HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Tswv Ntuj lub hwj huam loj tas nrho, Niam XH.Lis Vam Xab. Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    Tswv Ntuj lub hwj huam loj tas nrho, Niam XH.Lis Vam Xab.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Tswv Ntuj lub hwj huam loj tas nrho, Niam XH.Lis Vam Xab. Empty Tswv Ntuj lub hwj huam loj tas nrho, Niam XH.Lis Vam Xab.

    Post  Maiv Tooj 19th November 2011, 12:38 pm


    Hnub no, tim 19/11/2011, kuv leej nkawm wb tau mus noj ib pluag mov khi hlua nyob Clermond Ferrand, Fab Kis teb. Pluas mob no yog ib pluag mov khe hlua li txhua pluas mov, tab sis kuj muaj ib qho txawv me ntsis xws li lawv tau hu ib tug Txiv Plig hluas thiab ib cov Leej Phauj tuaj nrog koom...Tab sis khuv xim uas tus Leej choj thiab cov Leej Phauj tsis khoom tuaj. Vim yog ib pluag mov zoo siab thiab ua Ntuj tsaug.

    Yam li Xib Hwb Vam Xab tau tag txoj sia lub neej rau thaum lub 2 hlis 2011, tseg nws cov niam tub ua ntsuag nyob.
    Thaum lub 7hli dhau los no, tsis muaj hmoo niam XH.Vam xab tau ib tug mob loj huam leej huam ceem. Yam li nws txoj hlab plawv loj tawg thiab ib txoj hla ntsha saum tau hauv tawg yam tsis ceeb toom nws li.

    Nws pw txog ib tag hmo ces nws mob hauv siab tib teg heev ua nws tsim dheev nruab dab ntub. Nws sawv tsees tab sis sawv tsis tau, ces nws hlauv kiag rau hauv qab txag, ua nyuj nkag mus khob nws tus ntxhais thiab tus vauv rooj paim. Zoo uas tus vauv ua hauj lwm lig es nyuam qhuav los pw tsis tau tsaug zog thiaj li hnov nws khob qhov rooj. Yog tias lawv pw tag nrho ntxov lawm ces ntshe lawv tsaug zog tas, twb tsis muaj neeg hnov nws khob qhov rooj, vim nws hais lus tsis nrov lawm thiab tsis muaj zog khob nrov lawm.

    Ces tus vauv thiaj li sawv los saib naj cas nws pw hauv av. Thiaj tsa tus ntxhais ces nkawd muab nkawd niam nqa mus tso ntawm salon, thiaj hu cov tub uas nyob deb tuaj. Tus tub hlob tuaj txog ces mam li hu Tsheb tua Hluav Taws tab sis lawv tsis kam tuaj ces thiaj hu rau Kws Tshuaj Zov Hmo, tau 4 teev tom qab Kws tshuaj mam li tuaj txog.
    Thaum Kws Tshuaj tsis tau tuaj ces lawv saib lawv niam sab dhau lawm, tus tub hlob, Ntxhoo Kub thiaj li hais rau nws niam tias: "Niam kuv yuav mus thov koj txoj sia ntawm Niam Mab Liab rov los rau koj". Ces nws caij tsheb khiav mus pe tus mlom Mab Liab loj nyob tim tsev teev Ntuj qhov rooj lawm.
    Tus tub yau khiav mus tim nws txiv ntxa, hu nws txiv tias: "Kuv txiv! koj twb hais tias koj tuag lawm los koj yuav tsom kwm, saib xyuas peb no, koj cia li pab kom tau kuv niam rov qab los nrog peb nyob."  
    Ib tug tub nkag kiag hauv txaj, mus thov Huab tais Ntuj hauv txaj.
    Thaum ntawd raws li nws nco, nws tau hais lus me ntsis rau cov me nyuam, kom cov me nyuam sib hlub xwb no. Thiab thaum Kws Tshuaj cab nws kiag mus rau hauv tsheb ces nws hnov nws sab sab, nws cia li teev Ntuj lawm xwb thiab nws cia li tsis nco qab lawm. Tab sis cov me nyuam mas yeej hnov nws hais tag puas tsav yam lus qhuab qhia lawv ua neej, teev nkawd ob tug ua niam ua txiv lub neej uas tau 40 thiab 7hli rau lawv tib si, nrog rau nkawd lub cuab tam kom muab sib faib li cas rau cov me nyuam tag nrho. Nws hais lus rau lawv txog ntua thaum kws tshuaj muab nws cab mus rau hauv kem Phais lawm.

