Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Sau Siab Pontmain, Fab Kis teb 2011

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Sau Siab Pontmain, Fab Kis teb 2011

    Post  Maiv Tooj on 1st October 2011, 10:28 am



    Nyob zoo sawv daws,

    Tau ntev lawm tsis tau sib ntsib. Vam tias nej thiab nej tsev neeg puav leej noj qab nyob zoo li qub.

    Hnub no, kuv zoo siab ntau tuaj ntsib nej txhua tus. Hais tuaj rau nej paub tias, Txiv Plig Cwj Vuam Chiv peb yuav npaj mus sau siab nyob rau Pontmain, rau hnub tim 15 thiab 16 lub 10 hli ntuj tom ntej no (voir invitation et coupon-réponse ci-joints).

    Yog ib lub sij hawm zoo, vim tias yuav txog lub hmoov cov Txiv Plig tau tuaj mus tshaj Yes Xus moo zoo rau lwm teb chaw ("les semaines missionnaires").
    Ua li, Txiv Plig Bernard DULLIER, uas yog tus tswj saib xyuas lub tsev niam Mab Liab tawm tuaj xyoo 1871 nyob rau Pontmain, zoo siab ntau txais peb cov Hmoob txhua tus.

    Lub sij hawm kuj ze heev lawm. Tab sis vam tias txog lub caij ntawd, nej sawv daws yuav tuaj koom tau peb thiab.
    Yog nej xav paub dab tsi ntxiv, hais tuaj rau Txiv Plig Cwj Vuam Chiv thiab kuv.

    Thov kom sawv daws nyob kaj siab lug.
    Peb mam rov sib ntsib dua.

    YAJ Xaiv Tsom








    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Sau Siab Pontmain, Fab Kis teb 2011

    Post  Maiv Paj Lug on 2nd October 2011, 4:19 am

    Maiv Tooj,

    Txiv Plig Cwj Vuam Chiv twb hais rau kuv nag hmo lawm thiab os, tej zaum peb yuav mus li 7 8 leej thiab, ua li nej cov nyob deb puas yuav tuaj tau thiab? Yog nej tuaj tau no tuaj peb mus sau siab ib zaug ua ke yuad J:




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Sau Siab Pontmain, Fab Kis teb 2011

    Post  Maiv Tooj on 2nd October 2011, 6:09 am



    Nyob zoo Maiv Paj Lug,

    Zoo siab uas nej yuav mus koom tau lawv mus Pontmain.
    Pontmain yog ib qho chaw Ntshiab uas nto moo kawg nyob rau ntiaj teb no thiab, yog leej twg muaj lub cib fim mus teev Ntuj rau qhov ntawd, nws yuav tau txiaj ntsim ntau. Kuv tu siab uas nyob deb deb li ais ntshe yuav tuaj tsis tau...Xav tuaj kawg nkaus li tiag.




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Sau Siab Pontmain, Fab Kis teb 2011

    Post  Maiv Paj Lug on 2nd October 2011, 6:19 am

    Maiv Tooj wrote:

    Nyob zoo Maiv Paj Lug,

    Zoo siab uas nej yuav mus koom tau lawv mus Pontmain.
    Pontmain yog ib qho chaw Ntshiab uas nto moo kawg nyob rau ntiaj teb no thiab, yog leej twg muaj lub cib fim mus teev Ntuj rau qhov ntawd, nws yuav tau txiaj ntsim ntau. Kuv tu siab uas nyob deb deb li ais ntshe yuav tuaj tsis tau...Xav tuaj kawg nkaus li tiag.

    Maiv Tooj, koj nyob deb rau Pontmain lawm los koj twb nyob ze rau lwm qhov ces tuaj tsis tau los txhob tu siab mog, koj twb nyob ze rau Marthe Robin thiab Saint Curé d'Ars uas yog leej ntshiab nto moo...peb mus tau tsawg leej los peb li mus thov ntuj pab kom peb haiv Hmoob txom nyeem nyob lwm sab teb chaws tau kev teev ntuj yooj yim li lawv siab ntshaw thiab yuav thov ntuj pab rau txhua leej txhua tus mog.

    Peb txhua tus ua tsaug ntau rau Tswv Ntuj uas tseem coj T.P Cwj Vuam Chiv los txhawb peb haiv Hmoob. Peb tiam no ces peb tau T.P Cwj Vuam Chiv los coj peb zoo li tus tswv coj nws pab yaj, peb rau siab thov ntuj kom dhau peb tiam no, ho muaj lwm tus Tswv Ntuj coj los tuav peb haiv Hmoob dua.




