HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Huab Tais Ntuj 10 lo lus qhia Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


    Huab Tais Ntuj 10 lo lus qhia

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Huab Tais Ntuj 10 lo lus qhia Empty Huab Tais Ntuj 10 lo lus qhia

    Post  Maiv Tooj 4th November 2010, 9:37 am




    KAUM LO LUS QHIA YOG IB QHO TSEEM CEEB YUAV POV HWM PEB
    Tswv Ntuj muab kaum lo lus qhia rau lub ntiaj teb, yog vim nws xav kom peb txawj siv peb lub siab thiab peb lub tswv yim raws qhov tseem ceeb.
    1: THAWJ LOS LUS QHIA: Tswv Ntuj xav pab kom peb paub teev nws ib leeg xwb. Uas nws yog peb tus Huab tais tseem ceeb.
    2: LOS LUS QHIA OB: Tswv Ntuj xav pab kom peb txawj hwm nws lub Npe Ntshiab.
    3: LO LUS QHIA PEB: Tswv Ntuj xav pab kom peb txawj siv peb lub caij nyoog.
    4: LOS LUS QHIA PLAUB: Tswv Ntuj xav pab kom peb txawj hwm peb niam peb txiv.
    5: LO LUS QHIA TSIB: Tswv Ntuj xav pab kom peb txawj hwm peb lub cev. Hwm luag lub cev thiab lub siab.
    6: LO LUS RAU: Tswv Ntuj xav pab kom peb ua ib cov neeg tsim txiaj. Peb thiaj tsim nyog hu ua Tswv Ntuj cov me nyuam.
    7: LO LUS XYA: Tswv Ntuj xav pab kom peb txawj hwm peb lub cuab tam thiab luag lub cuab tam.
    8: LO LUS YIM: Tswv Ntuj xav pab kom peb los lus thiab lub siab yog lo lus thiab lub siab ua raws qhov tseem ceeb.
    9/10: LO LUS QHIA CUAJ THIAB KAUM: Tswv Ntuj xav pab kom peb lub siab ntshiab tuaj.
    Kaum lo lus qhia yog ib qho tseem ceeb uas yuav pab peb.
    "Ib zaj piv txwv" Yog vim li cas peb thiaj yuav tsum mloog thiab ua raws li cov cai tsav tsheb?
    Yog vim cov cai tsav tsheb ntawd yuav pov hwm peb thiab pab kom peb tsis txhob raug xwm txheej.
    Huab Tais Ntuj kaum lo lus qhia kuj zoo tib yam nkaus li ntawd.
    Huab tais Tswv Ntuj los lus qhia loj tshajw plaws yog: "TXOJ KEV NYIAM"

    Tus sau: XH. Yaj Txiaj Hawj.
    Xov xwm Ntseeg Ntuj Sib Fi Txuj 1985
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Huab Tais Ntuj 10 lo lus qhia Empty Re: Huab Tais Ntuj 10 lo lus qhia

    Post  Maiv Tooj 6th June 2012, 9:26 am



    NTHUAV TSWV NTUJ 10 LO LUS QHIA.


    Huab Tais Ntuj 10 lo lus qhia 26415910Tswv Ntuj 10 lo lus qhia no nyob tas nrho rau hauv, ntawv cog lus qub thiab ntawv cog lus tshiab uas yog Ntuj li lus tas nrho. Cov lus uas Ntuj tsim los rau ntiaj teb neeg hais, mas yeej yog lus dawb huv ua kom Ntuj thiab neeg sawv daws muaj kev sib haum xeeb, thiab nyob kaj lug.
    Cov lus uas Ntuj cov tshiab hais, los Yes Xus hais rau ntiaj teb neeg mas kuj yog hais kom ntiaj teb neeg tau nyob kaj lug. Thiaj muaj 10 lo lus qhia tias:

