Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Xov Tooj Cua Zoo Tswv Zov Yaj - Page 2 Empty

Suav neeg tuaj saib, txij hnub 17/09/2010 los mus.


    Xov Tooj Cua Zoo Tswv Zov Yaj

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5877
    Date d'inscription : 2009-08-18

    Xov Tooj Cua Zoo Tswv Zov Yaj - Page 2 Empty Re: Xov Tooj Cua Zoo Tswv Zov Yaj

    Post  Maiv Tooj on 6th November 2019, 9:08 pm

    POV MUS RAU QHOV TOB

    Thursday, November 07, 2019
    Ua ntej yuav teev Ntuj nyob hauv hnub chiv tim 27 lub 10 hli tas los no, Vaj Qhia tau tawm tswv yim nyob hauv tsab ntawv xaus rooj sab laj tsoom Leej Choj hauv thaj tsam Pan-Amazon.

    Zaj nyeem hauv phau ntawv Npes Xis Las, ua rau peb feeb txog rooj Leej choj txoj kab lw. Vaj Qhia hais tias cov neeg pluag li lus thov Ntuj tau mus txog saum cov huab, vim Tswv Ntuj hnov tus neeg pluag li lus thov.

    “Cov pluag lub suab quaj thiab ntiaj teb lub suab nyiav, yog tawm ntawm thaj tsam As Mes Xoos tuaj txog peb.” Vaj Qhia Fas Ntshis Kus hais li. “Peb yuav tsis txhob tswm hais tias peb tsis tau hnov dua, thiab peb yuav tsis nyob ntsiag to.”

    Vaj Qhia hais tias ziag no yog lub zim txwv peb yuav mloog thiab tsob hwb thaj tsam ntawd ua ke.

    Nyob hauv zaj nyeem ob, Leej Ntshiab Paj Lug hais txog nws txoj kev vam tias tsis yog rau nws tab sis yog rau lub Moo Zoo uas yuav tshaj rau txhua txhia haiv neeg.

    Nqe lus rooj Leej Choj nug tias yuav qhib txoj lw tshaj lub Moo Zoo tshiab tau li cas, mas Vaj Qhia teb tias peb txoj sia thiaj yuav tshaj tau lub Moo Zoo. Yog lub neej coj raws lub Moo Zoo. Peb yuav tsum rhais ruam mus kom deb ntawm peb xub ntiag.

    Vaj Qhia hais ntxiv tias “Tawm mus ntawm qhov chaw tiv thaiv peb tau, thiab mus rau lub hiav txwv uas Leej Ntuj Plig Ntshiab hu kom peb pov lub vas mus ntes ntses.”




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5877
    Date d'inscription : 2009-08-18

    Xov Tooj Cua Zoo Tswv Zov Yaj - Page 2 Empty Re: Xov Tooj Cua Zoo Tswv Zov Yaj

    Post  Maiv Tooj on 17th January 2020, 6:32 am

    LEEJ NTSHIAB AS NTHOS NYUS. (St. Anthony of Egypt)