    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Sau Siab Pontmain, Fab Kis teb 2011

    Post  Npuagtub on 2nd October 2011, 2:58 pm

    Wow.....zoo heev yom nyob sab nej teb chaws mus ua kev sau siab tsis poob nyiaj li kuj yog ib lub txiaj ntsim zoo heev, kev sau siab yog ib yam tseem ceeb heev rau peb txhua leej, Peb cov hmoob yuam qhuav paub kev ntseeg tau 50 tawm xyoo no xwb peb tseem tsis tau paub txog txoj kev mus sau siab lub txiaj ntsim li lwm yam neeg, peb thiaj li tsis kub siab rau fab kev mus sau siab puas xyoo. Zoo siab rau nej cov yuav mus sau siab zaum no os nawv.



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Sau Siab Pontmain, Fab Kis teb 2011

    Post  Maiv Paj Lug on 3rd October 2011, 2:36 am

    XH. Npuagtub wrote:Wow.....zoo heev yom nyob sab nej teb chaws mus ua kev sau siab tsis poob nyiaj li kuj yog ib lub txiaj ntsim zoo heev, kev sau siab yog ib yam tseem ceeb heev rau peb txhua leej, Peb cov hmoob yuam qhuav paub kev ntseeg tau 50 tawm xyoo no xwb peb tseem tsis tau paub txog txoj kev mus sau siab lub txiaj ntsim li lwm yam neeg, peb thiaj li tsis kub siab rau fab kev mus sau siab puas xyoo. Zoo siab rau nej cov yuav mus sau siab zaum no os nawv.

    XH NPuagTub.....kuv nyiam mus ua kev sau siab rau tej qho chaw Ntshiab li Lourdes los Pontmain uas peb yuav mus saum no, thiab nyob rau cov chaw muaj cov Leej Ntshiab....tiam sis kuv tsis paub tseeb tias mus sau siab no tseem ceeb npaum cas na.....ntawm kuv mas yog kuv nyiam nyiam heev xwb, kuv tsis tau kawm los yog tsis tau nug rau leej twg es ho tseem ceeb li cas thiaj nug koj os.

    Nyob Fab Kis Teb no cov chaw ntshiab uas muaj cov Leej Ntshiab lub cev tsis puas nyob tshiab khiv muaj ntau heev, nyob Meskas teb kuv tsis paub seb ho muaj pes tsawg qhov chaw Ntshiab thiab pes tsawg tus Leej Ntshiab uas lub cev tseem nyob hauv iav rau sawv daws saib, Fab Kis Teb no kuv tseem mus tsis tau txhua, yog hnub twg kuv mus txhua lawm tseem xav mus Italy thiab Portugal, mus rau Mexique Guadalupe uas Niam Mab Liab Tshwm sim.

    Peb yuav mus sau siab nyob Pontmain qhov chaw nto moo uas Niam Mab Liab tshwm sim rau ib co me nyuam pom , peb mus ncig hnub Satursday nrog cov Txiv Plig , hnub Sunday teev ntuj ua ke....Hmo Satursday mus rau Sunday ces peb yuav nyob zov hmo nrog Txiv Plig Cwj Vuam Chiv, nws yog tus saib xyuas Hmo ntawd sawv daws yuav zov hmo.

    BASILIQUE DE PONTMAIN





    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Sau Siab Pontmain, Fab Kis teb 2011

    Post  Npuagtub on 3rd October 2011, 8:31 am

    Photobucket

    Kev Mus Sau Siab Yog Dab Tsi ?

    Kev sau siab yog ib yam uas txhawb kom koj txoj kev ntseeg loj hlob, muab koj tus kheej lub siab lub ntsws los mus ntsib Tswv Ntuj, nrog nws sib txuas lus, mloog nws cov lus teb koj tej lus thov. Zoo ib yam li thaum ub Huab Tais Yes Xus mus sau siab nyob tiaj hav suab puam 40 hnub 40 hmo.

    Kev sau siab muaj 3 yam: 1. Sau siab tuaj sib coj kawm txhab kev ntseeg. Yam no mas yuav muaj ib tug coj, muaj rooj cob qhia txhua hnub, thiab muaj kev thov ntuj, kev sib tuav xam tham rau txhua tus rau lub caij mus saub siab. 2. kev sau siab txhawb kev ntseeg, txhua tus tuaj mus sib sau muaj tus coj nthuav ntawv ntshiab, thov ntuj, thiab nthuav kev feeb pom nyob sab ntsuj plig. 3. kev mus sau siab yus tus kheej ib leeg ( private ), yam no tsis muaj tus coj tsis muaj kev sib coj kawm, tsuas yog koj ib leeg mus sau siab nyob nrog Tswv Ntuj xwb.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Sau Siab Pontmain, Fab Kis teb 2011

    Post  Maiv Tooj on 3rd October 2011, 8:39 am



    Nyob zoo XH.Npuag Tub,

    Zoo kawg, nws qhov lus piav txog kev Sau Siab nov. Ua li nws puas kam nqa nws qhov post no mus ua ib lub Topic rau nram Kem "Kawm Kev Ntseeg" kom peb ho tau kawm thiab saib yooj yim.

