HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Yooj yim tshaj rau ib tug neeg nyob ntiaj teb no yog dab tsi? Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


3 posters

    Yooj yim tshaj rau ib tug neeg nyob ntiaj teb no yog dab tsi?

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Yooj yim tshaj rau ib tug neeg nyob ntiaj teb no yog dab tsi? Empty Yooj yim tshaj rau ib tug neeg nyob ntiaj teb no yog dab tsi?

    Post  Maiv Paj Lug 9th October 2010, 12:04 pm

    YAM YOOJ YIM TSHAJ RAU IB TUG NEEG NYOB NTIAJ TEB NO YOG DAB TSI?

    Yooj yim tshaj rau ib tug neeg nyob ntiaj teb no yog dab tsi? Colere-larme%20divine

    Peb ua neej nyob rau hauv qab ntuj khwb lub ntiaj teb, txhua yam peb xav tau , peb yuav tsum sib sib zog khwv, lauj nyiaj txiaj mus muas thiaj tau yam peb ntshaw, yam twg los nyuaj tag.

    Nej puas tau xav tias muaj ib yam yooj yim tshaj rau peb siv uas tsis tau poob nyiaj ?

    Nej puas tau nug dua tias yam twg peb xav siv mas peb tsis tau mus khwv khwv ?

    Nej puas tau nug dua ib zaug tias yam twg kim tshaj nyiaj thiab kub tiam sis peb tsis poob ib npib ib xim mus muas los siv ?

    Yam yooj yim peb tau ntawv mas tsis tau siv dag ziv zog los peb yeej tau.

    Yam yooj yim peb tau ntawv mas peb tsis tau poob ib lub hws khwv los peb yeej tau.

    Yam yooj yim peb tau ntawv mas peb pluag pluag los peb yeej tau.

    Yam yooj yim peb tau ntawv mas txawm peb muaj mob muaj nkeeg los peb yeej tau.

    Yam yooj yim peb tau ntawv mas peb txawm tuag tes tuag taw los peb yeej tau.

    Yam yooj yim peb tau ntawv mas tseem muaj nuj nqis tshaj nyiaj thiab kub.


    NEJ SIM TWV SEB YAM YOOJ YIM PEB SIV NTAWV YOG DAB TSI?


    Tus paub teb li cas los yeej meem teb tuaj, tuaj peb sib qhia , tuaj peb sib pab, tuaj peb sib txhawb. Nco ntsoov tias yam peb siv tsis tau khwv tsis tau them nyiaj mas nws yooj heev li no nawb....hehehe tham nej li kev paub tuaj tso kuv mam li tham kuv li kev paub tom qab. Kuv niaj hnub siv yam ntawv los kuv tsis tau khwv tsis tau poob nyiaj tsis tau poob ib lub hws, tsis tau mob, tsis tau ntsaj , thiab yooj yooj yim heev ua rau kuv haj yam xav siv , thaum kuv siv lawm mas kuv zoo siab hlo thiab kuv siv yam ntawv mas kuv tseem tau ntau tshaj kuv siv nyiaj siv txiaj mus muas mam tau siv. :)D
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Maiv Paj Lug 26th November 2010, 10:55 pm

    Tsis muaj leej twg tuaj twv yam yooj yim tshaj rau peb siv nyob ntiaj teb no uas tsis tau tshwm nyiaj mus yuav los ? O:

    Qhov peb siv ntawv nws tsuas siv dawb dawb xwb, tiam sis tseem muaj nqis tshaj nyiaj thiab kub . Peb yim siv peb yim tau, yog peb tseg tsis siv ces peb tsis tau. <img src=" longdesc="84" /> o)
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Maiv Tooj 26th November 2010, 11:28 pm



    Nyob zoo Maiv paj Lug,

    Kuv twb pom koj cov lus nug nov ntev lawm, tab sis tsis muaj caij ces cia li tsis teb li lawm xwb.

    Cia ib ntsis khoom tso mam los xa ib nqes zuj zus seb yog dab tsi nawb...! Lawv cov nyeem zaj txhua leej, nej los pab kuv ntau tswv yim thiab puas tau?
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Maiv Paj Lug 27th November 2010, 12:24 am

    Maiv Tooj wrote:

    Nyob zoo Maiv paj Lug,

    Kuv twb pom koj cov lus nug nov ntev lawm, tab sis tsis muaj caij ces cia li tsis teb li lawm xwb.

