Hlub Hmoob lub Tsev xyaum ua neeg zoo.

Yesxus Pleev

Yog koj tso siab rau Yesxus lub siab ntshiab, nws yuav ua koj siab kaj lug

Phau Ntawv Ntshiab2002

MUS NYEEM PHAU "NTAWV NTSHIAB " nias ntawm no

MUS NYEEM COV ZAJ MIXAS HNUB CHIV xyoo 2010...2012 nias ntawm nov

Search

Gallery

Phoojywg kev koom tes

Speciale Hmong Guyane

Mus ncig xyuas Hmong Guyane kev thaj yeeb

Hmoob Tshav Ntuj

Mus ncig xyuas HmongTshavNtuj kev kawm txuj ci nias ntawm no

CAW LOS NYEEM NTAWV

Leej Niam Zoo Fatima Portugal

XH Yaj Zoov Ntxheb lub tsev Thoob Tsib

TSWV NTUJ HLUB HMOOB

Suav neeg tuaj saib, txij hnub 17/09/2010 los mus.

Go to page :

1, 2, 3

Hlub Hmoob lub Tsev xyaum ua neeg zoo.

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°16

Re: Hlub Hmoob lub Tsev xyaum ua neeg zoo.

Post Hlub Hmoob on 5th July 2011, 11:26 pm

TSWV NTUJ TSIM NTIAJ TEB

Zaj me no yog lus sib dhos
Yuav muab los tee ua paj huam
Yuav Tsis thuam txog txoj kev NTSEEG
Vim Tib Neeg muaj coob puv npho

Tshwm sim los ntawm tus TSWV ZOO
Ntau puas xyoo ib txheej dhau txheej
Thaum chiv keeb NWS twb yog TUS
Tsim lub NTUJ thiab tsim NTIAJ TEB

Qhov POM KEV cais ua NRUAB HNUB
Qhov TSAUS NTUJ los yuav tau tsim
Lub TSWV YIM tseem yuav tsim dua
Yuav tsim muaj, qoob loo txhua nrho

Tawg paj hlo xws li nyias yam
NWS tsim AV hu ua NTIAJ TEB
NWS tsim DEJ nyob rau HIAV TXWV
Txawm yam twg los yuav TSHWM SIM

Nrog HWJ CHIM thiaj li tsim tau
Muaj qhov TSAUS thiab muaj qhov KAJ
Lub siab npaj yuav tsim TIB NEEG
Zoo siab heev thiaj li tsim MUAJ

HNUB tawm TUAJ lub HLI tawm CI
CI mus li rau lub NTIAJ TEB
Kom POM KEV rau lub CAIJ TSAUS
Tseem tsis txaus tshuav TSIAJ NRUAB DEG

Yuav TSIM TSEG muaj kom HUAM VAM
Muaj txhua yam TSIAJ NYEG TSIAJ QUS
Tsiaj NRUAB NTUG tsiaj LOJ tsiaj ME
Rau TOM NTEJ kom muaj nyias yam

Tsim tau tag tsis muaj Tus KAV
Thiaj li xav dab ntub NPAU SUAV
Yuav tsim MUAJ ua TUS Saib Xyuas
Yog TUS uas yuav KAV tag nrho

HWJ CHIM LOJ kom zoo li NWS
Zoo sib xws yog LEEJ TIB NEEG
Tus TXIV NEEJ yog txiv NRAUG OO
Nyob nruab loog tsis muaj tus pab

Nyob nruab vaj tsis muaj TXWJ NKAWM
TSWV NTUJ txawm thau tus me TXHA
Muab Nws TAV tsim ua POJ NIAM
Thiaj li qhia hais rau ADAS

KOJ yuav KAV NWS yog kOJ NQAIJ
KOJ yuav saib NWS yog KOJ Txha
Yog KOJ tav hu ua POJ NIAM
KUV yuav cia NEB nyob vaj loog

Yuav FOOM HMOOV kom NEB huam vam
Txhob hnov qab NEB Yuav NCO NTSOOV
KUV Lub MOO qhia tej Xeeb Ntxwv
Yog VAJ TSWV Tus muaj HWJ CHIM

Sau Los ntawm hlub-hmoob (jtt)

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°17

Re: Hlub Hmoob lub Tsev xyaum ua neeg zoo.

Post Hlub Hmoob on 8th July 2011, 2:03 am

PAJ HUAM Hais Txhawb Zog

Zaj Lus No Yuav Muab Hais Rau
Cov Ua Vauv Thiab Cov Ua Ntxhais
Uas Nej Xaiv Twb Tau Neej Ua
Twb Sib Yuav Los Tau Ntau Xyoo
Neej Tsis Zoo Tsis Txawj Sib Hlub
Tau Sib Hlub Tsis Paub Sib Zam
Nyias Tseem Xav Nrhiav Nyias Txoj Mus
Nrhiav Dua Tus Tso Lub Neej Tseg

Yav Tom Ntej Nej Xav Li Cas
Cas Tseem Npaj Yuav Muab Neej Tso
Muaj Caij Sov Thiab Muaj Caij Txias
Neeg Lub Siab Thiab Neeg Lub Hlwb
Khiav Sib Xws Caum Lub Caij Nyoog
Kaum Hnub Zoo Muaj ib Hnub Tsaus
Muaj Lub Ncauj Thiab Muaj Tus Nplaig
Ib Leeg Hais Ib Leeg Ho Khaws
Txoj Kev Ntshaw Ntawm Kev Ua Neej
Yog Sib Ntseeg Ua Neej Nawb Mog
Yuav Qhia Koj Tus Ua Txiv Tsev
Xav Kom Peb Ua Twb Zoo Xav
Neej Txog Nta Ua Neej Txog Tog
Puas Tsim Nyog Lub Siab Tseem Xav

Tseem Xyiv Fab Rau Tej Ntxhais Hmoob
Lo Lus Zoo Nrog Rau Lus Mos
Ras Tsis Txog Ntawm Peb Tus Kheej
Tias Ib Leeg Nyob Rau Ib Qho

2_Txhob Lam Nco Thiab Txhob Lam Vwm ?
Tsam Luag Twb Muaj Tug Khov Kho
Deb Npaum No Rau Ib Sab Ntuj
Txoj Kev Hlub koj Ntseeg Puas Tau?
Txawm Zoo Nkauj Thiab Yog Ntxhais Mos
Muaj Ib Co Lub Neej Twb Piam
Ua Neeg Liam Twb Hlub Tsis Tau
Txhob Mus Qaug Rau Txoj Kev Hluas
Los Soj Ntsuam Txog Yus Tug Kheej
Tias Ua Neej Yuav Ua Li Cas!

3_Vim Li Cas Thiab Vim Qhov Twg
Tib Pliag Xwb Yuav Zoo Li No
Vim Yus Nyob Muaj Koob, Muaj Npe
Kev Txawj Ntse Los Yus Twb Paub
Lub Neej Dhau Muaj Cuab, Muaj Yig
Tej Tub Ki Yus Nrog Luag Muaj
Yog Ntuj Muab Rov-Mus-Tus-koj-Hlub
Rov Mus Thuv Txog koj Lub Neej
Peb ua Neej Txoj Sia Tsis Ntev
Txawm Sib Ceg Los Ncauj Pauv Ncauj

4-Hais Tsis Haum Tig Los Kho Xwb
Lub Neej Twg Yeej Zoo Li no.
Rov Mus Kho Mus Pib Lub Neej
Muab Lub Neej RUB Los Kom Ze
Kom Pom Deb Txog Kev Txwj Nkawm
Tias Sij Hawm Los Ua Niam txiv
Tib Pliag Ntshis Yam Li Npau Suav
Nyob Ib Vuag Nrog Tus Yus Hlub
Yuav Ncaim Mus Yam Tej Nroj Tsuag
Koj Txawm Tshua Thiab Tseem Xav Hlub

5-Txoj Kev Hlub Tsuas Nyob Ib Vuag
Lub Neej Yuav Tau Muab Tso Cia
Nyob Tib Pliag Txawm Koj Xav Hlub
Muaj Ib Hnub Yuav Ncaim Nawv Mog
Lub Neej Tov Tseem Yuav Pib Xwb
Yuav Tav Twg Tub, Ntxhais Mam Loj
Koj Tub Loj, Ntxhais Txawj Ua Hnav
Yus Nrig Pas Zoo Qhov Twg os
Ua Siab Mog Txhob Ua Neeg Liam
Tsam Neej Piam Ho Nrhiav Tsis Tau

6-Tus Niam Yau Li Yus Lub Siab
Tau Tus Tshiab Los Txog Tsis Hlub
Txawv Tus Qub Lub Neej Thaum i
Coob Heev Li Cov Zoo Li No

Yuav Qhia Txog Koj Tus Ua Niam
Tig Lub Siab Thiab Rov Mus Hlub
Huab Tais Ntuj Qhia Tseg Hais Tias
Txawm Peb Nrhiav Tau Nyiaj, Tau Kub
Tau Kev Hlub Muaj Puas Tsav Yam
Los Tsis Kav Peb Ib Sim Neej

