Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    Niam Mab Liab tshwm sim nyob Beauraing, Belgium teb 1932

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Niam Mab Liab tshwm sim nyob Beauraing, Belgium teb 1932

    Post  Maiv Tooj on 30th July 2011, 11:21 am



    Niam Mab Liab tshwm sim nyob Beauraing, Belgium teb  1932


    Thawj zaug uas Niam mab Liab tshwm sim deb tsawv rau 5 tug me nyuam pom: Andrée thiab Gilberte Degeimbre (15 thiab 9 xyoo), Fernande, Gilberte thiab Albert Voisin ( 15, 13 thiab 11 xyoos). Thaum Niam Mab Liab tshwm, nws nyob tij ywm ib pliag. Thaum cov me nyuam pom dheev, lawv txhos caug tas tus.

    Nkauj Tsim Txiaj Mab Liab tau tshwm sim tshaj 30 zaud rau tib qho chaw ntawd. Thawj zaug yog hnub Tim 19 lub 11 hlis 1932 thiab zaum kawg yog lub 1 hlis 1933. Thaum cov me nyuam nyuam qhuav pom, tsis muaj neeg kam ntseeg lawv. Cov Phauj uas saib cov me nyuam lub tsev Kawm Ntawv, tsis xav hnov lawv hais thiab txwv tsis pub lawv tham tej uas lawv pom ntawd. Tsis quav ntsej tias yog lawv xav tshaj lub moo dab tsi.

    Tshwm sim zaum 4, yog tshwm nyob ntawm cov Phauj lub tsev tshiab ib sab. Nkauj Ntshiab Mab Liab tshwm nyob saum ib tau nroj aubépines, Nws nthuav nws ob txhais tes tag ces nws rov ploj lawm. Tus Phauj Loj txwv cov me nyuam tsis pub tuaj kawm ntawv, kom lawv nyob tij ywm tom tsev. Cov me nyuam kuj mloog lus, tab sis hmo ntuj mas lawv quaj thiab lawv teev Ntuj tas hmo.

    Nyob Beauraing, Niam Mab Liab tshwm sim thaum yav hnub qaij yuav tsaus ntuj nkaus xwb. Li ntawd neeg thiaj tuaj teev Ntuj coob coob rau Beauraing thaum yuav txog lub caij tshwm. Thaum xub thawj, zoo li Nkauj Ntshiab Mab Liab tos rawv cov me nyuam, NWS tshwm thaum lawv pib teeb Saw Mab Liab. Thaum cov me nyuam pom Niam Mab Liab tshwm, lawv lub suab hloov, lub suab nrov dua thiab cia li hnov zoo li yog tib lub suab lawm xwb. Muaj neeg coob teev Ntuj ntsiag to nrog lawv. Cov Phauj yeej tawv qhawv tsis kam tshwm ntawm laj kab li.

    Hnub Tim 8 lub 12 hlis, pom neeg Daws Txhaum coob coob, muaj coob leej ntau tus hloov siab los ua neeg Ntseeg. Ntau leej neeg kuj tau txais lub Cim Yug. Thaum ua Mis xas tag, lawv sib yaum nruam paj nruam nruas tuaj mus rau ntawm tauv nroj Aubépine. Pom tej tsheb tuaj ntawm: Charleroi, Givet, Dinant, Namur, St Hubert, Bruxelles thiab Verviers tuaj. Muaj ntau lub tsheb nqaj hlaus tuaj txhab ntxiv.

    Thaum sij hawm 3 teev hnub qaij, neeg tuaj puv nkaus cov Phauj lub loog, puv nram tej kev loj tag nrho. Tub Ceev Xwm tuaj tsob hwb  lawv, cov neeg hu nkauj teev Ntuj tias: " Nthuav koj txhais tes los roos tag nrho lub teb chaws Belgium!" Lawv taws tswm ciab ncig xyuv Aubépines. Thaum 6 teev, cov me nyuam tuaj txog, hnov ib lub suab tias: "Nws nyob nov!" Ces cov me nyum txhos caug thiab pib teev Sawv Mab Liab. Lawv nug Nkauj Tsim Txiaj Mab Liab, tab sis NWS tsis teb dab tsi li, tsuas luag nyav xwb. Cov neeg kuj pib teev Sawv Mab Liab thiab. Tag nrho lub caij lawv teev Ntuj, Nkauj Ntshiab nyob rau cov me nyuam pom.

    Muaj 6 leej Kws Tshuaj tuaj ntsuam cov me nyuam thiab tuaj saib seb dab tsis tshwm sim. Muaj ib tug muab ib lub teeb xais los tsom cov me nyuam cov qhov muag, ib tug muab tej rab koob ntev ntev los hno cov me nyuam tob tob; muaj ib tug muab ib tug txheeb yaj hauv txhuam los hlawv ib tug me nyuam ntxhais txhais tes, tab sis tus me nyuam tsis hnov thiab yeej tsis kub nyhiab li. Cov Kws Tshuaj thiaj li txias tias cov me nyuam ntawd yeej feeb tsis meej lawm tiag.

