HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


COV ZAJ NYEEM NRUAB LIS PIAM XYOO II 2021-2022 - Page 7 Empty

Latest topics

» COV ZAJ NYEEM NRUAB LIS PIAM XYOO II 2021-2022
by Mim Today at 3:08 pm

» COV ZAJ NYEEM Hnub Chiv 2021-2022 Xyoo C
by Mim 11th August 2022, 6:37 pm

» Qhia Ntuj Kev Cai.
by Tub Kawm 11th July 2022, 3:08 am

» HMOOB NPAM NAJ XEES
by Maiv Tooj 1st July 2022, 8:52 am

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Mim 16th April 2022, 8:18 am

» MOO QAIJ QAUG
by Maiv Tooj 7th April 2022, 2:51 am

» Txiv Tswv QhiaTxwj Choo Thoj nyob los tsuas
by Maiv Tooj 16th March 2022, 6:54 am

» Zaj thov Ntuj rau cov neeg mob.
by Maiv Tooj 17th February 2022, 11:22 pm

» XH. Yaj Zoov Ntxheb lub Tsev THOOB TSIB
by Maiv Tooj 19th January 2022, 7:52 am

» Xib Hwb Thoj Xyooj lub neej
by Maiv Tooj 19th January 2022, 7:49 am

» COV ZAJ NYEEM RAU CAIJ YES XUS YUG LOS
by Mim 24th December 2021, 8:00 pm

» ZAJ THOV NTUJ RAU OB TUG TXWJ NKAWM.
by Maiv Tooj 10th December 2021, 6:10 am

Suav neeg tuaj saib, txij hnub 17/09/2010 los mus.


    COV ZAJ NYEEM NRUAB LIS PIAM XYOO II 2021-2022

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 18th May 2022, 2:36 am

    Tim     19     lub     5     Hlis     2022
     
    Hnub Tsib Lis Piam Tsib Caij Hla Xyoo ABC Nruab Lis Piam Xyoo I & II
    Lectionary: 288

    Zaj Nyeem Ib:   HAUJ LWM 15: 7-21

    7 Thaum lawv twb sib cav los ntau heev lawm,

    Pob Zeb thiaj sawv thiab hais rau cov Hauv Paus Xa Lus thiab cov txwj laus tias: "Cov kwv tij sawv daws,
    nej twb paub lawm hais tias txij thaum lub hauv paus los, Tswv Ntuj tau xaiv kuv nyob nruab nrab hauv nej, kom yog vim kuv lub ncauj ces cov teev dab tau hnov lub Moo Zoo thiab los ntseeg.
    8 Tswv Ntuj tus uas paub neeg lub siab, nws twb tau ua tim khawv txog qhov no,
    thaum nws pub Leej Ntuj Plig Ntshiab rau lawv ib yam li nws tau pub rau peb lawm.
    9 Nws tsis saib lawv thiab peb yog neeg sib txawv, vim tias nws ntxuav lawv lub siab
    kom dawb nyob hauv txoj kev ntseeg lawm.
    10 Tim li cas nyem no nej thiaj li xav sim Tswv Ntuj, nej thiaj xav muab ib rab quab los cuab
    cov thwj tim caj dab, uas peb cov yawg koob thiab peb twb tsis muaj zog ris?
    11 Ntawm peb mas peb ntseeg tias yog Huab Tais Yes Xus
    lub txiaj ntsim cawm peb ib yam li cawm lawv thiab."
    12 Ces sawv daws nyob ntsiag to. Lawv mloog Paj Lug thiab Npas Nas Npes nkawd piav txog

    cov cim thiab cov hwj huam uas Tswv Ntuj tau siv nkawd ua nyob hauv tsoom neeg teev dab.
    13 Thaum nkawd hais lus ntsiag lawm, Yas Kos thiaj qhib ncauj hais tias:

    "Kwv tij sawv daws, nej mloog kuv hais.
    14 Xis Mes Oos twb tau piav tias Tswv Ntuj xub tau tuaj xyuas thiab xaiv
    ib co nyob hauv cov neeg teev dab los ua ib haiv neeg rau nws lub npe.
    15 Qhov ntawd raug raws li cov Yaj Saub cov lus sau cia tias:
    16 ‘Dhau ntawd lawm, kuv yuav rov qab los, kuv yuav rov tsa Das Vis lub tsev tsam phooj uas vau lawm;

    tej yam uas pob tas, kuv yuav rov kho rau, kuv yuav rov txhim kom lub tsev sawv ntseg;
    17 kom tas nrho lwm cov neeg tau kev nrhiav Huab Tais, nrog rau tas ib tsoom neeg teev dab
    uas muaj hu txog kuv lub npe rau saum lawv.
    18 Huab Tais, tus tau ua tej yam no uas neeg yeej paub thaum ntxov los lawm, nws hais li ntawd.’
    19 Vim li no, mas kuv thiaj pom zoo tias,
    kom tsis txhob ua nyuaj rau cov neeg teev dab uas tig los ntseeg Tswv Ntuj.
    20 Tiam sis peb yuav sau ntawv qhia rau lawv kom caiv tej yam tsis huv uas txi rau dab lawm, caiv kev sib yuav tsis raug cai, caiv cov nqaij pos tuag, thiab caiv ntshav.
    21 Hais txog Mais Xes mas, tau ntau tiam dhau los lawm, nws yeej muaj cov neeg uas tshaj txog nws
    nyob hauv cov nroog thaum lawv nyeem nws tej lus hauv cov Tsev Txoos niaj hnub xas npas tos lawm."

    NPN   96: 1-2a, 2b-3, 10

    Txais: (3) Nej tshaj tswv Ntuj cov hauj lwm txaus qhuas rau txhua haiv neeg paub.
    Los:      As les lus yas.

    Nej hu ib zag nkauj tshiab rau HUAB TAIS;
    tas txhua teb chaws, nej hu nkauj rau HUAB TAIS.
    Nej hu nkauj rau HUAB TAIS, nej cav txog nws lub npe.

    Txais: (3) Nej tshaj tswv Ntuj cov hauj lwm txaus qhuas rau txhua haiv neeg paub.
    Los:      As les lus yas.

    Nej tshaj txog nws txoj kev cawm hnub dhau hnub .
    Nej piav txog nws lub hwj chim rau cov kuj cuab,
    piav txog nws cov hauj lwm txaus qhuas rau txhua haiv neeg paub.

    Txais: (3) Nej tshaj tswv Ntuj cov hauj lwm txaus qhuas rau txhua haiv neeg paub.
    Los:      As les lus yas.

    Nej hais rau cov naiv neeg tias: HUAB TAIS yog tus vaj.
    Nws tau tsim lub ntiaj teb kom nyob ruaj, muab tshem tsis tau;
    nws tswj cov haiv neeg raws txoj kev ncaj.

    Txais: (3) Nej tshaj tswv Ntuj cov hauj lwm txaus qhuas rau txhua haiv neeg paub.
    Los:      As les lus yas.

    As Les Lus Yas:   ZAM 10: 27

    Txais: As les lus yas, as les lus yas.

    Huab Tais hais tias: Kuv cov yaj mloog kuv lub suab;
    kuv paub kuv cov yaj, kuv cov yaj raws kuv qab mus.

    Txais: As les lus yas, as les lus yas.

    Ntawv Moo Zoo:   ZAM 15: 9-11

    Yes Xus hais rau nws cov thwj tim tias:
    9 “Ib yam li Leej Txiv nyiam kuv, kuv kuj nyiam nej ib yam li ntawd. Nej nyob ruaj hauv kuv txoj kev nyiam mog.
    10 Yog nej coj kuv cov lus qhia, mas nej yuav nyob ruaj hauv kuv txoj kev nyiam, ib yam li kuv coj kuv Txiv

    cov lus qhia thiab kuv nyob ruaj hauv nws txoj kev nyiam.
    11 Kuv qhia tej no rau nej kom kuv txoj kev zoo siab nyob hauv nej

    thiab kom nej txoj kev zoo siab nyob puv npo.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 19th May 2022, 2:37 am

    Tim     20     lub     5    Hlis     2022
     
    Hnub Rau Lis Piam Tsib Caij Hla Xyoo ABC Nruab Lis Piam Xyoo I & II
    Lectionary: 289

    YHLT:   LN Bernardine nyob Siena, ua Leej Choj

     
    Zaj Nyeem Ib:   HAUJ LWM 15: 22-31

    22 Cov Hauv Paus Xa Lus thiab cov txwj laus nrog tas lub Koom Txoos pom zoo, ces lawv txiav txim tias cia xaiv lawv ob peb leeg sawv lawv cev xa nrog Paj Lug thiab Npas Nas Npes nkawd mus As Caus Kus. Lawv thiaj xaiv Yus Das uas tseem hu ua Npas Xas Npas, thiab Xis Las nkawd, uas yog ob tug thawj coj nyob hauv cov kwv tij.

    23 Lawv sau ib tsab ntawv li no rau nkawd nqa mus: "Cov Hauv Paus Xa Lus thiab cov txwj laus,
    uas yog nej cov kwv tij, xa lus tuaj rau cov kwv tij uas yog cov pej kum neeg los txais kev ntseeg nyob
    As Caus Kus, nyob Xis Lias teb, thiab nyob Xis Lis Xias teb: Noj qab nyob zoo rau nej sawv daws.
    24 Peb tau hnov tias muaj ib co neeg tuaj ntawm peb pab neeg tuaj,
    lawv tau hais ib co lus ua kom nej ntxhov siab thiab ua kom nej lub tswv yim nyob tsis tus;
    tiam sis peb tsis tau tso cai kom lawv tuaj hais cov lus ntawd.
    25 Peb thiaj li tau koom ib lub siab pom zoov tias cia peb xaiv ib co sawv peb chaw
    xa nrog ob tug kwv tij Npas Nas Npes thiab Paj Lug nkawd tuaj cuag nej.
    26 Npas Nas Npes thiab Paj Lug nkawd yog ob tug neeg zoo siab siv
    nkawd lub neej los tsob hwb peb tus Huab Tais Yes Xus Pleev lub Npe.
    27 Ua li mas peb tso Yus Das thiab Xis Las nkawd tuaj,
    kom nkawd tuaj hais tib co lus xwb, tim ncauj tim lus kiag rau nej tias:
    28 ‘Leej Ntuj Plig Ntshiab thiab peb tau pom zoo txiav tias
    yuav tsis yuam ib lub nra ntxiv rau nej ris, tsuas kom nej coj tej yam tseem ceeb raws li no xwb:
    29 kom caiv cov nqaij txi dab, thiab caiv ntshav, thiab caiv cov nqaij muab pos tuag, thiab caiv kev sib yuav tsis raug cai. Yog nej caiv raws li no ces nej coj tau zoo lawm. Nej nyob kaj lug mog."
    30 Cov ntawd thiaj tau sawv kev mus. Thaum mus txog As Caus Kus lawm, lawv hu sawv daws tuaj sib sau ua ke, ces nkawd muab tsab ntawv rau lawv.

    31 Thaum cov neeg nyeem tsab ntawv ntawd, mas lawv zoo siab kawg tias cov lus ntawd txhawb lawv ntau.

    NPN   57: 8-9, 10+12

    Txais: (10a) Kuv yuav ua koj tsaug nyob hauv cov haiv neeg, Huab Tais.
    los:       As les lus yas.

    Kuv lub siab nyob ruaj nreb, Tswv Ntuj, kuv lub siab nyob ruaj nreb.
    Kuv yuav hu nkauj, yuav hu ib zaj cav txog koj.
    Kuv tus ntsuj plig, koj tsim dheev los mas;
    thaj cheej thiab nkauj nog ncas, nej cia li tsim dheev!
    Kuv yuav tsa kom lub hnub sawv tawm tuaj.

    Txais: (10a) Kuv yuav ua koj  tsaug nyob hauv cov haiv neeg, Huab Tais.
    los:       As les lus yas.

    Kuv yuav ua koj tsaug nyob hauv cov haiv neeg, Huab Tais,
    kuv yuav hu nkauj qhuas txog koj nyob hauv tsoom kuj cuab.
    Vim koj txoj kev khuv leej loj siab npaum cov txheej ntuj saud,
    thiab koj txoj kev ua ncaj loj siab npaum lub ntuj ntsuab.
    Tswv Ntuj, ua kom koj nto koob meej nyob txheej ntuj saud,
    thiab kom koj lub hwj chim ci tuaj rau saum tas lub ntiaj teb!

    Txais: (10a) Kuv yuav ua koj tsaug nyob hauv cov haiv neeg, Huab Tais..
    los:       As les lus yas.

    As Les Lus Yas:   ZAM 15: 15b

    Txais: As les lus yas, as les lus yas.

    Huab Tais hais tias, kuv hu nej ua kuv cov phooj ywg,
    vim kuv tau qhia rau nej paub tas puas tsav yam uas Leej Txiv hais rau kuv lawm.

    Txais: As les lus yas, as les lus yas.

    Ntawv Moo Zoo:   ZAM 15: 12-17

    Yes Xus hais rau nws cov thwj tim tias:
    12 “Kuv lo lus qhia yog li no: nej yuav sis nyiam sis hlub zoo li kuv nyiam kuv hlub nej.
    13 Tsis muaj leej twg muaj txoj kev nyiam loj tshaj no lawm:

    Yog siv yus txoj sia los rau yus cov phooj ywg.
    14 Nej yog kuv cov phooj ywg yog nej ua raws li qhov kuv qhia rau nej.
    15 Kuv tsis hu nej ntxiv ua tub txib, vim tus tub txib tsis paub qhov uas tus tswv ua. Tab sis kuv hu nej

    ua phooj ywg, vim kuv tau qhia tas ib puas tsav yam uas kuv hnov ntawm kuv Txiv los rau nej lawm.
    16 Tsis yog nej xaiv kuv, yog kuv xaiv nej, thiab yog kuv xa nej mus kom nej txi ib co txiv uas nyob ruaj,

    kom xwv nej tuav txog kuv lub npe thov yam twg ntawm Leej Txiv, mas nws yuav muab rau nej.
    17 Qhov kuv hais kom nej ua yog kom nej sib nyiam sib hlub.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 22nd May 2022, 9:14 am

    Tim     23     lub     5     Hlis     2022
     
    Hnub Ob Lis Piam Rau Caij Hla Xyoo ABC Nruab Lis Piam Xyoo I & II
    Lectionary: 291

    Zaj Nyeem Ib:   HAUJ LWM 16: 11-15


    11 Peb caij nkoj nyob Thuas ncaj qha mus rau Xas Mos Thas; hnub tom qab peb mus rau Nias Pos Lis.

    12 Txog ntawd, peb mus ntxiv rau Fis Lis Pos, uas yog ib lub tsheej tseem ceeb nyob hauv lub cheeb tsam
    Mas Xes Dos Nias, uas yog ib lub xeev cov Los Mas kav. Peb nyob ob peb hnub hauv lub nroog ntawd.
    13 Txog hnub xav npas tos, peb tawm mus rau sab rooj vag nraud, mus rau ntawm ib tug ntug dej,
    uas peb xav tias yog ib qho chaw zoo rau neeg tuaj teev ntuj.
    Peb zaum, thiab peb hais lus rau cov poj niam tuaj sib sau rau ntawd.
    14 Muaj ib tug poj niam hu ua Lis Dias, nws yog ib tug neeg muag cov ntaub liab tsam xem
    nyob Thias Tis Las tuaj; nws yog ib tug neeg teev Tswv Ntuj, nws thiaj los mloog,
    ces Huab Tais qhib nws lub siab kom kub siab xav ua raws tej yam uas Paj Lug hais.
    15 Thaum Lis Dias thiab nws tsev neeg txais lub cim ntxuav tas, nws thov peb li no: "Yog nej saib kuv yog ib tug neeg ntseeg txog Huab Tais, mas thov nej los hauv kuv tsev thiab los so." Ces peb thiaj tau ua raws li nws hais.

    NPN   149: 1b-2, 3-4, 5-6a+9b

    Txais: (4a) Huab Tais zoo siab nyob hauv nws haiv neeg.
    los:       As les lus yas

    Nej hu ib zaj nkauj tshiab rau HUAB TAIS,
    nej cav txog nws nyob hauv tsoom ntseeg lub txoos.
    Kom His Xas Lais cia li zoo siab nyob hauv tus tau tsim lawv los
    kom Xis Yoos cov me nyuam luag ntxhi nyob hauv lawv tus vaj.

    Txais: (4a) Huab Tais zoo siab nyob hauv nws haiv neeg.
    los:       As les lus yas

    Lawv yuav ua kev lom zem yoj cev cav txog nws lub npe,
    lawv yuav hu nkauj cav txog nws nrog suab nruas thiab suab nkauj nog ncas.
    Vim HUAB TAIS hlub nws haiv neeg,
    thiab nws muab txoj kev yeej los ua zam npua cov neeg me.

    Txais: (4a) Huab Tais zoo siab nyob hauv nws haiv neeg.
    los:       As les lus yas

    Kom cov muaj lub siab ntseeg hom khaj nyob hauv txoj kev muaj hwj chim;
    lawv yuav hu nkauj zoo siab nyob hauv lawv tej chaw nyob;
    lawv lub qa tsuas muaj qw suab cav txog Tswv Ntuj.
    Txhua tus ntseeg txog nws yeej muaj lub hwj chim zoo li no. As les lus yas.

    Txais: (4a) Huab Tais zoo siab nyob hauv nws haiv neeg.
    los:       As les lus yas

    As Les Lus Yas:   ZAM 15: 26b, 27a

    Txais: As les lus yas, as les lus yas.

    Huab Tais hais tias:
    Leej Tswv Yim muaj qhov tseeb yuav ua tim khawv txog kuv,
    thiab nej kuj yuav ua tim khawv txog kuv ib yam.

    Txais: As les lus yas, as les lus yas.

    Ntawv Moo Zoo:   ZAM 15: 26—16:4a

    Yes Xus hais rau nws cov thwj tim tias:
    15:26 “Thaum Leej Nplij Neeg tuaj txog, uas yog tus kuv yuav xa ntawm Leej Txiv tuaj rau nej,

    yog Leej Ntuj Plig muaj qhov tseeb uas tuaj ntawm Leej Txiv tuaj, nws yuav ua tim khawv txog kuv.
    27 Nej kuj yog kuv cov tim khawv thiab, vim nej tau nrog kuv txij thaum lub hauv paus los lawm.
    16:1 Kuv xub hais tej no rau nej kom nej txhob ntog.

    2 Luag yuav ntiab nej tawm hauv cov tsev txoos mus. Yuav muaj ib lub caij
    uas txhua tus muab nej tua yuav xav tias yog nws ua ib qho los hawm Tswv Ntuj.
    3 Lawv ua li ntawd vim lawv tsis paub Leej Txiv thiab tsis paub kuv.
    4a Kuv hais tej no rau nej, kom thaum txog lub sij hawm lawv ua li ntawd, nej yuav nco txog tias kuv twb xub hais qhia rau nej lawm.”

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 23rd May 2022, 2:39 am

    Tim     24     lub     5     Hlis     2022
     
    Hnub Peb Lis Piam Rau Caij Hla Xyoo ABC Nruab Lis Piam Xyoo I & II
    Lectionary: 292

    Zaj Nyeem Ib:   HL 16: 22-34

    22 Tas tsoom sid nyob Fis Lis Pos koom ua phem rau Paj Lug thiab Xis Las nkawd;

    cov nom tswv kom lawv muab nkawd tej khaub ncaws hle, thiab muab pas nplawm nkawd.
    23 Lawv muab nkawd nplawm ntau nplawg sab kawg, ces lawv muab nkawd pov rau hauv tsev loj faj.
    Lawv ceeb toom rau tus saib tsev loj faj kom yuav tsum zov nkawd zoo zoo.
    24 Tus saib tsev loj faj hnov lawv hais li ntawd, mas nws coj nkawd mus kaw hauv chav tsev kaw uas
    nyob hauv nruab nrog tsev loj faj, thiab tseem xuas saw khi nkawd ko taw tib si rau ntawm ib tug ncej.
    25 Thaum ib tag hmo, Paj Lug thiab Xis Las nkawd teev ntuj hu nkauj cav txog Tswv Ntuj,

    cov neeg nyob txim mloog nkawd.
    26 Ib sij huam txawm muaj ib qho av qeeg loj loj, ua rau lub tsev loj faj tej taw ntsa ua zog koog,
    tas cov qhov rooj cia li qhib plho tam sim ntawd, hos cov saw khi cov neeg raug txim plam tas huv tib si.
    27 Tus saib tsev loj faj tsim dheev los, nws pom cov qhov rooj qhib lug, ces nws rho hlo nws rab ntaj,
    nws yuav rov tua nws, vim nws xav tias cov neeg raug txim twb khiav dim tas lawm.
    28 Tab sis Paj Lug qw ib suab nrov nrov tias: "Koj txhob ua dab tsi rau koj tus kheej,
    sawv daws tseem nyob ntawm no tas huv tib si."
    29 Tus saib tsev loj faj thiaj kom lawv taws teeb, ces nws maj nroos nkag los,
    nws los txhos caug tshee na ntawm Paj Lug thiab Xis Las nkawd ko taw.
    30 Nws coj nkawd tawm sab nraud, nws hais rau nkawd tias:
    "Ob tug hlob, kuv yuav ua dab tsi kuv thiaj yuav txais kev cawm?"
    31 Nkawd teb tias: "Koj ntseeg txog Huab Tais Yes Xus, ces koj thiab koj tsev neeg yuav txais kev cawm."
    32 Ces nkawd qhia Huab Tais Lo Lus rau nws, thiab rau cov neeg hauv nws tsev tas huv tib si.
    33 Thaum ib tag hmo ntawd, tus saib tsev loj faj coj nkawd los thiab ntxuav nkawd cov qhov txhab,
    ces nws thiab tas nws tsev neeg huv si txais lub cim ntxuav tam sim ntawd.
    34 Nws coj nkawd nce mus saum nws tsev, nws rau mov rau nkawd noj;
    nws thiab tas nws tsev neeg huv si zoo siab, vim lawv tau los ntseeg txog Tswv Ntuj lawm.

    NPN   138: 1-2ab, 2cde-3, 7c-8

    Txais: (7c) Huab Tais, koj sab tes xis cawm kuv.
    Los:      As les lus yas.

    Kuv yuav ua koj tsaug, HUAB TAIS, tas kuv lub siab ntsws,
    vim koj tau hnov kuv lub ncauj cov lus thov;
    kuv yuav hu nkauj cav txog koj nyob ntawm tsoom tshiab xub ntiag;
    kuv yuav tuaj pe hawm koj nyob hauv koj lub tuam tsev ntshiab
    thiab yuav ua tsaug rau koj lub npe.

    Txais: (7c) Huab Tais, koj sab tes xis cawm kuv.
    Los:      As les lus yas.