7-Muaj Lub Neej Koj Thiaj Li Zoo
Muaj Lub Moo Luag Saib Taus Koj
Ua Neej Nyob Tus Muaj Yog Luag

Tsis Xws Luag Yog Yus Txoj Hmoo
Tus Muaj Hmoov Twb Zoo Tsis Tas
Ua Zoo Xav Tig Los Sib Hlub

Huab Tais Ntuj Qhia Kom Peb Paub
Txoj kev Txhaum Yog Kev Nkauj Nraug
Kuv Thiaj Tau Muab Qhia koj Mog
Caw koj Los Yuav Kev Ncaj Ncees
Ua Lub Neej Yuav lub Meej Mom

8-Yuav Tsis Yog Nrhiav Kev Ua Si
Muaj Tus Txiv Yuav Zoo Dua Mog
Txij Hnub No Ntawm Koj Lub Neej
Kom Muaj Yeej Li Siab Xav Tau
Ntshai Yav Laus Tsis Muaj Tug Tshua
Kuv Thiaj Muab Hais Qhia Rau Koj
Tshua Txog Koj Tsis Xav Kom Koj Txom Nyem
Neej Tsa Cem Txaj Muag os Nawv
Txoj kev ntshaw , Plam Tsis Muaj Tug
Thiaj Nqua Hu Koj Rov Qab Los

9-Tig Rov Los Nrhiav Txoj Kev Zoo
Lub Neej Zoo Luag Thiaj Saib Taus
Txhob Mus Qaug Rau Ntiaj Teb No
Thaum Kawg No Koj Yog Tus Xaiv
Luag Yuav Hais Yog Koj Ua Zoo
Koj Lub Moo Yuav Ncha, Nrov Npe
Koj Ua Phem Luag Yuav Hais Koj
Tsis Txawj Coj Lub Neej Thiaj Puas
Ntshai Luag Thuam Kuv Thiaj Qhia Koj
Rov Qhia koj Tus Uas Yog Txiv
Tib Pliag Ntshis Yus Tej Tub Loj
10-Tej Ntxhais Hlob Yus Twb Laus Tas
YuS TuS Nyab Nws Tseem Mos Mos
Nws Los Txog Puas Yuav Hlub Koj
Tso Tseg Mog Tseem Tsis Tau Lig
Tsis Yog Khib Neej Yog Koj Lub
Ntshai Ib Hnub Koj Tsis Muaj Neej
Ua Nraug Seem Rau Thaum Yav Laus
Kuv Thiaj Sau Ua Paj Huam Qhia
Mloog Luag Ntxias Ces Yuav Puas Ntsoog
Lub Neej Poob Tag Yus Sim Neej
Nyob Ib Leeg Tsis Muaj Tug Hlub
Ntshe Tej Tub Luag Yuav Tsis Khes
Yus Txom Nyem Luag Yuav Tsis Paub
Tej Ntxhais Vauv Luag Tsis Xav Pab
Yam Lub Nra Tsis Muaj Tug Ris
Kuv Thiaj Li Muab Qhia Kom Tas
Ua Txhua Yam Qhia Nej os Cov Phooj Ywg

Sau Los Ntawm: dabtsi_kimtshaj_kub@msn.com ,
JTT Hlub-Hmoob France (date 20/09/2010)

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°18

Re: Hlub Hmoob lub Tsev xyaum ua neeg zoo.

Post Hlub Hmoob on 8th September 2011, 3:01 pm

Paj huam Hais Rau Neb Rooj Tshoob 2011

"Txoj Kev Hlub Thiab Kev Sib Yuav"

Txoj Kev Hlub Thiab kev sib Yuav
Kuv Yuav Muab Tee Ua Paj Huam
Coj Los Ntuas Txog kev Ua Neej
Qhia Lub Neej Thaum Nyob Ua ke
Nyob Ntiaj Teb Yam Kim Tshaj Kub
Lub Pov Kub Twb Pauv Tsis Tau
Lub Pov Haum Yog Koj Nplooj Siab
Yog Txoj Sia Ntawm Koj Lub Neej
Kev Ua Neej Yog Txoj Koob Hmoov
Yog Yam Zoo Nyob Rau Ntiaj Teb

Qhia Rau Neb Tias Yam Peb Nrhiav
Zoo Npaum Nyiaj Los Peb Tsis Ntshaw
Muaj Lub Plawv Thiaj Muaj Txoj Sia
Muaj Nplooj Siab Thiaj Tsheej Ib Yig
Muaj Tus Txiv Nrog Rau Tus Niam
Kim Tshaj Nyiaj Yog Txoj Kev Hlub
Ntuj Foom Pub Kom Muaj Ob Leeg
Peb Tib Neeg Thiaj Muaj Txwj Nkawm
Kev Txwj Nkawm Ntawm Neb Ob Tug

Txoj Kev Hlub Nrog Kev Sib Yuav

Yog Ntuj Muab Rau Peb Ua Neej
Peb Lub Neej Thiaj Tsheej Ib Yig
Muaj Tus Txiv Los Ua Tus Kav
Koj Yog Tav Ntawm Nws Lub Neej
Yuav Ua Tsheej Yuav Tsum Muaj Nws
Mus Hlub Nws Kom Tag Lub Siab
Mloog Nws Qhia Ua Li Nws Hais Nawb Mog!
Vim Nws Yog Koj Lub Taub Hau
Yuav Dhau Tau Muaj Koob Muaj Npe
Yog Koj Nres Coj Lub Siab Loj

Tsis Txhob Coj Li Luag Lwm Tus
Tau Tus Hlub Coj Lub Siab Me
Ua Niam Tsev Coj Lub Siab Ti
Luag Thiaj Li Tu Siab Lawm Hlo
Txiav Tu Nrho Txawm Yog Kwv Tij
Kuv Thiaj Li Muab Lawv Lub Neej
Qhia Qhov Tseeb Txoj Kev Ua Nyab
Tias Ua Nyab Mus Yuav Luag Tub
Yuav Los Hlub Luag Niam Luag Txiv
Hlub Kwv Tij Tej Nkauj Tej Muam

Hlub Tej Qhua Phooj Ywg Txhua Nrho
Luag Tuaj Txog Hu Suab Mos Nyoos
Lub Neej Zoo Koj Yog Tus Tiam
Li Koj Niam Thiab Li Koj Txiv
Li Koj Viv Thiab Tej Dab Laug
Cov Sab Nrauv Yog Tej Txheeb Ze
Tuaj Tsheej Tse Los Yuav Tau Hu
Yus Tej Nus Thiaj Muaj Chaw Vam
Tej Neej Tsa Luag Thiaj Cia Siab
Ua Ib Siab Tias Yus Tus Kheej

Thiab Lub Neej Mus Raws Txoj Hmoo
Tsis Txhob Nroo Tias Cas Yuav Dhuav
Tsis Xav Yuav Nej Tsev Neeg Lawm
Lub Neej kawg Rau Koj Tus Txiv
Cia Li Tig Thiab Saib Taus Nws
Luag thiaj Hwm Thiab Saib Taus Koj
Muab Siab Hlo Ua Koj lub neej
Thiaj Yuav Tsheej Li Teb Li Chaw
Yuav Tau Kawm Kuv Cov Lus Ntuas
Yuav Rov Muab Piv Rau Lwm Tus

Tau Tus Hlub Coj Lub Siab Me
Ua Niam Tsev Tsis Xws Teb Chaws
Ua Nyab Lawm Tsis Los Tab Cuab
Tsis Los Ua Tus Zoo Niam Tsev
Rau Ntiaj Teb Zej Zog Sawv Daws
Kom luag Ntshaw Thiab Kom Luag Vam
Tias Ua Nyab Mus Yuav Luag Tub
Yuav Los Hlub Luag Zoo Li Cas
Hlub Neej Tsa Tus Txheeb Tus Ze
Ua Niam Tsev Hlub Pog Hlub Yawg

Hlub Sawv Daws Coj Lub Siab Dav
Yuav Los Kav Luag Mus Sim Neej
Luag Tsev Neeg Yus Los Yuav Tau
Hlob Thiab Yau Coj Lub Siab Hlub
Tsis Yog Hlub Luag Tus Tub Xwb
Yuav Tau Hwm Luag Kwv Luag Tij
Sub Thiaj Li Yog Tus Zoo Nyab
Yuav Tau Xav Tias luag Tus Tub
Yog Luag Yug Yuav Nyab Tau los
Yuav Los Nrog Npaj Nqaij Npaj Hno

Ua Nyab Hlo Rau Tej Kwv Tij
Rau Niam Txiv Tej Nkauj Tej Muam
Rau Tej Qhua Phooj Ywg Txhua Tus
Tsis Txhob Hlub Txij Tej Neej Tsa
Yuav Tau xav txog Yus Tus Kheej
Luag Tsev Neeg Yog Yus Lub Neej
Yuav Ua Tsheej Yog Luag Ces Hmoob
Yog Lub Noob Ntuj Tau Tso Los
Yus Thiaj Los Ua Tau Luag Nyab
Yuav Tau Pab Cia Yus Tus Txiv

