Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Hlub Hmoob lub Tsev xyaum ua neeg zoo.

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Hlub Hmoob lub Tsev xyaum ua neeg zoo.

    Post  Maiv Tooj on 9th December 2010, 11:17 am



    LUS QHIA NRHIAV KEV ZOO
    Sau lub 12hlis2010
    tu sau
    Tsab Thoj



    Kheev Lub Neej Tig Tau Rov Qab


    Rau Tsoom PHOOJYWG,

    Cov Phooj Ywg sawv daws, Hais txog Lub Ntsiab Lus Ntawm LUB NEEJ yog tias tseem Tig Tau Rov. Lub Ntsiab Lus nov, yog ib Lub zoo kawg, Koj Tus uas tau hais tawm rau peb nrog xav, nrog kawm, kom ib leeg txhawb ib leeg.
    Yog Peb Muab LUB NEEJ saib zoo zoo lawm. Lub Neej Tseem Ceeb thiab Muaj Nqes rau Peb Tib Neeg.
    Peb txhua tug thaum (ub) tseem yau, Niam thiab txiv Lawv qhia txhij, hais txhua rau Peb, twb vim yog Lawv ntshai tsam ib hnub peb hlob tuaj, Peb tsis tsim txiaj, tsis txawj, tsis ntse, los sis yuam kev Rau Ntawm Lub Neej, Lawv thiaj li tau qhia Peb ua luaj. Txawm yog lub sij hawm tau dhau mus lawm los Niaj Hnub nim no, Ntawm Peb LUB NEEJ nrog rau Peb tej me nyuam, peb kuj tseem qhuab qhia ib yam li Lub Neej thauv Cov Laus Qhia thiab.
    Yog yuav muab Lub Ntsiab ntawm kev ua neej saib kom zoo, yuav pom tau hais tias: Sijhawm Tseem Ceeb Rau Kev Ua Neej.
    Txhua Yam Yuav Zoo Yog Los Ntawm LUB SIJ HAWM Los Mus xwb.
    Yog li ntawv, Kev Ua Neej, Peb UA Nyob Rau Hauv Lub SijHawm lawm.
    Ntau zaus, Ntawm Peb Lub Neej, Tej zaum thaum Tseem Hluas, tsis ua twb zoo saib, tsis ua twb zoo ua, tsis ua twb zoo xav, ntseeg siab yam peb yuav ua, ras tsis txog tias ib hnub tsam yuam kev, es yuav muaj kev tu siab, mob siab rau hauv lub neej no li…
    Peb Muaj Ntau Tus, kuj paub qab paub hau, paub txob, paub txhawj ib txwm thaum hluas, tab sis Peb Raug Tej Phooj Ywg, los sis TUS HLUB Muab
    Peb Lub Sij Hawm Noj, Siv Yam Tsis Muaj nuj Nqes (raug dag ntxias) Thiaj ua rau Peb Xiam LUB NEEJ, Peb Thiaj tau yuam kev lawm los muaj.
    Txawm Koj yuav zoo li cas los, kuv hmov tshua txog koj.
    Kuv uas Yog JTT (Hlub-Hmoob) tau tuaj nyeem, tuaj pom Nej txhua tug tej lus noog, lus teb, Txoj kev xav, thiab kev tu siab rau Lub Neej. Kuv kuj Hlub tshua txog sawv daws kawg, los vim Kuv Tsis Muaj Txuj, Tsis Txawj, Tsis Muaj Hwj Huaj yuav pab kom tau sawv daws nyob kaj siab lug.
    Kuv yeej to taub li Nej txhua tug txoj kev xav, kev nyuaj siab, ntxhov plawv, thiab kev tu siab. Thov Muab ib lo Lus los txhawb Nej zog, seb puas yuav txhawb tau me ntsis…Kuv Xav Hais Tias Txawm Yog Lub Neej « KHEEV LAM TIG ROV QAB TAU Los . » Ntshe Peb Tseem Yuav nyuaj siab li qub, ntsib teeb meem li qub, thiab yog tus qub neeg li qub.
    Vim Peb tsis zoo li tej zeb tej tsua, tej paj xyoob, paj ntoo, tej nroj tej tsuag, tawg phaum tag, yuav tawg dua ib phaum tuaj.
    Lub Neej Tsuas muaj ib zaug xwb, yog tias tsis zoo ces tag lawm tiag tiag…Yog tias yuam kev, ces thim tsis tau rov lawm.
    Peb Lub Neej Tsis zoo li kev tsav luvfais, yuam kev , (paib taw dua nrav) tab sis tseem thim tau rov qab los mus dua. Yog Peb muaj lub neej saib zoo zoo, mas txaus tu siab kawg os cov phooj ywg.
    Txawm li cas, los txhob tu siab tag tag, kom Peb nco hais tias lub ntiaj teb no, txawm yog yuav nyob rau qhov twg los kev nyuaj siab yeej muaj puv npo.
    Lub ntiaj teb no, qub dhau lawm, laus dhau lawm, peb los nyob taug luag lw, thiab ris Luag li kev Nyuaj siab xwb.
    Yog Thaum Paub tseeb li no Lawm, NEJ Puas Tseem Xav Tig Lub Neej Rov Qab Los Thiab?
    Cov Phooj, THOV TXHAWB Nej txhua tug lub zog tias:
    _Yav Tag Cia dhau nrog lub sij hawm os mog. Txhob Tu siab tag tag rau lub neej Vim tseem tsis tau lig.
    Vim LUJ NEEJ TSEEM CEEB Tiag Lawm. Lub SIJ HAWM Thiaj LI TSEEM Nres TOS… Hnub no, Tseem tsis tau lig rau Peb, kom Peb los nrhiav, los HUAS, los TXAIS Txoj Sia Tshiab Ntawm HUAB TAIS NTUJ,
    Nws thiaj yog tus yuav pub tau rau peb, kom muaj txojkev zoo siab, kaj siab xwb. Yog Hais Tias lub Sij hawm TSEEM Nres TOS, Yuav txhais tau tias: SIJHAWM TSEEM CEEB rau KEV UA NEEJ, rau tus uas yuam kev, tus muaj kev tu siab, yom?
    Kuv Xav hais tias nyaj Nej yuav to taub Sijhawm yog txhais li cas thiab?.
    Feem Ntau sawv daws yeej paub tias: yog sij hawm tseem muaj, tseem tsis tau lig, rau kev ua neej, peb tseem ua tau txhua yam.
    Qhov ntshai yog ntshai tsam sij hawm tag lawm xwb.
    Yog Sij Hawm Tseem nres Tos._ ces yog Yuav TOS TXHUA TUG kom mus tau qhov zoo, thiab Muaj qhov kaj mus li.
    Tsis Ntev tom Ntej no, Xyoo Tshiab twb Los yuav txog…Kom Peb Nco Tias ntxiv ib XYOOS rau hauv PEB lub Neej Lawm. Peb Yuav tsis nyob li no tag sim neej…Lub 12 Hlis Tim 25.Yog Hnub Peb Muaj Kev Zoo Siab, Kev Cawm Dim, uas yog Tus Cawm Seej Yexus Tau nqes los pab Peb tib Neeg. Peb Tso Siab Tau rau Ntawm Nws.
    SIJ HAWM YOG SIJHAWM: 1 hnub Tswv Ntuj tsuas pub muaj 24 xuaj moos, 1 xyoos los sis pub muaj 365hnub, los yog 12 lub hlis xwb…Nws Xav kom Peb paub siv lub sijhawm, Vim thaum yuam kev lawm yuav tig tsis tau rov qab…

    YAM TSWV NTUJ NTSHAW NTAWM PEB: yog muaj peb lub neej, txoj sia, fij rau Nws, thiab los ua Nws me nyuam, thiab los txais Nws txoj kev hlub peb neeg ntiaj teb…
    Yam nws xav kom peb ua: nrhiav Nws txoj kev ua ntej (uas yog kev ncaj ncees), los txais yuav nws leej tub Yexus Tus tau los tuag theej Peb Neeg Ntiaj teb Lub txim…
    YAM NWS XAV KOM PEB PAUB: Yog PAUB TXOG NWS txoj kev hlub, Thiab Nws Txoj kev Cawm dim.

    SIJHAWM TSEEB CEEB: Peb ua neeg nyob, sijhawm yog sijhawm tiag tiag, txhua yam uas peb yuav ua tau, yog ua thaum sijhawm muaj xwb… Tswv Ntuj pub 24xuaj moos rau Peb nyob ntawm ib hnub, Nws pub peb 365hnub rau peb ntawm ib xyoos, THIAB Nws pub PEB nyob MUAJ Ib lub SIJHAWM xwb, tsis pub tshaj….Txhua yam Peb xav tau, xav kom Muaj yog yuav tsum tau ua, tau nrhiav thaum peb tseem muaj txoj siab…thiaj li yuav tsis lig rau peb os cov phooj ywg….


    Los Ntawm: Hlub-Hmoob (JTT,france)
    I Wish You a very Happy New Year2011



    Last edited by Maiv Tooj on 8th January 2011, 7:14 am; edited 1 time in total




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hlub Hmoob lub Tsev xyaum ua neeg zoo.

    Post  Maiv Paj Lug on 10th December 2010, 5:19 am

    Wowow.....cas JTT cov lus saum toj nov yuav zoo ua luaj, Hmoob aw, yog peb ua neeg nyob peb txhua tus lam txawj xav li JTT thiab mas peb yeej yuav ua neej sib hlub tau lawm tiag tiag. Peb txhua tus yuav caum cuag luag lwm haiv neeg txoj kev hlub tib yam nawb.

    Maiv Tooj, ua koj tsaug ntau ntau uas tseem tuaj tso JTT cov lus saum toj no rau peb txhua tus nyeem nawb. Thov kom Huab Tais Ntuj nrog peb txhua tus nyob hauv peb nruab siab txhua sij hawm kom tsuas muaj thoob tsib li JTT mus ntxiv lawm yav tom ntej.




    <3 <3 Pab kuv rov los cuag koj Huab Tais Yesxus <3 <3

    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 2nd March 2011, 11:18 am



    MPL,

    zoo siab ntau rau koj lo lus qhuas. Kuj tsis tsis nyog koj yuav qhuas kuv npaum no thiab. Txawm li cas los thov ua koj tsaug ntau, Vim kev qhuas yog yam txhawb tau lub zog, thiab pab tau kom peb tseem yuav muaj kev sib qhia lawm yav tom ntej.
    Zoo siab tias koj nkag siab tau rau tej yam uas kuv tau qhia no.
    Ntseeg hais tias yuav pab tau rau tsoom phooj ywg txhua tus, thiab sawv daws yuav to taub li koj thiab. Thaum kawg nov, cia siab tias koj tseem yuav tuaj pab nyeem tej yam uas yuav muaj tso tawm tom ntej no. Thov ua koj thiab MT tsaug, Neb yog ob tug uas muaj peev xwm tshaj plaws, thiaj tsim muaj cov hoob li no, peb thiaj sib ntsib, sib fim tau, los ntawm KEV XA HMOOV ZOO. Thov qhuas NEB ob Tug.Cia siab hais tias tseem yuav pom Neb tej lus qhuab lus qhia.
    uatsaug.

    sau npe JTT -hlub-hmoob


    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hlub Hmoob lub Tsev xyaum ua neeg zoo.

    Post  Maiv Paj Lug on 3rd March 2011, 11:02 am

    Nyob zoo phoojywg Hlub Hmoob,

    Kuv yeej tsim nyog qhuas koj tej lus uas koj sau cia rau Maiv Tooj tso saum toj no lawm, vim neeg muaj coob leej ntau tus paub Tswv Ntuj tej dej num tab sis luag tsis xav muab nthuav thiab sau tseg rau tib neeg tau nyeem thiab tau paub, ib txhia kuj xav tias tus neeg twg xav kawm , yog mus cuag lawv mam li qhia, ib txhia kuj xav tias muab cia zoo zoo, mam nthuav thaum txoj sij hawm. Tsawg tsawg tus thiaj muaj lub siab dawb thiab siab kub nthuav yam lub teeb cia ntsa rau qhov txhia chaw pom thiab paub, txawm nyob rau tej kem tsev tsaus ntuj nti los ib txhia neeg kuj xav kom lub teeb ci txog tib si, li no kuv thov txhawb thiab qhuas koj tej lus yam li lub teeb taws ci ntsa iab rau saum ib lub rooj, yuav muab taws txhua lub sij hawm rau txhua kem tsev pom thiab mog.

    Koj khoom no kav tsij tuaj sau txhua yam kev kawm ua lub neej kom txawj sib hlub sib pab thiab sib hwm rau peb nyeem thiab kawm nawb mog. Yuav tos ntsoov pom koj cov ntawv dua nid, ua tsaug ntau
    o)




    <3 <3 Pab kuv rov los cuag koj Huab Tais Yesxus <3 <3

    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 4th March 2011, 6:48 am

    Me nquab rwg nyob qhov twg



    1_Nyob Zoo Koj Tus Me Phooj Ywg
    Yog Kuv Xwb Koj Tsis Txhob Ceeb !
    Lub Siab Ntseeg Tias Koj Nyob Zoo
    Koj Lub Moo Kuv Tseem Mloog Ntsoov
    Thiab Nco Ntsoov Thov Ntuj Rau Koj
    Paub Tias Koj Muaj Kev Ceeb Laj
    Siab Xyiv Fab Rau Tej Ntxhais Hmoob
    Lo Lus Zoo Nrog Rau Lus Mos
    Ras Tsis Txog Ntawm Koj Tus Kheej
    Tias Ib Leeg Nyob Rau Ib qho

    2_Txhob Lam Nco Thiab Txhob Lam Vwm ?
    Tsam Luag Twb Muaj Tug Khov Kho
    Deb Npaum No Rau Ib Sab Ntuj
    Txoj Kev Hlub Koj Ntseeg Puas Tau?
    Txawm Zoo Nkauj Thiab Yog Ntxhais Mos
    Muaj Ib Co Lub Neej Twb Piam
    Ua Neeg Liam Twb Hlub Tsis Tau
    Txhob Mus Qaug Rau Txoj Kev Hluas
    Los Soj Ntsuam Txog Yus Tus Kheej
    Tias Ua Neej Yuav Ua Li Cas!

    3_Vim Li Cas Thiab Vim Qhov Twg
    Tib Pliag Xwb Yuav Zoo Li No
    Vim Yus Nyob Muaj Koob, Muaj Npe
    Kev Txawj Ntse Los Yus twb Paub
    Lub Neej Dhau Muaj Cuab, Muaj Yig
    Tej Tub Ki Yus Nrog Luag Muaj
    Yog Ntuj Muab Rov-Mus-Tus-Koj-Hlub
    Rov Mus Thuv Txog Yus Lub Neej
    Peb Ua Neej Txoj Sia Tsis Ntev
    Txawm Sib ceg Los Ncauj Pauv Ncauj

    4-Hais Tsis Haum Tig Los Kho Xwb
    Lub Neej Twg Yeej Zoo Li no
    Rov Mus Kho Mus Pib Lub Neej
    Muab Lub Neej RUB Los Kom Ze
    Kom Pom Deb Txog Kev Txwj Nkawm
    Tias Sij Hawm Los Ua Niam txiv
    Tib Pliag Ntshis Yam Li Npau Suav
    Nyob Ib Vuag Nrog Tus Yus Hlub
    Yuav Ncaim Mus Yam Tej Nroj Tsuag
    Koj Txawm Tshua Thiab Tseem Xav Hlub

    5-Txoj Kev Hlub Tsuas Nyob Ib Vuag
    Lub Neej Yuav Tau Muab Tso Cia
    Nyob Tib Pliag Txawm Koj Xav Hlub
    Los Ib Hnub Yuav Ncaim Nawv Mog
    Lub Neej Tod Tseem Yuav Pib Xwb
    Yuav Tav Twg Tub, Ntxhais Mam Loj
    Koj Tub Loj Ntxhais Txawj Ua Hnav
    Yus Nrig Pas Zoo Qhov Twg os
    Ua Siab Mog Txhob Ua Neeg Liam
    Tsam Neej Piam Ho Nrhiav Tsis Tau

    6-Tus Niam Yau Li Yus Lub Siab
    Tau Tus Tshiab Los Txog Tsis Hlub
    Txawv Tus Qub Lub Neej Thaum i
    Coob Heev Li Cov Zoo Li No
    Txhob Ntshaw Mog Tig Los Peb Nrhiav
    Los Peb Qhia Txog Huab Tais Ntuj
    Tswv Ntuj Lus Qhia Tseg Hais Tias
    Txawm Peb Nrhiav Tau Nyiaj, Tau Kub
    Tau Kev Hlub Muaj Puas Tsav Yam
    Los Tsis Kav Peb Ib Sim Neej

    7-Ntuj Ceeb Tsheej Yog Chaw Tau Zoo
    Tus Ua Zoo Thiaj Yuav Tau Nyob
    Ntiaj Teb Yog Peb Chaw Ua Qhua
    Txhua Yam Muaj Nyob Ntawm Yexus
    Tswv Ntuj hlub Qhia Kom Peb Paub
    Txoj Kev Txhaum Yog Txoj Kev Tuag
    Tswv Ntuj Dhuav Kev Nkauj Kev Nraug
    Kuv Thiaj Sau Muab Qhia Koj Mog
    Caw Koj Los Yuav Kev Ncaj Ncees
    Tuav Kev Ntseeg Yuav Yus Meej Mom

    8-Tswv Ntuj Yog Tus Muaj Hwj Chim
    Yuav Zam txim Thaum Koj Tig Rov
    Txij Hnub No Ntawm Koj Lub Neej
    Kom Muaj Yeej Li Siab Xav Tau
    Tswv Ntuj Paub Txhua Yam Peb Ua
    Lo Lus Ntuas Los Xaus Li No
    Tshua Txog Koj Tsis Xav Pom Koj Mus Hauv Dab Teb
    Hauv Txom Nyem Mus Tag Ib Txhiab Ib Txhis os Nawv
    Hluav Taws Hlawv, Mob, Txoj Sia Tsis Tu
    Thiaj Nquag Hu Koj Rov Qab Los

    9-Rov Los Nrog Peb Tshaj Hmoov Zoo
    Rau Peb Hmoob Cov Tsis Tau Paub
    Txhob Mus Qaug Rau Ntiaj Teb No
    Thaum Kawg No Koj Yog Tus Xaiv
    Luag Yuav Hais Yog Koj Ua Zoo
    Koj Lub Moo Yuav Ncha, Nrov Npe
    Koj Ua Phem Luag Yuav Hais Koj
    Tsis Txawj Coj Lub Neej Thiaj Puas
    Ntshai Luag Thuam Tsis Yog Khib Koj

    10-Kom Koj Nco Yus Twb Laus Tas
    Yus Tus Nyab Nws Tseem Mos Mos
    Nws Los Txog Puas Yuav Hlub Koj
    Tso Tseg Mog Tseem tsis Tau Lig
    Tsis Yog Khib Neej Yog Koj Lub
    Ntshai Ib Hnub Koj Tsis Muaj Neej
    Ua Nraug Seem Rau Thaum Yav Laus

    Kuv Thiaj Sau Ua Paj Huam Qhia
    Mloog Luag ntxias Ces Yuav Puas Ntsoog
    Lub Neej Poob Tag Yus Sim Neej
    Nyob Ib Leeg Tsis Muaj Tug Hlub
    Ntshe Tej Tub Luag Yuav Tsis Khes
    Yus Txom Nyem Luag Yuav Tsis Paub
    Tej Ntxhais Vauv Luag Tsis Xav Pab
    Yam Lub Nra Tsis Muaj Tug Ris
    Kuv Thiaj Li Muab Qhia Kom Tas
    Ua Txhua Yam Qhia Nej os Cov Phooj Ywg





    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 4th March 2011, 6:50 am


    LUS QHIA NRHIAV KEV ZOO
    Sau lub 12hlis2010
    tu sau
    Tsab Thoj



    KOJ Yog Ob Zaug Ntawm Tswv Ntuj

    Muaj ib Tug Me nyuam txua tau ib lub nkoj ua si. Nws siv sij hawm ntev heev los txua. Thaum Nws txua tau lawm, nws saib mas lub nkoj zoo nkauj kawg nkaus li.
    Nws zoo siab heev. Muaj ib hnub, Nws txawm muab lub nkoj coj mus ua si nram ntug dej. Nws muab lub nkoj khi ib txoj hlua, thiab muab tso mus mus los los raws tus ntug dej.
    Thaum lub nkoj ntws raws dej nqes hav, dej ntsawj ceev heev, thiab ua rau txoj hluas tu lawm. Nws txawm caum lub nkoj raws tus dej, tab sis dej muab lub nkoj tshoob ceev heev, thiab dej loj heev, ua rau Nws muab tsis tau lub nkoj. Nws caum caum ntev loo, thiaj ua ib siab rov qab los tsev.

