Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    Huab Tais Ntuj muaj hwj huam tas nrho

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Huab Tais Ntuj muaj hwj huam tas nrho

    Post  Maiv Tooj on 1st September 2011, 12:46 pm


    VAUB KIB



    Nyob Nplog teb, ua ntej teb chaws yuav tawg xyoo 1975, muaj ib pawg Hmoob, nyiam mus ntes vaub kib coj los khi ko taw dai viav vias thiab hais rau vaub kib tias: " Vaub Kib, yog koj mus caum tau tsiaj los rau kuv tua no ces kuv mam li tsos koj, yog koj puav tsis tau tsiaj los no ces kuv yuav cia koj dai kom tuag". Ces vaub kib mus puav tsiiaj qus los rau lawv tua.

    Ces muaj ib hnub, ib tug yawg Hmoob Xyooj txawm mus ntes tau ib tug vaub kib, nws muab dai ko taw, nws txawm hais rau vaub kib tias: " Vaub Kib, yog koj mus caum tau tsiaj los rau kuv tua no ces kuv mam li tsos koj, yog koj puav tsis tau tsiaj los no ces kuv yuav cia koj dai kom tuag". Ces ib pliag xwb txawm pom ib tug kauv dhia los tav nws kev, nws txawm muab tua tau ev coj los noj. Tab sis nws tsis rov qab mus tso tus vaub kib...Vim deb tsawv ces nws nkees mus. Tau ob peb hnub tom qab, lawv ua ua teb, txawm rov muaj dua ib tug kauv pheej los quaj, dhia ntawm qab teb tsis khiav li. Ces yawg xav xav, nplua taws hwv, txawm kwv phom mus muab tus kauv tua tau coj los noj tag, yawg kuj tsis mus tso tus vaub kib thiab.

    Tsis ntev tom qab ces nws poj niam txawm xeeb tub, yug tau ib tug me nyuam ntxhais, hlob mos nyoos txawj ua si co tes tho. Muaj ib hnub txawm cia li ntuav ntshav ib pliag ces tso quav tau ntshav liab ploog ces cia li tuag kiag lawm...Tom qab no nws poj niam rov xeeb dua ib tug me nyuam, yug tau yog ib tug tub. Tus me nyuam tub ntawd muaj 10 lub hlis, ces nyob nyob cia li ntuav ntshav tib pliag xwb ces tso quav ntshav liab ploog ib pliag xwb ces cia li tuag kiag lawm thiab...Ces tsis ntev, nws poj niam rov muaj me nyuam dua...Ib hnub tus niam txawm mob heev, mob muaj ntsis zoo li ob tug me nyuam ua ntej thiab...Ces yawg hu neeb tuaj ua pes tsawg los cov txiv neeg hais tias yog yawg tshuav luag nqe, yawg tau cog lus yawg tsis ua raws li yawg hais. Ces lawv kho tsis tau, yawg poj niam thiab me nyuam kawg tuag xwb...Ces poj niam ntsej muag tim xem tag, yuav tuag tiag tiag li...Ces yawg ntshai dhau lawm, yawg cia li mus thov tus Xib Hwb uas mus Tshaj Ntuj Lus ntawm lawv lub zos tuaj pab thov Ntuj rau yawg poj niam.
    Thaum tus Xib Hwb tuaj txog, Xib Hwb tsa tes rau saum tus niam taub hauv, nws hais tias: "Huab Tais Ntuj, koj lub hwj huam loj tas nrho, koj yuav ua kom luag pom koj lub hwj huam ces yog tam sim no ntag." Cas tus Xib Hwb ua li ntawd tag, nws poj niam ntsej muag cia li tshiab zuj zus, cia li zoo kiag lawm, tus me nyuam los zoo tsis muaj mob dab tsi. Txij ntawd los ces yawg thiaj li muaj tub muaj ki puv vaj puv tsev. Yawg thiaj los ua Ntuj Kev Cai ib ntus...Tab sis tom qab no, yawg cia li rov qab mus coj dab thiab niaj hnub no yawg kuj txawj ua neeb lawm thiab...Yawg rov mus coj dab lawm, tab sis yawg kuj tseem nco ntsoov qhuas txog Tswv Ntuj lub hwj huam loj tas nrho.

    Ntawm kuv tus kheej, kuv tsis to taub cov neeg uas tau kev cawm txoj sia lub neej, ho tsis taug txoj kev kaj tij ywm mus, ho thim mas kuv kuj tsis to taub pes tsawg. Tab sis yog Tswv Ntuj paub tias yog li cas.

