Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

Suav neeg tuaj saib, txij hnub 17/09/2010 los mus.


    Dr Yang Dao Happy New Year Nyob zoo xyoo tshiab 2011 & 2013

    Share

    Hmoob ntuj qub qab
    Tuaj Tshiab
    Tuaj Tshiab

    Messages : 71
    Date d'inscription : 2010-11-22

    Dr Yang Dao Happy New Year Nyob zoo xyoo tshiab 2011 & 2013

    Post  Hmoob ntuj qub qab on 3rd January 2011, 5:09 pm

    Nyob zoo xyoo tshiab nas Maiv Tooj,Maiv Paj Lug thiab cov Phooj ywg, muab tij laug Dr.Yang Dao tsab xov foom koob hmoov xyoo tshiab 2011 los rau peb twm nas yuam

    Nyob zoo ib tsoom kwv tij neej tsa Hmoob thoob qab ntuj:

    Vim ntuj deb kev ncua ntev, peb ib leeg nyob ib qhov. Kuv yog Dr. Yang Dao nyob Mis Kuj teb. Nej nyob Tsoob Kuj teb, Vietnam teb, Los Kuj teb thiab Thaib Kuj teb, Australia teb, Canada teb thiab Fab Kis teb. Vim ntuj fab teb lam yav dhau los, peb haiv Hmoob thiaj tau ri mus nyob thoob qab ntuj khwb. Kuv txawm tuaj cuag tsis taus nej los kuv lub siab yeej nco ntsoov txog nej. Kuv thiaj sau ob lub txwm ntawv no xa nrog huab nrog cua tuaj tsham xyuas nej uas yog kuv ib tsob Hmoob koom ib lub noob mag nqis pem teb.

    Ib xyoos 12 lub hlis ncig rov qab los txog. Xyoo laus 2010 nyuam qhuav dhau plaws lawm, xyoo tshiab 2011 tawm plaws tuaj txog. Kuv thov Tswv Ntuj Tswv Teb thiab peb Hmoob poj yawm txwv txoob tus ntsuj plig xa koob hmoov tuaj rau nej thiab nej tsev neeg txhua leej txhia tus kom xyoo tshiab tuaj no, mov tshiab los nej sawv daws tau noj, dej tshiab los nej sawv daws tau haus, thiab kom ib xyoos fuam 12 lub yeej pov rau peb haiv Hmoob thoob qab ntuj coj mus ua ib lub neej tshiab nyob sib hlub nrog sib txhawb mus rau txoj kev vam meej muaj koob nto npe. Tsis tas li ntawd, kuv xav kom peb Hmoob sawv daws nco ntsoov hais tias peb nyob lub teb chaws twg mas lub teb chaws ntawd yog peb lub. Peb yuav tau ib tug pej xeem zoo, muaj siab loj siab dav, paub fwm tus hlob mus rau tus yau, tsis lam ua txhaum luag txoj kev cai tswj fwm teb chaws, tiam sis muaj rab peev xwm nrog luag txhim kho lub neej nyob koom txoos (society) kom muaj kev haum xeeb (unity), muaj kev thaj yeeb (peace), muaj kev koob pheej (social justice), muaj kev vaj huam sib luag (equal rights) mus rau txoj kev vam meej. Thaum ntawd, tej pej xeem fuab fwm thiab tej nom tej tswv mam tsa nws los nrog luag tswj teb kav chaw. Kuv tseem vam hais tias 4-5 hlis tom ntej no, yog muaj lub cib fim, kuv tseem xav tuaj mus ncig tsham xyuas peb Hmoob nyob Vietnam, China, Thailand thiab Laos thiab nrhiav kawm ntxiv txog peb haiv Hmoob liv xwm (history) tiab tej txuj ci (culture and traditions).

    Thaum xaus no, kuv thiab kuv poj niam wb thov nej sawv daws sawv nrog wb tsa ib khob cawv txais tos xyoo tshiab. (xyuas daim duab hauv attachment). Khov cawv no yog khob cawv sib hlub ua kwv ua tij, ua muam ua nus thiab ua neej ua tsav los mus koom tes sib pab txhim kho peb lub npe HMOOB kom nto koob nto meej nyob qab ntuj khwb.

