Kev ntshaw ua hluas zaum ob hauv niam txiv lub neej

**Maiv Paj Lug** 27th June 2011, 6:08 am

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°1

Kev ntshaw ua hluas zaum ob hauv niam txiv lub neej

Post Maiv Paj Lug 27th June 2011, 6:08 am

Kev ntshaw ua hluas hauv ib tug txiv neej los sis pojniam twb muaj cuab muaj yig .

Qhov teeb meem xav rov ua hluas vim:

a) yog ceev :

1/ sib yuav hluas dhau , thaum laus tseem xav rov qab mus sim ua hluas.

2/ Sib paub tsis tau zoo sib yuav , ntev mus paub tias tus yuav tsis thooj xws yus ces tsis xav npuab.

3/ Yuav tus pojniam or txiv neej uas cov laus pom zoo , muaj hnub mam ntsib tus nyiam ces twb tsis tau thiaj xav ua hluas dua.

b) yog muaj :

1/ Ob leeg sib xaiv tau los ua txwj nkawm, thaum muaj me tub me nyuam loj tas, txoj kev laus txawj dhuav ob leeg, thiaj xav rov sim ua hluas.

2/ Yog tus niam siab zoo , cia ywj tus txiv siab, tawm rooj plaws tus txiv khav ntxhias mus ua hluas .

3/ Yog tus txiv siab zoo , cia ywj tus niam siab, tawm rooj plaws, tus niam xav ua hluas.

c) yog tau :

1/ Tau tus txiv or niam tub nkeeg,tsis pab ua hauj lwm hauv vaj hauv tsev, tsis tu txaj chaw thiab vaj tse kom du lug, tawm rooj plaws xav ua hluas mus loj leeb tsis xav los tsev

2/ Tau tus txiv or tus niam tsis txawj tu lub cev, tsis da dej,tsis txhuam hnia, tsw ntxhiab, tawm rooj plaws tsis xav npuab tsis xav ua ke.

3/ tau tus txiv or tus niam cem taus, yws taus, ib qho ob qho los nthe cuag paj kws tawg, me me los cem, yws daws dom thiab tsoo vaj tsoo tsev, tawm rooj plaws tshav ntuj nrig tsis xav nkag los tsev, vim hauv tsev nyob tsaus ntuj nti ntxhod siab qa tos.

d) yog coj :

1/ lub siab lim hiam , pom ib tug neeg zoo nkauj zoo nraug ces tsis nco tias muaj cuab muaj yig.

2/ lub tswv yim Tsis xav laus, pom nkauj mog, nraug mos, cev yiag ntxias, lub siab tsis xav npuag pog or yawg laus, iav tsis nco saib, xav ntau txawm ua hluas zaum ob.

3/ Lub neej nplua nuj, xav muas leej twg siv ces xuas nyiaj nplawm qhov muag tau siv yooj yim, coj li no kev ua hluas tawm rooj tsis xav los tsev.

LWM ZAUS MAM TUAJ HAIS TXOG YUAV COJ LI CAS THIAJ TSIS DHUAV, THIAJ XAV SIB NPUAB, SIB HLUB, TSIS NTSHAW TUS TSHIAB.....

**Npuagtub** 30th June 2011, 12:40 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°2

Re: Kev ntshaw ua hluas zaum ob hauv niam txiv lub neej

Post Npuagtub 30th June 2011, 12:40 pm

Nyob zoo Maivpajlug,

Koj cov lus nyob hauv lub Topic tus neeg muaj txij nkawm lawm tseem xav ua hluas hais tau zoo kawg lawm, kuv tsuav xav tuaj ntxiv ib lo lus rau xwb kom peb ntxhua tus paub xwb.

Raws li cov tub tshawb fawb nyob hauv teb chaws vam meej mas lawv hais tias ib khub niam txiv yuav sib yuav es tsis muaj kev ua hluas los yog tsis sib haum mas:

NKAWD 2 LEEG TXOJ KEV SIB PAUB UA NKAUJ UA NRAUG YUAV TSUM YOG NTEV LI 2 XYOOS RAU 3 XYOOS UA NTEJ NKAWD YUAV SIB SAU UA TXIJ NKAWD.

Thaum sib sau los ua neej tau lawm thiaj li tsis muaj kev sib cov nyom hauv nkawd lub neej.

**Maiv Tooj** 30th June 2011, 12:55 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°3

Re: Kev ntshaw ua hluas zaum ob hauv niam txiv lub neej

Post Maiv Tooj 30th June 2011, 12:55 pm

Nyob zoo XH.NPuag Tub thiab Maiv paj Lug,

Ua tsaug rau neb cov lus, yeej yog tag nrho.

