Home
Yog koj tso siab rau Yesxus lub siab ntshiab, nws yuav ua koj siab kaj lug 
Lub hnub thiab lub hli qhia tias Tswv Ntuj nrog nraim koj nyob thiab pub txiaj ntsim sib npaug rau koj li lwm leej lwm tus.
Tswv Ntuj loj npaum twg los peb tsis pom, Tswv Ntuj nyob ze peb npaum twg los peb tsis hnov, Tswv Ntuj nrog nraim peb txhua hnub los peb tsis ntseeg, Tswv Ntuj ua ke nraim nrog peb los peb tsis paub tsis nco qab ua nws tsaug.
Yog li hnub no kuv piav me ntsis txog Tswv Ntuj zoo li cas rau nej, tej zaum muaj lwm tus tseem paub ntau dua los cia kuv piav kuv li rau nej es nej ho piav nej li tuaj rau kuv.
Muaj ib tag kis kuv sawv ntxov tsees, kuv mus hauj lwm, yog 5 moo kaj ntug, kuv tawm plaws nraum zoov, cas kuv pom kev kaj nrig, lub sij hawm ntawv tseem yog lub caij kaj ntug thiab tsaus ntuj ntxov. Txhua tag kis kuv tawm mas tsaus ntuj nti cuag laug cam npog qhov muag, tiam sis tag kis ntawv pom kev ci ntsa iab, kuv tsa taub hau ntsia, cas lub hli nra paug, lub hli kheej lam, lub hli zoo nkauj heev. Hauv kuv lub siab xav zoj tias, ab! tej laus ib txwm hais tias thaum qaim qaim hli mas muaj muaj dab thiab muaj poj ntxoog kom txhob tawm nraum zoo, ib txhia kuj hais tias thaum lub hli nra nra mas yog lub caij neeg pom dab tshaj plaws thiab dab phem kuj yuj neeg tej siab ntsws kom sawv sib tog.
Ntawm kuv tus kheej tag kis ntawv, kuv txawm nkag rau hauv kuv lub tsheb, kuv muaj ntsis ntshai, vim ib leeg xwb, cua tuaj txias zias, xob ib ce. Thaum kuv maj mam tsav kuv lub tsheb taug kev mus ua hauj lwm, kuv ua twb zoo xav cas lub hli raws kuv tsis tseg , kuv twb mus dua ib lub roob lawm los lub hli tseem pheem nyob nraum kuv sab qhov rais luv fais caum kuv. Kuv mam li tig ntsia lub hli zoo zoo, cas yuav zoo nkauj ua luaj, ci ntsa iab, thiab kaj nrig, kuv lub siab txawm xav zoj : Ab! tam tseeb lauj, lub hli zoo nkauj npaum li no, lub hli yog Tswv ntuj tsim nav, ua li cas kuv pheej nsthai lub hli ua dab tsi? cia kuv txhob ntshai lub hli, kuv muab ua ib zaj dab neeg hais kom kuv txhob nsthai seb? Kuv xav zoj tib pliag xwb, kuv mam pom tau tias lub hli tab tom qhia Tswv Ntuj rau kuv : Lub hli nis lub hli, koj zoo nkaus li Tswv ntuj li tiag, kuv nyob qhov twg los koj nyob qhov ntawv, kuv txawm mus deb deb ntxee ib sab roob los koj yeej tsis txav chaw, koj yeej caum kuv thiab zov rawv kuv, koj nyob koj qhov qub tiam sis kuv mus txog twg koj kuj mus txog ntawv, kuv nyob qis , koj nyob siab, kuv pom ntawm kuv ko taw kuv mus txog xwb, tiam sis koj nyob puag saum ntuj koj pom txhua yam kuv mus txog thiab yam kuv hla dhau los thiab koj tseem pom pem kuv hauv ntej uas kuv tab tom yuav mus hla, qhov thaiv wb ces yog koj txuas tsis tau lus rau kuv thiab kuv txuas tsis tau lus nrog koj xwb, tiam sis koj qhov pom kev thiab koj qhov chaw sov siab nra paug nrog kuv, ua rau kuv pom koj lawm tiag, koj qhia tau rau kuv tias Tswv Ntuj zoo npaum no, Tswv Ntuj saib xyuas nraim kuv, Tswv Ntuj tsis txav chaw, tiam sis kuv yog tus txav xwb.