    Ua tsaug.

    http://hmongcatholique.forumdediscussions.com/f4-kawm-kev-cai-cathechisme




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Sau Siab Pontmain, Fab Kis teb 2011

    Post  Npuagtub on 3rd October 2011, 9:42 am

    Hahahaaa.......ua cas teem yuav nug li koj thiab ma los????? Nej pom qhov twg zoo qhov twg tsis zoo lis cia li kho, qhov twg nyob tsis yog chaw lamw los cia li muab mus tso pom yog chaw xwb thiaj li zoo mas los...



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Sau Siab Pontmain, Fab Kis teb 2011

    Post  Maiv Tooj on 3rd October 2011, 9:48 am



    XH.Npuag TUb,

    Nws yeej tso yog chaw kawg lawm mas, tab sis kuv xav tias kom nws mus ua ib lub Topic tshwj xeeb rau kev "Sau Siab" kom peb tham ntxawd me ntsis rau xwb. Vim ntau zaud, peb twb tsis paub meej tias Saui Siab yog dab tsi, ua dab tsi thiab zoo dab tsi. Yog ib lo lus thov nws xwb, tsis yog nws yuam keb naj. :A




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Sau Siab Pontmain, Fab Kis teb 2011

    Post  Maiv Paj Lug on 16th October 2011, 10:46 am

    Nyob zoo rau nej txhua tus,

    Peb mus sau siab nrog T.P CwjVuamChiv thiab cov kwv tij Hmoob nyob Fabkis qaum teb tau 2 3 hnub no kuv tsis tau tuaj xyuas nej, kuv nyuam qhuav los txog xwb, kuv tseem yuav muaj ntau yam los qhia nej txog txoj kev mus sau siab thawj zaug nrog T.P. CwjVuamChiv thiab cov kwv tij Hmoob ntawm thaj chaw Niam Mab Liab Tshwm sim hnub tim 17 lub 1 hli ntuj xyoo 1871 nyob Pontmain Fabkisteb.

    Muaj kev lom zem, kev zoo siab thiab kev kaj siab ntau yam ntau tsav uas peb kev sau siab zaum no, kuv los tsev lawm los kuv tseem nco nco cov T.P. Oblats lub ferme thiab txhua leej txhua tus uas kuv tau ntsib , peb tau noj mov ua ke li ib tse neeg, peb tuav txog Tswv Ntuj lub npe txhua hnub thiab peb thov Niam Mab Liab los nplij peb lub siab thaum peb muaj kev ntxhov siab, peb thov kom Niam Mab Liab tuaj pab qhia peb ua siab loj ,tso siab rau nws leej tub Huab Tais Yesxus.

    Kuv mam li maj mam tuaj xa xov rau nej txhua tus paub txog kev sau siab nyob Pontmain ua tsaug ntau.

    Maiv Paj Lug.



    Tuaj sib ntsib ntawm chaw nres tsheb, cov T.P lub Chapelle Missionnaires des Oblats.






    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Sau Siab Pontmain, Fab Kis teb 2011

    Post  Npuagtub on 17th October 2011, 3:51 am

    Mp,

    Thov qhuas nej txhuas tus os nawv, nej mus sau siab sib ntsib rau tej thaj chaw Ntshiab zoo li no mas nws yog ib lub txiaj ntsim zoo heev kawg, yog muab ua zoo xav mas tus muaj hmoo thiaj li raug Tswv Ntuj caw mus zoo li tej nej tau mus os mog. Vam tias nej sawv daws yuav tau txais txiaj ntsim zoo heev rau nej txhua leej zaum no....Hais tiag muaj coob leej xav xav pom tej thaj chaw zoo li nej tau mus no los twb tsis muaj hnub tau mus txog li, ib yam li peb cov nyob deb no ces xav xav tuaj koom nej los twb koom tsis tau os nawv, nej yog cov muaj hmoo kawg nej thia tau mus sib sau ua ke ua tej lub txoos zoo muaj txiaj ntsim zoo tshaj li, thov qhuas nej txhua tus muaj lub siab ntseeg tuaj mus sib koom zaum no...