Rau Luag Siv Yus Thiaj Muaj Nqes
Txhob Cem Cem Thiab Txhob Txwv Txwv
Nws lub Hlwb Luag thiaj Saib Taus
Yus Yuav Tau Hlub Nws Tiag Tiag
Txhob Ntiab Ntiab Thiab Txhob Cem Cem
Ua Siab Ntev Ua Twb Zoo Nug
Yam Zoo Mus Cia Nws Mus Pab
Yus Ua Nyab Yus Tseem Yuav Txhawb
Kom Luag Ntshaw Cia Siab Yus Thiab

Lub Neej Tshiab Txij Hnub No Mus
Koj Yog Tus Yuav Hloov Tag Nrho
Cia Li Tso Kiag Txoj Kev Hluas
Ntuj Tsuas Muab Lub Neej Ib Zaug
Rau Koj Taug Ua Mus Kom Kawg
Kev Txwj Nkawm Tsis Yog Ua Si
Ua Me ntsis Tsis Zoo Rov los
Rau Siab Ntso Mus Ua Lub Neej
YOG Lub Neej Koj Mus Tau Zoo
Nco Qab Ntsoov Tshuav Tej Neej Tsa

Lub Siab Npaj Rov Tuaj Hlub mog!
Mus Hlub Koj Tus Txheeb Tus Ze
Koj Ncaim Deb Los Peb Tseem Hlub
VajTswv Pub KOJ Txheeb NTAWV LOS
Tav Los Txog Koj Thiaj Ncaim Mus
Kuv Lo Lus Uas Yog Lo Kawg
Lub Sij Hawm Los Ua Niam Txiv
Muab Los Siv Kom Muaj Nuj nqes
Ua Siab Ntev Mus Ua Neej Mog
Ntiaj Teb No Yog Tsis Sib Zam

Ces Yuav Plam Yus Txij Yus Nkawm
Sib Tau Lawm Ua Neej Sib Hlub
Kom Muaj Tub Muaj Ki Puv Tsev
Ua Siab ntev Thiab Coj Siab Zoo
Neej Thiaj Zoo Luag Thiaj Saib Taus
Lo Lus Xaus Thov VajTswv Pub
Nws Kev Hlub Nrog Txoj Koob hmoov
Thiab Foom Hmoov Rau Neb Os Nawb!
Kev Txwj Nkawm Kom Koj NcO Cia
Nco Ntsoov Tias TSUAS Muaj Tib Zaug ua xwb os mog

*Sau Los Ntawm: Jean-Thor-TCHA (JTT2011)

email: dabtsi-kimtshaj-kub@hotmail.fr

Maiv Tooj

Maiv Tooj: Tswv Cuab Hmong Catholique; Messages: 3796
Date d'inscription: 2009-08-19

Post n°19

Re: Hlub Hmoob lub Tsev xyaum ua neeg zoo.

Post Maiv Tooj on 8th September 2011, 10:11 pm

Nyob zoo Hlub Hmoob,

Ua tsaug ntau uas koj tuaj sau ntau yam zoo heev rau Peb Hmoob.

Yog leej neeg pom tom ntej ntshe yuav ua neej tsis yuam kev.

Yog leej neeg paub ntshe lub neej twb tsis ciaj khaub.

Txhua yam koj hais yeej yog, peb txhua leej yuav tau khaws koj lub pov.

Txhua yam koj hais yeej muaj tseeb, thov kom peb Hmoob khaws koj tej lus rau lub sam xeeb.

Ua tsaug ntau.

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°20

Re: Hlub Hmoob lub Tsev xyaum ua neeg zoo.

Post Hlub Hmoob on 15th September 2011, 9:24 pm

Zaj Lus No Yuav Hais Rau Koj
Txij Hnub No Koj Tus Ua Tub
Suav Txij Hnub Koj Mus Ua Vauv
Kom Koj Paub Txog Ntawm Lub Ntsiab
Txoj Kev Nyiam Tuaj Hauv Lub Plawv
Txoj Kev Ntshaw Nyob Hauv Lub Siab
Yog Nplooj Siab Ntawm Koj Lub Neej
Kev Ua Neej Vaj Tswv Foom Pub
Txoj Kev Hlub Thiab Kev Sib Yuav
Thiaj Li Muaj Nyob Rau Ntiaj Teb

Hnub No Peb Thiaj Muaj Txwj Nkawm
Kev Txwj Nkawm Txhais Tau Hais Tias
Tus Poj Niam Yog Koj Tus Txha
Yog Tus Tav Ntawm Koj Lub Neej
Koj Lub Neej Thiaj Tsheej Ib Yig
Koj Ua Txiv Yuav Tau Nws Los
Nws Tsis Yog Yam Khoom Ua Si
Nws Muaj Nqi Tshaj Nyiaj Thiab Kub
Yuav Tau Hlub Thiab Saib Taus Nws
Yuav Tau Hwm Koj Tus Poj Niam

Ua Vauv Tshiab Nws Tsis Yooj Yim
Txawm Yog Li Los Yuav Tau Mloog
Txoj Koob Hmoov Vaj Tswv Yuav pub
Txoj Kev Hlub Koj Thiaj Tau Txais
Tau Lawv Ntxhais Ua Yus Tus Nyab
Tsis Txhob Xav Tias Yog Ua Si
Es Zoo Li Tej Yam Khoom Xwb
Vim Koj Twb Nyiam Tsum Ntshaw Raug
Kav Tsij Sau Tag Txoj Kev Hlub

Coj Los Pub Rau Nws Ib Leeg
Txhob Mus Ntseeg Lwm Tus Sab Nrauv

Tsam Ua Rau Ntawm Neb Lub Neej
Ua Lub Neej Tsis Txawj Sib HLub

Txhob Xyaum Mus Quaj Tshuaj Quav Cawv
Pw Tsis Sawv Ua Neeg Tub Nkeeg
Neb Ob Leeg Thiab Cov Me Nyuam
Luag Yuav Thuam Thiab Luag Yuav Xyav

Luag Tsis Xav Cia Luag Tej Tub
Cog Kev Hlub Nrog Yus Tej Ntxhais
Luag Yuav Hais Yus Tsev Neeg Hmoob
Tias Yog Noob Tsis Zoo Os Nawv
Txoj Kev Ntshaw Tub Yuav Nrhiav Nyab
Tsis Raws Xav Vim Lub Koob Meej
Luag Thiaj Xyeej Txog Yus Tej Tub
Twb Vim Yus Tsis Ua Tus Coj
Tsuas Hais Txog Ntawm Txoj Kev Khib
Yus Tsis Pib Txog Txoj Kev Zoo
Yam Lub Moo Tsis Muaj Os Nawv
Txoj Kev Ntshaw Ntawm Kev Ua Neej
Yog Sib Ntseeg Ua Neej xwb Mog!
Kom Koj Nco Tej Lus Peb Qhia
Khaws Nco Cia Siv Rau Lub Neej
Muab Lub Neej Cia Rau Vaj Tswv

Ua Tus Tswj Ua Tus Saib Xyuas
Lo Lus Ntuas Los Xaus Li No
Thaum Kawg No Thov Vaj Tswv Pub
Nws Kev Hlub Nrog Txoj Koob Hmoov
Kom Neej Zoo Neb Mus Muaj Tub
Zoo Ntxim Hlub Npaum Tub Huab Tais
Hos Tau Ntxhais Kom Zoo Nkauj Tshaj
Txoj Kev Xav Nrog Txoj Kev Ntshaw
Ntawm Txwj Nkawm YOG TXOJSIB HLUB
Yuav Tau Hlub Tus Nws los Koj Nyob Os Mog!!!

*Sau Los Ntawm: Jean-Thor-TCHA (JTT2011)
email: dabtsi-kimtshaj-kub@hotmail.fr

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°21

Re: Hlub Hmoob lub Tsev xyaum ua neeg zoo.

Post Hlub Hmoob on 16th September 2011, 10:10 am

Ua Neej Tsis Paub Qhov Tseeb

peb ua neej nyob tsis paub qhov tseeb
niaj hnub sib txeeb huas kev ua noj
xav ua tus loj ua nom ua tswv
peb niaj hnub khwv los tsis txaus noj
muab los xav zoj tu siab tsis txawj tag
ua dab ib cag yug qaib yug npua
thaum qaib npua loj ces yog dab li
lub neej tsaus nti txoj kev ua dab
tsis muaj tus pab tu siab kawg nkaus li os lawv
muab vaj tswv ntawv coj los soj ntsuas
tsim nyog peb qhuas peb hawm vaj tswv
muab nws yam ntxwv coj los mus xyaum
peb ua neeg txhaum los Nws tseem hlub
Nws tseem niaj hnub ua siab ntev tos
kom peb rov los nrhiav lub neej tshiab
lub neej kaj siab tau zoo mus nyob ib txhis
rau CeebTsheej Ntuj os Hmoob aws!!!

Hlub_hmoob JTT

kev hlub kim tshaj kub

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°22

Re: Hlub Hmoob lub Tsev xyaum ua neeg zoo.

