Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 10:30 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


  • Post new topic

Nkauj txog ob niam txiv sib sib hlub

Share

Mim
Tswv Cuab Hmong Catholique
Tswv Cuab Hmong Catholique

Messages : 1646
Date d'inscription : 2009-10-16

Nkauj txog ob niam txiv sib sib hlub

Post  Mim on 6th November 2010, 2:50 pm

Kuv lam muab zaj nkauj no tuaj tso rau nej cov uas muaj txij nkawm mloog os, kom cov sib sib hlub lawm haj yam sib hlub ntxiv, thiab kom cov tsis sib hlub ho sib hlub tuaj xwb os...


Maiv Tooj
Tswv Cuab Hmong Catholique
Tswv Cuab Hmong Catholique

Messages : 5047
Date d'inscription : 2009-08-18

Re: Nkauj txog ob niam txiv sib sib hlub

Post  Maiv Tooj on 7th November 2010, 9:56 pm



Nyob zoo Mim,

Ua tsaug rau koj zaj nkauj mog,
mloog mas kho siab kawg,
Ua neej yuav tsum sib sib hlub,
Tsis muaj pes tsawg hnub,
Nyias twb yuav ncaim nyias
Tseg lub ntiaj teb cia
Yuav tau sib sib hlub
Thaum lub neej dhau mud
thiaj yuav khaws tau qhov zoo
Los saib dab muag
Kom tsim nyog txoj kev tshua...

Mim, nws txhob tu siab mog...
Lub ntiaj teb yog chaw hla
Tsuas yog tus ua ntej tus ua qab
Tsis muaj tus yuav nyob mus li
Tsuas yog chaw so ib pliag ntshis ...xwb mog...!




Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Re: Nkauj txog ob niam txiv sib sib hlub

Post  Maiv Paj Lug on 8th November 2010, 9:30 am

Mim thiab Maiv Tooj, kuv xav mas ntshe nyob hauv 10 khub nim txiv sib hlub ntshe muaj 2 khub thiaj sib hlub tsis paub sib dhuav li, hos 8 khub mas ntshe ua neej txog nta xwb tsis xav sib hlub tsis xav sib ntsia ntau lawm, tsuas lam ua cav sib ib lawm xwb pob yom. Ua li cas kuv mus pom tej niam txiv sib hlub mas tsawg tsawg xwb, feem coob pheej yog cov niam mus niam txiv mus txiv twb tsis xav hais lus ua ke li lawm xwb ne?

Puas yuav muaj txog 5 tug txiv neej hauv 10 khub niam txiv uas tsis txhob mus ua hluas tham hluas nkauj ?




<3 <3 Pab kuv rov los cuag koj Huab Tais Yesxus <3 <3

Mim
Tswv Cuab Hmong Catholique
Tswv Cuab Hmong Catholique

Messages : 1646
Date d'inscription : 2009-10-16

Re: Nkauj txog ob niam txiv sib sib hlub

Post  Mim on 9th November 2010, 6:10 pm

Maiv Paj Lug,

Ntawm kuv los kuj pom li koj hais ntau thiab xwb. Thiab kuv xav mas yog koj hais 10 leej xwb mas cov txiv neej yuav tsum tham hluas nkauj tas tus li, vim Hmoob yeej muab cai rau txiv neej mus tham hluas nkauj. Tiam sis yog koj hais li 100 leej mas ntshai thiaj mam muaj tus puav uas tsis tham hluas nkauj xwb. Kuv pom lawv kuj ua tau zaj nkauj no yog hais txog khub puav niam txiv uas coj tau zoo, es kuv thiaj muab coj tuaj xwb.

Txheej thaum ub peb tsis tau ntseeg Ntuj mas peb Hmoob lub tswv yim tsis hais tias leej twg ua los tsis zoo, yog tus poj niam ua mas thiaj tsis zoo xwb, tus txiv neej ua ces sawv daws hais tias txiv muaj cai no lawm. Tiam sis thaum peb los ntseeg Ntuj lawm mas txoj kev ua hluas yeej yog kev txhaum rau txhua leej. Poj niam txiv neej los nyias yuav tsum tau ua ncaj ncees rau nyias tus. Phim peb cov neeg ntseeg yuav tsum coj raws li Tswv Ntuj txoj cai, ces yuav muaj coob khub niam txiv uas coj tau raws li zaj nkauj hais. Tiam sis txheej tshiab no zoo li nyob thoob ntiaj teb, cov ntseeg ntuj tsis ntseeg ntuj lawm lawv cia li nrog cov tsis ntseeg Ntuj muab txoj kev ua hluas los ua ib txog kev rau sawv daws taug ywj siab raws li nyias nyiam nyias ntshaw lawm xwb, tsis paub muaj kev txhaum li lawm.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5047
Date d'inscription : 2009-08-18

Re: Nkauj txog ob niam txiv sib sib hlub

Post  Maiv Tooj on 10th November 2010, 7:54 am



Nyob zoo Mim thiab Maiv Paj Lug,

Kuv mas kuv ua ob yam hais:


1/ Nyob peb qub teb chaws, lub teb chaws uas kuv yug, thaum lub caij kuv xeev xwm, ua ntej tsov rog yuav tuaj txog peb teb chaws, ua ntej cov Hmoob ua tub rog, muaj hwj chim thiab muaj meej mom (meej mom khav theeb). Hmoob lub neej ib txwm los txog lub caij ntawd,kev sib yuav ntawm ob tug tub ntxhais hluas tsis muaj sib yuam. Tsis muaj mus zawj es tso nyiaj ntau ces niam txiv cia li yuam tu ntxhais yuav txiv. Tsis muaj zij poj niam. Yog nqes tsev hais los yeej yog ob leeg txaus siab lawm mam nqes tsev hais xwb. Dua li thaum sib yuav tau lawm mas yeej sib hlub, sib pab, ib tug tsis cem tsis ntxub ib tug, ob leeg sib pab tsis hais hauj lwm hauv tsev los tom tej teb. Txiv neej poj niam yeej ua sib nrawg nroos. Thaum ob niam txiv sib yuav tau lawm, yeej sib yuav tsis muaj yuav hais tias sib nrauj, sib ceg, sib ntaus (ntaus poj niam), sib ciav. Yeej tsis pom muaj poj nrauj yawg nrauj li, tsuas hnov lub npe "nrauj" xwb tab sis tsis muaj neeg yuav yog li. Dua li tsuas muaj tus puav uas tsis muaj hmoo, ntuj tsis nqus tes teb ho nqus taw es ua neej tsis nto ntsis, ib tug tseg ib tug xwb...

2/ Tom qab uas cov Hmoob mus ua tub rog, muaj meej mom, hwj chim lawm ces txawm hnov qhov ntau poj niam, ntau mas ntau tshaj ntau ib tug tub sab, thaum twg sib cav sib ceg lo puav ces cov txiv neeg zawm hlua khau tsuag tsuag, ncaws ua hneev taw nyob zoj saum tej poj niam nraub qaum, txawm ncaws ua poj niam zis txhuav ntsos, ntau tej tug poj niam ib ce ntsuab cuag ib tug tuag los lawv yeej muaj cai li. Cov txiv neej cia li pib mus tham hluas nkauj, ua plees ua yis, yuav niam yau, yuam cov ntxhais mos npaum li cas los yeej muaj cai li lawm, zij poj niam, tsis pab poj niam ua huaj lwm, nyiaj txiag tsis muab rau poj niam, tsis tuav lub vaj lub tsev, tsa hwj chim kom poj niam ua rau noj rau poj niam ntsia, ntxuav ko taw rau. Thaum ua phem dhau, poj niam tiv tsis taus, ho nrauj los me tub me nyuam tsis pub rau tus niam li...Tej kev phem kev tsis huv no kuv pom ntsoov los ntawm kev ua tsov ua rog...Thiaj muaj tau ib tug kab mob lij sawv daws cov siab ntsws noj...Noj thiab noj ces cia li tsis paub paus ntsis lawm. Cia li xav tias Hmoob ib txwm zoo li ntawd, tab sis sawv daws tsis paub tias Hmoob ib txwm tsis zoo li ntawd...Tu siab kawg nkaus rau tej yam zoo ces tsis muaj neeg kawm, xyaum qhov zoo. Qhov phem mas sawv daws tab niaj hnub ntshaw, kawm....


Last edited by Maiv Tooj on 10th November 2010, 9:38 am; edited 1 time in total




Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Re: Nkauj txog ob niam txiv sib sib hlub

Post  Maiv Paj Lug on 10th November 2010, 8:36 am

Wow....Maiv Tooj thiab Niamlaus Mim...neb tham tau mob siab kawg kiag li os.

Cov génération yav thaum ub mas kuv tsis paub tias lawv txawj sib hlub los tsis txawj vim kuv tsis tau yug los thiab tsis pom ces tsis paub piav. Ua tsaug neb tuaj qhia nawb.

Tiam sis tam sim no cov génération tshiab no mas kuv pom tau poj niam muaj peev xwm npaum txiv neej lawm thiab. Tej tus pojniam mas tseem heev tshaj tus txiv los kuj muaj. Cov genération kuv niam lawv phaum mas kuv pom zoo li pojniam quaj rau txiv neej tes , dua li los txog peb cov génération no kuv pom txiv neej quaj rau pojniam tes ib nrab lawm thiab.Piav li Maiv Tooj piav cov txiv neej ncaws pojniam yav thaum ub mas cas yuav txaus nsthai ua luaj.









<3 <3 Pab kuv rov los cuag koj Huab Tais Yesxus <3 <3

Sponsored content

Re: Nkauj txog ob niam txiv sib sib hlub

Post  Sponsored content Today at 11:32 pm

  • Post new topic

Current date/time is 6th December 2016, 11:32 pm