    Nyob zoo Xyoo Tshiab 2011!

    Dr. Yang Dao

    6332 Georgia Avenue North

    Brooklyn Park, MN 55428

    U.S.A.

    Tel: (763) 533-3446

    TSHWJ XEEB: yog nej paub leej twg nyob nej lub teb chaws uas muaj lub siab thiab lub tswv yim xav nrog peb sib txuas lus mus yav tom ntej, thov nej qhia lawv npe thiab tus Email tuaj rau kuv. Lwm hnub yog ho muaj xov xwm dab tsi tseem ceeb, kuv thiaj paub tshaj xov rau lawv thiab. Saum toj no, kuv tau muab kuv qhov chaw nyob hauv teb chaws Mis Kuj (U.S.A.) tuaj rau nej. Yog nej leej twg ho tuaj txog peb lub teb chaws Amelikas no los thov nej ho ncig los xyuas kuv thiab kuv tsev neeg. Ua tsaug ntau.






    Last edited by Hmoob ntuj qub qab on 4th January 2011, 2:53 pm; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5154
    Date d'inscription : 2009-08-18

    Re: Dr Yang Dao Happy New Year Nyob zoo xyoo tshiab 2011 & 2013

    Post  Maiv Tooj on 3rd January 2011, 10:55 pm


    Nyopb zoo Xyoo Tshiab Hmoob ntuj qub qab,

    Ua tsaug ntau nws tseem muab tij laug Yaj Tsab tej lus nyiaj lus kub, lus koob lus Hmoov tuaj txog peb txhua leej.
    Ntawm kuv tus kheej, kuv yog me nyuam neeg xwb, qab hau tog twg kuv tssi paub, kuv tsis paub txog tej hlob tes dej num. Tab sis kuv xav tias hauj lwm ces yog yus nrhiav ces yus yuav ua qhov tshiab mus tsis txawj tag, yuav tssi muaj caij tig rov saib qab lawm. Tab sis kuv xav thov faj ib lo lus rau tij laug Yaj tsab, yog nws tssi tuaj pom los thov nej cov txheeb ze los phooj ywg uas tau ntsib tij laug, ho pab muab kuv lo lus me nyuam yaus nov muus rau nws, tsis yog ib lo lus faj rau nws tab sis yog ib los lus THOV TXOG NWS.

    "Tig laug Yaj tsab, koj yog tus xub pom ntuj, koj tau noj thawj diav mov, kuv Maiv Tooj, me nyuam neeg muaj ib los lus tuaj hauv kuv lub siab tuaj thov txog koj, vim kuv yug los ua qab, Yawm saub pub txuj ci tsawg rau kuv, kuv tseem nqa tssi tau lub ris los, kuv ho nqa tau daim tiab los hnav, yam twg los kuv qeeb, kuv lig lawm. Tos kuv xeev xwm yuav sau qoob loo ces ntuj nkig teb qhuav, tej laus twb dua tag, kuv vuag qhov twg los twb muab tsis tau ib yam, tuav tsis tau ib qho. Kuv paub tias koj tus ua tij xub noj hno, koj laj xeeb xub xav txog, koj tau kaw tej laus tej kwv huam, keeb kwm ntau heev cia lawm. Xav kom thaum lub caij koj los so hauj lwm nov, koj muab coj los sau ua tej phau ntawd ua peb cov LUS HMOOB tau khaws tseg. Txawm koj kev TSEEV TSIM nrog tej nom tswv tswj teb chaws ntau los thov koj ua Peb Hmoob lub teeb thiab. Yog tej keeb kwm uas koj khaws tau tssi muab tshaj, muab tshawb ces yuav ploj yam peb nrhiav tsis tau ntxiv lawm.
    Ib los faj seeb, yog tias koj ua tij muaj hauj lwm ntau, ua tsis yeej, kuv zoo siab yuav pab koj ua yam puav. Raws li kuv xav, kuv paub, txawm koj faib ib ob txoj hauj lwm rau kuv pab koj los koj yeej tseem tshuav txhiab puas txoj ua tsis tag li...Kuv lus muaj li no xwb, Thov ua tsaug, kuv lam tso ib tsab xov rau hauv ib lub lam fwj, pov rau dej hiav txwv xwb, seb hnub twg puas muaj hmoo tuaj txog koj ua tij. Kawg no thov kom koj thiab tsev neeg muaj kev kaj siab huaj vam rau lub xyoo tshiab 2011 no."



