Home
Yog koj tso siab rau Yesxus lub siab ntshiab, nws yuav ua koj siab kaj lug 
Muaj ib hnub kuv muab tau ib cov saw Mab Liab rau nws tus muam ces nws tus muam muab ib txoj rau nws coj ces tus dab ntawd tsis kav los txav ti nws ib zaug li lawm. Nws hais rau kuv tias nws mus ua hauj lwm los nws tsis kam hle nws txoj sawv Mab Liab ntawd li, nws yeej coj da dej, coj txhua lub sij hawm li no. Muaj ib zaug kuv hais rau nws hais tias Tswv Ntuj twb cawm koj lawm es koj kuj txias siab los ntseeg Ntuj nrog peb mas lov? Tab sis nws teb kuv tias txoj saw Mab Liab twb cawm nws lawm ces cia ntu puav tso no. Tom qab no nws txoj sawv Mab Liab tu lawm ces nws tus muam mus yuav tau ib txoj tom taj laj los rau nws coj ces niag dab rov qab los, niag dab ntsia ntsia niag dab tsis ntshai, vim tias txoj sawv ntawd tsis tau Bleesing. Ces niag dab ntawd rov qab los tsim txom nws nxtiv.
Kuv hlub nws kawg, kuv hais nws ob peb zaug kom los nrog peb mus church ua neeg ntseeg nws thiaj yuav dim tab sis nws tsis tau txiav siab li. Muaj ib hnub lawv ua ib rooj neeb loj kawg rau nws, tag nrho cov tuaj koom yog cov coj qub kev cai xwb, tab sis kuv tus txiv wb ib tug txiv ntxawm yog neeg ntseeg Ntuj mus koom lawv thiab, ces ib chim nws los haiv rau wb tus txiv ntxawm ntawd hais tias, “ Txiv Ntxawm Neej Yis, ua cas kuv yuav txhov siab ua lua, tab sis thaum kuv pom koj tshwm plaws mas kuv ntsia koj tsis dhuav li, kuv ntsia koj mas cas kuv yuav kaj siab ua luaj kuv tsis paub hais li, kuv xav los hais qhia koj puas tab, tab sis neeg coob coob es kuv tsis zoo los.” Nws hais li ntawd rau wb tus txiv ntxawm.Qhov ntawd qhia tau hais tias nws pom ib tug neeg ntseeg tuaj ces zoo li nws twb pom Huab Tais Ntuj lawm. Nws tus plig txom nyem heev tab sis dab phem tsis pub nws los ntseeg Ntuj.
Txhua sij hawm kuv pom nws kuv xav kom nws los ntseeg Ntuj tab sis nws tsis tau txiav siab. Kuv ntseeg hais tias tsis ntev no Huab Tais Ntuj yuav coj nws los ntseeg, ces nws yuav dim ntawm dab phem txoj kev tsim txom.
TXOJ SAWV MAB LIAB MUAJ HWJ HUAM TAS NRHO YOG HAIS TIAS THAUM NWS BLEESING TAS LAWM, VIM HAIS TIAS HUAB TAIS NTUJ LUB HWM HUAM NYOB RAU NTAWD LAWM.
Peb txhua tus yog peb muaj txoj saw Mab Liab nrog nraim peb los ib tug Ntoo Cuam nrog nraim peb mas nws pab tau peb. Vim dab phem txav tsis tau ti peb.
Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.
Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.
