab Tais, thov koj qhia koj cov kev cai lij choj rau kuv.

    Cov tsis hwm ntuj nyas ntshis yuav tua kuv,
    tiam sis kuv rau siab ntso mloog koj cov lus qhia.

    Txais: (68b) Huab Tais, thov koj qhia koj cov kev cai lij choj rau kuv.

    Kuv tsis ncaim ntawm cov lus koj tau txiav,
    vim koj yog tus qhia rau kuv coj.

    Txais: (68b) Huab Tais, thov koj qhia koj cov kev cai lij choj rau kuv.

    As Les Lus Yas:   MT 4: 4

    Txais: As les lus yas, as les lus yas.

    Neeg tsis kawg muab mov xwb los yug siav xwb,
    neeg tseem muab txhua lo lus tawm ntawm Tswv Ntuj lub ncauj los yug siav thiab.

    Txais: As les lus yas, as les lus yas.

    Ntawv Moo Zoo:   MT 14: 13-21

    13 Yes Xus hnov tias Zam Ntxuav Plig tuag lawm, ces nws caij nkoj mus rau ib qhov chaw xu kev,

    tsis muaj neeg nyob. Zeej tsoom hnov li ntawd, lawv tawm hauv lawv tej nroog mus ko taw raws nws qab.
    14 Thaum Yes Xus nqes nkoj, nws pom ib pab neeg coob coob, ces nws hlub lawv,
    nws kho lawv cov neeg uas muaj mob muaj nkeeg kom zoo hlo.
    15 Thaum yuav tsaus ntuj, cov thwj tim txav los hais rau nws tias: "Thaj tsam no, tsis muaj neeg nyob,
    thiab lig lawm; koj tso tsoom neeg rov mus hauv tej zos kom lawv tau kev mus muas mov noj."
    16 Yes Xus teb rau lawv tias: "Tsis tas lawv yuav mus qhov twg li;
    nej yog cov yuav muab mov rau lawv noj."
    17 Cov thwj tim hais rau Yes Xus tias: “Ntawm no, peb tsuas muaj
    tsib lub ncuav mov thiab ob tug ntses xwb.”
    18 Ces Yes Xus hais tias: "Nej nqa los rau kuv."
    19 Yes Xus kom cov neeg sawv daws zaum saum tej nroj tsuag. Ces nws tuav tsib lub ncuav mov
    thiab ob tug ntses, nws tsa muag ntsia saum ntuj, nws hais zaj foom hmoov zoo rau,
    nws muab cov ncuav mov ntais, nws muab cev rau cov thwj tim kom lawv muab rau sawv daws.
    20 Tas sawv daws tau noj tsau txaus siab npo; lawv kuj khaws tej sab mov seem puv kaum ob tawb thiab.
    21 Cov neeg noj mov ntawd muaj ze ntawm tsib txhiab leej txiv neej, tsis xam poj niam me nyuam li.   *
     
    Los:   MT 14:22-36 (Xyoo A)  
     
    22 Tam sis ntawd, Yes Xus txhib cov thwj tim kom nce nkoj ua nws ntej mus
    lawm sab ntug dej tim ub, hos nws nyob xa tsoom sid rov qab.
    23 Thaum nws xa zeej tsoom rov qab mus tas lawm, nws nce mus saum roob,
    rau ib qho chaw xu kev, ces nws teev Ntuj. Thaum tsaus ntuj, tshuav nws tib leeg lawm xwb.
    24 Lub nkoj twb mus deb ntawm ntug nqhuab lawm ntau ntsua muag lawm,
    ces dej nphau nphwv tuaj nplawm lub nkoj, vim cua tshuab tom hauv ntej tuaj.
    25 Thaum yav yuav kaj ntug, Yes Xus mus ko taw saum dej ntuj, nws tuaj caum cov thwj tim.
    26 Lawv pom Yes Xus mus ko taw saum dej ntuj, lawv ib ce xob tas, lawv hais tias:
     "Yog poj ntxoog". Lawv ntshai kawg ces lawv qw qw.
    27 Tam sis ntawd Yes Xus hais rau lawv tias: "Nej tso siab mas, yog kuv; tsis txhob ntshai."
    28 Pob Zeb teb rau Yes Xus tias: "Huab Tais, yog koj tiag no, koj hais kom kuv tsuj tau nplaim dej los cuag koj."
    29 Ces Xus teb tias: "Los mas!" Ces Pob Zeb nqes nkoj, nws mus ko taw saum nplaim dej mus cuag Yes Xus.
    30 Tab sis Pob Zeb pom cua hlob hlob, nws ntshai, ces nws pib tog hauv dej,
    nws qw tias: "Huab Tais, cawm kuv mas!"
    31 Yes Xus cev tes tam sis ntawd mus tuav Pob Zeb, nws hais rau Pob Zeb tias:
    "Neeg muaj kev ntseeg tsawg, ua cas koj ua xyem xyav?"
    32 Thaum Yes Xus nkawd nce hlo rau hauv nkoj, cua tu nrho lawm.
    33 Cov nyob hauv nkoj pe Yes Xus, lawv hais tias: "Koj yog Tswv Ntuj Leej Tub tiag!"
    34 Thaum lawv hla dhau dej lawm, lawv mus nqes rau ntawm Nkes Nes Xas Les.

    35 Cov neeg nyob txawm qhov chaw ntawd cim tau Yes Xus, ces lawv tso neeg mus qhia
    rau ib thaj tsam ntawd paub thiab lawv coj tas nrho cov neeg muaj mob tuaj rau Yes Xus.
    36 Lawv thov nws tias tsuav lawv tau kov nws lub tw tsho xwb,
    ces txhua tus uas tau kov, puav leej zoo mob tas tib si.  
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 1st August 2022, 3:31 am

    Tim     2     lub     8     Hli     2022
     
    Hnub Peb Lis Piam Kaum Yim Nruab Xyoo ABC Nruab Lis Piam Xyoo II
    Lectionary: 408                                                                                                                           
     
    XHLT:   LN Eusebius nyob Vercelli, ua Tswv Qhia; los LN Peter Julian Eymard, ua Leej Choj
     
    Zaj Nyeem Ib:   YES LES MIAS 30: 1-2, 12-15, 18-22

    1 HUAB TAIS lo lus nrov tuaj rau Yes Les Mias tias:

    2 " HUAB TAIS His Xas Lais tus Tswv Ntuj hais li no:
     Koj muab cov lus kuv tau hais rau koj sau tas huv si rau hauv ib phau ntawv.
    12 HUAB TAIS hais li no tias:

    Koj qhov mob yuav zoo tsis taus, koj lub qhov txhab mob loj dhau.
    13 Tsis muaj leej twg tuaj koj tog pab koj,
    kom tau tshuaj yuav los kho koj tus mob, koj yuav tsis zoo.
    14 Tas koj cov hluas nraug tsis nco qab koj lawm, lawv tsis nrhiav koj li.
    Kuv tau ntaus koj zoo li kuv yog koj tus yeeb ncuab,
    vim koj lub txim hnyav kawg nkaus, koj muaj txhaum ntau dhau.
    15 Vim li cas koj thiaj qw ntsaj txog koj qhov mob? Koj yeej yuav tsis txawj zoo li;
    vim koj lub txim hnyav kawg nkaus, koj ua txhaum ntau dhau,
    kuv thiaj tso tej no los raug koj.
    18 HUAB TAIS hais li no: Kuv yuav rov tsa Yas Kos cov tsev tsam phooj,

    kuv yuav khuv leej lawv tej vaj tse; lub tsheej yuav rov qab raug muab txhim rau
    saum lub pov roob, lub vaj loog khov yuav rov muab tso nyob nws thaj qub chaw.
    19 Yuav hnov tej zaj nkauj cav txog Tswv Ntuj, thiab yuav muaj suab luag zoo siab;
    Kuv yuav ua kom lawv huam vam coob tuaj, lawv yuav tsis yog tsawg;
    Kuv yuav ua kom lawv muaj koob muaj npe, lawv yuav tsis yog neeg tsis muaj meej mom ntxiv.
    20 Lawv cov xeeb leej xeeb ntxwv yuav rov zoo li txheej thaud, lawv txoj kev sib txoos ua ke
    yuav nyob ruaj nreb ntawm kuv xub ntiag; kuv yuav rau txim rau cov haiv neeg hiam lawv.
    21 Tus thawj saib lawv yuav yog ib tug ntawm lawv, lawv tus vaj yuav tawm hauv lawv haiv neeg los.
    Kuv yuav hu kom nws txav los ze kuv, ces nws yuav los cuag kuv; vim yog kuv tsis hu,
    mas leej twg thiaj li yuav muaj peev xwm los cuag kuv tau? Huab Tais hais li ntawd.
    22 Ces nej yuav yog kuv haiv neeg, kuv yuav yog nej tus Tswv Ntuj."

    NPN   102: 16-18, 19-21, 29+22-23

    Txais: (17) Huab Tais yuav rov txhim tsa Xis Yoos kom sawv, nws yuav tawm tuaj muaj hwj chim loj.

    HUAB TAIS, cov kuj cuab yuav hwm koj lub npe,
    tas cov vaj nyob ntiaj teb yuav hwm koj lub hwj chim.
    Thaum HUAB TAIS rov txhim Xis Yoos,
    sawv daws yuav pom nws nyob hauv nws lub hwj chim;
    nws yuav tig los mloog cov neeg txom nyem tej lus thov,
    nws yuav tsis thuam lawv zaj teev ntuj.

    Txais: (17) Huab Tais yuav rov txhim tsa Xis Yoos kom sawv, nws yuav tawm tuaj muaj hwj chim loj.

    Nej sau qhov no cia rau phaj tub ki uas yuav los yav tom ntej,
    ces haiv neeg HUAB TAIS tsim tshiab yuav cav txog nws tias:
    “HUAB TAIS nyob saum nws lub tsev ntshiab dauv muag los saib;
    nws nyob saum txheej ntuj siab ntsia rau ntiaj teb,
    Kom tau mloog cov neeg nyob txim lub suab ntsaj,
    kom tau tso cov yuav raug tua dim kev tuag.

    Txais: (17) Huab Tais yuav rov rxhim tsa Xis Yoos kom sawv, nws yuav tawm tuaj muaj hwj chim loj.

