Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» TP.Txhiaj Foom lub TSEV Ntawv
by Maiv Tooj Today at 8:04 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 1:02 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 17th February 2017, 10:57 am

» XH.Zoov Ntxheb Yaj Nthuav Ntawv Ntshiab.
by Maiv Tooj 17th February 2017, 10:51 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» Tshuaj NTSUAB
by Lajpovyaj 12th February 2017, 8:54 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

» Hmoob Guyane
by Yaj Suav Nus 21st January 2017, 6:59 am

» XH. Yaj Zoov Ntxheb lub Tsev THOOB TSIB
by Maiv Tooj 19th January 2017, 10:10 am

» Tswv Ntuj txoj kev HLUB. Cob Tsib teb.
by NrhiavTswvNtuj 17th January 2017, 11:45 pm

» HMOOB CATHOLIC NYOB COB TSIB TEB (Hmong Catholic Vietnam)
by Maiv Tooj 17th January 2017, 11:19 pm

» Nos Hes lub nkoj = L'Arche de Noé = Noah's Ark
by NrhiavTswvNtuj 13th January 2017, 9:53 am

Suav neeg tuaj saib, txij hnub 17/09/2010 los mus.


    Hnub Hawm lub Cim Yug

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1740
    Date d'inscription : 2009-10-16

    Hnub Hawm lub Cim Yug

    Post  Mim on 26th June 2011, 12:05 pm

    Nyob zoo sawv daws,

    Hnub no, yog hnub peb ua hmoov hawm lub Cim Yug, uas yog HT Yes Xus lub Cev nyob hauv lub mov mog.

    Nyob hauv cov koom txoos ntseeg Yes Xus, sawv daws yeej muaj hais txog thaum Yes Xus noj nws pluas hmo kawg, nws muab lub mov los faib rau nws cov thwj tim noj thiab muab lub ntim cawv los faib rau nws cov thwj tim haus, thiab nws tau hais rau nws cov thwj kom lawv yuav tsum ua kev nco txog nws faib mov mog. Koom Txoos Kas Tos Liv yeej ib txwm qhia txij thaum cov thwj tim los txog niaj hnub no tias thaum leej choj (txiv plig) tuav lub mov thiab lub ntim thiab hais Yes Xus cov lus, mas tib txhij thaum ntawd lub mov thiab cov cawv hloov ua Yes Xus lub Cev thiab Nws cov Ntshav kiag thaum ntawd lawm.

    Peb ntseeg hais tias thaum peb mus noj lub mov, yog peb noj Yes Xus tiag tiag. Nws los nyob hauv peb nruab siab, nws los hloov peb kom peb yoog tau hloov tau zoo li nws.

    Hnub no, kev cai peb muaj ua kab ke taug kev hawm lub Cim Yug (Eucharistic Procession). Nej mus teev ntuj, nej puas ua li ntawd thiab?

    Kuv yuav tso ib zaj video hawm lub Cim Yug hauv plawv kev... Yog nej taug kev mus pom li no, nej puas nres hawm lub Cim Yug thiab? Los nej yuav hais tias cov ntawd vwm lawd?... Los nej yuavluag luag li peb hnov tus puav?... Raws li pom hauv no, kuj tseem muaj neeg ntseeg tias Yes Xus nyob hauv lub Cim Yug thiab...tsis yog cov laus xwb, muaj cov hluas thiab, uas nres txhos caug hawm Yes Xus...




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: Hnub Hawm lub Cim Yug

    Post  Maiv Tooj on 28th July 2011, 8:03 am



    HWM LUB CIM YUG





    “KUV NTSEEG ! THOV KOJ PAB KUV , VIM KUV NTSEEG ME ME XWB”

