HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


4 posters

    T.P Domenico, ntxwj nyoog thiab cov txhaum tsis huv ntawm pojniam daim nqaij qab zib

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Empty T.P Domenico, ntxwj nyoog thiab cov txhaum tsis huv ntawm pojniam daim nqaij qab zib

    Post  Maiv Paj Lug 5th March 2011, 2:28 am

    T.P Domenico ,ntxwj nyoog thiab cov txhaum tsis huv ntawm pojniam qaim nqaij qab zib

    TXIV PLIG DOMENICO

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Image001


    Xyoo no yog ib xyoos sacerdotale, yuav tsum thov ntuj kom ntau pub rau cov Txiv Plig poob hauv ntxwj nyoog lub voj hlua thiab hauv kev txhaum ntawm pojniam tawv nqaij. Xav paub txog txoj kev nyuaj ntawm txoj kev txhaum no, tsim nyog nyeem qhov tim khawv hauv qab uas yog ib tug Leej Ntshiab Txiv Plig Capucin tau txais txoj hauj lwm ntawm Tswv Ntuj los kho kev txhaum ntawm cov Txiv Plig poob rau kev ntxias kom mluas mlob qab zib ntawm pojniam lub cev nqaij.

    Tus Txiv Plig Domenico da Cese yog ib tug kws ntshiab franciscain ua hauj nrog Padre Pio xyoo ( 1905--1978). Padre Pio xa cov neeg coob leej ntau tus mus kawm txog kev spirituel ntau zaus ntawm Txiv Plig Domenico, vim tias T.P Domenico kuj yog ib tug muaj kev ntshiab tob. T.P Domenico ua hauj lwm nyob hauv lub tuam tsev teev ntuj hu ua Sanctuaire de Manoppello nyob Italy, uas neeg tuaj coob hawm daim ntaub duab Leej Pleev lub ntsej muag uas tsis yog neeg txhais tes kos tawm los.


    LEEJ PLEEV DAIM DUAB NTAUB NYOB MANOPELLO ITALY

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib 2nd%20example%203D%20Manoppello
    T.P Domenico tau lub txiaj ntsim ntawm Tswv Ntuj los nyeem neeg cov ntsuj plig, paub txog cov ntxhiab tsw qab, thiab raug tsim txom( satigmates) uas neeg qhov muag tsis pom los them txim daws cov Txiv Plig kev txhaum hauv ntxwj nyoog kev ntxias mus ntawm pojniam tawv nqaij uas yog ib txoj hauj lwm Yesxus tso rau nws. Dab ntxwj nyoog tsis nyiam yam no kiag, niaj hmo tsim txom tus T.P Domenico thiab tsuas nrhiav nraim lub sij hawm los looj koov nws txhua zaus.

    T.P Domenico nrhiav kev tiv thaiv nws los ntawm daim ntaub duab Leej Pleev lub ntsej muag nyob Manoppello.

    Muaj ib hnub tus Maréchal tub rog Yas Kos npoos ( Jacobone) , xav tshawb fawb txog T.P Domenico lub txiaj ntsim ( Don)txais ntawm Leej Pleev, nws niaj hnub tuaj nrog T.P Domenico nyob ua ke thiab khiav hauj lwm ua ke. Li no muaj ib zaug thiaj ua rau nws pom kiag ntawm qhov muag tej yam luag cav thiab txaus ntshai tshaj plaws rau nws qhov muag pom tseeb T.P Domenico nrog ntxwj nyoog sib tawm tsam.

    Maréchal tub rog Yas Kos Npoos tim khawv xyoo 1973 li no :

