Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 15th November 2017, 9:52 pm

» XH. Yaj Zoov Ntxheb lub Tsev THOOB TSIB
by Maiv Tooj 15th November 2017, 9:41 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 15th November 2017, 9:38 pm

» Natuzza Evolo txais Tswv Ntuj txiaj ntsim.
by Maiv Tooj 14th November 2017, 8:53 pm

» TP.Txhiaj Foom
by Maiv Tooj 13th November 2017, 6:22 am

» Txiv Plig Coj Xeem Yaj, Thaib teb.
by Maiv Tooj 13th November 2017, 6:18 am

» Nkauj teev Ntuj nyob hauv Youtube
by Tub Kawm 11th November 2017, 4:59 pm

» Leej Ntshiab Yos Xes nyob Cupertino, Italie teb.
by Maiv Tooj 11th November 2017, 7:18 am

» THOV TAU TXIAJ NTSIM NYOB ARS
by Maiv Tooj 9th November 2017, 7:49 am

» Txhob poob siab
by Maiv Tooj 9th November 2017, 7:44 am

» COV ZAJ NYEEM NRUAB LIS PIAM XYOO I 2016-2017
by Mim 6th November 2017, 11:45 am

» Leej Ntshiab John (Jean-Marie) Vianney (Curé d'Ars)
by Maiv Tooj 5th November 2017, 12:11 pm

Suav neeg tuaj saib, txij hnub 17/09/2010 los mus.


    Tua me nyuam Hmoob txi dab / Hmong boy for sacrifice

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5363
    Date d'inscription : 2009-08-18

    Re: Tua me nyuam Hmoob txi dab / Hmong boy for sacrifice

    Post  Maiv Tooj on 23rd November 2011, 6:47 am



    Me nyuam Hmoob nqa PLAUB HAUS mus paub khoom




    Tu siab kawg, yus tsis paub yus kev muaj nqes li lawm. Luag coj tej nyuag tsis muaj qab haus tuaj paub yus puav pheej los yus muab tib si.



    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: Tua me nyuam Hmoob txi dab / Hmong boy for sacrifice

    Post  Tub Kawm on 23rd November 2011, 1:06 pm

    Nyob Zoo Niam Hlob thiab Mai paj Lug, yog ua tau li neb hais mas yog ib qho zoo kawg, coj los qhia rau ntiaj teb paub tias: lawv muab tib neeg tua txi dab yam tsi muaj nuj nqe li. Tiam si tu siab rau qhov uas kuv nyob rau sab ntuj thiab ua lub neej txom nyem es xa tsi tau ib npib ib sus nyiaj tuaj pab sau nej, los thov nej txhua tug rau sias muab qhov xwm no coj mus ntxeev qhia rau koom haum ntiaj teb paub saib cov teb chaw uas niaj hnub muab tib neeg tua txi dab yam tsi muaj nqi ntawd, lub koom haum ntiaj teb ho yuav feeb ib txoj cai li cas rau cov teb chaws ntawd og. Raws li kuv tau nyeem txog cov xov xwm no mas zoo nkaus li nyob rau lub teb chaws uas tua tus me nyuam no txi dab mas, yam li tsis muaj nom muaj tswv tswj hwm li lawm, yog lawv twb hu tub ceeb tuaj los luas muab kiag nyiaj xiab xwb ces tsi quav ntsej nrog yug nrhiav thiab tshuaj tej xwm uas yug raug ntawd li lawm, yog ib qho tsi ncaj nceeg rau ob nkawm niam txi ntawd thiab rau peb tsoo hmoob og. Yog li kuv thov nej txhua tug hmoob ntsee ntuj uas nyob rau sab teb chaws muaj kev ywj pheej koom nro Niam hlob Txooj Tub thiab M.paj nkaws tshuaj qhov xwm no kom paub tseeb, thiab muab coj mus tseb rau luas lwm haiv neeg paub saib lawv yuav hais li cas rau cov neeg tsis ncaj nceeg ntawd og. Vam hais tias nej txhua tus yuav rau siab nrog nkawd koom nrhiav qhov xwm no thiab pab nkaws. Ntawm no kuv thov hais rau peb ib tsoom hmoob thoob ntuj hais tias: kuv tau nyeem nej cov ntawv nyob rau hauv lub forum "hmongZas" mus rau lwm lub forum, mas zoo xws li peb tseem hom khaj dhau lawm, vim tias nkaws tus me nyuam twb rau luas quab yuam caib tsuj muab tua txi dab tsi kav, muaj ib txhia tseem tuaj sau lus tsis tseeb, thiab thuam Ntuj rau hauv hauv "hmongZas" lub forum ntawd thiab, tseem hais tej yam lus tsi muaj qab hau rau hauv thiab, yog li peb hmoob twb raug luas caij tsuj yam tsi muaj nqis li lawm, tsim nyog peb tig los sib hlub nrog nkawd tu siab thiab. Tiam sis peb tseem luag thiab rus nkaws thiab, li no es thaum twg peb thiaj li koom tau siab ais luas li saib taus peb hmoob og cov phooj ywg". Thaum kawg thov hais rau peb tsoom hmoob yog hais tias nej leej twg tuaj nyeem txog "hmong catholique lub forum" yuav ua rau nej kaj sib thiab txhawb tau nej lub zog. Vim Nws nyiam hais qhov tseeb tsi nyiam hais qhov cuav. Li no xwb, ua tsau rau nej txhua tus tau tuaj nyee. NIAM HLOB KUV THOV NUG TIAS NKAWM NIAM TXIV NTAWD PUAS NTSEEG NTUJ? LOS TSI NTSEEG?
    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: Tua me nyuam Hmoob txi dab / Hmong boy for sacrifice

