HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Khaub zeeg cua (tornadoes)  nyob As Mes Lis Kas teb Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


2 posters

    Khaub zeeg cua (tornadoes) nyob As Mes Lis Kas teb

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Khaub zeeg cua (tornadoes)  nyob As Mes Lis Kas teb Empty Khaub zeeg cua (tornadoes) nyob As Mes Lis Kas teb

    Post  Mim 28th April 2011, 3:32 pm

    Lub caij no yog caij ntuj tshiab (Spring) tawm tuaj, tej nplooj nroj nplooj ntoos ua cos pib hlav ntsuab vog, tej paj ntxov twb pib tawg zm zaws lawm. Tiam sis nyob Mes Lis Kas teb mas kuj yog lub caij uas muaj muaj khaub zeeg cua rhuav zej rhuav zos kawg li. Nyuam qhuav nag hmo Wednesday tsaus ntuj, nyob nram cov xeev USA qab teb muaj khaub zeeg cua loj rhuav ntau thaj tsam puas tag, hos muaj txog 290-300 leej neeg tuag, muaj ze ntawm ib txhiab leej raug mob. Cov tuag coob yog nyob lub xeev Alabama. Cov hais news tau hais tawm tias muaj txog li ntawm 160 tawm lub khaub zeeg cua nyob hauv 24 uab moo no...

    Nej mus saib lub site hauv no muaj cov news thiab cov videos piav txog nag hmo tsaus ntuj tej vaj tse puas tag zoo li cas, saib mas yeej yuav luag cuag li dej nyab nyob Japan thiab tiag...
    Khaub zeeg cua (tornadoes)  nyob As Mes Lis Kas teb 13adb4f4603c2377cdda38af4edabdfc

    http://news.yahoo.com/s/ap/us_severe_weather

    http://news.yahoo.com/video/us-15749625/raw-video-tornado-blows-through-miss-town-25050307;_ylt=Avf7D3H86zhh7TJ_PsYog2Kz174F;_ylu=X3oDMTE3Y2YzcTQzBHBvcwMzBHNlYwNtb3N0LXBvcHVsYXIEc2xrA3Jhd3ZpZGVvdG9ybg--#video=25057859


    Peb Hmoob ib txwm hais lo lus tias "ntuj ntxeev teb nphau" no... Ua cas zoo li tej huab cua txawv txawv kawg li lawm, es yog li ca tiag ned?...


    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Khaub zeeg cua (tornadoes)  nyob As Mes Lis Kas teb Empty Re: Khaub zeeg cua (tornadoes) nyob As Mes Lis Kas teb

    Post  Maiv Paj Lug 30th April 2011, 11:48 am

    Niamlaus Mim, txaus ntshai kawg li yuad ntsh

    Thaum xyoo 1986 , peb tseem nyob teb chaws Guyane, kuv niam piav tias muaj ib hnub nws mus ua teb nyob tom choj2, nws muaj ib lub tsev zaub uas yog vov ntaub yas, nws tseem cog cog zaub, cas ntuj tsaus zuj zus nws tsa muag saib saum ntuj, pom ib lub (tornade) khaub zeeg cua kiv puag saum ntuj ncaj qha kiv los ncaj nws, lub khaub zeeg cua ntawv mas nplawm ua rau xyoo ntoo ya zom zaws, Hmoob muaj tej tsev zaub nyob ua ntej nws lub mas xa ua rau ntaub yas tu tas kiv pes lees rau puag tim tej, kuv niam saib zoj , ntshe yuav tsis dim li lauj, ntshai heev dhau lawm, kuv niam cia li txhos caug ntua thov ntuj, nws hais tias :" Tswv Ntuj, kuv nyob ntawm no, thov koj pab kuv, kuv yog neeg txom nyeem, kuv twb tsis muaj txiv pab kuv, kuv tsuas muaj tib lub tsev zaub xwb, yog lub khaub zeeg cua los nplawm kuv, ntshe kuv yuav tuag xwb xwb li, yog dim los ntshe yuav txom nyeem heev, thov koj pab khuv leej kuv". Kuv niam hais li no tag nrho xwb, lub khaub zeeg cua los ti nkaus ntawm kuv niam lub tsev zaub , ces cia li kiv tig kiag ntxeev lees mus sab xis, ncaj qha mus rhuav tag nrho kuv txiv, niam yau, thiab peb txiv Ntsum Txhim lawv cov tsev zaub ua tu tag nrho thiab ya tag nrho tsis seem ib lub li....Thaum kuv niam pom li ntawv tas, nws nqa tes hlo txhos caug ntua pe ua ntuj tsaug, nws lub tsev zaub tsis puas ib qho, nws thiaj sawv los mus tsev los mus qhia rau zej zog kom tuaj saib lawv cov tsev zaub ya tag lawm.