    Hauv phau Ntawv Moo Zoo, peb mloog zaj lus no tias : Huab Tais Yes Xus kho tus tub qaug dab peg kom zoo. .Huab Tais ua li no ,kuj yog vim tus tub ntawd txiv thov Yes Xus tas zog tias ” KUV NTSEEG ! THOV KOJ PAB KUV VIM KUV NTSEEG ME ME XWB” – MK 9,24
    Mas txhua txhia Hnub Chiv, uas peb sib sau mus ua Thaj Txi Ntuj , mas tsim nyog peb rov hais tib lo lus thov ntawd dua,. vim pej kev ntseeg kuj yog Ntuj ib lub txiaj ntsim. – Nws txhawv ntawm Leej Ntuj Plig Ntshiab tuaj ntag 1 KLN 12,3,, Ces hais tau tib lo lus thov ntawd xws li tus tub qaug deb peg txiv hais
    Peb ke ua neeg me los ntseeg txog lub Cim Yug, peb ke nyob kaj lug kaj nrig 1 PZ 1,8-9

    = Lub Cim Yug kuj ntim Huab Tais Yes Xus lub tswv yim thiab nws txoj kev nyiam kev hlub , uas loj tas nrho. Tab txawm peb tsis pom Huab Tais los , tsis kav : peb zoo zoo siab ntseeg tias: “YOG HUAB TAIS !”. Zam 21,7+ 12 – Ua li, Huab Tais nyob txawm hauv lub Cim Yug Yeej yog ib yam peb pom tsis tau – Tsis kav peb zeem tau meej tias : yam ntawd muaj tseeb tiag “ HN 11,1

    Muaj lo lus nug: “ Tim li cas hauv peb lub Koom Txoos, peb ib txwm hais kam lo lus no tias : Huab Tais nyob txawm hauv lub Cim Yug . ?”. ( In English REAL PRESENCE
    CCC 1373 – 1381. Peb hais lo lus ntawd vim tias
    1 :Huab Tais Xus rooj qav kawg thiab peb lub Thaj Txi Ntuj thiaj yog tib rooj qav tiag
    == Ces hais tau tias :Txhua txhia Hnub Chiv, peb nrog Pob Zeb , Zam thiab cov Hauv Paus Xa Lus koom siab noj tib rooj qav, xws li lub caij thaum ub ntag
    2 : Thaj Txi Ntuj, uas Yes Xus muab cev rau nws Txiv, pem lub roob Nkos Nkos Tas thiab peb lub Thaj Txi Ntuj nyem no yog tib Thaj Txi Ntuj tiag. CCC # 1367
    == Ces hais tau tias : txhua txhia Hnub Chiv, peb kuj sawv pem lub Roob Nkos Nkos Tas…
    Peb nrog Yes Xus koom siab koom ntsws Txi Ntuj ua ke ntag
    3 : Pem Tswv Ntuj lub Ceeb Tsheej, Huab Tais Yes Xus” uas muaj txoj sia mus li, nws thiaj rov muab nws los txi Ntuj: HN 7,25..Tsis yog Huab Tais tib leeg teev hawm nws Txiv - Txhua txhia Hnub Chiv,peb nyob pem Tswv Ntuj lub Ceeb Tsheej.-
    Peb “ zoo siab hlo cev peb lub neej lub siab los nrog Yes Xus Txi Ntuj, ua Huab Tais tsaug “…
    == Ces hais tau tias : txhua txhia Hnub Chiv , peb mam li nrog Huab Tais Yes Xus koom siab koom ntsws teev hawm peb Txiv nyob pem Tswv Ntuj lub Ceeb Tsheej
    Ua li mas,txhua txhia Hnub Chiv,peb ib txhij nyob txawm hauv 3 qhov chaws ntawd – 1 :Peb nyob hauv kem tsev Huab Tais tsim lub Cim Yug – 2; Peb nyob pem lub Roob Nkos Nkos Tas – 3 :Peb nyob pem Tswv Ntuj lub Ceeb Tsheej =
    KUV NTSEEG ! THOV KOJ PAB KUV, VIM KUV NTSEEG ME ME XWB.
    Muaj lo lus nug tias :” Hnub Chiv mas qhov tias Huab Tais Yes Xus ua kom cov mov mog txia ua Huab Tais lub Cev Ntshiab . Txhais tias : Huab Tais ua hwj huam yees ntxwv loj kawg nkaus. .Puas muaj tseeb ?”..Teb tias ; Muaj tseeb :
    * * Yuav tsis txhob nroo yws tias :” Huab Tais ua tus me npaum li ntawd tsis leej tau lauj * * Yuav tsis txhob nrog Tswv Ntuj sib cav,
    Los Mas 9,20
    Peb yuav tsum lees tias : peb cov me neeg yeej tsis muaj tswv yim txaus los to taub zaj hwj huam yees ntxwv ntawd . Mas
    = = Tab txawm peb tsis to taub qhov ntawd los, tsis kav , peb yuav ua neeg me thiab zoo siab ntseeg txog Huab Tais Lo Lus tias :”Kuv yog cov mov muaj txoj sia nqes saum ntuj los …Tus noj kuv lub cev thiab haus kuv cov ntshav, nws nyob txawm hauv kuv. thiab kuv nyob txawm hauv nws..Tus noj cov mov no, nws yuav muaj txoj sia nyob mus li “ Zam 6,51-58
    Peb ntseeg, ces peb cav lus zoo txog Huab Tais kev nyiam kev hlub loj tas nrho
    “ Tus twg tau Huab Tais Yes Xus hauv nruab siab ces nws nyob ntawm tog zoo – Nws nyob ntawm tog txais kev cawm” Hes Nplaws 6,9 - 1 Zam 5,12