    "T.P. Domenico hais kom kuv nrog nws caij tsheb mus hauv ib lub me nyuam zos deb li ntawm ob peb lav kev, muaj ib tus txiv neej xav tau kev pab tuaj ntawm sab ntsuj plig. Wb mus txog thaj tsam ze ntawm 6 moo tsaus ntuj, kuv tos T.P Domenico hauv lub tsheb txog ntua 11:30 tsaus ntuj. T.P Domenico nrog tus txiv neej uas xav daws txhaum ntawv nyob ntev loo li 5 xuaj moos tsis tawm los. Thaum T.P Domenico tawm los nraum kuv, zoo li nws maj nroos thiab ceev faj tsawv. Nws hais rau kuv tias: " wb mus tsev tau lawm tiam sis koj yuav tsum ceev faj, maj mam tsav tsheb". Thaum wb los txog lub tsev couvent T.P Domenico nyob, wb tawm hauv tsheb los, kuv tab tom yuav muab yawm sij tsev rau T.P Domenico, tiam sis kuv ua poob, kuv khoov mus khaws yawm sij , thaum khaws tau kuv tsa taub hau yuav cev yawm sij rau T.P Domenico, cas pom ib tug txiv neej liab qab ploog nyob ntawm T.P Domenico ib sab, siab li ob mev, liab qab ploog, kuv tsis pom lub ntsej muag vim nws tig nruab qaum tuaj, tiam sis txaus nsthai kawg nkaus.

    Tam sim ntawv, kuv xuas kiag tau kuv rab phom tua kiag ib phom rau, tiam sis T.P Domenico tuav kiag kuv sab npab, nws cheem kuv tias : " Tsis txhob tua phom kom tag txhua tus neeg hauv lub tsev couvent no sawv, tsis tas koj yuav xuas phom tua, kuv paub nws yog leej twg mas, nws yog Lucifer, tus thawj dab ntxwj nyoog".

    Tam sim ntawv kuv mam paub tias tos T.P Domenico ceeb toom rau kuv ua ntej kom wb los tsev yuav tsum ceev faj thiab maj mam tsav tsheb. Thaum T.P Domenico tawm hauv tus txiv neej uas nws mus daws txhaum tsev los ces tuam thawj dab ntxwj nyoog nrog nws ua ke tawm los.

    Tus txiv neej uas T.P Domenico mus cawm hauv kev txhaum , tus txiv neej ntawv muaj kev txhaum txij li nws khiav nws tus pojniam nws mus nrog lwm tus pojniam nyob , li ntawv nws kuj ua txhaum nyob hauv txoj kev tuag ntau yam. Tiam sis muaj T.P Domenico tuaj mus cawm nws, tuaj mus ntxuav nws cov txhaum, tuaj mus daws nws kev txhaum, nkawv thiaj nyob ntev loo ua ke, tus txiv neej ntawv txiav txim siab khiav ntawm tus pojniam uas nws mus nrog nyob, nws lees kev txhaum xav tig rov los ua neeg ncaj.

    Thaum sij hawm T.P Domenico mus daws txhaum tas rau tus txiv neej ntawv ces dab ntxwj nyoog khib heev, ntxwj nyoog thiaj nrhiav kev tsim txom T.P Domenico . Raws li T.P Domenico hais mas ntxwj nyoog twb xub hais rau T.P Domenico tias, yuav muab nkawv lub tsheb mus tsoo puas ntsoog kom T.P Domenico tuag mus, tiam sis T.P Domenico tuav txog lub ntsej muag ntshiab hauv daim ntaub Leej Pleev nyob hauv daim duab Manopella ua ntaj tiv thaiv ces ntxwj nyoog swb.

    Thaum T.P Domenico hu txog Leej Pleev lub ntsej muag ntshiab nyob hauv daim ntaub, ces ntxwj nyoog khiav wb, kuv pom nws nkag rau hauv ib lub qhov dej, nws tsa tes tsa taw ua ntau yam tes taw phem thuam thiab cem wb.

    T.P Domenico tig los hais rau kuv tias : " Koj thiab nawb, koj yuav tau ceev faj txhob lam qaug rau pojniam daim nqaij yooj yim, yog hnub twg koj poob rau pojniam daim nqaij lawm tus ntxwj nyoog yuav luag thiab yuav tawm rov tuaj nyhos kuv tias koj yog ib tug kuv tiv thaiv thiab, koj poob hauv pojniam daim tawv".

    Pojniam daim tawv nqaij mos nyoos, lo lus qab zib, lub cev ntsiag to rau ntawm koj xub ntiag, yog ntxwj nyoog yam voj hlua khov tshaj rau txiv neej qaug yooj yim, hnub twg koj qaug lawm koj yuav raug ntxwj nyoog khi, koj yuav ua txhaum tuab zuj zus, koj poj koj sev koj tsis pom zoo, koj tsuas pom tus ntxwj nyoog cuab rau koj qab zib thiab zoo tas puas tsav yam, txawm tus pojniam ntawv yuav muab koj hlais ib daig zuj zus los koj tias qab zib thiab qab tshaj koj tus hauv tsev. Ntxwj nyoog lub voj hlua xuas pojniam daim tawv khi koj mas koj khiav nyuaj kawg, yuav khiav txog ntua koj tuag los koj tsis dim.

