Yes Xus lub tsho tshaj sab nyob Trêves, Germany
Mas Lias wrote:Nyob zoo nej sawv daws, Thov txim ntau uas tsis tau tauj nrog nej koom. Vim tsis tau xyeej siab xwb; hnoob no kuv yuav tuaj tham txog, peb tau mus xyuas Lub Tsho Ntshiab nyob rau teb chaws YiasLaMas (Allemagne).
Hnub tim 8 lub 5 hlis tas los no, kuv tus niam laus thiab, phuaj Tav, thiab kuv, thiab kuv tus niam laus wb cov me nyuam, peb tua mus xyuas Huab Tais Yes Xus lub tsho, ua thaum nws nyob saum ntoo cuam, es cov tub nrog LosMas tau mub nws lub tsho tsis muaj leej leeg coj los sib twv saib leej twg thiaj li twv raug, ces leej twg tau.
Hnub ntawd, peb tau sawv ntxov caij tsheb loj ntawm Strasbourg, Fab Kis teb mus li 3 teev kev ntawm peb lub zos mus rau pem Trêves, Gremany teb. Thaum peb taug kev, peb pib teev Ntuj tas ces so ib nyug chim, ces lawv piav txog Lub Tsho Ntshiab lub neej thaum lub hauv paus los txog tas sim no. Thov txim kuv hnov tsis tas cov lus, vim kuv tsaug zog lawm ; kuv tsuas piav tau raws li kuv hnov xwb.
Raws li cov kws paub, lawv tau muab lub tsho coj mus tshuaj xyuas mas Lub Tsho Ntshiab tawm rau tiam 7 lawv qab Huab Tais Yes Xus. Tab sis kuj yog Lub Tsho Ntshiab tiag.
Peb mus txog pem trêves yog 10 teev, cov YiasLosMas tuaj tos peb, lawv coj peb mus nrog cov Tswv Qhia teev ntuj nyob hauv lub tuam tsev teev ntuj; tas ces peb mus xyuas Lub Tsho Ntshiab nyob kiag ntawm qhov peb teev Ntuj ntawd ib sab xwb. Lub tsho mas qub qub lawm, hos caws caws.
Lawv muab lum rau hauv ib lub xab ntoo, khwb ib daim iav saum ncauj.
Thaum saib lub tsho tas, peb los mus noj sus ze rau tom Hauv Paus xa Lus Matthias lub tuam tsev teev Ntuj.
Leej Ntshiab Matthias yog tus Hauv paus Xa Lus uas Thaum Huab Tais Yes Xus tuag tas es nws twb nce mus pem ntuj lawm ; Lawv mam xaiv nws los taj Yus Das tus uas muab Huab Tais Yes Xus muag.
Leej Ntshiab Matthias tau mus qhia kev cai nyob rau L'Ethiopie lub teb chaws dub tau 10 tawm xyoo. Vim sij hawm ntawd cov Yus Das nrhiav Huab Tais Yes Xus cov Thwj Tim tua. Thaum nws rov qab los teb chaws dub los rau His xas Lais, lawv tau txawb pob zeb rau nws kom nws tuag. Ces nws tuag lawm. Muaj ib tug poj niam hu ua Hélène, thiaj nyiag nws lub cev coj los rau sab teb chaws no. Lawv tau muab nws cov pob txha los rau nram cov laj roob ( Les Alpes ).
Tom qab no teb chaws YiasLasMas twb muaj cai ntseeg txog Yes Xus lawm, lawv mam ua lub tuam tsev teev Ntuj rau nws, lawv mam mus nqa nws cov pob txha los lum rau hauv ib lub ntxa, nyob rau hauv lub tuam tsev teev Ntuj Leej Ntshiab Matthias.
Peb xyua li no tas, ces peb los tsev, kuj tau teev Ntuj taug kev los tsev thiab. Thaum los txog twb yog 10 teev tsaus ntuj.
Lus tuaj ntsib neej li no xwb Nyob zoo.