Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 30th May 2011, 7:03 am



    Cov Hluas Sau siab Fab Kis teb : 13 – 14 – 15 Août 2011





    Camping Municipal de NASBINALS ( en Aubrac, Département 48 )
    Situé à 700 mètres du village
    Tarif : 5 Euros par personne et par jour ( à la charge des participants )
    Inscription impérative par téléphone ou par email auprès de l’Aumônerie Hmong

    ( Tél : 01.43.76.56.80 / 06.58.01.31.82 - Email : hmong.france@gmail.com )
    Hu Xov tooj ua ntej:Tim 30 lub 6 hli 2011


    Hmoob Kav Tos Liv Fab Kis Teb – Aumônerie Catholique des Hmong de France
    25, rue du Commandant Jean Duhail – 94120 Fontenay sous Bois
    www.aumoneriehmong.fr


    Last edited by Maiv Tooj on 16th August 2012, 9:32 pm; edited 2 times in total




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Paj Lug on 30th May 2011, 7:23 am

    Maiv Tooj, koj puas coj koj tus me ntxhais Mim mus koom lawd ? ntawm kuv ces xyoo no kuv muaj vacation rau lub xya hli lawm ces ntshe kuv mus tsis tau li os, khuv xim kawg, yog kuv lam vacation rau lub 8 hli mas kuv xav coj ob peb tug hluas mus koom thiab. Tiam sis kuv mus tsis tau lamw ces cia rau txhua tus ho npaj siab mus koom yog nej muaj caij rau lub sij hamw ntawd mog. Thov Huab Tais Yesxus pov hwm txhua tus tub ntxhais hluas mus sau siab teev ntuj raws tej laus qub hneev.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Saint Jacques de Compostelle, LEEJ NTSHIAB YAS KOS TUS HLOB

    Post  Maiv Tooj on 13th July 2011, 9:48 am



    Saint Jacques de Compostelle, LEEJ NTSHIAB YAS KOS TUS HLOB
    (Yes Xus tus Thwj Tim thaj tsam xyoo 44)


    LEEJ NTSHIAB YAS KOS TUS HLOB, yog Xes Npes Des thiab Xas Laus Mes tus tub, yog Thwj Tim Zam uas sau Phau Ntawv Moo Zoo tus tij laug. Lawv siav npe hu ua Tus Hlob, tab sis thaum lawv ua Thwj Tim , lawv tseem sia nws npe ntxiv tias “Tus Yau” kom txhob yuam kev. Leej Ntshiab Yas Kos Tus Yau tau ua Tswv Qhia nyob lub nroog Yes Lus Xas Les.
    Nws yog neeg Nkas Lis Lais, nws yug los pom ntiaj teb xyoo -12 Ua ntej Yes Xus Pleev yug los. Nws xyaum ua kws cuab ntses li nws txiv thiab nws tus kwv Zam. Muaj ib hnub lawv tab tom ntxuav lawv lub vas ntses hauv ib lub nkoj ntawm ntug pas dej Zes Nes Xas Lev , Yes Xus hu ob nkawd ob kwv tij, nkawd cia li tso nkawd lub nkoj thiab nkawd txiv tseg mus raws Yes Xus, mus ua Thwj Tim.
    Qhov uas Yes Xus xaiv nkawd ob kwv tij ntshe yog qhov uas Nws xav muab nkawd thiab Pob Zeb lawv ua tim khawv pom NWS LUB HWJ CHIM :
    Yes Xus lub hwj chim tawm los.
    17 : 1 - 8.
    1 Tau rau hnub tom qab, Yes Xus coj
    Pob Zeb, Yas Kos thiab nws tus kwv Zam
    mus rau ib qho, ces lawv nce mus saum ib
    lub roob siab. 2 Yes Xus ib ce hloov tas
    nyob ntawm lawv xub ntiag : nws lub
    ntsej muag ci ntsa iab zoo li lub hnub, nws
    cov ris tsho ci dawb paug li qhov pom
    kev. 3 Ces Mais Xes thiab Es Lias
    nkawd tawm los rau lawv pom. Nkawd nrog Yes Xus tham.
    4 Pob Zeb hais rau Yes Xus tias : "Huab
    Tais, peb nyob ntawm no mas zoo tas
    nrho. Yog koj kheev no, kuv yuav ua peb
    lub tsev tsam phooj, ib lub rau koj, ib lub
    rau Mais Xes, ib lub rau Es Lias."
    5 Pob Zeb tseem tab tom hais li ntawd,
    ces muaj ib tw huab ci dawb paug los
    ntxoov npog nkaus lawv, ces ib lub suab
    hais hauv twv huab tuaj tias :
    "Tus no, yog kuv leej tub uas kuv nyiam,
    nws yog kuv qhov chaw zoo siab, nej mloog nws mog !"
    6 Cov thwj tim hnov lub suab ntawd,
    lawv khoov ntsej muag ti av, lawv ntshai
    kawg. 7 Tab sis Yes Xus txav los plhws
    lawv, thiab nws hais rau lawv tias : "Nej sawv, nej txhob ntshai."
    8 Ces lawv tsa muag ntsia, tsis pom leej
    twg li, kawg tshuav Yes Xus tib leeg xwb.