Hnub no kuv lawb work, tab tom nkag rau hauv tsheb, cas lub hnub yuav ci kuv qhov muag ua luaj, tau ob peb hlis no lawm tsis tau pom tshav ntuj npaum no, cas hnub no tshav ntuj nrig; ci ci tshiab tshiab, ua rau kuv qhov muag qhib tsis tau tsav tsheb, kuv los muaj lub tsom iav dub coj, kuv tseem qhib qhov rais vim sov kawg kiag, kuv tsav tsheb hla kuv lub tsev hauj lwm los mus, kuv hla lawm ob peb lub me nyuam zos, ua li cas lub hnub pheej ci kuv qhov muag tas li, ua rau kuv xav twj ywm: ab! lub hnub cas koj nyob siab ua luaj, tsam no ntshe koj twb tshav ntuj mus txog puag nram Maiv tooj, koj tseem tshav ntuj mus txog puag tim Niamlaus Mim USA, koj tseem tshav ntuj puag nram txiv Suav Nus nyob nkws yas tib si, ab! yuam lub hnub, cas koj yuav faib txoj kev tshav ntuj mus txhua txhia nrho peb txhua tus li, tos tias Tswv Ntuj hais tias " kuv faib txiaj ntsim sib npaug rau nej txhua tus, tsis hais tus muaj los tus pluag, tus neeg txhaum los tus neeg ncaj, tus phem los tus zoo, kuv puav leej tsim tau nej txhua tus lawm, kuv tsis cais leej twg, kuv yeej tsis xaiv leej twg, kuv faib txiaj ntsim sib npaug, tsis muaj ib tug yuav tau sthaj ib tug". No ces Tswv Ntuj zoo kiag li lub hnub ntag lauuub!!! Tsam no lub hnub nws nyob nws qhov qub chaw, nws tsis txav chaw li, tsuas yog lub ntiaj teb khiav ncig lub hnub xwb, peb tib neeg los kuj tib yam, peb khiav hla ntawm Tswv Ntuj xwv ntiag ua hnub ua hmo los peb tsis nco tias Tswv ntuj pom peb thiab savw nraim ntawm peb ib sab, peb ua txhaum los peb twb tsis nco tias peb twb nkaum tsis tau rau tej qho kom lub hnub txhob pom kev txog, txawm peb yuav nkaum qhov av, los peb yog nkaum hauv lub hnub qab plab xwb, li no peb ua txhaum lub caij pom kev nrig ces Tswv ntuj twb yog qhov pom kev ntawv ntag.
Kwv tij phoojywg, nov yog kuv zaj kev ntseeg uas kuv pom Tswv ntuj xwb, yog leej twg ho muaj lwm zaj qhia tau rau nws pom Tswv ntuj no los tuaj piav ntxiv.
Tswv Ntuj loj npaum twg los peb tsis pom, Tswv Ntuj nyob ze peb npaum twg los peb tsis hnov, Tswv Ntuj nrog nraim peb txhua hnub los peb tsis ntseeg, Tswv Ntuj ua ke nraim nrog peb los peb tsis paub tsis nco qab ua nws tsaug.
Yog li hnub no kuv piav me ntsis txog Tswv Ntuj zoo li cas rau nej, tej zaum muaj lwm tus tseem paub ntau dua los cia kuv piav kuv li rau nej es nej ho piav nej li tuaj rau kuv.
Muaj ib tag kis kuv sawv ntxov tsees, kuv mus hauj lwm, yog 5 moo kaj ntug, kuv tawm plaws nraum zoov, cas kuv pom kev kaj nrig, lub sij hawm ntawv tseem yog lub caij kaj ntug thiab tsaus ntuj ntxov. Txhua tag kis kuv tawm mas tsaus ntuj nti cuag laug cam npog qhov muag, tiam sis tag kis ntawv pom kev ci ntsa iab, kuv tsa taub hau ntsia, cas lub hli nra paug, lub hli kheej lam, lub hli zoo nkauj heev. Hauv kuv lub siab xav zoj tias, ab! tej laus ib txwm hais tias thaum qaim qaim hli mas muaj muaj dab thiab muaj poj ntxoog kom txhob tawm nraum zoo, ib txhia kuj hais tias thaum lub hli nra nra mas yog lub caij neeg pom dab tshaj plaws thiab dab phem kuj yuj neeg tej siab ntsws kom sawv sib tog.