    Tiam sis thaum koj raug pojniam daim nqaij khi koj , qhov pab tau koj tseem muaj txoj kev mus daws txhaum, mus qhia koj tus kheej lub txim txhaum rau Tswv Ntuj ces koj yuav sawv tau rov qab khov li qub , yam li Leej Ntshiab Curé d'Ars hais : " Tsis txhob txaj muag daws yam txhaum uas yus twb tsis txaj muag ua! txhua yam kev txhaum yus mus daws yog ib txoj hlua khi yus plam ntawm ntxwj nyoog."

    Cov pojniam los tib yam, txhob cia koj lub siab rau ntxwj nyoog khi rau txiv neej daim nqaij qab zib, yog koj poob lawm koj yuav puam sij, koj yuav ua ib tug pojniam liam, ua ib tug pojniam deev luag txiv, koj yuav raug khi ntawm ntxwj nyoog txog hnub tuag. Thaum koj tuag lawm koj qhov nqaij raug tsis huv yuav dai lwj dhi rau kas yaim, koj yuav ua ib tug pojniam tsis muaj nqis hauv koj lub neej, txhua tus yuav muab koj siv puas ntsoog mus li ntxwj nyoog siv koj cuab kev txhaum rau txiv neej kom txhob dim ntawm ntxwj nyoog lub voj hlua, koj yuav yog tus txhaum nyhav tshaj txhua tus txiv neej tuaj deev koj.

    Thaum ntxov, ntiab kev phem tsis huv hauv koj lub cev mus, rau siab teev ntuj thiab daws txhaum kom koj thiaj tsis poob rau ntxwj nyoog khi yooj yim, koj yuav coj ib tug qauv dawb huv, koj yuav ntiab tus txiv neej txav ti koj kom txav deb, koj ua tau neeg huv, ntxwj nyoog yuav tsis muaj cuab kav siv koj , koj yuav pab tau coob leej ntau tus txiv neej kom txhob poob hauv txoj kev txhaum tsis huv.


    T.P Doménico tag sim neej xyoo 1978, nws muaj 73 xoos. Nws lub quas ntxa nyob rau Cese ( Italy teb) . Yog leej twg xav thov ntuj rau cov txiv plig los sis cov txiv tsev raug poob rau pojniam daim qaij kev txhaum, nej tuav txog T.P Domenico pab thov ntuj cawm.

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Manoppello
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Empty Re: T.P Domenico, ntxwj nyoog thiab cov txhaum tsis huv ntawm pojniam daim nqaij qab zib

    Post  Maiv Tooj 5th March 2011, 4:30 am


    Nyob zoo Maiv Paj Lug,

    Ua tsaug uas nws muab tau zaj nov los txhais...Zoo kawg, txhua yam Mim neb nrhiav los rau peb nyeem nov mas ua hauj lwm ntau heev rau neb; tab sis yog ib yam muaj nqes heev rau lub neej txoj sia...Yog ib qho tseem ceeb rau txhua leej paub txog hauv paus hauv ntsis ntawm txoj kev ua ib tug neeg ntseeg thiab cov ciaj ciam kev zoo kev pham.

    Yog peb tssi muaj kev sib fim raws Cab Sab li nov, ntshe peb twb tsis muaj fwv tsam yuav pom thiab paub txog tej lus tseem ceeb nov. Kuv ua neb ob leeg tsaug mog...

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Arton710
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Empty Re: T.P Domenico, ntxwj nyoog thiab cov txhaum tsis huv ntawm pojniam daim nqaij qab zib

    Post  Mim 5th March 2011, 2:06 pm

    Maiv Paj Lug,

    Kuv tseem tsis tau hnov txog tus TP Domenico koj hais saum no li thiab ov... koj tuaj hais txog kuv mam paub xwb. Zaj koj muab txhais no yeej zoo kawg li, zoo pab rau peb cov txiv neej Hmoob thiab poj niam hmoob tib si, zoo pab rau cov neeg cog lus xaiv lub neej tab seeb thiab pab rau cov cog lus xaiv lub neej ua txij ua nkaum.