    Thiab tom qab no uas NWS thov Ntuj hauv lub Vaj Txiv Ntoo Roj, hmo uas Nws yuav raug ntes, ua rau cov Thwj Tim khuv leej nws heev, lawv hwm nws.
    Thaum Yes Xus tuag tas, cov Thwj Tim sib faib kev mus tshaj Ntuj Lus ; Thwj Tim Yas Kos Tus Hlob tuaj mus rau Span teb chaws uas yog Tswv Ntuj xa nws tuaj mus tshaj Ntuj Lus. Nws tau mus txhua txhia qhov, muab nws lub hws tseb thoob plaws lub teb chaws; tab sis nws tsuas tau 9 tug thwj tim xwb. Xyov puas yog li tej laus niaj txi piv txoj lug tias : « Sib zog ces yuav tau noj » lawm lauj ? Ntshe Tswv Ntuj pom zoo li ntawd, Thwj Tim Yas Kos ua tus tseb noob, lwm tus mam yog tus los sau qoob.
    Thaum ntawd Yas Kos tsuas tshuav qhov uas Nkauj Tsim Txiaj Mab Liab nplig nws ( thaum ntawd Niam Mab Liab tseem muaj sia nyob), kom nws ua ib lub Tsev teev Ntuj sam hwm rau Niam Mab Liab, lub tsev teev Ntuj ntawd yuav roos lub teb chaws Span. Niam Mab Liab yeej tau hais ntau zaud rau cov neeg Spanish tias yog NWS tsom kwm lawv lub teb chaws thiaj tsis poob rau kev puas tsuaj.
    Leej Ntshiab Yas Kos rov mus rau Yes Lus Xas Les, nws tshaj Leej Plees txoj kev ntseeg, nws tau txiav dab rau coob leej. Txawm muaj ob tug uas los ua Ntuj Kev Cai tshiab, yog cov neeg txawj yees siv tso dab, los hiam Leej Ntshiab Yas Kos. Muaj ib hnub nws tab tom Tshaj Ntuj Lus, muaj neeg twb xub npaj yuav hiam nws, thiaj kom nws mus rau Vaj Hos Los (tus ua txiav txim tuav rau Yes Xus) hais tias Yas Kos dag ntxias haiv neeg , kom muab nws tua. Vaj Hes Los uas tsis txawj xav li, tsuas ua kom luag zoo siab xwb ces tsum, thiaj kom lawv muab Thwj Tim Yas Kos txiav taub hau.
    Tus tuag ua Tim Khawv tawm rau lub teb chaws Span uas nws tau tuaj tshaj Ntuj Lus ces nws cov Thwj Tim thiaj li coj nws lub cev tuaj zais rau lub teb chaw Span. Ntshe Leej Ntshiab Yas Kos yog thawj tug neeg hauv ntiaj teb no uas tau taug txoj kev Teev Ntuj mus rau Saint Jacques de Compostelles. Leej Ntshiab Yas Kos ib txwm pab cov neeg Span yeej rog nrog cov Sarrains.
    Txij puag thaum xyoo 800 tom qab Yes Xus los ces tag nrho cov teb chaws Yus Lauv puav leej taug kev ko taw tuaj mus teev Ntuj rau Saint-Jacques-de-Compostelle. Cov neeg teev Ntuj, lawv yuav tsum hla ko taw Fab Kis teb, hla Span teb mus rau sab nrim teb Xib Fab. Tsis xam sab pem Fab Kis teb no, suav txij Fab Kis Qab teb Ciam mus, yog 800km, yuav tsum mus ib hlis mas thiaj li mus txog rau Saint Jacques de Copostelle. Lawv cov laus hais tias, yog leej twg taug Leej Ntshiab Yas Kos txoj qub lw mus txog Saint-Jacques-de-Compostelle ces nws cov txhaum yuav ntxuav tag nrho.
    Keeb kwm Saint-Jacques-de-Compostelle.
    Xyoo 800 tom qab Yes Xus, tus Txiv Twj Cuab Pelayo ( Pelagius) npau suav pom ib lub hnub qub qhia nws, coj nws mus rau ntawm Leej Ntshiab Yas Kos lub ntxa, lawv thiaj mus khawb tau Leej Ntshiab Yas Kos lub ntxa uas yog txhais ntim mo (Faïence). Txij thaum xyoo 800 tawm los ces lub Koom Txoos Kev Ntseeg thiaj li tau Huab Tais Yes Xus ib tug Thwj Tim lub cev tiag tiag los. Thaum lawv nrhiav tau Leej Ntshiab Yas Kos lub htxa ces lawv ua ib lub tsev teev Ntuj me rau ntawm chaw, txog rau xyoo 1075 lawv thiaj li tsa lub tuam tsev teev Ntuj uas nyob txog niaj hnub no rau. Lawv txhim txog xyoo 1128 mam li ua tiav. Thiab ua ib qho chaw uas muaj neeg tuaj mus teev Ntuj coob.

    Koom Txoos Catholic 3 qho chaw ua tseem ceeb tshaj plawd hauv ntiaj teb no, ces yog :
    Yes Lus Xas Les,
    Vas Tis Kas thiab
    Saint Jacques de Compostelle, nyob Span teb.




    Thaum TP.Cwj Vuam Chiv yuav txais lus Cim Tiag Tes, nws kuj tau taug txoj kev teev Ntuj no tau ob lub hlis nkaus, nws thiaj li mus txog…Zoo li nws tau mus 2000 km tsis sub. Nws ntuag 2 nkawm khau tshiab tshiab tev ntawv kiag…







    Txoj qub kev txheej tshoj thaum ub...



    Mus mus kev qawj txij taub hau lawm tiag lauj....!


    Leej Ntshiab Yas Kos lub hleb.




    Last edited by Maiv Tooj on 14th July 2011, 10:51 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 13th July 2011, 10:56 am



    TXOJ KEV MUS RAU SAINT JACQUES DE COMPOSTELLE











    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 13th July 2011, 11:12 am



    Tus yuav caij nees, caij luav, caij luj, caij tsheb nyuj tsheb nees, mus ko taw...zaj twg los kuj muaj, nyob ntawm siab nyiam.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 13th July 2011, 8:55 pm



    XUB KEV MUS RAU SAINT JACQUES DE COMPOSTELLE.




    KEV MUS SAB EUROPE MUS HLA FAB KIS TEB,
    muaj 4 txoj xub ke uas hla cov chaw tseem ceeb ntawm Kev Ntseeg Catholic:
    Paris, muaj Huab Tais Yes Xus lub Mom Yeej pos.
    Vézelay, muaj Mab Liab Mas Das Las lub plawv.
    Le Puy en Velay, Ntuj Kev Cai tuaj txog rau Puy en Valay Tiam II, Niam Mab Liab tshwm sim rau neeg pom xyeem thaum Tiam V; yog qhov chaw uas Nkauj Ntshiab mab Liab xub tshwm rau neeg pom xyeem thiab muaj hwj huam kho mob zoo. Koom Txoos Rooj Ncauj Lus nyob Ephèse (470)tau tshaj tias: "Niam Mab Liab yog Tswv Ntuj Niam". Lawv tau tsa thawj lub Tsev teev Ntuj sam hwm Niam Mab Liab xyoo 630, nyob saum lub roob Anis.
    Arles, Paub tsis zoo, tab sis lawv xav tias yog qhov chaw uas thaum cov Thwj Tim sib faib kev mus Tshaj Ntuj Lus, yog tus Thwj Tim uas hloov Yus Das (tus tom Yes Xus), lub npe hu ua Matthias no tuaj mus tshaj Ntuj Lus rau Arles, thaj tsam xyoo 46 tom qab Yes Xus.