    Vim koj lub siab zoo thiab koj txoj kev tseeb,
    koj tau ua kom koj lub npe thiab koj txoj kev cog lus
    yog qhov loj tshaj tas txhua yam.
    Thaum kuv hu, koj tau teb kuv, koj tau ntxiv zog

    rau kuv kom kuv lub zog loj tuaj nyob hauv kuv.

    Txais: (7c) Huab Tais, koj sab tes xis cawm kuv.
    Los:      As les lus yas.

    Koj txhais tes xis cawm kuv.
    HUAB TAIS yuav ua kom tiav tej yam nws tau ua rau kuv;
    HUAB TAIS, koj lub siab zoo yuav nyob mus li;
    thov koj txhob muab yam hauj lwm koj txhais tes tau ua tso pov tseg.

    Txais: (7c) Huab Tais, koj sab tes xis cawm kuv.
    Los:      As les lus yas.

    As Les Lus yas:   ZAM 16: 7, 13

    Txais: As les lus yas, as les lus yas.

    Huab Tais hais tias:
    Kuv yuav xa Leej Tswv yim qhia qhov tseeb tuaj rau nej,
    nws yuav coj nej mus txog txhua yam tseeb.

    Txais: As les lus yas, as les lus yas.

    Ntawv Moo Zoo:   ZAM 16: 5-11

    Yes Xus hais rau nws cov thwj tim tias:
    5 “Nyem no kuv yuav mus cuag Tus Xa kuv tuaj. Nej tsis muaj leej twg nug kuv tias: ‘Koj yuav mus qhov twg?’

    6 Tiam sis vim kuv hais tej no rau nej, ces nej muaj kev tu siab nyob puv nej siab ntsws.
    7 Tab sis kuv hais qhov tseeb rau nej tias: Cia kuv mus mas yog qhov zoo dua rau nej.
    Vim yog kuv tsis mus, mas Leej Nplij Neeg yuav tsis tuaj nyob hauv nej.
    Hos yog kuv mus, mas kuv yuav xa nws tuaj rau nej.
    8 Thaum nws tuaj txog, nws yuav ua kom lub qab ntuj neeg zeem tseeb
    txog txoj kev txhaum, txog txoj kev ncaj, thiab txog txoj kev raug txim:
    9 txoj kev txhaum, vim lawv tsis ntseeg txog kuv,
    10 txoj kev ncaj, vim kuv yuav mus cuag Leej Txiv, ces nej yuav tsis pom kuv ntxiv,
    11 txoj kev raug txim, vim tus tswj lub qab ntuj neeg twb mus raug txim lawm.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 24th May 2022, 3:28 am

    TIM     25     lub     5     Hlis     2022
     
    Hnub Plaub Lis Piam Rau Caij Hla Xyoo ABC Nruab Lis Piam Xyoo I & II
    Lectionary: 293

    XHLT:   LN Bede, Leej Choj thiab Kws cov Txuj Ntshiab; los LN Gregory VII, ua Vaj Qhia;

       los LN Mary Magdalene de’Pazzi, Nkauj tsim txiaj

    Zaj Nyeem Ib:   HAUJ LWM 17: 15, 22—18:1


    15 Cov neeg saib xyuas Paj Lug xa nws mus txog ntua As Thes Nas, ces lawv mam rov qab, lawv coj Paj Lug

    cov lus rov mus rau Xis Las thiab Tis Mos Tes nkawd kom nkawd mus caum Paj Lug sai li sai tau.
    22 Ces Paj Lug mus sawv ntsug ntawm lub rooj txwj laus As Les Os Pas Nkus, nws hais tias:

    "Cov neeg As Thes Nas aw, raws li kuv pom mas nej yog ib co neeg muaj kev teev hawm zoo kawg nkaus.
    23 Kuv tau mus yos ncig thiab mus xyuas nej cov tsev teev hawm, mas kuv pom muaj ib lub thaj
    uas sau ib co lus tias : ‘Rau tus Tswv Ntuj peb tsis paub.’ Tus uas nej hawm,
    tab sis nej tsis paub ntawd mas kuv tuaj tshaj txog nws rau nej paub.
    24 Tus Tswv Ntuj tsim lub sim ceeb thiab tsim tas ib puas tsav yam nyob hauv lub sim ceeb, tus Huab Tais kav lub ntuj lub teb, nws tsis nyob hauv cov tsev teev hawm uas yog neeg ob txhais tes txhim.
    25 Nws kuj tsis tas yuav siv neeg los tsob hwb nws vim nws xav tau yam ub yam no,
    tiam sis nws yog tus uas pub txoj sia txoj pa thiab txhua yam rau sawv daws.
    26 Nws tau tsim tas txhua haiv neeg tawm ntawm ib tug xwb los nyob puv ntiaj teb,
    thiab nws teem cov caij nyoog thiab cais cov ciam dej ciam av rau lawv nyob,
    27 kom lawv nrhiav Tswv Ntuj, tej zaud lawv yuav tsum tau maj mam maub xuas nrhiav kom ntsib nws,
    txawm tias nws twb yeej nyob tsis deb ntawm peb ib tug twg li.
    28 Vim ‘peb muaj txoj sia, peb txawj ua zog, thiab ciaj taus ua tib neeg yog nyob hauv nws.’

    Xws li nej twb muaj ib co neeg txawj sau lus paj huam tseg tias: ‘Peb kuj yog nws caj ces thiab.’
    29 Li ntawd, peb yog Tswv Ntuj caj ces, mas peb yuav tsis txhob xav tias Tswv Ntuj yog zoo li
    ib tug duab kub, duab nyiaj, los duab pob zeb uas neeg lub tswv yim xav tau thiab txhais tes txua tau.
    30 Tswv Ntuj tau hla tsis suav lub caij uas tib neeg tsis paub txog nws yav tas los lawd, tiam sis nyem no,
    nws xav kom tas ib zeej tsoom nyob tas qhov txhia chaw sawv daws yuav tsum los thov txhaum.
    31 Vim Tswv Ntuj twb tau teem ib hnub cia txiav txim rau lub qab ntuj neeg raws li txoj kev ncaj lawm,
    thiab nws twb xaiv tau tus yuav txiav txim ntawd lawm; nws tau tsa tus ntawd sawv hauv cov tub tuag rov los, kom ib tsoom neeg paub tias yuav muaj tseeb li ntawd tiag."
    32 Thaum lawv hnov hais txog kev sawv hauv cov tub tuag rov los, mas ib txhia pib thuam,

    hos ib txhia hais rau Paj Lug tias: “Peb tseem xav hnov koj hais txog qhov ntawd dua lwm zaus."
    33 Ces Paj Lug tso lawv tseg li ntawd.
    34 Tsis kav, kuj muaj tus puav los raws Paj Lug thiab txais kev ntseeg.
    Nyob hauv lawv muaj ib tug yog Dis Yos Nis Xus, uas nws yog ib tug kev txwj laus As Les Os Pas Nkus;
    thiab kuj muaj ib tug poj niam hu ua Das Mas Lis, thiab ob peb leeg ntxiv .
    18: 1 Dhau qhov no lawm, Paj Lug tawm hauv As Thes Nas mus, ces nws mus txog rau Kos Lis Nthos.

    NPN   148: 1-2, 11-12, 13, 14

    Txais: Lub ntuj thiab lub ntiaj teb puv nkaus koj lub hwj chim.
    los:        As les lus yas.

    Nej nyob saum ntuj cav txog Huab Tais,
    nej nyob saum tej chaw siab cav txog nws.
    Nws cov tshiab, nej cav txog nws,
    nws cov peeb zeej, nej cav txog nws.

    Txais: Lub ntuj thiab lub ntiaj teb puv nkaus koj lub hwj chim.
    los:       As les lus yas.

    Kom tas cov vaj nyob ntiaj teb thiab tas txhua haiv neeg,
    tas cov tub nom tub tsw thiab cov nom txiav txim nyob ntiaj teb,
    cov tub nraug hluas thiab ntxhais nkauj xwb,
    cov neeg laus thiab cov me nyuam yaus,

    Txais: Lub ntuj thiab lub ntiaj teb puv nkaus koj lub hwj chim.
    los: As les lus yas.

    Kom lawv cia li cav txog Huab Tais lub npe ,
    vim nws tib lub npe thiaj loj siab dua cov;
    nws lub hwj xyeej nyob siab tshaj lub ntiaj teb thiab lub ntuj.

    Txais: Lub ntuj thiab lub ntiaj teb puv nkaus koj lub hwj chim.
    los:       As les lus yas.

    Nws tsa nws haiv neeg lub ntsej muag kom siab :
    Vim li no kom sawv daws cov ntseeg nws yuav tsum cav txog nws,
    xws li cov tub ki His Xas Lais, lawv yog haiv neeg nyob ze nws,. As les lus yas.

    Txais: Lub ntuj thiab lub ntiaj teb puv nkaus koj lub hwj chim.
    los:       As les lus yas.

    As Les Lus Yas:   ZAM 14: 16

    Txais: As les lus yas, as les lus yas.

    Kuv yuav thov Leej Txiv, ces nws yuav xa dua ib

    tug Nplij Neeg los nrog nej nyob mus li.

    Txais: As les lus yas, as les lus yas.

    Ntawv Moo Zoo:   ZAM 16: 12-15

    Yes Xus hais rau nws cov thwj tim tias:
    “12 Kuv tseem tshuav ntau yam yuav hais rau nej, tab sis nyem no nej ris tsis taus.

    13 Thaum Leej Tswv Yim qhia qhov tseeb tuaj txog, nws yuav coj nej mus rau qhov tseeb tas huv si.
    Nws yuav tsis hais nws cov lus, tiam sis nws yuav hais qhov nws hnov,
    thiab nws yuav tshaj rau nej txog tej xwm uas yuav tshwm sim tuaj.
    14 Nws yuav ua kom kuv muaj koob meej, vim nws yuav coj yam uas yog kuv tug tuaj tshaj rau nej paub.
    15 Tas ib puas tsav yam uas Leej Txiv muaj, mas kuj yog kuv tug huv tib si; vim li ntawd
    kuv thiaj hais rau nej tias, Leej Tswv Yim yuav coj yam uas yog kuv tug tuaj tshaj rau nej paub.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 25th May 2022, 8:34 am

    Tim     26     lub     5     Hlis     2022
     
    Nyob cov teb chaws los puas cheeb koom txoos uas ua koob tsheej nco txog HT Yes Xus nce mus saum ntuj hnub tsib no, nej mus saib cov zaj nyeem rau hnub ntawd nyob hauv qab no.
     
    COV ZAJ NYEEM RAU HNUB TSIB LIS PIAM RAU CAIJ HLA
    Lectionary: 294


    Yuav hwm:   LN Philip Neri, ua Leej Choj

    Zaj Nyeem Ib:    HAUJ LWM 18: 1-8

    1 Paj Lug tawm hauv As Thes Nas mus, nws mus txog Kos Lis Nthos.

    2 Nyob Kos Lis Nthos, nws ntsib ib tug neeg Yus Das hu ua As Kis Las, yug los nyob Poos Tus teb,
    uas nyuam qhuav tsiv tim Is Tas Lis los, nrog nws poj niam hu ua Phis Xis Las, vim tus vaj Klaus Dis Yus ceeb toom kom tas cov Yus Das sawv daws yuav tsum tawm hauv Los Mas mus. Paj Lug thiaj mus xyuas nkawd.
    3 Vim tias Paj Lug kuj ua txoj hauj lwm nkawd ua thiab, ces nws mus nrog nkawd nyob thiab ua hauj lwm. Lawv txoj hauj lwm yog xaws tsev tsam phooj.
    4 Niaj hnub xas npas tos, Paj Lug mus nrog cov neeg tham nyob hauv lub tsev txoos.
    Nws txawj hais lus kom cov Yus Das thiab cov Hes Las ntseeg nws.
    5 Thaum Xis Las thiab Tis Mos Tes nkawd nqes pem Mas Xes Dos Nias teb los txog lawm, mas Paj Lug siv nws lub sij hawm tas nrho los tshaj Lo Lus lawm xwb; nws zeem tseeb rau cov Yus Das tias Yes Xus yog Leej Pleev.

    6 Tab sis lawv hais lus tiv Paj Lug thiab thuam nws, ces Paj Lug nchos nws cov ris tsho rau lawv
    thiab hais rau lawv tias: "Cia kom nej cov ntshav rov poob los rau saum nej taub hau.
    Kuv tsis ris nej lub txim txhaum. Txij no mus kuv yuav mus tsham cov neeg teev pej kum dab lawm xwb."
    7 Ces Paj Lug tawm ntawd mus, nws mus hauv ib tug hu ua Tis Tos Yus Tus lub tsev,
     yog ib tug neeg teev hawm Tswv Ntuj, lub tsev nyob puab kiag ntawm lub tsev Txoos.
    8 Khis Pus, uas yog tus saib lub tsev Txoos, kuj ntseeg txog Huab Tais nrog nws tsev neeg tas nhro,
    thiab muaj ntau leej neeg Kos Lis Nthos hnov Paj Lug, lawv kuj los ntseeg thiab txais lub cim ntxuav.

    NPN    98: 1, 2-3ab,3cd-4

    Txais: (2b) Huab Tais muab nws txoj kev cawm muaj hwj huam rau cov kuj cuab pom.
    los:       As les lus yas.

    Nej hu ib zag nkauj tshiab rau HUAB TAIS,
    vim nws ua tej yam loj muaj tsim txaus qhuas.
    Nws sab xis ua kom nws yeej, nws sab npab ntshiab ua.

    Txais: (2b) Huab Tais muab nws txoj kev cawm muaj hwj huam rau cov kuj cuab pom.
    los:       As les lus yas.

    HUAB TAIS ua kom sawv daws paub nws txoj kev cawm ;
    nws muab nws txoj kev ncaj rau cov kuj cuab pom.
    Nws rov nco txog nws txoj kev ua zoo
    thiab kev pheej xeeb rau His Xas Lais tsev neeg.

    Txais: (2b) Huab Tais muab nws txoj kev cawm muaj hwj huam rau cov kuj cuab pom.
    los:       As les lus yas.

    Tas cov npoo ntiaj teb kawg tau pom
    peb tus Tswv Ntuj txoj kev cawm seej.
    Tas txhua teb chaws, nej qw zoo siab cav txog HUAB TAIS !
    Nej cuab suab hu nkauj, nej cav txog nws!

    Txais: (2b) Huab Tais muab nws txoj kev cawm muaj hwj huam rau cov kuj cuab pom.
    los:       As les lus yas.

    As Les Lus Yas:   ZAM 14: 18

    Txais: As les lus yas, as les lus yas.

    Huab Tais hais tias: Kuv yuav tsis cia nej ua ntsuag,
    kuv yuav rov los cuag nej ces nej yuav zoo siab hlo.

    Txais: As les lus yas, as les lus yas.

    Ntawv Moo Zoo:   ZAM 16: 16-20

    Yes Xus hais rau nws cov thwj tim tias:
    16 "Tshuav me ntsis ntxiv xwb, ces nej yuav tsis pom kuv lawm,

    tab sis ib me ntsis ntxiv, ces nej yuav rov pom kuv dua."
    17 Muaj ob peb tug thwj tim sib tham tias: "Nws hais dab tsi li ntawd rau peb tias:
    ‘Tshuav me ntsis ntxiv xwb, ces nej yuav tsis pom kuv lawm, tab sis ib me ntsis ntxiv,
    ces nej yuav rov pom kuv dua,’ thiab lo tias: ‘Vim kuv mus cuag Leej Txiv’? "
    18 Ces lawv hais tias: "Qhov ‘ib me ntsis’ uas nws hais ntawd yog li cas? Peb tsis paub nws xav hais dab tsi li."
    19 Yes Xus paub tias lawv xav nug nws, ces nws hais rau lawv tias: "Puas yog nej rov sib nug nej txog lo lus kuv hais tias: ‘Tshuav me ntsis xwb, nej yuav tsis pom kuv, tab sis ib me ntsis ntxiv, nej yuav rov pom kuv dua’?
    20 Kuv hais qhov muaj tseeb tiag rau nej tias nej yuav quaj thiab nej yuav nyiav, hos lub qab ntuj neeg
    yuav zoo siab; nej yuav tu siab loj, tab sis nej txoj kev tu siab yuav hloov mus ua kev zoo siab.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 25th May 2022, 8:38 am

    Hnub Tsib Lis Piam Rau Caij Hla
     
    Hmoov Tsuj Xeeb YES XUS NCE MUS SAUM NTUJ  Xyoo ABC
    Lectionary: 58

    Zaj Nyeem Ib:   HAUJ LWM 1: 1-11

    1 Tes Os Fis Los aw, nyob hauv kuv thawj phau ntawv,

    kuv tau sau txog tas ib puas tsav yam uas Yes Xus tau pib ua thiab pib qhia,
    2 mus txog hnub uas Leej Ntuj Plig Ntshiab tau tshoj nws hais nws cov lus kawg rau cov

    Hauv Paus Xa Lus uas yog cov nws tau xaiv, ces luag coj nws mus saum ntuj lawm.
    3 Lawv kuj yog cov uas nws tau tawm los muaj txoj sia rau lawv pom, tom qab lub caij nws tau

    raug txom nyem; muaj ntau yam zeem tseeb tau plaub caug hnub tias nws tau tawm los
    rau lawv pom thiab tau tham txog Tswv Ntuj lub Ceeb Tsheej rau lawv.
    4 Thaum lawv noj mov, nws hais rau lawv kom tsis txhob tawm hauv Yes Lus Xas Les mus,

    “Nej nyob tos qhov uas Leej Txiv tau cog lus yuav xa tuaj tso, uas yog qhov nej tau hnov kuv hais txog tias:
    5 Zam tau ua kab ke ntxuav nyob hauv dej, hos nej, mas tshuav hnub puav ntxiv xwb,

    nej yuav txais kab ke ntxuav nyob hauv Leej Ntuj Plig Ntshiab.”
    6 Thaum cov Hauv Paus Xa Lus los sis sau ua ke, lawv nug Yes Xus tias: "Huab Tais,

    nyem no puas yog lub sij hawm koj yuav rov tsa txoj kev ua vaj nyob hauv His Xas Lais?"
    7 Yes Xus hais rau lawv tias: "Tsis yog nej hauj lwm yuav paub txog cov caij nyoog

    los lub sij hawm uas Leej Txiv tau teem cia raws nws tus kheej tau txiav lawm.
    8 Tab sis nej, mas nej yuav txais lub peev xwm los nyob hauv nej thaum Leej Tswv Yim Ntshiab

    nqes los rau saum nej, ces nej yuav ua kuv cov tim khawv nyob Yes Lus Xas Les,
    nyob thoob lub Yus Das teb thiab Xas Mas Lias teb, mus txog tim npoo ntiaj teb kawg."
    9 Nws hais cov lus no tas, ces muaj dab tsi nqa nws nce siab zuj zus ntawm lawv qhov muag

    ntsia ntsoov mus lawm; txawm  muaj ib tw huab los thaiv ces lawv tsis pom nws ntxiv.
    10 Thaum Yes Xus nce mus lawm, lawv tseem nyob hab nuv ntawd ntsia ntsoov saum ntuj,

    ces cia li muaj ob tug neeg hnav dawb los sawv ze ntawm lawv.
    11 Nkawd hais tias: "Cov neeg Nkas Lis Lais, vim li cas nej sawv ntsug ntsia ntsoov saum ntuj zoo li no?

    Tus Yes Xus uas raug nqa ntawm nej mus rau saum ntuj lawm,
    nws yuav rov los zoo nkaus li nej tau pom nws nce mus saum ntuj thiab."


    NPN   47: 2-3, 6-7, 8-9

    Txais: (6) Tswv Ntuj nce rau saum nws lub theej kiab,
                muaj suab qw zoo siab, muaj suab hom nrov rau Huab Tais.
    Los:      As les lus yas.

    Txhua haiv neeg, nej npuaj teg,
    nej qw suab zoo siab rau Tswv Ntuj,
    vim HUAB TAIS tus nyob siab, tus zoo tshaj,
    yog tus vaj loj kav tas nrho lub ntiaj teb.

    Txais: (6) Tswv Ntuj nce rau saum nws lub theej kiab,
                muaj suab qw zoo siab, muaj suab hom nrov rau Huab Tais.
    Los:      As les lus yas.

    Tswv Ntuj nce rau saum nws lub theej kiab, muaj suab zoo siab,
    HUAB TAIS nce mus, muaj suab hom nrov ntsuag qees.
    Nej hu nkauj cav txog Tswv Ntuj, nej cav txog nws,
    Nej hu nkauj cav txog peb tus vaj, nej cav txog nws.

    Txais: (6) Tswv Ntuj nce mus rau saum nws lub theej kiab,
                muaj suab qw zoo siab, muaj suab hom nrov rau Huab Tais.
    Los:      As les lus yas.

    Tus vaj kav tas lub ntiaj teb yog Tswv Ntuj,
    nej hu nkauj cav txog nws.
    Tswv Ntuj tswj kav cov haiv neeg,
    Tswv Ntuj zaum saum nws lub theej kiab ntshiab.

    Txais: (6) Tswv Ntuj nce mus rau saum nws lub theej kiab,
                muaj suab qw zoo siab, muaj suab hom nrov rau Huab Tais.
    Los:      As les lus yas.


    (Cov Zaj Nyeem Ob muaj sib txawv rau xyoo A, los B, los C, nej mus xaiv cov zaj nyeem kom haum rau xyoo no).
     
    Xyoo A
    Zaj Nyeem Ob:   EFX 1: 17-23

    Cov kwv tij nkauj muad,
    17 Thov kom peb tus Huab Tais Yes Xus Pleev tus Tswv Ntuj, uas yog Leej Txiv tus muaj hwj chim,

    pub ib lub tswv yim thoob tsib thiab txawj paub yav tom ntej rau nej, kom nej thiaj paub nws zoo.
    18 Thov kom nej cov qhov muag hauv nej nruab siab txawj pom kev tuaj,

    ces nej thiaj yuav paub txog tias txoj kev cia siab uas Tswv Ntuj hu nej kom nej muaj yog dab tsi,
    txoj kev nplua nuj muaj hwj chim nyob hauv cov leej ntshiab koom txais nws lub cuab tam yog dab tsi,
    19 thiab paub tias nws lub hwj huam uas nws ua rau peb cov ntseeg

    loj tshaj npaum li cas, raws li lub peev xwm loj uas nws siv,
    20 thaum nws ua hauj lwm nyob hauv Leej Pleev, tsa Leej Pleev kom sawv hauv cov tub tuag rov los
    thiab tsa Leej Pleev zaum ntawm nws phab xis nyob saum cov txheej ntuj saud,
    21 zaum nyob siab dua cov tshiab ua vaj, siab dua cov tshiab muaj hwj chim,

    siab dua cov tshiab muaj hwj huam, siab dua cov tshiab ua huab tais, thiab siab dua
    txhua lub npe uas hu tau, hauv lub zim txwv tiam no mus rau tiam yuav tuaj huv tib si.
    22 Tswv Ntuj tso tas ib puas tsav yam rau hauv Leej Pleev qab xib taws

    thiab tsa nws ua lub taub hau kav tas nrho lub Koom Txoos,
    23 uas yog Leej Pleev lub Cev, yog qhov chaw muaj puv npo tus uas nyob puv txhua yam txhua tsav.