    Tuesday, January 14, 2020
    Hnub tim 17 lub 1 hlis, lub Koom Txoos hwm Leej Ntshiab As Nthos Nyus.
    As Nthos Nyus yug los xyoo 250, nws tas sim neej xyoo 356. Nws ua neej 106 xyoo.
    As Nthos Nyus yog ib tug neeg Hais Nkws Tos, yug los nyob hauv lub nroog As Les Xas Nrias.
    Thaum As Nthos Nyus muaj 18 xyoo mus rau 20 xyoo, nws niam thiab nws txiv tas sim neej. As Nthos Nyus txais niam txiv lub cuab tam, nws ua ib tug tub hluas nplua nuj.
    Muaj ib hnub, nws nrog cov neeg ntseeg ua Thaj Txi Ntuj, As Nthos Nyus hnov tus Leej Choj nyeem Mas Tais Ntawv Moo Zoo hais Yes Xus cov lus no : “Yog koj xav kom koj tau zoo tshaj, mas koj rov mus muab txhua txhia yam uas yog koj tug muag, muab pub rau cov pluag, ces koj yuav muaj ib lub cuab tam muaj nqis loj nyob saum ntuj. Ua qhov ntawd tas, mas koj los raws kuv.”
    As Nthos Nyus hnov Yes Xus cov lus ntawd, nws muab nws lub cuab tam muag, nws faib cov nyiaj rau cov pluag. Ob peb hli tom qab, As Nthos Nyus nqa nws Phau Ntawv Ntshiab, nws mus rau Hais Nkws Tos qab teb, nrug deb ntawm As Les Xas Nrias 800 kis lus mes, nyob ze ib lub qhov dej, tsis deb ntawm lub nroog Thes Npaws.
    As Nthos Nyus nquag teev Ntuj thiab txais Tswv Ntuj Lo Lus. Nws ua neeg nyob twm zeej. Nws yoo tshaib ntau. Nws cog cov zaub uas nws noj.
    Dab phem Xas Tas ntxias As Nthos Nyus kom nws rov mus ua lub neej yooj yim lom zem nyob As Les Xas Nrias. Xas Tas yim ntxias As Nthos Nyus, mas As Nthos Nyus yim txav mus deb dua nyob hauv lub teb chaws suab puam.
    As Nthos Nyus nto moo nyob tas Hais Nkws Tos teb. Muaj tej tus txiv neej tuaj coj lub neej nyob twm zeej xws li nws.
    Xoo 328, As Thas Nas pib ua Tswv Qhia nyob As Les Xas Nrias. Thaum ntawd, As Nthos Nyus ua txiv twm zeej nyob twb cuab tau 58 xyoo lawm. Thaum ntawd kuj yog lub caij uas As Lis Yus qhia nws zaj tias Yes Xus tsuas yog ib tug neeg siab ntshiab, Yes Xus tsis yog Tswv ntuj Leej Tub.
    As Nthos Nyus rov tuaj nyob As Les Xas Nrias hli puav pab tsoom ntseeg tiv As Lis Yus. Tus Tswv Qhia As Thas Nas nrog As Nthos Nyus ua phooj ywg.
    As Thas Nas mus ib zaug nrog As Nthos Nyus nyob hli puav hauv teb chaws suab puam, vim nws xav vam txog cov txiv nyob twm zeej tej koob hmoov.
    As Nthos Nyus tuag xyoo 356. As Thas Nas ua neej mus txog xyoo 373. Nws xub sau ib phau ntawv nthuav As Nthos Nyus lub neej kom meej pem. As Thas Nas phau ntawv nthuav As Nthos Nyus lub neej nto moo loj nyob hauv Yes Xus cov Koom Txoos nyob tas ntiaj teb los txog zim txwv peb nyob no.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5877
    Date d'inscription : 2009-08-18

    Xov Tooj Cua Zoo Tswv Zov Yaj - Page 2 Empty Re: Xov Tooj Cua Zoo Tswv Zov Yaj

    Post  Maiv Tooj on 31st January 2020, 8:08 am


    LEEJ NTSHIAB ZAM NPOS KOS (St. John Bosco)