    *1-Koj yuav teev Huab Tais Ntuj ib tug xwb,koj yuav nyiam H.T.N.tshaj tas puas tsav yam.
    -Vim li cas?
    -Huab Tais Ntuj yog tus muaj hwj huam loj tas nrho,tshaj ib puas tsav yam. Thiab yog tus kav ntuj kav teb kav tas ib puas tsav yam. Huab Tais Ntuj lub npe  NTSHIAB  HUV. Nws yog tus NCAJ  NCEES nws  NYIAM nws HLUB txhua yam uas nws tau tsim xeeb los kom muaj. Nyob saum ntuj los nyob ntiaj teb no mus txog nruab yeeb.
    Tsim nyog peb yuav hwm thiab TEEV Tswv Ntuj tib leeg  Xwb.
    Txhua yam uas niaj hnub no neeg ntiaj teb  muab los teev hawm, saib tias yog yam tseem ceeb, uas neeg tso siab rau puav leej tawm ntawm Huab Tais Ntuj lub tswv yim, ntawm nws txhais tes los. Huab Tais Ntuj muaj hwj chim loj tas npaum no tsim nyog neeg yuav muab saib rau saum lub SAM XEEB  thiab teev hawm Huab Tais Ntuj.
    Thiab NYIAM  H.T.N. tshaj tas puas tsav yam.
    Xyuas txij li cov dab  los rau txhua yam ua neeg teev hawm los. Puav leej yog Huab Tais Ntuj yog tus tsim lawv los huv si. Cov Poj yawm txwv koob, tej niam tej txiv, muaj nqi dua cov dab,Vim lawv yog Ntuj me nyuam, thiab lawv muaj ib sab, yog tus ntsuj plig nyob ze Tswv Ntuj,Hos ib sab tseem nrog neeg nyob, xws li cov nqaij txhav thiab roj ntsha. Peb hwm lawv xws li tsoom Leej Ntshiab. Kom phim lo lus peb niaj hnub hu lawv tuaj pov hwm peb. Thaum peb muaj kev txhawj xeeb.( Ntuj auj, niam thiab txi, pab auj.)

    *2-Koj yuav hwm Huab Tais Ntuj lub NPE.
    Nyob thoob plaws lub ntuj lub teb, saum yaj mus rau nruab yeeb, tsis muaj ib lub NPE yuav nrov thiab muaj hwj chim hwj huam npaum li Huab Tais Ntuj lawm.
    Huab Tais Ntuj lub NPE yog ib lun npe ntshiab huv. Txawj nyiam txawj hlub puas tsav yam. Tsim nyog yuav hwm nws lub NPE zoo.
    Txhob muab Huab Tais Ntuj lub NPE los piv rau dab thiab neeg tej hwj chim, TSIV TSAIM ntawd, Piv tsis nyog. Xws li,( Heev cuag huab tais,  niam ua tau npaum poj huab tais,) Huab Tais Ntuj tsis zoo lis yus xav ntawd, neeg thiaj ua tau thiab hais tau xwb.