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Sau Siab Pontmain, Fab Kis teb 2011

    Post  Maiv Paj Lug on 17th October 2011, 8:51 am

    XH. Npuagtub wrote:Mp,

    Thov qhuas nej txhuas tus os nawv, nej mus sau siab sib ntsib rau tej thaj chaw Ntshiab zoo li no mas nws yog ib lub txiaj ntsim zoo heev kawg, yog muab ua zoo xav mas tus muaj hmoo thiaj li raug Tswv Ntuj caw mus zoo li tej nej tau mus os mog. Vam tias nej sawv daws yuav tau txais txiaj ntsim zoo heev rau nej txhua leej zaum no....Hais tiag muaj coob leej xav xav pom tej thaj chaw zoo li nej tau mus no los twb tsis muaj hnub tau mus txog li, ib yam li peb cov nyob deb no ces xav xav tuaj koom nej los twb koom tsis tau os nawv, nej yog cov muaj hmoo kawg nej thia tau mus sib sau ua ke ua tej lub txoos zoo muaj txiaj ntsim zoo tshaj li, thov qhuas nej txhua tus muaj lub siab ntseeg tuaj mus sib koom zaum no...

    Nyob zoo os XH NpuagTub,

    Ua tsaug koj qhuas peb txoj kev mus sau siab ua ke os nawv, yeej yog li koj hais lawm, peb yeej muaj hmoo heev tau nyob lub teb chaws Niam Mab Liab tshwm sim ntau tshaj, tiam sis tu siab tias peb twb yog cov muaj hmoo los thaum lub sij hawm mus sau siab, tseem muaj ib txhia tsis xav tuaj, lawv tseem muaj lwm yam hauj lwm tseem ceeb dua kev mus sau siab tej thaj chaw Ntshiab, ua rau kuv kuj xav tsis tag tias peb twb tsis niaj hnub niaj hmo tau koom siab mus sau siab, tshuas yog tsheej xyoo thiaj tau mus koom sau siab xwb los ib txhia saib tsis rau nqi li ces tus muaj ub muaj no tseem ceeb tshaj mus sau siab ua Ntuj tsaug lawm os. Li ntawv peb thiaj tsis coob pes tsawg, muab hais los peb Hmoob qaum teb ntseeg Catholique coob tshaj ntawm no 10 npaug, tiam sis tuaj li 1 npaug xwb. Yuav tav twg peb Hmoob li paub txog tias kev sau siab rau ib thaj chaw Ntshiab Muaj Nqis Tshaj Nyiaj thiab Kub yog tseem muaj T.P coj teev ntuj, mas yog ib lub txiaj ntsim zoo tshaj plaws rau hauv yus lub neej.




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Sau Siab Pontmain, Fab Kis teb 2011

    Post  Maiv Tooj on 17th October 2011, 9:08 am



    Nyob zoo Maiv Paj Lug thiab XH.Npuag Tub,

    Maiv Paj Lug, koj hais tias Hmoob Ntseeg nyob phab qaum teb yuav coob tshaj nej cov mus nov 10 npaug, kuv hais ntshe yuav coob tshaj 100-150 npaug...Nyob Orléans xwb twb yog 150 yim lawm, Paris ze 100 yim lawm...Tsis hais lwm qhov...Txhais los tias coob tiag tiag li...Li cas los yeej zoo siab tias nej twb mus lawm, nej twb mus sawv Hmoob chaw ces twb yog ib qho zoo heev...Tej kev Sau Siab no tseem yog tshiab tshiab rau Peb Hmoob, lawv tseem tsis tau paub tias muaj nqes npaum li cas, yuav tsum maj mam pib, mam xyaum mas ntev mus thiaj li yuav yoog tau li luag lwm haiv neeg. Kuv nyob deb deb, kuv tsis tau nrog nej mus, tab sis kuv lub siab nrog nraim nej tau ob hnub thiab.




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Sau Siab Pontmain, Fab Kis teb 2011

    Post  Npuagtub on 17th October 2011, 11:15 am


    Mp, thaib Mt,

    Txoj kev ntseeg peb tsis yuam leej twg, txoj kev mus sau siab li nej mus zaum no los peb kuj tsis yuam kom txhua tus mus, peb tsuas tshaj kom sawv daws paub xwb tus xav mus los ho mus tus tsis xav mus los tsis ua cas, peb nyias mus ua rau nyias tus kheej xwb. Txoj kev mus sau siab tsis yog cov neeg ntseeg thiab yus, yog Tswv Ntuj thiab yus. Yog li nej cov tau mus koom sau siab mas nej txoj hmoov zoo vim nej twb yog cov raug Tswv Ntuj xaiv mas nej yuav zoo siab os nawv. Nco ntsoov Huab Tais Yes Xus twb hais tias: " Tswv Ntuj tau hu coob leej tiam sis muaj tsawg leej thiaj raug xaiv."



