Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» SAJ YES XUS KEV TXOM NYEM
by Bao X Mary Yesterday at 1:41 pm

» COV ZAJ NYEEM NRUAB LIS PIAM XYOO I 2016-2017
by Mim 24th March 2017, 2:57 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 23rd March 2017, 9:26 pm

» XH. Yaj Zoov Ntxheb lub Tsev THOOB TSIB
by Maiv Tooj 23rd March 2017, 9:15 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 23rd March 2017, 9:10 pm

» MOO QAIJ QAUG
by Maiv Tooj 18th March 2017, 12:17 pm

» Thov Leej Ntshiab YOS XES
by Maiv Tooj 9th March 2017, 12:30 am

» Tshuaj NTSUAB
by Lajpovyaj 3rd March 2017, 4:48 am

» Hnub Txais Tshauv thiab Caij 40
by Mim 28th February 2017, 10:38 am

» TP.Txhiaj Foom lub TSEV Ntawv
by Maiv Tooj 21st February 2017, 8:04 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

Suav neeg tuaj saib, txij hnub 17/09/2010 los mus.


    Bao X Mary lub tsev Txiaj ntsim

    Share
    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Bao X Mary lub tsev Txiaj ntsim

    Post  Npuagtub on 31st March 2012, 5:17 am


    " Koj tsis taws tus roj ntses nyob sab nraud thiab tsis hnav ces khaub ncaws zoo los, tsuav koj cia tus teeb khaim hauv koj lub siab taws cig lam lug mus li,thiab koj hnav ces khaub ncaws kom zoo thiab tshiab tas mus li sab hauv xwb ces tau lawm."

    Bao X. Mary,

    Koj zaj lus no yog ib qho tseem ceeb heev rau peb txhua leej yuav tau paub txog, Yam lub qhov muag pom yog ua kom lub siab ntseeg xwb, txawm koj npaj yam nyob sab nraum neeg qhov muag pom tsis yeej los yog koj twb npaj tau yam nyob sab hauv koj nruab siab tiav tas ces yog qhov tseem ceeb ua Tswv Ntuj xav kom peb ua thiab coj. Kev hnav ris tsho ua niam qhuav txiv qhuav tsis hais lub caij twg los xij, nej tsis tas yuav hnav zoo zoo, hnav raws li tej tsoos yus niaj hnub hnav mus teev ntuj xwb los yeej tau, qhov tiag saib yus puas muaj lub siab yuav txhawb thiab pab tus neeg yuav los txais lub Cim Ntxuav tiag raws li Tswv Ntuj xav kom yus ua.

    Kuv tsis paub nyob rau lwm lub tsev teev ntuj ho zoo li cas, tiam sis nyob hauv peb lub tsev teev ntuj mas, tus tswm ciab, thiab lub tsho dawb lawv yeej xub npaj muaj txhij nyob hauv tsev teev ntuj provide rau cov yuav txais lub Cim Ntxuav hmo ntawd, tsuas yog cov neeg tuaj teev ntuj nyias thiaj li nqa nyias tus tswm cia tom tsev tuaj, yog yus ho tsis nqa tswm ciab tuaj los yeej tsis ua cas.







    Photobucket
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1770
    Date d'inscription : 2009-10-16

    Re: Bao X Mary lub tsev Txiaj ntsim

    Post  Mim on 31st March 2012, 11:22 am

    Bao X Mary wrote:Easter Vigil, hnub ib ua hmoov nco txog Huab Tais Yes Xus sawv rov los.