    Wednesday, January 29, 2020

    Tim 31 lub 1 hlis, hwm Leej Ntshiab Zam Npos Kos (Saint John Bosco). Txij xyoo 1815 mus txog xyoo 1888. Zam Npos Kos yug los nyob hauv lub nroog Npes Kis nyob Is Tas Lias qaum teb. Nws tsev neeg yog ib yim neeg pluag txom nyem. Nws niam yog ib tug neeg ntseeg Ntuj zoo heev, ces nws niam niaj hnub qhia kom lawv nquag teev Ntuj. Vim li ntawd, Zam Npos Kos yoog raws nws niam. Thaum nws tseem yau, nws xyaum ua yees siv ces nws txawj ua yees siv kawg. Nws nquag ua yees siv rau ib tsoom me nyuam yaus saib, ces thaum lawv tuaj saib, mas nws qhia kev ntseeg raws li nws hnov nyob hauv tsev teev Ntuj rau lawv. Nws yog ib tug neeg nquag thiab tsis xaiv hauj lwm. Nws ua luag zog thiab ua tas txhua yam hauj lwm uas luag kom nws ua, nws thiaj tau nyiaj los kawm txuj. Tom qab no nws tau txais lub Cim Tiag Tes ua Leej Choj, nws muab tas nws lub neej coj los cev rau Ntuj thiab muab siab rau tshaj Ntuj Lus. Nws khuv leej cov neeg pluag txom nyem, thiab nws hlub cov me nyuam uas raug niam txiv tso tseg. Nws qhia kev ntseeg rau cov me nyuam thiab qhia kom lawv txawj nrhiav hauj lwm ua. Txiv Plig Zam Npos Kos ntseeg tias : kev teev Ntuj thiab cov Cim Ntshiab yog ib yam pab qhia kom cov me nyuam yaus txawj ua neeg zoo. Txiv Plig Zam Npos Kos coj rawv lo lus no : “Tiv thaiv ua ntej, zoo dua daws tom qab.” Leej Ntshiab Zam Npos Kos yog tus tsim lub Koom Haum Xas Les Xias (Salesian Corps), kom tau pab cov tub ntxhais hluas uas pluag txom nyem. Nws thiaj nto npe tias : “Cov neeg pluag Leej Txiv.” Tsis tas li ntawd, Leej Ntshiab Zam Npos Kos tseem nrog Leej Ntshiab Mab Liab Mas Sas tsim lub Koom Haum Nkauj Ntshiab Mab Liab Tus Cawm Seej.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5877
    Date d'inscription : 2009-08-18