XH.Npuag Tub,

Qhov koj hais yeej yog lawm, tab sis nws dhos rau cov nkauj nruag txheej tshiab tam sim nov xwb. Phaum laus zog uas tag tom lob tau kuab dev vwm lub zwj ceeb nov mas yuav tsis dhos. Vim txheej thaum mas kev ua hluas nkauj hluas nraug tssi muaj kev ywj pheej li zaum no ais yuav tau sib tham, sib swm seb leej twg coj li cas, puas sib haum mam sib yuav. Txheej thaum ces yog tus tub mus ntsia, nws nyiam tus ntxhais twg ces nws cia li yuav xwb. Lawv ntsia lub cev lawv nyiam ces cia li yuav, lawv yeej tssi hais txog lub siab thiab cwj pwm li. Dua li ces tus ntxhais yuav tau tus txiv zoo li cas los nws yuav tsum yoog tuag nti xwb ces zaum no txog nrab neej thiaj muaj teeb mem heev rau lub neej tshiab zaum no.

Ntawm kuv tus kheej, kuv tsis hais txog cov tej teeb meem qhov ub qhov nov los li lawm. Kuv mas kuv hais tias, ob leeg sib yuav tau lawm ces txawm tsw qab, txhiab los ua ib siab hnia, ua txwj ua nkawm sib hlub sib hwm rau zoo xwb. Yus hais tias tus ntawm yus ntiag tsis zoo, yus muab laim tseg, rov mus nrhiav tus tshiab los luag yeej muaj luag lub siab, tssi yog nchuav tawm los ces yeej yuav muaj dua lwm hom teeb meem thiab.

Kuv xa hais ib los txog kev niam txiv sib hlub, sib cais, sib nrauj, sib tso, nqe no yeej nkag rau Ntuj Kev Cai; yeej nyob kiag hauv Tswv Ntuj 10 los lus Qhia thiab hauv 7 lub Cim Ntshiab hauv Ntuj Kev Cai Kas Tos Liv. Mas peb yog ib cov neeg ntseeg, peb yuav tsum hwm tswv Ntuj txoj cai thiab peb yuav hwm luag tej li peb hwm peb tus kheej.

**Npuagtub** 30th June 2011, 1:15 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°4

Re: Kev ntshaw ua hluas zaum ob hauv niam txiv lub neej

Post Npuagtub 30th June 2011, 1:15 pm

Nyob zoo Mt,

Hahahaaaaaaa......!!! Koj yeej hais yog kawg li los mas, tiam sis txheej yav phaum laus los yog cov neeg nyob rau cov tej chaws tsis vam meej los yog teb chaw me neeg tsawg tsis muaj kev kawm txuj siab mas sib paub hnub no cia li sib yuav tag kis los lawv txoj kev sij nrauj sib cais tsis pom muaj ntau li cov neeg nyob rau cov teb chaws loj nyob rau tiam neej tam sis no.

VIM LAWV SAIB LAWV LUB CEV YOG IB YAM MUAJ NQIS THIAB TSEEM CEEB TSHAJ LAWV IB TUG THIAJ HWM IB TUG RAWS LI LAWV HWM LAWV LUB CEV. CES LAWV TSIS KAM SWB LAWV LUB CEV NROG LWM TUS PW, TSHWJ YOG KEV RAU YUAM XWB.

Thaum peb mloog peb lub cev lub siab coj peb mas peb yuav mus ua tej phem ntau dua yam zoo, yog peb mloog Leej Ntuj Plig Ntshiab coj peb ua mas peb yuav tsis xav pom tej yam kev phem kev qias. Vim peb yuav nco tias peb lub Cev yog ib yam tseem ceeb thiab muaj nuj nqis heev thiab yog leej Ntuj Plig Ntshiab lub tsev.

**Maiv Tooj** 30th June 2011, 6:52 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°5

Re: Kev ntshaw ua hluas zaum ob hauv niam txiv lub neej

Post Maiv Tooj 30th June 2011, 6:52 pm

Nyob zoo Hnub Tshiab XH.NPuag Tub,

Ua tsaug rau nws cov lus nyiaj lus kub, yog kawg, thaum yus mloog yus lub cev mas yus hnov zoo li yus lub siab ua voj ua vias xav nrhiav qhov tshiab rau yus kaj siab. Yog thaum yus nyiaj dhau ib theem lawm, thaum ntawd yus xav tswj yus lub cev, tus ntsuj plig kom ntshiab huv rau Leej tswv Yim Ntshiab tau ntoj tau thuv. Yog yus tswj tau txog qhov Leej Tswv Yim Ntshiab thuv lawm mas yus xav txawv lawm. Yus pom luag tej kev lom zem tsis xis yus siab, luag tseem yuav sib yaum coob thiab tham qhuas ntxhias los tsis yog yus lub hom phiaj ces yus tsis xav mloog li lawm.

XH.Npuag Tub, kuv yuav tsis nyob tsev ob peb hnub ais nws khoom no ho tuaj pab zov tsev nawb mog. Cas ib ntus no tsis pom Maiv Paj Lug tuaj li lawm thiab. Mim los zoo li lawv ntsaig Tsev teev Ntuj ces ntshe Mim tsis khoom tuaj li lawm thiab...