    Koj cov tub txib tej me nyuam yuav nyob ruaj,
    lawv cov xeeb ntxwv yuav nyob ntawm koj xub ntiag mus li.
    Sawv daws yuav tshaj HUAB TAIS lub npe nyob saum Xis Yoos,
    Thiab yuav cav lus zoo txog nws nyob Yes Lus Xas Les.
    Ces cov haiv neeg yuav sib sau los nyob ua ke,
    cov ceeb tsheej yuav sib txoos los tsob hwb HUAB TAIS.

    Txais: (17) Huab Tais yuav rov txhim tsa Xis Yoos kom sawv, nws yuav tawm tuaj muaj hwj chim loj.

    As Les Lus Yas:   ZAM 1: 49b

    Txais: As les lus yas, as les lus yas.

    Las Npis, koj yog Tswv Ntuj Leej Tub,
    koj yog His Xas Lais tus Vaj.

    Txais: As les lus yas, as les lus yas.

    Ntawv Moo Zoo:   MT 14: 22-36

    22 Tam sis ntawd, Yes Xus txhib cov thwj tim kom nce nkoj ua nws ntej mus

    lawm sab ntug dej tim ub, hos nws nyob xa tsoom sid rov qab.
    23 Thaum nws xa zeej tsoom rov qab mus tas lawm, nws nce mus saum roob,
    rau ib qho chaw xu kev, ces nws teev Ntuj. Thaum tsaus ntuj, tshuav nws tib leeg lawm xwb.
    24 Lub nkoj twb mus deb ntawm ntug nqhuab lawm ntau ntsua muag lawm,                                                     
    ces dej nphau nphwv tuaj nplawm lub nkoj, vim cua tshuab tom hauv ntej tuaj.
    25 Thaum yav yuav kaj ntug, Yes Xus mus ko taw saum dej ntuj, nws tuaj caum cov thwj tim.
    26 Lawv pom Yes Xus mus ko taw saum dej ntuj, lawv ib ce xob tas, lawv hais tias:
     "Yog poj ntxoog". Lawv ntshai kawg ces lawv qw qw.
    27 Tam sis ntawd Yes Xus hais rau lawv tias: "Nej tso siab mas, yog kuv; tsis txhob ntshai."
    28 Pob Zeb teb rau Yes Xus tias: "Huab Tais, yog koj tiag no, koj hais kom kuv tsuj tau nplaim dej los cuag koj."
    29 Ces Xus teb tias: "Los mas!" Ces Pob Zeb nqes nkoj, nws mus ko taw saum nplaim dej mus cuag Yes Xus.
    30 Tab sis Pob Zeb pom cua hlob hlob, nws ntshai, ces nws pib tog hauv dej,
    nws qw tias: "Huab Tais, cawm kuv mas!"
    31 Yes Xus cev tes tam sis ntawd mus tuav Pob Zeb, nws hais rau Pob Zeb tias:
    "Neeg muaj kev ntseeg tsawg, ua cas koj ua xyem xyav?"
    32 Thaum Yes Xus nkawd nce hlo rau hauv nkoj, cua tu nrho lawm.
    33 Cov nyob hauv nkoj pe Yes Xus, lawv hais tias: "Koj yog Tswv Ntuj Leej Tub tiag!"
    34 Thaum lawv hla dhau dej lawm, lawv mus nqes rau ntawm Nkes Nes Xas Les.

    35 Cov neeg nyob txawm qhov chaw ntawd cim tau Yes Xus, ces lawv tso neeg mus qhia
    rau ib thaj tsam ntawd paub thiab lawv coj tas nrho cov neeg muaj mob tuaj rau Yes Xus.
    36 Lawv thov nws tias tsuav lawv tau kov nws lub tw tsho xwb,
    ces txhua tus uas tau kov, puav leej zoo mob tas tib si. 

    Los:   MT 15: 1-2, 10-14(Xyoo A)

    1 Ib co Fas Lis Xais thiab ib co Kws Ntawv Ntshiab nyob Yes Lus Xas Les

    tuaj cuag Yes Xus, lawv hais rau Yes Xus tias :
    2 "Vim li cas koj cov thwj tim hla cov yawg koob tej kev cai uas peb ib txwm coj los?
    Vim thaum lawv yuav noj mov, lawv tsis xub ntxuav tes tso?"
    10 Yes Xus hu tsoom sid kom txav los ze, nws hais rau lawv tias: "Nej mloog kom nej to taub!

    11 Tsis yog tej yam nkag hauv neeg lub ncauj mus ua kom neeg tsis huv;
    tiam sis yog tej yam uas tawm hauv lub ncauj los ua kom neeg tsis huv."
    12 Cov thwj tim txav los ze Yes Xus, lawv hais tias: "Koj puas paub tias cov Fas Lis Xais
    hnov koj hais li ntawd, mas lawv tsis txaus siab li?"
    13 Yes Xus teb tias: "Tus yub nroj twg tsis yog kuv Txiv nyob saum ntuj cog,
    mas yuav raug muab dob pov tseg.
    14 Kav liam lawv; lawv yog ib co neeg dig muag coj cov dig muag kev! Yog tias ib tug dig muag
    coj lwm tus dig muag kev, mas nkawd ob leeg yuav ua ke mus poob qhov xwb."  
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 2nd August 2022, 8:18 am

    Tim     3     lub     8     Hli     2022
     
    Hnub Plaub Lis Piam Kaum Yim Nruab Xyoo ABC Nruab Lis Piam Xyoo II
    Lectionary: 409                                                          
     
    Zaj Nyeem Ib:   YLM 31: 1-7

    1 Huab Tais hais li no: Lub caij ntawd kuv yuav yog tas txhua xeem His Xas Lais

    tus Tswv Ntuj, lawv yuav yog kuv haiv neeg.
    2 Huab Tais hais tias: “Haiv neeg uas maim dhau rab ntaj, lawv tau txais txiaj ntsim

    nyob teb chaws suab puam; His xas Lais mus nrhiav kom nws tau txais kev so.
    3 Huab Tais nyob deb tshwm sim rau kuv tias: “Kuv tau hlub koj, kuv txoj kev hlub yeej nyob

    txij puag taum ntxov los lawm; kuv tsis tau tso kuv txoj kev ua siab zoo rau koj tseg li.
    4 Tus nkauj xwb tsim txiaj His Xas Lais e, kuv yuav rov txhim koj dua, ces koj yuav raug
    txhim dua tshiab. Koj yuav rov hnav zam ntaus paj nruag dhia taug kev ua kev lom zem dua.
    5 Koj yuav rov cog muaj vaj hmab txiv cawv nyob saum cov roob Xas Mas Lias;
    cov khwv cog yuav tau kev cog thiab lawv yuav tau noj tej txiv.
    6 Ces yuav muaj ib hnub uas cov tub zov keeb yuav qw nyob saum cov pov roob Es Fais tias:
    ‘Nej kav tsij sawv kev, peb mus lawm pem Xis Yoos, pem Huab Tais peb tus Tswv Ntuj.’”
    7 Vim Huab Tais hais li no: “Nej qw zoo siab rau Yas Kos, nej qw suab cav txog haiv neeg

    uas loj dua cov. Nej yeej meem tshaj nej cov lus qhuas tias:
    ‘Huab Tais cawm nws haiv neeg lawm, yog cov His Xas Lais seem.’”

    NPN:   YLM 31: 10, 11-12ab, 13

    Txais: (10d) Huab Tais yuav zov peb li tus tswv zov yaj zov nws pab yaj.

    Cov haiv neeg, nej mloog Huab Tais lo lus,
    nej muab tshaj tawm rau cov pov txwv nyob deb paub, nej hais tias:
    Tus tau ua kom His Xas Lais tawg mus rau ntau qhov,

    rov sau lawv los ua ke lawm, nws zov lawv li tus tswv zov nws pab yaj.

    Txais: (10d) Huab Tais yuav zov peb li tus tswv zov yaj zov nws pab yaj.

    HUAB TAIS yuav txhiv Yas Kos rov los,
    nws yuav tso Yas Kos kom dim ntawm tus muaj zog txhais tes.
    Lawv yuav ke qw zoo siab ke nce mus pem lub roob Xis Yoos,
    lawv yuav tuaj sib laub sib lug mus txais HUAB TAIS lo lus foom hmoov zoo.

    Txais: (10d) Huab Tais yuav zov peb li tus tswv zov yaj zov nws pab yaj.

    Cov nkauj xwb yuav dhia lom zem zoo siab,
    cov tub hluas thiab cov neeg laus kuj yuav dhia.
    Kuv yuav muab lawv txoj kev tu siab siab hloov ua kev zoo siab
    Kuv yuav nplij lawv kom lawv zoo siab, txhob nyuaj siab ntxiv.

    Txais: (10d) Huab Tais yuav zov peb li tus tswv zov yaj zov nws pab yaj.

    As Les Lus Yas:   LK 7: 16

    Txais: As les lus yas, as les lus yas.

    Ib tug yaj saub loj sawv los nyob hauv peb,
    Tswv Ntuj tau tuaj xyuas nws haiv neeg lawm.

    Txais: As les lus yas, as les lus yas.

    Ntawv Moo Zoo:   MT 15: 21-28

    21 Yes Xus tawm ntawm qhov chawd ntawd mus, nws mus rau Tws Los thiab Xis Doos teb.

    22 Muaj ib tug poj niam Kas Nas Has nyob hauv teb chaws ntawd tuaj, nws hu nrov nrov tias: “Huab Tais,
    Das Vis leej Tub, thov koj khuv leej kuv! Kuv tus ntxhais raug ib tug dab phem tsim txom nws.
    23 Tiam sis Yes Xus tsis teb ib los li. Cov thwj tim txav los hais rau nws tias:
    Koj kuj muab nws ntiab khiav mus saib, vim nws pheej qw nrov nrov caum peb qab.”
    24 Yes Xus teb rau lawv tias: “Kuv raug xa tuaj yog kom tuaj pab cov yaj ploj hauv His Xas Lais tsev neeg xwb.”
    25 Tab sis tus poj niam twb tuaj txog lawm, nws txhos caug thov Yes Xus tias: “Huab Tais, thov koj pab kuv.”
    26 Yes Xus teb rau nws tias: “Tsis phim yuav muab me nyuam tej mov pov rau dev noj.”
    27 Tus poj niam hais tias: “Thov koj, Huab Tais, vim tias txawm cov me nyuam dev
    los twb noj cov tsig mov uas poob saum lawv tus tswv lub rooj los xwb.”
    28 Ces Yes Xus hais rau nws tias: “Tus poj niam, koj muaj lub siab ntseeg loj kawg nkaus!
    Kom koj tau raws li koj lub siab ntshaw.” Ces nws tus ntxhais zoo hlo txij lub caij ntawd los lawm.   
     