Post Hlub Hmoob on 16th September 2011, 10:30 am

Cia Nws Mus NWS 2011

1__Zaj Lus No yuav hais rau koj
Lub neej no Yog Thaum Tu siab
Mob lub siab chim txog lub plawv
Mob deeg daws rau hauv lub siab
Thiaj muab qhia ua lus paj huam
Muab tuaj ntuas Txhawb Koj lub zog
Lub Neej No Txawm Tsis Muaj Tiag
Ua Ib Siab Vim Tias Tus Hlub
Tau Ncaim Mus Muab Yus Tso Cia
Mob Lub Siab Los Lub Kua Muag
Tsis Txhob Tshua Nco Nws Lawm mog!

Ua Siab Tso Cia Nws Mus Nws
Ib Hnub Twg Yog Luag Ua Rau
Nws Mam Paub Ntawm Nws Ib Leeg
Cia Li Ntseeg Kuv Lo Lus Ntuas
So kua Muag Tsis Txhob quaj Ntxiv
Tsis Txhob Chim Vim kev Ua Neej
Yus Tus Kheej Yuav Tau Siab Loj
Vim Nws Yog Tus Khwv Siab Phem

2__Tso Yus Tseg Thiab Tsis Xav Hlub
Li Tej Lus Uas Tau Cog Tseg
Yav Nram Ntej Ob Leeg Hais Cia
Txawm Mob Siab Los Lub Kua Muag
Chim Yus Tuag, Yus Pauj Tsis Taus
Muaj Yawm Saub Nws Ua Tus Pom
Yav Tas Los Koj Muab Suav Tias
Tsis Muaj Tiag Yam Li Npau Suav
Koj Thiaj Rhuav Thiaj Hnov Qab Tau
Neej Tsis Xaus Sij Hawm Tseem Muaj
Mam Nrhiav Dua Hlub Nrog Lwm Tus
Mam Mus Hlub Mus Yuav Dua Tshiab
Pib Dua Tshiab Ua Neej Nws Ntsia
Hnov Qab Kiag Koj Lub Neej Qub
Nws Tsis Hlub Koj Lawm os Nawb !

3__Nws Tsis Ntshaw Koj Lawm os mog !
Koj Txhob Tos Thiab Koj Txhob Tshua !
Nws Tsis Yuav Yus Los Xij Peem
Yus Tus Kheej Nws Yeej Tsis Hlub
Txoj Kev Hlub Nws Thiaj Txiav Tau
Kuv Thiaj sau Muab Qhia Koj Mog
Cia Li So Koj Lub Kua Muag
Yus Tseem Hluas Neej Tseem Tshuav Ntev
Mus Tom Ntej Ntshe Yuav Zoo Dua
Lub Kua Muag Txhob Cia Poob Ntxiv
Tsis Txhob Chim Tsis Txhob Tu Siab
Ua Ib Siab Tias Tsis Muaj Nws
Yus Lub Hlwb Thiaj Li Khiav Taus
Cia Nws Dhau Nrog Lub Sij Hawm
Seb Thaum Kawg Nws Zoo Li Cas

4__Koj Muab Xav Zoo li Xib Xub
Koj Tua Mus Tig Rau Saum Ntuj
Txoj Kev Hlub Nws Zoo Li Ntawd
Mus Tsis Kawg Yuav Rov Poob Los
Nws Mam Pom Nws Mam Xav Tau
Kuv Thiaj sau Muab Qhia, Tuaj Ntuas
Tias Ib Vuag Txawm Yog Lub Neej
Mus Tsis Tsheej Li No Lawm Los
Ua siab mog tseem tsis tau lig
Mam rov pib nrhiav dua lub Neej
Ua Tsis Tsheej Rov Pib Dua Xwb
Hos Ntawm Nws Ua siab os nawb!
Vim Kev Ntshaw Thiab Nws Siab Coob
Tub tshuav coob Ntxhais Tseem Tshuav Ntau
Tsis txhob xaus Rau txoj kev tuag

5__ Mam nrhiav dua txoj kev ua neej ua neej
Tuav Kev Ntseeg Kom Ruaj Khov Kho
Tsis Txhob Tso Tswv Ntuj Pov Tseg
Tus Yuam Kev Thiab Tus Ua Txhaum
Yus Zam Rau Tswv Ntuj Yuav Pab
Yam Kim Tshaj Ntawm Nyiaj Thiab Kub
Yog Kev Hlub Muab Zam Kom Dhau
Txawm Koj Tau Ua Neej Tu Siab
Tshuav Txoj Sia Nws Tseem Ceeb Tshaj
Tswv Ntuj Npaj Nws Txoj Hauv kev
Muaj Nuj Nqes Rau Tus Ua Ntseeg Nawv mog Cov Me PhooJ ywg

Sau los ntawm: dabtsi_kimtshaj_kub@msn.com
Jean-Thor-TCHA
(JTT2011)...
De BOURGES 18 FRANCE

kev hlub kim tshaj kub

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°23

Re: Hlub Hmoob lub Tsev xyaum ua neeg zoo.

Post Hlub Hmoob on 20th October 2011, 7:32 pm

Pajhuam Hais Rau Phauj Thiab YawgLaus2011

1_Nyob Zoo Koj------------------Kuv Me Yawg Laus
Ntawm Kuv Phauj--------------------- Neb Puas Nyob Zoo?
Hnov Luag Nroo ----------------------Thiab Hais Txog Neb
Vim Nyob Deb-------------------------Tsis Paub Qhov Tseeb
Neb Ob Leeg -------------------------Muaj Dab Tsi Tiag?
Cas Tsis Qhia------------------------Rau Peb Nrog Kho
Yam Lub Mob--------------------------Uas nYob Ruj Rawv
Hais Tsis Tawm-----------------------Ntawm Neb Ob Tug
Vim Kev Hlub----------------------------Los Kev ua Si?
Vim Kev Khib-------------------------Los Vim Kev Hluas?
Thiaj Li ua--------------------------Ntxhov Neb Lub Siab?
Cas Tsis Qhia------------------------Rau Neej Rau Tsav !
Cas Tsis Xav-------------------------Txog Kwv Txog Tij !
Yuav Khaws Chim----------------------Rau Neb Lub Neej
Muab Ob Leeg-------------------------Txoj Kev Cia Siab
Los Faus Ciaj------------------------Yam Li Tsis Muaj
Ua Npau Suav-------------------------Los Twb Tsis Pom
Tsuas Pom Qhov-----------------------Koj Chim Kuv Chim
Nyob Tsaus Nti-----------------------Rau Kev Ua Neej Xwb
Vim Leej Twg Los---------------------Kuv Yuav Ntuas
Tim Tus Muam-------------------------Los Kuv Yuav Qhia
Yuav Tsis Cia------------------------Neb Nyob Ntxhov Siab
Yog Tus Niam ------------------------Nws Tsis Txawj Coj
Kuv Yuav Kho-------------------------Kom Nws Rov Zoo
Yog Tsis Mloog-----------------------Koj Tus Ua Txiv
Tshuav Kwv Tij--------------------Lawv Tseem Yuav Qhuab

2_Vim Kev Hluas----------------------Los Lawv Yuav Qhia
Tsis Tsim Txiaj----------------------Kuv Yeej Yuav Cem
Vim Nws Phem----------------------------Los kOj Twb Zoo
Qhia Kom Mloog-----------------------Koj Mog Yawg Laus
Yog Thaum Xaus-----------------------Peb Qhia Tsis Tau
Ho Ua Dhau---------------------------Ntawm Neej Ntawm Tsav
Peb Tsis Xav-------------------------Kom Koj Txom Nyem
Nkauj Muam Phem----------------------Peb Yeej Dhuav Dhuav
Tsis Xav Yuav------------------------Thiab Tsis Xav lees
Ua Tus Txheeb------------------------Ua Tus Ze Peb
Tshuav Txoj Kev----------------------Peb Tseem Yuav Taw
Tseem Yuav Txhawb--------------------Koj Muaj Lub Neej
Kom Rov Tsheej-----------------------Li Lub Siab Ntshaw
Koj Neej Sawv------------------------Koj Caum Cuag Luag
Ntawm Tus Muam-----------------------Yuav Lwj Yuav Tsw
Tsis Txawj Hwm-------------------------Koj Tus Ua Txiv
Peb Yuav Tsis------------------------Tu Siab Rau Koj

