Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Leej Ntshiab Maria Goretti

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Leej Ntshiab Maria Goretti

    Post  Mim on 5th July 2011, 2:56 pm

    Leej Nthiab Maria Goretti

    Niaj xyoo peb hwm leej ntshiab Maria Goretti rau lub 7 hli tim 6, vim hnub ntawd yog hnub nws tuag.
    Leej ntshiab Maria Goretti yug los xyoo 1890 lub 10 hli tim 16 nyob lb zos Corinaldo, Is Tas Lis teb. Nws niam nws txiv yog neeg txom txom nyem ua noj ua haus xwb. Vim txoj kev ua zog nrhiav noj nrhiav haus ces nws txiv coj lawv tsev neeg tsiv mus rau lub zos Ferriere. Nyob rau ntawd nws txiv mus koom nrog ob txiv tub lawv sawv daws sib pab ua zog ntawm ib tug tswv teb. Tus tub hluas nyob hauv ob txiv tub ntawd hu ua Alessandro; nws muaj 19 xyoos. Lawv ob yim neeg koom nyob ib lub tsev xwb, tiam sis nyias nyob nyias chav. Maria txoj hauj lwm yog zov me nyuam hauv tsev, ua pluas noj, ntxiv ntxhua, thiab tu vaj tu tsev. Nws niam nws txiv nkawd niaj hnub mus ua zog. Thaum Maria muaj 9 xyoos, nws txiv mob npaws heev heev ces nws tas sim neej lawm, tseg Maria lawv pab nus muag nrog lawv niam xwb. Lawv niam kuj tsis pom qab yuav mus lwm qhov, nws kuj tseem niaj hnub coj lawv ua zog li qub koom nrog ob txiv tub thiab.

    Thaum Maria muaj 11 xyoos tawm, Alessandro txawm muaj lub siab xav ua phem rau Maria. Nws sim txhom Maria ob zaug, tiam sis Maria tsis kam nrog nws ua kev phem. Zaum peb, yog hnub tim 5 lub 7 hli 1902, Maria zaum ntawm theem ntaiv ntawm qhov rooj nkag lawm hauv tsev, tab tom ntxiv tsho, nws tus niam hluas yau tsaug zog hauv tsev. Nws niam thiab nws cov nus cov viv ncaus tab tom mus ua zog lawm. Thaum ntawd yog yav hnub qaij tav li peb teev tawm, Alessandro txawm los, nws cab Maria nkag mus rau hauv tsev, nws muab Maria txhom, tiam sis Maria tsis kam, Maria qw qw rau nws tias: “Txhob ua li ntawd! Ua li ntawd yog ua txhaum! Tswv Ntuj tsis xav kom ua li ntawd! Yog koj ua li ntawd mas koj yuav poob rau dab phem teb!” Alessandro pom tias Maria yeej tsis kam swb rau nws li, ces Alessandro nthos nkaus ib rab riam muaj ob sab hniav los nkaug Maria 14 zaug, ces nws khiav mus nkaum lawm. Maria tus niam hluas yau txawm tsim los, nws pheej quaj quaj, ces Alessandro txiv thiaj nce los xyuas saib yog vim li cas, nws thiaj pom Maria ntog rau hauv av hos ntshav los ntau ntau, nws txawm qw qw rau Maria niam, nws niam thiaj khiav poob plig tas los txog. Nws niam nug nws tias yog vim li cas, nws thiaj qhia tias twb yog Alessandro nkaug nws, vim nws tsis kam nrog Alessandro ua txhaum.

    Nws niam coj nws mus tom tsev kho mob, tiam sis cov kws tshuaj kuj pab tsis tau nws, ces tim 6 lub 7 hli nws tuag thaum yav li 3 teev hnub qaij. Ua ntej nws yuav tuag, txiv plig nqa lub Cim Yug tuaj rau nws noj, Txiv plig nug nws: “Maria, thaum Yes Xus yuav tuag, nws twb zam txhaum rau tus tub sab nyob ntawm nws ib sab thiab rau cov neeg muab nws tsim txom. Koj ne, koj puas zam txhaum rau tus neeg nkaug koj thiab?” Nws teb tias: “Kuv zam! Kuv zam! Vim kuv nyiam Yes Xus mas kuv zam rau nws kawg, thiab kuv xav kom muaj ib hnub twg nws tau mus nrog kuv nyob saum ntuj!”

    Maria tuag tas, cov neeg paub nws sawv daws yeej saib tias nws yog ib tug neeg dawb huv, uas nws yeem tuag vim txoj kev dawb huv. Xyoo 1950, vaj qhia Pius XII tsa nws ua leej ntshiab, muab nws tso ua ib tug qauv zoo rau cov hluas thiab cov me nyuam tau xyaum hais txog kev tsim txiaj kev dawb huv ntawm yus lub cev, vim lub caij peb nyob no, cov me nyuam thiab cov hluas sawv daws tsis saib txoj kev txuag yus lub cev kom dawb huv muaj nqes pes tsawg li lawm. Maria yog ib tug ntawm cov hluas dua cov uas lub Koom Txoos tau tsa ua leej nthsiab.

