Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Share

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 15th March 2011, 8:05 am


    Nyob zoo tsoom phooj ywg txhua leej,

    Kuv xav tuaj tham txog ( Roman Catholic Church ) lub tsev teev ntuj Kastosliv Losmas thiab tej yam khoom tseem ceeb uas muaj nyob hauv lub tsev teev ntuj rau peb ib txhia tsis paub ho xav paub, vim muaj ntau leej kuj xav kom peb sau tso rau hauv no rau lawv tau kawm thiab paub txog, yog li hnub no kuv xav tuaj tso me me hais txog tej yam khoom tseem ceeb uas muaj nyob hauv lub tsev teev ntuj Kastosliv Losmas rau peb paub. Yog nej leej twg paub thiab xav coj tuaj tso koom nrog kuv lub (Topic ) no los kuv zoo siab txais tos nej txhua yam, thiab ho tshuav tej yam kuv hais tsis txhij tsis txhua los nej cov paub ho coj tuaj sau tso rau peb sawv daws tau paub thiab kawm.

    Kuv yuav muab lub tsev teev ntuj ua kuv zwm npe rau nyob hauv peb zos Fresno no los ua lub piav qhia txog tej yam peb muaj nyob hauv rau nej paub. Tej zaum lwm lub tsev teev ntuj uas nej mus kuj yuav tsis muaj zoo xws li lub kuv hais no los kuj muaj thiab vim peb lub tsev teev ntuj no yog cov tsev teev ntuj tshiab nyuam qhuav tsa tau muaj li 15 xyoo tej xwb, yog li tej zaum yuav muaj tej yam nyob hauv peb lub tsev teev ntuj yuav tsis zoo xws li lwm lub los yog cov tsev teev ntuj qub qub...



    Our Lady of Victory Church

    2850 N. Crystal Ave. Fresno, CA 93705
    Phone: (559) 226-1163 Fax: (559) 226-2093
    Pastor: Rev. Msgr. John Moreton
    Email: olvchurch@gmail.com


    1. LUB NPE

    * Txhua lub tsev teev ntuj ( Roman Catholic ) yuav tsum muaj ib lub npe tis rau. Feem ntau lawv kuj siv cov Leej Ntshiab lub npe los tis rau xwb, lawv kuj tsis lam tau lam tis npe hu li ub li no. Yog li lub tsev teev ntuj kuv yuav piav no mas yog ib lub tsev teev ntuj nyob hauv peb zos Fresno no nws hu npe li :

    OUR LADY OF VICTORY CHURCH


    2. LUB ROOJ UA THAJ TXI NTUJ



    * Lub rooj ua ( Thaj Txi Ntuj ) mas tseem ceeb heev rau cov ntseeg Kastosliv, vim muaj cov Leej Ntshiab ib qho pob txha me me nyob rau sab hauv qab lub rooj ua thaj txi ntuj, nyob ncaj nrub nrab lub rooj phab uas tus Txiv Plig sawv ua cov kab ke lub txoos.
    Muaj ib daim ntaub dawb pua saum lub rooj ua thaj txi ntuj, daim ntaub dawb ntawd piv ua ib lub cim tias yog daim ntaub teem kiam thaum ub lawv muab pua HT Yes Xus.Yog lis txhua zaus nej pom cov ua lub txoov teev ntuj los yog cov neeg ntseeg thiaj li hwm lub rooj ua thaj txi ntuj.



    3. LUB ROOJ NYEEM NTAWV NTSHIAB



    * Lub rooj nyeem ntawv Ntshiab, mas nws nyob rau sab xis ntawm lub Thaj Txi Ntuj, yog tias lub tsev teev ntuj ntawd lawv ua muaj 2 lub rooj nyeem ntawv, mas lub sab laug yog lub tshaj lus thiab thov ntuj.

    Yog tias lub tsev teev ntuj ntawd tsuas muaj ib lub rooj nyeem ntawv xwb mas lawv kuj siv tib lub los nyeem ntawv Ntshiab, tshaj lus thiab thov ntuj.
    Feem ntau cov tsev teev ntuj qub mas tsuas muaj ib lub rooj nyeem ntawv nyob sab xis ntawm lub Thaj Txi ntuj xwb.


    4. PHAU NTAWV NTSHIAB


    * Leej twg thiaj nyeem tau cov zaj nyeem ua lub Txoos Teev Ntuj ?

    Nyob hauv Kas Tos Liv lub Txoos teev Ntuj mas muaj 3 zaj ntawv nyeem sib raws kom haum lub caij nyoob thiab lub Txoos :

    Zaj nyeem 1 thiab zaj nyeem 2, mas yog cov leej ntshiab thiab cov yaj saub tej lus los yog lwm tus neeg tej lus hais tseem ceeb. Zaj neej 1 thiab 2 no mas txhua tus neeg ntseeg Kas Tos Liv uas tau txais lub Cim Ntxuav, Cim Txhab Zog thiab nws paub hwm cov lus nyob hauv phau ntawv Ntshiab puav leej nyeem tau.

    Zaj Ntawv Moo Zoo, mas yog Huab Tais Yes Xus cov lus. Tus yuav nyeem tau mas tsuas yog txij tus Tsob Hwb ( Deacon ) nce mus mas thiaj li nyeem tau rau lub Txoos Teev Ntuj, thiab thiaj muaj cai los piav thiab txhais qhuab ntuas txog lub ntsiab ntawmn cov zaj nyeem rau sawv daws. Yog tias lub txoos ntawd tus Txiv Plig ho tsis paub nyeem yam lus yuav ua lub Txoos rau hom neeg ntseeg ntawd mas ( tus neeg ntseeg tau txais lub Cim Ntxuav thiab Cim Txhab Zog ) kuj los nyeem ua lwm xeem lus taj tus Txiv Plig kuj tau, tiam sis nws hais tsis tau los lus ( Huab Tais Ntuj Nrog Nej Nyob, Nej Mloog ib Zaj nyob Hauv N..... Moo Zoo thia ua tsis tau lub cim ntoo Cuam rau Phau ntawv Ntshiab thiab Nwj tsis tau Phau ntawv Ntshiab ) thaum uas nyeem zaj ntawv Moo Zoo xaus.