    Muaj ib hnub, Nws mus kawm ntawv los txog ntawm ib lub tsev muag khoom, Nws pom ib lub nkoj dai ntawm tus Yawm muag khoom ntawd lub qhov rai. Nws thiaj li nkag mus rau hauv lub tsev muag khoom thiab saib ua cav yog lub nkoj uas Nws txua tau. Nws thiaj li thov tus Yawm hais tias : lub nkoj nov yog Kuv lub, Kuv yog tus txua tiam sis kuv tau coj mus ua si rau nram ntug dej, ua rau txoj hlua tu, lub nkoj ploj thiab Kuv nrhiav tsis tau lawm xwb.

    Thov Koj rov muab rau Kuv. Tus Yawm muag khoom thiaj teb Tus me tub tias :
    _« kuv muab tsis tau rau Koj, rau qhov muaj ib Tug Txiv neej khaws tau, Nws coj tuaj muag rau Kuv, yog Koj xav tau rov qab, Koj yuav tsum tau them 1euro rau kuv , Koj mam li coj rov qab.(Kuv mam li muab rau Koj)… »

    Tus me nyuam ntawv tshawb hauv Nws tej hnab ris hnab tshos (seb puas muaj nyiaj los txhiv) tiam sis Nws tsis muaj nyiaj txaus. Nws thiaj li khiav mus tsev, mus tshawb tag nrho Nws cov nyiaj tau 1euro.
    Nws thiaj li nqa tuaj txhiv tau lub nkoj rov qab, thaum Nws txhiv tau lub nkoj lawm, Nws hais rau lub nkoj hais tias :
    _« Kuv lub nkoj es , Koj yog Ob zaug ntawm Kuv. Thawj zaug yog Kuv txua, Zaum no yog Kuv txhiv (koj).

    Peb tib neeg ntiaj teb zoo tib yam nkaus li tus me nyuam tub no lub nkoj ntag.
    Vajtswv yog tus tsim peb los nrog Nws sib raug zoo.
    Thaum Tswv Ntuj tsim tau lwm yam Nws twb hais tias zoo siab heev.

    Thaum Tswv Ntuj tsim tau Neeg ntshe haj yam ua rau Nws zoo siab, Nws thiaj cia neeg ua cov kav tag nrho, tej me tsiaj, me nas, me noog,tsiaj loj, tsiaj me txhua nrho, txhua yam uas yog Nws tsim.
    Tiam sis Peb Tib neeg tsis mloog Tswv Ntuj lus, tau mus mloog dab lus lawm. Peb Tib Neeg thiaj li tau mus ua dab tauj dab qhev thiaj paub tsis txog tus Tswv Ntuj uas tsim ntuj tsis teb lawm.
    Txawm yog li no los Tswv Ntuj tau hlub Peb heev.
    (VLK Math 3 :16 ) Nws thiaj li tau tso Nws tib leeg tub los tuag saum tug ntoo khaub lig, los txhiv peb rov qab kom rov los ua tau Tswv Ntuj tug dua.

    Peb muaj coob leej tsis nco txog hais tias qhov uas peb MUAJFEEM rov los cuag Tswv Ntuj, thiab rov los ua Nws me nyuam no tsis yog yooj yim
    Lukas15 :11-32 qhia kom peb paub tseeb hais tias Peb twb ploj lawm, Twb yuam kev mus rau txoj kev puas tsuaj lawm. Lukas15 :4-7 tiam sis Tswv Ntuj tau hlub hlub peb kawg nkaus, Nws thiaj tau tso Nws tib leeg tub los tuag txhiv peb thiab coj peb rov los nrog Tswv Ntuj sib raug zoo dua.
    Tswv Ntuj yog tus tsim Peb noob neej los Nws tseem ua tus rov txhiv peb dua thiab.
    Peb Yog Nws Tus Ob Zaug.
    Tsim Nyog Peb Cov los Ntseeg Tswv Ntuj lawm, ua Vajtswv tsaug thiab ris Nws txiaj ntsig, Rau qhov Nws Tau Hlub peb, es Nws Pub Peb MUAJFEEM los ua Nws Tug OBZAUG.

    Thov Caw Peb, cia li mob siab thiab ua Vajtswv li hauj lwm, thiab muab lub neej fij rau Nws , kom thiaj li tsim nyog qhov uas Nws hlubv Peb no.

    Qhuab qhia los ntawm JTT 2000 (dabtsi_kimtshaj_kub@msn.com)







    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 4th March 2011, 6:51 am


    KEV LAWB DAB THIAB KEV NTSEEG NTUJ





    Nyob zoo txog ib tsoom phooj ywg sawv daws,

    Hnub no kuv muaj lus zoo siab yuav qhia los sis piav txog kev cai lawb dab los yog kev cai ntseeg
    Ntuj rau peb sawv daws tau kawm, los sis pub rau sawv daws pab coj mus xav saib yog li cas tiag ; vim kuv pog kuv yawg, los rau kuv niam kuv txiv, tsoom kwv tij, sawv daws kuj yog tseem coj dab loj kawg li thiab.

    Ua li Hmoob hais : « ib txoog ib tsob » ntawm lawd sawv daws puav leej tseem coj dab,  tseev teev dab loj heev li.

    KEV COJ THIAB TEEV DAB :
    Peb tsoom Hmoob feem coob tseem coj dab, teev dab. Sawv daws yeej lam teev dab thiab coj dab xwb yeej ntshai nyob tsam pom dab los sis dab hem kawg nkaus.
    Hmoob hais tias: “yog ib tug neeg twg uas tau tas nws sim neej, nws yuav mus ua dab, nws yuav sawv ciaj dab txoog, dab tso, los sis nws yuav mus rau ib lub teb chaws tshaib tshaib, nqhis nqhis, uas yog ib lub teb chaws tsis muaj noj tsis muaj haus…”
    Mas yuav tsum tau npaj tsiaj npaj txhu, npaj tej yam haus rau nws, yuav tsum tau muab mov muab cawv coj los ntawg rau nws, thaum zoo li no lawm yuav tsum tau npaj ib lub plhuaj taub, ib lub raj xyoob thiab txua ib tug txhib ntawg rau tus tuag ntawd,  Kuv tau mus xyuas , mus hlub, los sis mus pab txog tej uas tau tag sim neej thiab tau hnov luag cov uas txawj qhuab ke lawv qhuab  hais tias: “
    -Noj txij koj ib leeg noj, haus txij koj ib leeg haus, ploj txij koj ib leeg ploj, tuag txij koj ib leeg tuag, noj tsis tag hliv nruab taub, haus tsis tag hliv nruab rag, nqa tsis taus los ua tiag nqa, coj mus pub poj pub yawg noj lawm ntuj txiag teb tsaus, ntuj ntsim teb no, ntuj tuag tshaib teb tuag nqhis…”

    Ib tsoom Phooj ywg sawv daws, Vim li cas peb cov niam cov txiv uas tseem coj qub kev cai (los sis tseem coj dab), lawv pheej ntawg, xa mus rau lub teb chaws ntawd?
    – Sawv daws twb yeej paub tseeb tias lub teb chaws ntawd no no , txias-txias, tshaib-tshaib, tsaus ntuj nti xwb thiab txom txom nyem xwb ne!!!
    Tab sis tiag, ntshai lawv tsis muaj lwm lub teb chaws yuav mus lawm, los sis lwm txoj kev mus… Lub teb chaws: “ ntuj txiag teb tsaus, lwm lo lus hais uas yog lub ntuj tawg “ Yog dab ntxwg nyoog lub xwb, Ntawv Moo Zoo twb  qhia tseg tias  yog lub teb chaws uas npaj rau cov neeg txhaum mus nyob, yog qhov chaw uas  dab ntxwg nyoog ntxeev siab rau Tswv Ntuj ais thiaj muab nws rau txim rau ped, kom txhob tau noj, txhob tau haus, nws nyob txias tsaus ntuj nti yeej tsis pom kev li! Cais nws thiaj tshaib tshaib nqhis nqhis; nws thiaj ua zaj ua ntxeev, ua txhua yam tsav ntxias peb neeg ntiaj teb kom tau mus nrog nws nyob rau qhov chaw no no, txias txias tsaus ntuj nti ntawd, nws thiaj ua txhua tsav kom neeg ntiaj teb muab ub muab no, muab tsiaj muab txhu, los txi, nws thiaj tau noj tau haus thiab hwm nws kom peb hnov qab txog tus Tswv Ntuj tus uas tsim ib puas yam tsav hauv ntiaj teb no.


    Tus dab ntxwg nyoog no, nws xav txia zoo li peb leej tib neeg tus twg los tau, nws xav txia ua peb niam peb txiv peb pog peb yawg los nrhiav noj nrhiav haus ntawm peb los tau, nws ua txhua tsav puas yam kom peb neeg txhob paub txog Tswv Ntuj, thiab xav kom paub txog nws xwb.

    Hos cov dab ntxias neeg ntawd yog tus dab ntxwg nyoog no cov qhev xwb.

    Vim li cas peb cov kwv tij Hmoob feem ntau peb tseem coj dab (qub kev cai) ?
    –Dab ntxwg nyoog yog ib tug dag noj dag haus, yog nws tsis tau noj tsis tau haus nws mus ncaj yim neeg twg yeej yuav ua kom yim ntawd mob ntag, ces yim ntawd yuav tsum tau mus saib, mus khob kuam los sis mus thov neeb thov yaig saib, yog thaum mus thov txiv neeb txiv yaig saib ces  luag yeej yuav saib pom xwb xwb, Peb Hmoob thiaj hais tias cem qab pob zeb ces roob ris yuav dawb vog hauv…            
     Thaum ntawd txiv neeb txiv yaig yuav hais tias: “yog dab niam dab txiv, los sis dab vaj dab tsev yuav noj yuav haus, vim lawv tshaib tshaib nqhis nqhis lawm es rov los nrhiav xwb…”

    Thaum zoo li no yuav tsum tau muab tsiaj muab txhu los txi rau nws, yog tsis txi, tsis teev, ces dab txawm yuav muab tus neeg ntawd ua kom tuag mus ntag…
    Peb Hmoob muaj ib lo hais tias: “Dag neej ces yuav txaj muag hos dag dab ces yuav tau tuag…”
    Yog thaum tau teem dab thiab tus mob ntawd zoo ntu puav lawm, yog tsis pauj , dab yuav los ua rau kom tus neeg ntawd tuag mus tiag tiag…

    Cov tseem teev dab yog vim li cas lawv tshuav dab nuj dab nqe ?

    Qhov kawg ntawm tus coj dab, teev dab, lawv yuav mus ciaj ua dab, mus ua dab ntxwg nyoog qhev, mus nyob rau dab ntxwg nyoog lub teb chaws txias txias, no no, ntsim ntsim, tsaus ntuj nti, mus nyob rau qhov chaw tshaib tshaib nqhis nqis txom nyem ntsuav ntawd.

    KEV LAWB DAB (Ntseeg Ntuj)
    Tsoom kwv tij phooj ywg sawv daws!  -Txoj kev lawb dab tsuas yog lawb tus dab phem,
    tus dab ntxias neeg,  tus dab noj nyoos haus txias ntawd nkaus xwb (uas yog tus dab ntxwg nyoog uas Tswv Ntuj tau muab ntiab tawm hauv Nws lub zim txwv…)

    Peb yeej tsis lawb niam lawb txiv, tsis lawb kwv tsis lawb tij, tsis lawb phooj lawb ywg, tsis lawb neej tsis lawb tsav ib zaug li os mog!
    Xav hais rau nej sawv daws paub hais tias peb sawv daws yog neeg tib yam nkaus, peb yeej muaj niam muaj txi, muaj kwv muaj tij, muaj phooj muaj ywg, muaj neej muaj tsav tib yam, muaj tus txheeb tus ze thiab los sad, puas yog?

    Qhov tseem ceeb yog PEB LUB NEEJ MUAJ QHOV XAUS ais nyias xav cawm nyias tus kheej, txoj sia, lub dag zog, thiab TUS NTSUJ TUS PLIG xwb!…vim txoj kev tuag  caum peb ib txheej dhau ib txheej, ib tiam dhau ib tiam, los txog niaj hnub nim no, peb ib leeg cawm thiab yuav pab tsis tau ib leeg… Peb los ua niam ua txiv, los ua phooj ua ywg tsuas sib pab tau tej yam me me thaum tseem ua neej nyob xwb, es txoj kev tuag peb khiav tsis dim thiab ib tug pab tsis tau ib tug ais nyias thiaj yuav tsum tau pab nyias.

    Tsoom phooj ywg sawv daws, kuv li sais: “kuv tsis kam mus ciaj ua dab, thiab ho mus nyob rau hauv lub teb chaws txias-txias,  no- no, ntsim-ntsim, tsis pom kev es haj tseem tshaib-tshaib thiab nqhis-nqhis ntawd laid!…Kuv yuav tsum nrhiav kom tau tus Tswv uas Nws tsim kuv, nrhiav kom tau lub teb chaws uas xis nyob, muaj tshav ntuj nrig, mus nyob kaj siab lug, thiab nrhiav kom tau lub teb chaws muaj noj muaj haus, noj tsis tag, haus tsis txhawj, tsis tas yus yuav ntim su mus rau tus ub tus no noj li, thiab yuav mus nrhiav kom tau tus Tswv uas siab zoo; tus Tswv ntawd tsuas yog Tswv Ntuj tib tug xwb!”

    Tus Tswv Ntuj, Nws yog tus Tswv ntawm lub ntiaj teb, vim rau qhov lub ntuj lub teb yog Nws li, Nws tsim kom muaj lub ntuj lub teb los, tas puas tsav yam yog Nws tsim thiaj li xeeb muaj, tshwm  los tiag tiag…

    Neeg kuj yog Nws tsim tib yam nkaus,, Peb noob neej txoj sia muaj nuj nqes tshaj txhua yam tsav hauv lub qab ntuj no,  peb tib neeg txoj sia yog txoj yog txoj uas  Tswv Ntuj tau hlub tshaj plaws huv tib si…
    Es peb yuav tsum tau npaj txoj kev ntseeg, thiab npaj siab rov  los mus cuag Tswv Ntuj, mus nrog Nws nyob tiag os mog cov phooj ywg!
    Mus nyob hauv Tswv Ntuj  lub teb chaws, mus nyob muaj txhij muaj txhua, muaj tas puas tsav yam, mus nyob hauv Nws lub teb chaws noj tsis txob,  hnav los  tsis txhawj,  noj tsis tag haus tsis qeg, noj tsis tshaib haus tsis nqhis.
    Mus nyob kaj siab lug txais txoj sia ntev dhawv mus ib txhis, tsis txawj ploj tsis txawj tuag, tsis muaj lub caij nyoog tag, mus nyob kaj nrig tsis muaj caij kawg rau peb…Peb tsis tas yuav npaj ub npaj  no coj mus noj, (los sis npaj yam noj yam haus) thiab yuav npaj tsiaj npaj txhu coj mus noj li!
    Tswv Ntuj  lub teb chaws zoo tshaj dab ntxwg nyoog lub lawm qas puas txhiab vam npaug;
    Kuv ntseeg hais tias peb sawv daws txawm  tus ntseeg thiab tsis ntseeg los yeej paub txog qhov nov heev li!

    Cov phooj ywg uas tseem ua- ua xyem xyav txog Tswv Ntuj! –Nej twb paub tias: “tus siab ntev thiaj tau nom ua, tus siab zoo thiaj tau lub ntuj ntoo…”
    Tus neeg twg los yeej xav tau koob hmoov los ntawm Tswv Ntuj thiab xwb, ua cas ho tsis kam los sis tsis paub los hwm Tswv Ntuj,  los ua li Nws hais, los ua raws li nws qhia, los paub teev Tswv Ntuj  li?

    Sawv daws tsuas hais txog hwm dab, teev dab xwb ces thaum kawg thiaj muab xa mus rau lub teb chaws tshaib tshaib nqhis nqhis, tsis tau noj tsis tau haus, thiaj yuav tsum rov qab los nrhiav noj nrhiav haus ntawm tej tub tej ki, tej niam tej txiv los sis tej kwv tij…
    Ua cas ho yuav tsis muab xa mus rau lub teb chaws noj los tsis txob haus los tsis txhawj, tsis tshaib tsis nqhes li thiaj li tsis rov los nrhiav noj haus ntxiv lawm?