3_Yuav Hais Txog----------------------Koj Tus Ua Txiv
Tej Laus Piv--------------------------Tej Lus Ua Neej
Luam Yuav Tsheej----------------------Ces Yog Thawj Ntsug
Ntawm Tus Hlub------------------------Tsuas Zoo Thawj Tug
Yuav Tsawg Tus------------------------Los Yeej Yuav Tau
Yog Tias Thauv------------------------Nqa Tau Ntawv Zoo
Tim txoj Hmoov------------------------Txawm Yuav Kaum Tus
Txoj Kev Hlub-------------------------Yuav Ua Tsis Tsheej
Peb Ua Neej---------------------------Tej No Pom Txhua
Kev Hlub Tsuag------------------------Nws Zoo Li No
Es Hnub No----------------------------Nyob Rau Ntawm Neb
Yam txoj Kev--------------------------Tseem Tsis Tau Nphob
Tsis Tau Pob--------------------------Tseem Yuav Kho Tau
Ua Neej Laus--------------------------Txog Txij Li No
Yam Koj Mob---------------------------Los Kuv Twb Mob
Rov Sib Kho---------------------------Thiab Los Sib Yoog
Rov Los Mloog-------------------------Niam Nkauj txhav Qaib
Rov Los Saib--------------------------Txiv Nraug Txhav Noog
Tshuav Yam Zoo------------------------Nws Qhia Tsis Tas
Yam Nws Xav---------------------------Koj Twb Tsis Paub
Nws Los Tau---------------------------Koj Hauv Lub Neej
Nws Tus Kheej-------------------------Yeej Hlub Koj Xwb!
Los Sib Hwm------------------------------Rov Los SiB pab
Yam Lub Nra----------------------------- Cia Ob Leeg Ris
Tib Pliag Ntshis-------------------Neej Yuav Dua Mus osmog!
Txog Caij Rov-------------------------Nyias Yuav Mus Nyias
Tig Lub Siab-----------------------------Rov Los Sib Npuab
Tej Me Nyuam----------------------------Lawv Tos Tos Neb
Ntuj Tsim Peb-----------------------------Los Muaj Lub Neej
Thiaj Li Tsheej---------------------------Ib Cuab Ib Yig
Sib Zam Txim----------------------------- Rov Los Sib Hlub
Muab Tej Tub------------------------------Tej Ki Saib Hlob
Rov Mus Nrog-----------------------------YUS Txij Yus Nkawm
Rov Los Txhawb----------------------------Tej Tub Tej Nyab
Kom Huam Vam---------------------------LAWV Lub Neej Zoo Os

4_Yuav Hais Txog--------------------------Ntawm Tus Me Phauj
Koj Yuav Tau-------------------------------Ua Lub Siab Ntev
Yam Txoj Kev------------------------------Tej Zaum Yuav Fab
Txoj Kev Xav--------------------------Tsis Yooj Yim Os Nawb!
Tsuas Ua Raws-----------------------------Li Yus DAIM NTAWV
Yus Tuav Rawv-------------------------------Coj Los Ua Neej
MUAB LUB NEEJ-------------------ROV LOS TSIM DUA
Ua Kom Txhua--------------------------------Mus Rau Qhov Zoo
KEV UA ZOO---------------------------------YOG TXOJ KEV KAWM
Yam Yus Ntshaw---------------------Qhia Tej Me Nyuam Ua Neej
Tej Laus Yeej-------------------------------ib Txwm Qhia Tseg
Tus Ua Phem-----------------------------------Swb Tus Ua Zoo
Tau Koob Hmoov-------------------------------Los Ntawm Yus Ua
Muab Lus Muag--------------------------------Lus Mos Los Hais
Txhob Lam Zais-------------------------------Yus Lub Mi Siab
Qhia lub Siab--------------------------------Rau Nws Tag Nrho
NWS POM KOJ--------------------------------THIAJ LI MUAJ NQIS
Ua Dab Tsi----------------------------------Ua Kom Tseem Ceeb
NWS THIAJ NTSEEG,---------------------------Thiaj Xav Hlub koj
Muaj Tsawg Lo-------------------------------Uas Yog Lus Zoo
Koj Nco Ntsoov------------------------------Muab Hais Rau Nws
Tshuav Yam Twg------------------------------Tseem Ua Tsis Tau
Koj Yuav Tau--------------------------------Rub Lub Siab Ntev
Ntawm TXOJ KEV--------------------------Thaum NWS Tham Txhua
Yuav Txawj Dhuav----------------------------Yuav Txawj Rov Los
Tsis Tas Koj--------------------------------Mus Txwv Mus Txiav
CHIM LUB SIAB,------------------------------UA YUS TSEEM MOB
Yav Tag Los--------------------------------- Ces Cia Dhau Mus
Yuav Hloov Yus-------------------------------Lub Mi Tswv Yim
Txo Hwj Chim---------------------------------Rau Yus Tus Txiv
Muaj Tus Txiv------------------------------Yus Thiaj Muaj Nqes
Txhob Lam Cem----------------------------- Koj Txhob Lam Ntiab
Hloov Dua Siab----------------------------- Txhob Coj Li Yav Tas
Tej Neej Tsa------------------------Thiaj Tau Lub Chaw Khiav mog!

5_Rov Hais Koj-------------------------------Kuv Me Yawg Laus
Yam Xav Tau----------------------------------Ntawm Tus Mi Phauj
Lub Ntuj Tsaus-------------------------------Tsis Pom Koj Los
Nws Tos Tos----------------------------------Txaj Chaw Txia Zias
Lub siab Nrhiav------------------------------Vim Tsis Muaj Koj
Tsheej Tag Hmo-------------------------------Pw Tsis Tsaug Zog
Vim Koj Yog----------------------------------Nws Tus Mi Txiv
Ntuj Tsaus Nti-------------------------------Me Kab Noog Quaj
Nws Xav Muaj----------Koj Nyob Ntawm Ib Sab xwb os me YAWG LAUS!

*Sau Los Ntawm: Jean-Thor-TCHA (JTT2011)
email: dabtsi-kimtshaj-kub@hotmail.fr

kev hlub kim tshaj kub

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°24

Re: Hlub Hmoob lub Tsev xyaum ua neeg zoo.

Post Hlub Hmoob on 17th November 2011, 10:58 pm

Pajhuam Hais NTUAS NTXHAIS TSIM TXIAJ ( 2010/2011)

Zaj Lus No...............Yuav Hais Rau Koj
Vim Koj Yog.............WB Ib Leeg Ntxhais
Tsis Xav Hais.............Los Vim Hlub Koj
Xav Kom Koj...............Muaj Lub Neej Ua
Xws Li Luag..............WB Thiaj Zoo Siab
Tsis Xav Qhia...............Los Wb Yug Tau
Yam Tsis Paub...........Wb Thiaj Yuav Hais
Koj Ua Ntxhais............Hnub No Koj Hlob
Koj Tseem Nyob..........Ntawm Wb Xub Ntiag
Yam Wb Qhia.............Koj Yuav Tau Khaws
Yuav Tau Kawm.............Rau Koj Lub Neej
Wb Lub Neej................Ces Tag Lawm Os
Wb Xav Kom.............Koj Tsim Tsim Txiaj
Mloog Koj Niam.............Wb Tej Lus Qhia
Nco Ntsoov Tias....Yus Yog Ib Leej Ntxhais
Yus Yuav Xaiv..............Ua Yus Lub Neej

Peb Ua Neej.......Lub Neej Yuav Zoo
Txawm Ntau Xyoo.........Ntawm Yus Kev Kawm
Twb Tsis Raws..............Li Lub Siab Xav
Kev Ua Nyab.............Luag Yuav Yuav Yus
Luag SaiB yus..........Seb Puas Tsim Txiaj
Tsis Yog Tias.............Lam Tau Lam Yuav
Luag Yuav Yuav..........Tus Uas Tsheej Haj
Coj Mus Tab...............Lub Cuab Lub Yig
Yus Yuav Txiv.............Los Ib Yam Nkaus
Yus Yuav Tau.............Saib Caj Saib Ceg
Neej Tshuav Ntev.........Tseem Yuav Ua Mus
Yog Tau Tus.........Tsis Tab Cuab Vij Zeej

Tag Lub Neej...........Yuav Ua Cas Ua Neej
Ntshe Lub Neej...........Yuav Los Kua Muag
Luag Yuav Muab...........Yus Xyav Tsis Zoo
Teb Tsis Zoo............Tag Yus Ib Cim teb
Txwj Nkawm Phem...........Tag Yus IB Txhis
Wb Thiaj Li.............Qhia Koj os mog!!!
Txij Hnub No..............Pom Luag Tub Zoo
Saib Nws Zoo...........Seb Puas Tsim Txiaj
Txhob Lam Nyiam.........Rau Saum Daim Tawv
Txhob Lam Ntshaw........Nws Qhov Zoo Nraug
Koj Yuav Tau.............Saib Nws Lub Siab
Hlub Yus Tiag..............Yus Mam Li Yuav
Txhob Lam Yuav..........Tsuav Tau Kev Hlub
Luag Tej Tub............Qhov Koj Yuav Saib
Koj Yuav Saib...........Seb Puas Siab Ntev
Tau Koj Nev............Puas Hlub Koj Tiag?
Nws Puas Nyiam..........Kev Phooj Kev Ywg?
Tsam Nws Twb.........Tsis Khiav Kwv Tij
Muam Yawm Yij..............Twb Tu Siab Tag
Tej Neej Tsa............Nws Puas Hlub Tau?
Thaum Yus Tau...........Tsis Yog Tus Thauv
Koj Yuav Tau...........Saib Xyuas Kom Meej
Koj Tus Kheej..............Yam Koj Yuav Ua
Txhob Nrog Luag............Ua Plees Ua Yig
Yus Thiaj Tsis..........Puas Koob Puas Npe
Lub Siab Ntev.............Yus Yuav Tau Coj
Tsis Txhob Coj..............Li Yav Tas Los
Koj Mus Pom...............Luag Ua Tsis Zoo
Txhob Mus Poo...............Mus Ua Li Luag
Txhob Nrog luag.......Mus Lawm Tsheej Hnub
Yoo Dab Ntub...........Nyob Tsheej Tag Hmo
Tsis Sawv Los...............Tu Vaj Tu Tsev
Nov Tom Ntej............Koj Yuav Tau Hloov
Kev Ua Zoo...............Yus Yuav Tau Kawm
Sub Thaum Kawg.......Neej Thiaj YuavZooTau
Peb Cov Laus..........Twb Cia Siab Rau Nej
Xav Pom Nej..........Muaj Lub Neej Zoo Xwb
Mus Qhov Twg.............Yuav Tau Ceej Faj
Tsis Txhob Lam............Mus Dag Luag Tub
Twb Tsis Hlub...........Los Tseem Tau Yuav
Thiaj Muab Ntuas.....KOj os Mog Me Ntxhais!!!