    PS. Hmoob ntujqubqab, xav tias Xyoo Tshiab twb dhau lawm, ntshe tij laug Yaj Tsab tsis xa koob hmoov xyoo tshiab rau kuv no, tab sis sau message rau koj tag, mus qheb mail naj cas nws kuj xa rau kuv thiab...Kuv mam li xa kuv cov lus ncaj qha rau nws...Ua tsaug ntau.




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: Dr Yang Dao Happy New Year Nyob zoo xyoo tshiab 2011 & 2013

    Post  Maiv Paj Lug on 4th January 2011, 3:54 am

    Ua tsaug ntau rau kojnawb tijlaug Hmoobntujqubqab,

    nej txhua tus yog neeg txawj sib pab sib hlub thiab txawj sib nug moo, ib xyoos ntuj zeeg, ntuj tshiab tawm tuaj, tej nom tej tswv thiaj muaj kev kaj siab tuaj hais lus zoo, foom koob foom hmoov rau nej, kuv tsuas thov kom sawv daws txawj sib hlub sib pab thiab sib txhawb raws nraim li Yang Dao tej lus nyiaj lus kub tau hais los saum toj no nawb mog. o)




    <3 <3 Pab kuv rov los cuag koj Huab Tais Yesxus <3 <3

    Hmoob ntuj qub qab
    Tuaj Tshiab
    Tuaj Tshiab

    Messages : 71
    Date d'inscription : 2010-11-22

    Re: Dr Yang Dao Happy New Year Nyob zoo xyoo tshiab 2011 & 2013

    Post  Hmoob ntuj qub qab on 4th January 2011, 2:49 pm

    Nyob zoo Sij hawm tshiab Hnub tshiab xyoo tshiab nas Maiv Tooj thiab Maiv Paj Lug

    Ab...! Koojziagkabzaug nws twb yog Xib fwb ib yam tab sis neeg ntse yeej txo hwj chim, txhua yam nws paub nws pom yog muab hauj lwm nws tuav los txhua yam yuav ruaj txhua yam yuav ntseg , txawm tias nws tsis coj lub ris los es ho coj daim tiab los, los nws rab peev xwm yeej tsis yau tej txiv neej lawm luaj twg, nws rab peev xwm yeej ntse nruab thiab los ib leej niam tsev coj li nws muaj tsawg tus thiaj coj tog coj tus coj zoo siab loj siab dav ua ib tug niam tsev zoo piv txwv rau sawv daws tau.
    Xyoo tshiab 2011 tuaj lawm kom nws coj peb poj niam Hmoob mus ua lub neej kom kaj siab nrig xwv hnub qab nram ntsis nws ua ib tug qauv zoo rau peb poj niam Hmoob.
    Thov kom Tswv Ntuj tsom kwm peb txhua leej txhua tus kom nyob kaj siab mus ib txhiab kaj nrig mus ib txhis.


    Maiv Paj Lug, nws yog peb Hmoob ib me leej Ntxhais txawj xav siab loj siab zoo txawj hais lus txawj sau ntawv txawj tham, paub lus Hmoob zoo yog Niam ib leej ntxhais zoo tom ntej no mus los nws yuav ua ib tug niam tsev zoo ua ib tug qauv zoo rau peb poj niam Hmoob li Maiv Tooj thiab.
    Xyoo tshiab 2011 tuaj lawm kom nws ua lub neej kaj nrig lawm pem suab khwv nyiaj kom puv nas ua qoob kom puv txhab tu tub kom puv txaj tu ntxhais kom puv chaw nyob luag ntxhiav haus luag ntxhi...