    Neeg ntiaj teb los kuj li, (peb haiv Hmoob los ib yam thiab.) Sawv daws tseem nrog dab ntxwg nyoog ua yeeb ncuab rau Tswv Ntuj xwb, tseem hiam Tswv Ntuj, tseem hliav hmuv nkaug Tswv ntuj  tus tub uas Nws hlub tshaj plaws es  tau tso  los pab, los cawm neeg…

    Piv xam li no: “Niam txiv twb yug tau tub ki liab ntsha tsuas, tu da quav da zis, thaum tseem me me niam ncej puab ua tog zaum, txiv muab caj npab ua tog rau ncoo, thaum tej tub ki loj hlob tuaj tseem tawm tsam leej niam leej txiv thiab, hnov qab niam txiv tej txiaj ntsig, mas ua rau niam txiv tu siab kawg nkaus. Yog tsis muaj niam muaj txiv,  puas yuav muaj tej me tub me nyuam los sis tu ki?

    Tswv Ntuj los zoo tib yam nkaus thiab. Nws yog neeg ntiaj teb tus tseem niam tseem txiv tiag tiag . Nws pom zoo kom muaj lub hnub lub hli ci-ziab rau ntiaj teb neeg, ziab rau tej nroj tsuag thiaj loj tau, ziab rau tej qoob loo thiaj hlob taus, txhia tsav puas yam thiaj loj tau tuaj, kom neeg thiaj nrhiav tau noj tau haus yug rau neeg lub cev, ua tshav ntuj los nag pub rau lub ntiaj teb…
    Ua npaum li no los neeg tseem tsis qheb neeg lub siab los txais Tswv Ntuj  txoj kev hlub thiab. Ais puas ncaj ncees raws li nej xav ?

    OB TXOJ KEV XWB !
    Nyob ntiaj teb no tsuas muaj ob txoj kev xwb!
    –Txoj kev thib 1: Yog nrog Tswv Ntuj, tus tsim tas ib puas tsav yam. Nws tsim neeg los , nws yeej hlub neeg, yeej nyiam neeg tiag. Tswv Ntuj  tsuas tos saib neeg puas yuav qheb neeg lub siab tos txais Nws xwb!

    Txoj kev thib 2: Yog teev dab, nrog dab ntxwg nyoog hiam los sis  ua yeeb ncuab rov  rau Tswv Ntuj  ntuj xwb!
    Vim li cas teev dab xwb es ho hais tau tias hiam Tswv Ntuj, thiab ua yeeb ncuab rau Nws?

    -Kuv xav qhia meej , thiab qhia peb paub tseeb raws li no: “Tswv Ntuj  yog tus tsim txhua yam tawm los, Nws tsim neeg, tsim dab los ua ke, tab sis dab tsis kam hwm Tswv Ntuj  thiab teev Nws(.Dab xav ua tus loj dua , thiab xav yuav lub hwj chim loj ntawm Tswv Ntuj...)
    Dab paub tias neeg hwm Tswv Ntuj ces dab thiaj txia ua puas yam tsav los ntxias neeg, kom neeg tsis txhob nco qab txog Tswv Ntuj, zaum no neeg thiaj rov tsis paub hwm Tswv Ntuj  thiaj tau khiav deb ntawm Nws thiab tsis paub teev Nws lawm...

    Qhov ntawd, twb yog dab tawm tsam Tswv Ntuj, xav ua phem rau Nws, thiaj hais tau hais tias:“Hiam Tswv Ntuj, los sis rov ua yeeb ncuab rau Nws...“ Vim peb yog noob txaug neeg txhaum , yog xeeb leej xeeb ntxwv ntawm peb poj koob yawg koob uas yog AS DAS Thiab ES VAS los

    Yog vim li no cov teev dab es lawv muab dab coj los ua lawv niam lawv txiv, muab dab los nyob rau hauv lawv lub vaj lub tse, lawv hais tias yog dab vaj dab tse, lawv hais tias lawv niam lawv txiv tuag mus ua dab lawm es lawv thiaj muab dab los ua lawv niam lawv txiv...tseem muab txhua yam ua   yog Vajtswv tsim muaj coj fij, los sis laig rau dab thiab xws li tej tsiaj tej txu lawv tua, tej zaub tej mov lawv muab...
    Ntawv Moo Zoo MATHAIS tshooj 3:16 Tswv Ntuj tau hlub neeg tiag tiag...
    Thiaj tau tso Nws tib leeg tub Tswv Yes Xus  los rau ntiaj teb...
    Ntawv Moo Zoo MATHAIS tshooj 11:28-
    Huab Tais Yes Xus tau caw peb txhua tug kom muab lub nra hnyav (kev nyuaj siab kev ntxhov siab, yam nyuaj uas peb ua neej nyob es peb ntsib peb muaj...) tso rau Nws ua tus ris, los kwv Nws tug ntoo khaub lig ... thiab rov los mus cuag Tswv Ntuj …

    Qhov kawg no thov sawv txhob to taub yuam kev txog kev lawb dab  hais tias yog ib txoj tsis zoo rau peb, vim yog mus coj luag txoj es tsis yog coj yus txoj . Txhob tos ntev mog cov phooj ywg! lub sij hawm thiaj li yuav tsis lig rau peb vim peb tsuas paub hnub no thiab hnub nyob xwb peb paub tsis tau rau yav tag kis.
    Muaj ib zaj hais txog ib tug yawg nplua nuj.  Nws tab tom npaj txua kom tau ib lub tsev loj loj kom txaus rau  sawv daws nyob. Hmo ntawd pw xwb  tag kis nws cia li tsis sawv lawm. Lub tsev loj heev li, cia li ua tsis tiav, cia li  muab tso tseg  li ntawd lawm…

    Qhia los ntawm JTT
    Fab Kis teb 2010




    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 4th March 2011, 6:53 am

    PAJ HUAM Hais Txhawb Zog





    Zaj Lus No Yuav Muab Hais Rau
    Cov Ua Vauv Thiab Cov Ua Ntxhais
    Uas Nej Xaiv Twb Tau Neej Ua
    Twb Sib Yuav Los Tau Ntau Xyoo
    Neej Tsis Zoo Tsis Txawj Sib Hlub
    Tau Sib Hlub Tsis Paub Sib Zam
    Nyias Tseem Xav Nrhiav Nyias Txoj Mus
    Nrhiav Dua Tus Tso Lub Neej Tseg

    Yav Tom Ntej Nej Xav Li Cas
    Cas Tseem Npaj Yuav Muab Neej Tso
    Muaj Caij Sov Thiab Muaj Caij Txias
    Neeg Lub Siab Thiab Neeg Lub Hlwb
    Khiav Sib Xws Caum Lub Caij Nyoog
    Kaum Hnub Zoo Muaj ib Hnub Tsaus
    Muaj Lub Ncauj Thiab Muaj Tus Nplaig
    Ib Leeg Hais Ib Leeg Ho Khaws
    Txoj Kev Ntshaw Ntawm Kev Ua Neej
    Yog Sib Ntseeg Ua Neej Nawb Mog
    Yuav Qhia Koj Tus Ua Txiv Tsev
    Xav Kom Peb Ua Twb Zoo Xav
    Neej Txog Nta Ua Neej Txog Tog
    Puas Tsim Nyog Lub Siab Tseem Xav

    Tseem Xyiv Fab Rau Tej Ntxhais Hmoob
    Lo Lus Zoo Nrog Rau Lus Mos
    Ras Tsis Txog Ntawm Peb Tus Kheej
    Tias Ib Leeg Nyob Rau Ib Qho

    2_Txhob Lam Nco Thiab Txhob Lam Vwm ?
    Tsam Luag Twb Muaj Tug Khov Kho
    Deb Npaum No Rau Ib Sab Ntuj
    Txoj Kev Hlub koj Ntseeg Puas Tau?
    Txawm Zoo Nkauj Thiab Yog Ntxhais Mos
    Muaj Ib Co Lub Neej Twb Piam
    Ua Neeg Liam Twb Hlub Tsis Tau
    Txhob Mus Qaug Rau Txoj Kev Hluas
    Los Soj Ntsuam Txog Yus Tug Kheej
    Tias Ua Neej Yuav Ua Li Cas!

    3_Vim Li Cas Thiab Vim Qhov Twg
    Tib Pliag Xwb Yuav Zoo Li No
    Vim Yus Nyob Muaj Koob, Muaj Npe
    Kev Txawj Ntse Los Yus Twb Paub
    Lub Neej Dhau Muaj Cuab, Muaj Yig
    Tej Tub Ki Yus Nrog Luag Muaj
    Yog Ntuj Muab Rov-Mus-Tus-koj-Hlub
    Rov Mus Thuv Txog koj Lub Neej
    Peb ua Neej Txoj Sia Tsis Ntev
    Txawm Sib Ceg Los Ncauj Pauv Ncauj

    4-Hais Tsis Haum Tig Los Kho Xwb
    Lub Neej Twg Yeej Zoo Li no.
    Rov Mus Kho Mus Pib Lub Neej
    Muab Lub Neej RUB Los Kom Ze
    Kom Pom Deb Txog Kev Txwj Nkawm
    Tias Sij Hawm Los Ua Niam txiv
    Tib Pliag Ntshis Yam Li Npau Suav
    Nyob Ib Vuag Nrog Tus Yus Hlub
    Yuav Ncaim Mus Yam Tej Nroj Tsuag
    Koj Txawm Tshua Thiab Tseem Xav Hlub

    5-Txoj Kev Hlub Tsuas Nyob Ib Vuag
    Lub Neej Yuav Tau Muab Tso Cia
    Nyob Tib Pliag Txawm Koj Xav Hlub
    Muaj Ib Hnub Yuav Ncaim Nawv Mog
    Lub Neej Tov Tseem Yuav Pib Xwb
    Yuav Tav Twg Tub, Ntxhais Mam Loj
    Koj Tub Loj, Ntxhais Txawj Ua Hnav
    Yus Nrig Pas Zoo Qhov Twg os
    Ua Siab Mog Txhob Ua Neeg Liam
    Tsam Neej Piam Ho Nrhiav Tsis Tau

    6-Tus Niam Yau Li Yus Lub Siab
    Tau Tus Tshiab Los Txog Tsis Hlub
    Txawv Tus Qub Lub Neej Thaum i
    Coob Heev Li Cov Zoo Li No

    Yuav Qhia Txog Koj Tus Ua Niam
    Tig Lub Siab Thiab Rov Mus Hlub
    Huab Tais Ntuj Qhia Tseg Hais Tias
    Txawm Peb Nrhiav Tau Nyiaj, Tau Kub
    Tau Kev Hlub Muaj Puas Tsav Yam
    Los Tsis Kav Peb Ib Sim Neej

    7-Muaj Lub Neej Koj Thiaj Li Zoo
    Muaj Lub Moo Luag Saib Taus Koj
    Ua Neej Nyob Tus Muaj Yog Luag

    Tsis Xws Luag Yog Yus Txoj Hmoo
    Tus Muaj Hmoov Twb Zoo Tsis Tas
    Ua Zoo Xav Tig Los Sib Hlub

    Huab Tais Ntuj Qhia Kom Peb Paub
    Txoj kev Txhaum Yog Kev Nkauj Nraug
    Kuv Thiaj Tau Muab Qhia koj Mog
    Caw koj Los Yuav Kev Ncaj Ncees
    Ua Lub Neej Yuav lub Meej Mom

    8-Yuav Tsis Yog Nrhiav Kev Ua Si
    Muaj Tus Txiv Yuav Zoo Dua Mog
    Txij Hnub No Ntawm Koj Lub Neej
    Kom Muaj Yeej Li Siab Xav Tau
    Ntshai Yav Laus Tsis Muaj Tug Tshua
    Kuv Thiaj Muab Hais Qhia Rau Koj
    Tshua Txog Koj Tsis Xav Kom Koj Txom Nyem
    Neej Tsa Cem Txaj Muag os Nawv
    Txoj kev ntshaw , Plam Tsis Muaj Tug
    Thiaj Nqua Hu Koj Rov Qab Los

    9-Tig Rov Los Nrhiav Txoj Kev Zoo
    Lub Neej Zoo Luag Thiaj Saib Taus
    Txhob Mus Qaug Rau Ntiaj Teb No
    Thaum Kawg No Koj Yog Tus Xaiv
    Luag Yuav Hais Yog Koj Ua Zoo
    Koj Lub Moo Yuav Ncha, Nrov Npe
    Koj Ua Phem Luag Yuav Hais Koj
    Tsis Txawj Coj Lub Neej Thiaj Puas
    Ntshai Luag Thuam Kuv Thiaj Qhia Koj
    Rov Qhia koj Tus Uas Yog Txiv
    Tib Pliag Ntshis Yus Tej Tub Loj
    10-Tej Ntxhais Hlob Yus Twb Laus Tas
    YuS TuS Nyab Nws Tseem Mos Mos
    Nws Los Txog Puas Yuav Hlub Koj
    Tso Tseg Mog Tseem Tsis Tau Lig
    Tsis Yog Khib Neej Yog Koj Lub
    Ntshai Ib Hnub Koj Tsis Muaj Neej
    Ua Nraug Seem Rau Thaum Yav Laus
    Kuv Thiaj Sau Ua Paj Huam Qhia
    Mloog Luag Ntxias Ces Yuav Puas Ntsoog
    Lub Neej Poob Tag Yus Sim Neej
    Nyob Ib Leeg Tsis Muaj Tug Hlub
    Ntshe Tej Tub Luag Yuav Tsis Khes
    Yus Txom Nyem Luag Yuav Tsis Paub
    Tej Ntxhais Vauv Luag Tsis Xav Pab
    Yam Lub Nra Tsis Muaj Tug Ris
    Kuv Thiaj Li Muab Qhia Kom Tas
    Ua Txhua Yam Qhia Nej os Cov Phooj Ywg




    Sau:
    dabtsi_kimtshaj_kub@msn.com
    JTT Hlub-Hmoob France
    (Tim 20/09/2010)





    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 4th March 2011, 6:54 am




    Kev cuab nas cuab noog



    Ua ntej no, peb saib Ntawv Moo Zoo ua ke nyob rau Hauv Paus 3 :1-7
    Nqe Ntawv Moo Zoo no qhia rau peb hais tias thaum chiv keev dab ntxwg nyoog tau los ntxias
    Peb poj koob yawg koob (uas yog As das thiab Es vas ) poob mus rau txoj kev txaug kev txhaum.

    Ntawv Moo Zoo qhia hais tias txhua yam tsiaj, nab yog tus ntse tshaj huv tib si. Nyob rau nqe Ntawv Moo Zoo no, dab ntxwg nyoog tau siv tus nab los ntxias kom Es vas noj tsob txiv uas Tswv Ntuj tau txwv. Nyob rau nqe 6 thiaj li ntxias tau nkawd … Nqe 7 thiaj poob rau kev txaug kev txhaum lawm. Thaum ntawd, nkawd thiaj paub txhij paub txhua, paub yam phem yam zoo.

    Nyeem Ntawv Moo Zoo ua ke ntxiv PSAU 91 :1-3.
    Yuav kawm txog cov duab los sis ntsiab lus.
    1 TUA TSIAJ : yog peb mus saib rau txoj kev tuaj tsiaj, cuab nas, cuab noog.
    Yuav cuab li cas thiab mag ? –Yuav tua li cas thiaj raug thiab thiaj tau ?

    Tus neeg twg yuav mus tua tsiaj li no yuav tsum tau npaj txhij npaj txhua thiaj li yuav mus tua tau… Txhua tus yuav tua tsiaj li no tsis yog lam tau lam mus, yeej yog txawj lawm thiaj mam mus. Thaum mus txog tej chaw cuab, tua lawm yuav tsum nkaum kom zoo tshaj plaws tus tsiaj thiaj li tsis pom. Nws tej khoom tua yuav tsum tau npaj zoo, rab phom los yuav tsum tau dai ib lub koob xoo kom tsom tau deb thiab ze (rub los kom pom zoo) thiaj li tua raug.

    Mus ib zaug li no yam peb tua tsis tshua tau yog cov noog. Vim rau qhov cov noog lawd ceev faj heev. Tsis tag li ntawd xwb, lawd muaj ob lub qhov muag saib tau pom deb deb rau ped thiab tom qab.
    Cov noog no yuav tsum tau ua hlua mus soo, ua ntxiab mus cuab, muab yam qhauv nws nyiam noj coj los tso rau kom nws noj thiaj mag tau.

    2 KEV CUAB : Npaj khoom txhij, qhauv , riam, phom, tej ntxiab los sis hluas…

    3 KEV DIM NTAWM TUS NOOG : Tus noog yuav ua li cas thiaj yuav dim tau ?
    -Yuav tsum ceev faj zoo, nrhiav kev thaiv, nrhiav chaw nkaum…thiab khiav mus lwm qhov.

    Peb ua tib neeg nyob rau ntiaj teb dab ntxwg nyoog niaj hnub nrhiav peb, cuab peb kom peb mag nws lub voj hluas.
    Ntawv Moo Zoo qhia tias dab ntxwg nyoog zoo li tus tsov ntxhuav niaj hnub caum peb tom, ua txhua tsav yam kom peb poob rau txoj kev txhaum, los nkag rau nws lub voj hluas, kom nws thiaj khi los sis soo tau peb .

    4 KEV DIM NTAWM PEB : yuav ua li cas thiaj dim dim tau ?
    - Nqe 1 yuav tsum ceev faj zoo yam li tus noog, yuav tsum saib qhov pom tob tob los sis deb deb, tsis txhob pub mag tau dab ntxwg nyoob rooj hlua lo yog lub voj hlua uas nws cuab.

    5 KEV TIV THAIV : nqe1, yuav tsum tau los nkaum ntawm Tswv Ntuj tus duab ntxoov ntxoo,
    Nqe 2 : Yuav tsum tau cia siab rau Tswv Ntuj.
    Nqe 3 : Yog thaum peb cia siab rau Nws lawm peb yuav tsis raug ntxiab. Vim Tswv Ntuj yuav pab peb, yuav thiav peb, yuav tsis pub peb raug xwm txheej.
    Nqe 4 :Tswv Ntuj yuav nthuav hlo Nws sab tis los roos peb,tsis pub raug teeb meem. Vim Nws txoj kev ncaj ncees yuav tiv thaiv thiab hwj xwm peb
    Nqe 5 thiab 6 : Yuav tsis ntshai kev pua ntsoog txawm yog nruab hnub los yog hmo ntuj luag yuav ua cas rau yus.
    Nqe 9 : yuav tsum tau lees tus Tswv los ua tus pab thaiv thiab thiaj tsis muaj leej twg los ntxias los rhuav tau txhua lub sij hawm.
    Nqe 14-16 : Tus los nrhiav kev thaiv, los vam khom Tswv Ntuj, yuav tau txais koob hmoov los ntawm Tswv Ntuj.

