Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» SAJ YES XUS KEV TXOM NYEM
by Maiv Tooj Yesterday at 9:59 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 7:42 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 23rd March 2017, 9:26 pm

» XH. Yaj Zoov Ntxheb lub Tsev THOOB TSIB
by Maiv Tooj 23rd March 2017, 9:15 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 23rd March 2017, 9:10 pm

» MOO QAIJ QAUG
by Maiv Tooj 18th March 2017, 12:17 pm

» Thov Leej Ntshiab YOS XES
by Maiv Tooj 9th March 2017, 12:30 am

» Tshuaj NTSUAB
by Lajpovyaj 3rd March 2017, 4:48 am

» Hnub Txais Tshauv thiab Caij 40
by Mim 28th February 2017, 10:38 am

» TP.Txhiaj Foom lub TSEV Ntawv
by Maiv Tooj 21st February 2017, 8:04 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

Suav neeg tuaj saib, txij hnub 17/09/2010 los mus.


  • Post new topic

Ib hnub tuaj nyeem ib sob lus zoo nyob hauv no

Share
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Ib hnub tuaj nyeem ib sob lus zoo nyob hauv no

Post  Maiv Paj Lug on 26th October 2010, 10:21 am

IB HNUB TUAJ NYEEM IB SOB LUS ZOO NYOB HAUV NO





Tus tshaj xo Paj Lug mus qhuab qhia Huab Tais Yes Xus lub Moo Zoo rau cov neeg teev pej kum dab txog ntau lub teb chaws. Paj Lug ntsib tej tug neeg muab hlob thiab khav theeb. Paj Lug muab cem txaus nkaus thiab cem mob kawg : “Nws hais rau Es Lis Mas, tus ua hwj huam hem thiab ntxias luag, noob dab phem, yeeb ncuab kev ncaj ncees, koj puas yuav tseg tsis xyav Huab Tais txoj xub ke ncaj ncees HL 13,10”




Last edited by Maiv Paj Lug on 27th October 2010, 10:33 am; edited 1 time in total




<3 <3 Pab kuv rov los cuag koj Huab Tais Yesxus <3 <3
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5201
Date d'inscription : 2009-08-18

Re: Ib hnub tuaj nyeem ib sob lus zoo nyob hauv no

Post  Maiv Tooj on 26th October 2010, 10:45 am



Nyob zoo Maiv paj Lug,

Kuv los yeej nyiam cov zaj nyeem lub Lis Piam no thiab TP. Cwj Vuam cov lus, kuv thiaj muab tso kob rau. Nyeem mas hais tau zoo heev thiab kuj tu siab rau cov neeg uas lawv ntseeg yooj yim, lawv xav ua neeg paub tab thiab rau luag hwm luag qhuas, ua neeg muaj hwj huam ces lawv tsis ceev faj. Ntau zaus lawv yuav yuam kev rau tej yam lawv tsis tau paub txog.

Li cas los peb yuav rau siab teev Ntuj pab peb txhua hnub kom peb txawj nrhiav txoj kev ncaj txoj kev hu, nrhiab Tswv Ntuj.



avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Ib hnub tuaj nyeem ib sob lus zoo nyob hauv no

Post  Maiv Paj Lug on 27th October 2010, 10:44 am


Maiv Tooj, kuv tsim lub topic rau ntawm no, yog ib hnub koj pom ib sob lus zoo koj nyeem tas koj nyiam no tuaj tso hauv no peb nyeem thiab nawb. Txawm yog tej peb twb tau nyeem tas lawm los muab xam tias hnub no peb yuav rov zoo siab rau sob lus peb nyeem txog ntawm no O:

HNUB NO SOB LUS KUV NYEEM YOG:



Peb los ua lub Koom Txoos me nyuam, ua Tswv Ntuj haiv neeg hauv ntiaj teb no rau cov neeg teev dab qhuas, tsis paub Tswv Ntuj, tsis hwm Tswv Ntuj kom lawv los zuj zus los npuab Tswv Ntuj thiab.