                                                                                  
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 3rd August 2022, 3:34 am

    Tim     4     lub     8     Hli     2022

    Hnub Tsib Lis Piam Kaum Yim Nruab Xyoo ABC Nruab Lis Piam Xyoo II

    Lectionary: 410

    Yuav Hwm LN John Vianney, ua Leej Choj

    Zaj Nyeem Ib:   YES LES MIAS 31: 31-34


    31 Huab Tais ceeb toom hais tias: Lub hnub nyoog tuaj yuav txog,
    uas kuv yuav nrog His Xas Lais tsev neeg thiab Yus Das tsev neeg cog lus dua tshiab.
    32 Yuav tsis yog cog lus zoo li kuv tau nrog lawv cov yawg koob cog thaum lub caij kuv tau
    tuav lawv tes coj lawv tawm ntawm Hais Nkws Tos teb los lawm, vim lawv tau rhuav
    kuv lo lus cog txawm tias kuv yog lawv tus Huab Tais; Huab Tais hais li ntawd.
    33 Tab sis kuv yuav rov nrog His Xas Lais tsev neeg cog lus dua zoo li no thaum dua lub caij ntawd lawm.  
    Huab Tais hais li ntawd. Kuv yuav muab kuv txoj cai cog kiag rau hauv lawv, yuav muab sau kiag
    rau hauv lawv nruab siab; ces kuv yuav yog lawv tus Tswv Ntuj thiab lawv yuav yog kuv haiv neeg.
    34 Lawv yuav tsis tas qhia rau lawv cov phooj ywg los rau lawv cov kwv tij tias: “Nej yuav tsum paub
    HUAB TAIS.” Vim tas sawv daws, tsis hais tus hlob tus yau, yuav paub kuv; Huab Tais hais li ntawd;
    ces kuv yuav zam lawv tej kev ua phem rau lawv thiab kuv yuav tsis nco qab lawv cov txhaum ntxiv lawm.

    NPN   51: 12-13, 14-15, 18-19

    Txais: (12a) Tswv Ntuj, thov koj tsim ib lub siab huv lis si rau kuv.

    Tswv Ntuj, thov koj tsim ib lub siab huv lis si rau kuv,
    thiab rov muab ib lub tswv yim nyob ruaj nreb rau kuv.
    Koj tsis txhob muab kuv ntiab mus deb ntawm koj,
    thiab txhob rho koj leej Tswv Yim Ntshiab tawm ntawm kuv mus.

    Txais: (12a) Tswv Ntuj, thov koj tsim ib lub siab huv lis si rau kuv.

    Koj ua kom kuv rov zoo siab nyob hauv koj txoj kev cawm;
    koj muab ib lub tswv yim xav ua qhov zoo rau kuv.
    Kuv yuav qhia koj txoj kev rau cov neeg yuam kev,
    ces cov neeg txhaum yuav tig rov los cuag koj.

    Txais: (12a) Tswv Ntuj, thov koj tsim ib lub siab huv lis si rau kuv.

    Vim koj tsis zoo siab txais cov kev txi ntuj;
    yog kuv hlawv tsiaj txi ntuj, koj yuav tsis txais.
    Kuv txoj kev txi ntuj, Tswv Ntuj, yog muaj ib lub siab xav lees txhaum;
    muaj ib lub siab xav lees txhaum thiab ua neeg me, Tswv ntuj, koj yuav tsis thuam.

    Txais: (12a) Tswv Ntuj, thov koj tsim ib lub siab huv lis si rau kuv.

    As Les Lus Yas:   MT 16: 18

    Txais: As les lus yas, as les lus yas.

    Koj yog Pob Zeb, nyob saum lub pob zeb no kuv yuav txhim kuv lub Koom Txoos,
    dab phem teb cov qhov rooj yuav tiv tsis yeej lub pob zeb no.

    Txais: As les lus yas, as les lus yas.

    Ntawv Moo Zoo:   MT 16: 13-23

    13 Yes Xus tuaj txog cheeb tsam ntawm Xes Ntxas Les Fis Lis Pos,
    ces nws nug coy thwj tim li no: "Luag tej hais tias Neeg Leej Tub yog leej twg?"
    14 Lawv teb tias: “lb txhia hais tias yog Zam Ntxuav Plig, ib txhia hais tias yog Es Lias,
    tseem muaj lwm cov hais tias yog Yes Les Mias los yog ib tug hauv cov yaj saub.”
    15 Xus hais tias: "Nej ne, nej hais tias kuv yog leej twg?"
    16 Xis Moos Pob Zeb teb tias: "Koj yog Leej Pleev, yog tus Tswv Ntuj Muaj Txoj Sia Leej Tub."
    17 Yes Xus teb rau Pob Zeb tias: "Xis Moos, Yos Nas tus tub, koj txoj hmoov zoo,
    vim tsis yog nqaij thiab ntshav qhia rau koj paub, yog kuv Txiv tus nyob saum ntuj qhia.
    18 Ua li mas kuv hais rau koj, koj yog Pob Zeb, kuv yuav txhim kuv lub Koom Txoos rau saum
    lub pob zeb no; dab phem teb cov qhov rooj yuav tiv tsis yeej nws.
    19 Kuv yuav muab lub Ceeb Tsheej saum ntuj cov yawm sij rau koj. Koj khi yam twg
    nyob ntiaj teb no, Ntuj yuav saib yam ntawd yog khi nyob saum ntuj. Koj daws yam twg
    nyob ntiaj teb no, Ntuj yuav saib yam ntawd yog daws nyob saum ntuj."
    20 Ces Yes Xus txwv cov thwj tim tsis pub qhia leej twg tias nws yog Leej Pleev.
    21 Txij hnub ntawd los, Yes Xus pib qhia rau nws cov thwj tim tias nws yuav tsum mus
    Yes Lus Xas Les, thiab nws yuav raug txom nyem loj vim cov txwj laus, cov thawj leej choj
    thiab cov Kws Ntawv Ntshiab. Lawv yuav muab nws tua, ces hnub peb nws yuav sawv rov los.
    22 Pob Zeb rub ntiag Yes Xus mus rau ib cag, thiab hais rau nws tias: "Huab Tais, thov kom
    Tswv Ntuj tsis pub muaj zoo li ntawd! Yeej yuav tsis muaj tej yam ntawd tuaj raug koj ib zaug li!"
    23 Ces Yes Xus tig loo los hais rau Pob Zeb tias: "Xas Tas, koj lawv kuv qab.
    Koj thaiv kuv kev, koj tsis xav li Tswv Ntuj xav, koj xav li neeg xav xwb."



    Last edited by Mim on 4th August 2022, 5:00 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 4th August 2022, 4:57 am

    Tim 5 lub 8 Hli 2022

    Hnub Rau Lis Piam Kaum Yim Nruab Xyoo ABC Nruab Lis Piam Xyoo II

    Lectionary: 411

    Zaj Nyeem Ib: NAS HWS 2:1, 3; 3:1-3, 6-7

    2: 1 Ntsia saib, tus xa xov ob txhais taw tsuj saum cov roob tuaj, nws tshaj txog kev thaj yeeb.
    Yus Das aw, kav tsij ua koj cov koob tsheej, kav tsij pauj koj cov yeem rau; tus neeg phem yuav
    tsis tuaj tsuj koj ib zaug ntxiv lawm, vim nws twb puas tsuaj puas ntsoog tas lawm.
    3 HUAB TAIS yuav rov tsa Yas Kos lub koob lub npe ib yam li His Xas Lais lub koob lub npe,
    vim cov neeg phem tau tuaj rhuav lawv thiab ua kom lawv cov ceg hmab dam lwj ntxaws.
    3: 1 Hmoov phem rau lub nroog uas nyiam ua kom luag ntshav nrog,
    nyiam hais lus dag, nyiam txeeb luag tug, mus lwg luag tsis muaj caij tsum;
    2 uas hlua nplawm nees nrov nplib nplob, log tsheb khiav nrov ntsuag qees,
    nees rag ntws khiav, tsheb rog khiav nrov nroo ntws,
    3 cov caij nees khiav rag ntws mus sib tua, ntaj cig liab vog, hmuv ci laim txias,
    coob leej raug tua, tej pawg cev tuag nco lug, neeg tuag pawg lug ua rau yus dawm ntog!
    6 Kuv yuav pov tej yam qias los npog koj, yuav tsis saib koj ntxiv
    thiab yuav ua kom koj poob ntsej muag,
    7 mus txog thaum txhua leej txhua tus pom koj lawv yuav khiav deb koj,
    thiab yuav hais tias: “Nis Nis Vas puas ntsoog tas lawm; leej twg yuav xav khuv leej nwd?
    Puas yuav nrhiav tau ib tug neeg nyob qhov twg los nplij nws?”

    NPN: TXOJ CAI OB 32:35cd-36ab, 39abcd, 41

    Txais: (39c) Kuv yog tus ua kom tuag thiab ua kom ciaj sia tau.

    Hnub uas lawv yuav raug rhuav los txog ze lawm,
    txoj kev puas ntsoog twb khiav nrawm nroos los rau saum lawv lawm!
    Muaj tseeb, HUAB TAIS yuav muab kev ncaj rau nws haiv neeg;
    nws yuav khuv leej nws cov tub txib.

    Txais: (39c) Kuv yog tus ua kom tuag thiab ua kom ciaj sia tau.

    Nej yuav paub tias tsuas muaj kuv ib leeg thiaj yog Tswv Ntuj xwb,
    tsis muaj dua lwm tus tswv ntuj dhau ntawm kuv lawm.
    Kuv yog tus ua kom txoj sia tu thiab ua kom ciaj sia tib si.
    Kuv yog tus ua kom txawj mob thiab ua kom txawj zoo.

    Txais: (39c) Kuv yog tus ua kom tuag thiab ua kom ciaj sia tau.

    Kuv yuav hov kuv rab ntaj ci hob kom ntse zuag plias,
    kuv txhais tes yuav tuav rawv kuv lub hnab ntim xib xub,
    Kuv yuav ua pauj rov rau kuv cov yeeb ncuab,
    thiab yuav ua rau cov ntxub kuv xws li lawv tau ua.