    Tus Xib Hwb ( Lay ministry ) nws kuj nyeem tau zaj ntawv Moo Zoo ( Gospel ) yog tias tsis muaj tus Tsob Hwb ( Deacon ) los yog Txiv Plig, tiam sis tus Xib hwb ( Lay ministry ) nws kuj ua tsis tau zoo li tus Tsob hwb thiab tus Txiv Plig. Nws tsuas yog los coj thiab nyeem tau zoo ib yam li tus neeg ntseeg uas kuv tau piav tas los saum no. Nws tsuas los piav tau lub ntsiab ntawm cov zaj nyeem me ntsis rau cov ntseeg tiam sis nws yuav piav tsis tau ntau zoo li tus Tsob Hwb thiab tus Txiv Plig, qhov no yog txoj cai nyob hauv lub Koom Txoos Catholic Roman.






    Last edited by XH. Npuagtub on 20th March 2011, 10:17 am; edited 7 times in total



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Maiv Tooj on 17th March 2011, 5:41 am


    Nyob zoo XH.Npuag Tub,

    Zoo kawg, nws tuaj tham txog qhov tseem ceeb ntawm lub Rooj Mis Xas thiab Thaj Txiv Ntuj. Yog ib qho tseem ceeb heev uas peb txhua leej neeg ntseeg yuav tsum paub txog, tab sis peb tsis paub. Kuv zoo siab heev uas Tswv Ntuj coj peb tuaj sib ntsib, peb tuaj sib fim peb thiaj muaj lub Fwv tsam los nthuav txog Tswv Ntuj lub moo zoo thiab txiaj ntsim.
    Kuv ua koj tsaug nawb mog, yog tssi muaj koj peb yuav tssi paub txog lub ntsiab ntawm qhov tseem ceeb...Peb yuav tssi paub hwm, tsis paub qhov siab qhov qes, qhov zoo qhov phem.

    XH. Koj yog tus kawm tawm los, koj yog tus pom kev, peb zoo siab tos koj nthuav ntau yam rau peb paub nawb...Vim peb Haiv Hmoob tseem pluag heev rau tej kev nthuav Kev Ntseeg...Kuv ua Tswv Ntuj tsaug.




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Maiv Paj Lug on 17th March 2011, 7:17 am

    Wow....kuv twb tsis paub txog tej no li!

    XH NpuagTub mas thiaj tseem tseem kawm tau los tiag li los pod! Tej no yog yus tsis tau kawm kiag hauv tsev kawm tawm los mas yeej tsis paub li hod! kuv twb tsis paub txog tej ntaub lawv pua saum lub rooj li, kuv xav tias pua ntaub dawb rau kom ntshiab xwb no...

    Ua tsaug ntau nawb XH NpuagTub, tos tias Maiv Tooj thov koj tas li kom rov tuaj sau tej yam tseem ceeb koj paub los vim yog koj piav tej yam tseem ceeb heev uas tsim nyog sawv daws yuav tsum paub txog tiag tiag, kuv zoo siab heev li thiab nawd. Tuaj qhia ntxiv kom peb paub ntau dua qub txog tej yam tseem ceeb nyob hauv Tsev Teev Ntuj los mas nawb, nws yog ib lub tswv yim zoo uas muab sau tseg li no rau txhua tus nyeem paub thiab pom. J:




    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 18th March 2011, 2:50 pm

    Nyob zoo Mt thiab Maypajlug,

    Hahahaaaa.a........!!! Ua neb tsaug os nawv, neb mas ua cas yuav txawj hais lus txhawb kuv lub zog ua luaj li os yom. Kuv los yeej tsis paub li thiab os lam tuaj sau raws li cov khws tau qhia rau kuv xwb, yog tshuav tej yam tsis yog thiab ho tsis meej pem no los nej sawv daws cov paub ho pab ntxiv rau thiab hais qhia kuv os nawv. Tseem tshuav ntau yam tseem tseem ceeb nyob hauv lub tsev teev ntuj, cia kuv khoom no mam li tuaj sau ntxiv....



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Maiv Tooj on 19th March 2011, 12:20 pm


    XH.Npuag Tub,

    Peb ces tsis paub txog tej nws paub nov li, yuav tos rawv nws tuaj qhia rau peb ntxiv xwb.
    Txhob ncua ntev, rov tuaj tham tag nrho puas tsav yam uas nws paub rau peb paub thiab nawb mog.

    XH.Npuag Tub, hnub no kuv tau ntsib XH.Xyooj Vam Neeb tiag...Kuv kuj tham txog koj rau nws thiab...Nws zoo siab heev.




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 20th March 2011, 2:20 pm


    5. QHOV CHAW CIA LUB CIM YUG


    * Qhov chaw cia lub Cim Yug ( Holy Eucharist ) no mas muaj nyob hauv txhua lub tsev teev ntuj, lawv ua ib qho chaw nyob ze ntawm lub thaj txi ntuj sab xis los yog nyob rau sab ncaj pem lub Rooj Thaj Txi Ntuj phab cov txiv Plig zaum. Txhua zaus leej twg yuav mus ncaj ze ntawm qhov chaw ntawd mas yuav tau nyo hau hwm lub Cim Yug ua ntej nws yuav hla thaj chaw ntawd mus. Los yog txhua zaus tus yuav mus muab luv Cim Yug mas nws kuj yuav nyo hau hwm lub Cim Yug ua ntej nws yuav mus qhib muab lub tais rau cov mov mog ( Yes Xus ) luv cev los.