    Last edited by Mim on 7th March 2011, 5:14 pm; edited 1 time in total
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Empty Re: T.P Domenico, ntxwj nyoog thiab cov txhaum tsis huv ntawm pojniam daim nqaij qab zib

    Post  Maiv Paj Lug 7th March 2011, 10:51 am

    Mim thiab Maiv Tooj, kuv nyeem tau ib qho site lawv qhia txog Yesxus Pleev daim duab ntaub ntawm no, zoo li lawv hais tias daim ntaub no yog daim puag thaum ub uas Yesxus kwv tus ntoo cuam los txog ntawm ntug kev muaj ib tug pojniam cev txoj puag tuaj so nws lub ntsej muag es cia li tawm nyob rau daim ntau xwb tsis yog neeg kos no na...daim ntaub phuam no twb ploj ntev los lawm, tiam sis tom qab no lawv rov rhiav tau nyob Manopello Italy lub tuam tsev teev ntuj. Daim ntaub no muaj ib txoj keeb kwm zoo heev qhia txog Yesxus lub face tshwm miracle, cia kuv koom mam tuaj txhais nawd.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Empty Re: T.P Domenico, ntxwj nyoog thiab cov txhaum tsis huv ntawm pojniam daim nqaij qab zib

    Post  Mim 7th March 2011, 5:07 pm

    Maiv PajLug,

    Kuv yeej tau nyeem txog daim ntaub nyob Manopello lawm thiab los mas... Nws yeej muaj keeb kwm zoo kawg li. Thaum ub mas Koom Txoos Kas Tos Liv nyob Rome yeej muaj Veronica daim ntaub ntawd, txij li xyoo 1199 los txog xyoo 1619-1626 tej. Tiam sis lub caij ntawd neeg nyiam nyiam muab Yes Xus lub ntsej muag mus ua qauv kos duab, ces vaj qhia tau tshaj tawm kom txhob muab kos duab lawm, thiab cov kos tau lawm los kom muab hlawv pov tseg kom tas no. Tsis ntev tom qab cas daim ntaub Veronica cia li ploj hauv Vatican mus lawm. Txog tav no, tsis muaj meeg paub meej hais tis ua li daim tseem puas tseem nyob hauv Vatican los tsis nyob lawm.

    Daim nyob Manopello mas nws tshwm tuaj yog xyoo 1506, nyob nyob cia li muaj neeg nqa tuaj pub rau ib tug neeg. Tom qab no twb yog xyoo 1646, lawv muab pub rau cov leej tij capuchins/capucins, ces thiaj nyob ntawm Manopello txog tav no. Muaj ib co kws tshawb nrhiav hais tawm tas ntxim li daim ntaub nyob Manopello yog dim tiag tiag uas ploj nyob Vatican lawm.

    Maiv Paj lug, koj khoom no koj tuaj txxhais zaj no rau sawv daws tau nyeem ua lus Hmoob mas...

    Kuv tso ib co video txog daim ntaub Manopello rau peb saib thiab mloog.

    The true face of Jesus -The Volto Santo- the holy face for true devotion, hais ua lus Aas Kiv




    La vraie image de Jésus -Le Volto Santo de Manoppello- Hais ua lus Fab Kis





    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Empty Re: T.P Domenico, ntxwj nyoog thiab cov txhaum tsis huv ntawm pojniam daim nqaij qab zib

    Post  NrhiavTswvNtuj 7th March 2011, 10:36 pm


    Nyob zoo Mim thiab Maiv paj Lug,

    Zoo siab heev uas neb ob leeg kub siab nrhiav tej yam tseem ceeb rau txoj kev Ntseeg.

    Maiv Paj Lug, zoo kawg yog koj npaj txhais txog daim Ntaub, Yes Xus tus duab.