    Post  Bao X Mary on 23rd November 2011, 1:27 pm

    Maiv Paj Lug,

    yog ua tau li koj hais kuj haj yam zoo. Thov tag peb tsoom kas liv nyob mekas teb fab kis teb saib puas muaj leej twg muaj siab dawb pab, kuv xav tias yuav tsum muaj xwb. Vim peb pab los ntawm txoj kev zoo. Txhua lub koom haum hauv tej lub zos pab pawg ib leeg muab ob peb $$ kuj tej zaum yuav pab tau thiab.

    Tu siab kawg yog tias peb cov hmoob nyob teb chaw vam meej tsis pab hais ces ntshe peb cov hmoob nyob teb chaw ntawd yuav raug luag tsuj li tej tsiaj xwb tsis muaj leej twg yuav hais tau li.
    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: Tua me nyuam Hmoob txi dab / Hmong boy for sacrifice

    Post  Bao X Mary on 23rd November 2011, 1:41 pm

    Maiv Tooj, yog li koj hais mas ntshai lawv twb tua neeg ntau los txi lub qhov dhau ntawd lawm os. Yuav muab hais tiag mas neeg liam hiam xwb. Tej qhov tooj hlau ntawd nws nyob hauv av nws yeej yuav tsum kub yuav tsum tsis yog muab neeg tua los txi es thiaj tsis kub nav. Nyob cov teb chaws muaj kev ntseeg Ntuj luaj yeej muaj qhov kub ib yam, yeej kub ib yam luag twb tsis muab neeg tua txi nav.

    zoo li cov hais mus pom dab phem teb los ces tej yam nov ces zoo li yog dab ntag.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5363
    Date d'inscription : 2009-08-18

    Re: Tua me nyuam Hmoob txi dab / Hmong boy for sacrifice

    Post  Maiv Tooj on 23rd November 2011, 7:32 pm



    Nyob zoo tub Txawj Tuam thiab niam hluas Npaub,

    Tub Txawj Tuam,

    Ua tsaug rau nws cov lus txhawb siab.
    Tsis ua cas, nws nyob deb thiab tsis muaj fav tsam, tsuav nws muaj lo lus txhawb peb siab, peb zog thiab tswv yim xwb yog ib qho zoo tshaj qhov zoo lawm. Hais txog nyiaj txiag mas txhob rawm muab ua ntej. Nyiaj txiag yog tom qab, yog peb lub peev xwm yuav tsum ua ntej. Yog peb muaj rab peev xwm mus hais kiag rau luag ces nyiaj txiag puas tsav yam luag yeej yuav tsis hais txog peb ob peb tug nyuag txom txom nyem no lawm. Luag yeej muaj luag tej lub Koom Haum Loj tiv thaiv Leej Neeg. Luag tseem yuav yog cov uas yuav pab nyiaj kom peb ciaj haiv, peb ciaj tsob rov yav tom ntej kom Hmoob txhob tu noob hauv ntiaj teb no mus.