    * Muaj ib tug Tswm ciab ntawd nci tas li nyob rau ib sab ntawd lub chaw cia lub Cim Yug, tus tswm ciab ntawd yog ib lub teeb qhia tias muaj luv Cim Yug ( Holy Eucharist ) nyob hauv qhov chaw cia lub Cim Yug. Yog thaum twg nej pom tus tswm cia tsis cig mas qhia tau tias nyob hauv qhov chaw cia lub Cim Yug tsis muaj lub Cim Yug nyob hauv. Ib yam li hmo ( Holy Thursday ) mas lawv tsis tso lub Cim Yug nyob hauv tsev teev ntuj qhov chaw cia lub Cim yug lawm, lawv muab tshem mus cia rau ib qho chaw zoo ua tsis yog nyob hauv lub tsev teev ntuj lawm, mus txog hnub ua hmoov Yes Xus sawv rov los mas lawv mam li rov coj lub Cim Yug los tso rau hauv lub tsev teev ntuj.



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 20th March 2011, 2:40 pm


    6. PHAU NTAWV SAU NPE THOV NTUJ


    * Phau ntawv sau npe thov ntuj no mas muaj ib txhia tsev teev ntuj thiaj li muaj xwb, phau ntawv no lawv muab tso rau ib lub rooj nyob sab hauv lub tsev teev ntuj ze ntawm lub qhov rooj loj uas mus rau lub tsev teev ntuj. Phau ntawv no thaum txog lub caij ua lub txoos teev ntuj mas tus nyeem ntawv zaj 1 & 2 yog tus nqa phau ntawv no nrog Txiv Plig lawv ua ke los mus thiab muab coj los tso rau ntawm lub rooj thov ntuj nyob sab laug ntawm lub thaj txi ntuj ib sab.



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 20th March 2011, 3:27 pm


    7. LUB TAIS DEJ NTSHIAB


    Lub tais dej Ntshiab no mas muaj nyob sab hauv ntawm lub qhov rooj loj nkag mus hauv lub tsev teev ntuj. Lub tais deb Ntshiab no ibtxhia tsev teev ntuj kuj tsis pom muaj, feem ntau yog cov tsev teev ntuj ua tshiab thiaj li ua muaj xwb. Lub tais dej Ntshiab no yog lawv ua rau cov neeg ntseeg thaum lawv tuaj mus hauv tsev teev ntuj, thiab thaum lawv teev ntuj tas lawv tawm los mus, ces lawv muab ntiv tes mus tub cov deb no los ua ntoo cuam lub cim rau saum lawv hauv pliaj, yog ib qho cim qhia tias lawv nrov nco txog thaum lawv tau txais lub Cim Ntxhuav.


    Last edited by XH. Npuagtub on 20th March 2011, 6:28 pm; edited 1 time in total



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 20th March 2011, 3:47 pm

    8. COV ROOJ ZAUM


    * Tsev teev ntuj Kas Tos Liv mas lawv ua cov rooj zaum muaj qhov chaw txhos caug thiab vim thaum lawv ua lub txoos teev ntuj mas muaj lub sij hawm sawv, sij hawm zaum thiab sij hawm txhos caug. Yog li no nyob hauv Kas Tos Liv tej tsev teev ntuj cov rooj thiaj li zoo tsis xws li lwm yam tsev teev ntuj.

    Nyob rau 2 sab cov qhov rai tsev lawv kuj ua muaj cov leej Ntshiab tej duab thiab muaj cov duab Hub Tais Yes Xus kwv nws tus ntoo cuam ( Station Cross ).








    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 20th March 2011, 5:09 pm


    9. COV TXIM & TWJ SIV RAU LUB THAJ TXI NTUJ


    Cov twj daim duab 1 no muaj:

    1. Lub ntim, 2. ib daim ntaub dawb me, 3. ib lub phaj tooj nyias, 4. ib lub mov mog loj, 5. ib daim ntaub dawb txhav, 6. ib daim ntaub dawb loj hauj sim, 7. ib lub khob ntim dej nrog ib daim ntaub so ntev thiab ib lub phaj, 8. 2-3 lub tais npaj rau cov faib luv cim yug.

    Cov twj no npaj cia nyob rau sab xis ze ntawm lub rooj thaj txi ntuj.


    Daim duab 2 no:

    Yog cov txim ( cov mov, cawv thiab dej ). Cov txim no muaj ib txhia lawv kuj npaj tso nyob ua ke nrog cov twj saum toj no ho muaj ib txhia lawv kuj npaj cia tso nyob txoj kab ncaj lub qhov rooj loj uas cov neeg ntseeg nyob tos txog thaum lub caij Txiv Plig yuav ua cov txim ces mam li kom 2 -3 tug neeg ntseeg nqa cov txim ntawv los mus rau Txiv plig.

    Thaum nqa los mas yuav ib tug nqa hwj dej nyob sab laug, hwj cawv nyob sab xis los ua ntej, ces ib tug nqa cov mov los lawv qab thiab ib tug mam nqa cov nyiaj tso pab lub tsev teev ntuj lawv cov mov qab los.



    Qhov no yog rau cov neeg faib Yes Xus lub Cev ( Eucharist Ministry ) ntxuav tes:

    1. Yog lub ntxuav tes ua ntej yuav faib Yes Xus lub Cev.
    2. Yog lub ntxhuav tes thaum faib Yes Xus lub Cev tas.

    QHOV CHAW TU THIAB NPAJ COV TXIM UA LUB THAJ TXI NTUJ


    1. Daim duab no yog qhov chaw ntxuav thiab tu cov khoom npaj rau lub thaj txi ntuj.


    2. Daim duab, lub qhov xau dej tsis muaj tus tso dej, yog lub muab cov dej ntxuav yam Ntshiab, xws li cov dej ntxuav tes thaum faib Yes Xus lub cev tas los hliv rau huav lub no ( sink ), lub chaw xau dej no nws ua ntws mus rau hauv av lawm xwb.