<3 <3 Pab kuv rov los cuag koj Huab Tais Yesxus <3 <3
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5201
Date d'inscription : 2009-08-18

Re: Ib hnub tuaj nyeem ib sob lus zoo nyob hauv no

Post  Maiv Tooj on 3rd November 2010, 11:28 am



Txhob xav txog lub neej zoo nyob ntiaj teb no, vim peb tus Huab tais tsis yog tus Pleev uas luag ntxhi ntawm cov duab ntseeg, yog tus Vaj raug kev txom nyem hauv cov phau Ntawv Ntshiab.

Tswv Ntuj hais rau ..."Yog koj luag ntxhi es kuv thiaj nyiam koj"




avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Ib hnub tuaj nyeem ib sob lus zoo nyob hauv no

Post  Maiv Paj Lug on 4th November 2010, 5:13 am

Maiv Tooj wrote:

Txhob xav txog lub neej zoo nyob ntiaj teb no, vim peb tus Huab tais tsis yog tus Pleev uas luag ntxhi ntawm cov duab ntseeg, yog tus Vaj raug kev txom nyem hauv cov phau Ntawv Ntshiab.

Tswv Ntuj hais rau ..."Yog koj luag ntxhi es kuv thiaj nyiam koj"


Maiv Tooj koj cov sab lus saum no txhais li cas tiag ne, kuv nyeem mus nyeem los zoo li kuv to taub tsis tshuam tas vim nws txhais tau ntau yam heev. o)




<3 <3 Pab kuv rov los cuag koj Huab Tais Yesxus <3 <3
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5201
Date d'inscription : 2009-08-18

Re: Ib hnub tuaj nyeem ib sob lus zoo nyob hauv no

Post  Maiv Tooj on 4th November 2010, 7:22 am



Maiv paj Lug,

Kuv xav hais tias:

HT. Yes Xus nws yeej tsis luag ntxhi li, yog peb kaj siab lug luag ntxhi, ua tej yam li peb nyiam, peb ntshaw xwb ntshe peb yuav tsis tau Ntuj txiaj ntsim, tsis tau txais Ntuj lub Ceeb Tsheej. Ntshe yuav tau yuam yus tus kheej taug txoj kev zoo kev huv, txawm yuav ua rau yus chim siab nyuaj siab los tsuav yog ua qhov zoo xwb mas yuav zoo dua qhov uas yus ua tej yam tsis zoo tab sis muaj kev zoo siab rau yus, xws li niaj hnub nim no coob leej yuam kev rau lawv tej kev zoo siab...Yog kev txhoj kev txhaum xwb.

Nqes ob mas kuv xav tias yog yus zoo siab hlo luag ntxhi mas Tswv Ntuj nyiam yus dua...Qhov yus zoo siab luag ntxhi ntawd txhai tau tias txawm yus muaj kev nyuaj siab, los yus yuav zoo siab txais yus tej kev nyuaj siab ntawd. Yus yuav muab tej kev nyuaj siab los ua ib lub txiaj ntsim es txhob muab yus tej kev nyuaj siab los ua ib lub txim txhuam. Yog yus zoo siab hlo txais yus tej kev nyuaj siab ntxhov plawv ces cia li zoo li yus tsis nyuaj siab lawm. Yus ua neeg tsis nyuaj siab ces tswv Ntuj nyob ze yus, vim yus lub siab tus, yus tsis muaj caub muaj chim nyob hauv yus lub siab. Yus tsis xav txog tej kev phem, kev txov luag tej tas li...



avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5201
Date d'inscription : 2009-08-18

Re: Ib hnub tuaj nyeem ib sob lus zoo nyob hauv no

Post  Maiv Tooj on 22nd November 2010, 12:14 pm



Nyob zoo Maiv paj Lug,

Koj hsai ib hnub nyeem ib zaj, kuv hais tias ib xyoo yuav mus ib zaug Pélerinage
Koj tias ib hnub nyeem ib los, kuv hais tias ib xyoo yuav tau mus sau siab ib qho.




avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Ib hnub tuaj nyeem ib sob lus zoo nyob hauv no

Post  Maiv Paj Lug on 23rd November 2010, 3:58 am

Zoo kawg li os Maiv Tooj....xyoo no kuv kam mus ob qho chaw diam, lwm xyoo lub 7 hli kuv yuav npaj siab mus rau Lissieux mus cuag Sainte-Thérèse thiab yuav npaj siab mis cuag Sainte Catherine Labouré nyob Paris.

