HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


LEEJ NTSHIAB PAJ LUG COV LUS NTUAS Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


2 posters

    LEEJ NTSHIAB PAJ LUG COV LUS NTUAS

    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    LEEJ NTSHIAB PAJ LUG COV LUS NTUAS Empty LEEJ NTSHIAB PAJ LUG COV LUS NTUAS

    Post  Npuagtub 19th October 2010, 4:47 am



    NYIAM LUAG TEJ IB YAM KOJ NYIAM KOJ.

    Nej yuav tsis txhob tshuav luag nuj luag nqi, yam nej tshuav ntawm luag tej mas yog txoj kev nyiam. Vim tus nyiam luag tej mas nws ua raws li Tswv Ntuj txoj cai tas hu si lawm.

    Tswv Ntuj cov lus tau qhia hais tias, koj tshob zes luag txij laug nkawm, koj txhob tua neeg, koj txhob ntshaw nyiag luag teej luag tug.

    Cov lus qhuab qhia no thiab lwm cov lus qhia lub ntsiab mas yog txhais tias: Koj yuav nyiam luag tej ib yam li koj nyiam koj.

    Tus neeg nws nyiam luag tej mas nws tsis ua ib yam phem rau luag. Ua li mas txoj cai lub ntsiab yog txoj kev nyiam. LM 13 : 8-10
    .

    LEEJ NTSHIAB PAJ LUG COV LUS NTUAS Love_o11
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    LEEJ NTSHIAB PAJ LUG COV LUS NTUAS Empty Re: LEEJ NTSHIAB PAJ LUG COV LUS NTUAS

    Post  Maiv Tooj 19th October 2010, 10:02 am



    Nyob zoo XH. Npuag Tub,

    Txoj kev hlub yog tsob tshuaj qab ntug
    Txoj kev nyiam yog hauv tshuaj muaj sia
    Yog peb txawj sib hlub peb yuav tau lub neej kaj lug
    Yog peb txawj sib nyiam peb yuav ua lub neej kaj siab...



    Kos Lis Nthos Tsab Ib, zaj 13 : 4-10.
    Lub siab nyiam txawj ua siab ntev, ua
    siab sib, tsis txawj khib, tsis khav theeb,
    tsis muab hlob. 5 Lub siab nyiam tsis ua
    tub qaug luag, tsis nrhiav qhov zoo rau
    nws, tsis npau taws, tsis cib nyeej. 6 Lub
    siab nyiam tsis zoo siab pom luag tej ua
    tsis ncaj, nws xav pom luag tej nrhiav
    qhov tseeb. 7 Lub siab nyiam zam rau
    sawv daws, nws ntseeg sawv daws, nws
    tso siab rau sawv daws, nws ua siab ntev
    ris tas puas tsav yam nyuaj.
    8 Txoj kev nyiam tsis txawj dua ib zaug.
    Txoj kev ua Yaj Saub yuav ploj. Muaj ib
    hnub twg, cov neeg txawj txhais tej xeem
    lus txawv yuav nyob ntsiag to. Txoj kev
    txawj kev ntse kuj yuav dua. 9 Vim tias,
    txuj ci, peb tsuas paub ib feem xwb.
    10 Thaum txoj kev zoo txhij zoo txhua
    los txog, mas tej yam uas neeg ua tau ib
    feem me me yuav ploj tas huv tib si.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    LEEJ NTSHIAB PAJ LUG COV LUS NTUAS Empty Re: LEEJ NTSHIAB PAJ LUG COV LUS NTUAS

    Post  Npuagtub 20th October 2010, 9:56 am



    LUB SIAB ROV SIB NTAUS ROG.

    Peb yeej paub tias txoj cai yog ib yam nyob hauv lub tswv yim. Tab sis kuv yog ib leej tib neeg muaj lub cev nqaij, kuv thiaj li mag txoj kev txhaum. 15 Hais tiag mas kuv tsis to taub tej yam uas kuv niaj hnub ua : yam li, kuv tsis ua qhov kuv xav ua, hos kuv ua qhov kuv ntxub. 16 Tab yog kuv ua tej yam kuv tsis xav ua, tsis kav kuv lees tias yog Txoj Cai zoo.