    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 21st March 2011, 11:21 am


    10. PASCHAL CANDLE



    Tus Tswm Ciab ( Paschal ) no mas yog ib tug Tswm Ciab loj thiab siab thiab zoo txawv dua txhua tus Tswm Ciab nyob hauv lub tsev teev ntuj. Tus Tswm Ciab no nws muaj nyob hauv txhua lub tsev teev ntuj Kas Tos Liv thiab nws nyob kav txwm ib xyoo mam li hloov tau dua tus tshiab.
    Txhua xyoo thaum txog lub caij ua hmoov nco txog Huab Tais Yes Xus tuag thiab sawv rov los muaj txoj sia, mas txhua lub tsev teev ntuj Kas Tos Liv hloov tus tswm cia no thaum hnub 7, hmo ua hmoo taws tswm ciab ( Black Saturday ) hnub tom qab lub Lis Piam Ntshiab tas ( Holy week ).

    * Tus Tswm Cia no yuav taws cia nyob hauv tsev teev ntuj 40 hnub lub caij ua hmoov Huab Tais Yes Xus sawv rov los muaj txoj sia nyob mus li. Muaj ib txhia tsev teev ntuj lawv tsuas taws tus tswm cia no lub caij muaj ua lub txoos teev ntuj xwb. Tom qab ua 40 hnub ua hmoov Huab Tais Yes Xus sawv rov los tas mas lawv kuj tsis taws tus tswm ciab no lawm. tiam sis kuj muaj 2 lub caij yuav siv tus tswm cia no los taws xws li:
    1. Taws thaum lub Txoos ua lub Cim Ntxuav ( Baptism ).
    2. yog siv taws rau thaum ua lub Txoos rau ib tug neeg tau tas sim neej.

    Dua li ntawd kuj tsis siv tus tswm ciab loj no taws nrog cov tswm cia me ua cov txoos teev ntuj raws li caij nyoob hauv nruab xyoo.


    Tus Tswm Ciab ( Paschal ) no mas muaj 5 tug ntsia liab ntsia ntawm tus tswm ciab , yog ib lub Cim piv txog Huab Tais Yes Xus cov qhov ntsia hlau, ntawm nws 2 sab tes 2 sab taw, thiab nws sab hauv siab. Muaj 2 tug npe ntawv ( A & O ) yog lub cim hais tias Alpha thiab Omega txhais tias; lub hauv paus thiab lub ntsis.




    Last edited by XH. Npuagtub on 22nd March 2011, 9:44 am; edited 3 times in total



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 21st March 2011, 1:44 pm

    Maiv Tooj wrote:
    XH.Npuag Tub,

    Peb ces tsis paub txog tej nws paub nov li, yuav tos rawv nws tuaj qhia rau peb ntxiv xwb.
    Txhob ncua ntev, rov tuaj tham tag nrho puas tsav yam uas nws paub rau peb paub thiab nawb mog.

    XH.Npuag Tub, hnub no kuv tau ntsib XH.Xyooj Vam Neeb tiag...Kuv kuj tham txog koj rau nws thiab...Nws zoo siab heev.

    Nyob zoo Mt,

    Ua tsaug uas nws tseem tau tham kuv rau XH. Vam neeb Xyooj thiab os nawv, tej zaum nws yuav tsis nco qab kuv lawm vim lub caij ntawd kuv tseem hluas ces ntshai nws yuav nco tsis tau kuv zoo lawm.

    Hahahaaaa.........!!!! Yog nws pab thov ntuj tiag222 rau kuv tej zaum kuv yuav mus kawm kev ntseeg ntxiv kom tuaj qhia tau ntau tshaj no rau peb sawv daws os nawv.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Maiv Tooj on 22nd March 2011, 11:48 am



    XH.Npuag Tub,

    XH.Vam Neeb tseem nco tau koj kawg. ...Hahaha...! Ua ntej yuav mus kawm ntxiv tuaj pab sau tej yam tseem ceeb rau peb kom tag tso mam mus nawb XH.Npuag Tub. Vim yog thaum nws mus kawm lawm ces nws yuav tsis khoom tuaj sau lawm. Mas peb need tej yam tseem ceeb no heev. Yog nws tssi qhia ces peb coob leej tau ua tej yam tsis zoo rau tej khoom ntshiab ntau heev yam peb twb paub tssi txog. Yam li tej yam khoom uas twb foom Hmoov Zoo rau lawm thiab cov ntawv teeb Ntuj tej thaum tsis siv tsis yuav lawm, yuav tsis txhob muab pov rau quav sw (khib nyawb), yuav tsum muab hlawv pov tseg nraum tej av huv si li nram vaj tej xwb...




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Mim on 22nd March 2011, 1:37 pm

    XH. Npuagtub wrote:

    10. PASCHAL CANDLE



    Tus Tswm Ciab ( Paschal ) no mas yog ib tug Tswm Ciab loj thiab siab thiab zoo txawv dua txhua tus Tswm Ciab nyob hauv lub tsev teev ntuj. Tus Tswm Ciab no nws muaj nyob hauv txhua lub tsev teev ntuj Kas Tos Liv thiab nws nyob kav txwm ib xyoo mam li hloov tau dua tus tshiab.
    Txhua xyoo thaum txog lub caij ua hmoov nco txog Huab Tais Yes Xus tuag thiab sawv rov los muaj txoj sia, mas txhua lub tsev teev ntuj Kas Tos Liv hloov tus tswm cia no thaum hnub 7, hmo ua hmoo taws tswm ciab ( Black Saturday ) hnub tom qab lub Lis Piam Ntshiab tas ( Holy week ).