     
    Xyoo B
                EFX 1:17-23 (ib yam li xyoo A)
    Los:      EFX 4: 1-13


    Cov kwv tij nkauj muad:
    1 Kuv uas yog ib tug raug txim pub rau Huab Tais, kuv thov nej,
    kom nej coj ib lub neej phim qhov uas nej yog cov Ntuj hu nej.
    2 Nej yuav ua neeg tsis muab hlob thiab muaj lub siab mos siab zoo,
    ua neeg muaj lub siab ntev, ib leeg txhawb ib leeg nyob hauv txoj kev nyiam;
    3 siv zog txuag txoj kev koom ua ib lub tswv yim xwb nyob hauv kev thaj yeeb
    4 kom tsuas muaj tib lub cev thiab tib lub tswv yim xwb,
    vim Ntuj hu nej los taug tib txoj kev tso siab thaum nej raug hu;
    5 tsuas muaj tib tug Huab Tais, tib txoj kev ntseeg, tib lub cim ntxuav xwb;
    6 tsuas muaj tib tug Tswv Ntuj ua sawv daws Txiv xwb; nws nyob siab dua sawv daws,
    nws tuaj ntawm sawv daws tuaj, nws nyob hauv sawv daws.
    7 Peb nyias tau txais nyias txiaj ntsim raws li Yes Xus Pleev luj pub rau nyias.
    8 Li ntawd thiaj muaj lo lus tias:
    “Nws nce mus saum txheej siab, nws ntes txoj kev raug txim mus kaw, nws pub paj tshab rau tsoom tib neeg.”
    9 Lo lus tias: ‘Nws nce’, yog txhais li cas?
    Tsuas kawg yog txhais tias nws twb xub tau nqes mus rau puag hauv yeeb ceeb lawm.
    10 Tus tau nqes mus puag hauv, kuj yog tus tau nce mus nyob siab dua cov txheej ntuj saud thiab,
    kom nws thiaj nyob puv hauv txhua tsav txhua yam.
    11 Cov paj tshab nws pub yog kom ib txhia ua Hauv Paus Xa Lus, ib txhia ua Yaj Saub,
    ib txhia ua tub tshaj lub Moo Zoo, ib txhia ua tswv zov yaj, thiab ib txhia ua xib hwb,
    12 kom lawv yog ib co toob xib rau cov ntshiab tau siv los ua txoj hauj lwm tshaj lub Moo Zoo,
    kom lawv txhim tsa tau Leej Pleev lub Cev,
    13 mus txog thaum peb sawv daws koom tau ua ke nyob hauv ib txoj kev ntseeg thiab ib txoj kev paub Tswv Ntuj
    Leej Tub xwb, peb thiaj yog tus tib neeg hlob tiab log haum raws li Leej Pleev lub Cev uas hlob tiav tas nrho lawm.
     
    los       EFX 4: 1-7, 11-13
     
    1 Kuv uas yog ib tug raug txim pub rau Huab Tais, kuv thov nej,
    kom nej coj ib lub neej phim qhov uas nej yog cov Ntuj hu nej.
    2 Nej yuav ua neeg tsis muab hlob thiab muaj lub siab mos siab zoo,
    ua neeg muaj lub siab ntev, ib leeg txhawb ib leeg nyob hauv txoj kev nyiam;
    3 siv zog txuag txoj kev koom ua ib lub tswv yim xwb nyob hauv kev thaj yeeb
    4 kom tsuas muaj tib lub cev thiab tib lub tswv yim xwb,
    vim Ntuj hu nej los taug tib txoj kev tso siab thaum nej raug hu;
    5 tsuas muaj tib tug Huab Tais, tib txoj kev ntseeg, tib lub cim ntxuav xwb;
    6 tsuas muaj tib tug Tswv Ntuj ua sawv daws Txiv xwb; nws nyob siab dua sawv daws,
    nws tuaj ntawm sawv daws tuaj, nws nyob hauv sawv daws.
    7 Peb nyias tau txais nyias txiaj ntsim raws li Yes Xus Pleev luj pub rau nyias.
    11 Cov paj tshab nws pub yog kom ib txhia ua Hauv Paus Xa Lus, ib txhia ua Yaj Saub,
    ib txhia ua tub tshaj lub Moo Zoo, ib txhia ua tswv zov yaj, thiab ib txhia ua xib hwb,
    12 kom lawv yog ib co toob xib rau cov ntshiab tau siv los ua txoj hauj lwm tshaj lub Moo Zoo,
    kom lawv txhim tsa tau Leej Pleev lub Cev,
    13 mus txog thaum peb sawv daws koom tau ua ke nyob hauv ib txoj kev ntseeg thiab ib txoj kev paub Tswv Ntuj
    Leej Tub xwb, peb thiaj yog tus tib neeg hlob tiab log haum raws li Leej Pleev lub Cev uas hlob tiav tas nrho lawm..
     
    Xyoo C
                    EFX 1:17-23 (ib yam li xyoo A)
    Los:        Hes Nplaws 9:24-28;10:19-23
     
    9: 24 Leej Pleev tsis tau chaws mus hauv ib lub tsev Ntshiab uas yog neeg txhais tes txhim, uas yog
    ib lub tsev ua piv txwv txog lub saum ntuj xwb, tiam sis Leej Pleev mus saum ntuj kiag lawm tiag,
    kom zaum no nws thiaj tau sawv peb chaw tawm los nyob ntawm Tswv Ntuj xub ntiag.
    25 Tsis tas Leej Pleev yuav rov cev nws rau Tswv Ntuj ntau ntau zaug, xws li tus tuam leej choj
    uas niaj xyoo yuav tsum rov mus cev ib co ntshav uas tsis yog nws cov ntshav nyob hauv Kem Ntshiab.
    26 Yog li ntawd xwb mas, txij ntuj tsim teb raug los nws yuav tsum raug txom nyem ntau ntau zaus.
    Tab sis nyem no thaum lub caij kawg no, nws tau tawm los ib zaug xwb,
    nws los ua nws thaj txi Ntuj kom tau rhuav kev txhaum pov tseg.
    27 Xws li muaj kev teem cia tias leej tib neeg tsuas tuag ib zaug xwb,
    dhau qhov ntawd lawm yog lub caij txiav txim.
    28 Leej Pleev los kuj ib yam, nws rov muab nws txi Ntuj ib zaug xwb, kom tau ris coob leej cov txhaum.
    Nws yuav tawm rov los zaum ob, tiam sis tsis yog los ris kev txhaum lawm,
    nws yuav tawm los muab kev cawm rau cov neeg uas tos ntsoov nws.
    10: 19 Li ntawd, cov kwv tij nkauj muad, peb tso siab lug tias
    peb yuav tau nkag mus rau hauv chav tsev Ntshiab, vim Yes Xus cov ntshav.
    20 Nws tau rhawv txoj kev tshiab thiab muaj sia rau peb taug hla daim ntaub thaiv uas yog nws lub cev nqaij,
    21 ces peb muaj ib tug Leej Choj loj tas nrho saib Tswv Ntuj lub tsev lawm.
    22 Ua li mas peb kav tsij coj ib lub siab tseeb thiab ntseeg ruaj nreb mus ze Tswv Ntuj, nrog ib lub siab ntxuav huv si tsis muaj kev phem, thiab ib lub cev ntxuav hauv cpv dej ntshiab lawm.
    23 Peb kav tsij tuav peb txoj kev ntseeg uas ua kom peb tso siab lug, ruaj khov kho txhob ua xyem xyav li,
    vim tus tau cog lus rau peb, nws tsis dag.

    As Les Lus Yas:   MT 28: 19a, 20b

    Txais: As les lus yas, as les lus yas.

    Huab Tais hais tias: Nej mus qhuab qhia rau tas txhua haiv neeg,
    kuv yuav nrog nej nyob nraim mus txog thaum ntiaj teb kawg.

    Txais: As les lus yas, as les lus yas.

     
    Xyoo A
    Ntawv Moo Zoo:   MT 28:16-20
     
    16 Pab Kaum Ib leeg thwj tim mus txog Nkas Lis Lais teb, lawv mus saum lub roob uas Yes Xus teem rau lawv.
    17 Thaum lawv pom Yes Xus, lawv khoov pe nws, tiam sis lawm tseem ua xyem xyav thiab.
    18 Yes Xus txav los ze lawv, nws hais rau lawv tias:
    "Ntuj pub ib puas tsav yam hwj huam nyob saum ntuj thiab nyob ntiaj teb no rau kuv lawm.
    19 Ua li mas nej mus, nej ua kom tas ib tsoom haiv neeg los ua kuv thwj tim; nej hu txog Leej Txiv, thiab Leej Tub thiab Leej Ntuj Plig Ntshiab lub npe, nej ntxuav lawv.
    20 Nej qhia kom lawv coj tas puas tsav yam uas kuv tau qhia kom nej coj.
    Ntawm kuv, mas kuv nrog nej nyob mus li mus txog lub caij kawg.”
     
    Xyoo B
    Ntawv Moo Zoo:   MK 16: 15-20
     
    15 Yes Xus hais rau nws cov thwj tim tias: "Nej mus thoob qab ntuj, nej tshaj lub Moo Zoo rau txhua leej txhua tus.
    16 Leej twg ntseeg thiab txais lub cim ntxuav, mas nws yuav txais kev cawm, hos leej twg tsis ntseeg yuav raug txim.
    17 Cov cim no yuav nrog nraim cov uas ntseeg:
    lawv hu txog kuv lub npe, lawv yuav ntiab dab tau, lawv yuav hais ib co lus tshiab,
    18 lawv yuav xuas tes tuav nab tau; yog lawv haus tshuaj lom neeg, tshuaj yuav tsis ua xwv txheej rau lawv;
    thaum lawv tsa tes rau saum cov neeg mob, mas cov muaj mob yuav zoo hlo."
    19 Thaum Huab Tais Yes Xus hais cov lus no tas rau lawv, nws cia li raug nqa mus rau saum ntuj,
    ces nws mus zaum ntawm Tswv Ntuj sab xis lawm.
    20 Hos lawv cia li tawm mus tshaj lo lus rau tas qhov txhia chaw,
    Huab Tais nrog lawv lis hauj lwm ua ke, thiab nws ua ib co cim los nres Lo Lus.
     
    Xyoo C
    Ntawv Moo Zoo:   LK 24: 46-53 
     
    46 Nws hais rau nws cov thwj tim tias:
    "Muaj ntawv sau hais tias: Leej Pleev yuav raug txom nyem, ces hnub peb nws yuav sawv hauv cov tuag rov los;
    47 thiab yuav muaj kev tshaj txog txoj kev tig los hloov dua siab tshiab, kom tas ib tsoom haiv neeg tau txais
    txoj kev zam txhaum nyob hauv nws lub Npe; yuav pib nyob ntawm Yes Lus Xas Les mus.
    48 Nej yog cov tim khawv txog tej ntawd.
    49 Kuv yuav xa qhov uas kuv Txiv tau cog lus lawm tuaj rau nej; mas nej nyob twj ywm hauv lub nroog
    mus txog hnub nej tau txais lub zog nqes saum txheej siab los hnav tso."
    50 Ces Yes Xus coj lawv mus txog Npes Tas Nias, nws tsa tes foom hmoov zoo rau lawv.
    51 Thaum nws tab tom foom hmoov zoo, mas nws txav ntawm lawv mus, ces nws raug nqa mus saum ntuj lawm.
    52 Hos lawv, mas lawv txhos caug khoov pe Yes Xus, tas ces lawv rov qab mus Yes Lus Xas Les, lawv zoo siab tas nrho.
    53 Lawv nyob hauv lub Tuam Tsev Teev Ntuj tas mus li cav txog Tswv Ntuj.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 26th May 2022, 1:13 am

    Tim     27     lub     5     Hlis     2022
     
    Hnub Rau Lis Piam Rau Caij Hla Xyoo ABC Nruab Lis Piam Xyoo I & II
    Lectionary: 295

    XHLT:  LN Augustine nyob Canterbury, ua Tswv Qhia

    Zaj Nyeem Ib:   HAUJ LWM 18: 9-18

    9 Muaj ib hmos, thaum Paj Lug nyob Kos Lis Nthos, Huab Tais yees tawm tuaj hais rau nws tias:

    "Koj tsis txhob ntshai, koj kav tsij hais lus, tsis txhob nyob ntsiag to,
    10 vim kuv nrog nraim koj, tsis muaj leej twg yuav ntaus thiab ua phem rau koj tau, vim tias kuv muaj ib pab neeg coob nyob hauv lub tsheej no."
    11 Ces Paj Lug thiaj nyob hauv lub tsheej ntawd ib xyoos thiab rau hli. Nws qhia Tswv Ntuj lo lus rau lawv.
    12 Tiam sis thaum Nkas Lis Os ua pwm tsav kav lub xeev As Kais, cov Yus Das koom

    sawv ntxeev siab rau Paj Lug, lawv coj nws tuaj kom rau lub tsev txiav txim.
    13 Lawv hais tias: "Tus neeg no haub zeej tsoom kom sawv daws teev Tswv Ntuj tsis haum raws li txoj cai."
    14 Paj Lug tseem yuav qhib ncauj hais lus, tab sis Nkas Lis Os twb teb ntua rau cov Yus Das tias: "Cov Yus Das, yog nej hais txog kev tsis ncaj ncees los kev ua phem li cas, mas kuv yuav pab nej raws txoj cai.
    15 Tab sis yog nej sib cav hais txog ib txog kev teev hawm thiab tej lub npe, thiab nej txoj cai xwb,
    mas cia nej sib hais nej kom haum, kuv tsis kam ua tus txiav txim rau tej yam ntawd."
    16 Ces Nkas Lis Os ntiab lawv tawm hauv tsev txiav txim mus.
    17 Lawv thiaj ntes tus tswj saib lub tsev txoos hu ua Xos Thes Nes; lawv muab nws ntaus nyob ze
    lub tsev txiav txim rau lawv ntsia, tiam sis Nkas Lis Os tsis quav ntsej txog tej ntawd li.
    18 Paj Lug tseem nyob ib lub sij hawm ntau hnub ntxiv, nws mam li hais rau cov kwv tij tias nws yuav ncaim mus, ces nws nce nkoj mus rau Xis Lias teb; Phis Xis Las thiab As Kis Las nkawd kuj nrog nws mus thiab.

    Nyob Xees Qhes, Paj Lug chais nws cov plaub hau, vim nws tau ua ib qho kev cog lus lawm.

    NPN   47: 2-3, 4-5, 6-7

    Txais: (8a) Tswv Ntuj ua vaj kav tas lub ntiaj teb.
    los:       Alleluia.

    Txhua haiv neeg, nej npuaj teg,
    nej qw suab zoo siab rau Tswv Ntuj,
    vim HUAB TAIS tus nyob siab, tus zoo tshaj,
    yog tus vaj loj kav tas nrho lub ntiaj teb.

    Txais: (8a) Tswv Ntuj ua vaj kav tas lub ntiaj teb.
    los:       Alleluia.

    Nws coj cov haiv neeg los zwm rau peb,
    nws tso cov kuj cuab rau hauv peb qab xib taws.
    Nws xaiv peb lub cuab tam rau peb,
    Yog Yas Kos tus nws nyiam lub koob meej.

    Txais: (8a) Tswv Ntuj ua vaj kav tas lub ntiaj teb.
    los:       Alleluia.

    Tswv Ntuj nce rau saum nws lub theej kiab, muaj suab zoo siab
    HUAB TAIS nce mus, muaj suab hom nrov.
    Nej hu nkauj cav txog Tswv Ntuj, nej cav txog nws,
    nej hu nkauj cav txog peb tus vaj, nej cav txog nws.

    Txais: (8a) Tswv Ntuj ua vaj kav tas lub ntiaj teb.
    los:       Alleluia.

    As Les Lus yas:   LK 24: 46, 26

    Txais: As les lus yas, as les lus yas.

    Leej Pleev yuav tsum tau raug txom nyem
    thiab sawv hauv cov tub tuag rov los,
    ces nws thiaj mus rau hauv nws lub hwj chim.

    Txais: As les lus yas, as les lus yas.

    Ntawv moo Zoo:   ZAM 16: 20-23

    Yes Xus hais rau nws cov thwj tim tias:
    20 “Kuv hais qhov muaj tseeb tiag rau nej:
    Nej yuav quaj thiab nej yuav nyiav, hos lub qab ntuj neeg yuav zoo siab.
    Nej yuav tu siab loj, tab sis nej txoj kev tu siab yuav hloov ua kev zoo siab.
    21 Thaum ib tug poj niam daws cev, mas nws tau kev nyuaj kev ntsaj, vim txog nws caij lawm.
    Tab sis thaum nws yug tau tus me nyuam lawm, mas nws tsis nco zaj mob ntxiv,
    vim nws zoo siab tias ib tug me nyuam tau yug los nyob hauv ntiaj teb no lawm.
    22 Nej kuj ib yam, nyem no nej nyuaj siab, tab sis kuv yuav rov pom nej dua,

    ces nej yuav zoo siab, yuav tsis muaj leej twg tshem tau nej txoj kev zoo siab ntawm nej mus.
    23 Hnub ntawd, nej yuav tsis nug kuv txog dab tsi ntxiv lawm.
    Kuv hais qhov muaj tseeb tiag rau nej: Nej tuav txog kuv lub npe thov dab tsi

    ntawm Leej Txiv, mas nws yuav muab rau nej.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 27th May 2022, 3:46 am

    Tim     28     lub     5     Hlis     2022
     
    Hnub Xya Lis Piam Rau Caij Hla Xyoo ABC Nruab Lis Piam Xyoo I & II
    Lectionary: 296

    Zaj Nyeem Ib:   HAUJ LWM 18: 23-28

    23 Paj Lug nyob As Caus Kus ib ntus, ces nws sawv kev, nws mus ncig cov teb chaws Nkas Las Tias

    thiab Fis Zias ib qho dhau ib qho zuj zus, mus pab txhawb zog rau cov thwj tim.
    24 Muaj ib tug neeg Yus Das hu ua As Pos Los, yug los nyob As Les Xas Nrias, yog neeg txawj hais lus,

    nws tuaj txog Es Fes Xos; nws yog ib tug kws paub Ntawv Ntshiab zoo.
    25 Muaj neeg tau qhia nws kawm txog Huab Tais Txoj Kev; Leej Ntuj Plig ua nws kub siab lug hais lus
    thiab qhia tej yam raug kawg txog Yes Xus, txawm tias nws tsuas paub Zam lub cim ntxuav xwb.
    26 Nws pib qhuab qhia tsis ua xyem xyav li nyob hauv lub tsev Txoos.
    Thaum Phis Xis Las thiab As Kis Las nkawd hnov nws cov lus, nkawd coj nws nrog nkawd,
    thiab nkawd qhia Tswv Ntuj Txoj Kev rau nws kom meej dua.
    27 Thaum nws xav mus As Kais teb, cov kwj tij txhawb nws kom ua siab loj mus.
    Lawv sau ib tsab ntawv mus rau cov thwj tim tid kom lawv txais nws. Thaum nws
    tuaj txog lawm, nws pab txhawb ntau kawg cov uas tau txais lub txiaj ntsim los ntseeg.
    28 Vim nws tsis ntshai tab meeg hais lus tiv cov Yus Das,
    nws siv Ntawv Ntshiab los qhia tias Yes Xus yeej yog Leej Pleev tiag.

    NPN   47: 2-3, 8-9, 10

    Txais: (8a) Tswv Ntuj ua vaj kav tas nrho lub ntiaj teb.
    los:       As les lus yas. 

    Tas txhua haiv neeg, nej npuaj teg,
    nej qw suab zoo siab rau Tswv Ntuj,
    vim HUAB TAIS tus nyob siab, tus zoo tshaj,
    yog tus vaj loj kav tas nrho lub ntiaj teb.

    Txais: (8a) Tswv Ntuj ua vaj kav tas nrho lub ntiaj teb.
    los:       As les lus yas.

    Vim tus vaj kav tas nrho lub ntiaj teb yog Tswv Ntuj,
    nej cia li hu nkauj cav txog nws.
    Tswv Ntuj tswj cov haiv neeg,
    Tswv Ntuj zaum saum nws lub theej kiab ntshiab.

    Txais: (8a) Tswv Ntuj ua vaj kav tas nrho lub ntiaj teb.
    los:       As les lus yas.

    Cov vaj txheeb hauv txhua haiv neeg tuaj sib sau ua ke
    nrog Has Nplas Has tus Tswv Ntuj haiv neeg.
    Vim cov saib xyuas lub ntiaj teb yog Tswv Ntuj neeg,
    nws yog tus loj tshaj tas nrho.

    Txais: (8a) Tswv Ntuj ua vaj kav tas nrho lub ntiaj teb.
    los:       As les lus yas.

    As Les Lus Yas:   ZAM 16: 28

    Txais: As les lus yas, as les lus yas.

    Kuv tuaj ntawm Leej Txiv tuaj rau hauv lub ntiaj teb,
    zaum no kuv yuav tso ntiaj teb tseg thiab rov mus cuag Leej Txiv.

    Txais: As les lus yas, as les lus yas.