    Txais: (39c) Kuv yog tus ua kom tuag thiab ua kom ciaj sia tau.

    As Les Lus Yas: MT 5: 10

    Txais: As les lus yas, as les lus yas.

    Cov tau txoj hmoov zoo yog cov raug luag hiam vim txoj kev ncaj,
    vim lub Ceeb Tsheej saum ntuj yog lawv tug.

    Txais: As les lus yas, as les lus yas.

    Ntawv Moo Zoo: MT 16: 24-28

    24 Yes Xus hais rau nws cov thwj tim tias: “Yog leej twg xav los raws kuv,
    nws yuav tsum txhob xav txog nws, nws yuav kwv nws tus ntoo cuam, thiab yuav lawv kuv qab.
    25 Vim leej twg xav cawm nws txoj sia, mas nws yuav plam nws txoj sia,
    hos leej twg plam nws txoj sia vim kuv, mas nws yuav rov tau nws txoj sia.
    26 Ib tug neeg yuav tau dab tsi zoo, yog nws txeeb tau tas lub ntiaj teb tas huv si los ua nws tug,
    tab sis nws ho ua nws txoj sia ploj? Los puas ib tug neeg yuav muab dab tsi los pauv tau nws txoj sia?
    27 Vim tias Neeg Leej Tub yuav nrog nws cov Tshiab los muaj Leej Txiv lub hwj chim,
    ces nws yuav pauj rau nyias raws li nyias cov hauj lwm.
    28 Kuv hais tseeb rau nej tias, muaj ib txhia nyob ntawm no yuav tsis tau saj txoj kev tuag
    ua ntej lawv tau pom Neeg Leej Tub nrog nws lub Ceeb Tsheej los txog tso.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 5th August 2022, 2:13 am

    Tim 6 lub 8 Hli 2022

    Hnub Xya Lis Piam Kaum Yim Nruab Xyoo C Nruab Lis Piam Xyoo II

    Nco txog Yes Xus lub Hwj Chim tawm los rau nws cov Thwj Tim Pom

    Lectionary: 614

    Zaj Nyeem Ib: DN 7: 9-10,13-14

    9 Kuv ntsia ntsoov pom luag muab ib co theej kiab los txawb rau ntawd,
    ces tus Laus Hnub Nyoog Nchav los zaum saum nws lub theej kiab. Nws cov ris tsho
    ci cuag daus, nws cov plaub hau saum taub hau dawb paug cuag plaub yaj.
    Nws lub theej kiab yog nplaim taws, muaj ib co log yog hluav taws.
    10 Muaj ib tug dej hluav taws txhawv ntws lug ntawm qhov chaw nws zaum ntawm nws
    xub ntiag los. Txhiab txhiab leej tsob hwb nws tiam nws, vam vam leej sawv nyob ntawm
    nws xub ntiag. Ces lawv qhib lub rooj txiav txim, tej ntaub ntawv twb nthuav tas lawm.
    13 Hmo ntuj kuv tseem yees pom ntxiv zoo li no:
    Muaj ib tug tuaj saum cov huab saum ntuj tuaj, nws zoo xws li neeg ib leeg tub;
    nws los rau ntawm tus Laus Hnub Nyoog Nchav, ces lawv coj nws los qhia rau tus Laus.
    14 Ces nws txais lub hwj huam tswj kav, lub koob meej thiab kev ua vaj.
    Tas txhia haiv neeg, txhia lub kuj cuab, txhia xeem lus yuav tsob hwb nws.
    Nws lub hwj huam tswj kav yog ib lub hwj huam nyob mus li, yuav tsis muaj leej twg tshem tau.
    Nws txoj kev ua vaj yuav tsis raug leej twg muab rhuav.

    NPN 97: 1-2, 5-6, 9

    Txais: (1a+9a) Huab Tais ua vaj, nws yog tus loj tshaj kav tas lub ntiaj teb.

    HUAB TAIS yog vaj ntxwv, lub ntiaj teb yuav zoo siab;
    ntau lub pov txwv yuav luag ntxhi.
    Cov huab thiab qhov tsaus nyob puag ncig nws,
    kev ncaj ncees thiab kev txiav txim
    yog lub taw ntsa txheem nws lub theej kiab.

    Txais: (1a+9a) Huab Tais ua vaj, nws yog tus loj tshaj kav tas lub ntiaj teb.

    Cov roob yaj tas xws li ciab ntab yaj nyob ntawm Huab Tais xub ntiag,
    ntawm tus HUAB TAIS kav tas lub ntiaj teb xub ntiag.
    Cov txheej ntuj cav txog nws txoj kev ncaj ncees,
    tas txhua haiv neeg pom nws lub hwj chim.

    Txais: (1a+9a) Huab Tais ua vaj, nws yog tus loj tshaj kav tas lub ntiaj teb.

    Vim koj HUAB TAIS yog tus nyob siab tshaj saib tas lub ntiaj teb.
    koj loj tshaj tas ib tsoom tswv ntuj.

    Txais: (1a+9a) Huab Tais ua vaj, nws yog tus loj tshaj kav tas lub ntiaj teb.

    Zaj Nyeem Ob: 2 PZ 1: 16-19

    Cov zoo nyiad:
    16 Peb tsis tau qhia raws li tej zaj dab neeg uas neeg lub tswv yim ntse tau xev, thaum peb tuaj qhia nej
    kom nej paub txog peb tus Huab Tais Yes Xus Pleev lub hwj huam thiab nws txoj kev tuaj nrog peb nyob,
    tiam sis peb yog ib co tim khawv tau pom xyeem nws lub hwj chim ntawm peb qhov muag.
    17 Leej Pleev tau txais koob meej thiab hwj chim ntawm Leej Txiv Tswv Ntuj los yog thaum lo lus
    tshwj xeeb nrov saum lub hwj chim muaj hwj xyeej tuaj rau nws tias:
    “Tus no yog kuv Leej Tub, tus kuv nyiam, nws ua ntxim kuv lub siab tas nrho.”
    18 Peb tus kheej tau hnov lub suab ntawd nrov saum ntuj tuaj,
    hnub uas peb nrog nws nyob saum lub roob ntshiab.
    19 Peb kuj tseem muaj cov Yaj Saub tej lus uas yog ib co lus tsim nyog ntseeg. Nej yuav tsum
    mob siab txog tej lus ntawd, uas yog zoo li ib lub teeb ci nyob hauv qhov tsaus ntuj, mus txog thaum
    lub hnub tawm tuaj thaum sawv ntxov thiab lub hnub qub kaj ntug ci tuaj rau hauv nej nruab siab lawm.

    As Les Lus Yas: MT 17: 5C

    Txais: As les lus yas, as les lus yas.

    "Tus no yog kuv Leej Tub uas kuv nyiam, yog tus kuv txaus siab tas nrho rau nws,
    nej cia li mloog nws hais.

    Txais: As les lus yas, as les lus yas.

    Ntawv Moo Zoo: LK 9: 28b-36

    28b Yes Xus coj Pob Zeb, Zam, thiab Yas Kos nrog nws, ces nws nce mus teev Ntuj saum roob.
    29 Thaum Yes Xus teev Ntuj, nws lub ntsej muag cia li hloov, nws cev ris tsho dawb paug ci ntsa iab tuaj.
    30 Txawm muaj ob tug neeg nrog Yes Xus tham, yog Mais Xes thiab Es Lias nkawd.
    31 Nkawd tawm los muaj hwj chim, nrog Yes Xus tham txog nws txoj kev
    yuav ncaim mus uas yuav tshwm sim nyob Yes Lus Xas Les.
    32 Pob Zeb thiab cov nrog nws qaug dab ntub kawg nkaus, tab sis thaum lawv tsim meej lawm,
    lawv pom Yes Xus lub hwj chim thiab pom ob tug neeg uas sawv nrog nws ua ke.
    33 Thaum ob tug ntawd yuav ncaim ntawm Yes Xus mus, Pob Zeb hais rau Yes Xus tias:
    "Xib Hwb, peb nyob ntawm no mas zoo kawg li! Cia peb tsa peb lub tsev tsam phooj, ib lub
    rau koj, ib lub rau Mais Xes, thiab ib lub rau Es Lias." Pob Zeb tsis paub tias nws hais dab tsi li.
    34 Thaum Pob Zeb tab tom hais li ntawd, txawm muaj ib twv huab tuaj ua ntxoov ntxoo
    vov nkaus lawv; thaum lawv nkag mus rau hauv twv huab, lawv ntshai kawg.
    35 Muaj ib lub suab nrov hauv twv huab tuaj tias:
    "Tus no yog kuv Leej Tub, yog tus kuv tau xaiv, nej mloog nws lus mog."
    36 Thaum lub suab hais li ntawd tas, tshuav Yes Xus tib leeg lawm xwb. Lub caij ntawd,
    cov thwj tim ua twj ywm tsis qhia dab tsi rau leej twg txog qhov uas lawv tau pom li.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 8th August 2022, 12:37 am

    Tim 8 lub 8 Hli 2022

    Hnub Ob Lis Piam Kaum Cuaj Nruab Xyoo ABC Nruab Lis Piam Xyoo II

    Lectionary: 413

    Yuav Hwm LN Dominic, ua Leej Choj

    Zaj Nyeem Ib: ES XES KIAS 1: 2-5, 24-28c

    2 Hnub xiab tsib hauv lub plaub hlis ntawm xyoo tsib
    uas tus vaj Yuas Kis mus nyob txim rau pej kum teb,
    3 HUAB TAIS hais lus rau tus Leej Choj Es Xes Kias uas yog Npus Xis tub,
    nyob hauv cov Kas Des lub teb chaws, nyob ze tus dej Kes Npas.
    Nyob ntawd, HUAB TAIS txhais tes los nyob saum kuv.
    4 Kuv ntsia ntsoov, muaj ib nthwv cua hlob hlob tshuab sab pej fab tuaj, pom ib twv huab loj loj
    uas muaj ib qho pom kev ci hob ncig, thiab muaj ib lub cub tawg txawj cig plaws tuag ntais
    cig plaws tuag ntais mus li; hauv lub cub tawg muaj ib qho ci ntsa tuaj daj rhuv li kub xyaw nyiaj.
    5 Nyob rau hauv, muaj tej tus zoo li yog plaub tug tsiaj muaj sia tshwm tawm tuaj.
    Cov tsiaj ntawd zoo li no: lawv muaj ib lub cev xws li tib neeg.
    24 Ces kuv hnov lawv cov tis nrov nroo ntws cuag dej hlob nphau, cuag li yog Tus Muaj Hwj Huam
    lub suab nroo. Thaum lawv mus kev, hnov nrov deeg diaj cuag li yog ib pab tub rog taug kev.
    Thaum lawv nres, lawv txo lawv cov tis kom qis.
    25 Thaum lawv nres nrog lawv cov tis nyob qis ntawd,
    hnov ib lub suab nrov saum txheej saum qaum lub qab ntuj ntsuab tuaj.
    26 Nyob saum qaum lub qab ntuj ntsuab ncaj saum lawv taub hau, muaj ib yam zoo li
    yog ib lub theej kiab uas zoo li ib lub pov haum xiav; nyob saum qhov zoo li lub theej kiab ntawd,
    muaj ib tug zoo li tib neeg zaum rau saum toj saud.
    27 Txij ntawm qhov zoo li yog nws lub duav rov saud kuv pom ib qho ci cuag li nyiaj xyaw kub;
    txij ntawm qhov zoo li yog nws lub duav rov hauv, kuv pom ib yam zoo li hluav taws,
    thiab muaj ib qho pom kev ci ntsa iab nyob ib ncig nws tas nrho.
    28 Qhov pom kev ci ntsa iab nyob ibn cig nws ntawd ntawd
    zoo xws li zaj sawv saum cov huab tej hnub ntuj los nag tas.
    Qhov kuv pom uas yog qhia txog HUAB TAIS lub hwj chim yog zoo li no.