    Ntawm Fab Kis teb mus, lawv kuj pib ntawm 4 qhov chaw nov mus thiab. Lawv yeej taug 4 txoj kev loj, uas thaum ub cov tub luam thauj nyuj thauj nees taug tuaj mus ua luam.

    UA CAS THIAJ HU UA PIAG DEG SAINT JACQUES?


    Twb yog thaum ub cov neeg taug kev deb tuaj rau Saint Jacques, lawv tuaj tsheej qa hli ces hauv caug ris ntuag, lav muab daim piag deg los tho ob lub qhov ntxiv lub hauv caug ris. Tab sis tawv heev ces kuam kuam hauv caug. Tom qab no lawv thiaj li muab tawv los ntxiv ris ntuag...Ces yog nej mus taug txog kev Saint Jacques de Compostelle mas nej yuav pom lawv ua ntau qhov chaw txog cov piag deg Saint Jacques.










    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 25th July 2011, 10:15 am


    Hmoob faab kis - Taug txuj kev Saint-Jacques-de-Compostelle





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 19th August 2011, 6:38 am



    Caij ntuj Kub 2011,
    Tsev Hauv Paus Hmoob ntseeg Fab Kis teb mus Sau Siab 3 hnub
    Rau Txoj kev Saint Jacques de Compostelle.


    TP.Cwj Vuam Chiv, nrog rau Yaj Xaiv Tsom, Tuam Tswj Tsev Hauv Paus Hmoob Catholique Fab Kis teb tau nrog tsoom ntseeg mus tiv tshav Taug kev Sau Siab 3 hnub rau AUMONT-AUBRAC nyob NASBINALS, Fab Kis teb. Tag nrog txoj kev lawv taug yog 26,5 km. Lawv taug txoj kev teev Ntuj mus Saint Jacques de Compostelle uas tej laus twb tau taug txheej dhau txheej tis dhau tis tau tshaj 1000 xyoo los lawm.

    Lawv mus tag nrho:77 leej

    -cov niam txiv yog 27 leej
    -31 leej hluas
    -19 tus me nyuam yau tshaj 12 xyoos, ib tug mos ab muaj 4 hlis.

    Qhov nov yog thawj kauj ruam hauv Peb Haiv Hmoob xyaum nrog luag nkag mus rau hauv txoj kev ntseeg lub ntsiab. Luag pej kum neeg twb muaj los mus tau ntau txhiab xyoo, tab sis ntawm peb Hmoob tseem yog ib qho tshiab tshiab uas peb tsis tau swm thiab xis pes tsawg. Tab sis hnub no Peb Hmoob twb pib saj txoj kev ntseeg mus deb zuj zus, mus ti zuj zus lub plawv, lub ntsiab ntawm txoj kev ntseeg Tswv Ntuj. Vam tias Leej Tswv Yim Ntshiab yuav tuaj kaj Peb Hmoob lub siab kom muaj tej kev sib yaum tawm rooj nov ntau zuj zus mus thiab nyob rau txhua pawg ntseeg.
    Kev mus Sau Siab, uas muab ib lub caij los xav txog tus kheej, los xav txog Tswv Ntuj, los nrog Tswv Ntuj tham mas yog ib qho zoo heev rau tus kheej thiab ib ncig ntawm yus. Tswv Ntuj tham yus tsis hnov, tab sis yog yus muab lub caij mloog zoo zoo thiab nug Tswv Ntuj tiag mas Tswv Ntuj yuav nyob hauv yus. Kuv hais nyob hauv yus, vim yus yuav nrhiav tau txoj kev kaj siab rau yus tus kheej, yus yuav pom luag tej kev cob chim thiab cov nyom tsis yog ib txoj kev nyhav siab. Thaum yus tsis muaj kev nyhav siab ces yus yuav pom txoj kev HLUB nyob ncig yus, muaj txoj kev HLUB nrog yus ces yog yus ntsib Tswv Ntuj lawm. Thaum ntawm lub ntiaj teb yuav zoo nkauj heev, tej neeg txhua leej yuav ntxim nyiam thiab muaj nqes.


    Xav saib loj nias daim duab



    Pèlerinage Jeunes Hmong 2011










    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Npuagtub on 19th August 2011, 8:00 am

    Mt,

    Ua tsaug koj tso Hmoobb fakis lub rooj sau siab rau peb pom os nawv, zoo kawg kiag li os nawv. Yog tias peb muaj zoo thawj coj ces peb yeej ua tau ib npoj, yog tias peb muaj zoo thawj kav ces peb yeej ua tau ib pab.

    Zoo siab nej sawv daws muaj txoj kev ntseeg zoo heev , ib yuav ua ib tug qauv zoo rau peb hmoob thoob ntiaj teb kawm os nawv.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 10th April 2012, 10:32 am





    Tsev Hmoob Catholique Fab kis teb teem caij

    mus TAUG HAUV PAUS XA LUS YAS KOS txog qub lw 2012.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 23rd July 2012, 3:59 am



    XYAUM TAUG KEV NPAJ SIAB YUAV MUS SAU SIAB 11-15/08/2012.


    Nyob zoo txog tsoom ntseeg, uas npaj siab yuav mus Sau Siab taug Leej Ntshiab Yas Kos txoj Kev,

    Mus ob hnub ke, yam li tsis ntau pes tsawg, tab sis peb tseg tau ntev xyoo tsis tau mus kev ntau, peb ho tuaj nyob rau lub teb chaws uas tsis tau siv zog ntau, txawm ua hauj lwm los nyob hauv tsev thiab ua hauj lwm sib ntau xwb. Li ntawd ua ntej yuav mus taug kev, peb yuav tau rov xyaum mus kev kom ntev thiab xyaum mus ntau hnub kom swm ua ntej yuav mus taug kev tsheej hnub tiag. Kuv pib mus taug kev ob zaug, ib zaug ntev tshaj 3 teev mas kuj sab kawg nkaus thiab. Vim yus lub hnub nyug kuj tsis yog 20 xyoo li thaum ub lawm, tsis tag li ntawd yus kuj tsis swm mus kev ntev lawm thiab mas tsis yooj yim. Yog yus noj qab nyob zoo mas tsis nyuaj pes tsawg, yog yus yog neeg muag luav, muaj mob thiab qaug zog mas yuav tau npaj siab ntau me ntsis.