    Cia ib ntsis khoom tso mam los xa ib nqes zuj zus seb yog dab tsi nawb...! Lawv cov nyeem zaj txhua leej, nej los pab kuv ntau tswv yim thiab puas tau?


    Maiv Tooj, nws yog ib yam ua tshwm sim hauv kuv lub siab tuaj qhia rau kuv paub naj, peb niaj hnub siv los peb twb tsis nco qab ua Tswv ntuj tsaug li, txhua tus neeg ntseeg thiab tsis ntseeg los thaum tau siv lawm ces yeej siv kiag yam tsis tau tos tos xuas nyiaj mus yuav mam li siv. Yam no yog Tswv Ntuj pub dawb dawb rau peb thiab yooj yooj yim uas peb tsis tau khwv. Thaum peb siv ces peb cia li siv kiag tsuag tsuag xwb peb tsis nco qab tias yuav nyuaj tshaj lwm yam. Yog peb nco txog mas cas yuav yooj yim ua luaj uas Tswv Ntuj twb tsis pub peb sab li los peb tseem tau thiab. Tswv Ntuj saib yam peb siv no muaj nqis tshaj nyiaj thiab kub uas peb muab txi rau nws, ces Tswv ntuj thiaj txhawb peb kom peb yim siv yim zoo mus li. o)

    Nyob nyob ces kuv cia li xav twj ywm tias , vuag yooj yim npaum no es kuv txawm siv tau lawm ntag ? cas Tswv Ntuj twb tsis pub kuv khwv, tsis pub kuv sab li los kuv tsis paub li...yam no yog yam yooj yim tshaj plaws xwb sav, cas Tswv Ntuj yuav siab zoo tshaj qhov kuv xav tau lawm thiab? yuav tsis pub kuv sab kiag li, yuav tsis pub kuv poob nyiaj, Tswv Ntuj e! cas yuav yooj yim npaum no es koj saib tseem zoo tshaj kuv xuas nyiaj xuas kub muab txi rau koj lawm thiab :T

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Maiv Tooj 28th November 2010, 10:43 am



    Oh! Maiv paj Lug,

    Cog lus rau nws tag tab sis tsis paub teb li....Hahahah...!
    Qhov kim tshaj kub ces yog kev hlub
    Qhov kim tshaj nyiaj ces yog kev nyiam
    Qhov tsis khwv los tau ces yog kev sib haum
    Qhov tsis poob nyiaj los tau siv ces yog tau txais Tswv Ntuj lub txiaj ntsim xwb...Tsis muaj qhov yuav zoo tshaj thiab yooj yim tshaj nov lawm... kuv xav.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Maiv Paj Lug 29th November 2010, 5:27 am

    Maiv Tooj wrote:

    Oh! Maiv paj Lug,

    Cog lus rau nws tag tab sis tsis paub teb li....Hahahah...!
    Qhov kim tshaj kub ces yog kev hlub
    Qhov kim tshaj nyiaj ces yog kev nyiam
    Qhov tsis khwv los tau ces yog kev sib haum
    Qhov tsis poob nyiaj los tau siv ces yog tau txais Tswv Ntuj lub txiaj ntsim xwb...Tsis muaj qhov yuav zoo tshaj thiab yooj yim tshaj nov lawm... kuv xav.


    Hahahaha...Maiv Tooj, nws tsis yog ib yam ua yuav kim kim los tsis kim li os, nws yog ib yam ua Tswv ntuj saib muaj nqis thiab Tswv Ntuj nyiam kom peb siv mus li xwb. Kuv thiaj tias cas yam no yuav mus yooj yim ua luaj es Tswv Ntuj hom nyiam tshaj yus muab nyiaj muab kuv txiv rau Tswv Ntuj no xwb.

    Koj cov lus teb twb yuav luag thwj, tab sis yam peb siv ntawv yog dab tsi thiaj li yuav muaj txhua yam uas koj hais saum toj no tshwm tuaj. Nco ntsoov tias : Tswv Ntuj pub dawb rau peb xwb, yog yam yooj yim tshaj plaws peb niaj hnub niaj hmo siv, tsis tau them nyiaj them txiaj tsis tau khwv khwv hws nrog zig.

    Yog hais li no koj tsis paub thiab ces tos kuv khoom kuv mam li tuaj sau qhia nej nawb o)
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Maiv Tooj 29th November 2010, 9:36 am


    Hahaah...! Maiv, kuv tsis paub li lawm...! Yog nws tsis pab ces kawg swb xwb...Hhahaah...!