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5154
    Date d'inscription : 2009-08-18

    Re: Dr Yang Dao Happy New Year Nyob zoo xyoo tshiab 2011 & 2013

    Post  Maiv Tooj on 5th January 2011, 11:07 pm

    Nyob zoo Hmoob Ntujqubqab,

    Ua tsaug rau nws cov lus nyiaj lus kub
    Thov kom muaj raws li nws cov lus

    Kuv rov hais ib yam rau nws
    Lub Xyoo Tshiab 2011 no kom nws thiab Tsev neeg tsuas ntsib kev huaj vam thaj yeeb nyab xeeb
    Taug kev kom muaj neeg nqee nyob tsev kom muaj neeg hu ua neej luag li ntxhi nyob thawm hli, noj qab nyob zoo thawm xyoo nawb....!

    Hmoob ntujqubqab, kuv lam qhia ib qho kev tso duab rau forum rau nws, kuv tsis paub tias nws puas tau paub. Yog nws twb paub lawm los kuv haj yam zoo siab. Thiab ho ntxab ntxawm kom tau qhia lwm leej lwm tus uas lawv tuaj tshiab.

    Yam li yog nws muaj ib daim duab, nws xav tso loj li nws tso ces nws ua li nws ua los nov xwb.
    Yog nws xav kom tau daim duab loj los me zog qhov nws tso ntawd no ces thaum nws Parcourir tau daim duab los, nws txhob copy kab nruab nrab li nws ua ntawd,
    nws copy kab hauv qav kawg nkaus,
    coj los tso rau qhov table uas kuv tso rau nov qhov nruab nrab ob tug ""
    xav kom daim duab loj los me, ntev luv, siab qes ces nws hloov cov zauv (leb) ntawm width=...thiab height=...
    xwb ces nws tzau daim duab raws li nws xav tau lawm.




    < img src=""width=350 height=300>

    < img src="http://i35.servimg.com/u/f35/15/05/43/14/800px-10.jpg"width=350 height=300> Koj ntsia kab no koj pom li nov, yog koj quote ces koj yuav pom tias tus < pem hauv ntej kuv txhob txwm muab tso nrug me me kom nws tshwm rau koj saib. Thaum koj quote, yog koj muab txav los ze li kab hauv qab ces koj yuav tssi pom qhov frame tawm li no, koj yuav pom daim duab li hauv qab no lawm...Tshuav yam puav thiab, nws pib kawm qhov nov kom nws ua tau tso, kuv mam qhia nws siv lwm yam kom yooj yim rau nws kev sau Forum.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5154
    Date d'inscription : 2009-08-18

    Re: Dr Yang Dao Happy New Year Nyob zoo xyoo tshiab 2011 & 2013

    Post  Maiv Tooj on 2nd January 2013, 7:08 pm






    Nyob zoo ib tsoom kwv tij neej tsa Hmoob hmov tshua nyob qab ntuj khwb,

    Lub xyoo laus 2012 twb dhau lawm, xyoo tshiab 2013 twb tawm tuaj, kuv thiab kuv poj niam nrog rau wb tsev neeg xa ob peb lo lus tuaj thov Tswv Ntuj Tswv Teb thiab peb Hmoob poj yawm txwv koob tuaj foom koob hmoov rau nej thiab nej tsev neeg kom txhia leej txhua tus tsuas muaj kev noj qab nyob zoo thiab muaj kev vam meej , thiab tuaj txhawb peb haiv Hmoob lub siab lub ntsws kom sawv daws txawj sib hlub thiab sib pab txhim kho Hmoob lub neej kom nto koob nto moo mus yav tom ntej.

    Vim ntuj deb kev ncua ntev, peb ib tug nyob ib roog ntuj, wb tuaj cuag tsis tau nej sawv daws. Wb thiaj xa kuv 3 zaj nkauj uas kuv sau tuaj rau nej tau mloog deev siab. Wb muab kuv 3 zaj nkauj cov ntsiab lus xa ua attachments tuaj tib si. Yog nej leej twg muaj lub siab xav mloog thiab xav kawm los nej thiaj yuav ua tau raws li nej nyiam. Thaum nej mloog tas lawm los nej ho nco txog kuv thiab kuv poj niam wb uas hnav peb Hmoob Xeev Kwm Tsawb cov roos tsho thaum lub 6 hli 2011 wb mus tsham xyuas peb Hmoob nyob Tsoob Kuj teb.

