HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Qhia Ntuj Kev Cai. Empty

Latest topics

Suav neeg tuaj saib, txij hnub 17/09/2010 los mus.


    Qhia Ntuj Kev Cai.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Qhia Ntuj Kev Cai.

    Post  Maiv Tooj on 3rd May 2019, 8:30 am


    Zaj 423- NYOB HAUV TSWV NTUJ LUB TSWV YIM.

    Nyob thoob plaws, lub qab ntuj khwb, rau lub qab ntuj quag no.  Mus thoob plaws rau 99 txheej ntuj saud, mas Tswv Ntuj, yog tus Hmoob hu ua Qaum Ntuj no.  Mas Nws lub tswv Yim, tsis muaj hloov ib zaug li.
    Vim tias Tswv Ntuj lub npe muaj koob meej hwj huam loj, kav tas txhua yam muaj hwj chim nyob saum ntuj thiab nyob ntiaj teb no.
    Huab Tais twb tau ceeb toom txog Huab Tais lub npe ntxov, ntxov heev los lawm tias:  Huab Tais nws yog tus nyob thiab yuav nyob mus li.  Thiab Huab Tais yog tus uas Nws yuav yog!
    Vim Huab Tais Nws yog tus yeej ib txwm nyob uas tsis muaj neeg paub tau tias:  Nws nyob txij thaum twg los li lawm thiab Nws yuav nyob mus li.
    1.Huab Tais thiaj tau qhia Nws lub npe, rau tus Yawg Koob Mais Xes tias:  Kuv yog tus nyob thiab yuav nyob mus li.  Peb Haiv Hmoob hu Huab Tais Ntuj ua Qaum  Ntuj no.
    Txij li thaum Huab Tais Ntuj tau hu tus Yawg Has Nplas los ua Huab Tais Ntuj Haiv neeg. Mas  lub ntiaj teb mam paub hu ua, Has Nplas tus Tswv Ntuj los His Xas Has thiab Yas Kos tus Tswv Ntuj no xwb.  
    Txij hnub Huab Tais Ntuj qhia kom Mais Xes, mus cawm Nws Haiv neeg.  Ua qhev nyob Hais Nkws tos teb los, ces ntiaj teb neeg thiaj paub hu ua Huab Tais Ntuj.   Thiab hu ua His Xas Lais tus Tswv Ntuj, txij hnub ntawd, los txog lub zwj ceev Yes Xus tuaj yuav lub cev neeg.
    Los txog lub caij, Yes Xus mus tshaj Tswv Ntuj cov lus, rau lub ntiaj teb neeg no lawm. Yes Xus mam qhia lub ntiaj teb neeg no, hu Huab Tais Ntuj ua Leej Txiv no los mus.
    Vim Tswv Ntuj tau hlub neeg ntiaj teb no kawg, Tswv Ntuj saib xws li yog Tswv Ntuj ib tsoom tub ki tiag. Nyiam no tus neeg ntseeg txog Tswv Ntuj, nws cia li ncaj qha hu Tswv Ntuj ua Txiv no los yeej yog thiab hu nyog lawm.
    Yes Xus tau qhia tias, thaum neeg muaj kev txhawj xeeb ces kom neeg hu Tswv Ntuj ua Txiv.  Yes Xus Nws thiaj qhia kom neeg xav teev Ntuj, ces neeg hais zaj peb txiv nyob saum ntuj, los thov koob hmoov.
    Cov lus uas peb neeg ntiaj teb hu Qaum Ntuj ua Huab Tais Ntuj, los hu ua Yawm Saub, hu ua Vaj Tswv, los Tswv Xeeb Teb Xeeb Chaw, Thiab tus Hmoob hu ua Tim Tswv no.  Mas puav leej yog Tswv Ntuj lub npe tas nrho.
    Tsuav yog nyob hauv luv Cim uas koj nruab siab ntseeg thiab zeem tias, lub npe ntawd. Nws yog tus loj nyob txheej ntuj saud, mas puav leej siv tau rau Huab Tais Ntuj lub npe.  Nws tsis yog ib lub npe qis qis li cov dab tej npe.
    Nyob hauv Huab Tais Ntuj lub npe, muaj kev zoo tsim nyog hwm, nrog rau kev nyiam kev hlub, kev khuv leej thiab kev zam.  Mas puav leej yog ncau ntawm ib txoj hmab, caj hlav ces ncau los ntawm Tswv Ntuj los ua ke.

    -Lub npe muaj hwj huam hwj chim, koob meej nyob nrog txoj kev ncaj ncees.  Muaj kev nyiam kev hhub  kev zam.  Mas puav leej tawm ntawm tib tug Tswv Ntuj los, thiab yog kev nplua nuj.
    Txhua yam uas yog neeg siv nyob ntiaj teb no, thiab txhua hom toob xib uas neeg cia li khaws los siv, nrog tej yam neeg tsim tau los siv.  Yog ib yam nuj muaj nqi kawg, mas yog sawv daws tug tib si, sib qiv siv.
    Li ntawd, mas leej twg muaj phooj ywg ntau, ces tus ntawd, nws thiaj yog tus neeg nplua nuj nyob ntiaj teb no thiab nplua nuj nyob saum ntuj tib si.
    Thaum nws zeem tau Huab Tais Ntuj ua nws Leej Txiv lawm, ces nws kuj zeem tau txhua leej txhua tus ua kwv tij phooj ywg thiab nkauj muam, nraug nus.
    Nws muaj txoj kev nyiam kev hlub, duav tas nrho tsoom txheeb ze.  Nrog sawv daws koom ua ib cuab ib yim neeg nyob hauv Tswv Ntuj.
    Ces luag tug kuj yog nws tug, tas sawv daws tso siab rau nws.  Sawv daws saib nws yog lawv ib tug tij los ib tug kwv,  Los nws zoo li yog lawv ib leeg niam thiab ib leeg txiv.
    Nws siv yam twg, los luag tsis muaj lus cem los xav tias, nws yog tub sab tub nyiag, uas nyiag luag teej luag tug los siv. Tus ntawd nws thiaj yog neeg nplua nuj tiag.
    Li ntawd, mas leej twg muaj kwv tij phooj ywg coob tshaj, ces nws thiaj yog tus Tuam Los Pav nplua nuj tshaj. Neeg nyiam thiab tso siab, Ntuj los nyiam thiab hlub nws.
    Nws thiaj yog tus Tuam Los Pav, ua tswv ceev tau sawv daws tej toob Xib.  Cia ua ib pawg los koom ua ib pob tseg, tsis muaj tub sab tub nyiag nyob hauv nws tsoom txheeb ze.
    Nws yog tus nplua nuj, coj tau sawv daws ua phooj ywg. tsis qia dub tsis muaj kev ua tub sab zais los nyiag mus rau nws ib leeg siv xwb.
    Kev nplua nuj nyob hauv phooj ywg, nws muaj kev zoo siab. Nws siv yam twg los tsuas muaj ua kom tawg paj txi txiv ntau tuaj xwb. Vim tsis muaj kev sib ntxub los kev cib nyeej nyob nrog kev xav.
    Lub Tswv Yim zoo li no, mas tsuas yog Yes Xus Pleev, lub Tswv Yim thiaj coj tau kom mus sib haum.  Mas tsis hais tus yog niam yog txiv, los yog neej yog tsav.  Thaum tus phooj ywg txheeb ze.
    Peb siv zog them nyiaj pab peb tej tub tej ntxhais, kom peb muaj tub txawj ntxhais ntse.  Los ua kws txuj coob, kom tau Nom tau Tswv los tau ua Tuam Los Pav nyob rau txhua fab txhij vog.
    Peb muaj ib pab tub txawj tub ntse, hais lus thiab tsa tes xwb.   Ces neeg ua tau qoob loo los puv txhab puv tsev ua rau neeg ntiaj teb noj tsis tas.
    Tshuav ib yam loj tas nrho uas peb cov ua niam ua txiv thiab peb tej neeg txheeb ze tsis nco qab lawm!
    Peb tsis tau pab nyiaj thiab thov kom peb muaj ib co tub txawj tub ntse mus nrog Tswv Ntuj ua Yaj Saub. Qhuab qhia kom peb neeg ntiaj teb, tej tub ki mus nrog Leej Plig mus ua Tswv Ntuj cov tub Yaj Saub.
    Thiab nrog Yes Xus ua leej Choj  muab peb tej hauj lwm uas cov tub txawj tub ntse no cev los ua Tswv Ntuj tsaug. Kom tsim nyog peb yog Tswv Ntuj Tsoom Tub ki tiag.
    Tus twg kawm tiav tom tsev kawm ntawv tas, ces peb mus npuaj teg qhaus txog lawv tas.  Los txog tsev peb ua ib rooj mov hu tej phooj ywg txheeb ze tuaj noj ua ke ib zaug xwb ces tas li ntawd lawm.
    Txij no mus, mas peb yuav nco ntsoov thov kom Tswv Ntuj pab hu peb ib co tub txawj tub ntse mus nrog Leej Tswv Yim ua Yaj Saub thiab.
    Kom nyob hauv peb Haiv Hmoob muaj ib co Yaj Saub nrog Leej Ntuj Plig ua hauj lwm. Nrog Yes Xus ua Leej Choj tuam tus choj rau Hmoob tej ntsuj Plig nce mus saum ntuj.
    Thiab pab tsoom tub Hmoob nyiam, los ua Yaj Saub nrog Leej Ntuj Plig. Los pab Yes Xus Pleev ua Leej Choj, yog txoj kev uas Tswv Ntuj niaj hnub tos ntsoov kom muaj.
    Peb Haiv Hmoob mas nyiam hwm cov Yaj Saub uas cia li poob saum ntuj los xwb. tsis zwm rau Leej Tswv Yim Ntshiab.  Cov no mas twb muaj ntau kawg lawm, lawv  nyob kav tsis ntev, lawv tsuas nyob ib vuag li 5 xyoo rau 15 xyoos xwb.
    Lawv puav leej raug dab phem muas tau lawv sai kawg mus lawm, ces tshuav nws zaj dab neeg nyob lawm xwb.  Peb yuav thov kom muaj peb cov tub  ua Yaj Saub nrog Leej Ntuj Plig nyob mu sib txhiab ib txhis.
    Thiaj yog cov uas Tswv Ntuj tseem niaj hnub tos ntawm peb, nyog hauv peb cov zaj teev ntuj thiab peb tej hauj lwm.
    Tswv Ntuj tus Yaj Saub uas nrog Yes Xus ua Leej Choj no thiaj pus tau peb tsoom Hmoob lawv tej ntsuj Plig nce mus rau pem txheej ntuj siab. nyob koom nrog Tswv Ntuj cov Tshiab nyob ua npoj.
    Nyob hauv peb tsoom neeg ntseeg txog Yes Xus lub npe, peb yuav nco ntsoov txog zaj lus no. Cov Yaj Saub tsis muaj Leej Tswv Yim Ntshiab cov lus thoob tsib nyob hauv lawv.   Mas lawv lam yuav lub npe hu ua Saub no xwb.
    Peb tsis paub tias, lawv puas yog tus tus Yaj Saub raws Leej Tswv Yim Ntshiab los yog tus tiv Leej Tswv Yim ntshiab li.
    Vim muaj ntau txoj kev ntseeg muaj qee leej lawv qiv Leej Tswv Yim Ntshiab lub npe thia Nws zaj txuj ci los tso rau saum lawv tes dej num. Tab sis lawv tiv Leej Tswv Yim Ntshiab cov txiaj ntsim.
    Lawv vam txog ib lub npe Tim Tswv, uas tsis nyob ze Leej Tswv Yim Ntshiab los qhuab qhia neeg ntiaj teb. mus taug ib txoj kev ntshai,  yuam neeg kom tau txais paj tshab, thiab muaj suab npe meej mom hwj chim nyob ntiaj teb no.
    Xws li peb twb pom dua los, nyob hauv lub neej hmoob coj los, tau ntau txhiab xyoo los lawd.

    Sacramento tim18/3/2019.
    Yaj Zoov Ntxheb Xib Hwb.


    Last edited by Maiv Tooj on 23rd May 2019, 7:25 am; edited 1 time in total



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 16th May 2019, 9:06 pm



    Zaj 427- LEEJ TWG UA XIB HWB UAS YOG NTUJ XAIV LOS.

    Tus Xib Hwb uas raug Leej Txiv Leej Tub thiab Leej Ntuj Plig tus dawb huv xaiv tau foom hmoov zoo rau. Mas nws yuav tsis txhob muab Yes Xus zaj lus zais, thiab coj lub Meej Mom xws li tus Tshwb Liag.
    Tus Tshwb Liag, mas tas nws sim neej, nws yeej paub tias muaj ntuj kag. Tab sis nws tsis xav pom Ntuj Kag, nws phwb mus saum npoo av kom txhob tau pom lub ntuj kaj.
    Yog nws txua tej yam kom tsoom ntseeg tsis paub Tswv Ntuj txoj kev nyiam kev hlub. Nws muab lwm yam uas tawm los ntawm tej lub tswv yim, ntawm cov dab ntsuj plig phem los plooj rau.
    Nws qhia ib co kev ntseeg, tsis haum lub Koom Txoos txoj cai, uas muaj Leej Tswv Yim Ntshiab yog tus coj qhia los.
    Tus Xib Hwb no, nws tuam mom, saib tsis taus Tswv Ntuj txoj kev thoob tsib. Nws yoog raws li cov dab muaj tus Ntsuj Plig phem cob qhia los.
    Nws tau ua tub qaug, rau Yes Xus pab Yaj, Nws muab Tswv Ntuj pab Yaj cais tawm mus cuab rau tsov hma.
    Nws nyiag Tswv Ntuj cov lus, mus plooj rau Dab cov Ntsuj Plig phem. Zaj lus kom zoo xws li, Tswv Ntuj cov lus, tab tsis thaum tawg paj txi txiv los, mas tsis yoog raws li Tswv Ntuj cov lus thiab Ntuj zaj tswv yim uas tawm ntawm Tswv Ntuj los.
    Thaum nws coj Tswv Ntuj cov lus mus zwm rau, dab cov ntsuj Plig phem no lawm. Mas nws yuav hloov los mus ua ib co lus, txhawb neeg mus rau sab ua neeg nyiam kev khav theeb thiab tsab ua neeg ntse.
    Nws coj neeg ntshaw lub meej mom ua neeg muab hlob, nyiam nyiaj txiag thiab muaj cuab tam ntau. Nws tseem pheeb mus rau sab nyiam kev plees kev yi nrog.
    Peb yuav paub tias, lub neej ua Xib Hwb, yog lub neej tsis yooj yim, yog tsis ceev faj, ces nws yog tus rau siab ntso muab Yes Xus cov Yaj coj mus txi rau cov ntsuj plig dab phem no niaj hnub.
    Thaum nws coj li ntawd lawm, Nws tau tuav kiag tus yawm sij qhib ntuj tawg coj neeg yuam kev mus nyob rau ntuj tawg.
    Hais yam tseeb nyob hauv ntuj tawg, mas feem coob, mas yog tsoom Xib hwb thiab cov niam Xib hwb lub chaw nyob. Vim lawv tau tuam mom Tswv Ntuj lub txiaj ntsim.
    Cov niam Xib Hwb lawv kuj muaj phus, nrog tsa hwj chim. tsab zag ua zoo nkauj los txhawb cov Xib hwb, lawv lub hwj xhim. Lawv kuj yuav raug ua ke sib tuav tes mus thawj thiab nyob rau hauv ntuj tawg.
    ->. Tseem muaj ib yam ntxiv,uas muaj tej yam xws li no! Muaj qee tus neeg mob, vim nws tej roj ntsha ua rau nws lub cev muaj mob.
    Tab sis yog Leej niam los leej txiv los ib tug txheeb ze hais tias, yog nws raug ib tug dab ntsuj plig tsis huv lawm. Yam no mas thov ntuj rau nyuaj heev. Vim lawv tsis cev tus mob rau Tswv Ntuj saib. Lawv tau cev ib tug dab ntsuj plig tsis huv los ntawm lwm tus neeg los.
    Ces thaum peb thov Ntuj peb thov mus rau sab tsis yog, ces nws yuav tsis tau txais ntxiaj ntsim zoo. Vim tsis yog tus mob cev tuaj, hos yog lwm tus cev los, ces tsis nyob hauv zaj thov ntuj kom raug raws li lo lus tseeb.
    Kuv tus sau zaj lus no, kuv yeej yog ib tug Xib Hwb, Kuv lub tswv yim twb pom ua zem zuag yuav zoo li hais no tiag.
    Kuv tsis xav hais tias, lo lus no yuav tub qaug txog lwm tus Xib Hwb. Kuv tsuas sau ua ib zaj lus ceeb toom rov rau kuv, thiab kuv tsoom phooj ywg tau paub txog.
    Tsam muaj tus tsis ceev faj, ces hos raug mus li hais no. ces yuav muaj chaw khuv xim. Vim yus tsis ras paub txog. Peb yuav saib tias, yog ib lub txiaj ntsim uas peb tau hnov thiab paub txog no lawm xwb yom.

    Sacramento tim 21/12/2018.
    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 16th May 2019, 9:07 pm


    Zaj 428- KEV UA TSWV NTUJ TSOOM TUB TXIB.

    Nyob hauv lub Koom Txoos Ka Tau Liv, Txij lub hauv paus los. Yes Xus yeej qhia tias:
    Tus tub txib tsis loj dua tus Tswv thiab tus twj Tim kuj tsis loj dua tus Xib Hwb. Tus Thwj Tim loj kawg, mas nws tsuas luaj li tus Xib Hwb rov xwb.
    Yes Xus tseem hais tias: Leej twg tau ua tus loj dua cov, mas nws yuav ua sawv daws tus tub txib. Lo lus no, yog Yes Xus hais rau Nws cov Thwj Tim.
    Yes Xus tau hais rau Xis Moos Pob Zeb tias:
    Kuv tsa koj ua lub Pob Zeb, mas dab phem cov rooj loog, yuav tsis yeej lub Pob Zeb no. Nyob hauv lub Koom Txoos Ka Tau Liv, mas los txog tav no. Mas Lub Koom Txoos tsis tau hloov Yes Xus lo lus no li, txij thaum Yes Xus tau tsa Pob Zeb los txog lub zim txwv ntuj no.
    Thaum Pob Zeb tau txais kev txom nyem hla lub ntiaj teb no mus lawd, yog cov Thwj Tim tseem muaj txoj sia nyob ntiaj teb no. Zoo li tus hauv paus xa lus Zam Thwj Tim, hloov Pob Zeb chaw ua tsoom ntseeg tus tub txib.
    Thaum dhau cov Thwj Tim uas yog cov hauv paus xa lus lawd, yog cov Thwj Tim tshiab sib hloov ua tsoom neeg ntseeg tus tub txib ib tiam zuj zus los txog nyiam no.
    Thawj tug tub txib ntawd, yog tus tsoom ntseeg hu ua Vaj Qhia no. Vaj Qhia yog tus nyob Pob Zeb chaw, hloov Leej Pleev lub Meej Mom nyob ntiaj teb no.
    Thaum cov neeg ntseeg, huam vam nyob muaj ntau lub teb chaws lawd. Vaj Qhia mam tsa ib co Tswv Qhia, hu ua Tiam Lis Vaj Qhia, sawv Nws chaws saib tsoom Tswv Qhia thiab tsoom leej Choj los tsoom neeg ntseeg.
    Cov Tiam Lis Vaj Qhia, yog cov hu ua Tswv Qhia Liab, vim lawv hnav lub tsho liab. Cov no yog nyob cov teb chaws nqaim, mas ob los peb lub teb chaws muaj ib tug saib xwb.
    Hos cov hu ua Tswv Qhia, mas ib lub teb chaws tsa muaj ntau Leej. Nyob ntawm muaj pej xeem neeg ntseeg coob npaum li cas.
    Thaum muaj pej xeem neeg ntseeg coob heev lawd, cov nroog loj puav leej tsa muaj. Vim cov neeg ntseeg lawv cov tub txib tsawg tsis txaus siv, ces thiaj tsa kom muaj coob leej ntau tus li ntawd.
    Cov ua Tswv Qhia no lawv saib tsoom txiv Leej Choj thiab tsoom tub Tsob Hwb los rau tsoom ntseeg sawv daws tib si.
    Hos cov Txiv Leej Choj mas lawv sib pab saib cov tsev teev Ntuj thiab tsoom neeg ntseeg. Tej thaj tsam muaj neeg ntseeg coob mas muaj li ob peb tug txiv Leej Choj nyob ua ke sib pab saib thiab koom ua hauj lwm ua ke.
    Nyob hauv cov tub ua Leej Tsob Hwb, mas yog cov Tswv qhia lawv saib. Cov Leej Tsob Hwb no lawv ncaj qha zwm rau tus Tswv Qhia.
    Vim cov Leej Tsob Hwb lawv muaj poj niam tub se, lawv tsis tshais chaw mus los ntau qhov. Cov Leej Tsob hwb lawv nyob koom nrog ib tug Txiv Leej Choj kom sib raug zoo thiaj ua hauj lwm yooj yim ua ke.
    Cov Txiv Leej choj. yog cov nyob tab seeb. Mas lub Koom Txoos tsuas pub lawv nyob, ib thaj chaw ntev kawg, mas plaub xyoos li ntawd. Yog nws tsim tau ib txoj hauj lwm muaj nqes heev tsis muaj neeg ua tau mas, lawv pub nyob ntev dua.
    Lub Koom Txoos ceev faj kawg, lawv ntshai tsam nyob ntev ces muaj teeb meem. Los ntawm kev sib raug zoo dhau thiab tsam ho tsis muaj kev sib raug zoo.
    Ces muaj xaiv lus kis mus txog plaub ntug, ces tsis zoo nkauj thiab tsis zoo mloog…
    Yog zoo li hais no, mas nyob hauv lub Koom Txoos Ka Tau Liv tsis hais Tswv Qhia, los cov Txiv Leej choj thiab cov tub ua Leej Tsob Hwb, los rau cov ntseeg sawv daws li.
    Txhua tus nyias yuav txeeb kom nyias yog sawv daws tus tub txib. mas yog zaj uas Leej Tswv Yim Ntshiab thiab Yes Xus Pleev nyiaj tshaj.
    Hais los rau saum lub meej mom yog tus loj, mas cia Tswv Ntuj ua tus xaiv thiab muab rau nws. Hos raws li neeg ntiaj teb kev sib hwm, mas tus tub txib yeej yog tus loj dua sawv daws.
    Vim nws yog tus tuav kab xwm thiab cob qhia sawv daws, kom nyob sib haum xeeb los ua Ntuj me nyuam ua ke. Raws li neeg ntiaj teb zaj tswv yim, tej hlob zoo li tej nom tej tswv lawv tes hauj lwm kuj zoo tib yam.
    Tab sis neeg ho xav txawv, li Tswv Ntuj mus rau lwm sab lawm. Neeg sab mas tus tub txib yog tus nom loj dua cov, nws muaj hwj chim peev xwm ntau dua cov pej xeem. Tsis kheev ib tug pej xeem yuam cai los saib tsis taus tus ua thawj neeg ntawd.
    Nyob hauv zaj lus no, mas yog nyias yuav xav nyias tias: Kuv yog leej twg, kuv yuav coj thiab ua zoo li cas, kom kuv ua tau ntxim Leej tswv Yim Ntshiab txoj kev nyiam.
    Nyob hauv Tswv Ntuj zaj lus, muaj ib lo lus hais tias:
    Koj tswm leej twg, mas Tswv Ntuj zam rau koj tau, hos yog koj tsawm Leej Tswv Yim Ntshiab. Ntuj yuav tsis zam rau koj ib zaug li.

    Sacramento tim 21/3/2019.
    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 23rd May 2019, 7:28 am


    Zaj 429- . KEV NTSEEG YOG KEV SIB NCAIM 1.

    A.Nyob ntiaj teb no, Leej Tib Neeg tsim muaj ntau txoj kev ntseeg sib txawv. Mas thiaj muaj ntau npoj neeg sib ncaim nyob thoob ntiaj teb no.
    Yuav hais txog ob lub tswv yim ntawm kev ntseeg uas coj lub ntiaj teb neeg no, nyob tsis sib haum xeeb:
    B.Txoj kev ntseeg tuaj ntawm Tswv Ntuj tuaj, coj kom neeg muaj kev sib haum xeeb nyob ua ke, sib koom siab txhob sib tawg, ua ntau pab ntau pawg. Yog txoj kev thoob tsib tuaj ntawm Tswv Ntuj tuaj. Nws cob qhia kom neeg ntiaj teb muaj kev sib hwm sib raug zoo nyob koom ua Ntuj me nyuam.
    C. Kev ntseeg kuj coj kom kom lub ntiaj teb neeg no, sib tawg ua ntau pab ntau pawg nyob tsis sib haum xeeb. Nws kuj ua kom muaj kev tsov rog, kom lub ntiaj teb nyob tsis muaj kev thaj yeeb.
    Tos ho muaj tsov rog, vim neeg tej kev ntseeg no, ib nrab, tsis muaj kev thoob tsib coj kom txawj ua neeg paub tab paub cai thoob tsib tsis sib xws. Vim neeg ntiaj teb, coj cov kev tuaj ntawm ob lub Tswv yim tuaj!
    D. Muaj tej pab neeg lawv txoj kev thoob tsib tuaj ntawm, cov dab tsis huv tuaj, thiab tuaj ntawm cov Tim Tswv uas ncaim ntawm Tswv Ntuj uas tsis muaj kev, ua neeg siab dawb hu tuaj. Ces thiaj ua tau kom lub ntiaj teb neeg tsis sib haum, los tsi sib raug zoo, ces mam xeeb muaj tsov rog tuaj.

