Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

Suav neeg tuaj saib, txij hnub 17/09/2010 los mus.


    As Mes LisKas teb noj "Thanksgiving"

    Share
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1856
    Date d'inscription : 2009-10-16

    As Mes LisKas teb noj "Thanksgiving"

    Post  Mim on 25th November 2010, 11:48 am

    Nyob zoo cov phooj ywg txhua tus,

    Hnub no kuv tau los so ib hnub, tiam sis kuj ua tsis tu dab tsi tseem ceeb li thiab. Hnub no yog hnub cov neeg As Mes Lis Kas noj ib pluag mov ua ntuj tsug. Txheej thaum ub cov neeg nyob sab Europe xws li Aas Kiv, Germany, Fab Kis,Italy... tuaj ua neej tshiab nyob rau teb chaws no, lawv tsis swm ces lawv kuj muaj mob nkeeg thib tshaib plab, muaj coob leej tuag vim tej kev nyuaj no.

    Xyoo tom qab, lawv mus kawm cog qoob thiab kawm plob hav zoov ntawm cov Indians. Thaum cog caij sau qoob,lawv pom tias lawv yuav tsis tshaib plab ntxiv lawm, lawv oo siab heev, lawv thiaj caw cov Indins tuaj nrog lawv koom noj ib pluag mov ua Tswv Ntuj tsaug. Niaj xyoo nyob As Mes Lis Kas teb peb thiaj muaj "Thanksgiving."

    Hmoob noj peb caug mas Hmoob tuav ncuav, Mes Kas noj Thanksgiving mas lawv ci turkey noj. Turkey yog qaib cov txwv na...



    Peb cov ntseeg mas peb kuj muaj mus koom thaj txi ntuj thiab. Tag kis no kuv tau mus koom thaj txi ntuj ua ntuj tsaug ti si lawm thiab.

    Hnub no, peb tau xaiv zaj nyeem no los pab kom peb nco ntsoov ua Tswv Ntuj tsaug:
    Txoj Cai Ob (Deuteronomy) 8: 11-20. (Kuv yuav ntaus tsis tas, kuv tsus ntus obpeb nqe xwb,nej mam mus nriav nyeem nyob hauv Ntawv Ntshiab)
    11 Koj yuav ceev faj kom koj tsis txhob hnov qab HUAB TAIS koj tus Tswv Ntuj,tsam koj tsis ua raws nws tej luss qhia, tej kab ke thiab tej kev cai uas kuv ceeb toom rau koj hnub no.
    12 Thaum koj tau noj tsau plab lawm, thaum koj tsim tau vaj tse zoo nkauj nyob,
    13 thaum koj pom koj cov tsiaj loj tsiaj me huam vam tuaj, koj cov nyiaj cov kub ntau zuj zus tuaj, koj lub cuab tam loj zuj zus,
    14 mas koj ceev faj kom tej ntawd tsis txhob ua rau koj lub siab muab hlob tuaj mog!
    ...
    17 Koj tsis txhob hais (khav) rau koj tus kheej tias: "Yog kuv lub peev xwm thiab yog kuv lub zog ntawm kuv ob txhais tes muab kev nplua nuj rau kuv."
    18 Tiam sis koj yuav nco ntsoov HUAB TAIS koj tus Tswv Ntuj, vim nws yog tus uas pub lub peev xwm rau koj koj thiaj nplua nuj taus...
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5271
    Date d'inscription : 2009-08-18

    Re: As Mes LisKas teb noj "Thanksgiving"

    Post  Maiv Tooj on 26th November 2010, 7:13 am


    Nyob zoo Mim,

    Ua tsaug rau koj lub siab zoo tuaj tham txog kev noj Thanksgiving nyob As Mes Liv Kas teb rau peb paub txog. Ib lub teb chaws, ib haiv neeg, nyias yeej muaj nyias ib txoj kev cai.

    Kuv xav mas qhov noj Thanksgiving nov ntshe yuav piv rau Peb Hmoob noj mov nplej tshiab es tsis yog noj Peb Caug, koj puas xav li ntawd thiab?

    Mim, kuv ntxawb ntxawm qhov nov nug koj ib los lus, tsis nkag kis rau hauv nov lawm tab sis tsis paub yuav muab lo lus nug nov dhos rau qhov twg ces lam nug koj rau qhov nov, txhob xav li cas?

    Raws li kuv hnov, nyob rau USA, cov neeg ntseeg nyob ua pab ua pawg. Ib pawg tsis mus teev Ntuj rau lwm pawg lub tsev teev Ntuj no puas muaj tiag?
    Yam li leej twg nyob lub Tsev teev Ntuj twg ces nws nyob lub ntawd xwb. Yog nws muaj kev tsis haum xeeb nrog nws lub, nws mus tsis tau lwm lub. Vim muaj kev txiav cais no puas muaj tseeb?

    Kuv nug koj li ntawd, vim peb nyob Fab Kis teb, peb tsis muaj kev ciav cais, tsis muaj kev ua pab ua pawg. Leej twg nyob ib lub zos, xav mus teev Ntuj lwm lub zos los tau. Tsis muaj tus tom cai yuav muab ib tug los ib pab neeg nthiab tawm tsis pub mus teev Ntuj. Kev ploj ntees tuag, xav kom cov nyob lwm qhov tuaj ua kev cai los nyob ntawm xyom cuab nyiam thiab muaj xwb. Peb tsis muaj kev txwv txiav li.