    NPN 148: 1-2, 11-12, 13, 14

    Txais: Lub ntuj thiab lub ntiaj teb puv nkaus koj lub hwj chim.
    los: As les lus yas.

    Nej nyob saum ntuj cav txog Huab Tais,
    nej nyob saum tej chaw siab cav txog nws.
    Tas nej cov uas yog nws cov tshiab, nej cav txog nws,
    nws cov peeb zeej, nej cav txog nws.

    Txais: Lub ntuj thiab lub ntiaj teb puv nkaus koj lub hwj chim.
    los: As les lus yas.

    Kom tas cov vaj ntxwv nyob ntiaj teb thiab tas txhua haiv neeg,
    tas cov tub nom tub tsw thiab cov nom txiav txim nyob ntiaj teb,
    cov tub nraug hluas thiab ntxhais nkauj xwb,
    cov laus thiab cov me nyuam yaus,

    Txais: Lub ntuj thiab lub ntiaj teb puv nkaus koj lub hwj chim.
    los: As les lus yas.

    Kom lawv cia li cav txog Huab Tais lub npe ,
    vim nws tib lub npe thiaj loj siab dua cov;
    nws lub hwj xyeej nyob siab tshaj lub ntiaj teb thiab lub ntuj.

    Txais: Lub ntuj thiab lub ntiaj teb puv nkaus koj lub hwj chim.
    los: As les lus yas.

    Nws tsa nws haiv neeg lub meej mom kom siab:
    Ua li mas kom cov ntseeg nws, uas yog cov tub ki His Xas Lais,
    yog haiv neeg nyob ze nws, sawv daws yuav tsum cav txog nws.

    Txais: Lub ntuj thiab lub ntiaj teb puv nkaus koj lub hwj chim.
    los: As les lus yas.

    As Les Lus Yas: 2 TXLN 2: 14

    Txais: As les lus yas, as les lus yas.

    Tswv Ntuj tau hu nej nyob hauv lub Moo Zoo,
    kom nej tau txais peb tus Huab Tais Yes Xus Pleev lub hwj chim.

    Txais: As les lus yas, as les lus yas.

    Ntawv Moo Zoo: MT 17: 22-27

    22 Thaum Yes Xus thiab nws cov thwj tim lawv mus sib sau nyob Nkas Lis Lais,
    nws hais rau lawv tias: "Neeg Leej Tub yuav raug muab muag rau hauv tib neeg txhais tes.
    23 Lawv yuav muab nws tua, hnub peb nws yuav sawv rov los." Ces cov thwj tim sawv daws tu siab loj.
    24 Thaum Yes Xus lawv rov qab los rau Kas Fas Naus, cov sau se rau lub Tuam Tsev Teev Ntuj
    tuaj cuag Pob Zeb, lawv hais rau nws tias: "Nej tus xib hwb puas them se pab lub Tuam Tsev Teev Ntuj ?"
    25 Pob Zeb teb tias: "Nws them." Thaum Pob Zeb nkag los rau hauv tsev, ua ntej nws hais lus
    Yes Xus xub nug nws tias: "Xis Moos, koj xav li cas? Cov vaj nyob ntiaj teb no sau se los tsib se
    ntawm leej twg? Ntawm lawv cov tub los ntawm luag tej qhua?"
    26 Pob Zeb teb tias: "Lawv sau se ntawm luag tej qhua."
    Yes Xus hais rau Pob Zeb tias: "Yog li mas cov tub tsis tau them se.
    27 Tab sis, wb yuav tsis txhob ua kom luag to taub yuam kev tsis zoo siab. Ua li mas,
    koj mus lawm nram dej ntuj, koj pov nuv rau hauv, rub loo thawj tug ntses uas tawm tuaj los;
    koj rua nws lub qhov ncauj koj yuav pom ib lub txiaj nyiag uas raug ob tug nqe se,
    koj muab lub txiaj ntawd rau lawv kom tau them se rau kuv thiab rau koj."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 8th August 2022, 1:25 pm

    Tim 9 lub 8 Hli 2022

    Hnub Peb Lis Piam Kaum Cuaj Nruab Xyoo ABC Nruab Lis Piam Xyoo II

    Lectionary: 414

    XHLT: LN Teresa Benedicta of the Cross, Nkauj tsim txiaj tuag ua Tim Khawv

    Zaj Nyeem Ib: ES XES KIAS 2: 8—3:4


    Huab Tais TSWV NTUJ hais rau kuv tias:
    8 “Neeg leej tub, koj mloog kuv lus thaum kuv hais lus rau koj, koj tsis txhob ntxeev siab
    li tsev neeg ntxeev siab no, koj yuav rua ncauj noj qhov kuv yuav muab rau koj.”
    9 Ces kuv ntsia pom ib txhais tes cev los rau kuv, muaj ib kauj ntawv
    muaj npe ntawv sau rau saud lawm nyob hauv txhais tes ntawd.
    10 Nws muab kauj ntawv ntawd nthuav rau kuv saib, muaj ntawv sau sab saud thiab sab
    hauv qab huv si. Cov lus sau rau hauv yog: "Suab quaj, suab nyiav, thiab kev ntsim siab."
    3: 1 Nws hais rau kuv tias: "Neeg leej tub, koj noj yam nyob ntawm koj xub ntiag no,
    koj noj kauj ntawv no thiab koj mus hais lus rau tsev neeg His Xas Lais."
    2 Kuv rua qhov ncauj ces nws muab kauj ntawv rau kuv noj.
    3 Nws hais rau kuv tias: "Neeg leej tub, koj noj kauj ntawv no, noj kom tsau koj plab."
    Ces kuv noj kauj ntawv, nws qab zib cuag zib ntab nyob hauv kuv qhov ncauj.
    4 Ces nws hais rau kuv tias: "Neeg leej tub, koj mus cuag tsev neeg
    His Xas Lais, koj mus hais kuv cov lus rau lawv."

    NPN 119: 14, 24, 72, 103, 111, 131

    Txais: (103a) Cov lus koj tau cog qab zib ua luaj rau kuv qhov ncauj!

    Kuv zoo siab taug txoj kev ua raws li koj txoj cai,
    Zoo siab npaum ua neeg nplua nuj muaj txhij txhua.

    Txais: (103a) Cov lus koj tau cog qab zib ua luaj rau kuv qhov ncauj!

    Koj cov lus qhia yog kuv txoj kev zoo siab,
    Koj cov lus qhia pab tswv yim rau kuv.

    Txais: (103a) Cov lus koj tau cog qab zib ua luaj rau kuv qhov ncauj!

    Txoj Cai uas tawm hauv koj lub ncauj los,
    muaj nqe rau kuv dua ib txhab nyiaj ib txhab kub.

    Txais: (103a) Cov lus koj tau cog qab zib ua luaj rau kuv qhov ncauj!

    Cov lus koj tau cog qab zib ua luaj rau kuv tus nplaig,
    qab dua zib ntab zib mu nyob hauv kuv qhov ncauj !

    Txais: (103a) Cov lus koj tau cog qab zib ua luaj rau kuv qhov ncauj!

    Koj cov lus qhia yog kuv lub cuab tam tas mus li ib txhis,
    yog kuv txoj kev sov siab.

    Txais: (103a) Cov lus koj tau cog qab zib ua luaj rau kuv qhov ncauj!

    Kuv huas pa laws rua ncauj txog siav,
    Vim kuv tshaib nqhis koj cov lus qhia.

    Txais: (103a) Cov lus koj tau cog qab zib ua luaj rau kuv qhov ncauj!

    As Les Lus Yas: MT 11: 29ab

    Txais: As les lus yas, as les lus yas.

    Nej txais kuv tus quab mus kwv, nej kawm ntawm kuv mog,
    vim kuv muaj siab ua neeg me, tsis muab hlob

    Txais: As les lus yas, as les lus yas.

    Ntawv Moo Zoo: MT 18: 1-5,10,12-14

    1 Cov thwj tim txav los cuag Yes Xus, lawv hais rau nws tias:
    “Leej twg yog tus loj dua nyob hauv lub Ceeb Tsheej saum ntuj?”
    2 Yes Xus hu ib tug me nyuam los ntawm nws,
    nws coj tus me nyuam los nyob hauv nruab nrab lawv,
    3 nws hais tias: “Kuv hais tseeb rau nej, yog nej tsis hloov los ua xws li
    ib co me nyuam, mas nej yuav mus tsis tau hauv lub Ceeb Tsheej saum ntuj.
    4 Leej twg rov saib nws me xws li tus me nyuam no,
    tus ntawd yog tus loj dua nyob hauv lub Ceeb Tsheej saum ntuj.
    5 Leej twg txais ib tug me nyuam zoo li tus no vim kuv lub npe, mas yog nws txais kuv.
    10 Nej ceev faj, tsis txhob thuam ib tug me nyuam yaus zoo li no; kuv hais rau nej tias,
    nyob saum ntuj, lawv cov Tshiab ntsia ntsoov kuv Txiv nyob saum ntuj lub ntsej muag mus li.
    12 Nej xav li cas? Yog ib tug neeg muaj ib puas tus yaj, ib tug mus poob zoo lawm, nws puas yuav
    tsis tso cuaj caum cuaj tug ntawd cia saum roob, mus nrhiav tus uas poob zoo lawd?
    13 Kuv hais tseeb rau nej, thaum nws nrhiav tau tus yaj poob zoo lawm,
    mas nws zoo siab rau tus ntawd tshaj rau cuaj caum cuaj tug uas tsis tau mus poob zoo.
    14 Nej Txiv nyob saum ntuj kuj zoo ib yam li ntawd thiab,
    nws tsis xav kom ib tug me nyuam yaus li tus no ploj li.”