    Thawj zaug kuv mus hauv ib cov hav teb, yog cov teb uas lawv cog los kawm xwb, muaj txhua yam qoob loo, paj tib si nrog hav zoov, tab sis kuv qheb tsis tau kuv cov duab hauv xov tooj los tso ces kuv tso cov nag hmo peb mus taug ntug dej xwb. Lwm zaud mus lwm qhov mam nqa koob thaij thiaj yooj yim.

    1

    Cov tuaj lawv qab nqa dej qab zib tuaj pub peb haus laj siab.

    2

    Sib teem rau kev tshuam, zaum pem nov tos cov lawv qab...

    3

    Tuaj sib ntsib zoo siab heev...

    4

    5

    6

    7

    8

    9

    Lawv ua tej lub tsev so rau hauv plawv zoov.

    10

    11

    12

    13

    14

    15

    16

    17

    Ncav de txiv taug kev, nyob hauv hav zoov, muaj ntau yam txiv rau yus noj taug kev.

    18

    19

    Kab tais cav.

    20

    Taug kev tag yuav rov los tsev, tus muaj peev xwm tseem yuav caij tsheb kauj vab los.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 23rd July 2012, 10:10 am



    Taug kev hnub 18/07/2012, ua ntej yuav mus taug Leej Ntshiab Yas Kos txoj Kev.

    Hnub no kuv mus taug 3teev kev, ib leeg xwb ces mus hauv teb xwb tsis tau luag nkag mus hauv hav zoov, mus txog ntawm ntug hav zoov ces rov qab los tsev lawm. Lwm zaus yog muaj neeg coob no mam ho rov mus hauv hav zoov. Thaj hav zoov yog ib lub qub yeej riam phom thaum ub, muaj khawb kwj ncig thiab hav zoov loj, ntxoov ntxoo zoo nkauj heev.

    Nov yog ib thaj teb lawv ua los tshawb fawb xwb ces thiaj cog ib yam me ntsi.






















    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Paj Lug on 23rd July 2012, 11:08 pm

    WOW......MaivTooj, nej txawm siv sib yaum mus xyaum taug kev ua ntej lawm ntag! wowow......cas yuav muaj chaw zoo taug ua si kawg li, ua li es Maiv Xis puas mus Pélerinage thiab nab? tshuav tsis ntev lawm xwb peb sawv daws yuav tau mus taug kev thov ntuj tiag li lauj cheers

    Koj ib leeg xwb los koj kuj muaj siab mus xyaum taug kev kawg li thiab yuad, lub lis piam no kuv so ib lis piam xwb Lundi twb yuav rov mus ua hauj lwm kom txog thaum peb sawv kev mus Sau Siab taug kev ces tsis khoom mus xyaum taug kev ua ntej. Koj cov duab kho siab kawg li.




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 16th August 2012, 9:51 pm


    TSEV HMOOB NTSEEG FAB KIS TEB TAUG L.NTSH YAS KOS TXOJ QUB LW 11-15/08/2012.








    Raws txoj kev mus rau St.Jacques de Compostelle, muaj cov cim piag deg raws txoj kev, cov neeg uas taug kuj dai ib daim piag deg rau ntawm nws lub nra. Yog txhais tias yuav mus kom txog ntua ntug dej ntuj, kom nqa tau ib daim piag deg los. Keeb kwm thaum ub, yog cov neeg raug txim, yam li cov neeg raug txim coob, nkuaj tsis txaus ntim, ces lawv kom ib cov neeg xaiv seb yuav nyob tsev loj faj los yuav xum taug Yas Kos txoj kev kom mus txog ntua ntug dej ntuj nqa tau ib daim piag deg rov los ces muab lub txim tuag tshem. Tab sis lawv yeej paub tias mus ces yuav tsis muaj hmoov rov los txog, vim deb thiab nyuaj heev. Li ntawd cov uas mus txog ntua tom ntug dej ntuj thiab li muab lawv cev khaub ncaws hle hlawv pov tseg thiab hnav cev tshiab rov los kom ua neeg tshiab. Lub cim yog ua li ntawd rau cov neeg raug txim thaum ub, tab sis tom qab no sawv daws kuj pom tias peb sawv daws puav leej yog neeg muaj txim, ces tus neeg raug txim saum yaj los taug txoj kev kom kev cai lij choj zam txim rau, tus ho tsis muaj txim ntawm txoj cai lij choj los kuj xav kom them txim ntiaj teb no ua ntej yuav mus poob rau lub teb chaws them txim nruab yeeb. Raws li keeb kwm, yog leej twg taug Leej Ntshiab Yas Kos txoj kev, yuav daws nws kev them txim nruab yeeb ces thiaj li cia li txia ua ib txoj kev taug rau txhua yam txim txhaum, kev txhawb siab kom txawj hloov ua neeg tshiab, txawj zam, txawj rub lub siab mus rau qhov zoo. Yus taug txoj kev no mas yus ntsib puas tsav puas yam neeg, ua kom yus txawj xav txhij coj txhua, ua kom yus ntsia lub ntiaj teb txawv qhov yus tus kheej niaj hnub siv.


    KEEB KWM YAS KOS TXOJ KEV:

    LEEJ NTSHIAB YAS KOS YOG LEEJ TWG?

    Leej Ntshiab Yas Kos yog ib tug ntawm Yes Xus 12 tug thwj tim, yog Yawg Xes Npes Des thiab pog Xas Laus Mes tus tub thiab yog Hauv Paus Xa Lus Zam tij laug. Lawv ib txwm hu nws ua "Yas Kos hlob". Tshua ib tug Hauv Paus Xav Lus hu ua Yas Kos thiab tab sis yog As Fes tus tub lawv hu ua "Yas Kos Me". Thaum HT. Yes Xus tuag tas, nws tau tuaj tshaj Ntuj lus rau Spain teb tab sis nws coj tsis tau cov neeg los ua Ntuj Kev Cai, ces nws thiaj rov qab mus teb chaws Pas Les Xaws Tis, mus txog tid ces lawv tab tom hiam cov ntseeg, lawv thiaj muab nws txia caj dab thaj tsam xyoo 41-44 ntawd.


    LUB NROOG SAINT JACQUES DE COPOSTELLE TSHWM SIM LOS LI CAS?