    Xyoo 2005 thaum lub caij ua hmoov hnub ib nco txog Huab Tais Yes Xus sawv rov los ntawd. Kuv thiab kub ib tug tub wb ua niam qhuav, txiv qhua rau ib yim neeg yuav los ntxuav plig tshiab. Txog hnub ntawd, kuv mus ua hauj lwm, kuv xav ib hnub tias kuv yuav hnav cev khaub ncaws zoo li cas thiaj li phim, thiab yuav tsum mus kom rau caij. Kuv kuj txhawj ib hnub. Kuv ua hauj lwm los txog tsev, kuv mus muab cev khaub ncaws twg hnav los zoo li tsis zoo, sim cev los zoo li tsis zoo, lam muab ib cev coj los hnav tab sis tsis zoo xis siab.Kuv tus tub los kawm ntawv pheej tsis txawj los, tseem los lig thiab. Kuv npaj tau nyob nraum zoo tos nws los txog ntua ces wb mus. Hnub ntawd mas zoo li kuv txhawj, thiab siab tsis kaj li. Vim tsis paub yuav hnav cev khaub ncaws twg thiab xim dab tsi, kuv tus tub los tseem los lig thiab. Wb mus txog lig zog lawm. Lawv twb pib teev Ntuj lawm. Wb maj dhau, wb tsis nco nqa cov roj ntses los tuav ntawm tes nrog lawv sawv daws. Txog thaum lub sij hawm uas sawv daws nyias zes nyias tus roj ntses cij zom saws, hos wb ob niam tub nyob dub nciab. Thaum ntawd wb txaj muag, thiab kuv saib lawv muaj roj ntses cig lam lug hos wb mas nyob dub nciab xwb. Ua rau kuv txaj muag thiab, cia lis poob siab. Kuv txawm xav hauv kuv lub siab tias ua cas:" Yus twb yog niam qhuav txiv qhuav rau tsev neeg, tuaj los tuaj lig, tsis paub yuav hnav cev khaub ncaws zoo lis cas, tseem tsis tau teeb khaim taws, hos nyob niag dub nciab thiab. Luag tej muaj taws lam lug ho wb ob niam tub nyob dub nciab." Thaum ntawd kuv txaj muag thiab xav tias: " lawv taws teeb khaim tas lawm ces ntshe lawv tau koob hmoov hos wb ob niam tub mas lig los lig hos, tseem tsis muaj teeb khaim taws thiab mas ntshai lawv tau koob hmoov hos wb tsis tau koob hmoov, cas ua qhov twg los zoo li ua qhov poob thiab tsis tau li siab xav li." Kuv lub siab tsis kaj li thiab txaj mauj kawg.

    Tab sis txog thaum lawv hu nkauj nrov muaj ceem es yuav txog lub sij hawm uas Yes Xus sawv rov los, lawv taws teeb me me, ib pliag lawv hu nkauj nrov heev heev qhuas txog Huab Tais Yes Xus tias: !AsLesLusYa! Asleslusya!" Lawv taws kiag teeb pom kev lam lug, thaum ntawd: " Kuv mam hnov li kuv lub siab kub lug, hos zoo li qhov poob siab thiab xav tsis zoo ntawd cia li ploj ntais, hos hnov kuv lub siab kaj lug, puv npo." txawm muaj ib lub suab tuaj hauv kuv lub siab tias:

    " Koj tsis taws tus roj ntses nyob sab nraud thiab tsis hnav ces khaub ncaws zoo los, tsuav koj cia tus teeb khaim hauv koj lub siab taws cig lam lug mus li,thiab koj hnav ces khaub ncaws kom zoo thiab tshiab tas mus li sab hauv xwb ces tau lawm."

    Thaum ntawd mas kuv ntsia zoo li, " kuv nyob ib qhov chaw zoo zoo nkauj, hos kaj lug, kaj nrig, hos kuv lub siab kaj lug tsis nco txhawj dab tsis thiab xav txog tej yam zoo zoo xwb, thiab kub hnov li ib lub zog tuaj rau hauv kuv, ua kuv lub siab puv npo."

    Thaum ntawd yog ib yam txawv kawg rau kuv,ua rau kuv hnov qab tsis tau mus li. Ua rau kuv xav mus teev Ntuj thiab yog kuv yim teev Ntuj ntau mas ua rau kuv lub siab kaj lug, thiab nyob tus, tswj tau kuv rub kuv lub siab kom ntev tuaj. Kuv ua Huab Tais Ntuj tsaug uas Nws tseem pub lub txiaj ntsim zoo ntawd rau kuv thiab. Kuv thiaj pom zoo muab los tshaj rau sawv daws tau paub. Yog leej twg ntseeg, nws yuav tau txais tim yam.

    Thom kom Huab Tais Ntuj nrog peb sawv daws nyob thiab ua peb sawv daws lub siab kaj lug mus li.

