Tsis muaj neeg paub tau Tswv Ntuj

**Maiv Tooj** 26th July 2011, 6:48 am

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°1

Tsis muaj neeg paub tau Tswv Ntuj

Post Maiv Tooj 26th July 2011, 6:48 am

Dieu est mystère par KTOTV

Tswv Ntuj lub hwj huam loj tas nrho, tsis muaj leej twg yuav piv tau, yuav paub txog. Nws ntse tshaj neeg, nws hais rau Yaj Saub His Xais tias: "Kuv lub tswv yim tsis yog nej lub tswv yim, kuv txoj kev tsis yog nej txoj kev. Lub ntuj haj yam siab daim av mas kuv txoj kev yuav siab tshaj nej txoj tib yam li kuv lub tswv yim yuav haj yam siab tshaj nej lub." Txawm li ntawd los tsis yog hais tias yuav tsis muaj txoj hauv kev paub Tswv Ntuj. Qhov tseeb, yog peb leej neeg tsis muaj peev xwm yuav paub tau Tswv Ntuj tag xwb. Los lus "paj lug, zais ntshis" tshwm thawj zaug hauv Yaj Saub Das Nias phau ntawv thaum nws hais rau tus Vaj ntxwv Kos Nos Xoj hais tias: Yuav tsis muaj ib tug Vaj nruab ntug twg los pe hawm nws tus ua vaj ntxwv, nyob saum Ntuj muaj ib tug Huab Tais Tswv Ntuj. NWS xav qhia kom neeg paub txog nws txoj kev txawj ntse, thiab kev ntshiab huv. Nyob hauv Ntawv Moos Zoo, Yes Xus tau piav ntau zaus txog Tswv Ntuj lub ntsej muag, thiab Tswv Ntuj lub Ceeb Tsheej muaj tseeb tiag. Nws ua paj lug hais rau tsoom neeg. NWS piv rau tsoom neeg tias: "Tswv Ntuj lub ceeb tsheej zoo li lub noob faj khaum uas ib tug tub teb tseb nrog cov noob qoob rau hauv nws daim teb; yog lub noob uas me tshaj cov, tab sis thaum tuaj, nws loj hlob tau loj tshaj cov, nws cia li loj ua ib tsob ntoo loj loj, ua rau tej nas noog los ua ze rau nws tej ceg. Thaum nws hais tag mas nws nyiam hais ntxiv tias: "Leej twg muaj pob ntseg hnov, ces mloog."
Li nov, pom tias yog Yes Xus xav hais rau peb tias yog yuav xav paub Tswv Ntuj lub hwj huam, tsis yog yuav tsum ntse ntse tshaj ais thiaj paub. Yog ib lub txiaj ntsim uas Tswv Ntuj muab rau cov ua neeg me. Ib yam li thaum txais cov Cim, yog ua kom peb paub txog Tswv Ntuj lub hwj huam, thiab Leej Tswv Yim Ntshiab pab coj peb mus kom ze Tswv Ntuj ntxiv. Yog muaj kev ntseeg kev sib tso siab, uas Tswv Ntuj yuav tuaj tij ywm rau hauv peb lub siab. Peb yuav muaj kev nyab xeeb nyob hauv Tswv Ntuj txoj kev zoo ntws lug tsis qeg tsis tag mus li.