    == Muaj lo lus nug tias :
    “ Peb los mus ua Thaj Txi Ntuj thiab peb los mus txais lub Cim Yug mas Tswv Ntuj thiaj ua tej dej num dab tsi hauv peb nruab siab ?”
    Teb : “ 1 : Huab Tais txhim kho peb tej siab ntsws kom rov dawb huv tuaj- 2 : Huab Tais daws peb tej txhaum – 3 : Peb kuj txais Leej Ntuj Plig Ntshiab tej txiaj ntsim, kom xwv peb yuav taug kev nyiam kev hlub, yog vim Yes Xus thiab nyob hauv Huab Tais” .
    Leej Ntshiab Zam Chrisosthom
    = Yus txhos caug hawm Huab Tais, uas nyob txawm hauv lub Cim Yug, mas tsim nyog yuav tau hais lo puav lus hawm Huab Tais li no : :” Kuv tus Huab Tais, Kuv tus Tswv Ntuj “ Zam 20,28.= .== Es Mas Nus Es, Huab Tais Ntuj nrog peb nyob .. …== Huab Tais. koj tej hauj lwm cawm neeg mas thov koj ua txhij txhua rau kuv” NPN 57.3- NPN 138.8 == « Huab Tais, , koj cawm kuv mog »- Mas Tais 14,30
    Peb kuj muaj cai hais tau lwm zaj lus nco txog Tswv Ntuj tej txiaj ntsim, ywj siab
    = = Huab Tais cog lus li no tias : « Nej tuaj cuag kuv mog ! Kuv yuav cia nej so los siav » Mas Tais 11 ,28. Li ntawd txij ntawm Hnub 2 ( Monday ) rov mus txog Hnub 7 ( Saturday ), peb laj tos txog Hnub Chiv , uas peb yuav tau mus cuag peb tus Huab Tais Yes Xus Pleev - Peb laj tos txog Hnub Chiv uas peb yuav tau mus txais peb tus Huab Tais hauv peb nruab siab - .Ces peb tej siab ntsws thiaj rov nplua nuj zuj zus, hauv txoj kev nyiam Tswv Ntuj - .Peb lub siab thiaj nyob tus.
    = Ua ntej ntawm txhua txhia Hnub Chiv Chiv mas peb ua tau ib yam muaj nqe li no tias : Peb nrog peb tsev neeg sib sau los txais Ntuj Lus ,xws li 2 zag los 3 zag, uas peb yuav mloog Hnub Chiv yuav tuaj .Peb tsev neeg mam li SIB NTXIV KEV NTSEEG . Peb thiaj rov kub siab ntseeg tias : « Lub Moo Zoo yog Tswv Ntuj lub zog cawm tas tsoom neeg ntseeg » Los Mas 1,16
    KUV NTSEEG ! THOV KOJ PAB KUV VIM KUV NTSEEG ME ME XWB

    Tus sau: TP.Txhiaj Foom.
    OMI







      Current date/time is 21st February 2017, 12:17 pm