    Thaum Yas Kos raug lawv tua tag, nws cov thwj tim muab nws lub cev tso rau ib lub nkoj, ces lawv thauj los mus txog rau ntug Dej Ntuj sab tom Galice, nyob Pardon. Lawv muab nws faus rau hauv ib lub "compostum (lus Las Tees)=toj ntxas thiaj cia li txia ua Compostelle. Nws nyob tsis muaj neeg nco thiab paub txog ntua Tiam Cuaj txhais tias txog ntua rau hnub tim 25/07/813, uas yog ib lub hnub qub los qhia qhov chaw faus Leej Ntshiab Yas Kos rau ib tug Txiv Twj Cuab lub npe hu ua Pelayo, txij ntawd los thiaj li hu ua campus stellae los yog "lub vaj hnub qub". Thiaj li siab npe hu ua "Compostelle". Haiv neeg Asturies tus Vaj Ntxwv, Alphonse II le Chaste thiaj li tsa ib lub Tuam Tsev teev Ntuj rau ntawm Leej Ntshiab Yas Kos lub ntxa ib sab. Yog li no thiaj li tshwm sim muaj Saint Jacques de Compostelle.

    Kuv twb tham pem hauv paus me ntsis lawm thiab, yog tshuav qhov twg tssi meej no ho rov mus nyeem pem hauv paus.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 17th August 2012, 2:35 am


    TAUG LEEJ NTSHIAB YAS KOS TXOJ KEV 2012.



    Daim phiaj qhia cov kev yuav taug.



    Xyoo 2012 no, Tsev Hmoob Ntseeg Fab Kis teb tau sib yaum mus taug Leej Ntshiab Yas Kos txoj kev. Yog xyoo 3 lawm uas peb mus taug. Thawm xyoo muaj 40 leej mus, tsaib no muaj 70 leej, xyoo no (2012) no peb muaj 120 leej mus. Kuj muaj cov uas tseem coj qub Kev Cai nrog peb mus thiab, kuj yog ib qho zoo kawg uas sawv daws koom taug ib txoj kev, txawm txoj kev ntseeg sib txawv los yog taug txoj kev kho siab kho ntsws, txoj kev nyiam kev hlub. Tus hnub nyug me tshaj uas mus taus kub yog 4 xyoo, tseem muaj ib tug yog 16 hli xwb, tab sis tus nov mas yog cov laus ev nws xwb. Kuj muaj ib tug poj niam cev tsis tab seeb mus thiab, vij los yog nws muaj siab kawg nkaus. Dua li, kuj muaj me nyuam yaus thiab cov hluas coob kawg nkaus. Tus laus tshaj nws muaj 77 xyoo. Tag nrho cov laus hluas, puav leej qab siab lus taug kev, tus mus taus kuj mus ua ntej mam mus nyob tom chaw teem tos cov ua qab. Cov mus tsis taus kuj majk mam lawv qab, mus dhau ob peb ncua kev ces ho nce tsheb mus kom txog chaw, cov uas tau zog ces nyias mus nyias txog ntawm qhov chaw teem.

    Hnub Ib yog hnub sawv daws tuaj, cov thajw coj xws li Yaj Xaiv Tsom, TP.Cwj Vuam Chiv thiab ob peb tug, lawv tuaj nyob ib hnub ua ntej peb.
    Thaum sawv daws tuaj txog, nyias mus rub nyias tsev ntaub so. Rub tsev ntau tag, ua hmo noj, noj hmo tag sawv daws mus sau tuav xam txog hnub yuav taug kev, qhia txoj kev thiab txheej txheem txhua yam. Vim coob leej ces yuav tau sib tuav xam ua ntej.

    Thaum sawv ntxov, sawv los noj tshais tag, ua ntej yuav sawv kev, sawv daws tau mus ntswj tes taw, ib ce kom muag thiaj tsis sab. Xyom tes taw tag, TP.Cwj Vuam Chiv kuj coj peb teev Ntuj ua ntej yuav sawv kev.
    Thawj thawj hnub, peb sawv daws puav leej ua ke savw kev ntawm chaw mus. Thaum mus mas sawv daws mus ua ke, tab sis ib ntsis ces cov nrawm mus zuj zus ua ntej lawm, cov qeeb maj mam lawv qab. Rov mus taug tej kev nyuj, kev nees li lub neej dhau los mas kho siab zim xwb. Thaum pib nce toj xwb ces ib cov twb poob qab zuj zus, ib cov kuj rau siab ntso mus deb zuj zus, nce nto ib plag toj xwb ces ob tug niam txiv uas tus niam cev tsis tab seeb thiab muaj tus me nyuam tub 4 xyoo rov qab lawm; vim thawj hnub ntawd txoj kev com kawb com kum heev.

    Peb nce nto roo, xyuam yaj heev, peb taug lub caj qaum roob mus txog rau ib lub dawm, ntab hlo rau sab tid ces rov tig los pom lub zos uas peb tuaj so. Peb nres thau ob peb daim duab, peb rov mus ntxiv, mus pom ib lub hav lawv tua pob zeb, txoj kev me me saum ncov tsua haum yus ob txhais ko taw lawm xwb. Dhau ntawm lub roob pob zeb ces peb mus txog ib lub ncov roob uas lawv puab ib tug mlom Mab Liab loj loj, nthuav tes ntsia ntsoov mus rau nram lub zos Saint Côme d'Olt uas peb mus so. Ntawm tus mlom Mab Liab ntawd, cov neeg tuaj hla, lawv khaws pob zeb los tso rau ntawm nws ko taw, kuj muaj cov los paj los tso thiab tso duab Yes Xus los yog tso sawv Mab Liab rau ntawd. Kuv tus kheej, kuv kuj muab ib txoj saw Mab Liab uas kuv niaj hnub teev hauv tsev coj mus khuam rau ntawm Mab Liab ko taw thiab. Lawv cov txog tom qab, lawv tseem thau tau duab cia. Peb taug kev ntawd mas tsis ntev tsis ntev, yeej muaj ib tug ntoo Cuam ntawm ntug kev, tej thaum mas yog Ntoo Cuam hlau, tej ntaum mas yog Ntoo Cuam nto kaw zoo zoo, tej thaum mas yog ib tug Ntoo Cuam xuas log ntoo los pav ua xwb. Txawm yuav yog tus Ntoo Cuam loj me, hlau los ntoo qhuav xwb, yeej muaj neeg tso duab, saw Mab Liab thiab pob zeb rau tas li. Vim ib tug Ntoo Cuam ntawd mas nws muaj ib zaj dab neeg, kwv huam rau qhov chaw ntawd.