    IB QHO UAS TSIS ZOO NTAWM PEB HMOOB, UA RAU PEB HMOOB TSIS NROG LUAG ZOO MAS YOG "THAUM YUS MUAJ CAI YUS TSIS HAIS, THAUM YUS CAI TAG LAWM CES YUS HO CIB NYEEJ" QHOV NOV THIAJ UA RAU HMOOB CIAJ CAUB THIAB TSIS MUAJ VAJ HUAM NROG LUAG.

    Tsev Hmoob ntawd tsis ntseeg Ntuj, nyob Los Tsuas teb tsis muaj kev ywj pheej, tsuas yog cov uas tau nrog Txiv Plig lawv nyob thaum ua ntej teb chaws tawg xbw lawv thiaj tseem paub txog Kev Ntseeg.

    Npaub, yeej yog li koj hais, Tswv Ntuj muab txoj kev zoo kev huv, kev ncaj ncees rau neeg taug mas NEEG tsis kam li. Xav ua tus ntse tshaj tus ntse, ntse tshaj Tswv Ntuj lawm ces nws peem nws mus nrhiav qhov tshiab, nrhiav tau qhov niag tsis yog los tsuav tsis zoo li Tswv Ntuj qhov ces txawm hais tias qhov tshiab lawm ces yopg zoo tshaj lawm. Thiaj li muab NEEG LOS TXI DAB, xav tias yog qhov LOJ tshaj lawm ces yuav tau hauj lwm zoo. Qhov nov neeg lub hlwb rov tig mus rau puag thaum 3000-4000 xyoo ua ntej Yes Xus yug lawm.




    Tab tom coj tus me nyuam uas tuav rawv tus yaj mus tua txi dab.



    Teb chaws poob kev txom nyem, hiab ib tug tib neeg loj loj, muab NEEG ntim kom pub hauv, hlawv txi dab xav tias yuav zoo heev. Tab sis teb chaws rov puas tsuaj loj tshaj. Vim cov neeg zoo tuag tag lawm.


    Tus neeg luag tua txi dab tsis lwj.



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: Tua me nyuam Hmoob txi dab / Hmong boy for sacrifice

    Post  Maiv Paj Lug on 24th November 2011, 4:10 am

    Nyob zoo Txawj Tuam, Bao X Mary , thiab Maiv Tooj.....

    Cia kuv mam li npaj sau ib tsab ntawv mus rau ZONE INTERDITE seb lawv puas kam mus ua reportage txog lub qhov hlawv hlau ntawv es ho tua neeg txi dab, mam li muab tus me nyuam tej duab xa rau lawv tib si seb lawv hais li cas tuaj, txawm lawv tsis kam mus ua reportage los tsuav yus ua tag yus siab pab txhawb tus me nyuam lawm.

    Txawj Tuam, hais txog lub vas sab HmongZa, muaj tej yam kuj zoo, muaj tej yam kuj tsis zoo, qhov tsis zoo yog neeg cuav ntau dhau lawm, ib txhia neeg kuj yog neeg tseeb, ib txhia yog neeg cuav ( txhais tias tuaj dag nws tus kheej ) ua li no muaj ob peb pab neeg tuaj laug sij hawm hauv lub Vas Sab ntawv ces muaj teeb meem, ib txhia tuaj tshaj xov xwm tseeb los ib txhia cia li muab ntxeev hais lus phem, muaj ib hom neeg tuaj hauv HmongZa kuj yog neeg zoo, ib hom ces yog neeg khav cuam saum huab cua.

    Li no yus yog hom neeg nyiam qhov twg yus mus nyob qhov ntawv, ntawm Hmong Catholique lub vas sab, peb yeej cog lus tias yuav sau tej yam tseeb nkaus xwb kom peb Hmoob muaj kev cia siab. Li no peb tsawg tus tuaj hauv lub vas sab Hmong Catholique thiaj muaj lub peev xwm tshaj peb tus kheej tawm tsis ntshai ua neeg cuav. Ua tsaug koj txoj kev txhawb lub vas sab Hmong Catholique mog Txawj Tuam.