Yog lawm hnub koj npaj siab tau no peb koom siab mus ib zaug Italy peb mus xyuas Padre Pio thiab Sainte Rita ua ke nawb.




<3 <3 Pab kuv rov los cuag koj Huab Tais Yesxus <3 <3
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5201
Date d'inscription : 2009-08-18

Re: Ib hnub tuaj nyeem ib sob lus zoo nyob hauv no

Post  Maiv Tooj on 26th November 2010, 9:31 am



nyob zoo Maiv paj Lug,

Hnub no kuv tuaj nyeem tau sob lus nov:

Lus Kas Ntawv Moo Zoo 21,7-8

7 Lawv nug nws hais tias : “Xib Hwb, yuav yog lub caij twg tej ntawd li tshwm sim tuaj nrog tej lub cim zoo li cas ?”
8 Nws hais tias : “Nej ceev faj txhob yuam kev. Muaj coob leej yuav qiv kuv npe tuaj hais tias : Kuv yog tus tseem thiab lub caij nyoog txog ze. Tsis txhob qaug lawv lawv qab.







avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5201
Date d'inscription : 2009-08-18

Re: Ib hnub tuaj nyeem ib sob lus zoo nyob hauv no

Post  Maiv Tooj on 26th November 2010, 10:28 am


Nthuav Ntawv Ntshiab, Tim 14 lub 11 hlis 2010
Tus sau: TP. Cwj Vuam Chiv


Thaum lub 5 hlis xyoo 2010, muaj neeg caw kuv mus ncig txog peb tsoom kwv tij neej tsa nyob ntuj qub qab. Lawv muaj kev txom nyem ntau yam. Thawj yam kev txom nyem loj, kuv pom lawv tsis muaj kev twj lij, vim txoj kev cai koom tshaj txwv thiab khoo sawv daws tsis pub leej twg ua ywj nyias siab, txwv tsis pub neeg sib txoos ua npoj, tsis tso lus rau cov ntseeg sib sau teev ntuj. Kuv mus txog, muaj ib co hluas Hmoob nqes pem zos tuaj nram nroog li 20 tawm leej. Peb tau sib ntsib sib tham 10 hnub ua ke. Tas ntawd, lawv tau caw kuv mus saib lawv zos. Sim neej, txij lawv thim dab qhuas los teev Tswv Ntuj, tsis muaj ib tug txiv plig mus ib taws txog rau lawv tej zos. Tej poj niam me nyuam thiab cov laus mob laug qas ntsuav yuav zoo siab pom, yog muaj txiv plig mus saib xyuas txog lawv. Peb sib hais haum tas, Tswv Qhia kuj tso lus cia kuv mus saib Hmoob. Kuv vam tias kuv yuav tau mus pom Hmoob tej zos, kev ua neej, kev noj haus, npaj mus nyob 3 hnub. Tag kis kaj ntug yog hnub sawv kev. Yuav mus ib hnub ob tog tsaus lis txog lawv zos pem tej roob. Tiam sis, hmo ntawd, Tswv Qhia rov cheem kuv txhob rawm mus. Los txog tav li no, twb tsis muaj txiv plig twg tau luag mus txog cov zos no. Kuj muaj tub ceev xwm zov kev thiab mus ncig txog Hmoob tej zos, tsam muaj lus. Vim li ntawd, cov Hmoob kuj khuv xim kawg. Ntawm kuv los tib yam, khuv xim tsis tau nrog lawv ua ke mus saib lawv zos raws li tau teem tseg. Kuv thiaj nug tias ua li, puas muaj lwm cov zos nyob ze, leej twg puas khoom coj kuv mus ncig txog ? Muaj ib tug txiv plig, ib tug niam nkaub xwb thiab ib tug hluas Hmoob thiaj coj kuv, peb mus xyuas ib lub zos deb li 160 km. Txiv plig tau mus ib zaug hauv lub zos xwb thiab zaum no yog zaum ob. Peb mus txog chaw ze 10 h 30, mus so hauv tus xib hwb Hmoob tsev. Tej poj niam me nyuam sawv daws tuaj nplawg ntia ib pliag xwb tsev ntsawm nkaus. Thaum 11 teev, peb ua ib Thaj Txi Ntuj, ntxuav plig rau 8 leej me nyuam