*Sau Los Ntawm: Jean-Thor-TCHA (JTT2011)
email: dabtsi-kimtshaj-kub@hotmail.fr

email: dabtsi-kimtshaj-kub@hotmail.fr

kev hlub kim tshaj kub

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°25

Re: Hlub Hmoob lub Tsev xyaum ua neeg zoo.

Post Hlub Hmoob on 19th November 2011, 11:38 pm

paj huam HAIS TXHAWB KOJ ZOG

Jeudi 17 Novembre 2011 23h19

nyobzoo niam tais,
vam tias nej txhua tus tseem nyobzoo thiab
kuv lam xa zaj pajhuam no rau koj (txhawb kojlub zog) twb sau tau ntev ntev lawm tsis tau muab rau kojxwb.
Vim ua li kuv hais impoosible ua tauib yam dabtsi li.
Ua dabtsi thiaj ua tsis tiav.
Ua koj tsaug uas koj yog ib leej niam tais nyiam txog tswv ntuj. Yam kojkua, kuv yeej qhuas, thiab kuv yeej ntshaw.
rau rau siab os mog, peb lub neej ntiajteb tsis muaj dab tsi zoo kiag li, Ib hnub kom muaj lub npe tshwm nyob rau ntawm yawm saub.
bye . ntsib koj dua

Pajhuam HaiS HAIS TXHAWB NIAM TAIS TXOOJ TUB (08/2010)

Zaj Lus No-------------Yog Lus Txhawb Zog
Hais Rau Koj------------Tus Ua Niam Tais
Tej Lus Hais----------Uas Koj Hais Txhawb
Mob Siab Txhawb-------Peb Hmoob Txhua Tus
Koj tej Lus------------KoJ hais Muaj Kuab
Yog Tus Muab------------Khaws Cia Ua Neej
Tus Ntawv Yeej-------Muaj Txiag Nplua Nuj
Thov Tswv Ntuj----Foom Koob Hmoov Rau Koj
Nws Pub Koj--------------Muaj Lub Dag Zog
Muab Siab Hlo----------Tshaj Nws Txoj Lus

Ntau Zau Yus ---------------- Yuav Raug Luag Thuam
Luag Yuav Thuam---------------- ---Huab Tais Yesxus
Tias Thaum -------------------Nws Muaj Kev Txhaum
Thiaj Li Raug ---------------- --- Luag Muab Nws Dai
Luag Yuav Hais ---------------- -Ntau Yam Ntau Tsav
Hais Los Tav ---------------- ------Yus Txoj hauv Kev
Ua Siab Ntev ---------------- ----Rau Rau Siab Ntseeg
Yus Tus Kheej---------------- Tsis Txhob Caum Luag
Raug Luag Thuam ---------------- --- Los Ua Siab Loj
Tsheej Tag Hmo ---------------- ------ Koj tsis Tau Pw
Los Tus Tswv---------------- --- Nws Twb PauB Txog
Nws PauB Txog -----------------Ntawm Peb Lub Neej
Tus Tsis Ntseeg --------------------Thiab Tsis Los Lees
Nws Lub Neej ---------------------Tswv Ntuj Paub Tag

Tswv Ntuj Xav----------Txog Rau Ntawm Peb
Txoj Hauv Kev-----------Nws Tsis Yooj Yim
Nws Thiaj Nqis-------Los Tuag Theej Txhoj
Lub Dag Zog------------Koj txhob khuv Xim
Nws Yeej Tsis------------Tso Koj Pov Tseg
Yam Txoj Kev------------Taug Mus Kom Kawg
Txog Thaum Kawg----------Yuav Tau Nqe Zog
Ua Siab Loj------------Rau Yus Kev Ntseeg
Muab Lub Neej------------Fij rau Tus Tswv
Tus Tsom Kwm---------Thiab Tus SaiB Xyuas
Txhua Yam Ua----------Ntawm Koj Tus Kheej
Rau Kev Ntseeg---------Nws Muaj Nqes Heev
Ntau Zaus Yeej----------Qaug Qaug Lub Zog
Nco Ntsoov Txog---------Yus Txoj Hauv Kev
Tias Ntiaj Teb---------Tsuas Nyob ib Vuag
Kuv Thiaj Muab------------Ua Lus Paj Huam
Sau Tuaj Ntuas---------Txhawb Koj Lub Zog
Koj twb Yog-------------Muaj Tswv Yim Zoo
Tau Koob Hmoov------Ntawm Txoj Kev Ntseeg
Kev Ua Neej-------------Koj thiaj Li Paub

Lo Lus Xaus----------Los Ntawm HLUB-HMOOB
Lo Twg Zoo------------Khaws Cia Ua Tshuaj
Ua KuabTshuaj----------Cawm Neeg Txoj Sia
Neej Txoj Siab---------Yog Txoj Muaj Nqis
Tswv Ntuj Tsis----Xav Kom Puas Tsuaj os Niam tais!
Nws Thiaj Xaiv-----------Koj Los mus Qhia
Cawm Txoj Sia---------Ntawm Neeg Ntiaj Teb os mog!

kev hlub kim tshaj kub

Maiv Tooj

Maiv Tooj: Tswv Cuab Hmong Catholique; Messages: 3796
Date d'inscription: 2009-08-19

Post n°26

Re: Hlub Hmoob lub Tsev xyaum ua neeg zoo.

Post Maiv Tooj on 21st November 2011, 9:28 pm

Nyob zoo Hlub Hmoob,

Ua tsaug rau nws ua tub txawj xav tseem sau ib zaj paj huam tuaj txhawb kuv siab, nres kuv zog. Yeej yog li nws hais, khwv khwv cuag dab tsi, tab sis yog yus tsis huas ua ces lub caij nyoog tsis tos yus ces thiaj lauj zias lub caij tuaj tshawb nrhiav thiab sau ntawv xwb. Lub siab xav ces yeej xav kom muaj coob leej tuaj sib pab sau es thiaj li tsis khwv khwv, tab sis zoo li Tswv Ntuj tsis tshua hu neeg ces thiaj li khwv heev. Tsis ua cas, khwv me ntsis los yuav tswj nrees lub siab tuav kom txog hnub muaj tus los sawv chaws tso mam li mus so.

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°27

Re: Hlub Hmoob lub Tsev xyaum ua neeg zoo.

Post Hlub Hmoob on 22nd November 2011, 7:32 pm

Nyobzoo Niam Tais.

Tsis ua cas os rau koj kev ua tsaug...
Kuv txaus siab xav pab, thiab txhabw koj,
Peb ua ib teg dej num, yeej muaj kev sib txhawb zog thiab sib pab thiaj li ua tau...
Nco Ntsoov Thov Tswv Ntuj thaum yus qaug lub zog, Nws yuav pab kom peb ua tau.

kev hlub kim tshaj kub

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°28

Re: Hlub Hmoob lub Tsev xyaum ua neeg zoo.

Post Hlub Hmoob on 22nd November 2011, 9:20 pm

Pajhuam HaiS HAIS TXOG KEV TUAG (/2011)

KEVTUAG

Ua Neej Nyob Yog Ntshai Dab Tsi
Kuv Yuav Piv Ua Txhua Yam Hais
Yuav Muab Hais Yam Tseem Ceeb Xwb!
Txawm Yam Twg Los Yeej Ntshai Tag
Ntshai Tub sab Kev Pluag Kev Kug
Ntshai Tsam Yus Tsis Muaj Noj Haus
Ntshai Yav Laus Khwv Tsis Taus Noj
Ntshai Tsam Mob Tshuav Tej Tseem Yau
Ua Tsis Tau Lub Ncauj Yuav Noj
Muab Xav Los Mas Tu Siab Kawg !
Tshuav Tub Ntxawg Tsis Paub Dab Tsi
Quaj Dhuj Dhi Tseem Nrhiav Mis Noj
Yus Dua Toj Leej Twg Yuav Hlub
Vim Lub Hnub Twb Yuav Poob Qho
Yog Ncaim Hlo Yuav Tau Ua Ntsuag
Tso Me nyuam Nyob Tsaus nTuj Nti
Tseem tshuav Txiv Ces nws Yuav Hlub
Yuav Tsis Pub Yoo tshaib Yoo Nqhis
Yog Tias Txiv Muaj Txoj Hmoo Nyob
Yog Txiv Txoj Hmoo Yam Tsis Muaj
Kev Ua Ntsuag Yuav Los Raug Tej Tub ki