    Xov Tooj Cua Zoo Tswv Zov Yaj - Page 2 Empty Re: Xov Tooj Cua Zoo Tswv Zov Yaj

    Post  Maiv Tooj on 31st January 2020, 8:13 pm


    NIAM THIAB TXIV YOG THAWJ TUG XIB HWB QHIA KEV NTSEEG

    Thursday, January 23, 2020
    Lo lus hais tias : niam thiab txiv yog thawj tug xib hwb qhia kev ntseeg ntawm cov me nyuam, mas yog ib lo lus ua lub nra hnyav kawg rau cov ua niam ua txiv tam sim no. Vim cov ua niam ua txiv yuav ntsib ntau yam teeb meem los ntawm tej pab pawg neeg coob coob zim txwv no thiab, yam li kev nrhiav noj nrhiav haus, kev ua liaj ua teb thiab kev nrhiav nyiaj txiag los yug cov me nyuam hauv lub cuab yim neej. Kev nrhiav noj nrhiav haus yug lub cuab yim neej nyem no, mas tsis yog yooj yim kiag. Dhau ntawm kev nrhiav noj nrhiav haus sab nraud lawm, kuj tseem yuav tsum saib xyuas fab kab lis kev cai, fab ntsuj plig thiab neeg tus yam ntxwv, los sis kev ua lub neej mus raws yus txoj kev teev hawm. Tsis tas li ntawd, cov ua niam ua txiv qee leej kuj tsis nco txog nws txoj kev ua xib hwb qhia kev ntseeg los yog kev ntseeg txog Tswv Ntuj nyob hauv lub cuab lub yig lawm. Yog yus hnov qab yam tseem ceeb nyob hauv lub cuab yim neej, mas yus yuav ua li cas ua xib hwb qhia kev ntseeg rau cov me nyuam ?
    Nyob hauv lub Koom Txoos Kav Tos Liv phau ntawv qhia kev ntseeg (CCC) txheej 3, qib 2223 thiab 2226 qhia tias : yam tseem ceeb ntawm cov ua niam ua txiv uas tsim nyog lawv yuav tau paub tau nyeem, pab xav tswv yim thiab thov Ntuj, mas yog yuav nquag teev Ntuj thiab thov Tswv Ntuj pab lawv ua lawv cov hauj lwm niaj hnub kom ruaj khov, kom tej yam lawv ua yog kev nyiam kev hlub nyob ntawm Tswv Ntuj xub ntiag. Niam thiab txiv yog thawj tug xib hwb uas yuav qhia tej me nyuam, kom lawv paub txog qhov siab qhov qis thiab ua ib tse neeg sib nyiam sib hlub, txawj zam txhaum, txawj sib hwm, coj ncaj ncees thiab sib pab. Kev pab luag tej, mas yuav zoo siab pab dawb paug tsis vam luag pauj rov qab. Kom cov me nyuam txawj ntsia pom qhov phem thiab tsis zoo. Cov niam cov txiv yuav txawj saib lawv cov me nyuam thiab ua tus qauv zoo rau cov me nyuam. Yuav qhia li cas kom tej me nyuam thiaj yuav paub tias yam twg lawv ua tsis yog, thiab yog qhov zoo tshaj rau cov me nyuam.
    Kev yuav qhia kev ntseeg rau tej me nyuam, mas cov ua niam ua txiv yuav tau qhia rau thaum lawv tseem yau, ces thiaj yuav txi taus txiv. Yog tas ib tsev neeg sib pab txhawb nqa kom txoj kev ntseeg nyob hauv lub cuab yig loj hlob, mas yog raws li Ntawv Ntshiab qhia ntag. Kev ntseeg nyob hauv lub cuab yim neej, yuav pab coj yus lub neej mus txog txoj sia nyob mus li. Cov ua niam ua txiv muaj cai qhia kom tej me tub me nyuam txawj teev Ntuj thiab pom txog qhov Tswv Ntuj hu lawv, vim lawv yog Tswv Ntuj me nyuam. Tsev teev Ntuj yog lub Cim Yug qhov chaw nyob thiab yog cov neeg ntseeg lub plawv. Yog qhov chaw qhia ntseeg ntawm cov me nyuam thiab cov niam cov txiv. Kev ntseeg hauv lub cuab yim neej, kuj yog txoj kev pab luag tej thiab qhia luag tej kom paub txog qhov tseem ceeb hauv txoj kev ntseeg. Vim li ntawd, cov niam cov txiv yuav qhia kom lawv cov me tub me nyuam paub kev ntseeg thiab paub txog tej pawg neeg ntseeg coob coob. Ces cov me tub me nyuam loj hlob tuaj, lawv thiaj yuav paub txog qhov tseem ceeb nyob hauv lawv lub neej thiab ua Tswv Ntuj cov me nyuam mus li.

    Tus txhais : Lis Maib, Zoo Tswv Zov Yaj



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5877
    Date d'inscription : 2009-08-18

    Xov Tooj Cua Zoo Tswv Zov Yaj - Page 2 Empty Re: Xov Tooj Cua Zoo Tswv Zov Yaj

    Post  Maiv Tooj on 6th February 2020, 2:03 am


    LEEJ NTSHIAB PAJ LUG MIB KIM (St. Paul Miki)
    (Leej Ntshiab Paj Lug Mib Kim)
    Monday, February 03, 2020

    Hnub tim 6 lub 2 hlis hwm Leej Ntshiab Paj Lug Mib Kim.
    Mib Kim yug xyoo 1562 hauv Zis Pees teb, nws kawm ntawv hauv lub tsev kawm ntawv ntawm koom haum tshaj Ntuj Lus Yes Xus Is.
    Tom qab xyoo 1580, Mib Kim tau koom nrog lub koom haum mus tshaj Ntuj Lus rau haiv neeg Zis Pees,. Maj coob leej tig los yuav siab tshiab ua rau tus nom Tos Yos Tos Mib His Ntes Yos Tshis ntshai tsam cov neeg hloov siab tshiab tsim kev kub ntxhov rau tseem hwv, tus nom thiaj tso cai rau tseem hwv tsim txom cov neeg ntseeg. Mib Kim thiab cov Leej Chij 25 leej raug ntes kaw. Hnub tim 5 lub 2 hlis xyoo 1597 lawv raug ntsia saum ntoo cuam nyob hauv lub nroog Nas Kas Xas Kis. Ua ntej yuav tuag Mib Kim thov Ntuj kom zam lub txim rau tseem hwv.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5877
    Date d'inscription : 2009-08-18