    CUAB LI CAS, THIAB XUAS DAB TSI ?
    Thaum peb los tso siab rau Tswv Ntuj lawm dab ntxwg yuav los nrhuav tsis tau peb, thiab yuav tshem,
    Ps :4 :8 Peb yuav tso siab plhuav tsaug zaug vim Nws yog tus tsom kwm,thiab yuav tsis pub peb muaj kev xwm txheej Ex :19 :4 Tswv Ntuj yuav muab Nws ob sab tis tiv thaiv peb.

    Txuas ntxiv lwm daim
    JTT_ Hlub_Hmoob

    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 4th March 2011, 6:55 am




    Dab Neeg Hais Txog Tib Neeg Thiab Ntshauv Ua Rog

    Nyob Rau Ib Lub Teb Chaws Tiaj Tus, Do Dus, Kuj Ua Roob Ua Hav Kab Seeb Lug, Muaj Zoov Dub (Xyoob Ntoo)Yam Xis Nyob Kawg, Txawm Muaj Ib Co Hu Ua Ntshauv Los Nyob Rau Hauv…Cov Ntshauv No, Tau Loj Sai Thiab Huam Vam Coob Heev Li Tuaj. Tib Neeg Txawm Ntshai Thiab Xav Tias Yog Tsis Tua, Ntshe Ib Hnub Haj Yam Yuav Coob Thiab Yuav Nyob Tsis Taus Nrog Cov Ntshauv No.
    Yog Li No, Tib Neeg Thiaj Tau Nrog Ntshauv Sib Tua. Tib Neeg Muaj Txuj Ci Zoo, Ntshauv Thiaj Tau Swb Thiab Tuag Yuav Luag Tu Noob, Tsuas Tshuav Tus Puav Lawm Xwb.
    Tom Qab Ntshauv Tau Swb Rog Nrog Tib Neeg, Ntshauv Cov Thawj Coj Uas Tswv Yim Zoo Thiaj Li Nrhiav Kev Sab Laj, Yuav Mus Rau Lwm Lub Teb Chaws Kom Tib Neeg Tsis Txhob Paub Qhov Chaw Lawv Yuav Mus Ntawd, Thiab Lawv Tseem Npaj Siab Hais Tias Yog Lawv Rov Huam Vam, Lawv Yuav Tawm Tsam Tib Neeg Zaum No, Pauj Yav Tag Los.
    Yog Li, Ntshauv Thiaj Tau Tso Ntshauv Cov Tub Txib Mus Nrhiav Pom Ib Lub Teb Chaws, Tseem Xis Nyob Tshaj Lub Tag Los, Lub Teb Chaw No, Ua Tsua, Kuj Muaj Hav Zoov, Xyoob Ntoo, Lawv Thiaj Tau Mus Nyob Rau Qhov Chaw Ntawd (Yam Tsis Pub Tib Neeg Paub Tau) Txawm Yog Li Ntawv, Los Tib Neeg Paub Tias Tib Neeg Tau Muaj Kev Tsis Sib Haum Xeeb Nrog Ntshauv Lawm, Lawv Thiaj Tau Ceev Faj Kom Zoo Tshaj Plaws Rau Txhua Qhov Chaw.
    Thaum Kawg, Tib Neeg Tseem Paub Tau Tias Ntshauv Mus Nyob Rau Qhov Twg Lawm Thiab. Yog Li Ntshauv Thiab Tib Neeg Thiaj Tau Rov Sib Tua Zaum Ob, Ua Rau Ntshauv Tu Noob Hlo. Zaum No, Ntshauv Tau Rov Swb Rog Thiaj Li Dim Ib Tug Thawj Coj lawm Xwb.Tus Thawj Coj Ntshauv No, Nws Thiaj Nrhiav Kev Mus Kom Deb Tshaj Plaws Ntawm Tib Neeg, Xav Hais Tias Yuav Mus Kom Tib Neeg Tsis Txhob Tua Ntxiv Lawm.
    Nws Thiaj Mus Luam Yaj Ntawm Sab Hauv Tsua, Nws Saib Cav Tseem Pom Ib Lub Teb Chaws Uas Tseem Tsis Tau Muaj Leej Twg Mus Txog Dua, Haj Yam Xis Nyob.
    Tab Sis lub Teb Chaws Ntawv, Nyob Tsis Yooj Yim, Tsis Muaj Noj Tsis Muaj Haus, Tsuas Nyob Tshaib Nrog Nqhis Xwb. Txawm Li Los Yuav Tau Mus Nyob.
    Thaum Tus Ntshauv Nrhiav Tau Txoj Hauv Kev, Khiav Mus Nyob Rau Lub Teb Chaws Ntawd Lawm Mas Txom Txom Nyem Tiag Tiag Li.
    Nws Mus Pom Ib Yawm Suav Tuag Tshaib, (tsis muaj noj tsis muaj haus) Tshaib, Tshaib, Ris Rawv Ob Lub Koos Loos Txhuv Xwb, Tsis Txav Chaw Tsam Ntshauv Nrog Nws Txeeb Lawm. Tom qab Ntawv, Tib Neeg Tseem Tuaj Muab Tau Tej Ntshauv Uas Dim Los Nyob Rau Qhov Chaw Uas Muaj Tus Suav Tuag Tshaib lawm Thiab.
    Ua Rau Ntshauv Tuag Tag, Tshuav Tus YAWM SUAV Tuag TshaiB lawm Xwb.

    *Phooj Ywg Sawv Daws, Thaum Nej Nyeem Zaj Dab Neeg Tas, Nej Xav Li Cas?
    Puas Muaj Leej Twg Paub Txog, Los Sis Pom Dua Ntshauv Thiab Neeg Ua Rog?
    Nrog Rau Suav Tuag Tshaib?
    Yog Nej LeejTwg Twv Tau, Ho Pab Txhais Zaj Dab Neeg Rau Sawv Daws Paub.
    Yog Tsis Muaj Leej Twg PauB tiag Lawm, Kuv Mam Li Ho Rov Tuaj Txhais Thiab Tuaj Qhia Pub rau Sawv Daws Tau Kawm.
    (Thaum Koj tsis paub ces yog ib zaj dab neeg,
    Thaum Koj Nyeem tag zaj dab neeg kuj zoo thiab, thiab yam li yog tiag thiab,
    Yog thaum Koj paub lawm txaus luag, thiab txaj muag…)
    Sau Los Ntawm : (Hlub-Hmoob) JTT


    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 4th March 2011, 7:00 am




    Koj siv cov lug huv qaab nua
    xaam saib Ntuj cawm ua neej nyob pes tsawg xyoo?


    Nam txiv tuag taag ca Ntuj cawm nrug tij laug nkawd nyob thaum muaj 2 xyoos.
    Vaajtswv pub 1 feem 6 nkawd tu Nwg kev ua hluas . Tom qaab 1 feem 2 ntxiv Nwg hlub tav txiv tau nrug luag kawm ntaub kawm ntawv . Tom qaab 1 feem 2 kws kawm tav, txhaj rov lug tsev… Thaum ntawd, luag pum tas Nwg yog tub tsim txaj.

    Nkawd 2 kwv tij kuj ua neej xws luag (qhov tseem ceeb nkawd yog 1 tse neeg ntseeg Vaajtswv thaum miv lug)

    Ntuj cawm tub rov lug nyob tau ntev loo: lug noj taag 2 lub KOOB TSHEEJ kws puab ua nyob huv zog, tseem moog noj 1 lub tsab 30 caug tom qaab nuav hab; maam le moog yuav Xia Ntsia Ntuj…

    1 xyoos tom qaab, nkawd muaj 1 tug tub. Moov tsi muaj Ntuj cawm tug tub hlub tuaj caum luag moog ua laib lawm, tsuas nrug Nwg nyob 1 nraab xyoo le ntawm Nwg lub nub nyoog xwb.

    Tug Tub moog lawm, nkawd nyob lwj sab ntsuav tau 1 xyoos txwm nkaus le rov lug…

    Thaum rov lug Ntuj cawm hab tij laug txhaj moog caum nam tais nyob zog miv, moog nyob ua ke nrug 5. 8. ntseeg, (moog le 10 laav kev)…

    30 xyoo tom qaab nuav, Ntuj cawm laug laug hab taag sim neej rua xyoo 1900 lawm…

    1- Lawv le koj kev xaam phaaj Ntuj cawm nyob pes tsawg xyoo?
    2- Nwg moog kawm tsawg xyoo ntawv?
    3- Tsawg xyoo maam yuav quas puj?
    4- Nwg tug tub ua laib thaum muaj tsawg xyoo?
    5- Ntuj cawm yug xyoo twg tag?


    Tug Sau Yog : dabtsi_kimtshaj_kub@msn.com (JTT)

    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 4th March 2011, 9:47 am



    TXOJ SIA TSEEM CEEB



    Txoj Sia los qhov twg los? Tshwm sim qhov twg los?
    Hauv Paus 2:7 Nqe Ntawv Ntshiab no, qhia hais tias thaum chiv keeb, Tswv Ntuj ua Tus Muab Rau Tib Neeg. Txoj sia uas Peb muaj no, Tswv Ntuj yuav muab rau Peb kom ntev mus li ib txhis, Tsis txawj tag, tsis muaj Kawg, Tsis txawj tu ib zaug li...

    VIM LICAS Noob Neej Txoj sia Thiaj Txawj Tuag?
    Ntawv Hauv Paus 3:1-6 Peb Tau mloog dab lus, Tau poob rau txoj kev txhaum.
    Ntawv Hauv Paus 2:16 Vim Poob Rau Txoj Kev Txhaum lawm, TXOJSIA Yuav Txawj tuag, Yuav tu mus.

    Tswv Ntuj pom tias Noob Neej Tsis mloog Tswv Ntuj lus, tau tawv ncauj, thiab mus mloog dab lus, dab ntxwg nyoog thiaj ntxias tau peb, Txeeb tau peb txoj siab tu mus, ncaim ntawm peb cev nqaij daim tawv lawm.

    TXOJ SIA TSEEM CEEB DUA TEJ

    Dua Tej dabtsi Maj??? Peb pheej khws hnov lo lus tias txoj sia tseem ceeb dua tej xwb, Yog yuav txhais tiag, yuav txhais li cas ??_ Yog li, Kwv tij sawv daws, Peb tib Neeg Txoj Sia, Yog Txoj Tseem Ceeb Tshaj txhua yam huv tib si,
    Ntawv Hauv Paus 2:19 qhia hais tias txhua yam tsiaj, loj tsiaj me, me nas me noog los mus rau tej roob tej hav,
    Tswv Ntuj Muab Cob Rau Noob neej ua tus saib tus xyuas tag nrho.
    Yog peb yuav muab nqe no los txhais, ces yuav txhais tau hais tias NOOB NEEJ muaj nqes, los sis tseem ceeb. TSEEM CEEB los ntawm TXOJSIA.

    Tom qab Noob Neej poob rau txoj kev txhaum lawm, Peb Txoj siab thiaj ntev tsis tshaj 120 xyoo lawm xwb.
    Yog Peb tig saib mus rau COV NEEG THAUM ub Lawv nyob ntev kawg: Hénoch 365 xyoos, NWS Tus Tub Métuschélah 969 xyoos, ADAS 930...

    Peb Txoj Sia niaj hnub nim no ne, qhov uas peb niaj hnub tuag, qhov txoj sia niaj hnub tu, qhov uas ua rau Peb nyob tsis ntev, Twb vim yog Peb poj koob thiab yawg koob tau mus ua txhaum. Peb Yog NKAWV xeeb leej xeeb ntxwv, ces Peb yuav khiav tsis dim ntawm txoj Kev tuag los sis Peb yuav nyob tsis tshaj li 120 xyoos.

    Thawj Zaug TXOJ SIA Tu Hauv Neeg Lub NEEJ

    Thawj Tug uas Nws Txoj sia Tu, Leejtwg puas paub (Tus ntawv) Nws yog leejtwg? Npe hu li cas? -Poj niam los sis Txiv neej?
    Vim li cas ho tu, los sis TUAG?
    Ntawv Hauv Paus 4:1 Yog Tus Txiv Neej, Npe hu ua Abel (As Npes, Ob Kwvtij KAS EES thiab As Npes)

    Thawj Tug Tib Neeg Txoj sia Tu no, Yog Tus Tij laug TUA Tus Kwv ntag,
    Hauv Paus 4:8 TXOJ SIA Tu Ntawm ib Tug TIB NEEG lawm, mob siab npaum li cas? thiab zoo li cas?

    TXOJ SIA TSEEM CEEB tiag
    Peb Noob muaj nqes tshaj txhua yam tsav hauv lub qab ntuj uas Tswv Ntuj tau tsim tseg.
    TXOJSIA uas Peb Muaj no yog Txoj uas Tswv Ntuj tau hlub heev, thiab tau muab rau peb dawb paug,TSEEM CEEB LOS NTAWM SIA NTEV DHAWS MUS LI IB TXHIS, NWS TAU MUAB PUB RAU PEB DAWB DAWB XWB.
    Nqe Ntawv Ntshiab Hauv Paus 1:26-27 qhia tias Tswv Ntuj pub Peb Kom muaj tus yam ntxwv zoo li NWS. TXHAIS tau hais, kom muaj hwj chim thiaj txoj sia Ntev dhaws mus ib txhis thiaj nrog tau NWS ua Phooj ua Tau Ywg nyob nrog tau rau NWS.
    Vim li no, Neeg Ntiaj teb ua txhij ua txhua, ua puas yam tsav los cawm, nrhiav tshuaj los kho, los pab CAWM KOM tau Neeg txoj sia,
    Thaum Neeg muaj mob muaj nkeeg, Cawm thaum neeg txoj sia yuav tu. TAB SIS cawm npaum twg los Txoj sia yuav tu mus, Vim rau qhov poob rau kev txhaum lawm
    tsis paub rov los cuag
    los sis los txuas rau ntawm Tswv Yexus.

    Niaj hnub nim no, peb nyob rau ntau lub teb chaw, ib txhia tsis hwm txoj sia, noj yeeb noj tshuaj tuag, ib txhia dai caj dab tuag,
    Ib Txhia thaum tag sim neej ncaj tim hoob maum vim tsis muaj tus hmov tshua txo tus neeg ntawv li, tau coj txawv li peb hmoob,
    Peb hmoob thaum muaj tej tus tag sim neej li no, mas coj los nyob tsev ntev kawg nkaus.QHov nov, qhia tau rau Peb Hmoob paub tias hmov tshua, Hlub txog tus neeg
    ntawv heev li.

    (lwm txoj lus pivtxwv)
    Niaj Hnub no, Peb pom accident sib nraus sib nraus, Luag coj tuaj soj ntsuam, tuaj cawm ntawv, Luag nqa txhua yam tsav khoom thiab tshuaj, tuaj cawm kom tau tus neeg raug mob ntawv txoj sia,
    Txawm yog tus neeg ntawv, yog neeg phem los xij peem, neej tub sab los xij peem neeg zoo los xij peem, luag cov tuaj cawm ntawv luag yeej tsis lam tau lam cia kom tuag mus.

    Txuas ntxiv lwm daim.
    Los ntawm JTT_Hlub_Hmoob.



    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 22nd March 2011, 7:39 am

    Dynamic Glitter Text Generator at TextSpace.net



    KEV SIB NRAUJ 1


    1_Ntawm Nej Lub Neej, puas muaj tej yam teeb meem txog kev sib nrauj thiab? Muaj qee zaus Koj tus txiv (los sis koj tus poj niam) yuav ntxeev siab rau koj, ua rau tsis muaj kev sib ntseeg siab thiab tsis muaj kev cia siab rau ntawm lub neej.


    2-Tej zaum Neb yuav teb tau tias: « Wb yeej tsis sib hlub lawm, los yog lolus tias wb ib leeg tsis yog ib leeg tug (tsis yog ntawv niam txiv), los sis lwm lolus tias thaum wb sib yuav, Wb tsis paub txog dab tsi, Wb cia li lam sib yuav xwb. Yog li, Wb xav sib nrauj los yeej tau!. »


    3-Ua ntej thaum yuav muab Lub Neej Ntawm Neb Kev Txwj Nkawm tso tseg, thov caw Neb ua twb zoo xav.
    Tsis yog sib nrauj tag ces txawm yuav tshem tau tej kev nyuaj siab ntxhov plawv hauv lub neej. Tsis yog li ntawv, tom qab sib nrauj tag haj yam yuav yog ib qhov teeb meem loj ntxiv xwb.
    Muaj ib tug yawm soj ntsuam txog neeg lub hlwb, Nws hu ua Boom, Nws tau qhia tias: kev sib cais ntawm kev txwj nkawm tsis muaj hnub yuav kaj tau lub siab ib zaug li.

    NTAWV HMOOV ZOO thiab KEV SIB NRAUJ
    4- Ntawv Moo Zoo ntaus nqis txog kev sib nrauj yog ib txoj kev txhaum. Ntawv Moo Zoo qhia peb paub tias los ntawm Tswv Ntuj lub zaim muag txog txoj kev sib nrauj, yuav tsum nrauj kom muaj qab muaj hau, vim qhov tseem yuav mus yuav dua lwm tus . Mas Kos 2:13-16 qhia tias qhov yuav mus yuav tau lwm tus tshiab, yog kev ntxeev siab ntawm kev txwj nkawm.

    5-Mathais19:6 qhia tias kev sib yuav yog ib qho nyob ua ke kom tag ib sim neej.Ntau khub txwj niam txiv tau puas lub siab vim ib leeg tsis zam txim rau ib leeg, (tau muab lub neej rhuav tshem lawm) Mathais18:21-22.

    6- Ntawv Moo Zoo qhia ntxiv tias qhov sib yuav tau tom qab sib nrauj ,yuav tsum yog (nrauj los ntawm) kev plees kev yig, (kev nkauj kev nraug los sis ib tug tso ib tug tseg lawm xwb xws li kev tuag) Mathais19:9.

    7-Yog vim li no, yog thaum Koj paub tseeb tias tus txiv thiab tus poj niam tau ua yam tsis ncaj ncees lawm, thaum ntawv koj thiaj yuav nrauj tau Nws thiab mus yuav tau tus tshiab.