    Nyob zoo Bao X Mary,

    Koj zaj lus pov thawj no zoo kawg li os. Txawm koj tuaj txog lig me ntsis thiab koj npaj tsis txhij los koj muaj txoj kev pom kev kaj lug nyob hauv koj nruab siab lawm ces yog yog qhov zoo tshaj li lawm. Peb nrog koj zoo siab rau lub txiaj ntsim zoo koj tau txais thiab nrog koj ua Tswv Ntuj tsaug os.


    avatar
    Bao X Mary
    Phooj Ywg
    Phooj Ywg

    Messages : 181
    Date d'inscription : 2011-07-09

    Re: Bao X Mary lub tsev Txiaj ntsim

    Post  Bao X Mary on 31st March 2012, 4:41 pm

    Xwb Hwb Npuag Tub thiab Mim, ua tsaug neb cov lus txhawb kuv siab. Tej yam txiaj ntsim zoo zoo li ntawd yeej yog ib lub txiaj ntsim muaj nuj nqes kawg li, thiab txhawb yus lub zog, ua rau yus thoob tsib tuaj.

    Xwb Npuag Tub, nyob hauv peb lub Church mas lawv npaj tswm ciab rau sawv daws tag nrho.

    Thov kom Huab Tais Ntuj nrog peb sawv daws nyob ua peb txhua tus lub siab kaj lug mus
    li.
    avatar
    Bao X Mary
    Phooj Ywg
    Phooj Ywg

    Messages : 181
    Date d'inscription : 2011-07-09

    HAPPY EASTER, ZOO SIAB YES XUS SAWV ROV LOS!

    Post  Bao X Mary on 8th April 2012, 2:25 am

    HAPPY EASTER! NYOB ZOO,ZOO SIAB PEB TUS HUAB TAIS YES XUS SAWV ROV LOS!



    Thov kom peb sawv daws tau txais lub txiaj ntsim muaj txoj sia nyob mus li nrog peb tus Huab Tais Yes Xus Pleev. Thov kom peb sawv daws tau nyob kaj lug kaj nrig hauv peb tus Huab Tais Yes Xus Pleev lub npe.

    Kuv lub siab kaj lug,muaj ib lub teeb ci pom pom kev hauv kuv lub siab .Nws tshav ntuj nrig, paj xyoob paj ntoos tawg nra paug, zoo nkauj tas nrho. Kuv lub siab kaj lug hnub Easter Vigil thiab Hnub Easter Sunday.Thov kom peb sawv daws lub siab kaj lub thiab.

    Peb tus Huab Tais Yes Xus Pleev tau yeej txoj kev tuag thiab sawv rov los.

    Alleluia!Alleluia! Yes Xus sawv rov los!

    Peb nyob kaj lug!
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5200
    Date d'inscription : 2009-08-18

    Re: Bao X Mary lub tsev Txiaj ntsim

    Post  Maiv Tooj on 8th April 2012, 3:19 am


    Nyob kaj lug nrog Huab Tais Yus Xus thiab os Npaub,

    Ua tsaug ntau rau nws cov lus zoo lus koob hmoov.

    Lub zim txwv Hmoov Hla xyoo no kuv kuj muaj kav kaj siab lug nrog Huab tais Yes Xus kev tuag thiab Sawv Rov los. Ib yam li txiv Suav Nus cov lus Foom rau peb, peb cov txhaum taug tuag nrog Huab tais Yes Xus, peb lub siab pheej xeeb tau nrog Huab tais Yes Xus Sawv Rov los. Kuv kuj zoo siab kawg, yog thawj zaug uas kuv mus Daws txhaum tag es kuv hnov kuv ib cev sib sib tiag tiag li uas sawv daws pheej tso dag. Kuv xav tias ntshe lawv lam tso dag xwb no tab sis xyoo no kuv mus Daws txhaum tag, kuv hnov kuv lub cev sib tau ib hnub ib hmos nkaus. Thiab kuj muaj ntau yam kev kaj siab rau kuv, kuv ua Ntuj tsaug.