    * Tus Tswm Cia no yuav taws cia nyob hauv tsev teev ntuj 40 hnub lub caij ua hmoov Huab Tais Yes Xus sawv rov los muaj txoj sia nyob mus li. Muaj ib txhia tsev teev ntuj lawv tsuas taws tus tswm cia no lub caij muaj ua lub txoos teev ntuj xwb. Tom qab ua 40 hnub ua hmoov Huab Tais Yes Xus sawv rov los tas mas lawv kuj tsis taws tus tswm ciab no lawm. tiam sis kuj muaj 2 lub caij yuav siv tus tswm cia no los taws xws li:
    1. Taws thaum lub Txoos ua lub Cim Ntxuav ( Baptism ).
    2. yog siv taws rau thaum ua lub Txoos rau ib tug neeg tau tas sim neej.

    Dua li ntawd kuj tsis siv tus tswm ciab loj no taws nrog cov tswm cia me ua cov txoos teev ntuj raws li caij nyoob hauv nruab xyoo.


    Tus Tswm Ciab ( Paschal ) no mas muaj 5 tug ntsia liab ntsia ntawm tus tswm ciab , yog ib lub Cim piv txog Huab Tais Yes Xus cov qhov ntsia hlau, ntawm nws 2 sab tes 2 sab taw, thiab nws sab hauv siab. Muaj 2 tug npe ntawv ( A & O ) yog lub cim hais tias Alpha thiab Omega txhais tias; lub hauv paus thiab lub ntsis.







    XH Npuag Tub,

    Koj piav tau zoo kawg lawm,kuv tsuag yog tuaj ntxiv ib ub ntsiab li no rau xwb,vim twb txog lub caij pe yuav ua qhov no lawm.

    Tus Paschal Candle ntawd, lus Hmoob peb muab hu ua tus Tswm Ciab Hla no, thiab lub caij ua hmoov HT Yes Xus tuag thiab sawv rov los, peb hu ua lub Caij Hla. Yog los ntam qhov tias thaum ub cov neeg His Xas Lais lawv tau hla tus dej Liab, lawv thiaj dim ntawm kev ua qhev nyob Egypt. HT Yes Xus los kuj tau hla kev txom nyem kev tuag nws thiaj cawm tau peb thiab thiaj sawv tau rov los muaj txoj sia.

    Niaj xyoo, Hmo Hla (Easter Vigil) ntawd yog hnub Holy Saturday tsaus ntuj, peb mus teev ntuj nco txog HT Yes Xus yeej txoj kev tuag, nws sawv rov los muaj sia. Peb xub maub tsaus ntuj nyob ze ntawm lub qhov rooj nkaglam haauv tsev teev ntuj. Txiv plig zes ib lub cub tawg tshiab, nws foom hmoov zoo rau lub cub tawg. Ces nws muab tus Tswm Ciab Hla tshiab los, nws muab 5 tug ntsia hlau los ntsia rau ntawm tus tswm ciab, nws muab cov numbers hais txog lub xyoo los tso rau, thiab nws muab tes kos cov txwm ntawv A & O, nws hais cov lus no: "Christ, yesterday and today, the beginning and the ending. To Christ belongs all time and all the ages; to Christ belongs glory and dominion now and forever. Amen... Leej Pleev, nag hmo thiab hnub no, thaum pib thiab thaum kawg. Leej Peev yog tus tswv txhua lub sij hawm txhua tiam; Leej Pleev muaj lub koob meej thiab muaj lub hwj huam kav neeg nim no mus tas ib txhiab ib txhis. Ua li." (Kuv am txhais li no xwb, yog nej leej twg txawjtxhaais ko raug dua no ces nej tuaj kho rau)

    Ua li no tag nws mam muab tus Tswm Ciab Hla mus ze ntawm lub cub tawg coj los zes rau sawv daws cov tswm ciab me uas twb xub muab faib ib leeg ib tug ua ntej lawm. Lub ntsiab yog qhia hais tias, HT Ye Xus yog lub teeb pom kev (los yog txoj sia) ci rau ntiaj teb qhov tsaus ntuj (los yog txoj kev tuag). Ces txiv plig nqa tus tswm cia ua ntej, sawv daws caum lawv qab, nkag mus lawm hauv tsev teev ntuj. Thaum taug kev li ntawd, txv plig muab tus Tswm cib Hla tsa siab siab peb aug, nws hu suab nrov nrov tias: "The light of Christ... Leej Pleev qhov pom kev," tsoom ntseeg sawv daws hu suab teb tias: "Thanks be to God... Peb ua ntuj tsaug."

    Sawv daws taug kev mus nrhiav chaw zaum, hos txiv plig muab tus tswm ciab mus tso rau ntawm ib sab lub thaj txi ntuj. Ces txiv plig mam los pib lub thaj txi ntuj mus ntxiv... Hmo ntawd kuj yog hmo uas cov neeg ntseeg tshiab txais lub Cim Ntxuav thiab...






    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 22nd March 2011, 3:47 pm

    Nyob zoo Mim,

    Ua tsaug koj tuaj sau tau ntxaws kawg li rau tus Tswm ciab ( Paschal ) pab ntxiv rau kom sawv daws ho nkag siab zoo. Tos kuv tsis piav kom ntxaws los kuv xav tias peb cov neeg ntseeg twb niaj xyoo mus koom teev ntuj rau hmo ( Holy black Saturday ) ces nyaj sawv daws yuav paub lawm no, ua tsaug koj tuaj sau ntxiv rau nawv. Yog koj los yog nej lwm tus tuaj pom kuv sau tshuav tej yam tsis meej tsis ntxaws los thov nej ho pab sau ntxiv thiab pab kho rau kom zoo rau sawv daws cov ho tsis paub tau kawm os nawv.