    2. KEV UA TSOV ROG.
    Kev ua tsov rog, kuj yog tawm ntawm kev ntseeg li hais saum no los! Thiaj hais tau tias, kev ntseeg yog kev sib ncaim. Vim kev ntseeg tuaj ntawm ob lub tswv yim tuaj:
    A- Hmoob hais tias, lub tswv yim nqes saum ntuj los. Yog lub tswv yim tuaj ntawm tus tswv Ntuj uas yog tus tsim ntuj tsim tej tuaj.
    Cov muaj Tswv Ntuj lub tswv yim thoob tsib, ua neeg paub tab paub cai, lawv muaj kev nyiam kev hlub nrog kev zam. Nyob nrog lub tswv yim thiab tus Ntsuj Plig.
    Cov no, lawv txawj hwm Ntuj thiab hwm neeg, lawv paub tias, neeg lub tswv yim me me thiab neeg lub cev tsis muaj zog. Sawv daws yuav sib hwm sib raug zoo kom nyob ua ke tau thiab sib pab sib coj thiab sib nres, kom muaj kev kaj siab lug nyob nrog thaj yeeb.
    B- Cov txais lub tswv yim tuaj ntawm, cov dab tsis huv tuaj. Mas lawv nyiam ua neeg tsav hwj chim, muaj kev cib nyeem xam txeem. Nyiam kev pauj luag khawv chim los yuam kom tau luag ua tus swb lawv mus li.
    Mas lawv lub siab thiaj zoo, ces lawv saib lawv muaj hwj chim koob meej thiab nyob rau qhov siab, ua neeg tus thawj coj. Cov no lawv tsis pom txoj kev hlub kev zam ua qhov muaj nqes rau lawv lub neej. Lawv yiam ua neeg nyob siab kom yeej ntau cuam plaub ntug.
    Muaj ntau zaus, lawv kuj rov qhuas lawv ua tus thoob tsib thiab zoo dua lwm tus. Vim lawv saib tias, lub ntuj tseem txawj los nag los ua tshav kub tuaj ntau dhau lawm.
    C. Kuj muaj tej pab lawv saib tias, cov Tsiaj loj tseem ceeb dua Tswv Ntuj los muaj. Cov uas lawv ntseeg txog tus Zaj los tus Nab loj. Thiab ntseeg tej tus Tim Tswv txawj ua hwj huam los muaj peev xwm tso dab tom neeg.
    Cov no hais meej tias, yog cov txais kev ntseeg tuaj ntawm dab lub tswv yim tsis huv tuaj. Lawv tso siab rau cov dab no ntau dua, thiab tuav rawv cov lus vam txog dab tuaj pab thiab hu dab tuaj kho mob nkeeg.
    Lawv tso siab rau tus zaj lub hwj huam thiab dab cov yees siv loj dua li cov uas lawv ntseeg txog ib co tim tswv, kav tej roob hav.
    Lawv muaj kev tsis sib haum, los ntawm tej lus xaiv, plaub ntug, mas muab fiv kiag, rau dab tuaj ua cov pov hwm mus. Tsis hais sab zoo thiab sab phem li.
    D. Muaj ib co, mas lawv kuj yog neeg siab ncaj, lawv vam txog tej yam uas lawv saib tias, muaj zog thiab khov los ruaj, ua tus pov hwm lawv kev txhawj xeeb.
    Zoo li tej Hmoob laus coj kam los, uas lawv hu txog ntoo los Zeb tias: Ntoo txwj ntoo laus thiab Zeb txwg Zeb laus thov koj pov hwm kuv aud no. Tswv Ntuj cia li pov hwm kom lawv txhob muaj xwv txheej raug los raug tau.
    Vim lawv tsuas paub txog yam uas yog Ntuj tau tsim los ntawd xwb. Los Ntuj kuj hnov thiab lees paub txog. Kom neeg txhob muaj xwv txheej nyob nrog neeg,kev tso siab.

    Sacramento tim 21/9/2018.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 6th June 2019, 7:35 pm


    Zaj 430- KEV NTSEEG RAUG XWV TXHEEJ HNYAV.

    Txoj kev ntseeg txog Tswv Ntuj nyob hauv Yes Xus lub Moo Zoo. Nws yog ib txoj kev ntseeg dawb huv, tseem ceeb kawg nkaus. Yog ib txoj kev Ntshiab huv, muaj hwj chim koob meej loj tas nrho tiag:
    1.Tus dab Xas Tas no, nws ntxias tsis tau, peb tus Huab Tais Yes Xus, uas Nws yog Tswv Ntuj tus Pleev, los mloog nws cov zaj lus.
    Ces zaum no nws thiaj siv Leej Pleev cov Thwj Tim los tawm tsam rhuav Leej Pleev lub Koom Txoos kom tawg tas mus ua ntau pab ntau pawg.
    Kom Yes Xus Pleev lub hwj Chim Koob Meej, puas mus nyob hauv Nws cov Thwj Tim. Kom Leej Pleev lub hwj Chim tsis muaj zog, maj mam poob mus, ua kom Leej Tib Neeg tso Yes Xus lub Moo Zoo tseg zuj zus mus.
    Ces Xas Tas siv cov thawj neeg nyob hauv Nws lub Koom Txoos, uas yog Yes Xus xaiv tau, los tsim teeb meem ntau tsav ntau yam. Rau txoj kev ntseeg uas Tswv Ntuj tso Nws Leej Tub tuaj tshaj thiab cawm Neeg ntiaj teb.
    Kom txoj kev ntseeg txog Yes Xus lub npe, ua ib txoj kev ntseeg tsis dawb huv, rau neeg tej pob ntseg tau hnov! Kom txoj kev ntseeg txog Yes Xus lub npe, maj mam tsuag zuj zus thiab ploj mus.
    2. Tus Xas Tas uas Hmoob hu ua Dab Ntxwj Nyoog no, yeej soj nraim thiab caum. Yes Xus cov Thwj Tim, puag thaum Yes Xus yuav txais txoj kev txom nyem los cawm lub qab ntuj Neeg, cov Ntuj Plig kom rov muaj txoj sia nyob mus li, kom tau yeej dab.
    Thawj tus neeg muab Yes Xus muag 30 lub txiaj nyiag. Kom kev txom nyem poob los raug Yes Xus ntawd. Yog Yus Das tus ntxeev siab.
    2. Txuas los mus, Xas Tas ntxias kom, lub Koom Txoos muaj lus sib cav tias, ib pab tuaj Pob Zeb Tog. Ib pab tuaj Paj Lug thiab Npas Nas Npes nkawd tog.
    Lub Koom Txoos thiaj ua thawj lub rooj sab laj sib haum xeeb. Nyob Yes Lus Xas Les, Lub Koom Txoos thiaj tsim Zaj Kuv Ntseeg txog Tswv Ntuj. Yog thawj zaug uas lub Koom Txoos rov sib haum xeeb nyob hauv Yes Xus lub Koom Txoos.
    Kom tau nyob ruaj khov kho los yeej, Dab Phem cov rooj loog. Lub Koom Txoos tau nyob thaj yeeb, los ib ntu.
    3. Xas Tas rov cawm ntxias lub Koom Txoos cov thawj neeg, kom sib txeeb ua tus loj tshaj nyob hauv lub Koom Txoos dua. Ces lub Koom Txoos thiaj sib faib ua ob pab.
    Thiaj muaj lub npe hu ua Ka Tau Liv, Txhais hais tias, Lub Koom Txoos cia rau lub Ntiaj Teb Neeg. Pab Ncaim mus lawd, thiaj hu ua cov OsTos Dov. Lub siab thiab kev ntseeg tsis hloov, kev ntseeg thiaj tej kab lis kev cai coj tseem ua ib yam nkaus.
    Tsuas txawv qhov lawv tau tsa dua ib tug Vaj Qhia tshiab nyob rau sab tod ua kom muaj ob pab. Muaj ob tug Vaj Qhia, hloov Yes Xus Chaw nyob ntiaj teb no.
    4.Nyob rau ntu uas ze li 500 xyoo ntawd, Xas Tas rov ntxias kom lub Koom Txoos tawg dua ib pab loj. Kom muaj xwv txheej sis sib haum.
    Xas Tas coj cov neeg ntseeg txog Yes Xus lub npe sib tawm tsam ua rog sib tua tau ib ntu ntev li 30 xyoo, Tsis muaj tus yeej tus swb.
    Leej Tswv Yim Ntshiab thiaj cheem cov neeg ntseeg kob tsov rog ntev li hais ntawd. Kom sib haum xeeb, tso kev ua tsov rog tseg.
    Nyob hauv ib lub nroog, cia muaj ob lub tsev teev hawm. Ib lub nyob ib sab zos. nyias ua nyias haum lwm. Ib leej txhob thuam los txhob sib ntxias, nyias ntseeg raws li Leej Tswv Yim Ntshiab coj nyias.
    5. Thaum cheem tau kev ua tsov rog nyob hauv kev ntseeg tas li ntawd lawm. Mas Xas Tas haj yam muaj zog tuaj ntxias ntxiv, Xas Tas yeej xav ua kom Txoj kev ntseeg Ntuj no, ploj kiag ntawm nws qhov muag mus.
    Pab zwm rau Leej Tswv Yim Ntshiab, coj kom mloog lub Koom Txoos raws li Pob Zeb, tsis muaj kev sib ncaim. Sawv daws mloog tus hu ua Vaj Qhia yog tus hloov Pob Zeb uas yog Yes Xus tsa nyob ntawm Nws tsoom Thwj Tim xub ntiag tias:
    Dab Phem cov rooj loog, yuav tsis yeej lub Pob Zeb no.
    Hos pab ncaim, tsis hwm Vaj qhia,ces lawv siv lub npe hu ua Christiane txhais hais tias, pawg los pab ntseeg no lawm xwb. Cov Ka Tau Liv, kuj hu tau ua Christiane ib yam.
    Txij thaum muaj cov hais tias, Protestem no mas Xas Tas haj yam muaj zog muab cov ntseeg sib faib mus ua ntau pab ntau pawg tuaj.
    Pab ncaim ntawm lub Koom Txoos Ka Tau Liv uas hu ua Protesten no, lawv twb sib faib muaj ntau puas lub koom txoos lawm.
    6. Pab ncaim kawg ntawm lub Koom Txoos Ka Tau Liv, yog pab tsis mloog thiab yuav Vaj Qhia lus. Yog pab nyob AasKiv teb, Lawv coj txoj kev ntseeg xws li Cov Ka Tau Liv. Lawv muaj txhaj cav txiaj ntsim thiab Koom Txoo 7 lub Cim na txiaj ntsim, zoo ib yam nkaus. Li cov KaTau Liv.
    Pab no yog pab hu ua As pau Kav liv, yog pab tsa poj niam ua niam Plig tau ib yam li tsa cov txiv neej ua txiv Plig ua ke.
    7. Txij thaum tsoom neeg ntseeg, sib ncaim ua ntau pab li no los. Mas Xas Tas haj yam muaj zog, los caum cov neeg ntseeg txog Yes Xus lub npe heev dua tuaj lawm.
    Dab Xas Tas ntxias cov thawj neeg, ntseeg txog Yes Xus lub npe. Kom muab Yes Xus lo lus tseeb los siv, ua yam muaj zog yog kom yog xws li Ntuj lus. Dab muab tig los siv, ua lus qab zib nyob hauv kev hlub.
    Nrog kev ua neeg nplua nuj, muaj ntiaj teb tej cuab tam ntau. Los ntxias cov neeg tsis muaj zog, kom qaug rau nws tej sob lus tsis yog qhov tseeb. Kom tau siv neeg lub cev ntaj ntsug los ua kev txhaum, tub qaug rau Ntuj thiab tub qaug rau cov neeg tsis muaj zog. Kom Tswv Ntuj kev hlub kev cawm tu nrho mus poob rau dab zaj lus dag.
    8. Tus Dab Xas Tas no, tsis hwm leej twg li. Nws ntxias tsis tau Tswv Ntuj. Ces nws xaiv cov uas yog, Yes Xus cov Thwj Tim los rhuav tshem Tswv Ntuj lub Koom Txoos kom puas tsuaj mus.
    Tej lus uas peb tau hnov rhiab peb pob ntseg hais txog, kev ua plees ua yi nyob hauv cov tsev teev hawm Tswv Ntuj ntawd, puav leej yog cov thawj neeg nyob hauv txhua lub Koom Txoos tsim los kom muaj tej ntawd:
    Uas cov thawj neeg mos luag tub luag ntxhais, los mos luag poj luag sev nyob hauv cov tsev teev hawm Yes Xus lub npe no.
    Mas puav leej yog tib co thawj neeg raug tus Dab Xas Tas, Hmoob hu ua Ntxwj Nyoog no. Nws muas tau lawv lawv lub siab zoo, ntxeev los ua siab phem tas nrho tib si. Lawv thiaj ua tau cov kev phem kev qias no, tawm los rau lub ntiaj teb neeg hnov.
    Nyob hauv txhua lub Koom Txoos, yeej muaj ib co nyiaj kub. Uas tsis yog cov nyiaj kub dawb huv, muaj ib co nyiaj yog nyiaj qias neeg. Nyiaj ua tub sab tub nyiag los, los yog nyiaj ua luam cuav los yog nyiaj kev plees kev yi los. Yam li yog nyiaj ua ntsej muag rau neeg qhuas tias, nws yog neeg siab dawb.
    9. Tas nrho tej tswv yim neeg ua kom, tub qaug Ntuj thiab tub qaug rau neeg uas tau hais los saum no. Puav leej yog chiv tuaj ntawm Xas Tas lub Tswv Yim tuaj txhua fab.
    Lub Ntiaj teb neeg thiaj suav hnub suav xyoo ua neeg phem ntau zuj zus tuaj, li peb hnov ntiaj teb tej teeb meem, uas muaj thoob plaws lub qab ntuj khwb no.
    10. Txij no mus hu ua tus neeg ntseeg, tsis hais cov thawj neeg los pej xeem. Txiv Neej los poj niam, peb yuav tsum paub tias. Tswv Ntuj lub npe yog lub npe ntshiab huv tseem ceeb tshaj txhua yam.
    Txhob lam ua neeg dog dig tsam puas Tswv Ntuj lub npe mus. Ces peb tsis zoo dab tsi li lawm.

    Sacramento tim 28/9/2018.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 13th June 2019, 8:12 am


    Zaj 431- NTHUAV ZAJ DAB XAS TAS NTXIAS YES XUS.


    Zaj tus dab Xas Tas ntxias Yes Xus nyob teb chaws Suab Puam. muaj peb lub ntsiab raws li nram no: Tus dab phem no ntxias tsis tau Yes.
    Nws siv tib cov zaj li ntxias Yes Xus, los ntxias peb neeg ntiaj teb. Dab phem paub tias peb lub tswv yim me dua dab lub, ces nws siv tib zaj li ntawd los ntxias peb.
    Yog tej yam uas peb saib, mas yog yam zoo li yooj yim tas nrho. Rau peb lub neej ua neeg thoob tsib nyob ntiaj teb no, peb cia li ntseeg thiab xyaum ua kiag li dab phem qhia kom peb ua.
    1.Thaud yog dab phem ntxias tau Yes Xus, Yes Xus tsis tau swb dab phem. Yes Xus yog Tswv Ntuj lawm, ces dab ntxias tsis tau Yes Xus.
    Ces niaj hnub nyem no, dab phem tseem siv tib zaj lus uas nws tau muab los ntxias Yes Xus, los ntxias peb neeg ntiaj teb no tib yam nkaus.
    Thawj nqe lus no, Dab phem txawj txawj siv ib co lus los ntxias peb kom peb txawj mus ntxias, cov txheeb ze peb. Kom luag muab yam ub yam no, pub dawb rau peb tau noj tau haus.
    Kom leej twg tau ua thawj neeg lawd, nws txawj txawj muab tej lo lus tsis tseem ceeb los ntxeev hais kom luag qaug rau nws kev hlub sai, thiab zam rau nws. Ces nws tau noj dawb.
    Thiab kom peb txawj muab yam ub yam no, los lus hais, ces lawv tau noj dawb ib feem.
    2. Lo lus uas dab phem muab cov teb chaws muaj koob meej nto moo, rau Yes Xus saib, dab phem hais rau Yes Xus tias: Yog koj pe kuv, mas kuv muab cov teb chaws vam meej thiab nto moo ntawd rau koj!
    Dab phem xav tias: Yog dab yuav txwv, kom peb sawv daws tsis txhob mus pe hawm Tswv Ntuj. Thiab yuav tsa, tej lub tsev teev hawm Tswv Ntuj, mas tsis tau.
    Dab yuav tso lus rau neeg ua ywj neeg lub neeg lub siab ntshaw thiab neeg nyiam. Dab yuav qhia kom neeg tsim tej lub Koom Haum loj loj, muaj txoj cai ntau li ntau tau.
    Kom neeg khwv khwv, ces neeg tsis muaj caij mus teev hawm Tswv Ntuj. Dab ua kom tej poj niam los tej txiv neej, khwv heev tsis muaj kev so.
    Ces lawv muaj kev sab thiab nkees heev kom qee leej muab tsis tau kev hlub kom tsim nyog rau nws tus txij nkawm.
    Ces tus uas yog nws txij nkawm ntawd, yuav mus nrhiav kev hlub nrog lwm tus. Kom cov txij nkawm muaj kev tsis sib ntseeg siab, muaj lus sib cav sib ceg kom lub cuab yig piam tawg mus.
    Dab ntxias kom neeg nyiam mus ncig saib toj roob hauv pes nuam yaj ntsia tej nroj tsuag, los tej kab noog quaj kho siab, kom neeg tej siab ntsws nyob tsis tiaj tus.
    Dab phem paub neeg zoo dua li neeg paub cov dab, Dab xaiv tej txiv neej los poj niam cev yiag, uas txawj txawj hais lus qab zib los cuab phiaj.
    Kom neeg lub siab qaug lias, mus rau sab kev ua nkauj ua nraug. kom neeg tsis muaj lub caij los teev hawm Tswv Ntuj. Ces neeg lub siab nrug deb zuj zus ntawm Tswv Ntuj mus.
    Thaum neeg muaj kev ntxhov siab tuaj lawd, neeg yuav sib txeeb ua tus loj. kom nws tau ua ywj siab thiab tsis ntshai Leej twg li.
    Nws muaj cai siv luag teej tug uas tsis yog nws li los daws nws lub meej mom koob meej kom luag qhuas thiab hwm nws.
    Ces nws yuav hais lus yuam kev, thiab nws muaj kev khav theeb tsab ua neeg muaj txuj ci, muaj lub peev xwm. Kom yuam tau qee leej neeg tsis tsim txiaj kom lawv tau ua nws qhev mus.
    Tus neeg coj li hais ntawd, nws yuav ua tej yam uas tsis ntxim Tswv Ntuj lub siab. zaj tswv yim nws ua ntawd. Yog ib zaj tswv yim phem cuag li nws tau muab neeg tua los txi rau dab ntag.
    Cov neeg uas nws tau muab tua los txi rau cov dab, yog cov neeg nws tau yuam lawv ua nws qhev. Los yog cov uas nws muab lawv yuam ua plees ua yis.
    Tsis muaj xaiv muaj lus, ces nws cia lawv nyob ua cov tsiaj txi rau nws nruab hnub hmo ntuj. Hos yog yuav muaj xaiv muaj lus, ces nws muab lawv tua txi rau nws dab kiag.
    Thawj tus dab ua nws muab tej neeg ntawd tua txi rau, ces yog nws tus kheej kiag. Dab tsis txawj ua plees ua yi, mas tab yog nws muab txi rau dab los dab tsis yuav thiab.
    3. Lo lus uas Dab Xas Tas hais kom Yes Xus dhia saum ru tsev mus lawm hauv av. Ntuj cov tshiab yuav tuaj nqa Yes Xus kom Yes Xus taw tsis txhob dawm ib lub pob zeb li.
    Nws yog lub tswv yim uas dab siv los ntxias peb txhua tus, kom peb txawj dag li cas los dag mus. Kom peb yuam tau luag tej los ua peb qhev.
    Peb tau siv luag lub cev thiab lub zog, txhua yam los ua kev zoo siab rau peb. Peb siv luag dag zog, los siv luag teej tug rau peb yooj yim li peb ua tau.
    Kom sawv daws muaj kev ntxhov, ces sawv daws muaj kev sib tawm tsam. Tsis nco qab mus pe hawm Tswv Ntuj, kom sawv daws saib tias Tswv Ntuj nyob deb leej tib neeg heev.
    Ces sawv daws sib txeeb los ua tus loj, nyias xia nyias muaj tswv yim los txawj ua phem. Sib tawm tsam kom tau kev yeej luag tej mus!
    Dab muab kev ua txhaum los ua neeg txoj kev sib hlub loj, yog yus hlub luag, mas vim yus xav siv luag lub cev thiab lub zog.
    Ces tus muaj peev xwm nws siv cov neeg, tsis muaj zog cuag li muab lawv los txi rau cov dab lawm. Yeej hais li qhov tseeb tiag. Tus neeg nyiam mus deev luag poj luag sev thiaj nyiam muab tej neeg tsis tau muaj hnub nyug deev.
    Mas nws tau ua kev txhaum loj, cuag li nws tau muab cov neeg nws siv ntawd, los tua txi rau dab lawm ntag.
    yog tsis muaj xaiv muaj lus, mas nws cia luag muaj txoj siab nyob, cia cov raug li hais no, teev tiam nws. Hos yog nws saib yuav muaj xaiv lus, mas nws muab lawv tua txi rau nws kiag li muab tua txi rau dab ntag. Tus dab loj tshaj plaws Ces yog nws tus kheej.
    Lo lus kawg, cov uas lawv hais tias, lawv mas lawv muaj hauj lwm ntau heev tsis khoom mus teev ntuj li. Ces lawv twb raug dab phem siv zaj lus hais no, los ntxias lawv lawm.

    Sacramento tim 8/4/2019.
    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 27th June 2019, 8:33 am


    Zaj 432- HUAB TAIS NTUJ PUAS YOG TUS MEEJ PEM.