    Peb mus hla ntau qhov chaw ntshiab muaj nqes, ntsib ntau leej taug kev, cov uas nyuam qhuav mus xwb los muaj, cov uas twb taug tau ntau hnub lawm los muaj, muaj tej pab neeg coob li kaum tawm leej, ob peb leeg los ib leeg. Muaj cov ua ntau xyoo mus, muaj cov yuav ua tib npaj mus kom txog nram ub. Cov neeg taug kev, lawv tsis tham ua lom lom vab vab, lawv mus nrawm nroo hais lus me me xwb, ib txhia kuj teev Ntuj taug kev. Nyias mus raws li nyias lub siab ntshaw, siab tos.

    Thaum taug kev kuj tsis luaj twg, tab sis thaum los zaum ib pliag lawm mas sawv tsis taus li, mob ib ce thiab mob ceg huam sob laws ib ce cia li yuav ua npaws li lawm, tau noj ntau lub tshuaj kom txhob ua daus no. Txawm yuav mob npaum twg los sawv daws zoo siab hlo taug mus ntxiv yam tsis nroo li.Hnub Ib tag, pw ib hmo kaj ntug sawv mas muaj tej tug ntsej muag poob tag, qhov muag tho ntshuv zoo li mob ib teeg zoo los. Tej tug ko taw tawm hlwv, ua ceg tawv mus kev xwb los yeej mus tsis so, tej tug mob ceg mus kev li os xwb kuj mus lawm thiab...Mus mus ib pliag ces rov muag lawm ces kuj mus taus lawm, yog thaum so tag mas thiaj mob xwb. Thaum paub tias zaum tag rov sawv mus mas mob ceg heev ces peb tsis zaum lawm, so los peb sawv btsug xwb, noj sus los peb sawv btsug noj lawm xwb, yog tias tseem yuav mus ntxiv. Yog tsis mus lawm no ces peb thiaj li zaum noj sus.

    Txog tej qhov chaw, zoo nkauj heev, pom sawv daws mus nplawm tes si nce toj, xv zoj tias kheev lam lwm hnub sawv daws tau ua ke nce mus pem ceeb tsheej ua tej pab cab sab niab li ntawd.
    Tsoom phooj ywg kwv tij neej tsa sawv daws, nej npaj siab tuaj mus taug Leej Ntshiab Yas Kos txoj kev nov ib zaug thiaj li tsim nyog nawb mog.

    Kuv tus nyab nrog rau nws ib tug phooj ywg, nkaws hnub nyug 24 xyoo, nkaws pib thaum lub 7 hli xiab, nkawd mus txog ntua rau tom npoo ntuj (Finistère), ntug Dej Ntuj, nkawd mus tau ib hli thiab 7 hnub nkawd mam mus txog, nkawd mus tau 840 km. Nkawd nyuam qhuav rov los txog tsev nag hmo.

    Taug Yas Kos txoj kev no ua rau yus paub ntau yam rau yus tus kheej.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 17th August 2012, 10:02 am

    SAWV KEV MUS SAU SIAB
















    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Paj Lug on 17th August 2012, 10:50 am

    Nyob zoo os Maiv Tooj,

    Kuv nyuam qhuav los txog tsev xwb, koj kav tsij tso koj cov duab ua ntej, kuv mam li maj mam tuaj tso kuv cov tom qab, vim tseem sab sab kawg li hehehe!

    Nag Hmo kuv pw thaum sawv ntxov ua ntej kuv yuav sawv kev St Etienne los mus tsev, kuv tau txais Huab Tais Yesxus lub txiaj ntsim, nws rov qab coj kuv mus taug kev sau siab, zoo nkauj tshaj plaws li tiag Maiv Tooj, pom tus dej ntws d'Olt uas peb taug mas txaws rau ob sab ci cuag hnub qub ntsa, thiab cov pob zeb uas poob hauv kev dawm dawm peb ko taw ya rov qab tag rau saum ob sab tsua zeb, kuv mas tsis xav tsim los li tiag, hnov lub suab coj kuv mus hais lus zoo kawg rau kuv li, kuv mam tham qhia koj lwm zaus, kuv raug tuaj kub caum sab kawg nkaus ua ntej yuav ntsib Tswv Ntuj, kuv tawm ib ce hws.





    <3 <3 Pab kuv rov los cuag koj Huab Tais Yesxus <3 <3

    Tub ntsuag
    Phooj Ywg
    Phooj Ywg

    Messages : 135
    Date d'inscription : 2011-10-06

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Tub ntsuag on 18th August 2012, 2:42 am

    Nyob zoo mp thiab niam hlob neb mus tau ob peb hnub lawm saib neb puas coj tau tej yam rov log qhia rau peb paub os .ub ..mp koj zaj ntawd nws yuav txhawb tau kuv lub zog .nej mus tsi yog nej mus sau siab rau tej chaw tsi muaj neeg nyob lov zoo li ntsia mas yog tej thiaj chaw zoo nkauj kawg li os nej twb los es tp cwj vuam puag tau los os .neb puas paub tias neb mus lawm tses zoo li lub vaj lub tsev nplob xuav xwb thaum twg yug ncig tuaj los zoo li tej txhua yam neb tso li cas ces nws nyob li qub xwb os.neb rov los txog ntua ua cas rov tuaj ncig dua ua cas nws lub vaj lub tsev dua lwb lug tsi muaj dab tsi khuam li os.

    Bao
    Tuaj Tshiab
    Tuaj Tshiab

    Messages : 78
    Date d'inscription : 2009-08-16

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Bao on 18th August 2012, 8:01 am

    Maiv Paj Lug wrote:


    Hello may PajLug thiab may Tooj
    kuv zoo siab tias neb los txog tsev lawm...
    kuv tseem nco ntsoov hnub peb tau sib koom tuaj taug tus leej ntshiab St Jacques txoj kev ua ke nrog txiv plig cwj vuam chiv thiab cov hmoob Catholique de France ..
    Nws ua tau ib qho chaw kaj siab thiab nco nej kawg li thiab ...
    Thom kom tswv ntuj pub txoj kev kaj siab nrog peb nyob li no mus ib txhim...





    DIEU tu es lumière qui éclaire notre vie...
    GOD you're light that illuminates our lives...
    NTSWV NTUJ koj yog lub hnub ci ntsa iab rau peb lub neej...