    Last edited by Maiv Tooj on 8th April 2012, 7:21 am; edited 1 time in total



    avatar
    Bao X Mary
    Phooj Ywg
    Phooj Ywg

    Messages : 181
    Date d'inscription : 2011-07-09

    Re: Bao X Mary lub tsev Txiaj ntsim

    Post  Bao X Mary on 8th April 2012, 5:15 am


    Nrog koj zoo siab os Maiv Tooj,

    muaj tseeb tiag; peb tus Huab Tais Yes Pleev Nws tuag theej peb lub txhoj, nws yeej txoj keb tuag thiab sawv rov los kom xwb tus ntseeg tau txais lub txiaj ntsim ntawd.Peb leej twg daws txhaum thiab tu siab rau peb tej txhaum tag hauv peb lub siab, tus ntawd cov txhaum yeej daws tas, thiaj ua nws lub siab kaj lub.

    Nrog koj zoo siab mog... Tswv Ntuj tau pub txoj kev kaj rau koj. Ua Tswv Ntuj tsaug tas zog thiab ua nws tim khawv mus li cav txog Nws lub koob meej.



    avatar
    Bao X Mary
    Phooj Ywg
    Phooj Ywg

    Messages : 181
    Date d'inscription : 2011-07-09

    Lam piav npau suav

    Post  Bao X Mary on 6th March 2013, 7:34 am


    NPAU SUAV.

    Nag hmo kuv ua ib zaj npau suav kuj txaus ntshai kawg thiab, txawv.Kuv ua npau suav tias kuv nyob tim hoom mos tu cov hoob mob. Kuv tab tom nyob hauv ib hoob nrog ib tug mob, kuv saib ntawm qhov rooj pom peb tug txiv neej khob qhov rooj cia li los hauv hoob hnav li doctor. Lawv npog qhov ncauj, thiab hnav li yuav phais mob. Tab tsis lawv mas siab heev li, siab tshaj tib neeg, muaj ob tug rog zog hos ib tug yuag thiab hluas. Thaum kuv pom dheev lawv los cas lawv tsis zoo li neeg, lawv loj siab tshaj, ua rau kuv ntshai lawv heev kuv qw qw. Kuv xav tias lawv yuav los saib tus mob no. Tab sis ob tug mus saib tus mob hos tus hluas zog, ncaj nraim los ntawm kuv,txawm los puag nkaus kuv, hais kuv tias: Koj txhob ntshai, peb tsis ua cas rau koj; tab sis kuv nws puag kuv rau hauv nws xub ntiag hos nws muab ib rab hmuv nkauj kiag kuv nrab qaum lub duav pu sab lauj rau hauv kuv lub siab lub ntsws. Ua rau kuv hnov mob ntsim txhi rau hauv kuv lub siab. Kuv tias zaum nov ces tuag lauj. Nws txawm muab ib lub koob thaij caws rau hauv kuv lub nruab nrog hauv nruab siab.Qhov ntawd qhia hais tias : " lawv caw koob thaij rau kuv lawm mas kuv txawm nyob qhov twg thiab ua dab tsis los lawv yeej pom kuv tas li. Kuv nyob qhov twg los lawv paub kuv nyob qhov ntawd, kuv ua dab tsis los lawv paub. Kom lawv pom ntsoov kuv."

    Thaum nws rho rab hmuv hauv kuv nruab siab los mas kuv hnov mob kawg li. Kuv tsim dheev los kuv tseem hnov mob, kuv xuas kiag kuj tsis pom to qhov twg, yog npau suav xwb kuj ua rau kuv rhiab kawg thiab hos. Ha ha ha. Lam piav rau nej mloog.

    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5200
    Date d'inscription : 2009-08-18

    Re: Bao X Mary lub tsev Txiaj ntsim

    Post  Maiv Tooj on 7th March 2013, 6:03 am




    Nyob zoo Bao X.Mary,

    Hahahah...! Nws yuav txawj npau suav tseeb ua luaj rau lub Caij Plaub caug. Yeej yog kawg, Tswv Ntuj yeej muaj rawv ib lub koob thaij caws rau peb lub siab, tab sis peb pheej ua tsis tau li Tswv Ntuj xav kom peb ua, zoo li NWS twb muab txoj kev yooj yim tshaj rau peb taug los zoo li peb pheej yuam kev tas mus li xwb. Kuv mloog tau tias yog yog thaum yus tsis Daws Txhaum li no yus cav tsis yuam kev pes tsawg los xyov yog yus tsis ceev faj es yus tsis suav yus cov txhaum xwb. Thaum yus nquag Daws txhaum mas zoo li yus tseem yuam kev ntau tshaj, vim yus ceev faj txhua yam, tab sis tej thaum mas cia li txhob txwm ua kom yus rov tsuas, rov dub dua ntxiv xwb. Zoo li yus nyob dawb huv tsis tau li.