    Tswv Ntuj, Vaj Tswv, Thiab yawm Saub yog tib tug Tswv Ntuj uas meej pem tas nrho saum txhua yam. Tswv Ntuj Nws thiaj yog tus tsim tas txhua yam kom muaj tuaj nyob saun ntuj nqes los ti nkaus rau lub ntiaj teb no.
    Tus Tswv Ntuj meej pem no, Nws tau tsim neeg, kom zoo li Tswv Ntuj tus duab. Nws tsim tas ib puas tsav yam tsiaj txhu, me kab noog, nroj tsuag xyoob ntoo.
    Nws tau tsim huab cua dej los yug neeg thiab txhua yam uas nws tau tsim los, kom tau muaj txoj siab nyob. Yog hnub twg, tus Tswv Ntuj tseeb uas meej pem no, txwv kom tsis muaj huab cua dej, mas txhua yam yuav tuag tas tib si mus.
    Hmoob yeej ib txwm ntseeg tus Tswv Ntuj no, Hmoob thiaj txawj ntshai kev txhaum kev khaum. Los ntshai xob tua thiab ntshai tsan Ntuj nplua. Hmoob yeej ib txwm hwm tus Tswv Ntuj meej pem no.
    Cov paub hwm tus Tswv Ntuj meej pem no, mas lawv paub ntshai,vim nws yog tus Tswv Ntuj meej pem tiag, Nws yog tus muaj txoj sia nyob mus li.
    Tus Tswv Ntuj no, Nws tsim tau yam twg los nyob mas nws nyiam, thiab pov hwm kom tau nyob mus li, raws li txoj kev uas Nws tau tsim los.
    Peb cov Hmoob yog ib tug nyob hauv txoj kev hwm thiab ntshai tus Tswv Ntuj meej pem no. Hmoob thiaj paub caiv paub cim koj txhob ua kev phem kev qias, li Hmoob thiaj paub caiv kua mis.
    Tsam ua tau tsis huv rau tej neeg thiab tsiaj noj tau, Thaua yam uas, yog Ntuj tau tsim los noj tau. Tsam muaj kev txhaum kev khaum, ces raug xob tua.
    1.Tas txhua yam uas neeg tau saib los tias, Tswv Ntuj tsis meej pem. Mas puav leej yog lub tswv yim kis los ntawm tus dab Ntxwj Nyoog lus qhia thiab cob los ntawm tus dab Ntxwj Nyoog lus cob qhia los tas tib si. Kom ntiaj teb neeg saib tias, Tswv Ntuj yog tus tsis meej pem.
    Tab yog Hmoob tsis paub Tswv Ntuj los Hmoob yeej hwm thiab ntshai Tswv Ntuj lub npe. Cov neeg nyob ntiaj teb no, muaj ib feem tsis hwm Tswv Ntuj thiab saib Tawv Ntuj tsis muaj qab hau rau lawv ntawd.
    Mas puav leej yog tawm ntawm neeg tej ncauj lus uas raug tus dab ntsuj plig phem cob qhia los, kom neeg muab hais tig los mus kom ua rau Tswv Ntuj lub npe thiab Ntuj lub koob meej tsis meej pem.
    Peb yuav ua li cas kho, kom peb cov neeg ntseeg txhob ntseeg yuam kev. Tswv Ntuj lub npe tseem ceeb thiab meej pem tas nrho, yog neeg muab Tswv Ntuj lub npe hloov mus ntau lub npe thiab hais lus sib thuam kom tswv Ntuj lub npe tsis tseem ceeb thiab tsis meej pem tuaj.
    Tej yam hais no, puav leej yog neeg txua los ua kom puas tsuaj mus. Tiam neeg no, muaj cov hais tias,Tswv Ntuj tsis yog tus tseeb thiab meej pem. Tej no yog neeg lub ncauj txua hais tawm los. Yam tsis meej pem no, qhov tseeb twb yog neeg tsis meej pem neeg thiaj hais li ntawd ntag.
    Cov neeg uas lawv txawj saib tias, Tswv Ntuj yog tus tseeb thiab meej pem. Mas lawv paub ntshai thiab paub hwm Tswv Ntuj. Lawv thiaj muaj kev tso siab tias, lawv yuav muaj txoj sia nyob.
    Zoo li lub teb chaws uas tseem muaj ib tug Vaj Ntxwv nyob kav, zoo li Thaib teb thiab Aas Kiv teb. Leej twg hais phem tias, tus Vaj Ntxwv no yog neeg tsis zoo, los tsis meej pem. Mas tus ntawd, kawg yuav raug tua pov tseg, txiav caj dab mus.
    Cov neeg hais tias, Tswv Ntuj tsis meej pem thiab tsis muaj qab hau rau lawv. Mas Tswv Ntuj yuav tsis pov hwm thiab pub txoj hmoov zoo rau lawv. Ces lawv cov ntsuj plig kawg yuav tuag mus, nrog lawv lub cev thaum lub cev tuag, ces tus ntsuj plig kuj yuav tuag mus ua ke.
    Vim tias lawv tso, Tswv Ntuj lub hwj chim kom muaj txoj sia nyob pov tseg lawm.
    Txhua lub npe nyob siab saum ntuj, zoo li Hmoob hais Qaum Ntuj, Yawm Saub, Nkauj Hnub Nraug Hli los niam txiv Kab Yeeb pem ntuj. Puav leej yog Tswv Ntuj lub npe.
    Tus Tswv Ntuj meej pem muaj txoj sia, yog tus Tsim lub ntuj lub teb, nws yog Has Nplas, tus Tswv Ntuj, His Xas Has tus Tswv Ntuj. Yas Kos tus Tswv Ntuj, Mais Xes tus Tswv Ntuj, Haiv His Xais Lais tus Tswv Ntuj, tus hu ua Yas Ves thiab Yes Xus uas yog Tswv Ntuj leej tub, nqes los yuav lub cev neeg ntawm Mab Liab los,kom tau cawm lub qab ntuj neeg. Thiab tus uas Yes Xus tau thov kom Leej Txiv xa tuaj nyob ntiaj teb no, hu ua Leej Ntuj Plig Ntshiab no.
    Tswv Ntuj yog tus Huab Tais meej pem tiag, Thaum Yes Xus tuag tu siav nrho nyob saum tus ntoo khaub lig daim ntaub loj thaiv lub qhov rooj ntawm lub Tuam Tsev teev Ntuj ntuag rhe ua ob sab.
    Thaum ntawd, lub ntiaj teb tab tom yog tav li peb teev, hnub qaij ntawd. Lub ntiaj teb tsaus ntuj nti li tsis muaj lub hnub lawm. Mas Tswv Ntuj yeej yog tus meej pem.
    Hnub ntawd ntag yog hnub uas Tswv Ntuj rov qhib rau lub ntiaj teb txhua Haiv neeg paub tias, Tswv Ntuj yog tas neeg ntiaj teb txhua Haiv txhua xeem tus Tswv Ntuj.
    2. Dab Ntxwj Nyoog puas muaj feem xyuam, cuam tshuam rau neeg ntiaj teb?
    Dab Ntxwj Nyoog nws cuam tshuam rau neeg ntiaj teb 90%. Tswv Ntuj twb yog tus meej pem tshaj plaws li peb paub. Tsis kav Dab Phem muaj peev xwm tuaj cuam tshuam, cob qhia kom neeg muab Tswv Ntuj lub npe.
    Faib ua ntau tus tswv Ntuj, kom Tswv Ntuj lub npe sib txawv ua rau neeg sib ncaim kom Tswv Ntuj tsis yog ib tug Tswv Ntuj tsis meej pem. Nyob hauv Tswv lub npe thiab kav txhua yam, lub paus mus nto lub ntsis.
    Dab Ntxwj Nyoog, mas nws caum thiab khiav nrog cov thawj neeg, zoo li cov Xib Hwb. Khiav sib law sib liag ua npoj ntaws.
    Kom lub ntiaj teb neeg caum raws li cov Xib Hwb no, kom saib Tswv Ntuj tsis yog tus Tswv Ntuj meej pem. Cov Xib Hwb no, lawv tau muab Tswv Ntuj lub npe cais mus ua ntau tus Tswv Ntuj sib txawv.
    Nyob hauv Tswv Ntuj, mas tab txawm muaj pes tsawg lub npe los Tswv Ntuj yeej tseem yog tus Tswv Ntuj meej pem mus li. Qhob tseeb, mas yog tus dab Ntxwj Nyoog uas Yes Xus tis nws npe hu ua Xas Tas ntawd, ntxias kom cov Xib Hwb ua neeg tsis meej pem.
    Muab Tswv Ntuj tes haum lwm kev coj qhia hais, kom sib txawv mus. Kom cov neeg txom nyem xav vam txog Tus Tswv Ntuj meej pem no kev hlub kev nyiam thiab kev zam to tau tsis zoo ib yam.
    Lo lus uas neeg tau thuam tias, Tswv Ntuj tsis meej pem no. Yog poob los ntawm Cov Xib Hwb uas raug dab qiv lawv lub cev, lub ncauj thiab lub siab los, ua lawv tes hauj lwm tshaj Tswv Ntuj lo lus.
    Yam li cov Xib Hwb no, lawv ntshaw lub hwj chim ua neeg loj muaj koob meej. Ces ib txhia ntshaw kom muaj hwj chim ua tus loj rau luag hwn thiab qhuas nws.
    Ib txhia nws ntshaw nyiaj heev, ua Xib Hwb kom luag them 1/10 rau nws kom muaj nyiaj, thiab muaj cuab tam ntau nyob ntiaj teb no.
    Ib txhia ntshaw kev zoo nkauj zoo nraug kom tau ua plees ua yi, nws kawm ua Xib Hwb kom luag tub, luag ntxhais, los luag poj luag sev caum nws. Kom tau ua kev nkauj kev nraug yooj yim.
    Ib txhia lawv ntshaw lub koob meej, kom muaj coob leej qhuas nws, ces nws muaj plhus.
    Ib txhia nws ntshaw nyiaj, dag kom muaj nyiaj ntau, nws dag rau tej koom haum sib dawb nyob kev deb tias, muaj neeg txom nyem npaum ub npaum no.
    Yuav hu lawv tuaj kawm paub txog pua leej, tuaj kawm kev ntseeg. Thov nyiaj tuaj pab. Nws tsuas hu txog nees nkaum leej li xwb, ces nws tshaj tias, neeg tuaj kawm coob kawg.
    Nws tau cov nyiaj seem ntawm 80% ces nws coj mus yuav tsheb los yuav cuab tam rau nws siv. Yog hais tas mas, tseem tshuav ntau yam ntxiv…
    Dab Ntxwj Nyoog kuj tseem ntxias kom tej nom tswv dag hais tias yuav pab cov neeg txom nyem tsim tsev teev hawm Tswv Ntuj rau lawv. Kom lawv sib qhia saib muaj pes tsawg leej neeg ntseeg txog Tswv Ntuj.
    Thaum lawv paub meej lawm, lawv tso hem thawj tuaj hem kom tso kev ntseeg tseg , yog tsis tso mas yuav raug plaub ntug loj li ub li no tuaj thiab.
    Tseem muaj ib co Xib Hwb paub Tswv Ntuj me ntsis xwb paub tsis meej. Nws xyaw kev ua Yaj saub raws li Hmoob ua kam los. Nws tshaj hais tias, tus Ntseeg Ntuj mas yuav txawj ya thiab hu tau Ntuj los rhuav tej nom tswv siab nkhaus pov tseg tau.
    Tuav txog Vaj Tswv lub npe xwb ces Ntuj cia tso xob quaj los tso hluav taws poob saum ntuj los ces tej nom tswv siab phem cia tuag pawg lug mus.
    Qhov hais tias Dab Ntxwj Nyoog tuaj cuam tshuam, ces yog neeg ntiaj teb, nyiam thiab ntshaw ib lub hwj chim nyiam tua neeg li dab phem lub tswv yim.
    Thiaj hais tau tej lus li ntawd, mas thiaj muaj li Hmoob hais tias: Neej dab nyob ua ke, dab neeg nyob sis nce. Ces yog tej xwm zoo li tau piav los no ntag.
    Niaj hnub no peb thiaj tau hnov tias, Yes Xus twb rov yug dua tshiab los nyob hauv Haiv Hmoob lawm. Hmoob yuav tsum muaj Hmoob kev ntseeg, Hmoob tsis koom nrog Mab Sua tus Tswv Ntuj. Hmoob us thiaj yog tus tseeb.
    Thiaj muaj Vaj Saub sawv ua Hmoob tus Vaj ntxwv, yuav hlub hmoob, thiab muab dua ib lub teb chaws thiab lub meej mom zoo rau Hmoob. Thiab Hmoob tus Siv Yis Ntuj Neeb sawv los kav teb chaws, twb mus tsa cov tuag sawv los taS lawm.
    Mas cov neeg siab nkhaus, mas nws twb tau muab ntes kaw rau dab teb tas lawm. Yuav tsis muaj ib ug dim los li.
    Muaj ntau pab neeg coj Hmoob ncaim ntawm tus TSwv Ntuj tus meej pem, uas yog tus tsim ntuj tsim teb uas Hmoob ib txwm hwm thiab ntshai, tsam xob ho tua ntawd. Tej yam no, ces yog Dab Phem nws tuaj cuam tshuam nyob hauv tas nrho Hmoob txoj kev xav.
    Cov neeg uas lawv hais tias, lawv ntseeg txog Yes Xus, thiab siv Tswv Ntuj cov lus thiab Yes Xus lub Moo Zoo. Uas cov neeg Mes Kas hu ua Bible no. Nws yog Tswv Ntuj cov lus tseeb nyob hauv tas nrho.
    Peb sawv daws yuav kho li cas kom tus Tswv Ntuj peb teev yog tus Tswv Ntuj tseeb thiab meej pem, Nws yog tus tseem ceeb thiab yog tus meej pem tiag. Kom haum li Tswv Ntuj lub siab uas Nws yeej yog tus ib txwm nyob.
    Txoj kev ntseeg txog Tswv Ntuj, mas txhua tus yog txiv muam tas tib si. Tsis hais txiv neej los poj niam, nrog rau tej me tub me nyuam. Tsuav yog nws txawj teev Ntuj, los paub thov ntuj, mas txhua tus yog txiv muam paub Ntuj lus tas nrho.
    Coj tej kab lis kev cai li Hmoob coj, mas Leej twg yog tus txiv tsev, ces kawg yog tus ntawd paub dab thiab ua txiv muam xwb. tej poj niam los tej me nyuam lawv tsis paub thov dab tsi li.
    Yog ua li ntawd, ces tus txiv tsev yam kev lawm los poj niam me nyuam tsis paub li. Tsuas hnov hais tias, ua txhaum dab lawm no xwb.
    Tus Tswv Ntuj meej pem no, yog tus Tswv Ntuj npua nuj nyob hauv tas txhua yam. Yog koj txawj thov thiab tso siab lug rau Tswv Ntuj, ces koj ua dab tsi yog dab tsi. Kev thoob tsib paub kev tab paub cai maj mam los nyob hauv koj. Kev nplua nuj txawj coj kom koj txawj ua hauj lwm zoo. Nyiaj txiag kev kaj siab, los nyob puv koj nruab siab.
    Koj tsis nplua nuj los muaj mov txaus noj txwm hnub. Tus neeg tso siab thiab txawj thov Ntuj, nyob hauv nws nws nruab siab tawm los. Mas Tswv Ntuj yuav foom hmoov rau nws kom nws hla dhau txhua yam xwv txheej. Txhua yam zoo maj mam ntws cuag dej txawj txhawv los nyob hauv nws lub neej.
    Hos tus tsuas thov kom Ntuj, pub kom nws ua neeg nplua nuj, nws lub siab tsis ncaj. Mas nws zoo li ib tug neeg xav sim Tswv Ntuj xwb, ces nws thov ntuj npaum li cas, los nws tsis tau txais paj tshab dab tsi li.
    Cov neeg tso siab rau nyiaj mas yuav muab ob tug neeg los sib piv li no!
    a->.Thawj tug nws yog neeg nplua nuj heev, nyiaj siv tsis tas li. Nws cov nyiaj uas nws muaj yog nws tau los ntawm txeeb luag tug los ua nws tug. Nws yog neeg nplua nuj tiag nyob ntiaj teb no.
    b->.Tus ob nws yog ib tug neeg npluag nws thov npaum li cas, los tsis nplua nuj li. Nws thov kom muaj nyiaj tas nws sim neej, nws tsis thov lwm yam li.
    Thaum kawg tus nplua nuj thib tus pluag no ob leeg tau nce mus txog saum ntuj. Tus Tswv Ntuj yuav hais rau ob tug ntawd li no:
    a->.Koj ua neeg nplua nuj nyob ntiaj teb vim koj tau txeeb luag tug los ua koj tug, koj muaj nyiaj ntau npaum li peb roob, Koj yuav zov siv koj cov roob nyiaj kom yaj tas. Mas koj mam los hauv Ntuj lub Ceeb tsheej tau.
    b->. Tus pluag Ntuj yuav hais rau nws tias, tas koj sim neej, koj tsis thov kom koj muaj koob hmoov li. Koj tsuas thov kom koj muaj nyiaj xwb. Mas koj thov tas koj sim neej, koj thov thov, uas koj laus nkoos li no.
    Mas koj kuj muaj peb roob nyiaj thiab, Koj siv kom tas koj cov nyiaj uas koj thov no tas, koj mam los hauv Tswv Ntuj lub Ceeb tsheej thiab.
    Thaum ntawd, nkawd tsis yog neeg lawm, nkawd yog tsuj plig lawm xwb. Ces nkawd yuav siv tsis paub tas nkawv peb roob nyiaj no li, ces kawg yuav tau zov kom nyiaj yaj mus los ploj tas.
    Nyiaj yog quav tooj quav hlau, nyiaj yaj tsis tau mus. Ces nkawd yuav raug zov pes tsawg tiam los yuav tau zov mus li tsis muaj caij dim tau mus.

    Hmoob nyiam muab lo lus piv rau tus pog Nplas yawg Nplas, uas Hmoob hais tias, yog Yawg Has Nplas, thiab pog Has Nplas ntawd. Yog ib tug tawm hauv dab phem cov ntsuj Plig los, yog tus uas nws tsis muaj chaw nyob, thiab tsis paub lub npe.
    Kwv tij phooj ywg zaj lus no kuv tsuas sau los ua kev kawm rau peb sawv daws xwb, kom peb sawv daws tau ua neeg paub tab thiab nrhiav tau qhov tseeb.
    Yog hais txog Tswv Ntuj mas yeej yog tus Huab Tais yeej ib txwm tseeb thiab meej pem kawg nkaus li, tsis yog lam his ua si, kom muaj lus puv ncauj xwb.

    Sacramento tim 26/10/ 2018.
    Yaj Zoov Ntxheb Xib Hwb.






    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 4th July 2019, 10:17 am


    Zaj 433- HUAB TAIS NTUJ LUB NPE.

    Txij thaum ntuj tsim teb raug los txog niaj hnub no, mas Tswv Ntuj tsis tau qhia Tswv Ntuj lub npe rau ib Haiv neeg twg li!
    1->.Thawj lub npe uas Tswv Ntuj hais qhia rau Has Nplas tias, Tswv Ntuj yog Yas Ves. Tswv Ntuj xaiv Has Nplas los ua thawj Haiv neeg teev hawm Huab Tais Yas Ves.
    Nws yuav pub ib lub teb chaws rau Has Nplas nyob, kom nws cov Xeeb Ntxwv yuav coob npaum li cov hnub qub nyob saum ntuj thiab cov suab puam nyob tom ntug Huav txwv.
    2->. Nyob hauv peb Haiv Hmoob Tswv Ntuj qhia rau tej pog tej yawg tias, Nws yog Qaum Ntuj, tus Hmoob paub tseeb ces yog Qaum Ntuj.
    3->.Thaum Tswv Ntuj hu Mais Xes, kom rov mus cawm Nws Haiv neeg ua qhev, nyob rau Hais Nkws Tos teb.
    Mais Xes tau nug Tswv Ntuj lub npe, Tswv Ntuj tau qhia tias, Kuv yog tus nyob thiab yuav nyob mus li.
    4->.Thaum Yes Xus yug los nws txawj hais lus lawd, Yes Xus hu Tswv Ntuj ua Leej Txiv, vim Tswv Ntuj yog Yes Xus Leej Txiv tiag. Thiab Yes Xus qhia lub ntiaj teb neeg hu Tswv Ntuj ua Leej Txiv no.
    5. Txij thaum Yes Xus rov mus lawm pem ntuj lawd, Leej Ntuj Plig tuaj nyob. Leej Ntuj Plig tau tshoj neeg ntiaj teb hu Tswv Ntuj lub npe ua Huab Tais Ntuj… Tas txhua Haiv neeg nyias hu Huab Tais Ntuj lub npe raws li nyias xeem lus. Zoo li cov Fab Kis lawv hu Tswv Ntuj ua Dieu. Cov Aas Kiv los cov As Mes Lis Kas hu ua God. Cov Thaib thiab Los Tsuas hu ua Phab Caub.
    6->. Nyob hauv peb Haiv Hmoob mas peb muab Tswv Ntuj hu muaj ntau lub npe kawg. Los puav Leej yog Tswv Ntuj lub npe:
    Peb Hmoob hu ua Qaum Ntuj, hu ua Ntuj Niam Ntuj Txi, hu ua Huab Tais Ntuj. Los hu ua Tswv Ntuj, los hu ua Vaj Tswv, los Yawm Saub.
    Cov yuav hu ua Niam Nkauj Hnub Txiv Nraug hli, los hu ua Niam Txiv Kab Yeeb los hu ua Pog thiab Yawg no los puav leej yog Tswv Ntuj lub npe tib si.
    7->.Tsuav yog hu tau lub npe zoo rau neeg hwm thiab teev hawm ces yeej yog Qaum Ntuj lub npe zoo tib si lawm.
    Yog lub tseem npe haum li Qaum Ntuj lub npe, mas yuav tau coj thiab hwm ua lub npe ntshiab thiab dawb huv. Yuav muaj kev nyiam kev hlub thiab kev zam nyob hauv lub npe zoo ntawd. Txhob ua neeg xam khib los muaj kev cib nyeej npau taws rau tsoom txheeb ze.
    Thiab ua xaiv lus plaub ntug kom muaj kev sib foom, kom sab ntsuj plig tau txais lub npe teev hawm, tsis muaj kev ncaj ncees kev zam, kev hlub thiab kev nyiam, txhob ua kev phem los puas Tswv Ntuj lub npe zoo.
    8->.Tas txhua yam zoo haum li Tswv Ntuj lub npe, rau tus neeg coj ntawd, nyob rau nws nruab siab nrog tus yam ntxwv kev coj los kev ua hauj lwm txhua yam.
    Ncauj lus kev ua hauj lwm kom tawg tau lub paj zoo, txi tau lub txiv kom qoos. Kom nyob hauv txhua yam kev ntseeg tsis hais hom twg li.
    Kom luag pom yus yog tus neeg muaj nqes, hwm lub npe hu ua Huab Tais Ntuj. Rau tas ntiaj teb txhua hom kev ntseeg yuav tuaj qiv los kawm mus ua qauv yoog. Kom txhua hom kev ntseeg zoo li txhua lub koom haum ua neeg kheev nqi zoo li cov noob qoob muaj nqes yug neeg txoj sia.
    Nyob qhov twg, los luag tuaj nrhiav cov noob zoo coj mus cog, ua keeb noob zoo. Kom luag lwm Haiv neeg muaj suab npe koob meej zoo nto moo lug mus rau sab ua neej lub neej zoo.
    Lub npe hu ua Huab Tais Ntuj no, yog lub npe ntshiab huv thiab muaj kev hlub kev zam rau neeg ntiaj teb txhua Haiv, txhua xeem nrog rau txhua tus Leej Tib neeg mus thoob plaws.

    Sacramento.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 22nd July 2019, 7:24 pm


    Zaj 434- HUAB TAIS NTUJ TSIM NEEG LOS ZOO LI CAS.

    Saib ntawv Hauv Paus zaj 2:5-25.
    Neeg ntiaj teb yog ib tsav neeg, zoo tshaj txhua yam nyob ntiaj teb no. Vim Huab Tais Ntuj tau Tsim neeg los, xws li Huab Tais Ntuj tus duab.
    Tus Tswv Ntuj thoob tsib, Nws hlub neeg tas siab tas ntsws. Thaum neeg raug tus dab Xas Tas tuaj ntxias kom neeg ua txhaum tsis mloog Tswv Ntuj lus.
    Huab Tais Ntuj thiaj foom lus phem rau tus Nab hais tias: Koj tuaj ntxias tus poj niam no, noj lub txiv ntoo uas Ntuj txwv tsis pub noj.
    Mas tus poj niam no, ib tug xeeb ntxwv, yuav tsuj koj lub taub hau. Koj yuav tom tau nws luj taws xwb. Tus Tswv Ntuj hais txog no, yog Mab Liab uas yog Yes Xus Pleev, Leej Niam thiab peb neeg ntiaj teb sawv daws Leej niam.
    Peb cov neeg txais lub Cim Ntxuav, mas peb tau raug Tswv Ntuj tsim dua,kom peb rov ua tau ua neeg zoo zaum ob los ua neeg nyob.
    A.Thawj zaug Tswv Ntuj tsim neeg Yog As Das thiab Es Vas nkawd, Txij thaum ntawd los txog niaj hnub no, peb neeg ntiaj teb yug los ntawm As Das thiab Es Vas nkawd, cov tsuj roj ntsuj ntshav, zoo li Huab Tais Ntuj tsim thawj zaug, nyob hauv As Das thiab Es vas nkawd tus Ntsuj roj Ntsha los.
    Thaum peb yug los ua neeg. peb tawm hauv peb niam peb txiv cov ntsuj roj ntsuj ntshav los, xws li Tswv Ntuj tsim neeg thawj zaug.
    Hnub peb txais lub Cim Ntxuav, peb rov raug Tswv Ntuj tsim peb los dua zaum ob. Nyob hauv dej thiab nyob hauv Leej Tswv Yim Ntsiab.
    Yog lub Cim uas Tswv Ntuj hais rau Xas Tas tias, Tus poj niam no, yuav tsuj koj lub taub hau. Koj yuav tom tau nws lub luj taws.
    Yog Lub Cim pab peb rov yug los dua tshiab ntawm sab Ntsuj Plig. Yog muaj cov Cim no, tiv thaiv peb, kom peb sawv daws nrog peb Leej Niam Mab Liab tau tsuj Xas Tas lub taub hau, Xas Tas tsuas tom tau peb qab xib taws lawm xwb.
    Yog peb ntseeg thiab hwm lub Koom Txoos cov Cim Nqa Txiaj Ntsim tuaj pab peb:
    Mas Peb txais lub Cim Ntxuav tas, peb yuav coj Lub Koom txoos cov Cim no, ntxiv zog rau peb, zoo li lub Cim Yug, Cim txhab zog, Cim Daws txhaum. Cim cog lus thiab lub Cim Pleev.
    Yog peb tsis hwm cov Cim nqa txiaj ntsim no, mas peb txawm txais lub Cim Ntxuav tas. Los peb tsis muaj zog txaus, ces Xas Tas yuav ntxias tau peb kom peb muab lub Cim Ntxhuav uas peb txais ntawd, nrhuav tawm mus.
    Ces peb rov mag Xas Tas lub vas, zoj peb kom peb tawm tsis tau los ua Huab Tais Ntuj cov me nyuam. Ces peb tseem yuav raug kev txom nyem loj dua ntxiv, ua kom peb kho siab nyob hauv kev tsaus ntuj nti…
    Txoj kev yuav pab tau peb nyob ua Tswv Ntuj me nyuam kom ruaj nreb:
    a.Yog peb muab siab rau mloog, Huab Tais Ntuj 10 los lus qhia uas Tswv Ntuj tau qhia rau Mais Xes, nyob saum lub roob Xis Nais. Thiab Ntuj tau qhia kom Mais Xes sau tseg los rau peb coj.
    Peb yuav vam txog, lub Koom Txoos 7 lub ciam nqa txiaj ntsim tuaj pab peb no. Mas peb yuav muaj Yes Xus cov txiaj ntsim, pab tiv thaiv tau txhua tus neeg txais lub Cim Ntxuav. Kom nyob ruaj ua Tswv Ntuj me nyuam tseeb.
    b.Thiab peb kuj tseem yuav vam txog Tswv Ntuj cov lus uas Nws txib cov Yaj saub thiab Tswv Ntuj cov tub tiv thaiv, cov lus los tiv thaiv peb kev txom nyeem.
    Zoo cov lus uas peb hu ua Nkauj Paj Nruag, Los cov lus Tswv Ntuj tau ceeb toom rau cov Yaj Saub thiab cov Huav Paus xa lus tau sau tseg cia, mas peb yuav vam txog lawv cov lus ntawd, los ua peb cov lus thov Ntuj.
    Vim peb tsis paub cev ib co lus zoo, los taij thov Tswv Ntuj, peb thiaj qiv lawv cov lus, los cev peb tej kev iab kev khwv, nrog kev txom nyem, los qhib peb lub siab rau Tswv Ntuj saib.
    Kom tsim nyog rau Ntuj zam thiab hlub peb, ces peb thiaj yuav tau nyob ruaj rau txoj kev uas yog Tswv Ntuj me nyuam tiag raws li peb ntseeg rau Tswv Ntuj nyiam.