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 19th August 2012, 8:55 am

    Tub ntsuag wrote:Nyob zoo mp thiab niam hlob neb mus tau ob peb hnub lawm saib neb puas coj tau tej yam rov log qhia rau peb paub os .ub ..mp koj zaj ntawd nws yuav txhawb tau kuv lub zog .nej mus tsi yog nej mus sau siab rau tej chaw tsi muaj neeg nyob lov zoo li ntsia mas yog tej thiaj chaw zoo nkauj kawg li os nej twb los es tp cwj vuam puag tau los os .neb puas paub tias neb mus lawm tses zoo li lub vaj lub tsev nplob xuav xwb thaum twg yug ncig tuaj los zoo li tej txhua yam neb tso li cas ces nws nyob li qub xwb os.neb rov los txog ntua ua cas rov tuaj ncig dua ua cas nws lub vaj lub tsev dua lwb lug tsi muaj dab tsi khuam li os.

    Nyob zoo Tub Ntsuag,

    Peb kev mus Sau Siab zaum no txawv txhua zaus. Tsis yog mus nyob tej qhov chaw ntsiag to, yog mus tau Hauv Paus Xa Lus Yas Kos Hlob txoj qub lw uas thaum HT.Yes Xus tuag tas ais cov Thwj Tim sib faib mus tshaj Ntuj Lus ais Hauv Paus Xa Lus Yas Kos Hlob tuaj mus rau sab hnub poob. Yog peb mus taug kev them txim, taug kev txom nyem, taug kev ib leeg kom tau xav txog yug tus kheej thiab lub neej, taug kev mus deb deb kom yus thim xav, txawj rub siab ntev, txawj zam rau luag, txawj hwm luag, txawj pab thiab hlub luag. Peb taug tej kev li nyob yaj sab tsis muaj tsheb. Peb pw sawv tsees, haus zoj me ntsis kas fes thiab noj mov ci xwb ces ntim dej thiab me ntsis ncuav qab zib rau yus lub hnab ev ces npaj mus ko taw. Cov su ces hnub lawv yuav ces lawv yuav tag nrho nrog rau dej haus rau tsheb thauj mus tos peb kev, yus tsuas ev me ntsis dej haus thaum mus tsis tau txog tsheb thiab me ntsis ncuav qab zib tsam tshaib plab xwb.

    Peb nyob teb chaws no, peb lub neej txawv ntuj qub qab lawm, peb mus taug kev me ntsis dog dig li no xwb los ua rau peb sab sab kawg. Muaj tej tug txiv neej yawg hluas khov kho, thaum mus tsis taus li lawm ces kuj muaj ob tug neeg nta kiag nws qhov tsos, muab nws nqa li tej me nyuam yaus nqes hav. Npaum no los kuj tseem tsis tag kev cia siab. Muaj tej tug mas sab sab ntsej muag puas cuag li nyob hauv lav mob xwb kuj tseem mus qees. Thaum yus taug kev mas sab thiab tab sis kuj mus taus kev, thaum so yog yus zaum kiag ib pliag rov sawv mas yus cia li mus tsis taus kev kiag li lawm tiag....




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 19th August 2012, 9:04 am



    Nyob zoo Bao thiab Maiv Paj Lug,

    Yog ib lub txiaj ntsim zoo uas peb tau mus Sau Siab taug kev ua ke zaum no.
    Peb mus nyob tau ob peb hnub ua ke, rov los mas nco sawv daws kawg. Pom txhua leej mob siab rau txoj kev ntseeg, kuj ua rau kuv muaj siab tshaj qub ntxiv, pom sawv daws txawj sib nyiam sib hlub, sib zam kuj ua rau kuv pom tus cag hlub thiab qheb kuv lub siab kom dav ntxiv.

    Bao, yog nws khoom no tuaj tso nws cov duab rau peb saib thiab nawb, vim ib leeg thau lawm ib qhov, ib leeg pom lawm ib pab neeg.

    Thov kom Tswv Ntuj tsom kwm peb txhua leej hauv nws lub txiaj ntsim kom Peb Hmoob muaj txoj hauv kev qheb rau txhua leej txoj kev ntseeg lawm yav tom ntej.




    Tub ntsuag
    Phooj Ywg
    Phooj Ywg

    Messages : 135
    Date d'inscription : 2011-10-06

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Tub ntsuag on 20th August 2012, 2:43 am

    Maiv Tooj wrote:
    Tub ntsuag wrote:Nyob zoo mp thiab niam hlob neb mus tau ob peb hnub lawm saib neb puas coj tau tej yam rov log qhia rau peb paub os .ub ..mp koj zaj ntawd nws yuav txhawb tau kuv lub zog .nej mus tsi yog nej mus sau siab rau tej chaw tsi muaj neeg nyob lov zoo li ntsia mas yog tej thiaj chaw zoo nkauj kawg li os nej twb los es tp cwj vuam puag tau los os .neb puas paub tias neb mus lawm tses zoo li lub vaj lub tsev nplob xuav xwb thaum twg yug ncig tuaj los zoo li tej txhua yam neb tso li cas ces nws nyob li qub xwb os.neb rov los txog ntua ua cas rov tuaj ncig dua ua cas nws lub vaj lub tsev dua lwb lug tsi muaj dab tsi khuam li os.

    Nyob zoo Tub Ntsuag,

    Peb kev mus Sau Siab zaum no txawv txhua zaus. Tsis yog mus nyob tej qhov chaw ntsiag to, yog mus tau Hauv Paus Xa Lus Yas Kos Hlob txoj qub lw uas thaum HT.Yes Xus tuag tas ais cov Thwj Tim sib faib mus tshaj Ntuj Lus ais Hauv Paus Xa Lus Yas Kos Hlob tuaj mus rau sab hnub poob. Yog peb mus taug kev them txim, taug kev txom nyem, taug kev ib leeg kom tau xav txog yug tus kheej thiab lub neej, taug kev mus deb deb kom yus thim xav, txawj rub siab ntev, txawj zam rau luag, txawj hwm luag, txawj pab thiab hlub luag. Peb taug tej kev li nyob yaj sab tsis muaj tsheb. Peb pw sawv tsees, haus zoj me ntsis kas fes thiab noj mov ci xwb ces ntim dej thiab me ntsis ncuav qab zib rau yus lub hnab ev ces npaj mus ko taw. Cov su ces hnub lawv yuav ces lawv yuav tag nrho nrog rau dej haus rau tsheb thauj mus tos peb kev, yus tsuas ev me ntsis dej haus thaum mus tsis tau txog tsheb thiab me ntsis ncuav qab zib tsam tshaib plab xwb.