    Ces 4teev kaj ntug, Kws Tshuaj tuaj txog, kws tshuaj soj ntsuam tag thiaj li hu Tsheb thauj mob tuaj. Mus txog Tsev Kho mob ces Kws Tshuaj tias mob nyhav dhau lawm ces lawv tsis kho lawm. Cia nws nyob txog rau 16 teev yuav tsaus ntuj. Nws kuj tsis tuag thiab ces Kws Tshuaj thiaj li hais rau cov me nyuam tias yog lawv xav kom Kws Tshuaj kho no ces lawv lam kho. Yog cov me nyuam tsis kam los lawv tsis kho lawm. Vim nws tshua 1% ciaj sia lawm xwb. Ces cov me nyuam zoo siab hlo kom lawv kho.
    Lawv thiaj li coj Niam XH.Vam Xab mus phais hauv siab, nqus cov ntshav tuag ntawm hauv siab tawm, nqus cov ntshav ntawm taub hau tawm, txuas txoj hlab plawv loj rau.

    Thaum Kws Tshuaj tsis kam kho Niam XH.Vam xab lawm ces tus tub hlob Ntxhoo Kub thiaj mus teev Ntuj ib pliag thiab thiaj li nug cov Kws tshuaj tias puas muaj Txiv Plig nyob hauv Tsev Kho Mob.
    Lawv qhia ces nws thiaj li mus hais tus Txiv Plig tias nws niam mob nyhav heev, xav kom Txiv Plig pab mus thov Ntuj rau. Ces Txov Plig thiaj li tuaj ua lub Cim Plees rau nws thiab teev Ntuj rau nws. Dhau ntawd los ces Txiv Plig niaj hnub mus teev Ntuj rau nws ib hnub ib teev. Yog hnub uas tus Txiv Plig tsis khoom ces nws xa ib cov Phauj tuaj teev rau.

    Nws tsis nco qab tau 14 hnub nkaus nws mam tsim los.
    Thaum nws tsim los, nws hais tias nws xav haus dej, Kws tshuaj tssi pub nws haus dej, tsam nws muaj ntshav tuag nyob ntawm qa thiab hauv qhov ncauj ces qhos tau yuav ua mob rau nws. Tab sis lawv kom rua ncauj saib naj cas qhov ncauj dawb paug huv si li yog nws pw tsaug zog ib pliag sawv los xwb. Hos nws tej nraub qaum uas pw tau 3 lis piam tsis ntxuav, tsis hloov li kuj tsis ua qhov txhab, tsis lwj ib qho li, dawb paug xwb.
    Ces lawv thiaj li muab dej rau nws haus.

    Kws Tshuaj zoo siab heev, hais tias zaum no mas nws ua rau lawv yeej ib nthw rog loj tshaj yam lawv xav tssi txog. Txij thaum Tsov Rog Zaum Ob los txog tav no, lawv lub Tsev Kho Mob ntawd tsis tau kho tau ib tug neeg mob nyhav npaum li Niam XH.Vam Xab nov zoo li. Lawv hais tias yog Tswv Ntuj lub Hwj Huam ua zoo nkaus xwb.

    Cov Phauj thiab Txiv Plig los hais tias yog vim Niam XH.Vam Xab thiab nws cov me nyuam muab txog kev ntseeg loj, lawv tso siab tag nrho rau Huab Tais Ntuj, es Tswv Ntuj muab txiaj ntsim rau lawv xwb tsis yog tus txiv Plig teev Ntuj rau nws zoo.

    LI CAS LOS YEEJ YOG, LI CAS LOS YEEJ ZOO SIAB TIAS TSWV NTUJ LUB HWJ HUAM LOJ TAS NRHO...

    Tswv Ntuj lub hwj huam loj tas nrho, Niam XH.Lis Vam Xab. Dsc00111


    Last edited by Maiv Tooj on 29th January 2021, 8:44 am; edited 2 times in total
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Tswv Ntuj lub hwj huam loj tas nrho, Niam XH.Lis Vam Xab. Empty Re: Tswv Ntuj lub hwj huam loj tas nrho, Niam XH.Lis Vam Xab.