    Sacramento tim 5/11/2018.
    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 2nd August 2019, 9:34 am



    Zaj 435- HAIS TXOG SAB TSWV YIM LUB SIAB NTSE.

    Tas nrho ib tsoom txiv neej thiab poj niam, nyob ntiaj teb no. Lub tswv yim ntse thiab thoob tsib tshaj, mas yog tsoom poj niam!
    1.Cov poj niam, mas lawv muaj tej yam zoo li no, nres lawv txoj kev thoob tsib:
    Cov poj niam, lawv muaj lub meej mom zoo nkauj nyob nrog txoj kev hlub, kev nyiam ua kom lawv ntxim hlub nyob nrog lawv. Thiab lawv tsis tsav hwj chim siab, lawv lmoog lus dua cov txiv neej.
    Thiab cov poj niam, lawv nyiam txo hwj chim, qis dua cov txiv neej. Lawv paub lawv tus kheej tias. Lawv muaj lub zog tab dua tsoom txiv neej, ces lawv ua ib siab txo hwj chim kom qis dua tus txiv neej.
    Yog vim txoj kev txo hwj chim no ntag, tsoom poj niam thiaj ua tus swb lus los swb cev rau tsoom txiv neej ntxias dag thiab yuam tau tsoom poj niam ua kev txhaum.
    Puas yog thaum Ntuj tsim neeg los, Ntuj tau muab poj niam li kom zoo dua tus txiv neej! Ntuj muaj ib lo lus hais tias:
    Ntuj tau muab tus txiv neej ib tug txha tav los tsim ua tus poj niam. Ces tus poj niam thiaj tau lim zaum ob lawm, kom thoob tsib dua tus txiv txiv neej.
    Yog muaj tseeb li Ntuj lo lus no, mas tus txiv neej ntawd, nws tau lim ib zaug xwb, uas yog lim ntawm av los. Nyob hauv lub sim ceeb no, yog ua twb zoo muab ntsuam xyuas los.
    Mas tsoom poj niam yog tsav muaj nuj nqes dua tsoom txiv neej! Lo lus hu ua POJ NIAM no, tseem ceeb thiab muaj nqes kawg tiag.
    Tas nrho tsoom Noob Nej, tuaj nyob ntiaj teb no, yog txiv neej thiab poj niam ob leeg rhawv tawm los. Tus muaj nqes dua yog yog tus poj niam.
    Vim li ntawd, Ntuj thiaj cia tsoom poj niam ua tus muaj cai xeeb tub. Tsoom neeg yug los ua neej nyob rau ntiaj teb no, yog tus hu ua Leej Niam nws yug tub ki los ntawm nws tej roj ntsha los.
    Nws yug tau los lawm, nws muaj nplooj siab hlub thiab qee nws li roj ntsha los yug tus me nyuam, kom txawj noj mov.
    Dhau qhov me nyuam noj mis lawd, nws tau siv zog khwv puab khwv peem, ua kab ua noog los cawm tus me nyuam txoj sia, kom loj hlob tiav hlaub tiav ces.
    Poj niam txawj tooj xov ntos ntaub, ua tsoos maj tsoos ntuag, los rau hnav kom kom nqaij tsis tawm rau tshav ziab. Tawv nyob phim zam zoo, hnav hnav tsoos, ua neeg muaj xom lees, rau sab kev zoo nkauj zoo nraug.
    Yog hais qhov tseeb, mas Leej niam muaj kev hlub tub ki dua leej txiv. Leej niam, nws zeem tseeb thiab paub tias yog nws li roj ntsha.
    Hos Leej Txiv, mas nws yuav hlo lub npe lub koob meej tias, yog nws tug. Yeej yog lawm, tab sis Leej txiv lub siab nyob deb zog ntawm tej tub ki dua leej niam.
    Ntawm Leej Txiv, mas nws siv tas nrho nws lub hwj chim los huas ua nws tub ki. Leej txiv mas nws hais nrog nws lub zog thiab lub peev xwm ntau. Muaj yam puav kuj zoo li yuam ntiag los ua nws tug. Qhov tseeb mas tus Leej Niam yog tus tseeb dua hais txog kev hlub.
    Nyob ntawm ob tug niam txiv, uas yog txij nkawm no, Leej txiv nws yuav tso tau nws tej tub ki nrog kwv tij txheeb ze nyob ua luag puab rooj puab ntsa, ntau dua leej niam.
    Nyob ntawm Leej niam sab, Tab yog Ntuj pab, los neeg tsis pab, mas tej niam tub thiaj tau kev sib ncaim mus ua lub neej nyob ua ntsuag. Tej hais no tsis yog Ntuj ua li ntawd, yog neeg txua kom muaj li ntawd xwb.
    Hmoob Yeej ua yog lawm thiab, thaum lawv qua ntxhais mus ua neej, lawv thiaj muaj sau nqi. Vim tus poj niam suav txij hnub nws sawv kev mus ua nyab.
    Mas lub xeem Hmoob tod, muas tau niam txiv tom ub ib tug ntsuag nyiaj ntsuag kub coj los ua neej lawm tiag. Tus poj Niam zoo, mas nws nchos cev xwb los nyiaj thiab zaub mov txawj poob los tau siv tau noj lawm.
    2. Hais txog ntawm Hmoob kab lis kev cai los Hmoob dab qhuas. Tus dab qhuas yog tsoom txiv neej ua tus tuav thiab coj.
    Txiv neej coj li lawv nyiam, lawv xia lawv muaj tswv yim zoo los muaj zog thiab muaj peev xwm. Ces thiaj ua tau kom Hmoob, muaj dab qhuas ntau tsis sib thooj, ces nyob tsis taus koom ua pab ua pawg. Hmoob muaj tib hom dab qhua xwb.
    Los Hmoob hais tias, peb li txawv neej li, txawm yog ib lub xeem xwb, los dab qhuas txawv lawm ces sib pab los tsam txhaum rau dab. Yog dab tsis yuav nej los ua peb dab, mas pab tsis tau.
    Kab lis kev cai los nyias txawj txawj txua nyias ntxiv, Hmoob hais tias, ib rab teb tsa txauj. Nyias muaj nyias txuj. Peb teb caws txawv nej teb chaws, ua rau Hmoob kawm tsawg tiam los kawm tsis tas li.
    Hos Txuj ci ces yog tsoom poj niam coj, lawv tsis hloov txuj ci ntaub ntawv poj niam Hmoob muab zais rau hauv tej qauv paj ntaub, tw siv los dab tshos tas tib si los txog niaj hnub no.
    Yog tsis muaj tsoom poj niam Hmoob no, mas Haiv Hmoob tej tsoos tsho, twb ploj mus tau ntau txhiab pua xyoo los lawm.
    Qhov uas lub ntiaj teb neeg li tej Mab Sua tseem paub tias, Hmoob yog Hmoob, no twb yog tsoom poj niam Hmoob tuav khov kho los txog niaj hnub no.
    Neeg ntiaj teb li Mab Sua luag pom luag thiaj paub tias, Hmoob yog Hmoob, twb yog tsoom poj niam hmoob no, tuav rawv nyob rau lawv nruab siab thiaj tsis tau ploj mus.
    3. Ntu kawg xav kom peb tsoom Hmoob, tsis hais txiv neej los poj niam. Tsoom poj niam yog tsav neeg muaj nuj nqes tiag. Peb nyias yuav tsum paub nyias tias, peb sawv daws muaj qhov zoo sib npaug, loj sib luag. Muaj meej mom laj lim tswv yim zoo sib xws.
    Tus tsav hwj chim dhau lawm, yuav tau txo hwj chim los kom sib haum. Raws li kev nyiam kev hlub. Thiab kev muaj vaj huam sib luag. Ob pab, txiv neej thiab poj niam muaj hwj chim sib luag. Txoj kev muaj hwj chim koob meej yam hauj lwm sib, tso rau poj niam ua.
    Txoj muaj hwj chim meej mom yog ua qhov hnyav cia rau tsoom txiv neej ua,yuav tuaj yeem los txais kom hauj lwm khia zoo. Lub meej mom hwj chim, saum kev noj nqaig haus dej caw los kom muaj meej mom loj sib xws.
    Txiv neej los poj niam yuav los zaum sib txig sib luag, pub rau phaj yog niam yog txiv, los yog phaj pog phaj yawg.
    Peb txhob siv lub tswv yim qub qub uas cais noj cais haus, txiv neej muaj txiv neej rooj. Poj niam mam muaj poj niam rooj, lawv mam los khee tw khee khua, ua li ntawd mas tsis tsim nyog lawm.
    Yog sawv daws paub tej hais no kom meej, mas kev sib nrauj sib tso yuav muaj tsawg zuj zus mus. Tsuas tshuav tus uas nws yeej nyiam nws txoj kev poob tsim mus, cia nws ua nws. Lub ntiaj teb yuav muaj kev vam meej nyob thaj yeeb loj zuj zus tuaj.
    Xav Ceeb Toom rau Tsoom Hmoob yuav tau qhia lus Hmoob rau Hmoob tej tub ki. Tsam nyob nyob, los lwm Haiv neeg Mab Sua ho tuaj qhia Hmoob txuj ci rau Hmoob. Mas peb yuav xav li cas?

    Sacramento tim 10/9/ 2018.
    Yaj Zoov Ntxheb X.H.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 5th August 2019, 12:16 am



    Zaj 436- HAIS TXOG PEB TXOJ KEV SIB TSHUAM.

    Tas tsoom leej tib neeg txhua tus hnub laus, yuav mus ntsib peb txoj kev tshuam no!
    1.TXOJ MUS RAU NTUJ CEEB TSHEEJ.
    Cov neeg muaj lub siab dawb siab huv, ua neeg ncaj ncees. lawv coj tau lub neej mloog Tswv Ntuj lus, hnub kawg lawv ncaj qha mus pem Tswv Ntuj lub Ceeb Tsheej.
    Lawv yog cov uas tau coj lub neej raws li Yes Xus hais rau pab neeg muaj txoj hmoov zoo tias:
    Nej cov uas nej txom nyem, cov uas nej quaj ntsuag, cov ua nej tshaib nqhis txoj txoj kev ncaj thiab raug luag hiam. Mas nej txoj hmoov zoo….
    Qhov txuas mus no, tsuas yog Tswv Ntuj ib leej thiaj paub tias, yog leej twg thiaj tau mus rau qhov ntawd. Yog Leej Tswv Yim Ntshiab tsis qhia, mas lub Koom Txoos kuj yuav tsa tsis tau kom muaj cov Leej twg ua Leej Ntshiab.
    Pab no, mas lawv muaj lus ua pov thawj, nyob hauv lawv tes hauj lwm thiab lawv lub neej. Yog Leej Ntuj Plig muab qhov tseeb. coj los zeem tseeb rau lub Koom Txoos, lawv thiaj tsa tau ua Leej Ntshiab.
    2. TXOJ KEV MUS RAU TEB CHAWS THEM TXIM.
    Cov uas yuav tau hla mus rau teb chaws them txim tas, mam hla tau mus rau Ntuj Ceeb Tsheej. Mas muaj ntau leej neeg tau ua tim khawv, pom cov Ntsuj Plig nyob teb chaws them txim.
    los thov kev pab cuam rau tsoom neeg ciaj tseem ua neej nyob rau ntiaj teb no. Zoo li tus Leej Ntshiab Mab Liab Xim Mas {Simma} nws thiab ntau leej tau sau hais tseg tias:
    Cov Ntsuj Plig nyob teb chaws them txim, mas muaj coob kawg. Cov mus teb chaws them txim no, tsis yog tias, cov neeg ntseeg xwb thiaj mus.
    Nws muaj tas txhua haiv neeg, cov teev dab qhuas teev hauj Sam Phus Thas los coj lwm yam kev cai. kuj muaj cov mus rau teb chaws them txim.
    Vim tias, tas txhua txhua Haiv neeg, txawm nyob sab nraud, lawv tsis ntseeg txog Tswv Ntuj. Los lawv yeej paub tias, lawv tuaj ua neeg nyob ntiaj teb no. Yog Tswv Ntuj tsim lawv lub cev thiab lawv tus Ntsuj Plig thiab xa lawv tuaj nyob ntiaj teb no.
    Vim li cas lawv ho tau mus teb chaws them txim: Lawv yog cov neeg tsis xyuam xim, los tsis ceev faj, lawv hais lus loj loj, li saib tsis taus tias, muaj Tswv Ntuj. Lawv ua txuj tsis paub Tswv Ntuj, lawv yeej paub tias, lawv dag rau lawv thiab dag rau Tswv Ntuj lawm.
    Cov mus teb chaws them txim no, muaj tas nrho txhua phiaj neeg. Cov pej xeem, txiv neej poj niam, los cov ua nom ua tswv tib si.
    Cov ntseeg, qas pej xeem los cov thawj neeg li, cov ua Xib Hwb, ua Leej Choj, los ua Tswv qhia puav leej muaj coob kawg mus.
    Vim tias sawv daws ua Ntuj txoj hauj lwm, lawv tsis xyuam xim. Nyob hauv cov thawj neeg muaj qee zaus lawv tau tsab ua tus loj dua Tswv Ntuj los muaj.
    Lawv tau ua tej yam yuam kev, tsis haum txoj kev ntseeg thiab hla lawv lub meej mom. Lawv tau coj thiab ua yam tsis nyob hauv lawv lub hom phiaj.
    Lawv ntshaw ntiaj teb lub cuab tam muaj nqes loj dua Tswv Ntuj kev ncaj ncees lawm. Los lawv tau muab kev ua txhaum rau qee leej neeg siab dawb huv ris ua lub nra hnyav los ua kom mawv tsis muaj meej mom los tsis tsim txiaj mus.
    Lawv txais txoj kev ua Ntuj tus tub txib, tab sis lawv lub siab yoog raws li dab phem qhia. Lawv tsab ua neeg loj dua Tswv Ntuj thiab lawv noj taus ntxhib li tsiaj, tsis paub kev txaj muag.
    Cov mus teb chaws them txim yog cov meeg muaj txhaum, tab sis mus tsis tau txog txoj kab liab. uas yuav tau ncaim mus rau ntuj tawg, tas niaj txhiab mev txhias.
    Nyias yuav tau mus nyob nrog caij nrog nyoog, ua Hmoob lo lus hais tias: Mus lim yus kom yog cov tseem nyiaj tseem kub, nchuav hauv lub yeej vub los tso. Thiaj yog cov tseem cag nyiaj cag kub tiag.
    Sawv daws tsis nyob sib npaug los ib yam, leej twg tau sau tau ntau nyob ntiaj teb no, nws kuj yuav tau nyob ntev dua.
    Li ntawd, mas cov Ntsuj Plig nyob teb chaws them txim thiaj vam thiab tos cov neeg nyob ntiaj teb no tej txiaj ntsim los ntawm kev teev ntuj mus pab lawv kom tau dim sai los.
    Tsim nyog peb sawv daws cov neeg ntseeg yuav tau nco txog cov Ntsuj Plig nyob teb chaws them txim yuav rau siab nco teev Ntuj, thov txiaj ntsim mus pab cuam daws tso lawv cov ntsuj plig kom tau dim sai.
    Qee leej lawv nyob tsis ntev, qee leej yuav tau nyob ntev li ob los peb xyoo. Leej Puav uas thaum nyob ntiaj teb no mas lawv twb mus yuav luag ti txoj kab liab lawm.
    Mas lawv yuav nyob ntev xyoo npaum li cas peb tsis paub, Yeej xws li cov neeg tau ua txhaum kev cai ntawm tej nom tswv yuav nyob 10 xyoo. 20 los 50 xyoo. Tej no tsuas yog Tswv Ntuj ib leeg thiaj paub.
    Tab sis muaj qhov hais tias: Cov neeg ciaj thiab cov neeg tuag,peb yuav ua ke faib Ntuj txiaj ntsim no. Mas peb yuav tau nco ntsoov txog lawv. Nyob hauv peb cov zaj teev Ntuj…
    Cov me nyuam yaus, lawv mus teb chaws them txim kuj muaj. Lawv tsis nyob ntev, vim lawv tsis tau paub tab txaus li ib tug neeg laus.
    Tus Leej Ntshiab Mab Liab Xim Mas hais tias: Tswv Ntuj Leej Niam tau mus saib cov Ntsuj Plig nyob hauv teb chaws them txim. Kom lawv muaj kev tso siab tias, tsis ntev yuav txog hnub dim mus.
    3. COV UAS LAWV TXO LAWV TXOJ SIA NE?
    Hais txog cov uas lawv muaj kev tu siab loj, uas tsis paub ua neej nyob. Lawv tau muab lawv txoj sia txo mus lawd. Tsis tau txhais hais tias, lawv yuav mus nyob ntuj tawg, tas ib sim neej, nyob rau dab teb mus li.
    Yog cov uas lawv tau ua kom luag muaj kev tu siab loj, ces luag thiaj tau muab luag txoj sia txo mus. Mas lawv yuav tau txais lub txim hnyav dua ib los ob npaug saud ntxiv.
    Tej no yog kev txiav txim lawm, mas tsis muaj neeg yuav mus paub tau txog.
    4.KEV MUS THAWJ THIAB NE!
    Hais txog kev mus thawj thiab, cov Ntsuj Plig uas lawv nyob teb chaws them txim tsis tau pom neeg mus thawj thiab. Tswv Ntuj tsuas muab ib leeg ib txoj sia thiab ib leeg ib tug Ntsuj Plig xwb. Dhau qhov yuav mus thawj thiab, yog Tswv Ntuj ib leeg thiaj paub xwb.
    Neeg cov Ntsuj Plig tsis paub txog tej yam uas nyob siab dhau saud lawm. Vim Tswv Ntuj saib ntsoov neeg lub siab, nrog neeg kev teev Ntuj.
    Ib tug neeg nws niaj hnub, mus teev ntuj thiab ua tas txhua lub cim, tib si kom txhij txhua. los tseem daws tsis tau, tau nws cov txhaum kom tas.
    Vim neeg vim neeg muaj kev xam khib thiab ntshaw luag tug, nrog rau kev dag, hais lus cuav tej no, tseem muaj nyob hauv nws nruab siab. Mas tab yog nws teev ntuj npaum li cas, los yog nws tsis hloov siab.
    Mas tsis muaj ib yam yuav daws tau mus, ua li cas los kawg yuav xaus mus rau txoj ncauj ke, mus txog teb chaws them txim. Mam li dhau tau mus lwm qhov chaw.
    5. KEV MUS SAIB SAUB.
    Txoj kev mus saib Saub paub txog ntau yam, mas kawg los ntawm Xas Tas kev muaj zog los, coj kom neeg yuam kev. Kom neeg tsis pom los paub tias, neeg twb yuam kev mus lawm.
    Nyob hauv txoj kev mus saib yam ub los saib no, mas muaj ntau yam coj kom neeg yuam kev mus deb kawg. Qhov neeg yuam kev yog dab tsi?
    Kev mus saib Saub muaj qee zaud, mas pob zeb pob ntoos nws tsis txawj hais lus. tab sis pob zeb pob ntoos tseem paub tshaj tus Tswv Ntuj ua yog tus tsim tas txhua yam muaj tuaj nyob ntiaj teb no lawm.
    Pob Zeb pob ntoos kuj txawj foom hmoov zoo mus siab dua li neeg thiab Tswv Ntuj lawm thiab. Koj yuav xav li cas?
    6. KEV THOV NTUJ NE!
    Kev thov ntuj muaj nqes npaum li cas? Nco ntsoov muaj ntau lub caij nyoog, uas yus hais tias: Yus sab sab, los nkees nkees, tsis muaj caij thov ntuj los teev ntuj li.
    Mas yog lub caij ntawd ntag, yuav muab siab rau thov ntuj. Ntau dua txhua lub caij, kom pab tau yus. Dab phem lub zog thiab nws txoj kev ntxias tab tom los yuav txog yus tam sim ntawd.
    Ib vuag xwb, yus tsis plam ntawm ncauj los yus tau plam tes taw kiag, ces yus swb kiag mus lawm. Yus swb mus nyob hauv txoj kev ua txhaum lawm ces tas nrho yus ib sim neej, khuv xim tsis txawj tas mus li.
    Yes Xus Lub Koom Txoos qhia peb nyob hauv zaj kuv ntseeg txog Tswv Ntuj. muaj lo lus tias, ntseeg txog Ntuj cov me nyuam ua ke faib Ntuj txiaj ntsim.
    Thaum peb mus teev ntuj, peb yuav nco txog peb tej txheeb ze: Xws li peb niam tej txiv, los peb tej me tub me nyuam, rau pej txheeb ze uas lawv dua nras lawd.
    Lawv yog cov tseem nyob hauv teb chaws them txim, tos ntsoov cov paj tshab uas peb yuav xa mus txog lawv. Lo lus peb Hmoob hais tias, tej niam tej txi, los tej pog tej yawg, lawv tshai nqhis thiab tsis muaj nyiaj siv.
    Peb yuav xa cov txiaj ntsim peb thov ntawm Tswv Ntuj xa mus pub rau lawv kom lawv tau dim txim mus sai.
    Peb yuav nquag hais zaj peb txiv nyob saum ntuj, koj nyob kaj lug Mab Liab thiab Huab Tais Leej Txiv, Huab Tais Leej Tub thiab Huab Tais Leej Ntuj Plig muaj koob meej nto moo lug lub zim txwv no mus txog fab lwm txheej.
    Xws li txheej laus thaud los ua li. Ua paj tshab. mus pub rau cov Ntsuj Plig tseem nyob rau teb chaws them txim. Yog tus peb paub thiab xa mus rau nws ntawd, yog nws tseem nyob hauv.
    Mas nws yuav tau txais, yog nws tau dhau mus lawm. Los Tus Tswv yuav muab faib rau tus tsis muaj neeg nco txog thiab tau xa txiaj ntsim mus ua paj tshab pub rau nws.
    Zoo ib yam nkaus li peb mus tsham xyuas cov neeg txom nyem, qhov seem ntawd, peb yuav muab pub rau tus tsis muaj. neeg nco txog thiab xa mus rau nws.
    Kev sib faib Ntuj txiaj ntsim, mas peb ua ke faib rau cov tseem ua neej nyob rau ntiaj teb no. Thiab cov nyob teb chaws them txim, tau ib yam nkaus.

    Sacramento tim 23/2/2019.
    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 23rd August 2019, 5:51 am


    Zaj 437- HAIS TXOG COV XIB HWB TSEEB THIAB COV XIB HWB CUAV.