    Yooj yim tshaj rau ib tug neeg nyob ntiaj teb no yog dab tsi? Drapeau%20blanc
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Maiv Paj Lug 29th November 2010, 10:06 am

    Maiv Tooj wrote:

    Hahaah...! Maiv, kuv tsis paub li lawm...! Yog nws tsis pab ces kawg swb xwb...Hhahaah...!

    Yooj yim tshaj rau ib tug neeg nyob ntiaj teb no yog dab tsi? Drapeau%20blanc

    Ua li mas, cia kuv mam li muab txhais tuaj rau nej nawb.....tiam sis thaum kuv qhia lawm xwb ces nej hais tias.....oyo qhov nyuag no xwb es peb nim xav tias yog dab tsi no.....peb twb paub kawg lawm os tsis tas hais hais li, niag yooj yim ua luaj no xwb los mas hahahahaha <img src=" longdesc="84" /> ......tiam sis Oiiib cas Tswv ntuj yuav nyiam ua luaj thiab zoo siab tag nrho rau yam no lis nev? o)
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Mim 29th November 2010, 2:43 pm

    Miv Paj Lug,

    Es yam yooj yooj yim koj hais ntawd yog neeg ntiaj teb txhua leej txhua tus, txawm yuav nyob qhov twg teb chaws twg los yeej tau siv, los tsuas yog cov los ntseeg ntuj lawm xwb thiaj tau siv mas lod? Peb siv rau peb lub cev nqaij los yog rau peb lub tswv yim los yog rau peb lub siab los peb txoj kev ntseeg mas?
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Maiv Paj Lug 30th November 2010, 4:00 am

    Mim wrote:Miv Paj Lug,

    Es yam yooj yooj yim koj hais ntawd yog neeg ntiaj teb txhua leej txhua tus, txawm yuav nyob qhov twg teb chaws twg los yeej tau siv, los tsuas yog cov los ntseeg ntuj lawm xwb thiaj tau siv mas lod? Peb siv rau peb lub cev nqaij los yog rau peb lub tswv yim los yog rau peb lub siab los peb txoj kev ntseeg mas?

    Niamlaus Mim! yam kuv hais no mas txhua leej txhua tus, tsis hais tus ntseeg tus tsis ntseeg los yeej siv tau li os, siv rau dab tsi los tau tag nrho li, rau cev nqaij los tau, rau tswv yim los tau,peb siv dawb dawb tsis tau khwv tsis tau them nyiaj tsis tau sab qhov twg li los ib txhia tseem cem Tswv Ntuj thiab thuam Tswv ntuj xwb ces lawv tsis siv, vim lawv muab lawv saib muaj nqi dua Tswv Ntuj thiab lawv ntse dua Tswv Ntuj lawm ces lawv tsis siv, yog lawv siv ces yuav ua rau lawv poob hwj chim thiab yuav ua rau lawv me dua Tswv Ntuj .

    Yam kuv hais los saum no ces, koj yog tus txawj siv tshaj kuv lawm thiab os niamlaus Mim, vim koj paub tias yam no Tswv Ntuj tos ntsoov. o)

    Oh!!! muab xav los mas cas yuav zoo tag npaum no, yooj yim tag npaum no, Tswv Ntuj yuavsiab zoo ua luaj :T
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Mim 1st December 2010, 5:43 am

    Maiv Paj Lug,

    Koj hais tias yam uas yooj yooj yim thiab peb tau siv dawb dawb ntawd mas yog ib yam uas Tswv Ntuj tos ntsoov thiab yog ib yam uas muaj ib txhia tsis kam siv vim yog lawv siv ces yuav ua rau lawv poob hwj chim thiab qis dua Tswv Ntuj lawm no, kuv xav mas tej zaum yuav khws li yog txoj kev teev ntuj los pe hawm Tswv Ntuj... Tiam sis zoo li kuj ho tsis yog thiab vim koj ho hais tias cov ntseeg thiab cov tsis ntseeg los yeej siv tib si no ces cov tsis ntseeg ntuj mas lawv twb ho tsis teev ntuj ces ntshai yuav ua tus swb tso cia koj tuaj tham piav rau peb paub xwb mas yod... Tej zaum kuj yog vim yooj yim dhau ces peb twb ho xav tsis txog li koj hais lawm os...
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Maiv Paj Lug 1st December 2010, 8:32 am