    Txhob poob siab mog, yog ib qho qhia kom peb yuav txawj ceev faj ntau tshaj ntxiv, kom peb txhob lo txhaum ntxiv lawm xwb.



    XYAUM HLOOV PEB LUB SIAB.



    avatar
    Bao X Mary
    Phooj Ywg
    Phooj Ywg

    Messages : 181
    Date d'inscription : 2011-07-09

    TSIS YOG MOV XWB THIAJ YAUV LOS YUG SIAV TAU TAB SIS YOG LUB CIM YUG NTSHIAB THIAB THIAJ LOS YUG SIAV TAU !

    Post  Bao X Mary on 1st December 2013, 1:52 pm

    [b]TSIS YOG MOV XWB THIAJ LOS YUG SIAV TAU ! TAB SIS YOG LUB CIM YUG NTSHIAB THIAB TSWV NTUJ TEJ LUS QHIAB THIAB THIAJ LOS YUG SIAV TAU !


    Tau ib ntus no kuv tsis tau mus teev Ntuj tau li peb lub chiv lawm vim ib lub yog kuv ua hauj lwm hos ob lub yog muaj hauj lwm tseeb ceeb lawm kuv thiaj tau ncua tsis tau mus teev Ntuj lawm. Dua li mas kuv yeej mus teev Ntuj tsis ncua yog tias hnub kuv ua hauj lwm lawm ces kuv mam tsis mus xwb. Txij thaum kuv tau ncua li peb luv chiv lawm tsis mus teev Ntuj mas kuv mloog kuv zoo li kuv txawv lawm. Zoo li kuv nyob deb Tswv Ntuj heev, kuv siab luv heev, thiab kuv zam txim tsis tau rau lwm tus li. Leej twg hais ib los mas kuv teb kiag, zoo li mob mob kuv heev, kuv rub tsis tau siab ntev kiag li. Kuv kuj xav txog yav dhau los ua lwm tus tau ua tsis zoo rau kuv mas kuv cia li npau taws rau tus ntawd, xav txog lwm tus qhov phem xwb. Cia li txhawj, cia li lam nyuaj siab, xav tej qhov tsis zoo li. Kuv ua zaub qab npaum li cas noj thiab noj kom tsau npaum li cas los zoo li kuv pheej tshuav ib yam. Tshuav ib yam uas tsis txaus, tsis zoo siab li, zoo li pheej tshaib plab, muab yam twg noj los tsis zoo siab.Zoo li kuv nyob tsaus ntuj nti.

    Hnub no yog thawj hnub ntawm lub caij tos Huab Tais lub 12/ 1 / 2013 kuv tsis ua hauj lwm, kuv thiaj npaj siab mus teev Ntuj ua lus Mekas nrog cov phooj ywj Mekas. Thaum sawv ntxov kuv npaj yuav mus teev Ntuj mas kuv mloog zoo li kuv lub siab dhia dhia nyob tsis taus. Kuv mus yuav txog lub tsev teev Ntuj mas kuv lub siab haj yam dhia heev dua. Thaum kuv mus txog kiag hauv lub tsev teev Ntuj, mas kuv mus txhos caug kiag lees kuv tej kev txhaum uas kuv tau ua thiab tau tshwm sim rau kuv thiab tau ncua tsis mus teev ntuj rau Tswv Ntuj hauv kuv nruab siab. Kuv hais ntsiag to rau Tswv Ntuj, thaum ntawd kuv hnov li kuv lub siab kaj zuj zus, ua rau kuv zoo siab heev li. Thaum kuv hnov zaj ntawv Moo Zoo tas thiab tus txiv plig los ntuas ntawv Ntshiab tas ua rau kuv rov pom kev lawm ntau tuaj, kuv siab kaj zuj zus. Kuv ho mus txais lub Cim Yug Ntshiab tas thiab ua rau kuv lub siab nyob tus lawm, ua rau kuv lub siab kaj tuag lawm.