    Post  Maiv Paj Lug 20th November 2011, 1:32 am

    Vuag!....cas yuav mus nrog Niam XH Vam Xab tsev neeg zoo siab tag nrho, zoo siab tshaj plaws uas lawv txoj kev ntseeg loj, tus hlob dhau tus yau los nyias nim txawj mus thov nyias ntuj, sim neej no muab xav los hauv yus tsev neeg twb tsis muaj tus txawj thov ntuj li, qhov twg los tos yus xwb, yog hnub twg ncaj yus tsev neeg nsthe yus tej nus muag cia li sib ntsia tos yus nkaus xwb, muab xav los thov qhuas lawv tsev neeg, tej tub tej nyab tej ntxhais tej vauv uas tau tso siab thiab ntseeg Tswv Ntuj, lawv muaj lb pev xwm ua txhij ua txhua kom cawm tau lawv niam, tus mus thov txiv tim toj ntxa los twb tsis nco ntshai dab hem li lawm, vim nws ntseeg ntuj, nws tso siab rau nws txiv tshaj qhov nsthai, tej yam no yog ib lub txiaj ntsim tsim nyog peb txhua tus yuav tau xyaum sib hlub sib pab li Niam XH Vam Xab tsev neeg.

    Peb txhua tus ua Tswv Ntuj tsaug ntau ntau, Tswv Ntuj lub txiaj ntsim pab tau Niam Vam Xab, twb tsis yog lawv tsev neeg zoo siab xwb, nws ua rau peb txhua tus tau nyeem thiab mloog lawv zaj kwv huam zaum no los ua ib qho chaw cia siab loj tuaj rau peb txoj kev ntseeg, peb ua Tswv Ntuj tsaug. J:
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Tswv Ntuj lub hwj huam loj tas nrho, Niam XH.Lis Vam Xab. Empty Re: Tswv Ntuj lub hwj huam loj tas nrho, Niam XH.Lis Vam Xab.

    Post  Bao X Mary 22nd November 2011, 4:24 am

    Maiv Tooj,

    Ua tsaug uas koj muab niam Xwb Hwb Vam Xab zaj dab neeg los piav rau peb mloog. Kuv nyeem mas ua rau kuv siab nphau npog. Ua rau kuv pom Tswv Ntuj zem zuag. Muaj tseeb tiag, Tswv Ntuj lub hwj huam los tas nrho. Huab Tais Yes Xus hais tias: " Nej ntseeg mas muaj raws li nej ntseeg, nej thov mas yuav muaj tus pub rau nej, nej nrhiav mas nej yuav ntsib, nej khob qhov rooj mas yuav muaj tus qhib rau nej."Txoj kev ntseeg, kev thov, thiab kev tso siab rau Tswv Ntuj mas yog ib yam zoo tiag. Tswv Ntuj lub siab hlub neeg tas nrho, Nws tos tsis nchoo leej twg tuav Nws lub npe Nws maj zeeg cev tes los pab.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Tswv Ntuj lub hwj huam loj tas nrho, Niam XH.Lis Vam Xab. Empty Re: Tswv Ntuj lub hwj huam loj tas nrho, Niam XH.Lis Vam Xab.

    Post  Maiv Tooj 22nd November 2011, 5:47 am



    Nyob zoo Maiv Paj Lug thiab Baob X Mary,

    Yog kuv nco tau niam XH.Vam Xab cov lus los piav mas tseem yuav zoo dua no, tab sis tsis tshua zoo lo zoo dua tsis muaj. Kuv yuav tham ib zaj npau sua rau nej mloog ntxiv. Thaum XH.Vam Xab tuag tas ces lawv tsev neeg kuj tu siab heev, nyias taus nyiam chim, nyias tau nyias tu siab li. Ces muaj ib hmo, XH.Vam Xab tus tub hlob Ntxhoo Kub tus ntxhais yau muaj 12 xyoo txawm ua npau suav tias:

    Pom nws yawg hnav ib ce khaub ncaws dawb dawb, ci ci los xyuas nws. Los rub kiag lub toog los zaum kiag ntawm nws ib sab hauv ncoo, hnia kiag nws hauv pliaj thiab nug nws tias: Me ntxhais, ua cas koj pheej chim chim li?
    Ces tus ntxhais teb tias: Kuv yawg, twb yog koj qe muag, koj tsis tsim rov los li es kuv pog nco nco koj, kuv pog quaj quaj es kuv hlub hlub kuv pog, kuv chim xwb.
    Yawg teb tias: Yawg qe muag, yawg tssi qheb qhov muag ces yawg tig ntsia tom yawg nraub qaum naj muaj ib tug ntauv dawb dawb ci ci laug mus puag saum ub,muaj ib lub qhov rooj, ces yawg nce tus ntaiv mus nkag rau luv qhov rooj ces yawg rov los tsis tau lawm. Es hais rau pog kom pog txhob nco nco yawg no. Es koj txhob quaj lawm mog, kuv twb hlub koj tshaj plaws.

    Hnub tom qab tus mus nyuam mus kawm ntawv los, nws nkag mus haus tsev dej, nws tsa suab hlo quaj, nws niam thiab nws txov thiaj mus nug nws, nws thiaj piav nws zaj npau suav rau nkawd. Ces nws quaj tas zog, nkawd ntxias tsis tau nws ntsiag ces thiaj hu rau nws pog, nws pog thiaj kom coj nws mus xyuas nws pog...



    Tswv Ntuj lub hwj huam loj tas nrho, Niam XH.Lis Vam Xab. A-stai10
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Tswv Ntuj lub hwj huam loj tas nrho, Niam XH.Lis Vam Xab. Empty Re: Tswv Ntuj lub hwj huam loj tas nrho, Niam XH.Lis Vam Xab.

    Post  Bao X Mary 22nd November 2011, 7:27 am

    Tej yam ntawd ces qhia tau hais tias nws mus Ntuj Ceeb Tsheej lawm tiag. Txoj kev yog ib yam uas lub ntiaj teb ris tsis tau, yog lub nra nyav tshaj tas puas tsav yam. Tab sis peb cov ntseeg es peb ntseeg thiab tso siab tias peb tus neeg tas sim neej ces nws mus nrog Tswv Ntuj nyob lawm es muaj ib hnub peb tseem yuav sib ntsib. Thaum peb sib ntsib zaum ob mas yog qhov uas peb yuav nyob kaj lug, kaj nrig tsis muaj sib ncaim ntxiv li, nyob luag ntxhi ntawm Tswv Ntuj xub ntiag mus li mus ib txhi. Peb ntseeg thiab tso siab li nov es thiaj ua tau rau peb ua siab loj tau.

    Puag thaum lub sij hawm uas kuv txiv yawg yuav xiam es kuv mus HANCA uas lub txiaj Ntsim zoo tau tshwm sim rau kuv ntawd. Kuv txiv yawg mob mob, ua ntej ntawd mas nws tsis ntseeg Ntuj li, nws pheej tias yog puas muaj Ntuj tiag, nws thiab kuv niam pog ob tug pheej nyiag mus ua neeb tsis qhia kuv tus txiv wb. Ces thaum thaj mom tias nws yuav tsis zoo no ces kuv tus txiv wb hu xwb hwb Nom Pov Tsab tuaj peb teev Ntuj txhua hmo rau kuv txiv yawg. Ces muaj ib hnub kuv tus txiv wb mus ua hauj lwm los, nws txawm hais kom wb mus hauv nws txaj nws hais wb ces. Wb mus kuv txiv yawg txawm hais tias hnub ntawd nws pom ib yam txawv txawv. Pom ib lub teeb ci ci saum ruv tsev tuaj rau nws. Ces Ces hnub tom qab nws ho hais ntxiv tias nws lub teeb rov ci ces txawm pom li muaj ib lub qhov rooj qheb ces pom ib qhov chaw zoo zoo nkauj ua huab niab, kaj siab kawg li. Ces nws txawm pom ib tug txiv neeg zoo nraug hos lub siab mas zoo heev li, pom lub ntsej muag ntsia ntia nws ib chim ces mam ploj lawm. Ces kuv noog kuv txiv yawg tias tus txiv neej ntawd yog leej twg? Kuv txiv yawg hais tias: "Nws yog Yes Xus" txij ntawd los kuv pom kuv txiv yawg txoj kev ntseeg hloov tsis zoo li qub lawm. Kuv txiv yawg tsis hais mus ua neeb li lawm. Ces tau li ib hlis tom qab kuv txiv yawg tau tas sim neej lawm. Thaum nws txoj sia yuav tu, peb tus txiv plig tuaj txog, txiv plig ua lub cim pleev rau nws tas, txiv lo lus kawg tias: " AMEN " no tas kuv txiv yawg txoj sia tu nrho tam sid. Thiaj qhia tau tias; Huab Tais Ntuj txais nws tus ntsuj plig lawm tiag.