Kuv Thiaj Li Muab Coj Los Qhia
Coj Los Piav Kom Peb PauB txog
Ua Neej Nyob Yam Peb Ntshai Tshaj
Tsam txoj Pa Ib Hnub tsam Nqus Tsis Tuaj
Txoj Kev Tuag Yog Txoj Phem Heev Li
Yog Tias Txiv Tuag Kiag Tseg Niam
Tseg leej Niam Tsis Muaj Txwj Nkawm
Kev Tuag Raws Tau Tej Niam Txiv
Ces Tub Ki Ua Ntsoj Ua Ntsuag
Yog Kev Tuag Caum tawm Leej Twg
Tsis Xav Khwv Tsis Qab Siab Nyob
Muaj Pluag Noj Twb Tsis Nco Nqhis
Tsaus Ntuj Nti Hnub Twg Neej Thiaj tag
Tu Siab Ntshaj Yog Txoj KEV TUAG
Los Kua Muag Txawm Tsis Txheeb Tsis Ze

Thov Qhia Peb Tias Tswv Ntuj Dhuav
Nws Hlub Tshua Txog peb Txoj Sia
Tswv Ntuj Kiag Nws Los Kua Muag
Kuv Thov Ntuas Rau Tsoom Phooj Ywg
Tias Tus Tswv Nws Hlub Hlub Peb
Txhob Siab Deb Rau Txoj Kev Ntseeg
Tsis Txhob Ntseeg Ntawm Yus Tus Kheej
Tias Ua Neej Tsuav Zoo Hnub No
Tag Kis Xyov Yuav Zoo Li Cas!
Tswv Ntuj Xav Ua Tus Pab Cawm
Tswv Ntuj Caw Kom Peb Los Ntseeg
Nws Ib Leeg Yog Tus Tswv Tiag
Peb Txoj Sia Nws Yog Tus Muab
Yuav Rov Muab Tom Qab Kev Tuag
NWS TSUAS YUAV KOJ LUB SIAB THOV
NWS XAV HNOV KOJ LUB SUAB HU
Ntseeg Tswv Ntuj Thiaj Yuav Zoo Dua
TXHUA YAM MUAJ Nyob Rau Ntawm Nws
Yus Lub Hlwb Khoob Khuab Tsis Tau
Peb Yuav Tau Cia SiaB Rau Nws
Ntseeg Tus Tswv Twb Tsis Phem Thiab sav!
Nws Tseem Pab Kom Peb Tau Zoo
Muaj Lub Moo Tag Ib Txhiab Ib Txhis
Kuv Thiaj Li Qhia Nej os Mog

Ua Neej Nyob Yam uas Peb Ntshaw
Xav Tau Dawb Tsis Muaj Tug Muab Tau
Ntawm yawm Saub Nws Muab dawb Paug Xwb
Cov Phooj Ywg Tsis Txhob Tos Ntev
Txoj Kev Phem Tswv Ntuj Tsis Yuav
Txoj Kev Thuam Tswv Ntuj Tsis Zam
Yam Nws Xav Yuav Muab Rau Peb
Txoj Sia Ntev Mus Nyob rau Nws Lub Ntuj
Nws Yuav Hlub Yuav So Kua Muag
Kev QUAJ NTSUAG Peb Yuav Tsis Muaj
TXOJ KEV TUAG TSUAS YOG NTIAJ TEB
Yav Tom Ntej Yuav tau Ua Ke
Peb Lub cev Uas Peb Muaj No
Yuav Tsum Yog ib puas, puas Xees (%)
Peb Ua Neeg Thiaj Li Nyob Taus
Muaj Qee zaus Mob Tes Mob Taw
Mob Deeg Daws Tsam yuav tsis Zoo
Peb Twb Mloog Txoj Sia Nyob Ntawv
Mob Saum Tawv Rau Hauv Daim Nqaij
Twb Txawj Ntshai Txog peb Txoj Sia

NTAWM KUV KIAG Kuv Twb Tsis Ntseeg
Zaum Puav Nkees Tsuas Mob Taub Hau
Noj Tshuaj Rau Yam Li twb Zoo
KuV twb Mloog Xyov Nyob Puas Dhau
Kuv Thiaj Sau Muab Tswv Ntuj Lus
Ntuas Qhia Tus PauB tsis Tau Txog
Tswv Ntuj Yog TUS UAS PAB TAU
Peb Yuav tau Cia Siab rau Ntawm Nws os Phooj Ywg Hmoob!!

Sau, Thiab Ntuas los Ntawm: Jean-Thor-TCHA (JTT2005)
email: dabtsi-kimtshaj-kub@hotmail.fr

kev hlub kim tshaj kub

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°29

Re: Hlub Hmoob lub Tsev xyaum ua neeg zoo.

Post Hlub Hmoob on 22nd November 2011, 9:27 pm

THOV CAW

1_Thov caw, thov caw
Kwv tij Moob sawvdlawg
Thov caw mej ntseeg Yexus
Yexus caw peb txhua tug
Lug nloog Nwg tej lug qhuab qha

2_Thov caw, thov caw
Kwv tij Moob sawvdlawg
Thov caw lug cuag Yexus
Tug yuav paab tau peb txhua tug
Dlim ntawm peb txuj kev txomnyem

3_ Thov caw, thov caw
Lug peb ib tsoom Moob
Yexus txhaj yog qhov tseeb
Lug ntseeg Nwg tso txuj kev phem
Txaav lug cuag tug Tswv Yexus

Ref: Nyob saum ntuj yuav kaaj sab lug
Tswv Yexus yuav nrug peb nyob
Yuav tsi muaj txuj kev sib ncaim
Vim peb tub dlim txuj kev tuag

4_Npajteb, txomnyem
Le Vaajtswv txuj lug
Tswv Yexus txhaj tau nqeg lug
Rov tig lug muaj lub sab tshab
Tswv Yexus yuav coj peb moog

5_Lug ntseeg, lug ntseeg
Koj txhaj le yuav pum
Lug ntseeg Vaajtswv txuj lug
Txuj kev nyuaj yuav pluj dhlau moog
Yuav ua neeg nyob kaaj Lug

Sau, Thiab Muab Suab, Hu los Ntawm: Jean-Thor-TCHA (JTT1990)

(NKAUJ SAU thaum MUAJ 17xyoos)
email: dabtsi-kimtshaj-kub@hotmail.fr

kev hlub kim tshaj kub

Hlub Hmoob

Hlub Hmoob: Tuaj Tshiab; Messages: 32
Date d'inscription: 2010-09-22

Post n°30

Re: Hlub Hmoob lub Tsev xyaum ua neeg zoo.

Post Hlub Hmoob on 22nd November 2011, 10:11 pm

Hlub Hmoob wrote:
Paj huam Hais Rau Neb Rooj Tshoob 2011

"Txoj Kev Hlub Thiab Kev Sib Yuav"

Txoj Kev Hlub Thiab kev sib Yuav
Kuv Yuav Muab Tee Ua Paj Huam
Coj Los Ntuas Txog kev Ua Neej
Qhia Lub Neej Thaum Nyob Ua ke
Nyob Ntiaj Teb Yam Kim Tshaj Kub
Lub Pov Kub Twb Pauv Tsis Tau
Lub Pov Haum Yog Koj Nplooj Siab
Yog Txoj Sia Ntawm Koj Lub Neej
Kev Ua Neej Yog Txoj Koob Hmoov
Yog Yam Zoo Nyob Rau Ntiaj Teb

Qhia Rau Neb Tias Yam Peb Nrhiav
Zoo Npaum Nyiaj Los Peb Tsis Ntshaw
Muaj Lub Plawv Thiaj Muaj Txoj Sia
Muaj Nplooj Siab Thiaj Tsheej Ib Yig
Muaj Tus Txiv Nrog Rau Tus Niam
Kim Tshaj Nyiaj Yog Txoj Kev Hlub
Ntuj Foom Pub Kom Muaj Ob Leeg
Peb Tib Neeg Thiaj Muaj Txwj Nkawm
Kev Txwj Nkawm Ntawm Neb Ob Tug

Txoj Kev Hlub Nrog Kev Sib Yuav

Yog Ntuj Muab Rau Peb Ua Neej
Peb Lub Neej Thiaj Tsheej Ib Yig
Muaj Tus Txiv Los Ua Tus Kav
Koj Yog Tav Ntawm Nws Lub Neej
Yuav Ua Tsheej Yuav Tsum Muaj Nws
Mus Hlub Nws Kom Tag Lub Siab
Mloog Nws Qhia Ua Li Nws Hais Nawb Mog!
Vim Nws Yog Koj Lub Taub Hau
Yuav Dhau Tau Muaj Koob Muaj Npe
Yog Koj Nres Coj Lub Siab Loj

