Nyob hauv zaj no yog
Zam sau hais txog thaum Huab Tais Yes xus
los zaum 2 los txiav txim rau sawv daws.
Tus caij tus nees dawb nyob hauv Zaj 6,
tsis yog tus nyob hauv Zaj 19. Tus nyob haiv zaj 19 no,
mas yog HT. Yes Xus. Hos tus nyob hauv zaj 6,
mas yog ib tug Ntshiab nyob saum ntuj.
Zam sau hais txog thaum Huab Tais Yes xus
los zaum 2 los txiav txim rau sawv daws.
Tus caij tus nees dawb nyob hauv Zaj 6,
tsis yog tus nyob hauv Zaj 19. Tus nyob haiv zaj 19 no,
mas yog HT. Yes Xus. Hos tus nyob hauv zaj 6,
mas yog ib tug Ntshiab nyob saum ntuj.
QYTNT. zaj 19.
Kuv pom lub ntuj qhib los, pom ib tug nees dawb.
Tus caij tus nees dawb ntawd hu ua,
tus PHEEJ XEEB thiab tus TSEEB.
Nws txiav txim thiab nws ua rog raws txoj kev ncaj.
Nws qhov muag zoo li nplaim taws,
muaj ntau lub teev kuj nyob saum nws taub hau.
Nws hnav ib lub tsho raus ntshav,
nws lub npe hu ua tus Tswv Ntuj "LEEJ LO LUS".
Cov peeb zeej saum ntuj lawv caij nees lawv nws qab,
lawv hnav ntaub pag dawb ci ntsa iab.
Muaj ib raj ntaj ntse zuag plias tawm hauv nws qhov ncauj los.
Yog nrab ntaj uas yuav tuaj coj cov haiv neeg.
Nws yog tus yuav muab ib nrab cwj hlau los coj cov haiv neeg.
Nws yuav tsuj cov txiv cawv hauv lub rhawv uas ntim,
tus Tswv Ntuj muaj hwj huam tej kev thoj chim kev npau taws.
Muaj ib lub nnpe sau nyob ntawm nws lub tsho tshaj sab thiab
nyob ntawm nws ncej puab tias:
Tus VAJ KAV COV VAJ, tus HUAB TAIS KAV COV HUAB TAIS.
Ces kuv pom ib tug Ntshiab sawv ntsug saum lub hnub.
Nws hu cov noog ya saum ntuj tib si, nws hu nrov nrov tias:
Nej los sib txoos noj tswv ntuj rooj qav loj loj.
Nej los noj cov vaj lub cev nqaij, cov muaj hwj huam lub cev nqaij thiab cov caij nees lub cev nqaij.
Noj tas txhua hom nqaij neeg tsis hais cov twj lij los qhev, cov yau los cov hlob.
Ces kuv pom tus tsiaj thiab cov vaj nyob ntiaj teb, nrog lawv cov peeb zeejsib txoos ua ke.
Lawv ua rog ntaus tus caij nees dawb thiab nws pab peeb zeej.
Tab sis tus caij nees thiab nws pab peeb zeej txhom tau tus tsiaj thiab tus yaj saub cuav,
tus yaj saub cuav no txawj ua hwj huam pab tus tsiaj thiab dag cov haiv neeg,
kom coj tus tsiaj lub cim thiab hawm nws tus duab.
Lawv muab nkawd pov rhees rau hauv lub pas hluas taws leej faj uas ciaj tsis txawj tuag li.
Tus tsiaj cov peeb zeej kuj raug tus caij nees dawb rab ntaj tua tuag tas huv tib si.
Yog rab ntaj tawm hauv nws qhov ncauj los,
ces tas txhua tsav noog tuaj noj lawv tej nqaij tsau plab.