    Mim wrote:Maiv Paj Lug,

    Koj hais tias yam uas yooj yooj yim thiab peb tau siv dawb dawb ntawd mas yog ib yam uas Tswv Ntuj tos ntsoov thiab yog ib yam uas muaj ib txhia tsis kam siv vim yog lawv siv ces yuav ua rau lawv poob hwj chim thiab qis dua Tswv Ntuj lawm no, kuv xav mas tej zaum yuav khws li yog txoj kev teev ntuj los pe hawm Tswv Ntuj... Tiam sis zoo li kuj ho tsis yog thiab vim koj ho hais tias cov ntseeg thiab cov tsis ntseeg los yeej siv tib si no ces cov tsis ntseeg ntuj mas lawv twb ho tsis teev ntuj ces ntshai yuav ua tus swb tso cia koj tuaj tham piav rau peb paub xwb mas yod... Tej zaum kuj yog vim yooj yim dhau ces peb twb ho xav tsis txog li koj hais lawm os...

    Mim,

    Koj twv yuav luag raug os. Kev teev ntuj pe hawm Huab Tais Ntuj mas yeej muaj cov neeg ntseeg mus teev ntuj pe hawm Yesxus xwb ....tiam sis qhov kuv hais saum toj , txawm cov tsis ntseeg ntuj los thaum lawv muaj kev ntxhov siab ces lawv yeej siv thiab lawv yeej hu lub ntuj lub teb los pab lawv, li no ces qhov kuv hais tias yooj yim tshaj plaws rau neeg siv thiab tseem muaj nqis tshaj nyiaj thiab kub ces yog .THOV NTUJ.Muaj caij kuv mam tuaj sau kev thov ntuj yog dab tsi rau sawv daws nyeem.

    Txoj kev thov ntuj nws yooj yim tshaj plaws, txawm yus zaum, yus sawv, yus pw, los yus yeej ua tau tag nrho, thaum yus thov ntuj, yus tsis tau khwv, tsis tau siv dag, siv zog es thiaj yuav ua tau, yus tsuas hais hauv nruab siab tawm plaws xwb, yus nyob twj ywm xav thiab hais lus xwb, nej xav puas nyuaj? cas yuav yooj yim ua luaj. Yooj yim npaum no , thaum yus thov ntuj tas ces tsis ntev TSWV NTUJ txawm pub tshwm sim zuj zus tuaj tiag.

    Thaum yus thov ntuj, yog tias tsis tshwm sim ces kuj yog yus tseem muaj lwm lub hauv kev txhawb thiab pab yus thiaj li tsis muaj li yus thov. Tiam sis yog thaum nej tw kev kiag lawm, nej thov ntuj, nej yuav tau kev cawm yog nej tso siab lug.

    Kev Thov Ntuj, yooj yim, tsis poob nyiaj, tsis yog ib yam yuav nyuaj nyuaj, tswv ntuj muab qhov yooj yim tshaj plaws rau peb uas, hos Tswv Ntuj npaj qhov zoo sthaj plaws thiab nyuaj tshaj plaws tos peb, yog txoj sia nyob mus li , ua li no leej twg tseem hais tias tej niag kev thov ntuj tsis tseem ceeb no ces yog tus ntawv tsis txawj txais Tswv Ntuj lub txiaj ntsim.



    Prier, c’est prendre le temps de s’arrêter, un instant ou plus longuement, et se mettre en relation avec Dieu. C’est lui offrir tout ce qui fait notre vie : nos joies, nos peines, nos difficultés, nos échecs, nos difficultés, nos mercis, nos demandes... C’est lui demander de l’aide, lui dire merci, lui demander pardon, lui crier notre colère... et l’écouter en retour !

    La prière est un dialogue, un face-à-face avec Dieu et avec nous-mêmes.

    To pray is to take the time to stop for a moment or longer, and be in relationship with God. He offered everything that makes our lives: our joys, our sorrows, our difficulties, our failures, our challenges, our thanks, our questions ... It is asking for help, saying thank you, ask forgiveness, our anger him scream ... and listen back!

    Prayer is a dialogue, face to face with God and ourselves.


    Yooj yim tshaj rau ib tug neeg nyob ntiaj teb no yog dab tsi? Praying

    Sponsored content


    Yooj yim tshaj rau ib tug neeg nyob ntiaj teb no yog dab tsi? Empty Re: Yooj yim tshaj rau ib tug neeg nyob ntiaj teb no yog dab tsi?

    Post  Sponsored content


      Current date/time is 27th March 2024, 10:35 pm