    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1856
    Date d'inscription : 2009-10-16

    Re: As Mes LisKas teb noj "Thanksgiving"

    Post  Mim on 27th November 2010, 6:03 pm

    Tais Tooj,

    Koj tau nug kuv ob nqelus li no:
    Raws li kuv hnov, nyob rau USA, cov neeg ntseeg nyob ua pab ua pawg. Ib pawg tsis mus teev Ntuj rau lwm pawg lub tsev teev Ntuj no puas muaj tiag?
    Yam li leej twg nyob lub Tsev teev Ntuj twg ces nws nyob lub ntawd xwb. Yog nws muaj kev tsis haum xeeb nrog nws lub, nws mus tsis tau lwm lub. Vim muaj kev txiav cais no puas muaj tseeb?
    Ua ntej kuv teb koj mas kuv xav nug koj ib lo tias thaum koj hais tias "cov neeg ntseeg nyob ua pab ua pawg"no yog txhais li cas? Saib koj xav hais txog cov ntseeg Kas TosLiv nyob ua pb ua pawg poj, los yog koj hais txog cov pab awg xws li Kas Tos Liv,Lutherans,Baptists, thc...

    Hais txog ntawm cov ntseeg Kas To Liv mas kuv tsis pub hais tias nyob lwm lub nroog lawv ho coj li cas, tiam sis ntawm peb no mas peb coj li no:

    Peb yeej mus teev ntuj nrog lwm pab pawg hauv lwm lub tsev teev ntuj tau kawg li, tsis muaj txwv. Yog yus tus kheej los yus tsev neeg tsis xav ua npe zwm rau ib lub tsev teev ntuj twg los nyob ntawm yus. Yog ua li ntawd ces yus xav ib hnub chiv mus teev ntuj ib lub tsev teev ntuj tshiab los tau li. Tiam sis yog ua li ntawd mas tis zoo, vim yus nyob tsis muaj ib qhov chaw tseeb, thaum yus muaj teeb meem, thaum yus muaj ib siab ob qis, yuav tsis muaj ib lub tsev teev ntuj paub yus thiab kam pab yus kom kawg kev.

    Peb nyob teb chaws no mas peb yuav tsum ua npe zwm rau ib lub tsev teev ntuj. Yus tso nyiaj pab lub tsev teev ntuj ntawd. Xws li peb cov ntseeg hauv peb lub church mas ib nrab yog tuaj deb tuaj, ib nrob thiaj yog cov nyob ze xwb. Ntawm cov neeg Mes lis Kas mas yog vim yog lub tsev teev ntuj thaum ub lawv tau tsa, ces tom qab no txawm lawv tsiv mus nyob ib ntus kev deb li 20-30 feeb lawm los lawv tseem tso npe ua member thiab tseem nquag tuaj teev ntuj. Txawm tias qee hnub lawv mus koom thaj txi ntuj ntawm ib lub tsev teev ntuj nyob ze ze lawv es lawv tsis tuaj koom nrog peb teev ntuj niaj hnub chiv los lawv yeej tseem muaj npe nyob hauv peb yog peb member thiab lawv yeej muaj cai mus koom tau lwm lub tsev teev ntuj thiab. Hais txog ntawm peb cov Hmoob, mas peb muaj yim puav uas lawv yuav tsum tau tsav luv li ze ntawm 40-50 feeb mus rau ib teev thiaj tuaj txog tsev teev ntuj, tiamsis lawv kuj tseem uanpe nrog peb vim cov tsev teev ntuj nyob lawv tog vaj tog tsev tsis muaj ib pawg Hmoob, ces lawv tsis kam mus koom MesLis Kas, txawm deb los lawv ua tig tuaj koom vim peb muaj ib pawg Hmoob. Raws kuv paub mas yog thaum peb ib tug tswv cuab ncua tsis tuaj teev ntuj hauv peb, tiam sis nws mus lwm lub church mas hnub ntawd yog nws xav tso nyiaj pab lub chuch nws mus ntawd mas nws tsis txhob siv peb lub church lub hnab ntawv tso nyiaj,yog nws siv mas lub church ntawd yuav tsum xa cov yij tuaj rau peb lub church.

    Yog hais tias ib tug tswv cuab muaj kev tsis sib haun xeeb nrog peb tus txiv plig los nrog peb ib tug tswv cuab, es nws tsis xav ua member hauv peb church ntxiv, ces nws yuav tsum hais rau peb kom peb rho nws npe tawm xwb, nws xav mus koom nrog lwm lub church ls yeej tsis muaj leej twg txwv tau li as.

    Hais txog kev sib koom teev ntuj nrog lwm pab lwm pawg ntseeg xws li cov Baptists, los lwm pab lwm pawg, mas peb yeej mus tau koom lawv teev ntuj kawg li, tiam sis peb tsis xav mus, vim txawm yog peb mus nrog lawv koom teev ntujlawm los peb tseem tshuav peb qhov kev mus ua thaj txi ntuj uas peb yuav tsum tau mus thiab. Vim lwm pab lwm pawg tsismuaj thaj txi ntuj tsim lub Cim Yug, yog peb mus koom lawv lawm los peb tseem tshuav yuav tsum mus koom thaj txi ntuj mus txais lub Cim Yug.

    Kuv teb li no rau koj, yog kuv teb tsis raug no koj ho his tuaaj qhia rau kuv, kuv mamho tab kom raug raws koj xav.

    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5271
    Date d'inscription : 2009-08-18

    Re: As Mes LisKas teb noj "Thanksgiving"

    Post  Maiv Tooj on 28th November 2010, 10:13 am



    Nyob zoo Mim,

    Ua tsaug rau koj cov lus teb.
    Kuv hais tej pawg ntseeg Catholique xwb. Kuv tsis hais lwm hom kev cai.

    Yog li koj hais mas nyob USA, Koom Txoos kev Ntseeg kuj coj txawv Fab Kis teb lawm ntau thiab.





    Sponsored content

    Re: As Mes LisKas teb noj "Thanksgiving"

    Post  Sponsored content


      Current date/time is 25th June 2017, 9:38 am