    Peb nyob teb chaws no, peb lub neej txawv ntuj qub qab lawm, peb mus taug kev me ntsis dog dig li no xwb los ua rau peb sab sab kawg. Muaj tej tug txiv neej yawg hluas khov kho, thaum mus tsis taus li lawm ces kuj muaj ob tug neeg nta kiag nws qhov tsos, muab nws nqa li tej me nyuam yaus nqes hav. Npaum no los kuj tseem tsis tag kev cia siab. Muaj tej tug mas sab sab ntsej muag puas cuag li nyob hauv lav mob xwb kuj tseem mus qees. Thaum yus taug kev mas sab thiab tab sis kuj mus taus kev, thaum so yog yus zaum kiag ib pliag rov sawv mas yus cia li mus tsis taus kev kiag li lawm tiag....
    . . , .ua tsaug os niam hlob nej yog cov tau txoj hmoo zoo nej tseem tau mus txog tej chaw cov hauv paus xa lug os.txawm yuav nyuaj npaum twg los ua siab ntev os mog txoj kev ntawd nws yuav yog ib txoj kev nco txog cov hauv paus xa lug tej kev txom nyem thiab khwv mus tshaj ntuj lug os .nej nyob teb chaw chaw fab kis mus rau yeluxalees deb npaum twg os lov.

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Paj Lug on 20th August 2012, 3:36 am

    Maiv Tooj wrote: Muaj tej tug txiv neej yawg hluas khov kho, thaum mus tsis taus li lawm ces kuj muaj ob tug neeg nta kiag nws qhov tsos, muab nws nqa li tej me nyuam yaus nqes hav. Npaum no los kuj tseem tsis tag kev cia siab. Muaj tej tug mas sab sab ntsej muag puas cuag li nyob hauv lav mob xwb kuj tseem mus qees. Thaum yus taug kev mas sab thiab tab sis kuj mus taus kev, thaum so yog yus zaum kiag ib pliag rov sawv mas yus cia li mus tsis taus kev kiag li lawm tiag....

    Hahaha...Maiv Tooj koj mas txawj tham dhau lawm os,Tus txiv neej hluas khov kho koj hais ntawv yog Dejntswstsisrobqab ntag mas, ua cas thaum ntawv tsis nco qab muab nws yees duab cia thiab ne yom, <img src=" longdesc="84" /> ...Maiv Tooj koj qhia kiag tias tus mus kev ko taw to tas, yuav xuas hauv ncaug nkag lawm xwb yog kuv thiab tseem yeem kam taug mus li ntxiv thiab no tiag...hahaha!

    Maiv Paj Lug tab tom zaws Bao txhais ceg, Bao mob ceg cuag hluav taws hlawv mus tsis taus kev li lawm xD ...hos kuv ces ib sab thoom thaub looj ko taw lawm xwb thiaj li mus taus kev me me ntxiv.....sab npaum no lawm los mas <img src=" longdesc="84" />






    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 20th August 2012, 4:12 am



    Hahahah...! Maiv Paj Lug, Kuv thaij tau ib tug tab tom ceg ceg tawv thiab nws txhais ko taw, tab sis yog duab xwb tsis yog video ces tsis pom tias nws ceg tawv...Hahahahah...!





    Muaj ib tug twb mob mob, ib phaum lawv plab los nws tseem ua ib siab mus, mus txog nws tsis taus li lawm, cia li mob plab thiab huam sob laws ib ce yuav ua npaws, kuv thiaj mus thov Maiv Paj Lug niam los pab zaws nws.



    Thawj hnub, nws mus taus txog thaum noj sus tag, nce ib plag toj, ua rau nws sab heev, nws mus tsis taus li lawm. Tsis pom qab ua cas ces kuv ev nws lub hnab, kuv muab ib lub tshuaj mob taub hau rau nws noj kom loog nws cov mob me ntsis. Nws ntsej muag thim xem tag, kuv txhawj me ntsis, kuv hais rau nws tias yog koj mus tsis taus lawm ces cia kuv hu lawv los tos koj. Tab sis nws tsis kam, vim tam sim no nws tab tom hla ib ntus nyuaj heev hauv nws lub neej...Thaum nws sab sab heev no, nws mloog tsis tau nws ob txhais ceg li lawm, rov ua rau nws nco txog thaum nws khiav Nplog teb rau Thaib teb xyoo 1975, uas nws tus txiv tsis los, nws nrog nws tus txiv cov kwv tij los xwb, nws los yug nws thawj tug me nyuam tom tog kev, nws mus tsis taus ces lawv muab nws tso tseg, nws ev nws tus me nyuam maj mam lawv qab ib leeg. Nws nce ib lub roob siab siab, tshav kub kub, nws tsis muaj mov noj, tsis muaj dej haus, nws tsis muaj zog nce, nws raws tsis tau lawv ces tsaus ntuj, nws maub tsaus ntuj nti ib leeg...nws tsis hnov nws ob txhais ceg li hnub no uas yog 37 xyoo tom qab uas yog nws txhob txwm rov mus nrhiav kom tau rov hnov nws txoj kev txom nyem thaum ub ib zaug ntxiv. Thaum no nws xav peem kom dhau, kom yeej nws txoj kev txom nyem. Thaum nws zaum, kuv muab tshuaj rau nws noj, muaj ib tug txiv neej hluas thaj tsam li 35 xyoos, nws yog neeg dawb, soob xais, kuj mus tsis taus li lawm thiab, nws los zaum ntawm wb pem toj, sab sab ces kuv muab tshuaj rau kuv tus phooj ywg noj tag, kuv tig mus ntsia tus txiv neej hluas ntawd, kuv hais rau nws tias: " Tseem yog zoo kawg uas peb tsis tau kwv peb tus ntoo cuam yom". Ces nws luag nyav rau kuv, nws sawv tsees mus lawm.





    Ib tug ntawm nov yog thawj hnub thaum mus txog chaw, so tos yuav rov caij tsheb los tom chaw pw, nws sab heev, rua lo tas zog, yuav ua npaws, thiaj noj tshuaj mob taub hau kom loog qhov mob me ntsis.





    Last edited by Maiv Tooj on 24th August 2012, 8:12 am; edited 3 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Maiv Tooj on 20th August 2012, 4:19 am


    TUAV XAM YUAV TAUG KEV HNUB 1


    Txhua hnub peb muaj sib tuav xam thawj hnub ua ntej yuav taug kev kom sawv daws thiaj paub tus lwj lwm yuav mus thiab tej chaw so sam dej los yog noj sus.







    Last edited by Maiv Tooj on 21st August 2012, 8:23 am; edited 1 time in total




    Sponsored content

    Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

    Post  Sponsored content Today at 3:41 am


      Current date/time is 10th December 2016, 3:41 am