    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Sau Siab Pontmain, Fab Kis teb 2011

    Post  Mim on 17th October 2011, 3:51 pm

    Nyob zoo Maiv Paj Lug thiab tais Tooj,

    Yeej xav kom muaj coob leej kub siab mob siab rau txoj kev nrhiav Tswv ntuj. Tiam sis nej mus tau pes tsawg leej los yog ib qho zoo heev lawm os. Nej yog cov poov xab uas yuav los ua kom cov cawv qab zib os nawb...

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Sau Siab Pontmain, Fab Kis teb 2011

    Post  Maiv Paj Lug on 18th October 2011, 4:00 am

    Hnub tim 15 lub 10 hli ntuj 2011 Hmoob Communauté du Laos kev sau siab



    Hmoob Fab Kis Teb Kev sau siab mus xyuas Niam Mab Liab Thaj Chaw tshwm sim rau 4 tug me nyuam hnub tim 17 lub 1 hli ntuj 1871 nyob Pontmaim. Hnub no yog hnub 15 lub 10 hli ntuj 2011 yog ib hnub tshav ntuj tuaj ci siab , tsis muaj cua hlob, lub ntuj kaj nrig...Hmoob Paris muaj 5 leej nrog rau T.P. Cwj Vuam Chiv, Hmoob Rennes muaj 6 leej, Hmoob Cholet muaj 15 leej thiab 2 tug me nyuam, Hmoob Nantes muaj 2 leej thiab 2 tug me nyuam. Sawv daws kuj muaj siab tuaj deb tuaj sib ntsib, vim peb yog ib haiv Hmoob ntseeg Niam Mab Liab, cov Leej Ntshiab thiab Huab Tais Yesxus .

    2 moos yav tav su, kwv tij hmoob tuaj sib ntsib rau ntawm cov T.P Oblats , lub ferne ntawm no nws yog T.P li, lub tsev no nws nyob ntev heev los lawm, yeej muaj ntau tsav ntau yas puas ntev los, tiam sis lawv kuj tso rau cov neeg tuaj Sau Siab ua chaw poob, nws qub kawg nkaus, tiam sis peb tuaj so thiab pw dawb tsis poob nyiaj ib qho li, T.P lawv kuj npaj tau taws nrauv kom sob so rau peb kom txhob no, lawv muaj (matelas) txwm zooj ntau kawg nkaus, txheej saum toj yog txaj pw nkaus xwb, hauv qab yog peb qhov chaw ua zaub ua mov thiab noj mov. Sawv daws tuaj txog txhij txhua, nyiam kuj tau npaj yuav nrhiav nyias qhov chaw kom zoo rau yuav pw zov Hmo teev Ntuj.





    Hauv qab no yog T.P lub Tsev Teev Ntuj Chapelle Missionnaire des Oblats, zoo nkauj heev.



    Nrhiav chawv pw rau txhua tus, nyias los xyuas seb nyias yuav pw rau qhov twg






    Nov, yog kuv qhov chaw xaiv pw, kuv pw tig kiag rau ntawm lub tuam tsev teev ntuj loj tshaj plaws nyob Pontmaim uas niam mab liab tshwm sim, hmo no pw mas siab kaj lug, vim yus ob txhais taw tau tsuj thaj chaws tseem ceeb tshaj plaws ntawm no lawm tiag. Kaj ntug tsaus ntuj, yus lub siab yuj plaws rau sab qhov rais nraum no ua ntsia ntsoov lub Tsev teev Ntuj loj .



    Thaum xaiv tau chaw pw lawm, cov tuaj deb tuaj, tus puav tsis tau noj su, sawv daws los txo nra thiab nqa nyias zaub mov los noj ua ke.






    Noj su tas, sawv daws so tham me ntsis ua ntej yuav mus xyuas qhov chaw Niam Mab Liab tshwm sim kiag nyob ntawm lub Basilic loj tsbhaj plaws.





    Mam txhuas ntxiv......