    Ntawv Moo Zoo:   ZAM 16: 23b-28

    Yes Xus hais rau nws cov thwj tim tias:
    23b “"Kuv hais qhov muaj tseeb tiag rau nej:

    Nej tuav txog kuv lub npe thov dab tsi ntawm Leej Txiv, mas nws yuav muab rau nej.
    24 Los txog tav no, nej tseem tsis tau tuav txog kuv lub npe thov ib yam dab tsi li.
    Nej thov ces nej yuav tau txais, kom nej thiaj yuav muaj kev zoo siab puv npo.
    25 Kuv tau siv tej zaj paj lug los hais tej no rau nej. Txog lub caij lawm uas kuv yuav

    tsis siv paj lug los hais rau nej ntxiv. Kuv yuav ncaj qha qhia meej txog Leej Txiv rau nej.
    26 Txog hnub ntawd, nej yuav tuav txog kuv lub npe los thov.
    Kuv tsis hais rau nej tias kuv yuav thov Leej Txiv rau nej.
    27 Vim Leej Txiv twb nyiam nej lawm, vim nej nyiam kuv,
    thiab nej ntseeg tias kuv tuaj ntawm Tswv Ntuj tuaj.
    28 Kuv tau tawm ntawm Leej Txiv tuaj thiab kuv tau tuaj nyob hauv lub ntiaj teb no.
    Zaum no kuv yuav tso lub ntiaj teb tseg thiab kuv yuav rov mus cuag Leej Txiv dua."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 29th May 2022, 9:01 am

    Tim    30     lub     5     Hlis     2022
     
    Hnub Ob Lis Piam Xya Caij Hla Xyoo ABC Nruab Lis Piam Xyoo I & II
    Lectionary: 297

    Zaj Nyeem Ib:   HAUJ LWM 19: 1-8

    1 Thaum As Pos Los nyob Kos Lis Nthos, Paj Lug hla hauv lub teb chaws

    nqes mus rau nram Es Fes Xos; nws ntsib ib co thwj tim nyob nrad,
    2 nws hais rau lawv tias: "Nej puas tau txais Leej Ntuj Plig Ntshiab thaum nej los ntseeg?"
    Lawv teb nws tias: "Peb tsis tau hnov dua tias muaj Leej Ntuj Plig Ntshiab li."
    3 Paj Lug thiaj hais tias: "Ua li nej txais leej twg lub cim ntxuav?”
    Lawv teb tias: "Peb txais Zam lub cim ntxuav."
    4 Ces Paj Lug hais rau lawv tias: "Zam ua kab ke ntxuav kom sawv daws los thov txhaum.
    Nws hais kom sawv daws ntseeg txog tus yuav lawv nws qab tuaj, uas yog Yes Xus."
    5 Thaum lawv hnov cov lus no, mas lawv los txais lub cim ntxuav nyob hauv Huab Tais Yes Xus lub npe.
    6 Thaum Paj Lug tsa tes rau saum lawv, mas Leej Ntuj Plig Ntshiab los nyob hauv lawv,
    ces lawv hais ib co xeem lus tshiab, thiab lawv ua yaj saub.
    7 Pab neeg no tas huv si, muaj kaum ob leeg.
    8 Paj Lug nkag mus hauv lub tsev Txoos, nws qhuab qhia tsis ua xyem xyav li tau peb lub hlis,

    nws nrog lawv sib tham thiab siv ib cov lus hais txog Tswv Ntuj lub Ceeb Tsheej kom neeg ntseeg nws.

    NPN   68: 2-3ab, 4-5acd, 6-7ab

    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los:       As les lus yas.

    Tswv Ntuj sawv tsees, nws cov yeeb ncuab tawg tas sib ncaim tas,
    Cov ntxub nws khiav mus deb ntawm nws xub ntiag.
    Xws li cov pa taws txawj yaj tas mus, lawv kuj ploj tas zoo li ntawd,
    zoo xws li cov ciab ntab yaj nyob hauv hluav taws.

    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los:       As les lus yas.

    Tiam sis cov neeg siab ncaj zoo siab, lawv dhia hom khaj

    nyob ntawm Tswv Ntuj xub ntiag, lawv zoo siab thiab luag ntxhi.
    Nej hu nkauj rau Tswv Ntuj, nej hu nkauj cav txog nws lub npe;
    Nws lub npe hu ua HUAB TAIS .

    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los:       As les lus yas.

    Tus ua txiv rau cov ntsuag nos, tus txheem plaub rau cov poj ntsuam,
    Yog tus Tswv Ntuj uas nyob hauv nws lub tsev ntshiab.
    Tswv Ntuj pub tsev rau tus neeg luag muab tso pov tseg nyob,
    nws coj cov neeg raug txim tawm los kom tau ntsib kev vam meej,
        
    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los:       As les lus yas.

    As Les Lus Yas:   KLX 3: 1

    Txais: As les lus yas, as les lus yas.

    Yog nej twb tau nrog Leej Pleev sawv rov los lawm,
    mas nej cia li nrhiav tej yam nyob txheej saud,
    uas yog qhov chaw Leej Pleev zaum rawv ntawm Tswv Ntuj phab xis.

    Txais: As les lus yas, as les lus yas.

    Ntawv Moo Zoo:   ZAM 16: 29-33

    29 Yes Xus cov thwj tim hais rau nws tias: "Zaum no koj hais lus ncaj qha, koj tsis siv tej zaj paj lug lawm.

    30 Zaum no peb paub tias koj paub tas ib puas tsav yam, tsis tas kom leej twg nug koj txog dab tsi li.
    Yog vim li ntawd peb thiaj ntseeg tias koj tuaj ntawm Tswv Ntuj tuaj."
    31 Yes Xus teb rau lawv tias: "Zaum no nej ntseeg lawm lod?
    32 Yuav txog sij hawm, twb txog sij hawm lawm uas nej sawv daws yuav tawg tas, nyias yuav mus nyias vaj nyias tsev, nej yuav tso kuv tseg ib leeg. Tab sis kuv tsis nyob kuv ib leeg, vim Leej Txiv nrog kuv nyob.
    33 Kuv hais tej no rau nej kom nej nyob thaj yeeb hauv kuv. Nej yuav raug txom nyem hauv ntiaj teb no,
    tab sis nej ua siab loj mog! Kuv twb yeej lub ntiaj teb lawm.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 30th May 2022, 6:14 am

    Tim     31     lub     5     Hlis     2022
     
    Hnub Peb Lis Piam Xya hauv Caij Hla

    Ua Hmoov Hwm Niam Mab Liab mus saib Es Lis Xas Npes

    Lectionary: 572

    Zaj Nyeem Ib:   XFN 3: 14-18a

    14 Leej me ntxhais Xis Yoos, koj cia li nqua suab qw zoo siab!

    Tsoom His Xas Lais, nej cia li hu nkauj luag ntxhi!
    Me ntxhais Yes Lus Xas Les,
    koj lub siab cia li dhia hom khaj zoo siab hlo!
    15 HUAB TAIS tau thim nws lo lus txiav txim rau koj lawm.
    Nws tau caum koj cov yeeb ncuab khiav mus tas.
    HUAB TAIS , His Xas Lais tus vaj, nws nyob nruab nrab hauv koj,
    koj yuav tsis ntshai kev phem dab tsi ntxiv.
    16 Hnub ntawd, Yes Lus Xas Les yuav hnov cov lus no tias:
    “Xis Yoos, koj txhob ntshai, txhob ntaus siab me!
    17 HUAB TAIS koj tus Tswv Ntuj nyob nruab nrab hauv koj,
    yog tus cawm seej muaj hwj huam.
    Nws zoo siab vimj koj; nws kev hlub ua kom koj rov tshiab tuaj.
    Nws hu nkauj dhia zoo siab yog vim koj,
    18 zoo xws li thaum neeg hu nkauj ua koob tsheej lom zem.”

    Los:      LOS MAS 12: 9-16

    Cov kwv tij nkauj muad:
    9 Nej yuav tsum muaj txoj kev nyiam tseeb tiag,

    tuav plig rawv khiav mus deb ntawm qhov phem, tuav rawv qhov zoo kom ruaj nreb.
    10 Nej yuav muaj lub siab muag sib nyiam sib hlub xws li ib co kwv tij;
    yuav xyaum sib tw kom ib leeg txawj xub hwm ib leeg;
    11 yuav muaj lub siab nquag plias tsis txhob ua tus neeg nkees nkees;
    yuav muaj lub tswv yim kub lug, yuav tsob hwb Huab Tais,
    12 yuav zoo siab nyob hauv txoj kev tso siab lug, yuav ua siab ntev nyiaj txoj kev txom nyem,
    yuav tsis txhob nkees teev Ntuj tsis tseg;
    13 yuav pab rau cov ntshiab raws li lawv tej kev siv, yuav xyiv fab txais cov qhua tuaj hauv nej.
    14 Nej yuav foom lus zoo rau cov neeg hiam nej, nej foom lus zoo xwb txhob foom lus phem rau lawv.
    15 Nej yuav zoo siab nrog cov neeg muaj kev zoo siab, nej yuav quaj nrog cov neeg tau kev quaj ntsuag.
    16 Nej yuav coj tus cwj pwm zoo ib yam nkaus ib leeg rau ib leeg, tsis txhob ua neeg muab hlob, tiam
    sis yuav nrog cov neeg me ntaus phooj ywg; nej tsis txhob rov saib nej thoob tsib dua luag tej.

    NPN:    HX 12: 2-3, 4bcd, 5-6

    Txais: (6) His Xas Lais tus loj tus Ntshiab tuaj nyob hauv nej lawm.

    Tswv Ntuj yog kuv tus cawm seej,
    Kuv tso siab rau nws kuv tsis txhawj.
    Kuv lub zog thiab kuv lub peev xwm yog HUAB TAIS,
    Nws yog tus tau cawm kuv.
    Nej yuav zoo siab luag ntxhi mus ce dej
    Hauv lub qhov dej muaj kev cawm neeg.

    Txais: (6) His Xas Lais tus loj tus Ntshiab tuaj nyob hauv nej lawm.

    Nej ua HUAB TAIS tsaug, nej cav txog nws lub npe;
    Nej tshaj nws tej hauj lwm loj rau cov haiv neeg paub,
    Nej qhia rau lawv tias nws lub npe loj siab tas nrho.

    Txais: (6) His Xas Lais tus loj tus Ntshiab tuaj nyob hauv nej lawm.

    Nej hu nkauj qhuas HUAB TAIS txog nws tej hauj lwm muaj hwj chim,
    Coj mus qhia rau tas ntiaj teb paub kom thoob .
    Nroog Xis Yoos, koj tsa suab qw zoo siab mas,
    vim tus loj tas nrho nyob hauv koj yog His Xas Lais tus Ntshiab!

    Txais: (6) His Xas Lais tus loj tus Ntshiab tuaj nyob hauv nej lawm.

    As Les Lus Yas:    LK 1: 45

    Txais: As les lus yas, as l;es lus yas.

    Koj tau hmoov zoo, nkauj tsim txiaj Mab Liab, vim koj ntseeg
    tias yuav muaj tuaj raws li Huab Tais tau hais rau koj.

    Txais: As les lus yas, as les lus yas.

    Ntawv Moo Zoo:    LK 1: 39-56

    39 Mab Liab sawv kev mus, nws rau siab ntso maj nroos mus pem toj siab,

    mus rau ib lub nroog nyob xeev Yus Das.
    40 Nws chaws mus hauv Ntxas Kas Lias tsev, nws tsa suab hu Es Lis Xas Npes.
    41 Thaum Es Lis Xas Npes hnov Mab Liab lub suab hu, mas nws tus me nyuam dhia hauv nws plab,
    thiab Leej Ntuj Plig Ntshiab los nyob puv hauv Es Lis Xas Npes.
    42 Ces Es Lis Xas Npes tsa suab hlo hais nrov nrov tias: "Koj tau koob tau hmoov tshaj
    ib tsoom poj niam huv tib si, thiab lub txiv txi hauv koj lub cev tau koob tau hmoov.
    43 Ua cas kuv tau txoj hmoov no qhov twg los, kuv tus Huab Tais leej niam thiaj tuaj xyuas kuv?
    44 Koj saib, thaum kuv hnov dheev koj lub suab hu nrov txog kuv pob ntseg,
    tus me nyuam hauv kuv plab dhia zoo siab.
    45 Koj tus tau ntseeg tias cov lus Huab Tais hais rau koj yuav tsheej xeeb tuaj, mas koj txoj hmoov zoo !"
    46 Ces Mab Liab hais tias: "Kuv tus plig cav txog Huab Tais lub hwj chim,
    47 kuv lub tswv yim hom khaj nyob hauv Tswv Ntuj, tus Cawm kuv,
    48 vim nws tau dauv muag los ntsia nws tus ntxhais txib tsis muaj tsim.
    Txij hnub no mus, txhua tiam neeg yuav hais tias kuv txoj hmoov zoo;
    49 vim tus Muaj Hwj Huam tau ua tej yam loj rau kuv, nws lub npe Ntshiab.
    50 Nws lub siab hlub cov neeg hwm nws tiam dhau tiam.
    51 Nws tau xyab nws txhais npab muaj zog, nws tau ua kom cov neeg muaj lub siab muab hlob tawg tas.
    52 Huab Tais txo cov muaj hwj chim kom poob ntawm lawv lub rooj zaum,
    hos nws tsa cov neeg hauv txheej qis kom siab.
    53 Nws pub tej yam zoo rau cov neeg tshaib tau noj seem noj so,
    hos nws ntiab cov neeg muaj rov qab mus tes qhuav qhawv.
    54 Huab Tais tuaj pab nws tus tub txib His Xas Lais,
    vim nws nco ntsoov tias nws tau cog lus yuav khuv leej lawv,
     55 yog lo lus nws tau cog rau peb cov yawg koob, rau Has Nplas Has
    thiab nws tsoom xeeb leej xeeb ntxwv mus ib txhiab ib txhis."
    56 Mab Liab nrog Es Lis Xas Npes nyob li peb lub hlis tej, ces nws mam rov mus tsev.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 30th May 2022, 11:58 pm

    Tim     1     lub     6     Hli     2022
     
    Hnub Plaub Lis Piam Xya Caij Hla Xyoo ABC Nruab Lis Piam Xyoo I & II
    Lectionary: 299

    Yuav Hwm:   LN Justin, tuag ua Tim Khawv

     
    Zaj Nyeem Ib:   HAUJ LWM 20: 28-38

    Nyob Mis Les Tus, Paj Lug hais rau cov txwj laus tuaj hauv lub Koom Txoos nyob Es Fes Xos tuaj tias:
    28 “Nej yuav muab siab rau saib nej tus kheej, thiab saib tas pab yaj uas Leej Ntuj Plig Ntshiab tau

    tsa nej ua cov tswv saib, kom nej coj Tswv Ntuj lub Koom Txoos mus nog zaub,
    lub Koom Txoos uas Tswv Ntuj tau muab nws cov roj ntsha los txhiv ua nws tug.
    29 Kuv paub ntsoov tias thaum kuv mus lawm, mas yuav muaj ib co hma tsiv tsaim
    txeem los nrog nej ua ib pab; lawv yuav tsis txuag pab yaj siav li.
    30 Tab yog nyob hauv nej pab neeg kiag, kuj tseem yuav muaj ib co sawv los
    hais tej zaj thuam qhov tseeb kom rub tau cov thwj tim mus raws lawv.
    31 Ua li mas nej yuav ceev faj tiag, nej yuav nco ntsoov tias tau peb lub xyoos,
    nruab hnub hmo ntuj, kuv tau ntuas nej ib tug zuj zus nrog lub kua muag.
    32 Nyem no, kuv muab nej tso rau Tswv Ntuj saib xyuas thiab tso nej rau hauv nws Lo Lus pub txiaj ntsim
    uas yuav txhim kho tau nej, thiab yuav pub ib lub cuab tam rau nej nrog cov neeg Tswv Ntuj tau qee lawv.
    33 Kuv tsis tau ntshaw leej twg thooj nyiaj los thooj kub los tej tsoos tsho li.

    34 Nej yeej paub zoo lawm tias yog kuv ob txhais tes no tau khwv los yug kuv thiab kuv cov phooj ywg xwb.
    35 Kuv ua txhij ua txhua li ntawd kom tau qhia rau nej tias peb yuav tsum tau siv zog khwv thiaj yuav pab tau cov tsis muaj zog, thiab nej yuav nco ntsoov Huab Tais Yes Xus lo lus uas nws tus kheej tau hais tias:
    ‘Yog yus pub rau luag, mas yus tau hmoov zoo dua thaum yus tau txais los.’”
    36 Paj Lug hais cov lus no tas, nws txhos caug nrog lawv sawv daws teev Ntuj ua ke.

    37 Lawv quaj zom zaws tas tus, lawv mus puag nkaus Paj Lug caj dab, thiab nwj nws.
    38 Lawv tu siab tshaj rau lo lus uas nws hais tias lawv yuav tsis rov pom nws ntxiv lawm.
    Ces lawv xa Paj Lug mus txog ntua ntawm lub nkoj.

    NPN   68: 29-30, 33-35a, 35bc-36ab

    Txais: (33a) Ntiaj teb cov teb chaws muaj vaj kav, nej cia li hu nkauj cav txog Tswv Ntuj.
    los:       As les lus yas.

    Tswv Ntuj, thov koj ua kom koj lub hwj huam tawm los,
    lub hwj huam uas koj tau siv los pab peb;
    Pub rau koj lub tuam tsev nyob Yes Lus Xas Les,

    kom cov vaj ntxwv nqa paj tshab tuaj cev rau koj.

    Txais: (33a) Ntiaj teb cov teb chaws muaj vaj kav, nej cia li hu nkauj cav txog Tswv Ntuj.
    los:       As les lus yas.

    Ntiaj teb cov teb chaws muaj vaj kav, nej hu nkauj rau Tswv Ntuj,
    nej hu nkauj cav txog Huab Tais, tus uas caij nees hla saum
    cov chaw siab saum cov txheej ntuj thaum ub.
    Nej mloog, nws lub suab nrov nroo ntws, lub suab muaj hwj huam tias:
    “Nej cia li lees paub Tswv Ntuj lub hwj huam!”

    Txais: (33a) Ntiaj teb cov teb chaws muaj vaj kav, nej cia li hu nkauj cav txog Tswv Ntuj.
    los:       As les lus yas.
    .
    Nws lub hwj xyeej nyob saum His Xas Lais,
    nws lub hwj huam nyob saum cov txheej ntuj saud.
    Tswv Ntuj, His Xas Lais tus Tswv Ntuj
    muaj hwj chim kawg nkaus nyob hauv nws lub tuam tsev.
    Nws muab lub hwj huam thiab lub zog rau nws haiv neeg.

    Txais: (33a) Ntiaj teb cov teb chaws muaj vaj kav, nej cia li hu nkauj cav txog Tswv Ntuj.
    los:       As les lus yas.

    As Les Lus Yas:   ZAM 17: 17b, 17a

    Txais: As les lus yas, as les lus yas.

    Huab Tais, koj lo lus yog qhov tseeb,
    Thov koj qee peb mus nyob hauv qhov tseeb.

    Txais: As les lus yas, as les lus yas.

    Ntawv Moo Zoo:   ZAM 17: 11b-19

    Yes Xus tsa muag rau saum ntuj, nws thov ntuj li no:
    11b Leej Txiv Ntshiab, thov koj txuag lawv nyob hauv koj lub Npe,

    cov uas koj tau muab rau kuv kom xwv lawv yog ib leeg xwb xws li wb yog ib leeg xwb.
    12 Thaum kuv tseem nrog lawv nyob, kuv tau txuag lawv cov uas koj muab rau kuv
    nyob hauv koj lub Npe, kuv saib lawv nraim, ces tsis muaj ib tug ploj li,
    tsuas muaj kev ploj tus tub xwb thiaj ploj, kom muaj tshwm sim raws li Ntawv sau cia.
    13 Zaum no kuv yuav rov los cuag koj, kuv hais tej no nyob hauv lub ntiaj teb no,
    kom xwv lawv tau nrog kuv koom txoj kev zoo siab puv npo nyob hauv lawv.
    14 Kuv tau muab koj lo lus rau lawv, ces lub ntiaj teb thiaj ntxub lawv,
    vim lawv tsis yog ntiaj teb tug, ib yam li kuv tsis yog ntiaj teb tug.
    15 Kuv tsis thov kom koj rho lawv hauv ntiaj teb mus, kuv thov kom koj txuag lawv ntawm tus Phem xwb.
    16 Lawv tsis yog lub ntiaj teb tug ib yam li kuv tsis yog ntiaj teb tug.
    17 Thov koj qee lawv mus nyob hauv txoj kev tseeb. Koj lo lus yog qhov tseeb.
    18 Ib yam li koj xa kuv los nyob hauv lub ntiaj teb neeg, kuv xa lawv mus nyob hauv lub ntiaj teb neeg thiab.
    19 Kuv rov qee kuv los pab lawv, kom xwv lawv raug qee mus nyob hauv qhov tseeb thiab.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 1st June 2022, 2:39 am

    Tim     2     lub     6     Hli     2022
     
    Hnub Tsib Lis Piam Xya Caij Hla Xyoo ABC Nruab Lis Piam Xyoo I & II
    Lectionary: 300

    XHLT:   LN Marcellinus thiab LN Peter, tuag ua Tim Khawv

     
    Zaj Nyeem Ib:   HAUJ LWM 22: 30; 23: 6-11

    30 Hnub tom qab, tus xab txheeb xav paub tseeb tias cov Yus Das liam dab tsi rau Paj Lug tiag,

    ces nws tso Paj Lug tawm thiab nws ceeb toom kom cov thawj leej choj thiab tas tsoom txwj laus
    Xas Nes Nrees tuaj sib sau. Nws coj Paj Lug nqes los, thiab kom Paj Lug mus sawv ntawm lawv xub ntiag.
    23: 6 Paj Lug paub tias cov neeg ntawd muaj ib co yog tog Xas Dus Kais hos ib co yog tog Fas Lis Xais,

    ces nws tsa suab hais nrov nrov rau tsoom Xas Nes Nrees tias:
    "Cov kwv tij, kuv yog ib tug Fas Lis Xais, kuv yog Fas Lis Xais tub. Kuv raug lus zoo li no
    yog vim txoj kev cia siab rau qhov tias cov neeg tuag yuav ciaj rov qab los."
    7 Paj Lug hais li no ces cov Fas Lis Xais thiab cov Xas Dus Kais pib sib ceg,
    ces pab neeg ntawd faib kiag ua ob tog.
    8 Vim cov Xas Dus Kais hais tias tsis muaj kev sawv rov los, tsis muaj cov Tshiab thiab tsis muaj dab li,
    hos cov Fas Lis Xais ntseeg txog peb yam ntawd tib si.
    9 Sawv daws thiaj sib cav ntsuag qees. Muaj ob peb tug kws ntawv uas yog tog Fas Lis Xais sawv tsees,
    lawv hais tias: "Peb tsis pom tus neeg ntawd ua ib qho txhaum dab tsi,
    tej zaum tsam yog ib tug dab los yog ib tug Tshiab hais lus rau nws xwb?"
    10 Lawv haj yam sib cav muaj ceem zuj zus tuaj, ces tus xab txheeb ntshai tsam
    lawv muab Paj Lug dua ua daim, nws thiaj kom nws pab tub rog nqes mus
    chua Paj Lug ntawm lawv thiab coj nws rov los nyob hauv lub yeej.
    11 Hmo tom qab, Huab Tais tuaj xyuas Paj Lug thiab hais rau nws tias:

    "Ua siab loj loj mog! Ib yam li koj tau ua tim khawv txog kuv nyob Yes Lus Xas Les lawm,
    ib yam li ntawd, koj kuj tseem yuav tsum ua tim khawv txog kuv nyob Los Mas thiab."

    NPN   16: 1-2a+5, 7-8, 9-10, 11

    Txais: (1) Tswv Ntuj, thov koj txuag kuv, koj yog kuv chaw tso siab.
    Los:      As les lus yas.