    *3-Koj yuav CAIV Huab Tais Ntuj hnub.
    -Huab Tais Ntuj siab dawb siab zoo. Nws tsim lub ntuj lub teb tas txhua tsav txhua yam nws pom tias yog zoo lawm. Tswv Ntuj ua 6 hnub, hnub 7 Tswv Ntuj so. Tsis yog yuav so li neeg ua hauj lwm sab ces so. Tswv Ntuj pom tias zoo lawm, nws ntsuam xyuas yuav pov hwm txhua yam kom muaj kev huaj vam mus puv lub qab ntuj khwb no.
    Neeg yog tus kawg ua Ntuj tsim los kav lub ntiaj teb. Ntuj  thiaj hais rau leej tib neeg CAIV huab Tais Ntuj  hnub.
    Tsis yog CAIV txhob ua hauj lwm. CAIV, txhob ua kev txhaum kom tau nrog Huab Tais Ntuj sib haum xeeb uas neeg yog tus tswv saib lub ntiaj teb.Vim neeg tsuas xav txog kev muaj hwj chim thiab kev nplua nuj nrog kev ua txhaum, tub qaug rau Ntuj thiab yam Ntuj tsim los  rau neeg siv.
    Huab Tais Ntuj muab rau hnub pub rau neeg ua txhua yam, Huab Tais Ntuj tsuas xav kom neeg qee ib lub caij nrog Ntuj Sib haum xeeb nco txog kev ua ncaj ncees pub rau txhua yam Ntuj tsim los. Kom muaj qhov tias txhua yam muaj nuj nqes loj rau neeg sawv daws. Kom txawj qhuas sib cog txuag ua kev vam meej, muaj koob meej rau neeg, txhiab txhiab puas xyoo mus li. Kom txhua yam tsiaj txhu, kab noog tau nyob sib txuas sis yeej noob raws li txoj kab txoj kev Ntuj tsim xeeb muaj. Thiaj tsim nyog qhov Ntuj tso neeg tus thawj tug tswv nyob saum lub ntiaj teb no. Huab Tais Ntuj siab zoo  rau neeg. Huab tais Ntuj yeej tsis so ib fiab li. Nws tuav rawv lub ntuj lub teb thiab saib txhua yam tsis pub ploj los puas mus.
    Yog Huab Tais Ntuj  so li ib feeb mas lub ntiaj teb yuav ploj mus li 1%3 (ib feem peb.)
    CAIV  Huab Tais Ntuj hnub yog Ntuj qhia kom ua li ntawd. Thaum Yes Xus cawm lub sim ceeb lawm mas Leej Tswv Yim Ntshiab tuaj, nws qhia Yes Xus lub Koom txoos kom muab hnub CHIV no los ua Tswv Ntuj hnub, Vim  Tswv Ntuj muab hnub Chiv no ua hauj lwm cawm neeg dua kom neeg rov muaj Ntuj txoj sia.

    *4- Koj yuav hwm koj niam koj txiv.
    Lo lus no tsis yog qhia kom hwm tej niam tej txiv xwb. Nws muaj ob txheej lus nyob hauv no:

    a-Koj yuav hwm cov loj dua koj nce mus txog Huab Tais Ntuj.Yuav hwm thiab mloog lawv lus, lawv yog cov xub yug los dua, lawv xub pom lub ntuj lub teb. Lawv yuav paub txog qhov phem thiab qhov zoo tshaj. Yog yus nyiam thiab hwm cov loj mas yus txoj hmoov zoo, lwm hnub yus yuav ua neeg thoob tsib paub Ntuj txoj cai kom tau los nyiam thiab txuag lub sim ceeb no.

    b-Niam txiv los tej hlob kuj yuav hwm cov yau, vim cov yau tseem yog cov nyob ze Tswv Ntuj dua, lawv tsis tau paub txog dab phem kev ntxias los mus tawm tsam rau Tswv Ntuj, los tej hlob. Yuav hwm tej me nyuam cov yau no kom lawv to taub txog tus Tswv Ntuj  muaj koob meej thiab nplua nuj tos lawv nyob tom lawv hauv ntej. Kom cov me nyuam txhob tau mus seev txog kev ua txhaum mus cuab phiaj rau dab phem kev caws ntxiab tos kom mag mus ua neeg lwj neeg liam.

    *5-Koj tsis txhob tua neeg.
    Vim li cas Huab Tais Ntuj hais lo lus no?

    -Neeg yog yam zoo tshaj lawm,Huab Tais Ntuj tsim txua yam ua ntej huv si tas,nws thiaj xav tias zaum no yog qhov kawg. Tsim yam zoo tshaj uas neeg hu ua pov haum los tuav thiab saib lub ntiaj teb, kom tsom pom txog nruab yeeb los rau sau yaj no tib si. Huab Tais Ntuj thiaj tsim kom zoo li Tswv Ntuj me ntsis. Nws muab ib lub tswv yim rau neeg zoo li Tswv Ntuj lub cog rau neeg lub cev. Yog tus ntsuj plig dawb huv.