    Zaj nov xaus li nov, tab sis kuv tseem pom lwm tug uas Tswv Ntuj tau muab me tub me nyuam puv vaj puv tsev dhia rhee, muab nyiaj muab txiaj, cawm txoj sia dim plaws...Lawv kuj rov mus ua dab lawm thiab...Tsis paub tias lawv xav li cas...??? Xyov lawv puas nco txog thaum lawv quaj ntsia ntuj, ais ntuj tsis pab, lawv quaj ntsia teb ais teb tsis hnov...Lawv niaj hnub hu neeg tuaj ua neeb kho txog qhov lawv twb cia li kawm tau tej nkauj neeb tag nrho tshuav tsis tau nce thaj xwb...Lawv tej me nyuam twb tssi zoo...Thaum uas ib tug Xib Hwb los ib tug Txiv Plig hais ib los xwb, lawv tau kiag lub neej zoo ua, yam tsis poob ib npib ib xus...Cas lawv ho tsis yuav, tsis nco txiaj ntsig...


    Last edited by Maiv Tooj on 26th October 2014, 10:09 am; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: Huab Tais Ntuj muaj hwj huam tas nrho

    Post  Maiv Tooj on 28th May 2012, 11:11 am

    Xyoo 1978, Thoj Ntsum Pov lawv nyuam qhuav khiav rog tuaj Fab Kis teb tsis tau ntev. Thaum sawv daws nyuam qhuav tuaj rau Fab Kis teb, sawv daws tau lub neej txom nyem. Thoj Ntsum Pov mus ua hauj lwm los yug nws tsev neeg, nws tau ib txoj hauj lwm nyhav heev.

    Muaj ib hnub nws tus Los pav txawm yuav cab xov taws xob hauv av los rau ntawm lub tsev, txawm cab ncaj ob lub pov ntoos, lub me luaj li plab hlaub, lub loj muaj ib puag. Tus Los Pav txawm kom Thoj Ntsum Pov khawb ob lub pob ntoo pov tseg. Yawg Ntsum Pov txawm xub khawb lub me, av tawv heev, yog av pob zeb tawv tawv xwb tsis zoo khawb li. Nws khawb khawb quaj kiag, khawb tau ob teev mam tau thawj lub pob ntoo. Thaum khawb tau lub pob ntoo me tag, nws ntsia lub pob ntoo loj, yog txha ntoo tawv xwb ces nws cia li txhawj li lawm. Txhawj txhawj thiab ntshai li lawm, tab sis yog txoj hauj lwm ces yuav ua siab khawb, yawg ntshai heev ces yawg txawm txhos caug kiag thov Ntuj tias:

    "Huab tais Yes Xus, thov koj los pab kuv, zaum no kuv poob rau kev txom nyem, tuaj ua luag zog, ncaj pob zeb los luag kom kuv khawb pov zeb, ncaj pob ntoo los luag kom kuv khawb pob ntoo; es thov koj pab kuv os! "

    Thov Ntuj tag, Yawg Ntsum Pov txawm los khawb lub pob ntoo loj naj uab! cas cov cag lwj tag du lug, khawb khawb mus txog hauv qab pob ntoo tsuas muaj tib tug nyuag cag luaj li dab teg xwb, ces yawg txawm muab txiav kiag tu. Yawg muab ob teev los khawb lub hauv paus ntoo me, tab sis ho muab tsis muaj ib teev khawb lub hauv paus ntoo loj. Thaum los Pav tuaj txog, Los Pav hais tias:

    Haub yaud! Ntsum Pov, kuv xav tias ntshe koj yuav muab ib hnub khawb no es cas koj twb khawb tsis muaj peb teev os!

    Yawg Ntsum Pov thiaj teb Los Pav tias: "Twb yog lub hauv paus ntoo loj cov cag lwj tag lawm es kuv thiaj li khawb ib pliag xwb".