    17 Hais qhov tseeb mas tsis yog kuv ua hauj lwm, yog txoj kev txhaum, uas nyob txawm hauv kuv ua hauj lwm. 18 Vim kuv paub tias tsis muaj ib yam zoo nyob txawm hauv kuv lub cev, kuv lub cev nqaij xav ua yam zoo uas kuv xav tau, tab sis kuv ua tsis tau yam zoo ntawd :




    LEEJ NTSHIAB PAJ LUG COV LUS NTUAS Acts4111
    19 vim tias kuv tsis ua qhov zoo uas kuv xav ua, kuv ua qhov phem uas kuv tsis xav ua. 20 Yog kuv tsis ua qhov kuv xav ua, mas tsis yog kuv ua txoj hauj lwm, yog txoj kev txhaum uas nyob hauv kuv, ua txoj hauj lwm ntawd.
    21 Kuv thiaj pom ib yam zoo li no: thaum kuv xav ua qhov zoo, mas qhov phem tawm plaws tam sim ntawd los cuag kuv. 22 Nyob puag hauv nruab siab, thaum kuv txaus siab rau Tswv Ntuj Txoj Cai, 23 mas kuv pom tias muaj dua lwm txoj cai tswj kuv tej tes taw, txoj cai ntawd sawv tsees los tawm tsam tiv kuv lub tswv yim. Txoj cai ntawd muab kuv khi rau tej kev phem uas nyob hauv kuv cov tes taw. 24 Ua li mas kuv txom nyem tas nrho tiag ! Leej twg yuav npo kuv dim ntawm lub cev uas pus kuv mus rau txoj kev tuag ntawd tau ? 25 Kuv ua Tswv Ntuj tsaug nyob hauv peb tus Huab Tais Yes Xus Pleev. Tab yog kuv lub cev nqaij tseem ua kev txhaum qhev, tsis kav kuv muab kuv lub tswv yim los tsob hwb Tswv Ntuj Txoj Cai. Losmas 7:14-25

    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    LEEJ NTSHIAB PAJ LUG COV LUS NTUAS Empty Re: LEEJ NTSHIAB PAJ LUG COV LUS NTUAS

    Post  Npuagtub 1st November 2010, 10:06 am




    SAIB IB NCIG NTAWM KOJ TUS KHEEJ. Filipos 3: 9-12

    kuv saib tas puas tsav yam tsis muaj qab hau, vim kuv xav tau Leej Pleev. 9 Kuv xav kom Tswv Ntuj ntsib kuv nyob hauv Leej Pleev. Kuv tsis muaj ib txog kev ncaj ua kuv tug ; kuv tsis muaj txoj kev ncaj tuaj ntawm Txoj Cai tuaj. Kuv tsuas muaj txoj kev ncaj tuaj ntawm txoj kev ntseeg txog Leej Pleev thiab ntawm Tswv Ntuj tuaj xwb, yog txoj kev ncaj uas nrhau cag rau hauv txoj kev ntseeg.
    10 Kuv xav paub Leej Pleev, xav paub nws txoj kev sawv rov los muaj zog npaum li cas, xav npuab nws nyob hauv nws txoj kev raug txom nyem, thiab kuv xav yoog nws tus piv txwv nyob hauv txoj kev tuag, 11 saib kuv puas yuav sawv tau hauv cov tub tuag rov los.




    LEEJ NTSHIAB PAJ LUG COV LUS NTUAS St-ant10
    12 Kuv tsis hais tias, kuv twb mus txog chaw lawm, los kuv twb zoo txhij zoo txhua tas lawm. Kuv khiav ntxiv kom kuv tuav tau Leej Pleev, vim Yes Xus Pleev twb tuav tau kuv lawm.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    LEEJ NTSHIAB PAJ LUG COV LUS NTUAS Empty Re: LEEJ NTSHIAB PAJ LUG COV LUS NTUAS

    Post  Npuagtub 5th November 2010, 7:08 am


    Yuav sib nyiam thiab yuav kub siab ua zoo. Kaslastias, 6:1-10.

    1 Kwv tij sawv daws, nej yog cov mloog lub tswv yim. Yog nej pom ib tug tseem tab tom ua txhaum, mas nej ua tib zoo rov tsa nws sawv. Thiab nej yuav ceev faj, kom nej tsis txhob poob rau hauv kev ntxias.

    2 Peb ib leeg yuav pab ib leeg ris peb lub nra ua neej, peb thiaj li yuav ua tau raws li Leej Pleev lo lus qhia. 3 Tus twg xav tias nws loj dua cov, mas nws yuam kev lawm, vim nws tsis loj dua luag tej. 4 Nyias yuav rov tsom nyias tej hauj lwm : yog nws txoj hauj lwm zoo yuav ua nws lub koob meej, tsis yog luag txoj hauj lwm zoo yuav ua nws lub koob meej. 5 Vim nyias yuav ris nyias lub nra.

    6 Cov thwj tim yuav tsum pab kev noj kev hnav rau tus qhia Ntuj lo lus rau lawv. 7 Nej txhob yuam kev : neeg thuam Tswv Ntuj tsis tau. Yus cog yam twg, mas yus yuav tau sau yam ntawd.