    Tswv Ntuj yeej xub xav zoo lawm Ntuj mam tsim neeg los, yog yam zoo txaus lawm. Ntuj tsis xav kom neeg muab rhuav kom puas tsuaj mus. Ntuj thiaj muab los lus txhob tua neeg los tso rau hauv no. Tus tua neeg ntshais tsam nws tua tau ib tug ntsuj plig dab huv,uas Nut  pub ib txoj hmmov zoo rau ces nws ua tsis tau tas txoj hauj lwm Ntuj feeb los rau nws ua.

    Yus ntxub ib tug neeg txhob xav tias tsis muaj dab tsi. Tau ntxub ib tug neeg lawm mas tsis xav kom tus neeg ntawd muaj txoj sia nyob ntiaj teb no ntxiv. Ntxub ntau ces yus twb npaj tua tus ntsuj plig lawm, yus yeej xav tau tias kom txhob muaj Huab Tais Ntuj. Peb txob xav li ntawd, yog tsis muaj Huab Tais Ntuj mas yus yuav tshwm sim tuaj nyob tau zoo li cas ne!

    Huab Tais Ntuj tsim neeg zoo li Tswv Ntuj, peb ntxub ib tug neeg ces yog peb tau ntxub Tswv Ntuj lawm ntag.
    Yog Ntuj tsis txiav txim mas yus txhob lam txiav txiav txim rau ib tug neeg.

    *6-Koj txhob zes luag txij luag nkawm.
    *9-Koj txhob tso koj lub siab ntshaw zes luag txij luag nkawm.
    Mloog kom zoo. LUAG TXIJ LUAG NKAWM tsis yog ib yam khoom khaws tau dawb tom tej ntug kev los. Zoo li tej pov haum nab los pov haum zaj pom nyob hauv cov pob zeb ntawm ntug dej.

    Yog ib yam uas Ntuj txhob txwm tsim los rau nws tus txij nkawm tiag. Nyob hauv ntawv  cog qub lusTswv Ntuj hais muaj tseg  Ntuj xub saib nyob hauv cov tsiaj txhua tas tsis muaj tus yuav phim los pab tus txiv neej. Tswv Ntuj  mam muab tus txiv neej txha los tsim nws tus txhij nkawm, nkawd yog ib lub cev lawm. Tsis tsim nyog muab rau lwm tus kov. Sim xav saib neeg kev mob siab, tu siab txhua tus yeej tseem tshuav ib nplooj siab tias yog yus li  mas mob yus siab Mas txhob  zes luag tus txij nkawm. Yog tus tsis mloog nws ua dab phem tes taw rau dab phem qiv los tawm tsam rau Huab Tais Ntuj, kom dab phem  txeeb tau Qaum Ntuj cov me nyuam mus ua me nyuam dab. Kom muaj zog tawm tam rau Tswv Ntuj.

    *9-Koj tso koj lub siab ntshaw zes luag txij luag nkawm, Koj lub cev tsis tau zes, Tab tsis koj lub siab twb zes laum.Koj ua cuag li koj niaj hnub fiv yeem kom raug lej.
    Tus niaj hun fiv yeem kom raug lej, thiab tso nws lub siab ntshaw zes luag txij luag nkawm mas nws yeej quav txiaj, quav plees quav yi lawm nws tsuas tos kom tau zoo lub caij nyoog xwb . Tus coj lo no  mas sab ntsuj plig luag cov txij nkawm ces nws yeej muab faus ciaj ua ntej laum, tsuas tseg lub cev los saib lawm xwb.
    Yuav saib taus Ntuj  thiab mog.Hmoob yeej muaj lus zoo hais tseg lawm tias, Hwm Ntuj thiaj tau ntuj ntoo, hwm neeg thiaj li tau zoo no.