    Last edited by XH. Npuagtub on 22nd March 2011, 5:52 pm; edited 1 time in total



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 22nd March 2011, 5:37 pm

    Maiv Tooj wrote:

    XH.Npuag Tub,

    XH.Vam Neeb tseem nco tau koj kawg. ...Hahaha...! Ua ntej yuav mus kawm ntxiv tuaj pab sau tej yam tseem ceeb rau peb kom tag tso mam mus nawb XH.Npuag Tub. Vim yog thaum nws mus kawm lawm ces nws yuav tsis khoom tuaj sau lawm. Mas peb need tej yam tseem ceeb no heev. Yog nws tssi qhia ces peb coob leej tau ua tej yam tsis zoo rau tej khoom ntshiab ntau heev yam peb twb paub tssi txog. Yam li tej yam khoom uas twb foom Hmoov Zoo rau lawm thiab cov ntawv teeb Ntuj tej thaum tsis siv tsis yuav lawm, yuav tsis txhob muab pov rau quav sw (khib nyawb), yuav tsum muab hlawv pov tseg nraum tej av huv si li nram vaj tej xwb...

    Nyob zoo Mt,

    Hahaha.....!!! zoo heev yog XH. Vam Neeb tseem nco tau kuv thiab no kuj zoo siab heev kawg, vim lub caij peb nyob tim thaib teb kuv yog ib tug hluas nyiam nyeem ntawv rau XH. Vam Neeb thiab XH. Caiv Kaub Koob nkawd ua lub txoos teev ntuj.

    Mt, kuv xav tias yog Tswv Ntuj hu no tej zaum xyoo no kuv xav mus kawm ( LTH ) saib puas yuav tau no xwb tiam sis tseem xav tau hauv siab xwb cia saib yuav txiav txim siab li cas mam hais rau nws paub. Yog kawg peb yuav tau hwm txhua los lus uas yog Tswv Ntuj cov lus peb sau yog tej ntawv peb sau tau lwm hnub peb tsis siv lawm tsim nyog peb yuav tsum muab hlawv thiab muab tso rau tej thaj chaw hu tsim nyog ib yam li cov dej Ntshiab peb yuav tsis txhob muab hliv pov tseg rau hauv peb tej chaw siv dej hauv tsev, peb yuav tsum muab coj mus hliv rau tej thaj av hu tsis muaj tej yam khoom qias nyob ze
    .



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Maiv Tooj on 22nd March 2011, 10:06 pm


    Nyob zoo XH.Npuag Tub,

    Yog lu ntawd, kuv thiaj thov nws lub zog tag los thov ntxiv kom nws muab ntau ntau rau peb es tej yam uas peb tssi paub thiab tssi xav txog los ho pab tau peb. Tsis li ntawd ces yus ua ntau yam tsis zoo los yus tsis ras txog li...Nws lauj zias nws lub caij tuaj tham tej yam tseem ceeb uas nws tau kawm los rau peb nawb mog XH.Npuag Tub. Dhau ntawd, lwm hnub nws mus kawm LTH, nws paub ntau yam ntxiv los nws mam tham ntxiv. Vim neeg twb tham HT Yes Xus tau 2000 xyoo dhau los, tham Tswv Ntuj tau pes tsawg vam txhiab xyoo lawm twb tseem tham tsis tau tag...Li ntawd peb yuav vam txog nej cov ua Hlob, ua txwj laus los pab peb nthuav Tswv Ntuj txoj kev cai thiab kev ntshiab huv rau peb Hmoob paub kom meej kom txhua.

    Yog kuv paub tias koj paub XH.Caiv Kaub Koo thiab no kuv yuav yees nws duab rau koj saib thiab...



    Hawj Npliaj Tswb, Niam Txooj Tub, XH.Xyooj Vam Neeb, Niam Ham Lwm...
    Hmoob Npaj Naj Xees los sib ntsib...Maiv Tooj thiab XH.Vam Neeb sib ncaim puag thaum MT.tsis tau plhis hniav
    ...1964...Mam rov sib ntsib hnub no...




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Maiv Paj Lug on 23rd March 2011, 7:03 am

    Maiv Tooj, cas ntu no koj yuav zoo nkauj kawg li os yuad! saib koj mas yog ib tug niam tsev ntse tshaj lij thiab lub me cev huv si yiag ntxiag, tu me plaub hau du dais xws li neeg txiam txiaj, neeg paub tab, neeg txawj hwm ntuj, koj ntshiab kawg li o)




    <3 <3 Pab kuv rov los cuag koj Huab Tais Yesxus <3 <3

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Maiv Paj Lug on 23rd March 2011, 7:09 am

    XH. Npuagtub wrote:
    Nyob zoo Mt,

    Hahaha.....!!! zoo heev yog XH. Vam Neeb tseem nco tau kuv thiab no kuj zoo siab heev kawg, vim lub caij peb nyob tim thaib teb kuv yog ib tug hluas nyiam nyeem ntawv rau XH. Vam Neeb thiab XH. Caiv Kaub Koob nkawd ua lub txoos teev ntuj.

    Mt, kuv xav tias yog Tswv Ntuj hu no tej zaum xyoo no kuv xav mus kawm ( LTH ) saib puas yuav tau no xwb tiam sis tseem xav tau hauv siab xwb cia saib yuav txiav txim siab li cas mam hais rau nws paub. Yog kawg peb yuav tau hwm txhua los lus uas yog Tswv Ntuj cov lus peb sau yog tej ntawv peb sau tau lwm hnub peb tsis siv lawm tsim nyog peb yuav tsum muab hlawv thiab muab tso rau tej thaj chaw hu tsim nyog ib yam li cov dej Ntshiab peb yuav tsis txhob muab hliv pov tseg rau hauv peb tej chaw siv dej hauv tsev, peb yuav tsum muab coj mus hliv rau tej thaj av hu tsis muaj tej yam khoom qias nyob ze
    .