    Last edited by Maiv Tooj on 29th May 2012, 3:04 am; edited 1 time in total



    avatar
    Tub ntsuag
    Phooj Ywg
    Phooj Ywg

    Messages : 137
    Date d'inscription : 2011-10-06

    Re: Huab Tais Ntuj muaj hwj huam tas nrho

    Post  Tub ntsuag on 29th May 2012, 1:18 am

    Ua tsaus ntau niam hlo koj tso zaj rau peb tau nyeem os nawb nws yos lub zog loj tuaj ntawm Htn tuaj txhua txhua tug yog vam thiab cia siab rau tswv ntuj mas nws yuav teb peb tej lug thov txhua lub sij hawm .yog ib tug neeg tsi nco qab txog tswv ntuj mas muaj ntau yam nws yeej yuav raug kev nyuaj raws li txoj hauj lwm luas txib los luas quab yuam .
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: Huab Tais Ntuj muaj hwj huam tas nrho

    Post  Maiv Tooj on 20th June 2012, 9:11 am


    Thoj Ntsum Pov, ua neej ntev lawm, nkawd ob niam txiv yug tau 3 leeg tub tsis muaj ntxhais. Nkawd tus tub ntxawg twb muaj 20 xyoo lawm, thaum 1990 tawm, muaj ib hnub Thoj Ntsum Pov txawm xav hais tias: "Ua cas yus ua ib sim neej es txawm yuav tsis muaj ib tug ntxhais nrog luag li." Ces ua rau nws los kua muag, nws quaj, nws thiaj li txhos caug, nws thov Huab Tais Yes Xus tias:

    "Huab Tais Yes Xus, yog muaj koj tiag no koj muab ib tug ntxhais rau kuv, kom txog hnub kuv sau laus, kuv ho muaj ib tug ntxhais vauv tuaj hlub kuv."

    Nws thov li nov tag, tsis ntev nws poj niam txawm xeeb tub, mus tsom naj cas txawm yog ib tug ntxhais tiag. Li ntawd nws tus thiaj yau tus tub yau 20 xyoo. Niaj hnub no nws tus ntxhais twb mus yuav txiv, rov muaj me tub me nyuam lawm thiab.





    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: Huab Tais Ntuj muaj hwj huam tas nrho

    Post  Maiv Paj Lug on 20th June 2012, 9:57 am

    Maiv Tooj wrote:

    Xyoo 1978, Thoj Ntsum Pov lawv nyuam qhuav khiav rog tuaj Fab Kis teb tsis tau ntev. Thaum sawv daws nyuam qhuav tuaj rau Fab Kis teb, sawv daws tau lub neej txom nyem. Thoj Ntsum Pov mus ua hauj lwm los yug nws tsev neeg, nws tau ib txoj hauj lwm nyhav heev.

    Muaj ib hnub nws tus Los pav txawm yuav cab xov taws xob hauv av los rau ntawm lub tsev, txawm cab ncaj ob lub pov ntoos, lub me luaj li plab hlaub, lub loj muaj ib puag. Tus Los Pav txawm kom Thoj Ntsum Pov khawb ob lub pob ntoo pov tseg. Yawg Ntsum Pov txawm xub khawb lub me, av tawv heev, yog av pob zeb tawv tawv xwb tsis zoo khawb li. Nws khawb khawb quaj kiag, khawb tau ob teev mam tau thawj lub pob ntoo. Thaum khawb tau lub pob ntoo me tag, nws ntsia lub pob ntoo loj, yog txha ntoo tawv xwb ces nws cia li txhawj li lawm. Txhawj txhawj thiab ntshai li lawm, tab sis yog txoj hauj lwm ces yuav ua siab khawb, yawg ntshai heev ces yawg txawm txhos caug kiag thov Ntuj tias:

    "Huab tais Yes Xus, thov koj los pab kuv, zaum no kuv poob rau kev txom nyem, tuaj ua luag zog, ncaj pob zeb los luag kom kuv khawb pov zeb, ncaj pob ntoo los luag kom kuv khawb pob ntoo; es thov koj pab kuv os! "

    Thov Ntuj tag, Yawg Ntsum Pov txawm los khawb lub pob ntoo loj naj uab! cas cov cag lwj tag du lug, khawb khawb mus txog hauv qab pob ntoo tsuas muaj tib tug nyuag cag luaj li dab teg xwb, ces yawg txawm muab txiav kiag tu. Yawg muab ob teev los khawb lub hauv paus ntoo me, tab sis ho muab tsis muaj ib teev khawb lub hauv paus ntoo loj. Thaum los Pav tuaj txog, Los Pav hais tias:

    Haub yaud! Ntsum Pov, kuv xav tias ntshe koj yuav muab ib hnub khawb no es cas koj twb khawb tsis muaj peb teev os!

    Yawg Ntsum Pov thiaj teb Los Pav tias: "Twb yog lub hauv paus ntoo loj cov cag lwj tag lawm es kuv thiaj li khawb ib pliag xwb".