    Kev thov Ntuj mas yog ib yam muaj zog kawg tiag li. Huab Tais Yes Xus yeej hais meej hauv ntawv Ntshiab tias: "Nej thov ces nej yuav tau txais" yeeej muaj tseeb tiag tiag li. Txwm tias peb thov Ntuj es kuv txiv yawg tau tas sim neej lawm los vim nws tsuas los nyob li ntawd xwb. Qhov qhia tau yog qhov tias peb thov Ntuj ua rau nws txoj kev ntseeg hloov thiab Nws pom Tswv Ntuj. Thaum kawg peb paub tias nws tau mus nrog Tswv Ntuj nyob lawm tiag.

    Ib tsoom ntseeg sawv daws, kev thov Ntuj mas muaj zog heev. Yog tias peb ntseeg, peb thov, thiab peb tso siab tiag rau Ntuj mas Nws yeej pab peb, thiab yam Nws pab mas Nws yeej qhia kom yus paub.

    Tswv Ntuj lub hwj huam loj tas nrho, Niam XH.Lis Vam Xab. Jesus-10
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Tswv Ntuj lub hwj huam loj tas nrho, Niam XH.Lis Vam Xab. Empty Re: Tswv Ntuj lub hwj huam loj tas nrho, Niam XH.Lis Vam Xab.

    Post  Tub Kawm 30th November 2011, 11:07 am


    Nyob zoo cov phooj ywg.

    Hais txog Huab tais Ntuj lub zog muaj hwj huam, mas yeej muaj tseeb. Tab txawm tib neeg yuav tuag thiab tas sim nee lawm los HT Ntuj kom rov sawv los yeej yuav sawv xwb, Huab Tais Ntuj kom tuag ces yeej kawg tuag xwb. Tsi muaj ib yam uas Ntuj yuav ua tsi tau. li Ntawd tos Nim XH Vam xab nws zoo rov los lawm, los vim yog Lawv tau Teev Ntuj pab Nws thiab thov Niam Mab Liab pab Nws. Kuv yeej ntseeg hais tias txoj kev thov Ntuj mas yeej muaj nuj nqi kawg li.

    Lub 10 hli 2011 dhau los no, peb muaj ib tus yawm yij nyob hauv peb zos, lub npes hu Hwj no, nyob Nws lub qhov ncauj sab pob tsais hauv qab cia li zig rau ib sab lawm. Nws tsi pom qab ua li cas, Nws tau caw peb cov thawj coj thiab cov XH los rau kuv peb mus thov Ntuj pab rau Nws no. Peb tau mus Teev Ntuj hauv Nws tsev pab rau Nws. tam sim no Nws kuj rov zoo xws li qub lawm, thiab nws lub pob tsais kuj rov los ncaj xws li qub lawm. Li ntawd kuv yeej ntseeg hais tias tsi muaj ib yam uas Tswv Ntuj yuav ua tsi tau, yog cov neeg tau thov Nws mas Tswv Ntuj yuav pab xws li neeg cov lus thov. Khauv xim thaum lub sij hawm uas tus neeg ntawd nws rau mob, kuv tsi nco qab thaij Nws ib daim duab tuaj tso rau sawv daws saib lawm. Kuv tsuas thaij tau tus duab thaum zoo neej log xwb. Maiv paj kuv muab daim duab xa tuaj rau koj pab muab tso keeb rau og. Vim kuv siv X.T xwb tsi muaj zog txaus es tso tsi tau duab. Li no xwb. Nyob zoo
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Tswv Ntuj lub hwj huam loj tas nrho, Niam XH.Lis Vam Xab. Empty Re: Tswv Ntuj lub hwj huam loj tas nrho, Niam XH.Lis Vam Xab.