    Ua tsaug nws tuaj qhia tej yam tseem ceeb rau peb nawd XH NpuagTub, ua li kuv nrog nws zoo siab yog tias nws yuav mus kawm ua LTH...LTH no txhais li cas ? Tub Tsob Hwb? Xib Hwb? Leej Tsob Hwb? Deacon? thov txim kuv nug vim kuv tsis paub Hmoob cov npe thiaj li tau nug kom paub xwb os. J:




    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 23rd March 2011, 7:10 am

    Maiv Tooj wrote:
    Nyob zoo XH.Npuag Tub,

    Yog lu ntawd, kuv thiaj thov nws lub zog tag los thov ntxiv kom nws muab ntau ntau rau peb es tej yam uas peb tssi paub thiab tssi xav txog los ho pab tau peb. Tsis li ntawd ces yus ua ntau yam tsis zoo los yus tsis ras txog li...Nws lauj zias nws lub caij tuaj tham tej yam tseem ceeb uas nws tau kawm los rau peb nawb mog XH.Npuag Tub. Dhau ntawd, lwm hnub nws mus kawm LTH, nws paub ntau yam ntxiv los nws mam tham ntxiv. Vim neeg twb tham HT Yes Xus tau 2000 xyoo dhau los, tham Tswv Ntuj tau pes tsawg vam txhiab xyoo lawm twb tseem tham tsis tau tag...Li ntawd peb yuav vam txog nej cov ua Hlob, ua txwj laus los pab peb nthuav Tswv Ntuj txoj kev cai thiab kev ntshiab huv rau peb Hmoob paub kom meej kom txhua.

    Yog kuv paub tias koj paub XH.Caiv Kaub Koo thiab no kuv yuav yees nws duab rau koj saib thiab...



    Hawj Npliaj Tswb, Niam Txooj Tub, XH.Xyooj Vam Neeb, Niam Ham Lwm...
    Hmoob Npaj Naj Xees los sib ntsib...Maiv Tooj thiab XH.Vam Neeb sib ncaim puag thaum MT.tsis tau plhis hniav
    ...1964...Mam rov sib ntsib hnub no...

    Nyob zoo Mt,

    Ua tsaug rau nws daim duab os nawv, Yog kawg XH. Caiv Kaub Koo los kuj paub kuv zoo ib yam li XH. Vam Neeb thiab os nawv. Ua li ( Hawj Pliaj Tswb ) puas yog XH. Vam Neeb dab laug os ?? Zoo li sib ncaim ntev lawm kuv nco tsiss tau lawv zoo lawm...



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 23rd March 2011, 7:17 am

    Maiv Paj Lug wrote:
    XH. Npuagtub wrote:
    Nyob zoo Mt,

    Hahaha.....!!! zoo heev yog XH. Vam Neeb tseem nco tau kuv thiab no kuj zoo siab heev kawg, vim lub caij peb nyob tim thaib teb kuv yog ib tug hluas nyiam nyeem ntawv rau XH. Vam Neeb thiab XH. Caiv Kaub Koob nkawd ua lub txoos teev ntuj.

    Mt, kuv xav tias yog Tswv Ntuj hu no tej zaum xyoo no kuv xav mus kawm ( LTH ) saib puas yuav tau no xwb tiam sis tseem xav tau hauv siab xwb cia saib yuav txiav txim siab li cas mam hais rau nws paub. Yog kawg peb yuav tau hwm txhua los lus uas yog Tswv Ntuj cov lus peb sau yog tej ntawv peb sau tau lwm hnub peb tsis siv lawm tsim nyog peb yuav tsum muab hlawv thiab muab tso rau tej thaj chaw hu tsim nyog ib yam li cov dej Ntshiab peb yuav tsis txhob muab hliv pov tseg rau hauv peb tej chaw siv dej hauv tsev, peb yuav tsum muab coj mus hliv rau tej thaj av hu tsis muaj tej yam khoom qias nyob ze
    .

    Ua tsaug nws tuaj qhia tej yam tseem ceeb rau peb nawd XH NpuagTub, ua li kuv nrog nws zoo siab yog tias nws yuav mus kawm ua LTH...LTH no txhais li cas ? Tub Tsob Hwb? Xib Hwb? Leej Tsob Hwb? Deacon? thov txim kuv nug vim kuv tsis paub Hmoob cov npe thiaj li tau nug kom paub xwb os. J:

    Maivpajlug,

    Yog li nws hais los mas, Xib Hwb ( Lay Minister ) Leej Tsob Hwb ( Deacon ) . Hahahaaaaa.....!! tseem npaj siab xwb cia saib puas yuav txiaav txim tau li cas vim txoj kev kawm ua ib tug tub tshaj Ntuj lus tsis yooj yim kawm kiag li os...



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Maiv Paj Lug on 23rd March 2011, 7:30 am

    awd...lod? kuv twb xav tias nws li XH NpuagTub lawm no ces nws twb yog ib tug Deacon lawm no , cas kuv yuav tsis ntse kiag li, ua li nws yuav mus kawm kom tau Deacon no mas kuv nrog nws zoo siab heev nawd! Ua Deacon mas hauj lwm ntau tiag li, yuav tsum muab tag nws lub siab los nyob ntawm Tswv Ntuj mas peb zoo siab thiab thob Huab Tais Ntuj txhais tes los roos nws kom txhawb nws lub zog thiab lub siab kaj lug mus ua Tswv ntuj txoj hauj lwm nawd. J:




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Maiv Tooj on 23rd March 2011, 8:57 am

    Maiv Paj Lug wrote:Maiv Tooj, cas ntu no koj yuav zoo nkauj kawg li os yuad! saib koj mas yog ib tug niam tsev ntse tshaj lij thiab lub me cev huv si yiag ntxiag, tu me plaub hau du dais xws li neeg txiam txiaj, neeg paub tab, neeg txawj hwm ntuj, koj ntshiab kawg li o)

    Hahahahh...! Maiv Paj Lug...aw...! Cas nws yuav talok ua luaj naj...! Hahahah...! Xav tias nws hais dab tsi naj cas tsheem hais ua rau kuv liab liab lawm xwb...Hhahaah...! Embarassed Maiv, twb yog xyo no kuv cog tau zaub looj pwm ntau heev es kuv thiaj tssi ua plis lawm xwb...Hahhaah...! Kuv kuj zoo siab heev rau qhov uas kuv nrhiav tau nov...Vim tsis nkim nyiaj kiag li thiab kuj tau hauj lwm zoo kawg nkaus...Nws siv tau ntau yam heev, tsis zoo li lwm yam es yuav yuav ib yam rau ib qho...hahaha...!