    *7-Koj tsis txhob ua tub sab tub nyiag.
    *10-Koj tsis txhob tso koj lub siab ntshaw ua tub sab tub nyiag.
    Vim li cas thiaj muaj ob lo lus no?

    a-Kev ua tub sab yog ib yam yeej tsis zoo tiag.  Tsis yog Huab Tais Ntuj tsis muab txoj hmoo zoo rau koj. Ho muab rau luag lwm tus.
    Txoj kev ua neej Huab Tais Ntuj yeej foom pub rau neeg sawv daws sib npaug zos.
    Hais txog nyiaj kub los koob hmoov Tswv Ntuj yeej muab txaus rau nyias. Saib tus neeg nws txawj siv li cas
    xwb:

    a-Tus nws muaj nyiaj mauj kub, nws tsis muaj lwm yam nws yuav tau muab nws cov nyia cov kub no los pauv  mov noj. Thiab yuav lwm yam khoom siv.

    b- Tus muaj Tswv yim zoo, nws nrhiav tsis tua nyiaj thiab kub. Nws yuav muab tswv yim los pauv kom muaj nyiaj
    thiab muas cuab yeej cuab tam.

    c-Tus nws muaj zog, nws tswv yim tsis ntau, nws yuav muab lub zog mus pauv nyiaj los cuab tam kom yus muaj.

    d- Tus nws muaj txuj ci, nws zog tab tab, nws yuav muab txuj ci los pauv nyiaj kub los yuav yam tus tsis muaj.

    e-Ntuj cia yus muaj tes txawj tes nquag los pauv lwm  tus uas lawv muaj ntau.

    f- Tus nws txawj hais lus nws kuj tsis txawj cog qoob, nws yuav muab ncauj lus mus pauv nyiaj tas mam los
    yuav qoob noj.

    g- tus txawj cog qoob loo, nws tsis paub nyiaj kub thiab lub zog nyob qhov twg kuj muaj.


    Ua li mas muab los tsom twb zoo ces sawv daws muaj
    sis npaug zos. Ib leeg pauv siv ib yam. Tas sawv daws
    thiaj paub siv tas txhua yam. Ces sawv daws zoo ib
    yam xwb. Yuav saib taus luag lwm tus thiab es txhob
    mus nyiag luag tug los ua yus tug. Yus yuav tau mus
    pauv mas thiaj yog. Yus tsis muab yus li mus pauv
    yus tsuas yeem tau nyiag los mas yus tau ua txhaum
    rau Ntuj thiab ua tub qaug rau neeg lawm.

    peb yuav sib hlub, sib nyiam:
    koj muab koj kev ntse los pauv rau kuv, kuv muab kuv
    lub zog los pauv rau koj. Nws muab  kev txawj los pauv
    lawv cov nyiaj cov kub sib fab siv li no. Nyob qaum ntuj
    mas peb muaj sisb npaug. Nyob ntiaj teb peb sis kawm
    paub ces peb xav cia li yuav luag tug los ua peb tug mus
    li.Nyob hauv peb Hmoob Kwv huam mua hais ib zaj li no thiab.