    Txij peb txiv Ntsum Txhim thiab kuv Txiv lawv cov tsev zaub ya tag, lawv chim siab heev, thiaj ua siab tsis nyob Guyane, lawv thiaj ua ntawv tuaj mus nyob rau Fab Kis teb av loj no lawm. Peb khiav los rau fab kis teb av loj yog xyoo 1987. Kuv niam mas nco ntsoov piav lub khaub zeeg cua ntawv ua dab neeg rau peb hmloog tias Tswv Ntuj cawm nws lawm tiag tiag li.

    Khaub zeeg cua (tornadoes)  nyob As Mes Lis Kas teb 800px-F5_tornado_Elie_Manitoba_2007
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Khaub zeeg cua (tornadoes)  nyob As Mes Lis Kas teb Empty Re: Khaub zeeg cua (tornadoes) nyob As Mes Lis Kas teb

    Post  Mim 24th May 2011, 4:01 am

    Nyob zoo sawv daws,

    Nyuam qhuav Hnub Chiv dhau los no, nyob lub nroog Joblin, Missouri, muaj ib lub khaub zeeg cua loj tuaj rhuav lub nroog tas ntau, thiab muaj txog 116 leej tuag. Thaum lub khaub zeeg cua dhau lawm muaj ob tug zaj sawv ua ib ntxaig raws li daim video hauv no... Thaum ub thaum dej nyab ntiaj teb tas lawm, Tswv ntuj ua zaj sawv rau Nos Hes nrog nws cog lus tias yuav tsis ua dej nyab ntiaj teb ntxiv lawm... Xyov tus zaj sawv no yog cim qhia txog dab tsi ne?...

    https://www.youtube.com/watch?feature=player_embedded&v=QZOfw64JUbA

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Khaub zeeg cua (tornadoes)  nyob As Mes Lis Kas teb Empty Re: Khaub zeeg cua (tornadoes) nyob As Mes Lis Kas teb

    Post  Maiv Paj Lug 24th May 2011, 5:11 am

    Niam laus Mim, cas tus rain bow hauv daim video koj nqa tuaj rau peb saib zoo nkauj kawg li os yuad, thawj zaug kuv pom rain bow zoo nkauj kheej lawm ob sab li nod thiab xwb tiag, kuv xav mas nshe muaj khaub zeeg cua xyaw dej nag ib vuag , nplawm toj roob hauv pes puas tag, neeg tuag coob npaum , Tswv ntuj yeej ua tej yam zoo nkauj li no tuaj ncig kom txhua tus neeg txoj sia nyob txhob tag kev cia siab rau lub ntiaj teb. Koj puas xav li thiab nab? Raws li scientifique soj ntsuam mas yog ntuj los nag tshaud xyaw tshav ntuj thiaj ua tau rain bow sawv zoo nkauj ci ntsa iab li nod, tiam sis keeb kwm zaj sawv yeej yog los ntawm Nos Es los li koj piav saud. Yog tsis muaj Tswv Ntuj cog lus li ntawv ces txawm nag tshaud yuav los loj npaum cas thiab hnub txawm yuav ci ntsa iab npaum cas los yeej tsis muaj Rain Bow tshwm sim.

    Sponsored content


    Khaub zeeg cua (tornadoes)  nyob As Mes Lis Kas teb Empty Re: Khaub zeeg cua (tornadoes) nyob As Mes Lis Kas teb

    Post  Sponsored content


      Current date/time is 18th March 2024, 7:52 pm