    8- Pajlug14:15 tus neeg ruam ua txhua yam, tiam sis tus neeg ntse ua twb zoo xav (mam ua)……
    txawm hais tias hnub no, koj paub tej yam tseeb, txawm koj yuav nrauj los yuav tsum tau xav kom txhua tso txog ntawm kev tawg cuab tawg yim (Kos Lis Nthos 1, 6:12) Coob leej, lawv xav tias yuav txiav txim tau yooj yim li TUBLWM hais …


    LUS NOOG TXOG Txog KEV SIB NRAUJ:

    _________________________________________________________________________________________________________
    _teeb meem thiab nyiaj txiag
    9-Nkauj Ntsuab twb sib yuav tau 12 xyoos.Nws hais tias thaum paub tias Nws tus txiv muaj kev nkauj kev nraug nrog rau Lag uas Nws tus phooj ywg: « lub sij hawm thaum kuv paub ces Lag twb xeeb tub tau 6 lub hli lawm… »

    10-Tom qab uas tau sib kho los ntawm tej kev txwj laus neeg. Nkauj ntsuab tau txiav txim nrauj: « Nws hais ntxiv tias, kuv tau ua txhua yam cawm kom wb ob niam txiv mus rau qhov zoo los kuv tus txiv pheej tsis tso tseg li. »
    Nkauj Ntsuab thiaj tau txiav txim siab nrauj. Nws hais li no: « Txij hnub Wb sib cais tag, kuv lub neej haj ntsib kev nyuaj siab, txom nyem ntau yam los mus rau ntau xyoo ua ntej kuv lub neej thiaj li rov sawv taus, thiab kuv thiaj hnov qab tau ntawm kuv tus txiv lawm»

    11-Raws li Peb pom los ntawm Nkauj ntsuab cov lus hais , lub neej ntawm kev sib Nrauj, ntau zaus ntsib teeb meem ntau yam:- ntawm lub neej sib tso, -ntawm nyiaj txiag, ntawm tej me nyuam thiab ntawm lub neej yuav rov mus ua.
    Nej yuav pom tau tus ntxhais Nkauj Ntsuab yeej tsis lam tau lam txiav txim. Nws yeej tias Nws ua txhua yam kom lub neej mus taus, los vim tus txiv tsis kho…
    12-Xws li kev soj ntsuam ntawm peb haiv hmoob (tom qab sib nrauj) tsis hais tus txiv los sis tus niam ob leeg yeej txom txom nyem kawg nkaus. Khees zog rau leej niam, ntau zaus tus txiv tsis muaj lub chaw nyob (nyob rau qhov ub qhov no, ua neeg lwj neeg liam lawm). Yog li, puas tsim nyog pheej hais txog kev sib nrauj xwb?

    13-Maivdam.(ua num nyob hauv xam) Nws hais tawm tias raws li feem ntau ntawm cov neeg txiav txim, lawv kom ob tog neeg tig rov mus saib ob lwm ua ntej yuav sib cais (los yog sib nrauj).

    14-Cov phooj ywg sawv daws, vim yog hlub tshua peb txhua tug kev ua neej ntawm kev txwj nkawm, thiaj tau muab txog zaj kev sib nrauj coj los qhia, los ntuas, thiab txhawb sawv daws.

    Ua ntej tag nrho, thov nej txhua tus zam lub txim pub rau kuv Zaj Lus Ntuas. Yuav tsis muab leej twg lub neej coj los piav, yuav tsis muab leej twg lub neej coj los hais, yeej paub tseeb hais tias ntawm peb ntau tus muaj kev tu siab loj, yog hais txog lub neej (kuv tus kheej los kuj raug so lub kua muag los tau ntau xyoo thiab). Yam dhau lawm yeej xav kom sawv daws hnov mus xwb.

    15-Tab sis kuv xav muab ob peb tug neeg uas lawv tau hais rau kuv txog lawv txoj kev tu siab, kuv yuav muab coj los qhia rau peb.


    Muaj ib tug ntxhais, Nws hu ua Npaub Vaj.
    Nws tau hais tias: « kuv lam muaj ib zaug txiv tab sis, tu siab tus txiv hlub tsis tas… »
    Maiv Yaj ho hais tias: « kuv yeej ua txhua yam kom zoo thiab hlub kuv tus txiv, tab sis Nws tsis pom, Nws tsis paub, tshuav dab tsi thiab? »
    Vab Lis Nws hais tias: « Hnub no, kuv los lub kua muag, Vim tus txiv tsis xav hlub, paub tsis tau tias thaum ub yuav zoo li no, tu siab kawg…»
    Tub Ntxawg hais tias: « kuv hlub koj kawg, thiaj yuav tau koj los, xav tias ntshe koj yuav hlub thiab, cas hnub no, koj hlub kuv tsis kawg lub neej, tu siab os nawb, vim kuv tsis paub koj lub siab»
    Tshaj Tsab hais rau Npai tias: « niam txiv kuv tsis muaj nyob twg, ua neej nyob tsis muaj tug kwv tug tij, yog koj hlub , yuav hlub koj kom kawg lub neej…
    Npai teb Tshaj tias: « niam txiv txawm koj tsis muaj, kwv tij tsis muaj nrog luag los koj txhob tu siab, yog koj hlub tiag, kuv yuav tsis pub koj tu siab, thiab mam hlub koj xwb ntawm wb lub neej… »


    16-Kuv tau muab ntau tus neeg cov lus tso rau peb nyeem. Tus tu siab, yuav hais li cas los muaj tag nrho.
    Cia Peb saib ib tug neeg saum no zuj zus mus, pib los ntawm Tshaj Tsab. Ntawm Nws txoj kev hlub yeej tau pib tseeb li no, thiab yeej npaj Nws lub neej li no nrog rau Npai. Ntawm Npai los yeej tos ntsoov seb Tshaj puas yuav, puas hlub thiab xwb. Tab sis ib hnub, Npai kuj tau tso Tshaj tseg thaum sib tau los nyob ua ke lawm thiab. Vim Tshaj ua neej tsis muaj kwv muaj tig, tau txais lub neej ntsuag tsis muaj niam muaj txiv, tsis tug pab, tug hlub, Nws xav tias ntshe Npai yuav los hlub, tiam sis thaum Npai los txog, Nws los pom tias lub neej zoo li no, Nws los nyob tsis taus thiaj ncaim Tshaj mus, Nco tsis txog cov lus cog tseg lawm…


    (Txuas ntxiv lwm zaus2…) LUB NEEJ SIAB NRAUJ



    17-Hais txog Ntawm Tub Ntxawg, los Nws kuj tu siab loj, vim Tus Nws Hlub kuj tau hlub Nws tsis kawg. Qhov Nws tu siab tshaj yog vim Nws tsis paub txog ntawm Nws tus hlub lub siab dub. Yog li Nws txoj kev ntshaw tau mus tsis raws li lub siab Nws uas xav.

    18-Vab Lis tau tu siab kawg. Hais txog ntawm lub neej ua rau Nws los lub kua muag. Nws Lo lus uas Nws hais : « Tu siab kawg… » tu siab kawg, yog lub suab seev tawm hauv neeg lub siab deeg tuaj, lub kua muag thiaj tawm los……Tej tug tib neeg tu siab rau koj loj npaum li no, koj xav licas ?…koj puas xav tas? Koj xav puas tawm tias ntshe koj phem dhau lawm? luag thiaj li tu siab npaum li ntawv thiaj li hais tau?…Tsis hais koj , los yog hais kuv, los yog ib leeg twg, yog Luag tau ua phem rau yus lawm, Yus yeej cim ntsoov tseg rau hauv lub siab, yom? (yam li tsis xav ntsib, tsis xav pom, tsis xav ntsia, thiab tu siab tsis xav ua Nws tus phooj tus ywg los sis tsis xav nrog nws ua txwj ua nkawm ntxiv lawm…)
    19-Cov phooj ywg sawv daws, Thaum tu siab loj npaum li no. Ntau tus cia li ua neeg puas hlwb, puas tswv yim, thiab puas siab, ib txhia cia li vwm, ib txhia cia li ntshai kev ua neej, (vim ntshai txiv neej, ntshai pojniam) cia li tsis xav rov npaj lub neej ntxiv li lawm, ib txhia cia li muab lub neej tso tseg xws noj yeeb noj tshuaj tuag, dai caj dab tuag, puas txaus tu koj siab? _thiab puas tsim nyog peb ua tus neeg rau Luag tu siab loj npaum li no?
    Peb muaj ntau tus neeg yeej ua lub neej kom tau raws lub siab Ntshaw ib yam li MAIV YAJ hais: « Ua Txhua Yam Kom Zoo, Thiab Hlub kuv Tus Txiv (los sis Tus Pojniam) » Tab sis txawm yog Luag yuav ua zoo npaum twg los ntshe koj yuav tsis pom. Puas yuav muaj hnub koj paub tau?_Hnub twg koj thiaj li pom?_yog koj nyeem tsis tau luag txoj kev hlub,kev ntshaw, los yog koj yeej pom, tsis xav lees paub luag txoj kev zoo xwb?, kuv xav tias txawm Koj yuav mus rau tsawg lub neej los yog koj ua tus neeg coj lub siab twm zeej li no xwb ntshe yuav mus tsis deb li os tus phooj ywg…
    Ua li Npaub Vaj hais lam nrog luag muaj Tus Txiv xwb, lub neej twb tsis sov siab…
    20-Vim Nws hais tias: « tus txiv Hlub Tsis Tas… »Tshuav dab tsi ntawm koj os tus phooj ywg, koj thiaj tseem ntshaw?_Koj thiaj tsis xav hlub tug neeg koj yuav los ua koj poj koj sev?… Kev npau suav, nws tsis tseeb os nawb. Yog Nws txhob txwm tsis xav hlub Koj, los ntshe koj yeej yuav tu siab ib yam nkaus. Lub neej nyob khuam lub siab, nrog rau tej me nyuam li ntau tus, Peb tsis muaj leej twg xav tau os. Yam Nws ntshaw yog koj txoj kev hlub, koj txoj kev zoo, thiab kev ncaj ncees,Tus Nws xav tau yog ib tug zoo txiv tsev os nawv. Ib yam li Peb cov txiv los yeej xav kom tau tus zoo poj niam nyob hauv lub neej thiab xwb…


    Ntxiv mus, yog koj tus kheej ua txhua yam kom zoo koj siab xwb, ho zoo dab tsi?, Peb Poj Koob Yawm Txwv tau hais tseg tias kom ua neej nyob TXAWJ SIB HLUB, SIB ZAM thiab nyob kom sib haum xeeb thiaj kaj siab lug tau no ne!


    21-Cov phooj ywg sawv daws. Hais txog ntawm lub neej kev txwj nkawm, yog peb yuav muab hais kom muaj yeej muaj swb, kom zoo lub siab xwb ces yeej tsis muaj hnub li. Vim Niam yuav hais niam zaj, txiv yuav hais txiv zaj, tsis muaj leej twg yuav nyoo swb ib zaug…


    22-Thov caw peb saib Ntawv Hmoov Zoo los sis Ntawv Hauv Paus :21-23:” (qhia txog kev txwj nkawm, ) tus poj niam yog txiv neej tus tav…”Lub neej, HuabTais ntuj tsim pub kom muaj Kev Txwj Nkawm thiaj los ua tau tib neeg nyob rau ntiaj teb, Nws tau pub kom muaj Txoj Kev Zoo Siab uas yog Txoj Kev Hlub nyob rau hauvlub neej…Yog muaj tus txiv xwb, Peb yuav los ua tsis tau tib neeg nyob. Ntawv Hauv Paus 2:18 hais tias: « tsis tsim nyog cia Tus Txiv Neej nyob ib leeg… » Nyob rau nqe kawg ntawm 18 thiaj hais tias: « kuv yuav tsim dua ib tug los nrog Nws nyob, los ua Nws txwj Nws nkawm, thiab los pab Nws… »
    23-Vim li ntawv, Peb tus uas yog txiv thiaj yuav nrhiav tus tav Yawm saub tsim pub uas yog Tus Poj niam los nrog nyob ua ke.
    Ntawm Peb cov txiv. Hnub no, peb mus yuav tau Luag ib tus ntxhais los ua peb tus poj niam lawm, puas tsim nyog yuav tau hlub kom kawg lub siab? thiaj raws li lub siab ntshaw? Kuv xav tias thauv, Koj yog Tus pib ntawm Txoj Kev Ntshaw, thiab xav tau ntawm Nws Txoj Kev Hlub, koj thiaj li mus yuav tau Nws los ua koj Tus Poj niam. Puas tsim nyog koj yuav hlub Nws kom kawg NEB lub neej?, kom kawg KOJ lub ntsws?_ Los yog yuav tau ib ntus, tsis xav yuav lawm? Thiaj li tsis lees paub Nws txoj kev zoo? Thiaj tsis xam pom Nws txoj kev hlub?
    24-Lo lus: »poj niam… » txhais hais tawm tias: Yog Koj Txwj Koj Nkawm, Yog Koj Tus Tav, tsim tau tus Poj Niam los ntawm Koj Nqaij Koj Txha, uas yog koj Tus Tav…"
    25-Suav txij hnub kOJ mus yuav tau Nws los, txhais tau tias yuav nyob ua ke tsis muaj hnub kawg (yos tias ib tug tsis tuag, tsis tso ib tug), Koj yuav tau hlub Nws, Tsis txhob pub Nws tu siab, tsis txhob pub Nws los kua muag. Txawm yog Hnub no, Nws txawv, tsis zoo nkauj, (zoo nraug) li thaum tseem hluas ,los koj yuav tau txaus siab rau NWS. Nws lub neej los nyob nrog koj laus tag li no. Yog koj tso Nws lawm, leej twg thiaj yog tus yuav hlub Nws?


    Peb kev ua neej, kev sib hlub mus txog hnub kawg. Yuav tsum yog muaj tus poj niam, thiaj muaj lub neej zoo ua, esTsis yog yus yuav tau ib tug poj niam yooj yim heev, ces yuav saib tsis tau nws, saib nws yam tsis muaj nuj nqis. Pom tus tshiab los cia li xav mus yuav, pom tus zoo nkauj, zoo nraug los cia li xav mus caum yuav; Los sis luag tuaj ntxias ces cia li mus ntseeg luag hais thiab muab yus lub neej rhuav tshem...
    Ua neej nyob, tej zaum yus twb ze qhov yuav tau zoo, twb tau yam zoo tshaj li thoob kub los yus twb tsis paub ntaus nqi rau hais tias yog tseem ceeb, muaj nqes rau yus lub neej, ces yus tseem ua yuam kev thiab plam tus zoo tshaj mus lawm thiab, yus yuav tsum hlub thiab saib yus tus poj niam los sis tus txiv kom muaj nqis, tsis txhob mus nrhiav ib tug tshiab tsam tau tus phem.Thaum kawg, yus tseem yuav tau plam ntawm txoj kev hlub, rov los nyob ua lub neej kho siab khuav, nrog rau kev khuv xim thiab.
    Cov phooj ywg uas hmov thiab tshua, kuv thov noog Nej ib lo seb, tus poj niam uas peb hlub peb nyiam, peb twb xaiv tau, thiaj tau yuav los ua peb poj peb sev lawm, yog hais tias nws tsis tau muaj ib txoj kev txhaum loj tiag tiag, puas tsim nyog, puas muaj txoj cai peb lam tau lam muab nws tso pov tseg, los yog tsis xav hlub nws,? THIAB HLUB NWS TSIS TAG SIAB? tos kuv hais li no, los vim yog peb muaj ntau tus nkauj muam, ntau tus niam tsev, lawv ua lub neej tu siab nrho, tag kev cia siab rau tej txiv neej xws li peb twb tau nyeem sauv. Thaum nej pom lawv quaj los kua muag li no, Nej xav li cas? Nej puas hlub, puas tshua txog lawv thiab?
    Xav hais rau peb cov ua txiv tias ua ib sim neej nyob, peb tsuas los muaj ib zaug neej ua xwb ntawm kev txwj nkawm nrog rau yus tus poj niam, es tsim nyog peb yuav tau hlub lawv os nawv.Xav kom peb cov txiv paub tau tias Cov poj niam, tag nrho lawv lub neej, lawv txoj sia, thiab lawv tus kheej, los yuav peb, los nrog peb nyob, los caum peb, txawm yog peb yuav mus rau rooj teb, ib sab ntuj twg los, lawv xav hais tias tsuav peb hlub xwb ces lawv yeej txaus siab caum peb mus li. Yog li, tsim nyog peb cov ua txiv txais txoj koob hmoov no, thiab yuav lub meej mom txiv neej uas peb tau coj los siv, es yuav tau hlub yus tus tav, txhob ua phem rau tus neeg uas yus twb xaiv los nyob hauv lub neej no os mog...

    Nyob hauv dab neeg hmoob, hais txog nraug ntsuag tau ntxhais nkauj ntxawm los hlub ib zaugthaum kawg, Nraug Ntsuag tau nyob ib leeg, tsis muaj kev hlub.
    Nej sim xav seb yog vim li cas? Puas yog vim nws siab coob? Los sis vim nws xav hais tias yam
    tshiab yuav yog yam zoo xwb? Tsis tag li ntawd, puas yog vim nws tsis paub nws tus kheej
    yog leej twg lawm? Thiab vim li cas nws tseem tsis paub nws NiamNkaujZuagPaj lub siab tiag
    thiab, es luag thiaj tuaj ntxias tau nws mus rau ib txoj kev txom nyem? ua rau nws tseem plam
    ntawm txoj kev hlub hauv lub neej los ntawm ib tug neeg hlub hlub nws heev yamli nws tus
    poj niam.


    Ntawm no mus ho yuav hai stxog ntawm Nej cov nia tsev, peb cov txiv yuav tau Nej los txog, Peb yeej xav kom Nej los mloog peb lus, ua li peb hais, Los Hlub peb, thiab los Hwm Peb uas yog nej lub taub hau Txiv. Feem ntau, peb yeej ntshaw raug nej lawm tiag tiag, peb thiaj li yuav.
    Tsis xav kom Nej los txog, nej tseem los rhuav, los ua tus niam tsev tawv ncauj, los npas qhav txhua yam, los txwv thiab los txiav txhua nrho…Nej yog cov niam tsev lawm, xav kom Nej los nyob ntawm nej lub chaw xwb, los ua tes dej num yam uas yog Nej tug…Yog Nej los ua tus niam tsev zoo li no, yeej zoo ntau rau ntawm cov txiv lawm. Tos cov txiv tu siab, ntau tus tsis xav hlub nej, vim muaj ntau tus niam tsev muab ua tshaj zog lawm, yam cov txiv zam tsis tau, hais tsis tau, ntau tus niam tsev tseem twb tsis yog ib tug niam tsev tij lim thiab, ntau tus lub ncauj lus zoo, tab sis coj lub siab dub, peb yeej paub tsis tau lawv lub siab. Nej lam loj hlob tom niam tais lawv, los txog tav ntuj no, nej twb hloov tsis tau nej tus kheej, nej twb paub tsis tau tias lub neej nej yuav mus ua li cas thiaj li tag nej ib sim neej. Neej tsa twb tseem tsis tau paub tias nej zoo li cas tiag tiag txogtav li no.
    Thaum lub neej tseem nyob ua nkauj ua nraug, Peb tau ntsib nej ib zaug los, yam tiag nej yeej hais tsis tseeb, hais tsis tag. Nej yeej ntshaw raug peb, thiab yeej tso tsis tau peb tseg thiab...Yog li, lub neej thiaj li tau sib sau los mus nyob ua ke ( yog hais feem ntau)[/font]

    Txuas ntxiv lwm zaus3


    Yuav hais txog ntawm cov uas ua NIAM thiab. Xav kom nej paub tias, Peb Muaj Ntau tug TXIV tsev, muaj tswv yim plab plaw zoo hlo, Ntau tus txiv tsev coj tau lawv lub siab loj siab dav, haum nrog rau kwv tij neej tsa, tus txheeb tus ze, thiab tej phooj tej ywg, tab sis Lawv tsis muaj lub suab luag, lawv ua lub neej tu siab los kua muag yam qhia tsis tau rau leej twg paub.
    Tseeb tiag ntau tus yeej yog txiv liam, tab sis yeej muaj cov zoo thiab, thiab, lawv kuj yog ib co txiv paub qab hau, ua kev txwj laus neeg los peb tseem pom tias lawv los kua muag, Vim yog tus poj niam tau los mus ua tus tswj lub neej tag nrho, tus txiv tsis muaj cai yuav los ua ib yam dab tsi li...