    Muaj ib leej txiv nws yug tau peb leeg tub. Tus yawg no
    nws yog neeg nplua nuj nws muaj txhua yam tas nrho.
    hnub nws tuag nws ntim tau peb phij xab sib npaug zos
    cia, nws sau ntawv rau saum cov phij xab tias tsis txhob
    qhib nws faib haum lawm. Muab lawv txiv coj mus faus
    tas nyias mam yuav nyias lub phij xab xwb. Thaum
    kawg lawv muab lawv txiv faus tas, lawv mus qhib.
    Tus tub hlob li mas yog nyiaj kub tooj hlau puv nkaus xwb.
    Tus tub ob li ib phij xab pob txha nyuj pob txha twm, qaib
    npua nkaus xwb. Hos tus tub yau li mas ib phij xab av,
    nkaus xwb thiab lawv hais tsis paub hawm li . Cov txwj
    Laus tu tsis tau li.Tus me nyuam tub ntsuag nyob hauv
    qab lauj nws hnov nws thiaj los tu rooj plaub no tias:
    Ne txiv nws yeej faib haum lawm, Tus hlob nws yuav cov
    nyiaj kub tooj hlau no mus ua lag luam.nws yog tus hlob.
    Tus kwv ob no nws yuav cov tsiaj txhu, nws thiaj txawj
    yug kom huam vam. Hos tus yau no yuav cov liaj teb,
    nws tsis tau txawj ua luam. Nws mus cog qoob, nkawd
    yuav los muas tus yau cov qoob thaum kawg lawv peb
    leeg kwv tij thiaj yuav muaj ib yam.Peb sawv daws
    tej koob hmoov muaj mus raws li no.

    *8-Koj tsis txhob dag rau luag tej.
    Lo lus dag yog ib lo lus tseem ceeb heev.
    Kev dag yog qhov phem tshaj. Tus neeg dag ces yog zoo
    li tus neeg ntawd thuam Ntuj lawm.
    Tau dag ib lo lus ua rau kom tuag kiag ib tug neeg los
    muaj,ua rau luag ntshais luag ceeb ces luag cia li tau tuag
    lawm. Dag ib lo lus ua rau ob pab neeg tsis muaj kev sib
    raug zoo,lawv muaj xaiv muaj lus. Ua rau luag sib tua,
    los ua rau ob lub teb chaws xeeb muaj tsov rog.
    Kev dag muaj txhaum loj tus dag ib tug neeg nws tau
    dab tus neeg ntawd, nws dag rau dab, dag rau Ntuj, thiab
    nws rov dag rau nws tus kheej thiab. Ces nws tsis muaj
    dab tsi zoo nyob hauv nws lawm, txaus tu siab loj.
    Kaum lo lus no yog ib co lus muaj nuj nqis siab kawg.
    Ua neeg yug los nrog kaum lo lus qhia no mas nws txoj
    Hmoov zoo. Nws tau yug los muaj txoj sia nyob hauv
    Tswv Ntuj kaum lo lus qhia, cuag li yog Ntuj tau tsiv
    Nraim nyob rau hauv nws nruab siab lawm.



    Xib Hwb Yaj Zoov Ntxheb.
    USA. 2012

    Huab Tais Ntuj 10 lo lus qhia G4208210


    Last edited by Maiv Tooj on 1st May 2016, 10:02 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Huab Tais Ntuj 10 lo lus qhia Empty Re: Huab Tais Ntuj 10 lo lus qhia

    Post  Maiv Tooj 2nd August 2015, 8:36 am



    Zaj 241- NTHUAV TSWV NTUJ 10 LO LUS QHIA.