    <3 <3 Pab kuv rov los cuag koj Huab Tais Yesxus <3 <3

    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: Sau Siab Pontmain, Fab Kis teb 2011

    Post  Bao X Mary on 18th October 2011, 6:24 am

    Kuv zoo siab rau nej kawg thiab os, txawm kuv tuaj tsis txog tej qhov chaw ntshiab li nov los nej twb mus txog lawm ces zoo li kuv twb mus txog lawm thiab. Kev sau siab yog ib yam tseem ceeb kawg li Xwb Hwb Np Tub hais. Yog tus tsis tau paub mas tsis kub siab, hos tus paub lawm mas tos tsis tau txog, maj maj mus sau siab li. Mus tej qhov chaw ntshiab li nej mas zoo heev li os. Kuv nrog nej zoo siab.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Sau Siab Pontmain, Fab Kis teb 2011

    Post  Maiv Tooj on 18th October 2011, 7:28 am




    Tsev teev Ntuj Mom kub Niam Mab Liab.

    Nyob zoo Mim, Maiv Paj Lug thiab Bao X,

    Maiv Paj Lug,

    Ua tsaug rau nws cov duab, pom nej cov duab mas lub siab yuj plaws nrog nej xwb.
    Lawv tsim tau tej lub Tuam tsev teev Ntuj zoo kawg nkaus rau Niam Mab Liab. Lub tuam tsev teev Ntuj no, lawv ua li lub mom kub uas niam Mab Liab ntoo ntag...Wow...! Zoo kawg nkaus...Vam tias ib hnub twg yuav tau mus xyuas, mus muab yus lub siab puas tsus nov txi rau Niam Mab Liab. Kom Niam Mab Liab qhia thiab txhawb kom yus txawj ua neeg ntxim luag tej siab los yog kom yus ho txawj ua neeg kom ntxim yus lub siab, kom yus txhob muaj kev tu siab tu saus.







    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Sau Siab Pontmain, Fab Kis teb 2011

    Post  Maiv Paj Lug on 19th October 2011, 6:55 am

    Hnub tim 15 lub 10 hli ntuj 2011,

    Yav tav su dua ze ntawm 4 moo tav su, txhua leej txhua tus tau sib ntsib, sawv daws zoo siab kawg nkaus, vim muaj T.P Cwj Vuam Chiv ua tus coj thiab qhia peb rau cov T.P Oblats. Sawv daws npaj tawm yuav mus ncig thaj chaw Ntshiab...peb kuj tuaj tau coob hauj sim lom zem kawg nkaus, txaus siab nrho rau thaj chaw ntawm no.







    Peb mus txog ntawm Lub tuam tsev teev ntuj uas siab tshaj plaws, Tsev teev Ntuj Mom kub Niam Mab Liab li Maiv Tooj hais lawm ( Maiv Tooj, koj tis tau npe zoo heev kuv yuav nco ntsoov hais tias thaj chaw ntawm no yog lub tuam tsev teev ntuj Mom kub Niam Mab Liab ) Saib ntsiab rau puag saum lub tuam tsev uas muaj cov tswb siab tshaj plaws mas kho siab zim cuag li yus mus txog ntawm ntuj ceeb tsheej lub rooj vag. Me nquab ya dawb pes vog saum lub tuam tsev, zoo nkauj tag siab nrho li lauj.







    txuas ntxiv...




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Sau Siab Pontmain, Fab Kis teb 2011

    Post  Maiv Tooj on 19th October 2011, 9:41 am



    Nyob zoo Maiv paj Lug,

    Saib nws cov duab, cas khuv xim tas mus li tias nyob deb dhau lawm es tuaj tsis tau tuaj nrog nej mus Sau Siab...Maiv Paj Lug, nws ob ib ceg kaum teb, kuv nyob ib ceg kaum chaw, es puas muaj hnub wb yuav tau mus Sau Sia ua ke nrog TP.Cwj Vuam Chiv li nej mus nov...? Xav kom ib hnub twg peb tau mus Yes Lus Xas Les ua ku tiag mas ntshe yuav zoo siab heev...Tab sis mus Yes Lus Xas Les los mus Lourdes los twb zoo heev lawm.

    Maiv, kuv kho nws lo lus: Tsev teev Ntuj Niam Mab Liab lub Mom kub ua Tsev teev Ntuj Mom Kuv niam Mab Liab lawm, li nov ntshe yuav yog lus Hmoob dua...Hahah..Thov txim nawb mog.

    Zoo siab yuav tos saib nws cov duab ntxiv. Maiv, nws tso duab tag, yog nws muaj sij hawm no nws hais ib zaj kwv txhiaj los dhos nws cov duab nov nawb...Ua tsaug.