    Yes Yus hais tias : “KUV YOG COV MOV MUAJ TXOJ SIA, TUS TUAJ CUAG KUV, NWS YUAV TSIS TSHAIB. TUS NTSEEG TXOG KUV, NWS YUAV TSIS NQHIS IB ZAUG LI.” ( ZAM, 6: 35 – 37 )

    “ TUS NOJ KUV LUB CEV THIAB HAUS KUV COV NTSHAV, NWS NYOB HAUV KUV, THIAB KUV NYOB HAUV NWS. TUS NOJ KUV LUB CEV, NWS KUJ YUAV MUAJ TXOJ SIA NYOB MUS LI, HNUB KAWG KUV YUAV TSA NWS SAWV ROV QAB LOS. ” ( ZAM, ZAJ 6 : 54 – 58 )

    “ Muaj lus sau cia tias: Neej tsis kawg muab mov los yus txoj sia xwb, neeg tseem muab txua lo lus tawm ntawm Tswv Ntuj lub ncauj los yug txoj sia thiab.” ( Lus Kas, 4: 4 )


    Muaj tseeb tiag, kuv ntseeg tias yog kuv tshaib txog lub Cim Yug Ntshiab thiab Tswv Ntuj tej lus qhia. Vim thaum kuv mus teev Ntuj tsis ncua li mas kuv rub taus lub siab ntev thiab muaj kev zam txim dua, kuv tsis ua xyem xyav, zoo li kuv lub siab nyob tus thiab nyob kaj lug.

    Muaj tseeb tiag, yog peb mus txais lub Cim Yug Ntshiab mas Huab Tais Yes Xus nyob hauv peb thiab peb nyob hauv nws, ib yam Leej Txiv nyob hauv Nws thiab Nws nyob hauv Leej Txiv. Vim Huab Tais Yes Xus yog txoj kev kaj, yog peb qhov pom kev, yog peb lub zog, yog qhov tseeb thiab txoj sia, yog peb tus Cawm Seej. Thaum peb txais nws los nyob hauv peb thiab peb mloog nws tej lus qhia los txhawb peb lub zog ces peb lub siab nyob kaj lug, rub tau siab ntev, tsis ua xyem xyav, tsis npau taws sai, zam txim tau rau lwm tus ntau dua. Peb nyob rau hauv qhov pom kev, vim Huab Tais Yes Yog qhov pom kev. Peb yuav tau nquag teev ntuj thiab mus txais lub Cim Yug Ntshiab mloog nws tej lus qhia tas mus li kom xwb peb nyob ruaj nreb hauv Tswv Ntuj peb thiaj nyob tiaj nyob tus.

    Kuv ntseeg tias lub Cim Yug Ntshiab yog cov mov yug peb tus ntsuj plig, vim peb lub cev twb yuav noj mov haus dej tas mus li peb thiaj nyob tau, mas peb tus ntsuj plig kuj yuav tau noj lub Cim Yug Ntshiab uas yog Yes Xus lub cev los txhawb peb tus ntsuj plig kom muaj zog. Yog thaum peb tus ntsuj plig tau noj tsau npo es nws xyiv fab ces peb lub cev kuj noj qab nyob zoo thiab xyiv fab tib yam thiab. Ceb peb yuav tau mus txais lub Cim Yug Ntshiab thiab mloog Tswv Ntuj tej lus qhia tas mus li tsis txhob ncua kom peb tus ntsuj plig tau nyob thaj yeeb tau noj tsau npo ces peb lub cev thiaj tsis ua xyem xyav thiaj nyob tus thiab nyob kaj.

    Txhua yam no kuv yog ua tim khawv los ntawm kuv tus kheej ua tau tshwm sim rau kuv thiab kuv txoj kev ntseeg.

    Thov kom Tswv Ntuj nrog nraim peb txhua tus kom peb sawv daws tau txais txoj kev thaj yeeb nyab xeeb thiaj txawj npaj peb lub siab tos peb tus Huab Tais Yes Xus yuav yug los nyob hauv peb nruab siab.










    Sponsored content

    Re: Bao X Mary lub tsev Txiaj ntsim

    Post  Sponsored content


      Current date/time is 26th March 2017, 5:49 pm