HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Tus neeg nrhiav tau Tswv Ntuj zoo li cas? Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


    Tus neeg nrhiav tau Tswv Ntuj zoo li cas?

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Tus neeg nrhiav tau Tswv Ntuj zoo li cas? Empty Tus neeg nrhiav tau Tswv Ntuj zoo li cas?

    Post  Maiv Paj Lug 7th September 2010, 8:52 am

    Tus neeg nrhiav tau Tswv Ntuj zoo li cas?

    Tus neeg nrhiav tau Tswv Ntuj zoo li cas? Volonte-dieu


    Tus neeg twg mus nrhiav tau Tswv Ntuj, nws tsis yog yuav mus ntsib ib tug tib neeg li peb ,es yuav rov qab los qhia rau txhua leej txhua tus. Tiam sis thaum nws nrhiav tau Tswv Ntuj lawm, Tswv Ntuj tus Ntsuj Plig yuav tuaj nplij nws lub siab thiab pub txiaj ntsim rau nws.



    Yuav ua li cas peb thiaj nrhiav tau Tswv Ntuj?

    Tus neeg nrhiav tau Tswv Ntuj zoo li cas? Paix0710

    Thaum koj muaj siab mus nrhiav Tswv Ntuj tiag tiag lawm, koj yuav tsum xub yeem txo koj lub hwj chim mus ua neeg me ua ntej .

    Thaum koj paub txo koj ua neeg me, koj yuav tsum rub koj lub siab ntev tiag tiag koj thiaj yuav nrhiav tau Tswv Ntuj.

    Thaum koj rub tau koj lub siab ntev, koj yuav tsum zam rau cov neeg tuaj txo koj thiab tuaj thuam koj.

    Yog luag tuaj hais lus phem rau koj, koj yuav tsum tau qhia qhov zoo rau luag, txawm luag ntxub koj , luag thuam koj, los koj yuav tsum txhob ntxub luag thiab koj yuav tau hais qhov zoo rau luag, ces koj yuav ua tau ib tug neeg muaj zog thiab thoob tsib.

    Zaum no koj lub siab npaj tau txhij qhov uas koj yuav nrhiav tau Tswv Ntuj lawm tiag, tab sis koj txhob rawm maj tsa koj lub hwj chim , txhob maj khav tias yus yog neeg zoo zoo, thaum yus npaj tau li no tas lawm Tswv Ntuj tseem yuav sim yus lub siab, Tswv Ntuj tseem yuav pub kev txom nyeem tuaj ti nkaus yus seb yus puas yuav pom Tswv Ntuj lub txiaj ntsim.

    Yog tus neeg twg uv tsis taus tej yam kev txom nyeem tshwm sim hauv nws lub neej, ces tus neeg ntawv yuav pib yws Tswv Ntuj, liam Tswv Ntuj, pib lob ub lob no los cem Tswv Ntuj. Tus neeg zoo li no ,nws kev ntseeg thiab kev tso siab tsawg heev rau Tswv Ntuj ces nws yuav tsis ntsib Tswv Ntuj, Tswv Ntuj yuav tsis qhib nws qhov muag thiab yuav tsis qhib nws pob ntseg hnov yam zoo ntxiv, Tswv ntuj yuav cia nws rov qab mus ua nws lub neej raws nws siab nyiam.

    Hos yog tus neeg twg uv tau txhua yam kev txom nyeem tshwm sim hauv nws lub neej, txawm nws yuav quaj kua muag poob ntws si los nws yeej tseem muaj txoj kev cia siab thiab tos ntsoov Tswv Ntuj, txawm tib neeg khiav nws tas lawm los nws yeej tseem ntseeg tias Tswv Ntuj nyob ze nws,mas tus neeg no yuav muaj txoj hmoo zoo, yuav paub Tswv Ntuj.


    Thaum paub Tswv Ntuj , Tswv Ntuj zoo li cas?

    Tus neeg nrhiav tau Tswv Ntuj zoo li cas? Intimite-jesus

    Tswv Ntuj nrog peb txhua leej txhua tus txuas lus tau hauv nruab dab ntub npau suav thiab looj tsim. Muaj tej thaum Tswv Ntuj kuj yees tawm rau peb pom tiam sis peb tsis paub, vim Tswv Ntuj nyob ntawm tus neeg txom nyeem ib sab. Tswv Ntuj kuj nyob ntawm tus neeg tuag tes tuag taw ib sab, Tswv Ntuj kuj nyob nrog cov neeg muaj mob ib sab . Tswv Ntuj tuaj ntsib peb txhua leej txhua mas nws tuaj tsis sib thooj, vim Tswv Ntuj pub txiaj ntsim rau peb raws peb lub siab ntseeg.

    Nyob rau hauv nruab nrab ntub npau suav, Tswv Ntuj los cuag peb, nws kuj los tau ua tib neeg li peb , muaj tej thaum nws los xyuas peb, nws tuaj nrog Leej Ntuj Plig, peb paub nws vim nws tuaj nrog txoj kev hlub ua rau peb tus npau suav kaj lug, peb zoo siab tshaj saum yaj ceeb no peb tsis xav tsim.

    Thaum Tswv Ntuj ua leej tib neeg tuaj xyuas peb, nws yeej ua rau peb paub thiab peb pom hauv nruab dab ntub npau suav , zoo li thaum Abraham pom Tswv Ntuj nrog 2 tug Tshiab tuaj xyuas nws hauv hav suab puam, Peb pom tsis tau Tswv Ntuj lub ntsej muag, vim peb tsis tau tuag , tiam sis peb yeej pom nws lub cev yog neeg li peb, nws lub hwj huam loj li loj, leej twg tau ntsib Tswv Ntuj lawm ces yeej zoo siab tuag , yuav tsis khuv xim dab tsi tshaj txoj sia nyob mus li.



    Thaum koj nstsib Tswv Ntuj , Tswv Ntuj yeej ua rau koj siab kaj lug. Siab kaj lug yog koj lub siab yaj ntsis cuag li dej ntshiab thiab cua tshuab huv si, uas rau koj tsis muaj lub tswv yim xav phem, tsis muaj dab tsi los tshuam koj lub hlwb ua rau koj mloog tau kaj nrig cuag tshav ntuj.


    Lub sij hawm koj ntsib nrhiav tau Tswv Ntuj lawm ces txhua yam koj yuav uv tau tib si, koj yuav muaj zog txhua sij hawm, yuav tsis muaj neeg rhuav tau koj txoj kev hlub uas txawj txhawv ntawm koj tuaj xws li dej ntshiab.

    Tus neeg nrhiav tau Tswv Ntuj zoo li cas? 1435075809_small


      Current date/time is 18th March 2024, 11:50 pm