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 9th August 2022, 1:56 am

    Tim 10 lub 8 Hli 2022

    Hnub Plaub Lis Piam Kaum Cuaj Nruab Xyoo C Nruab Lis Piam Xyoo II

    Hwm LN Lawrence, leej Tsob Hwb tuag ua Tim Khawv
    Lectionary: 618

    Zaj Nyeem Ib: 2 KLN 9: 6-10

    Cov kwv tij nkauj muad:
    6 Leej twg tseb nplej tsawg nws kuj yuav sau tau tsawg, leej twg tseb nplej ntau nws kuj yuav sau tau ntau.
    7 Nej nyias yuav pub raws li nyias tau txiav txim nyob hauv nyias siab lawm, nej txhob pub zoo li
    nej khuv khuv xim, thiab zoo li yog luag yuam nej, vim Tswv Ntuj nyiam tus zoo siab hlo pub rau luag.
    8 Tswv Ntuj muaj peev xwm yuav pub tau tas ib puas tsav yam txiaj ntsim nchuav lug rau nej, kom nej muaj txhua yam tas mus li txhua sij hawm, thiab tseem yuav seem ib co txaus pab nej ua txhua yam hauj lwm zoo.
    9 Raws li Ntawv sau tseg tias: ‘Nws tau muab faib rau luag,
    nws pub rau cov pluag; nws txoj kev ua ncaj yuav nyob mus li.’
    10 Tus muab noob qoob rau tus tswv teb, thiab muab mov ua txhiam xws,
    nws haj yam yuav muab noob rau nej thiab ua kom nej cov noob ntau tuaj,
    thiab nws yuav ua kom nej txoj kev ncaj txi tau txiv ntau tuaj.

    NPN 112: 1-2, 5-6, 7-8, 9

    Txais: (5) Tus neeg txawj hlub thiab qiv rau tus txom nyem, nws txoj hmoov zoo.

    Tus hwm HUAB TAIS, nws txoj hmoov zoo :
    Nws nyiam Huab Tais cov lus qhia tas siab nrho,
    Nws caj ce yuav muaj hwj chim nyob ntiaj teb;
    tiam neeg siab ncaj yuav tau txoj hmoov zoo.

    Txais: (5) Tus neeg txawj hlub thiab qiv rau tus txom nyem, nws txoj hmoov zoo.

    Tus neeg txawj hlub luag thiab qiv rau luag, nws txoj hmoov zoo.
    Nws ua nws tej hauj lwm raws kev ncaj.
    Nws yuav nyob ruaj nreb mus li;
    sawv daws yuav nco ntsoov txog tus neeg ncaj mus ib txhis.

    Txais: (5) Tus neeg txawj hlub thiab qiv rau tus txom nyem, nws txoj hmoov zoo.

    Nws yuav tsis ntshai cov lus cuav hais phem txog nws ;
    nws lub siab nyob ruaj nreb, nws tso siab lug rau HUAB TAIS.
    Nws ua siab tawv qhawv, nws yuav tsis ntshai,
    nws yuav ua pliaj siab dauv muag mus saib nws cov yeeb ncuab.

    Txais: (5) Tus neeg txawj hlub thiab qiv rau tus txom nyem, nws txoj hmoov zoo.

    Nws pub tsis txuag rau cov pluag :
    nws txoj kev ua siab dav yuav nyob mus li,
    nws yuav muaj meej mom siab thiab yuav nto koob meej,

    Txais: (5) Tus neeg txawj hlub thiab qiv rau tus txom nyem, nws txoj hmoov zoo.

    As Les Lus Yas: ZAM 8: 12bc

    Txais: As les lus yas, as les lus yas.

    Huab Tais hais tias: "Leej twg lawv kuv qab,
    nws yuav tsis maub tsaus ntuj taug kev.
    Nws yuav tau qhov pom kev kaj nws lub neej."

    Txais: As les lus yas, as les lus yas.

    Ntawv Moo Zoo: ZAM 12: 24-26

    Yes Xus hais rau nws cov thwj tim tias:
    24 “Kuv hais qhov muaj tseeb tiag rau nej: Yog ib lub noob nplej tsis poob rau hauv av thiab
    tsis tuag, mas nws tsuas yog ib lub noob nplej xwb, hos yog nws tuag, mas nws txi txiv ntau.
    25 Tus twg nyiam nws txoj sia, mas nws ua nws txoj sia ploj. Hos tus twg tsis khuv xim
    nws txoj sia hauv lub ntiaj teb no, mas nws yuav ceev tau nws txoj sia kom tau ciaj nyob mus li.
    26 Tus twg xav tsob hwb kuv, mas nws yuav tsum los raws kuv. Kuv nyob qhov twg,
    tus tub txib kuj yuav nyob qhov ntawd thiab. Ces Leej Txiv yuav hwm tus uas tsob hw kuv.”

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 11th August 2022, 1:54 am

    Tim 11 lub 8 Hli 2022

    Hnub Tsib Lis Piam Kaum Cuaj Nruab Xyoo ABC Nruab Lis Piam Xyoo II

    Lectionary: 416

    Yuav Hwm LN Clare, Nkauj tsim Txiaj

    Zaj Nyeem Ib: EXK 12: 1-12

    1 HUAB TAIS lo lus nrov tuaj rau kuv li no:
    2 "Neeg leej tub, koj nyob hauv nruab nrab ib tsav neeg ntxeev siab, uas lawv muaj qhov muag pom, tab sis lawv tsis pom li, lawv muaj pob ntseg hnov, tab sis lawv tsis hnov li, vim lawv yog ib tsav neeg ntxeev siab.
    3 Neeg leej tub, thaum nruab hnub koj ua rau lawv pom, koj npaj ib nras khoom rau koj ris zoo li ib tug neeg yuav mus nyob txim lawm pej kum teb, ces koj sawv kev mus rau lawv ntsia ntsoov, koj tsiv tawm ntawm qhov chaw koj nyob mus rau lwm qhov chaw. Ces tej zaum lawv yuav pom tias lawv yog ib tsav neeg ntxeev siab.
    4 Thaum nruab hnub, koj yuav nog nra xws li ib tug neeg npaj mus nyob txim rau lawv pom;
    thaum tsaus ntuj, koj yuav tawm mus xws li ib tug neeg mus nyob txim rau lawv pom ntsoov.
    5 Koj tho ib lub qhov nyob ntawm phab ntsa rau lawv pom, ces koj tawm ntawm lub qhov ntawd mus.
    6 Koj kwv koj lub nra saum xub pwg rau lawv ntsia thiab koj maub tawm mus rau hauv
    qhov tsaus ntuj. Koj yuav npog ntsej muag kom koj tsis txhob pom hauv av li,
    vim kuv muab koj los ua ib lub cim qhia tsoom His Xas Lais."
    7 Ces kuv ua raws li cov lus ceeb toom ntawd. Nruab hnub kuv nog nra xws li ib tug neeg yuav mus
    nyob txim lawm pej kum teb. Thaum tsaus Ntuj, kuv xuas tes tho ib lub qhov nyob ntawm phab ntsa.
    Thaum tsaus ntuj nti lawm kuv maub tawm mus, kuv kwv kuv lub nra saum xub pwg rau lawv pom.
    8 Ces thaum sawv ntxov, HUAB TAIS hais rau kuv zoo li no:
    9 "Neeg leej tub, His Xas Lais tsev neeg, tsav neeg ntxeev siab ntawd
    puas tau nug koj tias: ‘Koj ua dab tsi li ntawd’?
    10 Koj yuav hais rau lawv tias: ‘HUAB TAIS Tswv Ntuj hais li no: Cov lus saub no yog hais txog
    Yes Lus Xas Les thiab txog tas His Xas Lais tsev neeg uas nyob rau hauv.’
    11 Koj hais tias: ‘Kuv yog ib lub cim rau nej: Kuv tau ua li cas mas lawv kuj yuav raug
    tej yam zoo li ntawd; Lawv yuav tau mus nyob txim, lawv yuav mus raug kaw.
    12 Tus ua nom ua tswv nyob hauv lawv yuav kwv nws lub nra saum xub pwg thaum tsaus ntuj nti
    thiab yuav sawv kev mus; nws yuav tawm ntawm ib lub qhov nws tau tho ntawm phab ntsa;
    ces nws yuav npog ntsej muag kom nws tsis txhob pom thaj chaw.’"

    NPN 78: 56-57, 58-59, 61-62

    Txais: (7b) Nej yuav tsis txhob hnov qab Huab Tais tej hauj lwm.

    Lawv ntxeev siab, lawv sim tus Tswv Ntuj Nyob Siab,
    lawv tsis hwm Tswv Ntuj cov cai lij choj.
    Lawv ncaim mus, lawv ntxeev siab xws li lawv phaj txiv,
    lawv lem cees xws rab hneev nkhaus.

    Txais: (7b) Nej yuav tsis txhob hnov qab Huab Tais tej hauj lwm

    Lawv ua tub qaug nws vim lawv tsa tej thaj chaw siab,
    Lawv ua khib nws vim lawv cov mlom.
    Tswv Ntuj hnov lawv, nws npau taws ceev,
    nws muab His Xas Lais xyeeb hlo pov tseg.

    Txais: (7b) Nej yuav tsis txhob hnov qab Huab Tais tej hauj lwm

    Nws cia His Xas Lais lub zog swb rau luag,
    tso His Xas Lais lub hwj chim rau yeeb ncuab txhais tes.
    Nws tso nws haiv neeg rau hniav ntaj hlais,
    nws npau taws heev rau nws lub cuab tam.