    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Sau Siab Pontmain, Fab Kis teb 2011

    Post  Tub Kawm on 19th October 2011, 2:11 pm

    Nyob zoo og Maiv Paj ua tsaug uas Nws tseem coj qhov kev sau siab tuaj qhia peb paub thiab og, yog ib qhov zoo txhawb peb ib tsoom neeg ntseeg kom peb muaj lub siab kub lug mus sau siab ntxiv og, Maiv txawj tias kuv nyob rau ib sab ntuj tuaj tsi tau nrog nej sau siab los kuv nyeem Nws cov ntawv thiab saib Nws cov duab ces ua rau kuv lub kaj lug, thiab zoo nkaus li kuv twb tuaj txog nej thaj chaw law og, Mp kuv ntsia mas lub Tuam Tsev Teev Ntuj ntawd nws zoo nkauj tiag tiag li, zoo xws lub Tuam Tsev Ntuj Yes Lus xas les. Es puas yog nav?. thov kom Nws rov tuaj tso ntxiv rau peb saib og nawb. Ua tsaug.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Sau Siab Pontmain, Fab Kis teb 2011

    Post  Mim on 19th October 2011, 4:51 pm



    Nyob zoo Maiv Paj Lug,

    Kuv nrog nej cov tau mus sau siab ua ke zoo siab kawg li. Kuv tau tuaj mus txog Pontmain ib zaug xyoo 2007, thaum TP Nyiaj Pov mob mob es nws nyob Pontmain. Kuv tus txiv hluas nkawd coj kuv mus. Kuv nco ntsoov thaum peb mus txog, nws tseem tab tom hnav tsho yuav nrog lawv ua thaj txi ntuj. Nws cev tes tsis tau rau lub tes tsho ces muaj ib tug txiv plig thiaj pab nws. Yog thawj thawj zaug uas kuv mus xyuas nws thaum nws mob mob. Kuv nug tias nws puas paub kuv. Nws xav ib nyuag pliag xwb ces nws twb hais tias kuv yog Mim. Mas kuv zoo siab tias nws tseem nco ntsoov kuv thiab. Peb mus koom lawv thaj txi ntuj ntawd tas, ces TP coj peb nqes los nrog nws noj ib pluag mov ua ke hauv cov txiv plig Oblats qhov chaw noj mov. Thaum ntawd ces nws lam nrog peb zaum noj mov xwb, nws twb tsis noj dab tsi ntau li. Peb noj tas peb los hauv nws chav tsev, peb nrog TP nyob tham ib chim, ces zoo li nws sab sab lawm ces peb thiaj li tawm los mus ncig xyuas lawv lub tsev tas ces peb ho los mus xyuas lub tuam tsev teev ntuj Pontmain thiab cov tsev uas thaum ub cov me nyuam pom Niam Mab Liab ntawd nyob. Thaum lub caij peb mus ntawd, lawv tab tom kho lub tuam tsev teev ntuj, tiam sis lawv yeej pub peb nkag mus saib sab hauv huv si. Thiab peb mus rau ib lub caij uas tsis muaj neeg tuaj teev ntuj li. Peb tsuas yog mus ncig xyuas tej chaw, thiab nyias mus teev nyias ntuj me ntsis xwb.




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Sau Siab Pontmain, Fab Kis teb 2011

    Post  Npuagtub on 20th October 2011, 4:10 am


    Nyob zoo Maivpajlug thiab cov phooj ywg,

    Maivpajlug kuv nrog nej zoo siab os nawv uas nej muaj TP. Cwj Vuam Chiv nrog nej mus thiab nej kuj mus pom ntau yam zoo heev raws li nws cov duab mas yog ib qho zoo kawg nkaus li os nawv.
    Kuv thov nug nws 2-3 los, nej mus nyob pes tsawg hnub thiab ua cas zoo li nej nyias ntim nyias mov nqa mus noj puas yog os? Zoo li nej tuaj 2 -3 lub zos tuaj sib ntsib raug ntawm thaj chaw no, ua li cov nyob hauv nws lub zos yog cov coob 15 leeg puas yog?

    Thov koj qhia me me txog ntawm nej lub rooj sau siab zaum no saib nej mus zaum no nej muaj dab tsi thiab nej kawm tau dab tsi raws li nej txoj kev sau siab? Los yog nej tsuas mus ncig kom pom tej chaw luag cav cav uas yog chaw Ntshiab huv xwb ?

    Nej puas muaj rooj cob qhia ( workshop ), los rooj sib koom siab teev ntuj ( meditation ) los yog kev lees txhaum, tom qab nej mus ncig saib tej chaw tas? Yog nws khoom no tuaj sau rau peb tau kawm os nawv.