    Tswv Ntuj, thov koj txuag kuv, vim kuv tuaj khaub zig koj.
    Kuv hais rau HUAB TAIS tias: "Koj yog kuv tus Huab Tais!”
    HUAB TAIS, kuv lub cuab tam, kuv lub ntim,
    Koj yog tus tuav rawv kuv txoj hmoo.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los:      As les lus yas.

    Kuv cav lus zoo txog HUAB TAIS tus qhia kuv xav tswv yim,
    Tab yog hmo ntuj, kuv siab ntsws tseem txhib kuv.
    Kuv cia HUAB TAIS nyob ntawm kuv xub ntiag tsis tseg;
    muaj nws nyob ntawm kuv sab xis, kuv yuav tsis ntshai.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los:      As les lus yas.

    Kuv lub siab luag ntxhi, kuv tus plig hom khaj,
    kuv lub cev kuj tau nyob nyab xeeb lug,
    Vim koj yuav tsis tso kuv tus ntsuj plig pov tseg rau ntuj txias teb tsaus,
    Koj yuav tsis kheev kom tus ntseeg koj paub kev puas kev lwj.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Koj yuav qhia kom kuv paub txoj kev taug mus txog txoj sia,
    txog txoj kev zoo siab puv npo nyob ntawm koj xub ntiag,
    txog txoj kev nplig siab nyob ntawm koj sab xis tas mus li.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los:      As les lus yas.

    As Les Lus Yas:   ZAM 17: 21

    Txais: As les lus yas, as les lus yas.

    Huab Tais hais tias:
    “Leej Txiv, thov kom lawv sawv daws koom ua ib leeg,
    ib yam li koj nyob hauv kuv thiab kuv nyob hauv koj,
    kom ntiaj teb neeg thiaj ntseeg tias yog koj xa kuv tuaj.”

    Txais: As les lus yas, as les lus yas.

    Ntawv Moo Zoo:   ZAM 17: 20-26

    Yes Xus tsa muag ntsia saum ntuj, nws thov ntuj li no:
    20 "Kuv tsis thov koj rau cov no xwb, kuv tseem thov koj

    rau cov uas yuav ntseeg txog kuv vim lawv lo lus thiab,
    21 kom lawv sawv daws koom ua ib leeg xwb, ib yam li koj, Leej Txiv, nyob hauv kuv thiab
    kuv nyob hauv koj, kom lawv nyob hauv wb, ces ntiaj teb neeg thiaj ntseeg tias yog koj xa kuv tuaj.
    22 Lub hwj chim uas koj muab rau kuv, mas kuv muab rau lawv lawm,
    kom xwv lawv ua ib leeg xwb xws li wb ua ib leeg,
    23 kuv nyob hauv lawv thiab koj nyob hauv kuv, kom lawv thiaj li ua tsheej ib leeg tiav log, ces lub qab
    ntuj neeg thiaj paub tias yog koj xa kuv tuaj, thiab paub tias koj nyiam lawv ib yam li koj nyiam kuv.
    24 Txiv, lawv yog cov uas koj muab pub rau kuv; kuv xav kom kuv nyob qhov twg
    mas lawv tau nrog kuv nyob qhov ntawd thiab, kom lawv tau pom kuv lub hwj chim
    uas koj muab rau kuv, vim koj tau nyiam kuv txij thaum tsis tau tsim lub sim ceeb los lawm.
    25 Kuv Txiv siab ncaj, lub qab ntuj neeg tsis paub koj, tab sis kuv paub koj,
    thiab cov no kuj paub lawm tias yog koj xa kuv tuaj.
    26 Kuv twb qhia koj lub npe rau lawv paub lawm, kuv tseem yuav qhia kom neeg paub ntxiv,
    kom txoj kev nyiam uas koj muab los nyiam kuv nyob hauv lawv, thiab kom kuv nyob hauv lawv."
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 2nd June 2022, 1:53 am

    Tim     3     lub     5     Hlis     2022
     
    Hnub Rau Lis Piam Xya Caij Hla Xyoo ABC Nruab Lis Piam Xyoo I & II
    Lectionary: 301

    Yuav Hwm:  LN Charles Lwanga & cov nrog nws tuag ua Tim Khawv

    Zaj Nyeem Ib:    HAUJ LWM 25: 13b-21


    13 Tus vaj As Nqis Pas thiab Npes Les Nis nkawd tuaj txog Xes Ntxas Les, tuaj xyuas Fes Tus.

    14 Vim tias nkawd yuav nyob ntau hnub, ces Fes Tus thiaj piav txog Paj Lug rau tus vaj hais tias:
    "Nyob ntawm no, muaj ib tug neeg uas Fes Liv tau muab nws kaw cia.
    15 Thaum kuv mus Yes Lus Xas Les, cov thawj leej choj thiab cov txwj laus Yus Das
    tuaj liam nws rau kuv, lawv hais kom kuv muab txim rau nws.
    16 Kuv teb lawv tias cov Los Mas tsis muaj cai yuav cia li muab ib tus neeg tso rau hauv
    cov neeg liam nws txhais tes, yuav tsum xub cia nws nrog lawv sib hais tim ntsej tim muag tso,
    thiab yuav cia nws tau kev hais lus daws lub txim uas luag liam rau nws tso.
    17 Ces thaum cov Yus Das tuaj sib sau nyob ntawm no, kuv tsis ncua sij hawm li,
    tag kis tom qab kiag xwb, kuv mus zaum hauv lub tsev txiav txim, kuv kom lawv coj tus neeg los.
    18 Cov neeg liam rau nws tuaj sawv ncig nws; tiam sis lawv liam tsis tau ib qho phem raws li kuv xav li.
    19 Lawv tsuas nrog nws muaj lus sib cav tsis sib haum hais txog lawv txoj kev teev hawm,
    thiab hais txog ib tug Yes Xus uas tuag lawm, tab sis Paj Lug hais tias nws tseem muaj txoj sia nyob xwb.
    20 Kuv tsis pom qab ua dab tsi rau ib zag sib cav zoo li ntawd, kuv thiaj nug Paj Lug saib
    nws puas yeem mus pem Yes Lus Xas Les, ces mam txiav txim txog tej ntawd rau nws nyob ped.
    21 Paj Lug tau thov kom kuv muab nws kaw tos txog thaum nws mus rau tus Tuam Vaj txiav txim rau nws.
    Kuv thiaj li tau ceeb toom cia muab Paj Lug kaw mus txog hnub kuv xa nws mus rau Xes Ntxas.”

    NPN   103: 1-2, 11-12, 19-20ab

    Txais: (19a) Huab Tais tau tsa nws lus theej kiab nyob saum ntuj.
    los:       As les lus yas.

    Kuv tus ntsuj plig, koj cav txog HUAB TAIS;
    tas nrho kuv tus kheej, koj cav txog nws lub npe ntshiab.
    Kuv tus ntsuj plig, koj cav txog HUAB TAIS,
    koj tsis txhob hnov qab nws tej txiaj ntsim ib qho li.

    Txais: (19a) Huab Tais tau tsa nws lus theej kiab nyob saum ntuj.
    los:       As les lus yas.

    Siab npaum li lub ntuj nyob siab rau saum ntiaj teb,
    nws kuj hlub cov neeg uas hwm nws tshaj npaum li ntawd.
    Deb npaum li sab hnub tuaj nyob deb ntawm sab hnub poob,
    nws kuj tau muab peb tej txhaum pov tseg deb npaum li ntawd ntawm peb.

    Txais: (19a) Huab Tais tau tsa nws lus theej kiab nyob saum ntuj.
    los:       As les lus yas.

    HUAB TAIS tau tsa nws lub theej kiab nyob saum ntuj,
    nws ua vaj tswj tas txhua tsav txhua xeem.
    Nej uas yog nws cov Tshiab, nej cav lus zoo txog HUAB TAIS,
    nej yog cov muaj zog loj ua raws li nws lo lus.

    Txais: (19a) Huab Tais tau tsa nws lus theej kiab nyob saum ntuj.
    los:       As les lus yas.

    As Les Lus Yas:   ZAM 14: 26

    Txais: As les lus yas, as les lus yas.

    Leej Tswv Yim Ntshiab yuav qhia tas ib puas tsav yam rau nej,
    thiab yuav pab nej rov nco txog tas txhua yam kuv tau hais rau nej.

    Txais: As les lus yas, as les lus yas.

    Ntawv Moo Zoo:   ZAM 21: 15-19

    15 Thaum Yes Xus tawm tuaj rau nws cov thwj tim pom thiab lawv noj tshais tas lawm,

    Yes Xus hais rau Xis Moos Pob Zeb tias: "Xis Moos, Zam tus tub, koj puas nyiam kuv dua lawv cov ntawd?"
    Pob Zeb hais rau nws tias: "Huab Tais, koj yeej paub tias kuv nyiam koj."
    Yes Xus hais rau Pob Zeb tias: "Koj coj kuv cov yaj mus nog zaub mog."
    16 Yes Xus rov hais zaum ob tias: "Xis Moos, Zam tus tub, koj puas nyiam kuv?" Pob Zeb hais rau Yes Xus tias: "Huab Tais, koj yeej paub tias kuv nyiam koj." Yes Xus hais rau nws tias: "Koj ua tswv saib kuv cov yaj mog."
    17 Yes Xus tseem rov hais dua zaum peb rau Pob Zeb tias: "Xis Moos, Zam tus tub, koj puas nyiam kuv?”
    Pob Zeb mluas kiag tuaj rau qhov Yes Xus hais rau nws zaum peb tias: "Koj puas nyiam kuv?"
    Pob Zeb hais rau Yes Xus tias: "Huab Tais, koj paub tas ib puas tsav yam, koj yeej paub tias kuv nyiam koj."
    Yes Xus hais rau Pob Zeb tias: "Koj coj kuv cov yaj mus nog zaub mog.
    18 Kuv hais qhov muaj tseeb tiag rau koj; thaum koj tseem hluas, koj muab koj siv koj sia koj,
    koj xav mus qhov twg los koj mus koj. Tiam sis thaum koj laus lawm, koj yuav tsa tes
    cia lwm tus kho siv rau koj sia thiab coj koj mus qhov uas koj tsis xav mus."
    19 Yes Xus hais qhov ntawd qhia tias Pob Zeb yuav tuag zoo li cas kom Tswv Ntuj tau hwj chim.
    Yes Xus hais li tas, nws hais rau Pob Zeb tias: "Koj raws kuv mus.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 3rd June 2022, 4:37 am

    Tim     4     lub     5     Hlis     2022
     
    Hnub Xya Lis Piam Xya Caij Hla Xyoo ABC Nruab Lis Piam Xyoo I & II
    Lectionary: 302
     
    Zaj Nyeem Ib:   HAUJ LWM 28: 16-20, 30-31

    16 Thaum peb tuaj txog hauv Los Mas lawm,

    mas lawv cia Paj Lug nws nyob nws ib leeg nrog tus tub rog uas zov nws.
    17 Peb hnub tom qab, Paj Lug hu cov thawj coj Yus Das kom tuaj. Thaum lawv tuaj txog tas,

    Paj Lug hais rau lawv tias: "Cov kwv tij, kuv tsis tau ua dab tsi txhaum peb haiv neeg, los txhaum peb cov
    yawg koob tej kev cai, tsis kav lawv ntes kuv thiab muab kuv cob rau cov Los Mas tias
    kuv yog ib tug neeg raug txim nyob Yes Lus Xas Les tuaj.
    18 Thaum cov Los Mas tshuaj lus tas, lawv xav tso kuv mus,
    vim lawv tsis pom kuv tau ua dab tsi tsim nyog raug lub txim tuag.
    19 Tab sis cov Yus Das tsis kam tso kuv, ces kuv thiaj yuav tsum tau thov kom cia Xes Ntxas
    ua tus txiav txim rau kuv, txawm tias kuv tsis muaj lus dab tsi phem yuav hais txog kuv haiv neeg.
    20 Yog vim li no, mas kuv thiaj xav ntsib nej thiab hais rau nej paub tias,
    twb yog vim His Xas Lais txoj kev tso siab, mas kuv thiaj li coj cov saw khi kuv li no."
    30 Paj Lug nyob tau ob xyoos nkaus hauv lub tsev nws nyob no.

    Nws tos txais cov neeg uas tuaj xyuas nws tas huv tib si.
    31 Nws tshaj txog Tswv Ntuj lub Ceeb Tsheej, thiab qhia txog Huab Tais Yes Xus Pleev,
    nyob hauv txoj kev tso siab lug thiab tsis muaj leej twg txwv nws li.

    NPN   11: 4, 5+7

    Txais: (7b) Huab Tais, cov neeg siab ncaj yuav ntsia ntsoov koj lub ntsej muag.
    los:       As les lus yas.

    HUAB TAIS nyob hauv nws lub tuam tsev ntshiab;
    HUAB TAIS lub theej kiab nyob saum ntuj.
    Nws qhov muag saib ntsoov,
    nws ntsia tsom ntsoov rau tsoom tib neeg.

    Txais: (7b) Huab Tais, cov neeg siab ncaj yuav ntsia ntsoov koj lub ntsej muag.
    los:       As les lus yas.

    HUAB TAIS tsom ntsoov tus neeg ncaj thiab tus neeg nkhaus,
    nws ntxub tus nyiam kev sib ntaus sib tua.
    Vim HUAB TAIS siab ncaj, nws nyiam cov hauj lwm ncaj ncees;
    cov neeg siab ncaj yuav tau ntsia ntsoov HUAB TAIS lub ntsej muag

    Txais: (7b) Huab Tais, cov neeg siab ncaj yuav ntsia ntsoov koj lub ntsej muag.
    los:       As les lus yas.

    As Les Lus Yas:   ZAM 16: 7, 13

    Txais: As les lus yas, as les lus yas.

    Huab Tais hais tias:
    Kuv yuav xa Leej Tswv Yim muaj qhov tseeb tuaj rau nej;
    Nws yuav coj nej mus txog txhua yam tseeb.

    Txais: As les lus yas, as les lus yas.

    Ntawv Moo Zoo:   ZAM 21: 20-25

    20 Pob Zeb tig ntsia tom qab, nws pom tus thwj tim uas Yes Xus nyiam tuaj lawv qab,

    yog tus uas thaum lawv noj hmo, nws tig mus pheeb rau ntawm Yes Xus hauv siab,
    thiab nug tias: “Huab Tais, tus yuav muab koj rau luag yog leej twg?”
    21 Pob Zeb pom tus thwj tim ntawd, Pob Zeb hais rau Yes Xus tias: "Huab Tais, tus ntawd ned?"
    22 Yes Xus hais rau Pob Zeb tias: "Yog kuv xav kom nws nyob mus txog hnub kuv rov los no,
    koj ho yuav quav ntsej dab tsi txog? Ntawm koj, mas koj raws kuv mus."
    23 Lo lus no thiaj ncha rau hauv cov kwv tij tias: “Tus thwj tim ntawd yuav tsis tuag.”
    Tab sis Yes Xus tsis tau hais rau Pob Zeb tias: “Nws yuav tsis tuag”, Yes Xus tsuas tau hais tias:
    “Yog kuv xav kom nws nyob txog hnub kuv rov no koj ho quav ntsej dab tsi txog?”xwb.
    24 Yog tus thwj tim ntawd ua tim khawv txog tej no thiab yog nws muab sau cia.

    Peb paub tias nws cov lus ua ua tim khawv muaj tseeb.
    25 Tseem tshuav ntau yam kawg uas Yes Xus tau ua, yog yuav sau ib yam zuj zus tas huv tib si,
    mas kuv xav tias lub ntiaj teb yuav ntim tsis tas cov phau ntawv sau ntawd li.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 6th June 2022, 1:57 am

    Tim     6     lub     6     hli     2022
     
    Hnub Ob Tom Qab Leej Ntuj Plig Nqes Los

    Yuav Hwm tus Nkauj Tsim Txiaj Mab Liab ua lub Koom Txoos Leej Niam
    .
    Lectionary: 572a

    Zaj Nyeem Ib:   HP 3: 9-15, 20

    Thaum As Das noj lub txiv tas lawm,
    9 HUAB TAIS Tswv Ntuj hu nws tias: "Koj nyob qhov twg?"
    10 Tus txiv neej teb tias: "Kuv tau hnov koj nyob hauv lub vaj,

    tiam sis kuv ntshai vim kuv liab qab, ces kuv thiaj khiav tsiv nraim lawm."
    11 Tswv Ntuj hais tias: "Leej twg qhia koj tias koj liab qab?

    Yog koj noj lub txiv uas kuv txwv tsis pub koj noj lawm puas yog ?"
    12 Tus txiv neej teb tias: "Yog tus poj niam uas koj tso nrog kuv nyob,

    nws muab lub txiv ntawm tsob ntoo rau kuv, ces kuv thiaj noj."
    13 HUAB TAIS Tswv Ntuj hais rau tus poj niam tias: "Koj ua dab tsi li ntawd ?"

    Tus poj niam teb tias: "Yog niag nab ntxias kuv, kuv thiaj noj."
    14 Ces HUAB TAIS Tswv Ntuj hais rau tus nab hais tias: "Vim koj tau ua li no

    mas koj txoj hmoov yuav phem tshaj tas ib tsoom tsiaj nyeg thiab tas ib tsoom tsiaj qus.
    Koj yuav xuas koj lub plab mus kev, thiab koj yuav niaj hnub noj av tas koj sim neej.
    15 Kuv yuav ua kom muaj kev ciaj caub ntawm koj thiab tus poj niam, ntawm koj caj ces

    thiab nws caj ces. Nws yuav tsuj koj taub hau, koj yuav tom nws luj taws."
    20 Tus txiv neej tis npe rau nws poj niam hu ua Es Vas,

    vim nws yog ib tsoom neeg muaj txoj sia leej niam.

    Los:   HL 1: 12-14

    Thaum Yes Xus nce mus saum ntuj lawm,
    12 cov Hauv Paus Xa Lus nqes pem lub roob uas hu ua "Roob Txiv Ntoo Roj" rov los rau Yes Lus Xas Les.

    Lub roob ntawd nyob ze ze ntawm Yes Lus Xas Les, tsuas deb li ib ncua kev hnub Xas Npas Tos xwb.
    13 Thaum lawv los txog hauv nroog, lawv nce mus saum chav tsev siab uas yog qhov chaw lawv nyob;

    muaj Pob Zeb thiab Yas Kos thiab Zam thiab As Nres, Fis Lis Pos thiab Tos Mas, Npas Tos Los Mas Yos
    thiab Mas Tais, Yas Kos uas yog As Fas Yos tub thiab Xis Moos Kub Siab thiab Yus Das uas yog Yas Kos tub.
    14 Tas lawv cov no sawv daws koom ib lub siab teev ntuj, nrog rau ib co poj niam,

    thiab Mab Liab uas yog Yes Xus niam, thiab nrog Yes Xus cov kwv tij.

    NPN 87: 1-2, 3+5, 6-7

    Txais: (3) Luag hais tej yam zoo kawg qhuas txog koj, Tswv Ntuj lub tsheej!

    Nws raug txhim nyob rau saum cov ncov roob ntshiab;
    Huab Tais nyiam Xis Yoos cov rooj vag
    tshaj Yas Kos lwm cov tsev tas huv si.

    Txais: (3) Luag hais tej yam zoo kawg qhuas txog koj, Tswv Ntuj lub tsheej!

    Luag hais tej yam zoo kawg qhuas txog koj, Tswv Ntuj lub tsheej!
    Lawv yuav hais txog Xis Yoos tias:
    “Tus no thiab txhua tus neeg yug nyob hauv nws.
    Tus uas txhim tsa Xis Yoos yog tus Huab Tais nyob siab.”

    Txais: (3) Luag hais tej yam zoo kawg qhuas txog koj, Tswv Ntuj lub tsheej!

    Lawv yuav sau rau hauv phau ntawv txheeb npe txog
    cov haiv neeg tias: "Tus neeg no yug los nyob ntawd."
    Tas sawv daws yuav zoo siab yoj cev hu nkauj tias:
    "Kuv lub tsev yog nyob hauv koj."

    Txais: (3) Luag hais tej yam zoo kawg qhuas txog koj, Tswv Ntuj lub tsheej!

    As Les Lus Yas

    Txais: As les lus yas, as les lus yas.

    Nkauj Tsim Txiaj, koj yuav zoo siab, koj yug peb tus Huab Tais;
    Lub Koom Txoos Leej Niam tus tau txoj hmoov zoo,
    koj ua kom peb sov siab nyob hauv koj leej Tub Yes Xus Pleev leej Tswv Yim.

    Txais: As les lus yas, as les lus yas.

    Ntawv Moo Zoo:   ZAM 19: 25-34

    25 Cov sawv nyob ze ntawm Yes Xus tus ntoo cuam yog nws niam thiab nws niam tus viv ncaus

    Mab Liab uas yog Dlos Pas poj niam, thiab Mab Liab Mas Ntas Las.
    26 Yes Xus pom nws niam, thiab pom tus thwj tim uas nws nyiam sawv nyob ze,

    ces nws hais rau nws niam tias: "Niad, tus ntawd yog koj tus tub."
    27 Thiab Yes Xus hais rau tus thwj tim tias: "Tus ntawd yog koj niam."