thiab 2 tug pog laus thiab ua lub cim pleev rau cov neeg mob. Yog thawj zaug muaj ib Thaj Txi Ntuj hauv lub zos no thiab ua lus Hmoob. Sawv daws zoo siab kawg, tsis yog npau suav. Xaus lub Txoos Txi Ntuj tag nrho xwb, lawv hais tias muaj tub ceev xwm yuav tuaj ntsib peb. Tus txiv plig thiaj hais tias ntshai kuv yuav tsis txhob nyob ntawm chaw rau luag pom, luag tuaj luag yuav nug ntau yam. Kuv los tsis paub lus yuav nrog luag tham tau. Cia lawv mam nyob tos cov tub ceev xwm yuav tuaj. Ntuj txawm cia li los ib kob nag hlob hlob tam sis ntawd, dej sab siv kuav lug ntws nto. Tso phij xab, ntaub ntawv tseg, mus tes dawb tes npliag, peb ob peb leeg thiab tus puav poj niam tawm sab qhov rooj txuas. Kuv raws ib tug hluas, wb cia li plov nag mus nkag rau ib lub tsev tas, rov tawm lub tsev ntawd mus nkag dua lwm lub. Kuv to taub tias lawv coj kuv chaws lub tsev tawm mus nkag dua lwm lub yog coj kuv tsiv nraim. Txog hauv lub tsev ntawd, zaum zoj ib pliag, ib tug poj niam ev me nyuam thiab nqa tau ob daim ntaub tiv nag tuaj ntxhi rau Ntxawg. Kom wb tsis txhob mus txoj kev saum roob, txoj qub kab peb tuaj. Wb mus txoj raws kuj ha los txais txoj kev loj peb los mus sib tos nram nroog ntawm lub chaw sam roj. Hauv lub tsev ntawd, muaj ib tug txiv neej thiab. Nkawd ob leeg coj kuv, ib tug ua ntej ib tug lawv kuv qab, peb pib nqes mus raws kwj ha. Ib tug niam poj Hmoob khiav tuaj xa kuv hais rau kuv tias : khuv xim kuv tuaj txog ib zaug tsis tau mov noj kom kuv txhob tu siab. Vim lub teb chaws tsis thaj yeeb, kuv tuaj txog tib pliag xwb, kuv rov qab lawm los xab lwm nyeej kuv rov tuaj xyuas lawv dua…Cov ntseeg Hmoob lub neej mus raws li Yes Xus cov lus peb hnov hnub no : “Thaum nej hnov hais tsov rog thiab kev kub ntxhov, tsis txhob ntshai. Tej ntawd yuav tsum tshwm sim ua ntej, tsis tau txog caij kawg” Lawv nyob hauv ib lub teb chaws ua tsov ua rog, muaj kev kub ntxhov tau 60 tawm xyoo. Lawv raug txom nyem npaum li cas, pluag qhov noj qhov haus, raug tej tub ceem xwm soj ntsuam ntes mus kaws mus tsim, tsis tau kev teev ntuj hu ntuj. Lawv ua neej ntsia ntsoov ncauj xub ke tos ntshi tav twg Tswv Ntuj li tuaj hlub lawv. Txawm kuv mus txog Hmoob zos tshwm npliv li npau suav xwb, rais lees rov fib qab, tsis tau nrog lawv nyob tham kom txaus siab. Twb yog txiaj yog ntsim Tswv Ntuj teb lawv lub suab hu, pom lawv lub neej tsaus ntuj kev txom nyem. Txawm kuv tsis muaj ib thooj nyiaj muab pub rau lawv. Vim peb txoj kev pluag, lawv los txom nyem yus los neeg pluag, tiam sis rau sawv daws Tswv Ntuj yog peb txoj kev muaj, kev ntshaw, peb lub chaw ntsaub, chaw vam khom. Txawm nom tswv kaw peb kev mus los Tswv Ntuj qhib kev rau peb taug, pub peb tuaj sib cuag ua ib Thaj Txi Ntuj ua Huab Tais tsaug. Sawv daws zoo siab npaum li ntawd, ua leej puav kua muag teev yees vim kev zoo siab.




Sponsored content

Re: Ib hnub tuaj nyeem ib sob lus zoo nyob hauv no

Post  Sponsored content

  • Post new topic

Current date/time is 28th March 2017, 4:58 am