    Lawv coj cov me nyuam mus thom, lawv yeej hais zoo tib yam nkaus, tsis txawv kiag li.

    Niam Mab Liab tau hais rau lawv tias: Nws yuav hloov cov neeg tsis ntseeg lub siab,
    NWS yuav ua koom coob leej tig los ua neeg Ntseeg. Ces muaj raws li nws tau hais.

    Lawv pom Nkauj Ntshiab mab Liab hnav ib daim tiab dawb ntsuab liaj ntev ntev.
    Pom nws lub plawv ntawm hauv siab ci lam lug li lub hnub, pom muaj ib lub plawv ci ci,
    daj cuag kub. Lawv thiaj tis npe tias "Nkauj Tsim Txiaj lub siab nyiaj siab kub."




    Thawj zaug uas Nkauj Ntshiab mab Liab tshwm yog nyob ntawm tus choj no.



    Ntawm tauv Aubépine.



    5 tug me nyuam teev Ntuj.





    Last edited by Maiv Tooj on 24th October 2016, 9:07 am; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Re: Niam Mab Liab tshwm sim nyob Beauraing, Belgium teb 1932

    Post  Maiv Tooj on 30th July 2011, 8:31 pm



    KUV YOG TUS NKAUJ NTSHIAB DAWB HUV

    Hnub Tim 23lub 12hlis, Nkauj tsim Txiaj Mab Liab tau thov kom lawv tsa ib lub tsev teev Ntuj rau cov neeg tau tuaj teev Ntuj. Hnub tim 29 lub 12hlis, Farnade hnob NWS hais tias:" Teev Ntuj tiag, txhob tu ncua!", hnub tim 2 lub 1hlis 1933, Leej Niam Ntshiab hais rau cov me nyuam tias:" Taig kis kuv yuav hais rau nej txhua nrog ib leeg zuj zus tej yam tshwj xeeb heev." Hnub Tim 3 lub 1hlis, yog hnub kawg uas lawv pom Nkauj Ntshiab Mab Liab thiab ntshe yog hnub uas NWS yuav hais qhov tseem ceeb tshaj rau lawv. Albert thiab Gilberrte tau hnov tej yam uas lawv tsis pub hais tawm li.

    Cov lus cog tseg nyob Beauraing:

    "KUV YUAV TSHOJ COV NEEG TXHAUM LOS NTSEEG THIAB UA NEEG ZOO"

    Cas yuav zoo ua luaj li! Yog ib los lus nplij NKauj Tsim Txiaj Mab Liab lub siab HLUB neeg, thiab txhawj xeeb txog cov uas lawv Thov Ntuj rau lawv cov txheeb ze kom tig rov los HWM NTUJ, kom lawv NTSHAW txoj kev koom siab nyob hauv Tswv Ntuj TXOJ KEV HLUB. Kom paub txog Tswv Ntuj lub Hwj Huam LOj tas nrho, Nkauj Ntshiab Mab Liab hais li nov rau Andrée:

    "KUV YOG TUS POJ HUAB TAIS NYOB SAUM NTUJ thiab YOG TSWV NTUJ NIAM; rau siab TEEV NTUJ MOG."

    Fernant, tsis hnov dab tsi li ces nws rau siab ntso teev Ntuj ntxiv, Nkauj Ntshiab mam hais rau nws tias: "Koj puas nyiam kuv tus Tub? Koj puas nyiam kuv?...Ces muab koj txi rau kuv!"

    Tag sawv daws hnov nws hais tias:"Sib ntsib nyob saum Tswv Ntuj!" Txhua zaud, tom qab hnub tim 29 lub 12 hlis los mus, cov me nyuam pom "ib lub plawv muaj ib cov sab hnub ncig". Yog li ntawd lawv thiaj hu ua "Mab Liab, Leej Niam siab nyiaj siab kub".





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Re: Niam Mab Liab tshwm sim nyob Beauraing, Belgium teb 1932

    Post  Maiv Tooj on 11th November 2013, 6:25 am

    Elle voit la Vierge et témoigne ! (Apparitions mariales de Beauraing - Gilberte Degeimbre)

    Tus me nyuam ntxhais uas yau tshaj cov uas pom Niam Mab Liab tshwm sim, yog tus uas tseem muaj sia nyob, tham txog thaum lawv pom niam Mab Liab zoo li cas. Nws tham mas zoo kawg nkaus, Niam Mab Liab zoo nkauj heev, zoo tshaj qhov yuav hais tau. Niam Mab Liab kom sawv daws rau siab teev Ntuj, nco ntsoov teev Ntuj txhua hnub. Cov neeg teev Saw Mab Liab, Nws yuav cawm lawv, yuav tiv thaiv lawv teeb meem, Nws yuav pab cov neeg tsis muaj kev ntseeg los ua cov neeg coj txoj kev ntseeg zoo.





    Sponsored content

    Re: Niam Mab Liab tshwm sim nyob Beauraing, Belgium teb 1932

    Post  Sponsored content


      Current date/time is 23rd October 2017, 8:39 pm