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hlub Hmoob lub Tsev xyaum ua neeg zoo.

    Post  Maiv Tooj on 22nd March 2011, 11:42 am



    Nyob zoo Hlub Hmoob,

    Ua tsaug rau koj cov zaj ntuas neeg, qhuab qhia neeg rau txoj kev zoo. Koj hais yog kawg, yog peb ua neeg, peb txawj zam thiab txawj ruv siab ntev mas yuav zoo dua nrhiav kev puas tsuaj. Lub zwj ceeb no, peb Hmoob lub neej hloov lawm, sawv daws tab tom txog nrab neeg, tab tom yuav ntsib kev ntxhov siab ntau yam, koj ho qhev sawv daws siab kom thim xav mas yog ib qho zoo heev.




    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 14th May 2011, 8:27 pm

    (Txuas ntxiv lwm zaus4…) LUB NEEJ SIAB NRAUJ

    (Txuas txiv 4)


    ***Lo lus kawg ntawm JTT (Hlub-Hmoob) tuaj ntuas rau tsoom niam tsoom txiv, tsoom phooj ywg sawv daws tiashnub no twb sau tau ib zaug los nyob rauy hauv lub neej lawm, ua siab ntev sib hlub kom mus txog rau hnub kawg.
    Nej muab piv los sis saib mus rau luag cov sib sib ntshaw tsis sib tau, luag ho tu siab loj npauym li cas, Nej muab saib ntxiv mus rau cov sib sib hlub, Luag sib hlub npaum li cas, yuav rtau kawg thiab.
    Thov caw sawv daws ho saib ntxiv mus rau cov sib sib hlub, ib tug ncaim ib tug mus rau ib qhov lawm xwb, twb ho sib nco npaum li cas!
    PIV XAM li uas ZAJ NKAUJ: (Ntuj no tuaj lawm,) KOJ NYOB QHOV TWG?
    Nyob rau zaj nkauj nov: Yog qhia txog kev hlub, kev nco thiab kev ua neej ntag...
    Sib sib hlub es ib tug ncaim ib tug mus twb tsis ntev, los twb sib sib nco.
    Ncaim mus tsis ntev , twb tsis tau ntau hmo los twb pw tsis tsaug zog , twb vim yog nco TXOJ KEV SIB HLUB.
    Nim qhuav Ncaim mus xwb, txawm siv nco nco, txawm siv hais tias, cas tsis xa xov los, puas yog tsis nco lawm los yog mus, muaj dua lwm tus? Es thiaj li tsis xa xov los?
    Thaum ncaim li no, Pom lub hnub tawm ci tim npoo ntuj, lub siab poob nthav, lub hnub ho tig rov yuav tsaus ntuj los ua rau lub plawv nim yaj ntshis VIM YOG NCAIM MUS LAWM NTAU HLI...
    Cov phooj ywg sawv daws, YOG nej muab tej zaj nkauj li no coj los kawm, los ua twb zoo xav, tsim nyog sib hlub os nawv. LUAG COV sib sib hlub, ib tug ncaim ib tug mus, twb sib sib nco tsis txawj tag, Koj los yeej ntshaw tib txoj kev zoo, Kuv los ntshaw tib txoj kev hlub li koj thiab, Puas tsim nyog ib tug muab ib tug tso mus, ua rau los lub kua muag, los sis ib tug ho tso ib tug nyob tu tu lub siab? Txoj Kev Nco ntawm Zaj Nkauj no, twb yog tib neeg txoj kev hlub xwb nev, Tseem tshuav dab tsi tsis zoo thiab? _Yog tias koj xav tau li kuv xav thiab, thov caw koj tig rov mus sib yoog, mus sib kho mog, tseem tsis tau lig rau lub neej? Vim tus koj hlub, NWS tsuas los nrog koj nyob tib vuag xwb.
    Lo Lus kawg ntawm Hlub-Hmoob lolus ntuas.
    Yog tias nej ib tug yeej kho tsis tau ib tug tiag lawm, cia li nyias mus nyias zoo zoo xwb, Hnub qub muaj puv lub ntuj, Ib tug txhob khwv phem rau ib tug thiaj nrhiav tau tus rov los hlub Koj mog!
    Kev npau suav tsis tseeb os nawb Kom nej nco tau li no yog los xaus ntawm
    Hlub Hmoob

    (Txuas txiv 4)



    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 5th July 2011, 10:26 am



    TSWV NTUJ TSIM NTIAJ TEB




    Zaj me no yog lus sib dhos
    Yuav muab los tee ua paj huam
    Yuav Tsis thuam txog txoj kev NTSEEG
    Vim Tib Neeg muaj coob puv npho

    Tshwm sim los ntawm tus TSWV ZOO
    Ntau puas xyoo ib txheej dhau txheej
    Thaum chiv keeb NWS twb yog TUS
    Tsim lub NTUJ thiab tsim NTIAJ TEB

    Qhov POM KEV cais ua NRUAB HNUB
    Qhov TSAUS NTUJ los yuav tau tsim
    Lub TSWV YIM tseem yuav tsim dua
    Yuav tsim muaj, qoob loo txhua nrho

    Tawg paj hlo xws li nyias yam
    NWS tsim AV hu ua NTIAJ TEB
    NWS tsim DEJ nyob rau HIAV TXWV
    Txawm yam twg los yuav TSHWM SIM

    Nrog HWJ CHIM thiaj li tsim tau
    Muaj qhov TSAUS thiab muaj qhov KAJ
    Lub siab npaj yuav tsim TIB NEEG
    Zoo siab heev thiaj li tsim MUAJ

    HNUB tawm TUAJ lub HLI tawm CI
    CI mus li rau lub NTIAJ TEB
    Kom POM KEV rau lub CAIJ TSAUS
    Tseem tsis txaus tshuav TSIAJ NRUAB DEG

    Yuav TSIM TSEG muaj kom HUAM VAM
    Muaj txhua yam TSIAJ NYEG TSIAJ QUS
    Tsiaj NRUAB NTUG tsiaj LOJ tsiaj ME
    Rau TOM NTEJ kom muaj nyias yam

    Tsim tau tag tsis muaj Tus KAV
    Thiaj li xav dab ntub NPAU SUAV
    Yuav tsim MUAJ ua TUS Saib Xyuas
    Yog TUS uas yuav KAV tag nrho


    HWJ CHIM LOJ kom zoo li NWS
    Zoo sib xws yog LEEJ TIB NEEG
    Tus TXIV NEEJ yog txiv NRAUG OO
    Nyob nruab loog tsis muaj tus pab

    Nyob nruab vaj tsis muaj TXWJ NKAWM
    TSWV NTUJ txawm thau tus me TXHA
    Muab Nws TAV tsim ua POJ NIAM
    Thiaj li qhia hais rau ADAS

    KOJ yuav KAV NWS yog kOJ NQAIJ
    KOJ yuav saib NWS yog KOJ Txha
    Yog KOJ tav hu ua POJ NIAM
    KUV yuav cia NEB nyob vaj loog

    Yuav FOOM HMOOV kom NEB huam vam
    Txhob hnov qab NEB Yuav NCO NTSOOV
    KUV Lub MOO qhia tej Xeeb Ntxwv
    Yog VAJ TSWV Tus muaj HWJ CHIM

    Sau Los ntawm hlub-hmoob (jtt)



    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 7th July 2011, 1:03 pm




    PAJ HUAM Hais Txhawb Zog


    Zaj Lus No Yuav Muab Hais Rau
    Cov Ua Vauv Thiab Cov Ua Ntxhais
    Uas Nej Xaiv Twb Tau Neej Ua
    Twb Sib Yuav Los Tau Ntau Xyoo
    Neej Tsis Zoo Tsis Txawj Sib Hlub
    Tau Sib Hlub Tsis Paub Sib Zam
    Nyias Tseem Xav Nrhiav Nyias Txoj Mus
    Nrhiav Dua Tus Tso Lub Neej Tseg

    Yav Tom Ntej Nej Xav Li Cas
    Cas Tseem Npaj Yuav Muab Neej Tso
    Muaj Caij Sov Thiab Muaj Caij Txias
    Neeg Lub Siab Thiab Neeg Lub Hlwb
    Khiav Sib Xws Caum Lub Caij Nyoog
    Kaum Hnub Zoo Muaj ib Hnub Tsaus
    Muaj Lub Ncauj Thiab Muaj Tus Nplaig
    Ib Leeg Hais Ib Leeg Ho Khaws
    Txoj Kev Ntshaw Ntawm Kev Ua Neej
    Yog Sib Ntseeg Ua Neej Nawb Mog
    Yuav Qhia Koj Tus Ua Txiv Tsev
    Xav Kom Peb Ua Twb Zoo Xav
    Neej Txog Nta Ua Neej Txog Tog
    Puas Tsim Nyog Lub Siab Tseem Xav

    Tseem Xyiv Fab Rau Tej Ntxhais Hmoob
    Lo Lus Zoo Nrog Rau Lus Mos
    Ras Tsis Txog Ntawm Peb Tus Kheej
    Tias Ib Leeg Nyob Rau Ib Qho

    2_Txhob Lam Nco Thiab Txhob Lam Vwm ?
    Tsam Luag Twb Muaj Tug Khov Kho
    Deb Npaum No Rau Ib Sab Ntuj
    Txoj Kev Hlub koj Ntseeg Puas Tau?
    Txawm Zoo Nkauj Thiab Yog Ntxhais Mos
    Muaj Ib Co Lub Neej Twb Piam
    Ua Neeg Liam Twb Hlub Tsis Tau
    Txhob Mus Qaug Rau Txoj Kev Hluas
    Los Soj Ntsuam Txog Yus Tug Kheej
    Tias Ua Neej Yuav Ua Li Cas!

    3_Vim Li Cas Thiab Vim Qhov Twg
    Tib Pliag Xwb Yuav Zoo Li No
    Vim Yus Nyob Muaj Koob, Muaj Npe
    Kev Txawj Ntse Los Yus Twb Paub
    Lub Neej Dhau Muaj Cuab, Muaj Yig
    Tej Tub Ki Yus Nrog Luag Muaj
    Yog Ntuj Muab Rov-Mus-Tus-koj-Hlub
    Rov Mus Thuv Txog koj Lub Neej
    Peb ua Neej Txoj Sia Tsis Ntev
    Txawm Sib Ceg Los Ncauj Pauv Ncauj

    4-Hais Tsis Haum Tig Los Kho Xwb
    Lub Neej Twg Yeej Zoo Li no.
    Rov Mus Kho Mus Pib Lub Neej
    Muab Lub Neej RUB Los Kom Ze
    Kom Pom Deb Txog Kev Txwj Nkawm
    Tias Sij Hawm Los Ua Niam txiv
    Tib Pliag Ntshis Yam Li Npau Suav
    Nyob Ib Vuag Nrog Tus Yus Hlub
    Yuav Ncaim Mus Yam Tej Nroj Tsuag
    Koj Txawm Tshua Thiab Tseem Xav Hlub

    5-Txoj Kev Hlub Tsuas Nyob Ib Vuag
    Lub Neej Yuav Tau Muab Tso Cia
    Nyob Tib Pliag Txawm Koj Xav Hlub
    Muaj Ib Hnub Yuav Ncaim Nawv Mog
    Lub Neej Tov Tseem Yuav Pib Xwb
    Yuav Tav Twg Tub, Ntxhais Mam Loj
    Koj Tub Loj, Ntxhais Txawj Ua Hnav
    Yus Nrig Pas Zoo Qhov Twg os
    Ua Siab Mog Txhob Ua Neeg Liam
    Tsam Neej Piam Ho Nrhiav Tsis Tau

    6-Tus Niam Yau Li Yus Lub Siab
    Tau Tus Tshiab Los Txog Tsis Hlub
    Txawv Tus Qub Lub Neej Thaum i
    Coob Heev Li Cov Zoo Li No

    Yuav Qhia Txog Koj Tus Ua Niam
    Tig Lub Siab Thiab Rov Mus Hlub
    Huab Tais Ntuj Qhia Tseg Hais Tias
    Txawm Peb Nrhiav Tau Nyiaj, Tau Kub
    Tau Kev Hlub Muaj Puas Tsav Yam
    Los Tsis Kav Peb Ib Sim Neej

    7-Muaj Lub Neej Koj Thiaj Li Zoo
    Muaj Lub Moo Luag Saib Taus Koj
    Ua Neej Nyob Tus Muaj Yog Luag

    Tsis Xws Luag Yog Yus Txoj Hmoo
    Tus Muaj Hmoov Twb Zoo Tsis Tas
    Ua Zoo Xav Tig Los Sib Hlub

    Huab Tais Ntuj Qhia Kom Peb Paub
    Txoj kev Txhaum Yog Kev Nkauj Nraug
    Kuv Thiaj Tau Muab Qhia koj Mog
    Caw koj Los Yuav Kev Ncaj Ncees
    Ua Lub Neej Yuav lub Meej Mom

    8-Yuav Tsis Yog Nrhiav Kev Ua Si
    Muaj Tus Txiv Yuav Zoo Dua Mog
    Txij Hnub No Ntawm Koj Lub Neej
    Kom Muaj Yeej Li Siab Xav Tau
    Ntshai Yav Laus Tsis Muaj Tug Tshua
    Kuv Thiaj Muab Hais Qhia Rau Koj
    Tshua Txog Koj Tsis Xav Kom Koj Txom Nyem
    Neej Tsa Cem Txaj Muag os Nawv
    Txoj kev ntshaw , Plam Tsis Muaj Tug
    Thiaj Nqua Hu Koj Rov Qab Los

    9-Tig Rov Los Nrhiav Txoj Kev Zoo
    Lub Neej Zoo Luag Thiaj Saib Taus
    Txhob Mus Qaug Rau Ntiaj Teb No
    Thaum Kawg No Koj Yog Tus Xaiv
    Luag Yuav Hais Yog Koj Ua Zoo
    Koj Lub Moo Yuav Ncha, Nrov Npe
    Koj Ua Phem Luag Yuav Hais Koj
    Tsis Txawj Coj Lub Neej Thiaj Puas
    Ntshai Luag Thuam Kuv Thiaj Qhia Koj
    Rov Qhia koj Tus Uas Yog Txiv
    Tib Pliag Ntshis Yus Tej Tub Loj
    10-Tej Ntxhais Hlob Yus Twb Laus Tas
    YuS TuS Nyab Nws Tseem Mos Mos
    Nws Los Txog Puas Yuav Hlub Koj
    Tso Tseg Mog Tseem Tsis Tau Lig
    Tsis Yog Khib Neej Yog Koj Lub
    Ntshai Ib Hnub Koj Tsis Muaj Neej
    Ua Nraug Seem Rau Thaum Yav Laus
    Kuv Thiaj Sau Ua Paj Huam Qhia
    Mloog Luag Ntxias Ces Yuav Puas Ntsoog
    Lub Neej Poob Tag Yus Sim Neej
    Nyob Ib Leeg Tsis Muaj Tug Hlub
    Ntshe Tej Tub Luag Yuav Tsis Khes
    Yus Txom Nyem Luag Yuav Tsis Paub
    Tej Ntxhais Vauv Luag Tsis Xav Pab
    Yam Lub Nra Tsis Muaj Tug Ris
    Kuv Thiaj Li Muab Qhia Kom Tas
    Ua Txhua Yam Qhia Nej os Cov Phooj Ywg

    Sau Los Ntawm: dabtsi_kimtshaj_kub@msn.com ,
    JTT Hlub-Hmoob France (date 20/09/2010)





    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 8th September 2011, 2:01 am


    Paj huam Hais Rau Neb Rooj Tshoob 2011



    "Txoj Kev Hlub Thiab Kev Sib Yuav"




    Txoj Kev Hlub Thiab kev sib Yuav
    Kuv Yuav Muab Tee Ua Paj Huam
    Coj Los Ntuas Txog kev Ua Neej
    Qhia Lub Neej Thaum Nyob Ua ke
    Nyob Ntiaj Teb Yam Kim Tshaj Kub
    Lub Pov Kub Twb Pauv Tsis Tau
    Lub Pov Haum Yog Koj Nplooj Siab
    Yog Txoj Sia Ntawm Koj Lub Neej
    Kev Ua Neej Yog Txoj Koob Hmoov
    Yog Yam Zoo Nyob Rau Ntiaj Teb


    Qhia Rau Neb Tias Yam Peb Nrhiav
    Zoo Npaum Nyiaj Los Peb Tsis Ntshaw
    Muaj Lub Plawv Thiaj Muaj Txoj Sia
    Muaj Nplooj Siab Thiaj Tsheej Ib Yig
    Muaj Tus Txiv Nrog Rau Tus Niam
    Kim Tshaj Nyiaj Yog Txoj Kev Hlub
    Ntuj Foom Pub Kom Muaj Ob Leeg
    Peb Tib Neeg Thiaj Muaj Txwj Nkawm
    Kev Txwj Nkawm Ntawm Neb Ob Tug



    Txoj Kev Hlub Nrog Kev Sib Yuav


    Yog Ntuj Muab Rau Peb Ua Neej
    Peb Lub Neej Thiaj Tsheej Ib Yig
    Muaj Tus Txiv Los Ua Tus Kav
    Koj Yog Tav Ntawm Nws Lub Neej
    Yuav Ua Tsheej Yuav Tsum Muaj Nws
    Mus Hlub Nws Kom Tag Lub Siab
    Mloog Nws Qhia Ua Li Nws Hais Nawb Mog!
    Vim Nws Yog Koj Lub Taub Hau
    Yuav Dhau Tau Muaj Koob Muaj Npe
    Yog Koj Nres Coj Lub Siab Loj


