Thov Nej Sawv Daws Pab Thov Ntuj

Nyob zoo rau nej txhua tus uas tuaj saib peb hauv no,

Hnub no kuv muaj ib tsab xov nyuaj siab tuaj hais qhia rau nej.  Kuv niam thiab kuv txiv nkawd ob leeg laus laus lawm, tiam sis nkawd kuj tseem ua neej nyob. Tam sis no, kuv niam nyuam qhuav mob heev tuaj. Tsaib no kuv niam tau ntog tsoo taub hau, ces twb ua rau nws hais lus tsis meej pes tsawg lawm. Tam sis no ces kuv niam cia li tsis txawj hais lus lawm, thiab nws txhais tes tsis txawj tuav diav muab mov los noj lawm, thiab nws kuj sawv tsis taus nws ib leeg lawm. Yuav tsum muaj lwm tus los tuav nws sawv thiab muab mov rau nws noj xwb.

Kuv yeej npaj siab tias yuav mus xyuas kuv niam.  Tiam sis tseem muaj ob peb yam tav kev ces kuv kuj mus tsis tau sai sai, yuav tsum yog lub xya hli  xiab tso kuv thiaj mam tau kev mus. Yog li ntawd ces kuv thiaj xav thov nej sawv daws pab kuv thov ntuj rau kuv niam thiab os.

Ua nej sawv daws tsaug.

Nyob zoo Mim,

Ua siab loj mog nws niam txawj mob los yuav txawj zoo.

Kuv mam nrog koj thov Ntuj rau koj niam mog.

Huab Tais Yes Xus, kuv tuav txog koj lub npe, koj pab kho niam hlov Tsuj Xyooj tus mob kom zoo hlo. Ua li.

Mim wrote:Nyob zoo rau nej txhua tus uas tuaj saib peb hauv no,

Hnub no kuv muaj ib tsab xov nyuaj siab tuaj hais qhia rau nej.  Kuv niam thiab kuv txiv nkawd ob leeg laus laus lawm, tiam sis nkawd kuj tseem ua neej nyob. Tam sis no, kuv niam nyuam qhuav mob heev tuaj. Tsaib no kuv niam tau ntog tsoo taub hau, ces twb ua rau nws hais lus tsis meej pes tsawg lawm. Tam sis no ces kuv niam cia li tsis txawj hais lus lawm, thiab nws txhais tes tsis txawj tuav diav muab mov los noj lawm, thiab nws kuj sawv tsis taus nws ib leeg lawm. Yuav tsum muaj lwm tus los tuav nws sawv thiab muab mov rau nws noj xwb.

Kuv yeej npaj siab tias yuav mus xyuas kuv niam.  Tiam sis tseem muaj ob peb yam tav kev ces kuv kuj mus tsis tau sai sai, yuav tsum yog lub xya hli  xiab tso kuv thiaj mam tau kev mus. Yog li ntawd ces kuv thiaj xav thov nej sawv daws pab kuv thov ntuj rau kuv niam thiab os.

Ua nej sawv daws tsaug.

Nyob zoo os Mim zoo siab tau ntsib koj hauv no os mog , tab sis ho pab koj txawj koj niam thiab os , thov txim nawb lod vim kuv tsis tshua khoom tuaj hauv no es kuv thiaj li tuaj pom koj tsab xov no lig me ntsis lawm os ,
Ua li os mog peb mam li pab thov ntuj rau koj niam thiab os , tsis txhob txhawj thiab os lod nws txawj mob los yeej yuav txawj zoo os mog tej thaum yog nws laus lawm thiab ces zoo li nws tau mob ces kuj zoo li sab tshaj thaum hluas lawm thiab xwb os ua siab loj os lod es seb thaum koj muaj caij es ho tau tuaj mus saib nws no ces ho qhia rau peb thiab os mog .

Sib ntsib dua os


MaivXis .

Nyob zoo os Maiv Mim

Hnov koj hais tias koj niam mob mob hais tsis tau lus thiab tuav tsis tau diav noj mov lawm no. Kuv kuj txhawj txog nkawd ob tug ua tij kawg thiab vim txoj kev nyob sib nrug deb
heev kuv thiaj li mus xyuas tsis tau nkawd xwb os. Kuv tseem npaj siab hais tias cia xyoo 2016 seb kuv puas mus teb chaws Guayane ib zaug es mam ho mus xyuas niam tij thiab
tij laug Tsuj Xyooj nkawd ib zaug thiab no tiag.

Tswvntuj tus muaj hwj huam tas nrho,thov koj lub zog loj cev tes mus pab kho niam tij Tsuj Xyooj Yaj nyob rau Guayane teb kom nws tus mob rov zoo hlo tuaj raws li koj pom zoo.
Txhua yam kuv taij thiab thov los no kuv vam txog Huab Tais Yesxus Pleev lub npe thov. Amen.

Nyob zoo Mim, txoj kev thov ntuj pab ib tus neeg mas muaj zog heev, kuv ntseeg hai tias yog sawv daws sib pab teev ntuj pab ib tus neeg mob mas yuav zoo xwb.
Xyoo 2013 ntawd kuv poj nim tau mob hnyav heev nws pw tsi tau li, kuv tau hais kom nej txhua tus pab thov ntuj rau kuv poj niam, ce tus mob cia lis zoo zuj zug lawm, kuj muab me ntsis tshuaj pab thiab. Tiam sis muab tsi ntau.

Kuv vam tias peb sawv daws thov ntuj pab koj niam tus mob yuav zoo.