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Sau Siab Pontmain, Fab Kis teb 2011

    Post  Maiv Paj Lug on 20th October 2011, 5:39 am

    XH NpuagTub....kuv tseem piav thiab tso duab tsis tau tas thiaj tsis tau tham txaws xwb os, peb mus sau siab zaum no mas vim hnub tim 15/ 16 lub 10 hli ntuj 2011 yog ib hnub cov T.P Oblats uas yog cov ua missionnaires rau lwm sab teb chaws ua tsaug rau Niam Mab Liab, vim thaj chaw peb mus no yog thaj chaw cov T.P Oblats nyob thiab saib xyuas txheej dhau txheej los, ces hnub no yog ib hnub uas Txiv Tswv Qhia yuav ua thaj txi ntuj ua Niam Mab Liab tsaug, ces lawv thiaj tias txheej tiam no qhov tseeb ceeb tshaj hauv cov Oblats yog T.P Nyiaj Pov mus coj tau ib haiv Hmoob uas lawv tsis tau paub dua los ntseeg Yesxus , lawv caw tag nrho peb haiv Hmoob mus ua tim khawv, tiam sis tu siab sawv daws tsis nco qab txog T.P Nyiaj Pov lub txiaj ntsim lawm ces mus tau tsawg leej yuav tsawg leej xwb, cov rooj zaum hnub peb ua thaj txi ntuj hnub chiv tim 16 lawv tseg rau peb haiv Hmoob mas ntau hauj sim los zoo li twb tsis puv cov rooj mas tu siab kawg, peb haiv Hmoob zaum kiag puag pem toj ua thaj txi ntuj kom tas ntiaj teb tuaj Sau Siab hnub ntawv es thiaj paub peb haiv Hmoob no los zoo li tsis coob li ces ib txhia neeg zaum deb xauj xauj twb tsis pom peb, thaum Txiv Tswv Qhia tshaj peb haiv Hmoob rau hauv Tsev Teev Ntuj, ces cov zaum ze pom peb xwb.

    Peb nyias ntim nyias mov mus noj, vim hais tias cov T.P Oblats lawv muaj ib lub tsev tos qhua qub qub lawm ces lawv cia rau peb Hmoob mus so, peb mus ob hnub mam rov los tsev. Zoo li Tswv Ntuj pab peb kawg nkaus li, peb noj cov zaub cov mov peb ntim taug kev xwb, peb noj ob hnub tsis tag cov zaub cov mov peb nqa noj su taug kev tuaj thaj chaw Ntshiab, ces peb cov nqaij nyoos cov txhuv thiab cov zaub peb de nqa mus peb rov qab nqa tag nrho los tsev, tseem muab ib txhia pub rau T.P CwjVuamChiv nqa mus noj, los tseem tsis tag, kuv rov los txog tsev kuv saib hauv kuv lub tawb, ua cas kuv cov mov kuv ntim mus nqig me me xwb, kuv ob tug qaib tua kuv vom ntim mus ces tag ib tug xwb, peb twb muab peb tej zaub mov tso saum rooj sawv daws noj, yog vim li cas peb coob ua luaj, nyias nqa nyias me me mus xwb los noj tsis tag, nyias ho rov qab nqa nyias tej khoom noj rov los tsev ntau ua luaj? qhov no yog zaum ob kuv pom muaj los , 1/ nyob rau T.P Neej Vaj lub cawv xeeb, peb nrog lawv noj seem noj so, zaub mov dej haus seem ntau tiag tiag,2/ Sau Siab nyob Pontmain,zaum no peb tsuas nqa thiab noj tas cov peb ntim su xwb, cov ntim mus ua hmo hnub saturday thiab Sunday ces yeej tsis tau kov kiag li... ua rau kuv nco txog Yesxus mus noj rooj tshoob uas nws ua thawj zaug miracle cov cawv rau rooj tshoob mas qab thiab haus yeej seem ntau, thiab kuv nco txog cov ncuav thiab cov nqaij ntses Yesxus ua Miracle nyob saum roob, ob peb tug ntses thiab ob peb lub ncuav xwb, yug tau tag nrho tiaj roob neeg tuaj ntawv.

    kuv mam tuaj tso duab thiab qhia tauj mus.......




    <3 <3 Pab kuv rov los cuag koj Huab Tais Yesxus <3 <3

    Sponsored content

    Re: Sau Siab Pontmain, Fab Kis teb 2011

    Post  Sponsored content Today at 8:52 am


      Current date/time is 6th December 2016, 8:52 am