    Txij li lub zim txwv uas Tswv Ntuj tau tsim neeg, tuaj nyob hauv lub Sim Ceeb no. Txoj kev ncaj ncees tseeb raws li Tswv Ntuj lub siab tshaj thiab ceeb toom tuaj.
    Mas tsis hais fab twg, los txoj kev ntseeg twg li. Tswv Ntuj yeej feeb yam zoo thiab tseeb tuaj rau lub Sim Ceeb no nkaus xwb.
    Cov zoo li Siv Yis Hmoob thaud, thiab Phu Thas yeej yog ib co saub raug Tswv Ntuj txib tuaj tas nrho. Txhua tus. Dua li cov raws cov Yaj Saub no qab, los raws Tswv Ntuj qab.
    Mas mam muaj qhov tseeb thiab cuav, uas tom qab no. Tus yauv ua Xib Hwb tseeb los cuav, mas yog tawm ntawm leej tib neeg los tas nrho. Lub keeb mas yeej yog Tswv Ntuj li lus ceeb toom tuaj hais txoj zoo tas nrho.
    Nyob ntawm tus neeg raug Tswv Ntuj txib los ntawd, nws tau muab ua kom muaj tseeb thiab muaj cuav mus. Zaj lus zoo thiab tseeb, uas Tswv Ntuj tau txib thawj tus neeg, hu ua Xib Hwb kom tau tshaj tawm los yeej yog yam zoo thiab muaj tseeb.
    Thaum dhau thawj tug los lawd, mas yog cov Xib Hwb tom qab no. muaj tus tseeb thiab tus cuav, tuaj yeem ua Tswv Ntuj tes dej num no txuas mus.
    Ces mas muaj qhov tseeb thiab cuav, mus sib raws ua ke los mus. Txij lub hauv paus los neeg yeej nyiam muab ntxeev los tshaj tawm tau mus ua yam tseeb los cuav mus lawm.
    Nyob tas nrho hauv tsoom Xib Hwb, suav tau hais tias: Ua cas twb muaj zoo li ntawd, vim li cas Tswv Ntuj ho tsis muab cov cuav ntawd rhuav tshem mus?
    Yam uas Tswv Ntuj tsis xav rhuav, vim cov ntseeg uas lawv caum cov Xib Hwb cuav no! Feem coob kuj yog neeg siab ncaj, lawv tsis paub, lawv yeej ntseeg tus Xib Hwb tuag nthi mus ti txha nkaus, nyob rau lawv nruab siab.
    Lo lus hu ua Xib Hwb yog hais tias, nws yog tus qhia ces neeg ntseeg nws tas siab nrho lawm. Thiaj hu ua Xib Hwb no tau.
    A.Cov Xib Hwb tseeb, yog cov tsis hloov Ntuj lus, hais muaj li cas, mas lawv tsuas hais npaum li ntawd. Yam lawv ntxiv rau tsuas yog txhais yam neeg tsis to taub nrhiav lus txhais kom neeg to taub thiab nkag siab zoo xwb.
    Cov Xib Hwb tseeb lawv tsis ncaim ntawm Leej Ntuj Plig tus peb hu ua Leej Tswv Yim Ntshiab no mus. Thiab lawv tsis txua tej yam kom luag qhuas tias, Tus Xib Hwb muaj hwj chim thiab muaj koob meej loj kawg.
    Nws nyob nrog txoj kev ncaj ncees, muaj kev nyiam kev hlu nrog kev sib zam nyob hauv tswv Ntuj lub npe. Lawv tsis nrhiav kev ua tub qaug rau Ntuj thiab rau neeg.
    Lawv tsis nrhiav kev kom tau ua neeg nplua nuj muaj ntiaj teb cuab tam ntau. Lawv hwm tas tsoom neeg uas yog Ntuj me nyuam.
    Lawv tsis nrhiav kev noj qab nyob zoo nrog kev ua si siv lwm tus lub sib lub cev coj los zwm rau kev ua txhaum. Lawv txawj hlub neeg thiab txawj pom luag lwm tus, kev txom nyem .
    Nws pom luag txom nyem nws lub siab nyob tsis tiaj tus thiab nyob tsis kaj siab. Nws txawj txiav txim nrog luag faib kev txom nyem ua ke.
    B. Hos tus yog Xib Hwb Cuav, mas nws xaiv tau txoj kev ua Xib Hwb los nrhiav koob meej hwj chim rau neeg hwm. Txoj kev nws ua Xib Hwb, uas nws niaj hnub tshaj ntawd. Nws tau qiv Ntawm Tswv Ntuj los hais tiag.
    Tab sis nws hais kom haum li leej tib neeg kev nyiam xwb. Nws txua ntau yam nyob ze Tswv Ntuj zaj lus, los hais, kom neeg mem tsis tau yam tseeb thiab yam cuav.
    Yog tib txoj kev li tus tsis Xib Hwb tseeb tshaj zoo tib yam tsis txawv li. Tab sis nws tau ntxiv tej yam ua raws li neej tej nplooj siab nyiam.Nws txua los hloov tej yam ua rau neeg to taub yuam kev.
    Nws sau cov neeg ntseeg, lawv tej se los ua nqi zog ua ua paj tshab cev rau tswv Ntuj. Tab sis nws tsis xa rau Tswv Ntuj. Nws tau ceev ua nws tug.
    Nws cob qhia tsoom sid tias, tus ua Xib Hwb muaj cai loj ib yam li Tswv Ntuj. Tsoom neeg ntseeg yuav tau xa se rau Xib Hwb. 1/10, Vim Nws hloov tswv Ntuj los Vaj Tswv ua hauj lwm nyob ntiaj teb no.
    Tsim nyog tsoom neeg ntseeg yuav muaj nyiaj se rau nws 1/10 Tswv Ntuj thiaj pom zoo nyiam thiab hlub tsoom ntseeg.
    Tus Xib Hwb Cuav txawj txua kev cai lij choj sib pab daws kev txiv neej los poj niam tej teeb meem muaj kev kho siab, los ntawm kev sib faib koob hmoov uas koj yuav tau daws kuv kev tu siab kom nyob kaj siab lug.
    Txog koj yog kuv yuav tau daws rau koj tib yam, tej no mas yog Ntuj kev sib fab txiaj ntsim xwb. Koj ua tau rau kuv zoo siab, kuv pub tau rau koj zoo siab ces wb muaj ntuj txiaj ntsim sib npaug zos.
    Muab yus tus txheeb ze tshaj plaws cais mus, tso deb zog, ua kev tu sib los tseem muaj cuab kav hais tias: yog sib pab ua Ntuj hauj lwm xwb, kom tus txheeb ze txhob tu siab yuav tau ua siab loj.
    Yam hais li no, tswv Ntuj txoj cai tsis muaj, Yog tsoom dab phem cob qhia kom ua tau mus li ntawd. Tus Dab uas Yes Xus hu nws lub npe ua Xas Tas no Nws yeej tso rawv ib npoj dab kom kiav nrog Tsoom Xub Hwb cuav mus sib law sib liag.
    Tus Xib Hwb twg, los tab txawm yog Tswv Ntuj xaiv tau nws los, yog nws nyob nrug Leej Tswv Yim Ntshiab deb lawm, ces Xas Tas yeej muas tau mws yooj yim. Vim peb neeg ntiaj teb, peb tsis muaj zog txaus tiv thaiv kom tas txhua yam xwv txheej loj npaum li piav los no.
    Yog leej twg xav paub tias, Tus twg yog Xib Hwb tseeb, los tus twg yog tus cuav. Mas peb yuav saib nws tus yam ntxwv thiab nws tes hauj lwm, tawg paj los zoo li cas, mas qee leej peb yuav paub tau thiab.
    Kwv tij txawm peb pom muaj tim tseev li hais no, lawm los thov kom peb txhob sib thuam. Peb yuav tau thov Ntuj, pov hwm nws vim nws tau nrog Tswv Ntuj sib cog lus lawm.
    Nws tau swb tus dab Xas Tas mus lawm, thiaj ua tau tus cuav li ntawd. Peb yuav txhawb kom tau nws tig rov los ua tus Xib Hwb Tseeb, Kom Tswv Ntuj rov foom koob hmoov los rau nws.
    Kom nws rov tig tau ua Tswv Ntuj tus Xib Hwb tseeb, kom tau ua Tswv Ntuj me nyuam nyob ntshiab li dej dawb li txhuv ua Tswv Ntuj cuab yim neeg ua ke.
    Vim tias tsis yog nws xwb tim mus xaiv kom tau ua tus cuav, nws swb rau dab Xas Tas muas tau nws, ces nws thiaj hloov mus ua tus cuav lawm. Tsuav yog Ntuj tsis tau rhuav, mas peb yuav thov Ntuj pab nws.

    Sacramento tim 28/1/2019
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 28th August 2019, 5:43 am



    Zaj 438- COV RAUG UA TSWV NTUJ TUB TXIB.

    Tus nws lees ua Tswv Ntuj ib tug tub txib, nws yuav ua lub neej nyob npuab nrog Leej Ntuj Plig Ntshiab mus li. Peb mus ntsia rau Yes Xus cov Thwj Tim, thaum lawv tsis tau muaj Leej Tswv Yim Ntshiab nyob hauv lawv nruab siab.
    Hnub uas Yes Xus yuav mus rau nram Yes Lus Xas Les, Yes Xus hais rau cov Thwj Tim tias: Peb yuav mus Yes Lus Xas Les, cov thawj Leej Choj, cov Thoob Xwm ntawv thiab cov Fas Lis Xais.
    Lawv yuav muab leej Neeg tus Tub yuav raug tua, hnub peb Nws yuav sawv rov los. Pob Zeb nroo rau Yes Xus tias, Peb tsis xav kom muaj li ntawd.
    Tam sim ntawd Yes Xus cem Pob Zeb tam sis ntawd tias, Xas Tas, koj lawv kuv qab, koj ua chaw rau kuv dawm taw. Koj xav li neeg xav xwb, koj tsis xav li Tswv Ntuj xav. Vim cov thwj Tim tsis tau muaj Leeb Ntuj Plig, ces lawv xav li nqaij thiab ntshav qhia rau lawv.
    Neeg tsuas paub muab lub cev los hais lus nplij kom luag zoo siab xwb. Vim neeg tus Ntuj Plig tsis tau paub kev los zeem Tswv Ntuj thiab ua tau raws li Tswv Ntuj xav.
    Thaum Yes Xus yuav mus rau pem ntuj Nws hais rau cov Thwj Tim kom txhob tawm mus qhov twg li. Lawv yuav pom thiab tau txais leej Tswv Yim Ntshiab.
    Hnub uas Cov Thwj Tim tau txais Leej Tswv Yim Ntshiab lawd. Pob Zeb thiab Nws cov kwv luag hloov tas nrho lawm.
    Pob Zeb Muaj peev xwm tshaj tawm kiag rau tsoom His Xas Lais tias: Tus Yes Xus uas nej muab nws tua nyob saum ntoo cuam ntawd, Nws yog Tswv Ntuj Leej Tub tiag.
    Peb ua tim khawv pom nws sawv hauv cov tub tuag rov los lawm. Nyem no Nws tau nce mus lawm saum ntuj lawm. Nws yog Tswv Ntuj tus Pleev tuaj cawm lub ntiaj teb neeg tiag.
    Nej yuav tig los yuav lub siav tshiab, kom tusTswv Ntuj yog Yes Xus Leej Txiv thiab peb ntiaj teb Leej txiv tau kev cawm peb los ua Tswv Ntuj toom tub ki dwb huv nyob mu sib txhiab ib txhis.
    Cov neeg ua Xib Hwb, ua Leej Tsob Hwb, ua Leej Choj yuav ua lub neej nyob nrog Leej Ntuj Plig. Kom txawj hais lus thiab muaj lub siab xws li Yus Xus uas yog Tswv Ntuj Leej Tub.
    Txhob mus xyaum ua neeg khav theeb, nrhiav hwj chim thiab nrhia kev tsab ua neeg nplua nuj. Yog lawv tig mus rau sab muaj tus ntsuj Ntsuj Plig ua tsis haum li Tswv Ntuj kev nyiam kev hlub.
    Mas tus ntawd, nyog neeg nyiam mus npuab rau Dab phem sab. Nws coj li nqaij thiab ntshav qhia nws ua xwb. Tus ua tej yam uas. Ua tas kom muaj neeg pauj rau nws, mas nws ua kev txhaum, vim nws tau coj ib pab neeg yuam kev kom tau ncaim ntawm Tswv Ntuj mus.
    Cov nyiam txua li tej yam, raws li tej poj koob yawm koob coj thiab pheej txua tej yam uas tsis haum li kev ntseeg. Lub hauv paus coj, mas lawv muab ua raws li neeg keeb kwm los xyaw rau, mas lawv yoog raws nqaij thiab ntshav qhia lawv ua los mus xwb.
    Lawv tsis yoog raws li Tswv Ntuj Leej Tswv Yim coj lawv ua. Leej Tswv Yim muaj kev qhia kev pauv los ntawm nqaij thiab ntshav los.
    kho kom hawm li Tswv Ntuj txoj kev thoob tsib kom dhos mus nrog lub ntiaj teb txhua yam kev sib raug zoo.
    Tus raug ua Tswv Ntuj ib tug tub txib, yuav ceev faj, thov rawv Leej Tswv Yim Ntshiab coj qhia ua kom sib rau zoo nrog lub ntiaj teb.
    kom sawv daws muaj kev nyob kaj siab ua qhov tseeb los zwm rau txoj kev ua Ntuj me nyuam, nyob ua neeg dawb huv.
    Txhob txua tej yam kom tau muab neeg faib mus, los sib ncaim mus ua ntau pab ntau pawg. Tsam yus yog tus coj ib pab neeg ncaim ntawm Tswv Ntuj mus.
    Tsis ua raws li Lub Koom Txoos uas Yes Xus tau tsa los nyob saum lub pob zeb. Uas kom dab phem cov rooj loog yuav tsis yeej lub pob zeb ntawd, li Yes Xus tau hais tseg.
    Thaum yus txua tej yam tsis haum nrog Lub Koom Txoos, ces yus tsis paub, tab sis yuav twb tau coj qee leej neeg ncaim ntawm lub Koom Txoos mus lawm.
    Peb yuav ceev faj, vim peb tsis tau muaj ib tug Txiv Leej Choj Hmoob, nyob khov kho, rau saum lub Pob Zeb. Uas nyob hauv lub Koom Txoos. Ces peb Cov Xib Hwb paub tsis tshab li Tswv Ntuj txog kev tseeb.

    Sacramento tim 20/ 12/2018.
    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 3rd September 2019, 9:23 pm



    Zaj 439- DAB PHEM XAS TAS LUB TSWV YIM.


    Tus thawj dab phem Xas Tas no, niaj hnub nrog nws cov dab ntsuj plig phem. Sab laj txog txoj kev cuab ntxiab, tav neeg ntiaj teb txoj xub kev.
    Kom mag tau tas nrho, cov thawj neeg nyob hauv kev ntseeg thiab cov thawj neeg, coj lub ntiaj teb neeg tuav tej kab xwm ua pub rau neeg ntiaj teb.
    Kom sawv daws tau mag tas, rau Dab phem cov kev ntxias. Dab Xas Tas hais rau nws cov dab tias: Peb yuav txwv cov neeg ntseeg, kom lawv tsis txhob mus teev hawm lawv tus Tswv Ntuj, mas tsis tau.
    Thiab peb yuav txwv kom lawv txhob mus, tsa cov tuam tsev teev hawm lawv tus Tswv Ntuj, mas kuj tsis tau. Peb yuav cia lawv ua raws li lawv siab nyiam.
    Thiab cia lawv mus ntseeg li lawv xav ntseeg, peb kuj yuav tso lawv mus nyeem lawv cov ntawv {Bible} Ntawv Ntshiab. Peb yuav nrhiav,ib co hauj lwm ntau ntau rau lawv ua:
    Yam li muab ib co tswv yim, cob qhia lawv, kom lawv tsa tej koom haum, los sib pab thiab sib ua kev sib raug zoo ntau ntau. Kom lawv muaj muaj hauj lwm ntau, ces lawv tsis muaj sij hawm thiab kov tsis yeej li.
    Peb yuav cob qhia kom lawv nyiam sib yaum mus ua si, mus ua phov dim. Los nyiam mus haus cawv, kom lawv tsis xyeej, mus teev hawm lawv tus tswv Ntuj.
    Peb yuav cob cov poj niam cev yiag ntxiag, kom lawv txawj hais lus qab zib. Nyiam mus cuab phiaj, tos cov txiv neej uas lawv yog cov thawj neeg ntawd.
    Zoo li cov thawj neeg qhia kev ntseeg thiab cov thawj neeg ua nom tswv tuav kab xwm. Kom lawv muaj muaj kev tab kaum, tsis khoom mus teev hawm lawv tus Tswv Ntuj.
    Peb yuav ua kom cov tsev neeg ntshaw ntau yam, kom lawv tau khwv heev. Kom cov uas yog niam tsev lawv sab sab. Ces lawv muaj tsis tau kev hlub rau lawv cov txiv uas yog tus thawj neeg ntawd.
    Ces cov txiv neej yuav mus nrhiav, kev hlub nrog lwm tus poj niam. Kom lawv lub cuab yim plam mus, ces lawv thiaj raug peb cov dab lus cob qhia haub ntxias tau.
    Kom lawv nrug deb mus zuj zus, ntawm lawv tus Tswv Ntuj. Ces cov neeg ntseeg thiab cov thawj nom tswv lub meej mom koob meej yuav poob mus nyob qis qis.
    Lawv yuav txaj muag rau neeg thiab txaj muag rau lawv tus Tswv Ntuj, ces tswv Ntuj cov txiaj ntsim yuav tsis nqes los rau saum cov thawj neeg ntawd.
    Ces neeg ntiaj teb yuav sib tw, los sib txeeb lub meej mom ua thawj neeg thiab sib txeeb ntiaj teb lub cuab tam. Ces yuav muaj lus xaiv sib cav sib ceg, puv nkaus lub qab ntuj no.
    Kom Tswv Ntuj tej txiaj ntsim muaj nyob pawg lug, los neeg saib tias, tsis muaj nuj nqes, pab tsis tau neeg. peb cov dab yuav yeej cov neeg ntseeg Ntuj ces yog txoj kev peb tau npaj no ntag.
    Kwv tij zaj lus no yog ib zaj lus tseem ceeb rau peb sawv daws cov neeg ntseeg heev. Ua li tej laus tau hais los lawd tias:
    Peb nyias yuav hus nyias kwj tse, kom thaum dej nag los. Dej nag tsis txhob phwj los nyab yus vaj tse. Thaum peb tseem meej pem, peb ua tau kav tsij ua mog.


    Sacramento tim 2/4/2019.
    Y.Z.N.X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 18th September 2019, 6:35 am



    Zaj 406- TXOJ KEV NTSEEG MUAJ KEV SIB PIV LI OB YAM.

    Zoo li ib tug neeg nws pom kev nrog hnov lus. Hos lwm tus neeg nws tsuas pom kev xwb, tsis hnov lus.
    1.Tus pom kev thiab hnov lus, nws zoo siab heev. Vim nws pom kev thiab hnov lus tib si, nws saib nws yog neeg tsim txiaj, ua neeg thoob tsib. Paub txuj paub ci siab kawg. Nws tsis txhawj tsis ntshai kev yuav swb cuam mus rau leej twg li!
    Nws ntseeg tias nws pom thiab hnov txhua yam, mas nws tsis tshai dab tsi li. Vim nws tau pom thiab hnov tas tib si lawm.
    2. Hos tus pom kev xwb, nws tsis hnov lus. Mas nws pom tsawg yam zoo thiab phem, los nws cim tseg nyob hauv nws lub ntsiab muag cia xwb. Kom nws paub xaiv tau qhov zoo thiab qhov phem, yuav tuaj raug nws.
    3. Nyob nyob los, muaj ib hnub nkawd ob leeg ib txhij poob rau hauv ib lub qhov ntuj tob tob. Muaj dej nyob rau hauv. Tsoom sid, qw zom zaws rau nkawd tias:
    Neb ua ib sib tuag mus mog, lub qhov no tob tob li peb tsis muaj peev xwm tuaj yuav tuaj pab tau neb tawm los li lauj!
    a.Tus pom kev thiab hnov lus, ces nws tu siab nrho tias, luag tuaj pab tsis tau lawm, ces nws zog tas thiab nws tsis peem ntxiv lawm. Vim tsis muaj kev vam lawm, ces nws tuag nyob hauv.
    b. Tus pom kev xwb tsis hnov lus, nws pom tsoom sid ncauj ua zog cuag li cas rau nkawd. Nws xav tias lawv qw kom nws peem tiag peem tiag yuav thiaj tsis tuag.
    Ces rau rau siab peem maj mam nce ib theem zuj lus los. Ces thaum kawg nws nce nto ntawm lub qho los. Ces nws tsis tuag.
    c. Peb neeg ntiaj teb peb yuav ntsia ntsoov saib yam twg zoo thiab phem, peb cim nyob hauv peb lub ntsiab muag, kom peb kawm tau qhov zoo. Los cawm peb tus Ntsuj Plig.
    Peb txob tso siab rau peb lub cev muaj peev xwm yuav pab tau peb tus ntsuj plig kom dim. Lub cev mas nws tsis muaj zog npaum li lub siab zoo.
    Lub siab zoo yog peb txoj kev cawm kom peb tus Ntsuj Plig muaj txoj sia nyob mus ib txhis.

    Xacramento tim24/9/2018.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 25th September 2019, 6:06 am



    Zaj 440- COV NEEG NTSEEG THIAB NPUAB TSWV NTUJ.

    Lawv muaj ib co cuab yeej, pab lawv tiv thais Xas Tas thiab nws cov dab tsis huv. Yog cov cuab yeej no:
    1.Txoj kev ntseeg.
    2. txoj kev teev ntuj.
    3. Txoj kev mloog Ntuj lus.
    4. txoj kev txuag yus ua neeg dawb huv.
    5.Txoj kev ncaj ncees.
    6. Txoj kev dag.
    7. Tswv Ntuj cov lus Ntshiab phau ntawv Bible.

    ->. Dab Xas Tas niaj hnub sab laj nrog nws tsoom dab muaj tus Ntsij Plig phem tias:
    Peb cov dab, yuav ncaj qha txwv, tsis pub kom neeg ntiaj teb txhob mus ntseeg txog Tswv Ntuj thiab pe hawm Tswv Ntuj mas tsis tau. Peb yuav ua kom neeg, tso Tswv Ntuj pov tseg kuj tsis yooj yim.
    Peb yuav txwv tsis pub neeg, nyeem cov ntawv Ntshiab mas tsis tau. Peb yuav ua kom neeg txhob mus tsim cov tuam tsev teev ntuj los kuj tsis tau.
    ->. Peb cov dab yuav siv ib lub tswv yim kom nkag tau yooj yim dua. Peb yuav cia neeg ua, raws li neeg siab nyiam, peb tsuas mus nyob ua nphoo ntxuas xyaw neeg!
    Peb yuav ua tej yam, kom neeg ua yuam kev, nyob hauv neeg tej hauj lwm. Peb yuav ntxias kom lawv sib txeeb ua tus loj saib hauj lawm.
    Ces lawv yuav tsis sib haum, nyob hauv lawv tej hauj lwm ntawd. Peb yuav pab coj neeg mus tsim tej lub koom Haum los sib twv.
    Kom cov thawj neeg thiab cov raug luag txib, kom lawv muaj hauj lwm ntau li ntau tau. kom lawv sab thiab lawv tsis muaj lub caij los mus pe hawm Tswv Ntuj.
    Kom lawv nyiam kev ua sin tau, ces lawv lub caij tsis txaus mus pe haum Ntuj.
    Ces lawv ua neeg tub nkeeg mus, thiab kom lawv dhuav Tswv Ntuj phau ntawv Bible mus. Thaum lawv tswv yim tas lawd, lawv xav muaj hwj chim tuaj lawm, ces lawv xev hais lus,ua raws li lawv lub siab khav teeb thiab muab hlob.
    Ces lawv yuav ua yuam kev tas txhua yam, ces lawv yuav dhuav Tswv Ntuj tej kev pe hawm thiab nkees mloog Ntuj lus thiab ua ncaj ncees.
    Peb cov dab, mas peb yuav siv cov poj niam, mus dib cov txiv neej, kom lawv nyiam ua kev nkauj nraug ntau. Yog yam ua neeg nyiam ua tub qaug rau Tswv Ntuj, yam tsis nco qab kig li.
    Peb yuav ntxiav kom lawv ntshaw, ntiaj teb lub cuab tam loj heev. kom lawv tso kev pe hawm Tswv Ntuj poob sai sai mus.
    Tej no puav leej yog ib co ntxiab cuab los tav neeg kev, kom txhua tus plam mus. Yog tej ua kom neeg plam mus tsis muaj Tswv Ntuj cov cuab yeej tiv thaiv tau neeg.
    Ces neeg yuav dhuav Tswv Ntuj thiab neeg yuav ntxub Tswv Ntuj mus, peb yuav tsis tau khwv los txwv txiav neeg tej hauv kev. Thaum neeg paub tau, ces neeg twb ua tub qaug, rau Tswv Ntuj mus deb lawm.
    Thawm ntawd, cov thawj neeg twb nyob hauv, peb cov dab txhais tes tas lawm. Peb cov dab yuav nco ntsoov siv neeg, los tawm tsam rau neeg. Siv neeg los dib neeg kom neeg nkag tas nrho rau peb lub nkuaj.
    Ntsia neeg xwb mas peb cov dab yeej paub tau tias: Zaum no neeg tsis muaj Tswv Ntuj cov cuab yeej los tiv thaiv neeg lawm.
    Peb cov dab no, yuav saib ntsoov tus neeg twg muaj peev xwm loj ua zoo los tau. Mas peb xub muab siab pub peb cov dab lub tswv yim thiab cov qhia kom nws haj yam muaj peev xwb nrhiav koob meej rau nws.
    Ces yuav yog ib txoj kev yooj yim rau peb hom dab ua hauj lwm muab neeg cais tawm mus kom deb ntawm Tswv Ntuj. Ua kom neeg thiab Tswv Ntuj tu ncua kev sib raug zoo.
    ->. Kwv tij lo lus kawg, kuv yuav muab ib daim duab rau peb saib:
    Muaj ob tug txiv tub, nkawd mus ua tub sab nyiag luag khoom los. Nkawd tawm txog nraum zoo, ces tus tub ntsia zoj tom hauv ntej. Ntsia zoj tom qab, tig mus ntsia zoj sab xis thiab sab laug tas, tsis pom muaj neeg.
    Ces tus hais rau Leej txiv tias, khiav lauj txiv! Leej txiv hais tias, tos me ntsis tso! Koj ntsia tom ntej tom qab, sab xis thiab sab laug. Koj puas tau ntsia sab saud thiab sab hauv maj!
    Sab tom ntej sab tom qab, thiab sab xis los sab laug. Yog ntsis saib puas muaj neeg pom! Hos sab saud Ntuj nyob saud, sab hauv lub ntiaj teb nyob hauv.
    Txawm tsis muaj neeg pom los lub ntuj thiab lub ntiaj teb pom. Vim koj nyob hauv Ntuj qav plab. Thiab koj nyob saum lub ntiaj teb.
    Nco ntsoov neeg tsis pom los ntuj thiab ntiaj teb pom koj. Koj ua dab tsis los yeej muaj neeg pom tas nrho li. Peb yuav muaj lo lus no los ua thawj lo lus loj uas peb khiav tsis dim mog.
    Txhua tus neeg tsis nco txog tej no lawm, peb twb tau ua lawm los peb tseeg dag kom peb dim neeg lub txim txhaum thiab. Xav txog mas txaus txaj muag laid.