    Ntawm Alessandro ces lawv tuaj ntes nws mus kaw. Vim nws tsis tau muaj 20 xyoo ces lawv txiav txim muab nws kaw 30 xyoo xwb, tsis kaw tas tiam neej. Thaum lu b caij ntawd mas nws nyob zoo li ib tug tsiaj qus qus tsiv tsiv xwb, nws yeej tsis lees tias nws tau ua tsis zoo li. Muaj ib tug txiv plig mus saib nws, nws ua tsiv tsiv npau npau taws rau txiv plig nkaus xwb. Nws coj tus cwj pwm phem li no nyob hauv nkuaj tau 8 lub xyoo. Ces xyoo 1910, uaj ib zaug nws txawm ua npau suav pom Maria los xyuas nws. Maria hnav ib ce pom pom kev dawb paug, Maria cev ib co paj lilies dawb dawb rau nws txais. Cov paj ntawd cia li ua rau nws lub siab kaj lug tuaj. Nws tsim los, nws cia lit sis yog tus neeg qub lawm. Nws qhov kev npau npau taws cia li ploj ntais, hos nws rov pom tias nws tau ua txhaum lawm. Ces txij thaum ntawd los, nws cia li hloov cwj pwm ua neeg zoo tuaj. Thiab nws txaus siab nyob txim vim nws tau ua txhaum. Vim nws hloov los ua neeg zoo, ces lawv tso nws tawm peb xyoos ua ntej nws lub caij nyob txim tas. Thaum nws tawm los, nws xub ncaj qha mus cuag Maria niam, mus thov txhaum. Maria niam thiaj hais tias: “Yog Maria twb zam txhaum rau nws, ua cas kuv thiaj ho yuav tsis zad?” Ces nkawd kuj tau ua k e mus teev ntuj txais Yes Xus lub Cev, zoo cuag li ob niam tub. Alessandro tau mus hais lus pov thawj txhawb kom lawv tsa Maria ua leej ntshiab. Nws mus nrog cov leej tij nyob, pab lawv tu lawv tej vaj tej zaub. Nws tuag xyoo 1969.



    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Leej Ntshiab Maria Goretti

    Post  Maiv Tooj on 5th July 2011, 9:37 pm



    Nyob zoo Mim,

    Ua tsaug rau koj zaj piv txwv no, yog ib qho qauv zoo heev uas cov hluas thiab cov laus, muaj txwj nkawm Hmoob lub zwj ceeb no yuav rov ras xeev thiab rov muab los siv. Vim tam sim no, muaj ntau yam los tshuam txog lub neej, muaj kev khwv, kev ywj siab ntau, vim lub neej hloov rau kev yooj yim, kev yj hpeej. Ces coob leej xav tias yam dab tsi, yog neeg ua tau xwb ces yus yeej muaj cai ua tag nrho, tsis muaj qhov siab, qhov qes, qhov txhaum li...Li ntawd peb yuav tau rov qab mus taug lub hauv paus hauv ntsis, txoj kev zoo kev phem, kev ntshia huv, kev phem kev puas tsuaj los saib xyuas kom peb xyaum qhov zoo.

    Ua tsaug nawb Mim.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Leej Ntshiab Maria Goretti

    Post  Maiv Tooj on 6th July 2011, 10:08 am



    Cov phooj ywg,

    Kuv tsis nco qab hais ib los lus uas lub Week End tag los no peb mus sab laj ais TP.Cwj Vuam Chiv hais rau peb. Yam li nws hais tias: "Peb yuav txhob mloog peb lub CEV tas mus li, vim nws yuav coj peb mus ua txhaum". Ua li nej ho xav li cas, ntawm kuv tus kheej, kuv kuj pom tau tias ntau zaus yus lub siab tsis xav ua txhaum, tab sis yus lub cev pheej ua yam yus twb tsis xav ua, li ntaxd kuv kuj xav tias ntau zaus uas peb muaj kev chim siab, nyuaj siab, tej lub caij peb poob rau kev txom nyem, ntswv siab mas peb txhob tag kev cia siab, ais peb yuav txhob hais tias peb chim him sia los ntxhov ntxhov siab li ces peb tsis mu teev Ntuj, peb tsis tswj peb lub siab kom tus, kom peb txhob ua ib tug neeg nyuaj siab. "Yog peb mloog peb lub cev, peb hais txog kev tu siab chim siab xwb mas peb yuav ua neeg ntxhov siab mus li. Yog peb tsis mloog peb lub cev, peb muaj me ntsis kev nyuaj siab los peb muab tsuj nthi ntawm taw ces peb yuav nyob li peb tsis mua kev ntxhov siab. Thaum peb tswj tau peb txoj kev ntxhov siab lawm, peb ua dab tsi los yuav nce tes dua thiab kuj tsis muaj txiab xeeb thiab.

    Qhov nov, kuv hais rau kev nyuaj siab lwj plawv, tab sis nws kuj hais tau rau Mim zaj saud, hais txog Leej Ntshiab Maria Goretti thiab, yg peb mloog peb lub cev xwb ces peb yuav cia peb lub cev mus ua tej yam tsis huv...rau peb lub cev. Thaum peb lub cev tsis huv lawm ces Leej Tswv Yi Ntshiab yuav tsis muaj chaw nyob lawm...zaj nkauj uas peb niaj hnub hu tias: "KUV LUB TSEV YOG LUB TSEV TEEV KUV TUS HUAB TAIS"= (txhais tias) KUV LUB CEV YOG LUB CEV NTSHIAB HUV RAU HUAB TAIS TSWV NTUJ NYOB.





    Sponsored content

    Re: Leej Ntshiab Maria Goretti

    Post  Sponsored content Today at 8:55 pm


      Current date/time is 10th December 2016, 8:55 pm