    LEEJ NTSHIAB PAJ LUG COV LUS NTUAS Love_q10
    8 Leej twg cog rau hauv nws lub cev nqaij, mas nws yuav tau txais lub cev nqaij txoj kev lwj. Leej twg cog rau hauv lub tswv yim, mas nws yuav txais txoj sia nyob mus li hauv lub tswv yim. 9 Peb tsis qaug zog ua qhov zoo. Yog peb rau siab ntso ua tsis tseg, mas muaj ib hnub, peb yuav tau sau peb cov qoob. 10 Ua li mas, cheem peb tseem muaj sij hawm ua qhov zoo rau sawv daws, peb kav tsij ua mus. Peb xub ua zoo rau peb cov kwv tij uas nyob hauv txoj kev ntseeg ua ntej.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    LEEJ NTSHIAB PAJ LUG COV LUS NTUAS Empty Re: LEEJ NTSHIAB PAJ LUG COV LUS NTUAS

    Post  Npuagtub 7th November 2010, 10:18 am





    LEEJ NTSHIAB PAJ LUG COV LUS NTUAS Att00010
    YUAV NYIAM COV YEEB NCUAB. LM. 12: 14-21

    Nej yuav foom lus zoo rau cov neeg hiam nej. Foom lus zoo xwb, txhob foom lus phem. 15 Thaum nej nrog cov neeg zoo siab nyob ua ke, mas nej kuj yuav nrog lawv zoo siab luag ntxhi. Thaum nej nrog cov neeg quaj ntsuag nyob ua ke, mas nej kuj yuav nrog lawv quaj. 16 Nej nrog sawv daws muaj ib lub siab ib lub tswv yim. Nej txhob nyiam ua neeg muab hlob.Nej yuav cia nej lub siab xib rau cov neeg me. Txhob xav tias nej paub txuj ci dua luag tej. 17 Nej txhob pauj qhov phem uas luag tau ua rau nej. Nej yeej meem muab siab rau ua tej yam zoo nyob ntawm sawv daws xub ntiag.
    18 Nej nrog sawv daws nyob haum pheej, raws li nej ua tau.19 Kwv tij zoo nyiam, nej tsis txhob pauj qhov phem uas luag ua rau nej mog. Nej cia Tswv Ntuj npau taws rau lawv. Vim nyob hauv ntawv, Huab Tais Ntuj hais tias : ‘Kuv yog tus yuav pauj kev chim, thiab yog tus yuav muab txim.’20 Li ntawd, ‘yog koj tus yeeb ncuab tshaib plab, mas koj yuav pub mov rau nws noj, yog nws nqhis dej, mas koj yuav muab dej rau nws haus. Yog koj ua li no, mas koj tshem ib pawg hluav ncaig kub kub saum koj tus yeeb ncuab taub hau pov tseg.’21 Koj tsis txhob cia txoj kev phem yeej koj. Koj ua zoo, ces koj yeej txoj kev phem.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    LEEJ NTSHIAB PAJ LUG COV LUS NTUAS Empty Re: LEEJ NTSHIAB PAJ LUG COV LUS NTUAS

    Post  Npuagtub 8th March 2011, 5:30 am



    THAWJ LUB THAJ TXI NTUJ.

    LEEJ NTSHIAB PAJ LUG COV LUS NTUAS Simon_10



    Cov lus kuv qhia rau nej yog cov lus kuv txais ntawm Huab Tais los. Yam li hmo lawv muab Huab Tais Yes Xus rau cov nom ntes, Huab Tais tuav ib lub ncuav mov, nws ua ntuj tsaug, nws muab lub ncuav mov ntais, nws hais tias: Qhov no yog kuv lub cesv cia cawm nej, nej ua qhov no kom nej nco txog kuv.
    Thaum noj mov tas, Huab Tais Yes Xus tuav lub ntim cawv, nws hais tias: Lub ntim cawv no yog zaj cog lus tshiab nyob hauv kuv cov ntshav, nej haus lub ntim no thaum twg mas nej hauv kom nej nco txog kuv. kwv tij sawv daws txij no mus, nej noj cov ncuav mov no thiab nej hauv cov cawv no thaum twg mas nej tshaj Huab Tais Yes Xus txoj kev tuag, nej ua li no mus txog hnub Huab Tais rov los.
    Koslis nthos, 11 : 23 - 26.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    LEEJ NTSHIAB PAJ LUG COV LUS NTUAS Empty Re: LEEJ NTSHIAB PAJ LUG COV LUS NTUAS

    Post  Maiv Tooj 8th March 2011, 6:04 am



    Nyob zoo XH.Npuag Tub,

    Zoo siab ntsib nws hnub no. Zoo kawg, nws cov lus thoob tsib, yog ib co lus nyiaj lus kub uas peb yuav tau nco ntsoov kawm coj mus siv...Kuv nyiam nqe lus nov heev...