    Ces txij lub sij hawm ntawd los, tus thwj tim coj Mab Liab mus nyob hauv nws tsev.
    28 Ua li ntawd tas, Yes Xus paub tias zaum no ib puas tsav yam tiav tas lawm;

    kom xwv muaj raws li ntawv sau tseg, nws hais tias: "Kuv nqhis dej."
    29 Muaj ib hub kua qaub puv nkaus nyob ntawd. Lawv muab ib thooj rwb tub kua qaub

    chob rau ib tug ceg ntoo his xos cev mus rau Yes Xus qhov ncauj.
    30 Thaum Yes Xus haus qhov kua qaub tas, nws hais tias:

    "Tiav tas lawm." Ces Yes Xus nyo taub hau, nws txoj pa tu nrho thaum ntawd.
    31 Hnub ntawd yog Hnub Npaj, mas cov Yus Das tsis xav cia cov tuag lub cev dai saum ntoo cuam rau hnub

    Xas Npas Tos, vim tias hnub Xas Npas Tos ntawd yog ib lub hnub nyoog tseem ceeb. Cov Yus Das thov
    Pis Las Tos kom muab cov neeg dai saum ntoo cuam ob sab ceg lov thiab muab lawv lub cev txo nqes los.
    32 Cov tub rog thiaj tuaj muab thawj tug neeg thiab muab lwm tus neeg

    uas nrog Yes Xus raug dai saum ntoo cuam ob sab ceg lov.
    33 Thaum lawv los txog ntawm Yes Xus, lawv pom nws twb tuag lawm,

    lawv tsis muab nws ob sab ceg lov,
    34 tab sis ib tug tub rog xuas nws rab hmuv nkaug Yes Xus phab tav;

    tam sis ntawd ib co ntshav thiab ib co dej tawm los.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 6th June 2022, 5:32 am

    Tim     7     lub     6     hli     2022
     
    Hnub Peb Lis Piam Kaum Nruab Xyoo ABC Nruab Lis Piam Xyoo II
    Lectionary: 360
     
    Zaj Nyeem Ib: 1 VAJ 17: 7-16

    7 Tau ib nyuag ntu xwb ces tus dej txhawv ntawm qhov chaw uas Es Lias tuaj nkaum qhuav tas,

    vim ntuj tsis los nag nyob hauv lub teb chaws li.
    8 Ces HUAB TAIS lo lus nrov tuaj rau nws tias:
    9 "Koj sawv kev mus lawm tom lub nroog Xas Les Tas nyob Xis Doos, koj yuav mus nyob ntawd.
    Kuv twb tau qhia kom ib tug poj ntsuam nyob tod yuav pub mov rau koj no lawm."
    10 Es Lias thiaj li sawv kev mus rau Xas Les Tas. Thaum nws tuaj txog ntawm lub qhov rooj nkag mus
    rau hauv nroog, muaj ib tug poj ntsuam tab tom khaws taws mus rauv. Nws hu rau tus poj ntsuam tias:
    "Thov koj nqa ib khob dej me me tuaj rau kuv haus saib!"
    11 Tus poj ntsuam txawm sawv kev yuav mus nqa dej, Es Lias qw caum tus poj ntsuam qab tias:
    "Thov koj nqa ib qho mov ci tuaj rau kuv noj thiab!"
    12 Tus poj ntsuam teb tias: "Tseeb ib yam li HUAB TAIS koj tus Tswv Ntuj muaj sia nyob, kuv tsis muaj
    ib qhov mov siav li. Kuv kawg tshuav ib nyuag txhais tes hmoov nplej nyob hauv lub qab hub xwb,
    thiab tshuav me me roj nyob hauv lub qab hwj xwb. Zaum no, yog kuv tab tom tuaj sau ob ya taws mus rauv,
    tso kuv yuav muab los ua rau kuv thiab kuv tus tub wb noj. Noj tas ces wb kawg yuav tuag lawm xwb."
    13 Es Lias hais rau tus poj ntsuam tias: "Koj txhob txhawj, koj kav tsij mus ua raws li koj npaj lawm. Tiam sis
    koj yuav xub ua ib lub ncuav mov nqa tuaj rau kuv noj tso, koj mam li mus ua rau koj thiab koj tus tub neb noj.
    14 Vim HUAB TAIS, His Xas Lais tus Tswv Ntuj hais tias: ‘Lub hub hmoov nplej yuav tsis txawj tas, lub hwj ntim roj yuav tsis txawj nqhuab li mus txog hnub uas HUAB TAIS tso nag los ywg lub ntiaj teb tej npoo av."
    15 Tus poj ntsuam mus ua raws li Es Lias qhia. Ces nws thiab nws tus tub
    thiab Es Lias lawv tau mov noj tsis tu pluas tau ib ntus ntev loo.
    16 Lub hub rau hmoov nplej tsis txawj tas li hos lub hwj rau roj tsis txawj nqhuab li,
    raws nraim HUAB TAIS tau kom Es Lias tau hais tseg lawm.

    NPN    4: 2-3, 4-5, 7b-8

    Txais: (7a) Huab Tais, ua kom koj lub ntsej muag ci tuaj rau peb mas.

    Kuv tus Tswv Ntuj siab ncaj, thov koj teb kuv thaum kuv hu txog koj;
    koj yog tus daws kuv kev txhawj xeeb thaum kuv raug kev nyuaj.
    Thov koj khuv leej kuv, thov koj mloog kuv lo lus thov koj!
    Nej cov uas muaj ntsej muag, nej yuav ua neeg siab qhwv mus txog thaum twg?
    Vim li cas nej nyiam qhov tsis muaj nqes thiab mus caum txoj kev dag?

    Txais: (7a) Huab Tais, ua kom koj lub ntsej muag ci tuaj rau peb mas.

    Nej yuav paub tias HUAB TAIS ua hwj huam loj pab tus ntseeg nws;
    HUAB TAIS yuav mloog kuv thaum kuv hu txog nws.
    Nej yuav ntshai, nej tsis txhob ua txhaum,
    Nej nyob ntsiag to saum nej lub txaj xav tswv yim.

    Txais: (7a) Huab Tais, ua kom koj lub ntsej muag ci tuaj rau peb mas.

    HUAB TAIS, thov koj ua kom koj lub ntsej muag ci tuaj rau peb.
    Koj ua kom kuv lub siab muaj kev zoo siab loj,
    Tseem loj dua thaum sau tau nplej thiab cub tau cawv ntau ntws lug.

    Txais: (7a) Huab Tais, ua kom koj lub ntsej muag ci tuaj rau peb mas.

    As Les Lus Yas:   MT 5: 16

    Txais: As les lus yas, as les lus yas.

    Nej yuav tsum cia nej lub teeb yuav tsum ci nyob ntawm zeej tsoom xub ntiag,
    kom lawv pom nej cov dej num zoo, ces lawv yuav cav txog nej Txiv nyob saum ntuj.

    Txais: As les lus yas, as les lus yas.

    Ntawv Moo Zoo:   MT 5: 13-16

    Yes Xus hais rau nws cov thwj tim tias:
    13 "Nej yog cov ntsev las lub ntiaj teb. Tab sis yog ntsev tsuag lawm, yuav muab dab tsi ua kom ntsev

    rov qab tuaj? Ntsev tsuag tsis zoo ua dab tsi ntxiv, tsuas kawg muab pov tseg nraum zoov rau neeg tsuj xwb.
    14 Nej yog lub teeb ci rau lub ntiaj teb. Ib lub nroog txhim rau saum ncov roob, yuav muab zais tsis tau.
    15 Luag kuj tsis taws ib lub teeb coj mus khwb rau hauv qab pob tawb; luag muab txawb rau

    saum tus ncej teeb, kom lub teeb ci rau tas cov neeg nyob hauv tsev pom kev.
    16 Li ntawd, nej lub teeb kuj yuav tsum ci nyob ntawm zeej tsoom xub ntiag,

    kom lawv pom nej cov dej num zoo, ces lawv yuav cav txog nej Txiv nyob saum ntuj.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 7th June 2022, 2:53 am

    Tim     8     lub     6     Hli     2022
     
    Hnub Plaub Lis Piam Kaum Nruab Xyoo ABC Nruab Lis Piam Xyoo II
    Lectionary: 361
     
    Zaj Nyeem Ib:   1 VAJ 18: 20-39

    20 Tus vaj As Has Npaws hu tas tsoom His Xas Lais thiab sau cov yaj saub tuaj nyob saum lub roob Kas Mes.

    21 Es Lias nqua hu rau tas tsoom sid, nws hais tias: "Nej pheej yuav tsis txiav txim siab kom meej
    mus txog thaum twg? Yog tias HUAB TAIS yog Tswv Ntuj ces nej raws nws kiag!
    Yog Npas As yog Tswv Ntuj ces nej raws Npas As kiag!" Tsoom sid tsis teb dab tsi rau Es Lias li.
    22 Es Lias hais ntxiv rau lawv tias: "Tshuav kuv ib leeg ua HUAB TAIS tus Yaj Saub xwb,
    hos Npas As cov yaj saub muaj plaub puas tsib caug leej diam.
    23 Nej coj ob tug thav nyuj tuaj rau peb. Cia lawv xaiv ib tug, lawv muab txiav ua tej daim
    thiab muab tso rau saum cov taws, tab sis tsis txhob zes taws rau li.
    Kuv kuj yuav npaj ib tug, muab tso rau saum cov taws, thiab kuv kuj yuav tsis zes taws rau li.
    24 Nej yuav hu txog nej cov tswv ntuj lub npe, hos kuv yuav hu txog HUAB TAIS lub npe.
    Tus tswv ntuj uas tso hluav taws los hlawv cov tsiaj mas tus ntawd thiaj yog tus tseem Tswv Ntuj tiag."
    Tsoom sid teb tias: "Peb pom zoo ua li ntawd!"
    25 Ces Es Lias hais rau cov yaj saub Npas As tias: "Nej xaiv ib tug ntsuag nyuj, cia nej npaj ua ntej

    vim nej yog cov coob. Nej hu txog nej cov tswv ntuj xwb, nej tsis txhob zes taws rau li."
    26 Lawv muab tus nyuj tua, thaum lawv npaj tas, mas lawv hu txog Npas As lub npe txij sawv ntxov
    mus txog tav su, lawv hais tias: "Npas As aw, thov koj teb peb mas!" Tab sis tsis hnov
    ib lub suab tsis hnov leej twg teb li. Lawv dhia ncig lub thaj txi ntuj uas lawv tau npaj.
    27 Thaum txog tav su, Es Lias hais lus txhob lawv tias: "Nej qw nrov dua mas! Nws yog ib tug tswv ntuj diam
    mas ntshai nws tseem xav tswv yim lawm, los nws tsis khoom, los ntshai nws muaj chaw
    tawm rooj mus lwm qhov lawm, los tej zaus nws tsaug zog lawm, nej yuav tsum tau tsa nws sawv!"
    28 Lawv haj yam qw nrov dua qub tuaj thiab lawv xuas ntaj xuas hmuv los hlais lawv
    kom ntshav tawm los rau saum lawv raws li lawv kev cai ua kam.
    29 Thaum tav su dua lawm, lawv cov yaj saub kuj ntuas lawv cov lus saub tas zaj tas zog mus txog lub caij
    yuav cev cov txim txi ntuj. Tab sis tsis hnov ib lub suab los ib lo lus teb li, zoo li tsis muaj neeg mloog lawv li.
    30 Es Lias thiaj hais rau tsoom sid tias: "Nej sawv daws txav los ze kuv mas." Ces sawv daws txav los,

    Es Lias thiaj rov tsa HUAB TAIS lub thaj txi ntuj uas lawv muab rhuav tas lawm.
    31 Nws khaws kaum ob lub pob zeb kom muaj raws li Yas Kos kaum ob leeg tub;
    Yas Kos yog tus uas HUAB TAIS tau hais rau nws tias: “Koj lub npe yuav hu ua His Xas Lais.”
    32 Ces Es Lias muab cov pob zeb ntawd los txhim ua ib lub thaj txi ntuj rau HUAB TAIS lub npe.
    Nws khawb ib tug kwj kom dav ntim taus ob kawg noob ncig lub thaj.
    33 Nws teeb cov taws rau, nws muab tus thav nyuj phua ua tej daim
    thiab muab tso rau saum cov taws. Ces nws hais tias: "Nej ntim plaub hub dej
    thiab nej nqa los nchuav ywg cov nqaij thiab cov taws." Lawv ua li ntawd tas.
    34 Es Lias hais tias: "Nej ua zaum ob thiab!" Lawv ywg dej zaum ob tas.
    Es Lias tseem rov hais tias: "Nej ua zaum peb ntxiv thiab!" Lawv thiaj ua zaum peb thiab.
    35 Dej ntws ncig lub thaj txi Ntuj tas huv si, tus kwj kuj puv dej tas tib si.
    36 Thaum txog lub caij txi Ntuj, tus Yaj Saub Es Lias txav los hais tias:

    "HUAB TAIS, koj yog Has Nplas Has, His Xas Has thiab His Xas Lais tus Tswv Ntuj, thov koj ua kom
    hnub no tsoom pej xeem paub tias koj yog tus Tswv Ntuj nyob hauv tsoom His Xas Lais,
    thiab kuv yog koj tus tub txib, kuv ua tas txhua yam no, yog vim koj tau hais kom kuv ua.
    37 HUAB TAIS, thov koj teb kuv! Thov koj teb kuv, kom tsoom pej xeem ntawm no thiaj paub tias
    koj yog Huab Tais Tswv Ntuj; koj yog tus ua kom lawv lub siab rov tig los npuab koj."
    38 Ces HUAB TAIS cov hluav taws nqes los hlawv cov txim txi ntuj thiab cov taws, cov pob zeb,
    cov plua tshauv huv si, thiab los nqus cov dej nyob hauv tus kwj tas huv tib si.
    39 Tsoom pej xeem pom tej no, tas sawv daws khoov pe rau hauv av, lawv hais tias:
    "HUAB TAIS yog Tswv Ntuj! HUAB TAIS yog Tswv Ntuj!"

    NPN   16: 1b-2ab, 4, 5ab + 8, 11

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Tswv Ntuj, thov koj txuag kuv, kuv tuaj khaub zig koj.
    Kuv hais rau HUAB TAIS tias: " Koj yog kuv tus Huab Tais!"

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Cov neeg teev lwm cov dab,
    rov nrhiav kev txom nyem ntau rau lawv.
    Kuv yuav tsis muab ntshav los txi rau lwm cov dab.
    Kuv di ncauj yuav tsis tuav txog lawv lub npe.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Huab Tais, kuv lub cuab tam, kuv lub ntim,
    Koj yog tus tuav rawv kuv txoj hmoo.
    Kuv cia HUAB TAIS nyob ntawm kuv xub ntiag tsis tseg;
    nws nyob ntawm kuv sab xis, ces kuv yuav tsis txhawj li.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Koj yuav qhia kuv taug txoj kev mus txog txoj sia,
    mus txog kev zoo siab puv npo nyob ntawm koj xub ntiag,
    mus txog kev luag ntxhi mus li nyob ntawm koj sab xis.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    As Les Lus Yas:   NPN 25: 4b, 5a

    Txais: As les lus yas, as les lus yas.

    Kuv tus Tswv Ntuj, thov qhia koj tej xub ke rau kuv paub.
    thov coj kuv mus taug koj txoj kev tseeb

    Txais: As les lus yas, as les lus yas.

    Ntawv Moo Zoo:   MT 5: 17-19

    Yes Xus hais rau nws cov thwj tim tias:
    17 “Nej txhob xav tias kuv tuaj rhuav Txoj Cai thiab cov Yaj Saub.

    Kuv tsis yog tuaj rhuav, kuv tuaj qhia ntxiv kom thoob xwb.
    18 Kuv hais qhov muaj tseeb rau nej tias: Lub ntuj lub teb yuav dua,

    tab sis tsis muaj ib tug txwm ntawv los ib lub cim ntawv me me hauv Txoj Cai yuav ploj,
    mus txog thaum tas ib puas tsav yam tshwm sim tuaj tas tso.
    19 Vim li no, yog leej twg hla ib txog cai me tshaj hauv Txoj Cai,

    thiab nws qhia kom luag ua raws li ntawd,
    mas nws yuav hu ua tus me tshaj cov nyob hauv lub Ceeb Tsheej saum ntuj.
    Hos tus ua raws Txoj Cai tas huv si, thiab nws qhia kom luag ua raws li ntawd,
    mas nws yuav hu ua tus loj tshaj cov nyob hauv lub Ceeb Tsheej saum ntuj.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 8th June 2022, 3:38 am

    Tim     9     lub     6     Hli     2022
     
    Hnub Tsib Lis Piam Kaum Nruab Xyoo ABC Nruab Lis Piam Xyoo II
    Lectionary: 362
     
    XHLT:   LN Ephrem, Leej Tsob Hwb ua Kws cov Txuj Ntshiab
     
    Zaj Nyeem Ib:       1 VAJ  18:   41-46


    41 Es Lias hais rau tus vaj As Has Npaws tias:
    “Koj nce mus noj mov mus haus dej, vim twb hnov los nag nrov loj loj lawm.”
    42 Ces As Has Npaws nce mus noj mov mus haus dej lawm, hos Es Lias nce mus saum
    lub ncov roob Kas Mes; nws mus zaum khooj ywb hauv av muab nws taub hau
    khoov ntsaws rau kis nruab nrab ntawm nws ob lub hauv caug.
    43 Nws hais rau nws tus tub txib tias: “Koj mus lawm saud mus ntsia lawm sab tim
    dej hiav txwv saib.” Tus tub txib nce mus saib, nws hais tias: “Twb tsis muaj dab tsi li.”
    Es Lias hais xya zaus rau nws tias: “Koj yuav tsum rov mus xyuas dua.”
    44 Zaum xya, tus tub hluas hais tias: “Zaum no muaj ib tauv huab me me luaj li ib txhais tes
    nce hauv dej hiav txwv tuaj lawm.” Es Lias hais rau nws tias: “Koj mus hais rau As Has Npaws tias:
    ‘Koj yuav tsum nog nra thiab kav tsij nqes saum roob mus ua ntej ntuj los nag thaiv koj kev.’”
    45 Ces ib pliag ntshis ntuj cia li dub nciab tsaus nti tuaj, muaj cua daj cua dub, thiab los nag loj nchuav lug
    saum ntuj los. As Has Npaws thiaj nce hlo saum tsheb nees thiab rov qab mus rau Yis Les Es lawm.
    46 Hos Huab Tais txhais tes pov hwm Es Lias, ces nws khi loo tsho khov kho ntawm duav, nws khiav
    rag ntws ua As Has Npaws ntej mus txog ntua rau ntawm  ze lub rooj vag mus hauv nroog Yis Les Es.

    NPN       65:   10, 11, 12-13

    Txais: (2a) Tswv Ntuj, tsim nyog peb cav txog koj nyob saum Xis Yoos.

    Koj tuaj xyuas lub ntiaj teb daim av, koj ywg dej rau;
    koj ua kom daim av nplua nuj muaj txhij txhua.
    Tswv Ntuj cov dej muaj dej ntws puv nkaus kwj.
    Koj npaj kom muaj noob qoob noob loo tib si.

    Txais: (2a) Tswv Ntuj, tsim nyog peb cav txog koj nyob saum Xis Yoos.

    Koj npaj txhua yam rau daim av zoo li no:
    Koj ua kom muaj dej puv tej kwj liag,
    kom qhov ua pob a tawg mos tas;
    koj tso nag los ywg kom av phom,
    koj foom kom cog qoob ntsu.

    Txais: (2a) Tswv Ntuj, tsim nyog peb cav txog koj nyob saum Xis Yoos.

    Koj pub txhua yam zoo thaum lub xyoo tas,
    koj tej lw ntsu qoob loo ntws lug.
    Tej tshav zaub hauv teb chaws suab puam muaj dej ntws lug,
    Tej pov roob hnav zam muaj kev zoo siab puv npo.

    Txais: (2a) Tswv Ntuj, tsim nyog peb cav txog koj nyob saum Xis Yoos.

    As Les Lus Yas:       ZAM  13:   34

    Txais: As les lus yas, as les lus yas.

    Kuv muab ib lo lus qhia tshiab rau nej:
    Nej yuav ib leeg hlub ib leeg ib yam li kuv hlub nej.

    Txais: As les lus yas, as les lus yas.

    Ntawv Moo Zoo:       MT  5: 20-26

    Yes Xus hais rau nws cov thwj tim tias:
    20 "Kuv hais rau nej tias yog nej tsis coj ncaj dua cov Kws Ntawv Ntshiab thiab cov Fas Lis Xais,

    mas nej yuav mus tsis tau hauv lub Ceeb Tsheej saum ntuj.
    21 Nej tau hnov cov lus qhia rau tej laus thaud tias: ‘Koj tsis txhob tua neeg,
    tus twg tua neeg, nws yuav mus raug txim nyob tom tsev hais plaub.’
    22 Hos kuv hais rau nej tias leej twg npau taws rau nws tus kwv tij,
    mas nws yuav mus raug txim nyob tom tsev hais plaub.
    Yog leej twg hais rau nws tus kwv tij tias ‘Niag ruam!’ mas nws yuav mus raug txim
    nyob ntawm lub rooj txwj laus Xas Nes Nrees. Yog nws hais rau nws tus kwv tij tias:
    "Niag neeg vwm", mas nws yuav mus raug txim nyob hauv dab phem cov hluav taws.
    23 Vim li no, thaum koj tuaj cev ib co txim rau saum lub thaj txi Ntuj,
    yog koj nco dheev tias koj tus kwv tij tau muaj lus tsis zoo rau koj lawm,
    24 mas koj cia li tso koj cov txim rau ntawm lub thaj txi Ntuj,
    koj mus nrog koj tus kwv tij hais kom haum tso, koj mam rov tuaj cev koj cov txim.
    25 Koj yuav kav tsij hais kom haum nrog koj tus yeeb ncuab sai sai thaum koj tseem
    nrog nws taug kev mus tom tsev txiav txim, tsam nws coj koj mus kom rau tus nom txiav txim,
    ces nom txiav txim muab koj cob rau tub ceev xwm, ces koj yuav raug coj mus kaw hauv tsev loj faj.
    26 Kuv hais tseeb rau koj tias, koj yuav tsis dim tawm los
    mus txog thaum koj rho nyiaj qab nas mus them kom txog npib kawg tso.”  
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 9th June 2022, 1:49 am

    Tim     10     lub     6     Hli     2022
     
    Hnub Rau Lis Piam Kaum Nruab Xyoo ABC Nruab Lis Piam Xyoo II
    Lectionary: 363
     
    Zaj Nyeem Ib:   1 VAJ 19: 9a, 11-16

    Thaum Es Lias mus txog ntawm Tswv Ntuj lub roob Hos Les,
    9 nws chaws mus nkaum nyob hauv ib lub qhov tsua,
    11 Ces Huab Tais lub suab nrov tuaj rau nws tias: "Koj tawm mus, koj mus sawv saum lub roob

     nyob ntawm HUAB TAIS xub ntiag; koj yuav pom HUAB TAIS tuaj hla nyob ntawd.”
    Txawm muaj ib nthwv cua hlob tas nrho tuaj ntsawj cov roob ntais rhe thiab nplawm cov pob tsuas tawg tas nyob ntawm HUAB TAIS xub ntiag, tab sis HUAB TAIS tsis nyob hauv nthwv cua ntawd.
    Dhau nthwv cua lawm, txawm muaj av qeeg, tab sis HUAB TAIS tsis nyob hauv qhov av qeeg ntawd li.
    12 Thaum av qeeg tas lawm, muaj ib co hluav taws tawm tuaj, tab sis HUAB TAIS kuj tsis nyob hauv cov
    hluav taws ntawd thiab. Thaum cov hluav taws dhau tas lawm, hnov ib lub suab nrov twj ywm yau yau.
    13 Es Lias hnov lub suab ntawd, nws muab nws lub tsho tshaj sab los npog ntsej muag, ces nws tawm los nyob ntawm lub rooj qho qhov tsuas. Muaj ib lub suab hu nws tias: "Es Lias, koj ua dab tsi ntawm no?"
    14 Es Lias teb tias: "Kuv kub siab lug, kuv mob siab txog HUAB TAIS, tus Tswv Ntuj kav tsoom Tshiab,
    vim tsoom tub ki His Xas Lais tau tso koj txoj kev cog lus pov tseg, lawv tau rhuav koj cov thaj txi Ntuj thiab lawv rho ntaj tua koj cov Yaj Saub tuag tas; tshuav kuv ib leeg xwb, lawv tseem nrhiav txo kuv txoj sia thiab."
    15 HUAB TAIS hais rau nws tias: "Koj rov mus, koj taug txoj kev rov mus lawm tom
    lub hav suab puam Das Mas; koj mus txog, koj yuav mus pleev roj tsa Has Xas Es ua vaj kav As Las Mes teb.
    16 Ces koj yuav pleev roj tsa Yes Hus uas yog Nis Sis tub ua vaj kav His Xas Lais,
    thiab koj yuav pleev Es Lis Xais, uas yog Sas Fas, nyob As Npes Me Hom Las, tub ua Yaj Saub hloov koj."