    Mim, ua tsaug rau koj ob daim videos nov, zoo kawg nkaus. Kuv pom koj txhais tau zoo heev, kuv xav thov koj muab lub caij los pab txhais qhov video koj tso nov ua lus Hmoob thiab yuad. Koj khwv heev, tab sis kawg koj ib leeg yog tus uas Tswv Ntuj muab koob Hmoov ntau rau kev sau ntawv...li ntawd koj txhais cov phau Ntawv Ntshiab tag los tseem yuav vam txog koj ua tej yam me me uas tsis tsim nyog peb yuav tab kaum koj ntxiv...Kuv zoo siab heev uas Tswv Ntuj lub ZOG nyob nrog cov me nyuam neeg...

    Mim, kuv tso npe rau koj ob daim videos lawm, hais koj paub.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Empty Re: T.P Domenico, ntxwj nyoog thiab cov txhaum tsis huv ntawm pojniam daim nqaij qab zib

    Post  Mim 8th March 2011, 5:22 pm

    Nrhiav Tswv Ntuj,

    Zoo kawg, koj tuaj pab kuv tso npe rau kuv ob daim videos. Ua tsaug os...

    Cia saib kuv nrhiav puas tau lub sij hawm tuaj txhais ua lus Hmoob ...
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Empty Re: T.P Domenico, ntxwj nyoog thiab cov txhaum tsis huv ntawm pojniam daim nqaij qab zib

    Post  Maiv Tooj 10th March 2011, 11:16 pm



    Nyob zoo Mim, Maiv paj Lug thiab XH.Npuag Tub,

    Mim thiab Maiv Paj Lug,

    Kuv xav thov neb zog ntxiv, yam neb twb khwv khwv los kuv tseem xav kom neb khwv ntau zog ntxiv, vim neb muaj tus kab yeeb rau tej yam uas yuav pab tau peb txoj kev ntseeg kom zoo thiab ruaj khoav dua rau tej uas peb paub txog. Neb yog ob tug tseem ceeb qhia txoj hauv kev rau txhua leej Hmoob uas ntsib kev tws thiab nrhiav chaw vam khom...Yam li neb txawj mus nrhiav tau tej yam tseeb ceeb ntawm txoj kev Ntseeg txog Leej Pleev lub ntsiab. Li ntawd kuv yuav thov kom neb rov tshawb nrhiav ntau yam ntxiv tuaj pub rau peb paub thiab yoog nawb ib tug me neeg muaj txiaj ntsim ntawm Tswv Ntuj xub ntiag.

    XH.Npuag Tub,

    Koj yog tus tau kawm txog kev txhim tsa Tswv Ntuj lub tsev, koj yog ib tug muaj nqes ntawm txoj kev Ntseeg txog Leej Pleev, kuv yuav thov koj dag zog ntxiv, txawm koj twb tau qee ntau heev rau peb lawm los kuv tseem yuav thov koj pab ntxiv. Yog koj tsis cev tes ces peb Hmoob yuav tsis paub txog ntau yam kev siv thiab cov txheej txheem muaj nqes tseem ceeb ntawm peb txoj kev ntseeg txog Leej Pleev. Qhov tseem ceeb yuav tsum hwm los peb tssi paub li, peb cia li hla plhawv plho lawm, qhov tsim txiaj los peb tsis paub muab rau lub sam xeeb...Thaum hnov koj tham tag, tig rov saib qab, cas yus tau ua tej yam tsis yog ntau li ntau yam yus twb tsis paub txog...Yog li kuv thov koj, kuv muab lo lus qhuav los thov koj cev tes coj peb Hmoob Ntseeg kom lawv txoj kev Ntseeg nce qeb, paub qhov zoo qhov tseem ceeb, qhov muaj nqes nawb mog. Yog koj tsis pab ces ntseh peb yuav tsis muaj tus paub txog li ...Ntshe yuav ua neeg tssi paub cai, tssi paub qab haus li lawm...Kuv vam thiab tso siab rau koj tus ua XH. yuav qheb peb qhov muag hnub no.

    Kuv ua nej sawv daws tsaug.

    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Fili_a10

    Sponsored content


    T.P Domenico, ntxwj nyoog thiab cov txhaum tsis huv  ntawm pojniam daim nqaij qab zib Empty Re: T.P Domenico, ntxwj nyoog thiab cov txhaum tsis huv ntawm pojniam daim nqaij qab zib

    Post  Sponsored content


      Current date/time is 18th March 2024, 4:21 pm