    Sacramento tim25/3/2019.
    Yaj Zoo Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 2nd October 2019, 4:40 am



    Zaj 441 - COV NEEG NTSEEG TXOG YES XUS.
    Peb cov uas yog niam yog txiv, peb tau ua ntau yam zoo kawg rau peb tej tub tej ntxhais:
    Yam li peb zoo siab siv nyiaj thiab thov Ntuj pab kom peb tej tub ki kawm tau txuj ci zoo. Kom kawm tiav Npab Sas lawj daws nqis.
    Dhau ntawd lawm, peb tau thov Ntuj pab kom lawv tau hauj lwm zoo ua. Xws li tau DcTawj ub Dr Tawj no. Thiab kom tau ua Lov Yawj, tau txoj hauj lwm zoo kom muaj nyiaj ntau, tau lub neej zoo.
    Los thov Ntuj pab kom muaj hmoo, tau mus ua Nom ua Tswv los kav teb chaws los tau ua tuam Los Pav nplua nuj.
    Tas txhua yam hais no, mas tsis thuam leej twg. Puav leej yog kev xyaum ua neeg zoo thiab kom tsim txiaj.
    =>.Tshuav ib yam tseem ceeb thiab muaj nuj nqes loj kawg. Peb yuav nco ntsoov thov kom Ntuj hu peb ib co tub ntxhais hluas Hmoob mus nrog Leej Tswv Yim Ntshiab.
    Ua Tswv Ntuj cov tub Yaj Saub, tshaj Tswv Ntuj lub npe. Rau peb tsoom Hmoob tau paub thiab hnov txog Tswv Ntuj lub npe tias:
    Kom peb Tsoom Hmoob nrhiav tau,Tswv Ntuj txoj kev muaj txoj sia nyob mus li. Kom Hmoob muaj coob leej ntau tus, tau los nyob ze rau Tswv Ntuj thiab ua Ntuj me nyuam.
    Kom peb tsoom Hmoob, muaj ib co tub ua Yaj Saub sawv nrog Leej Tswv Yim, faib Ntuj txiaj ntsim rau lub qab ntuj neeg.
    Thiab kom Hmoob tej tub, tau nrog Yes Xus sawv los ua Leej Choj txi Ntuj. Thov Ntuj zam txim txhaum thiab coj ntiaj teb neeg mus nce tus ntaiv ntuj, tuam ntawm lub ntiaj teb no mus cob kiag rau saum ntuj.
    Lawv txawj nrog Yes Xus cev Tsoom Hmoob cov lus los txi Ntuj, taij thov kom Tswv Ntuj txais yuav Tsoom Hmoob cov Ntsuj Plig mus taug tus Choj uas muaj hmoo tau mus ntsib Tswv Ntuj. Yog tus uas Yes Xus qhia kom neeg ntiaj teb hu Nws ua Leej Txiv no.
    Thiab sawv los xyaum nrog Leej Pleev, ua tus Zoo Tswv Zov Yaj. Coj pab Yaj muaj lub npe hu ua Hmoob, mus txog lub tshav zaub mos noj muaj dej ntshiab zoo haus.
    Kom peb Haiv Hmoob cov Ntsuj Plig zoo Nkauj zoo nraug cuag li pab noog ya saum ntuj uas tsis paub tus twg yog nkauj, los yog yog lau.
    Kwv tij, yog leej twg thov tau, kom Tswv Ntuj mloog thiab txais nws ib leej tub los mus ua Yaj Saub. Mas nws yuav yog tus nplua nuj, loj tshaj nyob saum ntuj.
    Peb nyuam qhuav txawj thov, kom peb tej tub ki kawm tau ib txoj hawj lwm zoo. Los kom khwv tau nyiaj ntau xwb, mas Tswv Ntuj twb mloog pab peb lawm.
    Yog peb thov kom Tswv Ntuj hu peb ib leej tub mus ua Yaj Saub, mas Tswv Ntuj haj yam yuav pom zoo. Peb yuav tso siab lug, rau Tswv Ntuj Leej Tswv Yim Ntshiab tuaj ua tus coj thiab xaiv.
    Mas Tswv Ntuj yuav txaus siab foom hmoov zoo rau thiab hu nws mus ua Yaj Saub. Sawv ib txig nrog Leej Tswv Yim Ntshiab ua Yaj Saub.
    Thiab nrog Yes Yes ua Leej Choj, thov Ntuj zam txim daws txhaum rau tsoom Hmoob. Mas yuav muaj ntau txhiab vam leej, tau txais kev cawm.

    Sacramento tim 18/3/2019.
    Yaj zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 10th October 2019, 1:13 am



    Zaj 466- KEV THOV NTUJ RAU LUAG LOS THOV NTUJ RAU YUS.

    Txoj kev thov Ntuj pab luag, los pab rau yus tus kheej. Kom haum li Tswv Ntuj lub siab nyiam thiab tsim nyog rau Tswv Ntuj teb yus lo lus thov!
    1=>Yus xub thov, kom Tswv Ntuj zam yus cov txhaum ua ntej. Vim yus yog neeg tsis paub tab, yus yog neeg siab me. txawj xam khib tsis txawj hlub thiab hwm luag.
    Yus tau ua rau luag muaj kev npau taws, luag thiaj muaj kev thoj chim ua neeg ruam. Thov kom Tswv Ntuj hlub nws, pub ib lub txiaj tsim zoo los kho nws, kom txawj ua neeg zoo tig rov los cuag Tswv Ntuj.
    Txhob ua neeg tsaug zog, nyiam pw nyob hauv kev ua txhaum. Kom tsim dheev los cuag Tswv Ntuj! Yog dab phem muas tau nws lub siab xib mus nyiam kev ua txhaum lawm.
    Los thov kom tswv Ntuj pub ib lub siab thoob tsib txawj xav rau nws, kom nws txawj tig rov los ua neeg zoo ntxim rau Tswv Ntuj hlub. Tswv Ntuj thov koj rhuav nws txoj kev,uas nws tau yuam kev mus nyiam kev ua txhawm.
    Tswv Ntuj thov koj txhob muab txim rau nws, thov koj hlub tus neeg raug kev txom nyem lwj siab ntawd. Kom nws rov muaj kev kaj siab tuaj.
    Tswv Ntuj thov koj txhob tso cov neeg txhaum no, poob rau dab phem kev txom nyem kev tsaus ntuj. Thov koj hlub nws, los ua koj me nyuam.
    2=> Koj txhob thov kom Ntuj muab tus neeg, uas koj xav tias: Yog neeg muaj txhaum ntawd nplua thiab muab nws cais tawm ntawm koj mus, kom dab coj nws mus zwm rau kev khaum.
    Kom nws tau ncaim ntawm lub ntiaj teb no mus, ua neeg txhaum neeg khaum. Rau ntiaj teb neeg tau pom ntawm qhov muag tias, nws ua txhaum thiaj raug khaum mus.
    Yog koj thov ntuj li no, ces txhais tau hais tias: Koj tau tau fiv tus dab Xas Tas. Los pab yus muab tus neeg phem ntawd, nplua los rhuav tshem kev ua Ntuj me nyuam tawm mus, kom tu kev nrho.
    Ua li no, mas tab yog koj niaj hnub mus thov Ntuj, los Tswv Ntuj yuav tsis paub tias, koj tuaj thov dab tsi! Vim koj tsuas thov kom Ntuj txiav txim rau cov koj ntxub xwb.
    Cuag li koj thov kom Tswv Ntuj pab koj muab nws muag rau dab coj mus ua dab qhev! Kev ua dab qhev:
    Yog kom dab coj nws ua kev txhaum mus li. dim tsis tau rov los cuag Tswv Ntuj!
    3=>.Yog Koj rov thov Ntuj rau koj, los thov Ntuj rau lwm tus neeg. Mas koj yuav lees tias, koj yog neeg muaj txhaum ntau dhau lawm. Tsim nyog Tswv Ntuj muab koj nplua.
    Koj tsuas muaj kev txhaum coj tuaj cev rau Tswv Ntuj saib xwb. Koj tsis tsim nyog nyob rau qhov chaw Tswv Ntuj yuav khuv leej lawm. Koj tso siab lug rau Ntuj, yog Ntuj pom zoo li cas los cia Ntuj txiav txim rau koj raws li Ntuj Pom zoo.
    Kuv yuav tsis cav thiab tsis tu siab rau Tswv Ntuj, cia Tswv Ntuj pub raws li Tswv Ntuj pom zoo rau kuv! Los ntawm Tswv Ntuj kev hlub, Kuv tsuas thov kom kuv txawj hloov siab tig rov los ua zoo rau tsoom neeg txheeb ze thiab txawj rov los ua neeg dawb huv tsim nyog rau Ntuj hlub. Kuv tsis yuam kom Tswv Ntuj ua li kuv xav, muab muab txim rau luag, thiab zam rau kuv tus kheej!

    Sacramento
    tim 23/7/2019.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 16th October 2019, 11:30 pm



    Zaj 444 - TXOJ KEV MUS PE HAWM TSWV NTUJ.

    Nyob hauv kev mus pe hawm Tswv Ntuj, loj thiab muaj nqes li txoj kev mus sib txis los ua txij nkawm los nyob ua ke.
    1.Raws li Tswv Ntuj tau tsim neeg los, Ntuj tau tsim neeg los kom zoo li Tswv Ntuj tus duab. Tswv Ntuj tau tshuab pa rau hauv neeg qhov ntswg.
    Kom neeg txawj ua pa tau, los tuav neeg txoj sia nyob. Tswv Ntuj faib Tswv Ntuj lub tswv yim los rau tib neeg, kom txawj xav zoo li Tswv Ntuj thiab paub xaiv qhov phem thiab qhov zoo.
    Tswv Ntuj muab tus txiv neej ib tug txha, lo tsim tus poj niam. Kom zoo sib xws thiab tau sib pab, sib ua luag nyob hauv txoj kev hlub.
    Zoo li sib ua luag nyob hauv kev zoo siab thiab kev tu siab, nrog kev ua qoob ua loo, los kev sab kev mob nkeeg. Kom tau sib faib kev txom nyem los ntawm kev iab kev khwv los.
    2. Nyob hauv kev ntseeg thiab kev mus pe hawm Tswv Ntuj kuj loj thiab muaj nqes loj npaum li kev sib txi los nyob ua txij ua nkawm.
    Ib tug neeg ntseeg txog Tswv Ntuj, nyob hauv Yes Xus lub npe. Yog yus paub tias, lub sij hawm twg tsoom txheeb ze laug mus pe hawm Tswv Ntuj.
    Yus kuj yuav tau ua lawv luag mus pe hawm, Tswv Ntuj ib yam nkaws. Yog txoj kev uas peb mus pe hawm ua ke thiab sib pab faib Ntuj txiaj ntsim.
    Piv tau li ib pab phooj ywg, lawv sib ua luag mus tua tsiaj tom hav zoo. Lawv tau sib ua luag mus, tau tsiaj los sib pab zoo siab, muaj xwv txheej los sib pab ua luag thiab muaj kev tso siab tias, muaj koj thiab kuv, tseem tau luag sib pab mus.
    Ces muaj kev tso siab tias, sawv daws muaj kev sib pab daws teeb meem. Yog tau tsiaj los lawv zoo siab sib faib phuv ua ke tias, zaum no peb ua tau hauj lwm zoo, sawv daws muaj kev kaj siab lug.
    3.Kev sib sau los ua txij ua nkawm, yuav tsum muaj niam txiv ob tog. Nrog cov tub tshoob tub kos, lawv tau pom qaib lo ntshav ntsej npua los ntshav ntswg.
    Tau pom ob tug me nyuam tau sib cog lus nyob ua neej ua ke, rau niam txiv zeem tseeb tias, yog txij yog nkawm lawm. Mam muaj cai los sib ua luag nyob hauv kev zoo siab los kev tu siab, nrog rau txhua yam muaj cai thiab muaj vaj huam sib luag.
    Peb kev ntseeg txog Tswv Ntuj nyob hauv Yes Xus lub sim xeeb, thaum peb ntseeg lawd. Yes Xus tau cawm thiab txhiv peb los ua neeg twj lij los ua Tswv Ntuj me nyuam must as ib txhiab ib txhis lawm.
    Peb yuav sib koom siab los sib ua luag mus pe hawm Tswv Ntuj thiab ua ke faib Ntuj txiaj ntsim. Li niam txiv tau tsa tej tub ntxhais los ua neej, kom tau ua neeg muaj cuab yim thiab nplua nuj, nyob hauv kev paub Tswv Ntuj sib xws.
    4.Nyob hauv Hmoob tej kab lis kev cai, tej laus yeej ib txwm qhia thaum ua neej nyob. Mus txog ntua thaum sawv kev mus nce hauv toj, uas Hmoob hais tias, yuav rov mus thawj thiab dua tshiab.
    Mas tej laus lawv yeej cob qhia tias: Ua neej nyob ces ciaj ua neeg, tuag lawm ces mus ciaj dab. Poj rhawv kab yawm rhawv kev yeej yog li ntawd no tod!
    Thiab muaj neeb yaig qiag txog luag ua dab ua qhuas lawv pauj tas, mas lawv hais tias:
    Koj mus yog dej tsis ntws nce toj, zeb tsis tawg paj tsua tsis txi txiv mas kom mus koj tsis txhob rov los li lawm od.
    Nyob hauv Yes Xus thiab Tswv Ntuj txoj kev ntseeg, mas lub Moo Zoo hais tias, cov neeg caij thiab cov neeg tuag peb tseem ua ke sib faib Ntuj txiaj ntsim ua ke.
    Cov tseem ua neej nyob yuav thov ntuj pab cov mus tsaug zaug nyob hauv Yes Xus lub hwj chim. Kom lawv thov Ntuj pov hwm peb cov tseem ua neej nyob.
    Kom peb txhob poob rau hauv kev ua phem ua qias, uas yog cov dab muaj tus ntsuj plig tsis huv. Tuaj haub ntxias peb kom peb tau kev ncaim ntawm, peb tus Tswv Ntuj thiab Peb tus Huab Tais Yes Xus pleev mus.
    Peb tseem thov kom Yes Xyes pub txiaj ntsim rau peb kom peb txhua tus txawj teev hawm peb tus Tswv Ntuj. thiab zeem tseeb tias, Nws yog tus Leej Txiv txawj hlub peb sawv daws nyob mus li tas ib txhiab ib txhis.

    Sacramento tim15/5/2019.
    Yaj Zoo Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 21st October 2019, 10:29 pm


    Zaj 452- PEB TXOJ KEV NTSEEG MUAJ TXHUA YAM RAWS LI PEB LUB NEEJ.

    1.->Txoj kev ntseeg nws loj thiab yog txoj kev sib Faib Ntuj Txiaj Ntsim zoo tas nrho! Ua li mas thaum peb muaj ib tug neeg dua nras lawd, peb thiaj yuav muab sib rau ua nws lub ntsees kom zoo.
    Peb yuav ua cov kab ke thov Ntuj zam txim rau nws, thaum nws tau tas sim neej mus lawd. Nws tau mus pw tsaug zog nyob hauv Yes Xus lub hwj chim.
    Nws tsis tau mus txog Tswv Ntuj lub Ceeb Tsheej, nws tseem tos nws tsoom tub ki. Los tsoom txheeb ze, sawv daws tuaj ua cov kab ke sib Faib Ntuj txij Ntsim ua ke.
    Kom Tswv Ntuj, zam txim thiab daws txhaum rau nws. Lub caij nws nrog Tswv Ntuj thiab Tsoom Txheeb ze sib txuas lus tsis tau tau lawd!
    2->. Yog lub caij, peb ua nws lub ntees, Hmoob hais tias: tuaj ua nws lub pag lub xau, los tuaj saib nws lub ntsees. Ntsia nws mus nce hauv toj, mus rau Ntuj Ceeb Tsheej.
    Peb yuav tuaj sawv nws chaw, thov kom Ntuj zam txim daws txhaum rau nws. Vim nws ntseeg txog Yes Xus lub npe thiab nws tau txais lub Cim Ntxuav, nyob hauv Lub Koom Txoos, uas Yes Xus tau yeej Yes Xus thiab Yes Xus lub Koom Txoos ib zaug li. tsa nyob saum lub Pob Zeb, uas dab phem cov rooj loog yuav tsis yeej lub Pob Zeb no.
    3->.Dab phem, mas nws tsis Ces Dab phem yuav txawv tsis tau kom neeg txhob mus pe hawm Tswv Ntuj thiab txhob mus tsa tusm tsev teev hawm Tswv Ntuj , mast sis tau.
    Dab phem txwv tsus tau neeg ntiaj teb kom tsis txhob mus nyem ntawv Ntshiab {Bible} Dab Xas Tas tso kev ywj siab rau neeg.
    Tab sis Xas Tas cob qhia, kom nee muaj muaj tswv yim ntxiv ntau yam nyob hauv neeg lub neej, kom neeg tau qhua tias: Yog ib yam zoo kawg, uas neeg muaj tswv yim xav tau thiab tsim kom muaj tuaj!
    4->. Yog tej Koom Haum, los tej lub koob tsheej, ua kev lom zem ntau ntau ntawd. kom cov thawj neeg mus pe hawm tswv Ntuj tsis tau, vim lawv tsis muaj caij kiag li.
    Kosm neeg qaug siab mus xib rau kev nyiam ua lauj lwm kom tau ua thawj neeg. Ces sawv daws sab sab tas txhua tus neeg, tej txij nkawm los tsis nco qab sib hlub ua kom ib leeg muaj kev xav txawv rau ib leeg.
    Ces nkawd ob tug txij nkawm muaj kev sib tawm tsam tia: Ntshai koj los kuv ib tug muaj siab nrog rau lwm leej lawm tus lawm.
    Thiaj tsis xyiv fab muaj kev sib hlub thiab tsis sib hais lus zoo li yav nram ntej lawm. Ces sawv daws nroo tias:
    Ua cas ua neej yuav khwv heev thiab sab ua luaj, ces tsis muaj caij mus pe hawm Tswv Ntuj li lauj. ua ntev mus yus lub siab tsis kub siab mus peb hawm Tswv Ntuj lawm.
    5->.Lub caij luag mus pe hawm Tswv Ntuj yus tsis muaj caij ua lawv luag mus pe hawm Tswv Ntuj. Thaum lawv mus peb hawm Tswv Ntuj tas, ces dab phem kuj coj yus lub siab los yus qhov ntsej qhov musg.
    Mus pom los paub tej tus txiv neej los poj niam, muaj lub meej mom zoo thiab xis siab ntxim nyiam. Uas yog hom neeg pheej yig nyiam tsab zag cuab phiaj tos kev ua nkauj ua nraug.
    Ces ho ua rau yus siab niam yuj lias tshab ntuj nrig nrog nws, mus saib paj huab poob los saib paj haum tsav tawg ntsa. Ces yus cia li ua ib siab ncaim tsis kam ua lawv luag mus peb hawm Tswv los ua luag nrog yus tus txij nkawm ntxiv lawm.
    6->. Kev sib Faib Ntuj txiaj Ntsim.
    A-> Zoo nkaus li cov Txij nkawm sib ua luag, mus ua qoob ua loo thiab sib ua luag nyob hauv kev tu tub tu kiv kom loj hlob plhis ncos. Zoo nkauj zoo nraug ntxim nyiam, los zoo hlub thiab zoo qhuas.
    Txoj kev ua luag tsis yog ua luag tsam dab tsov hem, los raug tsov tom mus. ua luag kom muaj kev zoo siab muaj tus pom thiab qhuas txog.
    Hom muaj kev tu siab los muaj tus paub ho hlub thiab nplij kom rov ua siab loj thiaj noj qab nyob zoo. tsis tau ntshai los ceeb mus tasm ho poob lig lawm.
    B->.Tsis muaj dab tsov hem thiab tom, los tsam muaj neeg phem ntxias thiab txhom. Ces muaj kev tu siab los ntawm kev txaj muag, los kev poob tsim mus. Thiab tau lub npe tsis zoo. tsis xav hnov thiab tsis xav ris lub npe no mu sib txhis zoo li ntawd.
    7->.Tseem tshuav ib yam nyob hauv kev caiv cim los, zoo li no thiab:
    Yog yus caiv raws li peb Hmoob caiv Cim los mus, Hmoob tshuam nplooj rau ntawm qhov rooj, thxhais hais tias, caiv lawm tsis pub dab los tsev no laid.
    9->.Qhov no muaj ob yam los yog ob lub ntsiab:
    A->. Lub qhov rooj tsev mas caiv tsis pub dab nkag los tsev. Nyob hauv lub siab yus puas caiv li ntawd thiab od, yog yus caiv tsev, yus tsis caiv hauv nruab siab thiab.
    Yog dab pom yus caiv tsev, mas dab paub tias, yus txwv yus lub tsev tsis pub dab mus hauv. mas dab kuj tsis mud! Tab sib yog dab pom hais tias yus lub siab qhiab lug dav fo mas dab tseem zoo siab tshaj. Li yus caiv tsev ob npaug los caiv txog hli li.
    Vim yus lub siab qhib lug, dav fo thiab muaj chaw ntau kawg rau dab los nyob ua tsheej npoj xwb. Yog yus caiv tsev ho tsis caiv siab, mas dab yuav los tsa tsev loj thiab khov nyob rau hauv yus nruab siab.
    Ces yus hu cov kws txawj kem dab tuaj, ua khawv koob ntiab. Los cov dab no yuav tsis tawm mus thiab yuav khiav tsis tau mus. Vim yog cov dab uas yus yeej nyiam yug nyob hauv yus nruab siab los tau ntsev lawd.
    10->.Nyob hauv kev ntseeg, kuj zoo tib yam li hais no thiab. Yog yus nrauj dab lawm yus tsis ntseeg Ntuj, mas dab yuav mus coj ib pab dab coob dua los nyob hauv yus.
    Ces yus tseem yuav txawj ua phem dua thaum ub tuaj, Ntuj los yus tsis hwm. Neej los yus tsis ntshai, Yus tsis hwm dab, los dab yeej tsis txhxwj li.
    Vim dab twb yog tus loj tswj kav yus lub neej lawm, yus ua zaj twg. Los yeej ua raws nraim li dab qhia kom yus ua mus xwb, txhua yam yog kev ua tub qaug rau Ntuj thiab tub aug rau neeg xwb li.
    11->.Yus ntseeg Ntuj yus tsis kam ua yus tej phooj ywg luag mus pe hawm Tswv Ntuj. Yus yuav tau dab tsis zoo! Cia muaj ob zaj kwv huam li no los hais:
    A->.Yus pom luag mus tsham zoov tsham tsuag, us tsis ua lawv luag mus. lawv mus ib pliag xwb, lawv tua tau Twj Kwm. Ces lawv tsis faib rau yus, mas ntshai yus yuav khuv xim heev. Vim yus tsis kam ua lawv luag mus.
    B->. Yus paub ib pab neeg mus nrhiav, qhov nyiaj qhov kub. Yus kuj tsis kam ua lawv luag mus thiab. Yog lawv muaj hmoo, lawv mus ntsib ib ntsuag nyiaj ntsug kub.
    Ces laug cia li zoo thiab ua neeg nplua Nuj noj tsis txob, luag tsis ntshaw leej twg li lawm. Yus tseem ua lub neej nyob hauv txoj kev txom nyem, ntshaw noj ntshaw hnav. ua rau yus nyob tsis taus hauv yus txoj kev txom nyem thiab ntshaw luag.
    Yus haj yam yuav tu siab mus, vim yus txoj kev tsis xav ua leej twg luag mus nrhiav, yam zoo kom yus txaus siab hlo rau yus lub neej txom nyem, no mus rau yam tom ntej.
    C. nyob hauv peb txoj kev ntseeg, peb pom luag mus pe hawm Tswv Ntuj, peb nyob twj ywm tos hmoov pem ntuj poob los.
    Ces hmoov poob los npaum li cas los peb tsis pom, vim peb tsis kam tawm rooj mus nrhiav li. Tos peb pom ua cas luag muaj koob hmoo ntau li ntau lawm xwb.
    Ces peb cia li khaws tu siab thiab cem Ntuj tias, Yus twb ntseeg Ntuj tau ntau caum xyoo los lawm. Ntuj tsis muaj qhov muag om los ua li cas? Ntuj tsis pom yus txoj kev ntseeg li, Es Ntuj mas niam tsuas yog, pub rau luag xwb, Ntuj twb tsis niam saib yus li.
    Ces cia li khaws tu siab rau Tswv Ntuj cuag li Tswv Ntuj tsis txawj ua Ntuj. Yus kuj yog neeg muaj zoo Meej Mom los tswv Yim ,ua cas ho tsis muab ib yuag yam rau yus li.
    Qaum Ntuj mas Nws yeej muaj lus teb rau yus ntau kawg, Nws tsis teb, cia yus cem thiab yws kom puv yus qhov ncauj kom yus siab nqig mus.
    Kwv tij zaj laus no kuv sau, los rau peb sawv daws tau ua kev kawm paub txog peb neeg lub siab. peb nyias muaj nyias siab, nyias muaj nyias tswv yim kawm paub nyob hauv nyias tus kheej.
    Qhov tseeb thiab qhov cuav yeej nyob hauv peb nraub siab tas tib si lawm. Yog yus txawj paub thiab txawj pom, ces yus yuav paub thiab pom tau nyob rau yus nruab siab!
    Yog yus tsis paub, mas ntshai yus yuav nrhiav tsis tau los kawm thiab saib li.

    Sacramento tim 29/5/2019.
    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 23rd January 2020, 10:12 am



    Zaj 417- YES XUS COV LUS NTUAS PEB.

    Nyob hauv Mas Tais ntawv Moo Zoo, muaj cov lus zoo ntuas peb txhua yam tib si!
    Mas Tais zaj,11: 28-39. Hais tias:
    Nyob hauv zaj hais txog Yes Xus lub nra, Yes Xus qhia rau cov neeg muaj kev ntxhov siab thiab muaj kev txhawj xeeb tias:
    ->. Nej uas nej yog cov neeg khwv thiab ris nra hnyav,nej tuaj cuag kuv mog. Kuv yuav cia nej so los siav, nej kawm ntawm kuv mog. Vim kuv siab zoo, kuv tsis muab hlob. Nej tus Ntsuj plig yuav tau so los siav, vim kuv lub nra sib kha thiab ris yooj yim.
    ->.Zaj no Yes Xus hais rau peb cov neeg muaj mob, muaj nkeeg, los muaj kev tus siab, yog lub nra uas peb niaj hnub ris hnyav nkag qees hauv peb lub neej.