    NYOB ZOO XYOO TSHIAB 2013

    Dr. & Mrs. Yang Dao
    5808 80th Avenue North
    Brooklyn Park, MN 55443
    U.S.A.
    Cell Phone: (763) 228-3429





    Lub zos Hmoob laus ze 1800 (ib txhiab yim pua) xyoo nyob saum ob lub ncov roob
    hauv lub Xeev Kwm Tsawb, Tsoob Kuj Teb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5154
    Date d'inscription : 2009-08-18

    Re: Dr Yang Dao Happy New Year Nyob zoo xyoo tshiab 2011 & 2013

    Post  Maiv Tooj on 2nd January 2013, 7:22 pm










    ZAJ NKAUJ
    30 XYOO ROV SIB NTSIB

    (May 1975-May 2005)

    Tus sau thiab muab suab: Dr. Yang Dao
    Minneapolis, MN, U.S.A. May 2005

    1. Hnub caj puag thaum ub, peb nyob koom zej koom zos;
    Peb ua neej sib hlub muaj koob meej nrog moo nto.
    Tus hlob coj tus yau, peb mus kawm txuj kawm ci,
    Nrhiav kev vam meej los txhawb peb Hmoob lub meej yim.

    2. Vim ntuj fav teb lam, peb thiaj tso vaj tsev cia.
    Kwv tij sib faib kev, nus muag quaj sib fuas sia.
    Mus ua lub neej nyob seev yees ntxuag lub kua muag.
    Suav hnub mus suav hmo, peb caug xyoo raws tuaj cuag.

    3. Hnub no muaj txoj hmoov, peb sawv daws rov sib ntsib.
    Lub siab dhia hom khaj nrog lub ntsej muag luag ntxhi.
    Los peb hu zaj nkauj sib hlub ua kwv ua tij,
    Ua viv mus ua ncaus nyob ib txhiab mus ib txhis.

    4. Kaj ntug mus tag kis, lub neej rov faib peb kev.
    Tus mus kom muaj hmoo, tus nyob muaj koob nto npe.
    Peb mam ua lub neej nyob tuaj rov sib nug moo.
    Ntuj pov fwm kom peb rov sib ntsib peb caug xyoo.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5154
    Date d'inscription : 2009-08-18

    Re: Dr Yang Dao Happy New Year Nyob zoo xyoo tshiab 2011 & 2013

    Post  Maiv Tooj on 3rd January 2013, 3:12 am










    ZAJ NKAUJ
    IB LUB NEEJ TSHIAB

    Tus sau thiab muab suab: Dr. Yang Dao
    France, July 1967
    TXAIS:
    Ib lub neej tshiab tawg tuaj saum me nplooj ntsws,
    Coj lub me suab luag nrog me zaj nkauj hu.
    Sawv daws sib pab nyob tuaj rov mus sib roos,
    Hmoob thiaj ua tau lub neej nyob mus nto moo.

    TXWS 1:
    Txoj kev sib hlub thaum ub nyob rov tsis ruaj,
    Ntiaj teb thiaj ntsib lub neej nyob ntxuag kua muag.
    Teb chaws luj lam tsaus nti ib tog ntuj dub
    Tuaj rhuav tas lub luaj qoob ua los thaum ub.
    Tsaus ntuj ploj ntshis, me kab me noog hu ntuj.
    Ib hnub tshiab tuaj coj Hmoob ua neej sib hlub.

    Txais: Ib lub neej tshiab ………………………

    TXWM 2:
    Tshav ntuj tuaj tshiab lawm cuaj tsib kaum nres toj,
    Qhib plho txoj kev thaj yeeb tuaj mus ua noj.
    Peb Hmoob sawv daws tig ntiaj lees tuaj saib ntej:
    Pluaj ntaub txwm ntawv nthuav zoj ua ib txoj kev.
    Kwv tij hluas Hmoob, sawv tuaj peb mus kawm txuj,
    Kaj ntug yuav tuaj, peb yuav nrog luag tsim nuj.