    Xov Tooj Cua Zoo Tswv Zov Yaj - Page 2 Empty Re: Xov Tooj Cua Zoo Tswv Zov Yaj

    Post  Maiv Tooj on 6th February 2020, 2:04 am


    TXAUS SIAB RAU LEEJ NTUJ PLIG NTSHIAB COJ THIAB MUAJ KEV RAS DHEEV.
    Tuesday, February 04, 2020

    Vaj Qhia Fas Ntshis Kus saib txog Mab Liab thiab Yos Xes, Xis Mes Oos thiab As Nas lawv ua tus qauv rau hnub coj lub neej ntshiab zaum 24
    Vaj Qhia pib ntuas tsoom ntseeg ntawm lub tshav tiaj hwm Leej Ntshiab Pob Zeb hauv hnub chiv tim 2 lub 2 his no tias nyob hauv hnub coj lub neej ntshiab zaum no pab kom peb rov nco qab txog lub cuab tam loj nyob hauv lub Koom Txoos.
    Vaj Qhia nthuav txog cov lus nyob hauv Lus Kas Ntawv Moo Zoo, zaj 2 qib 22 txog 40; hais txog cev Yes Xus rau Tswv Ntuj tom qab Yes Xus yug tau 40 hnub. Vaj Qhia hais tias : dhau ntawm cov kab ke raws Mais Xes tsab cai lawm, mas peb yuav pom txog ob peb leeg uas lawv tau pom Huab Tais nyob hauv qhov chaw nws muab nws los nyob ze ntiaj teb neeg.
    Cov neeg ntawd yog niam Mab Liab thiab Yos Xes, Xis Mes Oos thiab As Nas; lawv yog tus tam cov neeg tos nraim Tswv Ntuj thiab cev txoj sia rau Tswv Ntuj. Lus Kas sau tseg tias lawv muaj 2 tus yam ntxwv zoo tib yam : lawv tsis nyob twj ywm thiab lawv ras dheev txog Tswv Ntuj.
    ‘Mab Liab thiab Yos Xes mus pem Yes Lus Xas Les; Xis Mes Oos tuaj nyob hauv lub Tuam Tsev Teev Ntuj; As Nas cav lus zoo txog Tswv Ntuj txhua hnub txhua hmo.'
    Yog zoo li no, mas Vaj Qhia thiaj hais rau sawv daws tias cov ntseeg yuav vam txog lub zog thiab zoo siab rhais ruam mus, qhib siab rau Leej Ntuj Plig Ntshiab ua tus coj kev.
    Lub ntiaj teb xav tau cov ntseeg uas txaus siab rau tus kheej raug coj thiab zoo siab tawm mus tshaj Huab Tais Yes Xus cov lus rau lwm tus.
    “Cov tau txais Cim Ntxuav sawv daws yog cov raug hu los tshaj lub Moo Zoo.” Vaj Qhia hais li ntawd.
    ‘Mab Liab thiab Yos Xes ras dheev txog cov lus nkawd tau hnov. Zoo tib yam li tus txiv neej Xis Mes Oos thiab tus poj ntsuam As Nas.’
    Vaj Qhia hais ntxiv tias lawv 4 leeg no lub cev raug kev ras dheev qhwv, vim lawv txaus siab kom lawv muaj feem xyuam nyob hauv qhov xwm txheej no.
    Kawg no Vaj Qhia Fas Ntshis Kus tau hais rau sawv daws tias kev ras dheev no pab txhawb kev muaj feem xyuam hauv kev teev hawm thiab coj peb mus pom Huab Tais Tswv Ntuj. Tib yam nkaud, yog peb tsis ras dheev tas mus li, mas peb yuav tsis kub siab txog Tswv Ntuj thiab yuav coj peb mus deb ntawm txoj kev ntseeg.

    Thau los ntawm : www.vaticannews.va/en
    Tus txhais : Muas Lauj, Zoo Tswv Zov Yaj





    Sponsored content

    Xov Tooj Cua Zoo Tswv Zov Yaj - Page 2 Empty Re: Xov Tooj Cua Zoo Tswv Zov Yaj

    Post  Sponsored content


      Current date/time is 25th May 2020, 10:58 am