    Tsis Txhob Coj Li Luag Lwm Tus
    Tau Tus Hlub Coj Lub Siab Me
    Ua Niam Tsev Coj Lub Siab Ti
    Luag Thiaj Li Tu Siab Lawm Hlo
    Txiav Tu Nrho Txawm Yog Kwv Tij
    Kuv Thiaj Li Muab Lawv Lub Neej
    Qhia Qhov Tseeb Txoj Kev Ua Nyab
    Tias Ua Nyab Mus Yuav Luag Tub
    Yuav Los Hlub Luag Niam Luag Txiv
    Hlub Kwv Tij Tej Nkauj Tej Muam


    Hlub Tej Qhua Phooj Ywg Txhua Nrho
    Luag Tuaj Txog Hu Suab Mos Nyoos
    Lub Neej Zoo Koj Yog Tus Tiam
    Li Koj Niam Thiab Li Koj Txiv
    Li Koj Viv Thiab Tej Dab Laug
    Cov Sab Nrauv Yog Tej Txheeb Ze
    Tuaj Tsheej Tse Los Yuav Tau Hu
    Yus Tej Nus Thiaj Muaj Chaw Vam
    Tej Neej Tsa Luag Thiaj Cia Siab
    Ua Ib Siab Tias Yus Tus Kheej


    Thiab Lub Neej Mus Raws Txoj Hmoo
    Tsis Txhob Nroo Tias Cas Yuav Dhuav
    Tsis Xav Yuav Nej Tsev Neeg Lawm
    Lub Neej kawg Rau Koj Tus Txiv
    Cia Li Tig Thiab Saib Taus Nws
    Luag thiaj Hwm Thiab Saib Taus Koj
    Muab Siab Hlo Ua Koj lub neej
    Thiaj Yuav Tsheej Li Teb Li Chaw
    Yuav Tau Kawm Kuv Cov Lus Ntuas
    Yuav Rov Muab Piv Rau Lwm Tus

    Tau Tus Hlub Coj Lub Siab Me
    Ua Niam Tsev Tsis Xws Teb Chaws
    Ua Nyab Lawm Tsis Los Tab Cuab
    Tsis Los Ua Tus Zoo Niam Tsev
    Rau Ntiaj Teb Zej Zog Sawv Daws
    Kom luag Ntshaw Thiab Kom Luag Vam
    Tias Ua Nyab Mus Yuav Luag Tub
    Yuav Los Hlub Luag Zoo Li Cas
    Hlub Neej Tsa Tus Txheeb Tus Ze
    Ua Niam Tsev Hlub Pog Hlub Yawg


    Hlub Sawv Daws Coj Lub Siab Dav
    Yuav Los Kav Luag Mus Sim Neej
    Luag Tsev Neeg Yus Los Yuav Tau
    Hlob Thiab Yau Coj Lub Siab Hlub
    Tsis Yog Hlub Luag Tus Tub Xwb
    Yuav Tau Hwm Luag Kwv Luag Tij
    Sub Thiaj Li Yog Tus Zoo Nyab
    Yuav Tau Xav Tias luag Tus Tub
    Yog Luag Yug Yuav Nyab Tau los
    Yuav Los Nrog Npaj Nqaij Npaj Hno


    Ua Nyab Hlo Rau Tej Kwv Tij
    Rau Niam Txiv Tej Nkauj Tej Muam
    Rau Tej Qhua Phooj Ywg Txhua Tus
    Tsis Txhob Hlub Txij Tej Neej Tsa
    Yuav Tau xav txog Yus Tus Kheej
    Luag Tsev Neeg Yog Yus Lub Neej
    Yuav Ua Tsheej Yog Luag Ces Hmoob
    Yog Lub Noob Ntuj Tau Tso Los
    Yus Thiaj Los Ua Tau Luag Nyab
    Yuav Tau Pab Cia Yus Tus Txiv

    Rau Luag Siv Yus Thiaj Muaj Nqes
    Txhob Cem Cem Thiab Txhob Txwv Txwv
    Nws lub Hlwb Luag thiaj Saib Taus
    Yus Yuav Tau Hlub Nws Tiag Tiag
    Txhob Ntiab Ntiab Thiab Txhob Cem Cem
    Ua Siab Ntev Ua Twb Zoo Nug
    Yam Zoo Mus Cia Nws Mus Pab
    Yus Ua Nyab Yus Tseem Yuav Txhawb
    Kom Luag Ntshaw Cia Siab Yus Thiab

    Lub Neej Tshiab Txij Hnub No Mus
    Koj Yog Tus Yuav Hloov Tag Nrho
    Cia Li Tso Kiag Txoj Kev Hluas
    Ntuj Tsuas Muab Lub Neej Ib Zaug
    Rau Koj Taug Ua Mus Kom Kawg
    Kev Txwj Nkawm Tsis Yog Ua Si
    Ua Me ntsis Tsis Zoo Rov los
    Rau Siab Ntso Mus Ua Lub Neej
    YOG Lub Neej Koj Mus Tau Zoo
    Nco Qab Ntsoov Tshuav Tej Neej Tsa

    Lub Siab Npaj Rov Tuaj Hlub mog!
    Mus Hlub Koj Tus Txheeb Tus Ze
    Koj Ncaim Deb Los Peb Tseem Hlub
    VajTswv Pub KOJ Txheeb NTAWV LOS
    Tav Los Txog Koj Thiaj Ncaim Mus
    Kuv Lo Lus Uas Yog Lo Kawg
    Lub Sij Hawm Los Ua Niam Txiv
    Muab Los Siv Kom Muaj Nuj nqes
    Ua Siab Ntev Mus Ua Neej Mog
    Ntiaj Teb No Yog Tsis Sib Zam


    Ces Yuav Plam Yus Txij Yus Nkawm
    Sib Tau Lawm Ua Neej Sib Hlub
    Kom Muaj Tub Muaj Ki Puv Tsev
    Ua Siab ntev Thiab Coj Siab Zoo
    Neej Thiaj Zoo Luag Thiaj Saib Taus
    Lo Lus Xaus Thov VajTswv Pub
    Nws Kev Hlub Nrog Txoj Koob hmoov
    Thiab Foom Hmoov Rau Neb Os Nawb!
    Kev Txwj Nkawm Kom Koj NcO Cia
    Nco Ntsoov Tias TSUAS Muaj Tib Zaug ua xwb os mog


    *Sau Los Ntawm: Jean-Thor-TCHA (JTT2011)

    email: dabtsi-kimtshaj-kub@hotmail.fr


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hlub Hmoob lub Tsev xyaum ua neeg zoo.

    Post  Maiv Tooj on 8th September 2011, 9:11 am



    Nyob zoo Hlub Hmoob,

    Ua tsaug ntau uas koj tuaj sau ntau yam zoo heev rau Peb Hmoob.

    Yog leej neeg pom tom ntej ntshe yuav ua neej tsis yuam kev.

    Yog leej neeg paub ntshe lub neej twb tsis ciaj khaub.

    Txhua yam koj hais yeej yog, peb txhua leej yuav tau khaws koj lub pov.

    Txhua yam koj hais yeej muaj tseeb, thov kom peb Hmoob khaws koj tej lus rau lub sam xeeb.

    Ua tsaug ntau.




    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 15th September 2011, 8:24 am







    Zaj Lus No Yuav Hais Rau Koj
    Txij Hnub No Koj Tus Ua Tub
    Suav Txij Hnub Koj Mus Ua Vauv
    Kom Koj Paub Txog Ntawm Lub Ntsiab
    Txoj Kev Nyiam Tuaj Hauv Lub Plawv
    Txoj Kev Ntshaw Nyob Hauv Lub Siab
    Yog Nplooj Siab Ntawm Koj Lub Neej
    Kev Ua Neej Vaj Tswv Foom Pub
    Txoj Kev Hlub Thiab Kev Sib Yuav
    Thiaj Li Muaj Nyob Rau Ntiaj Teb


    Hnub No Peb Thiaj Muaj Txwj Nkawm
    Kev Txwj Nkawm Txhais Tau Hais Tias
    Tus Poj Niam Yog Koj Tus Txha
    Yog Tus Tav Ntawm Koj Lub Neej
    Koj Lub Neej Thiaj Tsheej Ib Yig
    Koj Ua Txiv Yuav Tau Nws Los
    Nws Tsis Yog Yam Khoom Ua Si
    Nws Muaj Nqi Tshaj Nyiaj Thiab Kub
    Yuav Tau Hlub Thiab Saib Taus Nws
    Yuav Tau Hwm Koj Tus Poj Niam


    Ua Vauv Tshiab Nws Tsis Yooj Yim
    Txawm Yog Li Los Yuav Tau Mloog
    Txoj Koob Hmoov Vaj Tswv Yuav pub
    Txoj Kev Hlub Koj Thiaj Tau Txais
    Tau Lawv Ntxhais Ua Yus Tus Nyab
    Tsis Txhob Xav Tias Yog Ua Si
    Es Zoo Li Tej Yam Khoom Xwb
    Vim Koj Twb Nyiam Tsum Ntshaw Raug
    Kav Tsij Sau Tag Txoj Kev Hlub


    Coj Los Pub Rau Nws Ib Leeg
    Txhob Mus Ntseeg Lwm Tus Sab Nrauv


    Tsam Ua Rau Ntawm Neb Lub Neej
    Ua Lub Neej Tsis Txawj Sib HLub


    Txhob Xyaum Mus Quaj Tshuaj Quav Cawv
    Pw Tsis Sawv Ua Neeg Tub Nkeeg
    Neb Ob Leeg Thiab Cov Me Nyuam
    Luag Yuav Thuam Thiab Luag Yuav Xyav


    Luag Tsis Xav Cia Luag Tej Tub
    Cog Kev Hlub Nrog Yus Tej Ntxhais
    Luag Yuav Hais Yus Tsev Neeg Hmoob
    Tias Yog Noob Tsis Zoo Os Nawv
    Txoj Kev Ntshaw Tub Yuav Nrhiav Nyab
    Tsis Raws Xav Vim Lub Koob Meej
    Luag Thiaj Xyeej Txog Yus Tej Tub
    Twb Vim Yus Tsis Ua Tus Coj
    Tsuas Hais Txog Ntawm Txoj Kev Khib
    Yus Tsis Pib Txog Txoj Kev Zoo
    Yam Lub Moo Tsis Muaj Os Nawv
    Txoj Kev Ntshaw Ntawm Kev Ua Neej
    Yog Sib Ntseeg Ua Neej xwb Mog!
    Kom Koj Nco Tej Lus Peb Qhia
    Khaws Nco Cia Siv Rau Lub Neej
    Muab Lub Neej Cia Rau Vaj Tswv

    Ua Tus Tswj Ua Tus Saib Xyuas
    Lo Lus Ntuas Los Xaus Li No
    Thaum Kawg No Thov Vaj Tswv Pub
    Nws Kev Hlub Nrog Txoj Koob Hmoov
    Kom Neej Zoo Neb Mus Muaj Tub
    Zoo Ntxim Hlub Npaum Tub Huab Tais
    Hos Tau Ntxhais Kom Zoo Nkauj Tshaj
    Txoj Kev Xav Nrog Txoj Kev Ntshaw
    Ntawm Txwj Nkawm YOG TXOJSIB HLUB
    Yuav Tau Hlub Tus Nws los Koj Nyob Os Mog!!!




    *Sau Los Ntawm: Jean-Thor-TCHA (JTT2011)
    email: dabtsi-kimtshaj-kub@hotmail.fr

    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 15th September 2011, 9:10 pm




    Ua Neej Tsis Paub Qhov Tseeb

    peb ua neej nyob tsis paub qhov tseeb
    niaj hnub sib txeeb huas kev ua noj
    xav ua tus loj ua nom ua tswv
    peb niaj hnub khwv los tsis txaus noj
    muab los xav zoj tu siab tsis txawj tag
    ua dab ib cag yug qaib yug npua
    thaum qaib npua loj ces yog dab li
    lub neej tsaus nti txoj kev ua dab
    tsis muaj tus pab tu siab kawg nkaus li os lawv
    muab vaj tswv ntawv coj los soj ntsuas
    tsim nyog peb qhuas peb hawm vaj tswv
    muab nws yam ntxwv coj los mus xyaum
    peb ua neeg txhaum los Nws tseem hlub
    Nws tseem niaj hnub ua siab ntev tos
    kom peb rov los nrhiav lub neej tshiab
    lub neej kaj siab tau zoo mus nyob ib txhis
    rau CeebTsheej Ntuj os Hmoob aws!!!

    Hlub_hmoob JTT










    kev hlub kim tshaj kub



    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 15th September 2011, 9:30 pm




    Cia Nws Mus NWS 2011


    1__Zaj Lus No yuav hais rau koj
    Lub neej no Yog Thaum Tu siab
    Mob lub siab chim txog lub plawv
    Mob deeg daws rau hauv lub siab
    Thiaj muab qhia ua lus paj huam
    Muab tuaj ntuas Txhawb Koj lub zog
    Lub Neej No Txawm Tsis Muaj Tiag
    Ua Ib Siab Vim Tias Tus Hlub
    Tau Ncaim Mus Muab Yus Tso Cia
    Mob Lub Siab Los Lub Kua Muag
    Tsis Txhob Tshua Nco Nws Lawm mog!

    Ua Siab Tso Cia Nws Mus Nws
    Ib Hnub Twg Yog Luag Ua Rau
    Nws Mam Paub Ntawm Nws Ib Leeg
    Cia Li Ntseeg Kuv Lo Lus Ntuas
    So kua Muag Tsis Txhob quaj Ntxiv
    Tsis Txhob Chim Vim kev Ua Neej
    Yus Tus Kheej Yuav Tau Siab Loj
    Vim Nws Yog Tus Khwv Siab Phem

    2__Tso Yus Tseg Thiab Tsis Xav Hlub
    Li Tej Lus Uas Tau Cog Tseg
    Yav Nram Ntej Ob Leeg Hais Cia
    Txawm Mob Siab Los Lub Kua Muag
    Chim Yus Tuag, Yus Pauj Tsis Taus
    Muaj Yawm Saub Nws Ua Tus Pom
    Yav Tas Los Koj Muab Suav Tias
    Tsis Muaj Tiag Yam Li Npau Suav
    Koj Thiaj Rhuav Thiaj Hnov Qab Tau
    Neej Tsis Xaus Sij Hawm Tseem Muaj
    Mam Nrhiav Dua Hlub Nrog Lwm Tus
    Mam Mus Hlub Mus Yuav Dua Tshiab
    Pib Dua Tshiab Ua Neej Nws Ntsia
    Hnov Qab Kiag Koj Lub Neej Qub
    Nws Tsis Hlub Koj Lawm os Nawb !

    3__Nws Tsis Ntshaw Koj Lawm os mog !
    Koj Txhob Tos Thiab Koj Txhob Tshua !
    Nws Tsis Yuav Yus Los Xij Peem
    Yus Tus Kheej Nws Yeej Tsis Hlub
    Txoj Kev Hlub Nws Thiaj Txiav Tau
    Kuv Thiaj sau Muab Qhia Koj Mog
    Cia Li So Koj Lub Kua Muag
    Yus Tseem Hluas Neej Tseem Tshuav Ntev
    Mus Tom Ntej Ntshe Yuav Zoo Dua
    Lub Kua Muag Txhob Cia Poob Ntxiv
    Tsis Txhob Chim Tsis Txhob Tu Siab
    Ua Ib Siab Tias Tsis Muaj Nws
    Yus Lub Hlwb Thiaj Li Khiav Taus
    Cia Nws Dhau Nrog Lub Sij Hawm
    Seb Thaum Kawg Nws Zoo Li Cas


    4__Koj Muab Xav Zoo li Xib Xub
    Koj Tua Mus Tig Rau Saum Ntuj
    Txoj Kev Hlub Nws Zoo Li Ntawd
    Mus Tsis Kawg Yuav Rov Poob Los
    Nws Mam Pom Nws Mam Xav Tau
    Kuv Thiaj sau Muab Qhia, Tuaj Ntuas
    Tias Ib Vuag Txawm Yog Lub Neej
    Mus Tsis Tsheej Li No Lawm Los
    Ua siab mog tseem tsis tau lig
    Mam rov pib nrhiav dua lub Neej
    Ua Tsis Tsheej Rov Pib Dua Xwb
    Hos Ntawm Nws Ua siab os nawb!
    Vim Kev Ntshaw Thiab Nws Siab Coob
    Tub tshuav coob Ntxhais Tseem Tshuav Ntau
    Tsis txhob xaus Rau txoj kev tuag

    5__ Mam nrhiav dua txoj kev ua neej ua neej
    Tuav Kev Ntseeg Kom Ruaj Khov Kho
    Tsis Txhob Tso Tswv Ntuj Pov Tseg
    Tus Yuam Kev Thiab Tus Ua Txhaum
    Yus Zam Rau Tswv Ntuj Yuav Pab
    Yam Kim Tshaj Ntawm Nyiaj Thiab Kub
    Yog Kev Hlub Muab Zam Kom Dhau
    Txawm Koj Tau Ua Neej Tu Siab
    Tshuav Txoj Sia Nws Tseem Ceeb Tshaj
    Tswv Ntuj Npaj Nws Txoj Hauv kev
    Muaj Nuj Nqes Rau Tus Ua Ntseeg Nawv mog Cov Me PhooJ ywg


    Sau los ntawm: dabtsi_kimtshaj_kub@msn.com
    Jean-Thor-TCHA
    (JTT2011)...
    De BOURGES 18 FRANCE










    kev hlub kim tshaj kub



    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 20th October 2011, 6:32 am


    Pajhuam Hais Rau Phauj Thiab YawgLaus2011




    1_Nyob Zoo Koj------------------Kuv Me Yawg Laus
    Ntawm Kuv Phauj--------------------- Neb Puas Nyob Zoo?
    Hnov Luag Nroo ----------------------Thiab Hais Txog Neb
    Vim Nyob Deb-------------------------Tsis Paub Qhov Tseeb
    Neb Ob Leeg -------------------------Muaj Dab Tsi Tiag?
    Cas Tsis Qhia------------------------Rau Peb Nrog Kho
    Yam Lub Mob--------------------------Uas nYob Ruj Rawv
    Hais Tsis Tawm-----------------------Ntawm Neb Ob Tug
    Vim Kev Hlub----------------------------Los Kev ua Si?
    Vim Kev Khib-------------------------Los Vim Kev Hluas?
    Thiaj Li ua--------------------------Ntxhov Neb Lub Siab?
    Cas Tsis Qhia------------------------Rau Neej Rau Tsav !
    Cas Tsis Xav-------------------------Txog Kwv Txog Tij !
    Yuav Khaws Chim----------------------Rau Neb Lub Neej
    Muab Ob Leeg-------------------------Txoj Kev Cia Siab
    Los Faus Ciaj------------------------Yam Li Tsis Muaj
    Ua Npau Suav-------------------------Los Twb Tsis Pom
    Tsuas Pom Qhov-----------------------Koj Chim Kuv Chim
    Nyob Tsaus Nti-----------------------Rau Kev Ua Neej Xwb
    Vim Leej Twg Los---------------------Kuv Yuav Ntuas
    Tim Tus Muam-------------------------Los Kuv Yuav Qhia
    Yuav Tsis Cia------------------------Neb Nyob Ntxhov Siab
    Yog Tus Niam ------------------------Nws Tsis Txawj Coj
    Kuv Yuav Kho-------------------------Kom Nws Rov Zoo
    Yog Tsis Mloog-----------------------Koj Tus Ua Txiv
    Tshuav Kwv Tij--------------------Lawv Tseem Yuav Qhuab