    NPN   27: 7-8a, 8b-9abc, 13-14

    Txais: (8b) Huab Tais, kuv ntshaw rwg xav pom koj lub ntsej muag.

    HUAB TAIS, thov koj mloog kuv lub suab hu koj,
    Thov koj khuv leej kuv thiab teb kuv mas!
    Kuv lub siab hais txog koj, kuv qhov muag nrhiav koj nraim.

    Txais: (8b) Huab Tais, kuv ntshaw rwg xav pom koj lub ntsej muag.

    HUAB TAIS, kuv nrhiav kom tau pom koj.
    Thov txhob muab koj lub ntsej muag zais ntawm kuv,
    txhob npau taws txhob ntiab koj tus tub txib mus.
    Koj yog tus pab kuv: txhob ntiab kuv khiav ntawm koj mus.

    Txais: (8b) Huab Tais, kuv ntshaw rwg xav pom koj lub ntsej muag.

    Kuv ntseeg tias kuv yuav tau pom HUAB TAIS lub siab zoo
    nyob hauv tsoom neeg ciaj lub teb chaws.
    Koj tos ntsoov HUAB TAIS, ua siab loj loj;
    ua siab tawv qhawv, tos ntsoov HUAB TAIS!

    Txais: (8b) Huab Tais, kuv ntshaw rwg xav pom koj lub ntsej muag.

    As Les Lus Yas:   FLP 2: 15d, 16a

    Txais: As les lus yas, as les lus yas.

    Nej yuav tsum ci li tej lub teeb ci pom kev kaj lub ntiaj teb,
    Vim nej tuav rawv Lo Lus pub txoj sia tsis pub plam.

    Txais: As les lus yas, as les lus yas.

    Ntawv Moo Zoo:   MT 5: 27-32

    Yes Xus hais rau nws cov thwj tim tias:
    27 “Nej tau hnov lo lus qhia tias: ‘Koj yuav tsis txhob deev luag txij luag nkawm.’

    28 Hos kuv, mas kuv hais rau nej tias: Leej twg ntsia ib tug poj niam vim ntshaw zes nws,
    tus ntawd twb deev tus poj niam ntawd hauv nruab siab lawm.
    29 Yog koj sab qhov muag xis coj koj mus ua txhaum, mas kav tsij muab
    sab qhov muag ntawd kaus pov tseg deb koj, txhiaj khoov cia ib sab qhov muag puas
    zoo dua tas koj lub cev raug muab pov rau hauv dab phem teb.
    30 Yog koj sab tes xis coj koj mus ua txhaum, kav tsij muab txiav pov tseg deb koj,
    txhiaj khoov cia tu ib sab tes zoo dua tas koj lub cev poob rau hauv dab phem teb.
    31 Kuj tseem muaj lo lus qhia tias:

    ‘Leej twg nrauj nws poj niam, yuav tsum muab ib daim ntawv nrauj rau tus poj niam.’
    32 Tab sis, kuv hais rau nej tias: Tus txiv neej twg nrauj nws poj niam,
    qhov no tsis hais txog txoj kev sib yuav tsis raws cai, tus ntawd tso nws poj niam mus deev hluas.
    Hos leej twg yuav ib tug poj nrauj, mas tus ntawd yog ib tug deev luag txij luag nkawm.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 10th June 2022, 3:42 am

    Cov zaj nyeem hnub no muaj ob yam: mus xaiv A los B nram no:

    A

    Tim     11     lub     6     Hli     2022
     
    Hnub Xya Lis Piam Kaum Nruab Xyoo ABC Nruab Lis Piam Xyoo II
     
    Yuav Hwm LN Npas Nas Npes, ua Hauv Paus Xa Lus
    Lectionary: 580/364
     
    Zaj Nyeem Ib:   HL 11:21b-26;13:1-3
     
    11: 21b Lub caij ntawd, muaj cov neeg txais kev ntseeg thiab tig los cuag Huab Tais coob kawg.
    22 Lub moo ntawd nrov txog lub Koom Txoos nyob Yes Lus Xas Les pob ntseg,
    lawv thiaj xa Npas Nas Npes mus nyob As Caus Kus.
    23 Thaum Npas Nas Npes tuaj txog, nws pom Tswv Ntuj lub txiaj ntsim, mas nws zoo siab hlo,
    nws pab lawv ua siab loj siab tawv kom lawv nyob ruaj nreb hauv txoj kev ntseeg txog Huab Tais.
    24 Npas Nas Npes yog ib tug neeg zoo, muaj Leej Ntuj Plig Ntshiab thiab muaj kev ntseeg
    nyob puv hauv nws, ces ib pab neeg coob kawg los ntseeg txog Huab Tais ntxiv.
    25 Npas Nas Npes thiaj mus nrhiav Xauv nyob Tas Xis.
    26 Thaum nws nrhiav tau Xauv lawm, mas nws coj Xauv los nyob As Caus Kus.
    Nkawd nrog lub Koom Txoos sib fim tau ib xyoos nkaus, thiab nkawd qhuab qhia ib pab neeg
    coob kawg. Yog nyob As Caus Kus mas luag thiaj pib hu cov thwj tim ua cov ntseeg Leej Pleev.
    13: 1 Lub Koom Txoos nyob As Caus Kus muaj ib co yaj saub thiab ib co xib hwb:
    muaj Npas Nas Npes, Xis Mes Oos uas luag hu nws ua Nis Zes, Lus Xyus tus nyob Xis Les Nas teb tuaj,
    Mas Nas Ees uas thaum yau nws nrog tus vaj Hes Los ua phooj ywg, thiab Xauv.
    2 Thaum lub caij lawv tab tom ua cov kab ke teev ntuj thiab yoo mov, mas Leej Ntuj Plig Ntshiab hais rau lawv tias:
    "Nej qee Npas Nas Npes thiab Xauv nkawd rau ib qho, kom nkawd mus ua txoj hauj lwm kuv tau hu nkawd mus ua."
    3 Ces thaum lawv yoo mov thiab teev Ntuj tas, lawv tsa tes rau saum nkawd thiab xa nkawd sawv kev mus.
     
    NPN   98:1,2-3ab,3cd-4,5-6
     
    Txais:  (2b )Huab Tais tau muab nws lub hwj huam cawm neeg rau cov haiv neeg pom.
     
    Nej hu ib zag nkauj tshiab rau HUAB TAIS,
    vim nws tau ua dej num muaj tsim nto moo.
    Nws sab tes xis tau ua kom nws yeej,

    nws sab npab ntshiab tau ua li ntawd.

    Txais:
    (2b )Huab Tais tau muab nws lub hwj huam cawm neeg rau cov haiv neeg pom.

    HUAB TAIS ua kom sawv daws paub nws txoj kev cawm;
    nws muab nws txoj kev ncaj rau cov kuj cuab pom.
    Nws rov nco txog nws txoj kev hlub thiab kev pheej xeeb
    uas nws muab rau His Xas Lais lub cuab lub yig.

    Txais:
    (2b )Huab Tais tau muab nws lub hwj huam cawm neeg rau cov haiv neeg pom.

    Tas npoo ntuj npoo ntiaj teb tau pom
    peb tus Tswv Ntuj txoj kev cawm lawm.
    Tas ntiaj teb tej av, nej yuav zoo siab cav txog HUAB TAIS,
    nej qhib suab hu nkauj, nej hu nkauj qhuas nws mog.

    Txais:
    (2b )Huab Tais tau muab nws lub hwj huam cawm neeg rau cov haiv neeg pom.

    Nej ntaus nkauj nog ncas cav txog HUAB TAIS,
    Nej ntaus nkauj nog ncas ntxuag suab seev zoo mloog.
    Nej tshuab xyu tshuab hom ntxuag suab kub nyuj,
    nej hu nkauj dhia zoo siab cav txog tus Vaj, peb tus HUAB TAIS.

    Txais:
    (2b )Huab Tais tau muab nws lub hwj huam cawm neeg rau cov haiv neeg pom.
     
    As Les Lus Yas:   NPN 119: 36a, 29b

    Txais: As les lus yas, as les lus yas.

    Tswv Ntuj, thov koj rub kuv lub siab kom xib rau koj cov cai lij choj,
    koj muab koj Txoj Cai ua txiaj ntsim pub rau kuv.

    Txais: As les lus yas, as les lus yas.

    Ntawv Moo Zoo:   MT 5: 33-37

    Yes Xus hais rau nws cov thwj tim tias:
    33 “Nej tseem tau hnov cov lus qhia rau nej cov yawg koob thaud tias:

    ‘Koj tsis txhob twv ntuj raws kev dag, koj yuav ua raws li cov lus koj tau fiv rau Huab Tais.’
    34 Tab sis kuv hais rau nej, nej tsis txhob twv ntuj kiag li;
    txhob muab lub ntuj los ua tim khawv, vim lub ntuj yog Tswv Ntuj lub theej kiab;
    35 txhob muab lub ntiaj teb los ua tim khawv, vim lub ntiaj teb yog Tswv Ntuj lub rooj tiag taw;
    txhob muab Yes Lus Xas Les los ua tim khawv, vim yog tus Tuam Vaj lub Nroog.
    36 Txhob muab koj lub taub hau los ua tim khawv,
    vim koj ua tsis tau kom ib txog plaub hau dawb tuaj los dub tuaj.
    37 Nej yuav hais tias ‘Muaj,’ thaum muaj tiag, ‘Tsis muaj,’ thaum tsis muaj.
    Cov lus hais tshaj, yog tuaj ntawm tus Phem tuaj.”  
     

    B


    Tim     11     lub     6     Hli
     
    Yuav Hwm LN Npas Nas Npes, Hauv Paus Xa Lus
    Lect 580
     
    Zaj Nyeem Ib:   HL 11:21b-26;13:1-3
     
    11: 21b Lub caij ntawd, muaj cov neeg txais kev ntseeg thiab tig los cuag Huab Tais coob kawg.
    22 Lub moo ntawd nrov txog lub Koom Txoos nyob Yes Lus Xas Les pob ntseg,
    lawv thiaj xa Npas Nas Npes mus nyob As Caus Kus.
    23 Thaum Npas Nas Npes tuaj txog, nws pom Tswv Ntuj lub txiaj ntsim, mas nws zoo siab hlo,
    nws pab lawv ua siab loj siab tawv kom lawv nyob ruaj nreb hauv txoj kev ntseeg txog Huab Tais.
    24 Npas Nas Npes yog ib tug neeg zoo, muaj Leej Ntuj Plig Ntshiab thiab muaj kev ntseeg
    nyob puv hauv nws, ces ib pab neeg coob kawg los ntseeg txog Huab Tais ntxiv.
    25 Npas Nas Npes thiaj mus nrhiav Xauv nyob Tas Xis.
    26 Thaum nws nrhiav tau Xauv lawm, mas nws coj Xauv los nyob As Caus Kus.
    Nkawd nrog lub Koom Txoos sib fim tau ib xyoos nkaus, thiab nkawd qhuab qhia ib pab neeg
    coob kawg. Yog nyob As Caus Kus mas luag thiaj pib hu cov thwj tim ua cov ntseeg Leej Pleev.
    13: 1 Lub Koom Txoos nyob As Caus Kus muaj ib co yaj saub thiab ib co xib hwb:
    muaj Npas Nas Npes, Xis Mes Oos uas luag hu nws ua Nis Zes, Lus Xyus tus nyob Xis Les Nas teb tuaj,
    Mas Nas Ees uas thaum yau nws nrog tus vaj Hes Los ua phooj ywg, thiab Xauv.
    2 Thaum lub caij lawv tab tom ua cov kab ke teev ntuj thiab yoo mov, mas Leej Ntuj Plig Ntshiab hais rau lawv tias:
    "Nej qee Npas Nas Npes thiab Xauv nkawd rau ib qho, kom nkawd mus ua txoj hauj lwm kuv tau hu nkawd mus ua."
    3 Ces thaum lawv yoo mov thiab teev Ntuj tas, lawv tsa tes rau saum nkawd thiab xa nkawd sawv kev mus.
     
    NPN   98:1,2-3ab,3cd-4,5-6
     
    Txais:  (2b )Huab Tais tau muab nws lub hwj huam cawm neeg rau cov haiv neeg pom.
     
    Nej hu ib zag nkauj tshiab rau HUAB TAIS,
    vim nws tau ua dej num muaj tsim nto moo.
    Nws sab tes xis tau ua kom nws yeej,

    nws sab npab ntshiab tau ua li ntawd.

    Txais:
    (2b )Huab Tais tau muab nws lub hwj huam cawm neeg rau cov haiv neeg pom.

    HUAB TAIS ua kom sawv daws paub nws txoj kev cawm;
    nws muab nws txoj kev ncaj rau cov kuj cuab pom.
    Nws rov nco txog nws txoj kev hlub thiab kev pheej xeeb
    uas nws muab rau His Xas Lais lub cuab lub yig.

    Txais:
    (2b )Huab Tais tau muab nws lub hwj huam cawm neeg rau cov haiv neeg pom.

    Tas npoo ntuj npoo ntiaj teb tau pom
    peb tus Tswv Ntuj txoj kev cawm lawm.
    Tas ntiaj teb tej av, nej yuav zoo siab cav txog HUAB TAIS,
    nej qhib suab hu nkauj, nej hu nkauj qhuas nws mog.

    Txais:
    (2b )Huab Tais tau muab nws lub hwj huam cawm neeg rau cov haiv neeg pom.

    Nej ntaus nkauj nog ncas cav txog HUAB TAIS,
    Nej ntaus nkauj nog ncas ntxuag suab seev zoo mloog.
    Nej tshuab xyu tshuab hom ntxuag suab kub nyuj,
    nej hu nkauj dhia zoo siab cav txog tus Vaj, peb tus HUAB TAIS.

    Txais:
    (2b )Huab Tais tau muab nws lub hwj huam cawm neeg rau cov haiv neeg pom.
     
    As Les Lus Yas:   MT 28:19a,20b
     
    Txais: As les lus yas, as les lus yas.
     
    Huab Tais hais tias: Nej mus qhuab qhia rau tas txhua haiv neeg,
    kuv yuav nrog nej nyob nraim mus txog thaum ntiaj teb kawg.
     
    Txais: As les lus yas, as les lus yas.
     
    Ntawv Moo Zoo:   MT 10:7-13
     
    Yes Xus hais rau pab Kaum Ob tias:
    7 “Thaum nej mus kev, nej ceeb toom tias: ‘Lub Ceeb Tsheej saum ntuj tuaj txog ze lawm’.
    8 Nej kho cov mob kom zoo, nej tsa cov tuag kom ciaj rov los, nej kho cov mob ruas kom huv tuaj,
    nej ntiab dab kom tawm khiav; nej tau txais dawb, nej rov pub dawb xwb.
    9 Nej txhob muab kub, muab nyiaj, los muab txiaj toog qhwv rau hauv duav siv;
    10 txhob ris hnab taug kev, txhob nqa ob lub tsho, txhob nqa khau los nrig pas,
    vim tias tus tub zog tsim nyog txais nws pluas mov los noj.
    11 Nej mus hauv lub nroog los lub zos twg, nej nug kom tau ib tug neeg tsim nyog,
    nej nyob hauv nws tsev mus txog hnub nej rov qab.
    12 Thaum nej chaws mus hauv luag tsev, nej foom kev kaj lug rau lub tsev ntawd.
    13 Yog lub tsev ntawd tsim nyog txais, mas nej txoj kev kaj lug yuav nqes los nyob hauv lawv.
    Yog lub tsev ntawd tsis tsim nyog txais, ces nej txoj kev kaj lug yuav rov los rau nej.”
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 12th June 2022, 8:50 am

    Tim     13     lub     6     Hli     2022
     
    Hnub Ob Lis Piam Kaum Ib Nruab Xyoo ABC Nruab Lis Piam Xyoo II 
    Lectionary: 365
     
    Yuav Hwm LN Anthony nyob Padua

    Zaj Nyeem Ib:   1 VAJ 21: 1-16

    1 Nas Npos uas nyob Yis Les Es muaj ib lub vaj txiv cawv nyob ze
    As Has Npaws,
    tus vaj kav Xas Mas Lias teb, nws lub tsev vaj loog.
    2 Ces As Has Npaws hais rau Nas Npos tias: "Koj muab koj lub vaj txiv cawv rau kuv ua kuv lub vaj cog zaub, vim koj lub vaj nyob ze ze kuv tsev. Kuv mam li muab dua ib lub vaj txiv cawv zoo dua no rau koj;
    los yog koj pom zoo, kuv mam muab nyiaj kom txaus nws tus nqe rau koj."
    3 Tab sis Nas Npos hais rau As Has Npaws tias:
    "Thov kom HUAB TAIS tsis txhob cia kuv tso kuv cov yawg koob tej qub txeeg qub teg rau koj!"
    4 As Has Npaws rov los tsev, nws ua ntsej muag dub nciab npau taws vog, nws tsis zoo siab rau lo lus
    uas Nas Npos tus neeg Yis Les Es hais rau nws tias: “Kuv yuav tsis tso kuv cov yawg koob tej qub txeeg
    qub teg rau koj.” Nws mus pw saum txaj, fee ntsej muag rau tej zaub mov tsis kam noj li.
    5 Nws tus poj niam Zes Xas Npes los xyuas nws, hais rau nws tias:

    "Vim li cas koj thiaj chim siab ua luaj, koj thiaj tsis noj mov?"
    6 As Has Npaws teb tias: "Vim kuv hais rau Nas Npos tus neeg Yis Le Es tias: 'Muab koj lub vaj txiv cawv rau kuv, kuv mam muab nyiaj rau koj. Los yog koj nyiam, kuv mam muab dua lwm lub vaj txiv cawv los pauv.'
    Tab sis nws hais tias: 'Kuv tsis muab kuv lub vaj txiv cawv rau koj li.’"
    7 Ces Zes Xas Npes hais rau As Has Npaws tias: "Koj twb yog ib tug vaj kav His Xas Lais zoo kawg ne. Koj kav tsij sawv, kav tsij noj mov, kav tsij zoo siab! Kuv yuav muab kom tau Nas Npos tus neeg Yis Les Es lub vaj rau koj."
    8 Zes Xas Npes siv As Has Npaws lub npe los sau ib tsab ntawv. Nws ntaus tus vaj lub thwj rau saum

    tsab ntawv. Nws muab xa mus rau cov txwj laus thiab cov nom tswv
    uas nrog Nas Npos nyob hauv nws lub nroog.
    9 Nyob hauv tsab ntawv, Zes Xas Npes sau tias:
    "Nej tshaj ib lub caij yoo mov. Nej cia Nas Npos mus zaum ntawm tsoom sid hauv ntej.
    10 Nej coj ob tug neeg phem tuaj zaum ntawm Nas Npos xub ntiag. Ob tug ntawd yuav liam rau Nas Npos
    li no tias: 'Koj tau thuam Tswv Ntuj thiab thuam tus vaj!' Ces nej coj Nas Npos tawm mus nraum sab nroog nraud thiab nej xuas pob zeb txawb nws kom nws tuag."
    11 Cov neeg nyob hauv Nas Npos lub nroog, xws li cov txwj laus thiab cov nom tswv nyob hauv nws lub nroog sawv daws ua raws li Zes Xas Npes hais kom ua nyob hauv nws tsab ntawv nws sau tuaj rau lawv.

    12 Lawv tshaj ib lub caij yoo mov thiab lawv kom Nas Npos mus zaum ntawm tsoom pej xeem hauv ntej.
    13 Ces muaj ob tug neeg phem tuaj zaum ntawm Nas Npos xub ntiag thiab liam rau tsoom pej xeem hnov tias: “Nas Npos tau thuam Tswv Ntuj thiab thuam tus vaj.” Ces lawv coj Nas Npos tawm
    rau sab nroog nraud thiab lawv txawb pob zeb rau nws kom nws tuag.
    14 Lawv ua li ntawd tas ces lawv hais mus rau Zes Xas Npes tias: "Peb tau xuas pob zeb txawb rau Nas Npos tuag lawm."
    15 Thaum Zes Xas Npes hnov tias lawv twb xuas pob zeb txawb Nas Npos tuag lawm, nws hais rau

    As Has Npaws tias: "Koj sawv mas, koj mus muab Nas Npos tus neeg Yis Les Es lub vaj txiv cawv los ua koj tug. Nws tsis kam muab rau koj kom nws tau nyiaj. Zaum no nws tsis muaj sia nyob ntxiv, nws tuag lawm."
    16 Thaum As Has Npaws hnov dheev tias Nas Npos tuag lawm, ces nws sawv tsees, nws nqes mus nram Nas Npos tus neeg Yis Les Es lub vaj, nws muab lub vaj los ua nws tug.

    NPN 5:   2-3ab, 4b-6a, 6b-7

    Txais: (2b) Huab Tais, thov koj mloog kuv lub suab nroo mas.

    HUAB TAIS, thov koj tig ntsej los mloog kuv tej lus,
    Thov koj quav ntsej txog kuv thaum kuv xyu tej zaj.
    Koj ua tib zoo mloog kuv thaum kuv hu kom koj tuaj pab,
    koj kuv tus vaj, kuv tus Tswv Ntuj!

    Txais: (2b) Huab Tais, thov koj mloog kuv lub suab nroo mas.

    Sawv ntxov tsees, kuv tuaj thov koj, kuv tos ntsoov pab.
    Tswv Ntuj, koj tsis zoo siab pom txoj kev phem.
    Tus neeg phem yuav nyob tsis taus nrog koj.
    Tus neeg saib tsis taus luag yuav sawv tsis taus rau koj pom.

    Txais: (2b) Huab Tais, thov koj mloog kuv lub suab nroo mas.

    Koj ntxub tas tsoom neeg nrhiav kev ua phem.
    Koj txo kom cov neeg hais lus cuav ploj mus tag.
    Cov neeg txo luag roj ntsha thiab cov neeg dag,
    HUAB TAIS ntxub lawv tas siab nrho.

    Txais: (2b) Huab Tais, thov koj mloog kuv lub suab nroo mas.

    As Les Lus Yas:   NPN 119: 105

    Txais: As les lus yas, as les lus yas.

    Koj lo lus yog lub teeb tsom kuv ko taw mus kev,
    yog qhov pom kev kaj kuv txoj xub ke.