    2. Mas Tais zaj,12: 20-21, hais tias:
    Tus tauj qaug lawm, nws tsis muab lov pov tseg. Tus teeb xeeb cig qauj les. nws tsis muab tshuab kom tuag mus. Nws yuav cia nyob li ntawd, mus txog hnub uas nws yuav yeej txoj kev ncaj, cov neeg kuj cuab lawv yuav tso siab lug rau nws lub npe.
    ->.Lo lus no, Yes Xus kuj hais rau peb cov neeg raug kev txom nyem muaj kev tua siab los ntawm, peb kev ua neej pluag tsis muaj dab tsi….
    3.Yes Xus cov lus qhia txog neeg lub siab nyob hauv Mas Tais,zaj 12: 39, Yes Xus hais tias:
    Yog nej tu tsob ntoo zoo, mas nws yuav txi hom txiv zoo nkauj. Nej cia tsob nto lwj, mas nws yuav txi cov txiv lwj. Yog luag pom cov txiv ntoo, ces luag yuav paub tsob ntoo yog zoo li cas lawm.
    ->. Yes Xus xav hais rau tsoom neeg ntseeg thiab cov ua Yes Xus Thwj Tim tshaj Ntuj lus tias:
    Yog peb txais txoj kev ntseeg ntawm Yes Xus lub npe los, peb yuav yog cov neeg zoo li cas? { Yus coj li ib tug Yaj saub, yus yuav muaj ib lub siab ua raws li ib tug Ntsuj Plig tsis huv}….
    4.Mas Tais ntawv Moo Zoo, hais txog cov dab tsis huv yuav rov los rob caub rau neeg. Mas Tais ntawv Moo Zoo zaj,12:43-45 hais tias:
    Thaum yus tus dab tsis huv tawm ntawm ib tug neeg mus lawm. Yog yus tsis nyiam Tswv Ntuj tiag, mas tus dab ntawd, tsis muaj chaw nyob, nws ua ib tug dab loj leeb mus nyob tsis muaj chaw.
    Nws mus nyob teb chaws quav poj quav pwm, nws tsis muaj chaw so. Ces nws yuav hais tias, kuv yuav rov los nyob hauv kuv lub qub tsev. Ces nws coj 7 tus dab tseem phem tshaj nws los nrog nws nyob. Ces tus neeg nrauj dab ntawd yuav raug ib yam phem tshaj yav qub ua nws tsis tau nrauj dab mus.
    ->.Zaj no Yes Xus xav qhuab qhia peb kom peb ceev faj. Txhob nquag kiav xeem mus ntseeg lwm yam. thiab yuav muab siab rau peb txoj kev ntseeg. Txhob ua neeg ywj faj ywj fuj mus ntseeg tej yam tsis tseem ceeb thiab tsis muaj qab hau….

    5.Mas Tais zaj, 15: 10-11, hais tias:
    Yes Xus hu tsoom sid txav los ze Yes Xus, Nws hais tias:
    Nej mloog kom nej to taub, tsis yog tej yam uas nkag ntawm neeg lub ncauj, mus rau hauv neeg lub pab. Nws ua kom neeg tsis huv tuaj, nws yog yam uas tawm ntawm neeg lub siab los rau ntawm neeg lub ncauj. Nws ua kom neeg tsis huv tuaj.
    ->. Yes Xus xav hais txog peb cov neeg ntseeg, txhob caiv tej yam tsis muaj qab hau. Txhob muab los piv rau qee yam toob xib noj, li tej laus los lwm cov qhia kev ntseeg tias: Yuav caiv thiaj zoo. tseem. muaj tej yam txawv txawv ntxiv…!

    6. Yes Xus xav cob qhia cov xib Hwb tshaj ntuj lus nyob hauv Mas Tais zaj 15: 13 tias:
    Tus yub twg, tsis yog kuv Txiv nyob saum ntuj cog, mas thaum kawg Nws yuav muab dob pov tseg. Cov ntawd txawm lawv tu siab thiab chim, los cia lawv chim lawv mus. Vim lawv yog neeg dig muag.
    ->. Lo lus no, Yes Xus xav hais txog cov neeg tshaj ntuj lus, nyob hauv txhua hom Xib Hwb. Yog lawv tshaj txawv li Yes Xus cov lus, ces lawv tsim teeb meem rau Ntuj cov me nyuam kom lawv yuam kev mus kom tsis tau ntsib Tswv Ntuj.
    Zoo li peb yuav txhob hloov siab mus ua txoj tod los lawv txoj pem ntshai zoo dua los tseeb dua. Cov hloov mus raws tus ub tus no, mas yog lawv ntseeg xib hwb xwb, lawv tsis ntseeg txog Yes xus thiab Tswv Ntuj los Leej Ntuj Plig.
    Lawv lam qiv Ntuj lus los hais lawv coj li tus Ntsuj Plig phem zaj lus cob qhia lawv ua. Thiab lawv nce mus zaum Yes Xus qhov chaw, ua kom neeg qhua lawv.

    7.Nyob hauv Mas Tais 32: 34-40, hais tias:
    Muaj ib tug kws Lij Choj nug Yes Xus tias:
    Xib Hwb, nyob hauv txoj cai, lo lus twg yog lo lus loj tshaj cov?
    Yes Xus hais tias, koj yuav muab tas koj lub siab, lub tswv yim thiab koj tus ntsuj Plig, los nyiam koj tus Tswv Ntuj. Lo lus no, yog thawj lo lus qhia loj tshaj cov nyob hauv cov lus qhia.
    Lo lus qhia 2 kuj zoo ib yam li ntawd thiab! Koj yuav nyiam tus nyob ze koj, ib yam li koj nyiam koj! Ua li mas tas nrho txoj cai thiab cov Yaj Saub lawv tej lus, puav leej dai ncuv rau ob los lus no!
    ->. Los lus no, Yes Xus xav qhuab qhia peb cov neeg ntseeg txhua tus.
    A. Nyob hauv peb cov muaj txij nkawm…
    B. Nyob hauv tsoom niam txiv thiab tsoom tub ki…
    C. Nyob hauv tsoom phooj ywg thiab tsoom txheeb ze peb tas lawv txhua tus….

    8. Yes Xus tsawm cov ua Xib Hwb, nyob hauv Mas Tais, zaj 23: 1-12, hais tias:
    Cov kws ntawv thiab cov Fas Lis Xais, nej zaum Mais Xes lub theej kiab lawm. Nej yuav ua li lawv qhia rau nej, nej yuav khaws tseg tas tib si.
    Lawv qhia, tab sis lawv tsis ua raws, li lawv tau qhia los. Lawv yuam ib lub nra hnyav los rau Tsoom sid. Tab sis lawv tsis kam, muab lawv ib tug ntiv tes los kov li. Lawv ua txhua yam, kom luag qhuas txog lawv nkaus xwb.
    ->. Hom neeg coj zoo li no, mas lawv muab lawv lub meej mom los ua kom neeg qhuas txog lawv. Nyob sab nraud, mas lawv ua thiab coj li lawv yog Yes Xus cov thwj Tim. Tab sis nyob sab hauv mas lawv yog Xas tas ib tug thwj Tim loj ntag.

    9. Nyob hauv Mas Tais zaj 24: 4-5 Yes Xus hais rau cov Thwj Tim tias:
    Nej yuav ceev faj, kom txhob muaj neeg ua rau nej yuam kev . Vim yuav muaj coob leej lawv siv kuv lub npe tuaj, lawv yuav hais tias: Kuv yog Leej Pleev, lawv yuav ua kom muaj coob leej yuam kev.
    ->.Qib lus no Yes Xus xav qhia kom peb to taub thiab paub txog, cov Xib Hwb cuav, cov yaj saub cuav lub caij tiam neeg peb nyob no:
    Zoo li tus siv Yis ntuj neeb, nws poj niam yog Yes Xus tus muam poob los rau nram qhov tsua, Thiab Nkauj Ntxawm yog, Yes Xus niam, Yes Xus twb yug los dua tshiab lawm. Thiab lwm yam uas sawv daws niaj hnub tshaj tawm tshiab muaj ntau yam ntxiv mus…

    10-Mas Kos ntawv Moo Zoo,1:23-27 hais tias:
    Yes Xus kho tus neeg raug tus dab tsis huv, tus neeg raug tus dab tsis huv hais rau Yes Xus tias: Yes Xus Nas Xas Les, koj xav ua dab tsi rau wb? Puas yog koj tuaj rhuav wb?
    Kuv paub koj yog Leej twg? Koj yog Tswv Ntuj tus ntshiab, ces Yes Xus cem tus dab tsis huv tias:
    Ua twj ywm, koj cia li tawm ntawm tus neeg no mus. Ces tus dab tsis huv ntawd, muab tus neeg ntawd diaj thiab co heev kawg. Nws the ib suab nrov nrov, ces nws tawm hauv tus neeg ntawd mus.
    Cov neeg nyob ntawd pom, lawv ntshai kawg, lawv sib nug tias:
    Tej ntawd yog dab tsi, nws yog ib txoj kev qhuab qhia tshiab.
    ->.Cov dab tsis huv hiam neeg ntawd, mas lawv paub Tswv Ntuj zoo dua neeg! Dab tau ua phem rau neeg, yog Tswv Ntuj tsis kheev, mas dab ua tsis tau dab tsi rau neeg.
    Yog peb tsis muaj kev ntseeg, mas Yes Xus ntiab tau tej dab tsis huv tawm hauv peb mus lawm, mas yog peb tsis muaj kev ntseeg tiag.
    Mas dab yuav mus co 7 tus los 9 tug dab tsis huv, los txeem nyob hauv peb nruab siab. Mas peb tseem yuav phem dua thaum peb muaj ib tug dab los kav peb nruab siab.
    Ces peb yuav ncaim ntawm Tswv Ntuj mus tas peb sim neej, tsis rov tau ntsib Tswv Ntuj dua ib zaug ntxiv lawm.
    Hais txog peb tej kev mob nkeeg, yog peb mus mloog ib tug neeg muaj cov dab tsis huv, peb vam txog cov txawj hu dab tuaj kho peb.
    Mas dab kuj ua tau hwj huam los kho peb, tab tsis tsis zoo mus li. Dab tso kom xoob zog kom peb tau kev vam txog dab tsis tseg. Ces peb tso Ntuj pov tseg, ces peb yuav sib yoog li ntawd, mus tas peb lub neej.

    11.Nyob hauv Mas Kos 1:40-44 hais tias:
    Yes Xus kho tus neeg mob ruas, Tus neeg mob ruas tuaj cuag Yes Xus. Nws txhos caug ntua thov Yes Xus tias:
    Yog koj xav, mas koj yeej kho tau kom kuv huv tuaj tau. Yes Xus hlub tus neeg mob ruas ntawd, Yes Xus teb tias:
    Kuv xav, koj rov huv tuaj mas, ces tam sis ntawd tus mob ruas tso tus neeg mob ntawd tseg.
    Yes Xus hais rau tus neeg mob ntawd tias: Koj txhob qia dab tsi rau leej twg! Koj mus, koj muab koj lub cev thws rau cov Leej choj saib.
    Thiab koj mus cev paj tshab ntxuv koj, raws li Mais Xes qhia ua pov thawj cog lus rau luag pom.
    ->.Zaj lus no xav qhia peb tias, yog peb muaj mob tsis hais hom mob twg li. Yog peb thov Ntuj rau peb tej mob nkeeg, yog zoo lawm.
    Peb yuav mus cev paj tshab, rau lub tsev teev Ntuj. Kev cev paj tshab muaj li no:
    A.Peb cev ib qho nyiaj pab lub tseb teev Ntuj los cev rau lub tsev teev Ntuj coj lus pab lwm tus neeg muaj mob. B.Peb cev tej txoj hauj lwm mus ua pab lub tsev teev Ntuj…
    C. Los peb nhiav kev mus tsham ib tus neeg txom nyem uas tsis muaj neeg hlub txog nws. Thiab…

    Sacramento tim19/11/2019.
    Yaj Zoov Ntxheb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 25th February 2020, 9:45 pm



    Zaj 443- YUAV MUAJ NEEG HAIS TIAS, NTSEEG NTUJ THIAB NTSEEG DAB LOS YEEJ TXOM NYEM IB YAM.

    Muaj ob peb yam ntseeg, sib txawv ib qho me ntshis:
    1.Ntseeg Ntuj ntseeg lub cev, nrog tus ntsuj Plig kom tau nyob zoo thiab ntsuj Plig muaj txoj sia nyob mus ib txhiab ib txhis.
    Qhov txom nyem loj nyob hauv kev ntseeg Ntuj, txom nyem yog yus ua tsis tau ib tug neeg ncaj ncees. yus ua neej nyob nrog kev ua txhaum, ua tub qaug rau Ntuj thiab tub qaug rau neeg. Uas yog Ntuj me nyuam.
    Ces txom nyem loj rau yus tus Ntsuj Plig, tsis tau ua ib tug ntsuj Plig dawb huv rau Tswv Ntuj nyiam thiab hlub yus. Yus tsis muaj kev nyiam kev hlub luag tej nyob rau yus nruab siab.
    Yus niaj hnub tsim kom muaj kev ua txhaum, muaj kev zais siab, nrog kev cib nyeej thiab kev xam khib rau cov neeg nrog yus nyob ua rau yus txom nyem siab tsis kaj.
    Tswv Ntuj muaj txiaj ntsim ntau kawg, yus tsis kam khaws los yuav thiab coj. Yus ua neeg swb rau kev ua txhaum loj rau kev tsis ua zoo rau tsoom txheeb ze.
    Ces yus kev txom nyem tawm los, ua rau yus tsis muaj lub siab kaj. Los sib dho nrog kev tu siab chim siab, kev txom nyem sab kev ntseeg Ntuj qhov loj yog tej no.
    2. Kev txom nyem nyob hauv ke coj qub kev cai, muaj ntau ib yam raws li kev ntseeg Ntuj thiab:
    Yam li yus txom nyem, rau lub cev sab kev muaj mob nkeeg. Yus ntshai thiab txhawj tias, ua cas yuav muaj mob ua luaj no. Yus ntshai kev ploj tuag, yus txhawj txog kev tsis sib raug zoo.
    ntshai kev pluag ua neej tsis xws luag, tsuas muaj kev tu siab, kev sib hlub muaj tsawg yuav los hlub luag, ua tsis tau raws li lub siab xav. Xav txog lub neej nyob ua kwv ua tij muaj txheeb neej txheeb tsav tej no los sib xyaws ces yus txom nyem ti txha nkaus thiab.
    Tseem muaj kev plug, kev tsis sib hlub sib zam, nyob hauv thiab mas haj yam ua rau yus tu siaj loj txaus nkaus. Cov coj qub kev cai cov kev txom nyej loj yog tej no thiaj ua rau yus txom nyem loj!
    Vim yus tsis pom los paub txog lub neej yav tom ntej, yuav ua li cas kom pab tau yus tus Ntsuj Plig. kom muaj txoj siab mus rau lub neej tom ntej.
    Yus tsuas ntseeg tias, lwm tiam ces yus yuav tau mus thawj thiab ua dua neeg tshiab. Mam rov ua zoo qhov ntawd tsis muaj neeg tau pom, los paub tseeb tias, puas muaj lwm tiam tiag!
    Tsuas yog kev xav tau li ntawd xwb, qhov tseeb tsis tau muaj ib tug mus pom los tias, kuv tau mus thawj thiab ua ib tug Tim tswv nyob rau thaj chaw no lawm.
    3. Ntseeg txog neeg txuj ci thiab neeg kev thoob tsib, nyob hauv ob txoj kev ntseeg Ntuj thiab ntseeg dab qhuas.
    Mas kawg yuav tsum tau los leeg ntseeg:
    Zoo li ntseeg cov kws tshuaj kho neeg lub cev nqaij, muaj mob nkeeg kom zoo thiab txhob tuag sai mus. Mas yog ib yam muaj tseeb, luag thiaj tsim kom muaj tsev kho mob pab cuam rau cov neeg muaj mob nkeeg.
    Cov neeg tau ua kws kho mob no, lawv kawm txaus soj ntsuam txog cov kab mob los tim txom neeg lub cev, thiab neeg tej roj ntsha ua kom neeg muaj mob.
    Yog leej twg tsis ntseeg, mas tus ntawd kawg yuav tau tuag mus sai xwb! Vim luag twb ntsuam tau tias yog hom kab mob dab tsis, yuav txov tau neeg txoj sia kom tuag mus sai.
    Luag tsom tau tej txiam xws noj yuav noj li cas, kom lub cev muaj zog nyob mus kav laus. Luag paub yus noj dab tsis ua kom yus cov ntshav qab zib thiab muaj ntshav tuag khov mus txhaws cov hlab ntsha nyob saum taub hau los nyob rau hauv lub plawv.
    Yog ntshav txaws cov hlab ntsha no lawm, neeg kawg yuav tau tuag mus. thiab yuav tiv tsis taus ua kom muaj txoj sia nyob ntxiv mus tau!
    Nyob hauv peb yam kev ntseeg hais los no, nyias muaj nyias qhov zoo los sib pab kom ua lub neej nyob mus nrog neeg tej kev kev ua neej nyob kom mus kav laus.
    Hauv txoj kev ntseeg qub kev cai thiab kev ntseeg Ntuj nyias muaj nyias qhov kev tso siab sib txawv:
    a cov ntseeg Ntuj suav txij lawv yug los lawv ua neeb tsis hu plig li los kuj muaj tej tus nyob txog 100 xyoo. Los lawv kuj nyob lawv mus puv xyoo kuj muaj. Hos cov nyob tsis puv 100 los muaj tib si.
    B. Cov coj qub kev cai los lawv ua lawv neeb lawv hu plig. los cov nyob puv 100 xyoo kuj muaj. cov nyob tsis puv los muaj thiab.
    C. cov ho tsis coj ib yam kev ntseeg ntawm sab Ntsuj Plig li los lawv ntseeg cov kws tshuaj xwb los cov zoo li cas kuj muaj. Kuj muaj cov muaj hmoo nyob txog 100 xyoo los twb muaj thiab.
    Kwv tij zaj lus no kuv sau los ua peb sawv daws kev thoob tsib kom txhob xav thiab nyias qhuas nyias txoj kev ntseeg tias, kuv txoj yog koj txoj tsis yog no.
    Txoj twg nyob sab nraud sib txawv mus deb tsis raws li lub siab xav. Tab sis nyob hauv neeg nruab siab nyias yeej paub nyias tias qhov teeb nyob qhov twg, thiab kuv yog leej twg kuv tus tswv, tsim kuv yog leej twg. Nyias yeej hnov muaj ib lub suab nyob hauv nyias nruab siab ua qhov tseeb lawm.
    Yog koj tus kheej yuav txiav txim rau koj tias, kuv hais lus yuam kev los kuv hais lus tseeb no xwb.

    Sacramento tim, 11/7/2019.
    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 11th March 2020, 8:50 am


    Zaj 448- THUAV LUB TXIAJ NTSIM NYOB HAUV THAJ TXI NTUJ.

    Nyob hauv lub thaj cav txiaj ntsim, mas muaj txiaj ntsim loj kawg! Peb cov neeg ntseeg, ib leeg muaj ib tug Leej Ntshiab pov hwm.
    =>.Thaum peb tuaj teev Ntuj, nyob hauv lub tsev teev Ntuj no. Zoo li peb zaum nyob huv txheej hauv qab, hauv lub plg tsev. Hos peb cov Leej Ntshiab, lawv sawv ntsug nyob txheej ob saum peb taub hau. Txheej saum toj ntawm peb cov Leej Ntshiab nyob sab saud, yog Ntuj cov Tshiab lawv nyob txheej saud.
    Lub caij peb ua thaj Cav Txiaj Ntsim no, muaj peb txheej, peb cov Leej Ntshiab pov hwm thiab Ntuj cov tshiab peb koom nrog Yes Xus Pleev ua ke cav txog Tswv Ntuj lub hwj chim.
    Ua ntej Leej Choj yuav ua cov kab ke rub Yes Xus los nyob hauv cov ncuav mov thiab cov cawv. Peb thiaj xub hais zaj Faj Tim Huab Tais… Zaj no, yog Ntuj cov Tshiab lawv zaj hu nkauj, cav txog Tswv Ntuj nyob txheej ntuj saud.
    Vim lub thaj Cav Txiaj Ntsim no, yog Yes Xus Pleev txoj kev muab los txi, rau Leej Txiv Tswv Ntuj, tus tsim ntuj tsim teb. Nws yog tus muaj hwj huam nyob saiab.
    Thaum peb ua thaj Cav Txiaj Ntsim tas,Tswv Ntuj yuav foom hmoov zoo rau peb sawv daws ntawd, mas peb cov Leej Ntshiab Lawv ib leeg tuav ib lub ntim los cug Ntuj cov txiaj ntsim, cov koob hmoov muab los hliv rau peb.
    Yog peb coj thiab ua li tus neeg tsis paub kev thov Ntuj, peb tus Leej Ntshiab, nws yuav tsis paub muab rau Leej twg! Vim yus tsis nyob ntawd, ces nws yuav muab pub rau cov txheeb ze tuaj ntawd.
    Ib tug Leej Ntshiab, nws tsis yog pov hwm yus ib leeg! Nws pov hwm coob leej ntau tus. Nws tsuas txais txiaj ntsim txaus li, yuav muab faib rau cov neeg tuaj txais Koob hmoov, ntawm thaj Cav Txiaj Ntsim ntawd.
    =>. Ua li mas peb yuav muab siab rau, kom peb lub siab nyob nrog nraim li zaj kuv ntseeg txog Tswv Ntuj, Muaj lo lus hais tias:
    Kuv ntseeg txog Lub Koom Txoos, ua faib Ntuj txiaj ntsim. Yog cov txiaj ntsim los ntawm Yes Xus, muab Nws txi rau Leej Txiv Tswv Ntuj, kom cawm lub qab ntuj neeg!
    =>. Thaum peb pom cov neeg nqa cov ncuav mov thiab cawv, nrog phau ntawv sau npe thov ntuj los cev rau tus Leej Choj thiab cov Xib Hwb lawv txais los rau saum lub thaj.
    Ces yog tas nrho lub txoos cov neeg tuaj teev Ntuj hnub no, lawv cov paj tshab, uas yuav muab los cev nrog Yes Xus txi Ntuj ua ke. Tswv Ntuj yuav muab tig los hloov ua txiaj ntsim faib rov los rau peb sawv daws!
    =>. Peb yuav txawj teev Ntuj thiab muab peb lub siab, los npuab rau cov lus nyob hauv thaj cav txiaj ntsim no. Peb cov Leej Ntshiab pov hwm thiab Ntuj cov Tshiab, lawv yuav zoo siab pom peb. Nrog lawv koom ua ke nyob hauv Yes Xus Zaj txi Ntuj, kom tau sib faib Ntuj txiaj ntsim.
    =>. Cov txiaj ntsim Leej Txiv Tswv Ntuj yuav faib rau peb muaj ntau yam kawg:
    a->. Yam li,kom peb txawj sib hlub nyob hauv, cov txij nkawm. Txhob muaj lus sib cav sib ceg, kom lawv txawj cheem tau lawv lub siab los sib hwm sib hlub li yog koom ib lub cev nyob hauv Leej Pleev.
    Zoo li sawv daws koom nyob ua ke hauv Yes Xus Pleev lub cev, sawv daws muaj tib tug Leej Tswv Yim Ntshiab nyob puv npo rau sawv daws sib luag sib npaug.
    b-> .Muaj lub txiaj ntsim txawj hlub li, niam txiv, txawj hlub, hlub tej tub ki, mus thoob plaws, rau tsoom phooj ywg txheeb ze txhua tus.
    Txawj sib cob qhia, txheej laus los rau txheej hluas, nrog rau txheej hlob thiab txheej yau txhua nrho. Kom sawv daws txawj ua neeg paub tab paub cai muaj kev sib nyiam, sib hlub sib zam, haum xeeb nyob hauv Yes Xus Pleev lub npe.
    =>.Kom txhob nrog leej twg muaj xaiv lus thiab ua plaub ua ntug. Muaj kev cib nyeej txawj xam khib nrog kev npau taws, khaws kev chim tseg rau nruab siab mus tsis txawj ploj!
    Pheej muaj lub siab xav foom, kom muaj kev khaum, los muaj kev tuag. Mus ua neej nyob rau dab teb. Cuag li yus pheej muab neeg fiv rau dab kom dab los coj mus.
    Yus ua li ntawd, kuj zoo li yog yus pheej muab neeg xa mus nyob rau dab teb. Cuag li yus muab cov neeg yus ntxub txi rau dab tsis tseg li.
    =>. Ib tug neeg txawm nws ntseeg Ntuj zoo heev, yog nws tsis muaj kev teev Ntuj. Mas Xas Tas pom nws lub siab tsis muaj zog, zoo li muaj chaw seem, ces Xas Tas txeem mus nyob rau hauv nws nruab siab!
    Ces Xas Tas yuav muab nws tig hloov mus ua lwm yam, nyob ze ze Tswv Ntuj cov lus. Kom nws yuam kev, zoo ib yam li, nws ua Tswv Ntuj hauj lwm.
    Tab sis nws cov hawj lawm tsis yog tuaj ntawm Yes Xus thiab Leej Tswv Yim tuaj. Thaum nws muab nws cov hauj lwm los cev rau Ntuj. Ces Tswv Ntuj yuav nug nws tias cov hawj lwm koj ua yog leej twg cov?
    Koj yuav xa mus rau tus uas yog tus Tswv, ntawm cov hauj lwm! Ces Xas Tas yuav los lees tias: Yog Xas Tas cov hauj lwm, uas Xas Tas tau txib yus ua ntag.
    Cov neeg ntseeg tsis kub siab teev Ntuj, thaum kawg nws yuav tsim tau ib co paj tshab tsis yog Tswv Ntuj cov uas nyob hauv Tswv Ntuj lub Cim qhia los rau nws ua!
    =>. Yus tsis paub, yus tseem qhuas tias yus tau ua Ntuj li hauj lwm zoo kawg. Qhov kawg tsis tawg paj los tsis txi txiv xws li Tswv Ntuj cov! Vim yus tsic nyiam khaub zig txog rau Leej Tswv Yim Ntshiab.
    Ces yus thiaj tsis muaj zog, Xas Tas thiaj hloov tau lub caij yus tsis nco qab ntawd lawm! Ces yus poob mus rau kev chim thiab npau taws ces yus raug kev ncaim mus.
    Ces Yus tsis muaj lo lus mos lus muag nyob nrog yus tus kheej! Yus tsuas muaj kev chim siab, ua kom neeg muaj kev sib tawm tsam mus. Thiab tsis coj kev kaj siab tuaj rau luag!
    Yus tsuas muaj lus meem txom coj nruj coj tsiv, ua rau luag chim siab tsis to taub txog qhov pem qhov zoo nyob rau qhov twg li!
    Tus coj li no, nws tsis yog neeg paub tab. txawj ua siab ntev thiab ua neeg thoob tsib. Nws txoj kev npau taws, ua neeg siab luv, siab me ntawd, yog nws txoj kev ruam.
    =>. Cov txiaj ntsim no, yog cov txiaj ntsim pib los ntawm peb kev nyiam nquag mus teev ntuj los. Nws pib ntawm Zaj kuv lees txhaum mus txog rau thaum xaus thaj cav txiaj ntsim, uas Leej Choj hais los lus foom hmoov zoo rau lub txoos cov neeg tuaj ua txhaj cav txiaj ntsim.
    Ces tus Xib hwb xaus los lus tias: Nej rov mus Yes Xus nrog nej nyob, ua nej siab kaj lug no! Nyias tus Leej Ntshiab faib txiaj ntsim thaum ntawd, los rau yus.
    Zaj no yog xav nthuav los kom peb cov ntsee
    nyob hauv lub Koom Txoos Ka Tau Liv paub tseeb tias:
    Nyob hauv peb lub thaj Cav Txiaj Ntim muaj qab hau loj npaum li cas!