    Maiv, xyoo no yog ib xyoo zoo es nws los nim hluas lawm ntau heev thiab...Hahahah...! Nws mas zoo nkauj phim cov paj huab poob nra paug lub caij paj tawg no kiag ntag...Zoo siab ntsib nws hnub no.

    XH.Npuag Tub,

    Npliaj Tswb Hawj yog XH.Vam Neeb tus dab laug li nws hais mas. Nws kuj tseem nco tau lawv thiab yuad.
    XH.Npuag Tub, nws npaj lub caij tuaj tham ntau yam ntxiv rau peb nawb.




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 25th March 2011, 8:51 am

    THE BAPTISMAL FONT


    Nyob hauv tsev teev ntuj Kas Tos Liv, muaj ib lub tais rau dej ua lub Cim Ntxuav ( Baptismal font ). Lub chaw no muaj tej lub tsev teev ntuj lawv ua nyob sab xis ze ntawm lub Rooj nyeem ntawv Ntshiab ( Ambo ), muaj ib co tsev teev ntuj kuj ua nyob ze rau ntawm lub qhov rooj loj nkag mus hauv lub chav tsev teev ntuj.

    Cov dej nyob hauv lub tais ( Baptism Font ) no txhua xyoo thaum txog hmo ua hmoov taws tswm ciab( Easter Virgil ) mas Txiv Plig kuj ua cov kaj ke foom hmoov zoo rau cov dej ntxuav plig no thiab kuj yog ib hmos ua lub Cim ntxuav rau cov neeg ntseeg tshiab los txais lub Cim Ntxhuav.

    YUAV UA LI CAS THIAJ TXAIS TAU LUB CIM NTXUAV ?

    Yuav tau mus ntsib cov Xib Hwb, cov Txiv Plig nyob ze ntawm lub tsev teev ntuj hauv lub zos koj nyob, lawv mam li qhia saib yuav npaj li cas thiaj li txais tau lub Cim Ntxuav.

    TUS NEEG ZOO LI CAS THIAJ TXAIS TAU LUB CIM NTXUAV ?

    Tus neeg uas txiav siab los ntseeg thiab txais yuav Huab Tais Yes Xus ua nws tus cawm seej tiag, mas nws txais tau lub Cim Ntxuav. Tiam sis nyob hauv lub koom txoos Kas Tos Liv mas yog tus neeg muaj hnub nyoog tshaj 7 xyoo lawm mas yuav tau mus kawm kev ntseeg ntev li 2 xyoos mam li tau txais lub Cim Ntxuav, hos cov me nyuam txij li 7 xyoo rov los mas tsis kawmn kev ntseeg li tsuav yog nws niam thiab txiv yog neeg ntseeg ces niam thiab txiv yog tus yuav txiav siab coj nws tus me nyuam mus ua lub Cim Ntxuav raws li muaj nyob hauv lub tsev teev ntuj nws zwm rau ntawm lub zos nws nyob.






    Last edited by XH. Npuagtub on 25th March 2011, 6:07 pm; edited 3 times in total



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Npuagtub on 25th March 2011, 12:41 pm


    CATHOLIC HOLY OILS


    THAJ TEEV NTUJ UA ROJ NTSHIAB
    " Chrism Mass ".


    Txhua xyoo thaum txog lub caij ua hmoov lub Lis Piam Ntshiab ( Holy Week )
    mas nyob hauv txhua lub Diocese Kas Tos Liv nyob thoob ntiaj teb, tus Tswv Qhia
    ua ib lub txoos teev ntuj ( Chrism Mass ) ua ib co Roj Ntshiab rau hnub ( Holy Thursday).
    Txhua tus Txiv Plig nyob rau txhua lub tsev teev ntuj tuaj koom lub Thaj teev ntuj thiab,
    nqa cov Roj Ntshiab mus cia rau hauv nws lub tsev teev ntuj kom txaus siv txwm ib xyoos.




    Cov Roj Ntshiab no yog ib yam tseem ceeb heev nyob hauv Kas Tos Liv txoj kev ntseeg.
    Txij tus Tswv Qhia thiaj ua tau lub Thaj Teev ntuj foom hmoov ua cov Roj Ntshiab no.
    Cov Roj Ntshiab no muaj 3 yam: 1. Oleum Catechumenorum ( OC ), cov Roj no
    siv rau thaum ua lub Cim Ntxuav, cov Roj no pleev rau ntawd
    tus neeg txais lub Cim Ntxuav hauv siab yog ib co roj pleev kom lub siab muaj zog
    nyob hauv Huav Huab Tais Yes Xus thiab tiv thaiv txhua yam phem tuaj ntawm
    dab phem txoj kev ntxias.

    2. Sanctum Chrisma ( SC ), yog siv pleev rau thaum ua lub Cim Ntxuav thiab Cim Txhab Zog.
    ( Cinfirmation thiab Baptism ). Tus Tswv Qhia los yog Txiv Plig pleev muab tus ntiv tes xoo tub cov roj los ua ntoo cuam rau ntawm tus txaais lub Cim hauv pliaj. Yam 3. yog Oleum Infirmorum ( OI ). Yog ib cov Roj siv ua lub Cim Pleev rau cov neeg muaj mob hnyav thiab cov neeg muaj hnub nyoog laus lawm.




    Last edited by XH. Npuagtub on 25th March 2011, 2:59 pm; edited 2 times in total



    Photobucket

    Sponsored content

    Re: TEJ YAM TSEEM CEEB NYOB HAUV TSEV TEEV NTUJ ROMAN CATHOLIC

    Post  Sponsored content Today at 3:40 am


      Current date/time is 10th December 2016, 3:40 am