    Txais: As les lus yas, as les lus yas.

    Ntawv Moo Zoo:   MT 5: 38-42

    Yes Xus hais rau nws cov thwj tim tias:
    38 “Nej tau hnov tej lus qhia tias: ‘Qhov muag pauj qhov muag, kaus hniav pauj kaus hniav.’
    39 Hos kuv hais rau nej tias: nej tsis txhob nrog tus neeg phem sib cav.

    Yog leej twg ib ncuav pias rau koj sab plhu xis, mas koj yuav tig koj sab plhu laug rau nws thiab.
    40 Yog leej twg xav ua plaub rau koj kom tau koj lub tsho hnav,

    mas koj muab koj lub tsho tshaj sab ntxiv rau nws thiab.
    41 Yog leej twg thov koj xa nws mus ib ncuas kev , mas koj nrog nws mus ob ncuas kev.
    42 Yog leej twg thov koj ib yam, mas koj muab pub rau nws.

    Yog leej twg xav qiv koj ib yam, mas koj txhob tig nraub qaum rau nws.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 13th June 2022, 12:42 am

    Tim     14     lub     6     Hli     2022
     
    Hnub Peb Lis Piam Kaum Ib Nruab Xyoo ABC Nruab Lis Piam Xyoo II
    Lectionary: 366
     
    Zaj Nyeem Ib:   1 VAJ 21: 17-29
     
    Thaum Nas Npos tuag tas lawm,
    17 HUAB TAIS hais rau Es Lias uas nyob Tis Sis Npis tias :
    18 "Koj cia li sawv kev nqes mus ntsib As Has Npaws, tus vaj His Xas Lais uas nyob Xas Mas Lias teb. Koj yuav pom nws nyob hauv Nas Npos lub vaj txiv cawv; nws mus rau nrad lawm, mus muab lub vaj los ua nws tug.
    19 Koj yuav mus hais rau nws tias: ‘HUAB TAIS hais li no: Koj tua tus neeg tuag thiab koj tseem txeeb nws tug yuav thiab lod? Vim li ntawd, Huab Tais hais tias: nyob ntawm qhov chaw uas cov dev tau yaim Nas Npos cov ntshav, mas dev kuj yuav yaim koj cov ntshav thiab.’”
    20 As Has Npaws hais rau Es Lias tias: "Kuv tus yeeb ncuab aw, koj ntes tau kuv lawm lod?" Es Lias teb tias: "Kuv ntes tau koj lawm tiag, vim koj tig koj lub siab mus ua qhov phem nyob ntawm HUAB TAIS qhov muag.
    21 Kuv yuav tso kev phem tuaj raug koj; kuv yuav rhuav koj yuav txo txhua tus tub nyob hauv As Has Npaws caj ces, tsis hais tus tub qhev los tus twj lij, tsis pub seem ib tug noob cia nyob hauv His Xas Lais li.
    22 Kuv yuav ua rau koj tsev neeg ib yam li kuv tau ua rau Yes Los Npuag uas yog Nes Npas tub,
    thiab Npas Sas uas yog As His Yas tub nkawd ob tsev neeg,
    vim koj tau ua kom kuv npau taws thiab koj tau coj His Xas Lais mus ua txhaum."
    23 HUAB TAIS kuj foom ib lo lus phem rau Zes Xas Npes tias:
    “Dev yuav sib huas dua Zes Xas Npes nyob ntawm lub ntsa loog thaiv Yis Les Es.  
    24 Nyob hauv As Has Npaws caj ces, tus twg tuag hauv nroog mas dev yuav noj nws,
    tus twg tuag tom tej nras teb mas cov dav yuav noj nws.”
    25 Vim tsis tau muaj dua ib tug neeg ua phem npaum li As Has Npaws tau ua nyob ntawm
    HUAB TAIS xub ntiag li, uas yog nws tus poj niam Zes Xas Npes tau cob kom nws ua.
    26 Nws tau ua phem kawg nkaus vim nws mus teev dab zoo nkaus li cov As Mos Lis thaud teev,
    uas HUAB TAIS tau ntaus lawv tawg tas kom lawv swb rau cov His Xas Lais.
    27 Thaum As Has Npaws hnov cov lus ntawd, As Has Npaws dua rhe nws cev ris tsho,
    nws mus hnav ntaub tsaj ntxhib ntxhib npuab nws cev nqaij; nws yoo mov thiab
    nws pw hnav cov ntaub tsaj ntxhib ntxhib ntawd; nws maj mam mus kev xwb.  
    28 Ces HUAB TAIS hais rau Es Lias tus neeg nyob Tis Sis Npis tias:
    29 "Koj puas pom tias As Has Npaws yeem ua tus neeg me nyob ntawm kuv xub ntiag lawd?
    Vim nws yeem ua tus me li ntawd nyob ntawm kuv xub ntiag mas kuv yuav tsis tso kev phem los raug nws thaum nws tseem ua neej nyob; tiam sis thaum lub caij nws tus tub sawv los ua vaj
    mas kuv yuav tso kev phem los raug nws tsev neeg."
     
    NPN   51: 3-4, 5-6ab, 11+16
     
    Txais: (3a) Huab Tais, thov koj khuv leej peb vim peb tau ua txhaum lawm.
     
    Tswv Ntuj, thov koj khuv leej kuv, vim koj lub siab zoo;
    vim koj muaj kev hlub loj tas nrho, thov koj so kuv qhov txhaum pov tseg.
    Thov koj ntxuav kuv lub txim pov tseg kom tas
    thiab koj muab kuv qhov txhaum tshem mus kom kuv dawb huv tuaj.
     
    Txais: (3a) Huab Tais, thov koj khuv leej peb vim peb tau ua txhaum lawm.
     
    Kuv lees paub kuv qhov txhaum,
    kuv qhov txhaum nyob rawv ntawm kuv xub ntiag tas mus li.
    “Kuv tau ua txhaum rau koj ib leeg xwb,
    kuv tau ua qhov uas koj saib yog phem.”
     
    Txais: (3a) Huab Tais, thov koj khuv leej peb vim peb tau ua txhaum lawm.
     
    Thov koj fee ntsej muag mus deb ntawm kuv cov txhaum,
    koj so kuv cov txhaum pov tseg kom tas huv tib si.
    Thov koj npo kuv ntawm lub txim tua neeg,
    Tswv Ntuj, kuv tus Tswv Ntuj tus cawm neeg.
    Ces kuv lub ncauj yuav zoo siab cav txog koj txoj kev ncaj.
     
    Txais: (3a) Huab Tais, thov koj khuv leej peb vim peb tau ua txhaum lawm.
     
    As Les Lus Yas:   ZAM 13: 34
     
    Txais: As les lus yas, as les lus yas.  
     
    "Kuv muab ib lo lus qhia tshiab rau nej :
    nej yuav sib nyiam sib hlub ib yam li kuv tau hlub nej.”
     
    Txais: As les lus yas, as les lus yas.
     
    Ntawv Moo Zoo:   MT 5: 43-48
     
    Yes Xus hais rau nws cov thwj tim tias:
    43 "Nej tau hnov tej lus hais tias: ‘Koj yuav nyiam tus nyob ze koj, koj yuav ntxub koj tus yeeb ncuab.’
    44 Tab sis, kuv hais rau nej tias: nej yuav nyiam nej cov yeeb ncuab, nej yuav thov Ntuj rau cov tsim txom nej,
    45 nej thiaj yuav yog nej Txiv nyob saum ntuj cov tub; vim nws ua kom nws lub hnub tawm tuaj ziab cov
    neeg phem thiab cov neeg zoo, thiab nws ua kom nag los rau cov siab ncaj thiab cov siab nkhaus huv tib si.
    46 Vim tias, yog nej nyiam cov neeg nyiam nej xwb, mas nej yuav tau koob haum dab tsi?
    Tab yog cov neeg sau se, lawv kuj txawj ua li ntawd thiab los tsis yog?
    47 Yog nej tshwj zias nej cov lus zoo rau nej cov kwv tij xwb, mas nej tau ua dab tsi zoo tshaj luag?
    Tab yog cov neeg teev pej kum dab, los lawv kuj txawj ua li ntawd thiab los tsis yog?
    48 Ntawm nej, mas nej yuav ua neeg zoo txhij zoo txhua,
    ib yam li nej Txiv nyob saum ntuj nws zoo txhij zoo txhua.”   
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 14th June 2022, 1:12 am

    Tim     15     lub     6     Hli     2022
     
    Hnub Plaub Lis Piam Kaum Ib Nruab Xyoo ABC Nruab Lis Piam Xyoo II
    Lectionary: 367
     
    Zaj Nyeem Ib:   2 VAJ 2: 1, 6-14

    1 Thaum HUAB TAIS coj Es Lias mus saum ntuj nyob hauv ib lub khaub zeeg cua

    mas yog thaum Es Lias thiab Es Lis Xais nkawd tab tom taug kev ntawm Zis Nkas mus.
    6 Es Lias hais rau Es Lis Xais tias: "Kuv thov kom koj nyob ntawm no; hos HUAB TAIS hais kom

    kuv mus lawm tom tus dej Yos Las Das." Tab sis Es Lis Xais teb tias: "Ib yam li Huab Tais muaj txoj sia
    thiab koj kuj muaj txoj sia, kuv yuav tsis tso koj tseg li." Ces nkawd ob leeg mus ntxiv.
    7 Muaj tsib caug leej hauv tsoom tub yaj saub caum nkawd qab mus, lawv mus nres
    nyob ib qho nrug deb me ntsis, hos nkawd mus sawv ntawm tus ntug dej Yos Las Das.
    8 Es Lias hle hlo nws lub tsho tshaj sab, nws muab kauv zoj ua ib tug ces nws muab nplawm cov dej;
    cov dej cia li faib hlo ua ob sab, ces nkawd hla dej taug kev qhuav qhawv xwb.
    9 Thaum nkawd hla dhau lawm, Es Lias hais rau Es Lis Xais tias: "Koj thov saib kuv ua tau dab tsi rau koj,

    cheem luag tseem tsis tau tshem kuv ntawm koj mus." Es Lis Xais teb tias:
    "Kuv thov kom kuv tau txais ob npaug ntawm koj lub tswv yim los ua kuv tug."
    10 Es Lias hais tias: "Koj thov ib yam nyuaj kawg! Tiam sis yog koj pom thaum luag coj kuv mus
    mas koj yuav tau raws li koj thov; yog koj tsis pom mas koj yuav tsis tau."
    11 Ces nkawd mus ntxiv, nkawd ke tham ke taug kev. Cia li muaj ib lub tsheb hluav taws

    thiab ib co nees hluav taws tuaj kem kiag nkawd ib leeg nyob ib qho.
    Ces Es Lias cia li nce mus saum ntuj nrog ib lub khaub zeeg cua lawm.
    12 Es Lis Xais pom Es Lias mus, nws qw tias: "Kuv Txiv! Kuv Txiv! His Xas Lais lub tsheb
    thiab nws cov nees xob nees cua!" Ces Es Lis Xais tsis pom ntxiv lawm.
    Nws tuav nkaus nws lub tsho muab dua rhe ua ob daig.
    13 Nws khaws nkaus Es Lias lub tsho tshaj sab uas poob saum Es Lias los lawm.

    Ces nws rov qab los sawv ntawm tus ntug dej Yos Las Das.
    14 Nws muab Es Lias lub tsho uas poob saum nws los lawm los nplawm cov dej,
    nws hais tias: "HUAB TAIS Es Lias tus Tswv Ntuj nyob qhov twg?" Thaum nws nplawm cov dej,
    dej cia li faib kiag ua ob sab dua, ces Es Lis Xais hla dej los lawm.

    NPN   31: 20, 21, 24

    Txais: (25) Tas ib tsoom neeg uas tso siab rau HUAB TAIS, nej cia li ua siab loj!

    HUAB TAIS, koj muaj lub siab zoo ua luaj
    koj tshwj zias ua zoo rau cov neeg hwm koj,
    Koj pab cov uas tuaj khaub zig koj,
    Koj tab meeg pab lawv rau tib neeg pom.

    Txais: (25) Tas ib tsoom neeg uas tso siab rau HUAB TAIS, nej cia li ua siab loj!

    Koj coj lawv mus nkaum nyob ntawm koj xub ntiag
    kom deb ntawm neeg tej kev ua siab phem.
    Koj txuag lawv nyob hauv koj lub tsev,
    deb ntawm tus nplaig nkhaus tsawm neeg.

    Txais: (25) Tas ib tsoom neeg uas tso siab rau HUAB TAIS, nej cia li ua siab loj!

    Tas nej cov neeg hwm HUAB TAIS, nej nyiam nws mog!
    HUAB TAIS txuag cov ntseeg nws ruaj nreb,
    hos nws nplua ti txha nkaus tus neeg muab hlob.

    Txais: (25) Tas ib tsoom neeg uas tso siab rau HUAB TAIS, nej cia li ua siab loj!

    As Les Lus Yas:   ZAM 14: 23

    Txais: As les lus yas, as les lus yas.

    Yog leej twg nyiam kuv, nws yuav coj rawv kuv lo lus,
    ces kuv Txiv yuav nyiam nws,
    kuv Txiv wb yuav los nyob hauv nws.

    Txais: As les lus yas, as les lus yas.

    Ntawv Moo Zoo:   MT 6: 1-6, 16-18

    Yes Xus hais rau nws cov thwj tim tias:
    1 “Nej ceev faj, nej tsis txhob ua ncaj nyob ntawm neeg xub ntiag, kom luag pom nej xwb.

    Yog nej ua li ntawd, mas nej yuav tsis tau txais koob haum ntawm nej Txiv nyob saum ntuj.
    2 Thaum koj pub rau luag, koj txhob tshuab hom ua koj ntej, xws li cov neeg zoo sab nraud ua
    nyob hauv cov tsev txoos thiab nyob ntawm tej kev, kom sawv daws cav lus zoo txog lawv.
    Kuv hais tseeb rau nej, lawv twb txais lawv cov koob haum tas lawm.
    3 Hos koj, mas thaum koj pub rau luag, koj txhob cia koj sab tes laug paub qhov uas sab tes xis ua.
    4 Li ntawd, tsis muaj neeg paub tias koj tau pub rau luag.
    Ces koj Txiv uas nws pom hauv qhov chaw nraim yuav pauj rau koj.
    5 Thaum nej teev Ntuj, nej txhob ua li cov neeg zoo sab nraud, vim lawv nyiam sawv ntsug

    hauv cov tsev txoos, thiab ntawm tej kev tshuam, kom sawv daws pom lawv.
    Kuv hais tseeb rau nej, lawv twb txais lawv cov koob haum lawm.
    6 Hos koj, mas thaum koj teev Ntuj, koj mus nyob twj ywm hauv koj kem txaj,
    kaw koj qhov rooj ces koj teev koj Txiv uas nws nyob hauv qhov chaw nraim.
    Koj Txiv uas nws pom hauv qhov chaw nraim, yuav pauj rau koj.
    16 Thaum nej yoo mov, nej txhob ua ntsej muag ntshaus xws li cov neeg zoo sab nraud;

    lawv ua ntsej muag mluas mlob, kom luag pom tias lawv yoo mov.
    Kuv hais tseeb rau nej tias cov neeg ntawd twb txais lawv cov koob haum tas lawm.
    17 Hos koj, mas thaum koj yoo mov,
    koj yuav pleev tshuaj tsw qab rau saum taub hau, koj yuav ntxuav muag,
    18 kom txhob muaj neeg paub tias koj yoo mov, tsuas kawg koj Txiv uas nws nyob hauv qhov chaw
    nraim tib leeg paub xwb. Koj Txiv uas pom hauv qhov chaw nraim yuav pauj rau koj.”    
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3451
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Mim 15th June 2022, 2:30 am

    Tim     16     lub     6     Hli     2022 
     
    Hnub Tsib Lis Piam Kaum Ib Nruab Xyoo ABC Nruab Lis Piam Xyoo II
    Lectionary: 368
     
    Zaj Nyeem Ib:    NPES XIS LAS 48: 1-14

    1 Tus yaj saub Es Lias sawv tsees zoo li ib lub cub tawg, nws lo lus cig kub npaum li ib teg tsau.
    2 Nws coj kev tshaib plab tuaj raug lawv, nws lub siab kub ua kom lawv tshuav tsawg leej xwb.
    3 Nws hais Huab Tais lo lus los muab cov txheej ntuj saud kaw nkaus rau.
    Nws kuj ua kom hluav taws nqes saum ntuj los peb zaug thiab.
    4 Es Lias, koj muaj peev xwm loj ua luaj, koj ua tej yam txaus qhuas kawg li!
    Leej twg thiaj muaj hwj chim loj ib yam li koj?
    5 Koj yog tus tau hais tus Nyob Siab lo lus los tsa ib tug neeg

    kom sawv hauv kev tuag hauv ntuj txiag teb tsaus rov los.
    6 Koj tau txo ib co vaj kom poob rau hauv kev puas tsuaj puas ntsoog,
    thiab ib co cov neeg muaj koob muaj npe kom poob saum lawv lub txaj mob los rau kev puas tsuaj.
    7 Nyob saum roob Xis Nais koj tau hnov ib co lus cem;
    nyob saum roob Hos Les, koj tau hnov ib co lus txiav txim txog kev yuav nplua txim.
    8 Koj tau pleev roj tsa tej tus vaj kom lawv nrhiav kev ua pauj,
    thiab pleev ib tug yaj saub kom los hloov koj.
    9 Ib lub khaub zeeg cua hluav taws nqa koj mus saum ntuj lawm,
    koj caij ib lub tsheb uas yog nees hluav taws luab.
    10 Muaj ntawv sau tseg tias, thaum txog lub teem yav tom ntej, koj raug ua tus yuav nplij kom Tswv Ntuj

    lub siab npau taws yaj thiab xam mus ua ntej nws yuav ua kub ua ntxhov, tus yuav rub kom phaj txiv
    lub siab tig rov los hlub phaj tub, thiab tus yuav rov tsa cov xeem Yas Kos kom sawv.
    11 Cov tau txoj hmoov zoo yog cov neeg uas tau pom koj thiab tuag nyob hauv koj txoj kev phooj ywg;
    vim tias peb kuj yuav tau txais txoj sia ua peb tug thiab.
    12 Thaum Es Lias mus nyob hauv lub khaub zeeg cua hluav taws lawm,
    mas Es Lis Xais tau nws lub tswv yim los nyob puv hauv nws. Nws ua hwj huam ob npaug tshaj

    nrog nws lo lus tawm ntawm nws lub ncauj los. Tas nws sim neej nws tsis ntshai tej nom tswv li,
    tsis muaj leej twg yuav muaj hwj huam npaum nws li.
    13 Tsis muaj ib yam yuav nyuaj dhau rau nws.

    Nws twb tuag lawm los nws lub cev tseem ua kom neeg ciaj tau.
    14 Thaum nws ua neej nyob nws ua hwj huam yees ntxwv txaus qhuas,
    thaum nws tuag tas, nws tseem tau ua tej yam loj kawg nkaus thiab.

    NPN   97: 1-2, 3-4, 5-6, 7

    Txais: (12a) Nej cov neeg ncaj, nej yuav zoo siab nyob hauv HUab Tais!

    HUAB TAIS ua vaj, kom lub ntiaj teb cia li zoo siab,
    kom cov pov txwv uas muaj ntau lub dhia daj dhia luag !
    Cov huab thiab qhov tsaus ntuj dub nciab nyob ncig nws ;
    kev ncaj thiab kev txiav txim yog lub taw ntsa txawb nws lub theej kiab.

    Txais: (12a) Nej cov neeg ncaj, nej yuav zoo siab nyob hauv HUab Tais!

    Hluav taws mus ua nws ntej,
    cig mus kub cov neeg ntxub nws uas nyob ncig nws.
    Nws cov kab xob laim ci tuaj kaj lub qab ntuj;
    ntiaj teb pom, ntiaj teb tshee na;

    Txais: (12a) Nej cov neeg ncaj, nej yuav zoo siab nyob hauv HUab Tais!

    Cov toj roob yaj xws ciab ntab nyob ntawm HUAB TAIS xub ntiag,
    ntawm tus HUAB TAIS kav tas ntiaj teb xub ntiag.
    Yim txheej cuaj txheej ntuj tshaj nws txoj kev ncaj,
    tas ib tsoom haiv neeg pom nws lub hwj chim.

    Txais: (12a) Nej cov neeg ncaj, nej yuav zoo siab nyob hauv HUab Tais!

    Tas tsoom neeg teev duab teev mlom tau txaj muag,
    vim lawv muaj koob meej nyob hauv tej yam tsis muaj nqes;
    tas ib tsoom dab tuaj txhos caug pe ntawm HUAB TAIS xub ntiag .

    Txais: (12a) Nej cov neeg ncaj, nej yuav zoo siab nyob hauv HUab Tais!

    As Les Lus Yas:   LOS MAS 8: 15bc

    Txais: As les lus yas, as les lus yas.

    Nej tau txais ib lub tswv yim ua tub ki tshiab,
    nws qhia kom peb hu tias: ‘As Npas ! Txiv !’

    Txais: As les lus yas, as les lus yas.

    Ntawv Moo Zoo:   MT 6: 7-15

    Yes Xuas hais rau nws cov thwj tim tias:
    7 “Thaum nej teev Ntuj, nej txhob ntuas mus ntuas los zoo li cov neeg teev dab,
    lawv xav tias dab yuav mloog lawv yog lawv hais lus ntau ntau.
    8 Nej tsis txhob ua zoo li lawv. Vim nej Txiv twb xub paub lawm tias

    qhov twg nej yuav tsum muaj ua ntej thaum nej thov.
    9 Nej yuav teev Ntuj zoo li no :
    ‘Peb Txiv nyob saum ntuj, ua kom koj lub Npe ntshiab nto moo lug.
    10 Koj lub Ceeb Tsheej kom los txog. Kom muaj raws li koj nyiam

    nyob ntiaj teb no li nyob saum ntuj.
    11 Thov koj pub mov txaus peb noj hnub no.
    12 Koj zam nuj nqes rau peb zoo li peb zam rau cov tshuav peb nuj nqes.
    13 Koj txhob tso peb raug kev ntxias. Koj npo peb dim ntawm kev phem.’
    14 Yog nej zam rau cov neeg ua txhaum rau nej,
    mas nej Txiv nyob saum ntuj kuj yuav zam txhaum rau nej thiab.
    15 Hos yog nej tsis zam txhaum rau luag, mas nej Txiv kuj yuav tsis zam rau nej thiab.”  

    Sponsored content


    COV ZAJ NYEEM NRUAB LIS PIAM XYOO II 2021-2022 - Page 7 Empty Re: COV ZAJ NYEEM NRUAB LIS PIAM XYOO II 2021-2022

    Post  Sponsored content


      Current date/time is 15th August 2022, 8:32 pm