    Maiv Tooj,

    zaj no mas yuav txaus los kua muag thiaj zoo siab ua luaj li os yuad, Tswv Ntuj yeej paub yam yus yuav thov ua ntej lawm, Tswv Ntuj twb npaj qhov yus yuav thov tos yus lamw xwb tiag, yog Tswv Ntuj npaj tos yus es yog yus cia li txhos caug thov ntua no Tswv Ntuj cev kiag rau yus , tiam sis yog Tswv Ntuj npaj tos yus, yog yus tsis thov Tswv ntuj kuj tsis pom qab yuav muab rau yus, yog li yus txhob ua siab deb, yeej meem thov, thaum kawg yeej yuav tau Tswv ntuj kev pab xwb xwb li, kuv ntseeg hais tias peb thov peb yuav tsum tau. Tej thaum yus tsis nco qab thov, Tswv Ntuj twb pub kiag rau yus los yus tseem tsis pom Tswv ntuj txiaj ntsim, yus twb tsis hais ib nyuag lo ua tsaug rau Tswv Ntuj.




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: Huab Tais Ntuj muaj hwj huam tas nrho

    Post  Maiv Tooj on 20th June 2012, 6:10 pm



    Maiv Paj Lug,

    Tswv Ntuj pom yav tom ntej, niaj hnub, yav tom qab, pom tej peb ua, pom hauv peb lub siab.
    Tswv Ntuj tej txiaj ntsim muaj ntau laub lug tos rawv peb yuav vam txog xwb, tab sis thaum tsim nyog muab Tswv Ntuj mam muab, thaum tsis tsim nyog muab Tswv Ntuj kuj yuav tsis muab.

    Qhov TSIM NYOG NTAWD YOG DAB TSI?

    -Puas yog yuav tsum paub kev ntseeg zoo, yuav tsum txawj txawj thov Ntuj?
    -Puas yog yuav tsum teev Ntuj ntau ntau thiab ntev ntev ?
    -Puas yog yuav tsum txawj txawj hais lus ntxim Tswv Ntuj siab?

    QHOV TSIM NYOG TAU TXIAJ NTSIM NTAWD YOG:

    * Tswv Ntuj pom yav dhau los, yav tom ntej
    (pom tom ntej, tom qab:
    tom ntej= dhau los,
    tom qab= yav yuav tuaj)

    * Tswv Ntuj pom tej yus ua, hauv yus lub siab.

    -Yog Tswv Ntuj paub tias tam sim lub zwj ceeb uas yus thov ntawd yus yog ib tug neeg zoo, ntseeg zoo tiag, tab sis hnub qab nram ntsis yus yuav tsis nco nws txiaj ntsim, yus tau qhov yus thov tag ces yus yuav las mees, tsis coj nws tej txiaj ntsim mus ua kom tawg paj txi txiv huaj vam ntxiv mas nws yuav tsis pub rau yus li yus THOV THIAB YUS TOS NTAWM NWS. Ces yus yuav thov tsis tau txiaj ntsim li yus xav tau.

    -Yog Tswv Ntuj pom tias yus txawm yog ib tug neeg me, los siab ntshiab thiab pub txiaj ntsim rau yus tag mas yus yuav tsis mom nws txheej, nws tej txiaj ntsim yuav muaj nqes lawm yav tom ntej mas tab txawm yus tsis txawj thov Ntuj, yus hais ib los ua tab ua tauv xwb los yus yuav tau ntau tshaj qhov yus xav txog, qhov yus thov.

    *Li ntawd thiaj xav tshaj rau ib zeej tsoom neeg ntseeg, kom peb nrhiav kev cog peb txoj kev ntseeg tob, ruaj khov thiab zoo siab rau qhov peb muaj thiab peb tau. Txawm peb thov tsis tau qhov peb xav tau tam sid los peb txhob tag kev cia siab, txhob thim, txhob zaug zog, yog zaum puav peb yuam kev, peb poob phem, poob zoo (poob hauv hav zoov, nrhiav tsis tau kev tawm), los peb yuav tswj nrees peb lub siab tus yees rau ntawm Tswv Ntuj xub ntiag. Tej yam uas peb thov rau lub neej tniaj teb nov yog tias Tswv Ntuj tsis teb peb, tsis muab mas tej zaud twb yog Tswv Ntuj pom tias tsis tseem ceeb, tsis zoo rau peb mas NWS thiaj li tsis muab rau peb xwb.

    PEB YUAV TSO SIAB LUG RAU TSWV NTUJ.




    Sponsored content

    Re: Huab Tais Ntuj muaj hwj huam tas nrho

    Post  Sponsored content


      Current date/time is 24th November 2017, 1:10 pm