    Txais: Ib lub neej tshiab ………………………

    TXWM 3:
    Mam muaj ib hnub Hmoob lub neej rov rais kaj,
    Yog peb sawv daws txawj txuas tes rov sib pab.
    Lo lus kwv tij tuaj puag tas peb haiv Hmoob,
    Peb Hmoob sawv daws thiaj nyob rov nrog sib poog.
    Kwv tij hluas Hmoob, sawv tuaj peb tsa lub neej
    Kom tas yaj ceeb lub npe Hmoob nyob nto meej.

    Txais: Ib lub neej tshiab ………………………
    (See English translation on page 2)

    HMONG SONG
    IB LUB NEEJ TSHIAB
    A NEW LIFE IS BLOOMING
    Words and music by Dr. Yang Dao
    France, July 1967
    (English Translation)

    CHORUS:
    A new life is blooming in our hearts,
    Bringing joyful voices with songs.
    Helping and supporting each other,
    We Hmong people will build a life of honor.
    VERSUS 1:
    Solidarity in the past was not strong,
    Therefore we have experienced a life of tears.
    Wars obscured our land from all directions,
    Destroying our rich heritage from our ancestors.
    This darkness has disappeared, insects and birds greet the sky;
    A new day comes to lead our Hmong toward a life of love.

    VERSUS 2:
    The sun shines over the multitude of mountains,
    Widely opening the road of peace leading to a life of hard labor.
    We Hmong together turn our faces toward the future:
    Books unfold their pages as a roadmap.
    Young Hmong, get up! Let’s go in search of knowledge.
    Tomorrow we will build the life of progress.

    VERSUS 3.
    A day will come when our Hmong life will shine,
    If we hold our hands together and support each other.
    Brotherhood embraces all our Hmong people,
    Therefore we Hmong must live in unity.
    Brothers and sisters, get up! Let’s promote our life,
    All over the world the name of Hmong will live with honor.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5154
    Date d'inscription : 2009-08-18

    Re: Dr Yang Dao Happy New Year Nyob zoo xyoo tshiab 2011 & 2013

    Post  Maiv Tooj on 3rd January 2013, 3:19 am







    NTUJ TSHIAB TAWM TUAJ NCO KOJ
    Tus sau thiab muab suab: Dr. Yang Dao
    Minnesota, U.S.A., May 2011

    1. Ntuj tshiab tawm plaws tuaj, toj roob hauv pes kaj.
    Puas tsav puas yam paj tawg tuaj ua ntsa iab.
    Me kab me noog ya tuaj mus ua txij nkawm
    Tseg kuv nyob ib leeg kho siab mus lwj plawv.

    2. Paj tshiab tawg puv hav, kuv ntsia tsis pom koj.
    Kuv lub kua muag poob ntws tuaj mus tsis so.
    Nco koj tsis paub muab txoj sia cob qhov twg,
    Thiaj seev suab nrog cua tuaj nrhiav tus kuv hlub.

    3. Ntuj deb kev ncua ntev tau quas wb lub neej;
    Kuv thiaj ua nkauj nog (nraug nos) nyob nrog lub suab seev.
    Yog koj nyob ze kuv, yuav rub koj los nwj
    Tham ntxuj ntxawg txoj kev nyob tuaj mus sib hlub.

    4. Tos xab nyeej lwm xyoo, ntuj tshiab rov tawm tuaj.
    Me paj xyoob paj ntoos yuav tawg tshiab tshiv txhua.
    Kuv mam tuav koj tes seev yeev mus xyuam yaj
    Nrog me kab me noog hu nkauj ntsia ntuj kaj.




    Sponsored content

    Re: Dr Yang Dao Happy New Year Nyob zoo xyoo tshiab 2011 & 2013

    Post  Sponsored content Today at 8:21 am


      Current date/time is 17th January 2017, 8:21 am