Ntawm kuv tus kheej tag kis ntawv, kuv txawm nkag rau hauv kuv lub tsheb, kuv muaj ntsis ntshai, vim ib leeg xwb, cua tuaj txias zias, xob ib ce. Thaum kuv maj mam tsav kuv lub tsheb taug kev mus ua hauj lwm, kuv ua twb zoo xav cas lub hli raws kuv tsis tseg , kuv twb mus dua ib lub roob lawm los lub hli tseem pheem nyob nraum kuv sab qhov rais luv fais caum kuv. Kuv mam li tig ntsia lub hli zoo zoo, cas yuav zoo nkauj ua luaj, ci ntsa iab, thiab kaj nrig, kuv lub siab txawm xav zoj : Ab! tam tseeb lauj, lub hli zoo nkauj npaum li no, lub hli yog Tswv ntuj tsim nav, ua li cas kuv pheej nsthai lub hli ua dab tsi? cia kuv txhob ntshai lub hli, kuv muab ua ib zaj dab neeg hais kom kuv txhob nsthai seb? Kuv xav zoj tib pliag xwb, kuv mam pom tau tias lub hli tab tom qhia Tswv Ntuj rau kuv : Lub hli nis lub hli, koj zoo nkaus li Tswv ntuj li tiag, kuv nyob qhov twg los koj nyob qhov ntawv, kuv txawm mus deb deb ntxee ib sab roob los koj yeej tsis txav chaw, koj yeej caum kuv thiab zov rawv kuv, koj nyob koj qhov qub tiam sis kuv mus txog twg koj kuj mus txog ntawv, kuv nyob qis , koj nyob siab, kuv pom ntawm kuv ko taw kuv mus txog xwb, tiam sis koj nyob puag saum ntuj koj pom txhua yam kuv mus txog thiab yam kuv hla dhau los thiab koj tseem pom pem kuv hauv ntej uas kuv tab tom yuav mus hla, qhov thaiv wb ces yog koj txuas tsis tau lus rau kuv thiab kuv txuas tsis tau lus nrog koj xwb, tiam sis koj qhov pom kev thiab koj qhov chaw sov siab nra paug nrog kuv, ua rau kuv pom koj lawm tiag, koj qhia tau rau kuv tias Tswv Ntuj zoo npaum no, Tswv Ntuj saib xyuas nraim kuv, Tswv Ntuj tsis txav chaw, tiam sis kuv yog tus txav xwb.
Hnub no kuv lawb work, tab tom nkag rau hauv tsheb, cas lub hnub yuav ci kuv qhov muag ua luaj, tau ob peb hlis no lawm tsis tau pom tshav ntuj npaum no, cas hnub no tshav ntuj nrig; ci ci tshiab tshiab, ua rau kuv qhov muag qhib tsis tau tsav tsheb, kuv los muaj lub tsom iav dub coj, kuv tseem qhib qhov rais vim sov kawg kiag, kuv tsav tsheb hla kuv lub tsev hauj lwm los mus, kuv hla lawm ob peb lub me nyuam zos, ua li cas lub hnub pheej ci kuv qhov muag tas li, ua rau kuv xav twj ywm: ab! lub hnub cas koj nyob siab ua luaj, tsam no ntshe koj twb tshav ntuj mus txog puag nram Maiv tooj, koj tseem tshav ntuj mus txog puag tim Niamlaus Mim USA, koj tseem tshav ntuj puag nram txiv Suav Nus nyob nkws yas tib si, ab! yuam lub hnub, cas koj yuav faib txoj kev tshav ntuj mus txhua txhia nrho peb txhua tus li, tos tias Tswv Ntuj hais tias " kuv faib txiaj ntsim sib npaug rau nej txhua tus, tsis hais tus muaj los tus pluag, tus neeg txhaum los tus neeg ncaj, tus phem los tus zoo, kuv puav leej tsim tau nej txhua tus lawm, kuv tsis cais leej twg, kuv yeej tsis xaiv leej twg, kuv faib txiaj ntsim sib npaug, tsis muaj ib tug yuav tau sthaj ib tug". No ces Tswv Ntuj zoo kiag li lub hnub ntag lauuub!!! Tsam no lub hnub nws nyob nws qhov qub chaw, nws tsis txav chaw li, tsuas yog lub ntiaj teb khiav ncig lub hnub xwb, peb tib neeg los kuj tib yam, peb khiav hla ntawm Tswv Ntuj xwv ntiag ua hnub ua hmo los peb tsis nco tias Tswv ntuj pom peb thiab savw nraim ntawm peb ib sab, peb ua txhaum los peb twb tsis nco tias peb twb nkaum tsis tau rau tej qho kom lub hnub txhob pom kev txog, txawm peb yuav nkaum qhov av, los peb yog nkaum hauv lub hnub qab plab xwb, li no peb ua txhaum lub caij pom kev nrig ces Tswv ntuj twb yog qhov pom kev ntawv ntag.
Kwv tij phoojywg, nov yog kuv zaj kev ntseeg uas kuv pom Tswv ntuj xwb, yog leej twg ho muaj lwm zaj qhia tau rau nws pom Tswv ntuj no los tuaj piav ntxiv.
Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.
Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.