    <3 <3 Pab kuv rov los cuag koj Huab Tais Yesxus <3 <3
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1985
    Date d'inscription : 2009-10-16

    Re: Tua me nyuam Hmoob txi dab / Hmong boy for sacrifice

    Post  Mim on 24th November 2011, 6:32 am

    Nyob zoo tais Tooj thiab Maiv Paj Lug, thiab nej cov sawv daws,

    Kuv tsis tau tuaj xyuas nej tau ob hnub no xwb, ua cas nej twb tuaj hais tau ntau yam tshiab ntxiv txog tus me yuam tub ntawd lawm. Ua cas nej yuav piav tauzoo li cov neeg ntawd siab nyoos kawg li.

    Maiv Paj Lug, yog qhov chaw uas koj hais ntawd kam pab peb mus xwj no kuj zoo kawg, vim peb yeej xav paub saib tej xwm ntawd muaj tseeb li cas tiag thiab.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5363
    Date d'inscription : 2009-08-18

    Re: Tua me nyuam Hmoob txi dab / Hmong boy for sacrifice

    Post  Maiv Tooj on 24th November 2011, 9:14 am



    Nyob zoo Mim thiab Maiv Paj Lug,

    Mim,

    Kuv nrog lawv tham xov tooj mas ua rau kuv ib ce xob tag, vim lawv tham li yog kev cai lawm uas yuav tsum muab NEEG TXI thiaj li tuag ib tug xwb. Lawv xav li ntawd, tab sis lawv tsis xav txog qhov tias Tus Los Pav uas NCHUAV cov Quav hlau ntawd yuav tsum ua kom muaj Security, kom cov ua hauj lwm txhob raug xwm txheej. Lawv tsis paub txog lawv txoj cai ces cia li xav taug kev yooj yim, xav tias ua duj de li ntawd los xij tsuav muab ib tug neeg tua rau lawm ces txawm yuav txhaws sawv daws lub qhov tuag. Xav mas tu siab kawg tias neeg tsis muaj kev ntseeg, tsis xav mloog Tswv Ntuj lus mas yuam kev loj heev.

    Maiv Paj Lug,

    Zoo siab heev yog nws hais mus rau Zone Interdite, txawm lawv yuav mus tshuaj xyuas thiab tsis mus los hais kom tag peb txoj hauj lwm. Yog peb tsis hais ces peb yuav tu siab ib sim neej, yuav tu siab txog txhiab pua xyoo, vim peb ua neeg tais caus, thaum yog caij tsis hais, yuav ciaj caub mus txheej txheej tis tis. Zaum no peb yuav tsum xyaum coj lub neej tshiab, thaum txaus hais yuav hais, thaum txaus zam yuav zam, thaum txaus siab ntev yuav tau siab ntev mas peb thiaj li muaj kev thaj yeeb nyab xeeb.

    Kuv ua nws tsaug ntau.




    hmongheroes

    Messages : 29
    Date d'inscription : 2010-04-20

    EMISSION ZONE INTERDITE rau peb tus me tub Hmoob

    Post  hmongheroes on 27th January 2012, 6:48 am

    Nyob zoo,
    Kuv xav paub hais tias qhov "operation Zone Interdite" yuav txog peb tus me Tub Hmoob nyob Nplog teb mus zoo li cas lawm xwb os?
    Puas tau muaj pétition thiab?
    Ua tsaug tau.
    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: Tua me nyuam Hmoob txi dab / Hmong boy for sacrifice

    Post  Bao X Mary on 27th January 2012, 7:16 am

    Kuv los yeej xav paub thiab. Ua neeg nyob cas muaj ib cov tib neeg zoo li tsiaj xwb. Txawm luag muab tua li tej tsia xwb los lub ntiaj teb no zoo li tsis pom li. Kuv muab ntsia ntiaj teb no tseem muaj cov neeg phem thiab nyoos tshaj plaws. Tsis muaj txoj kev hlub thiab khuv leej neeg li. Tsuas yog Tswv Ntuj tib leeg xwb thiaj yog tus zoo tas puas tsav yam.