    Huab Tais Ntuj 10 lo lus qhia Bible-10

    1. Koj yuav teev Huab Tais Ntuj ib tug xwb,thiab koj yuav nyiam Huab Tais Ntuj tshaj tas puas tsav yam.
    -> Huab Tais Ntuj yog tus siab ntshiab thiab muaj txoj sia nyob mus li. Peb yuav nyiam thiab teev Huab Tais Ntuj ib leeg xwb. Kom peb tau muaj txoj sia nyob mus li xws li Huab Tais Ntuj. rau peb sab ntsuj plig, thiab lub zim txwv kawg kom Huab Tais Ntuj tau tsa peb lub cev sawv rov los muaj txoj sia nrog rau peb tus ntsuj plig.
    2. Koj yuav hwm Huab Tais Ntuj lub npe.
    -> Hwm Huab Tais Ntuj lub npe,qhov tseeb yog hwm tas txhua yam uas Ntuj tau tsim los, tsis zoo muab yam ub yam no los piv rau Huab Tais Ntuj lub npe.
    Suav txij li leej tib neeg mus thoob plaws txhua yam, nyob saum ntuj nqes los rau ntiaj teb no. Yam loj mus ti nkaus yam me hwm thiab saib taus ces koj tau hwm Huab Tais Ntuj lub npe lawm.
    Nyob saum Ntuj, muaj Tswv Ntuj thiab Ntuj cov tshiab, nrog rau lub hnub lub hli cov hnub qub thiab huab cua, dej nag...
    Ntob ntiaj teb Leej tib neeg nrog lub ntiaj teb, tsiaj txhu qoob loo nroj tsuag xyoob ntoo. kab ntsaum txhua yam tib si.
    3.Koj yuav caiv Huab Tais Ntuj hnub.
    Caiv Huab Tais Ntuj hnub, zoo li koj yuav muaj ib lub caij nrog Tswv Ntuj sib txuas lus. kom Ntuj pub tej yam zoo thiab muaj qab hau rau koj., kom koj paub txog Huab Tais Ntuj cov txiaj ntsim zoo.
    Caiv yog cais kev ua txhaum. Huab Tais Ntuj hnub yog hnub txhob mus ua kev txhaum, peb yuav xaiv kev ua ncaj ncees. Txhob xaiv tej kev ua yam tsis muaj qab hau....
    4. Koj yuav hwm koj niam koj txiv.
    Lo lus hwm niam Hwm Txiv no loj thiab dav heev:
    Saib taus Huab Tais Ntuj, saib taus tej laus tej hluas thiab tsoom txheeb ze sawv daws. Vim tias tas nrho txhua tus Leej tib neeg yog Huab Tais Ntuj cov txiaj ntsim tib si.
    Xub hwm koj tus kheej ua ntej tso!
    Hwm koj ces yog koj nyiam zoo li cas, koj yuv ua zoo li ntawd rau luag. Cov hu ua luag no Yog koj tus txij nkawm, koj niam koj txiv, koj cov tub ki, cov neej tsa. cov kwv tij txheeb ze sawv daws tib si lawm. Vim txhua tus yog Ntuj me nyuam, yog Ntuj cov txiaj ntsim, Koj ntxub ib tug ces koj ntxub Huab Tais Ntuj lawm. Vim Tus koj ntxub ntawd muaj Huab Tais Ntuj lub siab nyob hauv nws.
    Koj thiab nws lo rau Huab Tais Ntuj tib yam. yog koj ntxhub nws ces koj tau ntxub Huab tais Ntuj ib tug ntiv tes. ntxub Huab Tais Ntuj ib sab qhov muag lawm.
    5. Koj tsis txhob tua neeg.
    Tsis hais tua neeg xwb, koj ntxub neeg, xav phem rau neeg ces twb cuag li koj tua neeg lawm. Koj tsis tau tsa tes tua neeg tiag. koj lub siab thiab lo lus twb tua tus neeg ntawd lawm. Koj xav tias kheev lam tuag mus mas no xwb! ces nyob hauv sab ntsuj plig koj twb tua nws lawm, koj twb muab nws xa mus nyob rau Dab Phem teb lawm.
    Koj yuav nco ntsoov tias lawv yog Ntuj me nyuam ib yam li koj. koj nyiam kom Ntuj pab koj ces koj yuav thov Ntuj pab lawv thiab, Ces Ntuj tau pab koj nrog lawv ces nej sawv daws zoo sib xws nyob hauv Huab Tais Ntuj.