    Txais: (7b) Nej yuav tsis txhob hnov qab Huab Tais tej hauj lwm

    As Les Lus Yas: NPN 119: 135

    Txais: As les lus yas, as les lus yas.

    Thov cia koj lub ntsej muag ci tuaj rau saum koj tus tub txib,
    thov koj qhia koj cov cai lij choj rau kuv coj.

    Txais: As les lus yas, as les lus yas.

    Ntawv Moo Zoo: MT 18: 21–19:1

    21 Pob Zeb txav los nug Yes Xus tias: “Huab Tais, yog kuv tus kwv ua txhaum rau kuv,
    kuv yuav zam pes tsawg zaus rau nws? Kuv puas yuav zam txog xya zaus?”
    22 Yes Xus hais rau Pob Zeb tias: “Kuv tsis hais rau koj tias 'xya zaus'
    tiam sis kuv hais tias 'xya caum xya zaus'.”
    23 “Li ntawd, Ntuj lub Ceeb Tsheej yog zoo li ib tug vaj uas
    xav nrog nws cov tub txib txheeb nws tej nyiaj txiag.
    24 Thaum lawv pib txheeb, ces luag coj ib tug tub txib uas
    tshuav nuj nqis ib vam nras nyiaj, tuaj rau tus vaj.
    25 Tus tub txib tsis muaj dab tsi them, ces tus vaj kom luag muab nws thiab nws poj niam,
    nws cov me nyuam thiab tas nws lub cuab tam huv si muag, los them cov nuj nqis ntawd.
    26 Tus tub txib txhos caug ntua ntawm nws tus tswv ko taw, nws pe tus tswv,
    nws hais tias: “Thov koj ua siab ntev rau kuv, kuv yuav them kom tas rau koj.”
    27 Tus tswv hlub tus tub txib, ces nws tso tus tub txib mus
    thiab tseem zam cov nuj nqis huv tib si rau nws.
    28 Thaum tus tub txib tawm rov qab mus, nws ntsib nws ib tug npawg, uas tshuav nqi
    ntawm nws ib puas lub txiaj nyiag. Tus tub txib ntawd nthos nkaus nws tus npawg caj dab,
    zawm tus npawg caj pas, thiab hais tias: “Them koj cov nuj nqis los.”
    29 Nws tus npawg txhos caug ntua ntawm nws ko taw thov tias:
    “Thov koj ua siab ntev rau kuv, kuv yeej yuav them rau koj.”
    30 Tab sis tus tub txib ntawd tsis kam li, nws kom luag muab nws tus npawg kaw
    hauv tsev loj faj mus txog hnub tus npawg them nuj nqis tas huv tib si rau nws.
    31 Tus tub txib cov phooj ywg pom nws ua li ntawd, lawv chim kawg,
    lawv mus qhia tej ntawd rau lawv tus tswv.
    32 Ces tus vaj hu tus tub txib tuaj, nws hais rau tus tub txib ntawd tias: “Tub txib siab phem dab tsi!
    Cov nuj nqis uas koj tshuav ntawm kuv, kuv twb zam tas huv si rau koj, vim koj thov kuv.
    33 Ua cas koj tsis hlub koj tus npawg zoo li kuv tau hlub koj?"
    34 Ces tus vaj npau taws heev, nws muab tus tub txib cob rau cov tub hiam neeg
    mus txog hnub nws them nws cov nuj nqis tas huv tib si.
    35 Li ntawd, nej txhua tus, yog nej tsis zam hauv nruab siab rau nej ib tug kwv tij,
    mas kuv Txiv nyob saum Ntuj kuj yuav ua ib yam li ntawd rau nej thiab.
    19: 1 Thaum Yes Xus hais cov lus no tas, nws tso Nkas Lis Lais teb tseg,
    ces nws mus rau Yus Das teb, nyob sab dej Yos Las Das tim ub.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 13th August 2022, 5:33 am

    Tim 12 lub 8 Hli 2022

    Hnub Rau Lis Piam Kaum Cuaj Nruab Xyoo ABC Nruab Lis Piam Xyoo II

    Lectionary: 417

    XHLT: LN Jane Frances de Chantal, ua Leej Phauj

    Zaj Nyeem Ib: EXK 16: 1-15, 60, 63


    1 HUAB TAIS lo lus nrov tuaj rau kuv li no:
    2 "Neeg leej tub, koj hais rau Yes Lus Xas Les kom nws paub
    txog nws tej kev phem kev qias loj.
    3 Koj yuav hais rau nws tias: ‘HUAB TAIS Tswv Ntuj hais li no rau Yes Lus Xas Les:
    Koj lub keeb yug los thiab koj lub teb chaws yog lub teb chaws Kas Nas Has.
    Koj txiv yog ib tug neeg As Mos, koj niam yog ib tug neeg His Tis.
    4 Hnub koj yug los, tsis muaj neeg txiav koj hlab ntaws, tsis muaj tus muab dej ntxuav koj los
    muab roj pleev koj li, tsis muaj tus muab ntsev txhuam koj, tsis muaj tus muab ntaub qhwv koj li.
    5 Tsis muaj ib tug neeg tig ntsej muag ntsia koj thiab hlub koj, yuav ua tej ntawd rau koj li.
    hnub koj yug los, lawv muab koj cuam pov tseg rau nraum zoov, zoo li koj yog ib yam qias lawv.
    6 Kuv hla ze ntawm koj, kuv pom koj nti da luj luam nyob hauv koj cov ntshav.
    Ces kuv hais rau koj tseem da nyob hauv koj cov ntshav tias: 'Koj ciaj mus mog!’
    7 Thiab kuv ua kom koj nthaw kaus tuaj xws li cov qoob nyob nruab liaj nruab teb.
    Ces koj huam vam tuaj lawm ntau thiab koj hlob zoo kawg li, koj hlob mus tiav nkauj,
    koj ob lub mis loj tuaj, koj plaub hau ntev tuaj; tab sis koj tseem nyob liab qab ploog xwb.
    8 haum kuv rov hla tuaj ze ntawm koj dua, kuv saib koj, kuv pom tias yog lub caij koj txawj
    muaj kev hlub lawm; ces kuv nthuav kuv lub tw tsho los npog koj qhov liab qab. Kuv cog ib lo lus rau koj,
    kuv nrog koj muaj kev sib cog lus, ces koj ua kuv tug lawm.’ HUAB TAIS Tswv Ntuj hais li ntawd.
    9 ‘Kuv muab koj da dej, kuv ntxuav cov ntshav lo koj tawm, kuv muab roj los pleev koj.
    10 Kuv muab ris tsho paj ntaub rau koj hnav, muab khau tawv zoo nkauj rau koj rau,
    muab siv ntaub maj mos los pav koj duav thiab muab tsho tsuj tsho npuag rau koj npua.
    11 Kuv muab npauj nyiag npauj kub rau koj coj, muab kauj npab kub
    rau ntawm koj tes, muab saw rau koj coj ntawm caj dab.
    12 Kuv ntxig ib lub kauj rau ntawm koj qhov ntswg, ib co npauj kub rau koj pob ntseg,
    thiab kuv muab ib lub mom teev kub ci ntsais plias rau saum koj taub hau.
    13 Koj coj nyiaj coj kub xwb, koj tej tsoos tsho yog ntaub tsuj ntaub npuag zoo nkauj
    thiab yog paj ntaub xwb. Koj tej txhiam laj txhiam xws yog hmoov nplej mos,
    zib ntab zib mu thiab roj. Koj zoo nkauj rhib tuaj, phim sawv ciaj ib tug poj vaj.
    14 Koj lub koob meej nrov ncha mus txog cov haiv neeg, sawv daws cav txog koj qhov zoo nkauj,
    uas yeej zoo tiag tiag, vim kuv muab kuv lub hwj chim rau koj hnav.’ HUAB TAIS Tswv Ntuj hais li ntawd.
    15 ‘Tab sis koj khav koj lub meej mom zoo nkauj, ces koj coj koj lub koob meej mus taug txoj kev ua
    niam ntiav, koj muab koj lub cev muag rau txhua leej txhua tus neeg taug kev; koj yog lawv txhua tus tug.
    60 Txawm li ntawd los kuv yuav nco ntsoov lo lus kuv tau nrog koj cog thaum
    koj tseem hluas, thiab kuv yuav nrog koj cog ib lo lus uas yuav nyob mus li.
    63 Kom koj rov nco txog thiab xav tsis thoob, koj yuav ua twj ywm tsis qhib ncauj li vim
    koj txaj muag dhau, thaum kuv zam koj cov txhaum tas huv si rau koj.’ HUAB TAIS Tswv Ntuj hais li.”

    Los: EXK 16: 59-63

    59 HUAB TAIS hais li no: ‘Kuv yuav ua rau koj raws li koj tau ua;
    koj tau ntxub lo lus koj tau cog, koj muab txoj kev sib cog lus rhuav.
    60 Txawm li ntawd los kuv yuav nco ntsoov lo lus kuv tau nrog koj cog thaum
    koj tseem hluas, thiab kuv yuav nrog koj cog ib lo lus uas yuav nyob mus li.
    61 Ces koj yuav rov nco txog koj txoj kev ua phem thiab koj yuav txaj muag thaum
    kuv muab koj cov viv ncaus, cov hlob koj thiab cov yau koj, los rau koj ua koj cov ntxhais,
    txawm tias lo lus kuv tau nrog koj cog tsis yuam kom kuv ua li ntawd.
    62 Vim kuv yuav nrog koj cog lus dua, kom koj paub tias kuv yog HUAB TAIS,
    63 kom koj rov nco txog thiab xav tsis tag, koj yuav ua twj ywm tsis hais lus li vim koj txaj
    muag dhau, thaum kuv zam koj cov txhaum tas huv si rau koj.’ HUAB TAIS Tswv Ntuj hais li ntawd.”


    NPN: His Xais 12: 2-3, 4bcd, 5-6

    Txais: (1c) Koj tau thim koj txoj kev npau taws lawm

    Tswv Ntuj yog tus cawm kuv tiag,
    Kuv tso siab lug thiab kuv tsis ntshai.
    Kuv lub zog thiab kuv lub peev xwm yog HUAB TAIS,
    Nws yog tus tau cawm kuv.
    Nej yuav zoo siab luag ntxhi mus
    ce dej hauv lub qhov dej cawm neeg.

    Txais: (1c) Koj tau thim koj txoj kev npau taws lawm.