    Xav kom ntiaj teb nrog paub thiab xyuas kev ncaj ncees lauj.
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: Tua me nyuam Hmoob txi dab / Hmong boy for sacrifice

    Post  Maiv Paj Lug on 27th January 2012, 7:58 am

    hmongheroes wrote:Nyob zoo,
    Kuv xav paub hais tias qhov "operation Zone Interdite" yuav txog peb tus me Tub Hmoob nyob Nplog teb mus zoo li cas lawm xwb os?
    Puas tau muaj pétition thiab?
    Ua tsaug tau.

    Kuv twb sau ntawv rau Zone Interdite lawm, tiam sis tsis muaj lub compagnie tua tus me nyuam tub Hmoob txi dab chaw nyob rau lawv ces tsis pom Zone Interdite teb tuaj, vim tias nyob lub blog tus me nyuam ntawv cov duab tsis muaj lub compagnie chaw nyob.




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5363
    Date d'inscription : 2009-08-18

    Re: Tua me nyuam Hmoob txi dab / Hmong boy for sacrifice

    Post  Maiv Tooj on 28th January 2012, 2:38 am


    Suav Tua Menyuam Hmoob Txi Dab




    avatar
    Maivxis
    Phooj Ywg
    Phooj Ywg

    Messages : 265
    Date d'inscription : 2009-11-05

    Re: Tua me nyuam Hmoob txi dab / Hmong boy for sacrifice

    Post  Maivxis on 28th January 2012, 8:56 pm

    Maiv Tooj wrote:

    Suav Tua Menyuam Hmoob Txi Dab



    Nyob zoo os MaivTooj .


    Ua tsaug uas koj ho coj tau daim Slide show no tuaj rau peb Hmoob sawv daws tau saib os mog
    Daim Slide show no lawv ua tau tu siab kawg li , los lawv tseem tso tau zaj nkauj tu siab ua luaj li thiab
    Thov ua tsaug rau tus uas nws ua daim Slide show no nawb , Peb hmoob yuav tuaj saib yuav tuaj pom hais tias yog ib txoj kev tu siab kawg li , uas thaum yus tsis muaj peev xwm thiab yus tsis muaj ib txoj cai li Mas yuav mob Niam txiv lub siab npaum li cas , Txawm li cas los thov kom Huab tais ntuj zam txim rau txhua tus neeg no kom lawv hloov lawv lub siab rov qab los paub lawv qhov txhaum , Ua Huab tais ntuj tsaug ,


    Maivxis .


    avatar
    dejntwstsirovqab
    Tuaj Tshiab
    Tuaj Tshiab

    Messages : 43
    Date d'inscription : 2009-11-30

    Re: Tua me nyuam Hmoob txi dab / Hmong boy for sacrifice

    Post  dejntwstsirovqab on 1st February 2012, 7:27 pm

    zoo siab tau pom nej cov duab uas muaj ib hom neeg barbare
    siab phem siab ntais ntuj muab luag tua los theej nws txhoj
    ua cas ntuj tseem yuav tsim tau ib hom neeg zoo li ntawd los nyob ntiaj teb thiab?

    vam tias ntuj yuav rau txim rau hom neeg ntawd rau li nws lub siab phem ntais ntuj. niaj hnub no xav tias nws yuav pw tsi tsaug zog hlo li.

    thov hlub tshua txog tsev neeg tau txais kev piam sij, thov kom tswv ntuj ua kom lawv siab tus.
    thov ntuj pub rau tus me nyuam yaus tsi paub dab tsi tau ntsib txoj kev phem li ntawd thov kom lwm tiam rov yug los tshiab kom nws tau zoo nawb..

    ua tsaug nej cov tau muab cov xov no tso tawm rau ntiaj teb tau paub. kom tswv ntuj foom pub kom nej tsuas tau muaj lub laj lim tswv yim zoo mus lawm yav tom ntej thiab kom lub vas hmoob catholique no tsuas muaj kom hlob zuj zus mus lawm yav tom ntev..

    sib ntsib dua

    Dej

    Sponsored content

    Re: Tua me nyuam Hmoob txi dab / Hmong boy for sacrifice

    Post  Sponsored content


      Current date/time is 21st November 2017, 12:48 am