    6 thiab 9.Koj txhob zes luag poj luag sev, thiab txhob tso koj lub siab ntshaw zes luag poj luag sev.
    Huab Tais Ntuj hais,tias yog koj tso koj lub siab ntshaw xwb ces koj twb zes luag poj luag sev nyob hauv koj nruab siab lawm. Ib hnub twg ces koj lub cev yuav zes kiag luag tus poj tus sev ntawd. Thiaj ntxiv lo lus 9 rau hauv, kom txhob tso lub siab ntshaw zes.
    Peb yuav nco ntsoov tias, Txiv neej los poj nim sawv daws yog Ntuj cov me nyuam, yog Ntuj ib lub txiaj ntsim. Peb pom ib tug poj niam los txiv neej zoo nkauj zoo nraug, mas peb txhob saib tias zoo ua poj niam los zoo ua txiv neej kawg li.
    Peb pom ib tug zoo txiv neej los zoo poj niam ces peb yuav qhuas txog Huab Tais Ntuj tias, Kuv qhuas txog Koj Ntuj koj tau tsim muaj tej lub meej mom zoo nkauj los zoo nraug tas npaum no kuv hwm koj. Ces Huab Tais Ntuj pub koob hmoov rau koj ces koj lo lus coj koj lub meej mom muaj hwj chim tseem zoo tshaj li qhov koj xav hauv nruab siab kom koj zoo dua qhov koj pom nyob hauv luag lawm thiab.
    7 thiab 10. Koj txhob ua tub sab tub nyiag, thiab txhob tso koj lub siab ntshaw ua tub sab tub nyiag.
    Huab Tais Ntuj hais tias yog koj pheej xav ces ib hnub twg koj yeej yuav nyiag xwb.
    Yog koj pom luag tej txawj los luag muaj, Yus mus ntaus phooj ywg, sab ua neeg muaj txuj ci thiab ua neeg zoo kawm kom muaj tswv yim yus mus khwv kom yus ua neeg tshaj lij kom yus txawj nrhiav paub zaj zoo tshaj kom yus ua tau yam zoo los pub rau neeg kom luag txhob muaj kev ntshaw uas yuav npaj siab mus ua tub sab tub nyiag kom tau yuav luag tug.
    koj thiaj pab tau Huab Tais Ntuj ua hauj lwm pub rau neeg ntiaj teb kom nyob tiaj tus hauv kev ua neeg dawb huv.
    8. Koj txhob dag rau luag tej.
    Lo lus dag no mas mus deb heev nws mus duav tas ntau yam:
    Kev dag mas yog yam ua Huab Tais Ntuj tsis nyiam kiag li. vim li cas?
    Kev dab mas ua rau neeg ntiaj teb no puas tsuaj mus ntau yam:
    -> Ua rau neeg tuag mus ntau pua leej. Ua rau neeg tau pluag kob huam mus ntau caum leej. Kev dag tsim kev kub ntxhov rau ntiaj teb neeg ntau yam ntau tsav, ua kom muaj kev tu siab nyob qhov ub qhob no suav tsis txheeb:
    Ib tug neeg dag xwb lub teb chaws ua tsov rog tau. Tus neeg dag ces tej txij nkawm cia li xeeb muaj kev sib ntxub. mloo tus neeg dag ces tej kwv tij los neej tsa tsis sib haum xeeb. ces ua tau kom muaj xaiv muaj lus ntau.
    Cov tsov rog xeeb los nyob ntiaj teb no ces los ntawm kev dag los 60%, lwm yam tsov rog mas li yog los ntawm lwm lo lus los.
    Zaj lus no mas Huab Tais Ntuj xav kom neeg paub zoo Nws thiaj qhia kom muab ua kiag ib zaj teev Ntuj los hias niaj hnub.
    Kom neeg zam dhau kev ua txhaum, ces neeg yuav txia tau ua Ntuj me nyuam xws li Huab Tais Ntuj ntshaw ib cov tsib ki ntshiab huv.

    7 hli ntuj 2015.
    Yaj Zoov Ntxheb Xib Hwb.


    Sponsored content


    Huab Tais Ntuj 10 lo lus qhia Empty Re: Huab Tais Ntuj 10 lo lus qhia

    Post  Sponsored content


      Current date/time is 28th March 2024, 7:01 am