    Post  Maiv Tooj 27th October 2014, 9:58 am


    Teev Tswv Ntuj txoj kev khuv leej.


    Thaum lub 2 hlis 2014, kuv tus nyab mus daws cev tim tsev kho mob, yug tau tus me nyuam thawj hnub, hnub qab kuv txawm mus xyuas kuv tus nyab. Kuv mus txog kuv txawm muab kuv tus xeeb ntxwv puag, puag ces kuv txawm pom nws sab qaum tes doog thiab o; kuv txawm nug kub tus nyab tias ua cas nws txhais tes zoo li no? Kuv tus nyeb teb tias: "twb yog tias nws cov ntshav liab ntau dhau lawm, lawv muab txhuav ntshav". Ces tib pliag xwb, tus ntxhais kho mob (imfermière) txawm los nqa hlo tus me nyuam, hais tias coj mus ntxuav no ces cia li coj lawm; coj mus ntev ntev tsis pom los, kuv nug ces ho hais tias yog coj mus ncu lawm, ob niam tub tsis los li. Hnub tom qab, mam rov mus nug dua ces lawv hais tias tus me nyuam tsis zoo li, xyov lawv tsis paub ua li cas li; vim thaum twg noj mis ces tus me nyuam ua tsis taus pa li. Yog nyob lub tsev kho mob uas kuv tus txiv (tus me nyuam yawg) tuag. Lawv coj tus me nyuam mus rau kem mob nyhav, lawv ntxig xov ntau txoj rau tus me nyuam, lawv tsis pub neeg mus xyuas coob lawm.

    Kuj ua rau ob tug tub nyab no tag kev cia siab, nkaws yeej tsis npaj txaj chaw thiab khaub ncaws tos me nyuam li. Kuv thiaj hais rau kuv tus nyab hais tias nyab aw! ua cas tub neb tsis xyuas txaj chaw rau me nyuam naj? Kuv tus nyab kuj teb tias "lwm hnub mam xyuas" no xwb. Ces kuv kuj txhawj heev thiab, kuv tsis paub yuav ua li cas, ces kuv thiaj li tham rau kuv tus niam hluas, niam XH.Txiaj Hawj Yaj, nws thiaj hais rau kuv tias: "Mim, Maiv Paj Lug thiab niam ntxawm Txooj Tub lawv twb tso tau ib "zaj teev Tswv Ntuj txoj kev khuv leej" rau hauv cab sab, koj kuj muab cov ntawv ntawd los thov Ntuj rau tus me nyuam seb." Ces kuv kom nws qhia kuv seb nyob qhov twg, nws thiaj qhia kuv ces kuv thiaj hais rau kuv tus tub tias kom nws muab zaj "thov Tswv Ntuj txoj kev khuv leej" luam rau kuv; vim kuv qhov muag tsis pom kev zoo ces kuv ceeb laj saib hauv hlwb hlau. Kuv tus tub muab luam tau rau kuv ces kuv cia li teev kiag. Kuv tsis yog teev ib hnub ib zaug xwb, kuv teev ib hnub no xyov txog 200-300 zaj li lov xyov kuv tsis suav li lawm; kuv kom kuv ob tug me nyuam nrog kuv teev thiab. Kuv thov tau 3 hnub xwb ces lawv hais tias kuv tus xeeb ntxwv zoo me ntsis lawm, tau 7 hnub nkaus xwb ces lawv txawm muab xov rho tag nrho, 9 hnub kiag xwb ces kuv tus xeeb ntxwv zoo hlo, cia li tawm kiag tsev kho mob los tsis muaj mob dab tsi li lawm.

    Kuv ua tsaug rau "Tswv Ntuj txoj kev khuv leej neeg".

    Tus sau: Niam XH.Lis Vam Xab.




    Tswv Ntuj lub hwj huam loj tas nrho, Niam XH.Lis Vam Xab. 38098110

    Sponsored content


    Tswv Ntuj lub hwj huam loj tas nrho, Niam XH.Lis Vam Xab. Empty Re: Tswv Ntuj lub hwj huam loj tas nrho, Niam XH.Lis Vam Xab.

    Post  Sponsored content


      Current date/time is 28th March 2024, 4:37 am