    ‘yog koj tus yeeb ncuab tshaib plab, mas koj yuav pub mov rau nws noj, yog nws nqhis dej, mas koj yuav muab dej rau nws haus. Yog koj ua li no, mas koj tshem ib pawg hluav ncaig kub kub saum koj tus yeeb ncuab taub hau pov tseg.’
    21 Koj tsis txhob cia txoj kev phem yeej koj. Koj ua zoo, ces koj yeej txoj kev phem.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    LEEJ NTSHIAB PAJ LUG COV LUS NTUAS Empty Re: LEEJ NTSHIAB PAJ LUG COV LUS NTUAS

    Post  Npuagtub 8th March 2011, 6:17 am


    Nyob zoo Mt,

    Hahahaaaa.....!!!! uan cas txog tas no koj mam tuaj pom kuv sau zaj lus no puas yog. Kuv los kuj nyiam ib yam tiam sis cov lus ntawd peb sawv daws muaj tsawg leej thiaj li ua tau xwb os vim nws yog ib yam nyuaj heev rau peb tib neeg. Yog peb ua tau li Tswv NTuj cov lus qhia mas peb yeej yuav tsum tau raws li Tswv Ntuj cov lus hais ...
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    LEEJ NTSHIAB PAJ LUG COV LUS NTUAS Empty Re: LEEJ NTSHIAB PAJ LUG COV LUS NTUAS

    Post  Maiv Tooj 8th March 2011, 9:30 am



    Nyob zoo XH.Npuag Tub,

    Kuv yeej pom koj lub Topic nov ntev lawm mas...Qhov kuv hais yog nqe lus ua koj nyuam qhuav tso hnub no xwb...Xyov li tiag, cas Tswv Ntuj twb tho kev huv si rau yus taug kom yooj yim los cas yus pheej taug tsi tau li. Ntshe yuav yuam tiag yuam tiag kom tau tau me me...

    Zoo kawg nawb, tej yam koj tuaj tso nov...Yog ib qho zoo kawg nkaus...Khoom no lauj zias lub caij tuaj nthuav kev Thoob Tsib rau peb kawm nawb...Thiab kuv tseem xav vam txog koj tuaj nthuav tej txheej txheem thiab kev cai txog kev npaj lub Txoos, kev hwm tej twj thiab ntau yam ntshiab nyob hauv lub Txoos rau peb paub txog thiab.

    LEEJ NTSHIAB PAJ LUG COV LUS NTUAS Sr_bla10
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    LEEJ NTSHIAB PAJ LUG COV LUS NTUAS Empty Re: LEEJ NTSHIAB PAJ LUG COV LUS NTUAS

    Post  Npuagtub 8th March 2011, 8:40 pm



    HUAB TAIS ROOJ QAV.
    LEEJ NTSHIAB PAJ LUG COV LUS NTUAS Images10



    Kwv tij, txij no mus yog nej noj cov ncuav mov no thiab haus lub ntim cawv no thaum twg mas nej tshaj Huab Tais Yes Xus txoj kev tuag nej ua li no mus txog hnub nws rov los.

    Vim li ntawd tus noj Huab Tais cov mov thiab haus nws lub ntim cawv no thaum twg, tab sis nws tsis ua kom tsim nyog mas nws yuav raug lub txim thuam Huab Tais Yes Xus lub cev thiab cov ntshav.

    Li ntawd yog tus tus uas yuav noj cov mov thiab haus cov cawv no mas nws yuav tsom saib nws puas tsim nyog noj tso.Tus uas noj thiab haus tab sis nws tsis pom meej tias yog Huab Tais Yes Xus lub Cev thiab cov Ntshav mas yog nws noj thiab haus nws cov txim txhaum. Yog vim qhov no mas nyob hauv nej thiaj li muaj ntau leej muaj mob thiab qaug zog thiab muaj ntau leej tuag.

    Yog peb ua tib zoo tsom peb lub siab, mas peb yuav tsis raug txim.
    Kos Lis Nthos Tsab 1. Zaj 11 : 26 - 31.

    Sponsored content


    LEEJ NTSHIAB PAJ LUG COV LUS NTUAS Empty Re: LEEJ NTSHIAB PAJ LUG COV LUS NTUAS

    Post  Sponsored content


      Current date/time is 28th March 2024, 4:41 am