    Nej ua HUAB TAIS tsaug, nej cav txog nws lub npe!
    Nej tshaj nws tej hauj lwm loj rau cov haiv neeg paub,
    nej tshaj rau lawv paub tias nws lub npe zoo tas nrho.

    Txais: (1c) Koj tau thim koj txoj kev npau taws lawm.

    Nej hu nkauj cav txog HUAB TAIS cov hauj lwm loj,
    kom nws lub hwj chim loj nrov ncha ntws puv ntiaj teb.
    Nroog Xis Yoos, koj nqua suab zoo siab mas,
    vim His Xas Lais tus Ntshiab yog tus loj nyob hauv koj.

    Txais: (1c) Koj tau thim koj txoj kev npau taws lawm.

    As Les Lus Yas: 1 TXLN 2: 13

    Txais: As les lus yas, as les lus yas.

    Nej yuav txais Tswv Ntuj Lo Lus, txhob txais xws li yog neeg lo lus ;
    Tiam sis nej txais raws li qhov tseeb uas yeej yog Tswv Ntuj Lo Lus tiag.

    Txais: As les lus yas, as les lus yas.

    Ntawv Moo Zoo: MT 19: 3-12

    3 Ib co Fas Lis Xais txav los ntawm Yes Xus, lawv xav sim nws, lawv hais rau nws tias:
    “ Ib tug txiv neej puas muaj cai nrauj nws poj niam vim qhov ub qhov no? ”
    4 Yes Xus teb tias: “Nej tsis tau nyeem lod tias thaum chiv lub keeb,
    tus Tswv Tsim, nws tsim kom muaj txiv neej thiab poj niam,
    5 thiab nws hais tias: ‘Vim qhov ntawd, mas txiv neej yuav tso nws niam nws txiv tseg
    mus koom nrog nws poj niam, ob tug ntawd yuav ua ib lub cev nqaij xwb’?
    6 Yog li nkawd tsis yog ob leeg lawm, nkawd yog ib lub cev nqaij lawm xwb.
    Ua li mas qhov uas Tswv Ntuj sau los ua ke, mas neeg tsis txhob muab sib cais.”
    7 Lawv teb rau Yes Xus tias: “Vim li cas Mais Xes ho hais kom
    ua ntawv nrauj rau yus poj niam ces muab nws tso mus?"
    8 Yes Xus hais rau lawv tias: “Yog vim nej lub siab twm xeeb dhau, ces Mais Xes thiaj kheev
    kom nej nrauj poj niam. Tab sis thaum chiv lub keeb, mas tsis yog li ntawd.
    9 Kuv hais rau nej: tus twg nrauj nws poj niam, nws ho rov yuav dua ib tug, mas nws yog ib tug muaj txij nkawm mus deev hluas. Qhov no tsis hais txog tus poj niam uas mus nrog lwm tus txiv neej ua dev ua npua.”
    10 Cov thwj tim hais rau Yes Xus tias: “Yog muaj npaum li ntawd rau ib tug
    txiv neej muaj poj niam, mas txhob yuav poj niam zoo dua."
    11 Yes Xus hais rau lawv tias: “Tsis yog sawv daws yuav mloog cov lus no,
    tsuas yog cov uas Ntuj pub rau, mas lawv thiaj mloog xwb.
    12 Muaj ib co neeg nyob tab seeb, vim lawv yug los ua tsis taus txiv neej; muaj ib co nyob tab seeb,
    vim neeg muab lawv sam. Hos muaj ib co neeg txhob txwm nyob tab seeb vim
    lub Ceeb Tsheej saum ntuj. Leej twg txawj mloog qhov no, mas nws yuav tsum mloog.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 13th August 2022, 10:13 am

    Tim 13 lub 8 Hli 2022

    Hnub Xya Lis Piam Kaum Cuaj Nruab Xyoo ABC Nruab Lis Piam Xyoo II

    Lectionary: 418

    XHLT: LN Pontian, ua Vaj Qhia tuag ua Tim Khawv; LN Hippolytus, ua Leej Choj tuag ua Tim Khawv

    Zaj Nyeem Ib: ES XES KIAS 18: 1-10, 13b, 30-32


    1 HUAB TAIS lo lus nrov tuaj rau kuv li no:
    2 “Neeg leej tub, nej pheej hais zaj paj lug no nyob His Xas Lais teb, ‘Vim phaj txiv noj
    cov txiv cawv tsis siav, ces phaj tub thiaj rhiab hniav tas,’ nws lub ntsiab yog dab tsi?”
    3 HUAB TAIS Tswv Ntuj hais tias: “Kuv yog tus muaj txoj sia nyob,
    kuv cog lus tias nej yuav tsis hais zaj paj lug no ntxiv nyob His Xas Lais teb lawm.
    4 Vim txhua tus txoj sia puav leej yog kuv tug tib si, leej txiv txoj sia kuj yog kuv tug,
    leej tub txoj sia kuj yog kuv tug. Tus twg ua txhaum mas tus ntawd xwb thiaj yuav tuag.
    5 Ib tug neeg siab ncaj, mas nws coj raws txoj kev ncaj kev ncees.
    6 Nws tsis noj tej txhiam xws saum cov roob, nws tsis tsa muag ntsia cov mlom uas His Xas Lais tsev
    neeg teev; nws tsis zes tsis deev luag poj luag sev; nws caiv txaj tas lub caij tus poj niam cev tsis huv.
    7 Nws tsis hiam leej twg; luag muab yam twg tuaj yuam nuj nqis cia mas nws xa rov qab tib si; nws tsis ua
    tub sab tub nyiag; nws pub nws cov mov rau cov neeg tshaib noj, pub ris tsho rau tus neeg liab qab hnav.
    8 Nws txais nyiaj rau luag, nws tsis noj paj, tsis tsuam paj hnyav hnyav; nws nkaum tes
    kom txhob tau ua phem; nws txiav txim ncaj kom haum ob tog.
    9 Nws ua lub neej raws kuv txoj cai lij choj, nws mloog kuv cov lub qhia, nws coj rawv
    kom haum li ntawd. Ib tug neeg ua li no mas nws yog ib tug neeg ncaj tiag,
    nws yeej yuav tau txoj sia xwb.” HUAB TAIS Tswv Ntuj hais li ntawd.
    10 “Tab sis yog nws muaj ib tug tub uas yog neeg tub sab,
    neeg tua neeg, los yog nws qiv nyiaj noj paj tsuam paj hnyav hnyav,
    13b mas tus tub ntawd yuav tsis tau txoj sia, vim nws ua tej yam phem ntawd,
    mas nws yuav tsum tuag; nws tau txoj kev tuag yog nws rov ua rau nws ris xwb.”
    30 HUAB TAIS Tswv Ntuj hais tias: “Tsev neeg His Xas Lais, kuv kuj yuav muab txim rau nej,
    muab rau nyias raws li nyias txoj kev; nej cia li tig los yuav ib lub siab tshiab thiab tso
    nej tej kev ua txhaum pov tseg tas huv si, kom nej thiaj tsis muaj txim txhaum ntxiv.
    31 Nej muab nej cov kev ua phem uas nej tau ua tso pov tseg kom tas,
    nej rov yuav dua ib lub siab tshiab thiab ib lub tswv yim tshiab.
    Tsev neeg His Xas Lais, vim li cas nej thiaj li yuav xaiv txoj kev tuag?
    32 Kuv yeej tsis zoo siab pom ib tug neeg twg tuag li! Nej kav tsij tig rov los
    kom nej tau txoj sia!" HUAB TAIS Tswv Ntuj hais li ntawd.

    NPN 51: 12-13, 14-15, 18-19

    Txais: (12a) Tswv Ntuj, thov koj tsim ib lub siab huv lis si rau kuv.

    Tswv Ntuj, thov koj tsim ib lub siab huv lis si rau kuv,
    thiab rov muab ib lub tswv yim nyob ruaj nreb rau kuv.
    Thov koj tsis txhob muab kuv ntiab mus deb ntawm koj,
    thiab txhob rho koj leej Tswv Yim Ntshiab tawm ntawm kuv mus.

    Txais: (12a) Tswv Ntuj, thov koj tsim ib lub siab huv lis si rau kuv.

    Koj ua kom kuv rov zoo siab nyob hauv koj txoj kev cawm;
    koj muab ib lub tswv yim xav ua zoo rau kuv.
    Kuv yuav qhia koj txoj kev rau cov neeg yuam kev,
    ces cov neeg txhaum yuav tig rov los cuag koj.

    Txais: (12a) Tswv Ntuj, thov koj tsim ib lub siab huv lis si rau kuv.

    Vim koj tsis zoo siab txais cov kev txi ntuj,
    yog kuv hlawv tsiaj txi ntuj, koj yuav tsis txais.
    Kuv txoj kev txi ntuj, Tswv Ntuj,
    yog muaj ib lub tswv yim xav lees txhaum;
    muaj ib lub siab xav lees txhaum thiab ua neeg me,
    Tswv Ntuj, koj yuav tsis thuam.

    Txais: (12a) Tswv Ntuj, thov koj tsim ib lub siab huv lis si rau kuv.

    As Les Lus Yas: MT 11: 25

    Txais: As les lus yas, as les lus yas.

    Kuv cav txog koj, Leej Txiv, tus Huab Tais kav lub ntuj lub teb,
    vim koj qhib cov txuj tob txog lub Ceeb Tsheej rau cov neeg me paub.

    Txais: As les lus yas, as les lus yas.

    Ntawv Moo Zoo: MT 19: 13-15

    13 Thaum ntawd, muaj neeg coj ib co me nyuam yaus tuaj rau Yes Xus
    kom Yes Xus tsa tes thov Ntuj rau lawv. Ces cov thwj tim cem cov neeg ntawd.
    14 Yes Xus thiaj hais tias: “Nej cia cov me nyuam no tuaj cuag kuv, nej tsis txhob
    txwv lawv; vim lub Ceeb Tsheej saum ntuj yuav yog cov neeg zoo li cov me nyuam no li.”
    15 Ces Yes Xus tsa tes rau saum cov me nyuam ntawd tas, nws mam mus ntxiv.


    Sponsored content


    COV ZAJ NYEEM NRUAB LIS PIAM XYOO II 2021-2022 - Page 9 Empty Re: COV ZAJ NYEEM NRUAB LIS PIAM XYOO II 2021-2022

    Post  Sponsored content


      Current date/time is 28th March 2024, 1:43 am