Tsis Txhob Coj Li Luag Lwm Tus
Tau Tus Hlub Coj Lub Siab Me
Ua Niam Tsev Coj Lub Siab Ti
Luag Thiaj Li Tu Siab Lawm Hlo
Txiav Tu Nrho Txawm Yog Kwv Tij
Kuv Thiaj Li Muab Lawv Lub Neej
Qhia Qhov Tseeb Txoj Kev Ua Nyab
Tias Ua Nyab Mus Yuav Luag Tub
Yuav Los Hlub Luag Niam Luag Txiv
Hlub Kwv Tij Tej Nkauj Tej Muam

Hlub Tej Qhua Phooj Ywg Txhua Nrho
Luag Tuaj Txog Hu Suab Mos Nyoos
Lub Neej Zoo Koj Yog Tus Tiam
Li Koj Niam Thiab Li Koj Txiv
Li Koj Viv Thiab Tej Dab Laug
Cov Sab Nrauv Yog Tej Txheeb Ze
Tuaj Tsheej Tse Los Yuav Tau Hu
Yus Tej Nus Thiaj Muaj Chaw Vam
Tej Neej Tsa Luag Thiaj Cia Siab
Ua Ib Siab Tias Yus Tus Kheej

Thiab Lub Neej Mus Raws Txoj Hmoo
Tsis Txhob Nroo Tias Cas Yuav Dhuav
Tsis Xav Yuav Nej Tsev Neeg Lawm
Lub Neej kawg Rau Koj Tus Txiv
Cia Li Tig Thiab Saib Taus Nws
Luag thiaj Hwm Thiab Saib Taus Koj
Muab Siab Hlo Ua Koj lub neej
Thiaj Yuav Tsheej Li Teb Li Chaw
Yuav Tau Kawm Kuv Cov Lus Ntuas
Yuav Rov Muab Piv Rau Lwm Tus

Tau Tus Hlub Coj Lub Siab Me
Ua Niam Tsev Tsis Xws Teb Chaws
Ua Nyab Lawm Tsis Los Tab Cuab
Tsis Los Ua Tus Zoo Niam Tsev
Rau Ntiaj Teb Zej Zog Sawv Daws
Kom luag Ntshaw Thiab Kom Luag Vam
Tias Ua Nyab Mus Yuav Luag Tub
Yuav Los Hlub Luag Zoo Li Cas
Hlub Neej Tsa Tus Txheeb Tus Ze
Ua Niam Tsev Hlub Pog Hlub Yawg

Hlub Sawv Daws Coj Lub Siab Dav
Yuav Los Kav Luag Mus Sim Neej
Luag Tsev Neeg Yus Los Yuav Tau
Hlob Thiab Yau Coj Lub Siab Hlub
Tsis Yog Hlub Luag Tus Tub Xwb
Yuav Tau Hwm Luag Kwv Luag Tij
Sub Thiaj Li Yog Tus Zoo Nyab
Yuav Tau Xav Tias luag Tus Tub
Yog Luag Yug Yuav Nyab Tau los
Yuav Los Nrog Npaj Nqaij Npaj Hno

Ua Nyab Hlo Rau Tej Kwv Tij
Rau Niam Txiv Tej Nkauj Tej Muam
Rau Tej Qhua Phooj Ywg Txhua Tus
Tsis Txhob Hlub Txij Tej Neej Tsa
Yuav Tau xav txog Yus Tus Kheej
Luag Tsev Neeg Yog Yus Lub Neej
Yuav Ua Tsheej Yog Luag Ces Hmoob
Yog Lub Noob Ntuj Tau Tso Los
Yus Thiaj Los Ua Tau Luag Nyab
Yuav Tau Pab Cia Yus Tus Txiv

Rau Luag Siv Yus Thiaj Muaj Nqes
Txhob Cem Cem Thiab Txhob Txwv Txwv
Nws lub Hlwb Luag thiaj Saib Taus
Yus Yuav Tau Hlub Nws Tiag Tiag
Txhob Ntiab Ntiab Thiab Txhob Cem Cem
Ua Siab Ntev Ua Twb Zoo Nug
Yam Zoo Mus Cia Nws Mus Pab
Yus Ua Nyab Yus Tseem Yuav Txhawb
Kom Luag Ntshaw Cia Siab Yus Thiab

Lub Neej Tshiab Txij Hnub No Mus
Koj Yog Tus Yuav Hloov Tag Nrho
Cia Li Tso Kiag Txoj Kev Hluas
Ntuj Tsuas Muab Lub Neej Ib Zaug
Rau Koj Taug Ua Mus Kom Kawg
Kev Txwj Nkawm Tsis Yog Ua Si
Ua Me ntsis Tsis Zoo Rov los
Rau Siab Ntso Mus Ua Lub Neej
YOG Lub Neej Koj Mus Tau Zoo
Nco Qab Ntsoov Tshuav Tej Neej Tsa

Lub Siab Npaj Rov Tuaj Hlub mog!
Mus Hlub Koj Tus Txheeb Tus Ze
Koj Ncaim Deb Los Peb Tseem Hlub
VajTswv Pub KOJ Txheeb NTAWV LOS
Tav Los Txog Koj Thiaj Ncaim Mus
Kuv Lo Lus Uas Yog Lo Kawg
Lub Sij Hawm Los Ua Niam Txiv
Muab Los Siv Kom Muaj Nuj nqes
Ua Siab Ntev Mus Ua Neej Mog
Ntiaj Teb No Yog Tsis Sib Zam

Ces Yuav Plam Yus Txij Yus Nkawm
Sib Tau Lawm Ua Neej Sib Hlub
Kom Muaj Tub Muaj Ki Puv Tsev
Ua Siab ntev Thiab Coj Siab Zoo
Neej Thiaj Zoo Luag Thiaj Saib Taus
Lo Lus Xaus Thov VajTswv Pub
Nws Kev Hlub Nrog Txoj Koob hmoov
Thiab Foom Hmoov Rau Neb Os Nawb!
Kev Txwj Nkawm Kom Koj NcO Cia
Nco Ntsoov Tias TSUAS Muaj Tib Zaug ua xwb os mog

*Sau Los Ntawm: Jean-Thor-TCHA (JTT2011)

email: dabtsi-kimtshaj-kub@hotmail.fr

NCU THAUM COG LUS SIS YUAV(JTT1988)

1. Nub nua, peb tuaj
Sis sau ua ib ke
Tuaj nrug meb txais kev zoo sab
Foom koob moov rua mej ob tug
Kuas sis hlub moog ua lub neej tshab.

2. Txuj kev, sis yuav
Nub nuav meb lug muaj
Yog lug ntawm meb txuj kev hlub
Yuav tsum ua kuas tsheej tag tag
Kev zoo sab txhaj muaj lug rua meb

3. Nub nuav, moog le
Koom ua ib lub cev
Yuav tsum nyob txawj sis hlub
Ua ib tug tsis txhob sis ntxub
Ua lub neej txhaj kaaj sab lug.

REF: Moog ua neej
Tau zoo los (yog) txom nyem
Ua sab ntev sib hlub kuas txug nub kawg
Sib yuav lawm tsi txhob sib dlhuav
Ncu ntsoov thaum meb “cog lug sib yuav”
Ua lub neej ncu thaum meb tseem hluas.

4. Nub nuav, peb cov ntseeg
Tuaj nrug meb zoo sab
Qhov kws meb pib ua lub neej tshab
Thov Vaajtswv foom koob moov rua meb
Yaav tom ntej ua neej kuas kawg.

REF: Nub nuav meb,
Lug koom ua ib tug lawm
Kev txwj nkawm yog meb ob tug
Yuav tsum ua tso plhuav neej qub
Ua lub neej txhaj kaaj sab lug.

5. Nub nua, peb sawvdlawg
Tuaj nrug meb zoo sab
Qhov kws meb pib ua lub neej tshab
Thov koom moov rua meb ob tug
Kuas ua neej moog nyob txawj sis hlub.

REF: Moog ua neej
Tau zoo los (yog) txom nyem
Ua sab ntev sib hlub kuas txug nub kawg
Sib yuav lawm tsi txhob sib dlhuav
Ncu ntsoov thaum meb “cog lug sib yuav”
Ua lub neej ncu thaum meb tseem hluas.

Sau, Thiab Muab Suab, Hu los Ntawm: Jean-Thor-TCHA (JTT1989)

(NKAUJ SAU thaum MUAJ 15xyoos)
email: dabtsi-kimtshaj-kub@hotmail.fr

kev hlub kim tshaj kub

Go to page :

1, 2, 3

Yesxus Pleev

Phau Ntawv Ntshiab2002

Search

Gallery

Latest topics

Most Viewed Topics

Most active topics

Phoojywg kev koom tes

Speciale Hmong Guyane

Hmoob Tshav Ntuj

CAW LOS NYEEM NTAWV

Suav neeg tuaj saib, txij hnub 17/09/2010 los mus.

Hlub Hmoob lub Tsev xyaum ua neeg zoo.

Similar topics

Similar topics

Niam Mab Liab

Tshiab Mis Kas Ees

PHAU NTAWV PAB THOV NTUJ

Teev Ntuj tsis muaj Txiv Plig

7 LUB CIM /7 SACREMENTS

Web Hmong Catholique

Recherche Catholiens

KEV KAWM

KEEB KWM

NKAUJ TEEV NTUJ

KOOM TXOOS

Hmoob lub qub neej