    Sacramento tim 29/6/2019.
    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 2nd July 2020, 8:59 am



    Zaj – 467 - KEV SIB FAIB NTUJ TXIAJ NTSIM.


    Nyob hauv zaj kuv ntseeg txog Tswv Ntuj, muaj qes lus hais tias: Ntseeg txog Ntuj cov me nyuam, ua ke faib Ntuj txiaj ntsim.
    =>.Yog ib tug neeg ntseeg txog Yes Xus tiag, mas nws yuav tau txais Leej Ntuj Plig 9 lub txiaj ntsim. Raws li yuav hais mus no!
    1. Lub txiaj ntsim to taub txog Yes Xus zaj lus Nws tuaj cawm ntiaj teb neeg cov Ntsuj Plig.
    2. Nws muaj lub txiaj ntsim, txawj nrog Tswv Ntuj sib haum xeeb txawj thov Ntuj kom cais cov Ntsuj plig phem kom txhob coj yus mus zwm rau kev ua txhaum nyiam kev ua plees ua yi nrog rau li cov neeg muaj tus ntsuj plig phem ua kev phem kev qias.
    3. Nws yuav muaj lub txiaj ntsim txawj hlub luag lwm tus thiab txawj kho mob.
    4. Nws muaj lub txiaj ntsim paub qhov tob qhov ntiav, paub yam twg, yog yam tuaj ntawm Tswv Ntuj tuaj thiab yam twg, tuaj ntawm cov dab muajj tus ntsuj plig phem tuaj.
    5. Nws yuav txawj nrog Leej Ntuj Plig qhia, Yes Xus zaj lus cawm seej rau Tswv Ntuj cov me nyuam nyob ntiaj teb no txhua tus.
    6. Nws muaj lub txiaj ntsim txawj mem tau tias, Yam zoo tuaj ntawm Tswv Ntuj tuaj thiab yam tsis zoo, tuaj ntawm cov dab tuaj.
    7. Nws yuav muaj lub txiaj ntsim txawj txhais Ntuj cov lus, thiab to taub neeg cov lus txhais.
    8. Nws yuav muaj lub txiaj ntsim txawj hais tej hom lus txawv txawv, los nrog Tswv Ntuj tham uas neeg ntiaj teb tsis paub.
    9. Nws yuav muaj lub txiaj ntsim, nrog Yes Xus ua hwj huam yees ntxwv. Txawv txawv, li Yes Xus pub rau nws ua.
    =>.Yuav muaj tej tus neeg hais tias:
    Kuv twb yog ib tug neeg ntseeg txog Yes Xus, tau ntev los lawm. Ua cas kuv ho tsis tau txais cov txiaj ntsim no li! Tej hais no, mas kawg yog Leej Ntuj Plig ib leeg thiaj paub xwb.
    Leej Ntuj Plig uas peb hu ua Leej Tswv Yim Ntshiab no, Nws saib tias, Leej twg thiaj tsim nyog txais cov txiaj ntsim no. Yog Nws ua tus pub rau peb, raws li nws pom zoo thiab peb leej twg, yog tus tsim nyog.
    Nws pub rau cov Nws pom zoo tias, tsim nyog lawd. Nws pub ib tug neeg tau txais ib lub los ob lub txiaj ntsim. Nws ho faib rau lwm tus kom lawv tau txais ib los ob lub thiab.
    Ib leeg tau txais ib lub li no, kom peb tau kev sib faib Ntuj txiaj ntsim ua ke. Nyob hauv Tswv Ntuj lub Koom Txoos. Tswv Ntuj yeej npaj li no, Leej Ntuj Plig thiaj tshoj kom Cov Hauv Paus Xa lus.
    Kom sau zaj kuv ntseeg txog Tswv Ntuj tias: Kuv ntseeg txog Ntuj cov me nyuam, ua ke faib faib Ntuj txiaj ntsim. Nyob hauv Tswv Ntuj lub txiaj ntsim, peb sawv daws los sib koom ua Ntuj me nyuam.
    =>. Lo lus hais tias, kuv ntseeg txog Ntuj cov me nyuam ua ke faib Ntuj txiaj ntsim no. Yog ib lo lus loj thiab tob tas nrho, nyob muaj txhij txhua, hauv peb lub neej. Yog ib lo lus duav tas nrho, lub hauv paus mus nto plaws rau lub ntsis, ntawm lub neej Hmoob.
    Nws kav tiam, Pog Suab Yawg Suab los rau tiam Pog Koob Yawg Koob thiab tiam, uas lawv yog phaj niam phaj txiv. Thiab los rau paj ua tub ua kiv, mus rau ob tiam tom qab zoo li, tiam Xeeb Leej thiab xeeb ntxwv tib si…
    Kom txoj kev sib hlub ua Ntuj me nyuam nyob hauv kev ntseeg loj hlob ua caj hlav, ces ncau, los ntawm Yes Xus pleev kev nyiam kev hlub kev cawm los sib koom ua ke.
    =>. Vim txoj kev ua ke faib Ntuj txiaj ntsim no nyob hauv peb lub neej txhua nrho:
    Thaum muaj ib tug tub los ib tug ntxhais hlob tiav niam tiav txiv lawm. Nkawd sib sau los nyob ua txij ua nkawm. Ces nkawd pib sib faib txiaj ntsim ua ke:
    ->.Nkawd sib ua luag nyob hauv kev ua txij nkawm, xws li, sib ua luag tu tub kiv, Niam txiv sib ua luag ua qoob loo, ua kab ua noog, khwv tiv tshav tiv nag, kom muaj noj haus rau tu tub ki. Loj hlob tiav hlaub tiav ces, kom hlob tsheej neeg.
    ->. Sib ua luag thaum nkawd, ib leeg muaj kev zoo siab los muaj tus nrog qhuas. Los ib tug muaj kev tu siab tuaj, kom muaj tus hlub thiab nplij, kom lub siab rov nyob tiaj tus. Zoo li yus tsis yog ib tug neeg twm zeej, nyob ua ntsuag, tsis muaj neeg hlub.
    ->. Tso tej me nyuam mus kawm txuj ci, kom paub ua neeg thoob tsib to nrog, paub lus paub paub tab paub cai. Txawj mloog tau niam txiv tej lus qhuab qhia tsim txiaj, muaj meej mom koob meej.
    =>. Thaum tej tub ki loj hlob tiav niam tiav txiv lawd, Tej tub ki yuav rov faib txiaj ntsim rau tej niam tej txi, vim yav dhau los lawv tau tu yus loj hlob lawm.
    =>. Li ntawd thaum txog lub caij tej laus dua nras mus lawd, peb Hmoob thiaj ua tej lub ntees loj thiab zoo rau tej niam tej txi.
    ->.Yog ib txoj kev sib faib Ntuj txiaj ntsim, nyob hauv kev ntseeg hais tias:
    Lub sij hawm cov neeg dua nras mus tsaug zog, hauv Yes Xus lub hwj chim. Yog lub caij lawv txuas lus tsis tau rau Ntuj thiab Neeg. Yog cov ua neej nyob yuav thov kom Ntuj zam txim daws txhaum thiab hlub cov neeg dua nras lawv tus Ntsuj Plig.
    Thov kom Ntuj hlub thiab zam txim txhaum rau lawv, ces thaum lawv tus Ntsuj Plig tau nce mus nyob rau Ntuj Ceeb Tsheej lawm. Ces lawv tus Ntsuj Plig thiab tej poj koob yawm Txwv.
    Lawv yuav tig los thov Kom Ntuj pov hwm lawv tej tub ki, xeeb leej xeeb ntxwv ua neej nyob rov tom qab.
    =>. Vim muaj li hais no, mas cov ntseeg Yes Xus lub npe nyob hauv lub Koom Txoos Ka Tau Liv. Thiaj saib nqes lus tias, peb ua ke faib Ntuj txiaj ntsim no, yog yam loj thiab muaj nuj nqes heev nyob hauv Yes Xus kev ntseeg.
    Nyob hauv lub ntees ploj ntees tuag, cov ntseeg txog Yes Xus, lawv ua raws li Yes Xus tau hais tseg. Thaum muaj neeg nug Yes Xus tias: Puas yog Yes Xus yuav tuaj rhuav ntiaj teb neeg tej kev cai pov tseg!
    =>.Yes Xus tau hais tseeb kawg tias:
    Kuv tuaj! Yog kuv tuaj kho kom zoo dua xwb, nyob hauv cov txwm ntawv uas neeg tau tsim los! Mas tab yog lub qhov muag dub dub, me me, nyob saum tus tsiaj ntawv i. Mas kuv yuav nco ntsoov tias, nws yeej xub muaj nyob ntawd lawm.
    ->. Zaj lus no yog Tswv Ntuj lub txiaj ntsim uas Ntuj faib los rau Ntuj cov me nyuam sawv daws tuaj ua neej nyob rau hauv lub Sim Ceeb no.

    Sacramento tim 2/6/19.
    Yaj Zoov Ntxheb X.H.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Qhia Ntuj Kev Cai. Empty Re: Qhia Ntuj Kev Cai.

    Post  Maiv Tooj on 8th July 2020, 4:57 am



    Zaj 476 - NTHUAV HUAB TAIS NTUJ 10 LO LUS QHIA.

    -> Huab Tais Ntuj qhia kaum lo lus no:

    1- Koj yuav teev Huab Tais Ntuj ib tug xwb, thiab koj yuav nyiam Huab Tais Ntuj tshaj tas puas tav yam.
    2- Koj yuav hwm Huab Tais ntuj lub npe.
    3- Koj yuav caiv Huab Tais Ntuj hnub.
    4- Koj yuav hwm koj niam koj txiv.
    5- Koj tsis txhob tua neeg.
    6- Koj tsis txhob zes luag poj luag sev.
    7- Koj tsis txhob ua tub sab tub nyiag.
    8- Koj tsis txhob dag rau luag tej.
    9- Koj tsis txhob tso koj lub siab ntshaw zes lua poj luag sev.
    10-Koj tsis txhob tso koj lub siab ntshaw ua tub sab tub nyiag.

    1. KOJ YUAV TEEV HUAB TAIS NTUJ IB TUG XWB,THIAB KOJ YUAV NYIAM HUAB TAIS NTUJ TSHAJ TAS PUAS TSAV YAM.
    A. Ib tug neeg ntseeg Ntuj nws paub Ntuj, nws tsis nyiam teev Ntuj, nws lam yuav lub npe ua neeg ntseeg Ntuj xwb. Nws xyaw ntau yam tsis haum kev ntseeg rau,los nws ntseeg dab nrog, tsis muaj kev tso siab rau Ntuj.
    Nws teev mlom tso siab rau tej lus tuaj ntawm neeg tuaj. zoo li tso siab rau cov khawv koob Hauj Sam ua rau pob zeb los tej qe hlau.Hais tias nws yog pov haum los pov khoos, tus ntseeg tej no kuj yog thuam Ntuj.
    B. Tus neeg paub Ntuj,nws tsis muaj kev tso siab rau Ntuj,nws ntseeg tej dab neeg,los lam ntseeg tej saub cuav. thiab lam ntseeg tej lus tuaj ntawm tej neeg xav tau nruab los xwb, muab tej yam cuav tsis tseem ceeb los ua qhov tseeb, nws kuj zoo li tus neeg thuam Ntuj.
    C. Txawm yog tus ntseeg Ntuj los ntseeg tej yam zoo tuaj ntawm tej tus neeg tuaj xwb los yuav tau hwm tus tsim ntuj tsim teb. Uas Nws tau xeeb kom muaj txhua yam zoo, uas pom muaj thiab tsim nuj nqi rau lub ntuj lub teb, thiab zoo rau neeg.

    2. KOJ YUAV HWM HUAB TAIS NTUJ LUB NPE.
    A. Koj ntseeg Ntuj los koj tsis ntseeg, koj txhob hais tias:
    Ntuj tsis zoo, Ntuj tsis muaj qhov muag pom,Ntuj tsis txawj hlub neeg, Ntuj siab tsis zoo.
    Ntuj ua siab ntev tas nrho rau sawv daws neeg, tsis hais Haiv neeg dab tsi li. Ntuj twb saib xyuas thiab pov hwm sawv daws li niaj hnub peb tau pom los no.
    B. Txawm tus ntseeg thiab tsis ntseeg,los Ntuj ua siab ntev pab sawv daws. Ntuj maj mam tos saib neeg puas hloov siab los ua qhov zoo ib hnub twg.
    Ntuj tsis muab txim sai rau leej twg li,neeg twb ua txhaum los Ntuj tseem zam rau neeg tos mus txog hnub neeg kam hloov siab los ua neeg zoo.
    Ntuj tsis tau tso ib tug neeg twg pov tseg,uas tsis saib xyuas nws, rau neeg pom los paub. Peb yuav txhob lam ua neeg thuam Ntuj.
    C. Huab Tais Ntuj tsis siab phem,tab txawm muaj tej tus neeg ntseeg Ntuj ua tsis ncaj ncees, los yog neeg hais neeg thiab neeg ua neeg xwb, liam tsis nyog tias Ntuj phem.
    Txhob muab neeg zaj tswv yim me me los xav thiab neeg tej lus hais los piv puas rau Huab Tais Ntuj.

    3. KOJ YUAV CAIV HUAB TAIS NTUJ HNUB.
    A. Huab Tais Ntuj hnub yog hnub CHIV. Hnub Caiv, cov neeg ntseeg yuav muab thawj lub sij hawm los nco txog Huab Tais Ntuj thiab ua Ntuj tsaug.
    Cov neeg ntseeg lawv muaj ib co kab kev mus teev Ntuj li ib lub sij hawm ntev li ib teev. Kuj muaj ib co neeg siv hnub caiv tsis ua hauj lwm no,los ua lwm yam.
    B. Muaj ntau txhiab leej neeg, tsis hais cov ntseeg Ntuj los tsis ntseeg li. ib nrab so hnub caiv, tab sis lawv tsis paub tias vim li cas ho caiv.
    Lawv nyiam hnub caiv no heev, lawv siv hnub caiv no los ua tej txoj hauj lwm tseem hnyav dua txoj hauj lwm lawv ua niaj hnub thiab.
    C. Kuj muaj neeg zoo siab vim muaj Tswv Ntuj hnub caiv no, lawv tau siv los ua si ywj siab, cov siv los mus sib yaum ua kev txhaum kev khaum los muaj li thiab.
    Lawv kuj ua tau tej yam tsis tsim nyog, ua yam tsis tshai tub qaug rau Ntuj li los muaj. Neeg zoo siab muaj Tswv Ntuj hnub caiv, neeg tau kev sib yaum mus haus dej haus cawv, los haus yeeb haus tshuaj, Kom tau kev ua txhaum.
    Los sis yam li mus ua kev phem kev qias txhua yam, tsuav zoo neeg siab xwb. Yog txhob muaj neeg hais xwb, yog muaj neeg hais, mas neeg tseem muaj cai hais tias neeg txheej tshiab no txoj kab txoj kev mus li ntawd.
    D. Kuj muaj tej neeg siv hnub caiv no mus ua tub sab tub nyiag, ua tej yam thxaum kev cai tub qaug rau neeg, txhaum rau Ntuj los muaj li thiab.
    Uas yuav mus tshuam rau Huab Tais Ntuj tej lo lus nyob tom ntej no:
    Yam li mus ua plees yi, los ua tub sab tub nyiag. Los dag rau tej lus hais dhau los lawd los muaj. Yam li tshuam rau kev thuam Ntuj, tsis hwm Ntuj hwm neeg.

    4. KOJ YUAV HWM KOj NIAM KOj TXIV.
    A. Lo lus hwm koj niam koj txiv no, duav tas nrho kev hwm Ntuj los hwm leej tib neeg txhua tus tib si nyob rau hauv.
    Hwm cov ua niam ua txiv, hwm tus laus tus hluas, poj niam los txiv neej,tus hlob mus txog tus yau tas nrho, tsuav hu ua neeg no, mus thoob plaws lub qab ntuj khwb no.
    B. Koj yuav hwm txhua yam uas Ntuj tau tsim los tib si, zoo li tej tsiaj txhu, cov tsiaj loj tsiaj me, nrog rau me kab noog rau tej xyoob ntoo, nroj tsuag,txhua nrho. Vim nws muaj nuj nqes rau leej tib neeg thiab lub ntuj lub teb.
    C. Txhua yam no, zoo rau neeg siv, zoo rau neeg noj los zoo rau saib hnub xam nyoog, cim lub caij quas lub niaj xyoo. Tej kab nyias quaj muaj nyias caij,paj xyoob paj ntoo nws tawg paj muaj nws nyoog.

    5. KOJ TXHOB TUA NEEG.
    A. Lo lus hais tias, koj txhob tua neeg. muaj ntau yam tua neeg. Muab riam phom los tua neeg, los xuas qws ntaus kom neeg tuag.
    Koj muab tshuaj los lom kom neeg tuag, muab neeg thawb kom poob dej, los ua kom poob qhov siab mus rau qhov qis kom tuag, Yam ua rau neeg tuag ces yog kev tua neeg tas tib si,ntaus me nyuam hauv plab los yog tua neeg.
    B. Tus ntxub neeg xav kom luag tuag, tsis xav pom luag, tus neeg lub siab xav li no yog lub siab npaj tua neeg, los twb tua neeg lawm thiab.
    C. Tus tsis kam pab neeg, tso luag pov tseg, ua rau neeg tuag tshaib, los ua rau neeg poob zoo tuag, los tso xwv txheej tuaj raug kom tuag,kuj yog kev tua neeg tib si lawm.

    6. KOJ TXHOB ZES LUAG POJ LUAG SEV.
    A. Kev zes luag poj luag sev, tsis yog hais rau sab txiv neej xwb. Poj niam sab mas kuj tsis txhob zes luag tub luag roog thiab. Tsuav yog tus nyiam ua kev phees kev yi ces puav leej yog neeg xav zes luag poj luag sev, los xav zes luag tub luag roog tib si lawm.
    B. Kev tham hluas nkauj hluas nraug, uas tsis tau muaj tsw, los yog kev zes luag poj luag sev tib si, thiab zes luag tub luag roog. Vim tias tsis tau yog koj poj koj sev thiab koj tub koj roog, tseem yog luag li. Tej no suav tib si, ua kev zes luag poj luag sev lawm.

    7. KOJ TXHOB UA TUB SAB TUB NYIAG.
    A. Kev ua tub sab tub nyiag, tsis yog tus txhob txwm mus nyiag luag nyiaj los nyiag luag qoob loos, cuab tam los tsiaj txhu ntawd xwb, thiaj yog ua tub sab.
    B. Tus neeg qeev ib tug neeg twg tej nyiaj mus siv,los tus qee luag tej qoob loo mus noj. qee luag teej luag tug mus siv yeej yog ua tub sab tib si lawm.
    C. Tus hais lus kom luag yuam kev, tsis nco qab qee yam, khoom tso pov tseg ces nws tau dawb los nws yeej yog ua tub sab lawm thiab.

    8. KOJ TXHOB DAG RAU LUAG TEJ.
    A. Txoj kev dag yog ib yam tsis zoo kiag li,koj yuav tsum paub tias txoj kev dag,mas nws ua tau kom muaj ntau yam puas xwm mus.
    Nws ua rau neeg yuam kev loj, mus txog rau muaj kev tuag,nws tau dag mus txog rau Ntuj kiag.
    B. Kev dag ua rau tib neeg poob nyiaj ntau mus, thiab ua kom neeg muaj kev sib ntxub, thiab muaj xaiv muaj lus,ua yeeb ncuab mus tsis txawj tag li.
    C. Kev dag tsis yooj yim li koj xav tias yuav lam dag,ces dag tau li. Koj dag muaj teeb meem loj tuaj, ces koj txaj muag. Koj tseem tau tsa tes siab kom rov tau dag Ntuj dua ib zaug ntxiv thiab.
    D. Thaum kawg ces koj paub tias nws tsis zoo, los koj rov dag koj mus li, zoo li koj tsis muaj nqes ib qho nyob ntawm lub ntuj lub teb li.

    9 thiab 10. KOJ TXHOB TSO KOJ LUB SIAB NTSHAW ZES LUAG POJ LUAG SEV. THIAB KOJ TXHOB TSO KOJ LUB SIAB NTSHAW UA TUB SAB TUB NYIAG.
    A. Yog koj tso koj lub siab ntshaw ua, ces ib zaug dhau ib zaug. Ces koj yuav swb koj lub cev, ces koj lub cev yuav yuam koj kom ua kiag.
    B. Neeg mas tsis sib thooj, muaj cov ua neeg siab ncaj thiab muaj nuj nqes, kuj muaj cov neeg siab phem,ua neeg phee yig. Tsis hais tus txiv neej los poj niam li, yeej muaj tus xav thiab coj,los nyiam li koj nyiam thiab.
    Muaj lub siab nyiam ua ib nqag ua neeg zes lua poj luag sev,los sis nyiam zes luag tub luag roog los ua tub sab tub nyiag, nyiam nrog ko thooj siab.
    Thiab coj ntaj koom hnab, hneev koom hlua, ua txij tog txij peg li.
    C. Kev ua tub sab tub nyiag, yog koj ntshaw lawm, ua ntej koj yuav nyiag tej yam me, ntev mus koj swm lawm ces ko yuav nyiag tej yam loj, uas muaj kev tuag tsiv nraim nyob nrog koj ntawd ib sab.
    D. Nyob hauv Huab Tais Ntuj 10 lo lus qhia no, muaj kev phem kev zoo sib npaug. Yog koj poob rau sab zoo ces yeej kiag. Hos koj poob rau sab phem ces kuj swb kiag mus.
    Li ntawd mas Huab Tais Ntuj thiaj xub kom Mais Xes muab los qhia ntxov ntxov rau neeg paub. Cov neeg hloov siab los ntseeg Ntuj, mas lub Koom Txoos thiaj xub qhia ua tej thaum lawv yuav mus txog lub Cim Ntxuav, kom tau paub zoo.
    E. Tus neeg ntseeg Ntuj tsis xyiv fab rau kev teev Ntuj, los tsis muaj kev tso siab rau Ntuj. Mas muaj ntau yam:
    a. Nws kawm kev ntseeg tsis txaus, los nws tsis muaj siab kawm kom tas. los nws tsis xav ua ib tug neeg ntseeg zoo, los puas nws lam ntseeg vim muaj qee yam los cuam tshuam hauv nws lub neej lawm.
    b. Nws los ua neeg ntseeg kom tau kev dim ntawm ib yam xwv txheej, kom tau kev dim ntawm kev khaum. Nws tsis paub kev ua dab,los nws xav sim Ntuj saib zoo li cas.

    Yaj Zoov Ntxheb Xib Hwb.





    Sponsored content

    Qhia Ntuj Kev Cai. Empty Re: Qhia Ntuj Kev Cai.

    Post  Sponsored content


      Current date/time is 25th November 2020, 11:18 pm