    2_Vim Kev Hluas----------------------Los Lawv Yuav Qhia
    Tsis Tsim Txiaj----------------------Kuv Yeej Yuav Cem
    Vim Nws Phem----------------------------Los kOj Twb Zoo
    Qhia Kom Mloog-----------------------Koj Mog Yawg Laus
    Yog Thaum Xaus-----------------------Peb Qhia Tsis Tau
    Ho Ua Dhau---------------------------Ntawm Neej Ntawm Tsav
    Peb Tsis Xav-------------------------Kom Koj Txom Nyem
    Nkauj Muam Phem----------------------Peb Yeej Dhuav Dhuav
    Tsis Xav Yuav------------------------Thiab Tsis Xav lees
    Ua Tus Txheeb------------------------Ua Tus Ze Peb
    Tshuav Txoj Kev----------------------Peb Tseem Yuav Taw
    Tseem Yuav Txhawb--------------------Koj Muaj Lub Neej
    Kom Rov Tsheej-----------------------Li Lub Siab Ntshaw
    Koj Neej Sawv------------------------Koj Caum Cuag Luag
    Ntawm Tus Muam-----------------------Yuav Lwj Yuav Tsw
    Tsis Txawj Hwm-------------------------Koj Tus Ua Txiv
    Peb Yuav Tsis------------------------Tu Siab Rau Koj





    3_Yuav Hais Txog----------------------Koj Tus Ua Txiv
    Tej Laus Piv--------------------------Tej Lus Ua Neej
    Luam Yuav Tsheej----------------------Ces Yog Thawj Ntsug
    Ntawm Tus Hlub------------------------Tsuas Zoo Thawj Tug
    Yuav Tsawg Tus------------------------Los Yeej Yuav Tau
    Yog Tias Thauv------------------------Nqa Tau Ntawv Zoo
    Tim txoj Hmoov------------------------Txawm Yuav Kaum Tus
    Txoj Kev Hlub-------------------------Yuav Ua Tsis Tsheej
    Peb Ua Neej---------------------------Tej No Pom Txhua
    Kev Hlub Tsuag------------------------Nws Zoo Li No
    Es Hnub No----------------------------Nyob Rau Ntawm Neb
    Yam txoj Kev--------------------------Tseem Tsis Tau Nphob
    Tsis Tau Pob--------------------------Tseem Yuav Kho Tau
    Ua Neej Laus--------------------------Txog Txij Li No
    Yam Koj Mob---------------------------Los Kuv Twb Mob
    Rov Sib Kho---------------------------Thiab Los Sib Yoog
    Rov Los Mloog-------------------------Niam Nkauj txhav Qaib
    Rov Los Saib--------------------------Txiv Nraug Txhav Noog
    Tshuav Yam Zoo------------------------Nws Qhia Tsis Tas
    Yam Nws Xav---------------------------Koj Twb Tsis Paub
    Nws Los Tau---------------------------Koj Hauv Lub Neej
    Nws Tus Kheej-------------------------Yeej Hlub Koj Xwb!
    Los Sib Hwm------------------------------Rov Los SiB pab
    Yam Lub Nra----------------------------- Cia Ob Leeg Ris
    Tib Pliag Ntshis-------------------Neej Yuav Dua Mus osmog!
    Txog Caij Rov-------------------------Nyias Yuav Mus Nyias
    Tig Lub Siab-----------------------------Rov Los Sib Npuab
    Tej Me Nyuam----------------------------Lawv Tos Tos Neb

    Ntuj Tsim Peb-----------------------------Los Muaj Lub Neej
    Thiaj Li Tsheej---------------------------Ib Cuab Ib Yig
    Sib Zam Txim----------------------------- Rov Los Sib Hlub
    Muab Tej Tub------------------------------Tej Ki Saib Hlob
    Rov Mus Nrog-----------------------------YUS Txij Yus Nkawm
    Rov Los Txhawb----------------------------Tej Tub Tej Nyab
    Kom Huam Vam---------------------------LAWV Lub Neej Zoo Os




    4_Yuav Hais Txog--------------------------Ntawm Tus Me Phauj
    Koj Yuav Tau-------------------------------Ua Lub Siab Ntev
    Yam Txoj Kev------------------------------Tej Zaum Yuav Fab
    Txoj Kev Xav--------------------------Tsis Yooj Yim Os Nawb!
    Tsuas Ua Raws-----------------------------Li Yus DAIM NTAWV
    Yus Tuav Rawv-------------------------------Coj Los Ua Neej

    MUAB LUB NEEJ-------------------ROV LOS TSIM DUA
    Ua Kom Txhua--------------------------------Mus Rau Qhov Zoo
    KEV UA ZOO---------------------------------YOG TXOJ KEV KAWM
    Yam Yus Ntshaw---------------------Qhia Tej Me Nyuam Ua Neej
    Tej Laus Yeej-------------------------------ib Txwm Qhia Tseg
    Tus Ua Phem-----------------------------------Swb Tus Ua Zoo
    Tau Koob Hmoov-------------------------------Los Ntawm Yus Ua
    Muab Lus Muag--------------------------------Lus Mos Los Hais
    Txhob Lam Zais-------------------------------Yus Lub Mi Siab
    Qhia lub Siab--------------------------------Rau Nws Tag Nrho
    NWS POM KOJ--------------------------------THIAJ LI MUAJ NQIS
    Ua Dab Tsi----------------------------------Ua Kom Tseem Ceeb
    NWS THIAJ NTSEEG,---------------------------Thiaj Xav Hlub koj
    Muaj Tsawg Lo-------------------------------Uas Yog Lus Zoo
    Koj Nco Ntsoov------------------------------Muab Hais Rau Nws
    Tshuav Yam Twg------------------------------Tseem Ua Tsis Tau
    Koj Yuav Tau--------------------------------Rub Lub Siab Ntev
    Ntawm TXOJ KEV--------------------------Thaum NWS Tham Txhua
    Yuav Txawj Dhuav----------------------------Yuav Txawj Rov Los
    Tsis Tas Koj--------------------------------Mus Txwv Mus Txiav
    CHIM LUB SIAB,------------------------------UA YUS TSEEM MOB
    Yav Tag Los--------------------------------- Ces Cia Dhau Mus
    Yuav Hloov Yus-------------------------------Lub Mi Tswv Yim
    Txo Hwj Chim---------------------------------Rau Yus Tus Txiv
    Muaj Tus Txiv------------------------------Yus Thiaj Muaj Nqes
    Txhob Lam Cem----------------------------- Koj Txhob Lam Ntiab
    Hloov Dua Siab----------------------------- Txhob Coj Li Yav Tas
    Tej Neej Tsa------------------------Thiaj Tau Lub Chaw Khiav mog!

    5_Rov Hais Koj-------------------------------Kuv Me Yawg Laus
    Yam Xav Tau----------------------------------Ntawm Tus Mi Phauj
    Lub Ntuj Tsaus-------------------------------Tsis Pom Koj Los
    Nws Tos Tos----------------------------------Txaj Chaw Txia Zias
    Lub siab Nrhiav------------------------------Vim Tsis Muaj Koj
    Tsheej Tag Hmo-------------------------------Pw Tsis Tsaug Zog
    Vim Koj Yog----------------------------------Nws Tus Mi Txiv
    Ntuj Tsaus Nti-------------------------------Me Kab Noog Quaj
    Nws Xav Muaj----------Koj Nyob Ntawm Ib Sab xwb os me YAWG LAUS!



    *Sau Los Ntawm: Jean-Thor-TCHA (JTT2011)
    email: dabtsi-kimtshaj-kub@hotmail.fr






    kev hlub kim tshaj kub



    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 17th November 2011, 10:58 am


    Pajhuam Hais NTUAS NTXHAIS TSIM TXIAJ ( 2010/2011)






    Zaj Lus No...............Yuav Hais Rau Koj
    Vim Koj Yog.............WB Ib Leeg Ntxhais
    Tsis Xav Hais.............Los Vim Hlub Koj
    Xav Kom Koj...............Muaj Lub Neej Ua
    Xws Li Luag..............WB Thiaj Zoo Siab
    Tsis Xav Qhia...............Los Wb Yug Tau
    Yam Tsis Paub...........Wb Thiaj Yuav Hais
    Koj Ua Ntxhais............Hnub No Koj Hlob
    Koj Tseem Nyob..........Ntawm Wb Xub Ntiag
    Yam Wb Qhia.............Koj Yuav Tau Khaws
    Yuav Tau Kawm.............Rau Koj Lub Neej
    Wb Lub Neej................Ces Tag Lawm Os
    Wb Xav Kom.............Koj Tsim Tsim Txiaj
    Mloog Koj Niam.............Wb Tej Lus Qhia
    Nco Ntsoov Tias....Yus Yog Ib Leej Ntxhais
    Yus Yuav Xaiv..............Ua Yus Lub Neej



    Peb Ua Neej.......Lub Neej Yuav Zoo
    Txawm Ntau Xyoo.........Ntawm Yus Kev Kawm
    Twb Tsis Raws..............Li Lub Siab Xav
    Kev Ua Nyab.............Luag Yuav Yuav Yus
    Luag SaiB yus..........Seb Puas Tsim Txiaj
    Tsis Yog Tias.............Lam Tau Lam Yuav
    Luag Yuav Yuav..........Tus Uas Tsheej Haj
    Coj Mus Tab...............Lub Cuab Lub Yig
    Yus Yuav Txiv.............Los Ib Yam Nkaus
    Yus Yuav Tau.............Saib Caj Saib Ceg
    Neej Tshuav Ntev.........Tseem Yuav Ua Mus
    Yog Tau Tus.........Tsis Tab Cuab Vij Zeej

    Tag Lub Neej...........Yuav Ua Cas Ua Neej
    Ntshe Lub Neej...........Yuav Los Kua Muag
    Luag Yuav Muab...........Yus Xyav Tsis Zoo
    Teb Tsis Zoo............Tag Yus Ib Cim teb
    Txwj Nkawm Phem...........Tag Yus IB Txhis
    Wb Thiaj Li.............Qhia Koj os mog!!!
    Txij Hnub No..............Pom Luag Tub Zoo
    Saib Nws Zoo...........Seb Puas Tsim Txiaj
    Txhob Lam Nyiam.........Rau Saum Daim Tawv
    Txhob Lam Ntshaw........Nws Qhov Zoo Nraug
    Koj Yuav Tau.............Saib Nws Lub Siab
    Hlub Yus Tiag..............Yus Mam Li Yuav
    Txhob Lam Yuav..........Tsuav Tau Kev Hlub
    Luag Tej Tub............Qhov Koj Yuav Saib
    Koj Yuav Saib...........Seb Puas Siab Ntev
    Tau Koj Nev............Puas Hlub Koj Tiag?
    Nws Puas Nyiam..........Kev Phooj Kev Ywg?

    Tsam Nws Twb.........Tsis Khiav Kwv Tij
    Muam Yawm Yij..............Twb Tu Siab Tag
    Tej Neej Tsa............Nws Puas Hlub Tau?
    Thaum Yus Tau...........Tsis Yog Tus Thauv
    Koj Yuav Tau...........Saib Xyuas Kom Meej
    Koj Tus Kheej..............Yam Koj Yuav Ua
    Txhob Nrog Luag............Ua Plees Ua Yig
    Yus Thiaj Tsis..........Puas Koob Puas Npe
    Lub Siab Ntev.............Yus Yuav Tau Coj
    Tsis Txhob Coj..............Li Yav Tas Los
    Koj Mus Pom...............Luag Ua Tsis Zoo
    Txhob Mus Poo...............Mus Ua Li Luag
    Txhob Nrog luag.......Mus Lawm Tsheej Hnub
    Yoo Dab Ntub...........Nyob Tsheej Tag Hmo
    Tsis Sawv Los...............Tu Vaj Tu Tsev
    Nov Tom Ntej............Koj Yuav Tau Hloov
    Kev Ua Zoo...............Yus Yuav Tau Kawm
    Sub Thaum Kawg.......Neej Thiaj YuavZooTau
    Peb Cov Laus..........Twb Cia Siab Rau Nej
    Xav Pom Nej..........Muaj Lub Neej Zoo Xwb
    Mus Qhov Twg.............Yuav Tau Ceej Faj
    Tsis Txhob Lam............Mus Dag Luag Tub
    Twb Tsis Hlub...........Los Tseem Tau Yuav
    Thiaj Muab Ntuas.....KOj os Mog Me Ntxhais!!!






    *Sau Los Ntawm: Jean-Thor-TCHA (JTT2011)
    email: dabtsi-kimtshaj-kub@hotmail.fr



    email: dabtsi-kimtshaj-kub@hotmail.fr






    kev hlub kim tshaj kub



    Hlub Hmoob
    Tuaj Tshiab
    Tuaj Tshiab

    Messages : 32
    Date d'inscription : 2010-09-22

    Re: Hlub Hmoob lub Tsev xyaum ua neeg zoo.

    Post  Hlub Hmoob on 19th November 2011, 11:38 am


    paj huam HAIS TXHAWB KOJ ZOG


    Jeudi 17 Novembre 2011 23h19

    nyobzoo niam tais,
    vam tias nej txhua tus tseem nyobzoo thiab
    kuv lam xa zaj pajhuam no rau koj (txhawb kojlub zog) twb sau tau ntev ntev lawm tsis tau muab rau kojxwb.
    Vim ua li kuv hais impoosible ua tauib yam dabtsi li.
    Ua dabtsi thiaj ua tsis tiav.
    Ua koj tsaug uas koj yog ib leej niam tais nyiam txog tswv ntuj. Yam kojkua, kuv yeej qhuas, thiab kuv yeej ntshaw.
    rau rau siab os mog, peb lub neej ntiajteb tsis muaj dab tsi zoo kiag li, Ib hnub kom muaj lub npe tshwm nyob rau ntawm yawm saub.
    bye . ntsib koj dua




    Pajhuam HaiS HAIS TXHAWB NIAM TAIS TXOOJ TUB (08/2010)


    Zaj Lus No-------------Yog Lus Txhawb Zog
    Hais Rau Koj------------Tus Ua Niam Tais
    Tej Lus Hais----------Uas Koj Hais Txhawb
    Mob Siab Txhawb-------Peb Hmoob Txhua Tus
    Koj tej Lus------------KoJ hais Muaj Kuab
    Yog Tus Muab------------Khaws Cia Ua Neej
    Tus Ntawv Yeej-------Muaj Txiag Nplua Nuj
    Thov Tswv Ntuj----Foom Koob Hmoov Rau Koj
    Nws Pub Koj--------------Muaj Lub Dag Zog
    Muab Siab Hlo----------Tshaj Nws Txoj Lus


    Ntau Zau Yus ---------------- Yuav Raug Luag Thuam
    Luag Yuav Thuam---------------- ---Huab Tais Yesxus
    Tias Thaum -------------------Nws Muaj Kev Txhaum
    Thiaj Li Raug ---------------- --- Luag Muab Nws Dai
    Luag Yuav Hais ---------------- -Ntau Yam Ntau Tsav
    Hais Los Tav ---------------- ------Yus Txoj hauv Kev
    Ua Siab Ntev ---------------- ----Rau Rau Siab Ntseeg
    Yus Tus Kheej---------------- Tsis Txhob Caum Luag
    Raug Luag Thuam ---------------- --- Los Ua Siab Loj
    Tsheej Tag Hmo ---------------- ------ Koj tsis Tau Pw
    Los Tus Tswv---------------- --- Nws Twb PauB Txog
    Nws PauB Txog -----------------Ntawm Peb Lub Neej
    Tus Tsis Ntseeg --------------------Thiab Tsis Los Lees
    Nws Lub Neej ---------------------Tswv Ntuj Paub Tag

    Tswv Ntuj Xav----------Txog Rau Ntawm Peb
    Txoj Hauv Kev-----------Nws Tsis Yooj Yim
    Nws Thiaj Nqis-------Los Tuag Theej Txhoj
    Lub Dag Zog------------Koj txhob khuv Xim
    Nws Yeej Tsis------------Tso Koj Pov Tseg
    Yam Txoj Kev------------Taug Mus Kom Kawg
    Txog Thaum Kawg----------Yuav Tau Nqe Zog
    Ua Siab Loj------------Rau Yus Kev Ntseeg
    Muab Lub Neej------------Fij rau Tus Tswv
    Tus Tsom Kwm---------Thiab Tus SaiB Xyuas
    Txhua Yam Ua----------Ntawm Koj Tus Kheej
    Rau Kev Ntseeg---------Nws Muaj Nqes Heev
    Ntau Zaus Yeej----------Qaug Qaug Lub Zog
    Nco Ntsoov Txog---------Yus Txoj Hauv Kev
    Tias Ntiaj Teb---------Tsuas Nyob ib Vuag
    Kuv Thiaj Muab------------Ua Lus Paj Huam
    Sau Tuaj Ntuas---------Txhawb Koj Lub Zog
    Koj twb Yog-------------Muaj Tswv Yim Zoo
    Tau Koob Hmoov------Ntawm Txoj Kev Ntseeg
    Kev Ua Neej-------------Koj thiaj Li Paub

    Lo Lus Xaus----------Los Ntawm HLUB-HMOOB
    Lo Twg Zoo------------Khaws Cia Ua Tshuaj
    Ua KuabTshuaj----------Cawm Neeg Txoj Sia
    Neej Txoj Siab---------Yog Txoj Muaj Nqis
    Tswv Ntuj Tsis----Xav Kom Puas Tsuaj os Niam tais!
    Nws Thiaj Xaiv-----------Koj Los mus Qhia
    Cawm Txoj Sia---------Ntawm Neeg Ntiaj Teb os mog!






    kev hlub kim tshaj kub



    Sponsored content

    Re: Hlub Hmoob lub Tsev xyaum ua neeg zoo.

    Post  Sponsored content Today at 3:12 pm


      Current date/time is 10th December 2016, 3:12 pm